52008PC0814

[pic] | KUMMISSJONI TAL-KOMUNITAJIET EWROPEJ |

Brussel 3.12.2008

KUMM(2008) 814 finali

2008/0230 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

dwar il-parteċipazzjoni mill-Komunità fi programm Ewropew ta’ riċerka u żvilupp dwar il-metroloġija mwettaq minn diversi Stati Membri {SEG(2008)2948}

{SEG(2008)2949}

(preżentata mill-Kummissjoni)

MEMORANDUM TA’ SPJEGAZZJONI

1. KUNTEST TAL-PROPOSTA |

110 | 1.1. Għanijiet L-għan ta’ din il-proposta, ibbażata fuq l-Artikolu 169 tat-Tratt tal-KE, hija li tistabbilixxi Programm Ewropew ta’ Riċerka dwar il-Metroloġija (EMRP) li jiġbor flimkien 22 programm nazzjonali ta’ riċerka dwar il-metroloġija biex tittejjeb l-effiċjenza u l-effikaċja tar-riċerka pubblika dwar il-metroloġija. Għandha l-mira li tagħti kontribut biex tiġi strutturata ż-Żona Ewropea ta’ Riċerka permezz ta’ koordinament aħjar, biex b’hekk jiġu indirizzati sfidi komuni Ewropej, jiżdied l-impatt ta’ dawn il-programmi u jitneħħew l-ostakli bejn il-programmi nazzjonali. Huma involuti l-Istati Membri jew pajjiżi assoċjati mal-Programm Kwadru 7 (FP7) li ġejjin: l-Awstrija, il-Belġju, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, l-Ungerija, l-Italja, l-Olanda, il-Polonja, il-Portugall, ir-Rumanija, is-Slovakkja, is-Slovenja, Spanja, l-Iżvezja u r-Renju Unit kif ukoll in-Norveġja, l-Iżvizzera u t-Turkija. L-Istitut għall-Materjali u l-Kejl ta’ Referenza taċ-Ċentru Konġunt għar-Riċerka (JRC) tal-Kummissjoni Ewropea jista’ jkun Assoċjat għall-programm. Din l-inizjattiva tħabbret fil-Programm Speċifiku Kooperazzjoni tal-FP7. L-inizjattiva tal-EMRP għandha kontribuzzjoni nazzjonali ppjanata tal-pajjiżi parteċipanti ta’ EUR 200 miljun, inkluża flessibilità fil-livell nazzjonali sa 50 % tal-kontribuzzjoni nazzjonali flimkien ma’ kontribuzzjoni Komunitarja prevista ta’ EUR 200 miljun. 1.2. Raġunjiet għall-proposta Il-metroloġija mhijiex dixxipplina li tgawdi viżibbiltà kbira, imma madankollu hija essenzjali għall-kummerċ u l-komunikazzjonijiet moderni. Ir-riċerka fil-metroloġija għandha karattru qawwi ta’ ġid pubbliku u hija attività ewlenija ta’ appoġġ għar-regolazzjoni u l-istandardizzazzjoni tal-gvernijiet. Il-qawwiet ekonomiċi prinċipali kollha fid-dinja għarfu li l-R&D teknoloġika fil-metroloġija hija fundamentali għat-tkabbir ekonomiku fit-tul. Kontra dan l-isfond, l-Ewropa qiegħda tiffaċċja l-hekk imsejħa “dilemma Ewropea tal-metroloġija”; jiġifieri li jiġu allinjati b’mod permanenti l-isforzi tar-riċerka fil-metroloġija mal-ħtiġijiet tas-soċjetà li huma kemm aktar eżiġenti, aktar kumplessi u għalhekk jużaw aktar riżorsi, filwaqt li jibqgħu jinqdew il-bżonnijiet "tradizzjonali" mingħajr ebda riżorsi ġodda jew addizzjonali. L-approċċ deskritt hawnhekk huwa li jkabbar ir-riżorsi disponibbli u jista’ jirnexxi biss jekk jikkunsidra bis-sħiħ is-sistemi nazzjonali eżistenti, jintegrahom fi programm tassew Ewropew li għandu jwassal għal bidla reali fil-pass u modernizzar tas-sistemi nazzjonali eżistenti. L-EMRP joffri mezz kif titnaqqas id-dupplikazzjoni tal-isforzi u jitqajmu ambizzjonijiet komuni permezz ta’ aġendi aktar differenzjati minn pajjiż għall-ieħor. |

