52013SC0009

DOKUMENT TA’ ĦIDMA TAL-PERSUNAL TAL-KUMMISSJONI

SOMMARJU EŻEKUTTIV TAL-VALUTAZZJONI TAL-IMPATT

Li jakkumpanja d-dokumenti

Proposta għal Regolament tal-Parlament Ewropew u tal-Kunsill dwar l-Aġenzija tal-Unjoni Ewropea għall-Ferroviji u li jħassar ir-Regolament (KE) Nru 881/2004 Proposta għal Direttiva tal-Parlament Ewropew u tal-Kunsill dwar l-interoperabilità tas-sistema ferrovjarja fl-Unjoni Ewropea (Riformulazzjoni) Proposta għal Direttiva tal-Parlament Ewropew u tal-Kunsill dwar is-sikurezza ferrovjarja (Riformulazzjoni)

1. Definizzjoni tal-problema

Filwaqt li f'xi Stati Membri l-awtoritajiet ferrovjarji nazzjonali ġeneralment jaħdmu b'mod effiċjenti, f'oħrajn għandhom nuqqas kbir ta' persunal u/jew jamministraw proċeduri twal u li jiswew wisq. Fl-istess ħin, ir-rekwiżiti ta' interoperabilità u tas-sikurezza, li fil-prinċipju kellhom jiġu allinjati permezz ta' regoli komuni tal-UE, għadhom ivarjaw b'mod notevoli fil-livell nazzjonali, tant li joħolqu ostakli għall-aċċess, speċjalment għal min jidħol ġdid. Dan jaffettwa partikolarment il-merkanzija minħabba li s-swieq tal-merkanzija bil-ferrovija ilhom miftuħin għal għadd ta' snin. Dawk li jidħlu ġodda huma relattivament iktar vulnerabbli għall-kumplessità u d-dewmien fil-proċeduri peress li r-riżorsi umani u finanzjarji tagħhom spiss ikunu limitati.

Il-proċeduri eżistenti li jiswew ħafna u li huma twal, speċjalment dawk biex tinkiseb awtorizzazzjoni għal vettura ferrovjarja u ċertifikat tas-sikurezza għall-impriża ferrovjarja, huma fatturi importanti li jxekklu l-iżvilupp tas-suq ferrovjarju tal-UE u t-tħaddim effiċjenti tiegħu. Minbarra li huma kkumplikati u jieħdu wisq żmien, dawn il-proċeduri ma jiggarantixxux livell suffiċjenti ta' rikonoxximent reċiproku taċ-ċertifikati u tal-awtorizzazzjonijiet. Dawn jaffettwaw ħażin, b'mod partikolari, lill-kumpaniji ġodda li jixtiequ jidħlu fis-suq, u b'hekk jikkontribwixxu għal livell baxx ta' kompetizzjoni u distorsjoni dejjiema fis-suq.

Il-partijiet interessati ilmentew ukoll li l-awtoritajiet ferrovjarji nazzjonali jistgħu jużaw argumenti tekniċi flimkien ma' tradizzjoni ta' regoli nazzjonali diverġenti u li mhux dejjem ikunu trasparenti sabiex ixexxklu l-aċċess għal min jidħol ġdid. Skont ir-riżultati tal-konsultazzjoni mmirata, dawk li jidħlu ġodda jistgħu, fost l-oħrajn, jiffaċċjaw diskriminazzjoni mill-Awtoritajiet Nazzjonali għas-Sikurezza (NSAs) meta japplikaw għal ċertifikat tas-sikurezza jew matul il-proċessi ta' awtorizzazzjoni tal-vetturi. Il-partijiet interessati rrapportaw, b'mod iktar speċifiku, li l-proċeduri li jwasslu għall-għoti ta' ċertifikat tas-sikurezza u għall-awtorizzazzjoni tal-vetturi mhumiex armonizzati u trasparenti biżżejjed biex jevitaw deċiżjonijiet arbitrarji u diskriminatorji mill-NSAs.

Minkejja r-rwol importanti tagħha fil-ħolqien tal-leġiżlazzjoni Ewropea dwar l-interoperabilità u s-sikurezza ferrovjarja, jidher biċ-ċar li bħalissa l-ERA ma għandhiex setgħat kbar ta' kontroll u sorveljanza fir-rigward tal-awtoritajiet ferrovjarji nazzjonali, tal-managers tal-infrastrutturi jew tal-atturi fis-suq. Ir-responsabilitajiet tagħha fir-rigward tal-monitoraġġ huma prattikament limitati għall-monitoraġġ tal-prestazzjoni tas-sikurezza u tal-interoperabilità (permezz tal-pubblikazzjoni ta' rapporti regolari u l-ġbir u l-pubblikazzjoni ta' indikaturi tas-sikurezza komuni u l-iffaċilitar tal-kooperazzjoni bejn l-NSAs u l-NIBs).

