MEMORANDUM TA’ SPJEGAZZJONI

1.           IL-KUNTEST TAL-PROPOSTA

L-Unjoni Ewropea tipprovdi garanzija baġitarja lill-Bank Ewropew tal-Investiment (BEI) li tkopri r-riskji ta’ natura sovrana u politika b’rabta mal-operazzjonijiet ta' finanzjament tagħha mwettqa barra mill-Unjoni bħala appoġġ għall-għanijiet tal-politika esterna tal-Unjoni. Il-garanzija tal-UE għall-operazzjonijiet esterni tal-BEI hija mezz effettiv li jorbot flimkien il-fondi baġitarji tal-UE, permezz tal-forniment tal-Fond ta’ Garanzija għal azzjonijiet esterni, mar-riżorsi proprji tal-BEI. Barra minn hekk, il-BEI jiffinanzja operazzjonijiet tal-grad ta' investiment barra l-Unjoni bir-riskju proprju tagħha, kif ukoll attivitajiet taħt mandati speċifiċi bħal f’pajjiżi tal-AKP.

Il-ħtieġa għal garanzija tal-baġit tal-UE għall-operazzjonijiet esterni tal-BEI tinbet mill- obbligu tal-bank skont l-Istatut tiegħu li jiżgura sigurtà adegwata għall-operazzjonijiet ta’ self kollha tiegħu u, f’sens aktar wiesa’, mill-ħtieġa li titħares l-affidabbiltà finanzjarja tal-BEI u ma jiġix kompromess il-kompitu tiegħu li jikkontribwixxi lejn l-iżvilupp kontinwu tal-Istati Membri tal-UE. Il-garanzija tal-UE kienet l-istrument ewlieni biex tiġi żgurata l-kompatibilità bejn l-istruttura finanzjarja tal-BEI, li tiġi sinifikantement aktar influwenzata minn Istituzzjonijiet Finanzjarji Internazzjonali oħra (IFIs), u r-riskju inerenti ferm ogħla ta’ self lil pajjiżi terzi b'kunsiderazzjoni tal-bżonn illi jiġi evitat deterjorament fil-klassifikazzjoni AAA tal-Bank filwaqt li jiġi limitat il-konsum tal-kapital tal-BEI. Filwaqt li ż-żieda kapitali li ġiet approvata dan l-aħħar tippermetti li s-self mill-BEI jiżdied fi ħdan l-UE, l-attività esterna tal-BEI ma għandhiex tiġi affettwata.

L-ambitu kumplessiv u l-kundizzjonijiet ġenerali tal-kopertura tal-garanzija tal-UE għall-operazzjonijiet esterni tal-BEI huma stipulati fid-Deċiżjonijiet tal-Parlament Ewropew u tal-Kunsill. L-aktar deċiżjoni riċenti li tkopri l-operazzjonijiet ta’ finanzjament mill-BEI barra l-Unjoni matul il-perjodu li jibda fl-1 ta’ Frar 2007 u jintemm fil-31 ta’ Diċembru 2013, ġiet stabbilita permezz tad-Deċiżjoni Nru 1080/2011/UE tal-Parlament Ewropew u tal-Kunsill tal-25 ta’ Ottubru 2011 [1] (id-"Deċiżjoni attwali"). L-Artikolu 16 tad-Deċiżjoni attwali jirrikjedi li l-Kummissjoni tippreżenta proposta għall-istabbiliment tal-garanzija tal-UE skont il-qafas finanzjarju pluriennali li jmiss lill-Parlament Ewropew u l-Kunsill.

F’dan il-kuntest, il-Premessa 40 tad-Deċiżjoni attwali tipprevedi rekwiżiti speċifiċi: "Meta tippreżenta l-proposta dwar il-garanzija tal-UE lill-BEI għal proġetti mwettqa barra mill-Unjoni taħt il-qafas finanzjarju pluriennali li jmiss, Il-Kummissjoni għandha tkun mistiedna b'mod partikolari biex teżamina, f'kooperazzjoni mill-qrib mal-BEI u waqt li tieħu kont tal-implikazzjonijiet tal-proviżjon tal-Fond ta' Garanzija, l-ammonti massimi koperti mill-garanzija tal-UE, il-lista tal-pajjiżi eliġibbli u il-possibbiltà li l-BEI jipprovdi finanzjament tal-mikrokreditu u tipi oħra ta' strumenti. Il-Kummissjoni u l-BEI għandhom jeżaminaw ukoll il-possibbiltajiet li jsaħħu s-sinerġija bejn l-iffinanzjar permezz tal-IPA, l-ENPI, id-DCI u l-EIDHR u l-Istrument għall-Istabbilità u l-mandat estern ġejjieni tal-BEI.

Id-deċiżjoni l-ġdida proposta se tkopri l-garanzija tal-UE għall-operazzjonijiet tal-BEI ta' finanzjament estern matul il-perjodu li jibda mill-1 ta’ Jannar 2014 u jintemm fil-31 ta’ Diċembru 2020.

2.           IR-RIŻULTATI TAL-KONSULTAZZJONIJIET MAL-PARTIJIET INTERESSATI U TAL-VALUTAZZJONIJIET TAL-IMPATT

Il-Kummissjoni wettqet Valutazzjoni tal-Impatt (VI)[2] li hija mehmuża ma' din il-proposta. Ġew ikkunsidrati l-għażliet ta' politika li ġejjin:

· L-ebda garanzija tal-baġit tal-UE ma ġiet estiża għal xi operazzjonijiet ġodda tal-BEI barra l-Unjoni (l-għażla 0).

· Xenarju ta’ referenza mingħajr ebda bidla fil-garanzija eżistenti tal-UE li jibqa' applikabbli fil-mandat li jmiss, jiġifieri sal-31/12/2020 (għażla nru 1).

· L-adattament tal-istruttura attwali tal-mandat eżistenti b’taħlita ta’ emendi li jirrispondu għall-kuntest il-ġdid ta’ politika. Ġew definiti tliet għażliet sekondarji:

– Ġħażla subordinata nru 2.1 (QRIB) temenda l-ambitu ġeografiku tal-mandat sabiex il-garanzija tal-UE tkun iffukata fuq l-eqreb reġjuni ġirien tal-Unjoni billi jiġu esklużi l-Asja, l-Amerika Latina u l-Afrika t’isfel mill-ambitu ġeografiku, tiġi estiża l-garanzija għal kull tip ta' operazzjonijiet tal-mikrofinanzjament, jitkabbar b'mod sostanzjali l-pakkett iddedikat għat-tibdil fil-klima, u jiġu abbozzati dokumenti ta’ strateġija nazzjonali annwali.

– Għażla subordinata nru 2.2 (MIKRO) iż-żamma tal-ambitu ġeografiku attwali, il-ħolqien ta’ mandat ta’ mikrofinanzjament li jkun igawdi minn garanzija komprensiva tal-UE, l-introduzzjoni ta’ miri għall-finanzjament b'rabta mat-tibdil fil-klima f'pakketti reġjonali, u l-aġġornament ta' linji gwida operattivi tekniċi reġjonali skont l-ipprogrammar indikattiv multiannwali ta’ strumenti finanzjarji esterni tal-UE.

– Għażla subordinata nru 2.3 (FOKUS) tiffoka l-mandat fuq benefiċjarji b’inqas affidabbiltà kreditizja, operazzjonijiet mikrofinanzjarji li jibqgħu ma jkunux espliċitament eliġibbli, l-introduzzjoni ta’ mira kumplessiva ta' sottoskrizzjonijiet akkumpanjata bl-introduzzjoni ta’ sistema ta’ traċċar li tippermetti l-monitoraġġ ta' tnaqqis fl-emissjonijiet assoluti u relattivi tal-gassijiet serra fil-proġetti kollha tal-BEI appoġġati fil-mandat, u taġġorna l-linji gwida operattivi tekniċi reġjonali skont l-ipprogrammar indikattiv multiannwali ta’ strumenti finanzjarji esterni tal-UE.

· Tipprovdi l-garanzija lil Istituzzjonijiet Finanzjarji Ewropej oħra li huma eliġibbli fid-diversi faċilitajiet ta’ taħlit (għażla nru 3).

L-impatti ewlenin li ġejjin ġew rikonoxxuti:

L-għażla nru 0 twassal għall-irtirar tal-BEI minn għadd ta’ pajjiżi u żieda fl-ispejjeż tal-finanzjament għal proġetti ta’ investiment li jinsabu f’dawn il-pajjiżi. Politikament, dan mhux mixtieq speċjalment fil-kuntest tal-kriżi ekonomika globali li tenfasizza l-bżonnijiet sinifikanti ta’ investiment. Jidher li huwa essenzjali li jibqa' jinżamm fluss ta' investiment adegwat lejn il-pajjiżi barra l-Unjoni.

L-għażla nru 1 mhux se tkun qed tirrispondi għall-kuntest il-ġdid ta' politika.

Ġie rikonoxxut li l-għażla subordinata nru 2.3 (FOKUS) iġġib magħha aktar impatti pożittivi u kklassifikat aħjar miż-żewġ għażliet sussidjarji l-oħrajn MIKRO u QRIB analizzati, b’mod partikolari f’termini ta’ impatt baġitarju u koerenza u komplementarjetà mal-politiki u l-istrumenti tal-Unjoni.

L-għażla nru 3 tiftaħ il-garanzija tal-UE għal istituzzjonijiet oħra u għalhekk tnaqqas is-sehem ta' self garantit tal-BEI, li jista’ jkollu impatt negattiv fuq il-viżibilità tal-azzjoni tal-UE, minħabba r-rwol istituzzjonali tal-BEI fl-UE. Barra minn hekk, il-baġit tal-UE kieku jassumi responsabbiltajiet kontinġenti addizzjonali fuq operazzjonijiet ta’ finanzjament imwettqa minn istituzzjonijiet finanzjarji oħra li mhumiex strettament parti mill-kostellazzjoni istituzzjonali tal-UE u li ma għandhomx l-istess azzjonisti. Fl-aħħar nett, l-istituzzjonijiet l-oħrajn għandhom qbil mal-entitajiet governattivi rispettivi tagħhom fir-rigward tal-istrateġiji tagħhom li jista' jillimita l-influwenza tal-Unjoni permezz tal-garanzija tagħha.

L-għażla preferuta hija għalhekk l-għażla subordinata nru 2.3 (FOKUS).

Il-valutazzjoni tal-impatt kienet ibbażata fuq skambji informali ta’ fehmiet mal-partijiet interessati esterni ewlenin inklużi rappreżentanti tal-Istati Membri u rappreżentanti tal-NGOs prinċipali relevanti, li kienu organizzati permezz ta’ laqgħat u seminars f’Ġunju u Ottubru 2012 sabiex jitqies l-istat attwali tar-riflessjonijiet rispettivi. B’mod partikolari, saru skambji ta’ opinjonijiet dwar il-problemi identifikati f’dan ir-rapport kif ukoll dwar l-għażliet maħsuba biex jindirizzawhom. Ir-Rapport tal-VI kien ibbażat ukoll fuq il-konsultazzjonijiet wiegħsa ta’ partijiet interessati ewlenin (dawk milquta b’din id-Deċiżjoni, dawk involuti fl-implimentazzjoni tagħha u tal-leġiżlaturi) li seħħew fil-kuntest tar-reviżjoni tal-mandat 2007-2013 li ntemm fl-aħħar tal-2011. Dawn il-konsultazzjonijiet kollha u l-iskambji informali ta’ fehmiet kienu biżżejjed biex tiġi ffurmata opinjoni dwar il-pożizzjoni ta’ partijiet interessati esterni.

Id-dettalji dwar ir-riżultat prinċipali ta’ dawn il-konsultazzjonijiet huma pprovduti f’dan ir-rapport tal-Valutazzjoni tal-Impatt.

Wara l-ewwel talba għal sottomissjoni mill-ġdid, il-Bord tal-VI ta opinjoni pożittiva dwar l-abbozz tar-rapport tal-VI fid-29 ta’ Jannar 2013. Il-BVI talab aktar kjarifiki dwar l-istat tal-implimentazzjoni tar-rakkomandazzjonijiet tar-reviżjoni ta' nofs it-term u dwar il-funzjoni tal-BEI fi ħdan l-iffinanzjar tal-UE għall-azzjoni esterna u b’kumplementarjetà mal-attività ta' atturi oħra, titjib ulterjuri tal-valutazzjoni tal-impatti u paragun tat-taqsimiet tal-għażla, kif ukoll aktar dettalji dwar il-preżentazzjoni tal-opinjoni tal-partijiet interessati. Ir-rapport kompla jiġi mtejjeb skont dan.

3.           L-ELEMENTI LEGALI TAL-PROPOSTA

Il-propsota għal deċiżjoni tal-Parlament Ewropew u tal-Kunsill hija msejsa fuq il-bażi ġuridika doppja tal-Artikoli 209 u 212 tat-Trattat dwar il-Funzjonament tal-Unjoni Ewropea. B'mod partikolari l-Artikolu 209(3), flimkien mal-Artikolu 208 tiegħu, jipprevedi li l-BEI jikkontribwixxi, skont it-termini stipulati fl-Istatut tiegħu, fl-implimentazzjoni tal-miżuri meħtieġa għall-promozzjoni tal-objettivi tal-politika ta' kooperazzjoni għall-iżvilupp tal-Unjoni.

Il-proposta taqa' taħt il-kompetenza esklużiva tal-Unjoni. Għalhekk, il-prinċipju tas-sussidjarjetà ma japplikax.

Il-proposta hija konformi mal-prinċipju tal-proporzjonalità, billi l-garanzija tal-UE tat prova li hija mezz effiċjenti biex jiġu koperti r-riskji politiċi u sovrani marbuta mal-operazzjonijeit esterni tal-BEI mwettqa b’appoġġ għall-politiki esterni tal-Unjoni. Il-mandat il-ġdid ta’ garanzija tal-UE għall-2014-2020 se jippermetti li l-prattika eżistenti effiċjenti u ekonomikament b’saħħitha tibqa' għaddejja.

Fejn possibbli u rilevanti, l-abbozz tal-proposta leġiżlattiva jinkorpora l-lingwa miftiehma matul negozjati interistituzzjonali u riflessi fid-Deċiżjoni 1080/2011/UE.

4.           L-IMPLIKAZZJONI BAĠITARJA

Il-Fond ta’ Garanzija għal azzjonijiet esterni (“Fond ta’ Garanzija” jew "FG"), li ġie stabbilit bir-Regolament tal-Kunsill (KE, Euratom) Nru 480/2009 tal-25 ta’ Mejju 2009 li jistabbilixxi Fond ta’ Garanzija għall-azzjonijiet esterni[3], jipprovdi riżerva ta’ likwidità għall-baġit tal-Unjoni kontra t-telf imġarrab mill-operazzjonijiet ta’ finanzjament mill-BEI u azzjonijiet esterni oħra tal-UE, jiġifieri l-Assistenza Makro Finanzjarja u s-self tal-Euratom. Il-mandat tal-EIB jirrappreżenta aktar minn 90 % tal-portafoll kopert mill-FG.

Il-FG huwa mogħni bi ħlas annwali wieħed mill-baġit tal-UE. Il-mekkaniżmu ta' forniment tal-FG li għandu l-għan li jżomm il-FG f’livell ta’ 9 % ta' żborsamenti ta' self li għad irid jitħallas, joħloq għalhekk de facto limitu fid-daqs tal-mandat estern tal-BEI kopert mill-garanzija tal-baġit tal-UE. Fl-2010, evalwazzjoni esterna tal-funzjonament tal-Fond ta’ garanzija kkonkludiet li r-rata ta’ forniment ta’ 9 % kienet meqjusa bħala xierqa.

Il-limitu propost huwa kompatibbli mal-ammonti ta' forniment previsti fl-input tekniku tal-Kummissjoni Ewropea fin-negozjati tal-programmi individwali li jimplimentaw il-Qafas Finanzjarju Pluriennali li jmiss mibgħut mill-Kummissjoni fis-27 ta’ Marzu 2013 (EUR 1.193 biljun għall-qafas finanzjarju 2014-2020 fi prezzijiet attwali) u huwa bbażat fuq ix-xejriet mistennija ta’ żborsamenti u ħlasijiet lura ta’ self iggarantit.

Il-proposta tipprevedi limitu massimu ta' operazzjonijiet ta' finanzjament tal-BEI skont il-garanzija tal-UE tul il-perjodu 2014-2020 kollu ta' EUR 28 biljun. Dan il-limitu massimu jinqasam f'żewġ partijiet (i) limitu fiss ta' ammont massimu ta' EUR 25 biljun; u (ii) ammont addizzjonali opzjonali ta' EUR 3 biljun. L-attivazzjoni kollha jew parzjali ta' dan l-ammont opzjonali u d-distribuzzjoni reġjonali se tiġi deċiża skont il-proċedura leġiżlattiva ordinarja wara r-reviżjoni ta' nofs it-term.

Id-daqs aktar limitat tal-limitu fiss imqabbel mad-Deċiżjoni attwali huwa dovut għar-restrizzjoni baġitarja fl-ammont tal-linja baġitarja ta' forniment tal-Fond ta' Garanzija taħt il-Qafas Finanzjarju Pluriennali u mhux marbut mal-prestazzjoni attwali u l-effettività tal-iskema u l-kunsiderazzjonijiet tal-kapaċità tal-assorbiment.

L-implikazzjonijiet baġitarji fir-rigward tal-forniment tal-Fond ta’ Garanzija, inklużi l-preżunzjonijiet sottostanti, kif ukoll ir-riżorsi umani u amministrattivi involuti fl-amministrazzjoni tal-garanzija tal-UE huma stipulati fl-istqarrija finanzjarja li takkumpanja l-proposta.

5.           ELEMENTI FAKULTATTIVI

Minn dak li ħareġ mill-valutazzjoni tal-impatt, il-proposta għandha l-għan li tiżgura l-kontinwazzjoni tal-garanzija tal-UE għall-finanzjament estern tal-BEI għall-perspettivi finanzjarji li jmiss 2014-2020, filwaqt li jsirulha xi bidliet:

•           L-ambitu ġeografiku tal-mandat jiġi ffukat fuq benefiċjarji b'inqas affidabilità kreditizja fejn l-użu tal-garanzija juri l-ogħla valur miżjud.

•           Tissaħħaħ id-dimensjoni tat-tibdil fil-klima tal-mandat sabiex tinċentivizza l-operazzjonijiet tal-BEI f’dan is-settur ewlieni tal-azzjoni esterna tal-Unjoni permezz tal-introduzzjoni ta’ mira kumplessiva ta' sottoskrizzjonijiet akkumpanjata mill-introduzzjoni ta’ sistema ta’ traċċar li tippermetti l-monitoraġġ ta' tnaqqis assolut u relattiv tal-emissjonijiet tal-gassijiet serra tal-proġetti sinifikanti kollha tal-BEI appoġġati mill-mandat.

•           Jiġi allinjat aħjar il-finanzjament mill-BEI mal-politiki tal-Unjoni u tissaħħaħ il-koerenza u l-komplementarjetà mal-istrumenti tal-UE biex dawn jirriflettu b’mod aktar sodisfaċenti l-iżviluppi politiċi f’waqthom permezz ta' dispożizzjoni għall-aġġornament ta' linji gwida operattivi tekniċi reġjonali skont l-ipprogrammar indikattiv pluriennali ta’ strumenti finanzjarji esterni tal-UE.

