Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52009AP0072

    Rati mnaqqsa ta' taxxa fuq il-valur miżjud * Riżoluzzjoni leġiżlattiva tal-Parlament Ewropew tal- 19 ta' Frar 2009 dwar il-proposta għal direttiva tal-Kunsill li temenda d-Direttiva 2006/112/KE, fir-rigward ta' rati mnaqqsa ta' taxxa fuq il-valur miżjud (COM(2008)0428 – C6-0299/2008 – 2008/0143(CNS))

    ĠU C 76E, 25.3.2010, p. 110–112 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    25.3.2010   

    MT

    Il-Ġurnal Uffiċjali tal-Unjoni Ewropea

    CE 76/110

    Il-Ħamis, 19 ta’ Frar 2009
    Rati mnaqqsa ta' taxxa fuq il-valur miżjud *

    P6_TA(2009)0072

    Riżoluzzjoni leġiżlattiva tal-Parlament Ewropew tal-19 ta' Frar 2009 dwar il-proposta għal direttiva tal-Kunsill li temenda d-Direttiva 2006/112/KE, fir-rigward ta' rati mnaqqsa ta' taxxa fuq il-valur miżjud (COM(2008)0428 – C6-0299/2008 – 2008/0143(CNS))

    2010/C 76 E/24

    (Proċedura ta' konsultazzjoni)

    Il-Parlament Ewropew,

    wara li kkunsidra l-proposta tal-Kummissjoni lill-Kunsill (COM(2008)0428),

    wara li kkunsidra l-Artikolu 93 tat-Trattat KE, skont liema artikolu ġie kkonsultat mill-Kunsill (C6-0299/2008),

    wara li kkunsidra l-Artikolu 51 tar-Regoli ta' Proċedura tiegħu,

    wara li kkunsidra r-rapport tal-Kumitat għall-Affarijiet Ekonomiċi u Monetarji u l-opinjoni tal-Kumitat għas-Suq Intern u l-Ħarsien tal-Konsumatur (A6-0047/2009),

    1.

    Japprova l-proposta tal-Kummissjoni kif emendata;

    2.

    Jistieden lill-Kummissjoni sabiex konsegwentement tbiddel il-proposta tagħha, skond l-Artikolu 250(2) tat-Trattat KE;

    3.

    Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

    4.

    Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

    5.

    Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

    TEST PROPOST MILL-KUMMISSJONI

    EMENDA

    Emenda 6

    Proposta għal direttiva – att li jemenda

    Premessa 4

    (4)

    F’dik il-Komunikazzjoni hawn fuq imsemmija, ġie konkluż li rati differenti tal-VAT applikati għal servizzi pprovduti lokalment ma huma ta' l-ebda detriment reali għall-funzjonament bla xkiel tas-suq intern. Għalhekk huwa xieraq li l-Istati Membri kollha jingħataw il-possibilità biex japplikaw rati mnaqqsa ta’ VAT għal servizzi, bħal servizzi li jirrikjedu ħafna ħaddiema koperti bid-dispożizzjonijiet temporanji applikabbli sa tmiem l-2010, servizzi relatati mas-settur tad-djar u mal-kura personali u servizzi tar-ristoranti. Dawn it-tibdiliet jagħmluha possibbli għall-Istati Membri biex japplikaw rati mnaqqsa tal-VAT rates għal-xogħlijiet ta' rinnovazzjoni u tiswija li jimmiraw għall-iffrankar fl-enerġija u għalleffiċjenza fl-enerġija.

    (4)

    F’dik il-Komunikazzjoni hawn fuq imsemmija, ġie konkluż li rati differenti tal-VAT applikati għal servizzi pprovduti lokalment ma huma ta' l-ebda riskju maġġuri għall-funzjonament bla xkiel tas-suq intern u jista' jkollhom effetti pożittivi fir-rigward tal-ħolqien tal-impjiegi u fil-ġlieda kontra l-ekonomija illegali . Għalhekk huwa xieraq li l-Istati Membri kollha jingħataw il-possibilità biex japplikaw rati mnaqqsa ta’ VAT għal servizzi, bħal servizzi li jirrikjedu ħafna ħaddiema koperti bid-dispożizzjonijiet temporanji applikabbli sa tmiem l-2010, għal servizzi relatati mas-settur tad-djar u mal-kura personali u servizzi tar-ristoranti. Rati mnaqqsa tal-VAT f’dawn l-oqsma għandhom impatt pożittiv fit-tfassil mill-ġdid ta’ għadd ta' setturi tas-servizzi peress li dawn inaqqsu l-livell tax-xogħol mhux dikjarat. L-Istati Membri għandhom jipprovdu gwida ċara u aċċessibbli għall-intrapriżi dwar il-kamp ta’ applikazzjoni tar-rati mnaqqsa tal-VAT.

    Emenda 7

    Proposta għal direttiva – att li jemenda

    Premessa 4 a (ġdida)

     

    (4a)

    		Fir-rigward tas-settur tad-djar, din id-Direttiva tagħmilha wkoll possibbli għall-Istati Membri li japplikaw rati mnaqqsa tal-VAT għal xogħlijiet ta' rinnovazzjoni u tiswija li għandhom l-għan li jiffrankaw l-enerġija u jżidu l-effiċjenza fl-enerġija.

    Emenda 2

    Proposta għal direttiva – att li jemenda

    Anness - punt 5a (ġdid)

    Direttiva 2006/112/KE

    Anness III - punt 11

     

    5a)

    		Il-punt 11) huwa sostitwit mit-test li ġej:

    “11)

    		il-forniment tal-oġġetti u l-għoti tas-servizzi ta' tip li normalment huwa maħsub għal użu fil-produzzjoni agrikola, inkluż il-makkinarju, minbarra oġġetti ta' tagħmir, bħal bini;”

    Emenda 5

    Proposta għal direttiva – att li jemenda

    Anness – punt 7

    Direttiva 2006/112/KE

    Anness III – punt 16

    (16)

    forniment ta' servizzi ta' ta' funerali jew servizzi ta' ħruq u l-forniment ta' oġġetti relatati magħhom;

    (16)

    forniment ta' servizzi ta' funerali jew servizzi ta' kremazzjoni u l-forniment ta' oġġetti relatati magħhom, bħall-monumenti u l-ġebel ta' fuq il-qabar u l-kura tagħhom ;

    Emenda 4

    Proposta għal direttiva – att li jemenda

    Anness - punt 7a (ġdid)

    Direttiva 2006/112/KE

    Anness III - punt 18a (ġdid)

     

    7a)

    		Il-punt 18a) li ġej għandu jiddaħħal:

    “18a)

    		ħwejjeġ u żraben għat-tfal;”
    Top