52013DC0849

RAPPORT TAL-KUMMISSJONI LILL-PARLAMENT EWROPEW U LILL-KUNSILL

skont l-Artikolu 16 tad-Direttiva tal-Kunsill 2007/74/KE dwar l-eżenzjoni mit-taxxa fuq il-valur miżjud u d-dazju tas-sisa fuq oġġetti importati minn persuni li jkunu qed jivvjaġġaw minn pajjiżi terzi

WERREJ

RAPPORT MILL-KUMMISSJONI LILL-PARLAMENT EWROPEW U R-RAPPORT TAL-KUNSILL MILL-KUMMISSJONI LILL-PARLAMENT EWROPEW U L-KUNSILL.................................... 2

1........... Sommarju...................................................................................................................... 4

2........... Analiżi tar-riżultati ta’ konsultazzjoni........................................................................... 4

2.1........ Introduzzjoni................................................................................................................ 4

2.1.1..... Bażi ġuridika u elementi ewlenin tad-Direttiva............................................................ 4

2.1.2..... Metodoloġija................................................................................................................. 4

2.2........ Diskussjoni tal-kummenti riċevuti................................................................................ 5

2.2.1..... Artikoli 3, 7 u 13 — Definizzjonijiet............................................................................ 5

2.2.2..... Artikolu 6a — Interpretazzjoni ta’ “importazzjonijiet okkażjonali”............................. 8

2.2.3..... Artikolu 8 — Trattament ta’ prodotti oħrajn tat-tabakk (hawnhekk: snus)................ 11

2.2.4..... Artikolu 8(2) — Distinzjoni bejn vjaġġaturi bl-ajru u vjaġġaturi oħrajn..................... 11

2.2.5..... Artikoli 8, 9, 11 — Limiti kwantitattivi..................................................................... 12

2.2.6..... Artikolu 10 — L-età tal-vjaġġaturi............................................................................. 12

2.2.7..... Artikolu 11 — Fjuwil ġo kontenitur li jinġarr............................................................. 13

2.2.8..... Artikolu 14 — Ammont minimu ta’ taxxa................................................................. 14

2.2.9..... Relazzjoni bejn limiti monetarji u kwantitattivi.......................................................... 14

2.2.10... Navigazzjoni interna u trasport tal-passiġġieri fuq ix-xmara Danubju........................ 14

3........... Evalwazzjoni ġenerali u konklużjoni.......................................................................... 14

4........... Anness........................................................................................................................ 15

1.           Sommarju

Dan ir-rapport huwa bbażat fuq l-Artikolu 16 tad-Direttiva tal-Kunsill 2007/74/KE dwar l-eżenzjoni mit-taxxa fuq il-valur miżjud u d-dazju tas-sisa fuq oġġetti importati minn persuni li jkunu qed jivvjaġġaw minn pajjiżi terzi ("id-Direttiva") li skontu l-Kummissjoni tipprovdi rapport lill-Kunsill dwar l-implimentazzjoni ta’ din id-Direttiva, akkumpanjat bi proposta għal emendi fejn meħtieġ.

Bħala tħejjija għal dan ir-rapport il-Kummissjoni bagħtet kwestjonarju lill-Istati Membri f’Ġunju 2012 fejn talbithom jikkummentaw dwar kwalunkwe parti mid-Direttiva (il-Premessi u l-Artikoli kollha) u jqajmu mistoqsijiet speċifiċi dwar l-użu ta’ eżenzjonijiet stipulati fid-Direttiva. Il-Kummissjoni rċeviet tweġibiet mis-27 Stat Membru kollha ta' dak iż-żmien.[1] 15-il Stat Membru ma raw l-ebda ħtieġa li jiġu emendati r-regoli preżenti. 5 Stati Membri ssuġġerew bidliet editorjali u 7 Stati Membri rrapportaw problemi marbutin mal-applikazzjoni ta’ ċerti dispożizzjonijiet.

Filwaqt li tidentifika għadd ta’ problemi relevanti, b'mod partikolari fir-rigward tad-definizzjoni u l-interpretazzjoni ta' termini tekniċi bħal "importazzjonijiet okkażjonali”, il-Kummissjoni ma tara l-ebda każ konvinċenti għal azzjoni leġiżlattiva f’dan l-istadju u pjuttost se tipprova tindirizza dawn il-kwistjonijiet permezz ta’ proċeduri rilevanti tal-Kumitat, skambju tal-aqwa prattiki u linji gwida u għodod amministrattivi prattiċi.

2.           Analiżi tar-riżultati ta’ konsultazzjoni

2.1.        Introduzzjoni

2.1.1.     Bażi ġuridika u elementi ewlenin tad-Direttiva

Il-bażi ġuridika ta’ dan ir-rapport hija l-Artikolu 16 tad-Direttiva: “Kull erba’ snin u għall-ewwel darba fl-2012 il-Kummissjoni għandha tibgħat rapport dwar l-implimentazzjoni ta’ din id-Direttiva lill-Kunsill, fejn xieraqflimkien ma' proposta għal emenda.”

Din id-Direttiva tistabbilixxi r-regoli b'rabta mal-eżenzjoni mit-taxxa fuq il-valur miżjud (Value Added Tax - VAT) u d-dazju tas-sisa fuq oġġetti importati fil-bagalji personali ta’ persuni li jivvjaġġaw minn pajjiż terz jew minn territorju fejn id-dispożizzjonijiet tal-Komunità dwar il-VAT jew dazju tas-sisa, jew it-tnejn, ma japplikawx. Fi kliem ieħor din tiddefinixxi essenzjalment il-konċessjonijiet tal-UE għall-eżenzjonijiet mit-taxxa fl-ivvjaġġar internazzjonali. L-Artikolu 41 tar-Regolament 1186/2009 huwa rilevanti f’dak li jirrigwarda d-dazji tad-dwana. Dan mhuwiex kopert direttament mir-rapport preżenti ħlief għal skopijiet ta’ analiżi konsistenti jew f’tentattiv biex jiġu indirizzati s-sinerġiji (ara hawn taħt).

L-għan ta’ evalwazzjoni regolari kif mitlub permezz tal-obbligu tar-rappurtar huwa li jiġi vverifikat jekk id-definizzjonijiet, il-valuri ta’ limitu, il-limiti kwantitattivi u dispożizzjonijiet oħra stabbiliti fid-Direttiva għadhomx jirriflettu r-realtajiet ekonomici u jilħqux l-iskop tagħhom.

2.1.2.     Metodoloġija

Sabiex jiġi stabbilit dan ir-rapport il-Kummissjoni wettqet konsultazzjoni mal-Istati Membri sabiex tikseb rispons dwar l-implimentazzjoni, l-effettività u l-utilità tad-dispożizzjonijiet rilevanti. B’mod partikolari, saru mistoqsijiet speċifiċi dwar l-użu ta’ eżenzjonijiet u limiti kwantitattivi stipulati fid-Direttiva[2]. Id-dejta tal-kwestjonarju pprovdiet l-informazzjoni prinċipali għal dan ir-rapport. Is-servizzi tal-Kummissjoni evalwaw ukoll ir- “Rapport dwar id-dispożizzjonijiet għall-bagalji personali— Rappurtar dwar kwistjonijiet relatati mal-implimentazzjoni tal-Artikolu 41 tar-Regolament tal-Kunsill (KE) Nru 1186/2009 li kien introdott mir-Regolament tal-Kunsill (KE) Nru 274/2008” stabbilit mis-Segretarjat Ġenerali fit-22 ta’ Novembru 2011 lill-Kunsill[3].

Filwaqt li r-Regolament Nru 274/2008 jindirizza eżenzjonijiet minn dazji doganali u d-Direttiva tal-Kunsill 2007/74/KE tindirizza eżenzjonijiet mit-taxxa fuq il-valur miżjud u d-dazji tas-sisa, iż-żewġ settijiet ta’ regoli bażikament huma dwar l-istess kwistjonijiet, jiġifieri l-importazzjoni ta’ oġġetti minn pajjiżi jew territorji terzi fejn ir-regoli tal-Komunità ma japplikawx, li jinġarru fil-bagalji personali tal-vjaġġaturi. Barra minn hekk, iż-żewġ settijiet ta’ regoli huma applikati mill-istess awtoritajiet, l-awtoritajiet doganali fuq l-importazzjoni. Għalhekk il-problemi identifikati mill-Istati Membri se jkunu jew identiċi jew għall-inqas jikkoinċidu parzjalment. F'dan l-isfond id-dimensjoni tal-oqsma problematiċi rrappurtati mill-Istati Membri fil-kwestjonarju kif ukoll is-soluzzjonijiet possibbli jinftiehmu u jiġu indirizzati aħjar jekk iż-żewġ settijiet ta’ regoli jiġu kkunsidrati f'kuntest konsistenti.

Minn hawn’ il quddiem, dan ir-rapport jiddiskuti biss kwistjonijiet sostanzjali definiti b’dan il-mod. Talbiet għal bidliet editorjali u lingwistiċi mhumiex koperti; madankollu, dawn ingħataw l-attenzjoni fil-proċedimenti tal-Kumitat dwar id-dazji tas-sisa[4].

