52013PC0712

MEMORANDUM TA’ SPJEGAZZJONI

1.           IL-KUNTEST TAL-PROPOSTA

It-Trattat dwar il-Funzjonament tal-Unjoni Ewropea jistabbilixxi r-regola fundamentali li tiggverna l-finanzjament tal-Unjoni li l-baġit annwali tal-Unjoni jrid iħares il-Qafas Finanzjarju Pluriennali (QFP). Bl-għan li jiġi assigurat li l-ammonti għall-finanzjament tal-Politika Agrikola Komuni (PAK) iħarsu s-sottolimiti annwali għan-nefqa marbuta mas-suq u pagamenti diretti taħt l-intestatura 2 stabbiliti fir-Regolament li għandu jiġi adottat mill-Kunsill skont l-Artikolu 312(2) tat-Trattat dwar il-Funzjonament tal-Unjoni Ewropea, sar provvediment għal mekkaniżmu ta' dixxiplina finanzjarja fir-Regolament tal-Kunsill (KE) Nru 73/2009 li jistabbilixxi regoli komuni għal skemi ta' appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa[1]. Skont dan il-mekkaniżmu, għandu jiġi determinat aġġustament tal-pagamenti diretti kull meta l-previżjonijiet għall-pagamenti diretti u n-nefqa marbuta mas-suq, filwaqt li jqisu kwalunkwe trasferiment finanzjarju bejn il-Fond Agrikolu Ewropew ta’ Garanzija (FAEG) u l-Fond Agrikolu Ewropew għall-Iżvilupp Rurali (FAEŻR), jindikaw li s-sottolimitu annwali taħt l-intestatura 2 stipulata fil-Qafas Finanzjarju se jinqabeż.

Waqt it-tfassil tal-Abbozz tal-Baġit tal-2014, l-ewwel estimi tal-baġit għall-pagamenti diretti u n-nefqa marbuta mas-suq urew li s-sottolimitu taħt l-intestatura 2 għas-sena finanzjarja 2014, wara t-trasferimenti finanzjarji bejn il-FAEG u l-FAEŻR, aktarx li jinqabeż. Konsegwentament, il-pagamenti diretti għandhom jitnaqqsu biex ikunu konformi mal-limitu.

Abbażi ta’ dan, il-Kummissjoni preżentat proposta biex tiġi stipulata r-rata ta' aġġustament għall-pagamenti diretti fir-rigward tas-sena kalendarja 2013[2], li kellha tiġi adottata mill-Parlament Ewropew u mill-Kunsill sat-30 ta' Ġunju 2013 b'konformità mal-Artikolu 11(1) tar-Regolament (KE) Nru 73/2009 kif emendat permezz tar-Regolament (UE) Nru 671/2012 tal-Parlament Ewropew u tal-Kunsill[3]. Madankollu, sat-30 ta' Ġunju 2013, il-Parlament Ewropew u l-Kunsill kienu għadhom ma ddeterminawx din ir-rata. Għaldaqstant, il-Kummissjoni stabbilixxiet ir-rata fir-Regolament ta’ Implimentazzjoni tal-Kummissjoni (UE) Nru 964/2013 ([4]), skont l-Artikolu 18(4) tar-Regolament tal-Kunsill (KE) Nru 1290/2005 dwar il-finanzjament tal-Politika Agrikola Komuni[5].

L-Artikolu 18(5) tar-Regolament (KE) Nru 1290/2005 jagħti wkoll il-possibbiltà lill-Kummissjoni li tipproponi adattament ta’ din ir-rata abbażi ta’ informazzjoni ġdida fil-pussess tagħha. Il-Kunsill jista’ jadatta r-rata ta’ aġġustament sal-1 ta’ Diċembru 2013. Il-previżjonijiet aġġornati għan-nefqa relatata mas-suq u l-ħlasijiet diretti tal-Ittra ta' Emenda tal-Abbozz tal-Baġit għall-2014 ittra juru l-bżonn għal ammont differenti ta’ dixxiplina finanzjarja. Għalaqstant, għandu jiġi propost li r-rata ta’ aġġustament tiġi adattata skont dan.

2.           RIŻULTATI TAL-KONSULTAZZJONIJIET MAL-PARTIJIET INTERESSATI U L-VALUTAZZJONIJIET TAL-IMPATT

Din il-proposta timplimenta r-regoli provduti fl-Artikolu 11 tar-Regolament tal-Kunsill (KE) Nru 73/2009 u l-Artikolu 18 tar-Regolament tal-Kunsill (KE) Nru 1290/2005. Konsultazzjoni minn qabel mal-partijiet interessati u l-preparazzjoni tal-valutazzjoni tal-impatt ma kinux meħtieġa.

