This document is an excerpt from the EUR-Lex website
Document 52011IP0484
Insolvency proceedings in the context of EU company law European Parliament resolution of 15 November 2011 with recommendations to the Commission on insolvency proceedings in the context of EU company law (2011/2006(INI))#ANNEX TO THE RESOLUTION
Proċedimenti ta' insolvenza fil-kuntest tad-dritt tal-kumpanniji tal-UE Riżoluzzjoni tal-Parlament Ewropew tal- 15 ta' Novembru 2011 b'rakkomandazzjonijiet lill-Kummissjoni dwar il-proċedimenti ta' insolvenza fil-kuntest tad-dritt tal-kumpaniji tal-UE (2011/2006(INI))
ANNESS GĦAL RIŻOLUZZJONI
Proċedimenti ta' insolvenza fil-kuntest tad-dritt tal-kumpanniji tal-UE Riżoluzzjoni tal-Parlament Ewropew tal- 15 ta' Novembru 2011 b'rakkomandazzjonijiet lill-Kummissjoni dwar il-proċedimenti ta' insolvenza fil-kuntest tad-dritt tal-kumpaniji tal-UE (2011/2006(INI))
ANNESS GĦAL RIŻOLUZZJONI
ĠU C 153E, 31.5.2013, p. 1–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
31.5.2013 |
MT |
Il-Ġurnal Uffiċjali tal-Unjoni Ewropea |
CE 153/1 |
It-Tlieta 15 ta’ Novembru 2011
Proċedimenti ta' insolvenza fil-kuntest tad-dritt tal-kumpanniji tal-UE
P7_TA(2011)0484
Riżoluzzjoni tal-Parlament Ewropew tal-15 ta' Novembru 2011 b'rakkomandazzjonijiet lill-Kummissjoni dwar il-proċedimenti ta' insolvenza fil-kuntest tad-dritt tal-kumpaniji tal-UE (2011/2006(INI))
2013/C 153 E/01
Il-Parlament Ewropew,
— |
wara li kkunsidra l-Artikolu 225 tat-Trattat dwar il-Funzjonament tal-Unjoni Ewropea, |
— |
wara li kkunsidra r-Regolament tal-Kunsill (KE) Nru 1346/2000 tas-29 ta' Mejju 2000 dwar proċedimenti ta' falliment (1) (ir-Regolament dwar il-proċedimenti ta' falliment), |
— |
wara li kkunsidra s-sentenzi tal-Qorti tal-Ġustizzja tal-Unjoni Ewropea tat-2 ta' Mejju 2006 (2), tal-10 ta' Settembru 2009 (3), u tal-21 ta' Jannar 2010 (4), |
— |
wara li kkunsidra l-Artikoli 42 u 48 tar-Regoli ta' Proċedura tiegħu, |
— |
wara li kkunsidra r-rapport tal-Kumitat għall-Affarijiet Legali u l-opinjonijiet tal-Kumitat għall-Affarijiet Ekonomiċi u Monetarji u l-Kumitat għall-Impjiegi u l-Affarijiet Soċjali (A7-0355/2011), |
A. |
billi differenzi bejn liġijiet nazzjonali dwar l-insolvenza joħolqu vantaġġi jew żvantaġġi kompetittivi u diffikultajiet għall-kumpaniji li jwettqu attivitajiet transkonfinali li jistgħu jikkostitwixxu ostakoli għar-ristrutturar ta' suċċess ta' kumpaniji insolventi; billi dawn id-differenzi jinkoraġġixxu t-tfittxija għall-aktar ġurisdizzjoni vantaġġjuża (forum-shopping); billi l-ħolqien ta' kundizzjonijiet ugwali jkun ta' benefiċċju għas-suq intern; |
B. |
billi għandhom jittieħdu miżuri għall-prevenzjoni tal-abbuż u ta' kwalunkwe tixrid tal-fenomenu tal-forum-shopping, u billi għandhom jiġu evitati proċedimenti ewlenin konkorrenti, |
C. |
billi anki jekk il-ħolqien ta' leġiżlazzjoni sostantiva dwar l-insolvenza fil-livell tal-UE mhuwiex possibbli, l-armonizazzjoni ta' ċerti oqsma tal-liġi dwar l-insolvenza hija vallapena u tista' tinkiseb; |
D. |
billi teżisti konverġenza progressiva fil-liġijiet nazzjonali dwar l-insolvenza tal-Istati Membri; |
E. |
billi r-Regolament dwar proċedimenti ta' falliment ġie adottat fl-2000 u issa ilu aktar minn disa' snin fis-seħħ; billi l-Kummissjoni għandha tippreżenta rapport dwar l-applikazzjoni tiegħu mhux aktar tard mill-1 ta' Ġunju 2012; |
F. |