120 | 1.3. Kuntest ġenerali L-atturi fir-riċerka Ewropea dwar il-metroloġija jsawru komunità speċjalizzata li hija marbuta biss b’mod laxk mal-organizzazzjonijiet tar-riċerka jew l-akkademja. Hija fil-biċċa l-kbira frammentata u tinkludi ftit ċentri ta’ eċċellenza globali li jistgħu jibbenefikaw minn kompetizzjoni wiesgħa fuq skala internazzjonali. Il-potenzjal Ewropew fir-riċerka dwar il-metroloġija mhuwiex sfruttat għal kollox. Jeħtieġ li jkun hemm azzjoni konġunta bejn l-Istati Membri u l-Komunità biex jiġi pprovdut sforz ta’ riċerka modern fil-metroloġija. |

130 | 1.4. Dispożizzjonijiet eżistenti fil-qasam tal-proposta Għalkemm il-komunità Ewropea tar-riċerka dwar il-metroloġija għandha aċċess għal għadd ta’ programmi taħt il-Programm Kwadru, attwalment ma hemm ebda skema speċifika li tindirizza l-ħtiġijiet tal-metroloġija. L-inizjattiva EMRP tindirizza dan in-nuqqas ta’ azzjoni kkoordinata, billi toffri programm minn isfel għal fuq speċifikament imfassal biex jaqdi l-ħtiġijiet tal-metroloġija. Il-Programm Konġunt EMRP jpoġġi lill-Istituti Nazzjonali tal-Metroloġija (NMI) fil-pożizzjoni ta’ gwida. |

140 | 1.5. Konsistenza mal-politiki u l-għanijiet l-oħra tal-Unjoni L-objettivi ġenerali ta’ politika tal-inizjattiva huma li tkabbar il-kapaċità tal-UE li twettaq l-għanijiet ta’ livell għoli tal-politika tagħha u li tirrispondi għall-isfidi prinċipali li tiffaċċja għas-snin li ġejjin: Li tikkontribwixxi sabiex jintlaħqu l-miri tal-Istrateġija riveduta ta’ Liżbona. B’mod partikolari li tinvesti aktar u aħjar fl-għerf għat-tkabbir u l-impjiegi. Li tikkontribwixxi biex tinħoloq iż-Żona Ewropea għar-Riċerka (ERA). Li tgħin biex l-Ewropa tirrispondi b’mod aktar effettiv għal sfidi tas-soċjetà importanti bħalma huma l-ħarsien ambjentali, il-kura tas-saħħa, is-sikurezza tal-ikel jew is-sigurtà pubblika. |

2. KONSULTAZZJONI TAL-PARTIJIET INTERESSATI U VALUTAZZJONI TAL-GħAżLIET |

2.1. Konsultazzjoni tal-partijiet interessati |

211 | Metodi ta’ konsultazzjoni, setturi prinċipali fil-mira u profil ġenerali ta’ dawk li wieġbu Grupp tat-tmexxija għall-Valutazzjoni tal-Impatt iltaqa’ fl-1 ta’ Lulju 2008, u grupp formali bejn is-servizzi (ISG) għall-inizjattivi ġenerali twaqqaf u ltaqa’ fil-31 ta’ Lulju u fil-25 ta’ Settembru 2008. a) Konsultazzjoni fuq l-internet Bħala parti mill-konsultazzjoni tal-partijiet interessati, il-Kummissjoni wettqet stħarriġ fuq l-internetbejn is-7 ta’ Mejju u t-8 ta’ Lulju 2008. B’kollox ġew irreġistrati 162 risposta għall-istħarriġ fuq l-internet, b’64% (104 risposta) iwieġbu f’isem organizzazzjoni u 36% iwieġbu f’kapaċità individwali. Minn dawk li wieġbu f’isem organizzazzjoni, il-maġġoranza kienu minn organizzazzjonijiet kummerċjali b’inqas minn 250 impjegat (26%), organizzazzjonijiet kummerċjali b’iżjed minn 250 impjegat (21%) u istituzzjonijiet ta’ edukazzjoni ogħla (18%). Dawk li wieġbu għall-istħarriġ kienu prinċipalment involuti fir-riċerka dwar il-metroloġija (54%) jew fit-teħid u l-użu tal-metroloġija (28%). b) Laqgħa miftuħa għall-Partijiet interessati – 25 ta’ Ġunju 2008 Minbarra l-konsultazzjoni fuq l-internet, fil-25 ta’ Ġunju 2008 ġie organizzat workshop ta’ konsultazzjoni mal-partijiet interessati. Għall-workshop attendew 32 persuna minn tmien pajjiżi differenti u organizzazzjonijiet internazzjonali differenti, flimkien ma’ bosta Istituti Nazzjonali tal-Metroloġija (NMI). |

