EUR-Lex Access to European Union law
This document is an excerpt from the EUR-Lex website
Document 52013PC0527
Proposal for a COUNCIL REGULATION fixing the production levies in the sugar sector for the marketing years 2001/2002, 2002/2003, 2003/2004, 2004/2005, 2005/2006, the coefficient required for calculating the additional levy for the marketing years 2001/2002 and 2004/2005 and the amounts to be paid by sugar manufacturers to beet sellers in respect of the difference between the maximum amount of the levies and the amount of these levies to be charged for the marketing years 2002/2003, 2003/2004 and 2005/2006
Proposta għal REGOLAMENT TAL-KUNSILL li jiffissa l-imposti tal-produzzjoni fis-settur taz-zokkor għas-snin tas-suq 2001/2002, 2002/2003, 2003/2004, 2004/2005, 2005/2006, il-koeffiċjent meħtieġ għall-kalkolu tal-imposta addizzjonali għas-snin tas-suq mill-2001/2002 u 2004/2005 u l-ammonti li għandhom jitħallsu mill-manifatturi taz-zokkor lill-bejjiegħa tal-pitravi fir-rigward tad-differenza bejn l-ammont massimu tal-imposti u l-ammont ta’ dawn l-imposti li għandhom jitħallsu għas-snin tas-suq 2002/2003, 2003/2004 u 2005/2006
Proposta għal REGOLAMENT TAL-KUNSILL li jiffissa l-imposti tal-produzzjoni fis-settur taz-zokkor għas-snin tas-suq 2001/2002, 2002/2003, 2003/2004, 2004/2005, 2005/2006, il-koeffiċjent meħtieġ għall-kalkolu tal-imposta addizzjonali għas-snin tas-suq mill-2001/2002 u 2004/2005 u l-ammonti li għandhom jitħallsu mill-manifatturi taz-zokkor lill-bejjiegħa tal-pitravi fir-rigward tad-differenza bejn l-ammont massimu tal-imposti u l-ammont ta’ dawn l-imposti li għandhom jitħallsu għas-snin tas-suq 2002/2003, 2003/2004 u 2005/2006
/* COM/2013/0527 final - 2013/0252 (NLE) */
Proposta għal REGOLAMENT TAL-KUNSILL li jiffissa l-imposti tal-produzzjoni fis-settur taz-zokkor għas-snin tas-suq 2001/2002, 2002/2003, 2003/2004, 2004/2005, 2005/2006, il-koeffiċjent meħtieġ għall-kalkolu tal-imposta addizzjonali għas-snin tas-suq mill-2001/2002 u 2004/2005 u l-ammonti li għandhom jitħallsu mill-manifatturi taz-zokkor lill-bejjiegħa tal-pitravi fir-rigward tad-differenza bejn l-ammont massimu tal-imposti u l-ammont ta’ dawn l-imposti li għandhom jitħallsu għas-snin tas-suq 2002/2003, 2003/2004 u 2005/2006 /* COM/2013/0527 final - 2013/0252 (NLE) */
MEMORANDUM TA’ SPJEGAZZJONI 1. IL-KUNTEST TAL-PROPOSTA Fis-27 ta’ Settembru 2012,
il-Qorti tal-Ġustizzja qatgħet is-sentenza tagħha
fil-każijiet konġunti C-113/10, C-147/10 u C-234/10, Zuckerfabrik
Jülich AG v Hauptzollamt Aachen, British Sugar plc v Rural Payments
Agency, Tereos V Directeur général des douanes et dazji indirects
(il-ġudizzju "Jülich-II") li bihom annullat ir-Regolament
tal-Kummissjoni (KE) Nru 1193/2009 tat-3 ta’ Novembru 2009
li jikkoreġi r-Regolamenti (KE) Nru 1762/2003, (KE) Nru 1775/2004,
(KE) Nru 1686/2005, (KE) Nru 164/2007 u li jiffissa l-imposti
tal-produzzjoni fis-settur taz-zokkor għas-snin tas-suq 2002/2003,
2003/2004, 2004/2005, 2005/2006. Ir-Regolament (KE) Nru 1193/2009,
annullat fl-intier tiegħu mis-sentenza tas-27 ta’ Settembru 2012,
retroattivament ikkoreġa l-imposti tal-produzzjoni għas-snin
tas-suq 2002/2003, 2003/2004, 2004/2005, 2005/2006 kif diġà ffissati
mill-Kummissjoni wara l-annullament mill-Qorti tar-Regolamenti (KE)
Nri 1762/2003, 1775/2004, 1686/2005 u 164/2007, bil-ġudizzju
tagħha tat-8 ta’ Mejju 2008 fil-Kawżi Konġunti
C-5/06, u C-23/06 sa C-36/06, Zuckerfabrik Jülich u Oħrajn ("Jülich
I") u l-ordni sussegwenti tas-6 ta’ Ottubru 2008, fil-każijiet
konġunti C-175/07 sa C-184/07, SAFBA u oħrajn ("SAFBA"). Għas-snin tas-suq 2001/2002,
2002/2003, 2003/2004, 2004/2005, 2005/2006, l-imposti għas-snin tas-suq
inkwistjoni kienu oriġinarjament stabbiliti mill-Kummissjoni skont
ir-Regolament tal-Kunsill (KE) Nru 1260/2001 tad-19 ta’ Ġunju 2001
dwar l-organizzazzjoni komuni tas-swieq fis-settur taz-zokkor
("ir-regolament bażiku"), li pprovda għal sistema ta’
awtofinanzjament tas-settur taz-zokkor bl-imposti tal-produzzjoni flessibbli. Taħt ir-Regolament tal-Kunsill (KE)
Nru 1260/2001, l-organizzazzjoni komuni tas-swieq fis-settur taz-zokkor
kienu bbażati fuq il-prinċipju li l-produtturi għandhom
iġorru r-responsabbiltà finanzjarja kollha għat-telf imġarrab
f'kull sena tas-suq, mir-rimi ta' dik il-parti tal-produzzjoni tal-Komunità
taħt il-kwota li hija eċċess għall-konsum intern
