52011DC0069

[pic] | IL-KUMMISSJONI EWROPEA |

Brussel 15.2.2011

KUMM(2011) 69 finali

2008/0147 (COD)

KOMUNIKAZZJONI MILL-KUMMISSJONILILL-PARLAMENT EWROPEWskont l-Artikolu 294(6) tat-Trattat dwar il-Funzjonament tal-Unjoni Ewropeali jikkonċerna

l-pożizzjoni tal-Kunsill fl-ewwel qari dwar proposta għal Direttiva tal-Parlament Ewropew u tal-Kunsill li temenda d-Direttiva 1999/62/KE dwar il-ħlas li jrid isir minn vetturi tqal ta' merkanzija għall-użu ta’ ċerti infrastrutturi

2008/0147 (COD)

KOMUNIKAZZJONI MILL-KUMMISSJONILILL-PARLAMENT EWROPEWskont l-Artikolu 294(6) tat-Trattat dwar il-Funzjonament tal-Unjoni Ewropeali jikkonċerna

l-pożizzjoni tal-Kunsill fl-ewwel qari dwar proposta għal Direttiva tal-Parlament Ewropew u tal-Kunsill li temenda d-Direttiva 1999/62/KE dwar il-ħlas li jrid isir minn vetturi tqal ta' merkanzija għall-użu ta’ ċerti infrastrutturi

(Test b'rilevanza għaż-ŻEE)

1. SFOND

Data tat-trażmissjoni tal-proposta lill-Parlament Ewropew u lill-Kunsill (dokument COM(2008) 436 finali – 2008/0147 COD): | 08/07/2008 |

Data tal-opinjoni tal-Kumitat Ekonomiku u Soċjali Ewropew: | 16/12/2009 |

Data tal-opinjoni tal-Parlament Ewropew, l-ewwel qari: | 11/03/2009 |

Data tal-adozzjoni tal-ftehim politiku tal-Kunsill bi tħejjija għall-pożizzjoni tal-Kunsill fl-ewwel qari: | 15/10/2010 |

Data ta' adozzjoni tal-pożizzjoni tal-Kunsill: | 14/02/2011 |

2. GĦAN TAL-PROPOSTA TAL-KUMMISSJONI

Sabiex jiġu eliminati d-distorsjonijiet fil-kompetizzjoni bejn l-impriżi tat-trasport u jiġu stabbiliti mekkaniżmi ġusti għall-imposti tal-kostijiet tal-infrastruttura għat-trasportaturi. Id-Direttiva 1999/62/KE tiffissa rati massimi li l-Istati Membri jistgħu jimponu fuq il-vetturi tqal tal-merkanzija għall-użu ta' ċerta infrastruttura tat-trasport. Fid-determinazzjoni ta' dawn ir-rati, l-Istati Membri ma jistgħux jqisu l-kostijiet esterni bħat-tniġġis tal-arja u mill-istorbju. L-emendi proposti mill-Kummissjoni se jippermettu tali imposti li, jekk jiġu introdotti, se jippromwovu aktar effiċjenza u trasport tal-merkanzija aktar nadif. Fuq nett fil-lista tal-bidliet proposti hemm li l-Istati Membri jkollhom aktar flessibbiltà biex ivarjaw ir-rati tal-pedaġġ biex jippromwovu aktar l-użu fil-ħinijiet meta t-traffiku ma jkunx daqshekk intens u finalment tonqos il-konġestjoni. Fl-aħħar id-dħul addizzjonali ġġenerat permezz tal-imposti tal-kostijiet esterni għandu jintuża biex jiffinanzja proġetti li jagħmlu t-trasport sostenibbli.

3. Kummenti dwar il-pożizzjoni tal-Kunsill fl-ewwel qari

3.1 Kummenti ġenerali dwar il-pożizzjoni tal-Kunsill fl-ewwel qari

L-għanijiet primarji għall-proposta tal-Kummissjoni huma li jippermettu l-Istati Membri biex jinternalizzaw l-iżjed kostijiet esterni rilevanti fl-imposti tal-vetturi tqal tal-merkanzija, u biex jiġi estiż l-ambitu tad-Direttiva barra min-netwerk trans-Ewropew (TEN). Fil-biċċa l-kbira tagħhom dawn l-għanijiet inkisbu fil-pożizzjoni tal-Kunsill fl-ewwel qari.

