This document is an excerpt from the EUR-Lex website
Document 52012PC0618
Proposal for a DECISION OF THE EUROPEAN PARLIAMENT AND OF THE COUNCIL on the mobilisation of the European Globalisation Adjustment Fund in accordance with point 28 of the Interinstitutional Agreement of 17 May 2006 between the European Parliament, the Council and the Commission on budgetary discipline and sound financial management (application EGF/2011/014 RO/Nokia from Romania)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni, skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni FEG/2011/014 RO/Nokia mir-Rumanija)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni, skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni FEG/2011/014 RO/Nokia mir-Rumanija)
/* COM/2012/0618 final */
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni, skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni FEG/2011/014 RO/Nokia mir-Rumanija) /* COM/2012/0618 final */
MEMORANDUM TA' SPJEGAZZJONI Il-Punt 28 tal-Ftehim Interistituzzjonali
tas-17 ta' Mejju 2006 bejn il-Parlament Ewropew, il-Kunsill u
l-Kummissjoni dwar id-dixxiplina baġitarja u l-ġestjoni finanzjarja
soda[1]
jippermetti l-mobilizzazzjoni tal-Fond Ewropew ta' Aġġustament
għall-Globalizzazzjoni (FEG) permezz ta' mekkaniżmu flessibbli,
bil-limitu massimu annwali ta' EUR 500 miljun lil hinn
mill-intestaturi rilevanti tal-qafas finanzjarju. Ir-regoli applikabbli
għall-kontribuzzjonijiet mill-FEG huma stipulati fir-Regolament (KE)
Nru 1927/2006 tal-Parlament Ewropew u tal-Kunsill
tal-20 ta' Diċembru 2006 li jistabbilixxi l-Fond Ewropew
ta' Aġġustament għall-Globalizzazzjoni[2]. Fit-22 ta' Diċembru 2011
ir-Rumanija ppreżentat l-applikazzjoni FEG/2011/014 RU/Nokia għal
kontribuzzjoni finanzjarja mingħand il-FEG, li wasslet għas-sensji
fis-SC Nokia Romania SRL u f'fornitur ġewwa r-Rumanija. Wara analiżi bir-reqqa ta' din
l-applikazzjoni, il-Kummissjoni kkonkludiet b'konformità mal-Artikolu 10
tar-Regolament (KE) Nru 1927/2006 li l-kundizzjonijiet għal
kontribuzzjoni finanzjarja skont dan ir-Regolament, intlaħqu. SOMMARJU TAL-APPLIKAZZJONI U ANALIŻI Dejta prinċipali: || Nru ta' Referenza tal-FEG || FEG/2011/014 Stat Membru || Ir-Rumanija Artikolu 2 || (a) Intrapriża primarja || SC Nokia Romania SRL Fornituri u produtturi fl-istadju aħħari tal-produzzjoni || 1 Perjodu ta' referenza || 21.8.2011 – 21.12.2011 Data tal-bidu għas-servizzi personalizzati || 8.12.2011 Data tal-applikazzjoni || 22.12.2011 Sensji matul il-perjodu ta' referenza || 1 904 Sensji qabel u wara l-perjodu ta' referenza || 0 Total ta' sensji eliġibbli || 1 904 Ħaddiema ssensjati li mistennija jipparteċipaw fil-miżuri || 1 416 In-nefqa għas-servizzi personalizzati (EUR) || 4 346 200 Infiq għall-implimentazzjoni tal-FEG[3] (EUR) || 181 000 In-nefqa għall-implimentazzjoni tal-FEG (%) || 4,00 Il-baġit totali (EUR) || 4 527 200 Kontribuzzjoni tal-FEG (65 %) (EUR) || 2 942 680 1. L-applikazzjoni tressqet
quddiem il-Kummissjoni fit-22 ta' Diċembru 2011 u kienet
supplimentata b'tagħrif addizzjonali sat-22 ta’ Awwissu 2012. 2. L-applikazzjoni tissodisfa
l-kundizzjonijiet għall-użu tal-FEG kif stabbilit
fl-Artikolu 2(a) tar-Regolament (KE) Nru 1927/2006, u tressqet fi
żmien il-perjodu stipulat ta' 10 ġimgħat imsemmi
fl-Artikolu 5 ta' dak ir-Regolament. Ir-rabta bejn is-sensji u l-bidliet
strutturali ewlenin fix-xejriet kummerċjali dinjija minħabba
l-globalizzazzjoni 3. Sabiex tiġi stabbilita
r-rabta bejn is-sensji u l-bidliet strutturali ewlenin fix-xerjiet
kummerċjali dinjija, ir-Rumanija tisħaq li f'dawn l-aħħar
snin kien hemm tendenza ġenerali fl-Ewropa għas-settur
tal-Informatika biex jimxi lejn l-Asja. Sabiex jirreaġixxi