tal-Komunità, u fuq differenzjal tal-garanziji tal-prezz għar-rimi li
jirriflettu l-kwota tal-produzzjoni allokata għal kull azjenda. Il-prinċipju tar-responsabbiltà
finanzjarja kien żgurat mill-produtturi b'imposta tal-produzzjoni
bażika fuq il-produzzjoni kollha taz-zokkor A u B, li hija llimitata
għal 2 % tal-prezz tal-intervent taz-zokkor abjad, u b'imposta B
iċċarġjata fuq il-produzzjoni taz-zokkor B sal-limitu ta'
37,5 % ta' dak il-prezz. Meta dawk l-imposti ma jippermettux li
tintlaħaq l-mira ta’ awtofinanzjament tas-settur f'kull sena tas-suq,
ir-regolament bażiku stipula għall-imposta addizzjonali fuq
il-produtturi. L-Artikolu 15 tar-regolament bażiku stipula l-elementi
li għandhom jiġu kkunsidrati għall-kalkolu tal-imposti. Il-Qorti, fis-sentenzi tagħha imsemmija
hawn fuq, ma tpoġġix fid-dubju is-sistema tal-produzzjoni tal-imposti
u l-prinċipju li bih il-produtturi taz-zokkor kellhom iġorru
r-responsabbiltà finanzjarja kollha għat-telf imġarrab f’kull sena
tas-suq permezz tar-rimi ta’ dik il-parti tal-produzzjoni taħt il-kwota li
hija eċċess għall-konsum intern tal-Unjoni, u kienu
għalhekk suġġetti għal imposta fuq il-produzzjoni
tagħhom taħt il-kwota, li għandha tkun stabbilita mill-Kummissjoni
bil-ħsieb li jkopru t-telf imġarrab matul is-snin
tas-suq 2001/2002, 2002/2003, 2003/2004, 2004/2005, 2005/2006. Madankollu, il-Qorti qatgħet sentenza li
l-Kummissjoni ripetutament żbaljat fil-kalkoli tal-imposti annwali
stabbiliti għall-perjodu inkwistjoni skont ir-Regolament tal-Kunsill (KE)
Nru 1260/2001. Fl-aħħar nett, hi sabet li l-metodu użat
mill-Kummissjoni fir-Regolament (KE) Nru 1193/2009 tagħha li tiffissa
l-imposti kienet żbaljata għaliex dan wassal għal stima akbar
tal-ispejjeż li jridu jiġu koperti u li konsegwentement,
l-iċċarġjar żejjed fuq il-produtturi taz-zokkor. Bħala riżultat tal-invalidità
tar-Regolament (KE) Nru 1193/2009, il-Qorti sostniet li l-individwi huma
intitolati għar-rimborż tas-somom żejda mħallsa
indebitament, fir-rigward tal-imposti tal-produzzjoni invalidi miġbura mill-Istati
Membri matul il-perjodu in kwistjoni, kif ukoll għall-ħlas
tal-imgħax fuq somom bħal dawn. Is-sentenza ħalliet vojt ġuridiku
fir-rigward tas-somma eżatta tal-imposti għas-snin
tas-suq 2002/2003, 2003/2004, 2004/2005, 2005/2006. Għaldaqstant,
sabiex jikkonformaw mas-sentenza, l-imposti stipulati għal dawn is-snin
tas-suq għandhom jiġu sostitwiti b'oħrajn ġodda,
ikkalkulati skont il-metodu validat mill-Qorti, b’effett retroattiv. 2. RIŻULTATI
TAL-KONSULTAZZJONIJIET MAL-PARTIJIET INTERESSATI U TAL-VALUTAZZJONIJIET
TAL-IMPATT Il-Kummissjoni ppreżentat lill-Istati
Membri d-diversi dokumenti ta’ ħidma relatati mal-imposti taz-zokkor
ikkoreġuti u s-sentenza tas-segwiment tal-Qorti
tas-27 ta’ Settembru 2012. Dawk id-dokumenti ta’ ħidma
ġew ippreżentati fil-Kumitat ta' Ġestjoni
għall-Organizzazzjoni Komuni tas-Swieq Agrikoli
fis-6 ta’ Diċembru 2012,
fl-20 ta’ Diċembru 2012,
fl-24 ta’ Jannar 2013 u l-verżjoni kkonsolidata
fit-28 ta’ Frar 2013. Numru ta’ Stati Membri (DE, BE, LV, IT, FR,
NL, UK, CZ) sejjħu lill-Kummissjoni sabiex tħejji att legali li
jikkoreġi l-imposti, li għandhom jinkludu rimborż
mill-baġit tal-Unjoni tal-imgħax fuq ir-rimborżi li saru jew li
għandhom isiru lil produtturi taz-zokkor, li ħallsu l-imposti
żejda fis-sena rilevanti, mill-Istati Membri kkonċernati. Xi
delegazzjonijiet ssuġġerew ukoll li l-interessi għandhom
jiġu kkalkolati b’rata uniformi fuq livell Ewropew. 3. L-ELEMENTI LEGALI
TAL-PROPOSTA Skont l-Artikolu 266 tat-Trattat TFEU,
"L-istituzzjoni, korp jew organu li l-att tiegħu ikun ġie
iddikjarat null....għandu jkun marbut li jieħu l-miżuri
neċessarji sabiex jikkonforma ruħu mas-sentenza tal-Qorti
tal-Ġustizzja ta' l-Unjoni Ewropea.". Għalhekk, wara
l-annullament tar-Regolament (KE) Nru 1193/2009, għandhom jiġu
ffissati l-imposti l-ġodda għall-perjodu inkwistjoni. Billi, b’effett mis-sena
tas-suq 2006/2007, ir-Regolament (KE) Nru 1260/2001 ġie revokat
u mibdul bir-Regolament tal-Kunsill (KE) Nru 318/2006 dwar
l-organizzazzjoni komuni tas-swieq fis-settur taz-zokkor, u jinbidel aktar
bir-Regolament (KE) Nru 1234/2007 li jistabbilixxi organizzazzjoni komuni
ta' swieq agrikoli u dwar dispożizzjonijiet speċifiċi għal
ċerti prodotti agrikoli (Ir-Regolament Waħdieni dwar l-OKS),
ir-Regolament tal-Kunsill (KE) Nru 1260/2001 ma jistgħux jibqgħu
jservu bħala l-bażi legali għall-korrezzjoni l-imposti.