212 | Sommarju tat-tweġibiet u kif ġew ikkunsidrati Ir-risposti mogħtija waqt il-konsultazzjoni fuq l-internet u matul il-laqgħa miftuħa għall-partijiet interessati ġew ikkunsidrati fil-valutazzjoni tal-impatt u fl-elaborazzjoni tal-proposta. |

2.2. L-għażliet ta’ politika u kif jipparagunaw bejniethom L-għażliet għall-azzjoni Komunitarja huma mmexxija mil-loġika u l-mekkaniżmi ta’ intervent tal-FP7. Minbarra mix-xenajru tal-“ebda azzjoni”, dawn l-għażliet għalhekk jirreferu għal azzjonijiet Komunitarji indiretti jew diretti (finanzjament għar-riċerka) taħt l-FP7, li jaqblu mal-loġika eżistenti tal-interventi nazzjonali dwar il-programmi ta’ riċerka fi Stati Membri differenti (MS). L-għażliet huma msemmija kif ġej fuq il-bażi tal-karatteristiċi prinċipali tagħhom: Għażla ta’ Politika 1: "L-ebda azzjoni oħra mill-Komunità"; status quo, l-ebda azzjoni oħra fuq l-EMRP – tista’ twassal għal approċċ intergovernattiv. Għażla ta’ Politika 2: "Azzjoni Komunitarja indiretta minn isfel għal fuq – koordinazzjoni ħafifa"; taħt programmi u temi tal-FP7 (Kooperazzjoni – Programmi dwar Kapaċitajiet). Il-mira tkun li tintuża l-iskema ERA-NET u/jew l-iskema ERA-NET Plus iżda li kwistjonijiet iżolati jiġu indirizzati tema b’tema u fil-FP, parti tal-programmi b’parti tal-programm (l-għażla ta’ “kollox bħas-soltu”). Għażla ta’ Politika 3: "Azzjoni Komunitarja indiretta minn Fuq għal Isfel"; Terġa’ tiddaħħal it-tema tal-metroloġija fil-FP – Parti taħt il-FP7 jew it-tħejjija tal-FP8 u jerġa’ jiddaħħal Programm Komunitarju dwar il-Metroloġija. Għażla ta’ Politika 4: "Artikolu 169 – “L-Artikolu 169 – integrazzjoni tal-programm permezz ta’ azzjoni Komunitarja indiretta”; Azzjoni Komunitarja biex titwettaq l-integrazzjoni tal-programmi tal-Istati Membri permezz tal-Artikolu 169, kif indikat fil-Programm Speċifiku Koperazzjoni tal-FP7. Għażla ta’ Politika 5: "JRC – azzjoni diretta"; programm Ewropew wieħed ta’ riċerka dwar il-metroloġija li għandu jiġi implimentat permezz tal-JRC biex ikopri l-ħtiġijiet tal-metroloġija fuq livell Ewropew. Id-differenza bejn dawn il-ħames għażliet qiegħda fil-mod kif ikun implimentat l-intervent Komunitarju – jew bħala azzjoni indiretta jew bħala azzjoni diretta. Il-karatteristiċi prinċipali ta’ kull għażla ta’ politika huma diskussi fid-dettall fis-subsezzjonijiet li ġejjin. Jekk tintgħażel l-Għażla ta’ Politika 1, is-sitwazzjoni tal-lum ma tibqax stabbli minħabba n-nuqqas ta’ kwalunkwe intervent politiku u/jew finanzjarju tal-Komunità (ERA-NET jew strumenti oħra ta’ koordinament). Wisq probabbli tmur għall-agħar billi l-Istati Membri jinvestu inqas fil-qasam tar-riċerka dwar il-metroloġija billi ma jidhirx bħala qasam ta’ prijorità Ewropew. L-istatus quo u s-separazzjoni bejn il-programmi tal-Istati Membri ser jibqgħu; ftit ikun probabbli li l-gruppi ta’ riċerka tal-pajjiżi ġodda jissieħbu ma’ timijiet ta’ riċerka ta’ livell għoli u bl-esperjenza f’pajjiżi aktar avvanzati. L-Għażla ta’ Politika 2 tkompli t-triq li nqabdet bl-ERA-NET fil-FP6 u l-ERA-NET-Plus