This document is an excerpt from the EUR-Lex website
Document 52013SC0275
COMMISSION STAFF WORKING DOCUMENT EXECUTIVE SUMMARY OF THE IMPACT ASSESSMENT Accompanying the document Proposal for a Council Regulation on the establishment of the European Public Prosecutor's Office
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Proposta għal Regolament tal-Kunsill dwar it-twaqqif tal-Uffiċċju tal-Prosekutur Pubbliku Ewropew (EPPO)
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Proposta għal Regolament tal-Kunsill dwar it-twaqqif tal-Uffiċċju tal-Prosekutur Pubbliku Ewropew (EPPO)
/* SWD/2013/0275 final */
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Proposta għal Regolament tal-Kunsill dwar it-twaqqif tal-Uffiċċju tal-Prosekutur Pubbliku Ewropew (EPPO) /* SWD/2013/0275 final */
DOKUMENT TA’ ĦIDMA TAL-PERSUNAL
TAL-KUMMISSJONI SOMMARJU EŻEKUTTIV TAL-VALUTAZZJONI
TAL-IMPATT Li jakkumpanja d-dokument Proposta għal Regolament
tal-Kunsill dwar it-twaqqif
tal-Uffiċċju tal-Prosekutur Pubbliku Ewropew (EPPO) 1.
Definizzjoni
tal-Problema 1.1.
Limiti ta’ miżuri
eżistenti L-infurzar huwa ħafna drabi dgħajjef
jew nieqes minħabba n-nuqqas ta’ struttura ta’ infurzar Ewropea, in-nuqqas
ta’ kontinwità f’azzjoni ta’ infurzar u n-nuqqas ta’ politika sottostanti
komuni ta' prosekuzzjoni Ewropea. Billi reati li jaffettwaw l-interessi
finanzjarji tal-UE huma reati Ewropej ġenwini, il-qafas istituzzjonali u
legali attwali jbati minn reġim ta’ infurzar frammentat kważi
bbażat biss fuq tweġibiet nazzjonali. Barra minn hekk, filwaqt li l-Eurojust u
l-Europol jistgħu u fil-fatt jgħinu lill-Istati Membri biex
jittrattaw dawn il-każijiet, l-ebda waħda minn dawn
l-organizzazzjonijiet ma tista' tindirizza l-kwistjonijiet kollha identifikati,
b’mod partikolari minħabba li ma jistgħux jidderiġu
investigazzjonijiet u prosekuzzjonijiet nazzjonali diretti. Għalkemm
l-OLAF huwa attur ewlieni fil-livell tal-UE fil-ġlieda kontra l-frodi u
l-irregolaritajiet, huwa limitat fl-attivitajiet tiegħu għal
investigazzjonijiet amministrattivi, u jissottometti r-riżultati
lill-awtoritajiet nazzjonali, li jistgħu jiddeċiedu kontra kwalunkwe
segwitu tal-liġi kriminali. Miżuri eżistenti u ppjanati,
inkluża l-Istrateġija ta’ Kontra l-Frodi tal-Kummissjoni (CAFS) u
r-riformi tal-Eurojust, il-Europol u l-OLAF huma insuffiċjenti biex jindirizzaw
dawn il-problemi, anki jekk il-possibilitajiet kollha offruti mit-Trattat
kellhom jintużaw sal-limitu massimu. 1.2.
Livelli baxxi ta’ investigazzjoni,
prosekuzzjoni u deterrenza Il-prosekuzzjoni ta’ reati kontra l-baġit
tal-UE hija ġeneralment meqjusa ta’ importanza sekondarja
mill-awtoritajiet f’għadd ta’ Stati Membri. Peress li ma hemmx awtorità
tal-UE għall-investigazzjoni u l-prosekuzzjoni ta’ reati transfruntiera li
jaffettwaw l-interessi finanzjarji tal-UE, l-isforzi nazzjonali tal-infurzar
tal-liġi għadhom frammentati. Il-livelli attwali ta’ skambju ta’
informazzjoni u koordinazzjoni fil-livell nazzjonali u Ewropew huma
insuffiċjenti biex issir prosekuzzjoni effettiva ta' reati li jaffettwaw
l-interessi finanzjarji tal-UE. Ostakli għall-koordinazzjoni,
il-kooperazzjoni u l-iskambju tal-informazzjoni jseħħu f’livelli
differenti u bejn awtoritajiet differenti u huma ostaklu ewlieni
għall-investigazzjoni u l-prosekuzzjoni effettiva ta’ reati li jaffettwaw
l-interessi finanzjarji tal-UE. Parti verament
żgħira biss tal-ammont totali ta’ frodi hija effettivament irkuprata
minn kriminali: inqas minn 10 %. L-effett deterrenti tar-reġim
attwali ta’ infurzar għalhekk mhux se jkun biżżejjed. Ma hemmx korp ċentralment
imqiegħed li jista’ jindirizza dawn l-ostakli u jiżgura l-kontinwità
fil-proċess tal-investigazzjoni u tal-prosekuzzjoni. 2.