Spjegazzjoni dettaljata tad-dispożizzjonijiet tal-proposta

L-Artikolu 1 jestendi l-garanzija tal-UE għall-perspettiva finanzjarja li jmiss 2014-2020, bil-possibbiltà ta’ estensjoni ta' sitt xhur biex tkun żgurata l-kontinwità tal-operazzjonijiet ta' finanzjament mill-BEI. Il-garanzija tal-UE hija limitata għal 65 % tal-ammont aggregat tal-ammonti pendenti mħallsa tal-BEI flimkien ma' ammonti relatati (jiġifieri l-imgħaxijiet, il-kummissjonijiet, u ħlasijiet oħra possibbli li jkunu dovuti lill-BEI minn obbligatur garantit skont ftehim ta’ self jew garanzija), b’mod konformi mad-Deċiżjoni attwali. Din tenfasizza li l-BEI juża r-regoli u l-proċeduri tiegħu stess meta jagħti finanzjament kopert mill-garanzija tal-UE, iżda wkoll tikkondizzjonalizza l-kopertura tal-garanzija fir-rigward tal-finanzjament mill-BEI li jitwettaq b’appoġġ għall-għanijiet politiċi esterni tal-UE. Meta mqabbla mad-Deċiżjoni attwali, il-proposta tagħmilha ċara b’mod espliċitu li l-garanzija baġitarja tal-UE tkopri self, garanzija tas-self u strumenti tas-suq kapitali tad-dejn maħruġa għall-benefiċċju ta’ proġetti ta’ investiment.

L-Artikolu 2 jiffissa l-limiti massimi għall-finanzjament tal-UE skont il-garanzija tal-UE (limiti fissi jew opzjonali). Il-limiti massimi reġjonali taħt il-limiti fissi huma ddettaljati fl-Anness I tad-Deċiżjoni proposta.

L-Artikolu 3 jiddetermina l-għanijiet ġenerali li għandhom jiġu segwiti mill-operazzjonijiet ta' finanzjament mill-BEI koperti bil-garanzija tal-UE. Dawn l-objettivi ġenerali huma l-iżvilupp tas-settur privat lokali (b’mod partikolari l-SMEs), l-iżvilupp ta’ infrastruttura soċjali, ambjentali u ekonomika, u l-mitigazzjoni u l-adattament għat-tibdil fil-klima. Matul il-perjodu kopert mid-deċiżjoni l-ġdida, l-operazzjonijiet tat-tibdil fil-klima għandhom jirrappreżentaw medja ta’ mill-inqas 25 % tat-total ta’ operazzjonijiet ta’ finanzjament mill-BEI. Il-BEI għandu, f’kooperazzjoni mal-Kummissjoni u wara konsultazzjoni pubblika, jaġġorna l-istrateġija tat-tibdil fil-klima tiegħu f'dan ir-rigward L-integrazzjoni reġjonali se tkun għan li fuqu tissejjes l-attività ta' finanzjament kollha tal-BEI. Barra minn hekk, il-finanzjament mill-BEI għandu jikkontribwixxi indirettament għall-għanijiet ta’ żvilupp tal-Unjoni.

L-Artikolu 4 jittratta l-lista ta’ pajjiżi kkonċernati mill-propostà u l-potenzjal u l-eliġibilità reali tagħhom. Peress li fid-Deċiżjoni attwali, il-Kummissjoni għandha s-setgħa li tadotta atti delegati biex tattiva jew tissospendi l-eliġibbiltà reali għall-finanzjament mill-BEI taħt il-garanzija tal-UE għall-pajjiżi elenkati bħala pajjiżi potenzjalment eliġibbli, filwaqt li l-modifika tal-lista ta’ pajjiżi potenzjalment eliġibbli tkun teħtieġ deċiżjoni separata mil-leġiżlatur. L-Artikolu 4 jipprevedi wkoll is-sospensjoni tal-iżborsamenti fuq operazzjonijiet ta’ finanzjament eżistenti tal-BEI li jgawdu minn garanzija komprensiva f’każ ta’ sospensjoni tal-eliġibbiltà. Meta mqabbla mad-Deċiżjoni attwali, l-eliġibbiltà tal-Mjanmar għal finanzjament mill-BEI kopert mill-garanzija tal-UE hija stabbilita. Dan jirrifletti l-progress li sar fir-relazzjonijiet tal-Unjoni ma’ dan il-pajjiż. Il-ġustifikazzjoni iktar dettaljata għall-estensjoni tal-garanzija tal-UE għall-finanzjament mill-BEI fil-Mjanmar hija stipulata fl-anness tal-Valutazzjoni tal-Impatt li takkumpanja lil din il-proposta. Dan iqis il-qagħda politika f'dan il-pajjiż u r-relazzjonijiet bilaterali mal-Unjoni, id-demokrazija, il-jeddijiet tal-bniedem u s-sitwazzjoni tal-libertajiet fundamentali kif ukoll il-qagħda makroekonomika u l-ħtiġijiet ta' investiment.

L-Artikolu 8 jispjega n-natura tal-garanzija tal-UE li se tkopri r-riskji ta’ natura politika jew ta’ natura sovrana għall-operazzjonijiet ta’ finanzjament li jkun daħal għalihom il-BEI. Huwa jirrikjedi wkoll li l-garanzija tal-UE tkun iffukata, permezz ta’ metodu xieraq, fuq l-operazzjonijiet ta’ finanzjament mill-BEI fejn il-garanzija tal-UE ġġib benefiċċji finanzjarji sinifikanti. L-għan ta' metodu bħal dan ikun li jiżgura li l-kopertura garantita mill-UE tiġi utilizzata għall-benefiċċju massimu tal-benefiċjarji, p.eż. fil-pajjiżi u għall-kumpaniji b’diffikultajiet biex jiksbu finanzjament mis-suq kapitali b'kundizzjonijiet aċċettabbli, filwaqt il-pajjiżi tal-grad ta' investiment, jew is-selliefa jistgħu jkollhom aċċess għall-faċilitajiet b’riskju għall-BEI nnifsu.

L-Artikolu 18 jipprevedi reviżjoni ta' nofs it-term tal-implimentazzjoni tal-mandat sal-31 ta’ Diċembru 2017, ibbażata fuq evalwazzjoni esterna.

L-Anness I jistabbilixxi l-limiti massimi reġjonalitaħt il-limitu fiss.

L-Anness II jistabbilixxi lista ta’ reġjuni u pajjiżi potenzjalment eliġibbli.

L-Anness III jistipula l-lista ta’ reġjuni u pajjiżi eliġibbli.

L-Anness IV jippreżenta l-qafas tal-politika reġjonali fejn il-BEI jopera barra mill-Unjoni.

2013/0152 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

li tagħti garanzija tal-UE lill-Bank Ewropew tal-Investiment kontra telf minn operazzjonijiet ta' finanzjament li jappoġġaw proġetti barra l-Unjoni Ewropea.

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikoli 209 u 212 tiegħu,

Wara li kkunsidraw il-proposta mill-Kummissjoni Ewropea,

Wara t-trażmissjoni tal-abbozz tal-att leġiżlattiv lill-Parlamenti nazzjonali,

Filwaqt li jaġixxu skont il-proċedura leġiżlattiva ordinarja,

Billi:

(1)       Flimkien mal-missjoni ċentrali tiegħu li jiffinanzja l-investiment fl-Unjoni, il-Bank Ewropew tal-Investiment (BEI) iwettaq operazzjonijiet ta' finanzjament barra l-Unjoni b'appoġġ għal-linji tal-politika esterna tal-Unjoni. Dan jippermetti li fondi baġitarji tal-UE disponibbli għar-reġjuni esterni jiġu kkumplimentati mis-saħħa finanzjarja tal-BEI għall-benefiċċju tal-pajjiżi riċevituri. Meta jwettaq dawn l-operazzjonijiet ta’ finanzjament, il-BEI jikkontribwixxi għall-prinċipji ġenerali u l-objettivi ta’ politika tal-Unjoni.

(2)       L-Artikolu 209(3) tat-Trattat dwar il-Funzjonament tal-Unjoni Ewropew (TFUE), flimkien mal-Artikolu 208 tiegħu, jipprevedi li l-BEI għandu jikkontribwixxi, skont it-termini stipulati fl-Istatut tiegħu, fl-implimentazzjoni tal-miżuri meħtieġa biex jiġu promossi l-objettivi tal-politika tal-Unjoni ta' kooperazzjoni għall-iżvilupp.

(3)       Bil-ħsieb ta' appoġġ għall-azzjoni esterna tal-UE, u biex il-BEI ikun jista’ jiffinanzja investimenti barra mill-Unjoni mingħajr ma jaffettwa l-pożizzjonament kreditarju tiegħu, il-biċċa l-kbira tal-operazzjonijiet tiegħu bbenefikaw minn garanzija baġitarja tal-UE ("garanzija tal-UE") amministrata mill-Kummissjoni.

(4)       L-aħħar garanzija tal-UE għall-operazzjonijiet ta' finanzjament mill-BEI ffirmata matul il-perjodu bejn l-1 ta' Frar 2007 u l-31 ta' Diċembru 2013 ġiet stabbilita permezz tad-Deċiżjoni Nru 1080/2011/UE tal-Parlament Ewropew u tal-Kunsill tal-25 ta’ Ottubru 2011 li tagħti garanzija tal-UE lill-Bank Ewropew tal-Investiment kontra telf minn self u garanziji għal self għal proġetti 'l barra mill-Unjoni u li tħassar id-Deċiżjoni Nru 633/2009/KE[4] Għandha tiġi stabbilita garanzija tal-UE għall-operazzjonijiet ta’ finanzjament mill-BEI barra l-Unjoni b’appoġġ għall-politiki tal-Unjoni għall-qafas finanzjarju pluriennali tal-perjodu 2014-2020.

(5)       Għandha tiġi stabbilita lista ta’ reġjuni u pajjiżi potenzjalment eliġibbli għal finanzjament mill-BEI kopert mill-garanzija tal-UE. Huwa wkoll essenzjali li tiġi stabbilita lista ta' reġjuni u pajjiżi potenzjalment eliġibbli għal finanzjament mill-BEI kopert mill-garanzija tal-UE.

(6)       Il-Mjanmar għandu jiżdied maż-żewġ listi wara l-iżviluppi reċenti li ppermettew lill-Unjoni tiftaħ kapitlu ġdid fir-relazzjonijiet tagħha mal-Mjanmar u sabiex jingħata appoġġ għar-riformi politiċi u ekonomiċi kontinwu fil-pajjiż.

(7)       Sabiex jiġu riflessi żviluppi ta’ politika sinifikanti, il-lista tal-pajjiżi attwalment eliġibbli għall-operazzjonijiet ta’ finanzjament mill-BEI taħt il-garanzija tal-UE għandha tiġi riveduta kif xieraq u s-setgħa li tadotta atti f’konformità mal-Artikolu 290 tat-TFUE għandha tkun iddelegata lill-Kummissjoni fir-rigward tal-emendi fl-Anness III ta' din id-Deċiżjoni. Huwa ta’ importanza partikolari li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fil-livell espert. Il-Kummissjoni, meta tħejji u tfassal l-atti ddelegati, għandha tiżgura t-trażmissjoni simultanja, f’waqtha u xierqa tad-dokumenti rilevanti lill-Parlament Ewropew u lill-Kunsill.

(8)       Sabiex tkun meqjusa l-evoluzzjoni potenzjali tal-ħtiġijiet ta' forniment reali tal-Fond ta' Garanzija skont ir-Regolament tal-Kunsill (KE, Euratom) Nru 480/2009 tal-25 ta' Mejju 2009 li jistabbilixxi Fond ta’ Garanzija għall-azzjonijiet esterni[5], il-limitu massimu tal-garanzija tal-UE għandu jinqasam f'limitu fiss ta' ammont massimu tal-EUR 25 biljun u ammont addizzjonali opzjonali ta' EUR 3 biljun.

(9)       L-ammonti koperti mill-garanzija tal-UE f’kull reġjun għandhom ikomplu jirrappreżentaw limiti massimi għall-finanzjament mill-BEI skont il-garanzija tal-UE u mhux il-miri li l-BEI jiġi rikjest li jissodisfa. Il-limiti massimi għandhom jiġu evalwati bħala parti mir-reviżjoni ta' nofs it-term ta’ din id-Deċiżjoni.

(10)     Sabiex tiżdied il-koerenza u l-attenzjoni fuq l-attività ta’ finanzjament estern tal-BEI ta' appoġġ politiku tal-Unjoni, u għall-benefiċċju massimu tal-benefiċjarji, id-Deċiżjoni Nru 1080/2011/UE stabbiliet għanijiet ġenerali għall-operazzjonijiet ta’ finanzjament mill-BEI fir-reġjuni u pajjiżi eleġibbli kollha, jiġifieri l-iżvilupp tas-settur privat lokali, b’mod partikolari b’appoġġ għall-intrapriżi żgħar u medji (SMEs), l-infrastruttura ekonomika u soċjali u l-mitigazzjoni u l-adattament tat-tibdil fil-klima, biex b'hekk bniet fuq il-vantaġġi komparattivi tal-BEI f’oqsma fejn għandu rekord tajjeb ferm. Dawn l-għanijiet għandhom jinżammu f’din id-Deċiżjoni.

(11)     It-titjib tal-aċċess għall-finanzjament għall-SMEs, inklużi l-SMEs mill-Unjoni li jinvestu fir-reġjuni koperti minn din id-Deċiżjoni, jista’ jkollu rwol essenzjali fl-istimolu tal-iżvilupp ekonomiku u fil-ġlieda kontra l-qgħad. Biex jilħaq b’mod effikaċi lill-SMEs, il-BEI għandu jikkoopera mal-istituzzjonijiet finanzjarji intermedjarji lokali fir-reġjuni u l-pajjiżi eliġibbli, b'mod partikulari biex jiżgura li parti mill-benefiċċji finanzjarji jiġu mgħoddija lill-klijenti tagħhom u jipprovdu valur miżjud meta mqabbel ma' sorsi oħra ta' finanzjament.

(12)     Il-kopertura tal-garanzija tal-UE, li hija limitata għal riskji ta’ natura sovrana u politika, mhix biżżejjed fiha nnifisha biex tiżgura attività sinifikanti tal-BEI bħala appoġġ għall-mikrofinanza. Għalhekk din l-attività, fejn xieraq, għandha titwettaq b’rabta mar-riżorsi baġitarji disponibbli taħt strumenti oħrajn.

(13)     Il-BEI għandu jkompli jiffinanzja proġetti ta’ investiment fl-oqsma ta’ infrastruttura soċjali, ambjentali u ekonomiċi, u għandu jikkunsidra żieda fl-attività tiegħu b’appoġġ għas-saħħa u l-infrastruttura tal-edukazzjoni fejn ikun hemm valur miżjud ċar dan isir dan.

(14)     Il-BEI għandu jkompli wkoll jiffinanzja proġetti ta’ investiment b’appoġġ għall-mitigazzjoni u l-adattament tat-tibdil fil-klima, biex ikomplu jippromwovi l-miri klimatiċi tal-Unjoni fuq skala globali.

(15)     Fl-oqsma koperti mill-għanijiet ġenerali, l-integrazzjoni reġjonali fost il-pajjiżi, b'mod partikolari l-integrazzjoni ekonomika bejn il-pajjiżi preadeżjonali, il-pajjiżi ġirien u l-Unjoni, għandha tkun għan bażiku għall-operazzjonijiet ta' finanzjament mill-BEI. Fl-oqsma msemmija hawn fuq, il-BEI għandu jkun kapaċi jappoġġa lill-pajjiżi msieħba permezz ta’ investimenti diretti barranin minn kumpaniji fl-Unjoni li jikkontribwixxu għall-promozzjoni tat-trasferiment tat-teknoloġija u l-għarfien, dejjem jekk tingħata l-kunsiderazzjoni dovuta matul id-diliġenza xierqa tal-proġetti ta' investiment sabiex jitnaqqsu kemm jista’ jkun ir-riskji li l-operazzjonijiet ta’ finanzjament mill-BEI jwasslu għal riperkussjonijiet negattivi fuq l-impjiegi fl-Unjoni. Il-BEI għandu wkoll jiġi mħeġġeġ biex jagħti l-appoġġ tiegħu għall-investiment dirett barrani fil-pajjiżi msieħba minn kumpaniji tal-Unjoni għar-riskju tiegħu stess.

(16)     Il-miżuri prattiċi għall-irbit tal-objettivi ġenerali tal-garanzija tal-UE mal-implimentazzjoni tagħhom għandhom jiġu stabbiliti fil-linji gwida operattivi tekniċi reġjonali. Dawn il-linji gwida għandhom ikunu konsistenti mal-qafas ta' politika reġjonali usa' tal-Unjoni. Il-linji gwida operattivi tekniċi reġjonali għandhom jiġu riveduti u aġġornati ulterjurment wara r-reviżjoni ta’ din id-Deċiżjoni sabiex isir adattament għall-iżviluppi tal-politiki u l-prijoritajiet esterna tal-Unjoni.

(17)     F'konformità mal-Artikolu 19 tal-Istatut tal-BEI, l-applikazzjonijiet li jsiru direttament lill-BEI għal operazzjonijiet ta' finanzjament mill-BEI mwettqa taħt din id-Deċiżjoni, għandhom jiġu ppreżentati lill-Kummissjoni għall-opinjoni dwar il-konformità mal-leġiżlazzjoni u l-politiki rilevanti tal-UE. F’każ li l-Kummissjoni tagħti opinjoni negattiva dwar operazzjoni ta’ finanzjament mill-BEI fil-qafas tal-proċedura tal-Artikolu 19, l-operazzjoni m’għandhiex tkun koperta bil-garanzija tal-UE.

(18)     Filwaqt li l-forza tal-BEI tibqa d-distinzjoni tiegħu bħala bank tal-investiment, l-operazzjonijiet ta' finanzjament mill-BEI għandhom jikkontribwixxu għall-prinċipji ġenerali li jiggwidaw l-azzjoni esterna tal-UE, kif imsemmija fl-Artikolu 21 tat-Trattat dwar l-Unjoni Ewropea (TUE), li tħeġġeġ u tikkonsolida d-demokrazija u l-istat tad-dritt, id-drittijiet tal-bniedem u l-libertajiet fundamentali, u għall-implimentazzjoni tal-ftehimiet ambjentali internazzjonali li l-Unjoni hija parti minnhom. B’mod partikolari, fir-rigward tal-pajjiżi li qed jiżviluppaw, l-operazzjonijiet ta' finanzjament mill-BEI għandhom jippromwovu dawn li ġejjin: l-iżvilupp ekonomiku, soċjali u ambjentali sostenibbli tagħhom f'dawn il-pajjiżi, l-aktar fost dawk l-aktar żvantaġġati fosthom; l-integrazzjoni bla xkiel u gradwali tal-ekonomiji tagħhom fl-ekonomija dinjija; il-kampanja kontra l-faqar kif ukoll il-konformità mal-għanijiet approvati mill-Unjoni fil-kuntest tan-Nazzjonijiet Uniti u ta' organizzazzjonijiet internazzjonali kompetenti oħrajn. Skont l-Artikolu 209(3) tat-Trattat, il-BEI għandu jagħmel ħiltu biex jappoġġa indirettament il-kisba tal-Għanijiet ta' Żvilupp tal-Millennju tal-2015 tan-NU fir-reġjuni kollha fejn ikun attiv, bħala miżura meħtieġa għall-implimentazzjoni tal-politika tal-Unjoni ta' kooperazzjoni għall-iżvilupp.