2.2.        Diskussjoni tal-kummenti riċevuti

2.2.1.     Artikoli 3, 7 u 13 — Definizzjonijiet

Żewġ Stati Membri talbu għal definizzjoni aktar preċiża ta’ dawn it-termini li ġejjin stipulati fid-Direttiva:

Art. 3(1) u (2) - "Pajjiż terz" u "Territorju fejn id-dispożizzjonijiet Komunitarji dwar il-VAT jew id-dazju tas-sisa jew it-tnejn ma japplikawx"

Għall-iskop tal-applikazzjoni ta’ eżenzjoni mill-VAT u d-dazju tas-sisa fuq oġġetti impurtati minn persuni li jivvjaġġaw minn pajjiżi terzi, ġie ssuġġerit li jiġu kkjarifikati d-definizzjonijiet għal “pajjiż terz” u “territorji” skont id-Direttivi tal-Kunsill 2006/112/KE u 2008/118/KE, fid-dawl tal-konvenzjonijiet u t-trattati konklużi ma’ Franza, ir-Renju Unit u Ċipru rispettivament, li l-Prinċipat ta’ Monako, il-Gżira ta' Man u ż-Żoni tal-Bażi Sovrana tar-Renju Unit ta' Akrotiri u Dhekelia ma jitqiesux, għall-iskopijiet ta’ applikazzjoni ta’ dik id-Direttiva, bħala pajjiżi terzi.

Huwwa minnu li l-Art 3(1) u 3(2) tad-Direttiva tal-Kunsill 2007/74/KE jiddistingwu bejn "pajjiż terz" u "territorju minbarra pajjiż terz fejn id-Direttivi 2006/112/KE jew 92/12/KEE jew it-tnejn ma japplikawx". Din id-distinzjoni teżisti minħabba s-sitwazzjoni li xi territorji huma parti mit-territorju doganali tal-UE iżda ċerti regoli fiskali hemm ma japplikawx u f’każijiet oħra ċerti territorji huma barra mit-territorju doganali iżda minħabba ftehimiet ta’ assoċjazzjoni ċerti regoli fiskali Komunitarji hemm japplikaw. Fil-biċċa l-kbira tal-każijiet ir-raġunijiet għal dawn ir-regoli — li bla ebda dubju xi kultant huma kumplessi — huma ta’ natura storika u ħafna drabi solvew kunflitti li ilhom għaddejjin. Huwa għal dawn ir-raġunijiet storiċi u sabiex jiġu rrispettati l-obbligi li ċerti Stati Membri huma involuti fihom li jeżistu d-distinzjonijiet fl-Artikolu 3(1) u 3(2) u jridu jkomplu jeżistu. Il-passiġġieri li jidħlu fil-Komunità mill-Gżira ta' Man ma jistgħux jibbenefikaw mill-konċessjonijiet għall-vjaġġaturi skont l-Artikoli 1 u 3(1) għaliex it-territorju tal-Gżira ta' Man mhuwiex pajjiż terz u vjaġġaturi minn Monako ma jistgħux jibbenefikaw minn konċessjonijiet għall-vjaġġaturi skont l-Artikoli 1 u 3(2) minħabba li fit-territorji tagħhom id-Direttivi 2006/112/KE jew 92/12/KEE, jew it-tnejn japplikaw.

Għall-istess raġunijiet storiċi l-eżenzjonijiet minn dawn id-definizzjonijiet jeżistu u jridu jkomplu japplikaw. It-tieni subparagrafu tal-Artikolu 3(1) jistipula li fid-dawl tal-Ftehim Fiskali bejn Franza u l-Prinċipalità ta’ Monako tat-18 ta’ Mejju 1963 u l-Ftehim ta’ ħbiberija u r-relazzjonijiet btal-viċinat bejn l-Italja u r-Repubblika ta’ San Marino tal-31 ta’ Marzu 1939, Monako u San Marino mhumiex se jitqiesu bħala pajjiżi terzi fir-rigward tad-dazju tas-sisa. Il-fatt li Monako u San Marino (għal skopijiet ta’ sisa biss) mhumiex ikkunsidrati bħala pajjiżi terzi (l-Artikolu 3(1)) jiżgura, flimkien mad-definizzjoni fl-Artikolu 3(2), li l-passiġġieri li jidħlu fil-Komunità minn Monako ma jistgħu taħt l-ebda ċirkostanza jibbenefikaw minn konċessjonijiet għall-vjaġġaturi skont id-Direttiva tal-Kunsill 2007/74/KE u l-vjaġġaturi minn San Marino ma jistgħux jibbenefikaw minn konċessjonijiet għall-vjaġġaturi għal skopijiet ta’ sisa. Fil-fatt, l-Artikolu 1 ta’ dik l-istess Direttiva jillimita l-benefiċċji fil-konċessjonijiet għall vjaġġaturi minn pajjiżi terzi u territorji minbarra pajjiżi terzi fejn id-Direttivi 2006/112/KE jew 92/12/KEE, jew it-tnejn ma japplikawx.

Bl-istess mod, it-tieni subparagrafu tal-Artikolu 3(2) jistipula li fid-dawl tal-Ftehim bejn il-Gvernijiet tar-Renju Unit u l-Gżira ta' Man dwar Dwana u Sisa u materji assoċjati tal-15 ta’ Ottubru 1979, il-Gżira ta' Man mhix se titqies bħala territorju minbarra pajjiż terz fejn id-Direttivi 2006/112/KE jew 92/12/KEE, jew it-tnejn ma japplikawx. Din l-eżenzjoni tiżgura mill-ġdid li passiġġieri li jidħlu fil-Komunità minn dawn it-territorji ma jkunux jistgħu jibbenefikaw minn konċessjonijiet għall-vjaġġaturi skont id-Direttiva tal-Kunsill 2007/74/KE minħabba li l-Artikolu 1 ta’ dik l-istess Direttiva jillimita l-kwoti lill-vjaġġaturi minn territorju fejn id-dispożizzjonijiet tal-Komunità dwar il-VAT jew id-dazju tas-sisa, jew it-tnejn ma japplikawx u lil vjaġġaturi minn pajjiżi terzi.

Minħabba li dawn is-sitwazzjonijiet speċifiċi, li evolvew storikament, jibqgħu jeżistu, il-Kummissjoni tkompli tara ħtieġa għal regoli speċifiċi fl-Art. 3(1) u 3(2) tad-Direttiva tal-Kunsill 2007/74/KE.

Art. 3(3) —Vjaġġaturi bl-ajru u bil-baħar

Dan l-Artikolu jiddistingwi, minn naħa, bejn vjaġġaturi bl-ajru u bil-baħar, u jeskludi, min-naħa l-oħra, individwi li jivvjaġġaw permezz ta’ titjir privat bħala delizzju jew navigazzjoni privata bil-baħar bħala delizzju mill-konċessjonijiet tal-vjaġġaturi. Is-subparagrafu 1 tal-Artikolu 7 tad-Direttiva jistipula limitu monetarju għall-vjaġġaturi bl-ajru u bil-baħar ta’ EUR 430 filwaqt li l-limitu għall-vjaġġaturi l-oħra huwa EUR 300.

Proposta li tressqet waqt il-konsultazzjoni kienet li jiġi emendat l-Artikolu 3(3) biex l-esklużjoni ta’ individwi li jivvjaġġaw permezz ta’ titjir privat bħala delizzju jew navigazzjoni privata bil-baħar bħala delizzju issir fakultattiva għall-Istati Membri, u b'hekk tippermettilhom japplikaw limitu monetarju wieħed ta’ EUR 430 għall-vjaġġaturi kollha minflok EUR 430 għall-vjaġġaturi bl-ajru u bil-baħar u EUR 300 għall-vjaġġaturi l-oħra kollha. L-idea wara dan kienet li jiġu ffaċilitati l-proċeduri fl-Istati Membri mingħajr fruntiera fuq l-art ma' pajjiżi terzi.

Id-distinzjoni bejn mezzi differenti ta’ trasport ġiet introdotta sabiex tirrifletti s-sitwazzjoni fl-Istati Membri li jaqsmu fruntieri tal-art ma’ pajjiżi tal-Ewropa tal-Lvant (pereżempju r-Russja, l-Ukraina) bi prezz u/jew livell tat-taxxa/dazju tas-sisa ferm iktar baxx. Il-Kummissjoni ma taf bl-ebda approssimazzjoni sinifikanti ta' dawn id-diskrepanzi fil-prezzijiet mill-adozzjoni tad-Direttiva fl-2007 'l hawn. Għall-kuntrarju, rati ta' inflazzjoni relattivament għoljin fil-parti l-kbira tal-Istati Membri fuq il-fruntiera tal-Lvant tal-UE jidher li wasslu saħansitra għal diskrepanzi ikbar fil-kapaċità tal-akkwist bejn dawn il-pajjiżi u pajjiżi terzi fuq il-fruntiera tal-Lvant tal-UE.

Barraminhekk, il-problemi rrappurtati mill-Ungerija u l-Estonja fir-“Rapport dwar id-dispożizzjonijiet għall-bagalji personali— Rappurtar dwar kwistjonijiet relatati mal-implimentazzjoni tal-Artikolu 41 tar-Regolament tal-Kunsill (KE) Nru 1186/2009 li kien introdott mir-Regolament tal-Kunsill (KE) Nru 274/2008” jidher li jikkonfermaw dik il-konklużjoni.

F'dan l-isfond il-Kummissjoni ma tara l-ebda sitwazzjoni reali biex l-esklużjoni lill individwi li jivvjaġġaw fil-privat bħala delizzju jew li jinnavigaw fil-privat bil-baħar bħala delizzju ssir fakultattiva għall-Istati Membri.