Id-dritt li
taġixxi, is-sussidjarjetà u d-drittijiet fundamentali 2.1.
Bażi legali L-Artikolu 86 TFUE jiddikjara li biex l-EPPO jkollu
jiġġieled ir-reati kontra l-interessi finanzjarji tal-UE, għandu
jiġi stabbilit “mill-Eurojust”, u għandu jkun responsabbli biex
jinvestiga, iħarrek u jressaq quddiem il-ġustizzja dawk li wettqu
dawn ir-reati. L-Artikolu 86 TFUE jispeċifika wkoll proċedura leġiżlattiva
speċjali biex jitwaqqaf l-EPPO: il-Kunsill irid jiddeċiedi dan b’mod
unanimu wara li jkun kiseb l-approvazzjoni tal-Parlament Ewropew. 2.2.
Is-sussidjarjetà u l-ħtieġa ta'
azzjoni mill-UE Investigazzjoni kriminali tal-Istati Membri u
l-awtoritajiet ta’ prosekuzzjoni mhumiex attwalment kapaċi jilħqu
livell ekwivalenti ta’ protezzjoni u infurzar. Billi l-UE hija fl-aħjar
pożizzjoni biex tħares l-interessi finanzjarji tagħha, filwaqt
li tqis ir-regoli speċifiċi tal-UE li japplikaw f'dan il-qasam, hija
wkoll fl-aħjar pożizzjoni biex tiżgura l-prosekuzzjoni ta’ reati
kontra dawn l-interessi. 3.
Objettivi Objettivi: Ġenerali || · Li jikkontribwixxi biex tissaħħaħ il-protezzjoni tal-interessi finanzjarji tal-Unjoni u l-iżvilupp ulterjuri ta’ żona ta’ ġustizzja, u biex tissaħħaħ il-fiduċja tan-negozji tal-UE u ċ-ċittadini fl-istituzzjonijiet tal-Unjoni, filwaqt li jirrispettaw id-drittijiet fundamentali kollha li jinsabu fil-Karta. Speċifiċi / Operattivi || · Li tiġi stabbilita sistema Ewropea koerenti għall-investigazzjoni u għall-prosekuzzjoni ta’ reati li jaffettwaw l-interessi finanzjarji tal-UE. · Li tiġi stabbilita investigazzjoni u prosekuzzjoni effiċjenti u effettiva ta’ reati li jaffettwaw l-interessi finanzjarji tal-UE. · Li jiżdied l-għadd ta’ prosekuzzjonijiet, li jwassal għal aktar kundanni u l-irkupruta' fondi tal-Unjoni miksuba bi frodi. · Li tiġi żgurata kooperazzjoni mill-qrib u skambju ta’ informazzjoni effettiv bejn il-Komunità Ewropea u l-awtoritajiet nazzjonali kompetenti. · Li titjieb id-deterrenza li jsiru reati li jaffettwaw l-interessi finanzjarji tal-UE. 4.
Alternattivi
ta' politika u l-impatt tagħhom Għażliet
li ma jistabbilixxux Uffiċċju tal-Prosekutur Pubbliku Ewropew 4.1.
L-Għażla ta' politika 1:
Xenarju bażiku – L-ebda bidla ta' politika: Ma tittieħed l-ebda azzjoni ġdida
fil-livell tal-UE. Reati li jaffettwaw l-interessi finanzjarji tal-UE jkomplu
jiġu mħarrka biss fil-livell nazzjonali. 4.2.
