MEMORANDUM TA' SPJEGAZZONI

1.           KUNTEST TAL-PROPOSTA

Abbażi tal-awtorizzazzjoni mogħtija lilha mill-Kunsill, il-Kummissjoni Ewropea fetħet in-negozjati mar-Renju tal-Marokk dwar it-tiġdid tal-Protokoll tal-Ftehim ta’ Sħubija dwar is-Sajd li hemm bejn il-Komunità Ewropea u r-Renju tal-Marokk. Meta ntemmu dawn in-negozjati, ingħata bidu għal abbozz ta' Protokoll ġdid min-negozjaturi fl-24 ta' Lulju 2013. Il-protokoll il-ġdid ikopri perjodu ta' erba' snin mid-dħul fis-seħħ tiegħu.

L-għan ewlieni tal-Protokoll tal-Ftehim huwa li joffri opportunitajiet tas-sajd lill-bastimenti tal-Unjoni Ewropea fl-ibħra tar-Renju tal-Marokk fi ħdan il-limiti tas-surplus disponibbli. Il-Kummissjoni bbażat lilha nfisha, fost oħrajn, fuq ir-riżultati ta' evalwazzjoni ex-post imwettqa minn esperti esterni.

L-objettiv ġenerali huwa li tissaħħaħ il-kooperazzjoni bejn l-Unjoni Ewropea u r-Renju tal-Marokk favur l-istabbiliment ta’ qafas ta’ sħubija għall-iżvilupp ta’ politika tas-sajd sostenibbli u l-isfruttar responsabbli tar-riżorsi tas-sajd fiż-żona tas-sajd tal-Marokk, fl-interess taż-żewġ partijiet.

B’mod partikolari, il-Protokoll jipprevedi opportunitajiet tas-sajd fil-kategoriji li ġejjin:

– Sajd pelaġiku fuq skala żgħira fit-Tramuntana: 20 bastiment bit-tartarun,

– Sajd fuq skala żgħira fit-Tramuntana: 35 bastiment tas-sajd bil-konzijiet tal-qiegħ,

– Sajd fuq skala żgħira fin-Nofsinhar: 10 bastimenti (bil-qasab u x-xlief),

– Sajd tal-qiegħ (demersali): 16-il bastiment (bil-konzijiet tal-qiegħ u bix-xbieki għat-tkarkir tal-qiegħ),

– Sajd għat-tonn: 27 bastimenti tas-sajd bil-qasab,

– Sajd pelaġiku industrijali: 80 000 tunnellata ta' qabdiet, 18-il bastiment.

Il-Protokoll preċedenti, applikat b'mod proviżorju mit-28 ta' Frar 2011, ma kienx approvat mill-Parlament li kkunsidra li l-proporzjon kostijiet-benefiċċji kien tant baxx, li ma ggarantixix is-sostenibbiltà tal-istokkijiet sfruttati u li huwa ma rrispettax il-liġi internazzjonali minħabba li ma ġiex ippruvat li l-popolazzjonijiet lokali kieku jibbenefikaw mill-benefiċċji ekonomiċi u soċjali ta' dak il-Protokoll.

It-tħassib tal-Parlament ġie indirizzat, notevolment permezz ta'

- titjib drastiku tal-proporzjon kostijiet-benefiċċji tal-Protokoll il-ġdid, li taħtu l-opportunitajiet tas-sajd żdiedu b'relazzjoni mal-Protokoll preċedenti filwaqt li l-kontribuzzjoni finanzjarja tal-Unjoni Ewropea naqset;

- sottolinjar tal-prinċipju tas-sostenibbiltà bħala kundizzjoni essenzjali għall-attività prevvista, prinċipju bbażat fuq parir xjentifiku sod u mtenni bosta drabi fit-test;

- impożizzjoni fuq il-Marokk biex jipprovdi rapporti regolari u dettaljati dwar l-użu tal-kontribuzzjoni finanzjarja għar-settur tas-sajd, inkluż il-benefiċċji ekonomiċi u soċjali fuq bażi ġeografika, u biex jipprvodi għal mekkaniżmu fil-każ li jkun hemm sospensjoni tal-Protokoll, inkluż il-każ fejn ikun hemm vjolazzjonijiet tad-drittijiet tal-bniedem u tal-prinċipji demokratiċi.

Abbażi ta’ dan, il-Kummissjoni qed tipproponi li l-Kunsill bil-kunsens tal-Parlament, jadotta deċiżjoni li twassal għall-konklużjoni tal-ftehim.

2.           RIŻULTATI TA’ KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT

Il-partijiet interessati ġew ikkonsultati fil-qafas tal-evalwazzjoni tal-Protokoll 2007-2011. Ġew ikkonsultati wkoll l-esperti mill-Istati Membri waqt laqgħat tekniċi. Dawn il-konsultazzjonijiet wasslu għall-konklużjoni li jkun ta’ benefiċċju li jinżamm protokoll tas-sajd mar-Renju tal-Marokk.

3.           ELEMENTI LEGALI TAL-PROPOSTA

Din il-proċedura nbdiet b’mod parallel mal-proċeduri marbutin mad-Deċiżjoni tal-Kunsill dwar il-konklużjoni tal-Protokoll innifsu, kif ukoll mar-Regolament tal-Kunsill dwar l-allokazzjoni tal-opportunitajiet tas-sajd fost l-Istati Membri tal-UE.

4.           IMPLIKAZZJONI BAĠITARJA

Il-kontribuzzjoni finanzjarja annwali ta' EUR 30 000 000 hija bbażata fuq: a) ammont ta' EUR 16 000 000 u b) appoġġ għall-iżvilupp tal-politika settorjali tas-sajd tar-Renju tal-Marokk li jammonta għal EUR 14 000 000. Dan l-appoġġ huwa konformi mal-objettivi tal-politika nazzjonali tas-sajd u b'mod partikolari mal-ħtiġijiet tar-Renju tal-Marokk fil-ġlieda kontra s-sajd illegali.

2013/0315 (NLE)

Proposta għal

DEĊIŻJONI TAL-KUNSILL

Propożizzjoni għal Deċiżjoni tal-Kunsill dwar il-konklużjoni tal-Protokoll bejn l-Unjoni Ewropea u r-Renju tal-Marokk li tistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd fis-seħħ bejn iż-żewġ partijiet

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-paragrafu 2 tal-Artikolu 43, flimkien mal-punt a) tal-paragrafu 6 u l-Paragrafu 7 tal-Artikolu 218 tiegħu,

Wara li kkunsidra l-proposta tal-Kummissjoni,

Wara li kkunsidra l-approvazzjoni tal-Parlament Ewropew[1]

Billi:

(1)       Fit-22 ta’ Mejju 2006, il-Kunsill adotta r-Regolament (KE) Nru 764/2006 dwar il-konklużjoni tal-Ftehim ta’ Assoċjazzjoni fis-settur tas-sajd bejn il-Komunità Ewropea u r-Renju tal-Marokk[2].

(2)       Fit-28 ta' Frar 2007, il-Komunità Ewropea u r-Renju tal-Marokk innotifikaw lil xulxin dwar it-twettiq tal-proċeduri meħtieġa għad-dħul fis-seħħ tal-Ftehim ta' Sħubija bejn il-Komunità Ewropea u r-Renju tal-Marokk[3].

(3)       L-Unjoni nnegozjat mar-Renju tal-Marokk Protokoll ġdid li jagħti opportunitajiet tas-sajd lill-bastimenti tal-Unjoni Ewropea fl-ilmijiet li fihom ir-Renju tal-Marokk jeżerċita l-ġuriżdizzjoni tiegħu fir-rigward tas-sajd.

(4)       Bid-Deċiżjoni Nru …/2013/UE[4], il-Kunsill awtorizza l-iffirmar ta' dan il-protokoll, soġġett għall-konklużjoni ulterjuri tiegħu.

(5)       Huwa fl-interess tal-UE li timplimenta l-Ftehim ta' sħubija fis-settur tas-sajd mar-Renju tal-Marokk, permezz ta' Protokoll li jistabbilixxi l-possibbiltajiet tas-sajd flimkien mal-kontribuzzjoni finanzjarja relatata u li jiddefinixxi l-kundizzjonijiet tal-promozzjoni ta' sajd responsabbli u ta' sajd sostenibbli fiż-żona tas-sajd tar-Renju tal-Marokk. L-approvazzjoni ta' dan il-Protokoll hija għalhekk meħtieġa.

(6)       Il-Ftehim ta' Sħubija fis-settur tas-sajd bejn l-Unjoni Ewropea u r-Renju tal-Marokk fl-Artikolu 10 tiegħu jipprevedi, Kumitat Konġunt li huwa nkarigat milli jikkontrolla l-implimentazzjoni tal-Ftehim u li jadotta, skont kif ikun il-każ, modifiki għall-Protokoll. Bl-iskop li jiġu implimentati dawn il-modifiki, huwa xieraq li l-Kummissjoni Ewropea tingħata s-setgħa biex tapprovahom skont proċedura ssemplifikata,

ADOTTA DIN ID-DEĊIŻJONI:

Artikolu 1

Il-Protokoll bejn l-Unjoni Ewropea u r-Renju tal-Marokk li jistabbilixxi l-possibbiltajiet tas-sajd u l-kontribuzzjoni finanzjarja prevista fil-Ftehim ta' Sħubija dwar is-Sajd bejn il-Komunità Ewropea u r-Renju tal-Marokk huwa konkluż f'isem l-Unjoni.

It-test tal-Protokoll huwa mehmuż ma’ din id-Deċiżjoni.

Artikolu 2

Il-President tal-Kunsill għandu jinnomina l-persuna/persuni bis-setgħa li jipproċedu, f'isem l-Unjoni, għan-notifika li permezz tagħha l-Unjoni tesprimi l-kunsens tagħha li tkun marbuta b'dan il-Protokoll.

Artikolu 3

Il-Kummissjoni Ewropea għandha tingħata s-setgħa biex tapprova l-aġġustamenti magħmula fil-Protokoll adottati mill-Kumitat Konġunt, skont l-Artikolu 10 tal-Ftehim ta' Sħubija dwar is-Sajd bejn l-Unjoni Ewropea u r-Renju tal-Marokk.

Artikolu 4

Din id-Deċiżjoni tidħol fis-seħħ fil-jum ta' wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Brussell,

                                                                       Għall-Kunsill

                                                                       Il-President

ANNESS

PROTOKOLL

bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn il-Komunità Ewropea u r-Renju tal-Marokk

Artikolu 1

Prinċipji ġenerali

Dan il-Protokoll flimkien mal-Anness u l-Appendiċi tiegħu, jiffurmaw parti integrali mill-Ftehim ta’ Sħubija dwar is-Sajd bejn l-Unjoni Ewropea u r-Renju tal-Marokk, datat it-28 ta' Frar 2007, minn issa 'l quddiem imsejjaħ il-"Ftehim dwar is-Sajd" - li jifforma parti mill-Ftehim Ewro-Mediterranju li jistabbilixxi Assoċjazzjoni bejn l-Unjoni Ewropea u r-Renju tal-Marokk datat is-26 ta' Frar 1996 - minn issa 'l quddiem imsejjaħ il-"Ftehim ta' Assoċjazzjoni". Huwa jikkontribwixxi għall-ilħuq tal-objettivi ġenerali tal-Ftehim ta' Assoċjazzjoni u jimmira li jiżgura l-vijabbiltà tar-riżorsi tas-sajd mill-aspetti ekoloġiċi, ekonomiċi u soċjali.

Il-Protokoll huwa implimentat skont l-Artikolu 1 tal-Ftehim ta' Assoċjazzjoni dwar l-iżvilupp ta' djalogu u kooperazzjoni u l-Artikolu 2 tal-istess Ftehim dwar ir-rispett għall-prinċipji demokratiċi u d-drittijiet fundamentali tal-bniedem.

Artikolu 2

Il-perjodu ta’ applikazzjoni, tul ta' żmien u opportunitajiet tas-sajd

Mill-applikazzjoni ta' dan il-Protokoll u għal perjodu ta' erba' snin, l-opportunitajiet tas-sajd mogħtija skont l-Artikolu 5 tal-Ftehim dwar is-Sajd huma dawk stabbiliti fit-tabella mehmuża ma’ dan il-Protokoll.

Il-paragrafu 1 għandu japplika soġġett għad-dispożizzjonijiet tal-Artikoli 4 u 5 ta’ dan il-Protokoll.

Skont l-Artikolu 6 tal-Ftehim dwar is-Sajd, il-bastimenti li jtajru bandiera ta’ Stat Membru tal-Unjoni Ewropea (UE) jistgħu jeżerċitaw l-attivitajiet tas-sajd fiż-żona tas-sajd Marokkina biss jekk ikollhom liċenzja tas-sajd maħruġa taħt dan il-Protokoll u skont il-proċeduri deskritti fl-Anness għal dan il-Protokoll.

Artikolu 3

Kontribuzzjoni finanzjarja

1.           Il-valur totali annwali stmat tal-Protokoll huwa ta' EUR 40 000 000 għall-perjodu prevvist fl-Artikolu 2. Dan l-ammont huwa mqassam kif ġej:

(a) EUR 30 000 000 bħala kontribuzzjoni finanzjarja prevista fl-Artikolu 7 tal-Ftehim dwar is-Sajd, allokata kif ġej:

i)          EUR 16 000 000 bħala kontribuzzjoni finanzjarja għal aċċess għar-riżorsa;

ii)         EUR 14 000 000 bħala appoġġ għas-settur tas-sajd fil-Marokk.

(b) EUR 10 000 000 jikkorispondi għall-ammont stmat tat-tariffi dovuti mis-sidien tal-bastimenti skont il-liċenzji tas-sajd maħruġa skont l-Artikolu 6 tal-Ftehim dwar is-Sajd u f'konformità mad-dispożizzjonijiet previsti fil-Kapitolu I, it-taqsimiet D u E tal-Anness ta' dan il-Protokoll.

2.           Il-paragrafu 1 għandu japplika soġġett għad-dispożizzjonijiet tal-Artikoli 4, 5, 6 u 8 ta’ dan il-Protokoll.

3.           Mingħajr preġudizzju għad-dispożizzjonijiet tal-paragrafu 9, tal-Artikolu 6, il-ħlas mill-UE tal-kontribuzzjoni finanzjarja li hemm referenza għaliha fil-paragrafu 1(a) għandha ssir matul l-ewwel sena, mhux aktar tard minn tliet xhur wara d-data ta' applikazzjoni ta' dan il-Protokoll, u mhux aktar tard mill-anniversarju tal-Protokoll fis-snin sussegwenti.

4.           Il-kontribuzzjoni finanzjarja li hemm referenza għaliha fl-Paragrafu 1 (a) għandha titħallas lit-Teżorier Ġenerali tar-Renju f’kont miftuħ fit-Teżor Pubbliku, li d-dettalji tiegħu għandhom jiġu kkomunikati mill-awtoritajiet tal-Marokk.

5.           Mingħajr preġudizzju għad-dispożizzjonijiet tal-Artikolu 6 ta’ dan il-Protokoll, l-awtoritajiet Marokkini għandu jkollhom kompetenza esklussiva dwar l-użu ta’ din il-kontribuzzjoni finanzjarja.

Artikolu 4

Koordinazzjoni fil-qasam xjentifiku u fis-sajd esploratorju

1.           Skont il-paragrafu 1, tal-Artikolu 4 tal-Ftehim, il-partijiet jimpenjaw ruħhom li jorganizzaw fuq bażi regolari u meta jkun hemm bżonn, laqgħat xjentifiċi biex jiġu diskussi kwistjonijiet xjentifiċi mqajma mill-Kumitat Konġunt għall-ġestjoni u l-monitoraġġ tekniku ta' dan il-Protokoll. Il-mandat, il-kompożizzjoni u t-tmexxija ta' dawn il-laqgħat xjentifiċi għandhom jiġu stabbiliti mill-Kumitat Konġunt li hemm referenza għalih fl-Artikolu 10 tal-Ftehim dwar is-Sajd.

2.           Iż-żewġ partijiet jintrabtu li jippromwovu sajd responsabbli fiż-żoni tas-sajd Marokkini fuq il-bażi tal-prinċipju ta’ nondiskriminazzjoni bejn id-diversi flotot tas-sajd preżenti f’dawk l-ilmijiet.

3.           B'konformità mal-Paragrafu 2 tal-Artikolu 4, tal-Ftehim dwar is-Sajd, iż-żewġ partijiet, abbażi tal-konklużjonijiet tal-laqgħat tal-Kumitat Xjentifiku, għandhom jikkonsultaw lil xulxin fi ħdan il-Kumitat Konġunt li hemm referenza għalih fl-Artikolu 10 tal-Ftehim dwar is-Sajd sabiex jadottaw, fejn ikun hemm bżonn u bi qbil reċiproku, miżuri li jiżguraw ġestjoni sostenibbli tar-riżorsi tas-sajd.

4.           Għal skopijiet ta' riċerka u biex jissaħħaħ l-għarfien xjentifiku, jista' jitwettaq sajd esploratorju fiż-żona tas-sajd Marokkina fuq talba tal-Kumitat Konġunt. Il-metodi ta' kif għandu jsir is-sajd esploratorju għandhom jiġu stabbiliti skont id-dispożizzjonijiet prevvisti fil-Kapitolu IV tal-Anness ta' dan il-Protokoll.

Artikolu 5

Reviżjoni tal-opportunitajiet tas-sajd

1.           1.       L-opportunitajiet tas-sajd li hemm referenza għalihom fl-Artikolu 2 jistgħu jiġu reveduti mill-Kummissjoni bi ftehim reċiproku sakemm din ir-reviżjoni tiġi mfassla biex tiżgura s-sostenibbiltà tar-riżorsi tas-sajd Marokkini.

2.           2.       Fil-każ ta' żieda, il-kontribuzzjoni finanzjarja prevista fil-Paragrafu 1 (a) i) tal-Artikolu 3, għandha tiżdied proporzjonalment mal-opportunitajiet tas-sajd u pro rata temporis. Madankollu, iż-żieda għandha tiġi aġġustatata b'tali mod li l-ammont totali tal-kontribuzzjoni finanzjarja magħmula mill-UE ma teċċedix id-doppju tal-ammont indikat fil-Paragrafu 1 (a) i), tal-Artikolu 3. Jekk il-partijiet jifthiemu li jnaqqsu l-opportunitajiet tas-sajd previsti fl-Artikolu 2, il-kontribuzzjoni finanzjarja għandha titnaqqas proporzjonalment u pro rata temporis.

3.           3.       It-tqassim tal-opportunitajiet tas-sajd bejn id-diversi kategoriji ta’ bastimenti jista’ jkun soġġett ukoll għal reviżjoni bi ftehim reċiproku taż-żewġ Partijiet fi ħdan il-kundizzjonijiet ta' sostenibbiltà tal-istokkijiet li jistgħu jiġu affettwati minn dan it-tqassim mill-ġdid. Il-partijiet għandhom jiftiehmu dwar l-aġġustament korrispondenti tal-kontribuzzjoni finanzjarja meta jkun iġġustifikat mit-tqassim mill-ġdid tal-opportunitajiet tas-sajd.

Artikolu 6

Appoġġ għall-politika settorjali tas-sajd fil-Marokk

1.           Il-kontribuzzjoni finanzjarja li hemm referenza għaliha fil-Paragrafu 1 a) (ii) tal-Artikolu 3 ta' dan il-Protokoll tikkontribwixxi għall-iżvilupp u l-implimentazzjoni tal-politika sttorjali tas-sajd fil-Marokk fi ħdan il-qafas tal-istrateġija "Halieutis" għall-iżvilupp tas-settur tas-sajd.

2.           L-allokazzjoni u l-ġestjoni, mill-Marokk, ta’ din il-kontribuzzjoni għandhom ikunu bbażati fuq l-identifikazzjoni, miż-żewġ partijiet, bi ftehim reċiproku fi ħdan il-Kumitat Konġunt, tal-għanijiet li għandhom jitwettqu u l-ipprogrammar annwali u pluriennali rilevanti skont l-istrateġija “Halieutis”, u abbażi ta' stima tal-impatt mistenni mill-proġetti li għad iridu jitwettqu.

3.           Għall-ewwel sena ta' applikazzjoni tal-Protokoll, l-allokazzjoni, mill-Marokk, tal-kontribuzzjoni li hemm referenza għaliha fil-Paragrafu 1 għandha tkun ikkomunikata lill-UE mal-approvazzjoni fi ħdan il-Kumitat Konġunt, tal-linji gwida, il-miri, il-kriterji u l-indikaturi ta’ evalwazzjoni. Kull sena din l-allokazzjoni tiġi ppreżentata mill-Marokk lill-UE qabel it-30 ta' Settembru tas-sena preċedenti.

4.           Kull tibdil f’dawn il-linji gwida, il-miri, il-kriterji u l-indikaturi ta’ evalwazzjoni għandu jiġi approvat miż-żewġ partijiet fi ħdan il-Kumitat Konġunt.

5.           Il-Marokk għandu jabbozza rapport dwar il-progress fuq il-proġetti implimentati bl-appoġġ settorjali hekk kif previst f'dan il-Protokoll u għandu jiġi ppreżentat lil u eżaminat mill-Kumitat Konġunt.

6.           Skont in-natura tal-proġetti u t-tul ta' żmien tal-implimentazzjoni tagħhom, il-Marokk għandu jippreżenta rapport lill-Kumitat Konġunt dwar l-implimentazzjoni tal-proġetti li tlestew permezz ta' appoġġ settorjali hekk kif previst f'dan il-Protokoll; ir-rapport għandu jinkludi informazzjoni dwar kwalunkwe konsegwenza soċjali u ekonomika, partikolarment l-impatt fuq l-impjiegi, l-investiment u kwalunkwe riperkussjoni oħra kwantifikabbli tal-miżuri meħuda flimkien mad-distribuzzjoni ġeografika tagħhom. Din l-informazzjoni għandha tiġi mħejjija abbażi ta' indikaturi li għandhom jiġu ddefiniti b'aktar dettall mill-Kumitat Konġunt.

7.           Barra minn hekk, il-Marokk għandu jippreżenta, qabel l-iskadenza tal-protokoll, rapport finali dwar l-implimentazzjoni tal-appoġġ settorjali previst minn dan il-Protokoll, inkluż l-elementi li hemm referenza għalihom fil-paragrafi t'hawn fuq.

