EUR-Lex Access to European Union law
This document is an excerpt from the EUR-Lex website
Document 52012PC0738
Recommendation for a COUNCIL DECISION amending Decision 2011/734/EU addressed to Greece with a view to reinforcing and deepening fiscal surveillance and giving notice to Greece to take measures for the deficit reduction judged necessary to remedy the situation of excessive deficit
Rakkomandazzjoni għal DEĊIŻJONI TAL-KUNSILL li temenda d-Deċiżjoni 2011/734/UE indirizzata lill-Greċja bl-għan li ssaħħaħ u tapprofondixxi s-sorveljanza fiskali u li tavża lill-Greċja biex tieħu miżuri għat-tnaqqis tad-defiċit liema miżuri huma meqjusa neċessarji sabiex tiġi rimedjata s-sitwazzjoni ta’ defiċit eċċessiv
Rakkomandazzjoni għal DEĊIŻJONI TAL-KUNSILL li temenda d-Deċiżjoni 2011/734/UE indirizzata lill-Greċja bl-għan li ssaħħaħ u tapprofondixxi s-sorveljanza fiskali u li tavża lill-Greċja biex tieħu miżuri għat-tnaqqis tad-defiċit liema miżuri huma meqjusa neċessarji sabiex tiġi rimedjata s-sitwazzjoni ta’ defiċit eċċessiv
/* COM/2012/0738 final */
Rakkomandazzjoni għal DEĊIŻJONI TAL-KUNSILL li temenda d-Deċiżjoni 2011/734/UE indirizzata lill-Greċja bl-għan li ssaħħaħ u tapprofondixxi s-sorveljanza fiskali u li tavża lill-Greċja biex tieħu miżuri għat-tnaqqis tad-defiċit liema miżuri huma meqjusa neċessarji sabiex tiġi rimedjata s-sitwazzjoni ta’ defiċit eċċessiv /* COM/2012/0738 final */
MEMORANDUM TA’ SPJEGAZZJONI Il-miżuri li jikkonċernaw
il-koordinazzjoni u s-sorveljanza tad-dixxiplina baġitarja tal-Greċja
u l-istabbiliment ta’ linji gwida għall-politika ekonomika
għall-Greċja huma ddefiniti fid-Deċiżjoni tal-Kunsill 2011/734/UE
abbażi tal-Artikoli 126(9) u 136 tat-TFUE. Il-Greċja ġiet
irrakkomandata biex tieħu miżuri biex tikkoreġi s-sitwazzjoni
ta’ defiċit eċċessiv sa mhux aktar tard mill-2014 u li
jiżguraw titjib fil-bilanċ strutturali ta’ mill-inqas 10 punti
perċentwali tal-PDG matul il-perjodu 2009-14. Il-konformità mad-deċiżjoni hija
rilevanti mhux biss fil-kuntest tal-proċedura tad-defiċit
eċċessiv, iżda wkoll fil-kuntest tal-finanzjament
lill-Greċja mill-Istati Membri taż-żona tal-euro, permezz tal-Faċilità
ta’ Self għall-Greċja u l-Faċilità Ewropea ta' Stabbiltà
Finanzjarja (EFSF). Id-defiċit tal-2012 tal-amministrazzjoni
pubblika hu mistenni li jilħaq EUR 13.4 biljun, li jirrispetta
l-limitu massimu ta' EUR 14.8 biljun ta' defiċit preskritt
fid-Deċiżjoni tal-Kunsill. Id-defiċit tal-amministrazjoni
pubblika huwa mistenni li jkun laħaq 6.9% tal-PDG, ferm taħt
il-limitu massimu għad-defiċit tal-gvern ta' 7.3% tal-PDG għall-2012.
Il-mira primarja tad-defiċit għal dik is-sena huwa mistenni li ma
tintlaħaqx b'madwar 0.5% tal-PDG. L-eżitu kumplessiv jirrifletti
pagamenti aktar baxxi milli kien ippjanat tal-imgħax, b'riżultat
tal-iskambju tad-dejn f’Marzu 2012. Għall-2013, il-Greċja adottat fil-11 ta' Novembru
baġit li jiżgura l-kontinwazzjoni tal-konsolidazzjoni fiskali,
permezz ta' miżuri mmirati biex jiżguraw iffrankar ta' madwar 5%
tal-PDG. Fis-7 ta' Novembru adottat ukoll Strateġija Fiskali fuq
Terminu ta' Żmien Medju li tinkludi miżuri li jiżguraw tnaqqis
ulterjuri fid-defiċit fis-snin sussegwenti. Il-Greċja ħadet
azzjoni effettiva f'konformità mad-Deċiżjoni tal-Kunsill 2011/734/UE.
Il-Greċja żgurat titjib fil-bilanċ strutturali fl-2009-2012 li
diġà huwa akbar mill-minimu ta' 10 punti perċentwali tal-PDG matul
il-perjodu 2009-14 irakkomandat mill-Kunsill. Huwa stmat li l-Greċja tejbet
id-defiċit strutturali tagħha bi 13.9 punti perċentwali tal-PDG
minn defiċit ta' 14.7% fl-2009 għal defiċit stmat ta' 1.5% fl-2012. L-attività ekonomika hija attwalment
projettata li se tkun ferm iktar dgħajfa milli kien mistenni meta
ġiet adottata d-Deċiżjoni 2012/734/UE f'Marzu 2012.
L-ekonomija Griega tinsab fil-ħames sena konsekuttiva tagħha ta'
riċessjoni. Skont it-Tbassir tal-Ħarifa 2012 tas-servizzi
tal-Kummissjoni, il-PDG reali huwa pprojettat li jonqos b'6.0% fl-2012 u b'4.2%
fl-2013 - minflok l-4.7% u 0.0% rispettivament fid-Deċiżjoni
tal-Kunsill preċedenti -, segwiti bi tkabbir ta' 0.6% biss fl-2014.