billi r-Regolament dwar proċedimenti ta' falliment huwa r-riżultat ta' proċess ta' negozjati twil ħafna, u dan wassal għall-fatt li tħallew barra ħafna kwistjonijiet sensittivi u li l-approċċ fuq numru ta' kwistjonijiet kien diġà bla rilevanza fiż-żmien tal-adozzjoni tiegħu; |
G. |
billi, mid-dħul fis-seħħ tar-Regolament dwar proċedimenti ta' falliment, seħħew ħafna bidliet: 12-il Stat saru Membri tal-Unjoni, u l-fenomenu tal-gruppi ta' kumpaniji żdied b'mod kunsiderevoli; |
H. |
billi l-insolvenza tħalli impatt negattiv mhux biss fuq l-impriżi kkonċernati iżda wkoll fuq l-ekonomiji tal-Istati Membri, u billi l-objettiv għaldaqstant għandu jkun dak ta' salvagwardja tal-partijiet interessati ekonomiċi kollha, tal-kontribwenti u ta' min iħaddem kontra r-riperkussjonijiet tal-insolvenza; |
I. |
billi l-approċċ f'dak li jikkonċerna l-proċedimenti ta' insolvenza huwa kkonċentrat aktar fuq is-salvataġġ korporattiv bħala alternattiva għall-istralċ; |
J. |
billi l-liġi dwar l-insolvenza għandha tkun strument għas-salvataġġ ta' kumpaniji fil-livell tal-Unjoni; billi salvataġġ bħal dan, meta dan ikun possibbli, huwa fl-interess tad-debitur, tal-kredituri u tal-impjegati; |
K. |
billi l-proċedimenti ta' insolvenza ma għanhomx jintużaw b'abbuż minn kreditur biex jevita azzjoni konġunt għall-irkupru tad-dejn, u billi jeħtieġ għalhekk li jiġu introdotti salvagwardji proċedurali adegwati; |
L. |
billi għandu jiġi stabbiliti qafas ġuridiku li jkun aktar adatt għall-każijiet tal-kumpaniji li huma temporanjament insolventi; |
M. |
billi fil-Komunikazzjoni tagħha tat-3 ta' Marzu 2010 bit-titolu “Ewropa 2020: Strateġija għal tkabbir intelliġenti, sostenibbli u inklussiv” (COM (2010) 2020), il-Kummissjoni, fir-rigward tal-lakuni u d-diffikultajiet li qed jostakolaw il-ksib ta' suq uniku għas-seklu 21, iddikjarat kif ġej: “L-aċċess tal-impriżi ta' daqs żgħir u medju għandu jittejjeb. L-intraprenditorija għandha tiġi żviluppata permezz ta' inizjattivi ta' politika konkreti, fosthom simplifikazzjoni tal-liġi tal-kumpaniji (il-proċeduri ta' falliment, l-istatut ta' kumpaniji privata, eċċ.), u inizjattivi li jippermettu lill-imprendituri biex jerġgħu jibdew wara l-falliment ta' negozju”; |
N. |
billi l-liġi dwar l-insolvenza għandha tistabbilixxi wkoll regoli għall-istralċ ta' kumpanija bl-anqas mod dannuż u bl-aktar mod favorevoli għall-parteċipanti kollha ladarba jkun jidher ċar li s-salvataġġ korporattiv x'aktarx mhux se jirnexxi jew ma rnexxiex; |
O. |
billi f'kull każ speċifiku, ir-raġunijiet għall-insolvenza ta' impriża jridu jiġu eżaminati, jiġifieri għandu jiġi aċċertat jekk id-diffikultajiet finanzjarji tal-impiżi humiex biss tranżitorji jew jekk l-impriża hijiex kompletament insolventi; billi prinċipalment dan jirrigwarda l-istabbiliment tal-assi kollha ta' debitur u l-obbligazzjonijiet tiegħu, sabiex tiġi valutata l-kapaċità tiegħu ta' solvenza jew ta' insolvenza; |
P. |
billi l-gruppi ta' kumpaniji huma fenomenu komuni iżda l-insolvenza tagħhom għadha ma ġietx indirizzata fil-livell tal-Unjoni; billi l-insolvenza ta' grupp ta' kumpaniji x'aktarx tirriżulta fil-ftuħ ta' diversi proċedimenti ta' insolvenza separati f'ġurisdizzjonijiet differenti fir-rigward ta' kull membru tal-grupp insolventi; billi sakemm dawn il-proċedimenti ma jistgħux jiġu kkoordinati, huwa improbabbli li l-grupp jista' jiġi ristrutturat fit-totalità tiegħu u jista' jkun li jkollu jinqasam f'diversi partijiet, u dan jinvolvi telf għall-kredituri, l-azzjonisti u l-impjegati, |
Q. |