għall-isfidi tas-swieq, il-kwartieri tal-Korporazzjoni Nokia ġewwa
l-Finlandja elabora fuq strateġija biex imexxi s-siti tal-produzzjoni
tiegħu qrib kemm jista' jkun tas-swieq[4]. 4. Ir-raġuni
primarja għas-sensji hija t-transfer tal-funzjonijiet fi ħdan
is-settur għall-pajjiżi terzi barra l-Ewropa. L-Assemblea
tal-mowbajls, li qabel saret ġewwa Cluj u Salo[5], intbagħtet l-Asja (Fiċ-Ċina, fil-Korea t'Isfel,
fl-Indja u fil-Vjetnam, fejn l-impjant il-ġdid tan-Nokia qiegħed
jinbena). Il-Manifattura tal-komponent u l-produzzjoni b'sottokuntratt kienu
diġà ġew trasferiti barra mill-Ewropa. B'konsegwenza tal-istruzzjoni
li diġà ttieħdet mill-produzzjoni, kemm l-iżvilupp tad-disinn
kif ukoll dak tal-produzzjoni ntbagħtu jew għadhom qegħdin
jintbagħtu. 5. L-istatistiċi
tal-kummerċ tal-Korporazzjoni Nokia juru[6] li għas-snin 2010 u 2011, in-nett
tal-bejgħ beda jikber fiċ-Ċina, fl-Indja, fir-Russja u fil-Brażil
filwaqt li għall-Ewropa (indipendament mill-Ġermanja) swieq akbar li
jinkludu l-Ingilterra u Spanja bdew jonqsu. 6. Statistiċi[7] juru
wkoll li t-tkabbir fil-bejgħ tas-servizzi tal-mowbajl u l-volumi
tal-istrumenti skont iż-żoni ġeografiċi huwa b'mod
sinifikattiv ogħla fiċ-Ċina l-Kbira u fl-Amerka Latina, b'tibdil
ta' sena fuq oħra ta' 13 % u 21 % rispettivament, milli
fl-Ewropa, fejn it-tibdil ta' sena fuq oħra għas-sena 2010/2011
kienet – 2 %. 7. L-awtoritajiet Rumeni
jikkwotaw ir-rapport tal-Korporazzjoni Nokia għal Q4 tal-2011[8] fejn
l-intenzzjonijiet biex titnaqqas il-forza tax-xogħol globali b'bejn
wieħed u ieħor 17 000 sal-aħħar tas-sena 2013 huma
mfissra u l-ftuħ ta' sit ġdid ta' produzzjoni qrib Hanoi
fit-Tramuntana tal-Vjetnam huwa pjanat. 8. S'issa, is-settur tal-mowbajl
kien is-suġġett ta' ħafna applikazzjonijiet tal-FEG, li kollha
huma bbażati fuq globalizzazzjoni relatat mal-kummerċ[9]. Ħarsa lejn l-għadd ta' sensji
u l-konformità mal-kriterji tal-Artikolu 2(a) 9. Ir-Rumanija ppreżentat din
l-applikazzjoni skont il-kriterji ta’ intervent tal-Artikolu 2(a)
tar-Regolament (KE) Nru 1927/2006, li jirrikjedi minn tal-inqas
500 sensja matul perjodu ta’ erba’ xhur f’intrapriża fi Stat Membru,
li tinkludi ħaddiema li ngħataw is-sensja mill-fornituri tagħha
u mill-produtturi li jinsabu aktar 'l isfel fil-proċess. 10. L-applikazzjoni tikkwota
1 809 sensji fis-SR Nokia Romania SRL u 95 f'furnitur wieħed matul
l-erba' xhur perjodu ta' referenza mill-21 ta' Awwissu 2011 sal-21 ta' Diċembru 2011.
Il-1 904 kollha ta' dawn is-sensji ġew ikkalkulati skont it-tielet
inċiż tat-tieni paragrafu tal-Artikolu 2 tar-Regolament (KE)
Nru 1927/2006. Il-Kummissjoni rċiviet konferma mingħand
ir-Rumanija li sadanittant dawn is-sensji kollha ġew affettwati. Spjegazzjoni tan-natura mhux prevista
ta' dawk is-sensji 11. L-awtoritajiet Rumeni
jargumentaw li d-deċiżjoni fuq id-delokalizzazzjoni tal-produzzjoni
Nokia u n-natura tas-sensji ma kienux previsti minħabba li l-kumpanija
kienet qiegħda tiżviluppa b'mod kostanti bejn il-perjodu 2006 u 2010
bin-numru ta ħaddiema jikber minn 102 fl-2006 għal 1 552 fl-2010
u b'żieda ta' 800 individwu li jaħdmu fuq bażi ta' kuntratt
temporanju. L-indikaturi finanzjarji għall-istess perjodu kif indikat mill-awtoritajiet
Rumeni bbażati fuq dejta mingħand il-Ministeru tal-Finanzi
Pubbliċi tar-Rumanija[10]
juru li għall–perjodu indikat, il-profitt kiber minn bejn wieħed u
ieħor EUR 300 000 fl-2006 għal EUR 42,3 miljuni
fl-2010. 12. Kien biss
fid-29 ta' Settembru 2011 li fi stqarrija għall-istampa l-kumpanija
Finlandiża stqarriet li kif previst fl-istrateġija tal-kumpanija irid
ikun hemm ''aġġustament fil-kapaċità tal-produzzjoni u titjib
tal-operazzjonijiet ta' produzzjoni sabiex jinqeda aħjar in-netwerk
globali ta' klijenti msieħba u furnituri"[11].
