MEMORANDUM TA' SPJEGAZZJONI

1.           KUNTEST TAL-PROPOSTA

· - Il-kuntest ġenerali

Fid-29 ta' Ġunju 2011, il-Kummissjoni Ewropea ppreżentat il-proposta tagħha għal qafas finanzjarju multiannwali għas-snin 2014-2020[1] li ġiet emendata fis-6 ta' Lulju 2012[2]. Filwaqt li tikkonsidra l-konklużjonijiet tal-Kunsill Ewropea tas-7/8 ta' Frar 2013, il-Kummissjoni qed tipproponi ammont massimu ta' EUR 1 891,936 miljun għan-nefqa marbuta mal-ikel u l-għalf matul il-perjodu kollu bejn l-2014 u l-2020. L-objettiv ta' dan ir-Regolament huwa li jimmodernizza d-dispożizzjonijiet finanzjarji għal dan il-qasam.

Il-qafas legali finanzjarju prinċipali użat bħalissa għall-finanzjament ta' dawn l-oqsma huwa d-Deċiżjoni tal-Kunsill 2009/470/KE għal programmi veterinarji ta’ qerda u miżuri veterinarji ta' emerġenza, id-Direttiva tal-Kunsill 2000/29/KE għal miżuri għas-saħħa tal-pjanti u r-Regolament (KE) Nru 882/2004 tal-Parlament Ewropew u tal-Kunsill għal miżuri ta' finanzjament għall-kontrolli uffiċjali. Aktar dispożizzjonijiet finanzjarji speċifiċi jeżistu fir-Regolament (KE) Nru 396/2005 dwar il-livelli massimi ta' residwu ta' pestiċidi fi jew fuq l-ikel u l-għalf li joriġina minn pjanti u annimali, fir-Regolament (KE) Nru 1107/2009 dwar it-tqegħid fis-suq ta’ prodotti għall-protezzjoni tal-pjanti, fid-Direttiva 2009/128/KE li tistabbilixxi qafas għal azzjoni Komunitarja biex jinkiseb użu sostenibbli tal-pestiċidi kif ukoll f'għadd ta' Direttivi tal-Kunsill oħra relatati mas-saħħa tal-pjanti u tal-annimali.

Dan il-qafas frammentat mhuwiex konformi ma' ċerti dispożizzjonijiet tar-Regolament Finanzjarju u huwa pjuttost kumpless. Dan evolva maż-żmien u jeħtieġ li jiġi razzjonalizzat.

Din hija opportunità biex id-dispożizzjonijiet finanzjarji attwali f’diversi bażijiet legali jiġu sostitwiti minn qafas finanzjarju uniku, ċar u modern li jottimizza l-implimentazzjoni u l-funzjonament tal-ġestjoni finanzjarja tan-nefqa fil-qasam tal-ikel u l-għalf. B’mod partikolari, l-istrutturi tal-ġestjoni finanzjarja se jiġu ssemplifikati fuq il-bażi ta' objettivi u indikaturi ċari. Ir-rati ta' finanzjament se jkunu wkoll aktar ċari u aktar semplifikati.

Din il-proposta hi parti mill-"Pakkett dwar Annimali u Pjanti aktar b’saħħithom għal Katina Alimentari Aktar Sikura" li jinkludi proposti għal dawn li ġejjin:

– - il-politika tas-saħħa tal-annimali, li timmira li tħares u ttejjeb l-istatus tas-saħħa u l-kundizzjoni tal-annimali fl-UE, b’mod partikolari l-annimali li jipproduċu l-ikel, filwaqt li tippermetti l-kummerċ u l-importazzjoni intra-UE tal-annimali u l-prodotti tal-annimali skont l-istandards tas-saħħa xierqa u l-obbligi internazzjonali;

– - ir-reġim tas-saħħa tal-pjanti, li l-objettiv tiegħu huwa li jħares l-agrikoltura tal-UE u l-forestrija billi jipprevjeni d-dħul u l-firxa ta' pesti tal-pjanti mhux endemiċi;

– - ir-reġim għall-produzzjoni u t-tqegħid fis-suq ta' materjal riproduttiv tal-pjanti tal-ispeċi agrikola, veġetali, tal-foresti, tal-frott, tad-dwieli u ornamentali, li jiżgura li l-kriterji tal-UE għas-saħħa, l-identità, u l-kwalità jintlaħqu;

– - ir-regoli li jirregolaw il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi dwar l-ikel u l-liġi dwar l-għalf, ir-regoli dwar is-saħħa u t-trattament xieraq tal-annimali, is-saħħa tal-pjanti u l-materjal riproduttiv tal-pjanti, il-prodotti għall-protezzjoni tal-pjanti u l-pestiċidi.

· - L-enfasi tal-azzjonijiet/tan-Nefqa

Il-programmi veterinarji ta’ qerda huma essenzjali biex jiġi eliminat progressivament għadd ta’ mard tal-annimali elenkat li hu endemiku f'ċerti żoni tal-Unjoni, permezz ta' firxa wiesgħa ta' miżuri li jinkludu t-tilqim, l-ittestjar tal-annimali u l-kumpens għat-tbiċċir u l-qtil. Il-finanzjament tal-UE biex jappoġġja dawn il-miżuri jagħti prijorità lil mard ta' importanza għas-saħħa pubblika u l-mard li jkollu impatti ekonomiċi kbar, minħabba l-implikazzjonijiet kummerċjali u t-telf tad-dħul għall-bdiewa, għall-industrija tal-bhejjem in ġenerali, kif ukoll għas-setturi kontigwi.

Ir-reġimi tal-UE għas-saħħa tal-pjanti u tal-materjal riproduttiv tal-pjanti jagħtu prijorità għall-ħarsien tal-agrikoltura u tal-forestrija tal-UE permezz tal-prevenzjoni tad-dħul u tal-firxa ta’ pesti mhux endemiċi tal-pjanti u għad-disponibbiltà u għall-użu ta' materjali tal-pjanti b'saħħithom fil-bidu tal-katina tal-produzzjoni tal-pjanti.

In-nefqa għall-kontrolli uffiċjali tinkludi l-finanzjament tal-programm ta' Taħriġ Aħjar għal Ikel Aktar Sikur, li jippromwovi approċċ armonizzat għall-funzjonament ta' sistemi ta' kontroll nazzjonali u tal-Unjoni; u tan-netwerk ta' Laboratorji ta' Referenza tal-UE, li jipprovdi kompetenza xjentifika u teknika f'dawk l-oqsma fejn l-effikaċja tal-kontrolli uffiċjali tiddependi fuq il-kwalità, l-uniformità u l-affidabbiltà tal-metodi tal-analiżi jew tat-testijiet, u r-riżultati tagħhom, użati minn laboratorji uffiċjali. In-nefqa tinkludi wkoll azzjonijiet oħra maħsuba biex itejbu l-effikaċja tal-kontrolli uffiċjali mwettqa mill-Istati Membri kif ukoll, b'mod ġenerali, l-infurzar tal-acquis tal-katina agroalimentari.

2.           RIŻULTATI TAL-KONSULTAZZJONIJIET MAL-PARTIJIET INTERESSATI U TAL-VALUTAZZJONIJIET TAL-IMPATT

· - Il-konsultazzjoni mal-partijiet interessati

Minħabba li dawn il-politiki ilhom taħt reviżjoni għal xi żmien, dawn huma individwalment appoġġjati mill-valutazzjonijiet tal-impatt tagħhom stess, u d-dettalji ta' dawn il-politiki ġew diskussi b’mod estensiv mal-partijiet interessati f’diversi fora ta' konsultazzjoni.

· - Il-valutazzjoni tal-impatt aċċellerata

Bejn Awwissu u Settembru 2012 twettqet valutazzjoni tal-impatt mid-Direttorat Ġenerali għas-Saħħa u l-Konsumaturi. Din ikkunsidrat erba’ alternattivi:

– - Alternattiva 1: l-ebda bidla. Il-qafas legali attwali mhuwiex se jkun konsistenti mal-Qafas Finanzjarju Pluriennali. In-nefqa fuq is-saħħa tal-pjanti ma setgħetx tiżdied.

– - Alternattiva 2: il-leġiżlazzjoni eżistenti tinġabar fi strument leġiżlattiv wieħed. Din se tippromwovi leġiżlazzjoni aktar sempliċi u aktar komprensibbli, iżda mhux se tippermetti li l-qafas finanzjarju jiġi adattat.

– - Alternattiva 3 (a): jiġi stabbilit programm finanzjarju uniku u koerenti, l-aktar bl-użu tad-dispożizzjonijiet finanzjarji eżistenti iżda billi jittejbu. Is-semplifikazzjoni tas-sistema u l-armonizzazzjoni tar-rati se jnaqqsu l-piż amministrattiv fuq il-Kummissjoni u fuq l-Istati Membri. L-għodod ġodda għall-ġestjoni finanzjarja bħal objettivi u indikaturi ċari se jużaw ir-riżorsi disponibbli b'mod aktar effettiv.

– - Alternattiva 3 (b): l-introduzzjoni ta' aspetti tal-Iskemi ta' Qsim tal-Ispejjeż u tar-Responsabbiltà (CRSS). Din l-alternattiva tipprevedi approċċ parteċipatorju meta l-awtoritajiet pubbliċi jaqsmu mas-settur privat il-piż tat-telf imġarrab kif ukoll ir-responsabbiltajiet tal-ġestjoni tas-sistema. Il-piż amministrattiv se jkun mistenni jiżdied f’qasir żmien u s-sistema hi mistennija li tkun diffiċli biex tiġi ġestita.

– - Alternattiva 4: jitwaqqfu l-azzjonijiet kollha tal-UE. Din l-alternattiva ma tqisitx bħala xierqa għaliex se tikkomprometti l-objettivi tal-oqsma tal-politika u se jkollha impatt negattiv ferm fuq il-kummerċ.

3.           ELEMENTI LEGALI TAL-PROPOSTA

Il-proposta hija bbażata fuq l-Artikoli 43(2) u 168(4)(b) tat-Trattat dwar il-Funzjonament tal-Unjoni Ewropea (TFUE). Il-miżuri adottati skont l-Artikolu 43(2) għandhom ikunu meħtieġa biex jintlaħqu l-objettivi tal-politika agrikola komuni. Il-miżuri adottati skont l-Artikolu 168(4)(b) għandu jkollhom bħala l-għan tagħhom livell għoli ta’ ħarsien tas-saħħa tal-bniedem. Din il-proposta timmira li tappoġġja finanzjarjament l-azzjonijiet tal-UE u tal-Istati Membri bl-għan li tiżgura livell għoli ta' saħħa għall-bnedmin, l-annimali u l-pjanti tul il-katina alimentari u livell għoli ta’ protezzjoni u informazzjoni għall-benefiċċju tal-konsumaturi tal-katina alimentari. L-għażla tal-Artikoli 43(2) u 168(4)(b) tat-TFUE għalhekk hija ġġustifikata kemm mill-objettiv kif ukoll mill-kontenut tal-proposta. Din il-proposta għandha tiġi adottata skont il-proċedura leġiżlattiva ordinarja u wara li jiġu kkonsultati l-Kumitat Ekonomiku u Soċjali Ewropew u l-Kumitat tar-Reġjuni.

4.           IMPLIKAZZJONI BAĠITARJA

Fid-29 ta' Ġunju 2011, il-Kummissjoni Ewropea ppreżentat il-proposta tagħha għal qafas finanzjarju multiannwali għas-snin 2014-2020[3] li ġiet emendata fis-6 ta' Lulju 2012[4]. Filwaqt li tikkonsidra l-konklużjonijiet tal-Kunsill Ewropea tas-7/8 ta' Frar 2013, il-Kummissjoni qed tipproponi ammont massimu ta' EUR 1 891,936 miljun għan-nefqa marbuta mal-ikel u l-għalf matul il-perjodu kollu bejn l-2014 u l-2020. Skont ir-Regolament tal-Kunsill (KE) Nru 58/2003 tad-19 ta’ Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità, mill-2008 il-Kummissjoni inkarigat lill-Aġenzija Eżekuttiva għas-Saħħa u l-Konsumaturi bil-kompiti tal-implimentazzjoni għall-ġestjoni tal-Programm tal-Ikel u l-Għalf. Il-Kummissjoni tista' tuża, fuq il-bażi ta' analiżi tal-ispejjeż u l-benefiċċji, aġenzija eżekuttiva eżistenti għall-implimentazzjoni ta' dan il-Programm.

5.           SOMMARJU TAL-KONTENUT TA' DAN IR-REGOLAMENT

Dan ir-Regolament jipprevedi l-kamp ta' applikazzjoni u l-objettivi għan-nefqa tal-ikel u l-għalf sa limitu massimu ta' EUR 1 891,936 miljun bil-prezzijiet attwali. L-objettivi huma livell għoli ta' sikurezza tal-ikel u tas-sistema tal-produzzjoni tal-ikel, it-titjib tas-saħħa u tat-trattament xieraq tal-annimali, l-individwazzjoni u l-qerda tal-pesti, biex tiġi żgurata l-implimentazzjoni effettiva tal-kontrolli uffiċjali. Dawn l-objettivi huma akkumpanjati bl-indikaturi tagħhom.

Dan ir-Regolament jistabbilixxi wkoll il-miżuri u l-ispejjeż eliġibbli.

Ir-rati ta’ finanzjament għall-għotjiet huma razzjonalizzati. Ir-rata standard ta’ finanzjament hija stabbilita għal 50 % tal-ispejjeż eliġibbli. Din ir-rata tista’ tiżdied skont ċerti kundizzjonijiet sa 75 % u 100 %. Sabiex jiġi evitat il-piż amministrattiv tal-ġestjoni ta' mikroprogrammi, dan ir-Regolament jistabbilixxi ammont minimu għal għotjiet ta' EUR 50 000.

Dan ir-Regolament jipprevedi wkoll l-aċċess għar-Riżerva għall-kriżijiet fis-settur agrikolu f'ċerti ċirkostanzi.

Fir-rigward tas-saħħa tal-pjanti, sabiex l-UE titħares kontra l-pesti marbuta inter alia mal-globalizzazzjoni tal-kummerċ u t-tibdil fil-klima, il-kontribuzzjoni finanzjarja mill-Unjoni se tkopri wkoll programmi ta' stħarriġ għall-preżenza ta' pesti u miżuri ta’ appoġġ fitosanitarji għat-territorji ultraperiferiċi tal-Istati Membri.

Dan ir-Regolament jipprevedi l-possibbiltà li jappoġġja l-laboratorji ta’ referenza tal-Unjoni u proġetti mmirati biex itejbu l-effikaċja u l-effiċjenza tal-kontrolli uffiċjali.

Għal raġunijiet ta' ċarezza u trasparenza, dan ir-Regolament jistabbilixxi l-proċeduri ta’ sottomissjoni u evalwazzjoni ta’ programmi ta’ kontroll annwali u pluriennali u l-proċedura biex tiġi stabbilita jew aġġornata l-lista ta' mard tal-annimali jew pesti tal-pjanti eliġibbli għal kofinanzjament.

Il-proċeduri għal finanzjament ta' dawn l-oqsma huma semplifikati. B'mod partikolari, l-għadd ta’ deċiżjonijiet li se jkollha tadotta l-Kummissjoni se jonqos b’mod sinifikanti. Pereżempju d-deċiżjonijiet ta' rimborż mhumiex se jibqgħu jittieħdu mill-Kummissjoni. Proposta għal

2013/0169 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

tal-annimali, u marbuta mas-saħħa tal-pjanti u mal-materjal riproduttiv tal-pjanti, li jemenda d-Direttivi tal-Kunsill 98/56/KE, 2000/29/KE u 2008/90/KE, ir-Regolamenti (KE) Nru 178/2002, (KE) Nru 882/2004 u (KE) Nru 396/2005, id-Direttiva 2009/128/KE u r-Regolament (KE) Nru 1107/2009 u li jħassar id-Deċiżjonijiet tal-Kunsill 66/399/KEE, 76/894/KEE u 2009/470/KE

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikoli 43(2) u 168(4)(b) tiegħu,

Wara li kkunsidraw il-proposta mill-Kummissjoni Ewropea[5],

Wara t-trażmissjoni tal-abbozz tal-att leġiżlattiv lill-Parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew[6],

Wara li kkunsidraw l-opinjoni tal-Kumitat tar-Reġjuni[7],

Filwaqt li jaġixxu skont il-proċedura leġiżlattiva ordinarja,

Billi:

(1)       Il-leġiżlazzjoni tal-Unjoni tipprevedi rekwiżiti dwar l-ikel u s-sikurezza tal-ikel u l-għalf u s-sikurezza tal-għalf, fl-istadji kollha tal-produzzjoni, inklużi r-regoli mmirati biex jiggarantixxu prattiki ġusti fil-kummerċ u l-għoti tal-informazzjoni lill-konsumaturi. Din tipprevedi wkoll ir-rekwiżiti li jikkonċernaw il-prevenzjoni u l-kontroll ta' mard li jittieħed fl-annimali u ż-żoonożi, u r-rekwiżiti rigward it-trattament xieraq tal-annimali, il-prodotti sekondarji tal-annimali, is-saħħa tal-pjanti u l-materjal riproduttiv tal-pjanti, il-protezzjoni ta' varjetajiet ta' pjanti, l-organiżmi ġenetikament modifikati u t-tqegħid fis-suq u l-użu ta’ prodotti għall-protezzjoni tal-pjanti u l-użu sostenibbli tal-pestiċidi. Il-leġiżlazzjoni tal-Unjoni tipprevedi wkoll il-kontrolli uffiċjali u attivitajiet oħra ta' kontroll immirati biex jiżguraw l-implimentazzjoni effettiva ta' dawk ir-rekwiżiti u l-konformità magħhom.

(2)       L-objettiv ġenerali tal-leġiżlazzjoni tal-Unjoni f’dawk l-oqsma huwa li tikkontribwixxi għal livell għoli ta' saħħa għall-bnedmin, l-annimali u l-pjanti tul il-katina alimentari, livell għoli ta’ protezzjoni u informazzjoni għall-konsumaturi u livell għoli ta' protezzjoni ambjentali filwaqt li tiffavorixxi l-kompetittività u l-ħolqien tal-impjiegi.

(3)       Sabiex jintlaħaq dak l-objettiv ġenerali jinħtieġu riżorsi finanzjarji xierqa. Għalhekk, jeħtieġ li l-Unjoni tikkontribwixxi għall-finanzjament ta' miżuri meħuda fl-oqsma differenti li jappartjenu għal dak l-objettiv ġenerali. Barra minn hekk, sabiex l-użu tan-nefqa jiġi mmirat b'mod effiċjenti, għandhom jiġu stabbiliti objettivi speċifiċi u indikaturi sabiex tiġi vvalutata l-kisba ta' dawk l-objettivi.

(4)       Fl-imgħoddi, il-finanzjament tal-Unjoni għan-nefqa marbuta mal-ikel u l-għalf kellu l-forma ta' għotjiet, akkwisti u pagamenti lil organizzazzjonijiet internazzjonali attivi fil-qasam. Huwa xieraq li l-finanzjament jissokta bl-istess mod.

(5)       Għal raġunijiet ta’ dixxiplina baġitarja, jeħtieġ li f’dan ir-Regolament tiġi stabbilita l-lista ta' miżuri eliġibbli li jistgħu jibbenefikaw minn kontribuzzjoni tal-Unjoni kif ukoll l-ispejjeż eliġibbli u r-rati applikabbli.

(6)       Fid-29 ta' Ġunju 2011, il-Kummissjoni Ewropea ppreżentat il-proposta tagħha għal qafas finanzjarju multiannwali għas-snin 2014-2020[8] li ġiet emendata fis-6 ta' Lulju 2012[9]. Filwaqt li tikkonsidra l-konklużjonijiet tal-Kunsill Ewropea tas-7/8 ta' Frar 2013, il-Kummissjoni qed tipproponi ammont massimu ta' EUR 1 891,936 miljun għan-nefqa marbuta mal-ikel u l-għalf matul il-perjodu kollu bejn l-2014 u l-2020.

(7)       Barra minn hekk, fil-proposta tagħha għal qafas finanzjarju pluriennali għas-snin 2014-2020, il-Kummissjoni tipproponi l-ħolqien ta' mekkaniżmu ta' emerġenza bħala reazzjoni għal sitwazzjonijiet ta' kriżi. Konsegwentement, fil-każ ta' ċirkostanzi eċċezzjonali bħal sitwazzjonijiet ta' emerġenza relatati mas-saħħa tal-pjanti u tal-annimali, meta l-approprjazzjonijiet taħt l-intestatura baġitarja 3 ma jkunux suffiċjenti iżda jkunu meħtieġa miżuri ta' emerġenza, il-fondi mir-Riżerva għall-kriżi fis-settur agrikolu għandhom jiġu trasferiti b'konformità mal-Ftehim Interistituzzjonali tal-… bejn il-Parlament Ewropew, il-Kunsill u l-Kummissjoni dwar il-kooperazzjoni fi kwistjonijiet baġitarji u dwar ġestjoni finanzjarja tajba[10].

(8)       Il-leġiżlazzjoni li tinsab fis-seħħ tipprovdi li xi wħud mill-ispejjeż eliġibbli jiġu rimborżati b'rati fissi, filwaqt li għal spejjeż oħrajn ma hemm l-ebda limitazzjoni prevista. Għal finijiet ta' razzjonalizzazzjoni u semplifikazzjoni tas-sistema, għandha tiġi stabbilita rata massima fissa għar-rimborż. Huwa xieraq li din ir-rata tiġi stabbilita bir-rata li normalment tiġi applikata għall-għotjiet. Huwa wkoll meħtieġ li tingħata l-possibbiltà li f'ċerti ċirkostanzi tiżdied din ir-rata massima.

