EUR-Lex Access to European Union law
This document is an excerpt from the EUR-Lex website
Document 52008XC1014(02)
Publication of an application pursuant to Article 6(2) of Council Regulation (EC) No 510/2006 on the protection of geographical indications and designations of origin for agricultural products and foodstuffs
Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet tal-oriġini għall-prodotti agrikoli u l-oġġetti tal-ikel
Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet tal-oriġini għall-prodotti agrikoli u l-oġġetti tal-ikel
ĠU C 261, 14.10.2008, p. 11–14
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
14.10.2008 |
MT |
Il-Ġurnal Uffiċjali ta’ l-Unjoni Ewropea |
C 261/11 |
Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet tal-oriġini għall-prodotti agrikoli u l-oġġetti tal-ikel
(2008/C 261/09)
Din il-pubblikazzjoni tikkonferixxi d-dritt għal oġġezzjoni għall-applikazzjoni skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu l-Kummissjoni fi żmien sitt xhur mid-data ta' din il-pubblikazzjoni.
SINTEŻI
REGOLAMENT TAL-KUNSILL (KE) Nru 510/2006
“Petit Epeautre de Haute Provence”
Nru tal-KE: FR-PGI-005-0475-20.06.2005
DPO ( ) IĠP ( X )
Din is-sinteżi tagħti l-elementi ewlenin tal-ispeċifikazzjoni tal-prodott b'għan informattiv biss.
1. Dipartiment responsabbli fl-Istat Membru:
Isem: |
Institut national des appellations d'origine |
||
Indirizz: |
|
||
Tel.: |
(33) 153 89 80 00 |
||
Feks: |
(33) 142 25 57 97 |
||
Posta elettronika: |
— |
2. Grupp:
Isem: |
Syndicat du petit épeautre de Haute-Provence |
||
Indirizz: |
|
||
Tel.: |
(33) 475 28 51 86 |
||
Feks: |
(33) 475 28 51 86 |
||
Posta elettronika: |
petit.epeautre@wanadoo.fr |
||
Kompożizzjoni: |
Produtturi/Proċessaturi ( X ) oħrajn ( ) |
3. Tip ta' prodott:
Klassi 1.6: Frott, ħaxix u ċereali fl-istat naturali jew ipproċessati
4. Speċifikazzjoni:
(sinteżi tar-rekwiżiti msemmija fl-Artikolu 4(2) tar-Regolament (KE) Nru 510/2006)
4.1. Isem: “Petit Epeautre de Haute Provence”
4.2. Deskrizzjoni: Il-qamħ “Triticum monococcum” huwa ċereali tat-tibna, mill-familja tal-ħaxix. Jingħaraf minn widniet ċatti bis-sifa u jikber fuq żewġ naħat Il-qamħa, mhux miksura u fil-ħliefa, trid tiġi mnaddfa qabel ma' tiġi kkunsmata (u possibbilment titbajjad). Il-qamħa mbajda hija qamħa mndaffa li tkun għaddiet minn proċess żejjed ta' tfesdiq. Ġie stipulat għadd ta' kriterji ta' kwalità. Il-perċentwal massimu totali tal-elementi li mhumiex ċereali ta' bażi ta' kwalità perfetta huwa ta' 5 %, li minnu:
2 % ta' qmuħ miksura
1,5 % ta' impuritajiet tal-qmuħ (midbiela, ċereali oħra, ħsara mill-pesti, ikun marrilhom il-kulur, imsaħħna żżejjed, nexfin)
1 % ta' qmuħ imnibbta
0,5 % ta' impuritajiet varji (qmuħ barranin, qmuħ mħassra, ħliefiet, sadid tal-qamħ, qmuħ imħassra, insetti mejta jew biċċiet tal-insetti)
Il-piż speċifiku minimu huwa ta' 77 kg/hl.
Il-qamħ gross għandu jkollu kontenut ta' ndewwa li ma jaqbiżx l-14 %.
Il-kontenut tal-proteini tal-qamħ imnaddaf għandu jkun ta' aktar minn 10.5 %.
