52011DC0705

KOMUNIKAZZJONI MILL-KUMMISSJONI LILL-KUNSILL

Segwitu għad-Deċiżjoni tal-Kunsill 2011/xxx/UE tat-12 ta' Lulju 2011 indirizzata lill-Greċja bil-għan li ssaħħaħ u tapprofondixxi s-sorveljanza tal-finanzi pubbliċi u li tavża lill-Greċja biex tieħu miżuri għat-tnaqqis tad-defiċit, liema miżuri huma meqjusa neċessarji sabiex tiġi rimedjata s-sitwazzjoni ta’ defiċit eċċessiv (Ottubru 2011)

DAħLA

Din il-Komunikazzjoni trimestrali tivvaluta l-miżuri implimentati u ppjanati mill-Greċja sabiex tikkonforma mad-Deċiżjoni tal-Kunsill tat-12 ta' Lulju 2011. L-azzjoni meħuda sal-aħħar tal-Ġunju tal-2011 kienet ivvalutata fil-Komunikazzjoni bid-data tal-1 ta' Lulju 2011[1]. Flimkien mar-Rapport tal-Konformita tal-persunal tal-Kummissjoni, li tħejja f'kollegament mal-BĊE[2], il-Komunikazzjoni tikkontribwixxu wkoll għall-valutazzjoni tal-konformità mal-MPEF u l-Memorandum ta' Ftehim[3], fil-kuntest tal-ftehim dwar il-faċilità ta' self bejn il-Greċja u l-Istati Membri l-oħra taż-żona tal-ewro. Din il-valutazzjoni hija bbażata fuq il-missjoni li saret mill-persunal tal-Kummissjoni Ewropea flimkien mal-persunal tal-FMI u tal-BĊE fil-kuntest tal-programm ta' aġġustament ekonomiku u r-rapport trimestrali trażmess mill-Ministeru Grieg għall-Finanzi fid-19 ta' Awwissu 2011.

ID-DEċIżJONI TAL-KUNSILL TAT-12 TA' LULJU

Fit-12 ta' Lulju 2011, il-Kunsill adotta Deċiżjoni[4], skont l-Artikoli 126(9) u 136 tat-TFUE, indirizzata lill-Greċja bil-għan li ssaħħaħ u tapprofondixxi s-sorveljanza tal-finanzi pubbliċi u li tavża lill-Greċja biex tieħu miżuri għat-tnaqqis tad-defiċit, liema miżuri huma meqjusa neċessarji sabiex tiġi rimedjata s-sitwazzjoni ta’ defiċit eċċessiv sal-2014. Din id-Deċiżjoni riformulat id-Deċiżjoni ta' Mejju 2010, li kienet ġiet emendata kemm-il darba.

Id-Deċiżjoni titlob lill-Greċja tadotta għadd ta' miżuri speċifiċi bil-għan li żżomm id-defiċit tal-amministrazzjoni pubblika taħt il-limiti massimi li ġejjin:

- EUR 17 065 miljun (7,8 fil-mija tal-PDG, abbażi tal-aħħar previżjonijiet) fl-2011;

- EUR 14 916-il miljun (7,0 fil-mija tal-PDG) fl-2012;

- EUR 11 399 miljun (5,3 fil-mija tal-PDG) fl-2013 u

- EUR 6 385 miljun (2,9 fil-mija tal-PDG) fl-2014[5].,[6]

Id-Deċiżjoni tikkjarifika li d-dħul mill-privatizzazzjoni ma għandux jitqies fl-isforz biex jiġu rispettati l-limiti. Dawn il-limiti massimi għad-defiċit tal-amministrazzjoni pubblika nżammu bla ma nbidlu fid-deċiżjoni riformulata.

ESEKUZZJONI TAL-BAġIT SA SETTEMBRU 2011

Fil-kuntest tal-programm ta' aġġustament ekonomiku, il-Greċja impenjat ruħha li tissodisfa l-kriterji ta' prestazzjoni trimestrali fuq il-bilanċ tal-flus tal-amministrazzjoni pubblika u fuq in-nefqa primarja tal-istat kif ukoll il-kriterju indikattiv fuq l-akkumulazzjoni tal-arretrati lill-fornituri[7].

Il-kriterji ta' prestazzjoni għat-tmiem Lulju kienu ssodisfati. In-nefqa primarja tal-istat kienet ta' EUR 33,5 biljun imqabbla mal-kriterju ta' EUR 34,7 biljun. Il-bilanċ tal-flus tal-amministrazzjoni pubblika kien ta' -4,9 biljun imqabbel mal-kriterju ta' EUR -5,1 biljun. Il-kriterju indikattiv fuq l-akkumulazzjoni tal-arretrati ma ġiex issodisfat, minħabba li l-arretrati akkumulati sat-tmiem Lulju 2011 kienu jammontaw għal EUR 6,5 biljun.

S'issa għad m'hemmx dejta kompluta għall-perjodu sa Settembru. Madankollu, l-informazzjoni disponibbli tissuġġerixxi li l-mira għall-bilanċ tal-flus primarju għall-amministrazzjoni pubblika ma ntlaħqitx b'marġni żgħira. Il-kriterju huwa ta' EUR -5,0 biljun. Il-mira indikattiva għan-nuqqas ta' akkumulazzjoni tal-arretrati domestiċi x'aktarx ġiet issuperata għaliex hemm indikazzjonijiet li l-arretrati dovuti min-naħa tal-istat u tal-isptarijiet pubbliċi baqgħu jiżdiedu. Il-kriterju dwar in-nefqa primarja tal-istat (EUR 44,5 biljun) intlaħaq.

It-tabelli 1A u 1B fihom informazzjoni dettaljata dwar l-implimentazzjoni tal-baġit minn Jannar sa Lulju 2011, kif ukoll xi dejta dwar l-esekuzzjoni tal-baġit tal-istat għal Settembru 2011.