billi f'każ tal-insolvenza ta' gruppi ta' impriżi, huwa diffiċli li ssir riabilitazzjoni minħabba r-regolamenti differenti tal-Istati Membri fl-UE u b'hekk qegħdin ikunu pperikolati eluf ta' postijiet tax-xogħol, |
R. |
billi l-interkonnessjoni tar-reġistri nazzjonali tal-insolvenza li twassal għall-ħolqien ta' bażi tad-data tal-UE aċċessibbli u komprensiva tal-proċedimenti ta' insolvenza tkun tippermetti lill-kredituri, lill-azzjonisti, lill-impjegati u lill-qrati jiddeterminaw jekk infetħux proċedimenti ta' insolvenza fi Stat Membru ieħor u jaċċertaw id-dati ta' skadenza u d-dettalji għat-tressiq tal-pretensjonijiet; billi dan jippromwovi l-amministrazzjoni kosteffikaċi u jżid it-trasparenza filwaqt li jirrispetta l-protezzjoni tad-data; |
S. |
billi l-pjanijiet ta' likwidazzjoni (“living wills”) transfruntieri għandhom ikunu eżegwibbli ġuridikament fil-każ ta' istituzzjonijiet finanzjarji u li għandhom jiġu kkunsidrati għall-kumpaniji kollha sistemikament rilevanti, anke jekk mhumiex istituzzjonijiet finanzjarji, bħala pass importanti fil-proċess biex jintlaħaq qafas transfruntier xieraq tal-insolvenza; |
T. |
billi d-dispożizzjonijiet għall-proċedimenti ta' insolvenza jridu jippermettu arranġamenti speċjali għas-separazzjoni ta' unitajiet vijabbli li jipprovdu servizzi essenzjali, bħal sistemi ta' ħlas u mekkaniżmi oħra definiti fil-pjanijiet ta' likwidazzjoni u, billi, f'dan ir-rigward, l-Istati Membri għandhom ukoll jiżguraw li d-dritt tagħhom dwar il-fallimenti jinkludu dispożizzjonijiet adegwati li jippermettu arranġamenti speċjali fil-livell tal-UE għas-separazzjoni tal-konglomerati transfruntieri insolventi f'unitajiet vijabbli; |
U. |
billi l-proċedimenti ta' insolvenza għandhom iqisu t-trasferimenti fi ħdan il-grupp, bil-għan li jiġi żgurat li, meta jkun xieraq, l-attiv ikun rekuperabbli f'livell transfruntier, sabiex jinkiseb riżultat ekwu; |
V. |
billi xi kumpaniji ta' investiment, b'mod partikolari l-kumpaniji tal-assigurazzjoni, ma jistgħux jiġu xolti b'mod improvviżat u jeħtieġu riżultat li jikseb distribuzzjoni ekwa tal-attiv maż-żmien; billi t-trasferimenti kummerċjali, "run-off" kif ukoll it-tkomplija tal-operazzjonijiet ma għandhomx jiġu mxekkla u jistgħu jitolbu trattament prijoritarju; |
W. |
billi d-deċiżjoni li jiġu inklużi gruppi sħaħ minflok entitajiet ġuridiċi individwali fi proċedimenti ta' insolvenza, għandha tkun orjentata lejn ir-riżultati u għandhom jiġu kkunsidrati konsegwenzi possibbli, bħar-rikors awtomatiku għal strumenti ta' likwidazzjoni differenti jew l-impatt fuq skemi ta' garanzija li jkopru diversi marki fi ħdan grupp wieħed; |
X. |
billi jkun xieraq li d-definizzjoni ta' proċeduri ta' "bail-in" armonizzati u l-istandards għall-konglomerati transfruntieri tiġi eżaminata, inkluż b'mod partikolari l-kapitalizzazzjoni tad-dejn (debt-to-equity swaps); |
Y. |
billi għalkemm il-liġi tal-impjiegi taqa' taħt ir-responsabbiltà tal-Istati Membri, il-liġi dwar l-insolvenza jista' jkollha impatt fuq il-liġi tal-impjiegi, u billi fil-kuntest tal-globalizzazzjoni li qiegħda tinfirex, u anke tal-kriżi ekonomika, il-kwistjoni ta' nuqqasijiet fil-qasam tal-insolvenza għandhom jitqiesu mill-perspettiva ġuridika dwar l-impjiegi, peress li definizzjonijiet differenti ta' "impjieg" u "impjegat" fl-Istati Membri ma għandhomx jikkompromettu d-drittijiet tal-impjegati fil-każ ta' insolvenza; billi, madankollu, kwalunkwe dibattitu dwar il-kwistjoni speċifika tal-insolvenza ma għandux awtomatikament jintuża bħala pretest għar-regolamentazzjoni tal-liġi tal-impjiegi fil-livell tal-UE; |