Il-preżentazzjoni magħmula mill-kumpanija turi li din
id-deċiżjoni li twassal għas-sensji tal-persunal fi Cluj kienet
deċiżjoni korporattiva u parti minn deċiżjoni globali biex
tespandi fi swieq emerġenti barra l-Unjoni Ewropea. Identifikazzjoni tal-intrapriżi li
taw is-sensji u l-ħaddiema identifikati għall-għajnuna 13. L-applikazzjoni tirrelata
mal-1 904 sensji li minnhom 1 809 seħħew fis-SC Nokia
Romania SLR u 95 oħra f'furnitur wieħed, jiġifieri is-SC Eurest
SRL. Ir-Rumanija tikkalkula li l-1 416 il-ħaddiem ikun jixtieq li
jibbenefika mill-miżuri tal-FEG. 14. Ir-rendikont tal-1 416
il-ħaddiem fil-mira tal-assistenza huwa kif ġej: Kategorija || Numru || Persentaġġ Irġiel || 439 || 31,00 Nisa || 977 || 69,00 Ċittadini tal-UE || 1 416 || 100,00 Ċittadini mhux tal-UE || 0 || 0,00 Bejn 15 u 24 sena || 330 || 23,31 Bejn 25 u 54 sena || 1 034 || 73,02 Bejn 55 u 64 sena || 52 || 3,67 > 64 sena || 0 || 0,00 15. L-awtoritajiet Rumeni jindikaw
fl-applikazzjoni li fost il-ħaddiema li tilfu xogħolhom hemm
ħamsa bi problema ta' saħħa li ilha teżisti jew
b'diżabiltà. 16. Fir-rigward ta' kategoriji ta’
xogħol, it-tqassim huwa kif ġej: Kategorija || Numru || Persentaġġ Professjonisti || 30 || 2,12 Tekniċi u professjonisti assoċjati || 248 || 17,51 Skrivana || 119 || 8,40 Ħaddiema fis-servizzi u ħaddiema fil-bejgħ fil-ħwienet u s-swieq || 6 || 0,42 Operaturi tal-impjanti u tal-magni u dawk li jimmuntaw il-magni || 963 || 68,01 Okkupazzjonijiet elementari || 50 || 3,53 17. Skont l-Artikolu 7
tar-Regolament (KE) Nru 1927/2006, ir-Rumanija kkonfermat li ġiet
applikata politika ta' ugwaljanza bejn in-nisa u l-irġiel kif ukoll
mingħajr diskriminazzjoni, u li din se tkompli tapplika matul l-istadji
varji tal-implimentazzjoni tal-FEG u, b'mod partikolari, fir-rigward
tal-aċċess għalih. Deskrizzjoni tat-territorju
kkonċernat u tal-awtoritajiet u l-partijiet interessati tiegħu 18. Ir-reġjun prinċipali
affetwat mid-deċiżjoni tal-Korporazzjoni Nokia sabiex jerġa'
jqiegħed il-produzzjoni fl-Asja huwa ż-żona metropolitana ta'
Cluj-Napoca b'mod ġenerali s-suq tax-xogħol fin-NUTS III Cluj County.
Cluj-Napoca bħalissa jipproduċi 49 % tal-valur miżjud
tal-kontea. L-attivitajiet prinċipali tal-kontea ekonomika huma ffukati
fiż-żona ta' Cluj-Napoka: produzzjoni, servizzi kummerċ u
kostruzzjoni, kif ukoll attivitajiet agrikulturali, billi ż-żona
tinsab fuq il-Plateau Transilvjan fejn il-kundizzjoni tal-klima tgħin
lill-biedja. 19. Il-kapitali ta' Cluj County
hija l-muniċipalità ta' cluj-Napoca mdawra b'17-il komun li jammontaw
għal 379 705 abitanti. Iż-żona metropolitana ta'
Cluj-Napoca tikkonsisti f'territorju li hu l-aktar wieħed affetwat
mid-deċiżjoni tal-Korporazzjoni Nokia sabiex jerġa'
jqiegħed il-produzzjoni tiegħu, peress li ħafna
mill-ħaddiema mkeċċija jgħixu fiż-żona
metropolitana amministrattiva. 20. Skont id-dejta publikata
mid-Direttorat Reġjonali tal-Istatistika fi Cluj (tmiem is-sena 2008)[12]
il-popolazzjoni ċivili mħaddma fil-kontea, li tinkludi magħha
l-popolazzjoni fiż-żona metropolitana, hija mqassma kif imsemmi
fil-klassifikazzjoni nazzjonali CAEN (clasificarea activitatilor din
economia nationala) kif ġej: l-agrikoltura, il-forestrija u s-sajd:
72,300 ruħ; l-industrija: 76,000 ruħ; il-bini: 29 500 ruħ;
u l-kummerċ bl-ingrossa u bl-imnut: 52 100 ruħ. 21. Il-parti nteressata ewlenija
hija l-muniċipalità ta’ Cluj-Napoca. Iċ-Ċentru Transitorju
"Minn IMPJIEG għal IMPJIEG Intelliġenti" imwaqqaf sabiex
jassisti lill-ħaddiema sensjati għandu jiġi stabbilit
fil-muniċipalità ta' Cluj-Napoca bħala trasport infrastrutturali
ġewwa jew barra l-villaġġ biex jaqdi lil-lokalitajiet kollha
taż-żona affetwata. L-impatt mistenni tas-sensji fir-rigward
tal-impjiegi lokali, reġjonali u nazzjonali 22. Skont l-awtoritajiet Rumeni,
L-Istħarriġ tax-Xogħol publikat mid-Direttorat Reġjonali
tal-Istatistika fi Cluj[13]
joffri dejta li fl-IT u fil-qasam tal-komunikazzjoni – il-kategorija ta' SC
Nokia Romania SRL (il-manifattura tat-tagħmir fil-komunikazzjoni,
jiġifieri ir-Reviżżjoni NACE klassi 2 26.30) – fl-2008 kien hemm
5 700 ħaddiem, li minnhom 1 255 kienu jaħdmu ma' SC Nokia
Romania SRL, jiġifieri 30 % tat-total. Fl-2011, in-numru ta'
ħaddiema fis-SC Nokia Romania SRL laħaq l-1 956 persuna, bejn
wieħed u ieħor 40 % tat-total ta' ħaddiema f'dan il-qasam
f'din iż-żona. 23. Id-dokumentazzjoni fuq
is-sensji kollettivi mibgħuta mill-Korporazzjoni Nokia, tniżżel
il-persuni li ser jitkeċċew bħala dawk li ġejjin minn dawn
iż-żoni: 694 persuna – żona rurali taż-żona
metropolitana ta' Cluj-Napoca, 235 persuna _ muniċipalità ta' Cluj-Napoca;
212-il persuna – muniċipalità ta' Gherla; 386 persuna – muniċipalità
ta' Dej; u fl-aħħar nett 282 persuna minn kontej barra minn Cluj. 24. Għaldaqstant,
id-deċiżjoni tal-Korporazzjoni Nokia hija l-aktar affettiva
fil-kontea ta' Cluj partikolarment fiż-żona metropolitana ta'
Cluj-Napoca nnifisha. Pakkett ikkoordinat ta' servizzi