(9)       Minħabba l-importanza li jinkisbu l-objettivi ta’ dan ir-Regolament, huwa xieraq li jiġu ffinanzjati 100 % tal-ispejjeż eliġibbli għal ċerti azzjonijiet b'kundizzjoni li l-implimentazzjoni ta' dawk l-azzjonijiet timplika wkoll il-ħlas ta' spejjeż mhux eliġibbli.

(10)     L-Unjoni għandha r-responsabbiltà li tiżgura li l-fondi jintefqu tajjeb iżda wkoll li tieħu miżuri biex twieġeb għall-ħtieġa li tissemplifika l-programmi ta' nfiq tagħha sabiex tnaqqas il-piż amministrattiv u l-ispejjeż għall-benefiċjarji tal-fondi u għall-atturi kollha involuti, skont il-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni - Regolamentazzjoni Intelliġenti fl-Unjoni Ewropea[11]. Għal raġunijiet ta' kost-effettività, kemm fil-livell tal-Kummissjoni kif ukoll tal-Istati Membri, l-għotjiet taħt ċertu limitu massimu ma għandhomx jingħataw aktar.

(11)     Il-leġiżlazzjoni tal-Unjoni tirrikjedi li l-Istati Membri jimplimentaw ċerti miżuri fil-każ tal-okkorrenza u l-iżvilupp ta’ ċertu mard tal-annimali jew żoonożi. Għalhekk, l-Unjoni għandha tikkontribwixxi finanzjarjament għal tali miżuri ta’ emerġenza.

(12)     Jinħtieġ ukoll li, permezz ta' miżuri xierqa ta' qerda, kontroll u monitoraġġ jitnaqqas l-għadd ta' tifqigħat ta' mard tal-annimali u żoonożi li huma ta' riskju għas-saħħa tal-bniedem u tal-annimali, kif ukoll li ssir prevenzjoni tal-okkorrenza ta' tali tifqigħat. Il-programmi nazzjonali għall-qerda, il-kontroll u l-monitoraġġ ta’ tali mard u żoonożi għandhom għalhekk jibbenefikaw minn finanzjament mill-Unjoni.

(13)     Għal raġunijiet organizzattivi u ta' effiċjenza fir-rigward tal-immaniġġar tal-finanzjament fl-oqsma tas-saħħa tal-annimali u tal-pjanti, huwa xieraq li jiġu stabbiliti regoli dwar il-kontenut, il-preżentazzjoni, l-evalwazzjoni u l-approvazzjoni tal-programmi nazzjonali, inklużi dawk implimentati fir-reġjuni ultraperiferiċi tal-Unjoni msemmija fl-Artikolu 349 tat-Trattat dwar il-Funzjonament tal-Unjoni Ewropea ("TFUE"). Għall-istess raġunijiet, għandhom jiġu stabbiliti wkoll l-iskadenzi għar-rappurtar u l-preżentazzjoni ta' talbiet għall-ħlas.

(14)     Id-Direttiva tal-Kunsill 2000/29/KE tat-8 ta' Mejju 2000 dwar il-miżuri protettivi kontra l-introduzzjoni ġewwa l-Komunità ta' organiżmi ta' ħsara għall-prodotti tal-pjanti u kontra t-tixrid tagħhom ġewwa l-Komunità[12] tirrikjedi li l-Istati Membri jieħdu ċerti miżuri ta’ emerġenza għall-qerda ta’ organiżmi ta’ ħsara għall-pjanti jew għall-prodotti tal-pjanti ("il-pesti"). L-Unjoni għandha tikkontribwixxi finanzjarjament għall-qerda ta' dawk il-pesti. Kontribuzzjoni finanzjarja tal-Unjoni għandha tkun disponibbli wkoll taħt ċerti kundizzjonijiet għall-miżuri ta' emerġenza mmirati biex irażżnu l-pesti li għandhom l-aktar impatt serju fuq l-Unjoni u li ma jistgħux jinqerdu f’ċerti żoni u għall-miżuri ta' prevenzjoni li jikkonċernaw dawk il-pesti.

(15)     Il-miżuri ta' emerġenza meħuda kontra l-pesti għandhom ikunu eliġibbli għal kofinanzjament mill-Unjoni jekk dawk il-miżuri għandhom valur miżjud għall-Unjoni kollha kemm hi. Għal din ir-raġuni, kontribuzzjoni finanzjarja mill-Unjoni għandha tkun disponibbli għall-pesti li l-preżenza tagħhom ma ġietx individwata fl-Unjoni, elenkati fid-Direttiva 2000/29/KE. Fir-rigward tal-pesti li l-preżenza tagħhom ġiet individwata fl-Unjoni, għandhom ikunu eliġibbli għal kontribuzzjoni finanzjarja tal-Unjoni biss il-miżuri relatati mal-pesti li għandhom l-aktar impatti serji fuq l-Unjoni. Il-miżuri relatati mal-pesti suġġetti għal miżuri ta' emerġenza tal-Unjoni għall-qerda tagħhom, għandhom ukoll ikunu eliġibbli għal kontribuzzjoni finanzjarja tal-Unjoni.

(16)     Jinħtieġ li tiġi individwata f'waqtha l-preżenza ta’ ċerti pesti. L-istħarriġ imwettaq mill-Istati Membri għal preżenza bħal din huwa essenzjali biex tiġi żgurata l-qerda immedjata ta' tifqigħat ta' dawn il-pesti. L-istħarriġiet imwettqa minn Stati Membri individwali huwa essenzjali biex jitħares it-territorju tal-Istati Membri l-oħra kollha. L-Unjoni għandha tikkontribwixxi għall-finanzjament ta' dawn l-istħarriġiet.

(17)     Ir-reġjuni ultraperiferiċi tal-Istati Membri esperjenzaw diffikultajiet minħabba li jinsabu mbegħdin u jiddependu fuq għadd limitat ta’ prodotti. Huwa xieraq li l-Unjoni tikkontribwixxi finanzjarjament għall-programmi tal-Istati Membri li huma jwettqu għall-kontroll tal-pesti f'dawk ir-reġjuni ultraperiferiċi skont l-objettivi tar-Regolament (UE) Nru 228/2013[13] tal-Parlament Ewropew u tal-Kunsill tat-13 ta' Marzu 2013 li jistabbilixxi miżuri speċifiċi għall-agrikoltura fir-reġjuni l-aktar il-bogħod tal-Unjoni u li jħassar ir-Regolament tal-Kunsill (KE) Nru 247/2006.

(18)     Il-kontrolli uffiċjali mwettqa mill-Istati Membri huma għodda essenzjali biex jiġi vverifikat u ssorveljat li r-rekwiżiti rilevanti tal-Unjoni qed jiġu implimentati, imħarsa u infurzati. L-effikaċja u l-effiċjenza tas-sistemi ta’ kontroll uffiċjali huma vitali sabiex jinżamm livell għoli ta' sikurezza għall-bnedmin, l-annimali u l-pjanti tul il-katina alimentari filwaqt li jiġi żgurat livell għoli ta' protezzjoni tal-ambjent. Appoġġ finanzjarju tal-Unjoni għandu jkun disponibbli għal tali miżuri ta' kontroll. B’mod partikolari, kontribuzzjoni finanzjarja għandha tkun disponibbli għal-laboratorji ta’ referenza tal-Unjoni sabiex tgħinhom isostnu l-ispejjeż li jinqalgħu minħabba l-implimentazzjoni tal-programmi ta’ ħidma approvati mill-Kummissjoni. Barra minn hekk, billi l-effikaċja tal-kontrolli uffiċjali tiddependi wkoll fuq id-disponibbiltà għall-awtoritajiet ta’ kontroll ta’ persunal imħarreġ tajjeb li jkollu għarfien xieraq tal-leġiżlazzjoni tal-Unjoni, l-Unjoni għandha tkun kapaċi tikkontribwixxi għat-taħriġ tagħhom kif ukoll għall-programmi ta’ skambju rilevanti organizzati minn awtoritajiet kompetenti.

(19)     Il-ġestjoni effiċjenti tal-kontrolli uffiċjali tiddependi fuq skambju rapidu ta' dejta u informazzjoni relatati ma' tali kontrolli. Barra minn hekk, l-implimentazzjoni korretta u armonizzata tar-regoli rilevanti tiddependi fuq it-twaqqif ta’ sistemi effiċjenti li jinvolvu l-awtoritajiet kompetenti tal-Istati Membri. Għaldaqstant, it-twaqqif u t-tħaddim ta' bażijiet ta' dejta u sistemi kompjuterizzati għall-ġestjoni tal-informazzjoni għal dawn l-iskopijiet għandhom ikunu wkoll eliġibbli għal kontribuzzjoni finanzjarja.

(20)     L-Unjoni għandha tagħmel disponibbli l-iffinanzjar għal attivitajiet tekniċi, xjentifiċi, ta' koordinazzjoni u ta' komunikazzjoni meħtieġa biex tiġi żgurata l-implimentazzjoni korretta tal-leġiżlazzjoni tal-Unjoni u biex jiġi żgurat l-adattament tal-leġiżlazzjoni għall-iżviluppi xjentifiċi, teknoloġiċi u soċjali. Il-finanzjament għandu jkun disponibbli wkoll għal proġetti bl-għan li jitjiebu l-effikaċja u l-effiċjenza tal-kontrolli uffiċjali.

(21)     Skont l-Artikolu 3 tar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002[14], kull proposta ppreżentata lill-awtorità leġiżlattiva li tinkludi derogi mid-dispożizzjonijiet ta’ dak ir-Regolament għandha tindika b’mod ċar dawn id-derogi u tagħti r-raġunijiet speċifiċi li jiġġustifikawhom. Għaldaqstant, minħabba l-ispeċifiċitajiet ta’ ċerti objettivi koperti b'dan ir-Regolament u meta jitqies li l-awtoritajiet kompetenti rispettivi tal-Istati Membri huma fl-aħjar pożizzjoni biex jimplimentaw l-attivitajiet assoċjati ma' dawk l-objettivi, dawk l-awtoritajiet għandhom jitqiesu bħala benefiċjarji identifikati għall-finijiet tal-Artikolu 128(1) tar-Regolament (UE, Euratom) Nru 966/2012. Għalhekk, jista' jkun possibbli li jingħataw għotjiet lil tali awtoritajiet mingħajr pubblikazzjoni preċedenti tas-sejħiet għal proposti.

(22)     Permezz ta' deroga mill-Artikolu 86 u bħala eċċezzjoni kif imsemmi fl-Artikolu 130 tar-Regolament (UE, Euratom) Nru 966/2012, l-ispejjeż għall-miżuri ta' emerġenza koperti bl-Artikoli 7 u 17 ta’ dan ir-Regolament għandhom ikunu eliġibbli mid-data ta' notifika tal-okkorrenza ta' marda jew il-preżenza ta' pest mill-Istat Membru lill-Kummissjoni minħabba n-natura urġenti u mhux prevedibbli ta’ dawk il-miżuri. L-impenji baġitarji korrispondenti u l-pagament tan-nefqa eliġibbli għandhom isiru mill-Kummissjoni, wara valutazzjoni tal-applikazzjonijiet tal-pagamenti ppreżentati mill-Istati Membri, bl-użu, jekk ikun xieraq u meħtieġ, tar-riżerva għall-kriżijiet fis-settur agrikolu.

(23)     Huwa ta’ importanza kbira li tali miżuri ta' emerġenza jiġu implimentati minnufih. Għalhekk ikun kontroproduttiv li jiġu esklużi mill-finanzjament dawk l-ispejjeż imġarrba qabel is-sottomissjoni tal-applikazzjoni tal-għotja, peress li dan jinkoraġġixxi lill-Istati Membri biex jiffukaw l-isforzi immedjati tagħhom fuq it-tħejjija ta' applikazzjoni tal-għotja, minflok fuq l-implimentazzjoni tal-miżuri ta' emerġenza.

(24)     Minħabba l-firxa tal-leġiżlazzjoni tal-Unjoni fis-seħħ rigward l-implimentazzjoni ta' miżuri ta' qerda u sorveljanza u l-limitazzjonijiet tekniċi fir-rigward ta' kompetenzi oħra disponibbli, l-implimentazzjoni tal-miżuri koperti b'dan ir-Regolament għandha ssir fil-biċċa l-kbira mill-awtoritajiet kompetenti tal-Istati Membri. Għaldaqstant, jeħtieġ li f’ċerti każijiet jiġu kofinanzjati l-ispejjeż tas-salarji tal-persunal tal-amministrazzjonijiet nazzjonali.

(25)     L-ipprogrammar jippermetti l-koordinazzjoni u l-prijoritizzazzjoni u għalhekk jikkontribwixxi għal użu effettiv tar-riżorsi finanzjarji tal-Unjoni. Il-Kummissjoni għandha għalhekk tingħata s-setgħa li tadotta programmi ta' ħidma għall-implimentazzjoni ta’ ċerti miżuri previsti f'dan ir-Regolament.

(26)     Sabiex tiżgura l-użu responsabbli u effettiv tar-riżorsi finanzjarji tal-Unjoni, il-Kummissjoni għandha tkun tista' tivverifika li l-finanzjament tal-Unjoni jintuża b'mod effettiv għall-implimentazzjoni ta' miżuri eliġibbli jew b’verifiki fuq il-post jew permezz ta' kontrolli tad-dokumenti.

(27)     L-interessi finanzjarji tal-Unjoni għandhom jitħarsu tul iċ-ċiklu kollu tan-nefqa, inklużi l-prevenzjoni, l-individwazzjoni u l-investigazzjoni tal-irregolaritajiet, l-irkupru ta' fondi mitlufa, mħallsa ħażin jew użati ħażin.

(28)     Sabiex jiġu żgurati kundizzjonijiet uniformi għall-implimentazzjoni ta' dan ir-Regolament, is-setgħat ta' implimentazzjoni għandhom ikunu konferiti fuq il-Kummissjoni fir-rigward tat-tfassil u l-emenda tal-listi tal-mard tal-annimali u ż-żoonożi li jikkwalifikaw għall-finanzjament mill-Unjoni, kif ukoll it-twaqqif ta' programmi ta' ħidma. Meta temenda l-lista ta' mard tal-annimali li jikkwalifikaw għall-finanzjament tal-miżuri ta' emerġenza, il-Kummissjoni għandha tqis il-mard tal-annimali li jrid jiġi notifikat skont id-Direttiva tal-Kunsill 82/894/KEE tal-21 ta’ Diċembru 1982 dwar in-notifika ta’ mard tal-annimali fil-Komunità[15]. Dawn is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni[16].

(29)     Il-proċedura konsultattiva għandha tintuża għall-adozzjoni tal-listi tal-bidu tal-mard tal-annimali u ż-żoonożi li jikkwalifikaw għal finanzjament fil-qasam tas-saħħa tal-annimali, minħabba li dawk il-listi tal-bidu għandu jkun fihom biss, mingħajr ebda modifika, il-mard tal-annimali u ż-żoonożi li diġà jikkwalifikaw għal tali finanzjament skont id-Deċiżjoni tal-Kunsill 2009/470/KE tal-25 ta’ Mejju 2009 dwar in-nefqa fil-kamp veterinarju[17].

(30)     Il-leġiżlazzjoni tal-Unjoni għandha tkun ġestita u implimentata b'tali mod li tiżgura li tipproduċi l-benefiċċji maħsuba, fid-dawl tal-esperjenza. Huwa għalhekk xieraq li l-Kummissjoni tevalwa l-funzjonament u l-effikaċja ta' dan ir-Regolament u li tikkomunika r-riżultati lill-istituzzjonijiet l-oħra.

(31)     Kumitati differenti jassistu lill-Kummissjoni fl-implimentazzjoni tar-regoli tal-Unjoni koperti minn dan ir-Regolament, partikolarment il-Kumitati stabbiliti permezz tad-Deċiżjoni tal-Kunsill 66/399/KEE tal-14 ta' Ġunju 1966 dwar l-iffurmar tal-Kumitat Permanenti dwar iż-Żrieragħ u l-Materjal tal-Propagazzjoni għall-Agrikoltura, l-Ortikoltura u l-Foresterija[18], id-Deċiżjoni tal-Kunsill 76/894/KEE tat-23 ta’ Novembru 1976 li waqqfet Kumitat Permanenti dwar is-Saħħa tal-Pjanti[19], id-Direttiva tal-Kunsill 98/56/KE tal-20 ta' Lulju 1998 dwar il-marketing tal-materjali tal-propagazzjoni tal-pjanti ornamentali[20], id-Direttiva tal-Kunsill 2008/90/KE tad-29 ta' Settembru 2008 dwar il-kummerċjalizzazzjoni tal-materjal tal-propagazzjoni tal-pjanti tal-frott u tal-pjanti tal-frott maħsuba għall-produzzjoni tal-frott[21] u r-Regolament (KE) Nru 178/2002 tal-Parlament Ewropew u tal-Kunsill tat-28 ta' Jannar 2002 li jistabilixxi l-prinċipji ġenerali u l-ħtiġijiet tal-liġi dwar l-ikel, li jistabilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta' sigurtà tal-ikel[22]. Huwa xieraq li tiġi ssemplifikata l-proċedura tal-Kumitat f'dan il-qasam u li l-Kumitat stabbilit bl-Artikolu 58 tar-Regolament (KE) Nru 178/2002 jingħata l-kompitu li jassisti l-Kummissjoni fl-eżerċizzju tas-setgħat ta' implimentazzjoni tagħha fir-rigward tan-nefqa imġarrba fl-oqsma rilevanti u biex tadatta l-isem ta' dak il-Kumitat sabiex jirrifletti il-kompiti estiżi tiegħu. Għaldaqstant, id-Deċiżjonijiet 66/399/KEE u 76/894/KEE għandhom jitħassru u d-Direttivi 98/56/KE u 2008/90/KE u r-Regolament (KE) Nru 178/2002 għandhom għalhekk jiġu emendati skont dan.

(32)     Dan ir-Regolament jieħu post id-dispożizzjonijiet tad-Deċiżjoni 2009/470/KE. Barra minn hekk, dan ir-Regolament jissostitwixxi l-Artikolu 13c(5) u l-Artikoli minn 22 sa 26 tad-Direttiva 2000/29/KE, l-Artikolu 66 tar-Regolament (KE) Nru 882/2004 tad-29 ta' April 2004 tal-Parlament Ewropew u tal-Kunsill dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali[23], l-Artikoli 36 u 37 tar-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta' residwu ta' pesti fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE[24], l-Artikolu 22 tad-Direttiva 2009/128/KE tal-Parlament Ewropew u tal-Kunsill tal-21 ta’ Ottubru 2009 li tistabbilixxi qafas għal azzjoni Komunitarja biex jinkiseb użu sostenibbli tal-pestiċidi[25] u l-Artikolu 76 tar-Regolament (KE) 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE[26]. Id-Direttiva 2000/29/KE, ir-Regolamenti (KE) Nru 882/2004 u (KE) Nru 396/2005, id-Direttiva 2009/128/KE u r-Regolament (KE) 1107/2009 għandhom għalhekk jiġu emendati skont dan,

ADOTTAW DAN IR-REGOLAMENT:

TITOLU I DISPOŻIZZJONIJIET KOMUNI

KAPITOLU I SUĠĠETT, KAMP TA' APPLIKAZZJONI U OBJETTIVI

Artikolu 1 Suġġett u kamp ta’ applikazzjoni

Dan ir-Regolament jistabbilixxi dispożizzjonijiet għall-ġestjoni tan-nefqa mill-baġit ġenerali tal-Unjoni Ewropea fl-oqsma koperti mir-regoli tal-Unjoni:

(a) li jirregolaw l-ikel u s-sikurezza tal-ikel, f'kull stadju tal-produzzjoni, l-ipproċessar, id-distribuzzjoni u r-rimi tal-ikel, inklużi r-regoli mmirati biex jiggarantixxu l-prattiki ġusti fil-kummerċ u jħarsu l-interessi u l-informazzjoni tal-konsumaturi, u l-manifattura u l-użu ta' materjali u oġġetti maħsuba biex jiġu f'kuntatt mal-ikel;

(b) li jirregolaw l-għalf u s-sikurezza tal-għalf, fl-istadji kollha tal-produzzjoni, l-ipproċessar, id-distribuzzjoni u r-rimi tal-għalf u l-użu tal-għalf, inklużi regoli mmirati biex jiggarantixxu l-prattiki ġusti fil-kummerċ u jħarsu l-interessi u l-informazzjoni tal-konsumaturi;

(c) li jistabbilixxu r-rekwiżiti għas-saħħa tal-annimali;

(d) li jistabbilixxu r-rekwiżiti għat-trattament xieraq tal-annimali;

(e) dwar il-miżuri protettivi kontra organiżmi ta' ħsara għall-pjanti jew il-prodotti tal-pjanti kif definit fid-Direttiva 2000/29/KE (minn hawn 'il quddiem: "pesti");

(f) dwar il-produzzjoni, bil-ħsieb li jitqiegħdu fis-suq, u t-tqegħid fis-suq ta' materjal riproduttiv tal-pjanti;

(g) li jistabbilixxu r-rekwiżiti għat-tqegħid fis-suq ta’ prodotti għall-protezzjoni tal-pjanti u l-użu sostenibbli tal-pestiċidi;

(h) li jimmiraw lejn il-prevenzjoni u l-imminimizzar tar-riskji għas-saħħa pubblika u tal-annimali kkawżati minn prodotti sekondarji tal-annimali u prodotti derivati;

(i) li jirregolaw ir-rilaxx intenzjonat fl-ambjent ta' organiżmi ġenetikament modifikati;

(j) dwar il-protezzjoni tad-drittijiet tal-proprjetà intellettwali fir-rigward tal-varjetajiet ta’ pjanti kif ukoll il-konservazzjoni u l-iskambju ta' riżorsi ġenetiċi tal-pjanti.