3.           ELEMENTI ĠURIDIĊI TAL-PROPOSTA

Din il-proposta temenda r-rata ta' aġġustament tad-dixxiplina finanzjarja stipulata fl-Artikolu 1 tar-Regolament ta’ Implimentazzjoni tal-Kummissjoni (UE) Nru 964/2013 fir-rigward tas-sena kalendarja 2013.

4.           IMPLIKAZZJONI BAĠITARJA

Il-kalkolu tar-rata ta' aġġustament li ġiet adattata tad-dixxiplina finanzjarja huwa parti mit-tħejjija tal-Ittra ta' Emenda tal-Abbozz tal-Baġit għall-2014 sabiex ikun hemm konformità mal-limitu nett tal-FAEG, jiġifieri s-sottolimitu għan-nefqa relatata mas-suq u l-pagamenti diretti taħt l-Intestatura 2 għas-sena finanzjarja 2014 wara t-trasferimenti finanzjarji bejn l-FAEG u l-FAEŻR. Il-limitu nett tal-FAEG għas-sena finanzjarja 2014 huwa kkalkulat fuq il-bażi tal-istess prinċipji bħal dawk tar-Regolament ta’ Implimentazzjoni tal-Kummissjoni (UE) Nru 964/2013. L-Ittra ta’ Emenda Nru 2 tal-Abbozz tal-Baġit għall-2014 tinkludi ammont għar-riżerva għall-kriżijiet fis-settur agrikolu (EUR 424.5 miljun).

L-istimi tal-Ittra ta' Emenda għall-approprjazzjonijiet tal-baġit għal għajnuniet diretti u nefqa relatata mas-suq juru l-bżonn li jitnaqqsu l-pagamenti diretti li jistgħu jingħataw lill-bdiewa fir-rigward tas-sena kalendarja 2013 b’EUR 902.9 miljun, meta mqabbla mal-EUR 1 471.4 miljun stabbiliti fl-Abbozz tal-Baġit. Ir-rata ta’ aġġustament li ġiet adattata meħtieġa għall-konformità ma' dan il-limitu hija 2.453658 %. Din ġiet ikkalkulata bl-istess metodu bħal dak tar-Regolament ta' Implimentazzjoni tal-Kummissjoni (UE) Nru 964/2013.

L-applikazzjoni ta’ din ir-rata ta’ aġġustament se tirriżulta fit-tnaqqis tal-ammonti ta’ pagamenti diretti għal-linji baġitarji li jkopru n-nefqa marbuta mal-applikazzjonijiet għall-għajnuna sottomessi mill-bdiewa fir-rigward tas-sena kalendarja 2013 (sena finanzjarja 2014).

2013/0339 (NLE)

Proposta għal

REGOLAMENT TAL-KUNSILL

dwar l-iffissar ta' rata ta' aġġustament għall-pagamenti diretti previsti fir-Regolament (KE) Nru 73/2009 fir-rigward tas-sena kalendarja 2013 u li jirrevoka r-Regolament ta' Implimentazzjoni tal-Kummissjoni (UE) Nru 964/2013

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament tal-Kunsill (KE) Nru 1290/2005 tal-21 ta' Ġunju 2005 dwar il-finanzjament tal-politika agrikola komuni[6], u b'mod partikolari l-Artikoli 18(4) u (5) tiegħu,

Wara li kkunsidra l-proposta tal-Kummissjoni Ewropea,

Billi:

(1)       Fil-25 ta' Marzu 2013 il-Kummissjoni adottat proposta għal Regolament tal-Parlament Ewropew u tal-Kunsill dwar l-iffissar ta' rata ta' aġġustament għall-pagamenti diretti previsti fir-Regolament (KE) Nru 73/2009 fir-rigward tas-sena kalendarja 2013[7]. Il-Parlament Ewropew u l-Kunsill ma kinux iddeterminaw dan l-aġġustament sat-30 ta’ Ġunju, kif previst fl-Artikolu 11(2) tar-Regolament (KE) Nru 73/2009[8]. Għaldaqstant, skont l-Artikolu 18(4) tar-Regolament (KE) Nru 1290/2005, il-Kummissjoni stabbilixxiet l-aġġustament fir-Regolament ta' Implimentazzjoni tal-Kummissjoni (UE) Nru 964/2013 ([9]).