personalizzati li jridu jiġu ffinanzjati u t-tqassim tal-ispejjeż
stmati tiegħu, inkluża l-komplementarjetà mal-azzjonijiet
iffinanzjati mill-Fondi Strutturali 25. Il-miżuri kollha proposti
mill-awtoritajiet Rumeni jikkombinaw biex jiffurmaw pakkett ta' servizzi
personalizzati ikkoordinat li jiffoka fuq l-integrazzjoni mill-ġdid
tal-ħaddiema bla xogħol biex isibu impjieg. –
Servizzi qabel is-sensji Is-servizzi li ser ikunu provduti taħt din il-miżura
jinkludu presentazzjoni tal-proviżżjonijiet legali fuq il-protezzjoni
tal-ħaddiema, presentazzjoni tad-drittijiet u l-obbligi tal-persuni
assigurati, presentazzjoni tal-benefiċċji u l-opportunitajiet offruti
mill-FEG, presentazzjoni tas-servizzi disponibbli għall-ħaddiema,
presentazzjoni tal-postijiet battala tax-xogħol, preżentazzjoni
tal-azzjonijiet rigward is-suq tax-xogħol għal raġunijiet ta'
xogħol. fieri dwar l-impjieg, inċentivi finanzjarji, il-proġetti
finanzjarji ESF u dawk tal-Aġenzija tal-County għal Okkupazzjoni
tal-Forza tax-Xogħol (f'forma mqassra AJOMF) Cluj –
Reġistrazzjoni tal-ħaddiema bħala dawk li qegħdin ifittxu xogħol
fiċ-Ċentru tat-Transizzjoni "Minn IMPJIEG għal IMPJIEG
Intelliġenti": Din il-miżura tkopri l-mili tal-formola
tar-reġistrazzjoni biex tidentifika l-bżonnijiet tal-persuni,
il-validitazzjoni tal-istatus tal-ħaddiema u twaqqaf l-iskema tal-fluss fi
ħdan l-attivitajiet taċ-Ċentru, l-istatus personali
tal-ħaddiema waqt ir-reġistrazzjoni fiċ-Ċentru. Il-pjan ta’ xogħol jinkludi: li jiġi
stabbilit il-profil inizjali tal-ħaddiem, billi timtela il-karta
tar-reġistrazzjoni, bit-tfassil ta' passsaġġ
issuġġerit, bid-deċiżjoni fuq l-attivitajiet li jridu
jiġu koperti, bil-ftehim fuq ir-riżultati mixtieqa, li jinkludu
l-istatus finali tal-ħaddiem. L-oġġettiv huwa li tinkiseb atitudni
posittiva lejn l-għarfien soċjali tal-valur tiegħu u tagħha
innifsu/innifisha u x-xewqa biex isib/issib xogħol ieħor, li jwassal
għal suċċess fil-ksib ta' impjieg ġdid permezz ta'
attivitajiet li hu/hi jkun/tkun wettaq/wettqet. –
Informazzjoni, Pariri u Gwida Professjonali: Din l-attività hija bbażata fuq l-iżvilupp personali
prinċipali u jinvolvi awtonomija ta' kuraġġ u żieda
fil-livell ta' motivazzjoni tal-persuna fi kriżi. Hi tikkonsisti fi
preparazzjoni individwali ta' pjanijiet ta' azzjoni jew ċart bil-pariri
għal kull individwu u tiddetermina l-iskema tal-fluss fi ħdan
iċ-Ċentru, billi tinforma lill-individwu fuq is-suq tax-xogħol,
fuq il-leġislazzjoni, u l-opportunitajiet ta' taħriġ
vokazzjonali, fuq opportunitajiet ta' xogħol; pariri dwar il-karriera:
identifikazzjoni ta' skopijiet, evalwazzjoni psikoloġika, billi
tagħmel lin-nies konxji biex ikunu jistgħu jieħdu
deċiżjonijiet dwar il-ħajja tax-xogħol, bid-determinazzjoni
ta' ċerti għażliet, billi jintgħażlu l-aħjar
soluzzjonijiet; preżentazzjoni ta' metodi u teknika sabiex wieħed
jidentifika l-pożizzjoni ta' xogħlu; preżentazzjoni ta' modi kif
wieħed javviċina sid potenzjali; preżentazzjoni ta' modi kif
wieħed iġib ruħu qabel u wara intervista; rakkomandazzjonijiet
għall-attivitajiet Ċentrali oħrajn: programmi ta'
stħarriġ, konsultazzjoni u assistenza fil-bidu ta' attività
indipendenti jew biex tibda negozju. –
Benefiċċji għall-mobilità Dawn se jiġu offruti lil dawk li rnexxilhom jibdew in-negozju
tagħhom jew biex jingħata impjieg f'post ġdid tax-xogħol
aktar minn 50 km bogħod minn fejn jgħixu. Dan il-benefiċċju
jingħata lill-ħaddiem ladarba jiġu preżentati d-dokumenti
ta' prova neċċessarji. –
Benefiċċji tat-trasport: Dan jikkonsisti f'rimbors għall-infiq li jsir meta
l-ħaddiem ikollu bżonn jivvjaġġa biex jipparteċipa
fl-attivitajiet organizzati miċ-Ċentru kif ukoll waqt li jkun
attivament qed ifittex xogħol. –
Benefiċċji għal meta wieħed
ikun qed ifittex impjieg: Dan is-servizz jikkonsisti
f'somma li tingħata lill-ħaddiema li jsegwu minn tal-inqas
żewġ attivitajiet fiċ-Ċentru, jipparteċipaw
fis-selezzjonijiet organizzati minn min iħaddem għal raġunijiet
ta' reklutaġġ, u jipprepara pjanijiet ta' back-up f'każ li
tfalli xi intervista. –
Taħriġ: Din
l-attività tikkonsisti f'reġistrazzjoni għal kors bħala
riżultat tal-pariri vokazzjonali rċevuti; jiġi stabbilit il-grupp
tal-kors (l-inqas 7, l-aktar 28 persuna f'kull grupp); It-tħaddim
tal-attività tal-kors ta' stħarriġ; evalwar tal-kors u koordinazzjoni
tal-attivitajiet (ittestjar parzjali), evalwar ta' sitt xhur u segwitu ta' dak
li qiegħed jitħarreġ. –
Benefiċċji għat-taħriġ
intern: Dan
is-servizz jikkonsisti fil-benefiċċju għall-partiċipazzjoni
f'taħriġ intern bejn ġimgħatejn u erba' ġimgħat
organizzat minn sidien potenzjali futuri. Dan it-taħriġ intern se
jiġi organizzat speċifikament għall-ħaddiema li kellhom
posizzjonijiet simili fi ħdan in-Nokia imma għandhom nuqqas
fl-abilitajiet partikolari prattikabbli jew fl-esperjenza. –
Assistenza finanzjarja
għaċ-ċertifikazzjoni tal-programmi ta' stħarriġ: Malli
jitlesta l-kors b'suċċess ikun hemm ċertifikat tal-ħiliet
miksuba li jiġi maħruġ fiż-żmien legali stipulat.