Z. |
billi l-objettiv tad-Direttiva 2008/94/KE tal-Parlament Ewropew u tal-Kunsill tat-22 ta' Ottubru 2008 dwar il-protezzjoni tal-impjegati fil-każ tal-insolvenza ta' min iħaddimhom (5) huwa li jiġi żgurat livell minimu ta' protezzjoni għall-impjegati f'każ ta' insolvenza, filwaqt li tinżamm flessibbiltà adegwata għall-Istati Membri; billi d-differenzi bejn l-Istati Membri fir-rigward tal-implimentazzjoni jeżistu u dawn id-differenti għandhom jiġi kkunsidrati; |
AA. |
billi d-Direttiva 2008/94/KE tinkludi espliċitament fl-ambitu tagħha l-impjegati part-time, l-impjegati b'kuntratt għal perjodu fiss u l-impjegati b'relazzjoni ta' impjieg temporanja; billi għandha wkoll tingħata aktar protezzjoni fil-każ ta' insolvenza lill-impjegati li qegħdin fuq kuntratti mhux standard; |
AB. |
billi n-nuqqas attwali ta' armonizzazzjoni fir-rigward tal-klassifikazzjoni tal-kredituri jnaqqas il-previdibbiltà tal-eżiti tal-proċedimenti ġudizzjarji; billi jeħtieġ li tiżdied il-prijorità tal-pretensjonijiet tal-impjegati meta mqabbla mal-pretensjoni ta' kredituri oħrajn; |
AC. |
billi l-kamp ta' applikazzjoni tad-Direttiva 2008/94/KE, b'mod partikolari t-tifsira ta' “pretensjonijiet pendenti”, hija wiesgħa wisq, peress li għadd ta' Stati Membri japplikaw definizzjoni dejqa ta' remunerazzjoni (eż. bl-esklużjoni ta' ħlas dovut għal sensja, bonus, arranġamenti ta' rimborż, eċċ.) u dan jista' jirriżulta f'għadd kunsiderevoli ta' pretensjonijiet mhux sodisfatti; |
AD. |
billi l-Istati Membri huma kompetenti li jiddefinixxu "remunerazzjoni" u "paga", sakemm huma konformi mal-prinċipji ġenerali ta' ugwaljanza u nondiskriminazzjoni bejn ħaddiema, bir-riżultat li kwalunkwe sitwazzjoni ta' insolvenza li tippreġudika potenzjalment lil dawn tal-aħħar għandha titqies għall-iskop li jingħatalhom kumpens b'konformità mal-objettiv soċjali tad-Direttiva 2008/94/KE u l-livelli minimi ta' kumpens li għad iridu jiġu stabbiliti; |
AE. |
billi, minħabba l-kuntratti ta' impjieg fl-UE kollha u d-diversità ta' tali kuntratti fost l-Istati Membri, attwalment mhuwiex possibbli tinstab definizzjoni ta' “impjegat” fuq livell Ewropea; |
AF. |
billi, kemm jista' jkun, għandhom ikunu evitati eżenzjonijiet mill-ambitu ta' applikazzjoni tad-Direttiva 2008/94/KE; |
AG. |
billi l-azzjoni leġiżlattiva rikjesta f'din ir-riżoluzzjoni għandha tkun imsejsa fuq valutazzjonijiet dettaljati tal-impatt, kif rikjest mill-Parlament; |
1. |
Jitlob lill-Kummissjoni tippreżenta, fuq il-bażi tal-Artikolu 50, l-Artikolu 81(2) jew l-Artikolu 114 tat-Trattat dwar il-Funzjonament tal-Unjoni Ewropea, proposta jew aktar dwar qafas tal-UE tal-insolvenza korporattiva, skont ir-rakkomandazzjonijiet dettaljati stabbiliti fl-Anness, sabiex tiġi żgurata parità tal-kundizzjonijiet ugwali, ibbażata fuq analiżi fil-fond tal-alternattivi vijabbli kollha; |
2. |
Jikkonferma li r-rakkomandazzjonijiet jirrispettaw id-drittijiet fundamentali u l-prinċipju tas-sussidjarjetà; |
3. |
Iqis li l-implikazzjonijiet finanzjarji tal-proposta mitluba għandhom ikunu koperti bl-allokazzjonijiet baġitarji xierqa; |
4. |
Jagħti istruzzjonijiet lill-President tiegħu biex jgħaddi din ir-riżoluzzjoni u r-rakkomandazzjonijiet dettaljati annessi magħha lill-Kummissjoni u lill-Kunsill. |
(1) ĠU L 160, 30.6.2000, p. 1.