Artikolu 2 Objettivi

1.           In-nefqa msemmija fl-Artikolu 1 għandha timmira li tilħaq:

(a)     l-objettiv ġenerali li tikkontribwixxi għal livell għoli ta' saħħa għall-bnedmin, l-annimali u l-pjanti tul il-katina tal-ikel u f'oqsma relatati u livell għoli ta' protezzjoni għall-konsumaturi u l-ambjent filwaqt li tippermetti lill-industrija tal-ikel u tal-għalf fl-Unjoni li topera f’ambjent li jiffavorixxi l-kompetittività u l-ħolqien tal-impjiegi;

(b)     l-objettivi speċifiċi li ġejjin:

(i)      li tikkontribwixxi għal livell għoli ta’ sikurezza tal-ikel u tas-sistemi ta’ produzzjoni tal-ikel u ta’ prodotti oħra li jistgħu jaffettwaw is-sikurezza tal-ikel, filwaqt li ttejjeb is-sostenibbiltà tal-produzzjoni tal-ikel;

(ii)     li tikkontribwixxi għal istatus tas-saħħa tal-annimali ogħla fl-Unjoni u li tappoġġja t-titjib tat-trattament xieraq tal-annimali;

(iii)    li tikkontribwixxi għall-individwazzjoni f'waqtha tal-pesti u l-qerda tagħhom fejn dawk il-pesti jkunu daħlu fl-Unjoni;

(iv)    li tikkontribwixxi biex jitjiebu l-effikaċja, l-effiċjenza u l-affidabbiltà tal-kontrolli uffiċjali u attivitajiet oħra mwettqa fid-dawl tal-implimentazzjoni effettiva tar-regoli tal-Unjoni msemmija fl-Artikolu 1 u l-konformità magħhom.

2.           Sabiex titkejjel il-kisba tal-objettivi speċifiċi msemmija fil-paragrafu 1(b) għandhom jintużaw l-indikaturi li ġejjin:

(a)     għall-objettiv speċifiku fil-paragrafu 1(b)(i), it-tnaqqis tal-għadd ta' każijiet ta' mard fil-bnedmin fl-Unjoni u li huma marbuta mas-sikurezza tal-ikel jew maż-żoonożi;

(b)     għall-objettiv speċifiku fil-paragrafu 1(b)(ii):

(i)      iż-żieda fl-għadd ta' Stati Membri jew reġjuni tagħhom li huma ħielsa mill-mard tal-annimali li għalih tingħata kontribuzzjoni finanzjarja;

(ii)     tnaqqis kumplessiv tal-parametri tal-mard bħalma huma l-inċidenza, il-prevalenza u l-għadd ta’ tifqigħat;

(c)     għall-objettiv speċifiku fil-paragrafu 1(b)(iii):

(i)      il-kopertura tat-territorju tal-Unjoni permezz ta’ stħarriġ għall-pesti, b'mod partikolari għall-pesti li l-preżenza tagħhom ma ġietx individwata fit-territorju tal-Unjoni u l-pesti meqjusa bħala l-aktar perikolużi għat-territorju tal-Unjoni;

(ii)     iż-żmien u r-rata ta’ suċċess għall-qerda ta' dawk il-pesti;

(d)     għall-objettiv speċifiku fil-paragrafu 1(b)(iv), xejra favorevoli tal-eżitu tal-kontrolli f’oqsma partikolari ta’ tħassib imwettqa u rrapportati minn esperti tal-Kummissjoni fl-Istati Membri.

KAPITOLU II MODI TA' FINANZJAMENT U DISPOŻIZZJONIJIET FINANZJARJI ĠENERALI

Artikolu 3 Modi ta' finanzjament

1.           Il-finanzjament mill-Unjoni għan-nefqa msemmija fl-Artikolu 1 għandu jiġi implimentat b'konformità mar-Regolament (UE, Euratom) Nru 966/2012.

2.           Meta jingħataw għotjiet lill-awtoritajiet kompetenti tal-Istati Membri, dawn għandhom jiġu meqjusa bħala benefiċjarji identifikati skont it-tifsira tal-Artikolu 128(1) tar-Regolament (UE, Euratom) Nru 966/2012. Tali għotjiet jistgħu jingħataw mingħajr sejħa għall-proposti.

3.           Il-kontribuzzjoni finanzjarja tal-Unjoni għall-miżuri msemmija f'dan ir-Regolament tista' tieħu wkoll il-forma ta' pagamenti volontarji lil organizzazzjonijiet internazzjonali attivi fl-oqsma koperti mir-regoli msemmija fl-Artikolu 1, li tagħhom l-Unjoni hija membru jew tipparteċipa fil-ħidma tagħhom.

Artikolu 4 Baġit

1.           Mingħajr preġudizzju għall-Artikolu 5, il-limitu massimu għan-nefqa msemmija fl-Artikolu 1 għall-perjodu mill-1 ta’ Jannar 2014 sal-31 ta’ Diċembru 2020 għandu jkun ammont massimu ta’ EUR 1 891,936 miljun bil-prezzijiet attwali.

2.           Il-limitu massimu msemmi fil-paragrafu 1 jista' jkopri wkoll l-ispejjeż li jappartjenu għall-attivitajiet ta' tħejjija, monitoraġġ, kontroll, verifika u evalwazzjoni li huma meħtieġa għall-ġestjoni tan-nefqa msemmija fl-Artikolu 1 u l-kisba tal-objettivi tagħhom, b'mod partikolari l-istudji, il-laqgħat tal-esperti, l-ispejjeż marbuta man-netwerks tal-IT li jiffokaw fuq l-ipproċessar u l-iskambju tal-informazzjoni, kif ukoll l-ispejjeż l-oħra kollha ta' assistenza teknika u amministrattiva li jkunu saru mill-Kummissjoni għall-ġestjoni ta' dik in-nefqa.

3.           Il-limitu massimu jista’ jkopri wkoll l-ispejjeż ta’ assistenza teknika u amministrattiva meħtieġa biex tiġi żgurata t-tranżizzjoni bejn l-azzjonijiet adottati qabel u wara d-dħul fis-seħħ ta’ dan ir-Regolament. Jekk hu meħtieġ, l-approprjazzjoni tista' tiddaħħal fil-baġit lil hinn mill-2020 biex tkopri l-ispejjeż simili, sabiex tippermetti l-ġestjoni tal-azzjonijiet li jkunu għadhom ma tlestewx sal-31 ta’ Diċembru 2020.

Artikolu 5 L-użu tar-riżerva għall-kriżijiet fis-settur agrikolu

Il-kontribuzzjoni tal-Unjoni lejn il-miżuri ta' sitwazzjonijiet ta' emerġenza koperti mit-Taqsima 1 tal-Kapitolu I tat-Titolu II u t-Taqsima 1 tal-Kapitolu II tat-Titolu II tista' tiġi ffinanzjata wkoll skont il-punt (e) tal-Artikolu 4(2) tar-Regolament (UE) Nru XXX/201X tal-Parlament Ewropew u tal-kunsill dwar il-finanzjament, l-immaniġġjar u l-monitoraġġ tal-politika agrikola komuni.

Artikolu 6 Rati massimi u ammont minimu tal-għotjiet

1.           Fejn il-kontribuzzjoni finanzjarja tal-Unjoni tieħu l-forma ta' għotja, din ma għandhiex taqbeż il-50 % tal-ispejjeż eliġibbli.

2.           Ir-rata massima msemmija fil-paragrafu 1 tista' tiżdied għal 75 % tal-ispejjeż eliġibbli għal:

(a)     attivitajiet transkonfinali implimentati flimkien minn żewġ Stati Membri jew aktar sabiex jikkontrollaw jew jeqirdu l-pesti jew il-mard tal-annimali;

(b)     L-Istati Membri li l-introjtu nazzjonali gross għal kull abitant abbażi tal-aħħar dejta tal-Eurostat ikun inqas minn 90 % tal-medja tal-Unjoni;

3.           Ir-rata massima msemmija fil-paragrafu 1 tista’ tiżdied għal 100 % tal-ispejjeż eliġibbli fejn l-attivitajiet li jibbenefikaw minn kontribuzzjoni tal-Unjoni:

(a)     jikkonċernaw il-kontroll ta' riskji serji għas-saħħa għall-Unjoni;

(b)     huma kompiti speċifiċi ta’ importanza partikolari għall-Unjoni, kif ġie rikonoxxut espliċitament mill-Kummissjoni fil-programm ta' ħidma adottat skont l-Artikolu 35(1); jew

(c)     huma implimentati f'pajjiżi terzi.

4.           Ma għandha tingħata l-ebda għotja ta' inqas minn EUR 50 000.

TITOLU II DISPOŻIZZJONIJIET FINANZJARJI

KAPITOLU I IS-SAĦĦA TAL-ANNIMALI

Taqsima 1 Miżuri ta’ Emerġenza

Artikolu 7 Miżuri eliġibbli

1.           L-għotjiet jistgħu jingħataw lill-Istati Membri sar-rati massimi stabbiliti fl-Artikolu 6(1), (2) u (3) għall-miżuri meħuda f'każ li tiġi kkonfermata l-okkorrenza ta' waħda mill-mard tal-annimali elenkati skont l-Artikolu 8, b'kundizzjoni li l-miżuri jkunu ġew applikati immedjatament u d-dispożizzjonijiet applikabbli stabbiliti fil-leġiżlazzjoni rilevanti tal-Unjoni jkunu ġew imħarsa.

2.           Jistgħu jingħataw għotjiet lil Stati Membri fejn, mal-konferma tal-okkorrenza ta' waħda mill-mard tal-annimali elenkati skont l-Artikolu 8, żewġ Stati Membri jew aktar jikkollaboraw mill-qrib biex jikkontrollaw l-epidemija.

3.           Jistgħu jingħataw għotjiet lil Stati Membri, pajjiżi terzi u organizzazzjonijiet internazzjonali għal miżuri ta' protezzjoni meħuda f'każ ta' theddida diretta għall-istatus tas-saħħa tal-Unjoni b'riżultat tal-okkorrenza jew l-iżvilupp, fit-territorju ta' pajjiż terz jew Stat Membru, ta' waħda mill-mard tal-annimali u ż-żoonożi elenkati skont l-Artikolu 8 jew 11.

4.           L-għotjiet jistgħu jingħataw lill-Istati Membri fejn il-Kummissjoni tiddeċiedi, fuq talba ta' Stat Membru, li għandhom jistabbilixxu ħażniet ta' prodotti bijoloġiċi maħsuba għall-kontroll tal-mard tal-annimali u taż-żoonożi elenkati skont l-Artikoli 8 jew 11.

5.           Kontribuzzjoni finanzjarja mill-Unjoni tista’ tingħata għat-twaqqif ta' ħażniet ta' prodotti bijoloġiċi jew l-akkwist ta' dożi ta' vaċċin jekk l-okkorrenza jew l-iżvilupp f'pajjiż terz jew fi Stat Membru ta’ waħda mill-mard tal-annimali u taż-żoonożi elenkati skont l-Artikolu 8 jew 11, jistgħu jikkostitwixxu theddida għall-Unjoni.

Artikolu 8 Lista ta' mard tal-annimali

1.           Il-Kummissjoni għandha, permezz ta’ att ta’ implimentazzjoni, tistabbilixxi l-lista ta' mard tal-annimali li jikkwalifikaw għal finanzjament skont l-Artikolu 7. Dik il-lista għandha tinkludi l-mard tal-annimali msemmija fl-Artikoli 3(1), 4(1), 6(2) u 14(1) tad-Deċiżjoni 2009/470/KE. Dak l-att ta’ implimentazzjoni għandu jiġi adottat b’konformità mal-proċedura ta’ konsulenza msemmija fl-Artikolu 39(2) ta’ dan ir-Regolament.

2.           Il-Kummissjoni tista’, permezz ta’ atti ta’ implimentazzjoni, temenda l-lista ta' mard tal-annimali stabbilita skont il-paragrafu 1, filwaqt li jitqies il-mard tal-annimali li jrid jiġi notifikat b’konformità mad-Direttiva 82/894/KEE u l-mard li x’aktarx jikkostitwixxu theddida ġdida għall-Unjoni minħabba l-impatt sinifikanti tagħhom fuq:

(a) is-saħħa tal-bniedem;

(b) is-saħħa tal-annimali jew it-trattament xieraq tal-annimali; jew

(c) il-produzzjoni tal-agrikoltura jew tal-akkwakultura jew setturi relatati tal-ekonomija.

Dawk l-atti ta’ implimentazzjoni għandhom jiġu adottati b’konformità mal-proċedura ta’ eżami msemmija fl-Artikolu 39(3) ta’ dan ir-Regolament.

Artikolu 9 Spejjeż eliġibbli

1.           L-ispejjeż li ġejjin li saru mill-Istati Membri fit-twettiq tal-miżuri msemmija fl-Artikolu 7(1) jistgħu jkunu eliġibbli għal finanzjament, skont dak il-paragrafu:

(a) l-ispejjeż ta' kumpens għas-sidien għall-valur tal-annimali tagħhom imbiċċra jew maqtula, fil-limitu tal-valur fis-suq tal-annimali immedjatament qabel ma jkunu tbiċċru jew inqatlu;

(b) l-ispejjeż ta' kumpens lis-sidien għall-valur tal-prodotti meqruda tagħhom ta' oriġini mill-annimali, fil-limitu tal-valur fis-suq ta’ dawk il-prodotti immedjatament qabel ma jinqerdu;

(c) l-ispejjeż ta' tindif, diżinsettizzazzjoni u diżinfezzjoni tal-azjendi u tat-tagħmir;

(d) l-ispejjeż għall-qerda tal-għalf kontaminat u, fejn ma jistax jiġi diżinfettat, it-tagħmir kontaminat;

(e) l-ispiża tax-xiri u l-amministrazzjoni tal-vaċċini jekk dawk ikunu deċiżi jew awtorizzati mill-Kummissjoni;

(f) l-ispejjeż tat-trasport tal-karkassi sal-impjanti tal-ipproċessar fejn applikabbli;

(g) f’każijiet eċċezzjonali u debitament ġustifikati, kull spiża oħra essenzjali għall-qerda tal-marda kif previst fid-deċiżjoni tal-finanzjament imsemmija fl-Artikolu 35(3) ta' dan ir-Regolament.

2.           Bħala eċċezzjoni, kif imsemmi fl-Artikolu 130(1) tar-Regolament (UE, Euratom) Nru 966/2012, l-ispejjeż għandhom ikunu eliġibbli mid-data tan-notifika tal-okkorrenza tal-marda mill-Istati Membri lill-Kummissjoni.

Wara valutazzjoni tal-applikazzjonijiet tal-pagamenti ppreżentata mill-Istati Membri, il-Kummissjoni għandha tagħmel l-impenji baġitarji korrispondenti u l-pagament tan-nefqa eliġibbli.

Taqsima 2 Programmi għall-qerda, il-kontroll u s-sorveljanza tal-mard tal-annimali u taż-żoonożi

Artikolu 10 Programmi eliġibbli

L-għotjiet jistgħu jingħataw lill-programmi nazzjonali annwali jew pluriennali tal-Istati Membri għall-qerda, il-kontroll u s-sorveljanza tal-mard tal-annimali u taż-żoonożi elenkati skont l-Artikolu 11 (minn hawn 'il quddiem il-"programmi nazzjonali").

Artikolu 11 Lista ta' mard tal-annimali u żoonożi

1.           Il-Kummissjoni għandha, permezz ta’ att ta’ implimentazzjoni, tistabbilixxi l-lista ta' mard tal-annimali u żoonożi li jikkwalifikaw għal għotjiet skont l-Artikolu 10. Dik il-lista għandha tinkludi l-mard tal-annimali u ż-żoonożi elenkati fl-Anness I tad-Deċiżjoni 2009/470/KE. Dak l-att ta’ implimentazzjoni għandu jiġi adottat b’konformità mal-proċedura ta’ konsulenza msemmija fl-Artikolu 39(2) ta’ dan ir-Regolament.

2.           Il-Kummissjoni tista’, permezz ta’ atti ta’ implimentazzjoni, temenda l-lista stabbilita skont il-paragrafu 1, billi tqis

(a) is-sitwazzjoni ta’ mard tal-annimali li jkollu impatt sinifikanti fuq il-produzzjoni tal-bhejjem jew il-kummerċ;

(b) l-iżvilupp ta’ żoonożi li huma ta' theddida għall-bnedmin; jew

(c) l-iżvilupp epidemjoloġiku jew xjentifiku ġdid.

Dawk l-atti ta’ implimentazzjoni għandhom jiġu adottati b’konformità mal-proċedura ta’ eżami msemmija fl-Artikolu 39(3) ta’ dan ir-Regolament.

Artikolu 12 Spejjeż eliġibbli

L-ispejjeż li ġejjin li saru mill-Istati Membri fl-implimentazzjoni tal-programmi nazzjonali jistgħu jkunu eliġibbli għall-għotjiet skont l-Artikolu 10:

(a) l-ispejjeż tat-teħid ta' kampjuni tal-annimali;

(b) l-ispejjeż tat-testijiet, b'kundizzjoni li dawn ikunu limitati għal:

(i)      spejjeż ta' kits tat-testijiet, reaġenti u oġġetti konsumabbli li huma identifikabbli u jintużaw apposta biex iwettqu dawk it-testijiet;

(ii)     spejjeż tal-persunal, irrispettivament mill-istatus tiegħu, li jkun direttament involut fit-twettiq tat-testijiet;

(c) l-ispejjeż ta' kumpens lis-sidien għall-valur tal-annimali tagħhom imbiċċra jew maqtula fil-qafas tal-programm nazzjonali, fil-limitu tal-valur fis-suq tal-annimali immedjatament qabel ma jkunu tbiċċru jew inqatlu;

(d) l-ispejjeż ta' kumpens lis-sidien għall-valur tal-prodotti meqruda tagħhom ta' oriġini mill-annimali, fil-limitu tal-valur fis-suq ta’ dawk il-prodotti immedjatament qabel ma jinqerdu;

(e) l-ispejjeż tax-xiri u l-ħażna ta’ dożi ta’ vaċċin jew vaċċin u lixki għall-annimali użati għall-programmi;

(f) l-ispejjeż tal-inokulazzjoni tad-dożi ta' vaċċin għall-annimali domestiċi;

(g) l-ispejjeż ta' tqassim tal-vaċċini u l-lixki għall-annimali selvaġġi;

(h) l-ispejjeż ta' tindif, diżinfezzjoni, diżinsettizzazzjoni tal-azjenda u tat-tagħmir u bbażati fuq l-epidemjoloġija u l-karatteristiċi tal-patoġenu;

(i) f’każijiet eċċezzjonali u debitament ġustifikati, l-ispejjeż li jsiru fit-twettiq ta' miżuri neċessarji oħra għajr dawk imsemmija fil-punti minn (a) sa (h), sakemm tali miżuri jkunu stabbiliti fid-deċiżjoni tal-għotja msemmija fl-Artikolu 14(2).

Għall-finijiet tal-punt (c) tal-ewwel sottoparagrafu, il-valur tal-irkupru tal-annimali, jekk ikun hemm, għandu jitnaqqas mill-kumpens.

Għall-finijiet tal-punt (d) tal-ewwel sottoparagrafu, il-valur tal-irkupru tal-bajd mhux inkubat ittrattat bis-sħana għandu jitnaqqas mill-kumpens.

Artikolu 13 Kontenut u preżentazzjoni tal-programmi nazzjonali

1.           Kull sena, sal-31 ta' Mejju, l-Istati Membri għandhom jippreżentaw lill-Kummissjoni l-programmi nazzjonali li jibdew fis-sena ta’ wara li għalihom japplikaw għal għotja.

Il-programmi nazzjonali li jiġu ppreżentati wara l-31 ta’ Mejju ma għandhomx ikunu eliġibbli għall-finanzjament fis-sena ta’ wara.

2.           Il-programmi nazzjonali għandhom jinkludu mill-inqas dan li ġej:

(a)     deskrizzjoni tas-sitwazzjoni epidemjoloġika tal-marda tal-annimali jew taż-żoonożi qabel id-data tal-bidu tal-programm;

(b)     deskrizzjoni u demarkazzjoni taż-żoni ġeografiċi u amministrattivi li fihom għandu jiġi applikat il-programm;

(c)     it-tul tal-programm;

(d)     il-miżuri li se jiġu implimentati;

(e)     l-istima baġitarja;

(f)     il-miri li għandhom jintlaħqu sad-data tat-tmiem tal-programm u l-benefiċċji mistennija minnu;

(g)     l-indikaturi xierqa biex titkejjel il-kisba tal-miri tal-programm.

F’kull programm nazzjonali pluriennali, l-informazzjoni msemmija fil-punti minn (a) sa (g) tal-ewwel sottoparagrafu għandha tiġi pprovduta għal kull sena koperta mill-programm.

3.           Jekk l-okkorrenza jew l-iżvilupp ta' waħda mill-mard tal-annimali jew iż-żoonożi elenkati skont l-Artikolu 11 x'aktarx li jkunu ta' theddida għall-istatus tas-saħħa tal-Unjoni u sabiex l-Unjoni titħares mill-introduzzjoni ta' waħda minn dawn il-mardiet jew iż-żoonożi, l-Istati Membri jistgħu jinkludu fil-programmi nazzjonali tagħhom miżuri li għandhom jiġu implimentati fit-territorji ta' pajjiżi terzi ġirien b'kooperazzjoni mal-awtoritajiet ta' dawk il-pajjiżi.

Artikolu 14 Evalwazzjoni u approvazzjoni tal-programmi nazzjonali

1.           Il-programmi nazzjonali għandhom jiġu evalwati billi jitqiesu l-prijoritajiet u l-kriterji stabbiliti fil-programmi ta' ħidma annwali jew pluriennali msemmija fl-Artikolu 35(1) u, fejn xieraq, dawk deskritti fil-linji gwida annwali jew pluriennali msemmija fil-paragrafu 5 ta' dan l-Artikolu.