Sapport finanzjarju jiġi offrut lill-parteċipanti li jkunu gradwaw
b'suċċess b'ċertifikat mill-kors tal-programm ta'
taħriġ vokazzjonali. –
Promozzjoni tal-intraprenditorjat: Mill-assistenza finanzjarja u ta' parir għall-inizjattiva
t'attività indipendenti jew għall-bidu ta' negozju, din is-sensiela
t'attivitajiet li ġejja hija proposta: jiġu stabbiliti gruppi ta'
taħriġ skont il-karatteristiċi identifikati u
l-ħtieġijiet: gruppi t'attività indipendenti (freelancers
awtorizzati, intrapriżi individwali, assoċjazzjonijiet familjari),
gruppi biex jibdew negozju; pariri individwali -. prinċiparjament
assistenza teknika sabiex tiġi stabbilita kumpanija, prezentazzjoni ta'
sfond legali relatat, preparazzjoni ta' memorandum u artikli
tal-assoċjazzjoni, li jiddeterminaw l-objettiv tal-attività,
bir-reġistrazzjoni tal-persuna legali jew il-persuna naturali, t-twettiq
ta' kuntratti, il-leġislazzjoni ta' dokumenti; It-tfassil ta' pjan
tan-negozju; stħarriġ tal-grupp imprenditorjali: moduli fuq
il-ġestjoni, il-bejgħ u l-kummerċjalizzazzjoni tat-teknika,
l-leġislazzjoni, l-kontabilità u kwistjonijiet basiċi taż-żamm
tal-kotba; Studji ta' każijiet: Eżempji ta' negozji f'oqsma differnti
tal-attività, fażijiet inizjattivi u ta' żvilupp, attivitajiet
għall-monitoraġġ. –
Assistenza finanzjarja għat-tnedija
t'attivitajiet indipendenti: Din tikkonsisti
f'għajnuna finanzjarja sabiex wieħed jibda attività indipendenti jew
negozju. Dan l-ammont ta' bejn wieħed u ieħor EUR 1 800
għal kull persuna huwa neċċessarju għax-xiri
tat-tagħmir li hemm bżonn sabiex tibda attività indipendenti jew
negozju ġdid (jiġifieri dak imsejjaħ "start-up tool
kit" li hu tant importanti fil-ħin tat-tnedija t'attività
ġdida). –
Sapport ta' gwida u ta' wara
l-ingaġġar: Dan is-servizz jimmira lejn
il-faċilitajiet integrazzjonali u l-adattament għall-kundizzjonijiet
ta' xogħol ġdid. L-attivitajiet jibqgħu għaddejjin
għal aktar minn sitt xhur u jilħqu l-ħtiġijiet
tal-ħaddiema l-ġodda li għadhom kemm ġew impjegati. –
Assistenza finanzjarja għal persuni
bit-tfal: Sapport finanzjarju personalizzat se jkun
offrut lill-ħaddiema li huma l-uniċi li jdaħħlu l-paga huma
d-dar f'familji b'ġenitur wieħed bit-tfal kif ukoll ħaddiema li
għandhom it-tfal u ma jistgħux jieħdu ħsiebhom waqt
l-attivitajiet fil-proġett, li jinkludu l-intervisti waqt
l-ingaġġar. L-għan ta' dan il-benifiċċju huwa sabiex
tingħata l-possibiltà lill-ħaddiema biex iħallsu
għas-servizzi ta' kindergartens privati jew għas-servizzi tal-baby
sitter li jkunu qegħdin jieħdu ħsieb lit-tfal waqt
l-attivitajiet tal-ġenituri tagħhom fiċ-Ċentru. Dan
il-benifiċċju personalizzat ser jinvolvi servizzi ta' sottokuntrattar
minn kindergartens jew kumpaniji speċjalizzati. Xi vouchers se jkunu
mqassma waqt il-perjodu ta' transizzjoni lill-ħaddiema assistiti biex huma
mbagħad jagħmluhom disponibbli għall-fornituri li huma lesti
biex jipprovdu s-servizzi meħtieġa mill-ħaddiem. Il-vouchers ser
jitħallsu lill-fornitur miċ-Ċentru. 26. In-nefqa
għall-implimentazzjoni tal-FEG, li hija inkluża fl-applikazzjoni,
skont l-Artikolu 3 tar-Regolament (KE) Nru 1927/2006, tkopri
l-attivitajiet preparatorji, ta' ġestjoni u ta' kontroll kif ukoll
l-informazzjoni u l-pubbliċità. 27. Is-servizzi personalizzati
preżentati mill-awtoritajiet Rumeni huma miżuri attivi tas-suq
tax-xogħol fi ħdan l-azzjonijiet eliġibbli definiti fl-Artikolu
3 tar-Regolament (KE) Nru 1927/2006. L-awtoritajiet Rumeni jistmaw li l-ispejjeż
totali huma EUR 4 527 200, li minnhom
EUR 4 346 200 huma nefqa għas-servizzi personalizzati u
n-nefqa għall-implimentazzjoni tal-FEG hija ta' EUR 181 000
(4,00 % tal-ammont totali). Il-kontribuzzjoni totali mitluba mill-FEG hija