Proposta oħra mressqa waqt il-konsultazzjoni kienet li tiġi allinjata d-definizzjoni ta' "vjaġġatur" skont l-Artikolu 236 tar-Regolament tal-Kummissjoni (KEE) Nru 2454/93 tat-2 ta' Lulju 1993 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju.

L-Art. 236 Ittra A tar-Regolament tal-Kummissjoni (KEE) Nru 2454/93 jiddikjara li “[...] “vjaġġatur” ifisser:

1. kull persuna li tidħol temporanjament fit-territorju doganali tal-Komunità, u li ma tkunx normalment residenti hemm, u

2. kull persuna li terġa' lura lejn territorju doganali tal-Komunità fejn hi tkun normalment residenti, wara li tkun għamlet żmien temporanjament f'pajjiż terz."

Kuntrarju għal dan, l-Artikolu 1 tad-Direttiva, madankollu, jistabbilixxi regoli għal “[...] persuni li jkunu qed jivvjaġġaw minn pajjiż terz jew minn territorju fejn id-dispożizzjonijiet Komunitarji dwar il-VAT jew id-dazju tas-sisa jew it-tnejn, kif definiti fl-Artikolu 3, ma japplikawx”. L-Artikolu 3 jkompli jiddefinixxi dawn it-territorji billi jipprovdi referenza għad-Direttivi 2006/112/KE u 2008/118/KE (li tħassar id-Direttiva 92/12/KEE). Dawn id-Direttivi jikkostitwixxu kunċett aktar differenzjat għar-raġunijiet li ġew spjegati aktar ’il fuq dwar l-emenda proposta tal-Artikolu 3 tad-Direttiva.

Għalhekk, il-Kummissjoni ma tara l-ebda lok għall-allinjament tad-definizzjoni ta’ vjaġġatur fl-Artikolu 3 tad-Direttiva skont dik fl-Artikolu 236 tar-Regolament 2454/93.

Art. 7(4) — Bagalji personali          

Din id-dispożizzjoni teżenta l-valur tal-bagalji personali ta’ vjaġġatur mil-limitu monetarju.[5] Wara interpretazzjoni usa’ ta’ din id-dispożizzjoni, “il-bagalji personali ta' vjaġġatur” jistgħu jinkludu wkoll ix-xiri bla dazju magħmula fuq vjaġġ 'il barra li jagħmel il-vjaġġatur. Din tista’ toħloq lakuna fejn vjaġġatur ikun jista' jixtri prodotti waqt il-vjaġġ tiegħu 'il barra mingħajr ma jħallas il-VAT u/jew dazju doganali u jerġa' jimporta lura l-oġġetti flimkien mal-limitu monetarju. L-individwu jkun jista' jixtri numru kbir ta' oġġetti ħielsa mill-VAT u madankollu xorta jużahom fl-UE. Għaldaqstant, kien issuġġerit li tiddaħħal definizzjoni ta’ “bagalji personali” f’dan l-Artikolu biex tagħmilha ċara li x-xiri bla dazju waqt il-vjaġġ ’il barra ma jikkwalifikax bħala bagalji personali u huwa soġġett għal-limitu monetarju.

Skont l-Artikoli 5 u 7(4) tad-Direttiva u l-Artikoli 147(1) ittra a) u 146(1) ittra b) tad-Direttiva 2006/112/KE jista’ jkun hemm tabilħaqq possibilità teoretika għal użu ħażin. Fil-prattika, madankollu, pajjiżi terzi jew territorji 'l barra mill-UE normalment japplikaw ukoll limiti monetarji kif ukoll limiti kwantitattivi għall-vjaġġaturi li jidħlu fit-territorju tagħhom. Il-valur jew in-numru ta’ oġġetti ammessi bla dazju f’dawn il-pajjiżi ta’ destinazzjoni ġeneralment ma jkunx bla limitu iżda jeħtieġ li jissodisfa r-rekwiżiti ġuridiċi nazzjonali/territorjali fiż-żewġ partijiet tal-vjaġġ waqt l-importazzjoni.

Il-Kummissjoni mhix konxja ta’ prattiċi abbużivi ta' dimensjoni ekonomika li jeħtieġu inizjattiva leġislattiva u l-Istati Membri lanqas ma rrappurtaw tali prattiki . Is-servizzi tal-Kummissjoni għalhekk ma għandhomx l-intenzjoni li jiftħu diskussjoni dwar il-kwistjoni tal-inklużjoni tax-xiri bla dazju li jsir waqt il-vjaġġ 'il barra tal-vjaġġatur fid-dispożizzjoni dwar il-bagalji personali/ il-limiti monetarji.

Art. 13 — Ekwipaġġ ta’ mezz ta’ trasport

Waqt il-konsultazzjoni ġie propost ukoll l-allinjament tad-definizzjoni ta’ "ekwipaġġ ta’ mezz ta’ trasport” fl-Artikolu 13 tad-Direttiva mal-Artikolu 49(1) tar-Regolament (KEE) Nru 918/83 tal-Kunsill tat-28 ta’ Marzu 1983 li jwaqqaf sistema Komunitarja ta’ eżenzjoniiet mid-dazju doganali, mibdul bir-Regolament tal-Kunsill (KE) Nru 1186/2009 tas-16 ta’ Novembru 2009.

Skont l-Anness VI tar-Regolament tal-Kunsill (UE) Nru 1186/2009, l-Artikolu 49 tar-Regolament (KEE) Nru 918/83 ġie abolit mingħajr ebda dispożizzjoni korrelatata (ġdida) fir-Regolament li jħassar. Minflok, l-Artikolu 41 tar-Regolament tal-Kunsill (UE) Nru 1186/2009 jindirizza eżenzjonijiet minn dazji doganali għal oġġetti li jinsabu fil-bagalji personali tal-vjaġġjaturi billi jirreferi għad-dispożizzjonijiet tad-Direttiva tal-Kunsill 2007/74/KE:

"Merkanzija li tinstab fil-bagalji personali ta’ vjaġġaturi li ġejjinminn pajjiż terz għandha tiddaħħal ħielsa minn dazji ta’importazzjoni, sakemm dawn l-importazzjonijiet ikunu eżentati mit-taxxa fuq il-valur miżjud (VAT) skont id-dispożizzjonijiet tal-liġi nazzjonali adottata skont id-dispożizzjonijiet tad-Direttiva tal-Kunsill 2007/74/KE tal-20 ta’ Diċembru 2007 dwar l-eżenzjoni mit-taxxa fuq il-valur miżjud u d-dazju tas-sisa fuq oġġetti importati minn persuni li jkunu qed jivvjaġġaw minn pajjiżi terzi".

Għalhekk il-Kummissjoni ma tarax il-ħtieġa jew xi valur miżjud fl-allinjament tad-definizzjoni ta’ “ekwipaġġ ta’ mezz ta’ trasport” fl-Artikolu 13 tad-Direttiva ma' dik tal-Artikolu 49(1) tar-Regolament (KEE) Nru 918/83.

2.2.2.     Artikolu 6a — Interpretazzjoni ta’ “importazzjonijiet okkażjonali”

Erba’ Stati Membri enfasizzaw li huma jaraw il-ħtieġa li tiġi ddeterminata aħjar il-frekwenza permessa ta’ importazzjonjiet mhux kummerċjali lill-vjaġġaturi (jiġifieri billi jiġi ddeterminat l-għadd massimu ta’ vjaġġi f’perjodu partikolari ta’ żmien). Jista' jidher li xi Stati Membri li jaqsmu fruntieri bl-art ma’ pajjiżi terzi jiffaċċjaw diffikultajiet partikolari ma’ individwi privati li jaqsmu fruntieri ta' pajjiżi terzi għall-UE diversi drabi fil-ġimgħa jew — f’każijiet estremi — kuljum, li jġorru prodotti soġġetti għas-sisa eżatt skont il-livell massimu awtorizzat ta’ limiti kwantitattivi jew kemxejn taħtu u oġġetti oħra preċiżament skont il-limiti monetarji permessi.

Is-servizzi tal-Kummissjoni jifhmu t-tħassib ta' dawn l-Istati Membri partikolarment għax dawn huma ġeneralment kompatibbli ma’ dawk deskritti fir-“Rapport dwar id-dispożizzjonijiet għall-bagalji personali — Rappurtar dwar kwistjonijiet relatati mal-implimentazzjoni tal-Artikolu 41 tar-Regolament tal-Kunsill (KE) Nru 1186/2009 li kienet introdotta mir-Regolament tal-Kunsill (KE) Nru 274/2008”. Is-servizzi tal-Kummissjoni jaqblu mal-fehma li dawn l-importazzjonijiet ma għandhomx jitqiesu bħala “importazzjonijiet okkażjonali”.

Id-Direttiva, madankollu, ma tipprovdix punt ta' referenza li jiddefinixxi frekwenza adattata ta' vjaġġi.  Skont l-Artikolu 6 tad-Direttiva, “l-importazzjoni għandha titqies bħala ta’ natura mhux kummerċjali jekk tissodisfa l-kondizzjonijiet li ġejjin:

(a) isseħħ kultant;

(b) tikkonsisti esklussivament minn oġġetti għall-użu personali jew għall-użu tal-familja tal-vjaġġaturi, jew minn oġġetti maħsuba bħala rigali;

In-natura jew il-kwantità ta’ l-oġġetti ma tridx tkun tali li tindika li dawn qed jiġu importati għal raġunijiet kummerċjali."