8.           Iż-żewġ partijiet għandhom ikomplu jsegwu l-implimentazzjoni tal-appoġġ settorjali, jekk ikun meħtieġ, wara l-iskadenza ta' dan il-Protokoll, u fejn xieraq, fil-każ li jkun hemm sospensjoni tiegħu skont id-dispożizzjonijiet ta' dan il-Protokoll.

9.           Il-kontribuzzjoni finanzjarja speċifika prevista fil-Paragrafu 1 a) (ii) tal-Artikolu 3 ta' dan il-Protokoll għandha titħallas bin-nifs, abbażi ta' approċċ fejn l-analiżi tar-riżultati tal-implimentazzjoni tal-appoġġ settorjali u l-bżonnijiet identifikati fl-istadju tal-ippjanar jittieħdu inkunsiderazzjoni.

10.         Il-qafas ta' implimentazzjoni operazzjonali għandu jiġi stabbilit mill-Kumitat Konġunt.

Artikolu 7

Integrazzjoni ekonomika tal-operaturi tal-UE fis-settur tas-sajd tal-Marokk

Iż-żewġ partijiet f'konformità mal-leġiżlazzjoni u mar-regolamenti fis-seħħ, għandhom jippromwovu l-kuntatti u għandhom jikkontribwixxu għall-kooperazzjoni bejn l-operaturi ekonomiċi fl-oqsma segwenti :

– l-iżvilupp tal-industrija sussidjarja marbuta mas-sajd, partikolarment il-kostruzzjoni u t-tiswija navali u l-manifattura ta' tagħmir u materjali tas-sajd;

– il-promozzjoni tal-iskambju ta' għarfien espert professjonali u t-taħriġ ta' maniġers għas-settur tas-sajd marittimu ;

– il-bejgħ ta' prodotti tas-sajd;

– il-kummerċjalizzazzjoni;

– l-akkwakultura.

Artikolu 8

Sospensjoni tal-applikazzjoni tal-Protokoll minħabba kwistjonijiet dwar l-interpretazzjoni u l-applikazzjoni

1.           Kull nuqqas ta’ ftehim bejn il-Partijiet kemm fir-rigward tal-interpretazzjoni tad- dispożizzjonijiet ta’ dan il-Protokoll kif ukoll fl-applikazzjoni tagħhom għandu jkun soġġett għal konsultazzjoni bejn il-partijiet fi ħdan il-Kumitat Konġunt previst fl-Artikolu 10 tal-Ftehim dwar is-Sajd li, jekk ikun meħtieġ, għandu jsejjaħ laqgħa straordinarja.

2.           L-applikazzjoni ta' dan il-Protokoll tista’ tiġi sospiża fuq inizjattiva ta’ waħda mill-partijiet meta l-kwistjoni bejn iż-żewġ partijiet tkun meqjusa li hija gravi u li l-konsultazzjonijiet li jkunu saru fi ħdan il-Kumitat Konġunt f'konformità mal-paragrafu 1 ma jkunux wasslu għal ftehim bonarju.

3.           Is-sospensjoni tal-applikazzjoni tal-Protokoll hija soġġetta għal avviż bil-miktub mill-parti kkonċernata dwar l-intenzjoni tagħha mill-anqas tliet xhur qabel id-data ta’ meta din is-sospensjoni tidħol fis-seħħ.

4.           F’każ ta’ sospensjoni, il-Partijiet għandhom ikomplu bil-konsultazzjonijiet sabiex ifittxu ftehim bonarju għall-kwistjoni li tkun inqalgħet bejniethom. Ladarba l-kwistjoni tiġi riżolta, il-protokoll jerġa' jibda japplika mill-ġdid. L-ammont ta’ kumpens finanzjarju għandu jitnaqqas proporzjonalment u pro rata temporis skont iż-żmien li matulu kienet sospiża l-applikazzjoni tal-Protokoll.

Artikolu 9

Nuqqas ta' konformità mal-obbligi tekniċi stabbiliti bil-Protokoll

F'konformità mad-dispożizzjonijiet ta' dan il-Protokoll u l-leġiżlazzjoni diġà fis-seħħ, il-Marokk jirriżerva d-dritt li japplika s-sanzjonijiet li huma previsti fl-Annessi f'każ ta' nuqqas ta' konformità mad-dispożizzjonijiet u l-obbligi stabbiliti permezz tal-implimentazzjoni ta' dan il-Protokoll.

Artikolu 10

Skambju elettroniku ta' dejta

Il-Marokk u l-UE jimpenjaw ruħhom li mill-aktar fis possibbli jistabbilixxu s-sistemi neċessarji biex ikun żgurat l-iskambju elettroniku tal-informazzjoni u d-dokumenti kollha li huma relatati mal-ġestjoni teknika ta' dan il-Protokoll, bħal ma hija d-dejta fuq il-qabdiet, il-pożizzjonijiet VMS tal-bastimenti u l-avviżi tal-dħul fiż-żona u l-ħruġ minnha.

Artikolu 11

Dispożizzjonijiet applikabbli tal-liġi nazzjonali

L-attivitajiet tal-bastimenti li joperaw skont dan il-Protokoll u l-Anness tiegħu, b’mod partikolari t-trażbord, l-użu tas-servizzi tal-portijiet, ix-xiri tal-provvisti eċċ., huma rregolati mil-leġiżlazzjoni applikabbli fil-Marokk.

Artikolu 12

Dħul fis-seħħ

Dan il-Protokoll u l-Anness tiegħu għandhom jidħlu fis-seħħ fid-data li fiha l-partijiet jinnotifikaw lil xulxin dwar it-tlestija tal-proċeduri rispettivi meħtieġa għal dak il-għan.

Opportunitajiet ta’ sajd

Sajd fuq skala żgħira || Sajd tal-qiegħ (demersali) || Sajd pelaġiku industrijali || Sajd pelaġiku industrijali b'bastimenti mingħajr friża:

Sajd pelaġiku fit-Tramuntana: Tartaruni || Sajd fuq skala żgħira fin-Nofsinhar: qasab u xlief || Sajd fuq skala żgħira fit-Tramuntana: bastimenti bil-konz tal-qiegħ || Sajd fuq skala żgħira għat-tonn: qasab || Bastimenti bil-konzijiet tal-qiegħ u bastimenti bix-xbieki għat-tkarkir tal-qiegħ || Bastimenti bix-xbieki għat-tkarkir pelaġiċi jew semi-pelaġiċi || Bastimenti bix-xbieki għat-tkarkir pelaġiċi jew semi-pelaġiċi

|| || || || || Stokk C Kwota: 80 000 tunnellata

20 bastiment || 10 bastimenti || 35-il bastiment || 27-il bastiment || 16-il bastiment || 18-il bastiment

ANNESS TAL-PROTOKOLL

Kundizzjonijiet għall-attività tas-sajd fiż-żona tas-sajd Marokkina mill-bastimenti tal-Unjoni Ewropea

Kapitolu I

Dispożizzjonijiet applikabbli għat-talba u l-ħruġ tal-liċenzji

A. Talbiet għall-ħruġ tal-liċenzji

1.           Il-bastimenti eliġibbli biss jistgħu jingħataw liċenzja biex jistadu fiż-żona tas-sajd Marokkina.

2.           Sabiex bastiment ikun eliġibbli, la s-sid tal-bastiment, il-kaptan u l-bastiment innifsu ma għandhom ikunu pprojbiti milli jwettqu attivitajiet ta' sajd fil-Marokk u lanqas ma l-bastiment irid ikun legalment elenkat bħala bastiment IUU.

3.           Għandhom ikunu f’qagħda regolari fir-rigward tal-amministrazzjoni Marokkina fis-sens li għandhom jissodisfaw l-obbligi kollha preċedenti relatati mal-attivitajiet tas-sajd tagħhom fil-Marokk fil-qafas tal-ftehimiet dwar is-sajd konklużi mal-Unjoni Ewropea.

4.           L-awtoritajiet kompetenti tal-Unjoni Ewropea (minn hawn 'il quddiem imsejħa l-Kummissjoni) għandhom jippreżentaw lill-Ministeru tal-Agrikoltura u tas-Sajd Marittimu - Dipartiment tas-Sajd Marittimu (minn hawn 'il quddiem imsejjaħ 'id-Dipartiment'), il-listi tal-bastimenti li japplikaw sabiex iwettqu l-attivitajiet tas-sajd tagħhom fil-limiti stabbiliti fid-dokumenti tekniċi annessi mal-Protokoll, mill-inqas 20 jum qabel id-data tal-bidu tal-validità tal-liċenzji mitluba. Dawn il-listi għandhom jiġu trażmessi elettronikament b'format kompatibbli mas-softwer użat mid-Dipartiment.

5.           Dawn il-listi għandhom jiddikjaraw l-għadd ta' bastimenti għal kull kategorija tas-sajd u żona u għal kull bastiment, il-karatteristiċi prinċipali tiegħu, il-pagamenti maqsuma skont l-intestatura u t-tagħmir li se jintuża matul il-perjodu inkwistjoni.

6.           Għall-kategorija " sajd pelaġiku industrijali ", fuq il-lista għandha tkun imsemmija wkoll il-kwota mitluba f'tunnellati ta' qabdiet fil-forma ta' ċifri proviżorji għal kull xahar. Jekk f'xahar partikolari, il-qabdiet jilħqu l-kwota proviżorja ta' kull xahar tal-bastiment qabel tmiem ix-xahar inkwistjoni, sid il-bastiment għandu l-possibbiltà li jibgħat lid-Dipartiment, permezz tal-Kummissjoni, ċifra proviżorja aġġustata għal kull xahar u talba biex din il-kwota proviżorja ta' kull xahar tiġi estiża.

7.           Jekk matul xahar partikolari, il-qabdiet jibqgħu ma jilħqux il-kwota proviżorja ta' kull xahar, parti korrispondenti tal-kwota jew tariffa għandha tiġi kkreditata fuq ix-xahar ta' wara.

8.           L-applikazzjonijiet individwali għal-liċenzja, miġbura skont il-kategorija tas-sajd, huma ppreżentati lid-Dipartiment simultanjament mat-trażmissjoni tal-listi prevvisti fil-paragrafi 4 u 5 f'konformità mal-mudell tal-formola li jingħata fl-Appendiċi 1.

9.           Kull applikazzjoni għal-liċenzja għandha tkun akkumpanjata mid-dokumenti li ġejjin:

– kopja taċ-ċertifikat tat-tunnellaġġ iċċertifikat kif xieraq mill-Istat Membru tal-bandiera;

– ritratt riċenti bil-kulur u ċċertifikat li juri l-bastiment mill-ġenb fl-istat attwali tiegħu. Dan ir-ritratt m’għandux ikun iżgħar minn 15-il cm b’10 cm;

– il-prova tal-ħlas tad-drittijiet għal-liċenzji tas-sajd, it-tariffi u l-ispejjeż għall-osservaturi. Fil-każ tal-kategorija " sajd pelaġiku industrijali ", il-prova tal-ħlas tat-tariffi għandha tiġi trażmessa qabel l-ewwel tax-xahar li fih tkun ippjanata attività fiż-żona tas-sajd awtorizzata, hekk kif indikat fid-dokument tekniku korrispondenti;

– kull dokument jew ċertifikat ieħor meħtieġ skont id-dispożizzjonijiet partikolari li huma applikabbli skont it-tip ta’ bastiment bis-saħħa ta’ dan il-Protokoll.

10.         Fejn liċenzja hija mġedda sena wara sena skont dan il-Protokoll fir-rigward ta' bastiment li l-karatteristiċi tekniċi tiegħu ma nbidlux, l-applikazzjoni ta' tiġdid għandha tkun akkumpanjata biss bil-prova tal-ħlas tat-tariffi tal-liċenzja tas-sajd, tariffi oħra u l-ispejjeż tal-osservaturi.

11.         Il-formoli tal-applikazzjoni għal-liċenzja u d-dokumenti kollha msemmija fil-Paragrafu 6 hawn fuq li fihom l-informazzjoni meħtieġa għall-istabbiliment ta' liċenzji tas-sajd jistgħu jiġu trażmessi elettronikament b'format kompatibbli mas-softwer użat mid-Dipartiment.

B. Ħruġ tal-liċenzji

1.           Il-liċenzji tas-sajd jinħarġu mid-Dipartiment tal-Kummissjoni, permezz tad-Delegazzjoni tal-Unjoni Ewropea fil-Marokk (minn hawn 'il quddiem imsejħa d-Delegazzjoni) għall-bastimenti kollha fi żmien 15-il ġurnata wara li d-Dipartiment jirċievi d-dokumentazzjoni kollha msemmija fil-punt 6 hawn fuq. Jekk ikun il-każ, id-Dipartiment għandu jikkomunika lill-Kummissjoni r-raġunijiet għaliex il-liċenzja ġiet irrifjutata.

2.           Il-liċenzji tas-sajd għandhom ikunu stabbiliti skont id-dejta li tinsab fid-dokumenti tekniċi annessi mal-Protokoll, u għandhom isemmu b'mod partikolari ż-żona tas-sajd, id-distanza mill-kosta, id-dejta li għandha x'taqsam mas-sistema ta' pożizzjonament u lokalizzazzjoni kontinwi bl-użu tal-komunikazzjonijiet bis-satellita (numru tas-serje tat-transponder VMS), it-tagħmir awtorizzat, l-ispeċi prinċipali, ix-xbieki awtorizzati, il-qabdiet inċidentali ttollerati u għall-kategorija " sajd pelaġiku industrijali ", il-kwoti proviżorji ta' kull xahar tal-qabdiet awtorizzati tal-bastiment. Il-kwota proviżorja ta' kull xahar tal-bastiment tista' tiġi estiża skont il-limiti tal-qabdiet previsti fid-dokument tekniku korrispondenti.

3.           Il-liċenzji tas-sajd jistgħu jinħarġu biss lill-bastimenti li jkunu wettqu l-formalitajiet amministrattivi kollha meħtieġa.

4.           Iż-żewġ partijiet għandhom jiftiehmu sabiex jippromwovu l-ħolqien ta’ sistema ta’ liċenzji elettronika.

C. Validità u użu tal-liċenzji

1.           Il-perjodu ta' validità ta' liċenzja għandu jikkorrispondi ma' sena kalendarja, bl-eċċezzjoni tal-ewwel perjodu li għandu jibda fid-data tal-applikazzjoni u jispiċċa fil-31 ta' Diċembru tal-istess sena, u l-aħħar perjodu li għandu jibda fl-1 ta' Jannar u jispiċċa fid-data tal-iskadenza tal-Protokoll.

2.           Il-liċenzja tas-sajd hija valida biss għall-perjodu kopert mill-ħlas tat-tariffa, kif ukoll għaż-żona tas-sajd, it-tipi ta’ tagħmir u l-kategorija indikati fil-liċenzja msemmija.

3.           Kull liċenzja tas-sajd tinħareġ f’isem bastiment speċifiku u mhijiex trasferibbli. Madankollu, f'każ ippruvat ta' forza maġġuri, bħat-telf jew l-immobilizzazzjoni mtawla ta' bastiment minħabba f'nuqqas tekniku serju kkonfermat kif xieraq mill-awtoritajiet kompetenti tal-Istat tal-bandiera u fuq talba tal-Unjoni Ewropea, liċenzja maħruġa għal bastiment minnhom għandha tiġi sostitwita, mill-aktar fis possibbli, b'liċenzja maħruġa għal bastiment ieħor tal-istess kategorija tas-sajd, fejn it-tunnellaġġ ma jeċċedix dak tal-bastiment bil-ħsara.

4.           Sid il-bastiment li ġralu l-ħsara, jew ir-rappreżentant tiegħu/tagħha, għandhom jirritornaw il-liċenzja tas-sajd ikkanċellata lid-Dipartiment.

5.           Il-liċenzji tas-sajd għandhom jinżammu l-ħin kollu abbord il-bastiment liċenzjat u jintwerew, waqt kull kontroll, lill-awtoritajiet li jkollhom id-dritt jitolbu dan.

6.           Il-liċenzji tas-sajd jistgħu jkunu validi għal sena kalendarja, għal semestru jew trimestru. Semestru għandu jikkorrispondi għal wieħed mill-perjodi ta’ sitt xhur li jibdew jew fl-1 ta’ Jannar, jew fl-1 ta’ Lulju, bl-eċċezzjoni tal-ewwel u l-aħħar perjodu tal-Protokoll. Trimestru għandu jikkorrispondi għal wieħed mill-perjodi ta’ tliet xhur li jibdew fl-1 ta’ Jannar, fl-1 ta’ April, fl-1 ta’ Lulju jew fl-1 ta’ Ottubru, bl-eċċezzjoni tal-ewwel u l-aħħar perjodu tal-Protokoll.

D. Ħlasijiet tal-liċenzji tas-sajd u tariffi

1.           Il-ħlasijiet annwali tal-liċenzji tas-sajd huma stabbiliti permezz tal-leġiżlazzjoni Marokkina fis-seħħ.

2.           Il-ħlasijiet tal-liċenzji jkopru s-sena kalendarja li matulha tinħareġ il-liċenzja u għandhom jitħallsu mal-ewwel applikazzjoni għal liċenzja għas-sena kurrenti. Il-ħlasijiet tal-liċenzji jinkludu kull ħlas jew taxxa oħra relatati, ħlief għat-taxxi tal-port jew ħlasijiet għal prestazzjoni ta' servizzi.

3.           Minbarra l-ħlasijiet tal-liċenzji tas-sajd, it-tariffi jiġu kkalkulati għal kull bastiment skont ir-rati stipulati fid-dokumenti tekniċi annessi mal-Protokoll.

4.           Il-kalkolu tat-tariffa jsir pro rata mal-validità effettiva tal-liċenzja tas-sajd, b'kunsiderazzjoni għal irkupri bijoloġiċi eventwali.

5.           Kull tibdil fil-leġiżlazzjoni dwar il-liċenzji tas-sajd għandu jiġi kkomunikat lill-Kummissjoni mhux aktar tard minn xahrejn qabel ma jiġi applikat.

E. Termini tal-ħlas

Il-ħlas tal-liċenzji tas-sajd, tat-tariffi u tal-ispejjeż tal-osservaturi għandu jsir f’isem it-Teżorier Ministerjali tal-Ministeru tal-Agrikoltura u tas-Sajd Marittimu qabel ma jinħarġu l-liċenzji tas-sajd fil-kont bankarju Nru 0018100078000 20110750201 miftuħ fil-Bank Al Maghrib - il-Marokk.

Il-ħlas tat-tariffi fuq il-kwoti allokati għall-bastimenti tat-tkarkir tal-kategorija "sajd pelaġiku industrijali" għandu jitħallas kif ġej:

– It-tariffa li tikkorrispondi għall-kwota proviżorja ta' kull xahar tal-bastiment mitluba minn sid il-bastiment għandha titħallas qabel il-bidu tal-attività tas-sajd jew fl-ewwel ġurnata ta' kull xahar;

– Fil-każ ta' estensjoni tal-kwota proviżorja ta' kull xahar hekk kif previst fil-Paragrafu 6 tat-Taqsima A tal-Kapitolu I, it-tariffa li tikkorrispondi għal din l-estensjoni għandha tasal għand l-awtoritajiet Marokkini qabel ma' s-sajd ikun jista' jkompli għaddej.

– Fil-każ ta' skorriment tal-kwota proviżorja ta' kull xahar u kwalunkwe estensjoni tagħha, l-ammont tat-tariffa li jikkorrispondi għal dan l-iskorriment għandu jiġi miżjud b'fattur ta' 3. Il-bilanċ ta' kull xahar, ikkalkulat abbażi tal-qabdiet li fil-fatt saru, għandu jitħallas fi żmien xahrejn wara x-xahar li fih saru dawn il-qabdiet.

Kapitolu II

Dispożizzjonijiet applikabbli għal bastimenti tat-tonn

1.           It-tariffi għandhom ikunu ta' EUR 35 għal kull tunnellata maqbuda fiż-żona tas-sajd Marokkina.

2.           Il-liċenzji jinħarġu għal sena kalendarja wara l-ħlas bil-quddiem ta’ somma fissa ta’ EUR 7 000 għal kull bastiment.

3.           Il-ħlas antiċipat jiġi kkalkulat pro rata skont kemm iddum valida l-liċenzja tas-sajd.

4.           Il-kaptani tal-bastimenti li jkollhom liċenzja għall-ispeċijiet li jpassu ħafna għandhom iżommu ġurnal ta’ abbord aġġornat skont il-mudell inkluż fl-Appendiċi 6 ta' dan l-Anness.

5.           Huma obbligati wkoll li jibagħtu kopja tal-ġurnal ta’ abbord imsemmi lill-awtoritajiet kompetenti tagħhom sa mhux aktar tard minn 15-il ġurnata wara l-iżbark tal-qabdiet. Dawn l-awtoritajiet għandhom jibagħtu kopji lill-Kummissjoni mingħajr dewmien, li għandha r-responsabbiltà li tibgħathom lid-Dipartiment.

6.           Sat-30 ta’ April, il-Kummissjoni għandha tibgħat lid-Dipartiment dikjarazzjoni tat-tariffi li għandhom jitħallsu għall-kampanja tas-sajd preċedenti, ibbażata fuq id-dikjarazzjonijiet tal-qabdiet magħmula minn kull sid ta' bastiment u kkonfermati mill-istituti xjentifiċi responsabbli fl-Istati Membri u l-Marokk, bħall-IRD (Institut de Recherche pour le Développement), l-IEO (Instituto Español de Oceanografíá), l-IPMA (Instituto Português do Mar e da Atmosfera) u l-INRH (Institut National de Recherche Halieutique).

7.           Għall-aħħar sena tal-applikazzjoni r-rendikont tat-tariffi dovuti għall-kampanja tas-sajd preċedenti għandu jiġi nnotifikat fi żmien 4 xhur wara li jkun skada l-Protokoll.

8.           Id-dikjarazzjoni finali għandha tintbagħat lis-sidien tal-bastimenti kkonċernati li għandu jkollhom 30 ġurnata żmien, mill-avviż ta’ approvazzjoni taċ-ċifri mid-Dipartiment, sabiex jissodisfaw l-obbligi finanzjarji tagħhom. Il-prova tal-ħlas minn sid il-bastiment, li għandha ssir f’euro f’isem it-Teżorier Ġenerali tal-Marokk fil-kont bankarju msemmi fis-sezzjoni E tal-ewwel Kapitolu, għandha tintbagħat lid-Dipartiment mill-Kummisjoni sa mhux aktar tard minn xahar u nofs wara dak l-avviż.