2.           Il-programmi nazzjonali annwali u l-finanzjament assoċjat għandhom jiġu approvati sal-31 ta’ Jannar ta' kull sena, permezz ta' deċiżjoni tal-għotja b'rabta mal-miżuri implimentati u l-ispejjeż imġarrba mill-1 ta' Jannar sal-31 ta' Diċembru ta' dik is-sena. Wara l-preżentazzjoni tar-rapporti intermedji kif imsemmija fl-Artikolu 15, il-Kummissjoni tista' temenda tali deċiżjonijiet jekk ikun meħtieġ fir-rigward tal-perjodu kollu ta’ eliġibbiltà.

3.           Il-programmi nazzjonali pluriennali u l-finanzjament assoċjat għandhom jiġu approvati sal-31 ta’ Jannar tal-ewwel sena ta' implimentazzjoni permezz ta' deċiżjoni tal-għotja b'rabta mal-miżuri implimentati u l-ispejjeż imġarrba mill-1 ta' Jannar tal-ewwel sena ta' implimentazzjoni sal-aħħar tal-perjodu ta' implimentazzjoni.

4.           Fil-każ ta' approvazzjoni ta' programmi nazzjonali pluriennali skont il-paragrafu 3, l-impenji baġitarji jistgħu jinqasmu f'pagamenti annwali. Fejn l-impenji baġitarji jinqasmu f'pagamenti annwali, il-Kummissjoni għandha tikkommetti l-pagamenti annwali filwaqt li tqis il-progress tal-programmi, l-istima tal-ħtiġijiet u l-baġit disponibbli.

5.           Il-Kummissjoni tista' tadotta linji gwida annwali jew pluriennali li jkun fihom il-kriterji u l-prijoritajiet veterinarji li jridu jintużaw fl-evalwazzjoni tal-programmi nazzjonali.

Artikolu 15 Rappurtar

Għal kull programm nazzjonali annwali jew pluriennali approvat, l-Istati Membri għandhom jippreżentaw lill-Kummissjoni, sal-31 ta' Marzu kull sena, rapport dettaljat tekniku u finanzjarju annwali li jkopri s-sena preċedenti inklużi r-riżultati miksuba, imkejla abbażi tal-indikaturi msemmija fl-Artikoli 13(2)(g) u rendikont dettaljat tal-ispejjeż eliġibbli mwettqa.

Barra minn hekk, għal kull programm nazzjonali annwali approvat, l-Istati Membri għandhom jippreżentaw lill-Kummissjoni, sal-31 ta' Lulju kull sena, rapporti tekniċi u finanzjarji intermedji.

Artikolu 16 Pagamenti

It-talba għal ħlas għal sena partikolari fir-rigward ta' programm nazzjonali għandha tiġi ppreżentata mill-Istat Membru lill-Kummissjoni sal-31 ta' Marzu tas-sena ta' wara.

Il-Kummissjoni għandha tħallas il-kontribuzzjoni finanzjarja tal-Unjoni għall-ispejjeż eliġibbli wara verifika xierqa tar-rapporti msemmija fl-Artikolu 15.

KAPITOLU II IS-SAĦĦA TAL-PJANTI

Taqsima 1 Miżuri ta’ emerġenza

Artikolu 17 Miżuri eliġibbli

1.           L-għotjiet jistgħu jingħataw lill-Istati Membri sar-rati massimi stabbiliti fl-Artikolu 6(1), (2) u (3) għall-miżuri li ġejjin kontra l-pesti, suġġetti għall-kundizzjonijiet stipulati fl-Artikolu 18:

(a)     il-miżuri biex jinqered pest minn żona infestata, meħuda mill-awtoritajiet kompetenti skont l-Artikoli 16(1) u 16(2) tad-Direttiva 2000/29/KE jew skont il-miżuri tal-Unjoni adottati skont l-Artikolu 16(3) ta’ dik id-Direttiva;

(b)     il-miżuri biex jitrażżan pest, li kontra tiegħu ġew adottati miżuri ta' trażżin tal-Unjoni skont l-Artikolu 16(3) tad-Direttiva 2000/29/KE, f'żona infestata li minnha dak il-pest ma jistax jinqered, fejn dawk il-miżuri huma essenzjali biex jipproteġu lill-Unjoni kontra aktar tixrid ta' dak il-pest. Dawk il-miżuri għandhom jikkonċernaw esklużivament il-qerda ta' dak il-pest miż-żona ta' lqugħ f'każ li l-preżenza tiegħu tiġi individwata f’dik iż-żona ta' lqugħ;

(c)     il-miżuri protettivi addizzjonali meħuda kontra t-tixrid ta’ pest, kontra liema ġew adottati miżuri tal-Unjoni skont l-Artikolu 16(3) tad-Direttiva 2000/29/KE, għajr il-miżuri ta' qerda msemmija fil-punt (a) u l-miżuri ta' trażżin imsemmija fil-punt (b), fejn dawk il-miżuri huma essenzjali biex jipproteġu lill-Unjoni kontra aktar tixrid ta' dak il-pest.

2.           L-għotjiet imsemmija fil-paragrafu 1 jistgħu jingħataw ukoll lil Stat Membru li fit-territorju tiegħu mhumiex preżenti l-pesti msemmija fil-paragrafu 1, fejn ittieħdu miżuri kontra d-dħul ta' dawk il-pesti fit-territorju ta' dak l-Istat Membru minħabba l-preżenza tagħhom fi Stat Membru ġar jew f'pajjiż terz ġar li jkun eżatt ħdejn il-fruntieri tiegħu.

Artikolu 18 Kundizzjonijiet

Il-miżuri msemmija fl-Artikolu 17 jistgħu jikkwalifikaw għall-għotjiet sakemm ikunu ġew applikati minnufih u d-dispożizzjonijiet applikabbli stabbiliti fil-leġiżlazzjoni rilevanti tal-Unjoni ġew imħarsa, u sakemm mill-inqas waħda minn dawn il-kundizzjonijiet li ġejjin tkun ġiet sodisfatta:

(a) dawn jikkonċernaw il-pesti elenkati fit-Taqsima I tal-Parti A tal-Anness I u t-Taqsima I tal-Parti A tal-Anness II tad-Direttiva 2000/29/KE;

(b) dawn huma koperti b’miżura adottata mill-Kummissjoni skont l-Artikolu 16(3) tad-Direttiva 2000/29/KE.

Għal miżuri li jissodisfaw il-kundizzjoni stabbilita fil-punt (b) tal-ewwel paragrafu, l-għotja ma għandhiex tkopri l-ispejjeż li jkunu saru wara l-iskadenza tal-miżura adottata mill-Kummissjoni skont l-Artikolu 16(3) tad-Direttiva 2000/29/KE.

Artikolu 19 Spejjeż eliġibbli

1.           L-ispejjeż li ġejjin magħmula mill-Istati Membri fit-twettiq tal-miżuri msemmija fl-Artikolu 17 jistgħu jkunu eliġibbli għal għotjiet skont dak l-Artikolu:

(a) l-ispejjeż tal-persunal, irrispettivament mill-istatus tiegħu, li jkun direttament involut fil-miżuri, kif ukoll l-ispejjeż ta’ kiri tat-tagħmir, oġġetti konsumabbli u kull materjal ieħor meħtieġ, prodotti ta' trattament, u testijiet tal-laboratorju;

(b) l-ispejjeż tal-kuntratti tas-servizz ma' partijiet terzi għat-twettiq ta' parti mill-miżuri;

(c) l-ispejjeż ta' kumpens għall-operaturi kkonċernati għall-qerda u t-tneħħija sussegwenti ta’ pjanti, prodotti tal-pjanti u oġġetti oħra, u t-tindif u d-diżinfezzjoni tal-istabbiliment, l-art, l-ilma, il-ħamrija, il-mezzi ta' tkabbir, il-faċilitajiet, il-makkinarju u t-tagħmir;

(d) f’każijiet eċċezzjonali u debitament ġustifikati, l-ispejjeż li jsiru fit-twettiq ta' miżuri neċessarji oħra għajr dawk imsemmija fil-punti minn (a) sa (c), sakemm tali miżuri jkunu stabbiliti fid-deċiżjoni tal-finanzjament imsemmija fl-Artikolu 35(3).

2.           Bħala eċċezzjoni, kif imsemmi fl-Artikolu 130(1) tar-Regolament (UE, Euratom) Nru 966/2012, l-ispejjeż għandhom ikunu eliġibbli mid-data tan-notifika tal-preżenza tal-pest mill-Istati Membri lill-Kummissjoni.

Wara valutazzjoni tal-applikazzjonijiet tal-pagamenti ppreżentata mill-Istati Membri, il-Kummissjoni għandha tagħmel l-impenji baġitarji korrispondenti u l-pagament tan-nefqa eliġibbli.

Taqsima 2 Programmi ta’ stħarriġ dwar il-preżenza ta' pesti

Artikolu 20 Programmi ta' stħarriġ eliġibbli

L-għotjiet jistgħu jingħataw lill-Istati Membri għall-programmi ta' stħarriġ annwali u pluriennali li jwettqu fir-rigward tal-preżenza tal-pesti (minn hawn 'il quddiem: "programmi ta' stħarriġ"), sakemm dawn il-programmi ta' stħarriġ jikkonformaw mill-inqas ma' waħda minn dawn il-kundizzjonijiet:

(a) dawn jikkonċernaw il-pesti elenkati fit-Taqsima I tal-Parti A tal-Anness I u t-Taqsima I tal-Parti A tal-Anness II tad-Direttiva 2000/29/KE;

(b) dawn huma koperti b’miżura adottata mill-Kummissjoni skont l-Artikolu 16(3) tad-Direttiva 2000/29/KE.

Għall-pesti msemmija fil-punt (a) tal-ewwel paragrafu, il-programmi ta’ stħarriġ għandhom ikunu bbażati fuq valutazzjoni tar-riskju tad-dħul, l-istabbiliment u t-tixrid ta' dawk il-pesti fit-territorju tal-Istat Membru kkonċernat u għandha bħala minimu timmira lejn il-pesti li joħolqu r-riskji ewlenin u l-ispeċi ta' pjanti ewlenin li huma esposti għal dawn ir-riskji.

Għal miżuri li jissodisfaw il-kundizzjoni stabbilita fil-punt (b) tal-ewwel paragrafu, l-għotja ma għandhiex tkopri l-ispejjeż li jkunu saru wara l-iskadenza tal-miżura adottata mill-Kummissjoni skont l-Artikolu 16(3) tad-Direttiva 2000/29/KE.

Artikolu 21 Spejjeż eliġibbli

L-ispejjeż li ġejjin imwettqa mill-Istati Membri fl-implimentazzjoni tal-programmi ta’ stħarriġ imsemmija fl-Artikolu 20 jistgħu jkunu eliġibbli għal għotjiet skont dak l-Artikolu:

(a) l-ispejjeż għat-teħid ta’ kampjuni;

(b) l-ispejjeż tat-testijiet, b'kundizzjoni li dawn ikunu limitati għal:

(i)      spejjeż ta' kits tat-testijiet, reaġenti u oġġetti konsumabbli li huma identifikabbli u jintużaw apposta biex iwettqu t-testijiet;

(ii)     l-ispejjeż tal-persunal, irrispettivament mill-istatus tiegħu, involut direttament fil-ġbir tal-kampjuni u t-twettiq tat-testijiet;

(c) f’każijiet eċċezzjonali u debitament ġustifikati, l-ispejjeż li jsiru fit-twettiq ta' miżuri neċessarji oħra għajr dawk imsemmija fil-punti minn (a) sa (c), sakemm tali miżuri jkunu stabbiliti fid-deċiżjoni tal-għotja msemmija fl-Artikolu 23(2).

Artikolu 22 Kontenut u preżentazzjoni tal-programmi ta' stħarriġ

1.           Kull sena, sal-31 ta' Mejju, l-Istati Membri għandhom jippreżentaw lill-Kummissjoni l-programmi ta' stħarriġ li jibdew fis-sena ta’ wara u li għalihom japplikaw għal għotja.

Il-programmi ta' stħarriġ li jiġu ppreżentati wara l-31 ta’ Mejju ma għandhomx ikunu eliġibbli għal finanzjament fis-sena ta’ wara.

2.           Il-programmi ta' stħarriġ għandhom jinkludu mill-inqas dan li ġej:

(a) il-pesti inklużi fil-programm;

(b) deskrizzjoni u demarkazzjoni taż-żoni ġeografiċi u amministrattivi li fihom għandu jiġi applikat il-programm u deskrizzjoni tal-istatus ta’ dawk iż-żoni fir-rigward tal-preżenza tal-pesti kkonċernati;

(c) it-tul tal-programm;

(d) l-għadd ta' eżamijiet viżwali, kampjuni u testijiet skedati għall-pesti u l-pjanti, il-prodotti tal-pjanti u l-oġġetti l-oħra kkonċernati;

(e) l-istima baġitarja;

(f) il-miri li għandhom jintlaħqu sad-data tat-tmiem tal-programm u l-benefiċċji mistennija minnu;

(g) l-indikaturi xierqa biex titkejjel il-kisba tal-miri tal-programm.

F’kull programm ta' stħarriġ pluriennali, l-informazzjoni msemmija fil-punti minn (a) sa (g) tal-ewwel sottoparagrafu għandha tiġi pprovduta għal kull sena koperta mill-programm.

Artikolu 23 Evalwazzjoni u approvazzjoni tal-programmi ta' stħarriġ

1.           Il-programmi ta' stħarriġ għandhom jiġu evalwati billi jitqiesu l-prijoritajiet u l-kriterji stabbiliti fil-programmi ta' ħidma annwali jew pluriennali msemmija fl-Artikolu 35(1) u, fejn xieraq, dawk deskritti fil-linji gwida annwali jew pluriennali msemmija fil-paragrafu 5 ta' dan l-Artikolu.

2.           Il-programmi ta' stħarriġ annwali u l-finanzjament assoċjat għandhom jiġu approvati sal-31 ta’ Jannar ta' kull sena, permezz ta' deċiżjoni tal-għotja b'rabta mal-miżuri implimentati u l-ispejjeż imġarrba mill-1 ta' Jannar sal-31 ta' Diċembru ta' dik is-sena. Wara l-preżentazzjoni tar-rapporti intermedji kif imsemmija fl-Artikolu 15, il-Kummissjoni tista' temenda tali deċiżjonijiet jekk ikun meħtieġ fir-rigward tal-perjodu kollu ta’ eliġibbiltà.

3.           Il-programmi ta' stħarriġ pluriennali u l-finanzjament assoċjat għandhom jiġu approvati sal-31 ta’ Jannar tal-ewwel sena ta' implimentazzjoni permezz ta' deċiżjoni tal-għotja b'rabta mal-miżuri implimentati u l-ispejjeż imġarrba mill-1 ta' Jannar tal-ewwel sena ta' implimentazzjoni sal-aħħar tal-perjodu ta' implimentazzjoni.

4.           Fil-każ ta' approvazzjoni tal-programmi ta' stħarriġ pluriennali skont il-paragrafu 3, l-impenji baġitarji jistgħu jinqasmu f'pagamenti annwali. Fejn l-impenji baġitarji jinqasmu f'pagamenti annwali, il-Kummissjoni għandha tikkommetti l-pagamenti annwali filwaqt li tqis il-progress tal-programmi, l-istima tal-ħtiġijiet u l-baġit disponibbli.

5.           Il-Kummissjoni tista' tadotta linji gwida annwali jew pluriennali li jkun fihom il-prijoritajiet fitosanitarji, inklużi b'mod partikolari l-pesti li mhumiex individwati fit-territorju tal-Unjoni u l-pesti meqjusa bħala l-aktar perikolużi għat-territorju tal-Unjoni, u l-kriterji li jridu jintużaw fl-evalwazzjoni tal-programmi ta’ stħarriġ.

Artikolu 24 Rappurtar u pagamenti

L-Artikoli 15 u 16 għandhom japplikaw mutatis mutandis għal programmi ta’ stħarriġ.

Taqsima 3 Programmi dwar il-kontroll tal-pesti fir-reġjuni ultraperiferiċi tal-Unjoni

Artikolu 25 Miżuri u spejjeż eliġibbli

1.           L-għotjiet jistgħu jingħataw lill-Istati Membri għal programmi li huma jwettqu għall-kontroll tal-pesti fir-reġjuni ultraperiferiċi tal-Unjoni kif enumerati fl-Artikolu 349 tat-Trattat dwar il-Funzjonament tal-Unjoni Ewropea skont l-objettivi stabbiliti fl-Artikolu 2 tar-Regolament (UE) Nru 228/2013 (minn hawn 'il quddiem: il-"programmi għar-reġjuni ultraperiferiċi"). Dawk l-għotjiet għandhom jikkonċernaw l-attivitajiet meħtieġa biex jiżguraw l-implimentazzjoni korretta, f'dawk ir-reġjuni, tar-regoli fis-seħħ f’dawk ir-reġjuni, dwar il-kontroll tal-pesti.

2.           L-ispejjeż li ġejjin imwettqa mill-Istati Membri għal programmi għar-reġjuni ultraperiferiċi jistgħu jkunu eliġibbli għal kontribuzzjoni finanzjarja mill-Unjoni:

(a) l-ispejjeż tal-persunal, ikun xi jkun l-istatus tiegħu, direttament involut fl-implimentazzjoni tal-miżuri, kif ukoll l-ispejjeż tal-kiri tat-tagħmir, l-oġġetti konsumabbli, il-prodotti ta' trattament;

(b) l-ispejjeż tal-kuntratti tas-servizz ma' partijiet terzi għat-twettiq ta' parti mill-miżuri;

(c) l-ispejjeż għat-teħid ta’ kampjuni;

(d) l-ispejjeż tat-testijiet, b'kundizzjoni li dawn ikunu limitati għal:

(i)      spejjeż ta' kits tat-testijiet, reaġenti u oġġetti konsumabbli li huma identifikabbli u jintużaw apposta biex iwettqu t-testijiet;

(ii)     l-ispejjeż tal-persunal, irrispettivament mill-istatus tiegħu, involut direttament fil-ġbir tal-kampjuni u t-twettiq tat-testijiet.

Artikolu 26 Kontenut u preżentazzjoni tal-programmi għar-reġjuni ultraperiferiċi

1.           Kull sena, sal-31 ta' Mejju, l-Istati Membri għandhom jippreżentaw lill-Kummissjoni l-programmi għar-reġjuni ultraperiferiċi li jibdew fis-sena ta’ wara u li għalihom japplikaw għal għotja.

Il-programmi għar-reġjuni ultraperiferiċi ppreżentati wara l-31 ta' Mejju ma għandhomx ikunu eliġibbli għall-finanzjament is-sena ta’ wara.

2.           Il-programmi għar-reġjuni ultraperiferiċi għandhom jinkludu mill-inqas dan li ġej:

(a) il-pesti inklużi fil-programm;

(b) deskrizzjoni u demarkazzjoni taż-żoni ġeografiċi u amministrattivi li fihom għandu jiġi applikat il-programm u deskrizzjoni tal-istatus ta’ dawk iż-żoni fir-rigward tal-preżenza tal-pesti kkonċernati;

(c) analiżi teknika tas-sitwazzjoni fitosanitarja reġjonali;

(d) it-tul tal-programm;

(e) l-attivitajiet inklużi fil-programm u, fejn rilevanti, l-għadd ta' eżamijiet viżwali, kampjuni u testijiet skedati għall-pesti u l-pjanti, il-prodotti tal-pjanti u oġġetti oħra kkonċernati;

(f) l-istima baġitarja;

(g) il-miri li għandhom jintlaħqu sad-data tat-tmiem tal-programm u l-benefiċċji mistennija minnu;

(h) l-indikaturi xierqa biex titkejjel il-kisba tal-miri tal-programm.

F’kull programm pluriennali għar-reġjuni ultraperiferiċi, l-informazzjoni msemmija fil-punti minn (a) sa (h) tal-ewwel subparagrafu għandha tiġi pprovduta għal kull sena koperta mill-programm.

Artikolu 27 Evalwazzjoni u approvazzjoni tal-programmi għar-reġjuni ultraperiferiċi

1.           Il-programmi għar-reġjuni ultraperiferiċi għandhom jiġu evalwati billi jitqiesu l-prijoritajiet u l-kriterji stabbiliti fil-programmi ta' ħidma annwali jew pluriennali msemmija fl-Artikolu 35(1).

2.           Il-programmi annwali għar-reġjuni ultraperiferiċi u l-finanzjament assoċjat għandhom jiġu approvati sal-31 ta’ Jannar kull sena permezz ta' deċiżjoni tal-għotja b'rabta mal-miżuri implimentati u l-ispejjeż imġarrba mill-1 ta' Jannar sal-31 ta' Diċembru ta' dik is-sena. Wara l-preżentazzjoni tar-rapporti intermedji kif imsemmija fl-Artikolu 15, il-Kummissjoni tista' temenda tali deċiżjonijiet jekk ikun meħtieġ fir-rigward tal-perjodu kollu ta’ eliġibbiltà.

3.           Il-programmi pluriennali għar-reġjuni ultraperiferiċi u l-finanzjament assoċjat għandhom jiġu approvati sal-31 ta’ Jannar tal-ewwel sena ta' implimentazzjoni permezz ta' deċiżjoni tal-għotja b'rabta mal-miżuri implimentati u l-ispejjeż imġarrba mill-1 ta' Jannar tal-ewwel sena ta' implimentazzjoni sal-aħħar tal-perjodu ta' implimentazzjoni.

4.           Fil-każ ta' approvazzjoni tal-programmi ta' stħarriġ pluriennali skont il-paragrafu 3, l-impenji baġitarji jistgħu jinqasmu f'pagamenti annwali. Fejn l-impenji baġitarji jinqasmu f'pagamenti annwali, il-Kummissjoni għandha tikkommetti l-pagamenti annwali filwaqt li tqis il-progress tal-programmi, l-istima tal-ħtiġijiet u l-baġit disponibbli.

Artikolu 28 Rappurtar u pagamenti

L-Artikoli 15 u 16 għandhom japplikaw mutatis mutandis għal programmi għar-reġjuni ultraperiferiċi.