fil-bidu tal-PF7. L-isferi tal-politika u l-oqsma ta’ riċerka tal-UE (eż. l-enerġija, l-ambjent) jistgħu faċilment jiġu involuti direttament fil-koordinament mal-programmi tal-MS u l-mekkaniżmi ta’ interazzjoni maħsuba tajjeb b’diversi ERA-NETs orjentati lejn il-metroloġija se jkunu ċ-ċavetta. Mhux ser ikun hemm approċċ programmatiku koerenti konġunt fuq perjodu fit-tul bħal fil-każ ta’ programm ta’ riċerka ġenwin Ewropew. L-Għażla ta’ Politika 3 ma għandha bżonn ebda struttura istituzzjonali kbira. Din toħloq programm speċifiku ta’ riċerka għall-metroloġija fejn il-komunità metroloġika u l-komunità xjentifika kollha kif ukoll l-industrija inġenerali jistgħu jikkompetu għall-finanzjamenti skont ir-regoli tal-Programm Kwadru. Din tipprovdi l-opportunità li tiffoka b’mod partikolari fuq sfidi teknoloġiċi ġodda f’oqsma emerġenti, u b’hekk tikkontribwixxi għall-immodernizzar tas-settur. Din ir-rotta tixbah dik tal-għażla 2. Ma jkollha l-ebda effett fuq is-sistemi ta’ riċerka nazzjonali li jeżistu fil-metroloġija u l-integrazzjoni bejn il-programmi u l-infrastrutturi nazzjonali. L-Għażla ta’ Politika 4 toħloq pjattaforma għall-ipprogrammar konġunt ta’ riċerka bejn l-UE u l-Istati Membri, biex b’hekk toħloq aġenda ta’ riċerka koerenti b’massa kritika għal perijodu ta’ żmien twil. Il-parteċipazzjoni attiva tal-Kummissjoni Ewropea tista’ tiiżgura enfasifuq il-mobilità, it-trasparenza, u attenzjoni ffukata fuq l-oqsma emerġenti. It-taħlita ta’ fondi tal-UE u dawk nazzjonali toħloq massa kritika li tista’ tistimula bidliet strutturali tas-sistemi nazzjonali ta’ riċerka fil-metroloġija. Ir-rabtiet mal-industrija mhumiex espliċiti fil-livell tal-UE u minflok jibqgħu fil-livell nazzjonali. Din l-għażla teħtieġ bidliet sostanzjali istituzzjonali li x’aktarx jieħdu ż-żmien u huma meħtieġa negozjati kumplessi mal-Istati Membri biex jiġu implimentati. L-Għażla ta’ Politika 5 timplika li r-riċerka fil-metroloġija sseħħ b'mod iżolat mill-Istati Membri, mill-programmi rispettivi ta’ riċerka tagħhom u l-infrastrutturi relatati u għalhekk ftit se jkollha influwenza fuq ir-ristrutturar tas-sistemi ta’ riċerka nazzjonali fil-metroloġija u ma jitqisux il-bżonnijiet tal-Istati Membri. Konġestjonijiet oħra huma l-ħtiġijiet ta’ reklutaġġ għall-JRC u n-nuqqas ta’ kompetizzjoni fil-qasam metroloġiku, li min-natura tiegħu jeħtieġ rotot kompetittivi ta’ riċerka biex jinstabu s-soluzzjonijiet li l-aktar jispiraw fiduċja. 2.3. Għaliex għandna nużaw l-Artikolu 169? L-Għażliet 1 u 5 mhumiex alternattivi vijabbli biex tkun indirizzata l-problema indikata hawn fuq u l-analiżi dettaljata kienet limitata għall-għażliet 2, 3 u 4 biex jitqabblu l-punti favur u kontra Il-konklużjoni ġenerali hija li wasal iż-żmien għal inizjattiva skont l-Artikolu 169 fil-metroloġija. L-inizjattiva hija importanti kemm għall-iżvilupp u l-immodernizzar tas-sistema tar-riċerka Ewropea dwar il-metroloġija kif ukoll biex issostni lil dawk l-industriji u l-oqsma speċifiċi li jeħtieġu attivitajiet metroloġiċi dejjem aktar sofistikati. |

