This document is an excerpt from the EUR-Lex website
Document 52012AA0002
Opinion No 2/2012 (pursuant to the second subparagraph of Article 287(4) and Article 311 and Article 322(2) of the Treaty on the Functioning of the European Union in conjunction with Article 106a of the Treaty establishing the European Atomic Energy Community) on an amended proposal for a Council Decision on the system of own resources of the European Union — COM(2011) 739, on an amended proposal for a Council Regulation laying down implementing measures for the system of own resources of the European Union — COM(2011) 740, on an amended proposal for a Council Regulation on the methods and procedure for making available the traditional and GNI-based own resources and on the measures to meet cash requirements — COM(2011) 742, on a proposal for a Council Regulation on the methods and procedure for making available the own resource based on the value added tax — COM(2011) 737, on a proposal for a Council Regulation on the methods and procedure for making available the own resource based on the financial transaction tax — COM(2011) 738
L-Opinjoni Nru 2/2012 (skont it-tieni subparagrafu tal-Artikolu 287(4) u l-Artikolu 311 u l-Artikolu 322(2) tat-Trattat dwar il-Funzjonament tal-Unjoni Ewropea flimkien mal-Artikolu 106a tat-Trattat li jistabbilixxi l-Komunità Ewropea tal-Enerġija Atomika) dwar proposta emendata għal Deċiżjoni tal-Kunsill dwar is-sistema tar-riżorsi proprji tal-Unjoni Ewropea — COM(2011) 739, dwar proposta emendata għal Regolament tal-Kunsill li jistabbilixxi miżuri li jimplimentaw is-sistema tar-riżorsi proprji tal-Unjoni Ewropea — COM(2011) 740, dwar proposta emendata għal Regolament tal-Kunsill dwar il-metodi u l-proċedura li jintużaw biex jitqiegħdu għad-dispożizzjoni r-riżorsi proprji tradizzjonali u dawk ibbażati fuq l-ING u dwar il-miżuri li jissodisfaw il-ħtiġijiet fi flus kontanti — COM(2011) 742, dwar proposta għal Regolament tal-Kunsill dwar il-metodi u l-proċedura għat-tqegħid tad-dispożizzjoni tar-riżorsa proprja bbażata fuq taxxa fuq il-valur miżjud — COM(2011) 737, dwar proposta għal Regolament tal-Kunsill dwar il-metodi u l-proċedura biex isiru disponibbli r-riżorsi proprji bbażati fuq it-taxxa fuq it-tranżazzjonijiet finanzjarji — COM(2011) 738
L-Opinjoni Nru 2/2012 (skont it-tieni subparagrafu tal-Artikolu 287(4) u l-Artikolu 311 u l-Artikolu 322(2) tat-Trattat dwar il-Funzjonament tal-Unjoni Ewropea flimkien mal-Artikolu 106a tat-Trattat li jistabbilixxi l-Komunità Ewropea tal-Enerġija Atomika) dwar proposta emendata għal Deċiżjoni tal-Kunsill dwar is-sistema tar-riżorsi proprji tal-Unjoni Ewropea — COM(2011) 739, dwar proposta emendata għal Regolament tal-Kunsill li jistabbilixxi miżuri li jimplimentaw is-sistema tar-riżorsi proprji tal-Unjoni Ewropea — COM(2011) 740, dwar proposta emendata għal Regolament tal-Kunsill dwar il-metodi u l-proċedura li jintużaw biex jitqiegħdu għad-dispożizzjoni r-riżorsi proprji tradizzjonali u dawk ibbażati fuq l-ING u dwar il-miżuri li jissodisfaw il-ħtiġijiet fi flus kontanti — COM(2011) 742, dwar proposta għal Regolament tal-Kunsill dwar il-metodi u l-proċedura għat-tqegħid tad-dispożizzjoni tar-riżorsa proprja bbażata fuq taxxa fuq il-valur miżjud — COM(2011) 737, dwar proposta għal Regolament tal-Kunsill dwar il-metodi u l-proċedura biex isiru disponibbli r-riżorsi proprji bbażati fuq it-taxxa fuq it-tranżazzjonijiet finanzjarji — COM(2011) 738
ĠU C 112, 18.4.2012, p. 1–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
18.4.2012 |
MT |
Il-Ġurnal Uffiċjali tal-Unjoni Ewropea |
C 112/1 |
L-OPINJONI Nru 2/2012
(skont it-tieni subparagrafu tal-Artikolu 287(4) u l-Artikolu 311 u l-Artikolu 322(2) tat-Trattat dwar il-Funzjonament tal-Unjoni Ewropea flimkien mal-Artikolu 106a tat-Trattat li jistabbilixxi l-Komunità Ewropea tal-Enerġija Atomika)
dwar proposta emendata għal Deċiżjoni tal-Kunsill dwar is-sistema tar-riżorsi proprji tal-Unjoni Ewropea — COM(2011) 739,
dwar proposta emendata għal Regolament tal-Kunsill li jistabbilixxi miżuri li jimplimentaw is-sistema tar-riżorsi proprji tal-Unjoni Ewropea — COM(2011) 740,
dwar proposta emendata għal Regolament tal-Kunsill dwar il-metodi u l-proċedura li jintużaw biex jitqiegħdu għad-dispożizzjoni r-riżorsi proprji tradizzjonali u dawk ibbażati fuq l-ING u dwar il-miżuri li jissodisfaw il-ħtiġijiet fi flus kontanti — COM(2011) 742,
dwar proposta għal Regolament tal-Kunsill dwar il-metodi u l-proċedura għat-tqegħid tad-dispożizzjoni tar-riżorsa proprja bbażata fuq taxxa fuq il-valur miżjud — COM(2011) 737,
dwar proposta għal Regolament tal-Kunsill dwar il-metodi u l-proċedura biex isiru disponibbli r-riżorsi proprji bbażati fuq it-taxxa fuq it-tranżazzjonijiet finanzjarji — COM(2011) 738
2012/C 112/01
WERREJ
|
Paragrafu |
Paġna |
INTRODUZZJONI … |
1-4 |
3 |
Il-PARTI I… |
5-54 |
3 |
Taqsira … |
5-11 |
3 |
Osservazzjonijiet speċifiċi … |
12-54 |
4 |
Eliminazzjoni tar-riżorsa proprja bbażata fuq il-VAT … |
12-13 |
4 |
L-introduzzjoni ta’ riżorsa li ttieħdet mir-riċevuti tal-VAT tal-Istati Membri … |
14-24 |
4 |
Ir-riżorsa l-ġdida tal-VAT hija eħfef iżda teħtieġ kjarifika dwar iċ-ċirkostanzi li jwasslu għall-aġġornamenti tal-kalkoli … |