L-Għażla ta' politika 2:
L-ebda azzjonijiet regolatorji ġodda
fil-livell tal-UE L-ebda azzjoni leġiżlattiva ma
tittieħed fil-livell tal-UE, u l-ebda korpi ġodda mhuma se jkunu
stabbiliti. Madankollu, azzjonijiet fil-livell nazzjonali u tal-Unjoni biex
jiġu miġġielda reati rilevanti jkunu msaħħa permezz
ta’ miżuri mhux leġiżlattivi. 4.3.
L-Għażla ta' politika 3:
It-tisħiħ tas-setgħat tal-Eurojust Din l-għażla tkun tfisser li
l-Eurojust tingħata setgħat ġodda li jagħtu bidu għal
investigazzjonijiet fl-Unjoni kollha. L-Eurojust u l-membri nazzjonali
tagħha jkollhom id-dritt li jagħtu struzzjonijiet li jorbtu
s-servizzi ta’ prosekuzzjoni nazzjonali biex jinbdew investigazzjonijiet u
jipproponu prosekuzzjonijiet fl-Istati Membri skont l-Artikolu 85 TFUE. Għażliet li jistabbilixxu
Uffiċċju tal-Prosekutur Pubbliku Ewropew 4.4.
L-Għażla ta’ Politika 4a:
Il-ħolqien ta’ unità EPPO fi ħdan l-Eurojust Din l-għażla tkun tinvolvi
l-ħolqien ta’ unità ċentrali EPPO fi ħdan l-Eurojust, li b’hekk
issir l-istruttura ta’ kumpanija holding prinċipali tal-EPPO bħala
“l-aġenzija prinċipali”. Unità tal-EPPO jkollha ġurisdizzjoni
esklussiva fuq każijiet li jaffettwaw l-interessi finanzjarji tal-UE, u
tkun magħmula minn prosekuturi u investigaturi speċjalizzati f’reati
finanzjarji. 4.5.
L-Għażla ta' politika 4b:
Il-ħolqien ta' EPPO tat-tip ta' Kulleġġ Simili għal kif l-Eurojust hija
organizzata, l-EPPO jkun organizzat fil-forma ta’ Kulleġġ ta’ membri
nazzjonali maħtura mill-Istati Membri, iżda b’mod aktar ċar u
b'mandat iktar b’saħħtu għall-membri kollha.
Il-Kulleġġ EPPO jieħu deċiżjonijiet
bil-maġġoranza fir-rigward ta’ investigazzjonijiet u
prosekuzzjonijiet ta’ reati li jaffettwaw l-interessi finanzjarji tal-UE mal-UE
kollha. 4.6.
L-Għażla ta' politika 4c:
Il-ħolqien ta' EPPO deċentralizzat F’din l-għażla l-EPPO jkun
jikkonsisti minn uffiċċju ċentrali tal-prosekutur assistit minn
Prosekuturi Delegati Ewropej li jinsabu fl-Istati Membri u integrati
fis-sistemi nazzjonali, li jkollhom l-awtorità tal-prosekuzzjoni
sħiħa skont il-liġi nazzjonali. L-uffiċċju
ċentrali jkollu s-setgħa ġerarkika ta’ struzzjoni fuq
Prosekuturi Delegati Ewropej. L-EPPO jikkoopera ma’ servizzi tal-pulizija u
tal-prosekuzzjoni għat-twettiq tal-kompiti tagħha, u jkun
responsabbli biex jitressqu l-każijiet quddiem il-Qorti. 4.7.
L-Għażla ta' politika 4d:
Il-ħolqien ta' EPPO ċentralizzat Din l-għażla tkun tinvolvi
l-ħolqien ta’ unità ċentrali ta’ EPPO sħiha legali u
kapaċità prattika meħtieġa li twettaq investigazzjonijiet u
prosekuzzjonijiet tar-reati rilevanti, mingħajr dipendenza fuq servizzi
ta’ prosekuzzjoni nazzjonali. 4.8.
Kwistjonijiet orizzontali
għall-Għażliet 4a-4d 1.1.1. Il-kooperazzjoni bejn l-EPPO u
l-Eurojust L-erba’ għażliet li jinvolvu
t-twaqqif ta’ EPPO jeħtieġu li tiġi indirizzata l-kwistjoni
kruċjali tar-relazzjoni tiegħu mal-Eurojust. Il-qsim ta’ servizzi
amministrattivi u funzjonali għandha tifforma parti minn kull għażla.