9.           Madankollu, jekk l-ammont tad-dikjarazzjoni jkun anqas mit-total tal-ħlasijiet bil-quddiem imsemmija hawn fuq, id-differenza korrispondenti ma tistax tiġi rkuprata.

10.         Sidien il-bastimenti għandhom jieħdu l-passi kollha meħtieġa sabiex il-kopji tal-ġurnal ta’ abbord jintbagħtu u li kwalunkwe ħlasijiet supplimentari jsiru fl-iskadenzi indikati fil-punti 5 u 8.

11.         In-nuqqas ta’ osservanza tal-obbligi stipulati fil-punti 5 u 8 għandu jwassal għas-sospensjoni awtomatika tal-liċenzja tas-sajd sakemm sid il-bastiment jonora l-obbligi tiegħu.

Kapitolu III

Żoni tas-sajd

Il-Marokk għandu jinforma lill-UE, qabel id-data ta' applikazzjoni tal-Protokoll, dwar il-koordinati ġeografiċi tal-linji ta' bażi u taż-żoni kollha fi ħdana fejn is-sajd huwa projbit, għajr iż-żona Mediterranja tal-Marokk li tinsab fil-Lvant ta' 35°47’18’’T – 5°55’33’’P (Cap Spartel), li hija eskluża minn dan il-Protokoll.

Iż-żoni tas-sajd għal kull kategorija fiż-żona Atlantika tal-Marokk, huma indikati fid-dokumenti tekniċi (l-Appendiċi 2).

Kapitolu IV

Termini għall-implimentazzjoni tas-sajd sperimentali

Iż-żewġ partijiet għandhom jiddeċiedu flimkien (i) dwar l-operaturi Ewropej li jistgħu jipprattikaw is-sajd sperimentali, (ii) il-perjodu l-aktar adattat għal dan il-għan u (iii) il-kondizzjonijiet applikabbli. Sabiex ikun iffaċilitat ix-xogħol esploratorju tal-bastimenti, id-Dipartiment għandu jgħaddi l-informazzjoni xjentifika u tagħrif ieħor fundamentali disponibbli. Iż-żewġ partijiet għandhom jaqblu dwar il-Protokoll xjentifiku li għandu jintuża bħala bażi għal sajd sperimentali bħal dan, u li għandu jintbagħat lill-operaturi kkonċernati.

Is-settur tas-sajd Marokkin għandu jkun involut mill-qrib (koordinazzjoni u djalogu dwar il-kondizzjonijiet għall-implimentazzjoni tas-sajd sperimentali).

Il-kampanji tas-sajd sperimentali ma għandhomx idumu aktar minn sitt xhur u anqas minn tliet xhur, sakemm ma jkunx deċiż mod ieħor bi ftehim bejn il-partijiet.

Il-Kummissjoni għandha tikkomunika lill-awtoritajiet Marokkini l-applikazzjonijiet għal-liċenzji tas-sajd sperimentali. Hija għandha tipprovdi fajl tekniku li jispeċifika:

– il-karatteristiċi tekniċi tal-bastiment;

– il-livell ta’ għarfien espert tal-uffiċjali tal-bastiment fir-rigward ta’ sajd bħal dan;

– il-proposta fir-rigward tal-parametri tekniċi tal-kampanja tas-sajd sperimentali (dewmien, tagħmir, reġjuni għall-esplorazzjoni, eċċ.);

– il-mezz ta’ finanzjament.

Jekk ikun meħtieġ, id-Dipartiment għandu jorganizza djalogu fir-rigward ta' aspetti tekniċi u finanzjarji mal-Kummissjoni u, possibilment mas-sidien tal-bastimenti kkonċernati.

Qabel il-bidu ta' kampanja tas-sajd sperimentali, il-bastiment tal-Unjoni Ewropea għandu jidħol f'port Marokkin biex isirulu spezzjonijiet bħal dawk previsti fil-Punti 1.1 u 1.2 tal-Kapitolu IX ta' dan l-Anness.

Qabel il-bidu tal-kampanja tas-sajd sperimentali, sidien il-bastimenti għandhom jipprovdu lid-Dipartiment u lill-Kummissjoni:

– dikjarazzjoni tal-qabdiet li tkun diġà abbord;

– il-karatteristiċi tekniċi tat-tagħmir tas-sajd li jkun se jintuża matul il-kampanja tas-sajd sperimentali;

– garanzija li dawn jissodisfaw ir-rekwiżiti tal-regolamenti tal-Marokk fi kwistjonijiet relatati mas-sajd.

Matul il-kampanja tas-sajd sperimentali fuq il-baħar, is-sidien tal-bastimenti kkonċernati għandhom:

– jibagħtu lid-Dipartiment u lill-Kummissjoni Ewropea rapport fil-ġimgħa dwar il-qabdiet ta’ kuljum u ta’ kull sajda, inkluża deskrizzjoni tal-parametri tekniċi tal-kampanja tas-sajd sperimentali (il-pożizzjoni, il-fond, id-data u l-ħin, il-qabdiet u osservazzjonijiet jew kummenti oħra);

– jindikaw il-pożizzjoni, il-veloċità u r-rotta tal-bastiment permezz tal-VMS;

– jiżguraw li osservatur xjentifiku ta' nazzjonalità Marokkina jew magħżul mill-awtoritajiet Marokkini jkun preżenti abbord. Ir-rwol tal-osservatur huwa li jiġbor informazzjoni xjentifika mill-qabdiet kif ukoll li jieħu kampjuni mill-qabdiet. L-osservatur għandu jiġi ttrattat l-istess bħal uffiċjal tal-bastiment u sid il-bastiment għandu jħallas l-ispejjeż għall-għajxien tiegħu abbord il-bastiment. Id-deċiżjoni dwar iż-żmien li l-osservatur jgħaddi abbord, dwar kemm idum abbord u dwar il-port tal-imbark u tal-iżbark għandha tittieħed bi ftehim mal-awtoritajiet Marokkini. Sakemm il-partijiet ma jiddeċidux mod ieħor, il-bastiment qatt ma għandu jkun obbligat li jidħol fil-port aktar minn darba kull xahrejn;

– jissottomettu l-bastiment tagħhom għal spezzjoni qabel ma jħalli ż-żona tas-sajd Marokkina, jekk l-awtoritajiet tal-Marokk jitolbu dan;

– josservaw ir-regolamenti tal-Marokk fil-kwistjonijiet relatati mas-sajd.

Il-qabdiet, inkluż il-qabdiet inċidentali, li jsiru matul il-kampanja tas-sajd sperimentali xjentifika għandhom jibqgħu l-proprjetà ta' sid il-bastiment, sakemm ikun hemm konformità mad-dispożizzjonijiet stipulati mill-Kumitat Konġunt f’dan ir-rigward u d-dispożizzjonijiet tal-Protokoll xjentifiku.

Id-Dipartiment għandu jinnomina persuna ta’ kuntatt li tkun inkarigata sabiex tittratta l-problemi mhux previsti li jistgħu jfixklu l-iżvilupp tas-sajd sperimentali.

Kapitolu V

Dispożizzjonijiet rigward is-sorveljanza bis-satellita tal-bastimenti tas-sajd tal-UE li joperaw fiż-żona tas-sajd Marokkina skont dan il-ftehim

1.           Dispożizzjonijiet Ġenerali

1.1.        Ir-regolamenti tal-Marokk li jirregolaw il-funzjonament tal-apparat għall-pożizzjonament u l-lokalizzazzjoni bis-satellita huma applikabbli għall-bastimenti tal-Unjoni Ewropea li qed joperaw jew li għandhom l-intenzjoni li joperaw fiż-żona tas-sajd Marokkina fi ħdan il-qafas ta' dan il-Protokoll. L-Istat tal-bandiera għandu jiżgura li bastimenti li jtajru l-bandiera tiegħu jikkonformaw mad-dispożizzjonijiet ta' dawk ir-regolamenti.

1.2.        Għall-finijiet tas-sorveljanza bis-satellita, l-awtoritajiet Marokkini għandhom jikkomunikaw lill-Parti Ewropea l-koordinati (il-latitudnijiet u l-lonġitudnijiet) taż-żoni tas-sajd tal-Marokk, kif ukoll kwalunkwe żona fejn is-sajd huwa projbit.

(1) Id-Dipartiment għandu jibgħat din l-informazzjoni lill-Kummissjoni qabel id-data ta' applikazzjoni ta' dan il-Protokoll;

(2) Din l-informazzjoni għandha tiġi trażmessa b'format elettroniku, b'forma deċimali N/S DD.ddd (WGS84);

(3) Kull modifika fil-koordinati għandha tiġi kkomunikata mingħajr dewmien.

1.3.        L-Istat tal-bandiera u l-Marokk għandhom jagħżlu korrispondent VMS kull wieħed li jaġixxi bħala l-punt ta' kuntatt.

(1) Iċ-Ċentri tas-Sorveljanza u l-Kontroll tas-Sajd (CSCP) tal-Istat tal-bandiera u tal-Marokk għandhom jikkomunikaw qabel id-data ta' applikazzjoni l-koordinati (isem, indirizz, telefown, teleks, posta elettronika) tal-korrispondent VMS rispettiv tagħhom.

(2) Kull modifika fil-koordinati tal-korrispondent VMS għandha tiġi kkomunikata mingħajr dewmien.

2.           Dejta tal-VMS

2.1.        Il-pożizzjoni tal-bastimenti hija determinata b’marġini ta’ żball inferjuri għal 100 m u b’intervall ta’ kunfidenza ta’ 99 %.

2.2.        Meta bastiment li jkun qed jistad fil-qafas tal-Ftehim u huwa s-suġġett ta' monitoraġġ bis-satellita skont id-dispożizzjonijiet ta' dan il-Protokoll jidħol fiż-żona tas-sajd Marokkina, ir-rapporti sussegwenti tal-pożizzjoni għandhom jiġu kkomunikati immedjatament mis-CSCP tal-Istat tal-bandiera lis-CSCP tal-Marokk. Dawn il-messaġġi għandhom jiġu trażmessi kif ġej:

(1) B'mod elettroniku bl-użu ta' protokoll sikur;

(2) Bi frekwenza inferjuri jew ugwali għal sagħtejn;

(3) Bil-format indikat fl-Appendiċi 3;

(4) Bħala rapporti dwar il-pożizzjoni.

2.3.        Barra minn hekk, il-pożizzjonijiet VMS għandhom jiġu identifikati kif ġej:

(1) L-ewwel pożizzjoni rreġistrata wara d-dħul fiż-żona tas-sajd Marokkina għandha tkun identifikata bil-kodiċi “ENT”;

(2) Il-pożizzjonijiet kollha segwenti huma identifikati bil-kodiċi "POS";

(3) L-ewwel pożizzjoni rreġistrata wara t-tluq miż-żona tas-sajd Marokkina għandha tkun identifikata bil-kodiċi “EXI”;

(4) Il-pożizzjonijiet trażmessi manwalment, f'konformità mal-punt 13 huma identifikati bil-kodiċi "MAN".

2.4.        Il-komponenti tas-softwer u l-ħardwer tal-apparat tas-sistema ta' monitoraġġ bis-satellita għandhom ikunu:

(1) Affidabbli, u ma jippermettu l-ebda falsifikazzjoni tal-pożizzjonijiet u ma jistgħux jiġu mmanipolati manwalment;

(2) Kompletament awtomatiċi u operattivi f’kull ħin indipendentement mill-kondizzjonijiet ambjentali u tat-temp.

2.5.        Huwa pprojbit li wieħed iċaqlaq, jiddiskonnettja, jeqred, jagħmel ħsara jew ikisser is-sistema ta' lokalizzazzjoni kontinwa bl-użu tal-komunikazzjonijiet bis-satellita mqiegħda abbord il-bastiment għal skopijiet ta' trażmissjoni ta' dejta jew li jaltera volontarjament, jiddevja jew jiffalsifika d-dejta li toħroġ minn din is-sistema jew li tiġi rreġistrata minnha.

2.6.        Il-kaptani tal-bastimenti għandhom jiżguraw f'kull ħin li:

(1) l-informazzjoni ma tiġix mibdula;

(2) l-antenna jew l-antenni konnessi mat-tagħmir ta’ sorveljanza bis-satellita ma jkunu ostakolati bl-ebda mod;

(3) il-provvista tal-elettriku għat-tagħmir tas-sorveljanza bis-satellita ma tinqatax;

(4) it-tagħmir tas-sorveljanza bis-satellita ma jiġix żarmat mill-bastiment.

2.7.        Il-partijiet jaqblu li jiskambjaw, fuq talba, informazzjoni dwar l-apparat użat għall-monitoraġġ bis-satellita, sabiex jivverifikaw li kull parti mit-tagħmir hija kompletament kompatibbli mal-ħtiġijiet tal-parti l-oħra għall-iskopijiet ta' dawn id-dispożizzjonijiet u wkoll sabiex jiġu stabbiliti kwalunkwe protokolli ta' skambju fil-każ tal-inklużjoni ta' funzjonalitajiet li jippermettu t-trasferiment tad-dejta tal-qabdiet.

3.           Nuqqas tekniku jew ħsara li taffettwa l-apparat ta' monitoraġġ ta' abbord il-bastiment

3.1.        Fil-każ ta' nuqqas tekniku jew ħsara li taffettwa l-apparat użat għall-monitoraġġ kontinwu bis-satellita abbord il-bastiment tas-sajd, id-Dipartiment u l-Kummissjoni għandhom ikunu infurmati mingħajr dewmien mill-Istat tal-bandiera.

3.2.        L-apparat inkwistjoni għandu jiġi sostitwit mingħajr dewmien fi żmien 10 ijiem ta' xogħol wara l-konferma ta' dan in-nuqqas. Ladarba din l-iskandenza tkun għaddiet, il-bastiment inkwistjoni jrid iħalli ż-żona tas-sajd Marokkina jew jiirritorna lejn port Marokkin għat-tiswija.

3.3.        Sakemm l-apparat ma jiġix sostitwit, il-kaptan tal-bastiment għandu jittrażmetti manwalment b'mod elettroniku, bir-radju jew bil-faks, rapport dwar il-pożizzjoni globali kull 4 sigħat inkluż rapporti dwar il-pożizzjoni hekk kif irreġistrata mill-kaptan tal-bastiment skont il-kondizzjonijiet previsti fil-punt 5.

3.4.        Dawn il-messaġġi manwali għandhom jiġu trażmessi lis-CSCP tal-Istat tal-bandiera li għandu jittrażmettihom mingħajr dewmien lis-CSCP Marokkin.

4.           Meta d-dejta VMS ma tasalx għand is-CSCP Marokkin

4.1.        Jekk is-CSCP Marokkin jiskopri li l-Istat tal-bandiera mhux qed jikkomunika l-informazzjoni prevista fil-punt 5, il-Kummissjoni u l-Istat tal-bandiera għandhom jiġu infurmati immedjatament.

4.2.        Is-CSCP tal-Istat tal-bandiera li mhuwiex konformi u/jew is-CSCP Marokkin għandhom immedjatament jinnotifikaw kwalunkwe anomalija operazzjonali li għandha x'taqsam mal-komunikazzjoni u l-wasla tal-messaġġi tal-pożizzjoni bejn is-CSCP sabiex tinsab soluzzjoni teknika malajr kemm jista' jkun. Il-Kummissjoni għandha tiġi infurmata bis-soluzzjoni li tkun instabet miż-żewġ CSCP.

4.3.        Il-messaġġi kollha mhux trażmessi matul dan il-waqfien għandhom jiġu trażmessi mill-ġdid malli l-komunikazzjoni bejn is-CSCP tal-Istat tal-bandiera kkonċernat u s-CSCP Marokkin tistabbilixxi ruħha mill-ġdid.

4.4.        Is-CSCP tal-Istat tal-bandiera u s-CSCP Marokkin għandhom jaqblu b'mod reċiproku qabel id-dħul fis-seħħ ta' dan il-Protokoll dwar il-mezzi ta' komunikazzjoni elettroniċi alternattivi li għandhom jiġu użati għat-trażmissjoni tad-dejta VMS f'każ ta' nuqqas ta' konformità tas-CSCP, u għandhom jinfurmaw lil xulxin minnufih b'kull modifika.

4.5.        In-nuqqasijiet ta' komunikazzjoni bejn is-CSCP tal-Marokk u tal-Istati tal-bandiera tal-UE m'għandhomx jaffettwaw il-ħidma normali tal-attivitajiet tas-sajd tal-bastimenti. Madankollu, it-tip ta' trażmissjoni deċiża skont il-punt 4.4 għandha tintuża immedjatament.

4.6.        Il-Marokk għandu jinforma lis-servizzi ta' kontroll kompetenti tiegħu sabiex il-bastimenti tal-UE ma jkunux meqjusa li qed iwettqu ksur minħabba n-nuqqas ta' trażmissjoni tad-dejta ERS ikkawżat min-nuqqas ta' CSCP u tal-mezzi tat-trażmissjoni deċiżi skont il-punt 4.4.

5.           Protezzjoni tad-dejta VMS

5.1.        Id-dejta kollha ta' monitoraġġ ikkomunikata minn parti waħda lill-oħra f'konformità ma' dawn id-dispożizzjonijiet hija intenzjonata esklussivament għall-monitoraġġ, il-kontroll u s-sorveljanza mill-awtoritajiet Marokkini tal-flotta tas-sajd Ewropea fi ħdan il-qafas ta' dan il-Ftehim, jew għal studji ta' riċerka mwettqa mill-Marokk fir-rigward tal-ġestjoni u l-iżvilupp tas-sajd.

5.2.        Din id-dejta taħt l-ebda ċirkostanzi m'għandha tiġi kkomunikata lil terzi persuni tkun xi tkun ir-raġuni.

5.3.        Kull nuqqas ta’ qbil fir-rigward tal-interpretazzjoni jew l-applikazzjoni ta’ dawn id-dispożizzjonijiet għandu jkun ittrattat b’konsultazzjoni bejn il-Partijiet fi ħdan il-Kumitat Konġunt prevista fl-Artikolu 10 tal-Ftehim, u dan għandu jieħu deċiżjoni dwar il-kwistjoni.

5.4.        Jekk ikun hemm bżonn, il-partijiet jaqblu li jemendaw dawn id-dispożizzjonijiet fi ħdan il-Kumitat Konġunt previst fl-Artikolu 10 tal-Ftehim.

Kapitolu VI

Dikjarazzjoni tal-qabdiet

1.           Ġurnal ta’ abbord

1.1.        Il-kaptani tal-bastimenti huma obbligati li jagħmlu użu mill-ġurnal ta’ abbord maħsub apposta għall-prattika tas-sajd fiż-żona tas-sajd Marokkina, li l-mudell tiegħu jinsab fl-Appendiċi 7 tal-Anness u li jżommu dan il-ġurnal ta’ abbord aġġornat skont id-dispożizzjonijiet li jinsabu fin-nota ta’ spjegazzjoni fl-imsemmi ġurnal ta’ abbord.

1.2.        Sidien il-bastimenti huma obbligati li jibagħtu kopja tal-ġurnal ta’ abbord lill-awtoritajiet kompetenti tagħhom mhux aktar tard minn 15-il ġurnata wara l-iżbark tal-qabdiet. Dawn l-awtoritajiet għandhom jibagħtu kopji lill-Kummissjoni mingħajr dewmien, li għandha r-responsabbiltà li tibagħthom lid-Dipartiment.

1.3.        In-nuqqas ta’ osservanza tal-obbligi previsti fil-paragrafi 1 u 2 ta’ hawn fuq mis-sidien tal-bastimenti jwassal għas-sospensjoni awtomatika tal-liċenzja tas-sajd sakemm sid il-bastiment jonora l-obbligi tiegħu. Il-Kummissjoni għandha tiġi infurmata mingħajr dewmien bi kwalunkwe deċiżjoni bħal din.

2.           Dikjarazzjoni tal-qabdiet ta’ kull tliet xhur

2.1.        Il-Kummissjoni għandha tinforma lid-Dipartiment, qabel it-tmiem tat-tielet xahar ta’ kull perjodu ta’ tliet xhur, dwar il-kwantitajiet maqbuda, matul it-tliet xhur preċedenti, mill-bastimenti kollha tal-UE, b'konformità mal-mudelli previsti fl-Appendiċi 8 u 9 ta' dan l-Anness.

2.2.        Id-dejta mogħtija għandha tkun maqsuma fuq kull xahar u skont il-kategorija għal kull bastiment u kull speċi speċifikata fil-ġurnal ta’ abbord.

2.3.        Din id-dejta għandha tintbagħat ukoll lid-Dipartiment permezz ta’ dokument elettroniku f’format kompatibbli mas-softwer użat mill-Ministeru.

3.           Affidabbiltà tad-dejta

L-informazzjoni inkluża fid-dokumenti msemmija fil-punti 1 u 2 ta’ hawn fuq għandha tirrifletti r-realtà tas-sajd sabiex tkun tista’ tikkostitwixxi waħda mill-bażijiet tas-sorveljanza tal-evoluzzjoni tal-istokkijiet.

4.           Tranżizzjoni lejn sistema elettronika

Iż-żewġ partijiet stabbilixxew protokoll għall-iskambju elettroniku tal-informazzjoni kollha li għandha x'taqsam mal-qabdiet u d-dikjarazzjonijiet ("Electronic Reporting System"), imsejħa "dejta ERS", stabbilita fl-Appendiċi 11. Iż-żewġ partijiet għandhom jipprovdu għall-implimentazzjoni ta' dan il-protokoll u s-sostituzzjoni tal-verżjoni fuq il-karta tad-dikjarazzjoni tal-qabdiet bid-dejta ERS, mill-implimentazzjoni mill-Marokk tal-apparat u s-softwer meħtieġ.

5.           Żbark 'il barra mill-Marokk

Sidien il-bastimenti huma obbligati jittrażmettu lill-awtoritajiet kompetenti tagħhom id-dikjarazzjonijiet tal-iżbark tal-qabdiet imwettqa fi ħdan dan il-Protokoll, mhux aktar tard minn ħmistax-il ġurnata wara l-iżbark. Dawn l-awtoritajiet għandhom jibagħtu kopji lid-Delegazzjoni mingħajr dewmien, li għandha r-responsabbiltà li tittrażmettihom.

Kapitolu VII

Imbark tal-baħrin Marokkini

1.           Sidien il-bastimenti li jibbenefikaw minn liċenzji tas-sajd skont dan il-Ftehim, għandhom itellgħu abbord, matul il-perjodu tal-preżenza tagħhom fiż-żona tas-sajd Marokkina, baħħara Marokkini, hekk kif previst fid-dokumenti tekniċi li hemm fl-Appendiċi 2.