B’kuntrast, id-Deċiżjoni tal-Kunsill ta' Marzu 2012 kienet
ibbażata fuq tkabbir mill-ġdid diġà mill-2013. Id-deterjorament
notevoli fil-prospettiva ekonomika jirrifletti inċertezzi politiċi
fil-Greċja matul l-elezzjonijiet doppji, tnaqqis fid-domanda esterna, u
l-effetti tad-dewmien fl-implimentazzjoni tal-programm u żborzament
għal finanzjament pubbliku u privat. Dan id-deterjorament notevoli tax-xenarju
ekonomiku jimplika deterjorament korrespondenti fil-prospettiva
għall-finanzi pubbliċi jekk ma jinbidlux il-politiki, u
jagħmilha diffiċli biex titlesta l-korrezzjoni tad-defiċit
eċċessiv sal-2014, kif mitlub mill-Kunsill
fid-Deċiżjoni 2011/734/UE. Minħabba l-kundizzjonijiet
ekonomiċi negattivi, estensjoni tal-perjodu ta' aġġustament hija
ġġustifikata. B'mod partikolari, l-iskadenza li ġiet stabbilita
fid-Deċiżjoni tal-Kunsill għall-korrezzjoni tad-defiċit
eċċessiv fil-Greċja teħtieġ li tiġi estiża b'sentejn
sa 2016. Il-miri fiskali lejn il-korrezzjoni tad-defiċit
eċċessiv għandhom jiġu ddefiniti fuq il-bażi
tal-bilanċ primarju tal-amministrazzjoni pubblika f'termini nominali.
Għall-2012 id-defiċit primarju għandu jkun EUR 2 925
miljun (1.5% tal-PDG), għall-2013 l-bilanċ primarju għandu jkun
EUR 0 (0% tal-PDG), għall-2014 EUR 2 775 miljun (1.5%
tal-PDG), għall-2015 EUR 5 700 miljun (3.0% tal-PDG) u
għall-2016 EUR 9 000 miljun (4.5% tal-PDG) Meta jitqiesu dawn l-iżviluppi, li
jirrinforzaw il-ħtieġa li l-gvern iwettaq b'suċċess
il-pakkett ambizzjuż ta' riformi, il-kondizzjonalità tal-politika
fil-Memorandum ta’ Ftehim tal-programm ta' aġġustament ekonomiku
tal-Greċja teħtieġ li tiġi aġġornata. Il-kundizzjonalità
tikkonċerna mhux biss il-miżuri ta' konsolidazzjoni fiskali,
iżda wkoll dawk il-miżuri meħtieġa biex isaħħu
l-ambjent li jiffaċilita t-tkabbir u jnaqqsu kwalunkwe impatt soċjali
negattivi. B'kunsiderazzjoni tal-inizjattivi miftiehma
mill-Istati Membri fiż-żona tal-euro biex titjieb is-sostenibbiltà
tad-dejn u ċerti miżuri għat-tnaqqis tad-dejn meqjusa
mill-Greċja, kif ukoll tnaqqis fid-defiċit tal-baġit u tkabbir
aktar qawwi tal-PDG nominali li jirriżultaw mill-miżuri strutturali
politiċi, il-proporzjon tad-dejn mal-PDG mistenni li jilħaq
l-ogħla livell fl-2013. Il-proporzjon tad-dejn ma l-PDG se jibda jonqos
mill-2014 'il quddiem biex jinżel taħt 160% tal-PDG fl-2016. Dan
għandu jtejjeb is-sostenibbiltà tat-trajjettorja tad-dejn, mingħajr
ma jibdel id-direzzjoni fiskali għal surplus primarju. Il-Kummissjoni adottat Rakkomandazzjoni
għal Deċiżjoni tal-Kunsill li temenda
d-Deċiżjoni 2011/734/UE u bagħtitha lill-Kunsill. Rakkomandazzjoni għal DEĊIŻJONI TAL-KUNSILL li temenda d-Deċiżjoni 2011/734/UE
indirizzata lill-Greċja bl-għan li ssaħħaħ u tapprofondixxi
s-sorveljanza fiskali u li tavża lill-Greċja biex tieħu
miżuri għat-tnaqqis tad-defiċit liema miżuri huma meqjusa
neċessarji sabiex tiġi rimedjata s-sitwazzjoni ta’ defiċit
eċċessiv IL-KUNSILL TAL-UNJONI EWROPEA, Wara li kkunsidra t-Trattat dwar il-Funzjonament
tal-Unjoni Ewropea, u b’mod partikolari l-Artikolu 126(9) u l-Artikolu 136
tiegħu, Wara li kkunsidra r-rakkomandazzjoni
mill-Kummissjoni Ewropea, Billi: (1) L-Artikolu 136(1)(a)
tat-Trattat dwar il-Funzjonament tal-Unjoni Ewropea (TFUE) jipprevedi
l-possibbiltà li jiġu adottati miżuri speċifiċi
għall-Istati Membri li l-munita tagħhom hija l-euro bil-ħsieb li
jsaħħu l-koordinazzjoni u s-sorveljanza tad-dixxiplina baġitarja
tagħhom. (2) L-Artikolu 126 tat-TFUE
jistabbilixxi li l-Istati Membri għandhom jevitaw żbilanċ
eċċessiv tal-gvern u għaldaqstant jistabbilixxi l-proċedura
ta’ żbilanċ eċċessiv. Il-Patt ta’ Stabbiltà u Tkabbir, li
fil-parti korrettiva tiegħu jimplimenta l-proċedura ta’
żbilanċ eċċessiv, jipprovdi l-qafas li jsostni l-politiki
tal-gvern għal ritorn immedjat lejn pożizzjonijiet baġitarji
sodi filwaqt li jqisu l-qagħda ekonomika. (3) Fis-27 ta’ April 2009,
il-Kunsill iddeċieda, skont l-Artikolu 104(6) tat-Trattat li
jistabbilixxi l-Komunità Ewropea (it-TKE), li fil-Greċja kien hemm defiċit
eċċessiv. (4) Fl-10 ta' Mejju 2010,
il-Kunsill adotta d-Deċiżjoni 2010/320/UE[1] indirizzata lill-Greċja
skont l-Artikolu 126(9) u l-Artikolu 136 tat-TFUE bl-għan li
ssaħħaħ u tapprofondixxi s-sorveljanza fiskali u li tavża
lill-Greċja biex tieħu miżuri għat-tnaqqis tad-defiċit
liema miżuri huma meqjusa neċessarji sabiex tiġi rimedjata
s-sitwazzjoni ta’ defiċit eċċessiv mhux aktar tard
mill-iskadenza tal-2014. Il-Kunsill stabbilixxa l-2014 bħala l-iskadenza
għall-korrezzjoni tas-sitwazzjoni ta’ defiċit eċċessiv, u
miri annwali għad-defiċit tal-gvern. (5) Id-Deċiżjoni
tal-Kunsill 2010/320/UE ġiet emendata sostanzjalment diversi drabi.