Tabella 1A: Implimentazzjoni tal-baġit (Jannar - Lulju 2011)

2010 | 2011 |

abbażi ta' pagamenti (miljuni ta' EUR) | Jannar - Lulju | Bidla f’% Jannar - Lulju |

Dħul totali | 29 947 | 28 020 | -6.4% |

Dħul qabel ir-rifużjonijiet | 31 356 | 29 940 | -4.5% |

Rifużjonijiet tat-taxxa | 2 688 | 3 113 | 15.8% |

Dħul kapitali | 1 276 | 1 173 | -8.1% |

Spejjeż tan-NATO | 3 | 20 |

Nefqa totali | 42 396 | 43 588 | 2.8% |

Nefqa primarja | 28 784 | 30 173 | 4.8% |

Dejn passat tal-isptarijiet | 190 | 434 |

Pagamenti militari u tan-NATO | 228 | 118 |

Garanziji msejħa għall-pagament (mhux tal-amministarzzjoni pubblika) | 80 | 25 | -68.8% |

Imgħax | 8 913 | 10 218 | 14.6% |

Nefqa kapitali | 4 201 | 2 620 | -37.6% |

Bilanċ tal-baġit tal-Istat | - 12 449 | -15 568 | 25.1% |

Bidla fl-arretrati | - | 84 |

Infiq primarju tal-Istat | 33 483 | 33 454 | -0.1% |

Bilanċ tal-gvernijiet lokali (*) | - | 622 | - |

Bilanċ tas-sigurtà soċjali (*) | - | -101 | - |

Oħrajn | - | -24 | - |

Bilanċ tal-amministrazzjoni pubblika (immodifikat) | - | -15 155 | - |

Bilanċ primarju tal-amministrazzjoni pubblika (immodifikat) (**) | - | -4 937 | - |

Sors: Uffiċċju Ġenerali tal-Kontabbiltà, il-Ministeru tal-Finanzi tal-Greċja u kalkoli proprji. (*) Abbażi tal-istatistika bankarja tal-Bank tal-Greċja. (**) B'esklużjoni tal-intrapriżi tal-Istat u l-biċċa l-kbira tal-fondi ekstrabaġitarji. |

Tabella 1B: Implimentazzjoni tal-baġit (Jannar – Settembru 2011)

2010 | 2011 |

abbażi ta' pagamenti (miljuni ta' EUR) | Jannar - Settembru | Bidla f’% Jannar -Sett |

Dħul totali | 37 855 | 36 856 | -2.6% |

Dħul qabel ir-rifużjonijiet | 39 758 | 38 898 | -2.2% |

Rifużjonijiet tat-taxxa | 3 259 | 3 942 | 21.0% |

Dħul kapitali | 1 348 | 1 877 | 39.2% |

Spejjeż tan-NATO | 8 | 23 |

Nefqa totali | 54 506 | 56 020 | 2.8% |

Nefqa primarja | 36 757 | 37 807 | 2.9% |

Dejn passat tal-isptarijiet | 300 | 434 |

Pagamenti militari u tan-NATO | 255 | 182 |

Garanziji msejħa għall-pagament (mhux tal-amministarzzjoni pubblika) | 104 | 32 | -69.2% |

Imgħax | 11 652 | 14 033 | 20.4% |

Nefqa kapitali | 5 438 | 3 532 | -35.0% |

Bilanċ tal-baġit tal-Istat | - 16 651 | - 19 164 | 15.1% |

Infiq primarju tal-Istat | 42 854 | 41 987 | -2.0% |

Sors: Uffiċċju Ġenerali tal-Kontabbiltà, il-Ministeru tal-Finanzi tal-Greċja u kalkoli proprji |

4. Prospetti għall-2011 kumplessivament u għall- 2012-2014

Fil-qafas tal-Istrateġija Fiskali fit-Terminu Medju (Medium-Term Fiscal Strategy - MTFS) adottata f'Ġunju, il-gvern ippjana miżuri addizzjonali għat-tnaqqis fid-defiċit ta' kważi 3 % tal-PDG fl-2011 minbarra l-miżuri ta' qrib it-3 % tal-PDG diġà mdaħħlin fil-baġit għall-2011. Il-miżuri addizzjonali saru neċessarji bir-riżultat tal-previżjonijiet li wrew li l-mira tad-defiċit tal-2011 setgħet ma tintlaħaqx b'marġni wiesa', l-aktar minħabba dħul sostanzjalment inqas minn dak li kien ippjanat iżda wkoll minħabba ċerti kategoriji ta' nfiq li ssuperaw il-limiti massimi baġitarji. Għalkemm f'Ġunju dawn il-miżuri kienu kkunsidrati bħal suffiċjenti biex jiggarantixxu li d-defiċit tal-2011 jibqa' allinjat skont il-mira, il-previżjonijiet tal-persunal tal-Kummissjoni, tal-FMI u tal-BĊE fil-kuntest tal-missjoni dwar il-ħames reviżjoni tal-programm ta' aġġustament ekonomiku żvelaw għal darb'oħra differenza kbira għad-defiċit tal-2011. Il-previżjonijiet urew ukoll differenzi kbar ħafna mill-2012 sal-2014.

Kienu bosta l-fatturi li kkawżaw din id-differenza ġdida. F'Ġunju l-ekonomija se tiċkien b'mod aktar serju milli kien previst. Għall-2011, l-istima attwali tas-servizzi tal-Kummissjoni hija li l-PDG reali ser jiċkien bi 5,5 fil-mija meta mqabbel mat-3,8 % tal-programm preċedenti. Għall-2012, l-ekonomija mistennija tiċkien aktar meta mqabbla mal-projezzjonijiet ta' qabel ta' tkabbir pożittiv moderat. Barra minn hekk, ċerti miżuri li kienu ġew miftiehma qabel fil-qafas tal-MTFS jew ma ġewx implimentati jew id-dewmien fl-implimentazzjoni tagħhom irriżulta fi tnaqqis fir-renditi mistennija għall-2011 u għall-2012.

It-Tabella 2 turi fil-qosor il-miżuri varji adottati jew imħabbra mill-Greċja biex il-pajjiż jikkonforma mal-limiti massimi tad-defiċit. It-Tabella 3 tikkwantifika n-nuqqasijiet fl-implimentazzjoni skont is-settur għall-2011 u għall-2012, wara l-monitoraġġ li sar matul il-missjoni.

[pic]

Tabella 3. Il-monitoraġġ tal-implimentazzjoni: Ir-rendiment effettiv tal-miżuri miftiehma f'Ġunju 2011

[pic]

(*) Il-proporzjonijiet għall-PDG f'din il-kolonna huma kkalkolati fuq il-bażi tal-aħħar ċifri tal-PDG.

Sors : Servizzi tal-Kummissjoni

Minħabba dawn id-diskrepanzi u issa li wasal tmiem is-sena mhix realistika li wieħed jistenna li tintlaħaq il-mira tal-finanzi pubbliċi għall-2011. Madankollu, il-gvern huwa impenjat li jadotta mizuri li għandhom iżommu d-defiċit għall-2011 fil-firxa ta' bejn 0,7 u 1,5 fil-mija tal-PDG 'l fuq mill-mira. Għall-2012, sabiex tintlaħaq il-mira d-diskrepanzi fil-finanzi pubbliċi se jiġu kkoreġuti.