17-18 |
4 |
Ir-raġunament għal rapporti dwar il-frodi u l-irregolaritajiet mhuwiex ċar … |
19 |
4 |
Is-sistemi ta’ kontroll u r-rekwiżiti ta’ aċċess jeħtieġ li jiġu speċifikati … |
20-22 |
5 |
Ir-rapporti tal-Istati Membri se jgħinu lill-Kummissjoni biex tissorvelja l-kontrolli interni … |
23 |
5 |
Il-proċeduri għal irkupri u tħassir għandhom ikunu armonizzati … |
24 |
5 |
L-introduzzjoni ta’ riżorsa proprja li ttieħdet mill-introjtu tal-Istati Membri mit-taxxa fuq it-tranżazzjonijiet finanzjarji … |
25-36 |
5 |
L-introduzzjoni tal-FTT tista’ tikkontribwixxi għall-konsolidazzjoni tal-baġit tal-Istati Membri … |
30 |
6 |
Ir-riskji għas-suppożizzjonijiet dwar ir-riċevuti tal-FTT … |
31-34 |
6 |
Il-bidliet fl-għamla tal-kontribuzzjonijiet tal-Istati Membri … |
35 |
6 |
Ir-rekwiżiti ta’ kontroll u aċċess jeħtieġ li jiġu speċifikati … |
36 |
6 |
Ir-riforma ta’ mekkaniżmi ta’ korrezzjoni … |
37-47 |
6 |
Il-korrezzjoni ta’ ammont b’rata fissa hija eħfef iżda xorta waħda mhix trasparenti … |
40-42 |
6 |
In-nuqqas ta’ kriterji biex jiġi stabbilit “il-piż eċċessiv tal-baġit”… |
43-44 |
7 |
Ir-reviżjoni f’nofs it-terminu tal-applikabbiltà tal-korrezzjonijiet meħtieġa … |
45-47 |
7 |
It-tnaqqis fil-perċentwal ta’ riżorsi proprji tradizzjonali miżmuma mill-Istati Membri biex ikopru l-ispejjeż tal-ġbir … |
48-51 |
7 |
Ir-rabta bejn ir-rata ta’ retenzjoni u l-ispiża tal-ġbir tibqa’ mhux ċara … |
49-50 |
7 |
Iż-żieda fit-TOR tista’ tkun inqas milli previst minkejja t-tnaqqis fir-rata ta’ retenzjoni … |
51 |
7 |
Ir-riżorsa proprja bbażata fuq l-introjtu nazzjonali gross … |
52-54 |
8 |
In-nuqqas ta’ definizzjoni ta’ “bidliet sinifikanti fl-ING”… |
53-54 |
8 |
Il-PARTI II … |
8 |
|
Lista ta’ kummenti għal kull proposta leġiżlattiva … |
8 |
IL-QORTI TAL-AWDITURI TAL-UNJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea u b’mod partikolari l-Artikoli 287(4), it-tieni subparagrafu, l-Artikolu 311 u l-Artikolu 322(2) tiegħu,
Wara li kkunsidrat l-opinjonijiet preċedenti mogħtija mill-Qorti tal-Awdituri dwar is-sistema tar-riżorsi proprji tal-Komunitajiet Ewropej u l-Opinjonijiet tagħha Nru 4/2005 (1), Nru 2/2006 (2) u Nru 2/2008 (3) dwar proposta għal Deċiżjoni tal-Kunsill dwar is-sistema tar-riżorsi proprji tal-Komunitajiet Ewropej, b’mod partikolari,
Wara li kkunsidrat it-talbiet tal-Kunsill tal-21 ta’ Ottubru u t-12 ta’ Diċembru 2011, għal opinjoni dwar il-proposti msemmija qabel,
Billi l-Kunsill Ewropew ta' Fontainebleau tal-25 u tas-26 ta' Ġunju 1984 ikkonkluda fost l-oħrajn (4), li l-politika tan-nefqa hija fl-aħħar nett il-mezz essenzjali biex tiġi solvuta l-kwistjoni tal-iżbilanċi tal-baġit. Madanakollu, kwalunkwe Stat Membru li qed iġarrab piż tal-baġit li huwa eċċessiv meta mqabbel mal-prosperità relattiva tiegħu jista' jibbenifika minn korrezzjoni fiż-żmien approprjat.
Billi l-Kunsill Ewropew ta' Berlin tal-24 u tal-25 ta' Marzu 1999 ikkonkluda (5), fost l-oħrajn, li s-sistema tar-riżorsi proprji tal-Unjoni għandha tkun ġusta, trasparenti, kost-effettiv[a] u sempliċi u li għandha tkun ibbażata fuq kriterji li jesprimu bl-aħjar mod l-abilità ta' kull Stat Membru li jikkontribwixxi.
Billi l-Kunsill Ewropej [Ewropew] ta' Brussell tal-15 u tas-16 ta' Diċembru 2005 laħaq ftehim (6), fost l-oħrajn, li l-arranġamenti dwar ir-riżorsi proprji għandhom ikunu ggwidati mill-għan ġenerali tal-ekwità, għaldaqstant dawn l-arranġament[i] għandhom jiżguraw, li l-ebda Stat Membru ma jkollu jġorr piż baġitarju li jkun eċċessiv meta mqabbel mal-prosperità relattiva tiegħu u li huwa għalhekk xieraq li jiddaħħlu dispożizzjonijiet li jkopru lill-Istati Membri speċifiċi,
ADOTTAT L-OPINJONI LI ĠEJJA:
INTRODUZZJONI
1. |
Fl-opinjoni tal-Qorti, is-sistema attwali tal-finanzjament tal-baġit tal-UE hija kumplessa u nieqsa mit-trasparenza. Il-Kummissjoni għamlet reviżjoni ta' din is-sistema, billi tfittex li tirrimedja wħud mid-dgħufijiet attwali. Il-proposta tagħha tibni fuq l-opportunitajiet ippreżentati mit-Trattat dwar il-Funzjonament tal-Unjoni Ewropea (7) (TFUE) li jippermettu għall-ħolqien ta’ riżorsi ġodda u tqis il-ħtieġa għal konsolidazzjoni baġitarja biex tindirizza l-kriżi finanzjarja attwali. |
2. |
Fid-9 ta’ Novembru 2011, il-Kummissjoni pproponiet Deċiżjoni tal-Kunsill u erba’ Regolamenti tal-Kunsill dwar is-sistema ta’ riżorsi proprji għall-perjodu tal-2014. Id-Deċiżjoni tal-Kunsill proposta u l-memorandum ta’ spjegazzjoni tagħha jipprovdu r-raġuni fundamentali għall-mudell il-ġdid għall-finanzjament tal-baġit tal-UE li jiffinanzja u jistipulaw l-elementi ewlenin tas-sistema l-ġdida ta’ “riżorsi proprji”. Ir-regolamenti proposti jistipulaw f’aktar dettall kif id-deċiżjoni dwar riżorsi proprji għandha tiġi implimentata. |
3. |
Il-Kummissjoni tipproponi ħames bidliet sinifikattivi għall-mod kif il-baġit tal-Unjoni Ewropea se jiġi ffinanzjat għall-perjodu tal-2014-2020:
|
4. |
Din l-opinjoni tkopri d-deċiżjoni u r-regolamenti flimkien bħala pakkett. Fil-Parti I, il-paragrafi 5 sa 51 jiddeskrivu l-bidliet proposti u jiddikjaraw l-osservazzjonijiet tal-Qorti dwar dawn u huma bbażati fuq opinjonijiet preċedenti tal-Qorti fejn hu relevanti. Il-paragrafi 52 sa 54 jindirizzaw arranġamenti marbuta mal-introjtu nazzjonali gross (ING) – abbażi tar-riżorsi proprji li ma jinbidlux b’mod sinifikanti mir-regolamenti l-ġodda iżda li l-Qorti għamlet xi osservazzjonijiet fuqhom. Il-Parti II tikkonsisti f'lista ta' kummenti tal-Qorti għal kull proposta leġiżlattiva. |