(2)       Il-previżjonijiet għall-pagamenti diretti u n-nefqa relatata mas-suq tal-Ittra ta' Emenda tal-Kummissjoni Nru 2 tal-Abbozz tal-Baġit għall-2014 juru l-bżonn li jiġi adattat l-ammont ta’ dixxiplina finanzjarja li tqies fl-Abbozz tal-Baġit għall-2014. L-Ittra ta’ Emenda Nru 2 tal-Abbozz tal-Baġit għall-2014 ġiet stabbilita billi tqies l-ammont ta’ dixxiplina finanzjarja ta’ EUR 902.9 miljun, inkluż l-ammont għar-riżerva għall-kriżijiet fis-settur agrikolu. Għaldaqstant, ir-rata ta’ aġġustament għall-pagamenti diretti stipulati fir-Regolament ta’ Implimentazzjoni (UE) Nru 964/2013 għandha tiġi adattata, b'konformità mal-Artikolu 18(5) tar-Regolament (KE) Nru 1290/2005.

(3)       Bħala regola ġenerali, bdiewa li jissottomettu applikazzjoni għall-għajnuna għal pagamenti diretti għal sena kalendarja waħda (N) jitħallsu f'perjodu fiss ta' pagament li jaqa' taħt is-sena finanzjarja (N+1). Madanakollu, l-Istati Membri għandhom il-possibbiltà li jagħmlu pagamenti tardivi, sa ċertu limitu, lill-bdiewa lil hinn minn dan il-perjodu ta’ pagament mingħajr ebda limiti ta’ żmien. Tali pagamenti tardivi jistgħu jaqgħu f’sena finanzjarja sussegwenti. Meta d-dixxiplina finanzjarja tiġi applikata f'sena kalendarja partikolari, ir-rata ta' aġġustament ma għandhiex tiġi applikata għal pagamenti li għalihom l-applikazzjonijiet għall-għajnuna jkunu ġew sottomessi fis-snin kalendarji għajr dik li għaliha tapplika d-dixxiplina finanzjarja. Għaldaqstant, biex jiġi żgurat it-trattament ugwali tal-bdiewa, huwa xieraq li jiġi stipulat li r-rata ta' aġġustament għandha tapplika biss għall-pagamenti li għalihom l-applikazzjonijiet għall-għajnuna jkunu ġew sottomessi fis-sena kalendarja li għaliha d-dixxiplina finanzjarja hi applikata, irrespettivament minn meta l-pagament isir lill-bdiewa.

(4)       Fil-ftehim politiku dwar ir-riforma tal-Politika Agrikola Komuni tas-26 ta’ Ġunju 2013, ġie deċiż li d-dixxiplina finanzjarja se tapplika għall-pagamenti diretti li jkunu aktar minn EUR 2 000. Barra minn hekk, kien hemm ukoll ftehim li r-rimborż ta’ approprjazzjonijiet mhux użati (jekk ikun hemm) fi tmiem is-sena finanzjarja jitħallas lill-bdiewa fis-sena ta' wara dejjem skont id-dixxiplina finanzjarja. Sabiex tkun żgurata l-konsistenza, huwa xieraq li jiġi ffissat l-istess limitu matul is-snin. Id-dixxiplina finanzjarja għandha tiġi applikata b’mod simili għas-sena kalendarja 2013 biex tkun konsistenti ma’ dak li ġie miftiehem li jiġi applikat fil-futur; għaldaqstant, huwa xieraq li l-applikazzjoni tar-rata ta' aġġustament tiġi prevista biss għal ammonti aktar minn EUR 2 000.

(5)       L-Artikolu 11(3) tar-Regolament (KE) Nru 73/2009 jistabbilixxi li fil-qafas tal-applikazzjoni tal-iskeda taż-żidiet provduta fl-Artikolu 121 ta' dak ir-Regolament għall-pagamenti diretti kollha li ngħataw fl-Istati Membri l-ġodda fis-sens tal-Artikolu 2(g) ta’ dak ir-Regolament, id-dixxiplina finanzjarja ma għandhiex tapplika għall-Istati Membri l-ġodda qabel il-bidu tas-sena kalendarja li fir-rigward tagħha l-livell tal-pagamenti diretti li japplika fl-Istati Membri l-ġodda jkun talanqas ugwali għal dak li kien il-livell applikabbli għal tali pagamenti fl-Istati Membri l-oħra. Peress li l-pagamenti diretti għadhom soġġetti għall-applikazzjoni tal-iskeda ta’ żidiet fis-sena kalendarja 2013 fil-Bulgarija u fir-Rumanija, ir-rata ta’ aġġustament li għandha tiġi determinata permezz tar-Regolament preżenti ma għandhiex tapplika għall-pagamenti għall-bdiewa f’dawn l-Istati Membri.