B'mod aktar speċifiku, bil-għan li jkun minimizzat kwalunkwe defiċit li jista' jaqbeż il-limitu massimu tad-defiċit ta' EUR 17 065 miljun għall-2011, u li d-defiċit tal-2012 jonqos għal taħt il-EUR 14 916-il miljun, il-Gvern Grieg huma impenjat li qabel is-sitt żborż jadotta u jimplimenta l-miżuri li ġejjin:

- Tnaqqis fl-eżenzjonijiet tat-taxxa, b'mod partikolari l-limiti fuq l-introjtu personali mhux taxxabbli, bil-għan li d-dħul jiżdied b'tal-anqas EUR 2 831 miljun fl-2012;

- Imposta permanenti fuq il-proprjetà immobbli, li titħallas permezz tal-kontijiet tal-elettriku, bil-għan li jinġabru mill-anqas EUR 1 667 miljun fl-2011, u l-ammonti jiżdiedu fis-snin sussegwenti;

- Implimentazzjoni immedjata tal-grilja riveduta tal-pagi tal-ħaddiema tas-servizz ċivili, li għanda tikkontribwixxi għal tnaqqis fin-nefqa b'tal-anqas EUR 101 miljun fl-2011, u b'riport ta' mill-anqas EUR 552 miljun għall-2012, li jiżdiedu mal-iffrankar mill-MTFS (l-istrateġija fiskali fit-terminu medju ta' Ġunju 2011 sal-2015). Din ir-riforma għandha taffettwa l-impjegati tal-gvern kollha, għajr dawk li jkunu koperti minn sistemi speċjali ta' pagi (il-militar u l-pulizija, l-imħallfin u l-persunal politiku, il-persunal tal-univeristajiet u t-tobba). Dan l-iffrankar nett iqis l-impatt ta' din il-miżura fuq it-taxxa fuq id-dħul u fuq il-ġbir tas-sigurtà soċjali, kif ukoll il-bonusis li għandhom jitħallsu lil kategoriji speċifiċi ta' impjegati;

- Tnaqqis fil-pensjonjiet prinċipali u supplementari, kif ukoll fil-ħlasijiet ta' somma f'daqqa mal-irtirar mix-xogħol, bil-għan li jiġu ffrankati ta' mill-anqas EUR 219-il miljun fl-2011 b'riport ta' EUR 446 miljun fl-2012 li jiżdiedu mal-iffrankar previst fl-MTFS;

- Limitu fuq l-infiq mill-Fond Ekoloġiku, li huwa ffinanzjat minn multi fuq stabbilimenti mhux awtorizzati u s-saldu tal-ippjanar, bil-għan li fl-2012 jiġu ffrankati EUR360 miljun;

Barra minn hekk, il-Gvern se jadotta u jimplimenta wkoll il-miżuri li ġejjin u li kienu inklużi fl-MTFS:

- Id-deċiżjonijiet jew iċ-ċirkolarijiet ministerjali dwar il-miżuri għas-sisa fuq il-gass naturali, għaż-żejt tat-tisħin u għat-taxxa fuq il-vetturi kif stipulati fl-MTFS

- Deċiżjonijiet Ministerjali bil-għan li jirregolaw b'uniformità l-benefiċċji għas-saħħa mill-fondi kollha tas-sigurtà soċjali, u sabiex jiżdiedu l-kontributi obbligatorji u dawk supplementari għall-pensjonijiet għall-benefiċjarji tal-ETAA.

- Leġiżlazzjoni bil-għan li tinġabar l-hekk imsejħa 'taxxa tas-solidarjetà' permezz ta' tnaqqis fuq id-dħul;

- Deċiżjonijiet Ministerjali bil-għan li r-riżerva tal-ħaddiema ssir effettiva, u biex l-iskema tiġi estiża biex tinkludi l-ħaddiema kollha tal-amministrazzjoni pubblika, u l-ħruġ ta' ittri lill-impjegati biex dawn jiġu ttrasferiti fir-riżerva ta' ħaddiema.

- Jiġu addotati Deċiżjonijiet Ministerjali bil-għan li jagħtu bidu għall-għeluq, għall-fużjoni jew għat-tnaqqis sustanzjali fid-daqs tal-entitajiet. Dawn jaffettwaw lil KED, ETA, ODDY, l-Istitut Nazzjonali taż-Żgħażagħ, EOMEX, IGME, OSK, DEPANOM, THEMIS, ETHYAGE u ERT;

- Deċiżjoni Ministerjali li tiddefinixxi l-kriterji tad-diżabbiltà konsistenti mal-ksib tal-miri tal-iffrankar tal-MTFS.

- Adozzjoni ta' lista pożittiva ta' farmaċewtiċi li tistabbilixxi l-prezzijiet iddebitati għall-fondi tas-sigurtà soċjali.

6. PROGRESS BIR-RIFORMI STRUTTURALI

Qiegħed isir progress fil-qasam tar-riformi strutturali tal-finanzi pubbliċi, għalkemm f'xi każijiet dan kien aktar kajman milli ppjanat. Ir-riformi fil-qasam tal-amministrazzjoni tat-taxxa qegħdin iżidu l-momentum b'għadd ta' azzjonijiet fis-seħħ. L-azzjoni meħuda s'issa mill-gvern tikkonċerna l-aktar il-leġiżlazzjoni biex jitjiebu l-effiċjenza u l-kontrolli tal-amministrazzjoni tat-taxxa, l-istabbiliment ta' maniġment tal-proġetti effettiv u l-implimentazzjoni ta' strateġija kontra l-evażjoni ħalli tiġi rrestawrata d-dixxiplina fit-taxxi u titjieb il-konformità.

Ir-riformi fl-istituzzjonijiet baġitarji qed jipproċedu flimkien mar-riorganizzazzjoni tal-Uffiċċju Ġenerali tal-Kontabbiltà. Sar ukoll progress fl-iżgurar tal-forniment f'waqtu tad-dejta tal-finanzi pubbliċi, għalkemm il-kwalità u l-ambitu jeħtieġ li jitjiebu aktar. Jeħtieġ li titjieb ukoll l-amministrazzjoni tal-finanzi pubbliċi fuq in-naħa tan-nefqa tal-baġit, partikolarment fir-rigward tar-reġistru tal-impenji f'kull ministeru u fl-entitajiet l-oħra tal-istat. Għalkemm il-pubblikazzjoni tad-dejta dwar l-arretrati issa saret parti integrali tal-istatistika tal-finanzi pubbliċi fil-Greċja, għad hemm lok għal titjib fil-forniment f'waqtu tad-dejta.

7. Privatizzazzjoni

Ittieħdu passi importanti fl-implimentazzjoni tal-programm tal-privatizzazzjoni mal-ħolqien ta' fond għall-privatizzazzjoni ġestit b'mod professjonali. Madankollu, minħabba dewmien fil-preparazzjoni tal-assi għall-privatizzazzjoni, u sa ċertu punt minħabba l-kondizzjonijiet tas-suq li marru għall-agħar, id-dħul fl-2011 se jkun anqas milli mistenni. Il-gvern għadu impenjat li sa tmiem l-2014 jilħaq il-mira tad-dħul ta' EUR 35 biljun u ta' EUR 50 biljun sa tmiem l-2015.