IL-PARTI I
Taqsira
5. |
Il-Qorti tinnota li l-proposta għall-eliminazzjoni tar-riżorsa proprja attwali bbażata fuq il-VAT twieġeb għad-dgħufijiet identifikati mill-Parlament, mill-Kunsill u mill-Qorti fl-opinjonijiet preċedenti. |
6. |
Il-Qorti tqis li riżorsa proprja proposta u bbażata fuq il-VAT xorta se tkun waħda kumplessa, iżda inqas mir-riżorsa proprja eżistenti bbażata fuq il-VAT. Huwa importanti li r-rekwiżiti tal-Kummissjoni ta’ kontroll u aċċess ikunu definiti b’mod ċar. Għandha ssir referenza għad-drittijiet għall-aċċess tal-Qorti Ewropea tal-Awdituri skont l-Artikolu 287 tat-TFUE. |
7. |
L-użu tal-FTT bħala riżorsa proprja jiddependi fuq l-introduzzjoni ta’ dik it-taxxa fl-Istati Membri kollha tal-UE. Hemm imprevidibbiltà għall-ammont ta’ riżorsi proprji li jistgħu jinġiebu minn dan is-sors. Kwalunkwe introjtu ta’ dan it-tip inaqqas l-affidabbiltà fiq ir-riżorsa bbażata fuq l-ING. |
8. |
Il-korrezzjonijiet proposti tal-ammont b’rata fissa għal erba’ Stati Membri huma eħfef mis-sistema attwali, iżda hemm l-iżvantaġġi xorta waħda. |
9. |
Il-Qorti tikkummenta li r-rabta bejn ir-rata ta’ retenzjoni u l-ispiża tal-ġbir tat-TOR tibqa’ mhux ċara. |
10. |
Ir-riżorsa proprja bbażata fuq l-ING ma ġietx milquta mill-proposti tal-Kummissjoni. Madankollu, il-Qorti tinnota li, bħal fil-perjodi ta’ finanzjament attwali u preċedenti, il-Kummissjoni tirreferi għal azzjonijiet li għandhom jittieħdu f’każijiet ta’ “bidliet sinifikanti” fl-ING iżda ma ddefinixxietx x’jikkostitwixxi l-“bidla sinifikanti”. |
11. |
L-impatt globali tal-bidliet proposti mill-Kummissjoni kieku jkun li tinbidel l-għamla tar-riżorsi kif ukoll is-sehem imħallas minn Stati Membri individwali lill-baġit tal-UE. |
Osservazzjonijiet speċifiċi
Eliminazzjoni tar-riżorsa proprja bbażata fuq il-VAT
12. |
Il-Kummissjoni tipproponi li r-riżorsa proprja eżistenti bbażata fuq il-VAT tiġi eliminata mill-2014 ’il quddiem. Fil-memorandum ta’ spjegazzjoni mad-Deċiżjoni proposta li tiddikjara li t-tneħħija ta’ din ir-riżorsa proprja kumplessa kieku tissimplifika b’mod konsiderevoli l-kontribuzzjonijiet nazzjonali u tnaqqas il-piż amministrattiv kemm għall-Kummissjoni u għall-Istati Membri. Ir-riżorsa proprja bbażata fuq il-VAT ammontat għal 11,2 % ta’ riżorsi proprji fl-2010. |
13. |
Il-Qorti kkritikat din ir-riżorsa proprja f’diversi okkażjonijiet (8) għal kumplessità tal-kalkolu tagħha li jinvolvi riżorsi amministrattivi sinifikanti (9) u n-nuqqas tagħha ta’ rabta diretta mal-bażi għat-taxxa. Il-Qorti tinnota li l-proposta tindirizza dawn id-dgħufijiet. |
L-introduzzjoni ta’ riżorsa li ttieħdet mir-riċevuti tal-VAT tal-Istati Membri
14. |
Il-Kummissjoni tipproponi li tintroduċi riżorsa proprja ġdida biex tittieħed mir-riċevuti tal-VAT tal-Istati Membri. Il-proposta tiddikjara li s-sehem tal-VAT għandu jkun disponibbli minn kull Stat Membru lill-Kummissjoni minħabba li r-riżorsi proprji jkunu 1% (10) tal-valur nett ta' provvisti ta' merkanzija u servizzi, akkwisti intra-Komunitarji ta' oġġetti u għall-importazzjoni ta' oġġetti suġġetti għal rata standard ta' VAT f'kull Stat Membru stabbiliti skont ir-regoli tal-Unjoni. |
15. |
Il-metodu tal-kalkolu dettaljat huwa stipulat fil-proposta għal Regolament tal-Kunsill dwar il-metodi u l-proċedura għat-tqegħid tad-dispożizzjoni tar-riżorsa proprja bbażata fuq taxxa fuq il-valur miżjud - COM(2011) 737 tad-9 ta’ Novembru 2011. Dan jitlob li l-Kummissjoni tiddetermina, qabel l-2014, proporzjon medju uniku tal-Unjoni tal-valur tal-provvisti taxxabbli (11) meta mqabbla mal-valur tal-provvisti totali. |
16. |
Ir-riżorsa proprja l-ġdida tal-VAT kieku tiġi introdotta mill-1 ta’ Jannar 2014 u tkun disponibbli kull xahar għall-Istati Membri b'mod simili għal dak tar-riżorsi proprji tradizzjonali, iżda mingħajr retenzjoni għall-ispejjeż tal-ġbir. Skont il-Kummissjoni, sal-2020, din ir-riżorsa proprja kieku tikkontribwixxi 18 % tar-riżorsi proprji tal-UE. |
Ir-riżorsa l-ġdida tal-VAT hija eħfef iżda teħtieġ kjarifika dwar iċ-ċirkostanzi li jwasslu għall-aġġornamenti tal-kalkoli
17. |
Din ir-riżorsa l-ġdida hija maħsuba li tkun eħfef u tinvolvi inqas spejjeż amministrattivi. Madankollu, il-kalkolu tal-proporzjon medju msemmi fil-paragrafu 15 jiddependi fuq l-istess tip ta’ data statistika kumplessa li tintuża għall-kalkolu tar-riżorsa proprja attwali bbażata fuq il-VAT. Dan kieku jkun kalkolu ta’ darba tal-proporzjon medju li jkun validu għall-perjodu kollu tal-2014-2020. Għaldaqstant, il-preċiżjoni ta’ dan il-kalkolu hija importanti. Hemm dispożizzjoni biex dan il-kalkolu jiġi aġġornat abbażi ta’ raġunijiet iġġustifikati kif xieraq. Il-proposta tal-Kummissjoni ma tispeċifikax x’jistgħu jkunu dawn iċ-ċirkostanzi. |
18. |
Id-determinazzjoni tal-intitolament tal-UE tinvolvi wkoll li jsiru korrezzjonijiet għall-VAT miġbura, għalkemm inqas milli taħt is-sistema attwali bbażata fuq il-VAT. Għaldaqstant, ir-riżorsi proprji proposti ta’ bbażati fuq sehem tal-VAT kieku xorta jibqgħu kumplessi, iżda inqas mir-riżorsa proprja eżistenti bbażata fuq il-VAT. |