(19)     L-attività tal-BEI taħt din id-Deċiżjoni għandha tappoġġja l-Aġenda għall-Bidla proposta mill-Kummissjoni u tkun koerenti mal-prinċipji rilevanti tal-Kunsens Ewropew dwar l-Iżvilupp u l-prinċipji tal-effikaċja tal-għajnuna deskritta fid-Dikjarazzjoni ta’ Pariġi tal-2005, l-aġenda ta’ Accra għall-Azzjoni tal-2008 u l-ftehim ta’ sħubija ta’ Busan tal-2011. Barra minn hekk, din għandha tkun koerenti wkoll mal-Qafas Strateġiku u l-Pjan ta’ Azzjoni tal-UE dwar id-Drittijiet tal-Bniedem u d-Demokrazija adottati mill-Kunsill fil-25 ta’ Ġunju 2012 u ftehimiet ambjentali internazzjonali inklużi impenji tal-bijodiversità. Dan għandu jiġi implimentat permezz ta’ għadd ta’ mezzi konkreti, b’mod partikolari billi tissaħħaħ il-kapaċità tal-BEI li jivvaluta l-aspetti ambjentali, soċjali u tal-iżvilupp tal-proġetti ta' investiment, inklużi r-riskji konnessi mal-jeddijiet tal-bniedem u l-kunflitti, u billi titħeġġeġ il-konsultazzjoni lokali mal-awtoritajiet pubbliċi u mas-soċjetà ċivili. F’dan il-kuntest, il-BEI għandu jimplimenta u jiżviluppa aktar il-qafas tat-Tkejjil tar-Riżultati (REM) li jipprovdi sett dettaljat ta’ indikaturi tal-prestazzjoni li jkejlu l-impatt ekonomiku, ambjentali, soċjali, u l-iżvilupp tal-operazzjonijiet ta’ finanzjament tiegħu matul iċ-ċiklu tal-ħajja tal-investiment sottostanti. L-implimentazzjoni tar-REM għandha tiġi evalwata bħala parti mir-reviżjoni ta' nofs it-term ta’ din id-Deċiżjoni. Meta jkun qed iwettaq id-diliġenza dovuta fir-rigward ta' proġett ta' investiment, il-BEI għandu, meta jkun xieraq u f'konformità mal-prinċipji soċjali u ambjentali tal-Unjoni jobbliga lill-promotur tal-proġett ta' investiment iwettaq konsultazzjonijiet lokali u jiżvela r-riżultati lill-pubbliku. Ftehimiet ta' finanzjament mill-BEI li jinvolvu kontropartijiet pubbliċi għandhom jinkludu b’mod espliċitu l-possibilità li jissospendu l-iżborsamenti f’każ ta’ revoka tal-eliġibbiltà taħt din id-Deċiżjoni tal-pajjiż li fih isir il-proġett ta’ investiment.

(20)     Fil-livelli kollha, mill-ippjanar strateġiku 'l fuq (upstream) sal-iżvilupp tal-proġetti ta' investiment 'l isfel (downstream), għandu jiġi żgurat li l-operazzjonijiet ta' finanzjament estern mill-BEI jkunu konformi ma' u jappoġġaw l-linji ta' politika esterni tal-UE u l-għanijiet ġenerali stipulati f'din id-Deċiżjoni. Bil-ħsieb li tiżdied il-koerenza fl-azzjoni esterna tal-UE, għandu jkompli jissaħħaħ id-djalogu dwar il-politika u l-istrateġija bejn il-Kummissjoni u l-BEI, inkluż is-Servizz Ewropew ta' Azzjoni Esternza(is-SEAE). Il-Memorandum ta’ Qbil li għandu jiġi rivedut fl-2013 biex tittejjeb il-kooperazzjoni u l-iskambju reċiproku bikri tal-informazzjoni bejn il-Kummissjoni u l-BEI u fil-livell operattiv għandu jibqa' jiġi applikati. L-iskambju bikri tal-opinjonijiet bejn il-BEI, u l-Kummisjoni, inkluż is-SEAE, skont kif ikun jixraq, għandu importanza partikolari fil-proċess tat-tħejjija tad-dokumenti tal-ipprogrammar sabiex jiġu massimizzati s-sinerġiji bejn l-attivitajiet tagħhom. Il-kooperazzjoni fir-rigward tar-rispett tad-drittijiet tal-bniedem u l-kwistjonijiet tal-prevenzjoni tal-kunflitti għandhom ukoll jissaħħu.

(21)     Ir-relazzjonijiet esterni tal-UE għandhom ikunu appoġġati bi strumenti ġodda mill-2014, inkluż Regolament umbrella li jistabbilixxi regoli u proċeduri komuni għall-implimentazzjoni tal-istrumenti tal-Unjoni għal azzjoni esterna[6]. Bil-ħsieb li tiżdied il-koerenza tal-appoġġ kumplessiv tal-Unjoni fir-reġjuni kkonċernati, l-opportunitajiet għandhom jinħatfu sabiex ilaqqgħu l-finanzjament mill-BEI u r-riżorsi baġitarji tal-Unjoni meta u fejn ikun xieraq, fil-forma ta' strumenti finanzjarji pprovduti fit-Titlu VIII tar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002[7] u assistenza teknika għat-tħejjija u l-implimentazzjoni tal-proġett, permezz ta' Strument għall-Assistenza Preadeżjonali II (IPA II),[8], l-Istrument Ewropew tal-Viċinat (ENI)[9], l-Istrument ta' finanzjament tal-kooperazzjoni għall-iżvilupp (DCI)[10], l-Istrument ta' Sħubija għall-kooperazzjoni ma' pajjiżi terzi[11], l-Istrument għall-promozzjoni tad-demokrazija u tad-drittijiet tal-bniedem madwar id-dinja [12], l-Istrument għall-Istabbilità[13], u l-Istrument għall-Kooperazzjoni dwar is-Sikurezza Nukleari [14]. Wara d-Deċiżjoni Nru 1080/2011/UE, il-Kummissjoni stabbiliet Pjattaforma tal-UE għat-Taħlit fil-Kooperazzjoni Esterna bil-ħsieb li ttejjeb il-funzjonament tal-mekkaniżmi għat-taħlit tal-għotjiet u s-self barra l-Unjoni.

(22)     Fl-operazzjonijiet ta’ finanzjament tiegħu barra mill-Unjoni li ma jaqgħux fl-ambitu ta’ din id-Deċiżjoni, il-BEI għandu jagħmel ħiltu biex itejjeb aktar il-koordinazzjoni u l-kooperazzjoni ma’ Istituzzjonijiet Finanzjarji Ewropej u l-istituzzjonijiet finanzjarji internazzjonali, b’mod partikolari dawk li jipparteċipaw fil-pjattaforma tal-UE għat-Taħlit fil-Kooperazzjoni Esterna. Din il-kooperazzjoni tinkludi, fejn xieraq, il-kooperazzjoni dwar il-kondizzjonalità tas-settur u l-fiduċja reċiproka fuq proċeduri, l-użu ta’ kofinanzjament konġunt u l-parteċipazzjoni f’inizjattivi globali, bħalma huma dawk li jippromwovu l-koordinazzjoni u l-effikaċja tal-għajnuna. Tali koordinazzjoni u kooperazzjoni għandhom ifittxu li jimminimizzaw il-possibbiltà ta' spejjeż doppji u sovrapożizzjoni bla bżonn. Il-Memorandum ta’ Qbil bejn tliet partijiet ta' bejn il-Kummissjoni, il-Grupp tal-BEI u l-Bank Ewropew għar-Rikostruzzjoni u l-Iżvilupp (BERŻ) fir-rigward tal-kooperazzjoni barra l-Unjoni, li jippermetti lill-Grupp tal-BEI u l-BERŻ jaġixxu b’mod kumplimentari billi wieħed jistrieħu fuq l-vantaġġi komparattivi rispettivi tagħhom, ġie aġġornat fl-2012 biex ikopri l-estensjoni tal-ambitu ġeografiku tal-BERŻ għar-reġjun tal-Mediterran u għandhom jibqgħu jiġu applikati. Il-prinċipji stabbiliti f'din id-Deċiżjoni għandhom japplikaw ukoll meta l-finanzjment tal-BEI jiġi implimentat permezz ta' ftehimiet ta' kooperazzjoni ma' Istituzzjonijiet Finanzjarji Ewropej u Istituzzjonijiet Finanzjarji Internazzjonali oħrajn.

(23)     Il-BEI għandu jiġi mħeġġeġ sabiex iżid l-operazzjonijiet tiegħu u jiddiversifika l-operazzjonijiet tiegħu 'l barra mill-Unjoni mingħajr ma jirrikorri għall-garanzija tal-UE biex b'hekk l-użu tal-garanzija tal-UE jkun jista' jiġu ffukat fuq pajjiżi u proġetti ta' investiment b'aċċess fqir għas-suq, b'kunsiderazzjoni tal-kunsiderazzjonijiet dwar is-sostenibbiltà tad-dejn, fejn il-garanzija tal-UE għalhekk tipprovdi aktar valur miżjud. Konsegwentement, u dejjem bil-għan li jappoġġa l-għanijiet tal-politiki esterni tal-Unjoni, il-BEI għandu jiġi mħeġġeġ isellef għar-riskju proprju tiegħu, inkluż b’appoġġ għall-interessi ekonomiċi tal-Unjoni, fil-pajjiżi u favur proġetti ta’ investiment meqjusa bħala kreditizji biżżejjed wara l-valutazzjoni tal-BEI u b’kunsiderazzjoni tar-riskju tiegħu stess tal-kapaċità ta’ assorbiment.

(24)     Il-BEI għandu jespandi l-firxa ta' strumenti ta' finanzjament ġodda u innovattivi li joffri, anke permezz ta' aktar attenzjoni fuq l-iżvilupp ta' strumenti ta' garanzija. Barra minn hekk, il-BEI għandu jfittex attivament li jipparteċipa fi strumenti ta' kondiviżjoni tar-riskju u fl-iffinanzjar tas-suq kapitali tad-dejn ta’ proġetti b'ħolqien stabbli u prevedibbli tal-fluss ta' flus. B’mod partikolari, huwa għandu jikkunsidra l-appoġġ għal strumenti tas-suq kapitali tad-dejn maħruġ jew mogħti għall-benefiċċju ta' proġett ta’ investiment imwettaq fil-pajjiżi eliġibbli. Barra minn hekk, il-BEI għandu jżid il-forniment tiegħu ta' self fil-muniti lokali u joħroġ bonds fis-swieq lokali, sakemm il-pajjiżi benefiċjarji jdaħħlu fis-seħħ ir-riformi strutturali neċessarji, b'mod partikolari fis-settur finanzjarju, kif ukoll miżuri oħra li jiffaċilitaw l-attivitajiet tal-BEI.

(25)     L-operazzjonijiet ta’ finanzjament mill-BEI b'appoġġ għall-politika esterna tal-Unjoni għandhom jkomplu jitwettqu f'konformità mal-prinċipji ta' prattika bankarja soda. Dawn għandhom ikomplu jiġu ġestiti skont ir-regoli u l-proċeduri tal-BEI stess, inklużi l-miżuri ta’ kontroll xierqa u u l-konformità mal-istqarrija tal-BEI dwar l-istandards soċjali u ambjentali, kif ukoll permezz tar-regoli u tal-proċeduri rilevanti li jikkonċernaw il-Qorti tal-Awdituri u l-Uffiċju Ewropew kontra l-Frodi (OLAF), Fl-operazzjonijiet tiegħu ta' finanzjament, il-BEI għandu jimplimenta b'mod adegwat il-politiki tiegħu lejn ġurisdizzjonijiet irregolati b’mod dgħajjef jew nonkooperattivi biex jikkontribwixxu fil-ġlieda internazzjonali kontra l-frodi fiskali, l-evażjoni tat-taxxa u l-ħasil tal-flus.

(26)     Il-BEI għandu jieħu miżuri xierqa biex jiżgura li, meta l-operazzjonijiet ta' finanzjament soġġetti għall-garanzija tal-UE, l-interessi finanzjarji tal-Unjoni Ewropea jiġu mħarsa mill-applikazzjoni ta' miżuri preventivi kontra l-frodi, il-korruzzjoni u kwalunkwe attività illegali oħra u li l-OLAF ikollu l-jedd li jwettaq verifiki fuq il-post u spezzjonijiet fl-istabbilimenti tal-benefiċjarji.

ADOTTAW DIN ID-DEĊIŻJONI:

Artikolu 1 Garanzija tal-UE

1.           L-Unjoni Ewropea għandha tagħti garanzija baġitarja tal-UE għall-operazzjonijiet ta' finanzjament imwettqa 'l barra mill-Unjoni (“garanzija tal-UE”) lill-Bank tal-Investiment Ewropew (BEI). Il-garanzija tal-UE għandha tingħata bħala garanzija globali fir-rigward ta’ ħlasijiet li ma jaslux għand il-BEI, minkejja li huma dovuti lilu, b'rabta ma' self u garanziji fuq self u strumenti tas-suq kapitali tad-dejn mogħtija jew maħruġa għall-benefiċċju tal-proġetti ta' investiment tal-BEI li huma eliġibbli skont il-paragrafu 2.

2.           Eliġibbli għall-garanzija tal-UE għandhom ikunu s-self, il-garanziji ta’ self, u l-istrumenti tas-suq kapitali tad-dejn tal-BEI mogħtija jew maħruġa għall-benefiċċju ta’ proġetti ta’ investiment mwettqa f’pajjiżi eliġibbli skont ir-regoli u l-proċeduri tal-BEI stess u b’appoġġ għall-għanijiet rilevanti tal-politika esterna tal-Unjoni, fejn il-finanzjament mill-BEI jkun ingħata skont ftehim iffirmat li la jkun skada u lanqas ikun ġie kkanċellati (l-“operazzjonijiet ta’ finanzjament mill-BEI”).

3.           Il-garanzija tal-UE għandha tkun ristretta għal 65 % tal-ammont aggregat imħallas jew garantit skont l-operazzjonijiet ta' finanzjament mill-BEI, bl-ammonti mnaqqsa rimborżati, flimkien mal-ammonti relatati kollha.

4.           Il-garanzija tal-UE għandha tkopri l-operazzjonijiet ta’ finanzjament mill-BEI ffirmati mill-1 ta’ Jannar 2014 sal-31 ta' Diċembru 2020.

5.           Jekk, mal-iskadenza tal-perjodu li jissemma fil-paragrafu 4, il-Parlament Ewropew u l-Kunsill ma jkunux adottaw deċiżjoni li tagħti garanzija tal-UE ġdida lill-BEI kontra t-telf imġarrab mill-operazzjonijiet ta’ finanzjament tiegħu barra mill-Unjoni, dan il-perjodu għandu jiġġedded awtomatikament b’sitt xhur.

Artikolu 2 Limiti fuq l-operazzjonijiet ta’ finanzjament mill-BEI koperti mill-garanzija tal-UE

1.           Il-limitu massimu tal-operazzjonijiet ta’ finanzjament mill-BEI koperti mill-garanzija tal-UE, matul il-perjodu 2014-2020 ma għandux jaqbeż EUR 28 000 000 000,, L-ammonti kanċellati ma jgħoddux mal-limitu.

Dan il-limitu massimu jinqasam fi:

(a) limitu fiss ta' ammont massimu ta' EUR 25 000 000 000;

(b) ammont addizzjonali opzjonali ta' EU 3 000 000 000.

L-attivazzjoni kollha jew parzjali tal-ammont imsemmi fil-punt (b) u d-distribuzzjoni reġjonali tagħha tkun deċiża wara r-reviżjoni ta' nofs it-term skont l-Artikolu 18.

2.           Il-limitu fiss imsemmi fil-paragrafu 1(a) għandu jinqasam f’limiti massimi reġjonali u sottolimiti massimi kif stipulat fl-Anness I. Fil-limiti massimi reġjonali, il-BEI għandu jiżgura progressivament li jkun hemm distribuzzjoni bilanċjata tal-pajjiżi fi ħdan ir-reġjuni koperti mill-garanzija tal-UE.

Artikolu 3 Għanijiet u prinċipji ġenerali

1.           Il-garanzija tal-UE għandha tingħata għall-operazzjonijiet ta’ finanzjament mill-BEI li jappoġġaw kwalunkwe mill-għanijiet ġenerali li ġejjin:

(a)     l-iżvilupp tas-settur privat lokali, b'mod partikolari l-appoġġ għall-SMEs.

(b)     l-iżvilupp ta’ infrastruttura soċjali, ambjentali u ekonomiċi;

(c)     il-mitigazzjoni u l-adattament għat-tibdil fil-klima

2.           L-operazzjonijiet ta' finanzjament mill-BEI mwettqa skont din id-Deċiżjoni, għandhom jikkontribwixxu għall-prinċipji ġenerali li jiggwidaw l-azzjoni esterna tal-UE, kif imsemmija fl-Artikolu 21 TUE u għandhom jikkontribwixxu għall-implimentazzjoni tal-ftehimiet ambjentali internazzjonali li l-Unjoni hija parti minnhom.

3.           L-integrazzjoni reġjonali fost il-pajjiżi inkluża l-integrazzjoni ekonomika bejn il-pajjiżi Preadeżjonali, il-pajjiżi Ġirien u l-Unjoni, għandha tkun għan bażiku tal-operazzjonijiet ta' finanzjament mill-BEI fi ħdan l-oqsma koperti mill-għanijiet ġenerali kif imfissra fil-paragrafu 1.

4.           Fil-pajjiżi li qed jiżviluppaw, kif definiti fil-lista ta’ riċevituri tal-assistenza għall-iżvilupp uffiċjali (ODA) tal-Organizzazzjoni għall-Kooperazzjoni Ekonomika u l-Iżvilupp (OECD), l-operazzjonijiet ta’ finanzjament mill-BEI għandhom jikkontribwixxu indirettament għall-għanijiet tal-politika tal-Unjoni fil-kooperazzjoni għall-iżvilupp kif imsemmi fl-Artikolu 208 TUE.

5.           L-operazzjonijiet ta’ finanzjament mill-BEI li jappoġġaw l-għanijiet previsti fil-paragrafu 1(a) jistgħu jinkludi l-appoġġ għall-proġetti ta’ investiment min-naħa tal-SMEs tal-Unjoni.

6.           L-operazzjonijiet ta’ finanzjament mill-BEI li jappoġġaw l-għanijiet previsti fil-paragrafu 1(b) għandhom jappoġġjaw il-proġetti ta’ investiment fl-oqsma tat-trasport, l-enerġija, inkluża l-enerġija rinnovabbli, is-sistemi ta' trasformazzjoni tal-enerġija li jippermettu l-bidla għal teknoloġiji u fjuwils b’livell inqas intensiv tal-karbonju, is-sigurtà tal-enerġija u l-infrastruttura tal-enerġija, inkluż għall-produzzjoni u t-trasport tal-gass lejn is-suq tal-enerġija tal-UE, l-infrastruttura ambjentali, inkluż l-ilma u s-sanità u l-infrastruttura ekoloġika, it-teknoloġija tal-informazzjoni u l-komunikazzjoni, u anke it-telekomunikazzjoni u l-infrastruttura tan-netwerk tal-broadband, is-saħħa u l-edukazzjoni.