KAPITOLU III Appoġġ Finanzjarju għal KONTROLLI UFFIĊJALI U ATTIVITAJIET OĦRA

Artikolu 29 Laboratorji ta' referenza tal-Unjoni Ewropea

1.           L-għotjiet jistgħu jingħataw lil-laboratorji ta’ referenza tal-Unjoni Ewropea msemmija fl-Artikolu 32 tar-Regolament (KE) Nru 882/2004 għall-ispejjeż li jwettqu biex jimplimentaw il-programmi ta’ ħidma approvati mill-Kummissjoni.

2.           L-ispejjeż li ġejjin jistgħu jkunu eliġibbli għal għotjiet skont il-paragrafu 1:

(a) l-ispejjeż tal-persunal, irrispettivament mill-istatus tiegħu, li jkun direttament involut f'attivitajiet tal-laboratorji li huma mġarrba fil-kapaċità tagħhom ta’ laboratorju ta’ referenza tal-Unjoni;

(b) l-ispejjeż ta’ tagħmir kapitali;

(c) l-ispejjeż ta' oġġetti konsumabbli;

(d) l-ispejjeż tat-twassil ta’ kampjuni, missjonijiet, laqgħat, attivitajiet ta' taħriġ.

Artikolu 30 Taħriġ

1.           L-Unjoni tista’ tiffinanzja t-taħriġ tal-persunal tal-awtoritajiet kompetenti responsabbli għall-kontrolli uffiċjali, kif imsemmija fl-Artikolu 51 tar-Regolament (KE) Nru 882/2004, sabiex jiġi żviluppat approċċ armonizzat għall-kontrolli uffiċjali u attivitajiet uffiċjali oħra biex jiġi żgurat livell għoli ta’ protezzjoni tas-saħħa tal-bniedem, tal-annimali u tal-pjanti.

2.           Il-Kummissjoni għandha tiżviluppa programmi ta’ taħriġ li jidentifikaw il-prijoritajiet għall-intervent, ibbażati fuq ir-riskji identifikati għas-saħħa pubblika, is-saħħa u t-trattament xieraq tal-annimali u s-saħħa tal-pjanti.

3.           Sabiex ikunu eliġibbli għall-finanzjament mill-Unjoni kif imsemmi fil-paragrafu 1, l-awtoritajiet kompetenti għandhom jiżguraw li l-għarfien miksub permezz ta' attivitajiet ta' taħriġ imsemmija f'dak il-paragrafu jinxtered kif meħtieġ u jintuża b’mod xieraq fil-programmi ta' taħriġ nazzjonali.

4.           L-ispejjeż li ġejjin jistgħu jkunu eliġibbli għall-kontribuzzjoni finanzjarja msemmija fil-paragrafu 1:

(a) l-ispiża tal-organizzazzjoni tat-taħriġ jew l-attivitajiet ta’ skambju;

(b) l-ispejjeż tal-ivvjaġġar u l-akkomodazzjoni tal-persunal tal-awtoritajiet kompetenti li jieħdu sehem fit-taħriġ.

Artikolu 31 Esperti mill-Istati Membri

Kontribuzzjoni finanzjarja mill-Unjoni tista’ tingħata għall-ispejjeż tal-ivvjaġġar u tas-sussistenza mwettqa mill-esperti tal-Istati Membri b'riżultat tal-ħatra tagħhom mill-Kummissjoni biex jgħinu lill-esperti tagħha kif previst fl-Artikoli 45(1) u 46(1) tar-Regolament (KE) Nru 882/2004.

Artikolu 32 Pjanijiet ta’ kontroll koordinati u ġbir tad-dejta

1.           L-għotjiet jistgħu jingħataw lill-Istati Membri għall-ispejjeż imġarrba għall-implimentazzjoni tal-pjanijiet ta’ kontroll koordinati msemmija fl-Artikolu 53 tar-Regolament (KE) Nru 882/2004 u għall-ġbir tad-dejta.

2.           L-ispejjeż segwenti jistgħu jkunu eliġibbli:

(a) l-ispejjeż tat-testijiet tal-laboratorju,

(b) l-ispiża tat-tagħmir meħtieġ biex jitwettqu l-ħidmiet tal-kontroll uffiċjali u tal-ġbir tad-dejta.

KAPITOLU IV MIŻURI OĦRA

Artikolu 33 Sistemi tal-informazzjoni

1.           L-Unjoni għandha tiffinanzja t-twaqqif u t-tħaddim ta' bażijiet ta' dejta u sistemi kompjuterizzati għall-ġestjoni tal-informazzjoni meħtieġa għall-implimentazzjoni effettiva u effiċjenti tar-regoli msemmija fl-Artikolu 1 u mmexxija mill-Kummissjoni.

2.           Tista’ tingħata kontribuzzjoni finanzjarja mill-Unjoni għat-twaqqif u l-ġestjoni ta’ bażijiet ta' dejta u sistemi kompjuterizzati għall-ġestjoni tal-informazzjoni ta' partijiet terzi, inklużi organizzazzjonijiet internazzjonali, sakemm tali strumenti:

(a) ikunu wrew valur miżjud għall-Unjoni kollha kemm hi u jkunu disponibbli mal-Unjoni kollha għall-utenti kollha interessati; u

(b) ikunu meħtieġa għall-implimentazzjoni effettiva u effiċjenti tar-regoli msemmija fl-Artikolu 1.

Artikolu 34 Implimentazzjoni u adattament tar-regoli

1.           L-Unjoni tista’ tiffinanzja l-ħidma teknika u xjentifika, inklużi studji u attivitajiet ta' koordinazzjoni, meħtieġa biex jiżguraw l-implimentazzjoni korretta tar-regoli msemmija fl-Artikolu 1 u l-adattament ta' dawk ir-regoli għall-iżviluppi xjentifiċi, teknoloġiċi u soċjali.

Kontribuzzjoni finanzjarja mill-Unjoni tista' tingħata wkoll lill-Istati Membri jew lil organizzazzjonijiet internazzjonali li joperaw fl-oqsma msemmija fl-Artikolu 1 biex iwettqu attivitajiet b'appoġġ għall-iżvilupp u l-implimentazzjoni tar-regoli msemmija fl-Artikolu 1.

2.           Jistgħu jingħataw għotjiet għal proġetti organizzati minn Stat Membru wieħed jew aktar bl-għan li titjieb, permezz tal-użu ta’ tekniki u protokolli innovattivi, il-prestazzjoni effiċjenti tal-kontrolli uffiċjali.

3.           Tista’ tingħata wkoll kontribuzzjoni finanzjarja mill-Unjoni bħala appoġġ għall-inizjattivi ta' informazzjoni u sensibilizzazzjoni mmirati biex jiżguraw attitudni mtejba, konformi u sostenibbli fl-implimentazzjoni tar-regoli msemmija fl-Artikolu 1.

TITOLU III IPPROGRAMMAR, IMPLIMENTAZZJONI U KONTROLL

Artikolu 35 Programmi ta’ ħidma

1.           Il-Kummissjoni għandha, permezz ta’ atti ta' implimentazzjoni, tadotta programmi ta' ħidma annwali jew pluriennali komuni jew separati għall-implimentazzjoni tal-miżuri msemmija fit-Titolu II, għajr it-Taqsima 1 tal-Kapitolu I u t-Taqsima 1 tal-Kapitolu II. Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 39(3).

2.           Il-programmi ta' ħidma msemmija fil-paragrafu 1 għandhom jistabbilixxu l-objetttivi segwiti, ir-riżultati mistennija, il-metodu ta' implimentazzjoni u l-ammont totali tagħhom. Dawn jinkludu wkoll deskrizzjoni tal-miżuri li jridu jiġu ffinanzjati, indikazzjoni tal-ammont allokat għal kull miżura u skeda ta' żmien indikattiva għall-implimentazzjoni. Għall-għotjiet, għandhom jinkludu l-prijoritajiet, il-kriterji ta' evalwazzjoni essenzjali, ir-rata ta' finanzjament.

3.           Għall-implimentazzjoni tal-miżuri msemmija fit-Taqsima 1 tal-Kapitolu I tat-Titolu II u t-Taqsima 1 tal-Kapitolu II tat-Titolu II, jew fejn tkun meħtieġa reazzjoni għall-iżviluppi mhux mistennija, il-Kummissjoni għandha tadotta deċiżjonijiet finanzjarji ad hoc skont l-Artikolu 84(2) tar-Regolament (UE, Euratom) Nru 966/2012.

Artikolu 36 Verifiki fuq il-post mill-Kummissjoni

Il-Kummissjoni tista' torganizza verifiki fuq il-post fl-Istati Membri u fl-istabbilimenti tal-benefiċjarji bil-ħsieb li tivverifika b'mod partikolari:

(a) l-implimentazzjoni effettiva tal-miżuri li jibbenefikaw mill-kontribuzzjoni finanzjarja tal-Unjoni;

(b) il-konformità ta' prattiki amministrattivi mar-regoli tal-Unjoni;

(c) l-eżistenza ta' dokumenti ta' sostenn meħtieġa u l-korrelazzjoni tagħhom mal-miżuri li jibbenefikaw minn kontribuzzjoni tal-Unjoni.

Artikolu 37 Aċċess għall-informazzjoni

L-Istati Membri u l-benefiċjarji għandhom jagħmlu disponibbli lill-Kummissjoni l-informazzjoni kollha meħtieġa biex jivverifikaw l-implimentazzjoni tal-miżuri u għandhom jieħdu l-miżuri kollha xierqa sabiex jiffaċilitaw il-kontrolli li l-Kummissjoni tqis li huma xierqa b'rabta mal-ġestjoni tal-finanzjament tal-Unjoni, li jinkludu verifiki fuq il-post.

Artikolu 38 Protezzjoni tal-interessi finanzjarji tal-Unjoni

1.           Il-Kummissjoni għandha tieħu l-miżuri xierqa biex tiżgura li, meta l-miżuri ffinanzjati skont dan ir-Regolament jiġu implimentati, l-interessi finanzjarji tal-Unjoni jkunu protetti permezz tal-applikazzjoni ta' miżuri preventivi kontra l-frodi, il-korruzzjoni u kull attività illegali oħra, permezz ta’ kontrolli effettivi u, jekk jinstabu irregolaritajiet, permezz tal-irkupru tal-ammonti li jkunu tħallsu ħażin u, fejn ikun xieraq, permezz ta’ penali effettivi, proporzjonati u deterrenti.

2.           Il-Kummissjoni jew ir-rappreżentanti tagħha u l-Qorti tal-Awdituri għandu jkollhom is-setgħa li jagħmlu awditjar, fuq il-bażi ta' dokumenti u fuq il-post, fuq il-benefiċjarji kollha tal-għotjiet ta' flus, il-korpi ta' implimentazzjoni, il-kuntratturi u s-sottokuntratturi li jkunu rċevew fondi mill-Unjoni skont dan ir-Regolament.

L-Uffiċċju Ewropew Kontra l-Frodi (OLAF) jista' jkun awtorizzat iwettaq verifiki u spezzjonijiet fuq il-post fuq l-operaturi ekonomiċi kkonċernati direttament jew indirettament minn tali finanzjament skont il-proċeduri stabbiliti fir-Regolament tal-Kunsill (Euratom, KE) Nru 2185/96[27] bl-għan li jiġi stabbilit li kien hemm frodi, korruzzjoni jew kull attività illegali oħra li taffettwa l-interessi finanzjarji tal-Unjoni b'rabta ma' ftehim ta' għotja jew deċiżjoni jew kuntratt li jikkonċernaw il-finanzjament tal-Unjoni.

Mingħajr preġudizzju għall-ewwel u t-tieni sottoparagrafi, il-ftehimiet ta' kooperazzjoni ma' pajjiżi terzi u ma' organizzazzjonijiet internazzjonali, ftehimiet ta' għotja, deċiżjonijiet ta' għotja u kuntratti li jirriżultaw mill-implimentazzjoni ta' dan ir-Regolament għandhom jagħtu s-setgħa b'mod espliċitu lill-Kummissjoni, lill-Qorti tal-Awdituri u lill-OLAF biex iwettqu awditjar, verifiki u spezzjonijiet fuq il-post.

TITOLU IV DISPOŻIZZJONIJIET ĠENERALI U FINALI

Artikolu 39 Proċedura ta’ kumitat

1.           Il-Kummissjoni għandha tkun megħjuna mill-Kumitat Permanenti dwar il-Pjanti, l-Annimali, l-Ikel u l-Għalf stabbilit bl-Artikolu 58(1) tar-Regolament (KE) Nru 178/2002. Dak il-Kumitat għandu jkun kumitat skont it-tifsira tar-Regolament (UE) Nru 182/2011.

2.           Meta ssir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

Fejn għandha tinkiseb l-opinjoni tal-kumitat permezz ta' proċedura bil-miktub, dik il-proċedura għandha tintemm mingħajr riżultat meta, fil-limitu ta' żmien għall-ħruġ tal-opinjoni, il-president tal-kumitat jiddeċiedi hekk, jew maġġoranza sempliċi tal-membri tal-kumitat jitolbu hekk.

3.           Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Fejn għandha tinkiseb l-opinjoni tal-kumitat permezz ta' proċedura bil-miktub, dik il-proċedura għandha tintemm mingħajr riżultat meta, fil-limitu ta' żmien għall-ħruġ tal-opinjoni, il-president tal-kumitat jiddeċiedi hekk, jew maġġoranza sempliċi tal-membri tal-kumitat jitolbu hekk.

Artikolu 40 Evalwazzjoni

1.           Sal-31 ta’ Diċembru 2018, għandu jiġi stabbilit rapport ta' evalwazzjoni mill-Kummissjoni dwar il-kisba tal-objettivi stabbiliti fl-Artikolu 2(1) b'rabta mal-miżuri msemmija fil-Kapitolu I u l-Kapitolu II tat-Titolu II u fl-Artikoli 29 u 30 tal-Kapitolu III (riżultati u impatti), fir-rigward tal-effiċjenza fl-użu tar-riżorsi u l-valur miżjud tagħhom, fil-livell tal-Unjoni. L-evalwazzjoni għandha tindirizza wkoll l-ambitu għas-semplifikazzjoni, l-issoktar tar-rilevanza tal-objettivi kollha, kif ukoll il-kontribuzzjoni tal-miżuri għall-prijoritajiet tal-Unjoni ta' tkabbir intelliġenti, sostenibbli u inklużiv. Din għandha tqis ir-riżultati tal-evalwazzjoni dwar l-impatt fit-tul tal-miżuri li jkunu ttieħdu qabel.

2.           Sat-30 ta' Ġunju 2022 il-Kummissjoni għandha twettaq evalwazzjoni ex-post tal-miżuri msemmija fil-paragrafu 1 b'kooperazzjoni mill-qrib mal-Istati Membri. L-evalwazzjoni ex-post tal-miżuri msemmija fil-paragrafu 1 għandha teżamina l-effikaċja u l-effiċjenza tan-nefqa msemmija fl-Artikolu 1 u l-impatt tagħha.

3.           L-evalwazzjonijiet imsemmija fil-paragrafi 1 u 2 għandhom iqisu l-progress li sar billi jintużaw l-indikaturi msemmija fl-Artikolu 2(2).

4.           Il-Kummissjoni għandha tikkomunika l-konklużjonijiet tal-evalwazzjonijiet imsemmija fil-paragrafi 1 u 2 lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni.

Artikolu 41 Informazzjoni, komunikazzjoni u pubbliċità

1.           Fejn xieraq, il-benefiċjarji u l-Istati Membri kkonċernati għandhom jiżguraw li ssir pubbliċità adegwata għall-kontribuzzjonijiet finanzjarji mogħtija skont dan ir-Regolament sabiex il-pubbliku jiġi mgħarraf bir-rwol tal-Unjoni fil-finanzjament tal-miżuri.

2.           Il-Kummissjoni għandha timplimenta azzjonijiet ta’ informazzjoni u komunikazzjoni dwar il-miżuri ffinanzjati u r-riżultati. Barra minn hekk, il-baġit allokat għall-komunikazzjoni skont dan ir-Regolament għandu jkopri wkoll il-komunikazzjoni korporattiva dwar il-prijoritajiet tal-politika tal-Unjoni.

Artikolu 42 Tħassir

1.           Id-Deċiżjonijiet 66/399/KEE, 76/894/KEE u 2009/470/KE huma mħassra.

2.           Ir-referenzi għad-Deċiżjonijiet 66/399/KEE u 76/894/KEE għandhom jitqiesu bħala referenzi għall-Artikolu 58(1) tar-Regolament (KE) Nru 178/2002.

Artikolu 43 Dispożizzjonijiet tranżitorji

Għall-programmi nazzjonali għall-kontroll tal-qerda u l-monitoraġġ tal-mard tal-annimali u ż-żoonożi għas-sena 2013 li jibbenefikaw mill-finanzjament tal-Unjoni skont il-miżura finanzjarja prevista fl-Artikolu 27 tad-Deċiżjoni 2009/470/KE, il-paragrafi 7 u 8 ta' dak l-Artikolu għandhom ikomplu japplikaw.

Artikolu 44 Emenda tad-Direttiva 98/56/KE

Id-Direttiva 98/56/KE[28] hija emendata kif ġej:

Fl-Artikolu 17, il-paragrafu 1 huwa sostitwit b'dan li ġej:

'1.           Il-Kumitat għandu jkun megħjun mill-Kumitat Permanenti dwar il-Pjanti, l-Annimali, l-Ikel u l-Għalf stabbilit bl-Artikolu 58(1) tar-Regolament (KE) Nru 178/2002 tal-Parlament Ewropew u tal-Kunsill. Dak il-Kumitat għandu jkun kumitat skont it-tifsira tar-Regolament (UE) Nru 182/2011."

Fl-Artikolu 18, il-paragrafu 1 huwa sostitwit b'dan li ġej:

'1.           Il-Kummissjoni għandha tkun megħjuna mill-Kumitat Permanenti dwar il-Pjanti, l-Annimali, l-Ikel u l-Għalf stabbilit bl-Artikolu 58(1) tar-Regolament (KE) Nru 178/2002. Dak il-Kumitat għandu jkun kumitat skont it-tifsira tar-Regolament (UE) Nru 182/2011."

Artikolu 45 Emenda tad-Direttiva 2000/29/KE

Id-Direttiva 2000/29/KE hija emendata kif ġej:

(1)          Fl-Artikolu 13c, għandu jitħassar il-paragrafu 5.

(2)          L-Artikoli minn 22 sa 26 qed jitħassru.

Artikolu 46 Emenda tar-Regolament (KE) Nru 178/2002

1.           Fl-Artikolu 58 tar-Regolament (KE) Nru 178/2002, il-paragrafu 1 huwa sostitwit b’dan li ġej:

'1.      Il-Kummissjoni għandha tkun megħjuna minn Kumitat Permanenti dwar il-Pjanti, l-Annimali, l-Ikel u l-Għalf, minn hawn 'il quddiem jissemma bħala il-"Kumitat". Dak il-Kumitat għandu jkun kumitat skont it-tifsira tar-Regolament (UE) Nru 182/2011 tal-Parlament Ewropew u tal-Kunsill[29]. Il-Kumitat għandu jkun organizzat f'taqsimiet biex jiġu indirizzati l-kwistjonijiet kollha rilevanti.

2.           Ir-referenzi kollha fil-leġiżlazzjoni tal-Unjoni lill-Kumitat Permanenti dwar il-Katina Alimentari u s-Saħħa tal-Annimali għandhom jitqiesu bħala referenzi lill-Kumitat imsemmi fl-Artikolu 58(1) tar-Regolament (KE) Nru 178/2002.

Artikolu 47 Emenda tar-Regolament (KE) Nru 882/2004

L-Artikolu 66 tar-Regolament (KE) Nru 882/2004 qed jitħassar.

Artikolu 48 Emenda tar-Regolament (KE) Nru 396/2005

L-Artikoli 36 u 37 tar-Regolament (KE) Nru 396/2005 qegħdin jitħassru.

Artikolu 49 Emenda tad-Direttiva 2008/90/KE

Fl-Artikolu 19 tad-Direttiva 2008/90/KE, il-paragrafu 1 qed jinbidel b'dan li ġej:

'1.           Il-Kumitat għandu jkun megħjun mill-Kumitat Permanenti dwar il-Pjanti, l-Annimali, l-Ikel u l-Għalf stabbilit bl-Artikolu 58(1) tar-Regolament (KE) Nru 178/2002 tal-Parlament Ewropew u tal-Kunsill. Dak il-Kumitat għandu jkun kumitat skont it-tifsira tar-Regolament (UE) Nru 182/2011 tal-Parlament Ewropew u tal-Kunsill.

Artikolu 50 Emenda tad-Direttiva 2009/128/KE

L-Artikolu 22 tad-Direttiva 2009/128/KE qed jitħassar.

Artikolu 51 Emenda tar-Regolament (KE) Nru 1107/2009

L-Artikolu 76 tar-Regolament (KE) Nru 1107/2009 qed jitħassar.