Il-Kummissjoni għalhekk, mgħandiex is-setgħa li tadotta l-att
legali korrettiv meħtieġa sabiex timplimenta s-sentenza. Skont l-Artikolu 43(3) tat-TFUE
"Il-Kunsill, fuq proposta tal-Kummissjoni, għandu jadotta
l-miżuri dwar l-iffissar... imposti.". Fid-dawl tan-natura
tar-Regolament propost, l-Artikolu 43(3) jidher li huwa l-bażi
ġuridika xieraq sabiex jiffissa l-imposti taz-zokkor ikkoreġuti
għas-snin tas-suq in kwistjoni. Għalkemm il-Qorti ma nvalidatx
ir-Regolament (KE) Nru 1837/2002, li jiffissa l-imposti tal-produzzjoni
għas-sena tas-suq 2001/2002, meta jitqies li l-istess metodu
invalidat mill-Qorti ġie użat sabiex jiġu stabbiliti l-imposti
għas-sena tas-suq 2001/2002, l-imposti stipulati għal dik
is-sena tas-suq għandhom jitqiesu żbaljati wkoll. Għalhekk,
l-imposti l-ġodda għal dik is-sena tas-suq għandhom ikunu
stabbiliti u inklużi fl-att leġiżlattiv korrettiv. Fis-sentenzi tagħha imsemmija hawn fuq,
il-Qorti ċċarat l-elementi kollha li jridu jittieħdu
fil-konsiderazzjoni għall-kalkolu tat-"telf medju", fis-sens
tal-Artikolu 15 tar-regolament bażiku, li għandu jintuża
għall-istima tat-"telf globali" li għandu jiġi kopert
mill-imposti tal-produzzjoni. Partikolarment, it-"telf medju"
għandu jiġi kkalkulat billi wieħed jiddividi t-totali attwali
ta’ rifużjonijiet imħallsin (aktar baxx minn dak ikkalkulat
mill-Kummissjoni fir-Regolament (KE) Nru 1193/2009 annullat) bit-total
tal-kwantitajiet esportati, irrispettivament jekk kienux esportati bi jew
mingħajr rifużjoni. Il-"produzzjoni esportabbli" huwa wkoll
ikkalkulat bl-użu tal-esportazzjonijiet kollha, jekk r-rifużjonijiet
jkunu ġewx imħallsa jew le. L-applikazzjoni tal-metodu l-ġdid li
huwa indikat mill-Qorti twassal għal tnaqqis sostanzjali ta’ "telf
medju" u "telf ġenerali", li għandhom jiġu
koperti bl-imposta għall-perjodu in kwistjoni. Għalhekk, ir-Regolament propost se
jistabbilixxi imposti tal-produzzjoni taz-zokkor għas-snin
tas-suq 2001/2002, 2002/2003, 2003/2004, 2004/2005, 2005/2006, ikkalkolati
mill-ġdid fuq il-bażi tal-metodoloġija ikkjarifikata mill-Qorti.
Dan se jippermetti lill-Istati Membri jikkalkulaw ir-rimborż dovut
lill-produtturi taz-zokkor fir-rigward tal-imposti żejda li ġew
iċċarġjati matul l-istess perjodu. Barra minn hekk, ir-reviżjoni tal-imposti
tal-produzzjoni għas-snin tas-suq 2001/2002, 2002/2003, 2003/2004,
2004/2005, 2005/2006 se tħalli impatt fuq il-prezz tal-komplement, li
l-produtturi taz-zokkor kellhom iħallsu lil dawk li jkabbru l-pitravi
fir-rigward tad-differenza bejn l-ammont massimu tal-imposti A jew B, u
l-ammont ta’ dawn l-imposti mitluba għas-snin tas-suq 2002/2003,
2003/2004 u 2005/2006. Skont l-organizzazzjoni komuni tas-swieq
fis-settur taz-zokkor fis-seħħ sal-2006, dawn l-imposti kienu
jitħallsu mill-manifatturi taz-zokkor, iżda dawn tal-aħħar
rkupraw 60 % ta’ dawn l-ispejjeż mill-produtturi tal-pitravi, billi
jħallsu prezz aktar baxx għal pitravi. Meta l-ammonti tal-imposti
ġew stabbiliti taħt il-livell massimu tal-imposti A jew B
(jiġifieri 2 % u 37.5 % tal-prezz tal-intervent għaz-zokkor
abjad rispettivament), l-Artikolu 18(2) tar-regolament bażiku stipula
li l-manifatturi taz-zokkor għandhom iħallsu l-bejjiegħa
tal-pitravi 60 % tad-differenza bejn l-ammont massimu tal-imposta
inkwistjoni u l-ammont tal-imposta ta’ bażi jew l-imposta B attwalment
mitluba. Għalhekk, dan l-att korrettiv legali
jistabilixxi l-prezzijiet riveduti tal-komplement li l-produtturi taz-zokkor
għandhom iħallsu lura lill-bejjiegħa tal-pitravi. Biss li
d-differenza bejn il-prezzijiet qodma u ġodda tal-komplement għandhom
jiġu rimborżati lill-bejjiegħa tal-pitravi. Ir-rimborż tal-imposti taz-zokkor
jikkostitwixxi korrezzjoni tal-imposti fuq iz-zokkor li ġew
oriġinarjament imħallsa fir-riżorsi proprji tal-UE. Fi
żmien ta' erba xhur wara d-dħul fis-seħħ ta’ dan l-att,
l-Istati Membri jridu jistabbilixxu l-intitolamenti tal-imposti ġodda
taz-zokkor bbażati fuq l-imposti l-ġodda. 4. IMPLIKAZZJONIJIET
BAĠITARJI Ir-reviżjoni tal-imposti tal-produzzjoni
taz-zokkor għas-snin tas-suq 2001/2002, 2002/2003, 2003/2004,
2004/2005, 2005/2006 se twassal għal korrezzjoni negattiva ta’ EUR
295 541 212, li jitħallsu mir-riżorsi proprji
tal-baġit tal-UE. Minbarra l-ammont imsemmi, l-Istati Membri jistgħu
jitolbu mingħand il-Kummissjoni r-rimborż tal-imgħax
effettivament imħallas mill-aġenziji tal-ħlas, f’konformità
mal-liġi nazzjonali tagħhom, sabiex isir ir-rimborż tal-imposti
żejda miġbura għas-snin rilevanti. L-infiq tal-aħħar
se jitħallas separatament mill-baġit tal-UE mill-Istati Membri
kkonċernati wara l-preżentazzjoni tal-provi korrispondenti ta’
ħlas. 5. ELEMENTI FAKULTATTIVI Il-Kummissjoni se toħroġ
dikjarazzjoni li takkumpanja l-proposta preżenti għar-Regolament
tal-Kunsill, sabiex jiġu ċċarati ċerti elementi relatati
mar-rimborż tal-prinċipal u tal-imgħax, ir-rimborż
għall-bejjiegħa tal-pitravi, il-proċedura ta' kontabilità u
l-monitoraġġ tal-proċess tar-rimborż. 2013/0252 (NLE) Proposta għal REGOLAMENT TAL-KUNSILL li jiffissa l-imposti tal-produzzjoni
fis-settur taz-zokkor għas-snin tas-suq 2001/2002, 2002/2003,