ta' EUR 2,942,680 (65 % tal-kostijiet totali). Azzjonijiet || In-numru stmat ta' ħaddiema identifikati || Il-kost stmat għal kull ħaddiem identifikat (EUR) || Il-kostijiet totali (il-FEG u l-kofinanzjament nazzjonali) (EUR) Servizzi personalizzati (l-ewwel paragrafu tal-Artikolu 3 tar-Regolament (KE) Nru 1927/2006) Servizzi qabel is-sensji || 1 416 || 120 || 169 920 Reġistrazzjoni tal-ħaddiema || 1 416 || 10 || 14 160 Informazzjoni, Pariri u Gwida Professjonali || 1 416 || 1 100 || 1 557 600 Benefiċċji għall-mobilità || 40 || 580 || 23 200 Benefiċċji tat-trasport || 1 000 || 100 || 100 000 Benefiċċji għal meta wieħed ikun qed ifittex impjieg || 800 || 200 || 160 000 Taħriġ || 1 000 || 800 || 800 000 Benefiċċji għat-taħriġ intern || 150 || 1 000 || 150 000 Assistenza finanzjarja għaċ-ċertifikazzjoni tal-programmi ta' stħarriġ || 850 || 200 || 170 000 Promozzjoni tal-intraprenditorjat || 150 || 700 || 105 000 Assistenza finanzjarja għat-tnedija t'attivitajiet indipendenti || 150 || 1 800 || 270 000 Sapport ta' gwida u ta' wara l-ingaġġar || 1 416 || 520 || 736 320 Assistenza finanzjarja għal persuni bit-tfal || 150 || 600 || 90 000 Subtotal tas-servizzi personalizzati || || 4 346 200 Nefqa għall-implimentazzjoni tal-FEG (it-tielet paragrafu tal-Artikolu 3 tar-Regolament (KE) Nru 1927/2006) Attivitajiet preparatorji || || 131 000 Ġestjoni || || 15 000 Informazzjoni u pubbliċità || || 20 000 Attivitajiet ta' kontroll || || 15 000 Subtotal tan-nefqa għall-implimentazzjoni tal-FEG || || 181 000 Total stmat tal-kostijiet || || 4 527 200 Kontribuzzjoni tal-FEG (65 % tal-ispejjeż totali) || || 2 942 680 28. Ir-Rumanija tikkonferma li
l-miżuri deskritti hawn fuq huma kumplimentari għall-azzjonijiet
iffinanzjati mill-Fondi Strutturali u li l-miżuri meħudin
qegħdin hemm biex jipprevjenu l-finanzjament doppju ma' strumenti
oħra tal-UE. 29. L-awtoritajiet Rumeni ffirmaw
qafas ta' protokoll li jippermetti biex ssir il-verifika akkurata
tad-dejtabejżis tal-Ministeru tax-Xogħol, Familja u Protezzjoni
Soċjali, il-Programm ko-finanzjat Operattiv Settorali tal-Awtorità
Ġestjonali tal-ESF l-"Iżvilupp tar-Riżorsi Umani".
(SOPHRD) kif ukoll l-Aġenzija Nazzjonali għall-Impjieg sabiex tevita
finanzjar doppju tal-attivitajiet taħt l-ESF u l-FEG. L-obligazzjonijiet
ta' min iħaddem fir-rigward tas-sensji kollettivi u l-attivitajiet
relevanti se jiġu wkoll verifikati sabiex ikunu esklużi mill-pakkett
personalizzat provdut bl-għajnuna tal-ko-finanzjament tal-FEG. 30. L-Aġenzija Nazzjonali
għall-Impjieg kitbet Linji ta' Gwida ta' Prodeċura
għall-ġestjoni tal-kontribuzzjoni mill-FEG; dawn huma maħsuba
għall-impjegati li jiġġesjonaw l-assistenza tal-FEG skont
il-ġestjoni ta' iffinanzjar ieħor tal-UE. Id-data/i meta nbdew jew meta huwa
maħsub li jinbdew is-servizzi personalizzati għall-ħaddiema
affettwati 31. Ir-Rumanija bdiet toffri
s-servizzi personalizzati għall-ħaddiema affettwati inklużi
fil-pakkett ko-ordinat propost lill-FEG għall-kofinanzjament fit-8 ta'
Diċembru 2011. Għalhekk din id-data tirrappreżenta l-bidu
tal-perjodu ta' eliġibbiltà għal kull għajnuna li tista'
tingħata mill-FEG. Proċeduri għall-konsultazzjoni
mal-imsieħba soċjali 32. L-awtoritajiet Rumeni
rrapportaw li l-proċeduri għal konsultazzjoni tal-imsieħba
soċjali fuq il-pakkett ikkoordinat propost ta' servizzi personalizzati
inkludew żewġ laqgħat li saru f'Ottubru 2011. L-ewwel waħda
kienet saret fi Cluj bir-rappreżentattivi tal-unjins,
l-organizzazzjonijiet ta' min iħaddem u l-instituzzjonijiet pubbliċi
u t-tieni waħda fil-kwartieri tal-Awtorità Ġestjonali li matulha kien
miftiehem l-involviment tal-imsieħba soċjali fil-proċess
tal-preparazzjoni ta' talba għall-mobilizzazzjoni tal-FEG fil-każ