Artikolu 52 Dħul fis-seħħ u applikazzjoni

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2014.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Parlament Ewropew                            Għall-Kunsill

Il-President                                                    Il-President

DIKJARAZZJONI FINANZJARJA LEĠIŻLATTIVA

1.           QAFAS TAL-PROPOSTA/INIZJATTIVA

              1.1.    Titolu tal-proposta/inizjattiva

              1.2.    Qasam/oqsma ta' politika kkonċernat(i) fl-istruttura ABM/ABB

              1.3.    Natura tal-proposta/inizjattiva

              1.4.    Objettiv(i)

              1.5.    Ir-raġunijiet għall-proposta/inizjattiva

              1.6.    It-tul ta' żmien u l-impatt finanzjarju

              1.7.    Metodu/i ta’ ġestjoni previst(i)

2.           MIŻURI TA' ĠESTJONI

              2.1.    Ir-regoli dwar il-monitoraġġ u r-rappurtar

              2.2.    Is-sistema ta' ġestjoni u kontroll

              2.3.    Miżuri għall-prevenzjoni ta' frodi u irregolaritajiet

3.           IMPATT FINANZJARJU STMAT TAL-PROPOSTA/INIZJATTIVA

              3.1.    Intestatura/i tal-qafas finanzjarju pluriennali u tal-linja/i baġitarja/i tan-nefqa affettwata/i

              3.2.    Impatt stmat fuq in-nefqa

              3.2.1. Sommarju tal-impatt stmat fuq in-nefqa

              3.2.2. Impatt stmat fuq l-approprjazzjonijiet operazzjonali

              3.2.3. Impatt stmat fuq l-approprjazzjonijiet ta' natura amministrattiva

              3.2.4. Kompatibbiltà mal-qafas finanzjarju pluriennali attwali

              3.2.5. Parteċipazzjoni minn partijiet terzi fil-finanzjament

              3.3.    Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.           QAFAS TAL-PROPOSTA/INIZJATTIVA

1.1.        Titolu tal-proposta/inizjattiva

Proposta għal Regolament tal-Parlament Ewropew u tal-Kunsill li jistabbilixxi dispożizzjonijiet għall-ġestjoni tan-nefqa fil-qasam tal-katina alimentari, is-saħħa u t-trattament xieraq tal-annimali u dwar is-saħħa tal-pjanti u l-materjal riproduttiv tal-pjanti (in-"nefqa marbuta mal-ikel u l-għalf")

1.2.        Qasam/oqsma ta' politika kkonċernat(i) fl-istruttura ABM/ABB[30]

17 04 Is-sikurezza tal-ikel u tal-għalf, is-saħħa tal-annimali, it-trattament xieraq tal-annimali u s-saħħa tal-pjanti

1.3.        Natura tal-proposta/inizjattiva

¨ Il-proposta/inizjattiva hija relatata ma' azzjoni ġdida

¨ Il-proposta/inizjattiva hija relatata ma' azzjoni ġdida li ssegwi proġett pilota/azzjoni preparatorja[31]

¨ Il-proposta/inizjattiva hija relatata mal-estensjoni ta' azzjoni eżistenti

P       Il-proposta/inizjattiva hija relatata ma' azzjoni diretta mill-ġdid lejn azzjoni ġdida

1.4.        Objettivi

1.4.1.     L-objettiv(i) strateġika/ċi pluriennali tal-Kummissjoni fil-mira tal-proposta/inizjattiva

In-nefqa koperta minn dan ir-Regolament għandha timmira li tiżgura livell għoli ta' saħħa għall-bnedmin, l-annimali u l-pjanti tul il-katina alimentari u f'oqsma relatati u livell għoli ta' protezzjoni tal-konsumaturi u tal-ambjent filwaqt li tippermetti lill-industrija alimentari tal-UE topera f’ambjent li jiffavorixxi l-kompetittività u l-ħolqien tal-impjiegi.

1.4.2.     L-objettiv(i) speċifiku/ċi u attività/ajiet ABM/ABB ikkonċernata/i

Objettiv speċifiku Nru 1

Jingħata kontribut għal livell għoli ta’ sikurezza tal-ikel u tas-sistemi ta’ produzzjoni tal-ikel u ta’ prodotti oħra li jistgħu jaffettwaw is-sikurezza tal-ikel, filwaqt li titjieb is-sostenibbiltà tal-produzzjoni tal-ikel

Objettiv speċifiku Nru 2

Jingħata kontribut għal status tas-saħħa tal-annimali ogħla fl-Unjoni u jkun appoġġjat it-titjib tat-trattament xieraq tal-annimali

Objettiv speċifiku Nru 3

Jingħata kontribut għall-individwazzjoni f'waqtha tal-pesti u l-qerda tagħhom fejn dawk il-pesti jkunu daħlu fl-Unjoni

Objettiv speċifiku Nru 4

Jingħata kontribut biex jitjiebu l-effikaċja, l-effiċjenza u l-affidabbiltà tal-kontrolli uffiċjali u attivitajiet oħra mwettqa fid-dawl tal-implimentazzjoni effettiva tar-regoli tal-Unjoni u l-konformità magħhom, imsemmija fir-Regolament li jistabilixxi d-dispożizzjonijiet għall-ġestjoni tan-nefqa marbuta mal-ikel u l-għalf

1.4.3.     Ir-riżultat(i) u l-impatt mistennija

Il-qafas finanzjarju 2007-2013 jaffettwa primarjament lill-Istati Membri u lill-awtoritajiet kompetenti tagħhom billi dawn huma l-benefiċjarji ewlenin tal-kontribuzzjoni finanzjarja. Hemm ukoll impatti indiretti fuq il-partijiet interessati bħal produtturi primarji (bdiewa, eċċ.), operaturi oħra u veterinarji iżda dawn huma sekondarji. Dan se jissokta mal-abbozz tar-Regolament li jkopri l-perjodu mill-2014 sal-2020.

Ir-riżultat kumplessiv mistenni huwa li, permezz tal-kofinanzjament mill-UE:

- il-mard tal-annimali u l-pesti tal-pjanti se jinqerdu aktar malajr f'każ ta' tifqigħat

- se jiġi evitat li jitfaċċaw mard tal-annimali u pesti tal-pjanti

- Il-leġiżlazzjoni tal-UE relatata mas-sikurezza tal-ikel u l-għalf se tkun applikata b'mod aktar armonizzat mal-UE kollha.

Barra minn hekk, ir-Regolament imsemmi hawn fuq se jikkontribwixxi wkoll biex jiffaċilita l-funzjonament tas-suq intern u l-aċċess għas-swieq ta’ pajjiżi terzi u dan jista' jkollu impatt pożittiv fuq l-impjiegi fl-UE.

Indikaturi tar-riżultati u impatt

Objettiv 1: Jingħata kontribut għal livell għoli ta’ sikurezza tal-ikel u tas-sistemi ta’ produzzjoni tal-ikel u ta’ prodotti oħra li jistgħu jaffettwaw is-sikurezza tal-ikel, filwaqt li titjieb is-sostenibbiltà tal-produzzjoni tal-ikel

Dan l-objettiv se jitkejjel permezz tat-tnaqqis fl-għadd ta’ każijiet ta’ mard fil-bnedmin fl-Unjoni u li huma marbuta mas-sikurezza tal-ikel jew maż-żoonożi.

Objettiv 2: Jingħata kontribut għal status tas-saħħa tal-annimali ogħla fl-Unjoni u jkun appoġġjat it-titjib tat-trattament xieraq tal-annimali

Dan l-objettiv se jitkejjel permezz taż-żieda fl-għadd ta' Stati Membri jew reġjuni tagħhom li huma ħielsa mill-mard tal-annimali li għalih tingħata kontribuzzjoni finanzjarja kif ukoll jitnaqqsu l-parametri tal-mard, bħalma huma l-inċidenza, il-prevalenza u l-għadd ta’ tifqigħat.

Objettiv 3: Jingħata kontribut għall-individwazzjoni f'waqtha tal-pesti u l-qerda tagħhom fejn dawn ikunu daħlu fl-Unjoni        

Dan l-objettiv se jitkejjel permezz ta' dan li ġej:

- il-kopertura tat-territorju tal-Unjoni permezz ta’ stħarriġ għall-pesti, b'mod partikolari għall-pesti li l-preżenza tagħhom ma ġietx individwata fit-territorju tal-Unjoni u l-pesti meqjusa bħala l-aktar perikolużi għat-territorju tal-Unjoni; u

- iż-żmien u r-rata ta’ suċċess għall-qerda ta' dawk il-pesti.

Objettiv 4: Jingħata kontribut biex jitjiebu l-effikaċja, l-effiċjenza u l-affidabbiltà tal-kontrolli uffiċjali u attivitajiet oħra mwettqa fid-dawl tal-implimentazzjoni effettiva tar-regoli tal-Unjoni msemmija fl-Artikolu 1 tal-abbozz tar-Regolament, u l-konformità magħhom.

Dan l-objettiv se jitkejjel permezz ta' xejra favorevoli tal-eżitu tal-kontrolli f’oqsma partikolari ta’ tħassib imwettqa u rrapportati minn esperti tal-Kummissjoni fl-Istati Membri.

1.5.        Ir-raġunijiet għall-proposta/inizjattiva

1.5.1.     Ir-rekwiżit(i) li jrid(u) jiġi/u sodisfatt(i) fuq medda qasira jew medda twila ta' żmien

Is-settur privat għandu jitħares minn impatti serjament dannużi tal-mard u l-pesti u għalhekk se jikkontribwixxi biex jitrawwem it-tkabbir u jinħolqu l-impjiegi fl-UE. Id-dispożizzjonijiet ta' dan ir-Regolament għandhom jappoġġjaw il-miri ta' politika għal kull qasam, li jimmiraw li jżommu l-livell sodisfaċenti tas-saħħa tal-annimali, is-saħħa tal-pjanti, is-saħħa tal-materjal riproduttiv tal-pjanti u l-kontrolli uffiċjali.

Ir-Regolament se jkompli jappoġġja l-implimentazzjoni ta’ azzjoni tal-UE fil-qasam tal-politika dwar is-sikurezza tal-ikel mill-2014 'il quddiem. Dan jibni fuq ir-riżultati miksuba permezz tal-leġiżlazzjoni eżistenti u fuq il-valutazzjoni tal-impatt aċċellerata li takkumpanja din il-proposta.

1.5.2.     Il-valur miżjud tal-involviment tal-UE

B'konformità mal-approċċ li skontu s-sikurezza tal-ikel u tal-għalf trid tiġi garantita mill-produttur sal-konsumatur, din l-azzjoni timmira li ġġib titjib tul il-katina alimentari kollha. Dan is-settur huwa armonizzat fil-livell tal-UE u jsir kummerċ konsiderevoli bejn l-Istati Membri. L-industrija tal-ikel u x-xorb tal-UE hija l-akbar settur tal-manifattura fl-Ewropa bi dħul annwali fl-2009 ta' EUR 954 biljun; din tesporta madwar EUR 54 biljun ta' prodotti tal-ikel u tax-xorb lejn pajjiżi terzi, tikkontribwixxi għal bilanċ kummerċjali pożittiv ta' madwar EUR 10 biljun u timpjega madwar 4,2 miljun ruħ. (Sors: Il-Konfederazzjoni tal-industriji tal-ikel u tax-xorb tal-UE).

It-tifqigħat ta' mard serju tal-annimali u tal-pjanti jistgħu jikkawżaw telf dirett maġġuri għall-agrikoltura u telf indirett potenzjalment enormi għall-ekonomija Ewropea. Dawn il-problemi jistgħu jinfirxu malajr bejn l-Istati Membri u jinvolvu s-suq kollu tal-UE. L-okkorrenza riċenti tal-Bluetongue fil-parti l-kbira tal-Ewropa, li kkawżat telf sostanzjali, hija tfakkira importanti tal-imprevedibbiltà u s-severità tat-tifqigħat ta’ mard tal-annimali.

L-objettiv tal-intervent tal-UE huwa li jiġi mminimizzat l-impatt fuq is-saħħa tal-bniedem u tal-annimali u s-swieq u li jitnaqqsu r-riskji tul il-katina alimentari kollha permezz ta' azzjonijiet ta' prevenzjoni u l-ġestjoni tal-kriżijiet.

Kontribuzzjoni tal-UE tmur għall-programmi nazzjonali mmirati biex itejbu s-saħħa tal-annimali jew jeqirdu dak il-mard li jaffettwaw lin-nies jew li l-preżenza tiegħu tista' tikkawża impatti soċjali, ekonomiċu u politiċi kbar. Il-programmi ta' qerda, sorveljanza u monitoraġġ huma meħtieġa biex jitnaqqas dan ir-riskju għas-saħħa pubblika u/jew tal-annimali għal livell aċċettabbli. Titwettaq ukoll sorveljanza mal-UE kollha għal mard bħall-influwenza avjarja u enċefalopatiji sponġiformi trażmissibbli (TSE).

Hemm disponibbli kontribuzzjoni finanzjarja għal miżuri ta’ emerġenza (fond ta' emerġenza) biex tgħin lill-Istati Membri jindirizzaw il-kriżijiet tal-mard tal-annimali u ġew stabbiliti banek tat-tilqim li qed jinżammu stokkjati biex tinżamm provvista ta' vaċċini għall-użu ta' emerġenza.

Fondi huma pprovduti wkoll biex jappoġġjaw kull Stat Membru li jisfa' vittma ta' preżenza ta' organiżmi ta' ħsara għall-pjanti, speċjalment fid-dawl taż-żieda fil-kummerċ bejn l-Istati Membri u ma' pajjiżi oħra. Dan jaffettwa mhux biss l-industrija tal-ikel iżda wkoll l-industrija b'mod ġenerali minħabba l-impatt possibbli ta' xi organiżmi ta' ħsara għall-pjanti fuq l-injam u l-materjal tal-imballaġġ tal-injam eż. palits.

Barra minn hekk, netwerk ta' Laboratorji ta' Referenza tal-Unjoni Ewropea huwa ffinanzjat biex jiżgura tħejjija aħjar u biex jipprovdi appoġġ xjentifiku fil-livell tal-UE lill-Kummissjoni u lill-Istati Membri. Dan jikkontribwixxi għall-armonizzazzjoni tal-prattiki dijanjostiċi fil-livell tal-UE. L-azzjoni tinkludi wkoll programm ta' taħriġ (BTSF – Better Training for Safer Food programme - "Programm ta' Taħriġ Aħjar għal Ikel Aktar Sikur") għall-persunal tal-awtoritajiet kompetenti, kemm fl-UE kif ukoll lil hinn minnha biex tiġi żgurata l-implimentazzjoni xierqa tal-istandards tal-UE.

1.5.3.     It-tagħlimiet li ttieħdu minn esperjenzi simili fl-imgħoddi

Il-problemi tal-qafas legali attwali jikkonċernaw primarjament il-ħtieġa li jiġi emendat dak il-qafas skont l-evoluzzjoni tal-ħtiġijiet settorjali identifikati fir-reviżjonijiet rispettivi. Dawn il-ħtiġijiet għandhom ikunu riflessi fil-leġiżlazzjoni futura, irrispettivament minn jekk id-dispożizzjonijiet dwar l-infiq jinsabux fl-atti settorjali jew humiex miġbura flimkien f’att orizzontali uniku. Fattur 1: Il-qafas legali attwali huwa kumpless wisq

In-nuqqas attwali ta' ċarezza fir-rati ta' finanzjament joħloq inċertezza kbira għall-Istati Membri meta jkunu qed jippjanaw. Għaldaqstant, dan ir-regolament jipprevedi tliet rati massimi: 50, 75 u 100 %. Ir-rata ta’ finanzjament ta' 100 % hija applikata għax-xiri tal-vaċċini u l-ispejjeż eliġibbli tal-laboratorji ta' referenza tal-UE; ir-rata ta' 75 % tapplika għall-ispejjeż eliġibbli għall-Istati Membri li l-aktar introjtu nazzjonali gross riċenti tagħhom għal kull abitant ikun inqas minn 90 % tal-medja tal-Unjoni; ir-rata ta' 50 % tapplika għall-ispejjeż l-oħra eliġibbli; din titqies bħala r-rata bażika mill-2014 'il quddiem.

Barra minn hekk, id-dispożizzjonijiet dwar id-diversi għotjiet finanzjarji bħalissa jinsabu f'għadd ta' strumenti leġiżlattivi differenti. Din il-kwistjoni se tkun solvuta billi jinġabru dawn id-dispożizzjonijiet f'bażi legali waħda. Il-livell minimu propost ta' EUR 50 000 għal kull għotja żgur se tissemplifika l-ġestjoni baġitarja għall-amministrazzjonijiet fl-Istati Membri u fl-istituzzjonijiet Ewropej.  Fattur 2: L-għodod tal-ġestjoni finanzjarja eżistenti mhumiex kompluti

Id-dispożizzjonijiet finanzjarji eżistenti ma jipprevedux objettivi u indikaturi ċari u konsistenti.

Id-definizzjoni ta' miżuri eliġibbli u spejjeż assoċjati mhijiex ċara. Rapport ta’ awditjar intern tal-2012 irrakkomanda li dawn jiġu ċċarati u ssemplifikati.

Dawn il-fatturi kollha jikkontribwixxu għal sitwazzjoni fejn is-sistema tkun kumplessa wisq u r-rati ta’ żbalji jkunu għoljin wisq. Stħarriġ riċenti tar-rappreżentanti tal-Istati Membri sab li l-qafas ta' ppjanar tal-programm pluriennali u annwali jitqies bħala ta' piż. Iċ-ċiklu annwali ta' preparazzjoni, evalwazzjoni, approvazzjoni, adozzjoni u rappurtar tal-pjan jeżiġi ħafna riżorsi u jinvolvi livell għoli ta' ripetizzjoni minn sena għal oħra.

1.5.4.     Il-koerenza u s-sinerġija possibbli ma' strumenti rilevanti oħra

Huwa ta' importanza kruċjali li l-proposta li bħalissa qed tiġi kkunsidrata tibqa' wkoll konsistenti ma' politiki oħra tal-UE. F'livell għoli, dan ifisser appoġġ għall-objettivi tal-UE 2020 u tal-qafas finanzjarju pluriennali. Forsi l-aktar importanti, huwa kruċjali li l-qafas finanzjarju jappoġġja l-irkupru ekonomiku permezz tal-promozzjoni tal-kummerċ u attività ekonomika importanti oħra. F’oqsma oħra, se jkun importanti li jiġi żgurat li l-politika dwar is-sikurezza tal-għalf u tal-ikel tappoġġja u tikkomplementa, mingħajr ma tirrepeti jew iddgħajjef, politiki oħra tal-UE. Dan huwa partikolarment minnu fl-oqsma tal-agrikoltura u l-kummerċ. Il-proposti l-ġodda għall-politika agrikola komuni jappoġġjaw l-istess tipi ta’ objettivi ġenerali bħall-abbozz tar-regolament attwali kkonċernat, iżda objettivi speċifiċi differenti u b'mezzi differenti. Huwa kruċjali wkoll li l-abbozz ikompli jappoġġja l-kummerċ Ewropew u jkun konsistenti mar-regoli kummerċjali eżistenti u futuri. Jeħtieġ li tiġi kkunsidrata l-politika marittima, pereżempju meta l-qafas finanzjarju jappoġġja l-prevenzjoni jew il-qerda tal-mard li jaffettwa l-annimali tal-akkwakultura. Barra minn hekk, huwa importanti li jiġu rispettati l-objettivi tal-politiki ambjentali. Fl-aħħar nett, jeżistu rabtiet qawwija bejn politiki oħra bħas-saħħa pubblika, it-trattament xieraq tal-annimali, u oħrajn, li jeżiġu koordinazzjoni.

1.6.        It-tul ta' żmien u l-impatt finanzjarju

þ Proposta/inizjattiva ta’ tul ta' żmien limitat

– þ  Proposta/inizjattiva fis-seħħ mill-01/01/2014 sal-31/12/2020

– þ  L-impatt finanzjarju mill-2014 sal-2020 (approprjazzjonijiet ta' impenn)

¨ Proposta/inizjattiva ta' tul ta' żmien illimitat

– - Implimentazzjoni b'perjodu ta’ bidu minn SSSS sa SSSS,

– - Segwita minn operazzjoni sħiħa.

1.7.        Metodu/i ta' ġestjoni previst(i)[32]

þ Ġestjoni diretta ċentralizzata mill-Kummissjoni

þĠestjoni indiretta ċentralizzata bid-delega tal-kompiti ta' implimentazzjoni lil:

– þ  aġenziji eżekuttivi

– ¨  korpi stabbiliti mill-Komunitajiet[33]

– ¨  korpi nazzjonali mis-settur pubbliku/korpi b'missjoni tas-servizz pubbliku

– ¨  persuni fdati bl-implimentazzjoni ta' azzjonijiet speċifiċi b'konformità mat-Titolu V tat-Trattat dwar l-Unjoni Ewropea u identifikati fl-att bażiku rilevanti skont it-tifsira tal-Artikolu 49 tar-Regolament Finanzjarju

¨ Ġestjoni kondiviża mal-Istati Membri

¨ Ġestjoni deċentralizzata ma' pajjiżi terzi

¨ Ġestjoni konġunta ma' organizzazzjonijiet internazzjonali

Jekk jiġi indikat aktar minn metodu wieħed ta’ ġestjoni, jekk jogħġbok agħti d-dettalji fit-taqsima "Kummenti".

Kummenti

Aġenzija Eżekuttiva EAHC: Skont ir-Regolament tal-Kunsill (KE) Nru 58/2003 tad-19 ta' Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità[34], il-Kummisjoni fdat[35] lill-Aġenzija Eżekuttiva għas-Saħħa u l-Konsumaturi bil-kompiti ta' implimentazzjoni għall-ġestjoni tal-politika ta' Taħriġ Aħjar għal Ikel Aktar Sikur (BTSF) għas-snin bejn l-2007 u l-2013. Il-Kummissjoni għalhekk tista’ tiddeċiedi li tafda wkoll lill-Aġenzija Eżekuttiva għas-Saħħa u l-Konsumaturi bil-kompiti ta’ implimentazzjoni għall-ġestjoni tal-programm BTSF għas-snin bejn l-2014 u l-2020.

2.           MIŻURI TA' ĠESTJONI

2.1.        Ir-regoli dwar il-monitoraġġ u r-rappurtar

Bħalissa, l-EAHC timmaniġġja n-nefqa għall-programm ta' Taħriġ Aħjar għal Ikel Aktar Sikur. In-nefqa kollha li jifdal hija mmaniġġjata direttament mill-Kummissjoni. Se tingħata aktar attenzjoni lill-analiżi tal-programmi veterinarji u fitosanitarji ppreżentati; il-programmi veterinarji tal-2013 ġew ippreżentati għall-ewwel darba għal evalwazzjoni esterna; din il-proċedura se tiġi żviluppata aktar fis-snin li ġejjin. Bħalissa qegħdin jiġu żviluppati l-indikaturi tal-prestazzjoni; dawn se jkunu utli għall-evalwazzjoni tal-kisbiet tal-programm.