Il-qamħ “petit épeautre de Haute Provence” jista' jiġi kkummerċjalizzat f'pakketti ta' 500g u 1 kg jew boroż ta' 3, 5, 10 jew 25 kg.
Id-data sa meta tista' tintuża l-qamħa hija ta' 18-il xahar mit-tindif.
4.3. Żona ġeografika: Iż-żona I.Ġ.P. (produzzjoni tal-qmuħ u ż-żrieragħ, u t-tindif) tinkludi 235 komun (jew partijiet ta' komuni) li jinsabu f'għoli ta' aktar minn 400 metru u huma mifruxa fuq erba' départements (Alpes de Haute-Provence, Hautes-Alpes, Drôme uVaucluse) fix-Xlokk ta' Franza. It-tqassim huwa kif ġej:
Għad-département tal-Alpes de Haute Provence:
Il-komuni kollha tal-cantons ta' Banon, Forqualquier, Manosque, Noyers-sur-Jabron, Reillanne, Saint Etienne les Orgues;
Fil-canton ta' Château-Arnoux, il-komuni li ġejjin: Aubignosc, Château Arnoux, Chateauneuf Val St Donat, Montfort u Peipin;
Fil-canton ta' Peyruis, il-komuni li ġejjin: Ganagobie, La Brillanne, Lurs u Peyruis.
Għad-département ta' Hautes Alpes:
Il-komuni kollha tal-cantons ta' Aspres/Büech, Orpierre, Rosans, Ribiers uSerres;
Fil-canton ta' Laragne, il-komuni li ġejjin: Eyguians, Laragne-Montéglin, Lazer, Le Poët, Upaix, Ventavon.
Għad-département ta' la Drome:
Il-komuni kollha tal-cantons ta' Buis les Baronnies, La Motte Chalencon, Rémuzat, Séderon;
Fil-canton ta' Luc en Diois, il-komuni li ġejjin: Beaumont en Diois, Beaurières, Charens, Jonchères, La Bâtie des Fonds, Les Près, Lesches en Diois, Luc en Diois, Miscon, Poyols, Val Maravel, Valdrôme;
Fil-canton ta' Nyons, il-komuni li ġejjin: Arpavon, Aubres, Chateauneuf de Bordette, Chaudebonne, Condorcet, Curnier, Eyrolles, Les Pilles, Montaulieu, Saint Ferréol Trente Pas, Sainte Jalle, Valouse
Għad-département ta' Vaucluse:
Il-komuni kollha tal-canton ta' Sault;
Fil-canton ta' Apt, il-komuni li ġejjin: Apt, Auribeau, Caseneuve, Castellet, Gignac, Lagarde d'Apt, Rustrel, Saignon, Saint Martin de Castillon, Saint Saturnin d'Apt, Viens, Villars;
Fil-canton ta' Bonnieux, il-komuni li ġejjin: Buoux u Sivergues;
Fil-canton ta' Gordes, il-komuni li ġejjin: Lioux et Murs
Fil-canton ta' Malaucène, il-komuni li ġejjin: Brantes, Savoillan, u Saint Léger du Ventoux;
Fil-canton ta' Mormoiron, il-komuni li ġejjin: Blauvac, Flassan, Méthamis u Villes sur Auzon;
Fil-canton ta' Pertuis, il-komuni li ġejjin: Beaumont de Pertuis, Cabrières d'Aygues, Grambois, La Bastide des Jourdans, La Motte d'Aygues, Peypin d'Aygues, Vitrolles.
4.4. Prova tal-oriġini: Għal kull farm, il-ħbula tal-art jiġu identifikati skont pjanta tal-ħbula mir-reġistru tal-farms. L-oriġini taż-żrieragħ tiġi vverifikata permezz tal-fattura tax-xiri. Il-kwantitajiet maħsuda għal kull ħabel jiddaħħlu fil-formoli dwar l-uċuħ fir-reġistru tal-farms.