Billi kien meħtieġ li jsiru aktar emendi, fl-interess
taċ-ċarezza, din ġiet irriformulata, fit-12 ta’ Lulju 2011,
bid-Deċiżjoni tal-Kunsill 2011/734/UE[2]. Din id-Deċiżjoni
ġiet emendata għall-ewwel darba fit-8 ta' Novembru 2011[3]. (6) Fit-13 ta’ Marzu 2012[4], wara rakkomandazzjoni
mill-Kummissjoni, id-Deċiżjoni tal-Kunsill 2011/734/UE
reġgħet ġiet emendata f'għadd ta' aspetti, inkluż
il-perkors għall-aġġustament fiskali, filwaqt li l-iskadenza
għall-korrezzjoni tad-defiċit eċċessiv tħalliet kif
inhi[5]. Id-deċiżjoni
kkonfermat ir-rakkomandazzjoni li l-Greċja jkollha tieħu miżuri
biex tikkoreġi l-qagħda ta’ defiċit eċċessiv sa mhux
aktar tard mill-2014 li jiżguraw titjib fil-bilanċ strutturali ta’
mill-inqas 10 punti perċentwali tal-PDG matul il-perjodu 2009-14. (7) Skont l-Artikolu 5(2)
tar-Regolament (KE) Nru 1467/97, jekk tkun ittieħdet azzjoni
effettiva skont l-Artikolu 126(9) TFUE u wara l-adozzjoni ta’ dak l-avviż
ikun hemm avvenimenti ekonomiċi negattivi mhux mistennija li jkollhom
konsegwenzi sfavorevoli kbar għall-finanzi tal-gvern, il-Kunsill jista’
jiddeċiedi, fuq rakkomandazzjoni mill-Kummissjoni, li jadotta avviż
rivedut skont l-Artikolu 126(9) TFUE. (8) L-attività ekonomika hija
attwalment projettata li se tkun ferm iktar dgħajfa minn meta kienet
adottata l-aħħar emenda għad-Deċiżjoni
tal-Kunsill 2011/734/UE f'Marzu 2012. Kemm il-PDG reali u dak
nominali huma mistennija jkunu f'livelli ferm aktar baxxi fl-2012 u l-2013.
Ir-reviżjoni riċenti tal-kontijiet nazzjonali Griegi f'Ottubru 2012
żvelat tnaqqis iktar qawwi tal-PDG reali, b'paragun maċ-ċifri
sottostanti fid-Deċiżjoni tal-Kunsill. Skont it-Tbassir
tal-Ħarifa 2012 tas-servizzi tal-Kummissjoni, il-PDG reali huwa pprojettat
li jonqos b'6.0% fl-2012 u b'4.2% ulterjuri fl-2013 - minflok l-4.7% u tkabbir
ta' 0.0% fid-Deċiżjoni tal-Kunsill għall-2012 u 2013
rispettivament - qabel jikber b'0.6% fl-2014. Dan id-deterjorament notevoli
tax-xenarju ekonomiku jimplika deterjorament korrespondenti tal-prospettiva
għall-finanzi pubbliċi jekk ma jinbidlux il-politiki. (9) Fl-2012, id-defiċit
tal-amministrazzjoni pubblika huwa mistenni jilħaq 6.9% tal-PDG, ferm
taħt il-limitu massimu tad-defiċit tal-gvern ta' 7.3% tal-PDG
(abbażi tal-ESA95) għall-2012 stabbilit mid-Deċiżjoni
tal-Kunsill. F'termini nominali d-defiċit tal-amministrazzjoni pubblika
għall-2012 huwa mistenni jilħaq EUR 13.4 biljuni meta mqabbla
ma' EUR 14.8 biljuni ta' defiċit massimu preskritti
fid-Deċiżjoni tal-Kunsill. Id-defiċit primarju madankollu huwa
mistenni li jkun kemmxejn ogħla mill-mira ta' 1.0% tal-PDG minħabba
r-riċessjoni aktar qawwija milli mistenni. Huwa stmat li
l-Greċja tejbet id-defiċit strutturali tagħha bi 13.9 punti
perċentwali tal-PDG minn defiċit ta' 14.7% fl-2009 għal
defiċit stmat ta' 1.5% fl-2012. Il-Greċja b’hekk żgurat titjib
fil-bilanċ strutturali fl-2009-2012 li diġà huwa akbar mill-minimu
ta' 10 punti perċentwali tal-PDG matul il-perjodu 2009-14 rakkomandat
mill-Kunsill. Fil-11 ta’ Novembru 2012, ġie adottat
il-baġit tal-2013 mill-parlament Grieg, b’iffrankar ta’ aktar minn
EUR 9.2 biljun, aktar minn 5% tal-PDG. Il-baġit tal-2013 jifforma
parti mill-Istrateġija Fiskali fuq Terminu ta' Żmien Medju
(Medium-Term Fiscal Strategy - MTFS) tal-2013-2016 li ġiet adottata
mill-Parlament Grieg ftit jiem qabel fis-7 ta’ Novembru 2012.