3.2 Kummenti dettaljati dwar il-pożizzjoni tal-Kunsill fl-ewwel qari

Id-dispożizzjonijiet ewlenin fil-pożizzjoni tal-Kunsill, u l-opinjoni tal-Kummissjoni dwar dawn id-dispożizzjonijiet, huma kif ġej:

Pożizzjoni tal-Kunsill | Opinjoni tal-Kummissjoni |

Estensjoni tal-mandat tad-Direttiva biex tkopri awtostradi li mhumiex TEN (l-Artikolu 2 u l-Artikolu 7). | Hija anqas mill-proposta oriġinali tal-Kummissjoni biex testendi l-ambitu għat-toroq kollha iżda xorta tirrapreżenta progress sinifikanti |

L-Istati Membri jistgħu jinternalizzaw il-kostijiet esterni bħat-tniġġis mill-istorbju u tal-arja iżda mhux il-konġestjoni (l-Artikolu 7c(1)). Madankollu, jistgħu jvarjaw l-imposta tal-infrastruttura matul is-siegħat l-aktar intensivi bi dħul kostanti fi ħdan limiti usa' minn dawk fid-Direttiva attwali (l-Artikolu 7f(3)). | Il-preferenza tal-Kummissjoni kienet tkun l-inklużjoni tal-konġestjoni bħala kost estern bħat-tniġġis tal-arja u mill-istorbju. Madankollu, id-divrenzjar usa' tal-imposti tal-infrastruttura jirrapreżenta t-tieni l-aħjar soluzzjoni aċċettabli u prattikabbli biex tonqos il-konġestjoni. |

Euro VI għandhom ikunu eżenti mill-kostijiet esterni għal perjodu ta' 4 snin wara d-dħul fis-seħħ tad-Direttiva (l-Artikolu 7c(3)). | Bħala prinċipju l-Kummissjoni tappoġġa l-eżenzjoni minn dawn l-imposti ta' vetturi li jniġġsu inqas, iżda għal perjodu fiss u limitat biss. |

L-Istati Membri jistgħu jiddeċiedu li jeżentaw il-vetturi ta' bejn it-3.5 u t-12-il tunnellata mill-pedaġġi għal raġunijiet oħrajn apparti l-ambjent, il-konġestjoni u l-kostijiet amministrattivi (l-Artikolu 7(5)). | Il-preferenza tal-Kummissjoni kienet tkun li dawk id-derogi jkunu ġustifikati permezz ta' raġunijiet oġġettivi u identifikati b'mod ċar |

Tipproponi li l-fondi miġbura permezz tal-internalizzazzjoni tal-kostijiet esterni għandhom jiġu assenjati għal programmi li jtejbu s-sostenibbiltà tas-sistema tat-trasport, iżda l-Istati Membri għandhom id-diskrezzjoni aħħarija dwar kif għandhom jonfqu dawn il-fondi (l-Artikolu 9(2)). | Il-Kummissjoni kienet tippreferi li kieku l-kelma 'għandhom' tinbidel bil-kelma 'iridu', jew tal-anqas li jkun hemm rekwiżit li l-Istati Membri jirrappurtaw dwar kif dawn il-fondi miġbura qed jintefqu u jesprimu intenzjoni politika aktar b'saħħitha biex jagħmlu dan fis-settur tat-trasport, l-aktar fin-netwerk trans-Ewropew. Il-Kummissjoni wkoll kienet tippreferi li kieku ma tħassarx il-lingwaġġ tad-Direttiva attwali dwar l-użu tad-dħul tal-imposti tal-infrastruttura. |

L-abbiltà li jiġu emendati ħafna mill-Annessi fid-Direttiva attwali permezz ta' atti delegati (eż. il-proċedura regolatorja tal-komitoloġija l-qadima) tneħħiet mill-proposta (l-Artikolu 9b). | Il-Kummissjoni tippreferi li żżomm l-abbiltà li temenda dawn l-Annessi permezz ta' atti delegati, b'mod partikolari l-Anness III u l-valur għall-istandards tal-Euro fil-futur tal-Anness IIIb il-ġdid (tal-pożizzjoni tal-Kunsill). |

Wieħed għandu jinnota li l-pożizzjoni tal-Kunsill fl-ewwel qari tinkludi l-emendi li ġejjin tal-ewwel qari tal-Parlament Ewropew li kienu aċċettabbli għall-Kummissjoni: 30, 34, 36, 46, 50, u 69. L-emenda 52 kienet inkluża fil-pożizzjoni tal-Kunsill ukoll. Emendi oħrajn ġew riflessi f'partijiet fil-pożizzjoni tal-Kunsill, bħall-emenda 58 dwar l-aġġustament għall-inflazzjoni jew parti mill-emenda 63.

Barra minn hekk, l-emenda 43 ukoll ġiet aċċettata f'parti mill-pożizzjoni tal-Kunsill. Din iżżid il-varjazzjoni fil-pedaġġi permessi bejn il-ħinijiet l-aktar intensivi u l-ħinijiet li mhumiex minn 100 % aktar mir-rata minima sa 175 % aktar mir-rata medja massima permessa. Dan l-approċċ fil-prattika jagħti l-possibbiltà biex jiġu implimentati inċentivi simili biex jiġi evitat il-ħin l-aktar intensiv kif talbu l-Parlamenti li riedu varjazzjoni ta' 500 % iżda aktar mir-rata minima biss.