(6)       Ir-Regolament (KE) Nru 73/2009 ġie adattat permezz tal-Att tal-Adeżjoni tal-Kroazja. Peress li l-Kroazja hija soġġetta għall-applikazzjoni tal-iskeda ta’ żidiet previsti fl-Artikolu 121 tar-Regolament (KE) Nru 73/2009 fis-sena kalendarja 2013, ir-rata ta’ aġġustament li għandha tiġi determinata permezz tar-Regolament preżenti ma għandhiex tapplika għall-pagamenti lill-bdiewa fil-Kroazja.

(7)       Sabiex jiġi żgurat li r-rata li ġiet adattata tkun applikabbli mid-data prevista fir-Regolament (KE) Nru 73/2009 rigward meta se jibdew il-ħlasijiet lill-bidwi, dan ir-Regolament għandu japplika mill-1 ta’ Diċembru 2013.

(8)       Ir-rata l-ġdida ta' aġġustament għandha titqies għall-kalkolu tal-ħlas kollu li għandu jingħata lil bidwi għal applikazzjoni għall-għajnuna li tressqet fir-rigward tas-sena kalendarja 2013. Għal raġunijiet ta’ ċarezza, ir-Regolament ta’ Implimentazzjoni (UE) Nru 964/2013 għandu għaldaqstant jiġi rrevokat.

ADOTTAT DAN IR-REGOLAMENT:

Artikolu 1

1.           L-ammonti tal-pagamenti diretti fis-sens tal-Artikolu 2(d) tar-Regolament (KE) Nru 73/2009 li għandhom jingħataw lil bidwi li jkunu aktar minn EUR 2 000 għal applikazzjoni ta' għajnuna mressqa fir-rigward tas-sena kalendarja 2013 għandhom jitnaqqsu b'2.453658%.

2.           It-tnaqqis stipulat fil-paragrafu 1 ma għandux japplika għall-Bulgarija, ir-Rumanija u l-Kroazja.

Artikolu 2

Ir-Regolament ta’ Implimentazzjoni (UE) Nru 964/2013[10] huwa rrevokat.

Artikolu 3

Dan ir-Regolament għandu jidħol fis-seħħ fis-[seba'] jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan għandu japplika mill-1 ta’ Diċembru 2013.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

                                                                       Għall-Kunsill

                                                                       Il-President

DIKJARAZZJONI FINANZJARJA || FS/13/

6.15.2013.1

|| DATA: 26.09.2013

1. || INTESTATURA BAĠITARJA: Ara l-previżjoni baġitarja wara l-aġġustament (modulazzjoni preċedenti) u d-dixxiplina finanzjarja skont kull partita t'hawn taħt: 05 03 01 01 (SPU) 05 03 01 02 (SPUE) 05 03 01 03 (Pagament separat għaz-zokkor) 05 03 01 04 (Pagament separat F & V) 05 03 01 05 (Sostenn speċifiku Art 68 – pagament diżakkoppjat) 05 03 01 06 (Pagament separat għall-frott artab) 05 03 02 06 (Primjum għall-baqar li jreddgħu) 05 03 02 07 (Primjum addizzjonali nazzjonali għall-baqar li jreddgħu) 05 03 02 13 (Primjum għan-nagħaġ u l-mogħoż) 05 03 02 14 (Primjum supplimentari għan-nagħaġ u l-mogħoż) 05 03 02 28 (Għajnuna għad-dud tal-ħarir) 05 03 02 39 (Ammont addizzjonali għall-pitrava taz-zokkor u l-kannamieli pr.) 05 03 02 40 (Għajnuna taż-żona għall-qoton) 05 03 02 44 (Appoġġ speċifiku, Art 68 – pagament akkoppjat) 05 03 02 50 (POSEI – Programmi Komunitarji ta’ sostenn) 05 03 02 52 (POSEI – il-Gżejjer tal-Eġew) 05 03 10 Riżerva għall-kriżijiet agrikoli || APPROPRIJAZZJONIJIET: f'miljuni ta' EUR 30 083 7 382 277 12 487 11 902 49 23 7 0.5 21 239 1089 407 18 424.5