L-aderenza mal-konsolidazzjoni tal-finanzi pubbliċi u l-pjanijiet tal-privatizzazzjoni se tikkontribwixxi biex il-proporzjon tad-dejn mal-PDG tal-gvern jinġieb fuq perkors sostenibbli. Għalkemm il-Greċja ser ikollha żżomm l-awsterità tal-finanzi pubbliċi u t-tnaqqis tal-proporzjon tad-dejn se jieħu ħafna snin, l-inflessjoni fil-propozjon tad-dejn mal-PDG għandha tikkontribwixxi biex titjieb il-fiduċja tas-suq fl-ekonomika Griega.

Tabella 4: Il-pjan għall-privatizzazzjoni: it-tranżazzjonijiet s'issa

Assi | Data tal-ftehim | Ishma mibjugħin | L-ishma li fadal u li huma l-proprjetà tal-Gvern Grieg | Miġbura (miljuni ta' EUR) | Għandhom jinġabru (miljuni ta' EUR) |

OTE | July 2011 | 10% | 4% | 392 | -- |

OPAP 1 (estensjoni tal-liċenzja 2020-30) | Ottubru 2011 | - | - | 0 | 375 (sa tmiem Novembru) + 5 fil-mija fuq id-dħul gross fuq il-logħob matul il-perjodu tal-estensjoni (valur preżenti stmat għal EUR 86 miljun). |

OPAP 2 (bejgħ ta' liċenzji ġodda għall-VLTs) | Ottubru 2011 | - | - | 0 | 474 (sa tmiem Novembru) + 86 (sa Q4-2013) |

Tabella 5: Irċevuti previsti mill-privatizzazzjoni

Sa tmiem: | Irċevuti mill-privatizzazzjoni |

(miljuni ta' EUR) |

2011 Q4 | 1 700 |

2012 Q1 | 5 000 |

Q2 | 7 000 |

Q3 | 9 000 |

Q4 | 11 000 |

2013 Q1 | 15 000 |

Q2 | 17 000 |

Q3 | 18 000 |

Q4 | 20 000 |

2014 | 35 000 |

2015 | 50 000 |

Nota: Il-privatizzazzjoni mill-ġdid tal-ishma tal-banek li l-istat jew l-HFSF jista' jakkwista fil-kuntest tal-kapitalizzazzjonijiet mill-ġdid mhumiex inklużi fl-irċevuti previsti mill-privatizzazzjoni. |

8. KONKLUżJONI

Il-limitu tad-defiċit tal-gvern (abbażi tal-ESA95) għall-2011 stabbilit mid-Deċiżjoni tal-Kunsill, x'aktarx li se jinqabeż.

Għall-2012, il-gvern elabora previżjoni tal-baġit li l-mira tagħha kienet iż-żamma tal-mira stabbilita fid-deċiżjoni tal-Kunsill u adotta miżuri li għandhom jiżguraw tnaqqis addizzjonali fid-defiċit fis-snin sussegwenti.

Kollox ma' kollox, minkejja d-diskrepanzi fil-finanzi pubbliċi fl-2011, il-Greċja qiegħda tieħu l-azzjonijiet meħtieġa biex timplimenta l-politiki neċessarji u tibqa' fid-direzzjoni t-tajba, bil-mira li d-defiċit eċċessiv jispiċċa sal-2014, kif meħtieġ mid-Deċiżjoni tal-Kunsill.

ANNESS I: MIŻURI MEĦTIEĠA MID-DEĊIŻJONI TAL-KUNSILL, LI JRIDU JIĠU ADOTTATI SAL-AĦĦAR TA' SETTEMBRU 2011.

Miżuri (kif meħtieġa bl-Artikolu 2(5) tad-Deċiżjoni tal-Kunsill) | Stat ta' progress |

“Il-Greċja għandha tadotta l-miżuri li ġejjin sal-aħħar ta’ Lulju 2011: |

(a) tippreżenta fil-parlament grilja tal-pagi tas-settur pubbliku li tkun unifikata u aktar effiċjenti li għandha tapplika għas-settur statali, l-awtoritajiet lokali u l-aġenziji l-oħra, b’remunerazzjonijiet li jirriflettu l-produttività u x-xogħlijiet u li tidħol f'fażijiet tul 3 snin; | Ossservata wara dewmien. L-abbozz dwar il-grilja tal-pagi unifikata tressaq quddiem il-Parlament fil-bidu ta' Ottubru. |

(b) pjan fit-terminu medju għall-persunal għall-perjodu sal-2015 f’konformità mar-regola ta’ reklutaġġ 1 għal kull 5 ħaddiema li jitilqu (1 għal kull 10 fl-2011). Il-pjan għandu jinkludi regoli aktar stretti għall-persunal temporanju, il-kanċellazzjoni ta’ karigi vakanti u r-riallokazzjoni ta’ persunal kwalifikat għal oqsma prijoritarji u jikkunsidra l-estensjoni tas-sigħat tax-xogħol għas-settur pubbliku; | Mhux osservata. Ir-regola tar-reklutaġġ 1 għal kull 5 ħaddiema li jitilqu (1 għal kull 10 fl-2011) hija l-politika uffiċjali tal-gvern u hija mnaqqxa fil-leġiżlazzjoni. Madankollu, il-pjanijiet tar-reklutaġġ li għandhom jikkontribwixxu għat-tħejjija tar-riallokazzjoni tal-persunal għadhom ma ġewx ippreparati. Minħabba l-għadd ta' ħaddiema li telqu mix-xogħol għall-2010 (53 336), ir-regola 1-għal-10 għandha tippermetti reklutaġġi ta' 5 333 matul is-sena 2011 kollha. Madankollu, fl-ewwel u fit-tieni trimestri tal-2011, in-numru ta' persuni rreklutati huwa stmat għal 10 862. |

(c) pjan ta’ azzjoni dettaljat bi programmazzjoni għall-ikkompletar u l-implimentazzjoni ta’ sistema simplifikata tar-remunerazzjoni, simili għall-pagi fis-settur privat, li jwassal għal tnaqqis fin-nefqa totali fuq il-pagi. Dan il-pjan għandu jissejjes fuq ir-riżultati tar-rapport ippublikat mill-Ministeru tal-Finanzi u l-Awtorità Unika ta’ Pagament. Il-leġiżlazzjoni għal sistema simplifikata ta’ rimunerazzjoni għandha tiddaħħal fuq tliet (3) snin. Il-pagi tal-impjegati tal-intrapriżi statali għandhom ikunu konformi mal-grilja ġdida tal-pagi għas-settur pubbliku. | Osservata parzjalment, b'xi dewmien. L-abbozz li jimplimenta s-sistema simplifikata tar-remunerazzjoni tressaq quddiem il-Parlament fil-bidu ta' Ottubru u mistenni li dalwaqt jiġi adottat. |