L-MTFS u l-leġiżlazzjoni rilevanti biex tiġi implimentata
stipulaw konsolidazzjoni fiskali mdaqqsa ferm u kkonċentrata fil-bidu
tal-perjodu li tammonta għal aktar minn 7% tal-PDG sal-2016, b'sett
komprensiv ta' miżuri strutturali sottostanti għal konsolidazzjoni
fiskali sostanzjali. Meta jitqiesu dawn l-iżviluppi, il-kondizzjonalità
tal-politika fil-Memorandum ta’ Ftehim tal-programm ta' aġġustament
ekonomiku tal-Greċja teħtieġ li tiġi aġġornata.
L-impenn li ħadet il-Greċja jikkonċerna mhux biss il-miżuri
ta' konsolidazzjoni fiskali, iżda wkoll dawk il-miżuri
meħtieġa biex jissaħħaħ l-ambjent li jiffaċilta
t-tkabbir u li jitnaqqas kwalunkwe impatt soċjali negattiv.
Għaldaqstant, b’mod kumplessiv, il-Greċja ħadet azzjoni
effettiva fl-2012 biex tnaqqas id-defiċit tagħha f'konformità
mad-Deċiżjoni tal-Kunsill 2011/734/UE. (10) Id-dejn ikkonsolidat
tal-amministrazzjoni pubblika huwa mistenni li naqas b’EUR 11.1 biljun fl-2012
meta mqabbel ma’ EUR26.95 biljuni stabbiliti fid-Deċiżjoni
tal-Kunsill. Dan huwa minħabba dħul aktar baxx milli mistenni
mill-privatizzazzjoni, konsolidazzjoni aktar baxxa milli mistennija tad-dejn
tal-gvern u aġġustamenti tal-kontabbiltà bbażata fuq
ħlasijiet-kontabbiltà bbażata fuq id-dovuti u aġġustamenti
oħrajn tal-imgħax agħar milli mistennija. Minħabba PDG
nominali aktar baxx wara r-reviżjoni tad-dejta statistika u fid-dawl ta'
prospetti makroekonomiċi agħar, il-proporzjon tad-dejn mal-PDG
probabbilment se jikber għal 162.5% fl-2012. Inizjattivi miftiehma
mill-Istati Membri taż-żona tal-euro biex titjieb is-sostenibbiltà
tad-dejn u ċerti miżuri li jnaqqsu d-dejn meqjusa mill-Greċja
għandhom itejbu s-sostenibbiltà tat-trajjettorja tad-dejn, mingħajr
ma jibdlu d-direzzjoni fiskali għas-surplus primarju. Meta wieħed
jikkunsidra wkoll tnaqqis tad-defiċit tal-baġit u tkabbir tal-PDG
nominali aktar qawwi li jirriżultaw mill-miżuri strutturali
politiċi, il-proporzjon tad-dejn mal-PDG huwa mistenni li jilħaq
l-ogħla livell fl-2013. Il-proporzjon bejn tad-dejn mal-PDG se jibda
jonqos mill-2014 'il quddiem biex jinżel taħt 160% tal-PDG fl-2016. (11) Minkejja l-azzjoni effettiva
meħuda, id-deterjorament notevoli tax-xenarju ekonomiku jimplika
deterjorament korrespondenti tal-prospettiva għall-finanzi pubbliċi
jekk ma jinbidlux il-politiki u jagħmilha diffiċli biex titlesta
l-korrezzjoni tad-defiċit eċċessiv sal-2014, kif mitlub
mill-Kunsill fid-Deċiżjoni 2011/734/UE. Minħabba
l-avvenimenti ekonomiċi negattivi, estensjoni tal-iskadenza
għall-perjodu ta' aġġustament hija ġġustifikata. B'mod
partikolari, l-iskadenza li ġiet stabbilita fid-Deċiżjoni
tal-Kunsill teħtieġ tiġi estiża b’sentejn sa 2016. Skont
il-perkors tal-Programm tal-Aġġustament Ekonomiku rivedut, il-miri
tal-bilanċ primarju għandhom ikunu ta' 0%, 1.5%, 3% u 4.5% tal-PDG
għall-perjodu ta' erba' snin bejn 2013-2016. Il-perkors rivedut ifisser li
l-bilanċ tal-baġit tal-amministrazzjoni pubblika se jinżel
taħt it-3% tal-PDG fl-2016. Minkejja l-estensjoni, madankollu, l-isforz
fiskali meħtieġ biex tintlaħaq il-mira jibqa’ kbir ħafna
fl-2013-14, u kkonċentrata bil-kbir fil-bidu tal-perjodu. Din
ir-reviżjoni tal-iskadenza għalhekk ser iżżomm
il-kredibbiltà tal-programm, filwaqt li jiġi kkunsidrat l-impatt ekonomiku
u soċjali tal-konsolidazzjoni u l-ħtieġa li tinżamm
il-kunfidenza fil-kapaċità tal-gvern li jindirizza l-isfida fiskali. (12) Kull miżura
meħtieġa minn din id-Deċiżjoni hija strumentali fil-kisba
tal-aġġustament baġitarju meħtieġ. Xi miżuri
għandhom impatt dirett fuq is-sitwazzjoni baġitarja tal-Greċja
filwaqt li l-oħrajn huma miżuri strutturali li ser jirriżultaw
f’titjib fil-governanza fiskali u sitwazzjoni baġitarja aktar soda fuq
terminu ta' żmien medju. (13) Id-deterjorazzjoni tassew
qalila tas-sitwazzjoni finanzjarja tal-Gvern Grieg wasslet lill-Istati Membri
taż-żona tal-euro biex jiddeċiedu li jipprovdu sostenn ta’
stabbiltà lill-Greċja, bil-għan li jħarsu l-istabbiltà finanzjarja
taż-żona tal-euro kollha, flimkien ma’ assistenza multilaterali
pprovduta mill-Fond Monetarju Internazzjonali. Minn Marzu 2012,
l-appoġġ provdut mill-Istati Membri taż-żona euro