Kull lott ta' produzzjoni u/jew tal-ħżin jiġi identifikat fuq l-unitajiet tal-ħżin permezz tal-formoli tal-identifikazzjoni tal-lott. Dawn il-formoli juru wkoll il-kwantitajiet maħsuda u mnaddfa u l-kodiċi tal-identità ta' min naddaf u d-data tat-tindif. Kull fażi tat-tindif — it-tfesdiq, it-tħin, u l-ippakkjar — tiġi ċċekkjata fi proċess ta' verifika tal-istokk u tiġi rrekordjata għal kull lott. L-aspetti tat-traċċabbiltà meħuda flimkien jagħmluha possibbli li jiġi ttraċċat il-proċess miż-żriegħ sal-bejgħ lill-konsumatur.
4.5. Metodu ta' produzzjoni: Il-qamħ “petit épeautre” kopert mill-IĠP jitkabbar fiż-żona ġeografika ta' produzzjoni tal-Haute-Provence f'għoli ta' aktar minn 400 metru. Jitkabbar skont metodu ta' produzzjoni tradizzjonali: newba, użu ta' żrieragħ li ġejjin miż-żona ġeografika, miżrugħa fis-sajf u fil-ħarifa, projbizzjoni tal-użu ta' prodotti kimiċi. Il-fertilizzazzjoni hija limitata għal massimu ta' 60 unità ta' nitroġenu, 60 unità ta' potassa u 60 unità ta' fosforu kull ettaru. Il-“petit épeautre de Haute Provence” tagħmel l-aħjar użu mix-xita ta' Mejju li tgħin li l-qamħa tikber. Lulju, li huwa sħun u niexef, jgħin għal maturazzjoni b'saħħitha mingħajr ma jiżviluppa mard. Ir-rendiment massimu tal-qamħ bil-ħliefa huwa ta' 40 qantar l-ettaru.
Ladarba jkun inġabar, il-qamħ, li jkun għadu fil-ħliefa, jinħażen fiż-żona ġeografika qabel ma jitnaddaf. It-tindif huwa fażi indispensabbli qabel kull użu fit-tisjir jew fit-tħin; isir minn naddafa li jinsabu fiż-żona ġeografika. It-tindif jikkonsisti mis-separazzjoni tal-ħliefa mill-qamħa, u huwa proċess li jitlob għarfien u dedikazzjoni kbira u l-użu ta' għodod apposta. Il-qamħa ma tistax tkun irvinata jew imfesdqa ħażin, u għalhekk min inaddaf għandu jkun ħafif ħafna b'idejh. Il-fażijiet differenti tal-għażla u tal-qmuħ u t-tindif jagħtu qmuħ ta' tul bejn 5 u 10 mm u ħxuna ta' 1.5 mm. It-tindif jista' jsir sa sentejn wara l-ħsad. Il-qamħa mnaddfa tista' wara tiġi mbajda (tnaqqis tal-ħin tas-sajran).
4.6. Rabta: Iż-żona ġeografika koperta mit-tismija “Petit Epeautre de Haute Provence” hija żona omoġeneja bi klima Mediterranja kkaratterizzata l-aktar mill-altitudni tagħha, li ttaffilha l-klima. Is-sjuf nexfin iwasslu għal xtiewi kesħin għall-aħħar.
Il–“Petit Epeautre de Haute Provence” hija adattata għal dawn il-kundizzjonijiet klimatiċi ħorox li huma tipiċi taż-żona minħabba l-fatt li hija varjetà taż-żrigħ bikri li jfisser li tista' tiflaħ għall-kundizzjonijiet ebsin tax-xitwa. Ix-xita li tasal tard f'Mejju tagħmel tajjeb lill-kwalità tal-qamħa, filwaqt li sikwit jaslu tard wisq għall-qamħ u x-xgħir miżrugħa xahar qabel. Lulju, li huwa sħun u niexef, jgħin għal maturazzjoni b'saħħitha mingħajr ma jiżviluppa mard.
Ir-reġjun jinsab fuq ħamrija kalkarja ta' tip karstiku, mimlija qsim ġeoloġiku u li tmur lura għaż-Żmien Terzjarju. Il-“Petit épeautre de Haute Provence” jippermetti l-aħjar użu tal-ifqar ħamrija (magħrufa lokalment bħala “épeautrières”) li fuqha wieħed jista' wkoll ikabbar il-lavanda.