7.           L-operazzjonijiet ta' finanzjament mill-BEI li jappoġġaw l-għanijiet previsti fil-paragrafu 1(c) għandhom jappoġġaw proġetti ta' investiment fil-mitigazzjoni u l-adattament għat-tibdil fil-klima li jikkontribwixxu għall-għan kumplessiv tal-Konvenzjoni Qafas tan-Nazzjonijiet Uniti dwar it-Tibdil fil-Klima, b'mod partikolari billi jiġu evitati jew jitnaqqsu l-emissjonijiet tal-gassijiet serra fl-oqsma tal-enerġija rinnovabbli, l-effiċjenza tal-enerġija u t-trasport sostenibbli, jew billi titqawwa r-reżiljenza għall-impatti negattivi tat-tibdil fil-klima fuq il-pajjiżi, is-setturi u l-komunitajiet vulnerabbli. Matul il-perjodu kopert mid-Deċiżjoni, il-volum ta' dawn l-operazzjonijiet għandhom jirrappreżentaw mill-inqas 25 % tal-operazzjonijiet ta’ finanzjament kollha tal-BEI.

8.           F’konformità mal-għanijiet tal-Unjoni u dawk internazzjonali tat-tibdil fil-klima, għal qabel l-aħħar tal-2016, il-BEI, f’kooperazzjoni mal-Kummissjoni u wara konsultazzjoni pubblika, għandu jaġġorna l-istrateġija tiegħu għat-tibdil fil-klima fir-rigward tal-operazzjonijiet ta’ finanzjament mill-BEI.

Artikolu 4 Pajjiżi koperti

1.           Il-lista ta' reġjuni u pajjiżi potenzjalment eliġibbli għal finanzjament mill-BEI kopert mill-garanzija tal-UE hija stipulata fl-Anness II. Il-lista ta' reġjuni u pajjiżi eliġibbli għal finanzjament mill-BEI taħt il-garanzija tal-UE tinsab fl-Anness III u m'għandhiex tinkludi pajjiżi oħrajn barra minn dawk elenkati fl-Anness II.

2.           Il-Kummissjoni għandu jkollha s-setgħa tadotta atti ddelegati f'konformità mal-Artikolu 17 rigward l-emendi għall-Anness III. Id-deċiżjonijiet tal-Kummissjoni għandhom jissejsu fuq valutazzjoni ekonomika u politika kumplessiva, inklużi aspetti relatati mad-demokrazija, id-drittijiet tal-bniedem u d-drittijiet fundamentali kif ukoll ir-riżoluzzjonijiet tal-Parlament Ewropew u d-deċiżjonijiet u l-konklużjonijiet tal-Kunsill rilevanti.

3.           Atti delegati li jemendaw l-Anness III m'għandhomx jaffettwaw il-kopertura tal-garanzija tal-UE tal-operazzjonijiet ta' finanzjament mill-BEI ffirmati qabel id-dħul fis-seħħ ta’ dawk l-atti delegati, soġġetti għall-paragrafu 4.

4.           L-iżborsamenti għal operazzjonijiet ta’ finanzjament mill-BEI li jibbenefikaw minn Garanzija Komprensiva kif imsemmi fl-Artikolu 8(1) m’għandhiex issir f’pajjiżi mhux elenkati fl-Anness III.

5.           Il-garanzija tal-UE għandha tkopri biss operazzjonijiet ta’ finanzjament mill-BEI mwettqa f’pajjiżi eliġibbli li jkunu kkonkludew ftehim ta’ qafas mal-BEI li jistabbilixxi l-kondizzjonijiet legali taħt liema għandhom jitwettqu dawn l-operazzjonijiet.

6.           Il-garanzija tal-UE ma għandhiex tkopri l-operazzjonijiet ta’ finanzjament mill-BEI f’pajjiż speċifiku li miegħu l-ftehim dwar tali operazzjonijiet ikun ġie iffirmat wara l-adeżjoni ta' dak il-pajjiż fl-Unjoni.

Artikolu 5 Il-kontribut tal-operazzjonijiet tal-BEI għal-linji ta' politika tal-Unjoni

1.           Il-Kummissjoni għandha taġġorna, flimkien mal-BEI, linji gwida operattivi tekniċi reġjonali attwali tal-operazzjonijiet ta’ finanzjament mill-BEI fi żmien sena wara l-adozzjoni ta’ din id-Deċiżjoni.

Dawn il-linji gwida għandhom ikunu konsistenti mal-qafas ta' politika reġjonali usa' tal-Unjoni stipulat fl-anness għal din id-Deċiżjoni. B'mod partikolari, il-linji gwida operattivi tekniċi reġjonali għandhom jiżguraw li l-finanzjament mill-BEI taħt din id-Deċiżjoni jikkumplimenta l-politiki, il-programmi u l-istrumenti korrispondenti tal-assistenza tal-Unjoni fid-diversi reġjuni.

Bl-aġġornament ta' dawn il-linji gwida, il-Kummissjoni u l-BEI għandhom iqisu r-riżoluzzjonijiet tal-Parlament Ewropew u tad-deċiżjonijiet u l-konklużjonijiet tal-Kunsill rilevanti. Is-SEAE għandu jiġi kkonsultat ukoll fir-rigward ta’ kwistjonijiet politiċi, kif xieraq.

Il-Kummissjoni għandha tittrasmetti l-linji gwida aġġornati lill-Parlament Ewropew u lill-Kunsill malli jiġu stabbiliti.

Fil-qafas stabbilit mill-linji gwida operattivi tekniċi reġjonali, il-BEI għandu jiddefinixxi l-istrateġiji korrispondenti ta' finanzjament u jiżgura li dawn jiġu implimentati.

Il-linji gwida operazzjonali tekniċi reġjonali għandhom jiġu riveduti wara r-reviżjoni imsemmija fl-Artikolu 18.

2.           Operazzjoni ta’ finanzjament mill-BEI m'għandhiex tkun koperta mill-garanzija tal-UE fil-każ li l-Kummissjoni tagħti opinjoni negattiva dwar operazzjoni bħal din fi ħdan il-qafas tal-proċedura msemmija fl-Artikolu 19 tal-Istatut tal-BEI.

Artikolu 6 Il-kooperazzjoni mal-Kummissjoni u s-SEAE

1.           Il-konsistenza tal-azzjonijiet esterni tal-BEI mal-għanijiet tal-politika esterna tal-UE għandha tkompli tissaħħaħ, bil-ħsieb li jiġu massimizzati s-sinerġiji bejn l-operazzjonijiet ta' finanzjament mill-BEI u r-riżorsi baġitarji tal-Unjoni, b'mod partikolari permezz tal-aġġornament tal-linji gwida operattivi tekniċi reġjonali msemmija fl-Artikolu 5, kif ukoll permezz ta' djalogu regolari u sistematiku u l-iskambju bikri ta' informazzjoni dwar:

(a)     dokumenti strateġiċi ppreparati mill-Kummissjoni u/jew is-SEAE kif xieraq, bħal dokumenti ta’ strateġija tal-pajjiż jew reġjonali, programmi indikattivi, pjanijiet ta’ azzjoni u dokumenti ta’ qabel l-adeżjoni;

(b)     il-pjanijiet għall-proġettita' investiment u d-dokumenti ta’ ppjanar strateġiku tal-BEI;

(c)     aspetti politiċi u operattivi oħra.

2.           Din il-kooperazzjoni se ssir reġjun b'reġjun, anke fil-livell tad-Delega tal-UE, b'kunsiderazzjoni tar-rwol tal-BEI kif ukoll il-linji ta' politika tal-Unjoni f'kull reġjun.

Artikolu 7 Koperazzjoni ma’ Istituzzjonijiet Finanzjarji Ewropej oħra u Istituzzjonijiet Finanzjarji Internazzjonali

1.           L-operazzjonijiet ta' finanzjament mill-BEI għandhom jitwettqu, fejn xieraq, b'kooperazzjoni ma' Istituzzjonijiet Finanzjarji Ewropej u Istituzzjonijiet Finanzjarji Internazzjonali oħrajn, sabiex jiġu massimizzati s-sinerġiji, il-kooperazzjoni u l-effiċjenza, sabiex jiġu żviluppati strumenti konġunti finanzjarji innovattivi, sabiex tiġi żgurata l-kondiviżjoni prudenti u raġonevoli tar-riskji u l-kondizzjonalità koerenti tal-proġetti ta' investiment u tas-settur u biex tkun minimizzata l-possibbiltà ta' spejjeż doppji u sovrapożizzjoni bla bżonn.

2.         Il-koperazzjoni msemmija fil-paragrafu 1 għandha tiġi ffaċilitata permezz ta’ koordinazzjoni bejn il-Kummissjoni, il-BEI u Istituzzjonijiet Finanzjarji Ewropej u Istituzzjonijiet Finanzjarji Internazzjonali ewlenin li joperaw fir-reġjuni differenti, imwettqa fejn xieraq fil-kuntest tal-memoranda ta’ qbil jew oqfsa ta’ kooperazzjoni reġjonali oħra tal-Unjoni.

Artikolu 8 Il-kopertura u l-kundizzjonijiet tal-garanzija tal-UE

1.           Għall-operazzjonijiet ta’ finanzjament mill-BEI li jitwettqu ma’ Stat, jew li huma ggarantiti minn Stat u għal operazzjonijiet oħra ta’ finanzjament mill-BEI li jitwettqu ma’ awtoritajiet reġjonali jew lokali, jew ma’ intrapriżi jew istituzzjonijiet pubbliċi tal-gvern u/jew ikkontrollati mill-gvern, fejn tali operazzjonijiet oħra ta’ finanzjament mill-BEI għandhom valutazzjoni adegwata tar-riskju ta’ kreditu tal-BEI b'kunsiderazzjoni tas-sitwazzjoni tar-riskju tal-kreditu tal-pajjiż ikkonċernat, il-garanzija tal-UE għandha tkopri l-ħlasijiet kollha dovuti lill-BEI, iżda mhux irċevuti minnu (“Garanzija Komprensiva”).

2.           Għall-għanijiet tal-paragrafu 1, il-Palestina hija rappreżentata mill-Awtorità Palestinjana u Kosovo[15] mill-Gvern ta' Kosovo.

3.           Għall-operazzjonijiet ta’ finanzjament mill-BEI għajr dawk imsemmija fil-paragrafu 1 u għall-operazzjonijiet ta' finanzjament mill-BEI li jikkonsistu fi strumenti tas-suq kapitali tad-dejn, il-garanzija tal-UE għandha tkopri l-ħlasijiet kollha dovuti lill-BEI iżda mhux riċevuti minnu, meta dan ma jkunx irċevihom minħabba r-realizzazzjoni ta’ wieħed mir-riskji politiċi li ġejjin (“Garanzija għar-Riskju Politiku”):

(a)     nuqqas ta’ trasferiment tal-munita;

(b)     esproprjazzjoni;

(c)     gwerra jew irvellijiet ċivili;

(d)     ġustizzja miċħuda wara ksur ta’ kuntratt.

4.           L-operazzjonijiet ta’ finanzjament tal-BEI għandhom jiffokaw fuq proġetti ta’ investiment fejn il-garanzija tal-UE ġġib magħha valur miżjud finanzjarju siewi skont il-valutazzjoni tar-riskju tal-kreditu tal-BEI.

5.           Il-Kummissjoni u l-BEI għandhom jistabbilixxu fil-ftehim imsemmi fl-Artikolu 13a metodu li jippermetti lill-BEI jidentifika, fi ħdan l-attività esterna tiegħu, l-operazzjonijiet li jridu jiġu ffinanzjati taħt din id-Deċiżjoni u l-operazzjonijiet li jridu jiġu ffinanzjati għar-riskju proprju tal-BEI. Il-metodu għandu jiġi bbażat fuq l-affidabbiltà kreditizja tal-operazzjonijiet ta’ finanzjament tal-BEI kif ivvalutati mill-BEI, ir-reġjuni u l-limiti kif definiti fl-Anness I, in-natura tal-kontroparti (jekk gvern/Stat, sottosovran kif imsemmi fil-paragrafu 1 jew privat), il-kapaċità ta’ assorbiment ta’ riskju tal-BEI u kriterji rilevanti oħra, inkluż il-valur miżjud tal-Garanzija tal-UE.

6.           Meta tintalab il-garanzija tal-UE, l-Unjoni għandha tkun surrogata għal kwalunkwe drittijiet tal-Bank rilevanti fir-rigward ta’ kwalunkwe obbligu b'rabta mal-operazzjonijiet ta’ finanzjament tiegħu, skont il-Ftehim imsemmi fl-Artikolu 13.

Artikolu 9 Il-valutazzjoni tal-BEI u l-monitoraġġ ta’ proġetti ta’ investiment

1.           Il-BEI għandu jwettaq analiżi approfondita ("due diligence") u, fejn ikun xieraq u f'konformità mal-prinċipji soċjali u ambjentali tal-Unjoni, jirrikjedi konsultazzjoni pubblika lokali xierqa, tal-aspetti tal-proġetti ta' investiment relatati mal-iżvilupp, koperti mill-garanzija tal-UE.

Fejn xieraq, il-valutazzjoni skont l-ewwel subparagrafu għandha tinkludi valutazzjoni dwar kif il-kapaċitajiet tal-benefiċjarji tal-finanzjament mill-BEI jistgħu jiġu msaħħa mill-ġdid tul iċ-ċiklu kollu tal-proġett b’għajnuna teknika.

Ir-regoli u l-proċeduri tal-BEI innifsu għandhom jinkludu d-dispożizzjonijiet neċessarji dwar il-valutazzjoni tal-impatt ambjentali u soċjali tal-proġetti ta' investiment u tal-aspetti konnessi mal-jeddijiet tal-bniedem u l-prevenzjoni tal-kunflitt, sabiex jiżguraw li dawk il-proġetti ta' investiment li jkunu sostenibbli ekonomikament, finanzjarjament, ambjentalment u soċjalment biss jiġu sostnuti skont din id-Deċiżjoni.

2.           Barra l-valutazzjoni ex-ante tal-aspetti relatati mal-iżvilupp, il-BEI għandu jissorvelja l-implimentazzjoni tal-operazzjonijiet ta’ finanzjament. B'mod partikolari, għandu jesiġi li l-promoturi tal-proġett iwettqu monitoraġġ bir-reqqa tul l-implimentazzjoni tal-proġett sat-tlestija tiegħu, inter alia, fir-rigward tal-impatt tal-proġett ta' investiment fuq l-iżvilupp, l-ambjent u d-drittijiet tal-bniedem. Il-BEI għandu jivvaluta l-informazzjoni pprovduta mill-promoturi tal-proġett.

3.           Il-monitoraġġ tal-BEI għandu jkopri wkoll, l-implimentazzjoni ta' operazzjonijiet intermedjati u l-prestazzjoni tal-intermedjarji finanzjarji b'appoġġ għall-SMEs.

4.           Il-BEI għandu jistabbilixxi sistema komprensiva ta’ traċċar ta' monitoraġġ tat-tnaqqis relattiv u assolut tal-emissjonijiet tal-gassijiet serra matul l-operazzjonijiet ta’ finanzjament mill-BEI fejn l-emissjonijiet huma sinifikanti u d-dejta hija disponibbli.

Artikolu 10 Ir-rappurtaġġ annwali u l-kontabilità

1.           Il-Kummissjoni għandha tirrapporta kull sena lill-Parlament Ewropew u lill-Kunsill dwar l-operazzjonijiet ta’ finanzjament mill-BEI mwettqa skont din id-Deċiżjoni. Ir-rapport għandu jinkludi:

(a) stima tal-operazzjonijiet ta’ finanzjament mill-BEI fil-livell ta’ proġett, settur, pajjiż u dak reġjonali;

(b) valutazzjoni tal-applikazzjoni tal-metodu msemmi fl-Artikolu 8(5);

(c) valutazzjoni tal-valur miżjud u l-impatt tal-iżvilupp tal-operazzjonijiet ta’ finanzjament mill-BEI fuq bażi aggregata u l-kontribut tagħhom fil-kisba tal-għanijiet strateġiċi u tal-politika esterna tal-Unjoni, b’kunsiderazzjoni tal-linji gwida operattivi tekniċi reġjonali msemmija fl-Artikolu 5;

(d) valutazzjoni tal-benefiċċju finanzjarju trasferit lill-benefiċjarji tal-operazzjonijiet ta’ finanzjament mill-BEI fuq bażi aggregata;

(e) valutazzjoni tal-kwalità tal-operazzjonijiet ta’ finanzjament mill-BEI, b’mod partikolari, il-punt sa fejn il-BEI kkunsidra s-sostenibbiltà ambjentali u soċjali fl-analiżi approfondita u l-monitoraġġ ta’ proġetti ta’ investiment finanzjati;

(f) jitlob Garanzija tal-UE;

(g) informazzjoni dwar il-volumi ta’ finanzjament rigward il-bijodiversità u t-tibdil fil-klima skont din id-Deċiżjoni, l-impatt fuq it-tnaqqis assolut u relattiv tal-gassijiet serra tal-investimenti sinifikanti kollha kif definit fl-istrateġija tat-tibdil fil-klima msemmija fl-Artikolu 3 fuq bażi aggregata kif ukoll in-numru ta’ proġetti vvalutati kontra r-riskju tal-klima;

(h) deskrizzjoni ta’ kooperazzjoni mal-Kummissjoni u Istituzzjonijiet Finanzjarji Ewropej oħra u Istituzzjonijiet Finanzjarji Internazzjonali, inkluż il-kofinanzjament. Ir-rapport għandu jinkludi b’mod partikolari lista dettaljata tar-riżorsi finanzjarji tal-Unjoni u r-riżorsi ta’ Istituzzjonijiet Finanzjarji Ewropej u Istituzzjonijiet Finanzjarji Internazzjonali oħrajn użati flimkien mal-finanzjament mill-BEI, li b’hekk jagħti ħarsa ġenerali dwar l-investiment totali appoġġat mill-operazzjonijiet ta’ finanzjament mill-BEI mwettqa taħt din id-Deċiżjoni. Ir-rapport għandu jsemmi wkoll il-konklużjoni ta’ memoranda ta’ qbil bejn il-BEI u Istituzzjonijiet Finanzjarji Ewropej jew Istituzzjonijiet Finanzjarji Internazzjonali oħrajn li għandhom effett fuq l-operazzjonijiet ta’ finanzjament mill-BEI taħt din id-Deċiżjoni;

(i) informazzjoni dwar is-segwitu tal-funzjonament tal-Memorandum ta’ qbil bejn il-BEI u l-Ombudsman Ewropew safejn il-Memorandum jikkonċerna l-operazzjonijiet ta’ finanzjament mill-BEI koperti b'din id-Deċiżjoni.

2.           Għall-finijiet tar-rappurtar tal-Kummissjoni msemmija fil-paragrafu 1, il-BEI għandu jipprovdi lill-Kummissjoni b’rapporti annwali dwar l-operazzjonijiet ta’ finanzjament mill-BEI mwettqa taħt din id-Deċiżjoni inklużi l-elementi kollha meħtieġa li jippermettu lill-Kummissjoni tirrapporta skont il-paragrafu 1. Il-BEI jista’ wkoll jipprovdi lill-Kummissjoni b'informazzjoni addizzjonali rilevanti għall-Kunsill u l-Parlament Ewropew biex tingħata stampa komprensiva tal-attività esterna tal-BEI.

