Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel

2009/C 248/08

Din il-pubblikazzjoni tagħti d-dritt għall-oġġezzjoni għall-applikazzjoni skont l-Artikolu 7 tar-Regolament tal-Kunsill (KE) Nru 510/2006. Id-dikjarazzjonijiet tal-oġġezzjoni jridu jilħqu lill-Kummissjoni fi żmien sitt xhur mid-data ta' din il-pubblikazzjoni.

SOMMARJU

IR-REGOLAMENT TAL-KUNSILL (KE) Nru 510/2006

“GYULAI KOLBÁSZ” JEW “GYULAI PÁROSKOLBÁSZ”

Nru tal-KE: HU-PDO-0005-0394-21.10.2004

DPO ( ) IĠP ( X )

Is-sommarju jippreżenta l-elementi ewlenin tal-ispeċifikazzjoni tal-prodott għal għanijiet informattivi.

1.   Dipartiment responsabbli fl-istat membru:

2.   Grupp:

Assoċjazzjoni għall-użu tat-tismija ġeografika tal-prodott GYULAI

3.   Tip ta' prodott:

4.   Speċifikazzjoni:

(sommarju ta' rekwiżiti skont l-Artikolu 4(2) tar-Regolament (KE) Nru 510/2006)

4.1.   Isem:

“Gyulai kolbász” jew “Gyulai pároskolbász”

4.2.   Deskrizzjoni:

“Gyulai kolbász” jew “Gyulai pároskolbász” huwa prodott mil-laħam u s-sonża imqatta' tar-razez imħallta tal-ħnieżer Hungarian Large White tat-tip għal-laħam, varjetajiet tal-ħnieżer “Mangalica” tal-pil twil u tal-artijiet baxxi Ungeriżi, u l-varjetajiet Hampshire, Duroc u Pietrain u l-ibridi tagħhom, imsemmna sa piż ta' mill-inqas 135 kg. Il-kwalità xierqa tal-laħam tal-majjal meħtieġ għall-produzzjoni ta' “Gyulai kolbász” jew “Gyulai pároskolbász” tinkiseb bid-dissussar bl-idejn, li jippermetti li jitneħħew għal kollox l-għeruq tal-muskoli minn mal-għadam waqt l-ipproċessar ta' kważi kull parti tal-ħanżir li jkollha l-laħam.

“Gyulai kolbász” jew “Gyulai pároskolbász” huwa prodott tal-laħam b'minimu ta' 15 % (m/m) kontenut tal-proteina mingħajr tessut konnettiv, li jikkonsisti minn laħam tal-majjal u sonża kkappuljati f'biċċiet ta' 4-6 mm, imdeffsa fl-imsaren tal-ħnieżer (jew, meta prodotti għat-tiflil, f’imsaren artifiċjali li jista' jgħaddi minnhom il-fwar) f'pari, imħawra bil-melħ, paprika ħelwa u taħraq mitħuna, tewm, bżar u ħlewwa mitħuna, iffumigati l-aktar fuq l-injam tal-fagu, u mqadda u ppreżervati bit-tnixxif.

“Gyulai kolbász” jew “Gyulai pároskolbász” għandu dijametru ta' 26-40 mm, u jiġi f'pari ta' 18-26 ċm jew fi flieli. L-imsaren li jiffurmaw il-qoxra huma ndaf, mingħajr ħsarat jew moffa, b'wiċċ kemmxejn imqabbeż, lewn ħamrani-kannella, bil-biċċiet tas-sonża jidhru minn ġo fihom. Jiffurmaw sustanza kumpatta, u huma flessibbli, magħquda u faċli biex tqattagħhom. Il-wiċċ maqtugħ jikxef biċċiet tal-laħam u tas-sonża ta' 4-6 mm mifruxin regolarment u mdeffsa f'għaġna tal-laħam. Għandu riħa pjaċevoli mħawra u mdaħħna u t-taħlita tal-ħwawar użati tagħtih it-togħma u l-aroma armonjużi tiegħu.

Jinbiegħ f'pari, b'tikketta madwar waħda miz-zalzettiet. “Gyulai kolbász” jew“ Gyulai pároskolbász” jiġi wkoll ippakkjat f'pari f'vakum jew atmosfera mmodifikata, f'pakketti stampati. “Gyulai kolbász” jew “Gyulai pároskolbász” li huwa prodott speċifikament biex jinbiegħ fi flieli jkun itwal u ma jiġix f'pari; l-imsaren jitneħħew, u wara t-tiflil jinbiegħ f'unitajiet ta' daqsijiet varji ppakkjati f'vakum.