2.           Sidien il-bastimenti għandhom jagħżlu l-baħħara li jtellgħu abbord il-bastimenti tagħhom mil-lista uffiċjali ta' kandidati li kellhom suċċess fl-iskejjel tal-edukazzjoni marittima trażmessa mid-Dipartiment lill-Kummissjoni u kkomunikata min din tal-aħħar lill-Istati tal-bandiera kkonċernati. Il-lista tiġi aġġornata kull sena fl-1 ta' Frar. Sidien il-bastiment għandhom il-liberta jagħżlu l-kandidati mil-lista ta' kandidati li kellhom suċċess li għandhom l-aħjar għarfien u l-esperjenza l-aktar adegwata.

3.           Il-kuntratti tax-xogħol tal-baħrin Marokkini, li kopja tagħhom tingħata lill-firmatarji, għandhom isiru bejn ir-rappreżentant(i) tas-sidien tal-bastimenti u l-baħrin u/jew il-junjins tagħhom jew rappreżentanti tagħhom b’kollegament mal-awtoritajiet kompetenti tal-Marokk. Dawn il-kuntratti għandhom jiggarantixxu lill-baħrin il-benefiċċji tas-sistema tas-sigurtà soċjali li huma eliġibbli għalihom, inkluża assigurazzjoni f’każ ta’ mewt, mard jew korriment.

4.           Sid il-bastiment jew ir-rappreżentant tiegħu għandu jibgħat kopja tal-kuntratt lid-Dipartiment permezz tad-Delegazzjoni, malli l-awtoritajiet kompetenti tal-Istat Membru kkonċernat ikunu ffirmaw dan il-kuntratt.

5.           Sid il-bastiment jew ir-rappreżentant tiegħu għandu jikkomunika lid-Dipartiment, permezz tad-Delegazzjoni, l-ismijiet tal-baħrin Marokkini li jittellgħu abbord il-bastiment ikkonċernat u għandu jsemmi wkoll ir-rwol tagħhom fl-ekwipaġġ.

6.           Id-Delegazzjoni għandha tibgħat lid-Dipartiment, fl-1 ta' Frar u fl-1 ta' Awwissu, sommarju ta' sitt xhur għal kull bastiment, tal-baħħara Marokkini li ttellgħu abbord tal-bastimenti tal-UE bid-dettalji tar-reġistrazzjoni tagħhom.

7.           Id-Dikjarazzjoni tal-Organizzazzjoni Internazzjonali tax-Xogħol (ILO) dwar il-prinċipji u d-drittijiet fundamentali tax-xogħol, tapplika kollha kemm hi għall-baħrin li jittellgħu abbord il-bastimenti tas-sajd tal-UE. Dan jirrigwarda, b’mod partikolari, il-libertà tal-assoċjazzjoni u r-rikonoxximent effettiv tad-dritt tal-ħaddiema għal negozjar kollettiv kif ukoll l-eliminazzjoni tad-diskriminazzjoni fi kwistjonijiet ta’ xogħol u professjoni.

8.           Is-salarju tal-baħrin Marokkini għandu jitħallas mis-sidien tal-bastimenti. Għandu jiġi stabbilit qabel il-ħruġ tal-liċenzji, bi qbil reċiproku bejn is-sidien tal-bastimenti jew ir-rappreżentanti tagħhom u l-baħrin Marokkini kkonċernati jew ir-rappreżentanti tagħhom. Madankollu, il-kundizzjonijiet tar-remunerazzjoni tal-baħrin Marokkini ma jistgħux ikunu anqas minn dawk tal-ekwipaġġ Marokkin, u għandhom ikunu konformi mal-istandards tal-ILO u fl-ebda każ ma jkunu inferjuri għalihom.

9.           Jekk xi baħri jew baħrin impjegati abbord ma jkunux preżenti fil-ħin stabbilit għat-tluq tal-bastiment, dan tal-aħħar għandu jkun awtorizzat li jibda s-sajda ppjanata wara li jinforma lill-awtoritajiet kompetenti tal-port dwar in-nuqqas fl-għadd ta’ baħrin meħtieġa u wara li jkun organizza r-rwoli tal-ekwipaġġ. Dawn l-awtoritajiet għandhom jinfurmaw lid-Dipartiment.

10.         Sid il-bastiment huwa responsabbli li jieħu l-miżuri neċessarji biex jassigura ruħu li l-bastiment tiegħu jtella’ n-numru ta’ baħrin meħtieġa skont dan il-Ftehim, sa mhux aktar tard mis-sajda li jkun imiss.

11.         F’każ li ma jkunx hemm imbark ta' baħrin Marokkini għal raġunijiet differenti minn dawk imsemmija fil-punt preċedenti, is-sidien tal-bastimenti tal-Unjoni Ewropea kkonċernati jridu jħallsu somma fissa ta’ EUR 20 għal kull baħri Marokkin li ma jittellax abbord u għal kull ġurnata ta’ sajd fiż-żona tas-sajd Marokkina, fi żmien massimu ta’ tliet xhur.

12.         Din is-somma għandha tintuża għat-taħriġ tas-sajjieda Marokkini u għandha titħallas fil-kont tal-bank numru 0018100078000 20110750201 li hemm miftuħ fil-Bank Al Maghrib - il-Marokk.

13.         Ħlief fil-każ previst fil-punt 9, in-nuqqas persistenti, min-naħa tas-sidien tal-bastimenti, tal-impjieg tal-għadd stipulat ta’ baħrin Marokkini għandu jwassal għas-sospensjoni awtomatika tal-liċenzja tas-sajd tal-bastiment sakemm dan l-obbligu jiġi sodisfat. Id-Delegazzjoni għandha tiġi infurmata mingħajr dewmien bi kwalunkwe deċiżjoni bħal din.

Kapitolu VIII

Monitoraġġ u Osservazzjoni tas-sajd

Osservazzjoni tas-sajd

1.           Il-bastimenti awtorizzati biex jistadu fiż-żona tas-sajd Marokkina fil-qafas ta’ dan il-Protokoll għandhom itellgħu abbord lill-osservaturi maħtura mill-Marokk skont il-kundizzjonijiet stipulati hawn taħt.

1.1.        Il-bastimenti awtorizzati b’tunnellaġġ ta’ aktar minn 100 TG għandhom itellgħu osservaturi abbord fil-limitu ta’ 25 % kull tliet xhur.

1.2.        Il-bastimenti tas-sajd pelaġiku industrijali għandhom itellgħu abbord osservatur xjentifiku b’mod permanenti matul il-perjodu kollu tal-attivitajiet tagħhom fiż-żona tas-sajd Marokkina.

1.3.        Il-bastimenti tas-sajd l-oħrajn tal-Unjoni Ewropea b’tunnellaġġ ta’ 100 TG jew anqas għandhom ikunu osservati waqt massimu ta’ għaxar sajdiet f’kull sena u għal kull kategorija ta’ sajd.

1.4.        Id-Dipartiment għandu jistabbilixxi lista tal-bastimenti magħżula sabiex itellgħu osservatur abbord, kif ukoll lista tal-osservaturi maħtura sabiex jittellgħu abbord. Dawn il-listi għandhom jiġu kkomunikati lid-Delegazzjoni hekk kif ikunu lesti.

1.5.        Id-Dipartiment għandu jikkomunika lis-sidien tal-bastimenti ikkonċernati, permezz tad-Delegazzjoni, l-isem tal-osservatur maħtur sabiex jittella’ abbord il-bastiment mal-ħruġ tal-liċenzja jew mhux aktar tard minn ħmistax-il ġurnata qabel id-data prevista għall-imbark tal-osservatur.

2.           Il-żmien li jqatta' abbord l-osservatur fuq il-bastimenti tat-tkarkir huwa permanenti. Għall-kategoriji tas-sajd l-oħrajn, il-preżenza tal-osservaturi abbord dawn il-bastimenti għandha tiġi stabbilita għal sajda waħda kull bastiment.

3.           Il-kundizzjonijiet għall-imbark tal-osservatur għandhom jiġu stabbiliti bi ftehim reċiproku bejn is-sid tal-bastiment jew ir-rappreżentant tiegħu u l-awtoritajiet tal-Marokk.

4.           It-tlugħ abbord tal-osservatur għandu jseħħ fil-port magħżul minn sid il-bastiment u fil-bidu tal-ewwel sajda fiż-żona tas-sajd Marokkina wara n-notifika tal-lista tal-bastimenti magħżula.

5.           Sid il-bastiment għandu jikkomunika mhux aktar tard minn ġimgħatejn qabel l-imbark previst tal-osservaturi d-dati u l-portijiet Marokkini fejn se jsir dan l-imbark.

6.           F’każ li l-osservatur jittella’ abbord f'pajjiż barrani, l-ispejjeż tal-vjaġġ tal-osservatur jitħallsu minn sid il-bastiment. Jekk bastiment li jkollu osservatur Marokkin abbord joħroġ miż-żona tas-sajd Marokkina, għandhom jittieħdu l-miżuri kollha biex jiġi assigurat li l-osservatur jittieħed lura f’pajjiżu malajr kemm jista’ jkun, u l-ispejjeż għandhom jitħallsu minn sid il-bastiment.

7.           F’każ li l-osservatur jagħmel vjaġġ inutli, minħabba li s-sid tal-bastiment ma jonorax l-impenji li jkun għamel, l-ispejjeż tal-vjaġġ kif ukoll is-sussistenza għal kull jum, ekwivalenti għal dawk imħallsa lill-uffiċjali nazzjonali tal-Marokk ta’ grad ekwivalenti, għall-ġranet meta l-osservatur jkun inattiv, jitħallsu minn sid il-bastiment. Bl-istess mod, f’każ ta’ dewmien fl-imbark li jkun tort tas-sid tal-bastiment, dan tal-aħħar għandu jħallas lill-osservatur is-sussistenza għal kull jum imsemmi hawn fuq.

8.           Kull tibdil fir-regolamenti dwar is-sussistenza għal kull jum għandu jiġi kkomunikat lid-Delegazzjoni sa mhux aktar tard minn xahrejn qabel ma jiġi applikat.

9.           Jekk l-osservatur ma jkunx preżenti fil-post u fil-ħin miftiehem jew fit-tnax-il siegħa sussegwenti, sid il-bastiment jinħeles awtomatikament mill-obbligu li jtellgħu abbord.

10.         Waqt li jkun abbord, l-osservatur għandu jiġi ttrattat bħala uffiċjal. Huwa għandu jwettaq id-dmirijiet li ġejjin :

10.1.      josserva l-attivitajiet tas-sajd tal-bastimenti :

10.2.      jivverifika l-pożizzjoni tal-bastimenti involuti f’operazzjonijiet tas-sajd ;

10.3.      jieħu kampjuni bijoloġiċi skont il-programmi xjentifiċi ;

10.4.      jieħu nota tat-tagħmir tas-sajd użat ;

10.5.      jivverifika d-dejta dwar il-qabdiet li jsiru fiż-żona tas-sajd Marokkina li hija rreġistrata fil-ġurnal ta’ abbord;

10.6.      jivverifika l-persentaġġi tal-qabdiet inċidentali u jagħmel stima tal-volum tal-iskart tal-ispeċijiet ta’ ħut, krustaċji u ċefalopodi li jistgħu jiġu kkummerċjalizzati;

10.7.      jikkomunika, permezz tal-faks jew ir-radju, id-dejta dwar is-sajd inkluż il-volum tal-qabdiet prinċipali u inċidentali abbord.

11.         Il-kaptan għandu jieħu l-miżuri kollha relevanti li jaqgħu taħt ir-responsabbiltà tiegħu sabiex jiżgura s-sigurtà fiżika u mentali tal-osservatur waqt il-qadi ta’ dmirijietu.

12.         L-osservaturi għandhom jingħataw aċċess għal kull faċilita meħtieġa sabiex iwettqu dmirijiethom. Il-kaptan għandu jiffaċilita l-aċċess tal-osservatur għall-mezzi ta’ komunikazzjoni meħtieġa għall-qadi ta’ dmirijietu, għad-dokumenti konnessi direttament mal-attivitajiet tas-sajd tal-bastiment inklużi, b’mod partikolari, il-ġurnal ta’ abbord u l-ġurnal tan-navigazzjoni, kif ukoll għall-partijiet tal-bastiment meħtieġa sabiex ikun iffaċilitat il-qadi ta’ dmirijietu.

13.         Waqt li jkun abbord, l-osservatur għandu:

13.1.      jieħu l-miżuri kollha xierqa sabiex il-kundizzjonijiet tal-imbark tiegħu, kif ukoll il-preżenza tiegħu abbord il-bastiment, ma jinterrompux u lanqas itellfu l-operazzjonijiet tas-sajd,

13.2.      jieħu ħsieb il-beni u l-apparat li jkun hemm abbord u jirrispetta l-privatezza ta’ kull dokument li jappartjeni għall-imsemmi bastiment.

14.         Fit-tmiem tal-perjodu ta’ osservazzjoni u qabel ma jħalli l-bastiment, l-osservatur għandu jħejji rapport tal-attivitajiet li jintbagħat lill-awtoritajiet kompetenti tal-Marokk b’kopja lid-Delegazzjoni. Huwa għandu jiffirmah fil-preżenza tal-kaptan li jista’ jżid jew jara li jiżdiedu l-osservazzjonijiet kollha li jidhirlu li jkunu utli u jiffirmahom. Kopja tar-rapport tingħata lill-kaptan tal-bastiment qabel ma jsir l-iżbark tal-osservatur.

15.         Sid il-bastiment għandu jħallas għall-akkomodazzjoni u l-ikel tal-osservaturi bl-istess kundizzjonijiet li jingħataw lill-uffiċjali, b'kunsiderazzjoni għall-possibiltajiet tal-bastiment.

16.         Is-salarju u l-kontribuzzjonijiet soċjali tal-osservatur għandhom jitħallsu mill-awtoritajiet kompetenti tal-Marokk.

17.         Sabiex il-Marokk jiġi rrimborżat għall-infiq li jirriżulta mill-preżenza tal-osservaturi xjentifiċi abbord il-bastimenti, hemm previsti, b’żieda mat-tariffi li jitħallsu mis-sidien tal-bastimenti, ħlasijiet imsejħa “spejjeż għall-osservaturi” ikkalkulati fuq il-bażi ta’ EUR 5,5 kull TG għal kull trimestru u għal kull bastiment li jistad fiż-żona tas-sajd Marokkina.

18.         Dawn l-ispejjeż għandhom jitħallsu skont it-termini tal-ħlas previsiti fil-Kapitolu I, Taqsima E ta' dan l-Anness.

19.         In-nuqqas ta’ osservanza tal-obbligi previsti fil-punt 4 hawn fuq iwassal għas-sospensjoni awtomatika tal-liċenzja tas-sajd sakemm is-sid tal-bastiment jonora l-obbligi tiegħu. Id-Delegazzjoni għandha tiġi infurmata mingħajr dewmien bi kwalunkwe deċiżjoni bħal din.

Sistema ta’ Monitoraġġ konġunta tas-sajd

1.           Il-Partijiet kontraenti għandhom jistabbilixxu sistema ta’ monitoraġġ u osservazzjoni konġunta ta' kontrolli tal-iżbark fuq l-art, bi skop li titjieb l-effettività ta' kontrolli bħal dawn sabiex tkun żgurata l-konformità mad-dispożizzjonijiet ta’ dan il-Protokoll.

2.           Il-partijiet għandhom ifasslu ppjanar annwali ta' monitoraġġ konġunt li jinkludi l-kategoriji kollha tas-sajd previsti f'dan il-Protokoll.

3.           Għal dan il-għan, l-awtoritajiet kompetenti ta’ kull Parti kontraenti għandhom jinnominaw ir-rappreżentant tagħhom billi jikkomunikaw l-isem lill-Parti kontraenti l-oħra sabiex din il-persuna tassisti fil-kontroll tal-iżbark u tosserva l-modi kif dan iseħħ.

4.           Ir-rappreżentant tal-awtorità Marokkina għandu jassisti bħala osservatur fl-ispezzjonijiet tal-iżbark tal-bastimenti li jkunu operaw fiż-żona tas-sajd Marokkina, li jitwettqu mis-servizzi nazzjonali ta’ kontroll tal-Istati Membri.

5.           Huwa għandu jakkumpanja lill-uffiċjali nazzjonali tal-kontroll fl-ispezzjonijiet li jagħmlu fil-portijiet, fuq il-bastimenti, fuq il-mollijiet, fis-swieq fejn isir l-ewwel bejgħ, fil-ħwienet tan-negozjanti tal-ħut, fl-imħażen tal-friża u f’postijiet oħrajn konnessi mal-iżbark u l-ħażna tal-ħut qabel l-ewwel bejgħ u għandu jkollu aċċess għad-dokumenti soġġetti għal tali spezzjonijiet.

6.           Ir-rappreżentant tal-awtorità Marokkina għandu jħejji u jippreżenta rapport dwar il-kontroll jew kontrolli li jkun assista għalihom. Kopja ta' dan ir-rapport għandha tinbgħat lid-Delegazzjoni.

7.           Id-Dipartiment għandu javża lid-Delegazzjoni biex tassisti għall-ispezzjonijiet ipprogrammati fil-portijiet tal-iżbark, b'avviż li jingħata xahar qabel.

8.           Fuq talba tal-Kummissjoni, l-ispetturi tas-sajd tal-Unjoni Ewropea jistgħu jassistu bħala osservaturi fl-ispezzjonijiet imwettqa mill-awtoritajiet Marokkini fir-rigward tal-operazzjonijiet tal-iżbark tal-bastimenti tal-Unjoni Ewropea fil-portijiet Marokkini.

9.           Il-metodi użati f’dawn l-operazzjonijiet għandhom jiġu deċiżi bi ftehim reċiproku bejn l-awtoritajiet kompetenti taż-żewġ partijiet.

Kapitolu IX

Monitoraġġ

1.           Spezzjonijiet tekniċi

1.1.        Darba fis-sena u wara kwalunkwe bidla fil-karatteristiċi tekniċi tagħhom jew wara talba għal bidla fil-kategorija tas-sajd li tinħtieġ użu ta’ tagħmir tas-sajd differenti, il-bastimenti tal-Unjoni Ewropea li għandhom liċenzja skont dan il-Protokoll għandhom jippreżentaw ruħhom f’port Marokkin sabiex isirulhom l-spezzjonijiet meħtieġa mir-regolamenti li hemm fis-seħħ. Dawn l-ispezzjonijiet iridu jitwettqu fi żmien 48 siegħa mill-wasla tal-bastiment fil-port.

1.2.        Meta l-bastiment jinstab li huwa konformi, il-kaptan tal-bastiment jingħata ċertifikat, b’validità ugwali għal-liċenzja, li jiġi estiż awtomatikament għall-bastimenti li jġeddu l-liċenzja tagħhom matul dik is-sena. Madankollu, il-validità massima ma tistax teċċedi sena. Dan iċ-ċertifikat għandu jinżamm dejjem abbord.

1.3.        L-iskop tal-ispezzjoni teknika huwa li tiġi stabbilita l-konformità tal-karatteristiċi tekniċi u tat-tagħmir abbord, biex jiġi vverifikat il-funzjonament tal-appart tal-pożizzjonament u l-lokalizzazzjoni bis-satellita installata abbord u biex jiġi vverifikat li d-dispożizzjonijiet li jikkonċernaw l-ekwipaġġ Marokkin huma ssodisfati.

1.4.        L-ispejjeż relatati mal-ispezzjonijiet għandhom jitħallsu mis-sidien tal-bastimenti b’rati li jiġu stabbiliti skont l-iskeda ffissata mil-liġijiet Marokkini. Ma jistgħux ikunu aktar mis-somom normalment imħallsa mill-bastimenti l-oħra għall-istess servizzi.

1.5.        In-nuqqas ta’ osservanza tad-dispożizzjonijiet stipulati fil-paragrafi 1.1 u 1.2 ta' hawn fuq iwassal għas-sospensjoni awtomatika tal-liċenzja tas-sajd sakemm is-sid tal-bastiment jonora l-obbligi tiegħu. Id-Delegazzjoni għandha tiġi infurmata mingħajr dewmien bi kwalunkwe deċiżjoni bħal din.

2.           Dħul fiż-żona u ħruġ minnha

2.1.        Bastimenti tal-Unjoni Ewropea li għandhom liċenzja li hija konformi mad-dispożizzjonijiet ta' dan il-Protokoll għandhom jinnotifikaw lid-Dipartiment, mill-anqas sitt sigħat qabel, bl-intenzjoni tagħhom li jidħlu jew joħorġu miż-żona tas-sajd Marokkina, u għandhom jagħtu wkoll l-informazzjoni li ġejja.

2.1.1.     Data u ħin tat-trażmissjoni tal-messaġġ;

2.1.2.     Pożizzjoni tal-bastiment f'konformità mal-punt 5 tal-Kapitolu V;

2.1.3.     Il-piż f'kilogrammi u l-qabdiet ta' kull speċi miżmuma abbord, identifikati bil-kodiċi alpha-3;

2.1.4.     Messaġġi tat-tip "qabdiet mad-dħul" (COE) u "qabdiet mal-ħruġ" (COX).

2.2.        Dawn il-komunikazzjonijiet għandhom isiru preferibbilment bil-faks u, fin-nuqqas ta’ dan, f’każ ta’ bastimenti li ma jkollhomx faks, permezz tar-radju (f'dan ir-rigward ara l-informazzjoni mogħtija fl-Appendiċi 10).

2.3.        Fil-każ ta' bastimenti li huma fil-kategorija "sajd pelaġiku industrijali", il-ħruġ definittiv miż-żona tas-sajd Marokkina huwa soġġett għal awtorizzazzjoni minn qabel tad-Dipartiment. Din l-awtorizzazzjoni għandha tinħareġ fi żmien 24 siegħa minn meta tkun saret it-talba mill-kaptan jew l-aġent tal-bastiment, bl-eċċezzjoni għal rikjesta li tkun waslet lejliet l-aħħar tal-ġimgħa, fejn l-awtorizzazzjoni jkollha tinħareġ it-Tnejn ta' wara. Jekk l-awtorizzazzjoni tiġi rrifjutata, id-Dipartiment għandu javża lil sid il-bastiment mingħajr dewmien u lill-Kummissjoni Ewropea dwar ir-raġunijiet ta' dan ir-rifjut.