(d) rinfurzar tal-ispettorat tax-xogħol, li għandu jkollu biżżejjed impjegati kkwalifikati u jkollu miri kwantitattivi dwar in-numru ta’ kontrolli li għandhom jitwettqu; | Mhux osservata. Il-proġett pilota għal studju ekonomiku għad ma ġiex imħejji. |

(e) att li jirrevedi l-parametri ewlenin tas-sistema tal-pensjonijiet sabiex tiġi limitata ż-żieda fin-nefqa tas-settur pubbliku fuq il-pensjonijiet matul il-perijodu 2009-2060 għal inqas minn 2,5 % tal-PDG, jekk il-previżjonijiet fit-tul juru li ż-żieda prevista fin-nefqa pubblika tal-pensjonijiet tkun ser taqbeż dan l-ammont; L-Awtorità Attwarjali Nazzjonali (AAN) għandha tkompli bil-preżentazzjoni tal-previżjonijiet fit-tul tan-nefqa tal-pensjonijiet sal-2060 skont ir-riforma adottata. Il-previżjonijiet għandhom jinkludu l-iskemi (awżiljari) supplementarji ewlenin (ETEAM, TEADY, MTPY), abbażi ta’ dejta komprensiva miġbura u elaborata mill-AAN; | Tinsab għaddejja. L-AAN qed tipproduċi previżjonijiet għal terminu twil għall-pensjonijiet supplimentari ewlenin. L-istudji attwarjali għall-pensjonijiet supplimentari kollha u l-previżjonijiet tal-Pensjonijiet għall-fondi tal-penjonijiet ewlenin u supplimentari għandhom ikunu ppreżentati lill-AWG sal-25 ta' Ottubru 2011 u r-reviżoni bejn il-pari se ssir f'Novembru. |

(f) reviżjoni tal-lista ta’ professjonijiet intensivi u diffiċli sabiex il-kopertura tagħha titnaqqas għal mhux iktar minn 10 % tal-impjieg; il-lista l-ġdida ta’ impjiegi diffiċli u perikolużi għandha tapplika b’effett mill-1 ta’ Awwissu 2011 għall-impjegati attwali u futuri kollha; | Tinsab għaddejja b'xi dewmien. Kumitat analizza l-kriterji tal-pajjiżi l-oħra tal-UE għall-klassifikazzjoni tal-professjonijiet perikolużi u rreveda l-lista kurrenti fil-Greċja filwaqt li ppropona t-tneħħija ta' professjonijiet varji mil-lista. L-ewwel parti mil-lista l-ġdida għandha tiġi ppubblikata sa Ottubru 2011. L-awtoritajiet indikaw li l-lista ta' professjonijiet perikolużi għandha tikkorrispondi għal anqas minn 9 % tal-impjiegi. |

(g) leġiżlazzjoni li tistabbilixxi Awtorità Unika għall-Akkwist Pubbliku (AUAP) bil-mandat, l-objettivi, il-kompetenzi, is-setgħat u l-iskeda għad-dħul fis-seħħ, b'konformità mal-Pjan ta’ Azzjoni; | Osservata. Il-liġi 4013/2011 li tistabbilixxi l-Awtorità Ċentrali għall-Akkwist Pubbliku ġiet adottata fis-6 a' Settembru u ġiet ippubblikata fil-Ġurnal Uffiċjali tar-Repubblika Ellenika Nru 204 fil-15/9/2011. |

(h) miżuri addizzjonali għall-promozzjoni tal-użu ta’ mediċini ġeneriċi permezz ta': preskrizzjoni obbligatorja skont is-sutstanza attiva u fejn disponibbli ta' ġeneriċi li jqumu anqas flus; rabta ta’ rata iżgħar ta’ kondiviżjoni tal-kost mal-mediċini ġeneriċi li jkollhom prezz konsiderevolment orħos mill-prezz referenzjarju (anqas minn 60 fil-mija tal-prezz referenzjarju) abbażi tal-esperjenza ta’ Stati Membri oħra tal-UE; l-iffissar tal-prezz massimu tal-ġeneriċi għal 60 fil-mija tal-mediċina tad-ditta b'sustanza attiva simili; | Għadhom ma sarux għalkemm il-prezzijiet ġeneriċi issa jinsabu għal 63 % tal-mediċina tal-produttur tal-formulazzjoni oriġinali u politika ġdida tistabbilixxi l-prezz tal-mediċini tal-formulazzjoni oriġinali li mhumiex koperti bi privattiva għal 75 % tal-prezz bi privattiva. |

(i) pubblikazzjoni ta' inventarju tal-assi tal-istat, fosthom interessi f'intrapriżi elenkati u mhux elenkati u proprjetà immobbli u art kummerċjalment vijabbli; għandu jiġi stabbilit Segretarjat Ġenerali tal-Iżvilupp tal-Proprjetà immobbli bil-għan tat-titjib fil-ġestjoni tal-assi tal-proprjetà immobbli, billi jeħlishom mit-tixkil u jippreparahom għall-privatizzazzjoni; | Osservata parzjalment. Qed jiġi kkompilat inventarju tal-assi fil-pussess tal-istat. Is-segretarjat ġie stabbilit legalment (Il-liġi 3965/2011) iżda l-ebda termini ta' referenza ma ntbagħtu dwar ir-rwol operattiv ta' din l-entità ġdida. Ir-rwol tiegħu għad irid jiġi stabbilit fid-dettalji tiegħu. |

(j) l-istrateġija fiskali fit-terminu medju (minn hawn 'il quddiem imsejħa SFTM) sal-2015 kif deskritta fl-Anness I għal din id-deċiżjoni u fl-abbozzi ta’ implimentazzjoni rispettivi. L-SFTM għandha telabora dwar miżuri permanenti ta’ konsolidazzjoni tal-finanzi pubbliċi li jiżguraw li l-limitu massimu tad-defiċit għall-2011-15 kif stabilit mid-Deċiżjoni tal-Kunsill ma jinqabiżx u li l-proporzjon tad-dejn-PDG jitpoġġa f'perkors sostenibbli ta’ tnaqqis; | Osservata parzjalment. |