(2) Kawża C-341/04 Eurofood IFSC Ltd [2006] Ġabra I-3813.
(3) Kawża C-97/08 P Akzo Nobel et. vs il-Kummissjoni [2009] Ġabra I-8237.
(4) Kawża C-444/07 MG Probud Gdynia sp. z o.o. [2010] Ġabra I-417.
(5) ĠU L 283, 28.10.2008, p. 36.
It-Tlieta 15 ta’ Novembru 2011
ANNESS GĦAL RIŻOLUZZJONI
RAKKOMANDAZZJONIJIET DETTALJATI DWAR IL-KONTENUT TAL-PROPOSTA MITLUBA
Parti 1: Rakkomandazzjonijet dwar l-armonizzazzjoni ta' aspetti speċifiċi tad-dritt tal-insolvenza tal-kumpaniji
1.1. Rakkomandazzjoni dwar l-armonizzazzjoni tal-aspetti speċifiċi tal-ftuħ tal-proċedimenti ta' insolvenza
Il-Parlament Ewropew jipproponi l-armonizzazzjoni tal-kundizzjonijiet ta' ftuħ ta' proċedimenti ta' insolvenza. Il-Parlament Ewropew jikkunsidra li direttiva għandha tarmonizza aspetti tal-ftuħ tal-proċedimenti b'tali mod li:
— |
il-proċedimenti ta' insolvenza jistgħu jitressqu kontra d-debituri li huma persuni fiżiċi, ġuridiċi jew assoċjazzjonijiet; |
— |
il-proċedimenti ta' insolvenza għandhom jiġu introdotti kmieni biżżejjed, sabiex jiġi ffaċilitat is-salvataġġ tal-impriża li qed issib ruħha f'diffikultajiet; |
— |
il-proċedimenti ta' insolvenza jistgħu jinfetħu fir-rigward tal-assi tad-debituri msemmija hawn fuq, l-assi tal-entitajiet mingħajr personalità ġuridika (eż. grupp Ewropew ta' interess ekonomiku), il-beni ta' dixxendenti u l-assi ta' komunità ta' proprjetà; |
— |
kull impriża tista', f'każ ta' insolvenza temporanja, tapplika għall-ftuħ tal-proċedimenti ta' insolvenza għall-protezzjoni tagħha stess; |
— |
il-proċedimenti ta' insolvenza jistgħu jinfetħu wara x-xoljiment ta' entità ġuridika jew ta' entità mingħajr personalità ġuridika, sakemm id-distribuzzjoni tal-assi tkun għadha ma saritx jew sakemm ikun għad hemm assi disponibbli; |
— |
il-proċedimenti ta' insolvenza jistgħu jinfetħu minn qorti jew minn awtorità responsabbli oħra fuq talba bil-miktub mill-kreditur jew id-debitur; it-talba għall-ftuħ tal-proċedimenti tista' tiġi rtirata sakemm il-proċedimenti jkunu għadhom ma nfteħux jew it-talba ma tkunx inċaħdet mill-qorti; |
— |
kreditur jista' jitlob il-ftuħ ta' proċedimenti jekk huwa għandu interess legali fihom u juri b'mod kredibbli li huwa għandu pretensjoni; |
— |
jistgħu jinfetħu proċedimenti jekk id-debitur huwa insolventi, jiġifieri mhuwiex kapaċi li jissodisfa l-obbligi ta' ħlas; jekk issir talba mid-debitur, il-proċedimenti jistgħu jinfteħu wkoll jekk l-insolvenza tad-debitur hija imminenti, jiġifieri jekk id-debitur x'aktarx mhuwiex kapaċi li jissodisfa l-obbligi ta' ħlas; |
— |
għal dak li jikkonċerna d-dikjarazzjoni obbligatorja għall-falliment, il-proċedimenti jkollhom jinfetħu f'terminu ta' żmien ta' bejn xahar u xahrejn wara l-waqfien ta' ħlasijiet, sakemm il-qorti ma tkunx bdiet proċedimenti preliminari jew xi miżuri adegwati oħra biex jipproteġu l-assi, diment li jkunu disponibbli assi adegwati biex ikopru l-ispejjeż tal-proċedimenti ta' insolvenza; |
— |
l-Istati Membri għandhom jistabbilixxu regoli li jrendu d-debitur responsabbli fil-każ fejn ma ssirx dikjarazzjoni jew id-dikjarazzjoni ma tkunx korretta u jipprevedu wkoll sanzjonijiet effikaċi, proporzjonati u dissważivi. |