Ir-raġunament għal rapporti dwar il-frodi u l-irregolaritajiet mhuwiex ċar
19. |
Il-Kummissjoni tipproponi li għar-riżorsa proprja l-ġdida tal-VAT (12), l-Istati Membri jirrappurtaw lill-Kummissjoni, każjiet ta' frodi u irregolaritajiet misjuba li jinvolvu intitolamenti ta' 'l fuq minn EUR 10 000. Dan ir-rekwiżit huwa bbażat fuq is-sistema attwali għar-rappurtar ta’ frodi u rregolaritajiet tat-TOR. Is-sehem tal-VAT miġbura li għandu jinġabar bħala riżorsi proprji huwa żgħir. Il-Qorti tappoġġja l-ġlieda kontra l-frodi u l-irregolaritajiet iżda tissuġġerixxi li l-Kummissjoni għandha tiċċara jekk il-vantaġġi potenzjali tar-rekwiżit ta’ rappurtar jegħlbux l-iżvantaġġi probabbli fit-termini ta’ spejjeż amministrattivi għall-Istati Membri. |
Is-sistemi ta’ kontroll u r-rekwiżiti ta’ aċċess jeħtieġ li jiġu speċifikati
20. |
L-Artikoli 5-8 tal-proposta emendata għal Regolament tal-Kunsill li jistabbilixxi miżuri li jimplimentaw is-sistema tar-riżorsi proprji tal-Unjoni Ewropea — COM(2011) 740 tad-9 ta’ Novembru 2011 jistipulaw id-dispożizzjonijiet dwar il-kontroll u s-sorveljanza tar-reġim tar-riżorsi proprji l-ġodda. Dawn jirriflettu ħafna fuq l-arranġamenti eżistenti fir-Regolament tal-Kunsill (KE, Euratom) Nru 1150/2000 (13). |
21. |
L-Artikolu 5(4) jiddikjara li l-ispetturi tal-Kummissjoni għandu jkollhom aċċess għad-dokumenti ta' sostenn dwar l-istabbilment u t-tqegħid għad-dispożizzjoni tar-riżorsi proprji, “u għal kwalunkwe dokumenti oħra xierqa marbuta ma’ dawk id-dokumenti ta' sostenn”. L-introduzzjoni tar-riżorsa proprja l-ġdida tal-VAT tista’ titlob l-aċċess tal-aġenti awtorizzati tal-Kummissjoni għar-reġistri tal-ġbir u l-infurzar tal-Istati Membri minħabba r-rabta diretta bejn it-taxxa miġbura u r-riżorsa proprja. Il-limiti u l-livelli preċiżi ta’ dan l-aċċess għandhom jiġu stabbiliti b’mod espliċitu. Barra minn dan, għandha ssir referenza għad-drittijiet għall-aċċess tal-Qorti Ewropea tal-Awdituri skont l-Artikolu 287 tat-TFUE. |
22. |
Dawn id-dispożizzjonijiet ma jiddiskriminawx bejn it-TOR, meta l-introjtu kollu huwa dovut lill-UE (inqas retenzjoni tal-ispejjeż tal-ġbir) u l-VAT, meta l-introjtu huwa dovut lill-Istat Membru u sussegwentement, sehem huwa allokat lill-UE (14). Għalhekk għandu jiġi ċċarat jekk il-possibbiltà għall-ispetturi tal-Kummissjoni li jikkuntattjaw lid-debituri, kif stipulat fl-Artikolu 7(2) tar-regolament propost, għandhiex tinkludi d-debituri tal-VAT tal-Istati Membri. |
Ir-rapporti tal-Istati Membri se jgħinu lill-Kummissjoni biex tissorvelja l-kontrolli interni
23. |
L-Artikolu 5(4), it-tieni subparagrafu, tal-COM(2011) 740 huwa ġdid u jeħtieġ l-Istati Membri li jibagħtu lill-Kummissjoni, fuq talba, dokumenti bħal rapporti ta’ verifika interna relevanti. Dan jippermetti lill-Kummissjoni biex tikseb assigurazzjoni addizzjonali dwar l-operazzjoni tas-sistemi ta’ kontroll intern. |
Il-proċeduri għal irkupri u tħassir għandhom ikunu armonizzati
24. |
Hemm differenza fit-trattament tad-djun tal-Komunità soġġett għal proċeduri ta’ rkupru bejn dawn l-ammonti li ma tħallsux kif xieraq skont il-politika agrikola komuni u d-djun ta’ dazji doganali. Dan hu partikolarment il-każ skont il-leġiżlazzjoni tal-UE għal proċeduri ta’ tħassir (15). L-Artikolu 12 tal-proposta emendata għal Regolament tal-Kunsill dwar il-metodi u l-proċedura li jintużaw biex jitqiegħdu għad-dispożizzjoni r-riżorsi proprji tradizzjonali u dawk ibbażati fuq l-ING u dwar il-miżuri li jissodisfaw il-ħtiġijiet fi flus kontanti - COM(2011) 742 tad-9 ta’ Novembru 2011 iżommu din l-inkonsistenza. Il-Qorti tqis li filwaqt li d-djun kollha tal-Komunità għandhom jirċievu l-istess trattament, il-proċeduri għandhom ikunu armonizzati wkoll. |
L-introduzzjoni ta’ riżorsa proprja li ttieħdet mill-introjtu tal-Istati Membri mit-taxxa fuq it-tranżazzjonijiet finanzjarji
25. |
L-introduzzjoni tat-taxxa fuq it-tranżazzjonijiet finanzjarji kienet proposta fit-28 ta’ Settembru 2011 fil-COM(2011) 594: Proposta għal Direttiva tal-Kunsill dwar sistema komuni ta’ taxxa fuq it-tranżazzjonijiet finanzjarji u li temenda d-Direttiva 2008/7/KE. Il-Qorti ma ġietx mitluba biex tipprovdi opinjoni dwar din il-proposta. Hija ġiet mitluba biex tagħti opinjoni dwar l-adegwatezza tat-taxxa bħala riżorsa proprja. |
26. |
It-taxxa fuq it-tranżazzjonijiet finanzjarji kieku tkun taxxa mifruxa mal-Ewropa kollha fuq:
|
27. |
Għal dak li għandu x’jaqsam mal-VAT, id-dħul mit-taxxa jkun dovut lill-Istati Membri. Il-Kummissjoni tipproponi li sehem minn din it-taxxa għandu jagħmel parti minn riżorsi proprji. Dan is-sehem ikun żewġ terzi tar-rati minimi stabbiliti fl-Artikolu 8(2) tad-Direttiva proposta dwar l-FTT. Dawn ir-rati minimi huma stabbiliti għal 0,1% tal-ammonti taxxabbli (0,01 % fil-każ ta’ derivati). |
28. |
Huwa propost li r-riżorsa proprja tal-FTT tiġi introdotta mill-1 ta’ Jannar 2014, tinġabar mill-Istati Membri u tkun disponibbli kull xahar b'mod simili għal dak tar-riżorsi proprji tradizzjonali, iżda mingħajr retenzjoni għall-ispejjeż tal-ġbir. Skont il-Kummissjoni, sal-2020 is-sehem tal-UE tal-FTT kieku jammonta għal 23 % tar-riżorsi proprji. |
29. |