2.4.        Bastiment li jinstab jistad mingħajr ma jkun avża lid-Dipartiment jitqies bħala bastiment mingħajr liċenzja.

2.5.        In-numri tal-faks u tat-telefown tal-bastiment kif ukoll l-indirizz elettroniku tal-kaptan għandhom jiġu indikati minn sid il-bastiment fuq il-formola tat-talba għal-liċenzja tas-sajd.

3.           Proċeduri ta’ kontroll

3.1.        Il-kaptani tal-bastimenti tal-Unjoni Ewropea li għandhom liċenzja skont dan il-Protokoll għandhom jippermettu u jiffaċilitaw l-imbark abbord u t-twettiq tad-dmirijiet ta’ kull uffiċjal Marokkin responsabbli mill-ispezzjoni u mill-kontroll tal-attivitajiet tas-sajd.

3.2.        Dawn l-uffiċjali ma għandhomx jibqgħu abbord għal aktar mill-ħin meħtieġ sabiex iwettqu d-dmirijiet tagħhom.

3.3.        Wara kull spezzjoni u kontroll, il-kaptan tal-bastiment għandu jingħata ċertifikat.

4.           Tlugħ abbord il-bastimenti

4.1.        Id-Dipartiment għandu jinforma lid-Delegazzjoni fl-anqas żmien possibbli u mhux aktar tard minn 48 siegħa, bit-tlugħ abbord il-bastimenti kollu u bil-penali imposti fuq il-bastimenti tal-Unjoni Ewropea, fiż-żona tas-sajd Marokkina.

4.2.        Il-Kummissjoni għandha fl-istess waqt tirċievi rapport qasir dwar iċ-ċirkustanzi u r-raġunijiet li wasslu għal dan it-tlugħ abbord il-bastiment.

5.           Rapport dwar it-tlugħ abbord il-bastiment

5.1.        Il-kaptan tal-bastiment għandu jiffirma dan id-dokument wara d-dikjarazzjoni tar-raġunijiet fir-rapport imħejji mill-awtoritajiet inkarigati mill-kontroll fil-Marokk.

5.2.        Din il-firma ma tippreġudikax id-drittijiet u l-mezzi ta’ difiża li l-kaptan jista' jagħmel użu minnhom f’każ ta’ xi infrazzjoni li tiġi attribwita lilu.

5.3.        Il-kaptan għandu jidderieġi l-bastiment tiegħu lejn port indikat mill-awtoritajiet Marokkini inkarigati mill-kontroll. Il-bastiment li jkun kiser il-liġijiet Marokkini fis-seħħ dwar is-sajd fil-baħar għandu jinżamm fil-port sakemm jitlestew il-formalitajiet amministrattivi normali f’każijiet ta’ tlugħ abbord il-bastiment.

5.4.        Soluzzjoni tal-ksur: Qabel ma tinbeda xi proċedura legali, għandu jkun hemm sforz sabiex il-ksur allegat jiġi riżolt permezz ta’ soluzzjoni bonarja. Din il-proċedura m’għandhiex iddum aktar minn tliet ġranet tax-xogħol mit-tlugħ abbord il-bastiment.

5.5.        Fil-każ ta’ soluzzjoni bonarja, l-ammont tal-multa imposta għandu jiġi ffissat skont ir-regolamenti Marokkini fil-qasam tas-sajd.

5.6.        F’każ li l-kwistjoni ma tkunx tista’ tiġi riżolta permezz ta’ soluzzjoni bonarja, u tittieħed quddiem tribunal ġudizzjarju kompetenti, sid il-bastiment għandu jiddepożita garanzija bankarja, li tkun determinata skont l-ispejjeż li jirriżultaw mit-tlugħ abbord il-bastiment kif ukoll skont l-ammonti tal-multi u d-danni li huma soġġetti għalihom dawk li wettqu l-ksur, f’bank magħżul mill-awtorità kompetenti fil-Marokk.

5.7.        Il-garanzija bankarja hija irrevokabbli qabel ma tkun intemmet il-proċedura ġudizzjarja. Hija tiġi rrilaxxata jekk il-proċedura tintemm mingħajr kundanna. B'mod simili, f’każ ta’ kundanna li twassal għal multa li tkun inqas mill-garanzija ddepożitata, id-differenza għandha tiġi rrilaxxata mill-awtorità kompetenti Marokkina.

5.8.        Il-bastiment huwa awtorizzat li jitlaq mill-port:

– meta jitwettqu l-obbligi miftehma fis-soluzzjoni bonarja;

– kif ukoll mad-depożitu tal-garanzija bankarja stipulata fil-punt 5.6 hawn fuq u l-aċċettazzjoni tagħha mill-awtorità kompetenti tal-Marokk, sakemm tkun qed titlesta l-proċedura ġudizzjarja.

6.           Trasbord

1.           L-ebda operazzjoni ta’ trasbord tal-qabdiet fuq il-baħar ma hija permessa fiż-żona tas-sajd Marokkina. Madankollu, il-bastimenti industrijali tat-tkarkir pelaġiku tal-Unjoni Ewropea li għandhom liċenzja skont id-dispożizzjonijiet tal-protokoll preżenti, li jkunu jixtiequ jwettqu t-trasbord tal-qabdiet fiż-żona tas-sajd Marokkina jistgħu jagħmlu dan f’xi port Marokkin jew xi post ieħor indikat mill-awtoritajiet kompetenti Marokkini wara li jiksbu awtorizzazzjoni mid-Dipartiment. Dan it-trasbord għandu jsir taħt is-superviżjoni tal-osservatur jew ta’ rappreżentant tad-Delegazzjoni tas-sajd marittimu u tal-awtoritajiet ta’ kontroll. Kull ksur ta’ din id-dispożizzjoni jwassal għas-sanzjonijiet previsti fir-regolamenti Marokkini fis-seħħ.

1.1.        Qabel kull operazzjoni ta’ trasbord, is-sidien ta’ dawn il-bastimenti għandhom jikkomunikaw l-informazzjoni li ġejja lid-Dipartiment, mill-anqas 24 siegħa minn qabel:

– l-isem tal-bastimenti tas-sajd li jkunu se jwettqu t-trasbord ;

– l-isem tal-bastiment tal-ġarr tal-qabda, il-bandiera tiegħu, in-numru tar-reġistrazzjoni tiegħu u l-kodiċi tar-radju ;

– it-tunnellaġġ, skont l-ispeċi li tkun ser tiġi ttrasbordata ;

– id-destinazzjoni tal-qabdiet ;

– id-data u l-ġurnata tat-trasbord.

1.2.        Il-Parti Marokkina tirriżerva d-dritt li tirrifjuta t-trasbord jekk il-bastiment li jkun qiegħed iġorr il-ħut kien involut f’sajd illegali, mhux irrappurtat u mhux irregolat kemm ġewwa kif ukoll barra ż-żoni tas-sajd Marokkina.

1.3.        It-trasbord jitqies bħala ħruġ miż-żona tas-sajd Marokkina. Għalhekk, il-bastimenti għandhom jibagħtu lid-Dipartiment id-dikjarazzjonijiet tal-qabdiet u javżawh bl-intenzjoni tagħhom jew li jkomplu jistadu jew li jħallu ż-żona tas-sajd Marokkina.

1.4.        Il-kaptani tal-bastimenti industrijali tat-tkarkir pelaġiku tal-Unjoni Ewropea li għandhom liċenzja b'konformità mad-dispożizzjonijiet ta' dan il-Protokoll li huma impenjati f'operazzjonijiet ta' żbark jew ta' trasbord f’xi port tal-Marokk għandhom jippermettu u jiffaċilitaw il-kontrolli ta’ dawn l-operazzjonijiet mill-ispetturi Marokkini. Wara kull spezzjoni u kontroll fil-port, il-kaptan tal-bastiment għandu jingħata ċertifikat.

Kapitolu X

Żbark tal-qabdiet

Il-partijiet kontraenti, konxji mill-interess ta' integrazzjoni aħjar bi skop li jkun żgurat l-iżvilupp konġunt tas-setturi tas-sajd rispettivi tagħhom, jaqblu li jadottaw il-miżuri segwenti li jirrelataw mal-iżbark fil-portijiet Marokkini ta' proporzjon tal-qabdiet magħmula fiż-żona tas-sajd Marokkina minn bastimenti tal-Unjoni Ewropea li ngħataw liċenzja skont id-dispożizzjonijiet ta' dan il-Protokoll.

L-iżbark obbligatorju għandu jsir skont id-dispożizzjonijiet stipulati fid-dokumenti tekniċi annessi ma' dan il-Protokoll.

Inċentivi finanzjarji :

1.           Żbark

1.1.        Il-bastimenti tal-Unjoni Ewropea tat-tip tonn u tat-tip RSW (li joperaw fuq l-istokkijiet C tal-pelaġiċi żgħar), li għandhom liċenzja skont id-dispożizzjonijiet ta' dan il-Protokoll u li f'port Marokkin jiżbarkaw 'il fuq minn 25 % tal-iżbarki obbligatorji previsti fid-dokumenti tekniċi nri 5 u 6 jibbenefikaw minn tnaqqis fuq it-tariffa ta' 5 % għal kull tunnellata żbarkata 'il fuq mil-limitu obbligatorju.

2.           Regolamenti ta' implimentazzjoni

2.1.        Matul l-operazzjonijiet tal-iżbark, il-pixkeriji għandhom jistabbilixxu biljett tal-użin li jservi bħala bażi għat-traċċabilità tal-prodotti.

2.2.        Il-bejgħ tal-prodotti fil-livell tal-pixkerija għandu jkun iddikjarat permezz ta’ “rendikont ta’ bejgħ u tnaqqis” (RBT).

2.3.        Il-kopji tal-biljetti tal-użin u tar-RBT għandhom jintbagħtu lid-Delegazzjoni tas-sajd marittimu tal-port tal-iżbark. Wara l-approvazzjoni tad-Dipartiment, is-sidien tal-bastimenti kkonċernati jiġu infurmati dwar l-ammonti li se jiġu rimborżati lilhom. Dawn l-ammonti jitnaqqsu mit-tariffi li jkunu dovuti mat-talbiet futuri għal-liċenzji.

3.           Evalwazzjoni

3.1.        Il-livell tal-inċentivi finanzjarji għandu jiġi aġġustat fi ħdan il-Kumitat Konġunt b'kunsiderazzjoni tal-impatt soċjoekonomiku kkawżat mill-iżbark li jsir.

4.           Penali fil-każ ta' nuqqas ta' osservanza tal-obbligi tal-iżbark.

4.1.        Bastimenti fil-kategoriji li huma soġġetti għal żbark obbligatorju li ma josservawx dan l-obbligu f'konformità mad-dokumenti tekniċi relevanti jistgħu jkunu soġġetti għal żieda ta' 5% fil-ħlas tat-tariffa li jmiss. F'każ ta' reċidiviżmu, dawn il-penali jiġu eżaminati mill-ġdid mill-Kumitat Konġunt.

Appendiċi

(1) Formola tal-applikazzjoni għal liċenzja

(2) Dokumenti tekniċi

(3) Komunikazzjoni ta’ messaġġi VMS lill-Marokk, rapport tal-pożizzjoni

(4) Koordinati taż-żoni tas-sajd

(5) Koordinati tas-CSCP Marokkin

(6) Ġurnal ta’ abbord tal-ICCAT għas-sajd tat-tonn

(7) Ġurnal ta' abbord (sajd ieħor)

(8) Formola ta' dikjarazzjoni tal-qabdiet (sajd pelaġiku industrijali)

(9) Formola ta' dikjarazzjoni tal-qabdiet (sajd ieħor għajr is-sajd pelaġiku industrijali)

(10) Karatterisitiċi tal-istazzjon tar-radju tad-Dipartiment tas-sajd marittimu fil-Marokk

(11) Protokoll ERS

Appendiċi 1

FTEHIM DWAR IS-SAJD BEJN IL-MAROKK U L-UNJONI EWROPEA

APPLIKAZZJONI GĦAL LIĊENZJA TAS-SAJD

NUMRU TAL-KATEGORIJA TAS-SAJD:...

I- L-APPLIKANT

1.             Isem is-sid tal-bastiment : ....................................................................................................................................................

2.             Isem l-assoċjazzjoni jew ir-rappreżentant tas-sid tal-bastiment : ............................................................................................

3.             Indirizz tal-assoċjazzjoni jew tar-rappreżentant tas-sid tal-bastiment : .......................................................................................

.....................................................................................................................................................................................

4.             Telefown :...........................................      Faks : ................................... Posta elettronika : ……………………………………………..

5.             Isem il-kaptan : .............................. Nazzjonalità: ............................. Posta elettronika : …………………………..…

II- IL-BASTIMENT U L-IDENTIFIKAZZJONI TIEGĦU

1.             Isem il-bastiment: ...........................................................................................................................................................

2.             Pajjiż tal-bandiera: ...............................................................................................................................................

3.             Numru tar-reġistrazzjoni esterna : ..................................................................................................................................

4.             Port tar-reġistrazzjoni: ……………………. MMSI : ……………. Numru IMO :……………………………

5.             Data li fiha nkisbet il-bandiera attwali : ....................... Bandiera ta' qabel (jekk kien hemm) : …………………………

6.             Sena u post tal-kostruzzjoni: ................................... Kodiċi tas-sinjal tar-radju: .................................................................

7.             Frekwenza tas-sinjal tar-radju: …………………............ Numru tat-telefown bis-satellita: ……….…………………………

8.             Materjal tal-buq :             Azzar ¨           Injam ¨           Poliester ¨                   Ieħor ¨

III- KARATTERISTIĊI TEKNIĊI TAL-BASTIMENT U T-TAGĦMIR

1.             Tul totali : ..................................................                 Wisa’ : ....................................................................................

2.             Tunnellaġġ gross (espress f'TG) : ...............           Tunnellaġġ nett :……………………………

3.             Qawwa tal-magna prinċipali f’KW : ................ Ditta: .............................. Tip: ..........................................

4.             Tip ta’ bastiment: .................................................. Kategorija tas-sajd: …................................................................

5.             Tagħmir tas-sajd: ..........................................................................................................................................................

6.             Żoni tas-sajd : ……………………………………..              Speċi fil-mira : ………………………………………..

7.             Għadd totali tal-ekwipaġġ abbord : ...............................................................................................................................

8.             Metodu ta’ konservazzjoni abbord :  Frisk ¨            Tkessiħ ¨                     Imħallat ¨           Iffriżar ¨

9.             Kapaċità tal-friża kull 24 siegħa (f’tunnellati) : ...................................................................................................

10.           Kapaċità tal-istivi : ....................................................................    Numru : ................................................................

11.           Transponder VMS:

                Produttur: ......................................................Mudell: ……………………. Numru tas-serje : ………………………

                Verżjoni tas-softwer : ..................................................... Operatur tas-satellita : ………………………..…………..…

                                                                            Magħmul fi …, il- …

                                                                            Firma tal-applikant …

 Appendiċi 2

Il-kondizzjonijiet tas-sajd għal kull kategorija għandhom jiġu stabbiliti bi ftehim komuni kull sena qabel il-ħruġ tal-liċenzji.

Dokument tekniku dwar is-sajd Nru°1

Sajd fuq skala żgħira fit-Tramuntana: Pelaġiku

Għadd ta’ bastimenti awtorizzati || 20

Tagħmir awtorizzat || Tartaruni Qisien massimi awtorizzati skont il-kondizzjonijiet prevalenti fiż-żona, massimu : 500 m x 90 m. Sajd bil-lampara mhux permess.

Tip ta’ bastiment : || < 100 TG

Tariffa || EUR 75 kull TG u kull trimestru

Limitu ġeografiku taż-żona awtorizzata || Fit-Tramuntana ta’ 34°18’00’’. Estensjoni sal-latitudni 33°25'00" hija permessa għal 5 bastimenti kull darba, li joperaw fuq sistema ta' rotazzjoni, soġġetti għal osservazzjoni xjentifika. Lil hinn minn 2 mili nawtiċi

Speċi fil-mira || Sardin, inċova u speċi oħra pelaġiċi żgħar

Obbligu ta' żbark fil-Marokk || 30 % tal-qabdiet iddikjarati

Irkupru bijoloġiku || Xahrejn : Frar u Marzu

Obbligu ta' imbark || 3 baħħara Marokkini kull bastiment

Rimarki || L-estensjoni lejn in-Nofsinhar fuq latitudni 34°18'00N tal-attività ta' 5 tartaruni se tkun is-suġġett ta' evalwazzjoni sena wara l-applikazzjoni sabiex ikun stabbilit ir-riżultat ta' kwalunkwe interazzjoni mal-flotta nazzjonali u l-impatt fuq ir-riżorsi.

Dokument tekniku dwar is-sajd Nru°2

Sajd fuq skala żgħira fit-Tramuntana

Għadd ta’ bastimenti awtorizzati || 35

Tagħmir awtorizzat || Bastimenti tas-sajd bil-konzijiet tal-qiegħ. Kat. a) < 40 TG - Għadd massimu ta' snanar għal kull konz: 10 000 sunnara armata, immuntati u lesti biex jintużaw b'massimu ta' 5 konzijiet tal-qiegħ. Kat. b) ≥ 40 TG u < 150 TG - 15 000 sunnara armata, immuntati u lesti biex jintużaw b'massimu ta' 8 konzijiet tal-qiegħ.

Tip ta’ bastiment : || a) < 40 TG: 32 liċenzja b) ≥ 40 TG u < 150 TG: 3 liċenzji

Tariffa || EUR 67 kull TG għal kull trimestru

Limitu ġeografiku taż-żona awtorizzata || Fit-Tramuntana ta’ 34°18’00’’ N. Estensjoni sal-latitudni 33°25'00" hija permessa għal 4 bastimenti kull darba[5], li joperaw fuq sistema ta' rotazzjoni, soġġetti għal osservazzjoni xjentifika. Lil hinn minn 6 mili nawtiċi.

Speċi fil-mira || Sabre (scabbardfish), sparidae u speċi oħrajn tal-qiegħ (demersali)

Obbligu ta' żbark fil-Marokk || Ħatt volontarju

Irkupru bijoloġiku || Mill-15 ta’ Marzu sal-15 ta’ Mejju

Qabdiet inċidentali || 0% ta’ pixxispad u klieb il-baħar tal-wiċċ

Obbligu ta' imbark || < 100 TG Volontarju ≥ 100 TG: Baħħar Marokkin

Rimarki || L-estensjoni lejn in-Nofsinhar fuq latitudni 34°18'00N tal-attività ta' 4 tartaruni se tkun is-suġġett ta' evalwazzjoni sena wara l-applikazzjoni sabiex ikun stabbilit ir-riżultat ta' kwalunkwe interazzjoni mal-flotta nazzjonali u l-impatt fuq ir-riżorsi.

Dokument tekniku dwar is-sajd Nru°3

Sajd fuq skala żgħira fin-Nofsinhar

Għadd ta’ bastimenti awtorizzati || 10

Tagħmir awtorizzat || Qasab u xlief

Tip ta’ bastiment: || < 80 TG

Tariffa || EUR 67 kull TG u kull trimestru

Limitu ġeografiku taż-żona awtorizzata || Fin-Nofsinhar ta’ 30°40'00''N Lil hinn minn 3 mili nawtiċi

Speċi fil-mira || Gurbell tork, pagru (sparidés)

Obbligu ta' żbark fil-Marokk || Ħatt volontarju

Irkupru bijoloġiku || -

Tartarun awtorizzat għall-qbid tal-lixka ħajja || Xbieki ta' 8 mm għall-qabdiet tal-lixka ħajja Tartarun użat lil hinn minn 3 mili nawtiċi.

Qabdiet inċidentali || 0 % ta' ċefalopidi u ta' krustaċji 5 % ta’ speċijiet tal-qiegħ oħrajn (demersali)

Obbligu ta' imbark || 2 baħħara Marokkini kull bastiment

Dokument tekniku dwar is-sajd Nru°4

Sajd tal-qiegħ (demersali)

Għadd ta’ bastimenti awtorizzati || 16-il bastiment; 5 bastimenti tat-tkarkir u 11-il bastiment bil-konz

Tagħmir awtorizzat || - Għall-bastimenti tas-sajd bit-tkarkir: § xibka tat-tkarkir tal-qiegħ o Xbieki tal-manka ta' 70 mm o Mhux permess li l-manka tax-xibka tat-tkarkir tkun doppja. o Mhux permess li l-ispag li minnu hija magħmula l-manka tax-xibka tat-tkarkir tkun doppja. - Għall-bastimenti bil-konz : § bastimenti tas-sajd bil-konzijiet tal-qiegħ: o massimu ta' 20 000 sunnara kull bastiment

Tip ta’ bastiment: || Bastimenti tas-sajd bit-tkarkir: § tunnellaġġ massimu ta' 600 TG kull bastiment; Bastimenti bil-konz: § tunnellaġġ massimu ta' 150 TG kull bastiment;

Tariffa || EUR 60 kull TG u kull trimestru

Limitu ġeografiku taż-żona awtorizzata || Fin-Nofsinhar ta’ 29°N Lil hinn mill-isobat ta' 200 m għall-bastimenti tas-sajd bit-tkarkir; Lil hinn minn 12-il mil nawtiku għall-bastimenti bil-konz

Speċi fil-mira || Marlozz iswed, ċinturin, murruna/plamtu

Obbligu ta' żbark fil-Marokk || 30 % tal-qabdiet kull sajda

Irkupru bijoloġiku || -

Qabdiet inċidentali || 0 % taċ-ċefalopidi, tal-krustaċji u 5 % tal-klieb il-baħar tal-qiegħ .

Obbligu ta' imbark || 4 baħħara Marokkini għal kull bastiment bil-konz 7 baħħara Marokkini għal kull bastiment tas-sajd bit-tkarkir

Dokument tekniku dwar is-sajd Nru°5

Sajd għat-tonn

Għadd ta’ bastimenti awtorizzati || 27

Tagħmir awtorizzat || Xlief u lenzi għas-sajd bir-rixa

Limitu ġeografiku taż-żona awtorizzata || Lil hinn minn 3 mili Iż-żona Atlantika kollha tal-Marokk, ħlief għall-perimetru ta’ protezzjoni li qiegħed lejn il-Lvant tal-linja li tgħaqqad il-punti 33°30’N/7°35’ Punent u 35°48’N/6°20’ Punent

Speċijiet fil-mira || Tonnijiet

Obbligu ta' żbark fil-Marokk || 25 % tal-qabdiet iddikjarati magħmula minn palamit (Katsuwonus pelamis), bonito (Sarda sarda) u trumbell (Auxis thazard) kull sajda.