3.           Il-BEI għandu jipprovdi lill-Kummissjoni b'dejta statistika, finanzjarja u kontabilistika dwar kull waħda mill-operazzjonijiet ta' finanzjament mill-BEI, kif ukoll kwalunkwe informazzjoni addizzjonali meħtieġa biex jiġu ssodisfati d-dmirijiet ta' rappurtaġġ tal-Kummissjoni jew it-talbiet mill-Qorti tal-Awdituri u ċertifikat ta' awditur dwar l-ammonti pendenti tal-operazzjonijiet ta' finanzjament mill-BEI. Il-BEI għandu wkoll jipprovdi lill-Kummissjoni kwalunkwe dokumenti meħtieġa f'konformità mar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002[16].

4.           Għall-finijiet tal-kontabilità u tar-rappurtaġġ tal-Kummissjoni tar-riskji koperti mill-garanzija tal-UE, il-BEI għandu jipprovdi lill-Kummissjoni b’valutazzjoni tar-riskju tal-BEI u b’informazzjoni dwar gradazzjoni li tikkonċerna l-operazzjonijiet ta’ finanzjament mill-BEI.

5.           Il-BEI għandu jipprovdi lill-Kummissjoni, tal-inqas darba f'sena, bi programm multiannwali indikattiv tal-volum ippjanat ta’ firem tal-operazzjonijiet ta’ finanzjament tal-BEI, sabiex tkun żgurata l-kompatibbiltà tat-tbassir tal-finanzjament tal-BEI mal-livelli massimi stabbiliti f’din id-Deċiżjoni u għall-Kummissjoni sabiex jiġi żgurat ippjanar baġitarju xieraq għall-forniment tal-Fond ta’ garanzija[17]. Il-Kummissjoni għandha tqis din il-previżjoni meta tkun qed tħejji l-abbozz tal-baġit.

6.           Il-BEI għandu jibqa' jipprovdi lill-Parlament Ewropew, lill-Kunsill u lill-Kummissjoni r-rapporti indipendenti ta' evalwazzjoni kollha tiegħu li jivvalutaw ir-riżultati prattiċi miksuba mill-attivitajiet speċifiċi tal-BEI skont din id-Deċiżjoni u mandati esterni oħrajn.

7.           Il-BEI għandu jipprovdi l-informazzjoni msemmija fil-paragrafi 2 u 6 għall-ispejjeż tiegħu.

Artikolu 11 L-iżvelar pubbliku ta' informazzjoni

1.           Skont il-politika ta’ trasparenza tiegħu stess, il-BEI għandu jagħmel disponibbli għall-pubbliku fil-websajt tiegħu informazzjoni relatata ma’:

(a) l-operazzjonijiet ta’ finanzjament mill-BEI kollha mwettqa taħt din id-Deċiżjoni u li b’mod partikolari tindika jekk proġett ta’ investiment huwa kopert mill-garanzija tal-UE;

(b) sakemm ikunu applikati rekwiżiti ta’ kunfidenzjalità, kwalunkwe memoranda ta’ qbil bejn il-BEI u Istituzzjonijiet Finanzjarji Ewropej jew Istituzzjonijiet Finanzjarji Internazzjonali oħrajn li għandhom effett fuq l-operazzjonijiet ta’ finanzjament mill-BEI taħt din id-Deċiżjoni.

2.           Il-Kummissjoni għandha tippubblika fuq il-websajt tagħha informazzjoni relatata mal-każi kollha ta' rkupru skont il-ftehim imsemmi fl-Artikolu 14 sakemm ikunu japplikaw rekwiżiti tal-kunfidenzjalità.

Artikolu 12 Ġurisdizzjonijiet li ma jikkooperawx

Fl-operazzjonijiet ta' finanzjament tiegħu, il-BEI ma għandux jittollera attivitajiet li jsiru għal finijiet illegali, inkluż il-ħasil tal-flus, il-finanzjament tat-terroriżmu, il-frodi fiskali u l-evażjoni tat-taxxa, il-korruzzjoni, u l-frodi li taffettwa l-interessi finanzjarji tal-UE. B'mod partikolari l-BEI ma għandu jipparteċipa fl-ebda operazzjoni ta' finanzjament implimentata f'pajjiż eliġibbli permezz ta' ġurisdizzjoni barranija li ma tikkooperax identifikata bħala tali mill-OECD, mit-Task Force ta' Azzjoni Finanzjarja jew minn organizzazzjonijiet internazzjonali rilevanti oħrajn.

Artikolu 13 Ftehim ta' garanzija

Il-Kummissjoni u l-BEI għandhom jiffirmaw ftehim ta' garanzija li jistabbilixxi d-dispożizzjonijiet u l-proċeduri dettaljati dwar il-garanzija tal-UE kif stabbilita fl-Artikolu 8 u għandhom jinfurmaw lill-Parlament Ewropew u l-Kunsill kif meħtieġ.

Artikolu 14 L-irkupru tal-ħlasijiet magħmula mill-Kummissjoni

1.           Fejn il-Kummissjoni tagħmel xi ħlas skont il-garanzija tal-UE, il-BEI, f’isem u fl-interess tal-Kummissjoni, għandu jsegwi l-irkupru tal-klejms għall-ammonti mħallsa.

2.           Mhux aktar tard mill-iffirmar tal-ftehim imsemmi fl-Artikolu 13, il-Kummissjoni u l-BEI għandhom jiffirmaw ftehim separat li jistabbilixxi d-dispożizzjonijiet u l-proċeduri ddettaljati li jirrelataw mal-irkupru ta' pretensjonijiet.

Artikolu 15 Awditjar estern mill-Qorti tal-Awdituri

Il-garanzija tal-UE u l-ħlasijiet u l-irkupri fl-ambitu tagħha li jkunu attribwibbli għall-baġit ġenerali tal-Unjoni għandhom ikunu vverifikati mill-Qorti tal-Awdituri.

Artikolu 16 Miżuri ta' kontra l-frodi

1.           L-EIB għandu jinforma lill-OLAF immedjatament meta, fi kwalunkwe stadju tal-preparazzjoni, l-implimentazzjoni jew l-għeluq tal-proġetti suġġett għall-garanzija tal-UE, jindividwa każ potenzjali ta’ frodi, korruzzjoni jew attività illegali oħra li jistgħu jaffettwaw l-interessi finanzjarji tal-UE.

2.           L-OLAF jista' jwettaq investigazzjonijiet, inklużi kontrolli u spezzjonijiet fuq il-post, skont id-dispożizzjonijiet u l-proċeduri stabbiliti fir-Regolament (KE) Nru 1073/1999, ir-Regolament (Euratom, KE) Nru 2185/96 u r-Regolament (KE, Euratom) Nru 2988/95 sabiex jitħarsu l-interessi finanzjarji tal-Unjoni Ewropea, bil-ħsieb li jiġi stabbilit jekk kienx hemm frodi, korruzzjoni jew kwalunkwe attività illegali oħra li taffettwa l-interessi finanzjarji tal-Unjoni b’rabta ma’ kwalunkwe operazzjonijiet ta’ finanzjament.

Artikolu 17 Eżerċizzju tad-delegazzjoni

1.           Is-setgħa ta’ adozzjoni ta’ atti ddelegati hija mogħtija lill-Kummissjoni suġġett għall-kundizzjonijiet stabbiliti f’dan l-Artikolu.

2.           Id-delega ta' setgħa msemmija fl-Artikolu 4 għandha tingħata lill-Kummissjoni għal perjodu ta' żmien indeterminat.

3.           Id-delega tas-setgħat imsemmija fl-Artikolu 4 tista' tiġi rrevokata fi kwalunkwe mument mill-Parlament Ewropew jew mill-Kunsill. Deċiżjoni ta’ revoka ttemm id-delega ta' setgħa speċifikata f’dik id-deċiżjoni. Din għandha tidħol fis-seħħ fil-jum ta’ wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data iktar tard speċifikata fiha. Din ma għandhiex taffettwa l-validità ta’ xi att delegat li jkun diġà fis-seħħ.

4.           Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

5.           Att iddelegat addottat skont l-Artikolu 4 għandu jidħol fis-seħħ biss jekk ma tiġi espressa l-ebda oġġezzjoni la mill-Parlament Ewropew u lanqas mill-Kunsill fi żmien xahrejn minn mindu tkun saret in-notifika ta’ dak l-att lill-Parlament Ewropew u lill-Kunsill jew jekk, qabel l-iskadenza ta’ dak il-perjodu, il-Parlament Ewropew u l-Kunsill it-tnejn ikunu informaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn fuq l-inizjattiva tal-Parlament Ewropew jew tal-Kunsill.

Artikolu 18 Reviżjoni ta' nofs it-term

Sal-31 ta’ Diċembru 2017, il-Kummissjoni għandha tippreżenta lill-Parlament Ewropew u lill-Kunsill b'rapport intermedju li jevalwa l-implimentazzjoni ta' din id-Deċiżjoni fl-ewwel snin, akkumpanjat, fejn xieraq, bi proposta għal emenda tiegħu. Ir-rapport għandu jissejjes fuq evalwazzjoni esterna u l-kontribuzzjoni mill-BEI.

Artikolu 19 Rappurtaġġ finali

Sal-31 ta’ Diċembru 2021, il-Kummissjoni għandha tippreżenta lill-Parlament Ewropew u lill-Kunsill rapport finali dwar l-applikazzjoni ta' din id-Deċiżjoni.

Artikolu 20 Dħul fis-seħħ

Din id-Deċiżjoni għandha tidħol fis-seħħ fit-tielet jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Brussell,

Għall-Parlament Ewropew                           Għall-Kunsill

Il-President                                                    Il-President

ANNESS I

LIMITI REĠJONALI

A.           Il-pajjiżi preadeżjonali: EUR 8 400 000 000;

B.           Il-pajjiżi tal-Viċinat u tas-Sħubija: EUR 12 400 000 000, imqassma fis-sottolimiti indikattivi li ġejjin:

(i)      il-pajjiżi Mediterranji: EUR 8 400 000 000;

(ii)     l-Ewropa tal-Lvant, il-Kawkasu t’Isfel u r-Russja: EUR 4 000 000 000;

C.           l-Asja u l-Amerika Latina: EUR 3 600 000 000, imqassma fis-sottolimiti indikattivi li ġejjin:

(i)      l-Amerika Latina: EUR 2 150 000 000;

(ii)     l-Asja: EUR 1 200 000 000;

(iii)     l-Asja Ċentrali: EUR 250 000 000

D.           l-Afrika t'Isfel: EUR 600 000 000.

Fi ħdan il-limitu ġenerali fiss, il-BEI għandu jitlob, fejn xieraq, lill-Kummissjoni biex taqbel li talloka mill-ġdid ammont sa 20 % tal-limiti massimi sottoreġjonali fi ħdan ir-reġjuni u sa 10 % tal-limiti massimi reġjonali bejn ir-reġjuni.

ANNESS II

REĠJUNI U PAJJIŻI POTENZJALMENT ELIĠIBBLI

A.           Il-pajjiżi preadeżjonali

1.      Kandidati

l-Islanda, Dik li kienet ir-Repubblika Jugoslava tal-Maċedonja, il-Montenegro, is-Serbja, it-Turkija

2.      Kandidati potenzjali

l-Albanija, il-Bosnja-Ħerzegovina, il-Kosovo

B.           Pajjiżi Ġirien u Msieħba

1.      Pajjiżi Mediterranji

l-Alġerija, l-Eġittu, l-Iżrael, il-Ġordan, il-Libanu, il-Libja, il-Marokk, il-Palestina, is-Sirja, it-Tuneżija

2.      L-Ewropa tal-Lvant, il-Kawkasu tan-Nofsinhar u r-Russja

l-Ewropa tal-Lvant: il-Belarus, Il-Moldova, l-Ukrajna

il-Kawkasu t'Isfel: l-Armenja, l-Ażerbajġan, il-Ġeorġja

Ir-Russja

C.           l-Asja u l-Amerika Latina:

1.      L-Amerika Latina

l-Arġentina, il-Bolivja, il-Brażil, iċ-Ċilì, il-Kolombja, il-Kosta Rika, Kuba, l-Ekwador, El Salvador, il-Gwatemala, il-Ħonduras, il-Messiku, in-Nikaragwa, il-Panama, il-Paragwaj, il-Perù, l-Urugwaj, il-Venezwela.

2.      L-Asja

l-Afganistan, il-Bangaladexx, il-Butan, il-Brunej, il-Kambodja, iċ-Ċina (inklużi Ħong Kong u r-Reġjuni Amministrattivi Speċjali tal-Makaw), l-Indja, l-Indoneżja, l-Iraq, il-Laos, il-Malasja, il-Maldive, il-Mongolja, il-Mjanmar, in-Nepal, il-Pakistan, il-Filippini, Singapor, is-Sri Lanka, it-Tajwan, it-Tajlandja, il-Vjetnam, il-Jemen.

3.      L-Asja Ċentrali

il-Każakistan, il-Kirgisstan, it-Taġikistan, it-Turkmenistan, l-Uzbekistan

D.           L-Afrika t’Isfel

Ir-Repubblika tal-Afrika t'Isfel

ANNESS III

REĠJUNI U PAJJIŻI ELIĠIBBLI

A.           Il-pajjiżi preadeżjonali

1.      Kandidati

l-Islanda, Dik li kienet ir-Repubblika Jugoslava tal-Maċedonja, il-Montenegro, is-Serbja, it-Turkija

2.      Kandidati potenzjali

l-Albanija, il-Bosnja-Ħerzegovina, il-Kosovo

B.           Pajjiżi Ġirien u Msieħba

1.      Pajjiżi Mediterranji

l-Alġerija, l-Eġittu, l-Iżrael, il-Ġordan, il-Libanu, il-Libja, il-Marokk, il-Palestina, it-Tuneżija

2.      L-Ewropa tal-Lvant, il-Kawkasu tan-Nofsinhar u r-Russja

l-Ewropa tal-Lvant: Il-Moldova, l-Ukrajna

il-Kawkasu t'Isfel: l-Armenja, l-Ażerbajġan, il-Ġeorġja

Ir-Russja

C.           l-Asja u l-Amerika Latina:

1.      L-Amerika Latina

L-Arġentina, il-Bolivja, il-Brażil, iċ-Ċilì, il-Kolombja, il-Kosta Rika, l-Ekwador, El Salvador, il-Gwatemala, il-Ħonduras, il-Messiku, in-Nikaragwa, il-Panama, il-Paragwaj, il-Perù, l-Urugwaj, il-Veneżwela

2.      L-Asja

Il-Bangaladexx, il-Brunej, il-Kambodja, iċ-Ċina (inklużi Ħong Kong u r-Reġjuni Amministrattivi Speċjali tal-Makaw), l-Indja, l-Indoneżja, l-Iraq, il-Laos, il-Malasja, il-Maldive, il-Mongolja, il-Mjanmar, in-Nepal, il-Pakistan, il-Filippini, Singapor, il-Korea t'Isfel, is-Sri Lanka, it-Tajlandja, il-Vjetnam, il-Jemen

3.      L-Asja Ċentrali

il-Kazakistan, il-Kirgistan, it-Taġikistan, it-Turkmenistan, l-Uzbekistan

D.           L-Afrika t’Isfel

Ir-Repubblika tal-Afrika t'Isfel

ANNESS IV

QAFAS DWAR IL-POLITIKA REĠJONALI

L-attività tal-BEI fil-pajjiżi sħab li jipparteċipaw fil-proċess ta' qabel l-adeżjoni sseħħ fil-qafas stabbilit fis-Sħubijiet ta' Adeżjoni u dawk Ewropej li ffissaw il-prijoritajiet għal pajjiżi kandidati u pajjiżi kandidati potenzjali, bil-ħsieb li jiġi rreġistrat progress fit-tqarrib lejn l-Unjoni, u li jipprovdu qafas għal għajnuna mill-Unjoni. Il-Proċess ta’ Stabbilizzazzjoni u Assocjazzjoni huwa l-qafas politiku tal-UE għall-Balkani tal-Punent. Dan huwa msejjes fuq sħubija progressiva, li fiha l-Unjoni toffri konċessjonijiet kummerċjali, għajnuna ekonomika u finanzjarja u relazzjonijiet kuntrattwali permezz tal-Ftehimiet ta’ Stabbilizzazzjoni u Assoċjazzjoni. L-assistenza finanzjarja preadeżjonali tgħin lill-kanditati u l-kanditati potenzjali jitħejjew għall-obbligi u l-isfidi tal-isħubija fl- Unjoni. Din l-assistenza ssostni l-proċess ta’ riformi, inklużi t-tħejjijiet għall-eventwalità li dawn il-pajjiżi jsiru membri. Hija tiffoka fuq it-tiswir istituzzjonali, il-konformità mal-acquis tal-Unjoni, it-tħejjija għal-linji ta' politika u l-istrumenti tal-Unjoni u l-promozzjoni ta' miżuri biex tintlaħaq il-konverġenza ekonomika.

L-attività tal-BEI fil-pajjiżi tal-Viċinat isseħħ fil-qafas tal-Politika Ewropea tal-Viċinat il-ġdida "Risposti ġodda għal Viċinat fi trasformazzjoni", adottata fil-25 ta’ Mejju 2011 u l-konklużjonijiet tal-Kunsill adottati fl-20 ta’ Ġunju 2011, li notevolment jitolbu appoġġ akbar għall-imsieħba impenjati fil-bini ta’ soċjetajiet demokratiċi u fit-twettiq ta’ riformi, f’konformità mal-prinċipji "aktar għal aktar" u "responsabbiltà reċiproka" , u jipprovdi l-qafas ta’ politika strateġika għar-relazzjonijiet tal-UE mal-ġirien. Fil-qafas ta' din il-kooperazzjoni, il-finanzjament mill-BEI taħt din id-Deċiżjoni se jkun immirat wkoll lejn linji ta' politika li jippromwovu tkabbir inklużiv u ħolqien ta' impjiegi li jikkontribwixxu għall-istabbilità soċjali f'konformità ma' approċċ ibbażat fuq l-inċentivi li jappoġġa l-objettivi tal-politika esterna tal-Unjoni, inkluż fir-rigward ta' kwistjonijiet ta' migrazzjoni.

Biex tikseb dawn l-għanijiet, l-Unjoni u l-imsieħba tagħha jimplimentaw pjani ta' azzjoni bilaterali maqbula b'mod konġunt li jiddefinixxu sett ta’ prijoritajiet li jinkludi kwistjonijiet politiċi u ta' sigurtà, kwistjonijiet kummerċjali u ekonomiċi, tħassib ambjentali u soċjali u l-integrazzjoni tan-netwerks tat-trasport u tal-enerġija.