jieħu l-forma kemm ta' Faċilità ta' Self għall-Greċja
bilaterali kif ukoll ta' selfa mill-EFSF. Il-mutwanti ddeċidew li
s-sostenn tagħhom għandu jkun kondizzjonali fuq ir-rispett
min-naħa tal-Greċja tad-Deċiżjoni 2011/734/UE kif
emendata b'din id-Deċiżjoni. B’mod partikolari, il-Greċja hija
mistennija twettaq il-miżuri speċifikati f’din id-Deċiżjoni
b’mod konformi mal-kalendarju hawnhekk stabbilit, ADOTTA DIN ID-DEĊIŻJONI: Artikolu 1 Id-Deċiżjoni 2011/734/UE hija
b’dan emendata kif ġej: 1. L-Artikolu 1 għandu
jiġi sostitwit b'dan li ġej: '(1) Il-Greċja għandha ttemm
is-sitwazzjoni tad-defiċit eċċessiv li għandha
bħalissa malajr kemm jista’ jkun u mhux aktar tard mill-iskadenza tal-2016. (2) Il-perkors tal-aġġustament lejn
il-korrezzjoni tad-defiċit eċċessiv għandu l-għan li
jikseb defiċit primarju tal-amministrazzjoni pubblika (defiċit
minbarra nefqa fuq l-imgħax) ta’ mhux aktar minn EUR 2 925
miljun (1.5% tal-PDG) fl-2012, u surpluses primarji tal-amministrazzjoni
pubblika ta' mill-inqas EUR 0 miljun (0.0% tal-PDG) fl-2013,
EUR 2 775 miljun (1.5% tal-PDG) fl-2014, EUR 5 700 miljun (3.0%
tal-PDG) fl-2015 u EUR 9 000 miljun (4.5% tal-PDG) fl-2016. Dawn
il-miri għad-defiċit/surplus primarju jimplikaw defiċit
kumplessiv tal-gvern abbażi tal-ESA ta' 6.9% tal-PDG fl-2012, 5.4% tal-PDG
fl-2013, 4.5% tal-PDG fl-2014, 3.4% tal-PDG fl-2015 u 2.0% tal-PDG fl-2016.
Dawn in-numri jistgħu jiġu stmati li jissarrfu f'titjib
fil-bilanċ primarju aġġustat ċiklikament
għall-proporzjon tal-PDG minn 4.1% fl-2012 għal 6.2% fl-2013 u
mill-inqas 6.4% tal-PDG fl-2014, 2015 u 2016 u f'defiċit tal-gvern
aġġustat ċiklikament għall-proporzjon tal-PDG ta' -1.3% fl-2012,
0.7% fl-2013, 0.4% fl-2014, 0.0% fl-2015 u -0.4% fl-2016, li jirriflettu
l-profil tal-pagamenti tal-imgħax. Ir-rikavat mill-privatizzazzjoni
tal-assi finanzjarji u dawk mhux finanzjarji, kif ukoll
it-tranżazzjonijiet relatati mar-rikapitalizzazzjoni bankarja, kif ukoll
it-trasferimenti kollha relatati mad-deċiżjoni tal-Grupp tal-euro
tal-21 ta’ Frar 2012 fir-rigward ta’ introjtu tal-banek
ċentrali nazzjonal taż-żona tal-euro, inkluż il-Bank
tal-Greċja, li jirriżultaw mill-parteċipazzjonijiet tagħhom
fil-portafolli ta’ investiment ta’ bonds tal-gvern Grieg ma għandhomx
inaqqsu l-isforz tal-konsolidazzjoni fiskali meħtieġ u ma
għandhomx jitqiesu fil-valutazzjoni ta’ dawn il-miri. (3) Il-perkors tal-aġġustament
imsemmi fil-paragrafu 2 ikun konsistenti ma’ proporzjon tad-dejn
tal-amministrazzjoni pubblika mal-PDG ta' 172.5% fl-2013, 171.4% fl-2014, 166.2%
fl-2015 u 157.3% fl-2016. 2. Fl-Artikolu 2, għandu
jiddaħħal il-paragrafu li gej wara l-paragrafu 10: ‘10a. Il-Greċja tkun adottat il-miżuri
li ġejjin mingħajr dewmien u mhux aktar tard minn [id-data tal-adozzjoni tad-deċiżjoni]: (a) il-baġit għall-2013 u
l-istrateġija fiskali għal terminu ta' żmien medju (minn hawn
'il quddiem MTFS - medium-term fiscal strategy) sal-2016 kif ukoll
il-miżuri kif deskritti fl-Anness IA ta' din id-Deċiżjoni u
l-leġiżlazzjoni ta’ implimentazzjoni rispettiva. L-MTFS għandha
telabora dwar il-miżuri permanenti ta’ konsolidazzjoni fiskali li
jiżguraw li l-massimi tad-defiċit għal 2012-2016 kif stabbilit
minn din id-Deċiżjoni ma jinqabżux u li l-proporzjon
tad-dejn-PDG jitpoġġa f'perkors sostenibbli ta’ tnaqqis; (b) il-preżentazzjoni ta' Pjan ta’
Privatizzazzjoni aġġornat lill-Parlament u l-pubblikazzjoni ta'
aġġornament semiannwali tal-Pjan ta’ Żvilupp tal-Assi; (c) it-trasferiment għall-portafoll ta'
assi ta' privatizzazzjoni tal-HRADF tas-sjieda sħiħa u diretta (ishma
jew drittijiet ta' konċessjoni) tal-Awtostrada Egnatia u l-portijiet
reġjonali ta’ Elefsina, Lavrio, Igoumenitsa, Alexandropolis, Volos,
Kavala, Korfu, Patras, Heraklion, u Rafina; (d) l-iżgurar li l-ministeri u
entitajiet rilevanti oħra jipprovdu lis-Segretarjat Ġenerali
għal Proprjetà Pubblika aċċess sħiħ
għall-inventarju tal-assi immobiljari kollha li huma proprjetà tal-Istat; (e) l-emenda u/jew ir-revoka ta’
dispożizzjonijiet statutorji ta' intrapriżi tal-istat (l-awtoritajiet
tal-portijiet PPC, OLP u OLTH, HELPE, EYATH u EYDAP, portijiet, eċċ.)