Irkupru bijoloġiku || -

Tartarun awtorizzat għall-qbid tal-lixka ħajja || Xbieki ta’ 8 mm għall-qbid tal-lixka ħajja, bit-tartarun użat lil hinn minn 3 mili nawtiċi.

Tariffi || EUR 35 kull tunnellata li tinqabad

Ħlas bil-quddiem || Għandu jsir ħlas bil-quddiem ta’ somma fissa ta’ EUR 7 000 mal-applikazzjoni għal-liċenzja annwali

Obbligu ta' imbark || 3 baħħara Marokkini kull bastiment

Dokument tekniku dwar is-sajd Nru°6

Sajd pelaġiku industrijali

Għadd ta’ bastimenti awtorizzati || 18

Tagħmir awtorizzat || Xibka tat-tkarkir pelaġiku jew semipelaġiku

Kwota allokata || 80 000 tunnellata fis-sena, § b'massimu ta' 10 000 tunnellata kull xahar għall-flotta sħiħa, § ħlief għax-xhur ta' Awwissu u Ottubru fejn il-limitu massimu ta' kull xahar għal qabdiet huwa miżjud għal 15 000 tunnellata.

Tip ta' bastiment || Bastiment tas-sajd tat-tkarkir pelaġiku industrijali

Għadd ta’ bastimenti awtorizzati || Distribuzzjoni ta' bastimenti awtorizzati biex jistadu: § 10 bastimenti b'tunnellaġġ superjuri għal 3000 TG § 3 bastimenti b'tunnellaġġ bejn 150 u 3000 TG § 5 bastimenti b'tunnellaġġ inferjuri għal 150 TG

Tunnellaġġ massimu awtorizzat għal kull bastiment || 7 765 TG, meta tittieħed inkunsiderazzjoni l-istruttura tal-flotta tas-sajd tal-Unjoni Ewropea

Limitu ġeografiku taż-żona awtorizzata || Fin-Nofsinhar ta’ 29°N. § Lil hinn minn 15-il mil nawtiku għall-bastimenti tas-sajd bit-tkarkir bil-friża § Lil hinn minn 8 mili nawtiċi għall-bastimenti tas-sajd bit-tkarkir RSW

Speċi fil-mira || Sardin, sardinell, kavalli, sawrell u inċova.

Kompożizzjoni tal-qabdiet (kull grupp ta' speċi) || § sawrell/kavalli/inċova: 65%; § sardin/sardinell: 33 %; § qabdiet inċidentali: 2 % Din il-kompożizzjoni tal-qabdiet tista' tinbidel mill-Kumitat Konġunt.

Obbligu ta' żbark fil-Marokk || 25 % tal-qabdiet kull sajda

Irkupru bijoloġiku || Il-bastimenti tas-sajd awtorizzati għandhom josservaw l-irkupri bijoloġiċi kollha stipulati mid-Dipartiment fiż-żona tas-sajd awtorizzata u jieqfu minn kull attività ta’ sajd.[6]

Xbieki awtorizzati || Il-qies minimu tal-malja stirata tax-xbieki tat-tkarkir pelaġiku jew semipelaġiku hija ta' 40 mm. Il-manka tax-xbiek tat-tkarkir pelaġiku jew semipelaġiku tista’ tissaħħaħ minn xibka b’daqs minimu tal-malja stirata ta’ 400 mm u minn anelli tal-ħabel spazjati ta' mill-lanqas metru u nofs (1.5m) minn xulxin, minbarra l-anella li tinsab fuq in-naħa ta’ wara tax-xibka tat-tkarkir li ma tistax titpoġġa anqas minn 2 metri mill-fetħa tal-manka. Ir-rinforzar jew l-irduppjar tal-manka għal kull mekkaniżmu ieħor mhux permess, u t-tkarkir fl-ebda każ ma għandu jimmira għal speċi oħra għajr il-pelaġiċi żgħar awtorizzati.

Qabdiet inċidentali || Massimu ta' 2 % ta’ speċi oħra. Il-lista tal-ispeċi awtorizzati fil-qabdiet inċidentali hija stabbilita bir-regolamenti Marokkini dwar is-"sajd ta' pelaġiċi żgħar fl-Atlantiku tan-Nofsinhar".

Ipproċessar industrijali || L-ipproċessar industrijali tal-qabdiet għall-produzzjoni ta’ għalf tal-ħut mitħun u/jew żejt tal-ħut huwa assolutament ipprojbit. Madankollu, ħut bil-ħsara jew iddeterjorat kif ukoll l-iskart li jirriżulta mill-manipulazzjoni tal-qabdiet jista’ jiġi pproċessat għall-produzzjoni tal-għalf tal-ħut mitħun jew żejt tal-ħut sakemm dan ma jaqbiżx il-limitu massimu ta’ 5% tal-qabdiet totali awtorizzati.

Tariffi || Għall-bastiment tas-sajd bit-tkarkir pelaġiċi industrijali bil-friża: § EUR 100/tunnellata pagabbli bil-quddiem fuq bażi ta' kull xahar. Għall-bastiment tas-sajd bit-tkarkir pelaġiċi industrijali u li ma joperawx bil-friża: § EUR 35/tunnellata pagabbli bil-quddiem fuq bażi ta' kull xahar. It-tariffa tiġi miżjuda jekk il-qabdiet awtorizzati jiġu maqbuża b'fattur ta' 3.

Obbligu ta' imbark || Tunnellaġġ tal-bastiment < 150 TG : § 2 baħħara Marokkini 150 TG ≤ Tunnellaġġ tal-bastiment <1 500 TG: § 4 baħħara Marokkini 1 500 TG ≤ Tunnellaġġ tal-bastiment < 5 000 TG: § 8 baħħara Marokkini 5 000 TG ≤ Tunnellaġġ tal-bastiment < 7 765 TG: § 16-il baħħar Marokkin

Appendiċi 3

KOMUNIKAZZJONI TAL-MESSAĠĠI VMS LILL-MAROKK

RAPPORT TAL-POŻIZZJONI

Element tad-Dejta || Kodiċi || Obbligatorju/Fakultattiv || Kontenut

Bidu tar-reġistrazzjoni || SR || O || Dettall tas-sistema li jindika l-bidu tar-reġistrazzjoni

Destinatarju || AD || O || Dettall tal-messaġġ - Kodiċi Alfa-3 tal-pajjiż destinatarju (ISO-3166)

Mibgħut minn || MT || O || Dettall tal-messaġġ - Kodiċi Alfa-3 tal-pajjiż li bagħat il-messaġġ (ISO-3166)

Stat tal-Bandiera || FS || O || Detall tal-messaġġ - Kodiċi Alfa-3 tal-pajjiż tal-bandiera (ISO-3166)

Tip ta’ messaġġ || TM || O || Dettall tal-messaġġ - Tip ta' messaġġ (ENT, POS, EXI)

Kodiċi tas-sinjal tar-Radju (IRCS) || RC || O || Dettall tal-bastiment - Kodiċi internazzjonali tas-sejħa bir-radju tal-bastiment (IRCS)

In-numru ta’ referenza intern tal-Parti kontraenti || IR || F || Dettall tal-bastiment - Numru uniku tal-Kodiċi Alfa-3 tal-parti kontraenti (ISO-3166) segwit min-numru.

Numru tar-reġistrazzjoni esterna || XR || O || Dettall tal-bastiment - numru mwaħħal mal-ġenb tal-bastiment (ISO 8859.1)

Latitudni || LT || O || Dettall tal-pożizzjoni tal-bastiment - pożizzjoni fi gradi u gradi deċimali T/N DD.ddd (WGS84)

Lonġitudni || LG || O || Dettall tal-pożizzjoni tal-bastiment - pożizzjoni fi gradi u gradi deċimali L/P DD.ddd (WGS84)

Rotta || CO || O || Rotta tal-bastiment fuq skala ta' 360 grad

Veloċità || SP || O || Veloċità tal-bastimenti f’wieħed minn kull għaxar mili nawtiċi

Data || DA || O || Dettall tal-pożizzjoni tal-bastiment - data tar-reġistrazzjoni tal-pożizzjoni UTC (SSSSXXJJ)

Ħin || TI || O || Dettall tal-pożizzjoni tal-bastiment - ħin tar-reġistrazzjoni tal-pożizzjoni UTC (SSMM)

Tmiem ir-reġistrazzjoni || ER || O || Dettall tas-sistema li jindika t-tmiem tar-reġistrazzjoni

L-informazzjoni segwenti hija meħtieġa fiż-żmien tat-trażmissjoni sabiex tippermetti lis-CSCP Marokkin jidentifika s-CSCP emittenti:

L-indirizz IP tas-server tas-CSCP u/jew ir-referenzi DNS

Ċertifikat SSL (katina sħiħa tal-awtoritajiet ta' ċertifikazzjoni)

It-trażmissjoni tat-tagħrif għandha tkun strutturata kif ġej:

Il-karattri utilizzati għandhom ikunu konformi mar-regoli tal-ISO 8859.1

Linja mmejla doppja (//) u l-kodiċi "SR” jindikaw il-bidu tal-messaġġ

Kull element tad-dejta jiġi identifikat mill-kodiċi tiegħu u huwa sseparat mill-elementi l-oħra tad-dejta permezz ta’ linja mmejla doppja (//)

Linja mmejla waħda (/) tissepara l-kodiċi tal-qasam u d-dejta.

Il-kodiċi “ER” segwit minn linja mmejla doppja (//) jindika tmiem il-messaġġ

L-elementi tad-dejta fakultattivi għandhom jiddaħħlu bejn il-bidu u t-tmiem tal-messaġġ.

Appendiċi 4

KOORDINATI TAŻ-ŻONI TAS-SAJD

Dokument tekniku || Kategorija || Żona tas-sajd (Latitudni) || Distanza mill-kosta

1 || Sajd fuq skala żgħira fit-Tramuntana: pelaġiku || 34o18'00"T— 35o48'00"T (estensjoni sa 33°25'00"T, b'konformità mal-kundizzjonijiet previsiti fid-dokument tekniku Nru°1) || Lil hinn minn 2 mili

2 || Sajd fuq skala żgħira fit-Tramuntana: Bil-konz || 34°18'00"T— 35°48'00"T (estensjoni sa 33°25'00"T, b'konformità mal-kundizzjonijiet previsiti fid-dokument tekniku Nru°2) || Lil hinn minn 6 mili

3 || Sajd fuq skala żgħira fin-Nofsinhar || Fin-Nofsinhar ta' 30o40'00” || Lil hinn minn 3 mili

4 || Sajd tal-qiegħ (demersali) || Fin-Nofsinhar ta' 29o00'00” || Bastimenti bil-konz: Lil hinn minn 12il-mil

|| || || Bastimenti tas-sajd bit-tkarkir: Lil hinn mill-isobath ta’ 200 Metru

5 || Sajd għat-tonn || L-Atlantiku kollu ħlief għall-perimetru bejn: 35o48'T; 6o20'P/33o30'T; 7o35'P || Lil hinn minn 3 mili u 3 mili għal-lixka

6 || Sajd pelaġiku industrijali || Fin-Nofsinhar ta' 29o00'00”T || Lil hinn minn 15-il mil (bil-friża) Lil hinn minn 8 mili (bastimenti RSW)

Qabel id-dħul fis-seħħ, id-Dipartiment se jikkomunika lill-Kummissjoni l-koordinati ġeografiċi tal-linja ta' bażi Marokkina, taż-żona tas-sajd Marokkina u taż-żoni li huma pprojbiti għan-navigazzjoni u għas-sajd. Id-Dipartiment se jikkomunika wkoll mill-anqas xahar minn qabel il-modifiki kollha li għandhom x'jaqsmu ma' dawn id-delimitazzjonijiet.

Appendiċi 5

Il-koordinati tas-CSCP Marokkin

ISEM IS-CSCP MAROKKIN CNSNP (Centre National de Surveillance des Navires de Pêche) (Ċentru Nazzjonali ta' Sorveljanza tal-Basitmenti tas-Sajd)

Tél. CNSNP : +212 5 37 68 81 45/46

Faks CNSNP : +212 537 68 83 29/ 82

Indirizz elettroniku CNSNP :

cnsnp@mpm.gov.ma

cnsnp.radio@mpm.gov.ma

Koordinati tal-istazzjoni tar-radju :

Kodiċi tar-radju: CNM

1. Banda ta' frekwenzi || 2. Frekwenza tal-emmissjonijiet tal-bastiment || 3. Frekwenza tar-riċezzjoni tal-bastiment

4. 8 || 5. 8285 khz || 6. 8809 khz

7. 12 || 8. 12245 khz || 9. 13092 khz

10. 16 || 11. 16393 khz || 12. 17275 khz

Indirizzi elettroniċi tal-individwi responsabbli mill-Protokoll tat-trażmissjoni tad-dejta tal-VMS :

boukhanfra@mpm.gov.ma

belhad@mpm.gov.ma

abida@mpm.gov.ma

           

Appendiċi 6 ĠURNAL TA’ ABBORD TAL-ICCAT GĦAS-SAJD TAT-TONN ||

|| || Bil-konz Lixka ħajja Tartarun idur Tkarkir Oħrajn ||

||

|| || || || || || || || || || ||

Isem il-bastiment: ……………………………………………………………………. || Tunnellaġġ gross:                   …………………………………………………............................. || TLUQ tal-bastiment: RITORN tal-bastiment: || Xahar || Jum || Sena || Port || || ||

Pajjiż tal-bandiera: ……………………………………………………………………........................... || Kapaċità – (TM): ……………………………………………........ || || || || || || ||

||

Numru tar-reġistrazzjoni: ………………………………………………………………................................... || Kaptan: ……………………………………………………….... || || || ||

Sid il-bastiment: ………………………………………………………….......................... || Għadd ta’ membri tal-ekwipaġġ:                   ….…………………………………………………........................ || || || || || || || ||

Indirizz: ………………………………………………………………………….... || Data tar-rapport: ………………………………………………...... || || ||

|| (Awtur tar-rapport):               ………………………………………………................................. || Għadd ta’ jiem fuq il-baħar: || || Għadd ta’ jiem ta’ sajd: Għadd ta’ rimjiet: || || Nru. tas-sajda: || ||

||

||

|| ||

Data || Settur || Temperatura ta’ wiċċ il-baħar (ºC) || Sforz tas-sajd Għadd ta’ snanar użati || Capturas (Qabdiet) || Isco usada na pesca (Lixka użata) ||

Xahar || Jum || Latitudni T/N || Lonġitudni L/P || Tonn Thunnus thynnus jew maccoyi || Tonna safra Thunnus albacares || (Tonn oħxon għajnu kbira) Thunnus obesus || (Alonga) Thunnus alalunga || (Pixxispad) Xiphias gladius || (Marlin) (Marlin abjad) Tetraptunus audax jew albidus || (Marlin iswed) Makaira indica || (Sailfish) Istiophorus albicane jew platypterus || Palamit Katsuwonus pelamis || (Qabdiet imħallta) || Total tal-jum (piż f’kg biss) || Kastardella || Klamari || Lixka ħajja || (Oħrajn) ||

|| || || || || || Għadd || Piż kg || Għadd || kg || Għadd || kg || Għadd || kg || Għadd || kg || Għadd || kg || Għadd || kg || Għadd || kg || Għadd || kg || Għadd || kg || Għadd || kg || || || || ||

|| || || || || || || || || || || || || || || || || || || || || || || || || || || || || || || ||

|| || || || || || || || || || || || || || || || || || || || || || || || || || || || || || || ||

|| || || || || || || || || || || || || || || || || || || || || || || || || || || || || || || ||

|| || || || || || || || || || || || || || || || || || || || || || || || || || || || || || || ||

|| || || || || || || || || || || || || || || || || || || || || || || || || || || || || || || ||

KWANTITAJIET IMĦATTA (F’KG) || || || || || || || || || || || || || || || || || || || || || || || || || || || ||

Kummenti || || || || ||

1 – Uża paġna għal kull xahar u ringiela għal kull jum. || || 3 – "Jum" tfisser il-jum li fih jintrama l-konz. || 5 – L-aħħar ringiela (Kwantitajiet li ġew żbarkati) għandha timtela fi tmiem is-sajda. Irid jiġi indikat il-piż reali fil-mument tal-iżbark. || ||

2 – Fi tmiem kull sajda, ibgħat kopja tal-ġurnal lill-korrispondenti tiegħek jew lill-ICCAT, Calle Corazón de María, 8, 28002 Madrid. Spanja || || 4 – Is-settur tas-sajd jiddetermina l-pożizzjoni tal-bastiment. Qarreb il-minuti sal-eqreb minuta u nnota l-grad tal-latitudni u l-lonġitudni. Ara li tindika T/N (Tramuntana/Nofsinhar) u L/P (Lvant/Punent). || || 6 - L-informazzjoni kollha mniżżla hawn tibqa’ strettament kunfidenzjali.. || || ||

Appendiċi 7 ĠURNAL TA' ABBORD TAS-SAJD (MHUX TONN)

Il-format tal-ġurnal ta' abbord tas-sajd li jikkorrispondi għall-attivitajiet li m'għandhomx x'jaqsmu mat-tonn se jkun stabbilit bi ftehim reċiproku qabel id-dħul fis-seħħ ta' dan il-Protokoll.

I NT E ST A TU R A Nru 1 || || || || || || || || || || || || || ||

|| || || || || || || || || || || || || || || || ||

|| || || || || || || || || || || Jum || || Xahar || || Sena || Ħin || ||

Isem il-bastiment (1) ……………………………. || Tluq minn (4)……………………………. || || Data (6) || || || || || || || || || || || || || ||

Kodiċi tar-radju (2)……………………………. || || || || || || || || || || || || || || || || ||

Isem il-kaptan (3)……………………………. || Ritorn fi (5)……………………………. || || Data (6) || || || || || || || || || || || || || ||

|| || || || || || || || || || || || || || || || || || || || || || || ||

Tagħmir (7)                                   Kodiċi tat-tagħmir (8) || || || Daqs tax-xibka (9) || || || || Daqs tat-tagħmir (10) || || || || || || || || || || ||

|| || || || || || || || || || || || || || || || || || ||

|| || || || || || || || || || || || || || Firma tal-kaptan (11) || ||

INTESTATURA nru 2 || INTESTATURA nru 3 Ħassar il-lista “A” jew “B” (skont liema ma tużax) || INTESTATURA nru 4

Data (12) || Settur Statistiku (13) || Għadd ta' attivitajiet tas-sajd (14) || Ħin tas- sajd (sigħat) (15) || Stima tal-kwantitajiet li nqabdu minn kull speċi : (f’kilogrammi) (16) (jew kummenti jekk is-sajd jiġi mfixkel) || Piż Total tal-qabdiet (kg) (17) || Piż Total tal-ħut (kg) (18) || Piż total tas-smida tal-ħut (kg) (19)

Sawrell A || Sardin || Sardi- nelli || Inċova || Kavalli || Ċinturini || Tonnijiet || Merluzz || Bażuga kaħlija || Klamari || Siċċ || Qarnit || Gambli || Aww- ista || Ħut ieħor

Awwista B || Gambli || Astado || Carabineros || Gambli oħrajn || Alonga || Aww- ista roża || Krustaċji oħra || Petriċi || Merluzz || Ħut ieħor || Ċefalopidi varji || Frott il-baħar varji || ||

|| || || || || || || || || || || || || || || || || || || || ||

|| || || || || || || || || || || || || || || || || || || || ||

|| || || || || || || || || || || || || || || || || || || || ||

|| || || || || || || || || || || || || || || || || || || || ||

|| || || || || || || || || || || || || || || || || || || || ||

|| || || || || || || || || || || || || || || || || || || || ||

Appendiċi 10

DETTALJI TAL-ISTAZZJONI TAR-RADJU TAD-DIPARTIMENT TAS-SAJD MARITTIMU FIL-MAROKK

MMSI: || 242 069 000

Kodiċi tar-radju: || CNM

Post: || Rabat

Medda ta’ frekwenza: || 1,6 sa 30 mHz

Klassi ta’ trażmissjoni: || SSB-AIA-J2B

Qawwa tat-trażmissjoni: || 800 W

Frekwenzi mħaddma

Banda ta' Frekwenzi || Kanali || Trażmissjoni || Riċevitur

Frekwenza 8 || 831 || 8 285 kHz || 8 809 kHz

Frekwenza 12 || 1206 || 12 245 kHz || 13 092 kHz

Frekwenza 16 || 1612 || 16 393 kHz || 17 275 kHz

Ħinijiet ta’ ħidma tal-istazzjoni

Perjodu || Ħinijiet

Jiem ta’ xogħol || mit-08:30 sal-16:30

Is-Sibt, il-Ħadd u festi pubbliċi || mid-09:30 sas-14:00

VHF: || Kanal 16 || Kanal 70 ASN

Teleks radju: || ||

|| Tip: || DP-5

|| Klassi ta’ trażmissjoni: || ARQ-FEC

|| Numru: || 31356

Faks: || ||

|| Numri: || 212 5 37 68 8329

Appendiċi 11

PROTOKOLL GĦALL-ĠESTJONI U L-IMPLIMENTAZZJONI TAS-SISTEMA ELETTRONIKA GĦALL-KOMUNIKAZZJONI TA' DEJTA DWAR L-ATTIVITÀ TAS-SAJD (SISTEMA ERS)

Dispożizzjonijiet ġenerali

1.           Kull bastiment tas-sajd tal-UE għandu jkun mgħammar b'sistema elettronika, minn hawn 'il quddiem imsejħa "sistema ERS", li tkun kapaċi tirreġistra u tittrażmetti dejta relatata mal-attività tas-sajd tal-bastiment, minn hawn 'il quddiem imsejħa "dejta ERS", waqt li l-bastiment ikun qed jopera fiż-żona tas-sajd Marokkina.

2.           Bastiment tal-UE li ma jkunx mgħammar b'sistema ERS, jew li s-sistema ERS tiegħu ma tkunx qed taħdem, mhuwiex awtorizzat jidħol fiż-żona tas-sajd Marokkina biex iwettaq attivitajiet tas-sajd fiha.

3.           Id-dejta ERS tiġi trażmessa b'konformità mal-proċeduri tal-Istat tal-bandiera tal-bastiment fiċ-Ċentru ta' Sorveljanza u ta' Kontroll tas-Sajd (minn hawn 'il quddiem imsejjaħ CSCP) tal-Istat tal-bandiera.