Sa tmiem l-2018, il-Kummissjoni għandha tħejji rapport ta' evalwazzjoni dwar il-kisba tal-objettivi tal-miżuri (fil-livell ta' riżultati u impatti), l-effiċjenza fl-użu tar-riżorsi u l-valur miżjud Ewropew tagħhom, fid-dawl ta' deċiżjoni dwar it-tiġdid, il-modifika jew is-sospensjoni tal-miżuri. L-evalwazzjoni għandha tindirizza wkoll l-ambitu għas-semplifikazzjoni, l-issoktar tar-rilevanza tal-objettivi kollha, kif ukoll il-kontribuzzjoni tal-miżuri għall-prijoritajiet tal-Unjoni ta' tkabbir intelliġenti, sostenibbli u inklużiv. Din għandha tqis ir-riżultati tal-evalwazzjoni dwar l-impatt fit-tul tal-miżuri li jkunu ttieħdu qabel.

Barra minn hekk, se titwettaq evalwazzjoni ex-post, mhux aktar tard minn nofs l-2022.

Il-Kummissjoni għandha tikkomunika r-riżultati ta' dawk l-evalwazzjonijiet, akkumpanjati mill-kummenti tagħha, lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni.

2.2.        Is-sistema ta' ġestjoni u kontroll

2.2.1.     Ir-riskju/i identifikat(i)

Il-biċċa l-kbira tal-fondi hija indirizzata lill-Istati Membri.

L-elementi ewlenin tal-implimentazzjoni tal-baġit huma dawn li ġejjin:

Permezz ta’ atti ta’ implimentazzjoni, il-programmi ta' ħidma annwali komuni jew separati se jiġu adottati għall-implimentazzjoni tal-kontribuzzjoni finanzjarja għall-kontrolli uffiċjali u attivitajiet oħra. Il-programmi ta’ ħidma annwali ta' hawn fuq għandhom jistabbilixxu l-objettivi segwiti, ir-riżultati mistennija, il-metodu ta’ implimentazzjoni u l-ammont totali tagħhom. Dawn jinkludu wkoll deskrizzjoni tal-miżuri li jridu jiġu ffinanzjati, indikazzjoni tal-ammont allokat għal kull miżura u skeda ta' żmien indikattiva għall-implimentazzjoni. Għall-għotjiet, dawn għandhom jinkludu l-prijoritajiet, il-kriterji ta' evalwazzjoni essenzjali u r-rata ta' finanzjament.

Għall-implimentazzjoni tal-programmi ta’ qerda, stħarriġ u monitoraġġ fil-qasam tas-saħħa tal-annimali u tal-pjanti il-Kummissjoni, sat-30 ta' Jannar ta' kull sena u, wara evalwazzjoni tal-programmi ppreżentati, se tapprova l-programmi suġġetti għal ċerti kundizzjonijiet fejn xieraq u se tiddeċiedi dwar l-ammont tal-għotja. Fil-każ ta' approvazzjoni tal-programmi pluriennali, l-impenji baġitarji jistgħu jinqasmu f'pagamenti annwali. F'dan il-każ, kull sena l-Kummissjoni għandha tikkommetti l-pagamenti annwali filwaqt li tqis il-progress tal-programmi, l-istima tal-ħtiġijiet u l-baġit disponibbli.

Għall-implimentazzjoni tal-miżuri ta' emerġenza fil-qasam tas-saħħa tal-annimali u tal-pjanti iż-żona jew fejn tinħtieġ reazzjoni għal żviluppi imprevedibbli, il-Kummissjoni għandha tadotta deċiżjonijiet ta' finanzjament ad hoc.

Barra minn hekk, se jiġu attribwiti għadd ta' kuntratti ta' servizz.

Ir-riskji ewlenin huma dawn li ġejjin:

- rigward il-kontrolli uffiċjali, ir-riskji ta' implimentazzjoni ħażina li jnaqqsu l-effikaċja tal-miżuri kofinanzjati;

- l-użu ineffiċjenti jew non-ekonomiku tal-fondi għall-programmi ta' qerda u miżuri ta’ emerġenza minħabba l-kumplessità tar-rimborż tal-ispejjeż eliġibbli reali flimkien mal-possibbiltajiet limitati biex jiġu kkontrollati l-ispejjeż eliġibbli dokumentati.

2.2.2.     Il-metodi ta’ kontroll previsti

B'mod ġenerali, it-tranżazzjonijiet finanzjarji kollha (l-impenji, il-pagamenti, l-ordnijiet ta' rkupru, eċċ.) u l-kuntratti/il-ftehimiet ta’ għotja marbuta mal-politika dwar l-infiq marbuta mal-ikel u l-għalf jiġu kkontrollati, awtorizzati u ffirmati mill-uffiċjali awtorizzanti b'sottodelega inkarigati mill-attività. Kull uffiċjal awtorizzanti b'sottodelega huwa megħjun minn ċellola finanzjarja deċentralizzata li tivverifika u tikkompleta l-fajls ta’ tranżazzjonijiet finanzjarji u l-kuntratti/il-ftehimiet ta’ għotja qabel ma jiġu ffirmati. It-tnedija u l-verifika operazzjonali jitqwettqu minn membri tal-persunal tal-Unità responsabbli.

Barra minn hekk, iċ-ċellola finanzjarja ċentrali twettaq, fit-tieni livell, verifika dokumentata ex-ante, ibbażata fuq kampjun tat-tranżazzjonijiet. Barra dan, it-tim ċentralizzat ta' verifika fuq il-post tad-DĠ jivverifika fuq is-sit l-eliġibbiltà tal-ispejjeż mitluba mill-benefiċjarju. Id-DĠ SANCO qed juża ukoll kumpanija speċjalizzata fl-organizzazzjoni ta' kontrolli ex post.

Għotjiet: Meta jitqies fuq naħa l-qafas imsemmi hawn fuq u l-fatt li l-biċċa l-kbira tal-benefiċjarji tal-għotjiet tal-UE huma identitajiet pubbliċi, ir-riskju ta' irregolaritajiet jista' jitqies bħala limitat ferm. Il-proġetti ffinalizzati mogħtija proġetti se jkunu suġġetti għal kontrolli ex post. L-istrateġija ta’ awditjar ex-post se tkun: (a) li tgħaqqad il-valutazzjoni tar-riskju u l-għażla aleatorja sabiex jiġi evitat proċess tal-għażla riġidu wisq, u (b) li tagħti attenzjoni lill-aspetti operazzjonali meta jkun possibbli waqt l-awditjar fuq il-post.

Kuntratti ta’ servizzi: Id-DĠ SANCO jikkonkludi kuntratti ta' servizzi direttament mal-fornituri tas-servizz. Il-kuntratturi jintgħażlu fuq il-bażi ta' proċeduri ta' sejħa għall-offerti, b'rispett sħiħ tar-Regolament Finanzjarju. Il-kuntratti li jkunu ogħla minn ċertu limitu massimu huma suġġetti għal kontroll fil-fond minn kumitat tal-akkwist pubbliku ta' DĠ SANCO. Id-DĠ SANCO juża kuntratti standard proposti mill-Kummissjoni li jipprevedu l-possibbiltà li jitwettqu kontrolli ex post. Madankollu, billi l-ammonti tal-kuntratti huma ffissati, ir-riskji ta’ żbalji finanzjarji huma mnaqqsa u l-għadd ta' kontrolli ex post fuq il-kuntratti tas-servizz huma limitat ħafna.

2.3.        Miżuri għall-prevenzjoni ta' frodi u irregolaritajiet

Il-Kummissjoni għandha tieħu l-miżuri xierqa biex tiżgura li, fejn l-azzjonijiet iffinanzjati skont dan ir-Regolament jiġu implimentati, l-interessi finanzjarji tal-Unjoni Ewropea jkunu protetti mill-applikazzjoni ta’ miżuri preventivi kontra l-frodi, il-korruzzjoni u kull attività illegali oħra, permezz ta' verifiki effettivi u, jekk jiġu individwati irregolaritajiet, bl-irkupru tal-ammonti mħallsa bi żball u, fejn xieraq, permezz ta' penali effettivi, proporzjonali u deterrenti, skont l-Artikolu 325 tat-Trattat dwar il-Funzjonament tal-Unjoni Ewropea, ir-Regolament tal-Kunsill (KE, Euratom) Nru 2988/95 tat-18 ta' Diċembru 1995 dwar il-protezzjoni tal-interessi finanzjarji tal-Komunità Ewropea u l-Artikolu 58 tar-Regolament Finanzjarju.

Il-Kummissjoni jew ir-rappreżentanti tagħha u l-Qorti tal-Awdituri għandu jkollhom is-setgħa li jawditjaw, abbażi tad-dokumenti u fuq il-post, fir-rigward tal-benefiċjarji kollha tal-għotja, kuntratturi u subkuntratturi li jkunu rċevew il-fondi tal-Unjoni. OLAF għandu jkun awtorizzat iwettaq kontrolli u spezzjonijiet fuq il-post fuq l-operaturi ekonomiċi kkonċernati direttament jew indirettament minn tali finanzjament skont il-proċeduri stabbiliti fir-Regolament tal-Kunsill (Euratom, KE) Nru 2185/96 tal-11 ta’ Novembru 1996 bl-għan li jiġi stabbilit li kien hemm frodi, korruzzjoni jew kull attività illegali oħra b’rabta ma’ ftehim ta’ għotja jew deċiżjoni jew kuntratt li jikkonċerna finanzjament tal-Unjoni.

Mingħajr preġudizzju għas-sottoparagrafi preċedenti, id-deċiżjonijiet, il-ftehimiet u l-kuntratti li jirriżultaw mill-implimentazzjoni tar-Regolament għandhom jawtorizzaw espressament lill-Kummissjoni, inkluż l-OLAF, u lill-Qorti tal-Awdituri li jwettqu dawn il-verifiki, kontrolli u spezzjonijiet fuq il-post.

3.           IMPATT FINANZJARJU STMAT TAL-PROPOSTA/INIZJATTIVA

3.1.        Intestatura/i tal-qafas finanzjarju pluriennali u tal-linja/i baġitarja/i tan-nefqa affettwata/i

· - Il-linji baġitarji tan-nefqa eżistenti (numerati mill-ġdid għal nomenklatura ġdida għall-2014-2020)

· Linji baġitarji ġodda mitluba (in-nomenklatura ġdida 2014-2020).

Intestatura tal-qafas finanzjarju pluriennali || Linja baġitarja || Tip ta' nfiq || Kontribuzzjoni

|| Diff./mhux diff. || minn pajjiżi tal-EFTA[36] || minn pajjiżi kandidati[37] || minn pajjiżi terzi || skont it-tifsira tal-Artikolu 18(1)(aa) tar-Regolament Finanzjarju

3 || 17 01 04 03 Nefqa amministrattiva b'appoġġ għall-miżuri għas-saħħa tal-pjanti, is-sikurezza tal-għalf u tal-ikel, il-qerda tal-mard tal-annimali u l-fond ta' emerġenza || Diff./mhux diff. || IVA/LE || IVA/LE || IVA/LE || IVA/LE

3 || 17 01 06 03 Nefqa amministrattiva b'appoġġ għall-Aġenzija Eżekuttiva għas-Saħħa u l-Konsumaturi || Diff./mhux diff. || IVA/LE || IVA/LE || IVA/LE || IVA/LE

3 || 17 04 01 Kontribuzzjoni finanzjarja li tiżgura titjib fl-istatus tas-saħħa tal-annimali u livell għoli ta' protezzjoni tal-annimali fl-Unjoni || Diff./mhux diff. || IVA/LE || IVA/LE || IVA/LE || IVA/LE

3 || 17 04 02 Kontribuzzjoni finanzjarja li tiżgura l-individwazzjoni f'waqtha ta' organiżmi ta' ħsara għall-pjanti u l-qerda tagħhom || Diff./mhux diff. || IVA/LE || IVA/LE || IVA/LE || IVA/LE

3 || 17 04 03 Kontribuzzjoni finanzjarja li tiżgura kontrolli effettivi, effiċjenti u affidabbli || Diff./mhux diff. || IVA/LE || IVA/LE || IVA/LE || IVA/LE

3 || 17 04 04 Miżuri ta' emerġenza marbuta mas-saħħa tal-annimali u tal-pjanti || Diff./mhux diff. || IVA/LE || IVA/LE || IVA/LE || IVA/LE

4 || 17 04 10 Ftehimiet internazzjonali || Diff./mhux diff. || IVA/LE || IVA/LE || IVA/LE || IVA/LE

3.2.        Impatt stmat fuq in-nefqa

3.2.1.     Sommarju tal-impatt stmat fuq in-nefqa

(fi prezzijiet attwali)

EUR miljun (sa 3 punti deċimali)

Intestatura tal-qafas finanzjarju pluriennali: || 3 || Sigurtà u ċittadinanza

DĠ: SANCO || || Sena || Sena || Sena || Sena || Sena || Sena || Sena || Sena || TOTAL

2014 || 2015 || 2016 || 2017 || 2018 || 2019 || 2020 || >2020

Approprjazzjonijiet operazzjonali || || || || || || || || ||

17 04 01 Li jikkontribwixxu għal titjib fl-istatus tas-saħħa tal-annimali u livell għoli ta' protezzjoni tal-annimali fl-Unjoni || Impenji || (1) || 180,000 || 178,500 || 177,000 || 175,000 || 171,500 || 171,500 || 171,000 || || 1,224,500

Pagamenti || (2) || 10,000 || 165,000 || 163,000 || 161,000 || 157,000 || 158,000 || 159,000 || 251,500 || 1,224,500

17 04 02 Li jikkontribwixxu għal individwazzjoni f'waqtha ta' organiżmi ta' ħsara għall-pjanti u l-qerda tagħhom || Impenji || (1) || 5,000 || 10,000 || 14,000 || 19,000 || 25,000 || 28,500 || 30,500 || || 132,000

Pagamenti || (2) || 3,000 || 9,000 || 12,000 || 17,000 || 22,000 || 25,000 || 26,000 || 18,000 || 132,000

17 04 03 Li jikkontribwixxu biex itejbu l-effikaċja, l-effiċjenza u l-affidabbiltà tal-kontrolli || Impenji || (1) || 45,724 || 47,360 || 50,401 || 53,558 || 57,520 || 60,021 || 62,162 || || 376,746

Pagamenti || (2) || 18,000 || 45,000 || 48,000 || 50,000 || 52,000 || 55,000 || 58,000 || 50,746 || 376,746

17 04 04 Miżuri ta' emerġenza marbuta mas-saħħa tal-annimali u tal-pjanti || Impenji || (1) || 20,000 || 20,000 || 20,000 || 20,000 || 20,000 || 20,000 || 20,000 || || 140,000

|| Pagamenti || (2) || 10,000 || 20,000 || 20,000 || 20,000 || 20,000 || 20,000 || 20,000 || 10,000 || 140,000

Approprjazzjonijiet ta' natura amministrattiva ffinanzjati mill-qafas finanzjarju għal programmi speċifiċi (linji "BA" preċedenti, riċerka indiretta u diretta) || || || || || || || || ||

17 01 04 03 Nefqa għal appoġġ fil-qasam tas-sikurezza tal-ikel u tal-għalf, is-saħħa tal-annimali, it-trattament xieraq tal-annimali u s-saħħa tal-pjanti || (3) || 2,670 || 2,670 || 2,670 || 2,670 || 2,670 || 2,670 || 2,670 || || 18,690

17 01 06 03 Aġenzija Eżekuttiva għas-Saħħa u l-Konsumaturi — Kontribuzzjoni fil-qasam tas-sikurezza tal-ikel u tal-għalf, is-saħħa tal-annimali, it-trattament xieraq tal-annimali u s-saħħa tal-pjanti

TOTAL tal-approprjazzjonijiet || Impenji || =1+3 || 253,394 || 258,530 || 264,071 || 270,228 || 276,690 || 282,691 || 286,332 || || 1,891,936

għad-DĠ SANCO || Pagamenti || =2+3 || 43,670 || 241,670 || 245,670 || 250,670 || 253,670 || 260,670 || 265,670 || 330,246 || 1,891,936

TOTAL tal-approprjazzjonijiet operazzjonali || Impenji || (4) || 250,724 || 255,860 || 261,401 || 267,558 || 274,020 || 280,021 || 283,662 || || 1,873,246

Pagamenti || (5) || 41,000 || 239,000 || 243,000 || 248,000 || 251,000 || 258,000 || 263,000 || 330,426 || 1,873,246

TOTAL tal-approprjazzjonijiet ta' natura amministrattiva ffinanzjati mill-qafas finanzjarju għal programmi speċifiċi || (6) || 2,670 || 2,670 || 2,670 || 2,670 || 2,670 || 2,670 || 2,670 || || 18,690

TOTAL tal-approprjazzjonijiet || Impenji || =4+6 || 253,394 || 258,530 || 264,071 || 270,228 || 276,690 || 282,691 || 286,332 || || 1,891,936

taħt l-INTESTATURA 3

tal-qafas finanzjarju plurieannali || Pagamenti || =5+6 || 43,670 || 241,670 || 245,670 || 250,670 || 253,670 || 260,670 || 265,670 || 330,246 || 1,891,936

Ammont ta' EUR 5 miljun marbut mal-bidla fil-klima huwa assenjat fl-abbozz tal-baġit tal-2014, b'mod partikolari għall-qerda tal-mard tal-bluetongue u x-Schmallenberg.

Intestatura tal-qafas finanzjarju pluriennali: || 5 || Nefqa amministrattiva

EUR miljun (sa 3 punti deċimali)

|| || || Sena || Sena || Sena || Sena || Sena || Sena || Sena || TOTAL

2014 || 2015 || 2016 || 2017 || 2018 || 2019 || 2020

DĠ: SANCO || ||

Riżorsi Umani || 3,349 || 3,349 || 3,349 || 3,349 || 3,349 || 3,349 || 3,349 || 23,446

Nefqa amministrattiva oħra || 6,121 || 6,243 || 6,368 || 6,495 || 6,625 || 6,758 || 6,893 || 45,503

TOTAL || Approprjazzjonijiet || 9,470 || 9,593 || 9,717 || 9,845 || 9,975 || 10,107 || 10,242 || 68,949

|| || || || || || || || || ||

TOTAL tal-approprjazzjonijiet || (Impenji totali = pagamenti totali) || 9,470 || 9,593 || 9,717 || 9,845 || 9,975 || 10,107 || 10,242 || 68,949

taħt l-INTESTATURA 5

tal-qafas finanzjarju plurieannali

EUR miljun (sa 3 punti deċimali)

|| || || Sena || Sena || Sena || Sena || Sena || Sena || Sena || Sena >2020 || TOTAL

2014 || 2015 || 2016 || 2017 || 2018 || 2019 || 2020

TOTAL tal-approprjazzjonijiet || Impenji || 262,865 || 268,123 || 273,789 || 280,073 || 286,665 || 292,799 || 296,575 || || 1,960,886

taħt INTESTATURI 1 sa 5

tal-qafas finanzjarju plurieannali || Pagamenti || 53,141 || 251,263 || 255,388 || 260,515 || 263,645 || 270,778 || 275,913 || 330,246 || 1,960,886

Ta' min ifakkar li l-ammonti msemmija taħt il-punt 3.2.1 huma ammonti massimi u l-ħtiġijiet annwali se jiġu evalwati kull sena fil-limitu tal-ammont massimu globali.

3.2.2.     Impatt stmat fuq l-approprjazzjonijiet operazzjonali

– ¨  Il-proposta/l-inizjattiva ma teħtieġ l-ebda użu ta' approprjazzjonijiet operazzjonali

– þ  Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt (Approprjazzjonijiet ta' impenn f’EUR miljun (sa 3 punti deċimali)

OBJETTIV SPEĊIFIKU Nru 1 - Jingħata kontribut għal livell għoli ta’ sikurezza tal-ikel u tas-sistemi ta’ produzzjoni tal-ikel u ta’ prodotti oħra li jistgħu jaffettwaw is-sikurezza tal-ikel, filwaqt li titjieb is-sostenibbiltà tal-produzzjoni tal-ikel

Spejjeż marbuta mal-ksib ta' dan il-objettiv huma integrati f’dawk marbuta ma' miżuri meħuda skont in-numru tal-objettiv 2 sa 4.