2. Sussidjarjetà

L-Artikoli 58, 90 u 100 tat-Trattat jestendu l-għanijiet ta' suq intern ġenwin fil-kuntest ta' Politika Komuni tat-Trasport tal-UE għal-linji ferrovjarji.

L-azzjonijiet tal-Istati Membri waħedhom ma jistgħux jiżguraw il-koerenza tas-suq ferrovjarju tal-UE u jindirizzaw l-interpretazzjoni diverġenti tal-leġiżlazzjoni, peress li l-persistenza tar-regoli nazzjonali u t-tħaddim mhux ottimali tal-istituzzjonijiet nazzjonali, li jaġixxu bħala ostakli għas-suq intern, huma fil-fatt fil-qalba tal-problema. Azzjoni fil-livell tal-UE għandha l-għan li tiżgura implimentazzjoni konsistenti tal-acquis dwar il-ferroviji tal-UE, li għandha twassal għall-ħolqien taż-Żona Ferrovjarja Unika Ewropea mingħajr ebda ostakolu amministrattiv u tekniku bla bżonn.

3. Għanijiet

Għan ġenerali:

L-eliminazzjoni tal-ostakli amministrattivi u tekniċi eżistenti biex b'hekk tittejjeb il-kompetittività tas-settur ferrovjarju fir-rigward ta' modi ta' trasportoħrajn u tiġi żviluppata ż-Żona Ferrovjarja Unika Ewropea.

Għanijiet speċifiċi:

SO1:        L-iffaċilitar tad-dħul ta' operaturi ġodda fis-suq

SO2:        It-tnaqqis tal-kost amministrattiv tal-impriżi ferrovjarji

Għanijiet operazzjonali:

OO1:       It-titjib fil-proċeduri ta' ċertifikazzjoni tas-sikurezza u ta' awtorizzazzjoni tal-vetturi

OO2:       Il-garanzija ta' nuqqas ta' diskriminazzjoni fl-għoti u r-rikonoxximent ta' ċertifikati tas-sikurezza u awtorizzazzjonijiet tal-interoperabilità fl-UE kollha

OO3:       Iż-żieda fil-koerenza tal-oqfsa legali nazzjonali, l-iktar dawk marbutin mal-aspetti tas-sikurezza u l-interoperabilità tas-suq intern tal-ferroviji

Tfasslu l-miri li ġejjin għall-għanijiet operazzjonali:

· li, sal-2025, jitneħħew ir-regoli nazzjonali kollha li mhumiex meħtieġa (ara OO3)

· li, sal-2025, isir tnaqqis addizzjonali ta' 20% fit-tul ta' żmien stabbilit biex impriżi ferrovjarji ġodda jidħlu fis-suq, meta mqabbel max-xenarju ta' referenza fl-2025 (ara OO1 u OO2)

· li, sal-2025, isir tnaqqis ta' 20% fil-kost u t-tul tal-awtorizzazzjoni tal-vetturi ferrovjarji meta mqabbel max-xenarju ta' referenza fl-2025 (ara OO1 and OO2)

4. Għażliet ta' politiki

Abbażi tal-kontroll tal-miżuri individwali, il-Kummissjoni identifikat ħames għażliet ta' politiki (għażliet 2-6), minbarra x-xenarju ta' referenza. L-għażliet 2-5 tfasslu b'mod li jolqtu l-iktar il-livell ta' interazzjoni bejn l-Aġenzija Ferrovjarja Ewropea (ERA jew l-Aġenzija) u l-awtoritajiet nazzjonali u kollha kapaċi jindirizzaw it-tliet għanijiet operazzjonali stabbiliti fit-taqsima 3. L-Għażla 6 hija ġabra ta' miżuri orizzontali li fil-maġġoranza tagħhom huma indipendenti mill-interazzjonijiet bejn l-ERA u l-awtoritajiet nazzjonali u jistgħu jiġu applikati flimkien ma' kwalunkwe waħda mill-għażliet 2 sa 5, li mistennija ssaħħaħ l-impatt ġenerali finali.