1.2. Rakkomandazzjoni dwar l-armonizzazzjoni tal-aspetti speċifiċi tat-tressiq tal-pretensjonijiet
Il-Parlament Ewropew jipproponi l-armonizzazzjoni tal-kundizzjonijiet li fihom għandhom jitressqu l-pretensjonijiet waqt il-proċedimenti ta' insolvenza. Il-Parlament Ewropew jikkunsidra li direttiva għandha tarmonizza aspetti tat-tressiq tal-pretensjonijiet b'tali mod li:
— |
id-data għad-determinazzjoni tal-pretensjonijiet pendenti hija d-data li fiha min iħaddem isir insolventi, jiġifieri d-data tad-deċiżjoni dwar l-applikazzjoni għall-ftuħ tal-proċedimenti ta' insolvenza jew id-data li fiha l-ftuħ tal-proċedimenti ġie rifjutat għar-raġunijiet ta' nuqqas ta' kopertura tal-ispejjeż; |
— |
il-kredituri jressqu l-pretensjoni tagħhom lil-likwidatur bil-miktub f'perjodu ta' żmien partikolari; |
— |
l-Istati Membri jkollhom jiffissaw il-perjodu ta' żmien imsemmi hawn fuq fi żmien xahar sa tliet xhur mid-data tal-pubblikazzjoni tad-deċiżjoni ta' falliment; |
— |
il-kreditur ikun meħtieġ jippreżenta d-dokumentazzjoni insostenn tal-pretensjoni tiegħu; |
— |
il-liikwidatur jistabbilixxi tabella tal-pretensjonijiet imressqa kollha u din it-tabella tintwera fil-qorti kompetenti fis-sens tal-punt (d) tal-Artikolu 2 tar-Regolament dwar proċedimenti ta' falliment; |
— |
tressiq tard, jiġifieri tressiq minn kreditur wara d-data ta' skadenza għat-tressiq tal-pretensjoni, jista' jiġi vverifikat iżda jista' jinvolvi spejjeż addizzjonali għall-kreditur inkwistjoni. |
1.3. Rakkomandazzjoni dwar l-armonizzazzjoni tal-aspetti ta' azzjonijiet ta' evitar
Il-Parlament Ewropew jipproponi l-armonizzazzjoni ta' aspetti ta' azzjonijiet ta' evitar b'tali mod li:
— |
il-liġijiet tal-Istati Membri jipprovdu għall-possibbiltà li jiġu kkontestati atti magħmula qabel il-ftuħ tal-proċedimenti li huma askapitu tal-kredituri; |
— |
atti li jistgħu jkunu s-suġġett ta' azzjoni ta' evitar huma tranżazzjonijiet f'sitwazzjoni ta' insolvenza imminenti, il-ħolqien ta' drittijiet ta' sigurtà, tranżazzjonijiet ma' partijiet konnessi u tranżazzjonijiet imwettqa bl-intenzjoni li l-kredituri jiġu ffrodati; |
— |
il-perjodi li matulhom att jista' jiġi kkontestat minn azzjoni ta' evitar ivarjaw skont in-natura tal-att inkwistjoni; il-perjodi jibdew mid-data tat-talba għall-ftuħ tal-proċedimenti; il-perjodi jistgħu jkunu ta' tliet xhur sa disa' xhur għat-tranżazzjonijiet f'sitwazzjoni ta' insolvenza imminenti, ta' sitt xhur sa tnax-il xahar għall-ħolqien ta' drittijiet ta' sigurtà, ta' sena sa sentejn għat-tranżazzjonijiet ma' partijiet konnessi, u ta' tliet snin sa ħames snin għat-tranżazzjonijiet imwettqa bl-intenzjoni li l-kredituri jiġu ffrodati; |
— |
l-oneru tal-prova biex jiġi kkonstatat jekk att jistax jiġi kkontestat jaqa' fil-prinċipju fuq il-parti li qed titlob il-kontestazzjoni tal-att; għat-tranżazzjonijiet ma' partijiet konnessi, l-oneru tal-prova jaqa' fuq il-persuna konnessa. |
1.4. Rakkomandazzjoni dwar l-armonizzazzjoni tal-aspetti ġenerali tal-eżiġenzi fir-rigward tal-kwalifiki u tax-xogħol tal-likwidatur
— |