4.           Is-CSCP tal-Istat tal-bandiera għandu jittrażmetti awtomatikament u mingħajr dewmien il-messaġġi ta' natura instantanja (COE, COX, PNO) mill-bastiment lis-CSCP Marokkin. Id-dikjarazzjonijiet tal-qabdiet ta' kuljum (FAR) għandhom ikunu disponibbli awtomatikament u mingħajr dewmien lis-CSCP Marokkin.

5.           L-Istat tal-bandiera u l-Marokk għandhom jiżguraw li s-CSCP tagħhom għandhom it-tagħmir u s-softwer tal-informatika meħtieġ biex isseħħ it-trażmissjoni awtomatika tad-dejta ERS fil-format XML disponibbli fuq il-websajt tad-Direttorat Ġenerali għall-Affarijiet Marittimi u s-Sajd tal-Kummissjoni Ewropea, u li għandhom proċedura ta' salvagwardja kapaċi li tirreġistra u taħżen id-dejta ERS f'forma li tinqara minn kompjuter għal perjodu ta' mhux anqas minn 3 snin.

6.           Kull modifika jew aġġornament ta' dan il-format għandu jkun identifikat u datat, u għandu jsir operattiv sitt xhur wara li jiġi applikat.

7.           It-trażmissjoni tad-dejta ERS għandha tuża l-mezzi elettroniċi ta' komunikazzjoni mmaniġġjati mill-Kummissjoni Ewropea f'isem l-UE, identifikati bħala DEH ('Data Exchange Highway').

8.           L-Istat tal-bandiera u l-Marokk għandhom jagħżlu korrispondent ERS kull wieħed li jkun il-punt ta' kuntatt.

9.           Il-korrispondenti ERS għandhom jintgħażlu għal perjodu minimu ta' sitt xhur.

10.         Is-CSCP tal-Istat tal-bandiera u tal-Marokk għandhom jikkomunikaw il-koordinati (ismijiet, indirizz, telefown, teleks, posta elettronika) tal-korrispondent tal-ERS tagħha malli s-sistema ERS tibda taħdem. Kull modifika fil-koordinati tal-korrispondent ERS għandha tiġi kkomunikata mingħajr dewmien.

Stabbiliment u komunikazzjoni tad-dejta ERS

11.         Il-bastiment tas-sajd tal-UE għandu:

(a) ta' kuljum jistabbilixxi d-dejta ERS għal kull jum li jagħmel fiż-żona tas-sajd Marokkina ;

(b) jirreġistra għal kull qabda bit-tartarun jew ġibda tax-xbieki tat-tkarkir, jew bil-konz, il-kwantitajiet ta' kull speċi maqbuda jew miżmuma abbord bħala l-ispeċi fil-mira kif ukoll jekk tkun parti mill-qbid inċidentali, jew skartata;

(c) għal kull speċi identifikata fl-awtorizzazzjoni għas-sajd maħruġa mill-Marokk, jiddikjara wkoll meta ma jinqabad xejn;

(d) jidentifika kull speċi bl-użu tal-kodiċi alpha 3 tal-FAO;

(e) jesprimi l-kwantitajiet f'kilogrammi ta' piż ħaj, jew jekk ikun meħtieġ, f'għadd ta' ħut individwali;

(f) jirreġistra d-dejta ERS, għal kull speċi, il-kwantitajiet li ġew ittrasbordati u/jew żbarkati;

(g) fid-dejta ERS jirreġistra, waqt kull dħul (COE) u ħruġ (COX) miż-żona tas-sajd Marokkina, messaġġ speċifiku li jkun fih, għal kull speċi identifikata fl-awtorizzazjoni tas-sajd maħruġa mill-Marokk, il-kwantitajiet li jkunu qed jinżammu abbord fil-mument ta' kull dħul/ħruġ;

(h) ta' kuljum jittrażmetti d-dejta ERS lis-CSCP tal-Istat tal-bandiera, b'mod elettroniku u fil-format XML previst fil-paragrafu 4 mhux aktar tard mill-23:59 UTC.

12.         Il-kaptan huwa responsabbli għall-preċiżjoni tad-dejta ERS irreġistrata u trażmessa.

13.         Is-CSCP tal-Istat tal-bandiera għandu awtomatikament u fil-pront jipprovdi lis-CSCP tal-Marokk bid-dejta ERS f'format XML previst fil-paragrafu 5.

14.         Is-CSCP tal-Marokk għandu jikkonferma l-wasla tal-messaġġi kollha ERS permezz ta' messaġġ ta' ritorn (RET).

15.         Is-CSCP tal-Marokk għandu jitratta d-dejta ERS b'mod kunfidenzjali.

Nuqqas fis-sistema ERS abbord bastiment, u/jew fit-trażmissjoni tad-dejta ERS bejn il-bastiment u c-CSCP tal-Istat tal-bandiera

16.         L-Istat tal-bandiera għandu jinforma mingħajr dewmien lill-kaptan u/jew lil sid il-bastiment li jtajjar il-bandiera tiegħu, jew lir-rappreżentant tiegħu, b'kull nuqqas tekniku tas-sistema ERS installata abbord bastiment jew b'nuqqas fil-funzjonament tat-trażmissjoni tad-dejta ERS bejn bastiment u s-CSCP tal-Istat tal-bandiera.

17.         L-Istat tal-bandiera għandu jinforma lill-Marokk bin-nuqqas skopert u bil-miżuri korrettivi li jkunu ttieħdu.

18.         F'każ ta' ħsara tas-sistema ERS abbord il-bastiment, il-kaptan u/jew is-sid għandhom jiżguraw li l-ħsara titranġa jew li s-sistema ERS tinbidel f'mhux aktar tard minn 10 ijiem ta' xogħol. Jekk il-bastiment jagħmel waqfa f'port fi ħdan dawk l-10 ijiem, huwa jista' jkompli biss bl-attivitajiet tas-sajd tiegħu fiż-żona tas-sajd Marokkina ladarba s-sistema ERS tiegħu tkun fi stat perfett ta' funzjonament, għajr jekk il-Marokk jawtorizzah mod ieħor.

19.         Wara nuqqas tekniku fis-sistema ERS tiegħu, bastiment tas-sajd jista' jitlaq mill-port biss meta:

(i) is-sistema tkun għal darb'oħra operazzjonali, b'mod li jitqies sodisfaċenti għall-Istat tal-bandiera, jew

(j) qabel, jekk jirċievi l-awtorizzazzjoni mill-Istat tal-bandiera. Fil-każ tal-aħħar, l-Istat tal-bandiera għandu jinforma lill-Marokk bid-deċiżjoni tiegħu qabel it-tluq tal-bastiment.

20.         Il-bastimenti kollha tal-UE li joperaw fiż-żona tas-sajd Marokkina b'sistema ERS difettuża għandhom jittrażmettu ta' kuljum u mhux aktar tard mill-23:59 UTC id-dejta ERS lis-CSCP tal-Istat tal-bandiera bi kwalunkwe mezz elettroniku ieħor ta' komunikazzjoni disponibbli.

21.         Id-dejta ERS li hemm referenza għaliha fil-paragrafu 11 li ma kinitx disponibbli għall-Marokk minħabba nuqqas tekniku, għandha tiġi trażmessa mis-CSCP tal-Istat tal-bandiera lis-CSCP tal-Marokk b'forma elettronika alternattiva miftiehma b'mod reċiproku. Din it-trażmissjoni alternattiva għandha titqies bħala prijoritarja, filwaqt li jiġi kkunsidrat li l-iskadenzi normalment applikabbli għat-trażmissjoni jistgħu ma jiġux rispettati.

22.         Jekk is-CSCP tal-Marokk ma jirċevix id-dejta ERS mingħand bastiment matul 3 ijiem konsekuttivi, il-Marokk jista' joħroġ struzzjonijiet lill-bastiment biex imur immedjatament f'port magħżul mill-Marokk għal investigazzjoni.

Nuqqas tas-CSCP - Nuqqas ta' wasla tad-dejta ERS għand is-CSCP Marokkin

23.         Jekk CSCP ma jirċevix dejta ERS, il-korrispondent tal-ERS tiegħu għandu jinforma lill-korrispondent tal-ERS tas-CSCP l-ieħor mingħajr dewmien u, jekk ikun meħtieġ, jikkoopera sakemm ikun hemm bżonn biex tissolva l-problema.

24.         Is-CSCP tal-Istat tal-bandiera u s-CSCP tal-Marokk għandhom jaqblu b'mod reċiproku dwar mezzi ta' komunikazzjoni alternattivi li għandhom jintużaw sabiex tiġi trażmessa d-dejta ERS f'każ ta' nuqqas ta' CSCP, u għandhom jinfurmaw lil xulxin minnufih b'kull modifika.

25.         Jekk is-CSCP tal-Marokk jirrapporta li d-dejta ERS ma tkunx waslet, is-CSCP tal-Istat tal-bandiera għandu jidentifika l-kawżi tal-problema u jieħu l-miżuri xierqa sabiex tinstab soluzzjoni għall-problema. Is-CSCP tal-Istat tal-bandiera jinforma lis-CSCP tal-Marokk u lill-UE bir-riżultati tal-analiżi tiegħu u bil-miżuri mittieħda fi ħdan 24 siegħa.

26.         Jekk ikun hemm bżonn ta' iktar minn 24 siegħa biex tinstab soluzzjoni għall-problema, is-CSCP tal-Istat tal-bandiera għandu jittrażmetti mingħajr dewmien id-dejta ERS li tkun nieqsa lis-CSCP tal-Marokk bl-użu ta' wieħed mill-mezzi elettroniċi alternattivi previsti fil-punt 24.

27.         Il-Marokk għandu jinforma lis-servizzi ta' kontroll kompetenti tiegħu sabiex il-bastimenti tal-UE ma jkunux meqjusa li qed iwettqu ksur minħabba n-nuqqas ta' trażmissjoni tad-dejta ERS ikkawżat min-nuqqas ta' CSCP.

Manutenzjoni ta' CSCP

28.         L-operazzjonijiet ta' manutenzjoni ppjanifikati ta' CSCP (programmi ta' manutenzjoni) u li probabbli jaffettwaw l-iskambju tad-dejta ERS għandhom jiġu nnotifikati lis-CSCP l-ieħor mhux inqas minn 72 siegħa qabel, b'indikazzjoni, jekk dan ikun possibbli, tad-data u t-tul ta' żmien tal-manutenzjoni. L-informazzjoni, għall-operazzjonijiet ta' manutenzjoni mhux ippjanati, għandha tintbagħat mill-iktar fis possibbli lis-CSCP l-ieħor.

29.         Matul l-operazzjoni ta' manutenzjoni, id-disponibbiltà tad-dejta ERS tista' titpoġġa fi stat ta' stennija sakemm is-sistema tiġi operattiva mill-ġdid. Imbagħad, id-dejta ERS ikkonċernata terġa' titpoġġa għad-dispożizzjoni immedjatament wara t-tmiem tal-operazzjoni ta' manutenzjoni.

30.         Jekk l-operazzjoni ta' manutenzjoni ddum iktar minn 24 siegħa, id-dejta ERS għandha tiġi trażmessa lis-CSCP l-ieħor b'wieħed mill-mezzi elettroniċi alternattivi prevvisti fil-punt 24.

31.         Il-Marokk għandu jinforma lis-servizzi ta' kontroll kompetenti tiegħu sabiex il-bastimenti tal-UE ma jkunux meqjusa li qed iwettqu ksur minħabba n-nuqqas ta' trażmissjoni tad-dejta ERS ikkawżat min-nuqqas ta' CSCP.

DIKJARAZZJONI FINANZJARJA LEĠIŻLATTIVA

1.         QAFAS TAL-PROPOSTA/INIZJATTIVA

            1.1.      Titolu tal-proposta/inizjattiva

            1.2.      Qasam/oqsma ta' politika kkonċernata/i fl-istruttura ABM/ABB

            1.3.      Natura tal-proposta/inizjattiva

            1.4.      Objettivi

            1.5.      Raġuni(jiet) għall-proposta/inizjattiva

            1.6.      Tul taż-żmien u impatt finanzjarju:

            1.7.      Metodu(i) ta' ġestjoni previst(i)

2.         MIŻURI TA’ ĠESTJONI

            2.1.      Regoli ta' monitoraġġ u rappurtar

            2.2.      Sistema ta’ ġestjoni u kontroll

            2.3.      Miżuri għall-prevenzjoni ta’ frodi u irregolaritajiet:

3.         STIMA TAL-IMPATT FINANZJARJU TAL-PROPOSTA/INIZJATTIVA

            3.1.      Intestatura/i tal-qafas finanzjarju pluriennali u tal-linja/i baġitarja/i tan-nefqa affettwata/i:

            3.2.      Impatt stmat fuq in-nefqa

            3.2.1.   Sommarju tal-istima tal-impatt fuq in-nefqa

            3.2.2.   Impatt stmat fuq l-approprjazzjonijiet operazzjonali

            3.2.3.   L-impatt stmat fuq l-approprjazzjonijiet ta’ natura amministrattiva

            3.2.4.   Kompatibbiltà mal-qafas finanzjarju pluriennali attwali

            3.2.5.   Kontribuzzjonijiet finanzjarji minn partijiet terzi

            3.3.      Impatt stmat fuq id-dħul

DIKJARAZZJONI FINANZJARJA LEĠIŻLATTIVA

QAFAS TAL-PROPOSTA/INIZJATTIVA

Titolu tal-proposta/inizjattiva

Propożizzjoni għal Deċiżjoni tal-Kunsill dwar il-konklużjoni tal-Protokoll bejn l-Unjoni Ewropea u r-Renju tal-Marokk li tistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd fis-seħħ bejn iż-żewġ partijiet

Qasam/oqsma ta' politika kkonċernata/i fl-istruttura ABM/ABB[7]

11. – Affarijiet Marittimi u Sajd

11.03 – Sajd internazzjonali u d-Dritt Marittimu

Natura tal-proposta/inizjattiva

¨ Il-proposta/inizjattiva hija relatata ma' azzjoni ġdida

¨ Il-proposta/l-inizjattiva hija relatata ma’ azzjoni ġdida b'segwitu għal proġett pilota/azzjoni preparatorja[8]

X Il-proposta/l-inizjattiva hija relatata mal-estensjoni ta’ azzjoni eżistenti

¨ Il-proposta/inizjattiva hija relatata ma' azzjoni diretta mill-ġdid lejn azzjoni ġdida

Objettivi

L-għan (għanijiet) strateġiku (strateġiċi) pluriennali tal-Kummissjoni mmirati mill-proposta/inizjattiva

In-negozjati u l-konklużjoni ta' Ftehimet dwar is-Sajd ma' pajjiżi terzi jissodisfaw l-għan ġenerali li jkun permess l-aċċess għall-bastimenti tas-sajd tal-Unjoni Ewropea f'żoni tas-sajd li jinsabu fiż-Żona Ekonomika Esklussiva (ŻEE) ta' pajjiżi terzi u li tiġi żviluppata sħubija ma' dawn il-pajjiżi bil-ħsieb li jissaħħaħ l-isfruttar sostenibbli tar-riżorsi tas-sajd barra mill-ilmijiet tal-UE.

Il-Ftehimiet ta’ Sħubija dwar is-Sajd (FPAs) jiżguraw ukoll il-koerenza bejn il-prinċipji li jirregolaw il-Politika Komuni tas-Sajd u l-impenji li jittieħdu f'politiki oħra Ewropej (l-isfruttar sostenibbli ta' riżorsi ta' Stati terzi, il-ġlieda kontra s-sajd illegali, mhux rappurtat u mhux regolat (IUU), l-integrazzjoni tal-pajjiżi sħab fl-ekonomija globali, kif ukoll governanza aħjar tas-sajd fuq il-livell politiku u finanzjarju).

Għan (għanijiet) speċifiku (speċifiċi) u attività (attivitajiet) ABM/ABB ikkonċernati

Għan speċifiku Nru 1

Sabiex jingħata kontribut għas-sajd sostenibbli fl-ilmijiet li mhumiex tal-Unjoni, tinżamm preżenza Ewropea fis-sajd fl-ilmijiet imbiegħda u jitħarsu l-interessi tas-settur tas-sajd Ewropew u tal-konsumaturi billi jiġu nnegozjati u konklużi FPAs ma’ Stati kostali, b’mod li jkunu konsistenti ma’ politiki Ewropej oħrajn.

Attività (attivitajiet) ABM/ABB ikkonċernata (ikkonċernati)

L-affarijiet marittimi u s-sajd, is-sajd internazzjonali u d-dritt tmarittimu, il-ftehimiet internazzjonali dwar is-sajd (il-linja baġitarja 11.03 01)

Riżultat(i) u impatt(i) mistennija

Speċifika l-effetti li l-proposta/inizjattiva mistennija għandu jkollha fuq il-benefiċjarji/gruppi fil-mira.

Il-konklużjoni tal-Protokoll se tgħin sabiex jinżamm livell sostenibbli ta’ opportunitajiet tas-sajd għall-bastimenti Ewropej fiż-żona tas-sajd Marokkina.

Il-Protokoll se jikkontribwixxi wkoll għall-ġestjoni u l-konservazzjoni aħjar tar-riżorsi tas-sajd, permezz tal-appoġġ finanzjarju (appoġġ settorjali) għall-implimentazzjoni tal-programmi adottati fuq il-livell nazzjonali mill-pajjiżi sħab u b'mod partikolari fir-rigward tal-kontroll u l-ġlieda kontra s-sajd illegali.

Indikaturi tar-riżultati u tal-impatti

Speċifika l-indikaturi għall-monitoraġġ tal-implimentazzjoni tal-proposta/inizjattiva.

Ir-rata tal-użu tal-opportunitajiet tas-sajd (% tal-awtorizzazzjonijiet tas-sajd użati meta mqabbla mad-disponibbiltà offruta mill-Protokoll);

Il-ġbir u l-analiżi tad-dejta dwar il-qabdiet u l-valur kummerċjali tal-Ftehim;

Il-kontribuzzjoni għall-impjiegi u għall-valur miżjud fl-UE u għall-istabbilizzazzjoni tas-suq tal-UE (fuq livell aggregat ma’ FPAs oħra);

Għadd ta’ laqgħat tekniċi u ta’ laqgħat tal-Kumitati konġunti.

Raġuni(jiet) għall-proposta/inizjattiva

Rekwiżit/i li jrid/u jiġu ssodisfat/i fuq medda qasira jew medda twila ta' żmien

Il-Protokoll il-ġdid huwa previst li jibda japplika ladarba jidħol fis-seħħ.

Il-Protokoll il-ġdid se jipprovdi qafas għall-attivitajiet tas-sajd tal-flotta Ewropea fiż-żona tas-sajd Marokkina, u se jawtorizza lis-sidien tal-bastimenti Ewropej jitolbu liċenzji tas-sajd li jawtorizzawhom jistadu fl-ilmijiet Marokkini. Barra minn hekk, il-Protokoll il-ġdid isaħħaħ il-kooperazzjoni bejn l-UE u r-Renju tal-Marokk bil-għan li jippromwovi l-iżvilupp ta’ politika ta’ sajd sostenibbli. Huwa jipprovdi, b’mod partikolari, il-kontroll tal-bastimenti bil-VMS u l-komunikazzjoni tal-informazzjoni dwar il-qabdiet b’mod elettroniku. L-appoġġ settorjali ġie msaħħaħ bil-għan li jgħin lir-Renju tal-Marokk fil-qafas tal-istrateġija nazzjonali tas-sajd tiegħu, "Halieutis" u fil-ġlieda kontra s-sajd IUU.

Valur miżjud tal-involviment tal-UE

Fir-rigward ta’ dan il-Protokoll il-ġdid, in-nuqqas ta’ azzjoni mill-UE twassal għal ftehimiet privati li ma jagħtux garanzija ta’ sajd sostenibbli. L-Unjoni Ewropea tispera wkoll li b'dan il-Protokoll, ir-Renju tal-Marokk ikompli jikkoopera b'mod effettiv mal-UE b'mod partikolari fir-rigward tal-ġlieda kontra s-sajd illegali.

Tagħlimiet minn esperjenzi simili fl-imgħoddi

L-analiżi tal-qabdiet skont il-Protokoll preċedenti wasslet sabiex il-Partijiet iżidu t-tunnellaġġ ta' referenza. L-appoġġ settorjali ġie msaħħaħ filwaqt li tqiesu l-prijoritajiet tal-istrateġija nazzjonali fir-rigward tas-sajd kif ukoll tal-ħtiġijiet f'termini tat-tisħiħ tal-kapaċitajiet tal-amministrazzjoni tas-sajd Marokkina.

Kompatibilità u sinerġija possibbli ma' strumenti oħra rilevanti

Il-fondi mħallsa skont l-FPAs jikkonsistu fi dħul funġibbli fil-baġits tal-pajjiżi terzi sħab. Madankollu, l-allokazzjoni ta’ parti minn dawn il-fondi għall-implimentazzjoni ta’ azzjonijiet fil-qafas tal-politika settorjali tal-pajjiż hija kundizzjoni għall-konklużjoni u l-monitoraġġ tal-FPAs. Dawn ir-riżorsi finanzjarji huma kompatibbli ma' sorsi oħra ta' finanzjament minn donaturi oħra ta’ fondi internazzjonali biex iwettqu proġetti u/jew programmi fuq livell nazzjonali fis-settur tas-sajd.

Tul taż-żmien u impatt finanzjarju:

X Proposta/inizjattiva ta’ tul ta’ żmien limitat

X         Proposta/inizjattiva fis-seħħ mid-data tal-iffirmar tal-Protokoll u għal tul ta' tliet snin.

X         Impatt finanzjarju mill-2014 sal-2017 (4 snin).

¨ Proposta/inizjattiva ta' tul taż-żmien illimitat

Implimentazzjoni b'perjodu ta’ bidu minn SSSS sa SSSS,

segwita minn operazzjoni fuq skala sħiħa.