Għażla 1: Xenarju ta' referenza (ma jsir xejn) – tiġi ssoktata l-mogħdija li bħalissa hija stabbilita għas-settur

Għażla 2: Rwol ta' koordinazzjoni ikbar għall-Aġenzija sabiex ikun żgurat approċċ koerenti fir-rigward taċ-ċertifikazzjoni tal-impriżi ferrovjarji u l-awtorizzazzjoni tal-vetturi

Għażla 3: L-ERA bħala punt ta' kuntatt waħdieni, fejn id-deċiżjoni finali dwar iċ-ċertifikazzjoni u l-awtorizzazzjoni tibqa' f'idejn l-NSAs, iżda l-ERA twettaq il-verifiki ta' dħul u ħruġ tal-applikazzjonijiet u tad-deċiżjonijiet

Għażla 4: Qsim tal-kompetenzi bejn l-ERA u l-NSAs, fejn id-deċiżjoni finali dwar iċ-ċertifikazzjoni u l-awtorizzazzjoni tittieħed mill-Aġenzija

Għażla 5: L-ERA tieħu f'idejha l-attivitajiet tal-NSAs fir-rigward taċ-ċertifikazzjoni tal-impriżi ferrovjarji u l-awtorizzazzjoni tal-vetturi

Għażla 6: Miżuri orizzontali, li jinkludu miżuri leġiżlattivi u mhux vinkolanti oħrajn (lil hinn mill-qsim tar-responsabilitajiet bejn l-awtoritajiet nazzjonali u l-ERA) li jistgħu jiġu implimentati biex titjieb il-kompetittività tas-settur ferrovjarju.

Hawn taħt tidher tabella li turi l-pakketti politiċi kollha flimkien bil-miżuri politiċi individwali.

Sommarju tal-għażliet ta' politiki

Għażla 1 || Għażla 2: Tisħiħ tar-rwol tal-"Koordinazzjoni" tal-ERA fil-konfront tal-NSAs || Għażla 3: L-ERA bħalaPunt ta' kuntatt wieħed || Għażla 4: Qsim tal-kompetenzi bejn l-ERA u l-NSAs || Għażla 5: L-ERA tieħu f'idejha l-attivitajiet tal-NSAs

Xenarju ta' Referenza || Tisħiħ tar-rwol tal-“koordinazzjoni” u superviżjoni tal-ERA fir-rigward tal-NSAs b'rabta mal-għoti tal-awtorizzazzjonijiet tal-vetturi u ċ-ċertifikati tas-sikurezza, inkluż l-iżgurar tar-rikonoxximent reċiproku tagħhom mill-awtoritajiet nazzjonali. || L-ERA taqsam il-kompetenzi mal-NSAs fir-rigward tal-għoti taċ-ċertifikati tas-sikurezza lill-impriżi ferrovjarji u l-awtorizzazzjonijiet tal-vetturi (il-kunċett ta' "punt ta' kuntatt wieħed"): id-deċiżjoni tittieħed mill-NSA filwaqt li l-ERA twettaq verifiki tad-"dħul u l-ħruġ" tal-applikazzjoni. || L-ERA taqsam il-kompetenzi mal-NSAs fir-rigward tal-għoti ta' ċertifikati tas-sikurezza u awtorizzazzjonijiet tal-vetturi: kunċett ta' "punt ta' kuntatt wieħed" mal-NSAs (li jaġixxu bħala uffiċċji reġjonali tal-ERA) li jikkontribwixxu, iżda d-deċiżjoni finali tibqa' f'idejn l-ERA. || L-ERA tieħu f'idejha l-kompetenzi tal-NSAs rigward l-għoti taċ-ċertifikati lill-impriżi ferrovjarji u l-awtorizzazzjonijiet tal-vetturi.

L-ERA sservi bħala korp ta' appell għal uħud mid-deċiżjonijiet tal-NSAs

Bidla lejn ċertifikat tas-sikurezza uniku (komuni) u awtorizzazzjoni unika tal-vetturi (tfassil ta' "passaport" Ewropew għall-vetturi): l-awtoritajiet nazzjonali joħorġu ċertifikati tas-sikurezza uniċi u awtorizzazzjonijiet uniċi tal-vetturi (rikonoxxuti b'mod reċiproku skont id-definizzjoni) || Bidla lejn ċertifikat tas-sikurezza uniku (komuni) u awtorizzazzjoni unika tal-vetturi (tfassil ta' "passaport" Ewropew għall-vetturi): l-ERA toħroġ ċertifikati tas-sikurezza uniċi u awtorizzazzjonijiet uniċi tal-vetturi (L-appelli għad-deċiżjonijiet tal-ERA jintbagħtu lil korp tal-appelli separat)

L-ERA tikkontrolla l-funzjonament tal-NSAs (eż. l-iżvilupp ta' linji gwida u l-aderenza tal-awditjar magħhom).