1.1.2. L-użu ta’ riżorsi
tal-OLAF fit-twaqqif tal-EPPO Parti mir-riżorsi tal-OLAF tkun
tintuża sabiex jitwaqqaf l-EPPO, filwaqt li jitqiesu l-esperjenzi
tagħhom fit-tmexxija ta’ investigazzjonijiet. 1.1.3. Kooperazzjoni ma' pajjiżi
terzi L-għażliet differenti identifikati
għat-twaqqif ta' EPPO jkollhom ukoll jikkunsidraw il-fatt li l-EPPO se
jkun jeħtieġ jikkoopera mal-awtoritajiet ta’ pajjiżi terzi.
Madankollu, id-differenzi bejn id-diversi għażliet dwar dan il-punt
huma marġinali u ma għandhomx jinfluwenzaw l-għażla finali
bejniethom. 5.
Valutazzjoni
tal-Għażliet tal-politika 5.1.
Status quo (l-Għażla ta’
politika 1) — Xenarju bażi L-Impatt Mistenni L-effikaċja fl-ilħiq tal-għanijiet tal-politika || Baxxa. Ma hemm l-ebda raġuni għala wieħed jistenna li inċentivi dgħajfa u l-kapaċità nazzjonali ta’ spiss limitata biex jittrattaw in-natura kumplessa ta’ każijiet tal-frodi tal-UE se jingħelbu mingħajr miżuri korrettivi deċiżivi. L-impatt fuq id-drittijiet fundamentali || L-ebda. Id-drittijiet fundamentali mhux se jkunu affettwati. Il-Karta tad-Drittijiet Fundamentali tiġi applikata biss fejn ikun hemm involuta l-liġi tal-UE, pereżempju fis-sistema tal-Mandat ta' Arrest Ewropew. Fattibbiltà || Għolja. L-impatt fuq is-sistema legali tal-Istati Membri || L-ebda. Ix-xenarju bażi huwa l-għażla li hija l-anqas intrużiva mill-għażliet kollha. L-impatt fuq l-istituzzjonijiet eżistenti tal-Unjoni || L-ebda. Spejjeż || L-ebda. Vantaġġi || Żgħar ħafna. 5.2.
L-ebda azzjonijiet regolatorji ġodda
fil-livell tal-UE (l-Għażla ta' politika 2) L-Impatt Mistenni L-effikaċja fl-ilħiq tal-għanijiet tal-politika || Baxxa. Din l-għażla sa ċertu punt tikkontribwixxi għall-ħolqien ta’ sistema Ewropea aktar koerenti għall-investigazzjoni u għall-prosekuzzjoni ta’ reati rilevanti, u b’hekk ukoll possibilment jissaħħaħ l-effett deterrenti tal-infurzar tal-liġi. Madankollu, din il-kontribuzzjoni tibqa' limitata. L-impatt fuq id-drittijiet fundamentali || Baxx. Id-drittijiet fundamentali, a priori, ftit li xejn jiġu influwenzati minn din l-għażla. Fattibbiltà || Medja. Din l-għażla tkun diffiċli biex tiġi implimentata fil-prattika billi teħtieġ għadd kbir ta’ sforzi f’oqsma differenti. L-impatt fuq is-sistema legali tal-Istati Membri || Baxx. Titjib fl-użu tal-korpi tal-Unjoni kif ukoll l-għodod MLA u għodod simili ta' kooperazzjoni ġudizzjarja jkollhom xi impatti pożittivi fl-Istati Membri. L-impatt fuq l-istituzzjonijiet eżistenti tal-Unjoni || Baxx. Effett limitat fuq il-funzjonament tal-Eurojust u l-OLAF jista’ jkun mistenni. Spejjeż[1] || Moderati. L-ispejjeż f'din l-għażla jammontaw għal madwar EUR 35 miljun.[2] Vantaġġi || Il-benefiċċji ta’ żieda fl-irkupru u fid-deterrenza b'din l-għażla huma pprojettati li jkunu madwar EUR 265 miljun. 5.3.