(k) privatizzazzjoni ta' assi b'valur ta' mill-inqas EUR 390 miljun; adozzjoni ta’ programm ta’ privatizzazzjoni bil-għan li jinġabru tal-anqas EUR 15-il biljun sa tmiem l-2012 EUR 22 biljun sa tmiem l-2013, EUR 35 biljun sa tmiem l-2014 u tal-anqas EUR 50 biljun sa tmiem l-2015; rikavat mill-bejgħ tal-assi (proprjetà immobbli, konċessjonijiet u assi finanzjarji) għandhom jintużaw biex jinfeda d-dejn u mhux se jnaqqas l-isforzi tal-konsolidazzjoni tal-finanzi pubbliċi għall-konformità tal-limiti massimi tad-defiċit fl-Artikolu 1(2); | Mhux osservata. Il-mira għall-ġbir tar-rikavat mill-privatizzazzjoni sa tmiem Lulju ntlaħqet bis-saħħa tal-bejgħ ta' 10 fil-mija tal-kapital azzjonarju tal-OTE, il-kumpanija tat-telekomunikazzjonijiet. Madankollu, il-kriterju tal-prestazzjoni għat-tmiem Settembru ma ntlaħqx, u l-previżjonijiet jissuġġerixxu li lanqas il-mira għat-tmiem Diċembru 2011 (EUR 5 biljun) mhu se tintlaħaq. |

(l) l-istabiliment ta’ fond ta’ privatizzazzjoni b'governanza tajba biex jiġi aċċellerat il-proċess ta’ privatizzazzjoni u ikunu ggarantiti l-irriversibbiltà u l-maniġment professjonali tiegħu; Il-Fond jikseb il-pussess legali tal-assi li ser jiġu privatizzati. Il-Fond ma jistax jippleġġja l-assi tiegħu b'tali mod li jfixkel l-għan tiegħu, jiġifieri l-privatizzazzjoni tal-assi; | Osservata. Il-Fond għall-Iżvilupp tal-Assi tar-Repubblika Ellenika (Hellenic Republic Asset Development Fund - HRADF) ilu jopera għal kważi xahrejn. |

(m) tressiq ta' leġiżlazzjoni għall-għeluq, għall-fużjoni jew għat-tnaqqis fid-daqs tal-entitajiet mhux vijabbli; | Osservata parzjalment. Il-Gvern effettivament adotta leġiżlazzjoni li se twassal għall-għeluq, għall-fużjoni jew għat-tnaqqis fid-daqs ta' dawn l-entitajiet. Madanakollu, l-iffrankar li huwa mistenni minn din ir-riforma huwa anqas mill-proġettat mill-MTFS. |

(n) miżuri li jsaħħu l-kontroll tan-nefqa: deċiżjoni li tispeċifika l-kwalifika u r-responsabilitajiet tal-uffiċjali tal-kontabbiltà li għandhom jinħatru fil-ministeri rilevanti kollha bir-responsabilità li jiżguraw kontrolli finanzjarji affidabbli; | Osservata. |

(o) kriterji u termini ġodda għall-konklużjoni ta’ kuntratti mill-fondi tas-sigurtà soċjali mal-fornituri tal-kura tas-saħħa kollha, bil-għan li tintlaħaq il-mira ta’ tnaqqis fl-infiq; jingħata bidu għax-xiri konġunt tas-servizzi u oġġetti mediċi biex jintlaħaq tnaqqis sostanzjali fin-nefqa ta’ mill-anqas 25 fil-mija meta mqabbel mal-2010 permezz ta’ ftehimiet ta’ prezz marbut mal-volum; | Tinsab għaddejja. |

(p) pubbblikazzjoni ta' linji gwida vinkolanti għat-tobba dwar il-preskrizzjonijiet abbażi ta' linji gwida internazzjonali biex ikun żgurat l-użu kosteffettiv tal-mediċini; pubblikazzjoni u aġġornament kontinwu tal-lista pożittiva tal-mediċini rimburżati; | Tinsab għaddejja b'xi dewmien. Ġie żviluppat għadd kbir ta' linji gwida għall-preskrizzjonijiet u issa jonqos l-approvazzjoni finali mill-Kunsill Nazzjonali tas-Saħħa. Madankollu, mhumiex vinkolanti u ma ġewx ippubblikati. Dan jista' jhedded l-effettività tagħhom. Wara xi dewmien u wara sensiela ta' ħafna konsultazzjonijiet u tibdiliet, il-kriterju għal-lista pożittiva tal-prezzijiet u s-sistema ta' prezz referenzjarju għar-rimborż ġie ppubblikat f'Settembru 2011. Mistennija li ssegwi l-implimentazzjoni tas-sistema tal-prezz referenzjarju u tal-lista pożittiva. |

(q) preparazzjoni ta' pjan għar-riorganizzazzjoni u r-ristrutturar tal-isptarijiet fuq terminu qasir u medju bil-għan tat-tnaqqis fl-ineffiċjenzi eżistenti, billi jintużaw ekonomiji ta' skala u ta' ambitu, u titjib fil-kwalità tal-kura tal-pazjenti. L-għan huwa li jitnaqqsu l-ispejjeż tal-isptarijiet b'tal-anqas 10 fil-mija fl-2011 u b'5 fil-mija addizzjonali fl-2012 minbarra t-tnaqqis tas-sena preċedenti. | Tinsab għaddejja. Il-ġestjoni kondiviża tal-isptarijiet ġiet intordotta u dan naqqas in-numru tal-bordijiet tal-isptarijiet għal 81. Il-ġestjoni kondiviża hija l-ewwel pass lejn ir-ristrtturar u r-riorganizzazzjoni tal-isptarijiet. Issa jeħtieġ li l-awtoritajiet jibdew jikkonċentraw u jispeċjalizzaw fuq l-isptarijiet u fid-dpartimenti tas-Servizz Nazzjonali tas-Saħħa, billi jirrevedu u jiżguraw il-mobbiltà tal-persunal bil-għan li jkun hemm iffrankar aktar sostanzjali. Dan għadu biss qed jibda u jeħtieġ li jiġi implimentat bis-sħiħ fis-sena li ġejja, possibbilment billi jintuża pjan propost minn grupp ta' ħidma ddedikat għal dan il-għan. |

Miżuri (kif meħtieġa bl-Artikolu 2(6) tad-Deċiżjoni tal-Kunsill) | Stat ta' progress |

"Il-Greċja għandha tadotta l-miżuri li ġejjin sal-aħħar ta’ Settembru 2011: |

(a) baġit għall-2012 f'konformità mal-SFTM u l-objettiv tal-osservanza tal-limiti massimi tad-defiċit stabilit bl-Artikolu 1(2); | Osservata [għaliex ippreżentaw abbozz ta' baġit] |

(b) mitigazzjoni tal-ostakli tat-taxxa għal fużjonijiet u xiri; | Mhux osservata. Fil-Memorandum ta' Ftehim ta' Ottubru 2011 dan ir-rekwiżiti huwa soġġett għall-kwantifikazzjoni tal-implikazzjonijiet tal-finanzi pubbliċi. |