Tisħiħ tar-rwol tal-“koordinazzjoni” u superviżjoni tal-ERA fir-rigward tan-NoBos dwar: approvazzjoni tat-tip; ċertifikazzjoni tal-vetturi ferrovjarji; ċertifikazzjoni tal-ERTMS u akkreditazzjoni tan-NoBos.

Għażla 6: miżuri orizzontali (indipendenti mil-livell ta' interazzjoni bejn l-ERA/l-awtoritajiet nazzjonali) || Tisħiħ tal-azzjoni tal-Kummissjoni barra l-proċedura ta' ksur, l-iktar għan-nuqqas ta' diskriminazzjoni fis-suq ferrovjarju

Emendar tad-direttivi dwar l-interoperabilità u s-sikurezza biex tkun tista' ssir l-adozzjoni tal-atti ta' implimentazzjoni li jistabbilixxu prinċipji u prattiki komuni għall-awtoritajiet nazzjonali

Tisħiħ tar-rwol tal-ERA fil-monitoraġġ u l-kontroll tal-implimentazzjoni tal-leġiżlazzjoni nazzjonali dwar is-sikurezza u l-interoperabilità

Bidla minn regoli nazzjonali dwar aspetti tekniċi u tas-sikurezza għal sistema ta' regoli tal-UE (rekwiżit li l-awtoritajiet nazzjonali jneħħu regoli żejda u tiġi limitata l-possibilità li jadottaw regoli ġodda).

Tisħiħ tar-rwol tal-ERA fit-tqassim ta' tagħrif u taħriġ b'rabta mal-ferroviji.

Tisħiħ tar-rwol tal-ERA fl-għoti ta' pariri u appoġġ għall-Istati Membri u partijiet interessati oħrajn fl-implimentazzjoni tal-leġiżlazzjoni dwar is-sikurezza u l-interoperabilità

Komunikazzjoni mill-Kummissjoni dwar il-linji gwida għall-interpretazzjoni ta' liġijiet u deċiżjonijiet speċifiċi tal-UE (inklużi Speċifikazzjoni Teknika għall-Interoperabilità, TSIs)

Tisħiħ tar-rwol tal-ERA fl-identifikazzjoni ta' spare parts potenzjali li għandhom jiġu standardizzati u l-koordinazzjoni tal-attivitajiet tal-industrija f'dan il-qasam

Għall-finijiet ta' trasparenza, l-għażliet kollha l-ewwel ġew ivvalutati b'mod individwali u wara flimkien mal-għażla 6 li għandha effett amplifikatur fuq l-għażliet l-oħrajn.

5. Valutazzjoni tal-impatti

Minħabba l-enfasi qawwija fuq l-effiċjenza operazzjonali, l-impatti essenzjali ta' din l-inizjattiva huma dawk ekonomiċi, filwaqt li l-impatti soċjali u ambjentali huma fil-parti l-kbira indiretti u xi drabi negliġibbli. L-impatti diretti huma kkwantifikati, filwaqt li l-impatti indiretti huma vvalutati f'termini kwalitattivi.

Il-valutazzjoni kwantitattiva tal-impatti diretti tikkonsisti:

· fil-kalkolu ta' kemm ġie ffrankat f'kostijiet u ż-żmien li ħadu l-proċessi ta' ċertifikazzjoni u awtorizzazzjoni (inklużi l-iffrankar fuq il-kostijiet amministrattivi għall-operaturi);

· fil-kalkolu tal-iffrankar imwettaq mill-operaturi fil-livell ta' kostijiet tal-għażla li jirriżulta minn żmien imnaqqas biex jitqiegħdu fis-suq vetturi ferrovjarji u

· fil-kalkolu tal-bidliet fil-kostijiet amministrattivi tal-ERA u l-awtoritajiet nazzjonali.

L-għażla 6 ġiet ivvalutata b'mod separat u flimkien mal-għażliet 2-5.