Il-kompożizzjoni kimika tal-prodott:

4.3.   Żona ġeografika:

“Gyulai kolbász” jew “Gyulai pároskolbász” jiġi prodott fi ħdan il-konfini amministrattivi tal-ibliet ta' Gyula u Békéscsaba.

4.4.   Prova tal-oriġini:

Jitwaħħal numru tal-identifikazzjoni ma' kull unità ta' materjal nej u sekondarju li jasal fl-impjant, u dan jintwera sew fuq id-dokumenti tal-produzzjoni kif ukoll fuq il-materjali nfushom.

Il-prodott li jkun se jiġi mmanifatturat jingħata numru ta' kodiċi permanenti li jidentifikah f'kull fażi tal-proċess. Numru tal-unità, li jkun fih in-numru tal-kodiċi tal-prodott u d-data tal-produzzjoni, jintuża biex jiġi identifikat il-prodott lest. Fid-dokumenti tal-produzzjoni, tiġi inkluża informazzjoni dwar il-materjali nejjin u sekondarji.

In-numru tal-unità – u konsegwentament l-identifikazzjoni tal-unità – japplika għall-kwantitajiet tal-produzzjoni ta' kuljum.

It-tikketta fuq il-prodott ippakkjat ikollha d-data tal-pakkett jew id-data tal-iskadenza. B'dan it-tagħrif, in-numru tal-unità jista' jiġi identifikat mid-dokumenti tal-ippakkjar ta' kuljum.

Id-dokumenti irreġistrati jiggarantixxu li l-informazzjoni kollha dwar il-produzzjoni ta' kwalunkwe prodott lest tkun tista' terġa' tinkiseb retrospettivament.

4.5.   Il-metodu ta' produzzjoni:

“Gyulai kolbász” or “Gyulai pároskolbász” huwa prodott mill-koxxa, l-għaksa tad-driegħ, l-għaksa tal-irkoppa, iż-żaqq, l-ispalla, u l-għenuq (bid-dissussar bl-idejn) tan-nofs karkassi (bla ras u bla saqajn) u s-sonża (mingħajr glandoli) ta' razez imħallta speċifiċi ta' ħnieżer.

Il-partijiet tal-laħam (friżati minn - 2 sa - 4 °C jew imberrda minn qabel minn 0 sa 7 °C) jiġu kkappuljati bil-magna f'biċċiet ta' 4-6 mm, imbagħad jiżdiedu l-ħwawar u l-melħ tan-nitriti. L-għaġna li toħroġ minn dan il-proċess (li għandha temperatura ta' 0 sa - 4°C) tiddeffes bil-magna fl-imsaren tal-ħnieżer jew imsaren artifiċjali li jgħaddi minnhom il-fwar f'pari, u z-zalzettiet imbagħad jinqatgħu minn mat-tarf.

Iz-zalzettiet mimlija jiġu mbagħad iffumigati fuq injam jinħaraq bil-mod (l-aktar il-fagu) għal jumejn sa tlett ijiem f'temperatura ta' 20 °C fi spazju b'umdità relattiva ta' 90 sa 70 %.

Wara l-iffumigar, iz-zalzett jitqadded u jitnixxef. Sabiex jiġu evitati difetti tal-kwalità (il-formazzjoni ta' qoxra), il-parametri tat-tqaddid bit-tnixxif huma stipulati b'tali mod li d-differenza bejn l-umdità relattiva tal-ekwilibriju (ERH) taz-zalzett u l-umdità relattiva ambjentali (RH) tal-kamra ma jaqbżux 4 sa 5 %. It-temperatura ambjentali tipika hija ta' 16 sa 18 °C; l-umdità relattiva ta' 90 sa 92 % titnaqqas gradwalment għal 65 % sa 70 %. It-tnixxif jitkompla sakemm l-attività tal-ilma fiz-zalzett tilħaq 0,91, proċess li jieħu bejn 14 u 16-il jum. Dan jiġi segwit mill-post maturazzjoni, li tulha l-kontenut tal-umdità tal-prodtt ippakkjat jitwitta, il-wiċċ maqtugħ isir konsistenti u s-sustanza aktar imrammla, u l-kukur jistabbilizza bħala riżultat tal-effett antiossidanti tal-ħwawar. Dawn il-proprjetajiet, magħquda ma' togħma matura, jagħżlu għal kollox il-“Gyulai kolbász” jew “Gyulai pároskolbász” mit-togħma u l-konsistenza ta' prodotti oħra mqiegħda fis-suq.

4.6.   Rabta:

4.7.   Organu ta' spezzjoni:

4.8.   Tikkettar

—