il-likwiditur irid ikun approvat minn awtorità kompetenti ta' Stat Membru jew maħtur minn qorti ta' ġurisdizzjoni kompetenti ta' Stat Membru, irid igawdi minn reputazzjoni tajba u jkollu livell ta' edukazzjoni meħtieġ għal-qadi tal-funzjonijiet tiegħu; |
— |
il-likwiditur għandu jkun kompetenti u kkwalifikat sabiex jevalwa s-sitwazzjoni tal-entità tad-debitur u jieħu f'idu x-xogħol ta' ġestjoni tal-kumpanija; |
— |
meta jinfetħu l-proċedimenti prinċipali ta' insolvenza, il-likwiditur għandu, fi żmien sitt xhur, ikollu s-setgħa li jiddeċiedi dwar il-protezzjoni tal-assi b'effett retroattiv, f'każ li l-kumpaniji tkun ittrasferew il-kapital tagħhom; |
— |
il-likwidatur irid ikollu s-setgħa li, permezz ta' miżuri adegwati u prijoritarji, jirkupra l-ammonti ta' djun dovuti lill-impriżi qabel is-saldu mal-kredituri u bħala alternattiva għat-trasferimenti tal-pretensjonijiet; |
— |
il-likwidatur għandu jkun indipendenti mill-kredituri u partijiet interessati oħra fil-proċedimenti ta' insolvenza; |
— |
fil-każ ta' kunflitt ta' interessi, il-likwidatur għandu jirriżenja mill-kariga tiegħu; |
1.5. Rakkomandazzjoni dwar l-armonizzazzjoni tal-aspetti ta' pjanijiet ta' ristrutturar
Il-Parlament Ewropew jipproponi l-armonizzazzjoni tal-aspetti tal-istabbiliment, l-effetti u l-kontenut ta' pjanijiet ta' ristrutturar b'tali mod li:
— |
minflok josservaw ir-regoli statutorji, id-debituri jew il-likwidaturi jistgħu jippreżentaw pjan ta' ristrutturar; |
— |
il-pjan għandu jinkludi regoli li jirrigwardaw il-ħlas tal-kredituri u r-responsabbiltà tad-debitur wara li l-konklużjoni tal-proċedimenti ta' insolvenza; |
— |
il-pjan għandu jkun fih l-informazzjoni rilevanti kollha li tippermetti l-kredituri jiddeċiedu jekk dawn jistgħux jaċċettaw il-pjan; |
— |
il-pjan għandu jkun approvat jew irrifjutat skont proċedura speċifika quddiem il-qorti rilevanti; |
— |
kredituri privileġġjati li jibbenefikaw minn ħlas integrali jew il-partijiet li mhumiex affettwati minn dan il-pjan, ma għandux ikollhom dritt ta' vot dwar dan il-pjan jew għallanqas ma għandhomx ikollhom id-dritt li jużaw veto għalih; |
Parti 2: Rakkomandazzjonijiet fir-rigward tar-reviżjoni tar-Regolament tal-Kunsill (KE) Nru 1346/2000 tad-29 ta' Mejju 2000 dwar proċedimenti ta' falliment
2.1. Rakkomandazzjoni dwar il-kamp ta' applikazzjoni tar-Regolament dwar proċedimenti ta' falliment
Il-Parlament Ewropew jikkunsidra li l-kamp ta' applikazzjoni tar-Regolament dwar proċedimenti ta' falliment għandu jitwessa' sabiex tinkludi l-proċedimenti ta' insolvenza li matulhom id-debitur jibqa' fil-pussess jew jiġi maħtur likwidatur preliminari. L-Anness A tar-Regolament dwar proċedimenti ta' falliment għandu jiġi rivedut f'dan is-sens.
2.2. Rakkomandazzjoni dwar id-definizzjoni taċ-'ċentru tal-interessi prinċipali'
Il-Parlament Ewropew jikkunsidra li r-Regolament dwar proċedimenti ta' falliment għandu jinkludi definizzjoni tat-terminu ‧ċentru tal-interessi prinċipali‧ formulat b'tali mod li jipprevjeni "forum-shopping" frawdolenti. Il-Parlament Ewropew jissuġġerixxi li għandha tiġi inkluża definizzjoni formali, ibbażata fuq it-test tal-premessa 13, li tikkunsidra r-rikonoxxibbiltà objettiva minn terzi.