2003/2004, 2004/2005, 2005/2006, il-koeffiċjent meħtieġ
għall-kalkolu tal-imposta addizzjonali għas-snin tas-suq
mill-2001/2002 u 2004/2005 u l-ammonti li għandhom jitħallsu
mill-manifatturi taz-zokkor lill-bejjiegħa tal-pitravi fir-rigward
tad-differenza bejn l-ammont massimu tal-imposti u l-ammont ta’ dawn l-imposti
li għandhom jitħallsu għas-snin tas-suq 2002/2003, 2003/2004 u
2005/2006 IL-KUNSILL TA' L-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, u partikolarment l-Artikolu 43(3)
tiegħu, Wara li kkunsidra l-proposta mingħand
il-Kummissjoni Ewropea, Billi: (1) Ir-Regolament tal-Kunsill
(KE) Nru 1260/2001 tad-19 ta’ Ġunju 2001 dwar
l-organizzazzjoni komuni tas-swieq fis-settur taz-zokkor[1], u partikolarment l-ewwel
inċiż tal-Artikolu 15(8), l-Artikolu 16(5), u
l-Artikolu 18(5) tiegħu, jagħti s-setgħa lill-Kummissjoni
biex tadotta regoli dettaljati dwar l-ammonti ta' imposti li jridu
jinġabru, il-koeffiċjenti tal-imposta addizzjonali u r-rimborż
lill-bejjiegħa tal-pitravi. (2) Il-Kummissjoni stabbiliet
l-imposti tal-produzzjoni għas-snin tas-suq 2001/2002[2], 2002/2003[3], 2003/2004[4], 2004/2005[5] u 2005/2006[6]. (3) L-Artikolu 18(2)
tar-Regolament (KE) Nru 1260/2001 stipula li meta l-imposta bażika tal-produzzjoni
hija anqas mill-ammont massimu li hemm referenza dwaru fl-Artikolu 15(3)
jew meta l-imposta B imsemmija f'dak l-Artikolu hija aktar baxxa mill-ammont
massimu li hemm referenza dwaru fl-Artikolu 14(4) ta' dak ir-Regolament,
aġġustata, meta meħtieġ, bi qbil mal-paragrafu 5,
il-fabbrikanti taz-zokkor għandhom ikunu meħtieġa li
jħallsu lill-bejjiegħa tal-pitravi 60% tad-differenza bejn
l-ammont massimu tal-imposta kkonċernata u l-ammont li fil-fatt ikun
inżamm. (4) Skont l-Artikolu 9(1)
tar-Regolament tal-Kummissjoni (KE) Nru 314/2002
tal-20 ta’ Frar 2002 li jistabbilixxi regoli dettaljati
għall-applikazzjoni tas-sistema ta’ kwoti fis-settur taz-zokkor[7], l-ammonti li għandhom
jitħallsu mill-manifatturi taz-zokkor lill-bejjiegħa tal-pitravi
fir-rigward tad-differenza bejn l-ammont massimu tal-imposta bażika u
l-imposta B u l-ammonti ta’ dawk l-imposti ċċarġjati, ġew
stabbiliti għas-snin tas-suq 2002/2003[8],
2003/2004[9]
u 2005/2006[10].
(5) Fil-qafas tar-riforma
tal-organizzazzjoni komuni tas-suq għas-settur taz-zokkor, ir-Regolament
tal-Kunsill (KE) Nru 318/2006 tal-20 ta’ Frar 2006 dwar
l-organizzazzjoni komuni tas-swieq tas-settur taz-zokkor[11], ħassar u ssostitwixxa
r-Regolament (KE) Nru 1260/2001 mis-sena tas-suq 2006/2007.
Ir-Regolament (KE) Nru 318/2006, li sussegwentement ġie revokat u
inkorporati fir-Regolament tal-Kunsill (KE) Nru 1234/2007
tat-22 ta’ Ottubru 2007 li jistabbilixxi organizzazzjoni komuni
ta’ swieq agrikoli u dwar dispożizzjonijiet speċifiċi għal
ċerti prodotti agrikoli (ir-Regolament Waħdieni tal-OKS)[12], issostitwixxa il-varjabbli
tas-sistema tal-imposta tal-produzzjoni taz-zokkor ta’ awtofinanzjament
tar-reġim tal-kwota tal-produzzjoni permezz ta’ ħlas ġdid ta’
produzzjoni bil-għan li jingħata kontribut għall-ispejjeż
tal-infiq li jseħħ fis-settur taz-zokkor skont l-organizzazzjoni
tas-suq komuni għaz-zokkor. (6) Fit-8 ta' Mejju 2008,
il-Qorti ddikjarat bħala invalidi[13]
r-Regolamenti tal-Kummissjoni (KE) Nru 1762/2003
tas-7 ta’ Ottubru 2003 li jiffissa l-imposti tal-produzzjoni
fis-settur taz-zokkor għas-sena tas-suq 2002/2003[14] u (KE) Nru 1775/2004
tal-14 ta’ Ottubru 2004 li jistipula l-imposti tal-produzzjoni
fis-settur taz-zokkor għas-sena tas-suq 2003/2004[15]. Fis-sentenza tagħha,
il-Qorti sostniet li l-kwantitajiet kollha taz-zokkor fil-prodotti esportati,
irrispettivament minn jekk ir-rifużjonijiet tħallsux jew le,
għandhom jitqiesu għall-iskop tal-kalkolu t-telf medju stmat
għal kull tunnellata ta’ prodott. (7) Il-Qorti wkoll ddikjarat
bħala invalidu[16]
r-Regolament tal-Kummissjoni (KE) Nru 1686/2005
tal-14 ta' Ottubru 2005 li jiatipula l-imposti tal-produzzjoni u
l-koeffiċjent tal-imposta addizzjonali fuq is-settur taz-zokkor
għas-sena tas-suq 2004/2005[17]. (8) Sabiex ikun hemm konformità
mad-deċiżjonijiet tal-Qorti, il-Kummissjoni adottat ir-Regolament
(KE) Nru 1193/2009 li jikkoreġi r-Regolamenti (KE)
Nru 1762/2003, (KE) Nru 1775/2004, (KE) Nru 1686/2005, (KE)
Nru 164/2007 u li jiffissa l-imposti tal-produzzjoni fis-settur taz-zokkor
għas-snin tas-suq 2002/2003, 2003/2004, 2004/2005, 2005/2006[18]. (9) Fid-29 ta’ Settembru 2011,
il-Qorti Ġenerali tat is-sentenza tagħha fil-każ T-4/06, u fiha
ddikjarat li ma kienx hemm bażi legali xierqa għal koeffiċjent
ta’ differenzat tal-imposta addizzjonali fis-settur taz-zokkor, u annullat
l-Artikolu 2 tar-Regolament (KE) Nru 1686/2005 kif sostitwit
bl-Artikolu 3 tar-Regolament tal-Kummissjoni (KE) Nru 1193/2009. (10) Fis-27 ta’ Settembru 2012,
il-Qorti ddikjarat invalidu r-Regolament (KE) Nru 1193/2009, li jiddikjara
li l-Artikolu 15(1)(d) tar-Regolament (KE) Nru 1260/2001 kellu
jiġi interpretat bħala li jfisser li l-ammont totali ta’
rifużjonijiet kellhom jinkludu l-ammonti totali mħallsa,
għall-finijiet tal-kalkolu tat-telf medju stmat għal kull tunnellata
ta’ prodott[19].