L-Unjoni għall-Mediterran, is-Sħubija tal-Lvant u s-Sinerġija tal-Baħar l-Iswed, l-Istrateġija tal-Unjoni għar-Reġjun tad-Danubju u l-Istrateġija tal-Unjoni għar-Reġjun tal-Baħar Baltiku, huma inizjattivi reġjonali u multilaterali bil-għan li jrawmu l-kooperazzjoni bejn l-Unjoni Ewropea u l-grupp rispettiv ta’ pajjiżi ġirien imsieħba li jiffaċċjaw sfidi komuni jew jaqsmu ambjent ġeografiku komuni. L-Unjoni għall-Mediterran għandha l-għan li tniedi mill-ġdid il-proċess ta' integrazzjoni Ewro-Mediterranja billi tappoġġa l-iżvilupp ekonomiku, soċjali u ambjentali konġunt fuq iż-żewġ naħat tal-Mediterran u tappoġġa żvilupp soċjoekonomiku aħjar, is-solidarjetà, l-integrazzjoni reġjonali, l-iżvilupp sostenibbli u t-tiswir tal-għarfien, b’enfasi fuq il-ħtieġa li tiżdied il-kooperazzjoni finanzjarja għall-appoġġ ta' proġetti reġjonali u transnazzjonali. L-Unjoni għall-Mediterran tappoġġja, b'mod partikolari, il-ħolqien ta' highways marittimi u tal-art, it-tneħħija tat-tniġġis fil-Mediterran, il-pjan għall-enerġija solari fil-Mediterran, l-Inizjattiva għall-Iżvilupp tan-Negozju fil-Mediterran, il-protezzjoni ċivili u l-università Ewro-Mediterranja. L-Istrateġija tal-Unjoni għar-Reġjun tal-Baħar Baltiku tappoġġa ambjent sostenibbli u żvilupp ekonomiku u soċjali ottimali fir-reġjun tal-Baħar Baltiku. L-Istrateġija tal-Unjoni għar-Reġjun tad-Danubju tappoġġa, b'mod partikolari, l-iżvilupp tat-trasport, il-konnessjonijiet u s-sigurtà marbutin mal-enerġija, l-ambjent sostenibbli u l-iżvilupp soċjoekonomiku fir-Reġjun tad-Danubju. L-Isħubija tal-Lvant għandha l-għan li toħloq il-kondizzjonijiet neċessarji biex titħaffef l-assoċjazzjoni politika u titkompla l-integrazzjoni ekonomika bejn l-Unjoni u l-pajjiżi msieħba tal-Lvant. Il-Federazzjoni Russa u l-Unjoni għandhom sħubija strateġika fuq firxa wiesgħa, distinta mill-Politika Ewropea tal-Viċinat u espressa permezz tal-Ispazji u l-Pjani Direzzjonali Komuni. Dawn huma kkumplementati fil-livell multilaterali mid-Dimensjoni tat-Tramuntana li tipprovdi qafas għall-kooperazzjoni bejn l-Unjoni, ir-Russja, in-Norveġja u l-Islanda (il-Belarus. il-Kanada, l-Istati Uniti huma osservaturi fid-Dimensjoni tat-Tramuntana).

L-attività tal-BEI fl-Amerika Latina sseħħ fil-qafas tas-Sħubija Strateġika tal-Unjoni, l-Amerika Latina u l-Karibew. Kif enfasizzat fil-Komunikazzjoni tal-Kummissjoni ta’ Settembru 2009 "L-Unjoni Ewropea u l-Amerika Latina: Parteċipanti Globali fi Sħubija", il-prijoritajiet tal-Unjoni fil-qasam tal-kooperazzjoni lejn l-Amerika Latina huma t-tħeġġiġ tal-integrazzjoni reġjonali u l-qirda tal-faqar u l-inugwaljanza soċjali ħalli jitħeġġu s-sostenibbiltà ekonomika u l-iżvilupp soċjali. Dawn l-għanijiet ta' politika ser jiġu promossi b'kont meħud tal-livell differenti tal-iżvilupp tal-pajjiżi Latini Amerikani. Id-djalogu bilaterali u l-kooperazzjoni ser jiġu segwiti f’oqsma ta' interess komuni għaż-żewġ reġjuni, inklużi l-ambjent, it-tibdil fil-klima, it-tnaqqis tar-riskju tad-diżastri u l-enerġija, ix-xjenza, ir-riċerka, l-edukazzjoni għolja, it-teknoloġija u l-innovazzjoni.

Il-BEI hu inkoraġġut ikun attiv fl-Asja, b'mod partikolari f'pajjiżi inqas prosperi. F’dan ir-reġjun divers, l- Unjoni qed tapprofondixxi s-sħubija strateġika tagħha maċ-Ċina u l-Indja u qed isir progress fin-negozjati biex jissawru ftehimiet ġodda ta' sħubija u kummerċ ħieles mal-pajjiżi tax-Xlokk tal-Asja. Fl-istess waqt, il-kooperazzjoni fl-iżvilupp għadha punt importanti fl-aġenda tal-Unjoni mal-Asja; l-istrateġija għall-iżvilupp tal-UE għar-reġjun Asjatiku għandha l-għan li teqred il-faqar billi tappoġġa tkabbir ekonomiku sostenibbli fuq sisien wesgħin, tippromwovi ambjent u kondizzjonijiet li jwasslu għal kummerċ u integrazzjoni fir-reġjun, issaħħaħ il-governanza, iżżid l-istabbiltà politika u soċjali, u tappoġġa l-kisba tal-Għanijiet ta' Żvilupp tal-Millennju għall-2015. Qed jiddaħħlu fis-seħħ b’mod konġunt politiki li jindirizzaw sfidi komuni, bħat-tibdil fil-klima, l-iżvilupp sostenibbli, is-sigurtà u l-istabilità, il-governanza u d-drittijiet tal-bniedem, kif ukoll il-prevenzjoni tad-diżastri naturali u umanitarji u r-rispons għalihom.

L-istrateġija tal-UE għal sħubija ġdida mal-Asja Ċentrali adottata mill-Kunsill Ewropew f’Ġunju 2007 saħħet id-djalogu reġjonali u bilaterali u l-kooperazzjoni tal-Unjoni mal-pajjiżi tal-Asja Ċentrali fir-rigward ta’ kwistjonijiet ewlenin li jħabbat wiċċu magħhom dan ir-reġjun, bħat-tnaqqis tal-faqar, l-iżvilupp sostenibbli u l-istabbiltà. L-implimentazzjoni tal-istrateġija wasslet għal avvanzi importanti fl-oqsma tad-drittijiet tal-bniedem, l-istat tad-dritt, il-governanza tajba u d-demokrazija, l-edukazzjoni, l-iżvilupp ekonomiku, il-kummerċ u l-investiment, l-enerġija u t-trasport u l-linji ta' politika ambjentali.

L-attività tal-BEI fl-Afrika t'Isfel isseħħ fil-qafas tad-Dokument Konġunt ta' Strateġija tal-Unjoni għal-Pajjiż għall-Afrika t'Isfel. L-oqsma ewlenin identifikati f’dak id-Dokument ta' Strateġija huma l-ħolqien tal-impjiegi u l-iżvilupp tal-kapaċità biex jitwasslu s-servizzi u l-koeżjoni soċjali. L-attivitajiet tal-BEI fl-Afrika t’Isfel seħħew f’kumplementarjetà għolja mal-programm ta’ kooperazzjoni għall-iżvilupp tal-UE jiġifieri permezz tal-attenzjoni li l-BEI ta lill-appoġġ għas-settur privat u l-investimenti fl-espansjoni tal-infrastruttura u s-servizzi soċjali (id-djar, il-ġenerazzjoni tal-elettriku, il-purifikazzjoni tal-ilma għax-xorb u l-infrastruttura muniċipali). L-analiżi ta’ nofs it-terminu tad-Dokument ta' Strateġija tal-Unjoni għal-Pajjiż fir-rigward tal-Afrika t'Isfel li twettqt fl-2009-2010 pproponiet it-tisħiħ tal-azzjonijiet fil-qasam tat-tibdil fil-klima permezz ta' attivitajiet li jappoġġaw il-ħolqien ta' impjiegi ekoloġiċi. Għall-perjodu 2014-2020, l-attività tal-BEI hija mistennija tappoġġja b’manjiera kumplimentari il-politiki, il-programmi u l-istrumenti ta' kooperazzjoni esterna tal-UE billi tkompli tiffoka fuq il-prijoritajiet ewlenin bejn l-UE u l-Afrika t’isfel sabiex jiġi promoss żvilupp ekwu u sostenibbli, isir kontribut fil-ħolqien tal-impjiegi u l-iżvilupp tal-kapaċità, u tappoġġja l-għoti sostenibbli u l-aċċess ġust għall-infrastruttura u s-servizzi bażiċi

DIKJARAZZJONI FINANZJARJA LEĠIŻLATTIVA

1.           IL-QAFAS TAL-PROPOSTA/INIZJATTIVA

              1.1.    Titolu tal-proposta/inizjattiva

              1.2.    Qasam/Oqsma ta’ politika konċernat(i) fl-istruttura tal-ABM/ABB

              1.3.    Natura tal-proposta/inizjattiva

              1.4.    Għan(ijiet)

              1.5.    Raġunijiet għall-proposta/inizjattiva

              1.6.    Tul ta' żmien u impatt finanzjarju

              1.7.    Metodu/i ta’ ġestjoni previst(i)

2.           MIŻURI TA’ ĠESTJONI

              2.1.    Regoli dwar il-monitoraġġ u r-rapportar

              2.2.    Sistema ta’ ġestjoni u kontroll

              2.3.    Miżuri għall-prevenzjoni tal-frodi u l-irregolaritajiet

3.           IMPATT FINANZJARJU STMAT TAL-PROPOSTA/INIZJATTIVA

              3.1.    Intestatura/i tal-qafas finanzjarju pluriennali u l-intestatura/i tal-baġit affettwata/i

              3.2.    Impatt stmat fuq in-nefqa

              3.2.1. Sommarju tal-impatt stmat fuq in-nefqa

              3.2.2. Impatt stmat fuq l-approprjazzjonijiet operazzjonali

              3.2.3. Impatt stmat fuq l-approprjazzjonijiet ta' natura amministrattiva

              3.2.4. Kompatibbiltà mal-qafas finanzjarju pluriennali attwali

              3.2.5. Parteċipazzjoni minn partijiet terzi fil-finanzjament

              3.3.    Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.           IL-QAFAS TAL-PROPOSTA/INIZJATTIVA

1.1.        It-titolu tal-proposta/inizjattiva

Proposta għal Deċiżjoni tal-Parlament Ewropew u tal-Kunsill li tagħti garanzija tal-UE lill-Bank Ewropew għall-Investiment kontra telf minn operazzjonijiet ta' finanzjament b'appoġġ għal proġetti ta' investiment barra l-UE.

1.2.        Il-qasam/l-oqsma ta’ politika konċernat(i) fl-istruttura tal-ABM/ABB[18]

Qasam tal-politika: It-Titolu 01 – L-Affarijiet Ekonomiċi u Finanzjarji

Attività tal-ABB: L-affarijiet ekonomiċi u finanzjarji internazzjonali

1.3.        In-natura tal-proposta/inizjattiva

¨ Il-proposta/l-inizjattiva hija relatata ma’ azzjoni ġdida

¨ Il-proposta/l-inizjattiva hija relatata ma' azzjoni ġdida li ssegwi proġett pilota/azzjoni preparatorja[19]

X Il-proposta/l-inizjattiva hija relatata ma' estensjoni ta' azzjoni eżistenti

¨ Il-proposta/l-inizjattiva hija relatata ma' azzjoni indirizzata mill-ġdid għal azzjoni ġdida

1.4.        L-għanijiet

1.4.1.     L-għan(ijiet) strateġiku/ċi pluriennali tal-Kummissjoni fil-mira tal-proposta/inizjattiva

L-għan ġenerali tal-attività tal-BEI barra l-Unjoni taħt il-mandat estern huwa li jingħata appoġġ għall-politiki esterni tal-Unjoni billi jiġu ffinanzjati proġetti ta’ investiment rilevanti fil-pajjiżi msieħba permezz ta’ kombinazzjoni tat-tlaqqigħ tal-baġit tal-UE mar-riżorsi proprji tal-BEI.

Permezz tal-operazzjonijiet ta’ finanzjament tiegħu barra l-Unjoni koperti mill-garanzija tal-UE, il-BEI għandu jappoġġja l-iżvilupp sostenibbli ekonomiku, soċjali u ambjentali tal-Unjoni fil-pajjiżi msieħba, u s-sħubija tagħhom mal-Unjoni.

L-għanijiet ġenerali li l-operazzjonijiet ta’ finanzjament mill-BEI għandhom ifittxu taħt il-mandat huma dawn:

(a)      l-iżvilupp tas-settur privat lokali, b'mod partikolari l-appoġġ għall-SMEs.

(b)     l-iżvilupp ta’ infrastruttura soċjali, ambjentali u ekonomiċi;

(c)      il-mitigazzjoni u l-adattament għat-tibdil fil-klima

1.4.2.     Għan(ijiet) speċifiku/ċi u attività/ajiet ABM/ABB konċernata/i

Għan speċifiku ABM Nru 2: “It-titjib tal-profil tal-UE, ir-rappreżentazzjoni u l-kooperazzjoni esterna tagħha mal-BEI u mal-BERŻ, istituzzjonijiet finanzjarji internazzjonali oħrajn u l-fora ekonomiċi rilevanti maħsuba biex tissaħħaħ il-konverġenza bejn l-istrateġiji u l-ħidmiet tagħhom u l-prijoritajiet esterni tal-UE”.

Attività/attivitajiet ABM/ABB konċernata/i

It-Titolu 01.03 – L-Affarijiet Ekonomiċi u Finanzjarji Internazzjonali

1.4.3.     Ir-riżultat(i) mistenni(ja) u l-impatt

Twettqet valutazzjoni tal-impatt flimkien ma’ din il-proposta. L-impatti prinċipali tal-proposta ġew ivvalutati fir-Rapport VI.

1.4.4.     Indikaturi tar-riżultati u l-impatt

Il-BEI żviluppa qafas biex jitkejlu r-riżultati u l-impatti tal-operazzjonijiet tal-BEI permezz ta' monitoraġġ operazzjonali ta’ sett ta’ indikaturi. Il-“Qafas ta' Kejl tar-Riżultati (REM)[20] itejjeb il-valutazzjoni ex-ante tar-riżultati tal-proġett mistennija u jsaħħaħ il-ħila tal-BEI li tirrapporta dwar ir-riżultati reali miksuba. Il-qafas tar-REM iservi biex juri kif is-self mill-BEI jiġġenera outputs, li jippermettu r-riżultati u maż-żmien iwasslu għal impatti, li jkunu skont l-għanijiet tal-mandat tal-Bank.

Barra minn hekk, il-progress lejn għanijiet speċifiċi u operazzjonali tal-proposta se jkunu mmonitorjati permezz ta’ indikaturi ewlenin kif indikat f’2.1.

Fir-rigward tal-finanzjament għal proġetti li jippromwovu azzjoni klimatika, l-eliġibbiltà għal operazzjonijiet tat-tibdil fil-klima jkunu kkjarifikati kontra kriterji maqbula li jibnu fuq - u, jekk meħtieġ, l-issikkar - ta' definizzjonijiet eżistenti tal-BEI biex tkun immonitorjata n-nefqa relatata mat-tibdil fil-klima (eż. l-introduzzjoni ta’ parametri referenzjarji relatati ma’ tnaqqis fl-emissjonijiet tal-gassijiet serra, titjib jekk xieraq fid-definizzjonijiet għall-effiċjenza tal-enerġija u l-adattament), li mbagħad jistgħu jintużaw ukoll fil-fażi ta’ monitoraġġ għall-“operazzjonalizzazzjoni” tar-Rio marker jew sistema ekwivalenti kif proposta mill-Kummissjoni biex tittraċċa l-baġit tal-UE skont il-Qafas Finanzjarju Multiannwali li jmiss.

Fl-istess ħin, il-BEI għandu jibqa' jiżviluppa metodoloġiji għall-valutazzjoni tar-riskju marbut mal-klima sabiex tissaħħaħ ir-reżiljenza tal-klima għall-operazzjonijiet rilevanti kollha, u l-ipprezzar tal-karbonju jiġi integrat f'analiżi ekonomika tal-benefiċċju tal-ispiża. L-eliġibbiltà u l-kriterji ristrettivi għall-proġetti li għandhom livell għoli ħafna ta’ karbonju għandha wkoll tittejjeb f’politiki settorjali relevanti.

1.5.        Raġunijiet għall-proposta/inizjattiva

1.5.1.     Rekwiżit(i) li jrid(u) jintlaħqu fuq medda qasira jew twila ta' żmien

L-Artikolu 16 tad-Deċiżjoni 1080/2011/UE jistqarr li l-Kummissjoni għandha tippreżenta proposta lill-Parlament Ewropew u l-Kunsill għall-istabbiliment tal-garanzija tal-UE skont il-qafas finanzjarju pluriennali li jmiss (2014-2020).

Skont it-termini tad-Deċiżjoni 1080/2011/UE tal-Parlament Ewropew u tal-Kunsill, il-garanzija tal-UE tkopri l-operazzjonijiet ta' finanzjament mill-BEI iffirmati bejn l-1 ta' Frar 2007 u l-31 ta' Diċembru 2013. Għalhekk, għandha tiġi adottata deċiżjoni ġdida taħt il-proċedura leġiżlattiva ordinarja qabel ma jiskadi l-mandat attwali[21].

1.5.2.     Valur miżjud tal-involviment tal-UE

L-operazzjonijiet ta’ finanzjament tal-BEI barra l-Unjoni jirrappreżentaw għodda ferm viżibbli u effettiva b'appoġġ għall-azzjoni esterna tal-Unjoni. Il-benefiċċji prinċipali tal-intervent tal-BEI f’pajjiżi bħal dawn, lilhinn mill-kontribuzzjoni finanzjarja, tinkludi li l-għoti tal-għarfien espert lill-promoturi tal-proġetti u l-applikazzjoni tal-istandards ambjentali, soċjali u ta’ akkwist tal-UE għall-proġetti ffinanzjati. Flimkien mal-benefiċċji li jissemmew aktar ’il fuq, il-BEI jgħaddi b’mod sħiħ il-vantaġġi finanzjarji li jirriżultaw mill-garanzija tal-UE u l-ispejjeż attraenti tal-finanzjament tal-BEI lill-benefiċjarji finali fil-forma ta’ rati ta’ interessi kompetittivi.

Il-mandat taħt il-kopertura tal-garanzija tal-UE jipprovdi s-sostenn politiku u finanzjarju neċessarju tal-Unjoni għal pajjiżi u għal proġetti ta' investiment li normalment ma joqogħdux fil-linji gwida u fil-kriterji standard tal-BEI minħabba r-riskju ogħla.

1.5.3.     It-tagħlimiet minn esperjenzi simili fl-imgħoddi

Il-Valutazzjoni tal-Impatt (VI) ippreparat għal din id-Deċiżjoni jieħu mil-lezzjonijiet miksuba bl-implimentazzjoni tal-mandati preċedenti. Il-proposta leġiżlattiva l-ġdida timmira li tindirizza l-problemi identifikati fir-rapport tal-VI.