tan-Nokia fuq livell nazzjonali. 33. L-awtoritajiet Rumeni
kkonfermaw li kien hemm konformità mar-rekwiżiti stabbiliti
fil-leġiżlazzjoni nazzjonali u dik tal-UE dwar is-sensji kollettivi. Informazzjoni dwar azzjonijiet li huma
obbligatorji skont il-liġi nazzjonali jew skont il-ftehim kollettiv 34. Fir-rigward tal-kriterji li
jinsabu fl-Artikolu 6 tar-Regolament (KE) Nru 1927/2006, l-awtoritajiet Rumeni
fl-applikazzjoni tagħhom: · ikkonfermaw li l-kontribuzzjoni finanzjarja mill-FEG ma tiħux post
il-miżuri li huma r-responsabilità tal-kumpaniji skont il-liġi
nazzjonali jew il-ftehimiet kollettivi; · urew li l-azzjonijiet jipprovdu appoġġ lil ħaddiema
individwali u ma għandhomx jintużaw għar-ristrutturar ta'
kumpaniji jew setturi; · ikkonfermaw li l-azzjonijiet eliġibbli msemmija hawn fuq ma
jirċevux għajnuna minn strumenti finanzjarji oħra tal-UE. Sistemi ta' ġestjoni u ta' kontroll
35. Ir-Rumanija avżat
lill-Kummissjoni li l-kontribuzzjoni finanzjarja se tkun ġestjonata
mill-Aġenzija Nazzjonali għall-Impjieg li kienet maħsuba biex
tkun l-awtorità nazzjonali risponsabbli għall-ġestjoni tal-fondi
provduti lill-Rumanija mill-FEG. Id-deċiżjoni governattiva
Nru 1086/2010 li waqqfet qafas instituzzjonali għall-koordinazzjoni u
l-ġestjoni tal-assistenza finanzjarja provduta lill-Rumanija mingħand
il-FEG ġiet fis-seħħ. 36. L-awtoritajiet Rumeni avżaw
ukoll lill-Kummisssjoni li Manwal speċjali ta' proċeduri ġie
abbozzat u approvat mill-Ministru tax-Xogħol, Familja u Protezzjoni
Soċjali speċifikament għall-ġestjoni ta' fondi provduti
lir-Rumanija mingħand il-FEG. Il-manwal jiddeskrivi l-mod ta' kif
għandha tkun ġestita il-FEG ir-relazzjonijiet tal-interservizzi u
r-responsabilitajiet tas-servizzi differenti u jassigura konformità
mal-prinċipji ġenerali għall-ġestjoni tal-FEG kif ukoll
mal-qafas legal relevanti. 37. Ir-Rumanija infurmat
lill-Kummissjoni li bil-liġi Rumena Nru 200/2010, b'konformità
mal-provizzjonijiet taħt l-Artikolu 62 tar-Regulazzjoni tal-Kunsill
(KE) Nru 1083/2006, l-Awtorità tal-Awditjar marbuta mal-Qorta
tal-Kontijiet Rumena nħatret bħala l-awtorità tal-awditjar
għall-FEG. Finanzjament 38. Fuq il-bażi
tal-applikazzjoni mir-Rumanija, il-kontribut propost mill-FEG
għall-pakkett ikkoordinat ta' servizzi personalizzati (inkluża
n-nefqa biex jiġi implimentat il-FEG) huwa ta'
EUR 2 942 680, li jirrappreżenta 65 % tal-ispiża
totali. L-allokazzjoni proposta mill-Kummissjoni minn dan il-Fond hija
bbażata fuq l-informazzjoni li ngħatat mir-Rumanija. 39. Filwaqt li tqis l-ammont
massimu possibbli ta' kontribuzzjoni finanzjarja mill-FEG skont
l-Artikolu 10(1) tar-Regolament (KE) Nru 1927/2006, kif ukoll il-kamp
ta' applikazzjoni tal-allokazzjoni mill-ġdid ta' approprjazzjonijiet,
il-Kummissjoni tipproponi li timmobilizza l-FEG għall-ammont totali msemmi
hawn fuq, li għandu jiġi allokat skont l-intestatura 1a tal-qafas
finanzjarju. 40. L-ammont propost ta'
kontribuzzjoni finanzjarja jippermetti li aktar minn 25 % tal-ammont
annwali massimu allokat għall-FEG jibqa' disponibbli biex ikun allokat
matul l-aħħar erba' xhur tas-sena, kif stipulat
fl-Artikolu 12(6) tar-Regolament (KE) Nru 1927/2006. 41. Permezz
tal-preżentazzjoni ta' din il-proposta sabiex timmobilizza l-FEG,
il-Kummissjoni qed tibda l-proċedura ssimplifikata ta' trijalogu, kif
mitlub mill-Punt 28 tal-Ftehim Interistituzzjonali
tas-17 ta' Mejju 2006, sabiex tiżgura l-qbil
taż-żewġ fergħat tal-awtorità baġitarja dwar
il-ħtieġa li jintuża l-FEG u l-ammont meħtieġ.
Il-Kummissjoni tistieden lill-ewwel waħda miż-żewġ
fergħat tal-awtorità baġitarja biex taqbel mal-abbozz tal-proposta
għall-mobilizzazzjoni biex, fuq livell politiku xieraq, tgħarraf
lill-fergħa l-oħra u lill-Kummissjoni bl-intenzjonijiet tagħha.