Meta analizzaw in-numru kbir ta' xenarji ta' importazzjoni għall-vjaġġaturi, is-servizzi tal-Kummissjoni ma setgħux ħlief jikkonkludu li l-inizjattiva leġislattiva biex jiġu emendati d-dispożizzjonijiet tad-Direttiva ma tapplikax bħala soluzzjoni xierqa li biha jiġu indirizzati l-problemi rrappurtati hekk kif iktar tqassim tad-definizzjoni ta’ importazzjonijiet okkażjonali bħala li jseħħu b’mod mhux frekwenti/minn żmien għal żmien/mhux bħala drawwa iżid il-kumplessità tad-definizzjonijiet ġuridiċi mingħajr ma jżid iċ-ċertezza ġuridika. Ma hemm l-ebda definizzjoni ċara ta’ “kultant” f’termini ta’ kwalunkwe ċifra dwar il-frekwenza; madankollu, u b’mod partikolari meta huma involuti oġġetti soġġetti għas-sisa, l-ammonti trasferiti mill-vjaġġatur ma' kull daħla tiegħu fl-UE għandhom ikun oġġetti li jiġu kkunsmati, u titqies l-imġiba normali tal-konsumatur fil-każ ta' dak l-individwu privat.

Eżempju 1: vjaġġatur li jaqsam il-fruntiera tal-UE/ ta’ pajjiż terz kull jumejn, u għalhekk ikun qed iġorr grossa sigaretti (200 biċċa) ma' kull daħla tiegħu fl-UE meta jiġi lura mill-pajjiż terz.

L-ammont ta' 100 sigarett li jkun jeħtieġ li jiġi kkonsumat minn dan individwu privat kuljum jaqbeż b'mod ċar l-imġiba normali tal-konsumatur. Importazzjonijiet ta' dan it-tip ma jistgħux jitqiesu ta’ natura mhux kummerċjali.

Eżempju 2: vjaġġatur li jaqsam il-fruntiera tal-UE/ ta’ pajjiż terz darba f'ġimgħa, u għalhekk ikun qed iġib ħames pakketti sigaretti u litru vodka ma' kull daħla tiegħu fl-UE meta jiġi lura mill-pajjiż terz.

F'każ li l-kundizzjonijiet l-oħra kollha jkunu ntlaħqu, l-ammonti indikati f’dan l-eżempju ma għandhomx jagħtu lok biex jinbdew proċeduri doganali.

Eżempju 3: vjaġġatur li jaqsam il-fruntiera tal-UE/ ta’ pajjiż terz kuljum u għalhekk ikun qed jidħol fl-UE b'mutur ta' tank standard sħiħ ta’ petrol/diżil flimkien ma' 10 litri oħra f’kontenitur li jinġarr.

Huwa improbabbli ħafna li individwu privat juża tali ammonti kbar ta’ fjuwil għal skopijiet mhux kummerċjali.

Eżempju 4: vjaġġatur li jaqsam il-fruntiera tal-UE/ ta’ pajjiż terz darba fil-ġimgħa, u għalhekk ikun qed iġorr 3 pakketti tabakk ta' qatgħa fina (total ta’ 90 g), 4 litri nbid bla gass, litru wiski, 5 arloġġi tal-idejn, diversi fliexken tal-fwieħa u 3 apparati tal-GPS ma' kull daħla tiegħu fl-UE.

Għalkemm l-ammont ta’ prodotti soġġetti għas-sisa importati jidher li għadu konformi mar-rekwiżiti tad-Direttiva, l-importazzjoni ta’ oġġetti oħra tagħti lok biex jiġu kkontrollati l-intenzjonijiet tal-vjaġġatur, partikolarment l-użu għal skopijiet kummerċjali.

Il-Kummissjoni hija konxja li hemm ħafna xenarji differenti li ma jistgħux jiġu diskussi fid-dettall u b’mod xieraq fil-qafas ta’ dan ir-rapport. Dan in-numru kbir jista’ jiġi indirizzat biss każ b'każ, partikolarment meta jkun hemm indikazzjoni tal-evitar tat-taxxa, f'liema każ jiġu kkunsidrati l-kondizzjonijiet kollha elenkati b’mod partikolari fl-Artikoli 4 sa 6 tad-Direttiva. Il-Kummissjoni ma għandhiex oġġezzjonijiet prinċipali għall-approċċ magħżul minn għadd ta’ Stati Membri fejn jidħol il-monitoraġġ tan-numru ta’ vjaġġi minn vjaġġatur fuq perjodu partikolari ta’ żmien, b’mod partikolari fil-fruntieri tal-art ma’ pajjiżi terzi. Monitoraġġ ta' dan it-tip, madankollu, ma għandux iwassal għal xkiel sproporzjonat ta’ libertà fl-ivvjaġġar taċ-ċittadini tal-UE u lanqas ma għandu joħloq restrizzjonijiet fuq il-qsim normali tal-fruntieri għal persuni li ma jkunux qed iġorru xi oġġetti akkwistati fl-esteru. Fir-rigward tal-“arkitettura” ta’ dawn l-attivitajiet ta’ monitoraġġ, l-Istati Membri huma ħielsa li jiddeterminaw liema miżuri jidhrilhom li jkunu l-iżjed xierqa u fl-istess ħin tal-inqas piż.

Ta' min iżomm f'moħħu wkoll li ħafna mid-dispożizzjonijiet fid- Direttiva tal-Kunsill 2007/74/KE għandhom l-oriġini tagħhom f’konvenzjonijiet internazzjonali li l-Istati Membri u l-UE huma partijiet kontraenti tagħhom. Għalhekk, il-konsistenza tad-dispożizzjonijiet tal-Komunità mad-dispożizzjonijiet ta’ dawn il-konvenzjonijiet trid tiġi ppreżervata.

F'dan l-isfond, il-Kummissjoni ma għandhiex l-intenzjoni li tniedi inizjattiva leġislattiva f’dan l-istadju sabiex jiġu solvuti l-problemi deskritti; madankollu, il-Kummissjoni hija lesta li tiżviluppa għodod u prattiki amministrattivi flimkien mal-Istati Membri interessati, biex jiġu indirizzati kif xieraq ix-xenarji ta' problemi deskritti u mbagħad li taqsam dak it-tagħrif mal-Istati Membri l-oħra.

Is-sitwazzjonijiet deskritti hawn fuq huma saħansitra aktar kumplessi biex jiġu mmaniġġjati fil-każ ta’ persuni residenti f’xi żona tal-fruntiera, ħaddiema taż-żona tal-fruntiera jew ekwipaġġ ta’ mezz ta’ trasport (ara l-Artikolu 13 tad-Direttiva). Meta jevalwaw tali qsim tal-fruntieri l-Istati Membri jeħtieġ li jqisu l-pożizzjoni ġeografika tar-residenza tal-vjaġġaturi, is-sitwazzjoni tax-xogħol u/jew l-ambjent tax-xogħol flimkien mar-rekwiżiti imposti mill-Artikoli 4 sa 6 tad-Direttiva.

Sabiex jiġi ffaċilitat it-trattament ta’ tali każijiet speċjali, il-paragrafi (5) u (6) tal-Artikolu 3 tad-Direttiva jipprovdu definizzjonijiet ta’ “żona tal-fruntiera” u “ħaddiem taż-żona tal-fruntiera”. Skont dawn id-definizzjonijiet u f’korrelazzjoni mal-Artikolu 13(2) vjaġġaturi li jmorru lil hinn minn żona ta’ 15-il kilometru mill-fruntiera (“f’linja dritta”) ma jiffaċċjaw l-ebda restrizzjonijiet oħra minn dawk applikabbli għall-vjaġġaturi l-oħra kollha. Madankollu, xi individwi privati jużaw ħażin din id-dispożizzjoni billi jieqfu saż-żona tal-fruntiera u jgħaddu l-oġġetti li xtraw fl-esteru lil persuni li joqogħdu inqas minn 15 km bogħod mill-fruntiera. Minħabba li tali importazzjonijiet normalment isiru biss fil-fruntieri tal-art id-Direttiva tistipula ċerti miżuri li l-Istati Membri jistgħu japplikaw sabiex jiġi indirizzat/illimitat l-użu ħażin ta’ eżenzjonijiet mogħtija.

L-ewwel nett, vjaġġaturi apparti dawk bl-ajru u bil-baħar, jistgħu idaħħlu biss sa valur ta’ EUR 300 f’oġġetti għal kull persuna (għajr it-tabakk, l-alkoħol, il-fjuwil). Għall-vjaġġaturi bl-ajru u bil-baħar, dan il-limitu jammonta għal EUR 430.

It-tieni nett, u għall-promozzjoni ta' livell għoli ta’ protezzjoni tas-saħħa pubblika, l-Istati Membri jistgħu jnaqqsu l-kwantità massima permissibbli applikabbli għall-prodotti tat-tabakk għal 20 fil-mija tal-kwantitajiet regolari (jiġifieri 40 sigarett minflok 200). B’hekk, l-Istati Membri huma ħielsa li jagħżlu jekk tali limiti iktar baxxi japplikawx għall-vjaġġaturi kollha (Artikolu 8(1)) jew għall-vjaġġaturi bil-baħar u bl-art biss (Artikolu 8(2)).

It-tielet nett, l-Istati Membri jistgħu inaqqsu t-tnejn li huma, kemm il-limitu monetarju kif ukoll il-limiti kwantitattivi għar-residenti fiż-żona tal-fruntiera, għall-ħaddiema fiż-żona tal-fruntiera u għall-ekwipaġġ ta’ mezz ta’ trasport użat fl-ivvjaġġar internazzjonali għal livell magħżul minnhom fuq bażi nazzjonali, ara l-Artikolu 13(1) f’korrelazzjoni mat-tieni subparagrafu tal-Artikolu 13(2) tad-Direttiva. F’xi każijiet, l-Istati Membri naqqsu l-kwantitajiet/l-ammonti saħansitra għal rata żero.