(11) Konsegwentement, l-imposti
għandhom ikunu stabbiliti fil-livell xieraq. It-"telf medju" fi
ħdan it-tifsira tal-Artikolu 15(1)(d) tar-Regolament (KE)
Nru 1260/2001 għandu jkun ikkalkulat bid-diviżjoni
tar-rimborżi mħallsa mill-kwantitajiet esportati, jekk
ir-rifużjoni titħallas jew le, għall-esportazzjonijiet definiti
skont l-Artikolu 6(5) tar-Regolament tal-Kummissjoni (KE)
Nru 314/2002 tal-20 ta’ Frar 2002 li jistabbilixxi regoli
dettaljati għall-applikazzjoni tas-sistema ta’ kwoti fis-settur taz-zokkor[20]. Il-"produzzjoni
żejda" fi ħdan it-tifsira tal-Artikolu 15(1)(c)
tar-Regolament (KE) Nru 1260/2001 għandha wkoll tiġi kkalkolata
bl-użu tal-esportazzjonijiet kollha, jekk r-rifużjonijiet jkunux
ġew imħallsa jew le. (12) Meta jitqies li l-istess
metodu invalidat mill-Qorti kien użat sabiex jiġu kkalkulati
l-imposti għas-sena tas-suq 2001/2002, l-imposti fuq il-produzzjoni
kif ukoll il-koeffiċjenti tal-imposta addizzjonali għas-sena
tas-suq 2001/2002 għandha wkoll tkun ikkoreġuta skont dan. (13) Dan isegwi mis-sentenza
tal-Qorti li l-imposti kkoreġuti għandhom japplikaw mill-istess dati
tal-imposti li ġew iddikjarati invalidi. (14) Bħala konsegwenza
tal-iffissar tal-imposti taz-zokkor, skont il-metodu l-ġdid imsemmi
fil-premessa (11), l-ammonti li għandhom jitħallsu mill-manifatturi taz-zokkor
lill-bejjiegħa tal-pitravi fir-rigward tad-differenza bejn l-ammont
massimu tal-imposta ta’ bażi u l-ammont tal-imposti
ċċarġjati għas-snin tas-suq 2002/2003, 2003/2004 u
2005/2006 għandhom ukoll ikunu stabbiliti, b’effett retroattivament. (15) Għas-sena
tas-suq 2001/2002, it-telf ġenerali mhux kopert kkalkolat
mill-ġdid wara l-metodu msemmi fil-premessa (11) jammonta għal
EUR 14.123.937. Il-koeffiċjent imsemmi fl-Artikolu 16(2)
tar-Regolament (KE) Nru 1260/2001 għandu jkun stipulat skont dan u jkun
applikabbli għal dik is-sena tas-suq. (16) Għas-sena
tas-suq 2002/2003, l-applikazzjoni tal-metodu li jissemma fil-premessa
(11) tirriżulta f’2 % għall-imposta bażika u 16,371 %
għall-imposta B, li għandhom ikunu applikabbli għal dik is-sena
tas-suq b’effett retrospettiv. It-telf totali kkalkolat mill-ġdid huwa
kopert fl-intier tiegħu mill-irċevuti tal-imposta bażika
tal-produzzjoni u l-imposta B. Għalhekk, ma hemmx bżonn li jiġi
ffissat il-koeffiċjent addizzjonali msemmi fl-Artikolu 16(2) ta' dak
ir-Regolament (KE) Nru 1260/2001 għal dik is-sena tas-suq. (17) Għas-sena tas-suq
2002/2003, ir-Regolament tal-Kummissjoni (KE) Nru 1440/2002
tas-7 ta' Awwissu 2002 li jirrevedi l-ammont massimu
għall-imposta tal-produzzjoni B u li jemenda l-prezz minimu għall-pitravi
B fis-settur taz-zokkor għas-sena tas-suq 2002/03[21] stabbilixxa l-ammont massimu
tal-imposta B għal 37.5 % fil-prezz tal-intervent għaz-zokkor
abjad, filwaqt li l-imposta B irriveduta skont il-metodu msemmi fil-premessa
(11) għal dik is-sena tas-suq hija 16,371 % tal-prezz tal-intervent
għaz-zokkor abjad. Din id-differenza tirrikjedi li l-ammont li għandu
jitħallas mill-manifatturi taz-zokkor lill-bejjiegħa tal-pitravi
għandu jiġi ffissat għal kull tunnellata ta’ pitravi ta’ kwalità
standard għal dik is-sena tas-suq, skont l-Artikolu 18(2)
tar-Regolament (KE) Nru 1260/2001. (18) Għas-sena
tas-suq 2003/2004, l-applikazzjoni tal-metodu ta' kalkolu ġdid
imsemmi fil-premessa (11) twassal għal 2 % għall-imposta
bażika u 17,259 % għall-imposta B. It-telf totali kkalkolat
mill-ġdid huwa kopert fl-intier tiegħu mill-irċevuti tal-imposta
bażika tal-produzzjoni u l-imposta B. Għalhekk, ma hemmx bżonn
li jiġi ffissat il-koeffiċjent addizzjonali msemmi fl-Artikolu 16(2)
ta' dak ir-Regolament (KE) Nru 1260/2001 għal dik is-sena tas-suq. (19) Għas-sena
tas-suq 2003/2004, ir-Regolament (KE) Nru 1440/2002 stabbilixxa
l-ammont massimu tal-imposta B għal 37,5 % tal-prezz tal-intervent
għaz-zokkor abjad, filwaqt li l-imposta B riveduta skont il-metodu msemmi
fil-premessa (11) applikabbli għal dik is-sena tas-suq hija 17,259 %
tal-prezz tal-intervent għaz-zokkor abjad. Din id-differenza tirrikjedi li