F'każ ta' nuqqas ta' qbil minn xi waħda miż-żewġ
fergħat tal-awtorità baġitarja, għandha tissejjaħ
laqgħa formali ta' trijalogu. 42. B'mod separat, il-Kummissjoni
tippreżenta talba ta' trasferiment sabiex fil-baġit tal-2012
iddaħħal approprjazzjonijiet speċifiċi għall-impenji,
kif mitlub fil-Punt 28 tal-Ftehim Interistituzzjonali
tas-17 ta' Mejju 2006. Sors tal-approprjazzjonijiet
għall-ħlasijiet 43. L-ammont
tal-approprjazzjonijiet tal-pagament li fil-bidu daħal fil-linja
baġitarja 04 05 01 fl-2012 se jkun konsumat bi sħiħ wara
l-addozzjoni tal-proposta miż-żewġ armi tal-awtorità
baġitarja preżentata sad-data stabbilita għall-mobilazzjoni
tal-FEG u allura ma kienx hemm biżżejjed biex ikopri l-ammont
meħtieġ għall-applikazzjoni preżenti. Rinfurzar
tal-approprjazzjonijiet tal-pagament tal-linja baġitarja tal-FEG se jkun
mitlub jew permezz ta' transfer f'każ ta' identifikazzjoni tas-sors
tal-approprjazzjonijiet, jew b' baġit ta' modifika. Approprjazzjonijiet
minn din il-linja baġitarja se jintużaw biex ikopru l-ammont ta'
EUR 2 942 680 meħtieġa għal din l-applikazzjoni. Proposta għal DEĊIŻJONI TAL-PARLAMENT EWROPEW
U TAL-KUNSILL dwar il-mobilizzazzjoni tal-Fond Ewropew ta'
Aġġustament għall-Globalizzazzjoni, skont il-punt 28 tal-Ftehim
Interistituzzjonali tas-17 ta' Mejju 2006 bejn il-Parlament Ewropew, il-Kunsill
u l-Kummissjoni dwar id-dixxiplina baġitarja u l-ġestjoni finanzjarja
soda (applikazzjoni FEG/2011/014 RO/Nokia mir-Rumanija) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, Wara li kkunsidraw il-Ftehim
Interistituzzjonali tas-17 ta' Mejju 2006 bejn il-Parlament
Ewropew, il-Kunsill u l-Kummissjoni dwar id-dixxiplina baġitarja u
l-amministrazzjoni finanzjarja tajba[14],
u b'mod partikolari l-punt 28 tiegħu, Wara li kkunsidraw ir-Regolament (KE) Nru
1927/2006 tal-Parlament Ewropew u tal-Kunsill
tal-20 ta' Diċembru 2006 li jistabbilixxi l-Fond Ewropew
ta' Aġġustament għall-Globalizzazzjoni[15], u b'mod
partikolari l-Artikolu 12(3) tiegħu, Wara li kkunsidra l-proposta li saret
mill-Kummissjoni Ewropea[16], Billi: (1) Il-Fond Ewropew ta'
Aġġustament għall-Globalizzazzjoni (FEG) twaqqaf biex jipprovdi
appoġġ addizzjonali għall-ħaddiema li ngħataw sensja
minħabba bidliet strutturali kbar fix-xejriet kummerċjali dinija
minħabba l-globalizzazzjoni u biex jgħinhom jintegraw mill-ġdid
fis-suq tax-xogħol. (2) Il-kamp ta' applikazzjoni
tal-FEG twessa’ għall-applikazzjonijiet ippreżentata
mill-1 ta’ Mejju 2009
sat-30 ta' Diċembru 2011 biex jinkludi appoġġ
għall-ħaddiema li jingħataw is-sensja bħala riżultat
dirett tal-kriżi finanzjarja u ekonomika globali. (3) Il-Ftehim Interistituzzjonali
tas-17 ta’ Mejju 2006 jippermetti l-mobilizzazzjoni tal-FEG
fil-limitu massimu annwali ta’ EUR 500 miljun. (4) Ir-Rumanija ressqet
applikazzjoni għall-mobilizzazzjoni tal-FEG, fir-rigward tas-sensji
fl-intrapriża SC Nokia Romania SRL u furnitur wieħed,
fid-22 ta' Diċembru 2011 u sostnietha b'informazzjoni
addizzjonali sal-22 ta' Awwissu 2012. Din l-applikazzjoni hija
konformi mar-rekwiżiti għad-determinazzjoni tal-kontribuzzjonijiet
finanzjarji kif stipulat fl-Artikolu 10 tar-Regolament (KE)
Nru 1927/2006. Għalhekk il-Kummissjoni tipproponi li timmobilizza
l-ammont ta' EUR 2 942 680. (5) Il-FEG għandu,
għalhekk, jiġi mobilizzat sabiex jipprovdi kontribuzzjoni finanzjarja
għall-applikazzjoni mressqa mir-Rumanija, ADOTTAW DIN ID-DEĊIŻJONI: Artikolu 1 Għall-baġit ġenerali tal-Unjoni
Ewropea għas-sena finanzjarja 2012, il-Fond Ewropew ta'
Aġġustament għall-Globalizzazzjoni (FEG) għandu jiġi
mmobilizzat biex jipprovdi s-somma ta' EUR 2 942 680
f'approprjazzjonijiet għall-impenji u għall-ħlas. Artikolu 2 Din id-Deċiżjoni għandha
tiġi ppubblikata f’Il-Ġurnal Uffiċjali tal-Unjoni Ewropea. Magħmul fi Brussell, Għall-Parlament Ewropew, Għall-Kunsill, Il-President Il-President [1] ĠU
C 139, 14.6.2006, p. 1. [2] ĠU L 406, 30.12.2006, p. 1. [3] B'konformità
mat-tielet paragrafu tal-Artikolu 3 tar-Regolament (KE) Nru 1927/2006. [4] http://press.nokia.com/2011/09/29/nokia-continues-to-align-its-workforce-and-operations [5] EGF/2012/006
FI/Nokia Salo [6] http://www.nokia.com/global/about-nokia/investors/financials/reports/results---reports/ [7] http://www.results.nokia.com/results/Nokia_results2011Q4e.pdf [8] http://press.nokia.com/2012/01/26/nokia-q4-2011-net-sales-eur-10-0-billion-non-ifrs-eps-eur-0-06-reported-eps-eur-0-29-nokia-2011-net-sales-eur-38-7-billion-non-ifrs-eps-eur-0-29-reported-eps-eur-0-31/ [9] Aġġornamenti regolari
disponibbli hawn : http://ec.europa.eu/social/BlobServlet?docId=4558&langId=en [10] www.mfinante.ro [11] http://press.nokia.com/2011/09/29/nokia-continues-to-align-its-workforce-and-operations [12] http://www.cluj.insse.ro/cmscluj/rw/resource/2010r_struct_pop_sectcaen_t_3_29.htm?download=true [13] http://www.cluj.insse.ro/cmscluj/rw/pages/index.ro.do [14] ĠU
C 139, 14.6.2006, p. 1. [15] ĠU
L 406, 30.12.2006, p. 1. [16] ĠU C
[…], […], p. […].