Skont il-memorandum ta’ spjegazzjoni tal-Kummissjoni, dan ikun sors ġdid ta’ introjtu li li jista' jnaqqas il-kontribuzzjonijiet eżistenti tal-Istati Membri u jikkontribwixxi għall-isforz ġenerali għall-konsolidazzjoni tal-baġit. |
L-introduzzjoni tal-FTT tista’ tikkontribwixxi għall-konsolidazzjoni tal-baġit tal-Istati Membri
30. |
Il-premessa 8 għall-proposta emendata għal Deċiżjoni tal-Kunsill dwar is-sistema tar-riżorsi proprji tal-Unjoni Ewropea — COM(2011) 739 tad-9 ta’ Novembru 2011 tiddikjara li l-iżvilupp tas-sistema tar-riżorsi proprji għandha tnaqqas il-kontribuzzjonijiet tal-Istati Membri għall-baġit annwali tal-Unjoni u tipparteċipa fl-isforzi tagħhom biex jikkonsolidaw il-baġit. L-introduzzjoni ta’ FTT, kif propost fil-COM(2011) 594, tista’ tipprovdi aktar riżorsi għall-baġits nazzjonali tal-Istati Membri u għalhekk tikkontribwixxi għall-konsolidazzjoni tal-baġit tagħhom. |
Ir-riskji għas-suppożizzjonijiet dwar ir-riċevuti tal-FTT
31. |
Il-Kummissjoni tiddikjara, fil-memorandum ta’ spjegazzjoni, li l-inizjattiva li tiġi introdotta din it-taxxa fl-Unjoni Ewropea se tikkostitwixxi l-ewwel pass lejn l-applikazzjoni tat-TTF [FTT] fil-livell globali. Il-potenzjal tal-introjtu għall-FTT fil-livell nazzjonali huwa vvalutat bħala sinifikanti (16) bil-kontribuzzjoni antiċipata ta’ EUR 37 biljun għall-baġit tal-UE sal-2020. |
32. |
Il-Qorti tqis li fin-nuqqas ta’ FTT globali, hemm riskju li r-rilokazzjoni, li permezz tagħha l-istituzzjonijiet finanzjarji jiċċaqalqu sabiex jesegwixxu t-tranżazzjonijiet fil-ġurisdizzjonijiet barra l-UE, taffettwa din is-suppożizzjoni b’mod materjali. Sabiex jiġu ssodisfati s-suppożizzjonijiet li fuqhom huwa bbażat is-sors ġdid ta’ introjtu tar-riżorsa proprja bbażat fuq it-tassazzjoni tas-settur finanzjarju, din għandha tiġi introdotta fl-Istati Membri kollha. |
33. |
Il-proposta li jiġi allokat sehem tal-FTT bħala riżorsa proprja tassumi li l-Kunsill se jaċċetta l-proposta tal-Kummissjoni li l-Istati Membri kollha għandhom jintroduċu dik it-taxxa. Il-Qorti m’għandhiex tikkummenta fuq il-probabbiltà jew ix-xewqa ta’ deċiżjoni bħal din. |
34. |
Ir-riżorsi proprji bbażati fuq il-VAT u l-ING li jintużaw fil-perjodu 2007-2013 huma bażijiet tat-taxxa relattivament stabbli u previdibbli. Riżorsa proprja li tittieħed mill-FTT għall-kuntrarju tkun ibbażata b’mod limitat fuq attività ekonomika li hija soġġetta għal varjazzjonijiet sinifikanti u imprevidibbli. Din il-volatilità jista’ jkollha impatt fuq il-livell ta’ riżorsi proprji li għandhom jinġiebu minn dak is-sors. |
Il-bidliet fl-għamla tal-kontribuzzjonijiet tal-Istati Membri
35. |
It-trasferiment ta’ sehem tal-FTT miġbur għall-baġit tal-UE, inaqqas il-kontribuzzjonijiet ibbażati fuq l-ING bl-istess ammont. L-effett fuq il-kontribuzzjonijiet lill-baġit annwali tal-Unjoni jkun newtrali fil-livell tal-UE-27. Madankollu, l-allokazzjoni ta’ sehem tal-FTT bħala riżorsa ġdida tal-UE tibdel b’mod sinifikanti l-inċidenza tal-kontribuzzjonijiet tal-Istati Membri lill-baġit annwali tal-Unjoni. |
Ir-rekwiżiti ta’ kontroll u aċċess jeħtieġ li jiġu speċifikati
36. |
L-Artikoli 5 sa 8 tal-COM(2011) 740 jistabbilixxu d-dispożizzjonijiet li jikkonċernaw kontroll u sorveljanza tar-reġim tar-riżorsi proprji l-ġodda. L-osservazzjonijiet tal-Qorti dwar ir-rekwiżiti ta’ kontroll u aċċess għar-riżorsa proprja l-ġdida tal-VAT huma stabbiliti fil-paragrafi 20 sa 22. L-osservazzjonijiet tal-Qorti japplikaw ukoll għall-FTT proposta. |
Ir-riforma ta’ mekkaniżmi ta’ korrezzjoni
37. |
Il-Kunsill Ewropew ta' Fontainebleau tal-1984 stabbilixxa li “kwalunkwe Stat Membru li jkollu jġorr piż baġitarju li jkun eċċessiv meta mqabbel mal-ġid relattiv tiegħu jista' jgawdi minn korezzjoni fiż-żmien opportun”. Minn dak iż-żmien id-Deċiżjonijiet suċċessivi dwar ir-riżorsi proprji inkludew korrezzjoni għar-Renju Unit. Kien hemm ukoll mekkaniżmi temporanji ta’ korrezzjonijiet għall-Ġermanja, il-Pajjiżi l-Baxxi, l-Awstrija u l-Isvezja. |
38. |
Il-Kummissjoni tipproponi li tirristuttura l-mekkaniżmi biex tikkoreġi l-piżijiet eċċessivi tal-baġit. Il-korrezzjonijiet eżistenti kollha jinbidlu b’korrezzjonijiet ta’ ammont b’rata fissa għal erba’ Stati Membri li fuqhom il-Kummissjoni vvalutat li jaqa’ dan il-piż (ir-Renju Unit, il-Ġermanja, il-Pajjiżi l-Baxxi u l-Isvezja) (17). Dawn l-ammonti b’rata fissa jiġu stabbiliti minn qabel u jiġu applikati kull sena matul il-perjodu tal-2014-2020. |
39. |
Il-korrezzjonijiet tal-ammonti b’rata fissa jirrappreżentaw tnaqqis gross għall-kontribuzzjonijiet tal-ING annwali ta’ dawk l-erba’ Stati Membri. Dawn il-korrezzjonijiet jiġu ffinanzjati mill-Istati Membri kollha, inklużi l-erba’ Stati Membri kkonċernati. Skont il-kalkoli tal-Kummissjoni t-tnaqqis gross ta’ EUR 7 500 miljun iwassal għal tnaqqis nett totali ta’ EUR 4 334 miljun fis-sena għall-erba’ Stati Membri (18). |
Il-korrezzjoni ta’ ammont b’rata fissa hija eħfef iżda xorta waħda mhix trasparenti
40. |