Il-Kummissjoni tirrikonoxxi bis-sħiħ is-sitwazzjoni diffiċli f’għadd ta’ Stati Membri li jiffaċċjaw fl-implimentazzjoni tal-każijiet speċjali u l-eżenzjonijiet mogħtija mid-Direttiva. Hi tqis, madankollu, li l-leġislazzjoni attwali tipprovdi bilanċ bejn l-obbligu tal-Istati Membri li jevitaw it-taxxa doppja għal importazzjonjiet li mhumiex kummerċjali u d-dritt sovran tal-Istati Membri biex jipproteġu l-ekonomija domestika tagħhom u d-dħul nazzjonali.

Għal darb’oħra l-Kummissjoni hija tal-opinjoni li l-inizjattiva leġiżlattiva li tieħu ħsieb il-każijiet taż-żona tal-fruntiera sempliċiment mhix metodu fattibbli biex jiġu indirizzati l-problemi rrapportati. Madankollu, il-Kummissjoni hija lesta li tiżviluppa għodod amministrattivi u l-aħjar prattiki flimkien mal-Istati Membri interessati sabiex jiġu indirizzati kif xieraq ix-xenarji ta' problemi deskritti u mbagħad taqsam dak it-tagħrif mal-Istati Membri l-oħra.

2.2.3.     Artikolu 8 — Trattament ta’ prodotti oħrajn tat-tabakk (hawnhekk: snus)

Stat Membru (l-Isvezja) jirrapporta li l-eżenzjoni mit-taxxa stipulata f’din id-Direttiva qed tiġi abbużata għal prodott tat-tabakk imsejjaħ “snus”. L-isnus huwa prodott tat-tabakk soġġett għad-dazju tas-sisa taħt il-liġi Svediża. Huwa pprojbit fis-swieq l-oħra kollha tal-UE ħlief l-Isvezja. Peress li l-importazzjoni tal-isnus b'taxxa eżentata hija limitata biss bil-limitu ta’ EUR 430/300 fl-Artikolu 7 (u mhux bil-limiti kwantitattivi tal-Artikolu 8), hemm il-possibilità li jinġiebu kwantitajiet kbar ta’ snus mhux intaxxat fl-Isvezja bl-istqarrija li dan ikun għall-użu personali. Il-miżuri ta’ kontroll doganali jidhru li jikkonfermaw li l-isnus jiddaħħal illegalment fl-Isvezja minn vjaġġaturi (kurrieri) permezz ta' vapuri-laneċ fil-Baħar Baltiku b’mod organizzat u fuq skala kbira. L-isnus mhux intaxxat jerġa' jinbiegħ bil-livell tal-bejgħ bl-imnut fl-Isvezja u jidher li jikkawża distorsjonijiet fis-suq. L-Isvezja tissuġġerixxi li jiġi introdott limitu kwantitattiv għall-isnus bħala deroga għall-Artikoli 7 u 8. Barra minn hekk, l-Isvezja tipproponi wkoll li għandu jkun hemm limiti kwantitattivi għall-prodotti kollha intaxxati tat-tabakk, inkluż prodotti tat-tabakk li ma jdaħħanx.

Skont l-Artikolu 8 tad-Direttiva, il-limiti kwantitattivi huma stipulati għal ċerti prodotti tat-tabakk li l-Istati Membri jeżentaw mill-VAT u d-dazju tas-sisa. Oġġetti oħra, bħal prodotti tat-tabakk li mhumiex elenkati fl-Artikolu 8, jeħtieġ li jirrispettaw il-limitu ta' EUR 300/430 biss. (Artikolu 7) Jista' jidher li l-prattika amministrattiva Svediża tal-applikazzjoni ta' eżenzjoni fuq medda ta' snin b'limitu ta' SEK 4 300 u SEK 3000 għall-vjaġġaturi li jaslu bid-dgħajsa jew vapur minn pajjiżi terzi li jikkorrispondi għal EUR 507,49 (bl-ajru u bil-baħar) rispettivament EUR 354,06 (vjaġġaturi oħrajn), aggravat dik is-sitwazzjoni b’mod konsiderevoli.

F'dan l-isfond jidher li miżuri nazzjonali huma prijorità; tali miżuri nazzjonali jistgħu jallinjaw il-limiti Svediżi ta' eżenzjoni mal-ammonti f'Ewro stipulati fl-Artikolu 7 tad-Direttiva iżda wkoll ikollhom l-għan li jirrestrinġu l-importazzjonijiet tal-isnus. Jeżistu xi eżempji għal drogi, mediċini, armi, materjali splużivi, materjali pornografiċi, fejn l-Istati Membri jeżaminaw id-dritt sovran tagħhom li jipprojbixxu jew jirrestrinġu l-importazzjoni u/jew id-distribuzzjoni ta’ tali prodotti.

Bħalissa l-Kummissjoni ma għandhiex l-intenzjoni li tipproponi emenda tad-Direttiva fejn jidħol it-trattament ta’ “snus”.

2.2.4.     Artikolu 8(2) — distinzjoni bejn vjaġġaturi bl-ajru u vjaġġaturi oħrajn

Stat Membru qed jipproponi li titneħħa d-distinzjoni bejn vjaġġaturi bl-ajru u vjaġġaturi oħrajn (bl-applikazzjoni ta’ limiti kwantitattivi aktar baxxi għal prodotti tat-tabakk li japplikaw biss għall-vjaġġaturi li mhumiex vjaġġaturi bl-ajru).

Skont l-Artikolu 8(2) “L-Istati Membri jistgħu jagħżlu li jiddistingwu bejn vjaġġaturi bl-ajru u vjaġġaturi oħra billi japplikaw il-limiti kwantitattivi iktar baxxi speċifikati f'paragrafu 1 għal vjaġġaturi oħrajn għajr vjaġġaturi bl-ajru.” It-tneħħija ta' din id-distinzjoni tista’ twassal biex l-Istati Membri jkunu obbligati japplikaw il-limiti kwantitattivi iktar baxxi għall-prodotti tat-tabakk (jiġifieri 40 minflok 200 sigarett) jew lil dawk kollha li jivvjaġġaw jew lil ħadd.

Id-dispożizzjoni attwali tal-Artikolu 8(2) tippermetti lill-Istati Membri li jiddeċiedu b'mod awtonomu jekk jixtiqux li ssir distinzjoni bejn tipi differenti ta’ vjaġġar jew le. Din id-dispożizzjoni hija meħtieġa biex titqies is-sitwazzjoni f’ċerti Stati Membri li jaqsmu l-fruntiera tal-art jew tal-baħar ma’ pajjiżi terzi b’livelli ta’ prezzijiet konsiderevolment aktar baxxi. Madankollu, l-Istati Membri huma ħielsa li jiddeċiedu japplikawx l-istess limitu għall-vjaġġaturi kollha jew le.

Għalhekk il-Kummissjoni ma tarax lok għalfejn tneħħi l-għażla fl-Artikolu 8(2).

2.2.5.     Artikoli 8, 9, 11 — Limiti kwantitattivi

Stat Membru ssuġġerixxa l-allinjament tal-limiti kwantitattivi mal-limiti indikattivi (konsiderevolment ogħla) applikabbli għall-vjaġġaturi fi ħdan l-UE (Art. 32(3) tad-Direttiva tal-Kunsill 2008/118/KE), u b’hekk jiġi evitat trattament differenti għall-vjaġġaturi li jkunu ġejjin minn pajjiżi terzi.

Skont l-Artikoli 8, 9 u 11 tad-Direttiva, l-Istati Membri jeżentaw mill-VAT u d-dazju tas-sisa ċerti kwantitajiet ta’ prodotti tat-tabakk u tal-alkoħol kif ukoll fjuwil f'tank standard u kontenitur li jinġarr.

Bħala prinċipju bażiku tas-Suq Intern tal-UE, ma hemmx limiti fuq dak li persuni privati jistgħu jixtru u jġorru magħhom meta jivvjaġġaw bejn il-pajjiżi tal-UE, sakemm il-prodotti jkunu għall-użu personali u mhux biex jerġgħu jinbiegħu. It-taxxi (il-VAT u s-sisa) huma inklużi fil-prezz tal-prodotti fl-Istat Membru fejn jinxtara l-oġġett u l-ebda ħlas ieħor ta’ taxxi ma huwa dovut f'xi Stat Membru ieħor. Madankollu, sabiex jiġi stabbilit jekk l-oġġetti soġġetti għat-taxxa tas-sisa jkunux intenzjonati għall-użu proprju tal-individwu privat, l-Istati Membri jistabbilixxu livelli ta’ gwida, unikament bħala forma ta’ evidenza. Dawn il-livelli ta’ gwida huma konsiderevolment ogħla mil-limiti kwantitattivi ta' importazzjonijiet eżentati mit-taxxa skont id-Direttiva.