2. || TITLU: Abbozz tar-REGOLAMENT TAL-KUNSILL li jemenda r-Regolament ta' Implimentazzjoni tal-Kummissjoni (UE) Nru 964/2013 dwar l-iffissar ta' rata ta' aġġustament għal pagamenti diretti stipulati fir-Regolament (KE) Nru 73/2009 fir-rigward tas-sena kalendarja 2013

3. || BAŻI LEGALI: L-Artikoli 18(4) u (5) tar-Regolament tal-Kunsill (KE) Nru 1290/2005 tal-21 ta' Ġunju 2005 dwar il-finanzjament tal-Politika Agrikola Komuni

4. || GĦANIJIET: Dan l-abbozz tar-Regolament jadatta r-rata ta' aġġustament tad-dixxiplina finanzjarja li għandha tiġi applikata għall-ħlasijiet diretti li għandhom jingħataw lill-bdiewa għal applikazzjonijiet għall-gaħjnuna fir-rigward tas-sena kalendarja 2013 fuq il-bażi tal-informazzjoni l-ġdida disponibbli.

5. || IMPLIKAZZJONIJIET FINANZJARJI || PERJODU TA’ 12-IL XAHAR miljun EUR || SENA FINANZJARJA ATTWALI 2013 miljun EUR || SENA FINANZJARJA SEGWENTI 2014 miljun EUR

5.0 || NEFQA -               IMPOSTAT LILL-BAĠIT TAL-UE (RIFUŻJONIJIET/INTERVENZJONIJIET) -               AWTORITAJIET NAZZJONALI -               OĦRA || -902.9 + 424.5 || m.a. || -902.9 + 424.5

5.1 || DĦUL -               RIŻORSI PROPRJI TAL-UE (IMPOSTI/DAZJI DOGANALI) -               NAZZJONALI || || ||

|| || 2015 || 2016 || 2017 || 2018

5.0.1 || NEFQA STMATA || || || ||

5.1.1 || DĦUL STMAT || || || ||

5.2 || METODU TA’ KALKOLU: Ara l-Kummenti

6.0 || DAN IL-PROĠETT JISTA’ JIĠI FFINANZJAT MINN APPROPRJAZZJONIJIET IMDAĦĦLA FIL-KAPITOLU RELEVANTI TAL-BAĠIT ATTWALI? || m.a.

6.1 || DAN IL-PROĠETT JISTA’ JIĠI FFINANZJAT PERMEZZ TA’ TRASFERIMENTI BEJN KAPITOLI TAL-BAĠIT ATTWALI? || m.a.

6.2 || SE JKUN MEĦTIEĠ BAĠIT SUPPLIMENTARI? || LE

6.3 || SE JKUN HEMM BŻONN LI L-APPROPRJAZZJONIJIET JIDDAĦĦLU F’BAĠITS FUTURI? || LE

OSSERVAZZJONIJIET: Il-kalkolu tar-rata tad-dixxiplina finanzjarja li ġiet adattata hija parti mit-tħejjija ta’ Ittra ta' Emenda tal-Abbozz tal-Baġit għall-2014 sabiex ikun hemm konformità mal-limitu nett tal-FAEG, jiġifieri s-sottolimitu għan-nefqa relatata mas-suq u għall-pagamenti diretti taħt l-Intestatura 2 għas-sena finanzjarja 2014, wara t-trasferimenti finanzjarji bejn l-FAEG u l-FAEŻR. Il-limitu nett għall-FAEG għas-sena finanzjarja 2014 huwa kkalkulat fuq il-bażi tal-istess prinċipji bħal dawk tar-Regolament ta’ Implimentazzjoni tal-Kummissjoni (UE) Nru 964/2013. L-estimi tal-Ittra ta' Emenda għall-approprjazzjonijiet tal-baġit għal għajnuniet diretti u għan-nefqa relatata mas-suq juru l-bżonn li jitnaqqsu l-pagamenti diretti li jistgħu jingħataw lill-bdiewa fir-rigward tas-sena kalendarja 2013 b’EUR 902.9 miljun, meta mqabbla mal-EUR 1 471.4 miljun stabbiliti fl-Abbozz tal-Baġit. Dan jinkludi ammont ta’ riżerva għall-kriżijiet fis-settur agrikolu (EUR 424.5 miljun). Ir-rata ta’ aġġustament li ġiet adattata meħtieġa għall-konformità ma' dan il-limitu hija 2.453658 %. Din ġiet ikkalkulata bl-istess metodu bħal dak tar-Regolament ta’ Implimentazzjoni tal-Kummissjoni (UE) Nru 964/2013, jiġifieri ġie kkunsidrat li din tapplika biss għal ammonti li jkunu aktar minn EUR 2 000 u mhux fil-Bulgarija, ir-Rumanija u l-Kroazja minħabba li għaddejjin mill-proċess ta’ introduzzjoni progressiva fis-sena kalendarja 2013. L-ammonti stmati ta’ dixxiplina finanzjarja għal kull partita tal-baġit huma dawn li ġejjin (f’miljuni ta' EUR): 05 03 01 01 (SPU) || 717.1

