52011PC0716

MEMORANDUM TA’ SPJEGAZZJONI

Fl-2010 l-Unjoni Ewropea (UE) nediet il-proċess ta' tiġdid tar-reġim preferenzjali u awtonomu għall-Balkani tal-Punent sal-31 ta' Diċembru 2015. Il-proċedura leġiżlattiva meħtieġa għall-adozzjoni tat-tiġdid tar-reġim għadha kif waslet fi tmiemha.

Sabiex tippermetti lill-UE tipprovdi trattament preferenzjali għall-applikazzjoni ta' reġim preferenzjali u awtonomu għall-Balkani tal-Punent, mingħajr ma jiġi mitlub l-istess trattament preferenzjali għall-istess prodotti ta' kwalunkwe Membru tal-WTO, l-UE għandha bżonn tippreżenta rikjesta għall-estensjoni tar-rinunzja mill-Artikolu I:1 tad-dispożizzjonijiet GATT 1994 sal-31 ta' Diċembru 2016.

1. 2011/0316 (NLE)

Proposta għal

DEĊIŻJONI TAL-KUNSILL

dwar pożizzjoni tal-Unjoni Ewropea rigward id-deċiżjoni tal-Kunsill Ġenerali tal-WTO dwar l-estensjoni tar-rinunzja tal-WTO sabiex jiġi implimentat ir-reġim preferenzjali u awtonomu tal-kummerċ għall-Balkani tal-Punent

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 207(4), l-ewwel subparagrafu, flimkien mal-Artikolu 218(9) tiegħu,

Wara li kkunsidra l-proposta mill-Kummissjoni Ewropea,

Billi:

2. L-Unjoni Ewropea adottat leġiżlazzjoni li ġġedded ir-reġim preferenzjali u awtonomu għall-Balkani tal-Punent sal-31 ta' Diċembru 2015. Fin-nuqqas ta' rinunzja min-naħa tal-obbligi tal-Unjoni Ewropea skont il-paragrafu 1 tal-Artikolu I tal-Ftehim Ġenerali dwar it-Tariffi u l-Kummerċ 1994 (GATT 1994), it-trattament prevedut fir-reġim preferenzjali u awtonomu se jkollu bżonn jiġi estiż għall-Membri kollha l-oħra tal-WTO. Huwa għalhekk xieraq li tinstab rinunzja tal-Artikolu I.1 tal-GATT 1994 skont l-Artikolu IX:3 tal-Ftehim ta' Marrakesh li jistabbilixxi l-Organizzazzjoni Dinjija tal-Kummerċ (il-Ftehim WTO)

3. L-Unjoni Ewropea ppreżentat talba bħal din fis-26 ta' Ottubru 2011.

4. Il-Kunsill Ġenerali tal-Organizzazzjoni Dinjija tal-Kummerċ se jiddelibera dwar din it-talba.

5. Huwa għaldaqstant xieraq, li l-pożizzjoni tal-Unjoni Ewropea fid-deliberazzjonijiet tal-Kunsill Ġenerali tal-WTO hija waħda li tiffavorixxi l-adozzjoni tat-talba,

ADOTTA DIN ID-DEĊIŻJONI:

Artikolu 1

Il-pożizzjoni tal-Unjoni Ewropea fil-Kunsill Ġenerali tal-Organizzazzjoni Dinjija tal-Kummerċ hija waħda li tapprova l-estensjoni tar-rinunzja tal-WTO għall-Balkani tal-Punent sal-31 ta' Diċembru 2016. Din il-pożizzjoni għandha tiġi espressa milll-Kummissjoni.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi […]

Għall-Kunsill

Il-President