(c) simplifikazzjoni tal-proċess tal-ikklerjar doganali għall-esportazzjonijiet u għall-importazzjonijiet; | Qed titwettaq Il-Gvern għadda Deċiżjoni Ministerjali għas-simplifikazzjoni fil-proċeduri tal-esportazzjonijiet (Il-Gazzetta Nazzjonali 1868/B/24-08-2011). Barra minn hekk, sa mill-ewwel ġimgħa ta' Ottubru 2011, Deċiżjoni Ministerjali dwar it-termini u l-kundizzjonijiet għall-implimentazzjoni tal-proċeduri simplifikati għall-importazzjonijiet tinsab pendenti għall-pubblikazzjoni. |

(d) żieda oħra fir-rati ta’ assorbiment tal-fondi strutturali u ta’ koeżjoni; | Osservata parzjalment. Il-mira semiannwali għall-preżentazzjoni ta' 5 applikazzjonijiet ta' proġetti kbar intlaħqet. Madankollu, il-mira semiannwali tal-assorbiment tal-fondi strutturali u ta' koeżjoni tal-UE ma ntlaħqitx b'EUR 478 miljun. Madankollu, huwa mistenni li l-mira annwali tal-assorbiment ta' EUR 3,35 biljun għad tista' tintlaħaq, parzjalment bis-saħħa ta' żieda fir-rata tal-kofinanzjament. Ingħatat ukoll informazzjoni dwar in-nefqa għal miżuri ta' għajnuna tal-istat de minimis li ma kinux mmirati. It-talbiet għall-pagamenti mressqa lill-fondi strutturali tal-UE fl-ewwel nofs tal-2011 kienu taħt il-mira. |

(e) l-implimentazzoni sħiħa tal-aġenda għal Regolamentazzjoni Aħjar bil-għan li jitnaqqsu l-piżijiet amministrattivi b’20 % (meta mqabbel mal-2008); | Osservata. Mill-ewwel ġimgħa ta' Ottubru 2011, ġie introdott l-abbozz tal-liġi lill-Parlament. L-abbozz tal-liġi li ġie vvalutat mis-servizzi tal-Kummissjoni ma kienx jinkludi r-riformulazzjoni tal-leġiżlazzjoni bħala għodda ta' regolamentazzjoni aħjar, u lanqas ma jistipula l-pubblikazzjoni ta' rapport annwali dwar regolamentazzjoni aħjar. Fir-rigward tal-valutazzjonijiet tal-impatt, l-abbozz tal-liġi ma jistipulax evalwazzjoni tal-valutazzjoni tal-impatt minn awtorità indipendenti. Minbarra dan, l-abbozz huwa b'mod ġenerali f'konformità mar-rekwiżiti fil-Memorandum ta' Ftehim. |

(f) leġiżlazzjoni għall-għeluq, għall-fużjoni jew għat-tnaqqis fid-daqs tal-entitajiet kbar mhux vijabbli; | Osservata parzjalment. Il-Gvern effettivament adotta leġiżlazzjoni li twassal għall-għeluq, għall-fużjoni jew għat-tnaqqis fid-daqs ta' dawn l-entitajiet. Madankollu, l-iffrankar mistenni minn din ir-riforma huwa anqas milli kien ipproġettat fl-MTFS. |

(g) miżuri li jagħmlu possibbli tnaqqis fl-akkwist u fl-ispejjeż fuq partijiet terzi f'intrapriżi statali, aġġornament tat-tariffi, u ħolqien ta' linji ġodda ta' negozju, u tnaqqis tal-ispejjeż tal-persunal billi l-pjan tat-tnaqqis fl-impjiegi jitlesta u jiġi implimentat. Persunal żejjed li ma jistax jitneħħa permezz tar-regola li jiġi rreklutat 1 għal kull 5 impjegati li jitilqu (1 għal kull 10 fl-2011) għandu jiġi indirizzat permezz ta’ sensji u assenza fit-tul mhux volontarji (riżerva ta’ ħaddiema). Din ir-regola hija mingħajr eċċezzjonijiet settorjali; għandha tapplika wkoll għall-persunal trasferit minn intrapriżi pubbliċi għal entitajiet pubbliċi oħra wara l-eżami tal-kwalifiki professjonali mill-ASEP skont il-kriterji regolari ta’ evalwazzjoni tagħha. Persunal fir-riżerva ta’ ħaddiema għandu jitħallas 60 fil-mija tal-paga bażika tiegħu għal mhux aktar minn 12-il xahar, u wara dan għandhom jingħataw is-sensja. | Tinsab għaddejja Il-liġi li tistabbilixxi r-riżerva ta' ħaddiema ġiet adottata fil-Parlament. Madankollu, s'issa, l-ebda entità pubblika ma rilaxxat il-persunal tagħha għar-riżerva ta' ħaddiema. |

(h) qafas legali li jippermetti l-assenjar veloċi tal-użu tal-art u jaċċellera r-registrazzjoni tas-sjieda tal-art tal-istat. | Tinsab għaddejja. |

(i) att li jippermetti l-promozzjoni tal-investiment fis-settur tat-turiżmu (kumplessi turistiċi u residenzi sekondarji għat-turisti), bil-ħsieb li, flimkien mal-abbozz dwar l-użu tal-art, jippermetti għall-aċċellerazzjoni tal-proċess ta’ privatizzazzjoni tal-plottijiet tal-art ġestiti mill-Aġenzija Griega tal-Immobiljari Turistiċi (ETA). | Osservata. l-att iddaħħal fit-Tieni Abbozz ta' Implimentazzjoni, li ġie adottat f'Awwissu 2011. |

(j) finalizzazzjoni tar-reviżjoni funzjonali tal-programmi soċjali eżistenti; valutazzjoni mill-gvern tar-riżultati tat-tieni u l-aħħar fażi tar-reviżjoni funzjonali indipendenti tal-amministrazzjoni ċentrali; leġiżlazzjoni u miżuri għall-implimentazzjoni ta’ rakkomandazzjonijiet operattivi tal-ewwel fażi tar-reviżjoni funzjonali tal-amministrazzjoni pubblika fuq livell ċentrali u tar-reviżjoni sħiħa tal-programmi soċjali eżistenti; | Tardiv. Ir-rapport imħejji mill-OECD huwa disponibbli. Il-valutazzjoni tar-riżultati tinsab għaddejja permezz tal-preparazzjoni ta' pjan ta' azzjoni. |