Eurojust imsaħħa
(l-Għażla ta’ politika 3) Impatt Mistenni L-effikaċja fl-ilħiq tal-għanijiet tal-politika || Baxxa. L-investigazzjoni u l-prosekuzzjoni tar-reati rilevanti jissaħħu biss sa ċertu punt, billi lEurojust tkompli titħalla mingħajr l-ebda awtorità fuq il-prosekuzzjonijiet nazzjonali. L-impatt fuq id-drittijiet fundamentali || Baxx. Id-drittijiet fundamentali jkunu affettwati biss sa ċertu punt minn din l-għażla. Fattibbiltà || Għolja. L-alternattiva fil-biċċa l-kbira tibni fuq istituzzjonijiet eżistenti u l-leġiżlazzjoni rilevanti tal-Unjoni. L-impatt fuq is-sistema legali tal-Istati Membri || Baxx sa medju. L-Eurojust jkollha s-setgħat li tibda investigazzjonijiet u tipproponi prosekuzzjonijiet, imma l-proċedimenti tal-qrati bħala tali jistgħu jkomplu jkunu purament nazzjonali. L-impatt fuq l-istituzzjonijiet eżistenti tal-Unjoni || Baxx sa medju. L-Eurojust f’din l-għażla tikseb xi setgħat addizzjonali iżda tkompli tkun korp Ewropew magħmul minn membri nazzjonali. Spejjeż || Medji. L-ispejjeż f'din l-għażla jammontaw għal madwar EUR 50 miljun. Il-benefiċċji || Il-benefiċċji ta’ żieda fl-irkupru u fid-deterrenza b'din l-għażla huma pprojettati li jkunu madwar EUR 400 miljun. 5.4.
Il-ħolqien ta’ unità EPPO fi ħdan
l-Eurojust (l-Għażla ta' politika 4a) L-Impatt Mistenni L-effikaċja fl-ilħiq tal-għanijiet tal-politika || Medja. Il-prijoritajiet nazzjonali attwali xorta jistgħu jwarrbu prijoritajiet tal-unità tal-EPPO. L-impatt fuq id-drittijiet fundamentali || Baxx. Bħal fl-Għażla 3, mal-ħtieġa ta’ kontroll ġudizzjarju bħal fl-Għażliet 4b-4d. Fattibbiltà || Din l-għażla ta’ fattibilità politika hija limitata, peress li kunflitti ta’ interess u differenzi tal-kultura bejn l-Unità EPPO u l-Eurojust jistgħu jinfluwenzaw l-effikaċja ta’ din l-għażla. L-impatt fuq is-sistema legali tal-Istati Membri || Medju. L-Istati Membri jkollhom jadattaw is-sistemi tagħhom għal EPPO/Eurojust ġdid mgħammra b’ċerti setgħat diretti. L-impatt fuq l-istituzzjonijiet eżistenti tal-Unjoni || Minn medju sa għoli L-Eurojust ikollha bżonn toħloq entità ġdida amministrattiva u tiżgura li din tal-aħħar tibbenefika mill-istrutturi amministrattivi. Spejjeż || Moderati. L-ispejjeż skont din l-għażla jammontaw għal madwar EUR 40 miljun. Il-benefiċċji || Il-benefiċċji ta’ żieda fl-irkupru u fid-deterrenza b'din l-għażla huma pprojettati li jkunu madwar EUR 500 miljun. 5.5.