li jkunu differenti mid-dritt tal-kumpaniji privati rigward kwalunkwe
restrizzjoni fuq id-drittijiet tal-vot tal-azzjonisti privati; (f) il-leġiżlazzjoni li
tiddefinixxi r-rwol u l-kwalifiki tas-Segretarju Ġenerali
tal-Amministrazzjoni tat-Taxxa u għall-Ministru tal-Finanzi biex jiddelega
is-setgħa tat-teħid tad-deċiżjonijiet lis-Segretarju
Ġenerali; (g) l-impjegar ta’ awdituri tat-taxxa ta'
esperjenza f’attivitajiet li jservu l-imperattivi ta’ dħul immedjat, billi
oqsma ta’ infurzar ewlenin isiru kompletament operazzjonali, bħall-unità
kbira tal-kontribwenti, permezz tat-trasferiment ta’ 100 awditur u b’hekk
tiġi stabbilita unità funzjonali waħda għal individwi bi
dħul għoli u għall-persuni li jaħdmu għal rashom li
għandhom introjtu għoli u billi l-unità timpjega 50 awditur tat-taxxa
ta' esperjenza li jkunu responsabbli direttament lejn is-Segretarju
Ġenerali tal-Amministrazzjoni Fiskali; (h) Att tal-Kunsill tal-Ministri (li
jissostitwixxi l-Att tal-Kunsill tal-Ministri adottat fid-29 ta' Ottubru 2012),
bil-għan li tissaħħaħ l-eżekuzzjoni tal-baġit u
jitjieb l-immaniġġjar fiskali sod, u inkluż, lil hinn mill-Att
oriġinali tal-Kunsill tal-Ministri, dispożizzjonijiet addizzjonali:
(i) li jistabbilixxu li l-Memoranda ta' Kooperazzjoni jkunu ffirmati
sal-aħħar ta’ Diċembru ta’ kull sena bejn il-Ministeru
tal-Finanzi u Ministeri oħra jew bejn il-Ministeri u l-maniġers
tal-entitajiet superviżjonati (u b' hekk tkun koperta l-Amministrazzjoni
Pubblika kollha); (ii) li jsaħħu r-restrizzjonijiet attwali ta'
baġit bilanċjat għall-Gvernijiet Lokali sabiex ikunu aktar effettivi,
inklużi mekkaniżmi korrettivi u ta' sanzjoni; (iii) li
jsaħħu s-sistema ta’ monitoraġġ attwali
għall-intrapriżi tal-Istat (state owned enterprises (SOEs)),
bl-introduzzjoni ta’ mekkaniżmu ta’ infurzar fil-każ ta’
devjazzjonijiet minn miri speċifiċi identifikati għal kull SOE;
u (iv) li jistabbilixxu l-qafas biex jiġu ddefiniti miri
speċifiċi għall-kopertura ta’ reġistri ta’ impenn
operazzjonali għal Gvernijiet Lokali u l-SOEs li għandu jiġi
stabbilit sa Diċembru ta' kull sena; jinkludi wkoll qafas
għall-korrezzjoni ta’ trasferimenti mill-gvern ċentrali biex ikunu
indirizzati devjazzjonijet mill-miri matul is-sena kkonċernata stess u
possibilment fis-snin ta’ wara filwaqt li jkun żgurat li mhumiex
qedgħin jiżdiedu l-arretrati; għandu jispjega b'mod ċar li
r-rikavat mill-privatizzazzjoni tal-assi tal-gvern huma mħallsa
direttament f’kont segregat li jimmonitorja l-flussi tal-flus, li jevita
devjazzjoni tal-finanzjament uffiċjali, u li jiżgura servizz tad-dejn
f’waqtu; għandu jiffissa tnaqqis awtomatiku fin-nefqa li għandu jkun
applikata bħala regola meta ma jintlaħqux il-miri, filwaqt li jkun
żgurat li mhumiex qedgħin jiżdiedu l-arretrati; (i) sett ta' miżuri li jtejbu
s-sitwazzjoni finanzjarja attwali tal-Organizzazzjoni Nazzjonali
għall-Provvista tal-Kura tas-Saħħa (EOPYY) u li jiżguraw li
l-eżekuzzjoni baġitarja hija eqreb lejn baġit ibbilanċjat
fl-2012 u l-2013, inkluż billi: (i) razzjonalizzazzjoni tal-pakkett
tal-benefiċċji; (ii) li jżidu l-kondiviżjoni
tal-ispejjeż għall-kura tas-saħħa pprovduta minn fornituri
privati; (iii) jiġu nnegozjati ftehimiet dwar il-prezzijiet marbuta
mal-volum u jiġu riveduti ftehimiet ta’ każijiet imħallta ma’
fornituri privati; (iv) jiġu riveduti l-miżati għal servizzi ta’
dijanjożi u fiżjoterapija u l-għad tagħhom ikkuntrattati
mill-EOPYY lill-fornituri privati bl-għan li jitnaqqsu l-ispejjeż
relatati b'tal-anqas EUR 80 miljun fl-2013; (v) tiġi introdotta
sistema ta’ prezz ta’ referenza għar-rimborż ta’ apparat mediku; kif