05 03 01 02 (SPUE) || 103.2

05 03 01 03 (Pagament separat għaz-zokkor) || 5.8

05 03 01 04 (Pagament separat F & V) || 0.2

05 03 01 05 (Sostenn speċifiku Art 68 – pagament diżakkoppjat) || 11.5

05 03 01 06 (Pagament separat għall-frott artab) || 0.2

05 03 02 06 (Primjum għall-baqar li jreddgħu) || 22.2

05 03 02 07 (Primjum addizzjonali nazzjonali għall-baqar li jreddgħu) || 1.3

05 03 02 13 (Primjum għan-nagħaġ u l-mogħoż) || 0.3

05 03 02 14 (Primjum supplimentari għan-nagħaġ u l-mogħoż) || 0.1

05 03 02 28 (Għajnuna għad-dud tal-ħarir) || 0.0

05 03 02 39 (Ammont addizzjonali għall-pitrava taz-zokkor u l-kannamieli pr.) || 0.6

05 03 02 40 (Għajnuna taż-żona għall-qoton) || 6.2

05 03 02 44 (Appoġġ speċifiku, Art 68 – pagament akkoppjat) || 25.2

05 03 02 50 (POSEI – Programmi Komunitarji ta’ sostenn) || 8.7

05 03 02 52 (POSEI – il-Gżejjer tal-Eġew) || 0.3

||

Ir-regolament għandu implikazzjonijiet baġitarji fis-sens li l-estimi tal-approprjazzjonijiet tal-baġit għall-pagamenti diretti (qabel tiġi kkunsidrata d-dixxiplina finanzjarja) tnaqqsu bl-ammonti murija hawn fuq wara l-applikazzjoni tar-rata ta’ aġġustament li ġiet adattata tal-proposta preżenti. B'riżultat ta' dan, l-approprjazzjonijiet mitluba għall-Kapitolu 05 03 (Għajnuniet diretti), kif mogħtija fil-punt 1 ta' din id-dikjarazzjoni finanzjarja għall-partiti tal-baġit soġġetti għad-dixxiplina finanzjarja, jiżguraw il-konformità mal-limitu nett tal-FAEG għas-sena finanzjarja 2014 u l-istabbiliment tal-ammont għar-riżerva għall-kriżijiet.

[1]               ĠU L 30, 31.1.2009, p. 16.

[2]               COM(2013) 159 finali.

[3]               ĠU L 204, 31.07.2012, p. 11.

[4]               Ir-Regolament ta’ Implimentazzjoni tal-Kummissjoni (UE) Nru 964/2013 dwar l-iffissar ta’ rata ta' aġġustament għall-pagamenti diretti previsti fir-Regolament (KE) Nru 73/2009 fir-rigward tas-sena kalendarja 2013 (ĠU L 268, 10.10.2013, p. 5).

[5]               ĠU L 277, 21.10.2005, p. 1.

[6]               ĠU L 209, 11.8.2005, p. 1.

[7]               COM(2013) 159 finali.

[8]               Ir-Regolament tal-Kunsill (KE) Nru 73/2009 tad-19 ta’ Jannar 2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa (ĠU L 30, 31.1.2009, p. 16).

[9]               Ir-Regolament ta’ Implimentazzjoni tal-Kummissjoni (UE) Nru 964/2013 dwar l-iffissar ta’ rata ta' aġġustament għall-pagamenti diretti previsti fir-Regolament (KE) Nru 73/2009 fir-rigward tas-sena kalendarja 2013 (ĠU L 268, 10.10.2013, p. 5).

[10]             Ir-Regolament ta’ Implimentazzjoni tal-Kummissjoni (UE) Nru 964/2013 dwar l-iffissar ta’ rata ta' aġġustament għall-pagamenti diretti previsti fir-Regolament (KE) Nru 73/2009 fir-rigward tas-sena kalendarja 2013 (ĠU L 268, 10.10.2013, p. 5).