OBJETTIV SPEĊIFIKU Nru 2 - Jingħata kontribut għat-titjib fl-istatus tas-saħħa tal-annimali fl-Unjoni u tat-trattament xieraq tal-annimali

Objettivi u riżultati || || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL ||

RIŻULTATI ||

||

Tip ta' riżultat || Spiża medja tar-riżultat || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd totali ta' riżultati || Spiża totali ||

- Riżultat || Programmi għall-qerda, il-kontroll u s-sorveljanza tal-mard u taż-żoonożi. || +/- 1.4 miljun || +/-120 || 170 || +/-120 || 168 || +/-120 || 166 || +/-120 || 163 || +/-120 || 159 || +/-120 || 158 || +/-120 || 157 || +/- 840 || 1,141 ||

- Riżultat || Miżuri veterinarji oħra u xiri ta' vaċċini/antiġeni || +/- 2,38 miljun || +/- 5 || 10 || +/- 5 || 10,5 || +/- 5 || 11 || +/- 5 || 12 || +/- 5 || 12,5 || +/- 5 || 13,5 || +/- 5 || 14 || +/- 35 || 83,5 ||

Subtotal għall-objettiv speċifiku Nru 2 || || 180,0 || || 178,5 || || 177,0 || || 175,0 || || 171,5 || || 171,5 || || 171 || || 1,224.5. ||

OBJETTIV SPEĊIFIKU Nru 3 - Jingħata kontribut għall-individwazzjoni f'waqtha tal-pesti u l-qerda tagħhom fejn dawk il-pesti jkunu daħlu fl-Unjoni

Objettivi u riżultati || || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL

RIŻULTATI

Tip ta' riżultat || Spiża medja tar-riżultat || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd totali ta' riżultati || Spiża totali

- Riżultat || Programmi ta’ sorveljanza || +/-0,9 || 5 || 5,0 || 13 || 9,0 || 16 || 13,0 || 20 || 18,0 || 24 || 24,0 || 27 || 27,0 || 31 || 29,0 || 136 || 125,0

- Riżultat || Żrieragħ || 0,600 || - || - || 2 || 1,0 || 2 || 1,0 || 2 || 1,0 || 2 || 1,0 || 2 || 1,5 || 2 || 1,5 || 12 || 7,0

Subtotal għall-objettiv speċifiku Nru 3 || || 5,0 || || 10,0 || || 14,0 || || 19,0 || || 25,0 || || 28,5 || || 30,5 || || 132,0

OBJETTIV SPEĊIFIKU Nru 4 – Jingħata kontribut għat-titjib tal-effikaċja, l-effiċjenza u l-affidabbiltà tal-kontrolli

Objettivi u riżultati || || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL

RIŻULTATI

Tip ta' riżultat || Spiża medja tar-riżultat || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd totali ta' riżultati || Spiża totali

- Riżultat || Laboratorji u ċentri || 0,330 || 45 || 15 || 45 || 15,5 || 47 || 16 || 48 || 16,5 || 51 || 17 || 55 || 18 || 56 || 18,8 || 345 || 116,8

Riżultat || BTSF || 0,150 || 95 || 15 || 100 || 15,5 || 105 || 16 || 105 || 16,5 || 116 || 17,5 || 122 || 18 || 127 || 19 || 770 || 117,5

- Riżultat || Komunikazzjoni || 0,25 || 8 || 2,0 || 8 || 2,0 || 8 || 2,0 || 10 || 2,5 || 10 || 2,5 || 10 || 2,70 || 10 || 2,70 || 64 || 16,4

- Riżultat || Esperti nazzjonali || 0,005 || 125 || 0,5 || 125 || 0,5 || 125 || 0,6 || 125 || 0,6 || 125 || 0,7 || 125 || 0,7 || 125 || 0,7 || 875 || 4,3

- Riżultat || Sistemi ta' twissija u għodod tal-IT || 1,300 || 6 || 8 || 7 || 8 || 7 || 8,5 || 7 || 9 || 7 || 9,5 || 7 || 10 || 8 || 10 || 49 || 63,0

- Riżultat || Ġbir tad-dejta || 0,500 || 4 || 2 || 5 || 2,5 || 6 || 3 || 7 || 3,5 || 9 || 4,5 || 9 || 4,5 || 9 || 4,5 || 49 || 24,5

- Riżultat || Organizzazzjonijiet internazzjonali || 0,370 || 3 || 1,0 || 3 || 1,0 || 4 || 1,5 || 4 || 1,5 || 4 || 1,5 || 4 || 1,8 || 6 || 2,0 || 28 || 10,3

- Riżultat || Studji u evalwazzjonijiet || 0,300 || 7 || 2,224 || 7 || 2,360 || 9 || 2,901 || 10 || 3,358 || 12 || 4,320 || 12 || 4,321 || 13 || 4,462 || 70 || 23,946

Subtotal għall-objettiv speċifiku Nru 4 || || 45,724 || || 47,360 || || 50,401 || || 53,558 || || 57,520 || || 60,021 || || 62,162 || || 376,746

OBJETTIVI SPEĊIFIĊI Nru 2 u 3 - Miżuri ta' emerġenza marbuta mas-saħħa tal-annimali u tal-pjanti

Objettivi u riżultati || || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL

RIŻULTATI

Tip ta' riżultat || Spiża medja tar-riżultat || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd totali ta' riżultati || Spiża totali

Riżultat || Emerġenzi saħħa tal-annimali u saħħa tal-pjanti || || * || 20,0 || * || 20,0 || * || 20,0 || * || 20,0 || * || 20,0 || * || 20,0 || * || 20,0 || * || 140,0

|| || || || || || || || || || || || || || || || || ||

Subtotal għal objettiv speċifiku Nru 2 u 3 || || 20 || || 20 || || 20 || || 20 || || 20 || || 20 || || 20 || || 140

* għadd ta’ riżultati mhux magħrufa: skont l-għadd ta' tifqigħat

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL

SPIŻA TOTALI || || 250,724 || || 255,860 || || 261,401 || || 267,558 || || 274,020 || || 280,021 || || 283,662 || || 1,873,246

Ta' min ifakkar li l-ammonti msemmija taħt il-punt 3.2.2 huma ammonti massimi u l-ħtiġijiet annwali se jiġu evalwati kull sena fil-limitu tal-ammont massimu globali.

3.2.3.     Impatt stmat fuq l-approprjazzjonijiet ta' natura amministrattiva

3.2.3.1.  Sommarju

– ¨  Il-proposta/l-inizjattiva ma teħtieġx l-użu ta' approprjazzjonijiet amministrattivi

– þ  Il-proposta/l-inizjattiva teħtieġ l-użu ta' approprjazzjonijiet amministrattivi, kif spjegat hawn taħt:

EUR miljun (sa 3 punti deċimali)

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL

INTESTATURA 5 tal-qafas finanzjarju plurieannali || || || || || || || ||

Riżorsi umani || 3,349 || 3,349 || 3,349 || 3,349 || 3,349 || 3,349 || 3,349 || 23,446

Nefqa amministrattiva oħra || 6,121 || 6,243 || 6,368 || 6,495 || 6,625 || 6,758 || 6,893 || 45,503

Subtotal INTESTATURA 5 tal-qafas finanzjarju plurieannali || 9,470 || 9,593 || 9,717 || 9,845 || 9,975 || 10,107 || 10,242 || 68,949

'Il barra mill-INTESTATURA 5[38] tal-qafas finanzjarju pluriennali ||

Riżorsi umani || xx || xx || xx || xx || xx || xx || xx || xx

Nefqa oħra ta' natura amministrattiva || xx || xx || xx || xx || xx || xx || xx || xx

Subtotal 'il barra mill-INTESTATURA 5 tal-qafas finanzjarju plurieannali || 2,670 || 2,670 || 2,670 || 2,670 || 2,670 || 2,670 || 2,670 || 18,690

TOTAL || 12,141 || 12,263 || 12,388 || 12,515 || 12,645 || 12,778 || 12,913 || 87,640

Iċ-ċifri ta' hawn fuq se jiġu aġġustati skont ir-riżultati tal-proċess ta' esternalizzazzjoni previst. 3.2.3.2.  Rekwiżiti stmati ta' riżorsi umani

– ¨  Il-proposta/l-inizjattiva ma teħtieġx l-użu ta' riżorsi umani

– þ  Il-proposta/l-inizjattiva teħtieġ l-użu ta' riżorsi umani, kif spjegat hawn taħt:

L-istima trid tiġi espressa f’ammonti sħaħ (jew l-aktar sa punt deċimali wieħed)

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020

Ÿ Karigi fil-pjan ta’ stabbiliment (uffiċjali u aġenti temporanji) ||

XX 01 01 01 (Kwartieri Ġenerali u Uffiċċji tar-Rappreżentanza tal-Kummissjoni) || 24,5 || 24,5 || 24,5 || 24,5 || 24,5 || 24,5 || 24,5

XX 01 01 02 (Delegazzjonijiet) || || || || || || ||

XX 01 05 01 (Riċerka indiretta) || || || || || || ||

10 01 05 01 (Riċerka diretta) || || || || || || ||

Ÿ Persunal estern (Ekwivalenti ta' unità Full Time: FTE)[39] ||

XX 01 02 01 (AK, INT, ENS mill-"qafas finanzjarju globali") || 2 || 2 || 2 || 2 || 2 || 2 || 2

XX 01 02 02 (AK, INT, JED, AL u ENS fid-delegazzjonijiet) || || || || || || ||

XX 01 04 ss [40] || - fil-Kwartieri Ġenerali[41] || || || || || || ||

- fid-delegazzjonijiet || || || || || || ||

XX 01 05 02 (AK, INT, ENS – Riċerka indiretta) || || || || || || ||

10 01 05 02 (AK, INT, ENS – Riċerka diretta) || || || || || || ||

Linji baġitarji oħra (speċifika) || || || || || || ||

TOTAL || 26,5 || 26,5 || 26,5 || 26,5 || 26,5 || 26,5 || 26,5

XX huwa l-qasam ta' politika jew it-titolu baġitarju kkonċernat.

Bħalissa l-ġestjoni tan-nefqa fil-qasam tal-katina alimentari, is-saħħa u t-trattament xieraq tal-annimali, u tas-saħħa tal-pjanti u l-materjal riproduttiv tal-pjanti (in-nefqa fil-qasam tal-ikel u l-għalf) koperta mill-proposta SANCO/11220/2012 Rev.1 hija mwettqa minn 28,5 FTE. Madankollu huwa mistenni li mill-2014 'il quddiem 26,5 FTE se jkunu biżżejjed. Dan in-numru jinkludi persunal biss ta' DĠ SANCO.

Dawn iċ-ċifri jirreferu biss għall-persunal għall-ġestjoni tan-nefqa fil-qasam tal-"ikel u l-għalf" u, għalhekk, il-persunal inkarigat mill-implimentazzjoni operazzjonali tal-politiki settorjali mhuwiex inkluż. Madankollu, ir-reviżjoni tal-qafas leġiżlattiv għall-politiki settorjali (is-saħħa tal-annimali, il-pesti, il-materjali riproduttivi tal-pjanti u l-kontrolli) li huma proposti wkoll fl-istess waqt bħal dan ir-regolament tal-qafas finanzjarju, ma għandha l-ebda impatt ieħor fuq ir-riżorsi finanzjarji u umani għajr dak indikat f'din id-Dikjarazzjoni Finanzjarja Leġiżlattiva komuni.

Ir-riżorsi umani meħtieġa se jiġu sodisfatti mill-persunal tad-DĠ li diġà huwa assenjat bil-ġestjoni tal-azzjoni u/jew ġie allokat mill-ġdid fid-DĠ, flimkien, jekk ikun meħtieġ, ma' kull allokazzjoni addizzjonali li tista' tingħata lid-DĠ ta' ġestjoni skont il-proċedura ta' allokazzjoni annwali u fid-dawl tal-limiti baġitarji.

Deskrizzjoni tal-kompiti li jridu jitwettqu:

Uffiċjali u aġenti temporanji || · Koordinazzjoni, abbozzar u organizzazzjoni tal-proċedura ta’ adozzjoni għall-programmi ta’ ħidma annwali (deċiżjonijiet ta’ finanzjament), inkluża l-konsultazzjoni ta’ kumitat tal-Istati Membri · Segwitu / monitoraġġ tal-ipprogrammar u l-implimentazzjoni tal-attivitajiet finanzjarji skont ir-regoli baġitarji u finanzjarji fis-seħħ; kontribuzzjoni għar-rapporti tal-attivitajiet · Preparazzjoni u manutenzjoni tal-għodda tal-informazzjoni; provvista tal-informazzjoni għal awditjar intern u estern · Twaqqif u verifika tal-pagamenti, l-impenji, u l-fajls tal-akkwist/għotja; jiġi żgurat li dawn jikkonformaw mat-termini tal-kuntratt, u mar-regoli/regolamenti finanzjarji · Assigurazzjoni ta’ kontabbiltà xierqa tat-tranżazzjonijiet finanzjarji · Monitoraġġ tal-iskadenzi tal-pagamenti skont ir-regolamentazzjoni u r-regoli finanzjarji kif ukoll tal-flussi tax-xogħol tal-fajls finanzjarji individwali · Preparazzjoni u provvista ta’ taħriġ lill-organizzazzjonijiet esterni rigward l-applikazzjonijiet għas-sejħiet għal proposti · Komunikazzjoni tal-informazzjoni rilevanti lill-kuntratturi u lill-benefiċjarji matul iż-żmien tal-proġett · Tnedija, ġestjoni u monitoraġġ tas-sejħiet għal proposti/offerti, evalwazzjoni u għażla tal-proġetti · Jingħata segwitu għall-implimentazzjoni tal-proġetti u l-prestazzjoni tal-maniġers u l-imsieħba tal-proġett, il-monitoraġġ tal-obbligi kuntrattwali · Monitoraġġ tal-iskadenzi tal-pagamenti skont ir-regolamentazzjoni u r-regoli finanzjarji kif ukoll tal-flussi tax-xogħol tal-fajls finanzjarji individwali · Verifika tal-konformità mar-Regolament Finanzjarju, ir-regoli ta’ Implimentazzjoni, ir-regoli interni dwar l-eżekuzzjoni tal-baġit, l-Att Bażiku, id-deċiżjoni ta’ Finanzjament u regoli oħra relatati u d-dispożizzjonijiet baġitarji fit-tranżazzjonijiet finanzjarji · Verifika tal-ftehim ta' għotja/kuntratt mal-benefiċjarju/kuntrattur magħżul, u l-ġustifikazzjoni tiegħu · Verifika li l-metodoloġija, inklużi l-kriterji tal-eliġibbiltà, l-għażla u l-għotja ġew applikati korrettament fil-proċess tal-għażla u li l-proċess tal-għażla twettaq skont ir-regoli · Verifika tal-korrettezza tal-proċessi ta’ impenn

Persunal estern || · Preparazzjoni u manutenzjoni tal-għodda tal-informazzjoni; provvista tal-informazzjoni għal awditjar intern u estern · Twaqqif u verifika tal-pagamenti, l-impenji, u l-fajls tal-akkwist/għotja; jiġi żgurat li dawn jikkonformaw mat-termini tal-kuntratt, u mar-regoli/regolamenti finanzjarji · Assigurazzjoni ta’ kontabbiltà xierqa tat-tranżazzjonijiet finanzjarji · Monitoraġġ tal-iskadenzi tal-pagamenti skont ir-regolamentazzjoni u r-regoli finanzjarji kif ukoll tal-flussi tax-xogħol tal-fajls finanzjarji individwali · Preparazzjoni u provvista ta’ taħriġ lill-organizzazzjonijiet esterni rigward l-applikazzjonijiet għas-sejħiet għal proposti · Komunikazzjoni tal-informazzjoni rilevanti lill-kuntratturi u lill-benefiċjarji matul iż-żmien tal-proġett · Tnedija, ġestjoni u monitoraġġ tas-sejħiet għal proposti/offerti, evalwazzjoni u għażla tal-proġetti · Jingħata segwitu għall-implimentazzjoni tal-proġetti u l-prestazzjoni tal-maniġers u l-imsieħba tal-proġett, il-monitoraġġ tal-obbligi kuntrattwali · Monitoraġġ tal-iskadenzi tal-pagamenti skont ir-regolamentazzjoni u r-regoli finanzjarji kif ukoll tal-flussi tax-xogħol tal-fajls finanzjarji individwali · Verifika tal-konformità mar-Regolament Finanzjarju, ir-regoli ta’ Implimentazzjoni, ir-regoli interni dwar l-eżekuzzjoni tal-baġit, l-Att Bażiku, id-deċiżjoni ta’ Finanzjament u regoli oħra relatati u d-dispożizzjonijiet baġitarji fit-tranżazzjonijiet finanzjarji · Verifika tal-ftehim ta' għotja/kuntratt mal-benefiċjarju/kuntrattur magħżul, u l-ġustifikazzjoni tiegħu · Verifika li l-metodoloġija, inklużi l-kriterji tal-eliġibbiltà, l-għażla u l-għotja ġew applikati korrettament fil-proċess tal-għażla u li l-proċess tal-għażla twettaq skont ir-regoli · Verifika tal-korrettezza tal-proċessi ta’ impenn

3.2.4.     Kompatibbiltà mal-qafas finanzjarju pluriennali attwali

– þ  Il-proposta/l-inizjattiva hija kompatibbli mal-qafas finanzjarju pluriennali mill-2014 sal-2020 kif propost mill-Kummissjoni.

– ¨  Il-proposta/l-inizjattiva se tinvolvi riprogrammar tal-intestatura rilevanti fil-qafas finanzjarju pluriennali.

Spjega liema programmazzjoni mill-ġdid hija meħtieġa, billi tispeċifika l-linji baġitarji kkonċernati u l-ammonti korrispondenti.

MHUX APPLIKABBLI

– ¨  Il-proposta/l-inizjattiva teħtieġ l-applikazzjoni tal-istrument tal-flessibilità jew ir-reviżjoni tal-qafas finanzjarju pluriennali[42].

Spjega dak li huwa meħtieġ, billi tispeċifika l-intestaturi u l-linji baġitarji kkonċernati u l-ammonti korrispondenti.

MHUX APPLIKABBLI

3.2.5.     Kontribuzzjonijiet minn partijiet terzi

– þ Il-proposta/l-inizjattiva ma tipprevedix kofinanzjament minn partijiet terzi

– ¨  Il-proposta/l-inizjattiva tipprevedi l-kofinanzjament stmat hawn taħt:

Approprjazzjonijiet f'EUR miljun (sa 3 punti deċimali)

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Total

Speċifika l-korp ta' kofinanzjament || || || || || || || ||

TOTAL tal-approprjazzjonijiet kofinanzjati || || || || || || || ||

3.3.        Impatt stmat fuq id-dħul

– þ  Il-proposta/l-inizjattiva ma għandha l-ebda impatt finanzjarju fuq id-dħul.

– ¨  Il-proposta/l-inizjattiva għandha l-impatt finanzjarju li ġej:

¨         fuq ir-riżorsi proprji

¨         fuq dħul mixxellanju

EUR miljun (sa 3 punti deċimali)

Linja baġitarja tad-dħul: || Approprjazzjonijiet disponibbli għas-sena baġitarja attwali || Impatt tal-proposta/inizjattiva[43]

Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020

Artikolu …………. || || || || || || || ||

Għad-dħul mixxellanju assenjat, speċifika l-linja/i baġitarja/i tan-nefqa affettwata/i.

MHUX APPLIKABBLI

Speċifika l-metodu għall-kalkolu tal-impatt fuq id-dħul.

MHUX APPLIKABBLI

[1]               COM(2011) 398 finali.

[2]               COM(2012) 388 finali.

[3]               COM(2011) 398 finali.

[4]               COM(2012) 388 finali.

[5]               ĠU C , , p. .

[6]               ĠU C , , p. .

[7]               ĠU C , , p. .

[8]               COM(2011) 398 finali.

[9]               COM(2012) 388 finali.

[10]             ĠU C , , p. .

[11]             COM(2010) 543 finali.

[12]             ĠU L 169, 10.7.2000., p. 1.

[13]             ĠU L 78, 20.3.2013, p. 23.

[14]             ĠU L 298, 26.10.2012, p. 1.

[15]             ĠU L 378, 31.12.1982, p. 58.

[16]             ĠU L 55, 28.2.2011, p. 13.

[17]             ĠU L 155, 18.6.2009, p. 30.

[18]             ĠU 125, 11.7.1966, p. 2289/66.

[19]             ĠU L 340, 9.12.1976, p. 25.

[20]             ĠU L 226, 13.8.1998, p. 16.

[21]             ĠU L 267, 8.10.2008, p. 8.

[22]             ĠU L 31, 1.2.2002, p. 1.

[23]             ĠU L 165, 30.4.2004, p. 1.

[24]             ĠU L 70, 16.3.2005, p. 1.

[25]             ĠU L 309, 24.11.2009, p. 71.

[26]             ĠU L 309, 24.11.2009, p. 1.

[27]             ĠU L 292, 15.11.1996, p. 2.

[28]             ĠU L 31, 1.2.2002, p. 1.

[29]             ĠU L 55, 28.2.2011, p. 13.

[30]             ABM: Ġestjoni Bbażata fuq l-Attività – ABB: Ibbaġittjar Ibbażat fuq l-Attività.

[31]             Kif imsemmi fl-Artikolu 49(6)(a) jew (b) tar-Regolament Finanzjarju.

[32]             Id-dettalji tal-metodi ta' ġestjoni u r-referenzi għar-Regolament Finanzjarju jinsabu fis-sit tal-BudgWeb: http://www.cc.cec/budg/man/budgmanag/budgmanag_en.html

[33]             Kif imsemmi fl-Artikolu 185 tar-Regolament Finanzjarju.

[34]             ĠU L 11, 16.1.2003, p. 1.

[35]             Deċiżjoni tal-Kummissjoni C(2008)4943 tad-9 ta’ Settembru 2008.

[36]             EFTA: Assoċjazzjoni Ewropea tal-Kummerċ Ħieles.

[37]             Il-pajjiżi kandidati u, fejn applikabbli, pajjiżi kandidati potenzjali mill-Balkani tal-Punent.

[38]             L-għajnuna u n-nefqa teknika u/jew amministrattiva b’appoġġ għall-implimentazzjoni ta’ programmi u/jew azzjonijiet tal-UE (il-linji "BA" preċedenti), riċerka indiretta, riċerka diretta.

[39]             AK= Aġent Kuntrattwali; INT= persunal tal-aġenzija ("Intérimaire"); JED= "Jeune Expert en Délégation" (Esperti Żgħażagħ fid-Delegazzjonijiet); AL= Aġent Lokali; ENS = Espert Nazzjonali Ssekondat.

[40]             Taħt il-limitu massimu għal persunal estern minn approprjazzjonijiet operazzjonali (il-linji "BA" preċedenti).

[41]             Essenzjalment għall-Fondi Strutturali, il-Fond Agrikolu Ewropew għall-Iżvilupp Rurali (FAEŻR) u l-Fond Ewropew għas-Sajd (FES).

[42]             Ara l-punti 19 u 24 tal-Ftehim Interistituzzjonali.

[43]             Fir-rigward tar-riżorsi proprji tradizzjonali (id-dazji doganali, it-taxxi fuq iz-zokkor), l-ammonti indikati jridu jkunu ammonti netti, jiġifieri ammonti grossi wara li minnhom jitnaqqsu 25 % għall-ispejjeż tal-ġbir.