l-ammont li għandu jitħallas mill-manifatturi taz-zokkor
lill-bejjiegħa tal-pitravi għandu jiġi ffissat għal kull
tunnellata ta’ pitravi ta’ kwalità standard għal dik is-sena tas-suq,
skont l-Artikolu 18(2) tar-Regolament (KE) Nru 1260/2001. (20) Għas-sena
tas-suq 2004/2005, l-applikazzjoni tal-metodu msemmi fil-premessa (11) ma
tbiddilx l-imposta bażika u l-imposta B. Għal dik is-sena tas-suq,
it-telf mhux kopert ikkalkulat skont il-metodu l-ġdid jammonta għal
EUR 57.648.788. Il-koeffiċjent imsemmi fl-Artikolu 16(2)
tar-Regolament (KE) Nru 1260/2001 għandu jkun stipulat. Din issegwi
mis-sentenza tal-Qorti msemmija fil-premessa (9) li l-koeffiċjent
għandu jkun uniformi għall-Istati Membri tal-Unjoni kif kostitwita
fit-30 ta’ April 2004 u għall-Istati Membri tal-Unjoni kif
kostitwita fl-1 ta’ Mejju 2004. (21) Għas-sena
tas-suq 2005/2006, l-applikazzjoni tal-metodu msemmi fil-premessa (11)
twassal għal ammont ta' 1.2335% għall-imposta bażika
mingħajr il-bżonn tal-imposta B. Għal dik is-sena tas-suq,
it-telf ġenerali rikalkolat huwa kopert fl-intier tiegħu
mill-irċevuti tal-imposta bażika tal-produzzjoni u ma hemmx
bżonn li jiġi ffissat il-koeffiċjent addizzjonali msemmija
fl-Artikolu 16(2) tar-Regolament (KE) Nru 1260/2001. (22) Għas-sena
tas-suq 2005/2006, ir-Regolament tal-Kummissjoni (KE) Nru 1296/2005
tal-5 ta' Awwissu 2005 li jirrevedi l-ammont massimu
għall-imposta tal-produzzjoni B u li jemenda l-prezz minimu
għall-pitravi B fis-settur taz-zokkor għas-sena tas-suq 2005/06[22] stabbilixxa l-ammont massimu
tal-imposta B għal 37,5 % tal-prezz tal-intervent għaz-zokkor
abjad. Filwaqt li l-imposta bażika, riveduta skont il-metodu msemmi
fil-premessa (11) applikabbli għal dik is-sena tas-suq, hija 1,2335 %
tal-prezz tal-intervent għaz-zokkor abjad, ma hemm l-ebda bżonn li
tiġi ffissata imposta B. Minħabba dawn id-differenzi, huwa
meħtieġ li jiġu ffissati ammonti għal kull tunnellata ta’
pitravi ta’ kwalità standard li għandhom jitħallsu mill-manifatturi
taz-zokkor lill-bejjiegħa tal-pitravi għal dik is-sena tas-suq, skont
l-Artikolu 18(2) tar-Regolament (KE) Nru 1260/2001. (23) Għal raġunijiet ta'
ċertezza legali u sabiex ikun żgurat li jkun hemm trattament uniformi
tal-operaturi kkonċernati bejn l-Istati Membri, huwa meħtieġ li
tiġi stipulata data komuni li fiha l-imposti ffissati skont dan
ir-Regolament għandhom ikunu stabbiliti fit-tifsira tat-tieni subparagrafu
tal-Artikolu 2(2) tar-Regolament tal-Kunsill (KE, Euratom)
Nru 1150/2000 tat-22 ta' Mejju 2000 li jimplimenta
d-Deċiżjoni 2007/436/KE, Euratom dwar is-sistema tar-riżorsi
proprji tal-Komunitajiet Ewropej[23],
ADOTTAT DAN IR-REGOLAMENT: Artikolu 1 1. L-imposti tal-produzzjoni fis-settur
taz-zokkor għas-snin tas-suq 2001/2002, 2002/2003, 2003/2004,
2004/2005, 2005/2006 huma stabbiliti fil-punt (1) tal-Anness. 2. Il-koeffiċjenti
meħtieġa għall-kalkolu tal-imposta addizzjonali għas-snin
tas-suq 2001/2002 sa 2004/2005 huma stabbiliti fil-punt (2) tal-Anness. 3. L-ammonti li għandhom
jitħallsu mill-manifatturi taz-zokkor lill-bejjiegħa tal-pitravi,
fir-rigward tal-imposti A jew B għas-snin tas-suq 2002/2003,
2003/2004 u 2005/2006, huma stabbiliti fil-punt (3) tal-Anness. Artikolu 2 Id-data ta’ stabbiliment, imsemmija fit-tieni
subparagrafu tal-Artikolu 2(2) tar-Regolament (KE, Euratom)1150/2000, iffissat
mir-Regolament, għandha tkun mhux iktar tard mill-aħħar
ġurnata tat-raba' xahar wara d-dħul fis-seħħ ta’ dan
ir-Regolament. Artikolu 3 Dan ir-Regolament għandu jidħol
fis-seħħ l-għada tal-jum tal-pubblikazzjoni tiegħu f'Il-Ġurnal
Uffiċjali tal-Unjoni Ewropea. L-Artikolu 1(1) għandu japplika minn: –
16 ta’ Ottubru 2002 għas-sena
tas-suq 2001/2002, –
8 ta’ Ottubru 2003 għas-sena
tas-suq 2002/2003, –
15 ta’ Ottubru 2003 għas-sena
tas-suq 2003/2004, –
18 ta’ Ottubru 2005 għas-sena
tas-suq 2004/2005, –
23 ta’ Frar 2007 għas-sena
tas-suq 2005/2006. L-Artikolu 1(2) għandu japplika
minn: –
16 ta’ Ottubru 2002 għas-sena
tas-suq 2001/2002, u –
18 ta’ Ottubru 2005 għas-sena