1.5.4.     Il-koerenza u s-sinerġija possibbli ma' strumenti rilevanti oħra

L-operazzjonijiet ta’ finanzjament mill-BEI se jikkomplementaw l-attivitajiet imwettqa taħt l-istrumenti ta’ għajnuna esterna. Sabiex jiżdied aktar is-sostenn għall-politiki esterni tal-Unjoni f’kull reġjun speċifiku, il-konnessjoni bejn il-prijoritajiet tal-BEI u l-politiki tal-Unjoni se tissaħħaħ. Dan se jinkiseb billi jiġu stabbiliti u aġġornati f'nofs terminu l-linji gwida operattivi tekniċi reġjonali li se jipprovdu qafas aktar b’saħħtu għad-djalogu u l-kooperazzjoni bejn il-BEI u l-Kummissjoni. Fejn xieraq, l-operazzjonijiet ta’ finanzjament mill-BEI jistgħu jkunu kkombinati b’mod utli mar-riżorsi baġitarji tal-UE fil-forma ta’ appoġġ għotjiet ta' finanzjament, kapital ta’ riskju, kondiviżjoni tar-riskju jew għajnuna teknika għall-preparazzjoni ta' proġetti u għall-implimentazzjoni jew it-titjib tal-qafas legali u regolatorju.

1.6.        Tul ta' żmien u impatt finanzjarju

x Proposta/inizjattiva ta’ tul ta’ żmien limitat

– x   Proposta/inizjattiva fis-seħħ mill-01/01/2014 sal-31/12/2020

L-operazzjonijiet ta’ finanzjament tal-BEI jistgħu jiġu ffirmati mill-BEI mill-2014 sal-2020. Hija prevista estensjoni ta' sitt xhur jekk il-Parlament Ewropew u l-Kunsill ma jadottawx deċiżjoni li tagħti garanzija ġdida tal-UE lill-BEI għall-operazzjonijiet ta’ finanzjament tiegħu barra mill-Unjoni sa tmiem l-2020.

– x   Impatt finanzjarju minn 2014 sa mhux definit

It-tul ta’ żmien totali tal-azzjoni u tal-impatt finanzjarju tagħha se jiġu ddeterminati mill-maturità tal-operazzjonijiet ta’ finanzjament tal-BEI ffirmati. L-impatt finali se jkun jiddependi fuq l-ammont ta’ talbiet potenzjali u l-irkupru (ara wkoll il-punt 3.2.2 hawn taħt).

¨ (Proposta/inizjattiva ta’ tul ta' żmien illimitat

– Implimentazzjoni b'perjodu ta’ bidu minn SSSS sa SSSS,

– segwita minn operazzjoni fuq skala sħiħa.

1.7.        Il-metodu(i) ta’ ġestjoni previst(i)[22]

X Ġestjoni diretta mill-Kummissjoni

Kummenti

B’konformità mad-dispożizzjonijiet eżistenti, il-proposta tipprevedi li l-BEI jiffinanzja l-proġetti tal-investiment skont ir-regoli u l-proċeduri tiegħu. Il-Kummissjoni hija responsabbli mill-ġestjoni tal-garanzija tal-UE. Il-BEI u l-Kummissjoni jidħlu fi ftehim ta' garanzija u rkupru li jistabilixxi dispożizzjonijiet u proċeduri dettaljati rigward l-implimentazzjoni tad-Deċiżjoni proposta.

2.           MIŻURI TA’ ĠESTJONI

2.1.        Regoli dwar il-monitoraġġ u r-rapportar

L-operazzjonijiet ta’ finanzjament mill-BEI koperti mill-garanzija tal-UE se jkunu ġestiti bir-regoli u l-proċeduri tal-BEI stess, inklużi miżuri xierqa ta’ verifika, kontroll u monitoraġġ.

Barra minn hekk, il-Bord tad-Diretturi tal-BEI, fejn il-Kummissjoni hija rrapreżentata minn Direttur u minn Direttur li jalterna, japprova kull operazzjoni ta’ finanzjament tal-BEI u jimmonitorja li l-BEI huwa ġestit skont l-Istatut tiegħu u skont id-direttivi ġenerali stabbiliti mill-Bord tal-Gvernaturi.

Il-ftehim bejn tliet partijiet ta' bejn il-Kummissjoni, il-Qorti tal-Awdituri u l-BEI ta’ Ottubru 2003, (li fuqu kien hemm qbil li jiġġedded għal perjodu ieħor ta' erba' snin fl-2007 u għal darb'oħra fl-2011, jagħti d-dettalji dwar ir-regoli, li skonthom ol-Qorti tal-Awdituri għandha twettaq il-verifiki tagħha fuq l-operazzjonijiet ta’ finanzjament tal-BEI taħt ġaranzija tal-UE.

Huma previsti rapporti regolari fil-proposta bħal fid-Deċiżjoni Nru 1080/2011/UE. Il-Kummissjoni se tirrapporta kull sena dwar l-implimentazzjoni tal-mandat mill-BEI lill-Parlament Ewropew u lill-Kunsill.

Ir-rappurtaġġ dwar ir-riżultati se jkun ibbażat fuq aggregazzjoni xierqa ta’ indikaturi madwar il-portafoll kollu fejn dan ikun possibbli, jew madwar settur partikolari. Dawn l-indikaturi se jitkejlu matul iċ-ċiklu tal-proġett fil-livell tal-valutazzjoni u matul il-monitoraġġ sakemm il-proġett ikun implimentat bis-sħiħ malli l-ewwel riżultati fl-iżvilupp ikunu jistgħu jitkejlu - tipikament sa tliet snin wara t-tlestija tal-proġett. Dawn għandhom, sa fejn ikun possibbli, jintużaw ukoll għall-valutazzjoni ex-post. Dawn l-indikaturi għandhom ikopru l-oqsma li ġejjin: i) l-ammont iffirmat skont ir-reġjun, ii) l-ammont imħallas skont ir-reġjun, III) il-progress għall-kisba ta’ distribuzzjoni bilanċjata ta’ attività skont il-pajjiż, iv) id-disaggregazzjoni tal-attività fid-diversi għanijiet, v) il-volum ta’ self marbut mat-tibdil fil-klima kontra l-finanzjament fil-mira u l-impatt fuq it-tnaqqis fl-emissjonijiet assoluti u relattivi tal-gassijiet serra , vi) in-numru ta’ proġetti vvalutati kontra r-riskju marbut mal-klima, VII) in-numru u l-ammont ta’ operazzjonijiet imħallta ma’ għotjiet tal-UE, u VIII) in-numru u l-ammont ta’ operazzjonijiet kofinanzjati ma’ Istituzzjonijiet Finanzjarji Internazzjonali oħra.

Barra minn hekk, il-BEI għandu jipprovdi lill-Kummissjoni b’dejta statistika, finanzjarja u kontabilistika dwar kull waħda mill-operazzjonijiet ta’ finanzjament koperti mill-garanzija tal-UE skont kif ikun neċessarju biex iwettaq id-doveri ta’ rapportar tiegħu jew sabiex jissodisfa t-talbiet mill-Qorti Ewropea tal-Awdituri u għandu jipprovdi wkoll ċertifikat tal-awditur dwar l-ammonti pendenti tal-operazzjonijiet ta’ finanzjament koperti.

Se ssir analiżi ta' nofs it-terminu wara tliet snin mill-bidu tal-mandat.

2.2.        Sistema ta’ ġestjoni u kontroll

2.2.1.     Riskju/i identifikat(i)

Ir-riskju għall-baġit tal-UE huwa marbut mal-garanzija tal-baġit mogħtija mill-Unjoni lill-BEI għall-operazzjonijiet tiegħu f’pajjiżi terzi. Il-garanzija tipprovdi kopertura komprensiva għall-ħlasijiet kollha li ma jaslux għand il-BEI taħt operazzjonijiet sovrani u subsovrani u biss kopertura għar-riskju politiku għal operazzjonijiet oħra permezz ta’ kondiviżjoni tar-riskju bejn l-Unjoni u l-BEI. Fi kwalunkwe każ, il-garanzija tal-UE hija ristretta għal 65 % tal-ammont aggregat tal-krediti li jinħarġu u tiggarantixxi r-rimborż ta' ammonti mnaqqsa, u l-kwantitajiet relatati l-oħra kollha.

Ir-reġistrazzjoni baġitarja (“p.m.”) li tirrifletti l-garanzija baġitarja għas-self mill-BEI lil pajjiżi terzi se tiġi attivata biss fil-każ ta' sejħa effettiva fuq il-garanzija mill-BEI li ma tkunx tista' tiġi koperta b'mod sħiħ mill-Fond ta' Garanzija. Għalkemm tali rikors għall-baġit (jiġifieri lilhinn mill-Fond ta’ Garanzija tammonta għal EUR 2,002 mn fil-31 ta’ Diċembru 2012) huwa meqjus bħala improbabbli ħafna, il-kummenti assoċjati mal-linja baġitarja jirriflettu l-ħtiġijiet finanzjarji li jistgħu jirriżultaw f’każ ta’ talba għall-ħlas mill-BEI dwar inadempjenza koperta mill-garanzija tal-UE.

Fl-2012 u fil-bidu tal-2013, il-Fond ta’ Garanzija ntalab ikopri inadempjenzi fuq is-self fis-Sirja. Fir-rapporti annwali mill-Kummissjoni lill-PE u lill-Kunsill dwar il-garanziji koperti mill-baġit ġenerali, l-indikaturi tar-riskju tal-pajjiżi huma analizzati u juru l-evoluzzjoni tar-riskju ta’ inadempjenzi. Ir-rapport jipprovdi informazzjoni dwar l-aspetti kwantitattivi tar-riskju mittieħed mill-baġit tal-UE. Minkejja dan, il-kwalità tar-riskji, li tiddependi mit-tip ta’ operazzjoni u mill-qagħda ta’ min qed jissellef. Il-valutazzjoni tar-riskju fir-rapport hija bbażata fuq l-informazzjoni dwar il-qagħda ekonomika u finanzjarja, il-klassifika u fatti oħra magħrufin tal-pajjiżi li rċevew self iggarantit.

2.2.2.     Metodu/i ta’ kontroll previst(i)

Il-Kummissjoni hija responsabbli mill-ġestjoni tal-garanzija tal-UE. L-operazzjonijiet ta’ finanzjament tal-EIB fil-kuntest tad-Deċiżjoni proposta se jitwettqu skont ir-regoli ta’ proċedura standard u l-prattika bankarja soda tal-BEI Il-BEI u l-Kummissjoni jidħlu fi ftehim li jistabilixxi dispożizzjonijiet u proċeduri dettaljati rigward l-implimentazzjoni tad-Deċiżjoni proposta. Ara wkoll it-taqsima 2.1.

2.3.        Miżuri għall-prevenzjoni tal-frodi u l-irregolaritajiet

Il-BEI għandu r-responsabbiltà ewlenija li jadotta l-miżuri ta' prevenzjoni tal-frodi permezz tal-applikazzjoni għall-operazzjonijiet ta' finanzjament tal-"Politika tal-BEI dwar il-prevenzjoni u l-iskoraġġiment tal-Korruzzjoni, il-Frodi, il-Kollużjoni, il-Ġegħil, il-Ħasil tal-Flus u l-Finanzjament tat-Terroriżmu fl-attivitajiet tal-Bank Ewropew tal-Investiment" li qiegħed jiġi rivedut bħalissa. F’Diċembru 2010, il-BEI adotta politika lejn ġurisdizzjonijiet mhux trasparenti, mhux kooperattivi u rregolati b’mod dgħajjef.

Barra minn hekk, l-Artikolu 17 tad-Deċiżjoni jipprevedi l-implimentazzjoni ta’ miżuri kontra l-frodi.

3.           L-IMPATT FINANZJARJU STMAT TAL-PROPOSTA/INIZJATTIVA

3.1.        Intestatura/i tal-qafas finanzjarju pluriennali u l-intestatura/i tal-baġit affettwata/i

· Linji baġitarji tan-nefqa eżistenti

Skont l-ordni tal-intestaturi tal-qafas finanzjarju pluriennali u l-intestaturi tal-baġit.

Intestatura tal-qafas finanzjarju pluriennali || Linja baġitarja || Tip ta' nefqa || Kontribuzzjoni

Numru [Deskrizzjoni………………………...……….] || Diff./non-diff. ([23]) || mill-pajjiżi tal-EFTA[24] || mill-pajjiżi kandidati[25] || minn pajjiżi terzi || skont it-tifsira tal-Artikolu 18(1)(aa) tar-Regolament Finanzjarju

4. || 01.0305 Il-garanzija tal-UE għas-self u l-garanziji għal self tal-BEI għall-operazzjonijiet f’pajjiżi terzi 01.0306 Il-forniment tal-Fond ta’ Garanzija || Differenzjat Mhux diff. || LE LE || LE LE || LE LE || LE LE

3.2.        Impatt stmat fuq in-nefqa

3.2.1.     Sommarju tal-impatt stmat fuq in-nefqa

EUR miljun

Intestatura tal-qafas finanzjarju multiannwali: || Numru || Intestatura 4

DĠ: ECFIN || || || Sena 2014 || Sena 2015 || Sena 2016 || Sena 2017 || 2018-2020 || TOTAL

Ÿ Approprjazzjonijiet operazzjonali || || || || || || || ||

In-numru tal-linja baġitarja 01 0305 || Impenji || (1) || p.m. || p.m. || p.m. || p.m. || p.m. || p.m. || p.m. || p.m.

Pagamenti || (2) || p.m. || p.m. || p.m. || p.m. || p.m. || p.m. || p.m. || p.m.

In-numru tal-linja baġitarja 01 0306 || Impenji || (1a) || 58.482 || 239.759 || 272.664 || 199.039 || 178.055 || 159.750 || 84.820 || 1192.569

Pagamenti || (2 a) || 58.482 || 239.759 || 272.664 || 199.039 || 178.055 || 159.750 || 84.820 || 1192.569

Appropriations of an administrative nature financed mill-pakkett għal programmi speċifiċi[26] || || || || || || || ||

In-numru tal-linja baġitarja 01 0306 || || (3) || 0 || 0 || 0.5 || 0. || 0 || 0 || 0 || 0.5

TOTAL tal-approprjazzjonijiet  għal DĠ ECFIN || Impenji || =1+1a +3 || 58.482 || 239.759 || 273.164 || 199.039 || 178.055 || 159.750 || 84.820 || 1193.069

|| Pagamenti || =2+2a +3 || 58.482 || 239.759 || 273.164 || 199.039 || 178.055 || 159.750 || 84.820 || 1193.069

Ÿ TOTAL tal-approprjazzjonijiet operazzjonali || Impenji || (4) || 58.482 || 239.759 || 272.664399 || 199.039 || 178.055 || 159.750 || 84.820 || 1192.569

Pagamenti || (5) || 58.482 || 239.759 || 272.664 || 199.039 || 178.055 || 159.750 || 84.820 || 1192.569

Ÿ TOTAL tal-approprjazzjonijiet ta' natura amministrattiva ffinanzjati mill-qafas finanzjarju għal programmi speċifiċi || (6) || 0 || 0 || 0.5 || 0 || 0 || 0 || 0 || 0.5

TOTAL ta' approprjazzjonijiet  taħt INTESTATURA 4 tal-qafas finanzjarju multiannwali || Impenji || =4+ 6 || 58.482 || 239.759 || 273.164 || 199.039 || 178.055 || 159.750 || 84.820 || 1193.069

Pagamenti || =5+ 6 || 58.482 || 239.759 || 273.164 || 199.039 || 178.055 || 159.750 || 84.820 || 1193.069

Intestatura tal-qafas finanzjarju multiannwali: || 5 || “ Nefqa amministrattiva ”

EUR miljun

|| || || Sena 2014 || Sena 2015 || Sena 2016 || Sena 2017 || 2018-2020 || TOTAL

DĠ: ECFIN ||

Ÿ Riżorsi umani || 0.917 || 0.917 || 0.917 || 0.917 || 0.917 || 0.917 || 0.917 || 6.419

Ÿ Infiq amministrattiv ieħor || || || || || || || ||

TOTAL DĠ ECFIN || Approprjazzjonijiet || 0.917 || 0.917 || 0.917 || 0.917 || 0.917 || 0.917 || 0.917 || 6.419

TOTAL ta' approprjazzjonijiet taħt INTESTATURA 5 tal-qafas finanzjarju pluriennali || (impenji totali = pagamenti totali) || 0.917 || 0.917 || 0.917 || 0.917 || 0.917 || 0.917 || 0.917 || 6.419

EUR miljun

|| || || Sena 2014 || Sena 2015 || Sena 2016 || Sena 2017 || 2018-2020 || TOTAL

TOTAL ta' approprjazzjonijiet taħt INTESTATURA 1 sa 5 tal-qafas finanzjarju pluriennali || Impenji || 59.399 || 240.676 || 274.081 || 199.956 || 178.972 || 160.667 || 85.737 || 1199.488

Pagamenti || 59.399 || 240.676 || 274.081 || 199.956 || 178.972 || 160.667 || 85.737 || 1199.488

3.2.2.     Impatt stmat fuq l-approprjazzjonijiet operazzjonali

– ¨  Il-proposta/l-inizjattiva ma teħtieġx l-użu ta’ approprjazzjonijiet operazzjonali

– X  Il-proposta/l-inizjattiva teħtieġ l-użu ta’ approprjazzjonijiet operattivi, kif spjegat hawn taħt:

Approprjazzjonijiet għall-impenji f’miljuni ta’ EUR (sa 3 punti deċimali)

Indika objettivi u riżultati ò || || || Sena 2014 || Sena 2015 || Sena 2016 || Sena 2017 || 2018-2020 || TOTAL

RIŻULTATI

Tip ta’ output[27] || Spiża medja tal-output || Numru ta' outputs || Spiża || Numru ta' outputs || Spiża || Numru ta' outputs || Spiża || Numru ta' outputs || Spiża || Numru ta' outputs || Spiża || Numru ta' outputs || Spiża || Numru ta' outputs || Spiża || Numru totali ta’ outputs || Spiża totali

OBJETTIV SPEĊIFIKU Nru 1[28]... || || || || || || || || || || || || || || || ||

- Output || || || || || || || || || || || || || || || || || ||

- Output || || || || || || || || || || || || || || || || || ||

- Output || || || || || || || || || || || || || || || || || ||

Subtotal għall-għan speċifiku Nru 1 || || || || || || || || || || || || || || || ||

GĦAN SPEĊIFIKU Nru 2"It-titjib tal-profil tal-UE, ir-rappreżentazzjoni u l-kooperazzjoni esterna tagħha mal-BEI u mal-BERŻ, istituzzjonijiet finanzjarji internazzjonali oħrajn u l-fora ekonomiċi rilevanti maħsuba biex tissaħħaħ il-konverġenza bejn l-istrateġiji u l-ħidmiet tagħhom u l-prijoritajiet esterni tal-UE”. || || || || || || || || || || || || || || || ||

- Output || || || 1 || 58.482 || 1 || 239.759 || 1 || 272.664 || 1 || 199.039 || 1 || 178.055 || 1 || 159.750 || 1 || 84.820 || 7 || 1192.569

Subtotal għall-għan speċifiku Nru 2 || || || || || || || || || || || || || || || ||

SPIŻA TOTALI || || 58.482 || || 239.759 || || 272.664 || || 199.039 || || 178.055 || || 159.750 || || 84.820 || || 1192.569

L-impatt stmat fuq approprjazzjonijiet operattivi jista' jitqassar kif ġej:

•           01 0305 - "Garanzija tal-KE għal-self tal-BEI u garanziji fuq self għal operazzjonijiet f’pajjiżi terzi"

Ir-reġistrazzjoni baġitarja (“p.m.”) li tirrifletti l-garanzija baġitarja għas-self mill-BEI lil pajjiżi terzi se tiġi attivata biss fil-każ ta' sejħa effettiva fuq il-garanzija li ma tkunx tista' tiġi koperta b'mod sħiħ mill-Fond ta' Garanzija.