Il-Qorti qabel kienet iddikjarat (19) li l-eżistenza ta’ kwalunkwe mekkaniżmu ta’ korrezzjoni tikkomprometti s-simpliċità u t-trasparenza tas-sistema tar-riżorsi proprji u li l-bilanċi netti mhumiex indikaturi tajbin għall-valutazzjoni tal-vantaġġi globali li għandhom jinkisbu mill-politika tal-Unjoni minħabba li dawn ma jqisux l-effett multiplikatur ta’ din il-politika. Id-dokument ta’ ħidma mill-persunal tal-Kummissjoni (20) jiddikjara li “kwalunkwe mekkaniżmu ta’ korrezzjoni se jkun jeħtieġ li jiġi ġustifikat b’attenzjoni, mhux biss permezz ta’ miżuri ta’ kontabilità dibattibbli, iżda minħabba l-bilanċ globali ta’ benefiċċji mill-baġit u l-politika tal-UE...” M’hemmx evidenza li dan twettaq mill-Kummissjoni. |
41. |
Id-Deċiżjoni tal-Kunsill attwali dwar is-sistema tar-riżorsi proprji daħlet fis-seħħ sentejn u nofs wara l-bidu ta’ din il-perspettiva finanzjarja multiannwali (21). Din saret minħabba li l-Istati Membri ma setgħux jilħqu ftehim dwar il-korrezzjonijiet ta’ finanzjament sat-tmiem tan-negozjati formali. Il-proposta tal-Kummissjoni mhijiex ċara dwar ir-regoli għall-korrezzjonijiet ta’ finanzjament, b’mod partikolari dwar kif intlaħaq ftehim dwar il-korrezzjonijiet netti. Il-Qorti tqis li aktar trasparenza dwar il-korrezzjonijiet ta’ finanzjament tippermetti lill-Kunsill biex jadotta leġiżlazzjoni rispettiva fil-ħin. |
42. |
L-ammonti b’rata fissa proposti, madankollu, se jkunu ta’ titjib relattiv fis-simpliċità u t-trasparenza tas-sistema tar-riżorsi proprji. Il-korrezzjoni eżistenti tar-Renju Unit hija mekkaniżmu li l-kumplessità tiegħu wassal biex il-preċiżjoni tiegħu tilħaq kompromess u biex il-kalkolu tiegħu jkun fih l-iżbalji (22). |
In-nuqqas ta’ kriterji biex jiġi stabbilit “il-piż eċċessiv tal-baġit”
43. |
Il-Kummissjoni infurmat lill-Qorti li hija bbażat id-deċiżjoni tagħha fuq dak li l-Istati Membri kieku jibbenefikaw minn korrezzjoni ta’ ammont b’rata fissa fuq indikatur ta’ bilanċ nett u analizzat il-proporzjon ta’ dak il-bilanċ bi tqabbil ma’ ġid relattiv u li l-korrezzjonijiet kienu kalibrati sabiex l-erba’ Stati Membri jaslu għal proporzjon komparattiv. Madankollu, dawn il-kalkoli ma ġewx ipprovduti lill-Qorti u għalhekk ma tistax tikkummenta dwarhom. |
44. |
Mhuwiex ċar mill-proposta tal-Kummissjoni x’kienu l-kriterji li ntużaw biex jiġi definit “il-piż eċċessiv tal-baġit”. Hemm ambitu biex l-inklużjoni ta’ regoli ċari titqies b’rabta mal-ġid relattiv għall-allokazzjoni tal-korrezzjonijiet lill-Istati Membri li jissodisfaw il-kriterji li bihom jiġi żgurat it-trattament indaqs tal-Istati Membri kollha. Barra minn dan, il-proċess tan-negozjati dwar il-finanzjament tal-baġit tal-UE isir aktar trasparenti u jiffaċilita aktar fowkus fuq il-ġejjieni tan-naħa tan-nefqa tal-baġit tal-UE. |
Ir-reviżjoni f’nofs it-terminu tal-applikabbiltà tal-korrezzjonijiet meħtieġa
45. |
F’opinjonijiet preċedenti (23), il-Qorti kkritikat in-nuqqas ta’ proċedura ta’ monitoraġġ biex jiġi kkontrollat li l-korrezzjonijiet xorta waħda huma ġustifikati jew jekk Stati Membri oħra jikkwalifikawx għal korrezzjoni. |
46. |
Il-kunċett ta’ korrezzjoni li titħallas “fil-ħin opportun” fid-dikjarazzjoni tal-1984 tirrepeti ruħha fil-premessa 10 tal-COM(2011) 739. Bl-istess mod il-premessa 11 tiddikjara li “korrezzjoni għandha ddum biss sakemm tibqa' taqdi l-għan tagħha”. L-istabbiliment tal-ammonti b’rata fissa għal seba’ snin mhuwiex kompatibbli ma’ dan. |
47. |
Għaldaqstant, għadu qed jiġi kkunsidrat jekk għandux ikun hemm reviżjoni f’nofs it-terminu li tiżgura li l-erba’ Stati Membri (ir-Renju Unit, il-Ġermanja, il-Pajjiżi l-Baxxi u l-Isvezja) għadhomx jissodisfaw il-kriterji biex jibbenefikaw minn korrezzjoni b’rata fissa, tiddetermina jekk l-ammonti għandhomx jiġu modifikati u tivvaluta mill-ġdid jekk xi Stati Membri oħra jissodisfawx il-kriterji. |
It-tnaqqis fil-perċentwal ta’ riżorsi proprji tradizzjonali miżmuma mill-Istati Membri biex ikopru l-ispejjeż tal-ġbir
48. |
Il-Kummissjoni tipproponi li tnaqqas ir-rata tat-TOR li għandha tinżamm mill-Istati Membri bħala spejjeż tal-ġbir minn 25 % għal 10 %. Din tal-aħħar kienet ir-rata ta’ retenzjoni sal-2000. It-TOR huwa previst li jammonta għal 19 % tar-riżorsi proprji fl-2020 (13 % fl-2010). |
Ir-rabta bejn ir-rata ta’ retenzjoni u l-ispiża tal-ġbir tibqa’ mhux ċara
49. |
Il-Kummissjoni tqis ir-retenzjoni mill-Istati Membru tal-25 % tal-ammonti miġbura għat-TOR bħala korrezzjoni moħbija minħabba li huwa probabbli li taqbeż l-ispejjeż attwalment imġarrba. Id-deċiżjoni tar-Rilaxx tal-2005 tal-Kunsill irrakkomandat li l-Kummissjoni twettaq valutazzjoni tal-ispejjeż tal-amministrazzjoni tat-tħaddim tas-sistema tar-riżorsi proprji. M’hemmx evidenza li din twettqet. It-tnaqqis tar-rata ta’ retenzjoni għal 10 % jikkontribwixxi għat-tneħħija ta’ din il-korrezzjoni moħbija prevista. |
50. |
Il-Qorti tirrakkomanda li għandha tingħata konsiderazzjoni mill-Kunsill dwar jekk rata ogħla ta’ retenzjoni tistax isservi bħala inċentiv li jinkoraġġixxi lill-Istati Membri fl-attività tal-verifika ex-post. Ftit li xejn kontrolli doganali jitwettqu waqt l-importazzjoni u l-kontroll ewlieni huwa verifiki ex-post tagħhom fl-istabbilimenti tan-negozjant. Dawn il-verifiki għandhom ikunu frekwenti u dettaljati biżżejjed biex jipproteġu l-interessi finanzjarji tal-UE. |
Iż-żieda fit-TOR tista’ tkun inqas milli previst minkejja t-tnaqqis fir-rata ta’ retenzjoni
51. |