tas-suq 2004/2005, L-Artikolu 1(3) għandu japplika
minn: –
8 ta’ Ottubru 2003 għas-sena
tas-suq 2002/2003, –
15 ta’ Ottubru 2003 għas-sena
tas-suq 2003/2004, u –
23 ta’ Frar 2007 għas-sena
tas-suq 2005/2006. Dan ir-Regolament għandu jorbot fl-intier
tiegħu u japplika direttament fl-Istati Membri kollha. Magħmul fi Brussell, Għall-Kunsill Il-President ANNESS (1) L-imposti tal-produzzjoni fis-settur
taz-zokkor huma msemmija fl-Artikolu 1(1) || 2001/2002 || 2002/2003 || 2003/2004 || 2004/2005 || 2005/2006 (a) EUR għal kull tunnellata ta’ zokkor abjad bħala imposta bażika tal-produzzjoni għaz-zokkor A u għaz-zokkor B || 12,638 || 12,638 || 12,638 || 12,638 || 7,794 (b) EUR għal kull tunnellata ta’ zokkor abjad bħala imposta B fuq iz-zokkor B; || 236,963 || 103,447 || 109,061 || 236,963 || - (c) EUR għal kull tunnellata ta’ sustanza niexfa bħala imposta bażika tal-produzzjoni tal-isoglukożju A u l-isoglukożju B; || 5,330 || 5,330 || 5,330 || 5,330 || 3,394 (d) EUR għal kull tunnellata ta’ sustanza niexfa bħall-imposta B fuq l-isoglukożju B; || 99,424 || 46,017 || 48,261 || 99,424 || - (e) EUR 12,638 għal kull tunnellata ta’ sustanza niexfa ekwivalenti għal zokkor/isoglukożju, bħala imposta bażika tal-produzzjoni għal-ġulepp tal-inulina A u għal-ġulepp tal-inulina B; || 12,638 || 12,638 || 12,638 || 12,638 || 7,794 (f) EUR 236,963 għal kull tunnellata ta’ sustanza niexfa ekwivalenti għal zokkor/isoglukożju, bħall-imposta B fuq l-iżoglukożju B. || 236,963 || 103,447 || 109,061 || 236,963 || - (2) Il-koeffiċjenti neċessarji
għal kalkolu tal-imposta addizzjonali huma msemmija fl-Artikolu 1(2) Is-sena tas-suq 2001/2002: 0,01839 Is-sena tas-suq 2004/2005: 0,07294 (3) Ammonti li għandhom jitħallsu
mill-manifatturi taz-zokkor lill-bejjiegħa tal-pitravi fir-rigward
tal-imposti A jew B li huma imsemmija fl-Artikolu 1(3). || 2002/2003 || 2003/2004 || 2005/2006 Prezz tal-komplement għall-pitravi A* || || || 0,378 Prezz tal-komplement għall-pitravi B* || 10,414 || 9,976 || 18,258 * Prezz tal-komplement fir-rigward tal-imposta
A jew B għal kull tunnellata ta’ pitravi ta’ kwalità standard (EUR). DIKJARAZZJONI FINANZJARJA || FS/13/367494 6.2.2013.1 || DATA: 15.04.2013 1. || INTESTATURA BAĠITARJA: Ara hawn taħt għall-previżjoni baġitarja. Artikolu 1 1 (Imposti u dazji oħra li għalihom hemm provdut taħt l-organizzazzjoni komuni tas-swieq taz-zokkor): 05 07 02 (Soluzzjoni ta’ tilwim) || APPROPRIJAZZJONIJIET: 123,4 Miljun € 53,4 Miljun € 2. || TITLU: REGOLAMENT TAL-KUNSILL li jiffissa l-imposti tal-produzzjoni fis-settur taz-zokkor għas-snin tas-suq 2001/2002, 2002/2003, 2003/2004, 2004/2005, 2005/2006, u jiffissa l-ammonti li għandhom jitħallsu mill-manifatturi taz-zokkor lill-bejjiegħa tal-pitravi fir-rigward tad-differenza bejn l-ammont massimu tal-imposti u l-ammont ta’ dawn l-imposti li għandhom jitħallsu għas-snin tas-suq 2002/03, 2003/04 u 2005/06 3. || BAŻI LEGALI: L-Artikolu 43(3) tat-Trattat dwar il-Funzjonament tal-Unjoni Ewropea 4. || GĦANIJIET: Fis-27 ta’ Settembru 2012, il-Qorti tal-Ġustizzja qatgħet is-sentenza tagħha fil-każijiet konġunti C-113/10, C-147/10 u C-234/10 (il-ġudizzju Jülich-II) li bihom hija annullat ir-Regolament tal-Kummissjoni (KE) Nru 1193/2009 tat-3 ta’ Novembru 2009. Dan ir-regolament għandu l-għan li jistabilixxi retroattivament il-produzzjoni taz-zokkor għas-snin tas-suq 2001/02 sa 2005/06, ikkalkolati mill-ġdid fuq il-bażi tal-metodoloġija ikkjarifikat mill-Qorti. 