Għalhekk ma tantx jagħmel sens li jiżdiedu l-limiti kwantitattivi għal importazzjonijiet eżentati mit-taxxa skont il-livelli ta’ gwida indikattivi għal oġġetti ntaxxati fl-UE; għall-kuntrarju dan joħloq diskriminazzjoni negattiva fuq iċ-ċittadini tal-Komunità u fl-istess ħin iżid ir-riskju ta’ distorsjonijiet kompetittivi. Il-limiti kwantitattivi tal-Artikoli 8, 9 u 11 tad-Direttiva jgħinu biex jitħarsu l-politiki soċjoekonomiċi, dawk tal-baġit, u tas-saħħa pubblika tal-Istati Membri billi jiġu stabbiliti punti ċari ta’ riferiment infurzabbli mill-awtoritajiet nazzjonali fi kwalunkwe ħin.

Il-Kummissjoni ma tappoġġjax żieda fil-limiti kwantitattivi fl-Artikolu 8, 9 u 11 tad-Direttiva għal-livelli ta’ gwida stipulati fl-Artikolu 32(3-4) tad-Direttiva tal-Kunsill 2008/118/KE.

2.2.6.     Artikolu 10 — L-età tal-vjaġġaturi

Stat Membru jipproponi s-sostituzzjoni tal-indikazzjoni tal-età ta’ “17” bi “18”, fir-rigward ta’ miżuri tas-saħħa pubblika għall-minuri fl-Istati Membri varji.

Skont l-Artikolu 10 tad-Direttiva, l-eżenzjonijiet fuq prodotti tat-tabakk u tal-alkoħol ma japplikawx għal adoloxxenti taħt is-17-il sena. L-età legali tax-xorb fl-Istati Membri tal-UE timxi mal-politiki soċjoekonomiċi nazzjonali/reġjonali dwar is-saħħa pubblika. Filwaqt li xi Stati Membri jippermettu x-xiri u l-konsum ta’ kwalunkwe alkoħol/xorb alkoħoliku biss lill-persuni bl-età minima ta’ 18-il sena, jew saħansitra 20, Stati Membri oħrajn japplikaw età minima iżgħar ta’ 16 li tkun jew applikabbli għal birra biss jew għal kwalunkwe alkoħol/xorb alkoħoliku, inklużi spirti. Rigward il-limiti ta’ età għax-xiri u l-konsum ta’ prodotti tat-tabakk, is-sitwazzjoni fl-Istati Membri hija simili għal dik tal-alkoħol. Madankollu, maġġoranza ta' Stati Membri tapplika l-limitu ogħla tal-età ta’ 18 għax-xiri ta’ prodotti tat-tabakk, filwaqt li numru iżgħar ta’ Stati Membri jippermettih dan għal adolexxenti mill-età ta' 16-il sena. Barra minn hekk, xi Stati Membri implimentaw leġiżlazzjoni dwar il-protezzjoni taż-żgħażagħ li taqa’ taħt kompetenza reġjonali. Dan iwassal għall-fatt li d-dispożizzjonijiet dwar it-tipjip u x-xorb ivarjaw ħafna anke fi ħdan pajjiż wieħed.

Qabel l-adozzjoni tal-Artikolu 10 attwali tad-Direttiva dawn l-aspetti ġew diskussi fid-dettall u l-limitu tal-età ta’ 17 li jinsab fl-Artikolu 10 tad-Direttiva jirrifletti kompromess ġust bejn il-ġuriżdizzjonijiet differenti u l-politiki soċjoekonomiċi tas-saħħa pubblika nazzjonali/reġjonali fl-Istati Membri. M'hemmx elementi ġodda li jistħoqqilhom diskussjoni li twassal għal riżultat differenti.

Għaldaqstant, il-Kummissjoni ma għandhiex il-ħsieb li temenda din id-dispożizzjoni dwar l-età ta’ vjaġġaturi f’dan l-istadju.

2.2.7.     Artikolu 11 — fjuwil f'kontenitur li jinġarr

Stat Membru esprima l-fehma li ma hemmx bżonn li tiġi pprovduta l-eżenzjoni għall-fjuwil f’kontenitur li jinġarr, l-aktar minħabba raġunijiet prattiċi. Barra minn hekk, dan l-Istat Membru jissuġġerixxi l-allinjament tal-Artikolu 11 tad-Direttiva mad-dispożizzjonijiet stabbiliti fl-Artikoli 84 u 87 tad-Direttiva tal-Kunsill 2009/132/KE li tiddetermina l-kamp ta' applikazzjoni tal-Artikolu 143(b) u (c) tad-Direttiva 2006/112/KE dwar l-eżenzjoni mill-VAT fuq l-importazzjoni finali ta’ ċerti oġġetti għall-finijiet ta’ VAT, u fl-Artikoli 107 u 110 tar-Regolament tal-Kunsill (KE) Nru 1186/2009 li jistabbilixxi sistema Komunitarja ta’ eżenzjonijiet mid-dazju doganali sabiex tiġi żgurata applikazzjoni aktar ċara u aktar koerenti ta' eżenzjonijiet mit-taxxa fuq fjuwil f'tank standard. Skont l-Artikolu 11 tad-Direttiva, il-fjuwil f'tank standard u kwantità addizzjonali ta’ 10 litri f'kontenitur li jinġarr jistgħu jiġu eżentati mill-VAT u d-dazju tas-sisa. Dawn id-dispożizzjonijiet għandhom l-oriġini tagħhom f’bosta Konvenzjonijiet Internazzjonali bħall-Konvenzjoni ta’ Kyoto u l-Konvenzjoni ta’ Istanbul dwar l-importazzjoni temporanja li l-Istati Membri u/jew l-Unjoni Ewropea huma partijiet kontraenti tagħhom. Din il-konsistenza bejn ir-regoli tal-Komunità u l-obbligu internazzjonali trid tinżamm. Barra minn hekk, l-aspetti ta' sikurezza stradali ma għandhomx jiġu injorati bl-adozzjoni ta’ viżjoni purament fiskali.

Min-naħa l-oħra l-Kummissjoni tifhem it-tħassib ta' dawn l-Istati Membri dwar l-użu ħażin ta' dawn l-eżenzjonijiet, speċjalment ladarba dawn huma kkonfermati u deskritti f'dettall fir-“Rapport dwar id-dispożizzjonijiet għall-bagalji personali — Rappurtar dwar kwistjonijiet relatati mal-implimentazzjoni tal-Artikolu 41 tar-Regolament tal-Kunsill (KE) Nru 1186/2009 li ġie introdott mar-Regolament tal-Kunsill (KE) Nru 274/2008”. Iżda għal darb’oħra ma jidhirx li inizjattiva leġiżlattiva hija l-istrument adattat biex jiġu indirizzati dawn ix-xenarji ta’ użu ħażin. Ikun iktar xieraq li jiġu żviluppati prattiki amministrattivi u strumenti fil-ġlieda kontra l-użu ħażin. Id-dispożizzjonijiet fl-Artikoli 84 u 87 tad-Direttiva tal-Kunsill 2009/132/KE u fl-Artikoli 107 u 110 tar-Regolament tal-Kunsill (KE) Nru 1186/2009 jistgħu jservu bħala bażi għall-iżvilupp ta' tali strumenti u prattiki.

Għalhekk, l-eżenzjoni għal fjuwil f’tankijiet standard ta’ vetturi kif ukoll l-eżenzjoni għal fjuwil f’kontenitur li jinġarr u li ma jaqbiżx l-10 litri se tinżamm. Madankollu, il-Kummissjoni hija lesta li tiżviluppa għodod amministrattivi u l-aħjar prattiki flimkien mal-Istati Membri interessati sabiex jiġu indirizzati kif xieraq ix-xenarji ta' problemi deskritti u mbagħad taqsam dak it-tagħrif mal-Istati Membri l-oħra.

2.2.8.     Artikolu 14 — Ammont minimu ta’ taxxa

Stat Membru staqsa jekk l-ammont imsemmi fl-Artikolu 14 (EUR 10) japplikax kemm għall-VAT kif ukoll għad-dazju tas-sisa (total ta’ EUR 10) jew japplikax għal kull taxxa separata (EUR 10 + EUR 10).

Skont l-Artikolu 14 "L-Istati Membri jistgħu jagħżlu li ma jimponux VAT jew dazju tas-sisa fuq l-importazzjoni ta’ oġġetti minn vjaġġatur meta l-ammonttat-taxxa li għandha tkun imposta huwa daqs, jew inqas minn, EUR 10".

Il-Kummissjoni tixtieq tiċċara li dan l-ammont minimu ta’ taxxa jirreferi għat-total ta' taxxa kkalkulata (kemm il-VAT kif ukoll id-dazju tas-sisa).

2.2.9.     Relazzjoni bejn limiti monetarji u kwantitattivi

Fir-“Rapport dwar id-dispożizzjonijiet għall-bagalji personali — Rappurtar dwar kwistjonijiet relatati mal-implimentazzjoni tal-Artikolu 41 tar-Regolament tal-Kunsill (KE) Nru 1186/2009 li ġie introdott mar-Regolament tal-Kunsill (KE) Nru 274/2008” l-Istati Membri kkritikaw li l-possibbiltajiet li jagħżlu bejn limiti monetarji u limiti kwantitattivi jistgħu jkunu wisq liberali u jafu jwasslu għal distorsjonijiet kompetittivi bejn l-Istati Membri. L-Istati Membri ma rrappurtaw l-ebda tali distorsjonijiet kompetittivi u ma pprovdewx dejta ekonomika li tappoġġja suppożizzjoni korrispondenti rigward id-dazji tas-sisa.

F’dan l-istadju, il-Kummissjoni, għalhekk, ma għandhiex l-intenzjoni li terġa’ tiftaħ diskussjonijiet dwar dan is-suġġett tar-relazzjoni bejn il-limiti monetarji u l-limiti kwantitattivi.