L-analiżi tal-Kummissjoni stess tipprevedi żieda fis-sehem tat-TOR tar-riżorsi proprji minn 14,7 % fl-2012 għal 18,9 % fl-2020. Dan inaqqas il-kontribuzzjonijiet (l-ING) tal-Istati Membri. It-tnaqqis tar-rata ta’ retenzjoni minn 25 % għal 10 % jgħin biex tinkiseb din iż-żieda. Madankollu, għandu jitqies li x-xejra fuq medda ta’ żmien twil fit-TOR hija ’l isfel, l-aktar minħabba politika dwar il-kummerċ tal-UE u l-liberalizzazzjoni tal-kummerċ tad-WTO u għalhekk hemm riskju li ż-żieda prevista fis-sehem tat-TOR matul il-perjodu tista’ ma timmaterjalizzax. |
Ir-riżorsa proprja bbażata fuq l-introjtu nazzjonali gross
52. |
Ir-riżorsa proprja bbażata fuq l-ING ma ġietx milquta mill-proposti tal-Kummissjoni. Il-Kummissjoni tipprevedi li din se tammonta għal 40 % tar-riżorsi proprji fl-2020 (76 % fl-2010). |
In-nuqqas ta’ definizzjoni ta’ “bidliet sinifikanti fl-ING”
53. |
Bħal fis-sistemi tar-riżorsi proprji attwali u preċedenti, l-Artikolu 2 tal-COM(2011) 740 jirreferi għal azzjonijiet li jeħtieġ li jittieħdu f’każ ta’ “bidliet sinifikanti fl-ING”. Dan jikkonċerna b’mod partikolari d-data tal-ING li għandha titqies għall-pagament ta’ riżorsi proprji minħabba l-modifikazzjoni għall-qafas tal-kontabilità tal-ESA. Dan jikkonċerna wkoll ir-reviżjoni relatata ta’ limiti massimi għal pagamenti u l-impenji fil-baġit (espressi bħala perċentwal tas-somma tal-ING kollu tal-Istati Membri fl-Artikolu 3 tal-COM(2011) 739). Il-Qorti qabel kienet iddikjarat (24) li l-Kummissjoni għandha tiddefinixxi x’jikkostitwixxi “bidliet sinifikanti”. Il-Kummissjoni għadha ma pprovdietx din id-definizzjoni. |
54. |
Id-definizzjoni ta’ “kriterji ta’ materjalità” hija partikolarment importanti minħabba li skont l-Artikolu 2, m’għadux previst li l-Kunsill għandu jiddeċiedi (billi jaġixxi unanimament fuq proposta tal-Kummissjoni u wara li jikkonsulta mal-Parlament Ewropew) jekk il-modifiki għall-qafas ta’ kontabilità tal-ESA għandhomx japplikaw għall-għanijiet tar-riżorsi proprji. Id-dispożizzjoni l-ġdida proposta tgħid biss li l-Kummissjoni għandha tinforma lill-Kunsill u lill-Parlament Ewropew dwar id-dati ta’ applikazzjoni ta’ dawn il-bidliet fl-ESA. |
IL-PARTI II
Lista ta’ kummenti għal kull proposta leġiżlattiva
Proposta emendata għal Deċiżjoni tal-Kunsill dwar is-sistema tar-riżorsi proprji tal-Unjoni Ewropea — COM(2011) 739 |
|
Referenza |
Kummenti |
It-Taqsima 2.2 tal-memorandum ta’ spjegazzjoni COM(2011) 510 (il-verżjoni oriġinali tal-COM(2011) 739) |
Ir-riskju ta’ rilokazzjoni li permezz tagħha l-istituzzjonijiet finanzjarji jiċċaqalqu sabiex jesegwixxu t-tranżazzjonijiet fil-ġurisdizzjonijiet barra l-UE, jekk ma jkunx hemm FTT globali, jaffettwa din is-suppożizzjonitad-dħul tal-baġit tal-UE b’mod materjali (ara l-paragrafu 32). |
Iċ-ċitazzjonijiet |
Iċ-ċitazzjoni għandha tirreferi għall-Qorti tal-Awdituri. |
Il-Premessa 8 |
L-introduzzjoni tar-riżorsa proprja tal-FTT ma tiksibx l-għan iddikjarat ta’ tnaqqis tal-kontribuzzjonijiet nazzjonali fil-livell tal-UE-27. Madankollu, l-inċidenza tal-kontribuzzjonijiet tal-Istati Membri tinbidel (ara l-paragrafu 35). |
Il-Premessi 10 u 11 u l-Artikolu 2 |
L-istabbiliment tal-ammonti b’rata fissa għal seba’ snin mhuwiex kompatibbli mal-kunċett ta’ korrezzjoni li titħallas “fil-ħin opportun” u li “korrezzjoni għandha ddum biss sakemm tibqa' taqdi l-għan tagħha” sakemm ma ssirx reviżjoni f’nofs it-terminu (ara l-paragrafi 45 sa 47). |
L-Artikolu 2(1)(b) |
Dan l-artikolu għandu jirreferi għall-Artikolu 8(2) tad-Direttiva tal-FTT proposta (COM(2011) 594), milli l-Artikolu 8(3). |
L-Artikolu 2(3) |
Fir-rigward tal-ammonti rkuprati bħala riżultat ta’ verifiki doganali ex-post, il-perċentwal li għandu jinżamm jista’ jkun ogħla minn 10 % sabiex jinkoraġġixxi din l-attività tal-verifika ex-post (ara l-paragrafu 50). |
L-Artikolu 4(2) |
L-eżistenza ta’ kwalunkwe mekkaniżmu ta’ korrezzjoni tikkomprometti s-simpliċità u t-trasparenza tas-sistema tar-riżorsi proprji u l-bilanċi netti mhumiex indikaturi tajbin għall-valutazzjoni tal-vantaġġi globali li għandhom jinkisbu mill-politika tal-Unjoni minħabba li dawn ma jqisux l-effett multiplikatur ta’ din il-politika (ara l-paragrafu 40). |
Tabella ta’ korrelazzjoni fl-Anness |
Ir-referenza għandha tkun l-Artikolu 5 aktar milli l-artikolu 5(1). |
Proposta emendata għal Regolament tal-Kunsill li jistabbilixxi l-miżuri implimentattivi għas-sistema tar-riżorsi proprji tal-Unjoni Ewropea — COM(2011) 740 |
|
Referenza |
Kummenti |
COM(2011) 740 |
Ir-Regolament tal-Kunsill (KE, Euratom) Nru 1287/2003 tal-15 ta’ Lulju 2003 dwar l-armonizzazzjoni tad-dħul gross nazzjonali fil-prezzijiet tas-suq (ĠU L 181, 19.7.2003, p. 1) li huwa kkwotat fil-COM(2011) 740 jirreferi għall-ING fl-applikazzjoni tal-ESA 95. Minħabba l-introduzzjoni ppjanata tal-ESA 2010 għandu jkun hemm referenza għal Regolament jew emenda għar-Regolament (KE, Euratom) Nru 1287/2003. |
Iċ-ċitazzjonijiet |
Iċ-ċitazzjoniji għandha tirreferi għall-Qorti tal-Awdituri. |
L-Artikolu 2(1) |
Fl-2014 l-ESA 95 għandha tinbidel bl-ESA 2010. Din jista’ jkollha impatt sinifikanti fuq l-ING. L-Artikolu 2(1) għandu jiċċara li l-ING għandu jfisser ING annwali bil-prezz tas-suq fl-applikazzjoni tal-ESA fis-seħħ għas-sena kkonċernata. |
L-Artikolu 4(2) |