Ir-rabta ta' din il-qamħa maż-żona ġeografika tidher ċara minn fejn jinsabu l-impjanti għall-ipproċessar. It-tindif isir fuq lantijiet artigjanali mqassma tul iż-żona. Bosta mtieħen, li llum m'għadhomx jintużaw, kienu nbnew tul ix-xmajjar u n-nixxigħat, u kienu wkoll jipproduċu d-dqiq; kienu mgħammra b'ħaġar tal-mitħna li setgħu jintużaw għal bosta għanijiet. Bil-progress tekniku u permezz tal-użu tal-għarfien imwassal mill-ġenerazzjoni għall-oħra, in-naddafa llum jużaw għodod speċjali li jvarjaw skont il-lott li jkun se jinħadem u li jagħmluha possibbli li jinkiseb prodott akbar billi jitnaqqas l-għadd tal-qmuħ miksura waqt il-proċess tat-tindif u tal-għażla. Il-kundizzjoni tal-qamħ imnaddaf hija waħda mill-aħjar kriterji biex wieħed iqis il-kwalità. Il-ħila mitluba għal din il-biċċ xogħol tinvolvi li wieħed jagħti l-ħin ix-xieraq lit-tindif tal-qamħa.
Mill-aspett storiku, hemm xhieda li fil-Haute Provence il-Petit Epeautre kienet diġa preżenti f'bosta siti preistoriċi. L-okkupazzjoni Rumana tal-“Provincia”(Provence) irrelegat it-tkabbir ta' dawn l-għelejjel għas-saltus (xagħri) tan-naħa ta' ġewwa tar-reġjun, li ma kinitx daqstant Romanizzata. Wara li waqa' l-Imperu Ruman, il-popli Nordiċi invadew il-Provence u kkawżaw eżodu tal-popolazzjoni lejn in-naħa ta' ġewwa. Il-kwalità robusta tal-Petit Epeautre u l-fatt li tinħażen tajjeb ippermetta li l-popolazzjoni maqlugħa minn darha setgħet tissoppravivi. Il-Petit Epeautre tibqa' preżenti tul il-Medju Evu fi Provence.
Xhieda tal-preżenza ta' dan il-wiċċ fil-partijiet varji tal-Haute Provence tinsab f'atti amministrattivi (1338), inkjesti (1775) u statistiki agrikoli (1804-1874).
Madankollu, it-tradizzjoni kulinarja tal-qamħa fil-Haute Provence hija waħda reali (“Formantée” fl-1375 u l-famuża “Grueu” fil-bidu tas-seklu 16 …) u l-fama tagħha hija rikonoxxuta. Id-distributuri u l-proċessaturi spiss jassoċjaw il-qamħha mal-Haute Provence għaliex hija prodott tipiku. L-Haute Provence hija rikonoxxuta bħala ż-żona anċestrali tal-produzzjoni tal-“petit épeautre”.
Fl-2002, il-Conserveries de Haute Provence rebħu l-ewwel premju fil-konkors tal-ikel “Goût et avenir” tal-Alpes de Haute Provence għad-deżerta tagħhom li tuża l-“petit épeautre de Haute Provence”.
4.7. Organu ta' spezzjoni:
1 Isem: |
ULASE, Organisme Certificateur |
||
Indirizz: |
|
||
Tel.: |
(33) 475 61 13 00 |
||
Feks: |
(33) 475 85 62 12 |
||
Posta elettronika: |
info@ulase.fr |
4.8. Tikkettar: It-tikkettar għandu bilfors isemmi t-tismija tal-bejgħ flimkien mal-Indikazzjoni Ġeografika Protetta; il-kodiċi ta' identifikazzjoni tal-lott imnaddaf; il-piż nett; id-data sa meta jista' jintuża l-prodott; l-isem jew l-isem kummerċjali u l-indirizz ta' min ippakkja l-prodott.
(1) ĠU L 93, 31.3.2006, p. 12.