2.2.10.   Navigazzjoni interna u trasport tal-passiġġieri fuq ix-xmara Danubju

Operatur ekonomiku staqsa għaliex il-vjaġġaturi li jidħlu fl-UE permezz tax-xmara Danubju fuq bastimenti li mhumiex se jispiċċaw fl-ibħra ma jistgħux jibbenefikaw mill-konċessjonijiet għall-vjaġġaturi. Is-servizzi tal-Kummissjoni ma kellhom l-ebda tweġiba immedjata għal dik il-mistoqsija u se tiddiskuti dik il-mistoqsija mal-Istati Membri għaliex jidher li hemm involuti kwistjonijiet ta’ trattament fiskali ugwali.

Il-Kummissjoni se tiddiskuti s-suġġett ta’ navigazzjoni interna u t-trasport tal-passiġġieri fuq ix-xmara Danubju mal-Istati Membri fil-Kumitat tad-dazji tas-sisa.

3.           Evalwazzjoni ġenerali u konklużjoni

Il-konsultazzjoni tal-Istati Membri tat informazzjoni aġġornata dwar l-applikazzjoni attwali tal-liġi Komunitarja fil-leġiżlazzjoni nazzjonali. Il-maġġoranza kbira tal-Istati Membri hija kuntenta bid-dispożizzjonijiet u ma jaraw l-ebda bżonn li d-Direttiva attwali tiġi riveduta. Għadd konsiderevoli ta’ kummenti riċevuti jirreferu għal bidliet editorjali/lingwistiċi biss. Għal dawn ir-raġunijiet, il-Kummissjoni tipproponi li f’dan l-istadju ma tniedi ebda inizjattiva leġiżlattiva bil-għan li tiġi emendata d-Direttiva dwar il-kwoti tal-vjaġġaturi. Madankollu, il-Kummissjoni hija lesta li tiżviluppa għodod amministrattivi u l-aħjar prattiki flimkien mal-Istati Membri interessati sabiex jiġu indirizzati kif xieraq ix-xenarji ta' problemi deskritti u mbagħad taqsam dak it-tagħrif mal-Istati Membri l-oħra.

Il-kummenti sostanzjali kollha riċevuti huma riflessi fil-qafas ta’ dan ir-rapport. L-Istati Membri għandhom isibu gwida dwar mistoqsijiet partikolari, l-aktar b’referenza għad-definizzjoni u l-interpretazzjoni tat-termini tekniċi użati għall-applikazzjoni ta’ din id-Direttiva. Xi wħud mill-kummenti jolqtu kwistjonijiet usa' trattati minn leġiżlazzjoni oħra dwar is-sisa (b’mod partikolari l-arranġamenti ġenerali dwar id-dazju tas-sisa stipulati fid-Direttiva tal-Kunsill 2008/118/KE). Dawn il-kummenti se jiġu kkunsidrati meta tkun proposta r-reviżjoni ta’ din il-leġiżlazzjoni.

4.           Anness

Ħarsa ġenerali lejn kif l-Istati Membri qed japplikaw eżenzjonijiet u limiti kwantitattivi ogħla/iktar baxxi skont l-Artikoli 7, 8, 13, 14 u 15 tad-Direttiva tal-Kunsill 2007/74/KE

Skont l-Artikoli 7, 8, 13, 14 u 15 tad-Direttiva tal-Kunsill 2007/74/KE, l-Istati Membri jistgħu jagħmlu użu ta’ eżenzjonijiet u limiti kwantitattivi ogħla/iktar baxxi meta jimplimentaw id-dispożizzjonijiet ta’ din id-Direttiva. Dawn id-dispożizzjonijiet huma applikati fuq livell nazzjonali. It-tabelli ta’ hawn taħt jipprovdu ħarsa ġenerali lejn kif l-Istati Membri qed japplikaw dawn l-eżenzjonijiet.

L-implimentazzjoni ta’ kwantitajiet imnaqqsa/limitu monetarju skont l-Art. 7(2) u Art. 8(1-2)

SM || Limitu monetarju mnaqqas skont l-Art. 7(2)) f’EUR || Kwantitajiet imnaqqsa għall-vjaġġaturi kollha skont l-Art. 8(1) || Kwantitajiet imnaqqsa għall-vjaġġaturi li mhumiex vjaġġaturi bl-ajru, Art. 8(2)

1 || 2 || 3 || 4

AT* || 150 || le || le

BE || 175 || le || le

BG || le || Parzjalment iva || iva

CY || 175 || le || le

CZ || 200 || le || le

DE || 175 || le || le

DK || le || le || le

EE || le || għall-Art. 8(1) a u d biss || mhux applikabbli

EL || 150 || le || iva

ES || 150 || le || le

FI || le || le || le

FR || 150 || le || le

HU || 150 || le || iva

IE || 215 || le || le

IT || 150 || le || le

LT || 147,70 || le || iva

LU || 175 || le || le

LV || 282,01 || le || iva

MT || le || le || le

NL || le || le || le

PL || le || VAT: le. Sisa: it-tnejn || iva

PT || 150 || le || le

RO || le || għall-Art. 8(1)a biss || le

SE || le || le || iva (sa ċertu punt biss)

SI || 150 || le || le

SK || le || Parzjalment iva || iva

UK || le || le || le

* l-Awstrija tapplika l-Art. 8(3) għal vjaġġaturi li jaslu minn Samnauntal

L-implimentazzjoni ta’ kwantitajiet imnaqqsa/limitu monetarju skont l-Art. 13(1)a

SM || Tabakk (a) sigaretti (b) cigarillos (c) sigarri (d) tabakk għat-tipjip || Alkoħol u xorb alkoħoliku (a) iktar minn 22 % vol. jew alkoħol etiliku mhux żnaturat b'vol. ta' 80 % jew iktar (b) 22 % vol. jew inqas (c) inbid bla gass (d) birra || Fjuwil (a) tank standard (b) kontenitur li jinġarr || Limitu monetarju (ammont massimu f’EUR)

AT || a) 25 b) 10 c) 5 d) 25g || a) 0,25 litru b) 0,75 litru c) litru (1) d) 2 litri || mhux applikabbli || EUR 20 inkl. EUR 4 għal ikel u xorb mhux alkoħoliku

BE || le || le || le || le

BG || le || le || le || le

CY || le || le || le || le

CZ || le || le || le || le

DE || a) 40 b) 20 c) 10 d) 50 g || a) 0 litri b) 0 litri c) 0 litri d) 0 litri || mhux applikabbli || EUR 90

DK || le || le || le || le

EE || le || le || le || le

EL || a) 40 b) 20 c) 10 d) 50 g || (a): litru (1) (b): 2 litri (c): 4 litri (d): 16-il litru || a) fjuwil f’tank standard b) 10 litri fjuwil f’kontenitur li jinġarr || EUR 175

ES || a) 200 fix-xahar || le || le || le

FI || le || le || le || le

FR || a) 40 b) 20 c) 10 d) 50 g || (a): 0,25 litru (b): 0,50 litru (c): 0,50 litru (d): 4 litri || a) fjuwil f’tank standard 200 litru b) 10 litri fjuwil f’kontenitur li jinġarr || Mass.: EUR 175 (vjaġġaturi li għandhom 15-il sena jew iktar). Dawk li għandhom inqas minn 15-il sena: EUR 40

HU || le || le || le || le

IE || le || le || le || le

IT || a) 20 b) 10 c) 5 d) 25 g || a) 0,125 litru b) 0,250 litri c) litru (1) d) 2 litri || tank standard biss || EUR 50

LT || a) 40 b) 20 c) 10 d) 50 g || a) 0,5 litri b) 0,75 litri c) 0,75 litri d) 4 litri || a) fjuwil f’tank standard b) l-ebda eżenzjoni għal kontenitur li jinġarr || EUR 147,70

LU || le || le || le || le

LV || le || le || le || le

MT || le || le || le || le

NL || le || le || le || le

PL || le || a) 0,5 litru (għall-VAT biss) b) 0,5 litru (għall-VAT biss) c) 0,5 litru (għall-VAT biss) d) 2 litri (għall-VAT biss) || le || le

PT || le || le || le || le

RO || le || le || le || le

SE || le || le || le || le

SI || a) 25 b) 10 c) 5 d) 250 g || a) 0,25 litri c) litru (1) || mhux applikabbli || EUR 40

SK || le || le || le || le

UK || le || le || le || le

L-implimentazzjoni ta’ kwantitajiet imnaqqsa/limitu monetarju skont l-Art. 13(1)b

SM || Prodotti tat-tabakk (a) sigaretti (b) cigarillos (c) sigarri (d) tabakk għat-tipjip || Alkoħol u xorb alkoħoliku (a) iktar minn 22 % vol. jew alkoħol etiliku mhux żnaturat b'vol. ta' 80 % jew iktar (b) 22 % vol. jew inqas (c) inbid bla gass (d) birra || Fjuwil (a) tank standard (b) kontenitur li jinġarr || Limitu monetarju (ammont massimu f’EUR)

AT || a) 25 b) 10 c) 5 d) 25g || a) 0,25 litri b) 0,75 litri c) litru (1) d) 2 litri || mhux applikabbli || EUR 20 inkl. EUR 4 għal ikel u xorb mhux alkoħoliku

BE || le || le || le || le

BG || le || le || le || le

CY || le || le || le || le

CZ || le || le || le || le

DE || a) 40 b) 20 c) 10 d) 50 g || a) 0 litri b) 0 litri c) 0 litri d) 0 litri || mhux applikabbli || EUR 90