Metodu(i) ta' ġestjoni previst(i)[9]

X Ġestjoni ċentralizzata diretta mill-Kummissjoni

¨ Ġestjoni ċentralizzata indiretta bid-delega tal-kompiti tal-implimentazzjoni lil:

¨         aġenziji eżekuttivi

¨         entitatjiet stabbiliti mill-Komunitajiet[10]

¨         korpi nazzjonali tas-settur pubbliku/korpi b’missjoni tas-servizz pubbliku

¨         persuni fdati bl-implimentazzjoni ta' azzjonijiet speċifiċi skont it-Titolu V tat-Trattat dwar l-Unjoni Ewropea u identifikati fl-att bażiku rilevanti fis-sens tal-Artikolu 49 tar-Regolament Finanzjarju

¨ Ġestjoni kondiviża mal-Istati Membri

¨ Ġestjoni deċentralizzata ma' pajjiżi terzi

¨ Ġestjoni konġunta ma' organizzazzjonijiet internazzjonali

MIŻURI TA’ ĠESTJONI

Regoli ta' monitoraġġ u rappurtar

Speċifika l-frekwenza u l-kundizzjonijiet ta' dawn ir-regoli

Il-Kummissjoni (DĠ MARE, b’kollaborazzjoni mal-espert tas-sajd tagħha fid-Delegazzjoni tal-Unjoni Ewropea f'Rabat) sejra tiżgura monitoraġġ regolari tal-implimentazzjoni ta’ dan il-Protokoll, speċjalment f’termini tal-użu tal-opportunitajiet tas-sajd mill-operaturi u f’termini ta’ dejta dwar il-qabdiet.

Barra minn hekk, l-FPA jipprevedi mill-inqas laqgħa annwali waħda tal-Kumitat Konġunt li matulha l-Kummissjoni u l-pajjiż terz jevalwaw l-implimentazzjoni tal-Ftehim u tal-Protokoll tiegħu u jagħmlu, fejn ikun meħtieġ, aġġustamenti fil-programmar u, fejn xieraq, fil-kontribuzzjoni finanzjarja.

Sistema ta’ ġestjoni u kontroll

Riskju/i identifikat/i

Jeżistu għadd ta' riskji fit-twaqqif ta’ protokoll dwar is-sajd, b’mod partikolari rigward l-ammonti maħsuba għall-finanzjament tal-politika settorjali tas-sajd (sottoprogrammar). Dawn id-diffikultajiet ma rriżultawx mar-Renju tal-Marokk wara t-twettiq tal-Protokoll tal-2007-2011.

Metodu/i ta’ kontroll previst/i

Huwa previst djalogu bbażat fuq l-ipprogrammar u l-implimentazzjoni tal-politika settorjali. L-analiżi konġunta tar-riżultati li hemm referenza għaliha fl-Artikolu 6 tifforma parti wkoll minn dawn il-metodi ta’ kontroll.

Barra minn hekk, il-Protokoll fih klawżoli speċifiċi għas-sospensjoni tiegħu, taħt ċerti kundizzjonijiet u f’ċirkostanzi partikolari.

Miżuri għall-prevenzjoni ta’ frodi u irregolaritajiet

Speċifika l-miżuri ta’ prevenzjoni u ta' protezzjoni eżistenti jew previsti.

Il-Kummissjoni tintrabat li tistabbilixxi djalogu politiku u konsultazzjoni regolari mar-Renju tal-Marokk sabiex tkun tista’ ttejjeb il-ġestjoni tal-Ftehim u ssaħħaħ il-kontribuzzjoni tal-UE għall-ġestjoni sostenibbli tar-riżorsi. F’kull każ, kull pagament li jsir mill-Kummissjoni fil-qafas ta’ FPA huwa soġġett għar-regoli u l-proċeduri baġitarji u finanzjarji standard tal-Kummissjoni. Dan jippermetti, b’mod partikolari, li jiġu identifikati b’mod sħiħ il-kontijiet bankarji tal-Istati terzi li fihom jitħallsu l-ammonti tal-kontribuzzjoni finanzjarja. Għal dan il-Protokoll partikolari, il-paragrafu 4 tal-Artikolu 3 jistabbilixxi li l-kontribuzzjoni finanzjarja kollha għandha titħallas f'kont bankarju uniku tat-Teżor pubbliku tal-Marokk.

STIMA TAL-IMPATT FINANZJARJU TAL-PROPOSTA/INIZJATTIVA

Intestatura/i tal-qafas finanzjarju pluriennali u tal-linja/i baġitarja/i tan-nefqa affettwata/i:

Linji baġitarji eżistenti

Skont l-ordni tal-intestaturi tal-qafas finanzjarju pluriennali u l-linji baġitarji

Intestatura tal-qafas finanzjarju pluriennali || Linja baġitarja || Tip ta' nefqa || Kontribuzzjoni

Numru [Deskrizzjoni………………………...………] || Diff./mhux diff. ([11]) || mill-pajjiżi tal-EFTA[12] || mill-pajjiżi kandidati[13] || minn pajjiżi terzi || skont it-tifsira tal-paragrafu 1, il-punt a) bis, tal-Artikolu 18, tar-Regolament Finanzjarju

2 || 11.0301 Biex jiġi stabbilit qafas ta' governanza għall-attivitajiet tas-sajd imwettqa minn bastimenti tas-sajd tal-Unjoni fl-ilmijiet ta' pajjiżi terżi (SFAs) || Diff. || EBDA || EBDA || EBDA || EBDA

Linji baġitarji ġodda mitluba

(mhux applikabbli)

Skont l-ordni tal-intestaturi tal-qafas finanzjarju pluriennali u l-linji baġitarji.

Intestatura tal-qafas finanzjarju pluriennali || Linja baġitarja || Tip ta' nefqa || Kontribuzzjoni

Numru [Deskrizzjoni…………………...……………] || Diff/mhux diff. || mill-pajjiżi tal-EFTA || mill-pajjiżi kandidati || minn pajjiżi terzi || skont it-tifsira tal-paragrafu 1, il-punt a) bis, tal-Artikolu 18, tar-Regolament Finanzjarju

|| [XX.YY.YY.YY] || || IVA/LE || IVA/LE || IVA/LE || IVA/LE

Impatt stmat fuq in-nefqa

Sommarju tal-istima tal-impatt fuq in-nefqa

F'EUR miljun (sa 3 ċifri wara l-punt deċimali)

Intestatura tal-qafas finanzjarju pluriennali: || Numru 2 || Preservazzjoni u ġestjoni tar-riżorsi naturali

DĠ: MARE || || || Sena 2014 || Sena 2015 || Sena 2016 || Sena 2017 || TOTAL

Ÿ L-approprjazzjonijiet operazzjonali || || || || ||

Numru tal-linja baġitarja: 11 03 01 Biex jiġi stabbilit qafas ta' governanza għall-attivitajiet tas-sajd imwettqa minn bastimenti tas-sajd tal-Unjoni fl-ilmijiet ta' pajjiżi terżi (SFAs) || Impenji || (1) || 30,000 || 30,000 || 30,000 || 30,000 || 120,000

Ħlasijiet || (2) || 30,000 || 30,000 || 30,000 || 30,000 || 120,000

Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi[14] || || || || ||

Numru tal-linja baġitarja: 11.010401 || || (3) || 0,131 || 0,131 || 0,131 || 0,191 || 0,584

TOTAL tal-approprjazzjonijiet għal DĠ MARE || Impenji || =1+1a +3 || 30,131 || 30,131 || 30,131 || 30,191 || 120,584

Ħlasijiet || =2+2a +3 || 30,131 || 30,131 || 30,131 || 30,191 || 120,584

Ÿ TOTAL tal-approprjazzjonijiet operazzjonali || Impenji || (4) || 30,000 || 30,000 || 30,000 || 30,000 || 120,000

Ħlasijiet || (5) || 30,000 || 30,000 || 30,000 || 30,000 || 120,000

Ÿ TOTAL ta' approprjazzjonijiet ta’ natura amministrattiva ffinanzjati mill-pakkett għall-programmi speċifiċi || (6) || 0,131 || 0,131 || 0,131 || 0,191 || 0,584

It-TOTAL tal-approprjazzjonijiet taħt l-INTESTATURA 2 tal-qafas finanzjarju pluriennali || Impenji || =4+ 6 || 30,131 || 30,131 || 30,131 || 30,191 || 120,584

Ħlasijiet || =5+ 6 || 30,131 || 30,131 || 30,131 || 30,191 || 120,584

Jekk aktar minn intestatura waħda hija affetwata mill-proposta/inizjattiva: (mhux applikabbli)

Ÿ TOTAL tal-approprjazzjonijiet operazzjonali || Impenji || (4) || || || || || || || ||

Ħlasijiet || (5) || || || || || || || ||

Ÿ TOTAL ta' approprjazzjonijiet ta’ natura amministrattiva ffinanzjati mill-pakkett għall-programmi speċifiċi || (6) || || || || || || || ||

TOTAL tal-approprjazzjonijiet  għall-INTESTATURI 1 sa 4 tal-qafas finanzjarju pluriennali (Ammont ta' referenza) || Impenji || =4+ 6 || || || || || || || ||

Ħlasijiet || =5+ 6 || || || || || || || ||

Intestatura tal-qafas finanzjarju pluriennali: || 5 || "Nefqa amministrattiva"

F'EUR miljun (sa 3 ċifri wara l-punt deċimali)

|| || || Sena 2014 || Sena 2015 || Sena 2016 || Sena 2017 || TOTAL

DĠ: MARE ||

Ÿ Riżorsi umani || 0,164 || 0,164 || 0,164 || 0,164 || 0,656 ||

Ÿ Infiq amministrattiv ieħor || 0,006 || 0,006 || 0,006 || 0,006 || 0,024 ||

TOTAL DĠ MARE || Approprjazzjonijiet || 0,170 || 0,170 || 0,170 || 0,170 || 0,680 ||

It-TOTAL tal-approprjazzjonijiet taħt l-INTESTATURA 5 tal-qafas finanzjarju pluriennali || (Total tal-impenji = Total tal-ħlasijiet) || 0,170 || 0,170 || 0,170 || 0,170 || 0,680

F'EUR miljun (sa 3 ċifri wara l-punt deċimali)

|| || || Sena 2014 || Sena 2015 || Sena 2016 || Sena 2017 || TOTAL

TOTAL tal-approprjazzjonijiet taħt l-INTESTATURA 1 sa 5 tal-qafas finanzjarju pluriennali || Impenji || 30,301 || 30,301 || 30,301 || 30,301 || 121,204

Ħlasijiet || 30,301 || 30,301 || 30,301 || 30,301 || 121,204

Impatt stmat fuq l-approprjazzjonijiet operazzjonali

¨         Il-proposta/inizjattiva ma teħtieġ l-ebda użu ta’ approprjazzjonijiet operazzjonali

X         Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

Approprjazzjonijiet għall-impenji f'EUR miljun (sa 3 ċifri wara l-punt deċimali)

Indika l-għanijiet u r-riżultati ò || || || Sena 2014 || Sena 2015 || Sena 2016 || Sena 2017 || TOTAL ||

Tip:[15] || Spiża medja || Għadd || Kost || Għadd || Kost || Għadd || Kost || Għadd || Kost || Għadd totali ta’ riżultati || Spiża totali ||

GĦAN SPEĊIFIKU Nru 1[16]... || || || || || || || || || || ||

- Liċenzji || bastimenti || || 126 || 16,000 || 126 || 16,000 || 126 || 16,000 || 126 || 16,000 || || 64,000 ||

Qabdiet (pelaġiċi) || tunnellati || || 80 K || || 80 K || || 80 K || || 80 K || || || ||

- Appoġġ settorjali || EUR || || || 14,000 || || 14,000 || || 14,000 || || 14,000 || || 56,000 ||

Subtotali tal-għan speċifiku Nru 1 || || 30,000 || || 30,000 || || 30,000 || || 30,000 || || 120,00 ||

KOST TOTALI || || 30,000 || || 30,000 || || 30,000 || || 30,000 || || 120,00 ||

L-impatt stmat fuq l-approprjazzjonijiet ta’ natura amministrattiva

Sommarju

¨         Il-proposta/l-inizjattiva ma teħtieġ l-ebda użu ta' approprazzjonijiet ta’ natura amministrattiva

X         Il-proposta/l-inizjattiva jeħtiġilha tuża approprjazzjonijiet ta' natura amministrattiva, kif spjegat hawn taħt:

F'EUR miljun (sa 3 ċifri wara l-punt deċimali)

|| Sena 2014 || Sena 2015 || Sena 2016 || Sena 2017 || TOTAL

INTESTATURA 5 tal-qafas finanzjarju pluriennali || || || || ||

Riżorsi umani || 0,164 || 0,164 || 0,164 || 0,164 || 0,656

Infiq amministrattiv ieħor || 0,006 || 0,006 || 0,006 || 0,006 || 0,024

Subtotal tal-INTESTATURA 5 tal-qafas finanzjarju pluriennali || 0,170 || 0,170 || 0,170 || 0,170 || 0,680

Barra l-INTESTATURA 5[17] tal-qafas finanzjarju pluriennali || Sena 2014 || Sena 2015 || Sena 2016 || Sena 2017 || TOTAL

Riżorsi umani || 0,125 || 0,125 || 0,125 || 0,125 || 0,500

Infiq ieħor ta’ natura amministrattiva || 0,006 || 0,006 || 0,006 || 0,066 || 0,084

Subtotal minbarra INTESTATURA 5 tal-qafas finanzjarju plurieannali || 0,131 || 0,131 || 0,131 || 0,191 || 0,584

TOTAL || 0,301 || 0,301 || 0,301 || 0,361 || 1,264

L-approprjazzjonijiet ta' riżorsi umani meħtieġa jagħmlu tajjeb għalihom l-approprjazzjonijiet mid-DĠ li huma diġà assenjati għall-ġestjoni tal-azzjoni u/jew li ġew imqassma mill-ġdid fi ħdan id-DĠ, flimkien, fejn meħtieġ, ma' allokazzjoni addizzjonali li tista’ tingħata lid-DĠ ta' ġestjoni skont il-proċedura ta' allokazzjoni annwali u fid-dawl ta' restrizzjonijiet baġitarji.

 Stima tar-riżorsi umani meħtieġa

¨         Il-proposta/l-inizjattiva ma teħtieġx l-użu ta’ riżorsi umani

X         Il-proposta/inizjattiva teħtieġ l-użu ta' riżorsi umani, kif spjegat hawn taħt:

L-istima għandha tingħata f’ammonti sħaħ (jew sa mhux aktar minn ċifra waħda wara l-punt deċimali)

|| Sena 2014 || Sena 2015 || Sena 2016 || Sena 2017

11 01 01 01 (fil-Kwartieri Ġenerali u fl-Uffiċċji tar-Rappreżentanza tal-Kummissjoni) || 1,25 || 1,25 || 1,25 || 1,25

11 01 01 02 (Delegazzjonijiet) || || || ||

11 01 05 01 (Riċerka indiretta) || || || ||

10 01 05 01 (Riċerka diretta) || || || ||

11 01 02 01 (AK, INT, ENS mill-"pakkett globali") || || || ||

11 01 02 02 (CA, INT, JED, LA u SNE fid-delegazzjonijiet) || || || ||

11 01 04 01 [18] || - fil-kwartieri ġenerali[19] || || || ||

- fid-Delegazzjoni || 1,00 || 1,00 || 1,00 || 1,00

11 01 05 02 (AK, INT, ENS fuq Riċerka indiretta) || || || ||

10 01 05 02 (AK, INT, ENS fuq Riċerka diretta) || || || ||

Linji baġitarji oħra (speċifika) || || || ||

TOTAL || 2,25 || 2,25 || 2,25 || 2,25

11 huwa l-qasam ta' politika jew it-titolu ta’ baġit ikkonċernat.

Ir-riżorsi umani meħtieġa se jiġu koperti mill-persunal tad-DĠ li diġà ġie assenjat għall-ġestjoni tal-azzjoni u/jew ġie mqassam mill-ġdid fi ħdan id-DĠ, flimkien ma', jekk ikun meħtieġ, kwalunkwe allokazzjoni addizzjonali li tista' tingħata lid-DĠ ta' ġestjoni skont il-proċedura ta' allokazzjoni annwali u fid-dawl ta' restrizzjonijiet baġitarji.

Deskrizzjoni tal-kompiti li jridu jitwettqu:

Uffiċjali u persunal temporanju || Il-ġestjoni u l-monitoraġġ tal-proċess ta’ negozjar jew negozjar mill-ġdid tal-FSS u tal-approvazzjoni tar-riżultat tan-negozjati mill-istituzzjonijiet; il-ġestjoni tal-FSS fis-seħħ, inkluż il-monitoraġġ finanzjarju u operattiv permanenti; il-ġestjoni tal-liċenzji. uffiċċjal wieħed minn DĠ MARE + Kap tal-Unità/Deputat Kap tal-Unità + segretarjat: stima ġenerali ta' 1.25 persuna/sena Kalkolu tal-ispejjeż: 1.25 persuna fis-sena x EUR 131 000 fis-sena = EUR 163 750 => EUR 0.164 miljun

Persunal estern || Il-monitoraġġ tal-implimentazzjoni tal-appoġġ settorjali – AK f’Delegazzjoni (Rabat): stima ġenerali ta' persuna (1)/sena Kalkolu tal-ispejjeż: persuna (1) fis-sena x EUR 125 000 fis-sena = EUR 125 000 => EUR 0.125 miljun

Kompatibbiltà mal-qafas finanzjarju pluriennali attwali

X         Il-proposta/l-inizjattiva hija kumpatibbli mal-qafas finanzjarju pluriennali attwali.

¨         Il-proposta/l-inizjattiva se tinvolvi programmar mill-ġdid tal-intestatura rilevanti fil-qafas finanzjarju pluriennali.

Spjega liema programmazzjoni mill-ġdid hija meħtieġa, billi tispeċifika l-linji baġitarji kkonċernati u l-ammonti korrispondenti.

¨         Il-proposta/l-inizjattiva teħtieġ l-applikazzjoni tal-istrument tal-flessibilità jew ir-reviżjoni tal-qafas finanzjarju pluriennali[20].

Spjega dak li huwa meħtieġ, billi tispeċifika l-intestaturi u l-linji baġitarji kkonċernati u l-ammonti korrispondenti.

Kontribuzzjonijiet minn partijiet terzi fil-finanzjament

X Il-proposta/l-inizjattiva ma tipprevedix kofinanzjament minn partijiet terzi.

¨ Il-proposta/l-inizjattiva tipprevedi l-kofinanzjament stmat hawn taħt:

Approprjazzjonijiet f'EUR miljun (sa 3 ċifri wara l-punt deċimali)

|| Sena N || Sena N+1 || Sena N+2 || Sena N+3 || daħħal kemm il-sena jkun hemm bżonn biex turi t-tul taż-żmien tal-impatt (ara l-punt 1.6) || Total

Speċifika l-korp ta' kofinanzjament || || || || || || || ||

TOTAL tal-approprjazzjonijiet kofinanzjati || || || || || || || ||

Impatt stmat fuq id-dħul

X         Il-proposta/l-inizjattiva ma għandha l-ebda impatt finanzjarju fuq id-dħul.

¨         Il-proposta/l-inizjattiva għandha l-impatt finanzjarju li ġej:

¨         fuq ir-riżorsi proprji

¨         fuq id-dħul mixxellanju

F'EUR miljun (sa 3 ċifri wara l-punt deċimali)

Linja baġitarja tad-dħul: || Ammonti disponibbli għas-sena baġitarja attwali || Impatt tal-proposta / inizjattiva[21]

Sena N || Sena N+1 || Sena N+2 || Sena N+3 || daħħal kemm il-sena jkun hemm bżonn biex turi t-tul taż-żmien tal-impatt (ara l-punt 1.6)

Artikolu ….............. || || || || || || || ||

Għad-dħul mixxellanju "assenjat", speċifika l-linja/i baġitarja/i tan-nefqa affettwata/i.

Speċifika l-metodu tal-kalkolu tal-impatt fuq id-dħul.

[1]               ĠU C …

[2]               ĠU L 141 tad-29/05/2006, p. 1

[3]               ĠU L 78 tas-17/03/2007, p. 31

[4]               ĠU C …

[5]               Wara sena, jekk is-sitwazzjoni hija favorevoli u abbażi tal-opinjoni tal-Kumitat Konġunt, l-għadd ta' bastimenti li jistgħu joperaw fiż-żona estiża jista' jiġi revedut.

[6]               Id-Dipartiment għandu jikkomunika din id-deċiżjoni minn qabel lill-Kummissjoni fejn jispeċifika l-perjodu jew perjodi li għalihom hemm projbizzjoni fuq is-sajd kif ukoll iż-żoni kkonċernati.

[7]               ABM: Ġestjoni Bbażata fuq l-Attività (Activity-Based Management) – ABB: Baġit Ibbażat fuq l-Attività (Activity-Based Budgeting).

[8]               Kif previst fil-paragrafu 6, il-Punt a) jew b) tal-Artikolu 49 tar-Regolament Finanzjarju.

[9]               Id-dettalji tal-metodi ta' ġestjoni u r-referenzi tar-Regolament Finanzjarju huma disponibbli fuq is-sit elettroniku tal-BudgWeb: http://www.cc.cec/budg/man/budgmanag/budgmanag_en.html

[10]             Kif previst fl-Artikolu 185 tar-Regolament Finanzjarju.

[11]             Diff. = Approprjazzjonijiet Differenzjati/ Mhux Diff. = Approprjazzjonijiet Mhux Differenzjati

[12]             EFTA: Assoċjazzjoni Ewropea tal-Kummerċ Ħieles.

[13]             Pajjiżi kandidati u fejn applikabbli, kandidati potenzjali mill-Balkani tal-Punent.

[14]             Assistenza teknika u/jew amministrattiva u nefqa b’appoġġ għall-implimentazzjoni tal-programmi u/jew l-azzjonijiet tal-UE (dawk li qabel kienu linji “BA”), ir-riċerka indiretta u r-riċerka diretta.

[15]             Ir-riżultati jirreferu għall-prodotti u s-servizzi li se jingħataw (pereżempju: għadd ta' skambji ta' studenti ffinanzjati, għadd ta' kilometri ta' toroq mibnija, eċċ.).

[16]             Kif ġie deskritt fit-Taqsima 1.4.2. “Għan(ijiet) speċifiku/speċifiċi...”.

[17]             Assistenza teknika u/jew amministrattiva u nefqa b’appoġġ għall-implimentazzjoni tal-programmi u/jew l-azzjonijiet tal-UE (dawk li qabel kienu linji “BA”), ir-riċerka indiretta u r-riċerka diretta.

[18]             Taħt il-limitu tal-persunal estern mill-approprjazzjonijiet operazzjonali (preċedentement il-linji "BA")

[19]             Prinċipalment għall-Fondi Strutturali, il-Fond Agrikolu Ewropew għall-Iżvilupp Rurali (FAEŻR) u l-Fond Ewropew għas-Sajd (FES)

[20]             Ara l-punti 19 u 24 tal-Ftehim Interistituzzjonali.

[21]             Fir-rigward tar-riżorsi proprji tradizzjonali (dazji doganali, imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 25% għall-ispejjeż tal-ġbir.