Ir-rekwiżit li l-Istati Membri jipprovdu deskrizzjoni kull sitt xhur lill-Kummissjoni ta’ każijiet ta’ frodi u irregolaritajiet tal-VAT misjuba li jinvolvu intitolamenti ’l fuq minn EUR 10 000 ikun piż addizzjonali konsiderevoli għall-Istati Membri bi ftit użu għall-Kummissjoni (ara l-paragrafu 19). |
L-Artikoli 5(4) u 7(2) |
Il-limiti preċiżi tal-aċċess tal-ispetturi tal-Kummissjoni (u dawk tal-Qorti Ewropea tal-Awdituri) għandhom ikunu espliċiti fir-rigward tal-VAT u l-FTT (ara l-paragrafi 20 sa 22 u 36). |
L-Artikolu 7 |
Ma tikkonċernax il-verżjoni Maltija. |
Proposta emendata għal Regolament tal-Kunsill dwar il-metodi u l-proċedura li jintużaw biex jitqiegħdu għad-dispożizzjoni r-riżorsi proprji tradizzjonali u dawk ibbażati fuq l-ING u dwar il-miżuri li jissodisfaw il-ħtiġijiet fi flus kontanti — COM(2011) 742 |
|
Referenza |
Kummenti |
COM(2011) 742 |
Ir-Regolament tal-Kunsill (KE, Euratom) Nru 1287/2003 li huwa kkwotat fil-COM(2011) 742 jirreferi għall-ING fl-applikazzjoni tal-ESA 95. Minħabba l-introduzzjoni ppjanata tal-ESA 2010 għandu jkun hemm referenza għal Regolament jew emenda għar-Regolament (KE, Euratom) Nru 1287/2003. |
L-Artikolu 12 |
Id-differenza fit-trattament tad-djun tal-Komunità soġġetti għal proċeduri ta’ rkupru bejn dawk l-ammonti li ma kinux tħallsu kif xieraq skont il-politika agrikola komuni u d-djun ta’ dazji doganali hija miżmuma (ara l-paragrafu 24). |
Proposta għal Regolament tal-Kunsill dwar il-metodi u l-proċedura għat-tqegħid tad-dispożizzjoni tar-riżorsa proprja bbażata fuq taxxa fuq il-valur miżjud — COM(2011) 737 |
|
Referenza |
Kummenti |
L-Artikolu 2(1) |
Il-Qorti tirrakkomanda li għandha ssir referenza għal “akkwiżizzjonijiet ġewwa l-Unjoni”, sabiex tirrifletti t-terminoloġija ġejja mit-Trattat ta’ Lisbona. |
L-Artikolu 3 |
Element wieħed tal-kalkolu meħtieġ biex tiġi stabbilita l-VAT li għandha titħallas bħala riżorsa proprja jiddependi fuq it-tip ta’ data statistika kumplessa li tintuża għall-kalkolu tar-riżorsa proprja attwali bbażata fuq il-VAT (ara l-paragrafu 17). Madankollu, l-element tal-kalkolu isir darba biss għall-UE kollha u għall-perjodu ta’ seba’ snin sħaħ. |
Din l-Opinjoni ġiet adottata mill-Qorti Ewropea tal-Awdituri fil-Lussemburgu fl-20 ta’ Marzu 2012.
Għall-Qorti tal-Awdituri
Vítor Manuel da SILVA CALDEIRA
Il-President
(2) ĠU C 203, 25.8.2006, p. 50.
(3) ĠU C 192, 29.7.2008, p. 1.
(4) Ara l-Bulettin KE 6-1984.
(5) Ara l-Bulettin UE 3-1999.
(6) Ara l-paragrafu 6 tal-Konklużjonijiet tal-Presidenza (id-Dokument tal-Kunsill 15914/1/05, REV 1, CONCL 3 tat-30 ta’ Jannar 2006) li jirreferi għad-Dokument tal-Kunsill 15915/05 CADREFIN 268 tad-19 ta’ Diċembru 2005 u b’mod partikolari l-paragrafu 77 tiegħu.
(7) L-Artikolu 311(3).
(8) Pereżempju: l-Opinjoni Nru 4/2005, il-paragrafi 9 sa 11 u t-Tweġiba mill-QEA lill-komunikazzjoni tal-Kummissjoni “Nirriformaw il-Baġit, Nibdlu l-Ewropa” tad-9 ta’ April 2008.
(9) Pereżempju: Riżorsi amministrattivi sinifikanti huma meħtieġa fil-livell tal-Istat Membru u tal-Kummissjoni biex jiġu stabbiliti u sussegwentement jitneħħew ir-riżervi. Mill-31 ta’ Diċembru 2010 kien hemm 152 reżerva pendenti, uħud minnhom ikopru snin li jmorru lura sal-1995. Ara l-paragrafu 2.22 tar-Rapport Annwali 2010 tal-Qorti.
(10) Ir-rata massima hija ffissata għal 2 % fil-proposta emendata tal-Kummissjoni għal Deċiżjoni tal-Kunsill COM(2011) 739 tad-9.11.2011.
(11) Definita bħala provvista soġġetta għar-rata standard tal-VAT applikata f’kull Stat Membru.
(12) Il-proposta emendata għal Regolament tal-Kunsill (KE, Euratom) li jistabbilixxi miżuri li jimplimentaw is-sistema tar-riżorsi proprji tal-Unjoni Ewropea — COM(2011) 740.
(13) Ir-Regolament tal-Kunsill (KE Euratom) Nru 1150/2000 tat-22 ta’ Mejju 2000 li jimplimenta d-Deċiżjoni 2007/436/KE, Euratom dwar is-sistema tar-riżorsi tagħhom tal-Komunitajiet (ĠU L 130, 31.5.2000, p. 1) kif emendat.
(14) Il-premessa 7 tal-COM(2011) 740 tiddikjara li d-dispożizzjonijiet għandhom jieħdu inkunsiderazzjoni n-natura speċifika ta’ kull riżorsa proprja.
(15) L-Artikolu 32 tar-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-politika agrikola komuni (ĠU L 209, 11.8.2005, p. 1) u l-Artikolu 17 tar-Regolament (KE, Euratom) Nru 1150/2000 kif emendat.
(16) Id-dokument ta’ ħidma mill-persunal tal-Kummissjoni: Sommarju eżekuttiv tal-valutazzjoni tal-impatt, li jakkumpanja d-dokument COM(2011) 594 (SEC(2011) 1103), it-taqsima 6.1.
(17) L-Artikolu 4(2) tal-COM(2011) 739.
(18) It-tnaqqis gross u nett fil-kontribuzzjonijiet tal-ING espressi f’euro jkun kif ġej: il-Ġermanja 2 500 miljun gross u 990 miljun nett; il-Pajjiżi l-Baxxi 1 050 miljun gross u 683 miljun nett; l-Isvezja 350 miljun gross u 119-il miljun nett; ir-Renju Unit 3 600 miljun gross u 2 542 miljun nett. Id-data pprovduta mill-Kummissjoni.
(19) Il-paragrafu 19 tal-Opinjoni Nru 4/2005.
(20) SEC(2011) 876, li jakkumpanja l-proposta emendata għad-Deċiżjoni tal-Kunsill. Ara partikolarment il-paġna 44 (EN).
(21) Fil-qafas finanzjarju attwali, l-ewwel kontribuzzjoni skont id-Deċiżjoni 2007/436/KE, Euratom saret fl-1 ta’ Ġunju 2009.
(22) Pereżempju, il-paragrafi 2.16 u 2.31 sa 2.33 tar-Rapport Annwali 2010 tal-Qorti.
(23) Il-paragrafu 14 tal-Opinjoni Nru 4/2005 u l-paragrafi 9(b) u (c) tal-Opinjoni Nru 2/2006.
(24) Il-paragrafu 11 tal-Opinjoni Nru 2/2008.