ukoll (vi) jiżdiedu progressivamentl-kontribuzzjonijiet imħallsa
mill-membri OGA għall-medja ta' dawk imħallsa minn membri oħra
tal-EOPYY; (j) il-miżuri li ġejjin relatati
mar-rimborz tal-mediċini: (i) leġiżlazzjoni li tikkontrolla
n-nefqa farmaċewtika li tattiva miżuri ta' kontinġenza
(inkluż eż. tnaqqis fil-prezzijiet f’kull kategorija), jekk,
għal xi raġuni, ir-restituzzjoni mhix kapaċi tilħaq
il-mira. Tali miżuri għandhom jipproduċu ammont ekwivalenti ta’
ffrankar; (ii) digriet ministerjali, li jistabbilixxi l-limitu minimu ġdid
ta’ restituzzjoni għall-2013 (EUR 2.4 biljun għall-outpatients);
(iii) l-aġġornament tal-lista tal-prezzijiet u l-lista pożittiva
tal-mediċini rimburżati b’mod partikolari billi jiġu
rimborżati biss l-ispejjeż tal-pakketti kosteffettivi għall-mard
kroniku, billi l-mediċini jiġu ttrasferiti mill-pożittiv
għan-negattiv u għal-listi mingħajr preskrizzjoni u billi
tiġi introdotta sistema ta’ prezz ta’ referenza żviluppata
mill-Organizzazzjoni Nazzjonali għall-Mediċini (EOF). Dawn il-listi
għandhom ikunu aġġornati mill-inqas darbtejn fis-sena
f’konformità mad-Direttiva tal-Kunsill 89/105/KEE; kif ukoll (iv)
Is-sostituzzjoni ta’ mediċini preskritti mill-irħas prodott
tal-istess sustanza attiva fil-kategorija ta’ referenza mill-ispiżeriji
("sostituzzjoni ġenerika” obbligatorja). 3. L-Artikolu 2(11) huwa
sostitwit bit-test li ġej: ‘11. Il-Greċja għandha tadotta
l-miżuri li ġejjin sal-aħħar ta’ Diċembru 2012: (a) riforma tat-taxxa tat-taxxa fuq
l-introjtu personali u t-taxxa fuq l-introjtu korporattiv li timmira li
tissimplifika s-sistema tat-taxxa, twessa' l-bażi tat-taxxa u telimina
l-eżenzjonijiet u r-reġimi preferenzjali; (b) il-leġiżlazzjoni primarja u
sekondarja meħtieġa biex tiġi żgurata l-implimentazzjoni
rapida tal-Pjan tal-Privatizzazzjoni; (c) l-istabbiliment ta’ qafas regolatorju
għal kumpaniji tal-ilma; (d) miżuri għat-titjib
tal-amministrazzjoni tat-taxxa, li jintroduċu valutazzjonijiet
tal-prestazzjoni, titjib fl-użu tat-tekniki tal-valutazzjoni tar-riskju, u
l-istabbiliment u t-tisħiħ tal-unitajiet speċjalizzati
tal-immaniġġjar tad-dejn; (e) il-preparazzjoni u l-pubblikazzjoni ta'
pjan għall-ħlas ta' arretrati dovuti lill-fornituri minn entitajiet
pubbliċi u ta’ rimborżi tat-taxxa; (f) il-finalizzazzjoni tal-implimentazzjoni
tar-riforma tal-funzjonament tal-fondi pubbliċi tal-pensjoni
sekondarja/supplimentari u l-unifikazzjoni tal-fondi eżistenti kollha
fid-dominju tas-settur pubbliku; (g) leġiżlazzjoni li testendi
l-applikazzjoni ta' ribass ta' 5% għall-kumpaniji farmaċewtiċi
(li teżisti għall-mediċini bi prezz tal-isptarijiet)
għall-prodotti kollha mibjugħa fi spiżeriji EOPYY; (h) żieda tas-sehem tal-mediċini
ġeneriċi biex jilħaq 35 fil-mija tal-volum kumplessiv ta’
mediċini mibjugħa minn spiżeriji; (i) l-assenjazzjoni ta' kontrolluri interni
lill-isptarijiet kollha u l-adozzjoni mill-isptarijiet kollha ta' reġistri
ta’ impenn." 4. Fl-Artikolu 2, għandhom
jiżdiedu l-paragrafi li ġejjin: ‘12. Il-Greċja għandha tadotta
l-miżuri li ġejjin sal-aħħar ta’ Marzu 2013: (a) toħroġ digriet ministerjali
għall-aġġustament tal-prezzijiet għall-utent
aħħari għal konsumaturi b’vultaġġ baxx; (b) taġġorna l-MTFS, inkluż
l-iffissar ta' limiti massimi vinkolanti fuq in-nefqa għal 3 snin
għas-sottosetturi tal-gvern; (c) tadotta pjanijiet tal-persunal
għall-Ministeri konċernati; (d) tistabbilixxi amministrazzjoni fiskali
sostanzjalment iktar awtonoma u tispeċifika l-livell tal-awtonomija,
il-qafas ta’ governanza, ir-responsabbiltà, il-poteri legali tal-kap