EPPO tat-tip ta' Kulleġġ
(l-Għażla ta’ politika 4b) L-Impatt Mistenni L-effikaċja fl-ilħiq tal-għanijiet tal-politika || Baxxa sa medja. L-iżvantaġġi assoċjati ma’ struttura tat-tip ta' Kulleġġ jnaqqsu l-biċċa l-kbira tal-benefiċċji. L-impatt fuq id-drittijiet fundamentali || Medju. Koordinazzjoni u kooperazzjoni mtejba jista' potenzjalment ikollhom impatt żgħir fuq il-protezzjoni tad-dejta personali. Fattibbiltà || Medja. It-twaqqif ta’ uffiċċju ċentrali tat-tip ta' kulleġġ li jkun jidderieġi u jikkoordina l-investigazzjonijiet kif ukoll biex jiddeċiedi dwar prosekuzzjonijiet li jinġiebu jkollu impatt negattiv fuq il-fattibbiltà ta’ din l-għażla. L-impatt fuq is-sistemi legali tal-Istati Membri || Medju. L-Istati Membri jkunu jeħtieġu li jadattaw is-sistemi tagħhom mal-kompetenza l-ġdida tal-EPPO biex jidderieġu awtoritajiet nazzjonali ta’ infurzar u prosekuzzjoni u jintervjenu fil-provi nazzjonali. L-impatt fuq l-istituzzjonijiet eżistenti tal-Unjoni || Minn medju sa għoli. Din l-għażla jkollha impatt limitat fuq l-Eurojust. Il-bqija tal-partijiet tal-OLAF iżommu l-kompetenza tagħhom biex jeżerċitaw ċerti funzjonijiet amministrattivi. Spejjeż || Moderati. L-ispejjeż skont din l-għażla jammontaw għal madwar EUR 70 miljun.[3] Il-benefiċċji || Moderati. Il-benefiċċji ta’ żieda fl-irkupru u fid-deterrenza b'din l-għażla huma pprojettati li jkunu madwar EUR 500 miljun. 5.6.
EPPO ma’ organizzazzjoni ġerarkika
deċentralizzata (l-Għażla ta' politika 4c) L-Impatt Mistenni L-effikaċja fl-ilħiq tal-għanijiet tal-politika || Għolja. Din l-għażla timplika t-twaqqif ta’ korp speċjalizzat li jieħu ħsieb kemm investigazzjonijiet u kemm prosekuzzjonijiet b’mod koordinat u integrat. L-impatt fuq id-drittijiet fundamentali || Medju. Koordinazzjoni u kooperazzjoni mtejba jista' potenzjalment ikollhom impatt żgħir fuq il-protezzjoni tad-dejta personali. Fattibbiltà || Minn medja sa għolja. Konsultazzjonijiet mal-partijiet interessati jikkonfermaw li din għandha tkun għażla fattibbli. L-impatt fuq is-sistemi legali tal-Istati Membri || Medju. L-Istati Membri jkunu jeħtieġu li jadattaw is-sistemi tagħhom mal-kompetenza l-ġdida tal-EPPO biex jidderieġu awtoritajiet nazzjonali ta’ infurzar u prosekuzzjoni u jintervjenu fil-proċessi nazzjonali. L-impatt fuq l-istituzzjonijiet eżistenti tal-Unjoni || Minn medju sa għoli. Din l-għażla jkollha impatt limitat fuq l-Eurojust. OLAF imnaqqas iżomm il-kompetenza tiegħu biex jeżerċita ċerti funzjonijiet amministrattivi. Spejjeż || Moderati. L-ispejjeż skont din l-għażla jammontaw għal madwar EUR 370 miljun. Il-benefiċċji || Il-benefiċċji ta’ żieda fl-irkupru u fid-deterrenza b'din l-għażla huma pprojettati li jkunu madwar EUR 3 200 miljun. 5.7.
EPPO ma’ organizzazzjoni ġerarkika
ċentralizzata (l-Għażla ta' politika 4d) L-Impatt Mistenni L-effikaċja fl-ilħiq tal-għanijiet tal-politika || Għolja. EPPO jingħata setgħat biex jikkontrolla u jmexxi investigazzjonijiet. L-impatt fuq id-drittijiet fundamentali || Minn medju sa għoli. L-analiżi li saret rigward l-Għażla 4c tapplika hawnhekk ukoll. Fattibbiltà || Medja. Din l-għażla tkun timplika bidliet importanti ħafna fis-sistemi amministrattivi u ġudizzjarji tal-Istati Membri. L-impatt fuq is-sistema legali tal-Istati Membri || Għoli. L-Istati Membri jkollhom jadattaw is-sistemi tagħhom għal korp estern ġdid li jintervjeni direttament fi qrati nazzjonali. L-impatt fuq l-istituzzjonijiet eżistenti tal-Unjoni || Għoli. L-istess għall-Għażliet 4b u 4c. Spejjeż || Minn medji sa għoljin. L-ispejjeż skont din l-għażla jammontaw għal madwar EUR 820 miljun. Il-benefiċċji || Il-benefiċċji ta’ żieda fl-irkupru u fid-deterrenza b'din l-għażla huma pprojettati li jkunu madwar EUR 2 900 miljun. 5.8.