5. || IMPLIKAZZJONIJIET FINANZJARJI || PERJODU TA’ 12-IL XAHAR (EURO miljun) || SENA FINANZJARJA ATTWALI 2013] (EUR miljun) || SENA FINANZJARJA SEGWENTI 2014 (EUR miljun) 5.0 || NEFQA - IMPOSTAT LILL-BAĠIT TAL-UE (RIFUŻJONIJIET/INTERVENZJONIJIET) - AWTORITAJIET NAZZJONALI - OĦRA || 53,4 Miljun € || 53,4 Miljun € || m.a. 5.1 || DĦUL - RIŻORSI PROPRJI TAL-UE (IMPOSTI/DAZJI DOGANALI) — ara l-kummenti - NAZZJONALI || -214,1 Miljun € || -214,1 Miljun € || m.a. || || 2015 || 2016 || 2017 || 2018 5.0.1 || NEFQA STMATA || || || || 5.1.1 || DĦUL STMAT || || || || 5.2 || METODU TA’ KALKOLU: Ara l-Kummenti 6.0 || DAN IL-PROĠETT JISTA’ JIĠI FFINANZJAT MINN APPROPRJAZZJONIJIET IMDAĦĦLA FIL-KAPITOLU RELEVANTI TAL-BAĠIT ATTWALI? || Le 6.1 || DAN IL-PROĠETT JISTA’ JIĠI FFINANZJAT PERMEZZ TA’ TRASFERIMENTI BEJN KAPITOLI TAL-BAĠIT ATTWALI? || Iva 6.2 || SE JKUN MEĦTIEĠ BAĠIT SUPPLIMENTARI? || Le 6.3 || SE JKUN HEMM BŻONN LI L-APPROPRJAZZJONIJIET JIDDAĦĦLU F’BAĠITS FUTURI? || Ara l-kummenti OSSERVAZZJONIJIET: Fis-27 ta’ Settembru 2012, il-Qorti tal-Ġustizzja qatgħet is-sentenza tagħha fil-każijiet konġunti C-113/10, C-147/10 u C-234/10 (il-ġudizzju Jülich-II) li bihom hija annullat ir-Regolament tal-Kummissjoni (KE) Nru 1193/2009 tat-3 ta’ Novembru 2009. Il-Qorti qatgħet sentenza li l-Kummissjoni ripetutament żbaljat fil-kalkoli tal-imposti annwali stabbiliti għall-perjodu inkwistjoni. Il-Qorti sostniet li l-individwi huma intitolati għal rimborż tas-somom żejda imħallsa indebitament fir-rigward tal-imposti tal-produzzjoni invalidi miġbura mill-Istati Membri matul il-perjodu in kwistjoni u dovuti lill-baġit tal-Unjoni. Dan l-att legali korrettiv li jistabilixxi retroattivament il-produzzjoni taz-zokkor għas-snin tas-suq 2001/02 sa 2005/06, ikkalkolati mill-ġdid fuq il-bażi tal-metodoloġija ikkjarifikata mill-Qorti. Wara s-sentenza, ir-rimborż għall-operaturi għandu jinkludi l-imgħaxx (ibbażat fuq ir-regoli nazzjonali u skont il-prinċipju ta’ arrikkiment inġust, l-UE trid tirrifondi l-Istati Membri skont l-imgħax kumpensatorju imħallsa). L-ammont totali li għandu jiġi rrimborżat lil l-Istati Membri huma dawn: Riżorsi proprji — principal 295,5 Miljun €— 10,0 Miljun € (diġà rimborżati f'2009) * 75 % = 214,1 Miljun € ta’ imposti wara l-ġbir ta’ ħlasijiet. Mgħax li jikkumpensa L-imgħax kumpensatorju mhux inkluż fl-ammonti li jaqgħu taħt ir-riżorsi proprji. L-ammont stmat mogħti hawn fuq huwa kkalkolat għal 100 % tad-differenza bejn l-imposti ġodda u qodma. Ir-rati tal-imgħax se jiġu determinati mil-liġi nazzjonali u għalhekk l-ammont finali ma jistax jiġi determinat b’mod definittiv f’dan il-waqt. Ir-rati tal-imgħax użati bħala bażi biex jiġi stmat l-impatt finanzjarju ta’ 53,4 Miljun € huma ippubblikati fir-Regolamenti li ġejjin: Ir-Regolament tal-UE Nru 2012/2001; Ir-Regolament tal-UE Nru 1852/2002; Ir-Regolament tal-UE Nru 1842/2003; Ir-Regolament tal-UE Nru 1751/2004; Ir-Regolament tal-UE Nru 956/2005; Ir-Regolament tal-UE Nru 1119/2005; Ir-Regolament tal-UE Nru 1668/2005; Ir-Regolament tal-UE Nru 1489/2006; Ir-Regolament tal-UE Nru 981/2007; Ir-Regolament tal-UE Nru 1190/2007; Ir-Regolament tal-UE Nru 999/2008; Ir-Regolament tal-UE Nru 1012/2009; Ir-Regolament tal-UE Nru 974/2010; Ir-Regolament tal-UE Nru 1036/2011; Ir-Regolament tal-UE Nru 938/2012; L-ammont se jitħallas taħt il-linja baġitarja 05 07 02. F’każ li r-regolament ma jiġix adottat fil-ħin sabiex il-pagamenti jsiru fis-sena tal-baġit 2013, ammont irid jkun inkluż f'ittra ta’ emenda tal-Baġit 2014. [1] ĠU L 178, 30.6.2001, p. 1. [2] ĠU L 278, 16.10.2002, p. 13. [3] ĠU L 254, 8.10.2003, p. 4. [4] ĠU L 316, 15.10.2004, p. 64. [5] ĠU L 271, 15.10.2005, p. 12. [6] ĠU L 51, 20.2.2007, p. 17. [7] ĠU L 50, 21.2.2002, p. 40. [8] ĠU L 254, 8.10.2003, p. 5. [9] ĠU L 316, 15.10.2004, p. 65. [10] ĠU L 51, 20.2.2007, p. 16. [11] ĠU L 58, 20.2.2006, p. 1. [12] ĠU L 299, 16.11.2007, p. 1. [13] Każijiet konġunti C-5/06 u C-23/06 sa C-36/06,
Ġabra 2008, I-03231. [14] Ara r-referenza fin-nota ta’ qiegħ il-paġna 3. [15] Ara r-referenza fin-nota ta’ qiegħ il-paġna 4. [16] Ordnijiet tas-6 ta’ Ottubru 2008 fil-kawzi
konġunti C-175/07 għal C-184/07, Ġabra 2008, I-00142, kif
ukoll f’każijiet C-466/06, Ġabra 2008, I-00140, u C-200/06,
Ġabra 2008, I-00137. [17] Ara r-referenza fin-nota ta’ qiegħ il-paġna 5. [18] ĠU L 321, 8.12.2009, p. 1. [19] Għadhom ma ġewx pubblikati l-każijiet
magħquda C-113/10, C-147/10 u C-234/10. [20] ĠU L 50, 21.2.2002, p. 40. [21] ĠU L 212, 8.8.2002, p. 3. [22] ĠU L 205, 6.8.2005, p. 20. [23] ĠU L 130, 31.5.2000, p. 1.