Valutazzjoni tal-impatti diretti - total tal-benefiċċji għall-operaturi f'kull għażla kkombinata b'rabta mal-iffrankar ta' kostijiet

Jekk wieħed jiġbor flimkien l-iffrankar fuq il-kostijiet tal-awtorizzazzjoni, iċ-ċertifikazzjoni u l-opportunità jidher li jista' jkun hemm benefiċċji sostanzjali matul il-perjodu ta' evalwazzjoni b'benefiċċji ta' iktar minn €0.5 bn għall-għażliet 3-5. Il-benefiċċji kkwantifikati totali skont kull għażla huma ppreżentati fit-tabella ta' hawn taħt, bl-għażla 2 tkun l-anqas vantaġġuża u l-għażla 5 l-aktar vantaġġuża:

Benefiċċji kkwantifikati totali għall-impriżi ferrovjarji matul il-perjodu 2015-2025 ta' għażliet 2-5 flimkien mal-għażla 6 (bi skont, € m NPV)

Għażla || Iffrankar tal-kostijiet tal-awtorizzazzjoni || Iffrankar tal-kostijiet taċ-ċertifikazzjoni || Iffrankar tal-kostijiet tal-għażla (każ ċentrali) || Benefiċċji totali ||

Għażla 2+6: Tisħiħ tar-rwol tal-"Koordinazzjoni" tal-ERA + miżuri orizzontali || 201 || 2 || 237 || 440 ||

Għażla 3+6: L-ERA bħala Punt ta' Kuntatt Wieħed + miżuri orizzontali || 217 || 2 || 255 || 474 ||

Għażla 4+6: Qsim tal-kompetenzi bejn l-ERA u l-NSAs + miżuri orizzontali || 235 || 2 || 265 || 502 ||

Għażla 5+6: L-ERA tieħu f'idejha attivitajiet tal-NSAs dwar l-awtorizzazzjoni u ċ-ċertifikazzjoni + miżuri orizzontali || 276 || 3 || 295 || 574 ||

Valutazzjoni tal-impatti diretti - bidliet totali fil-kostijiet amministrattivi għall-Aġenzija u l-NSAs

It-tabella ta' hawn taħt tippreżenta l-istima tal-kostijiet amministrattivi għall-ERA li ġejjin minn għażliet ikkombinati, l-għażla 5 hija b'mod ċar l-iktar waħda li tiswa:

Kostijiet amministrattivi addizzjonali li għandha ġġarrab l-ERA fl-għażliet 2-5 flimkien mal-għażla 6 (€m)

|| Valuri annwali sal-2020 (meta l-bidliet kollha fil-persunal ikunu saru b'mod progressiv) || Kostijiet totali, NPV (2015-2025)

Għażla || Persunal addizzjonali totali || Kostijiet addizzjonali totali tal-persunal || Spejjeż tan-negozju || Kostijiet oħrajn || Żieda grossa totali tal-kostijiet || % tal-baġit attwali tal-ERA

Għażla 2+6: Tisħiħ tar-rwol tal-"Koordinazzjoni" tal-ERA + miżuri orizzontali || 38 || (3.5) || (0.9) || (0.5) || (4.9) || 24% || (37)

Għażla 3+6: l-ERA bħala Punt ta' Kuntatt Wieħed + miżuri orizzontali || 42 || (3.9) || (1.0) || (0.5) || (5.4) || 27% || (39)

Għażla 4+6: Qsim tal-kompetenzi bejn l-ERA u l-NSAs + miżuri orizzontali || 55 || (5.0) || (1.3) || (0.3) || (6.6) || 33% || (44)

Għażla 5+6: L-ERA tieħu f'idejha attivitajiet tal-NSAs li jikkonċernaw l-awtorizzazzjoni u ċ-ċertifikazzjoni + miżuri orizzontali || 302 || (23.2) || (5.8) || (2.0) || (31) || 154% || (221)

Ta' min jinnota li ma ġew identifikati l-ebda kostijiet addizzjonali minħabba l-attivitajiet ta' referenza. Hemm evoluzzjoni ċara tal-attivitajiet fix-xenarju ta' referenza, iżda mhuwiex maħsub li din ser ikollha impatt notevoli fuq il-kostijiet amministrattivi għall-Aġenzija.

It-tabella ta' hawn taħt tippreżenta l-kostijiet amministrattiv relatati li għandhom iġarrbu l-NSAs u li ġejjin mill-għażliet ikkombinati, l-għażla 5 għandha l-ogħla impatt potenzjali fuq it-tnaqqis tal-kostijiet.