Il-kwistjonijiet orizzontali 1.1.4. Il-kooperazzjoni tal-EPPO
mal-Eurojust Għall-benefiċċju reċiproku
tagħhom, il-qsim amministrattiv tal-Eurojust u s-servizzi ta’
appoġġ tal-EPPO jidhru mhux biss meħtieġa imma wkoll
fattibbli. 1.1.5. L-użu ta’ riżorsi
tal-OLAF fit-twaqqif tal-uffiċċju ċentrali ta' implikazzjonijiet
tal-EPPO Parti ta’ riżorsi attwali tal-OLAF
għandhom iservu biex iwaqqfu l-uffiċċju ċentrali tal-EPPO.
Madankollu, ċerti funzjonijiet amministrattivi ta’ investigazzjoni
tal-OLAF li mhumiex ta’ natura kriminali jridu jkomplu jiġu
eżerċitati. 1.1.6. Kooperazzjoni ma' pajjiżi
terzi Kif intqal aktar 'il fuq, id-differenza bejn
l-għażliet f’dan ir-rigward ma jiġġustifikawx l-użu
ta’ dan il-kriterju bħala deċiżivi għall-għażla
bejn l-għażliet differenti 6.
Il-valutazzjoni
komparattiva Objettivi/ spejjeż || L-Għażla ta' politika 1 || L-Għażla ta' politika 2 || L-Għażla ta' politika 3 || L-Għażla ta' politika 4a || L-Għażla ta' politika 4b || L-Għażla ta' politika 4c || L-Għażla ta' politika 4d Sodisfar tal-għanijiet ta' politika || Baxx || Baxx || Medju || Medju || Medja || Għoli || Għoli Benefiċċju nett annwali[4] || L-ebda impatt prinċipali || EUR 25 miljun || EUR 35 miljun || EUR 50 miljun || EUR 50 miljun || EUR 315-il miljun || EUR 250 miljun Kost-effettività[5] || - || Baxx || Medju || Medju || Medju || Għoli || Medju L-impatt fuq id-drittijiet fundamentali || - || Baxx || Baxx || Baxx || Minn medju sa Għoli || Minn medju sa għoli || Minn medju sa Għoli Fattibbiltà || Għolja || Għolja || Għolja || Medja || Medja || Medja sa Għolja || Medja L-impatt fuq l-istituzzjonijiet eżistenti tal-Unjoni || - || Baxx ħafna || Baxx sa medju. || Minn medju sa Għoli || Minn medju sa Għoli || Minn medju sa għoli || Għoli L-impatt fuq is-sistemi legali tal-Istati Membri || - || - || Baxx || Medju || Medju || Medju || Għoli 7.
Kooperazzjoni
msaħħa Kif indikat hawn fuq, it-Trattat jipprevedi
l-possibbiltà li jiġi stabbilit EPPO ieħor permezz ta’ kooperazzjoni
msaħħa, jekk it-teħid ta' deċiżjonijiet bl-unanimità
ifalli fil-Kunsill. Din il-Valutazzjoni tal-Impatt ma teżaminax
fid-dettall x'ikun l-impatt speċifiku tad-diversi għażliet varji
skont proċedura leġiżlattiva differenti. 8.
Il-monitoraġġ
u l-evalwazzjoni Il-Kummissjoni qed tippjana li twettaq studju
ta’ statistika speċifika bejn sentejn u erba’ snin wara li jitlesta
t-twaqqif ta’ EPPO. L-istudju għandu b’mod partikolari janalizza numru ta’
każijiet u l-ammonti involuti fl-attivitajiet tal-EPPO. [1] L-ispejjeż u l-benefiċċji kollha huma
espressi f’valuri attwali kumulattivi (fi prezzijiet tal-2012), matul perjodu
ta’ 20 sena. [2] Għad-dettalji tal-kalkoli tal-ispejjeż ara
l-Anness 4 tal-Valutazzjoni tal-Impatt. [3] Għall-kalkolu tal-ispejjeż u
l-benefiċċji ara l-Anness 4 tal-Valutazzjoni tal-Impatt. [4] Ara l-Anness 4 għal aktar dettalji. [5] Jindika r-riżultati ta’ analiżi ta’
spejjeż/benefiċċji għal kull għażla.