DK || le || le || le || le

EE || le || le || le || le

EL || a) 40 b) 20 c) 10 d) 50 g || (a): litru (1) (b): 2 litri (c): 4 litri (d): 16-il litru || a) fjuwil f’tank standard b) 10 litri fjuwil f’kontenitur li jinġarr || EUR 175

ES || a) 200 fix-xahar || le || le || le

FI || le || le || le || le

FR || a) 40 b) 20 c) 10 d) 50 g || (a): 0,25 litru (b): 0,50 litru (c): 0,50 litru (d): 4 litri || a) fjuwil f’tank standard 200 litru b) 10 litri fjuwil f’kontenitur li jinġarr || Mass.: EUR 175 (vjaġġaturi li għandhom 15-il sena jew iktar). Dawk li għandhom inqas minn 15-il sena: EUR 40

HU || le || le || le || le

IE || le || le || le || le

IT || a) 20 b) 10 c) 5 d) 25g || a) 0,125 litri b) 0,250 litri c) litru (1) d) 2 litri || tank standard biss || EUR 50

LT || a) 40 b) 20 c) 10 d) 50 g || a) 0,5 litri b) 0,75 litri c) 0,75 litri d) 4 litri || a) fjuwil f’tank standard b) l-ebda eżenzjoni għal kontenitur li jinġarr || EUR 147,70

LU || le || le || le || le

LV || le || le || le || le

MT || le || le || le || le

NL || le || le || le || le

PL || le || a) 0,5 litru (għall-VAT biss) b) 0,5 litru (għall-VAT biss) c) 0,5 litru (għall-VAT biss) d) 2 litri (għall-VAT biss) || le || le

PT || le || le || le || le

RO || le || le || le || le

SE || le || le || le || le

SI || a) 25 b) 10 c) 5 d) 250 g || a) 0,25 litri c) litru (1) || mhux applikabbli || EUR 40

SK || le || le || le || le

UK || le || le || le || le

L-implimentazzjoni ta’ kwantitajiet imnaqqsa/limitu monetarju skont l-Art. 13(1)c

SM || Prodotti tat-tabakk (a) sigaretti (b) cigarillos (c) sigarri (d) tabakk għat-tipjip || Alkoħol u xorb alkoħoliku (a) iktar minn 22% vol. jew alkoħol etiliku mhux żnaturat b'vol. ta' 80 % jew iktar (b) 22 % vol. jew inqas (c) inbid bla gass (d) birra || Fjuwil (a) tank standard (b) kontenitur li jinġarr || Limitu monetarju (ammont massimu f’EUR)

AT || a) 25 b) 10 c) 5 d) 25 g || a) 0,25 litru b) 0,75 litri c) litru (1) d) 2 litri || mhux applikabbli || EUR 20 inkl. EUR 4 għal ikel u xorb mhux alkoħoliku

BE || a) 40 b) 20 c) 10 d) 50 g || a) 0,25 litri b) 0,50 litri c) 2 litri d) 8 litri || (a) tank standard  xejn. (b) kontenitur li jinġarr xejn || Ammont mass. EUR 175

BG || a) 40 b) 20 c) 10 d) 50 g || (a): litru (1) (b): litru (1) (c): 2 litri (d): 4 litri || a) fjuwil f’tank standard b) 10 litri fjuwil f’kontenitur li jinġarr || EUR 150

CY || a) 40 b) 20 c) 10 d) 50 g || a) 0,25 litri b) 0,50 litru c) litru (1) d) 3 litri || mhux applikabbli || EUR 35

CZ || mhux applikabbli || mhux applikabbli || mhux applikabbli || EUR 300

DE || a) 40 b) 20 c) 10 d) 50 g || a) 0 litri b) 0 litri c) 0 litri d) 0 litri || mhux applikabbli || EUR 90

DK || le || le || le || le

EE || le || le || le || le

EL || a) 40 b) 20 c) 10 d) 50 g || (a): litru (1) (b): 2 litri (c): 4 litri (d): 16-il litru || a) fjuwil f’tank standard b) 10 litri fjuwil f’kontenitur li jinġarr || EUR 175

ES || le || le || le || EUR 30 jew 43

FI || Kull xahar a) 200 b) 100 c) 50 d) 250 g || Kull xahar a) litru (1) b) 2 litri c) 4 litri d) 16-il litru || Kull xahar a) fjuwil f’tank standard b) 10 litri fjuwil f’kontenitur li jinġarr || EUR 430 fix-xahar (vjaġġar bl-ajru jew bil-baħar). Traffiku fuq l-art: Limitu monetarju ta’ oġġetti importati f'darba mass. EUR 300

FR || a) 40 b) 20 c) 10 d) 50 g || (a): 0,25 litru (b): 0,50 litru (c): 0,50 litru (d): 4 litri || a) fjuwil f’tank standard 200 litri b) 10 litri fjuwil f’kontenitur li jinġarr || Mass.: EUR 175 (vjaġġaturi li għandhom 15-il sena jew iktar). Dawk li għandhom inqas minn 15-il sena: EUR 40

HU || le || le || le || le

IE || a) 40 b) 20 c) 10 d) 50 g || a) 0,35 litru b) 0,50 litru c) 0,75 litru d) 4 litri || a) fjuwil f’tank standard b) 10 litri fjuwil f’kontenitur li jinġarr || EUR 430

IT || a) 20 b) 10 c) 5 d) 25 g || a) 0,125 litri b) 0,250 litri c) litru (1) d) 2 litri || tank standard biss || EUR 50

LT || a) 40 b) 20 c) 10 d) 50 g || a) 0,5 litri b) 0,75 litri c) 0,75 litri d) 4 litri || a) fjuwil f’tank standard b) l-ebda eżenzjoni għal kontenitur li jinġarr || EUR 147,70

LU || a) 40 b) 20 c) 10 d) 50 g || a) 0,25 litri b) 0,5 litri c) 2 litri d) 8 litri || mhux applikabbli || EUR 175

LV || le || le || le || le

MT || le || le || le || le

NL || a) 40 b) 20 c) 10 d) 50 g || (a): litru (1) (b): litru (1) (c): 2 litri (d): 8 litri || L-ebda kwantità iktar baxxa || L-ebda limitu iktar baxx

PL || le || a) 0,5 litru (għall-VAT biss) b) 0,5 litru (għall-VAT biss) c) 0,5 litru (għall-VAT biss) d) 2,0 litri (għall-VAT biss) || le || le

PT || a) 80 b) 20 c) 10 d) 50 g || mhux applikabbli || mhux applikabbli || EUR 200

RO || le || le || le || le

SE || a) 100 b) 20 c) 20 d) 100 g || a) 0 litri b) 0 litri c) 0 litri d) 0 litri || mhux applikabbli || EUR 0

SI || a) 25 b) 10 c) 5 d) 250 g || a) 0,25 litru c) litru (1) || mhux applikabbli || EUR 40

SK || le || le || le || le

UK || le || le || le || le

L-implimentazzjoni tal-eċċezzjonijiet skont l-Art. 14 u Art. 15

SM || Eċċezzjonijiet tal-Art. 14 (l-ebda VAT jew taxxa tas-sisa jekk it-taxxa tkun EUR 10 jew inqas) || Eċċezzjonijiet tal-Art. 15 (aġġustament/tqarrib tal-munita nazzjonali għall-Euro) *

AT || iva || le

BE || le || le

BG || le || le

CY || iva || le

CZ || iva || Iva (għall-Art. 15(2)a biss)

DE || le || le

DK || le || le

EE || le || le

EL || le || le

ES || le || le

FI || le || le

FR || le || le

HU || le || iva (għall-Art. 15(2)a biss)

IE || le || le

IT || iva || le

LT || le || iva (għall-Art. 15(2)a biss)

LU || iva || le

LV || le || iva (għal Art. 15(2)a biss)

MT || iva || le

NL || le || le

PL || iva || le

PT || iva || le

RO || iva || le

SE || iva || iva

SI || le || le

SK || le || le

UK || le || iva

[1]               Il-Kroazja ssieħbet mal-UE fl-1 ta’ Lulju 2013 biss u mhix inkluża f’dan l-eżerċizzju.

[2]               Il-kwestjonarju ġie ppreżentat f’laqgħa tal-Kumitat dwar id-Dazju tas-Sisa u miftuħ għall-kummenti mis-26 ta’ Ġunju 2012 sas-27 ta’ Lulju 2012.

[3]               Dokument 16879/2011 — UD 335 — Anness

[4]               Ara d-dokument tal-Kummissjoni dwar ir-“Riżultat tal-kwestjonarju dwar l-implimentazzjoni tad-Direttiva tal-Kunsill 2007/74/KE tal-20 ta’ Diċembru 2007 dwar l-eżenzjoni mit-taxxa fuq il-valur miżjud u d-dazju tas-sia fuq oġġetti importati minn persuni li jkunu qed jivvjaġġaw minn pajjiżi terzi” (CED 798).

[5]               "Il-valur tal-bagalji personali ta’ vjaġġatur, li jkunu importati temporanjament jew importati mill-ġdid wara l-esportazzjoni temporanja tagħhom, u l-valur tal-prodotti mediċinali meħtieġa biex jintlaħqu l-ħtiġijiet personali tal-vjaġġatur m'għandhomx jiġu kkunsidrati għall-għanijiet ta’ l-applikazzjoni tal-eżenzjonijiet imsemmija fil-paragrafi 1 u 2."