L-iffrankar tal-kost amministrattiv għall-NSAs tal-għażliet 2-5 flimkien mal-għażla 6 (€m)

Għażla || Total tal-persunal tal-NSA* (stima tal-2011) || Valuri annwali sal-2020 (meta l-bidliet kollha fil-persunal ikunu ddaħħlu b'mod progressiv), għal kull NSA || NPV totali fl-UE (2015-2025)

Varjazzjoni totali tal-persunal || Iffrankar totali fuq il-kostijiet tal-persunal || Spejjeż tan-negozju || Iffrankar gross totali tal-kostijiet

Għażla 2+6: Tisħiħ tar-rwol tal-"Koordinazzjoni" tal-ERA + miżuri orizzontali || 500 || -2 || UE12 || 0.08 || 0.02 || 0.1 || 37

UE15 || 0.17 || 0.04 || 0.2

Għażla 3+6: L-ERA bħala Punt ta' Kuntatt Wieħed + miżuri orizzontali || -4 || UE12 || 0.09 || 0.02 || 0.1 || 55

UE15 || 0.35 || 0.09 || 0.4

Għażla 4+6: Qsim tal-kompetenzi bejn l-ERA u l-NSAs + miżuri orizzontali || -5 || UE12 || 0.11 || 0.03 || 0.1 || 68

UE15 || 0.44 || 0.11 || 0.6

Għażla 5+6: L-ERA tieħu f'idejha attivitajiet tal-NSAs li jikkonċernaw l-awtorizzazzjoni u ċ-ċertifikazzjoni + miżuri orizzontali || -11 || UE12 || 0.24 || 0.06 || 0.3 || 152

UE15 || 0.96 || 0.24 || 1.2

* Dawk biss li jaħdmu fuq iċ-ċertifikazzjoni u l-awtorizzazzjoni. Valur stmat ibbażat fuq ir-Rapporti tal-Aġenzija dwar l-Interoperabilità u s-Sikurezza. Wieħed jassumi li l-persunal tal-EBA (NSA tal-Ġermanja) fl-uffiċċji reġjonali mhuwiex meqjus bħala persunal taċ-ċertifikazzjoni u l-awtorizzazzjoni, iżda huwa persunal ta' spezzjoni u awditjar

It-tabella li ġejja turi l-impatti totali stmati fuq il-kost amministrattiv għall-ERA u l-NSAs rispettivament għal kull waħda mill-għażliet ta' politiki analizzati. Għall-għażliet kollha, minbarra l-għażla 5, ġie stmat tnaqqis globali fil-kost amministrattiv minħabba l-fatt li l-kostijiet amministrattivi mġarrba mill-ERA jistgħu jiġu kkumpensati mill-iffrankar tal-kostijiet rreġistrati mill-NSAs.

Bidla fil-kostijiet tal-Aġenzija u l-NSAs u l-impatt nett fuq il-kost amministrattiv tal-għażliet 2-5 flimkien mal-għażla 6 (Kostijiet totali, NPV, 2015-2025, € m)

Għażla || Żieda stmata fil-kostijiet tal-ERA || Tnaqqis stmat fil-kostijiet tal-NSAs || Iffrankar totali tal-kostijiet amministrattivi (ERA+NSAs)

Għażla 2+6: Tisħiħ tar-rwol tal-"Koordinazzjoni" tal-ERA + miżuri orizzontali || (37) || 37 || 0

Għażla 3+6: L-ERA bħala Punt ta' Kuntatt Wieħed + miżuri orizzontali || (39) || 55 || 16

Għażla 4+6: Qsim tal-kompetenzi bejn l-ERA u l-NSAs + miżuri orizzontali || (44) || 68 || 24

Għażla 5+6: L-ERA tieħu f'idejha attivitajiet tal-NSAs li jikkonċernaw l-awtorizzazzjoni u ċ-ċertifikazzjoni + miżuri orizzontali || (221) || 152 || (69)

It-tabella ta' hawn fuq turi li l-għażla 4 hija dik li ġġib magħha l-akbar iffrankar fil-kostijiet (€24 m.), filwaqt li l-implimentazzjoni tal-għażla 5 hija mistennija li timponi żieda fil-kostijiet amministrattivi ta' madwar €69 m.