•           01 0306 - "il-Forniment tal-Fond ta’ Garanzija"

Il-Fond ta’ Garanzija għal azzjonijiet esterni għandu jiġi fornit skont ir-Regolament tal-Fond ta’ Garanzija. (Regolament tal-Kunsill (KE, Euratom) Nru 480/2009). B'mod konformi ma’ dan ir-Regolament, is-self jiġi fornut abbażi tal-ammont pendenti fl-aħħar tas-sena. L-ammont ta' forniment huwa kkalkolat fil-bidu tas-sena "n" bħala d-differenza bejn l-ammont fil-mira (9 % tal-ammont pendenti) u l-assi netti tal-Fond fi tmiem is-sena “n-1”. Dan l-ammont ta’ forniment jiġi introdott fis-sena “n” fil-baġit preliminari “n+1” u effettivament imħallas fi tranżazzjoni waħda fil-bidu tas-sena “n+1” mil-linja baġitarja 01 0306).

Il-Fond ta’ Garanzija jkopri wkoll Għajnuna Makrofinanzjarja u self tal-Euratom li ma jaqgħux fl-ambitu tad-Deċiżjoni proposta. Għaldaqstant, il-ħtiġijiet baġitarji stmati jqisu l-operazzjonijiet iffirmati eżistenti kif ukoll operazzjonijiet potenzjali ġodda skont dawn iż-żewġ attivitajiet. Il-ħtiġijiet annwali effettivi għall-forniment tal-Fond ta’ Garanzija fl-2014-2020 jiddependi fl-aħħar mill-aħħar mir-ritmu attwali tal-firem, l-iżborsamenti u r-rimborżi tas-self fuq it-tliet attivitajiet, kif ukoll l-evoluzzjoni tal-assi tal-Fond ta’ Garanzija.

It-tabella ta’ hawn taħt turi l-attivitajiet ta' azzjoni esterna mistennija koperti mill-Fond ta’ Garanzija għall-perjodu bejn l-2012 u l-2020 (volum ta’ firem u żborsamenti tas-self).

Attivitajiet ta' azzjoni esterna koperti mill-Fond ta’ Garanzija u l-assi tal-Fond ta' Garanzjia 2012-2020 (EUR ml)

||   || || || || || || || || || ||

|| || || 2012 || 2013 || 2014 || 2015 || 2016 || 2017 || 2018 || 2019 || 2020

|| || || || || || || || || || ||

(A) Volum indikattiv ta’ operazzjonijiet ta’ finanzjament mill-BEI ffirmati (Id-Deċiżjoni l-Ġdida 2014-2020 – Total tal-limitu fiss = EUR 25 000 miljun) || 3 959 || 4 450 || 3 600 || 3 600 || 3 600 || 3 550 || 3 500 || 3 550 || 3 550

(B) L-ammont żborsati pendenti tal-operazzjonijiet tal-BEI bbażati fuq l-iżborsamenti u l-ammortizzazzjonijiet stmati (Deċiżjonijiet antiki u ġodda) || 22 526 || 25 826 || 29 098 || 31 685 || 34 024 || 35 600 || 37 187 || 38 274 || 39 533

(C) L-ammont żborsat pendenti ta' operazzjonijiet oħrajn bbażati fuq l-iżborsamenti u l-ammortizzazzjonijiet stmati (MFA+Euratom) || 573 || 1 310 || 2 187 || 2 266 || 2 336 || 2 204 || 1 725 || 1 230 || 907

(D) = (B) + (C) || Ammont pendenti żborsat totali bbażat fuq l-iżborsamenti u l-ammortizzazzjonijiet || 23 099 || 27 136 || 31 285 || 33 951 || 36 360 || 37 804 || 38 912 || 38 504 || 40 440

|| || || || || || || || || || ||

Noti: || (C) Dawn iċ-ċifri jinkludu self tal-MFA u tal-Euratom ġodda possibbli. || || || || || ||

||

Filwaqt li l-volumi ta’ self għandhom ikunu kompatibbli mal-forniment kumplessiv previst għall-Qafas Finanzjarju, il-ħtiġijiet annwali għall-forniment tal-Fond ta’ Garanzija jista’ jvarja minħabba li dawn eventwalment jiġu kkalkulati fuq il-bażi ta’ ammont żborsati pendenti totali fl-aħħar tas-sena n-2. Jekk il-ħtiġijiet annwali f'xi sena fil-ġejjieni jaqbżu l-ammont ta' forniment previst għat-tali sena, il-kontribuzzjoni addizzjonali se tiġi prinċipalment minn riallokazzjoni mill-istrumenti finanzjarji li jinkorporaw l-ipprogrammar ġeografiku, speċjalment fil-każ tal-attivazzjoni tal-limitu addizzjonali opzjonali. L-impatt baġitarju tal-attivazzjoni possibbli tal-limitu addizzjonali opzjonali se jkollu jiġi kkalkulat skont it-tbassir aġġornat dwar il-ħtiġijiet ta' forniment fil-mument tar-reviżjoni ta' nofs it-term.

Il-ħtiġijiet mistennija għal 2014-2020 jqisu l-impatt tas-sejħiet eżistenti dwar self mhux irkuprat Sirjan li seħħew fl-2012 u fil-bidu tal-2013, kif ukoll sejħiet mistennija ulterjuri matul is-sentejn wara l-adozzjoni ta' din il-proposta, jekk is-sitwazzjoni ta' inadempjenza tippersisti matul dawn is-snin. Madankollu, dawn ma jikkunsidrawx il-ħtiġijiet baġitarji eċċezzjonali bħal inadempjenzi possibbli ulterjuri fuq ħlasijiet minn benefiċjarji ta’ self oħrajn li jistgħu jseħħu, jew l-aġġustamenti tal-istima tal-assi tal-Fond. Huwa diffiċli li wieħed jistima n-nuqqasijiet potenzjali tal-ħlasijiet. Għandu jitfakkar li skont ir-Regolament tal-Fond ta' Garanzija, ir-rikostituzzjoni tal-Fond hija nefqa obbligatorja li f'każ ta' inadempjenzi mhux mistennija, tkun tirrikjedi r-rikors għal riżorsi oħrajn tal-Intestatura Nru 4.

Madankollu, ir-rapporti semiannwali tal-Kummissjoni tal-Parlament Ewropew u l-Kunsill dwar il-garanziji koperti mill-baġit ġenerali jippermettu li jiġu meqjusa r-riskji massimi koperti mill-baġit (cf. ir-rapport [COM(2013)211 u d-dokumenti ta' ħidma tal-persunal li jakkumpanjah SWD(2013)130 - Is-sitwazzjoni fit-30 ta' Ġunju 2012]).

3.2.3.     Impatt stmat fuq l-approprjazzjonijiet ta' natura amministrattiva

3.2.3.1.  Sommarju

– ¨  Il-proposta/l-inizjattiva ma teħtieġx l-użu ta' approprjazzjonijiet amministrattivi

– X  Il-proposta/l-inizjattiva teħtieġ l-użu ta' approprjazzjonijiet amministrattivi, kif spjegat hawn taħt:

EUR miljun (sa 3 punti deċimali)

|| Sena 2014 || Sena 2015 || Sena 2016 || Sena 2017 || 2018-2020 || TOTAL

INTESTATURA 5 tal-qafas finanzjarju pluriennali || || || || || || || ||

Riżorsi umani || 0.917 || 0.917 || 0.917 || 0.917 || 0.917 || 0.917 || 0.917 || 6.419

Infiq amministrattiv ieħor || || || || || || || ||

Subtotal INTESTATURA 5 tal-qafas finanzjarju pluriennali || 0.917 || 0.917 || 0.917 || 0.917 || 0.917 || 0.917 || 0.917 || 6.419

Barra l-INTESTATURA 5[29] tal-qafas finanzjarju pluriennali || || || || || || || ||

Riżorsi umani || || || || || || || ||

Nefqa oħra ta' natura amministrattiva || || || 0.500 || || || || ||

Subtotal barra l-INTESTATURA 5 tal-qafas finanzjarju pluriennali || 0.917 || 0.917 || 1.417 || 0.917 || 0.917 || 0.917 || 0.917 || 6.919

TOTAL || 0.917 || 0.917 || 1.417 || 0.917 || 0.917 || 0.917 || 0.917 || 6.917

3.2.3.2.  Rekwiżiti stmati ta’ riżorsi umani

– ¨  Il-proposta/l-inizjattiva ma teħtieġx l-użu ta' riżorsi umani

– X  Il-proposta/l-inizjattiva teħtieġ l-użu ta’ riżorsi umani addizzjonali, kif spjegat hawn taħt:

L-istima għandha tiġi espressa f’ammonti sħaħ (jew sa mhux aktar minn ċifra waħda wara l-punt deċimali

|| Sena 2014 || Sena 2015 || Sena 2016 || Sena 2016 || 2018-2020

Ÿ Karigi tal-pjan ta’ stabbiliment (uffiċjali u aġenti temporanji)

XX 01 01 01 (Kwartieri Ġenerali u l-Uffiċċji ta’ Rappreżentanza tal-Kummissjoni) || 7 || 7 || 7 || 7 || 7 || 7 || 7

XX 01 01 02 (Delegazzjonijiet) || || || || || || ||

XX 01 05 01 (Riċerka indiretta) || || || || || || ||

10 01 05 01 (Riċerka diretta) || || || || || || ||

Ÿ Persunal estern (Ekwivalenti tal-Unità Full Time: FTE)[30]

XX 01 02 01 (AK, INT, ENS mill-"qafas finanzjarju globali") || || || || || || ||

XX 01 02 02 (CA, INT, JED, LA u ENS fid-delegazzjonijiet) || || || || || || ||

XX 01 04 ss [31] || - fil-Kwartieri Ġenerali[32] || || || || || || ||

- fid-delegazzjonijiet || || || || || || ||

XX 01 05 02 (CA, INT, SNE – Riċerka indiretta) || || || || || || ||

10 01 05 02 (CA, INT, SNE – Riċerka diretta) || || || || || || ||

Intestaturi tal-baġit oħrajn (speċifika) || || || || || || ||

TOTAL || 7 || 7 || 7 || 7 || 7 || 7 || 7

Titolu 01.03 – Affarijiet Ekonomiċi u Finanzjarji Internazzjonali huwa l-qasam ta’ politika jew it-titolu tal-baġit ikkonċernat.

Ir-riżorsi umani meħtieġa se jagħmel tajjeb għalihom il-persunal mid-DĠ, li huwa diġà assenjat għall-ġestjoni tal-azzjoni u/jew li ntbagħat jaħdem mad-DĠ, flimkien, jekk ikun neċessarju, ma' allokazzjoni addizzjonali li tista' tingħata lid-DĠ tal-ġestjoni skont il-proċedura ta' allokazzjoni annwali u fid-dawl ta' restrizzjonijiet baġitarji.

Deskrizzjoni tal-kompiti li jridu jitwettqu:

Uffiċjali u aġenti temporanji || Il-kompiti ewlenin li jirriżultaw mill-proposta huma dawn li ġejjin: - It-tħejjija tal-proposta leġiżlattiva; - Is-segwitu tal-proċedura leġiżlattiva mal-Parlament Ewropew u mal-Kunsill, - Ir-relazzjonijiet u l-komunikazzjonijiet mal-BEI, notevolment għat-tħejjija tar-rappurtar, il-preparazzjoni u s-segwitu ta’ garanzija u l-ftehimiet ta’ rkupru, il-linji gwida reġjonali, it-talbiet possibbli għall-garanzija tal-UE, - Segwitu għall-proġetti ta’ investiment tal-BEI fil-kuntest tal-Artikolu 19 tal-Istatut tal-BEI, - L-amministrazzjoni tal-proċedura baġitarja annwali u l-ġestjoni tal-Fond ta’ Garanzija, - Il-preparazzjoni tar-rappurtar meħtieġ mil-leġiżlazzjoni

Persunal estern ||

3.2.4.     Kompatibbiltà mal-qafas finanzjarju pluriennali attwali

– X  Il-proposta/l-inizjattiva hija kumpatibbli mal-qafas finanzjarju pluriennali attwali.

– ¨  Il-proposta/l-inizjattiva se tinvolvi programmazzjoni mill-ġdid tal-intestatura rilevanti fil-qafas finanzjarju pluriennali.

– ¨  Il-proposta/l-inizjattiva teħtieġ l-applikazzjoni tal-istrument ta’ flessibbiltà jew ir-reviżjoni tal-qafas finanzjarju pluriennali[33].

3.2.5.     Kontribuzzjonijiet minn partijiet terzi

– X  Il-proposta/l-inizjattiva ma tipprevedix kofinanzjament minn partijiet terzi

– Il-proposta/l-inizjattiva tipprovdi għall-kofinanzjament stmat hawn taħt:

Approprjazzjonijiet f'EUR miljun (sa 3 punti deċimali)

|| Sena N || Sena N+1 || Sena N+2 || Sena N+3 || ... daħħal kemm hemm bżonn snin biex turi it-tul ta' żmien tal-impatt (ara l-punt 1.6) || Total

Speċifika l-korp ta' kofinanzjament || || || || || || || ||

TOTAL tal-approprjazzjonijiet kofinanzjati || || || || || || || ||

3.3.        Impatt stmat fuq id-dħul

– ¨  Il-proposta/l-inizjattiva ma għandha l-ebda impatt finanzjarju fuq id-dħul.

– X  Il-proposta/l-inizjattiva għandha l-impatt finanzjarju li ġej:

– ¨         fuq ir-riżorsi proprji

– X          fuq dħul mixxellanju

EUR miljun (sa 3 punti deċimali)

Linja tad-dħul tal-baġit: || Approprjazzjonijiet disponibbli għas-sena baġitarja attwali || Impatt tal-proposta/inizjattiva[34]

Sena N || Sena N+1 || Sena N+2 || Sena N+3 || … daħħal il-kolonni li hemm bżonn biex turi t-tul taż-żmien tal-impatt (ara l-punt 1.6)

Artikolu …………. || || || || || || || ||

Għad-dħul mixxellanju assenjat, speċifika l-linja/i baġitarja/i tan-nefqa affettwata/i.

Jekk il-Fond ta’ Garanzija jisboq l-ammont fil-mira, l-ammont eċċessiv jitreġġa’ lura fil-baġit ġenerali.

Il-metodu għall-kalkolu tal-impatt possibbli fuq id-dħul hija deskritta fid-dettall f’parti 3.2.2 hawn fuq dwar il-mekkaniżmu tal-funzjonament tal-Fond ta’ Garanzija.

[1]               Id-Deċiżjoni li tagħti garanzija tal-UE lill-Bank Ewropew tal-Investiment kontra telf minn self u garanziji għal self għal proġetti 'l barra mill-Unjoni u li tħassar id-Deċiżjoni Nru 633/2009/KE (ĠU L 280, 27.10.2011, p. 1).

[2]               SWD(2013)XX

[3]               ĠU L 145, 10.6.2009, p. 10.

[4]               ĠU L 280, 27.10.2011, p. 1.

[5]               ĠU L 145, 10.6.2009, p. 10

[6]               COM(2011)842 finali

[7]               ĠU L 298, 26.10.2012, p. 1.

[8]               COM(2011)838 finali

[9]               COM(2011)839 finali

[10]             COM(2011)840 finali

[11]             COM(2011)843 finali

[12]             COM(2011)844 finali

[13]             COM(2011)845 finali

[14]             COM(2011)841 finali

[15]             Din id-deżinjazzjoni hija mingħajr preġudizzju għall-pożizzjonijiet dwar l-istatus, u hija konformi ma' UNSCR 1244/99 u l-Opinjoni tal-QIĠ dwar id-dikjarazzjoni tal-indipendenza tal-Kosovo.

[16]             ĠU L 298, 26.10.2012, p. 1.

[17]             Ir-Regolament tal-Kunsill (KE, Euratom) Nru 480/2009 tal-25 ta’ Mejju 2009 li jistabbilixxi Fond ta’ Garanzija għal azzjonijiet esterni (ĠU L 145, 10.6.2009, p. 10).

[18]             ABM: Maniġment Ibbażat fuq l-Attività – ABB: Ibbaġitjar Ibbażat fuq l-Attività.

[19]             Kif imsemmi fl-Artikolu 49(6)(a) jew (b) tar-Regolament Finanzjarju.

[20]             http://www.eib.org/projects/cycle/monitoring/rem.htm

[21]             Ta' min jinnota li jekk mal-iskadenza tal-mandat tal-31 ta' Diċembru 2013, il-Parlament Ewropew u l-Kunsill ma jkunux adottaw deċiżjoni li tagħti garanzija ġdida tal-UE lill-BEI għall-operazzjonijiet ta’ finanzjament tiegħu barra l-Unjoni, id-Deċiżjoni 1080/2011/UE tipprevedi li dak il-perjodu għandu awtomatikament jiġġedded b’sitt xhur.

[22]             Id-dettalji tal-metodi ta' ġestjoni u r-referenzi għar-Regolament Finanzjarju jinsabu fis-sit tal-BudgWeb: http://www.cc.cec/budg/man/budgmanag/budgmanag_en.html

[23]             Diff. = Approprjazzjonijiet differenzjati/ = Approprjazzjonijiet mhux differenzjati.

[24]             EFTA: Assoċjazzjoni Ewropea tal-Kummerċ Ħieles.

[25]             Il-pajjiżi kandidati u, fejn applikabbli, pajjiżi kandidati potenzjali mill-Punent tal-Balkani.

[26]             L-għajnuna u n-nefqa teknika u/jew amministrattiva b’appoġġ għall-implimentazzjoni ta’ programmi u/jew azzjonijiet tal-UE (il-linji "BA" preċedenti), riċerka indiretta, riċerka diretta.

[27]             L-outputs huma l-prodotti u s-servizzi li jridu jiġu fornuti (e.g.: in-numru ta' skambji ta' studenti ffinanzjati, numru ta' km ta' toroq mibnija, eċċ.).

[28]             Kif ġie deskritt fit-Taqsima 1.4.2. "Għan(ijiet) speċifiku/speċifiċi...”

[29]             L-għajnuna u n-nefqa teknika u/jew amministrattiva b’appoġġ għall-implimentazzjoni ta’ programmi u/jew azzjonijiet tal-UE (il-linji "BA" preċedenti), riċerka indiretta, riċerka diretta.

[30]             AK= Aġent Kuntrattwali; INT= persunal tal-aġenzija (“Intérimaire”); JED= “Jeune Expert en Délégation” (Esperti Żgħażagħ f’Delegazzjonijiet); AL= Aġent Lokali; ENS = Esperti Nazzjonali Sekondati;

[31]             Taħt il-limitu ta’ persunal estern minn approprjazzjonijiet operazzjonali (dawk li kienu linji “BA”).

[32]             Essenzjalment għall-Fondi Strutturali, il-Fond Agrikolu Ewropew għall-Iżvilupp Rurali (FAEŻR) u l-Fond Ewropew għas-Sajd (FES).

[33]             Ara l-punti 19 u 24 tal-Ftehim Interistituzzjonali.

[34]             Fir-rigward tar-riżorsi proprji tradizzjonali (imposti tad-dwana, dazji taz-zokkor), l-ammonti indikati għandhom ikunu ammonti netti, jiġifieri ammonti gross wara t-tnaqqis ta’ 25% għall-ispejjeż tal-ġbir.