tal-amministrazzjoni fiskali u l-persunal inizjali tal-organizzazzjoni; (e) toħroġ u tippubblika pjan
komprensiv ġdid kontra l-korruzzjoni fis-servizz ċivili, inklużi
dispożizzjonijiet speċjali għall-amministrazzjonijiet fiskali u
doganali. (f) toħloq proċedura standard li
tiffunzjona bis-sħiħ għar-reviżjoni tal-valuri legali
tal-proprjetà immobbli sabiex jiġu allinjati aħjar mal-prezzijiet
tas-suq taħt ir-responsabbiltà tad-Direttorat tat-Tassazzjoni Kapitali; (g) trasferiment ta' erbgħin ass
immobiljari ġdid (identifikati bħala "assi immobiljari,
lottijiet 2 u 3" fil-Pjan tal-Privatizzazzjoni) għall-HRADF.' '13. Il-Greċja għandha tadotta
l-miżuri li ġejjin sal-aħħar ta’ Ġunju 2013: (a) tintlaħaq il-mira ta’ 2 000
awditur tat-taxxa operattivi bis-sħiħ; (b) tadotta kodiċi ġdid
tal-proċeduri fiskali; (c) tiżgura li l-korpi ċentrali
kollha tal-akkwist jużaw l-akkwist pubbliku elettroniku
għall-proċeduri tal-offerti kollha tagħhom.’ '14. Il-Greċja għandha tadotta
l-miżuri li ġejjin sal-aħħar ta’ Settembru 2013: (a) il-gvern se jadotta
l-leġiżlazzjoni meħtieġa bil-ħsieb li jintroduċi
regola tal-bilanċ tal-baġit strutturali b'mekkaniżmu ta' korrezzjoni
awtomatiku. 5. L-Anness ta’ din
id-Deċiżjoni huwa miżjud bħala l-Anness IA
tad-Deċiżjoni 2011/734/UE. Artikolu 2 Din id-Deċiżjoni għandha
tidħol fis-seħħ dakinhar tan-notifika tagħha. Artikolu 3 Din id-Deċiżjoni hija indirizzata
lir-Repubblika Ellenika. Magħmul fi Brussell, Għall-Kunsill Il-President Anness: 'Anness IA: Miżuri tal-Istrateġija Fiskali ta’ Terminu
Medju 2013-16 Il-miżuri addizzjonali inklużi
fl-istrateġija fiskali għal terminu ta' żmien medju (MTFS) sal-2016
huma dawn li ġejjin: 1. Razzjonalizzazzjonijiet
fin-nefqa fuq il-pagi b'mill-inqas EUR 1 100 miljun fl-2013, u
EUR 247 miljun addizzjonali mill-2014 'il quddiem: 2. Iffrankar fil-pensjonijiet
b'mill-inqas EUR 4 800 miljun fl-2013, u EUR 423 miljun
addizzjonali mill-2014 'il quddiem. 3. Tnaqqis fl-infiq
operazzjonali tal-istat b'mill-inqas EUR 239 miljun fl-2013 u
EUR 285 miljun addizzjonali mill-2014 'il quddiem. 4. Iffrankar permezz ta'
razzjonalizzazzjoni u titjib fl-effiċjenza fl-infiq marbut mal-edukazzjoni
b'mill-inqas EUR 86 miljun fl-2013, u EUR 37 miljun addizzjonali
mill-2014 'il quddiem. 5. Iffrankar fl-intrapriżi
tal-istat b'mill-inqas EUR 249 miljun fl-2013 u EUR 123 miljun
addizzjonali mill-2014 'il quddiem. 6. Tnaqqis fl-infiq
operazzjonali marbut mad-difiża li jwassal għal iffrankar ta'
mill-inqas EUR 303 miljun fl-2013, EUR 100 miljun addizzjonali mill-2014. 7. Iffrankar fin-nefqa tal-kura
tas-saħħa u l-mediċini b'mill-inqas EUR 455 miljun fl-2013,
u EUR 620 miljun addizzjonali mill-2014 'il quddiem. 8. Iffrankar permezz ta'
razzjonalizzazzjoni tal-benefiċċji soċjali b'mill-inqas
EUR 217 miljun fl-2013, EUR 78 miljun addizzjonali mill-2014' il
quddiem. 9. Tnaqqis fit-trasferimenti
mill-stat lill-gvernijiet lokali b'mill-anqas EUR 50 miljun fl-2013 u
EUR 160 miljun addizzjonali mill-2014 'il quddiem. 10. Tnaqqis fin-nefqa
mill-baġit tal-investiment pubbliku (investiment pubbliku ffinanzjat
domestikament) b'EUR 150 miljun fl-2013 u EUR 150 miljun addizzjonali
mill-2014 'il quddiem. 11. Żidiet fid-dħul
b'mill-inqas EUR 1 668 miljun fl-2013 u EUR 1 820 miljun
addizzjonali mill-2014 'il quddiem. [1] ĠU L 145, 11.6.2010, p. 6. [2] ĠU L 296, 15.11.2011, p. 38. [3] Deċiżjoni tal-Kunsill 2011/791/UE (ĠU L 320,
3.12.2011, p. 28). [4] L-aħħar emenda kienet id-Deċiżjoni
tal-Kunsill 2012/211/UE tat-13 ta' Marzu (ĠU L 113, 25.4.2012,
p.8). [5] Id-Deċiżjoni tal-Kunsill 2012/211/UE tat-13 ta' Marzu
(ĠU L 113, 25.4.2012, p.8).