Valutazzjoni tal-impatti indiretti

L-impatti soċjali indiretti, kif ukoll kwalunkwe impatti ambjentali eventwali (emissjonijiet ta' gassijiet serra, il-kwalità tal-arja u l-istorbju) huma mistennija jkunu baxxi, u fir-realtà jkun diffiċli li jiġi stabbilit kemm dawn fil-fatt oriġinaw minn din l-inizjattiva minflok minn inizjattivi oħrajn tar-Raba' Pakkett Ferrovjarju u/jew fatturi esterni bħall-bidliet fid-domanda ta' moduli oħrajn tat-trasport. Il-livelli tas-sikurezza ferrovjarja jibqgħu l-istess f'kull għażla peress li r-responsabilitajiet ewlenin ta' kull attur ewlieni fil-katina tas-sikurezza mhumiex se jinbidlu jew jitjiebu minħabba leġiżlazzjoni nazzjonali iktar armonizzata.

6. Tqabbil tal-għażliet

Tqabbil f'termini ta' impatti diretti

Ir-riżultati globali tal-valutazzjoni ta' impatti differenti jingħataw fil-qosor fit-tabella ta' hawn taħt. Għalkemm l-għażla 6 tista' tikkostitwixxi għażla awtonoma, l-analiżi wriet li jkun hemm benefiċċji konsiderevoli meta din tingħaqad mal-għażliet istituzzjonali 2-5.

Tabella fil-qosor tal-iffrankar tal-kostijiet skontati għall-impriżi ferrovjarji u l-awtoritajiet pubbliċi matul il-perjodu 2015-2025 tal-għażliet 2-5 flimkien mal-għażla 6 (NPV, € m)

Għażla || Iffrankar fil-kostijiet għall-impriżi ferrovjarji (inklużi f'kostijiet amministrattivi) || Bidla fil-kost amministrattiv || Telf tad-dħul minn tariffi ta' awtorizzazzjoni ta' ERA/NSA[1] || Benefiċċju totali nett || Fondi addizzjonali meħtieġa mill-baġit tal-UE biex jiġu koperti l-kostijiet tal-ERA

Awtorizzazzjoni || Ċertifikazzjoni tas-sikurezza || Kostijiet tal-opportunità (każ ċentrali) || Benefiċċji totali għall-operaturi || Għall-ERA || Għall-NSAs || Bidla totali fil-kost amministrattiv

Għażla 2+6: Tisħiħ tar-rwol tal-"Koordinazzjoni" tal-ERA + miżuri orizzontali || 201 || 2 || 237 || 440 || (37) || 37 || 0 || (29) || 411 || (37)

Għażla 3+6: L-ERA bħala Punt ta' Kuntatt Wieħed + miżuri orizzontali || 217 || 2 || 255 || 474 || (39) || 55 || 16 || (29) || 461 || (39)

Għażla 4+6: Qsim tal-kompetenzi bejn l-ERA u l-NSAs + miżuri orizzontali || 235 || 2 || 265 || 502 || (44) || 68 || 24 || (29) || 497 || a: 0[2]

b: (6)

c: (25)

Għażla 5+6: L-ERA tieħu f'idejha attivitajiet tal-NSAs li jikkonċernaw l-awtorizzazzjoni u ċ-ċertifikazzjoni + miżuri orizzontali || 276 || 3 || 295 || 574 || (221) || 152 || (69) || (29) || 476 || (146)

Jekk jiġu kkunsidrati l-impatti diretti, l-għażla 4 hija l-aktar waħda vantaġġuża, jiġifieri tippreżenta l-aqwa bilanċ bejn il-kostijiet u l-benefiċċji. Barra minn hekk, tista' ma tħallix effett fuq il-baġit tal-UE (kost minimu fix-xenarju (a) u newtrali fix-xenarju (b)), minħabba l-kopertura proposta tal-kostijiet addizzjonali tal-ERA permezz tat-tariffi tal-industrija.

Tqabbil f'termini ta' effiċjenza u effikaċja

L-effikaċja u l-effiċjenza tal-għażliet differenti jingħataw fil-qosor fit-tabella ta' hawn taħt.