Il-Parlament Ewropew iqis li d-definizzjoni għandha tikkunsidra fatturi bħall-post, rikonoxxibbli minn barra, li fih isiru l-attivitajiet ewlenin tal-impriża, il-post fejn jinsabu l-beni, iċ-ċentru tal-attivitajiet operattivi u produttiri, il-post tax-xogħol tal-impjegati, eċċ.
2.3. Rakkomandazzjoni dwar id-definizzjoni ta' "stabbiliment" fil-kuntest ta' proċedimenti sekondarji
Il-Parlament Ewropew jikkunsidra li r-Regolament dwar proċedimenti ta' falliment għandu jinkludi definizzjoni tat-terminu "stabbilment" kif ġej: kwalunkwe post ta' operazzjonijiet fejn id-debitur iwettaq l-attività ekonomika tiegħu mhux tranżitorja b'mezzi umani u oġġetti u servizzi.
2.4. Rakkomandazzjoni dwar il-kooperazzjoni bejn il-qrati
Il-Parlament Ewropew jikkunsidra li l-Artikolu 32 tar-Regolament dwar proċedimenti ta' falliment għandu jipprevedi dmir ċar ta' komunikazzjoni u kooperazzjoni mhux biss bejn il-likwidituri, iżda wkoll bejn il-qrati.
F'każ ta' ftuħ ta' proċedimenti prinċipali jew sekondarji ta' insolvenza, it-termini għal dawn il-proċeduri għandhom jiġu armonizzati u mqassra.
2.5. Rakkomandazzjonijiet dwar ċerti aspetti tal-azzjonijiet revokatorji
Il-Parlament Ewropew iqis li l-Artikolu 13 tar-Regolament dwar il-proċedimenti ta' falliment għandu jiġi rivedut, sabiex dan ma jinċentivax azzjonijiet revokatorji transtruntieri, iżda jikkontribwixxi biex jipprevjeni l-eżitu pożittiv ta' dawn tal-aħħar permezz ta' klawżoli dwar il-liġi applikabbli.
F'kull każ, fir-reviżjoni tar-regoli li jirregolaw l-azzjonijiet revokatorji, għandu jiġi kkunsidrat li l-impriżi sussidjarji "b'saħħithom" ta' holding insolventi ma għandhomx jiġu mġiegħla f'insolvenza permezz ta' azzjonijiet revokatorji, minflok ma dawn jinbiegħu bħala impriżi operattivi, fl-interess tal-kredituri.
Parti 3: Rakkomandazzjonijiet dwar l-insolvenza ta' gruppi ta' kumpaniji
Minħabba l-livelli differenti ta' integrazzjoni li jistgħu jeżistu fost grupp ta' kumpaniji, il-Parlament Ewropew jikkunsidra li l-Kummissjoni għandha tippreżenta proposta flessibbli għar-regolamentazzjoni tal-insolvenza ta' gruppi ta' kumpaniji, fid-dawl tal-punti li ġejjin:
1. |
Kull meta l-istruttura funzjonali jew l-istruttura tas-sjieda tippermettih, l-approċċ li ġej għandu japplika:
|
2. |
Għall-proċedimenti ta' insolvenza fir-rigward ta' gruppi deċentralizzati, l-istrument għandu jipprevedi dan li ġej:
|
Parti 4: Rakkomandazzjoni dwar il-ħolqien ta' reġistru tal-UE tal-insolvenzi
Il-Parlament Ewropew jipproponi l-ħolqien ta' reġistru tal-UE tal-insolvenzi fil-kuntest tal-Portal Ewropew tal-Ġustizzja Elettronika, li għandu jinkludi, għal kull insolvenza transkonfinali, tal-anqas:
— |
id-digrieti u s-sentenzi ġudizzjarji rilevanti, |
— |
il-ħatra tal-likwidatur u d-dettalji ta' kuntatt tiegħu, |
— |
id-dati ta' skadenza għat-tressiq tal-pretensjonijiet. |
It-trażmissjoni ta' din id-data lir-reġistru tal-UE mill-qrati għandha tkun obbligatorja.
L-informazzjoni għandha tkun disponibbli fil-lingwa uffiċjali tal-Istat Membru li fih infetħu l-proċedimenti kif ukoll bl-Ingliż.