(k) reviżjoni dettaljata tal-funzjonament tal-fondi tal-pensjoni pubblika sekondarja/supplimentari, inkluż fondi tal-protezzjoni soċjali u skemi tal-ħlas ta’ somma f'daqqa. L-għan tar-reviżjoni huwa li tiġi stabilizzata n-nefqa tal-pensjonijiet, tiġi ggarantita n-newtralità baġitarja ta' dawn l-iskemi u tiġi żgurata s-sostenibilità tas-sistema fit-terminu medju u twil. Ir-reviżjoni għandha twassal għal: tnaqqis aktar fl-għadd ta’ fondi eżistenti; l-eliminazzjoni tal-iżbilanċi f'dawk il-fondi b'defiċits; l-istabilizzazzjoni tal-infiq kurrenti f'livell sostenibbli, permezz ta’ aġġustamenti xierqa li għandhom isiru mill-1 ta’ Jannar 2012; is-sostenibilità fit-tul ta’ skemi sekondarji permezz ta’ rabta stretta bejn il-kontribuzzjonijiet u l-benefiċċji. | Tinsab għaddejja b'xi dewmien. Il-gvern qed jistenna t-tlestija tal-istudji attwarjali għall-fondi tal-pensjonijiet supplimentari biex jibda bil-proċess leġiżlattiv tar-riforma tal-pensjonijiet supplimentari skont il-Memorandum ta' Ftehim. Il-proċess leġiżlattiv mistennii li jiġi ffinalizzat sa tmiem din is-sena u r-regoli l-ġodda għandhom ikunu fis-seħħ mill-1 ta' Jannar 2012. Sadanittant, il-gvern beda jdaħħal tnaqqis fil-pensjonijiet ewlenin, dawk awżiljarji u tal-ħlasijiet tas-somma f'daqqa. |

(l) identifikazzjoni tal-iskemi li għalihom l-ħlasijiet ta’ somma f'daqqa mal-irtirar mix-xogħol ma jirriflettix il-kontribuzzjonijiet imħallsa bil-għan li l-ħlas jiġi aġġustat sa tmiem Diċembru 2011. |

(m) aktar miżuri biex jiġu estiżi b'mod kosteffettiv il-preskrizzjonijiet b'mod elettroniku tal-mediċini, id-dijanjożi u r-referti mit-tobba għall-fondi kollha tas-sigurtà soċjali, iċ-ċentri tas-saħħa u l-isptarijiet. F'konformità mar-regoli tal-akkwist tal-UE, il-gvern għandu jwettaq il-proċeduri neċessarji tal-offerti biex jimplimenta sistema tal-kura tas-saħħa komprensiva u uniformi (sistema ta' saħħa-e) | Tinsab għaddejja. Numru ta' proposti għal proġetti tas-saħħa-e ġew approvati mill-Programm tal-Konverġenza Diġitali u dawn għandhom jiġu mnedija fix-xhur li ġejjin. Ir-reviżjoni li jmiss se tivverifka jekk dawn tnidux jew le. |

(n) aktar miżuri biex jiġi żgurat li tal-inqas 30 fil-mija tal-volum tal-mediċini użati mill-isptarijiet pubbliċi jkunu kkostitwiti minn ġeneriċi bi prezz orħos minn dak ta’ prodotti simili tad-ditta u mediċini mhux koperti bi privattiva, partikolarment billi jagħmlu obbligatorju li l-isptarijiet pubbliċi kollha jakkwistaw prodotti farmaċewtiċi skont is-sustanza attiva. | Għadhom għaddejjin. L-użu ġeneriku fl-isptarijiet qed jiżdied u jikkostitwixxi 17 % tan-nefwa totali fuq il-farmaċewtiċi fl-isptarijiet. Għad hemm firxa kbira ta' varjazzjoni bejn l-isptarijiet (bejn anqas minn 10 % u aktar minn 60 %). Il-gvern nieda l-ewwel sejħa elettronika għal mediċini skont is-sustanza attiva u li tista' twassal għal frankar potenzjali kbir u għal użu akbar tal-ġeneriċi fl-isptarijiet |

(o) deċiżjonijiet li jistipulaw l-istituzzjoni u l-istabiliment ta’ karigi għall-persunal tal-AUAP (Awtorità Unika għall-Akkwist Pubbliku), kif ukoll għar-riorganizzazzjoni tar-riżorsi umani u s-servizzi tal-Awtorità skont id-dispożizzjonijiet tal-liġi dwar l-AUAP; jinħatru l-membri tal-AUAP. | Tinsab għaddejja. Il-Gvern Grieg ikkomunika li l-abbozzi ta' dawn id-Deċiżjonijiet Ministerjali għandhom jitlestew sa tmiem Ottobru 2011. |

(p) pubblikazzjoni ta’ dejta mensili dwar il-movimenti tal-persunal (ġodda, dawk li spiċċaw, trasferimenti fost l-entitajiet) fil-bosta dipartimenti tal-gvern; | Osservata parzjalment. Dejta trimestrali dwar il-movimenti tal-persunal hija disponibbli. |

[1] COM(2011) 422 finali.

[2] ‘The Economic Adjustment Programme for Greece – Fifth Review,’ [Il-Programm ta' Aġġustament Ekonomiku għall-Greċja – Il-Ħames Analiżi] European Economy–Occasional Paper . Il-qarrej huwa rreferut għal dak id-dokument għal valutazzjoni aktar dettaljata tal-iżviluppi fir-riforma makroekonomika, finanzjarja, fiskali u strutturali.

[3] Memorandum of Economic and Financial Policies, and Memorandum of Understanding of Specific Economic Policy Conditionality [Memorandum ta' Politiki Ekonomiċi u Finanzjarji, u Memorandum ta' Ftehim dwar il-Kundizzjonalità Speċifika tal-Politika Ekonomika] tat-3 ta' Mejju, aġġornati fit-2 ta' Lulju 2011.

[4] Għadha mhix ippubblikata f' Il-Ġurnal Uffiċjali .

[5]

Dawn il-proporzjonijiet tal-PDG huma indikattivi.

Fid-Deċiżjoni tal-Kunsill, il-proporzjonijiet tal-PDG jirreferu għaċ-ċifri nominali tal-PDG li kienu disponibbli f'Lulju 2011: 7,6, 6,5, 4,8 u 2,6 fil-mija tal-PDG mill-2011 sal-2014, rispettivament.

[6] Id-Deċiżjoni tirrikjedi wkoll li ż-żieda annwali fid-dejn gross konsolidat tal-amministrazzjoni pubblika ma taqbiżx EUR 17 365 miljun fl-2011: EUR 15 016-il miljun fl-2012; EUR 11 599 miljun fl-2013 u EUR 7 885 miljun fl-2014.

[7] Jeżistu wkoll kriterji ta' prestazzjoni fuq l-irċevuti mill-privatizzazzjoni, fuq il-garanziji mogħtija mill-amministrazzjoni pubblika, fuq id-dejn tal-amministrazzjoni pubblika u fuq l-arretrati tad-dejn estern. Dawn ma ġewx diskussi f'din il-Komunikazzjoni. Ara r-Rapport dwar il-Konformità msemmi hawn fuq.