L-effiċjenza u l-effikaċja tal-għażliet

Għażla || Effiċjenza (Benefiċċju Totali Nett, f' € m) || Effikaċja (għadd ta' għanijiet operazzjonali milħuqa)

Għażla 2+6: Tisħiħ tar-rwol tal-"Koordinazzjoni" tal-ERA + miżuri orizzontali || 411 || 1

Għażla 3+6: L-ERA bħala Punt ta' Kuntatt wieħed + miżuri orizzontali || 461 || 2

Għażla 4+6: Qsim tal-kompetenzi bejn l-ERA u l-NSAs + miżuri orizzontali || 497 || 3

Għażla 5+6: L-ERA tieħu f'idejha attivitajiet tal-NSAs li jikkonċernaw l-awtorizzazzjoni u ċ-ċertifikazzjoni + miżuri orizzontali || 476 || 3

Din it-tabella turi li billi jingħaqdu l-benefiċċji netti mal-effikaċja f'termini ta' għanijiet operazzonali, l-għażla 4 tibqa' l-għażla ppreferuta – l-għanijiet kollha ser jintlaħqu bl-ogħla benefiċċju nett. Filwaqt li l-benefiċċji tal-għażla 3 huma relattivament qrib għal dawk tal-għażla 4, il-livell ta' effikaċja tagħha huwa inferjuri peress li l-mira ta' tnaqqis fil-kostijiet tal-awtorizzazzjoni ma tintlaħaqx.

Konklużjoni

L-għażla 4 għandha twassal għal soluzzjoni koerenti, effettiva u effiċjenti għall-problemi identifikati, peress li din tipprovdi l-aħjar bilanċ tar-riżultati fir-rigward:

· tal-industrija, f'termini ta' kostijiet imnaqqsa u l-perjodi ta' żmien għaċ-ċertifikazzjoni tas-sikurezza u l-awtorizzazzjoni ta' vetturi u ta' sottosistemi oħrajn;

· tal-implikazzjonijiet finanzjarji għall-baġit tal-UE;

· tal-impatti finanzjarji fuq l-istituzzjonijiet nazzjonali;

· tar-rispett tal-prinċipji ta' sussidjarjetà u proporzjonalità;

· tal-indirizzar tal-problemi identifikati fit-taqsima 1; u

· tat-twettiq tal-għanijiet spjegati fit-taqsima 3.

7. Monitoraġġ u evalwazzjoni

Fir-rigward tal-evalwazzjoni, huwa ppjanat li fl-2025 il-Kummissjoni se tevalwa jekk l-għanijiet tal-inizjattiva ntlaħqux, u jekk le, se tikkunsidra passi addizzjonali li għandhom jittieħdu biex jinkisbu sal-2030.

Il-progress f'termini ta' ksib ta' għanijiet jista' jiġi ssorveljat permezz ta' indikaturi ta' monitoraġġ relevanti. Għal dan il-għan, il-miri eżistenti għall-għanijiet operazzjonali jistgħu jintużaw u jiġu trasformati fl-indikaturi li ġejjin:

· l-għadd ta' regoli nazzjonali,

· il-kost u t-tul ta' żmien tal-proċedura ta' ċertifikazzjoni tas-sikurezza, u

· il-kost u t-tul ta' żmien tal-proċedura ta' awtorizzazzjoni tal-vetturi.

L-indikaturi jistgħu jiġu vverifikati permezz ta' għodod bħal intervisti (stħarriġ) b'għażla ta' partijiet interessati fuq il-valutazzjoni tagħhom stess taż-żmien u l-kostijiet marbutin maċ-ċertifikazzjoni u l-awtorizzazzjoni tal-vetturi u l-għadd ta' regoli nazzjonali notifikati u pubblikati mkejla fil-bażi ta' dejta xierqa.

Barra minn hekk, jista' jkun utli wkoll li tiġi ssorveljata l-pożizzjoni tal-partijiet interessati – permezz ta' proċess ta' konsultazzjoni – fir-rigward :

· tan-nuqqas ta' diskriminazzjoni;

· taż-żieda fil-koerenza tal-qafas legali nazzjonali.

[1]               Maż-żmien se jkun hemm tnaqqis gradwali fin-numru totali ta' awtorizzazzjonijiet tat-tip ta' vetturi, u dan ser iwassal għal tnaqqis fit-tariffi totali madwar l-UE kollha ta' madwar €29 m.

[2]               Din il-kaxxa turi sa fejn id-dħul fil-ġejjieni miġbur mill-Aġenzija għall-parti tagħha li toħroġ ċertifikati tas-sikurezza u awtorizzazzjonijiet ta' vetturi jista' jkopri l-kostijiet addizzjonali tal-Aġenzija, skont tliet xenarji ta' qsim tad-dħul bejn l-ERA u l-NSAs – (a): 25% NSAs, 75% ERA; (b): 50% NSAs, 50% ERA; (c): 75% NSAs, 25% ERA.