L-emendi sustantivi li ġejjin tal-Parlament Ewropew li kienu aċċettabbli għall-Kummissjoni ma ġewx integrati fil-pożizzjoni tal-Kunsill (l-iżjed importanti b'tipa grassa, in-numri fil-parenteżi jindikaw l-emendi rilevanti tal-PE):

- Emenda fl-Artikolu 7a(1) li tħassar il-lingwaġġ li jawtorizza lill-Istati Membri biex japplikaw biss rati annwali għall-vetturi reġistrati f'dak l-Istat Membru (31).

- Emenda fl-Artikolu 7b(2) propost li jawtorizza lill-Istati Membri biex jiġbru imposta tal-konġetjoni li tirrifletti l-kost tal-konġestjoni u tirrikjedilhom jabbozzaw pjanijiet ta' azzjoni biex jiġġieldu l-konġetjoni (33).

- Lingwaġġ li jippermetti, f'każijiet fejn is-sewwieqa ma jkunx f'pożizzjoni li jipproduċu dokumentazzjoni biex tiġi vverifikat l-klassi Euro, li kwalunkwe kost addizzjonali b'riżultat ta' dan jiġi rimborsat jekk sewwieq ikun jista', f'data aktar tard, jipprovdi tali prova (42).

- Emenda fl-Artikolu 7g(2) li tirrikjedi lill-Kummissjoni biex tinforma lill-Parlament, u mhux biss lill-Kumitat, dwar jekk arranġament tal-pedaġġ huwiex konformi mar-rekwiżiti tad-Direttiva (44) u l-emenda fl-Artikolu 7g(4) li tirrikjedi lill-Kummissjoni tittrażmetti lill-Parlament Ewropew id-deċiżjonijiet li jsiru disponibbli għall-Kumitat msemmi taħt dan l-Artikolu (47).

- Subpunt addizzjonali għall-Artikolu 7g(3) li jirrikjedi lill-Istati Membri biex jagħtu d-dettalji dwar kif għandhom l-intenzjoni li jassenjaw il-fondi miġbura mill-internalizzazzjoni tal-kostijiet esterni (45).

- Emenda fl-Artikolu 7i(5) relatata mal-lingwaġġ dwar l-użu tas-sistema Galileo. B'mod partikolari l-użu ta' din is-sistema bħala mezz effiċjenti tal-ġbir tal-imposti (53).

- Lingwaġġ differenti dwar l-assenjar tal-fondi tal-kostijiet esterni miġbura (55) u dwar l-użu li jagħmlu l-Istati Membri mill-fondi miġbura mill-imposti tal-infrastruttura (56).

- Emenda fl-Artikolu 9(2) li tirrikjedi li tal-anqas 15 % tal-fondi miġbura mill-internalizzazzjoni tal-kostijiet esterni jiġu riżervati għan-nefqa tal-proġetti TEN-T (57).

- Emenda fl-Artikolu 11(2) li tkun titlob lill-Kummissjoni timmonitorja tal-abolizzjoni gradwali tas-sistemi tal-imposti bbażati fuq il-ħin (61).

- Emenda fl-Artikolu 11(2) li tirrikjedi lill-Kummissjoni biex tagħmel proposta leġiżlattiva għal aktar reviżjoni tad-Direttiva (it-tieni parti tal-emenda 63).

L-emendi tal-Parlament Ewropew li ġejjin li ma kinux aċċettabbli għall-Kummissjoni ma ġewx integrati fil-pożizzjoni tal-Kunsill: 9, 12, 13, 25, 26, 27, 28, 29, 32, 37, 38, 39, 40, 48, 49, 54, 59, 60, 62, 64, 65, 66, 67 u 68.

Finalment l-emenda 35 li introduċiet l-Artikolu 7c ġdid li jeżenta l-vetturi li huma konformi mal-istandards tal-EURO tal-futur ġie parzjalment aċċettat mill-Kunsill. Tal-aħħar madankollu ta perjodu ta' eżenzjoni itwal għall-vetturi EURO VI u żied perjodu ta' eżenzjoni għall-vetturi EURO V.

4. KONKLUŻJONI

Il-Kunsill adotta l-pożizzjoni tiegħu fl-ewwel qari permezz tal-maġġoranza kwalifikata wara l-ilħuq tal-ftehim politiku fil-15 ta' Ottubru 2010. Il-Kummissjoni tikkunsidra li l-pożizzjoni tal-Kunsill tirrifletti l-għanijiet prinċipali tal-proposta tagħha u għalhekk tista' tappoġġjaha.