3. ELEMENTI LEGALI TAL-PROPOSTA |

3.1. Sommarju tal-azzjoni proposta L-EMRP se jintegra l-programmi nazzjonali ta’ tnejn u għoxrin Stat parteċipanti fi programm wieħed konġunt ta’ riċerka u jsostni, b’mod partikolari, il-miri tas-Sistemi Nazzjonali Ewropej tal-Kejl. L-EMRP se jaċċellera l-iżvilupp, il-validazzjoni u l-isfruttament ta’ metodi, standards, proċessi, strumenti, materjali ta’ referenza u għerf ġdid dwar it-tkejjil immirati sabiex jagħtu spinta lill-iżviluppi innovattivi fl-industrija u l-kummerċ, itejbu l-kwalità tad-dejta għax-xjenza, l-industrija u t-tiswir tal-politika u jsostnu l-iżvilupp u l-implimentazzjoni tad-direttivi u r-regolamenti. L-EMRP ser jilħaq dawn il-miri kif ġej: a) Ġbir tal-eċċellenza fir-riċerka dwar il-metroloġija - bil-ħolqien ta’ proġetti kompetittivi konġunti ta’ riċerka li jorganizzaw il-kapaċità għal massa kritika suffiċjenti min-netwerks tal-Istituti Nazzjonali tal-Metroloġija (NMI) u l-Istituti Magħżula (DI) mill-Istati parteċipanti biex jindirizzaw l-isfidi metroloġiċi prinċipali ffaċċjati f’livell Ewropew; b) Ftuħ tas-sistema għall-aħjar xjenza - billi tiżdied il-parteċipazzjoni mill-komunità Ewropea aktar wiesgħa tar-riċerkaturi permezz ta’ għotjiet għar-riċerkaturi; c) Żvilupp tal-kapaċità - billi tiżdied il-kapaċità tal-komunità Ewropea tar-riċerka dwar il-metroloġija permezz ta’ għotjiet għall-mobilità tar-riċerkaturi mmirati lejn dawk il-Pajjiżi Membri tal-EURAMET[1] b’kapaċità ta’ riċerka metroloġika limitata. L-EMRP sejjer jikkumplimenta programmi u attivitajiet nazzjonali li għaddejjin immirati sabiex jindirizzaw prijoritajiet purament nazzjonali. |

310 | 3.2. Bażi legali Il-proposta għall-EMRP hija bbażata fuq l-Artikolu 169 tat-Trattat KE, li jipprovdi għall-parteċipazzjoni tal-Komunità fi programmi ta’ riċerka mwettqa flimkien minn diversi Stati Membri, inkluża l-parteċipazzjoni fl-istrutturi maħluqa għat-twettiq ta’ dawk il-programmi. Din il-proposta tikkorrispondi għall-ġestjoni ċentralizzata indiretta, skont id-dispożizzjonijiet tal-Art. Din il-proposta tikkorrispondi għal ġestjoni ċentralizzata indiretta, skont id-dispożizzjonijiet tal-Artikolu 54(2)(c) tar-Regolament Finanzjarju. Skont l-Artikolu 56 tar-Regolament Finanzjarju, il-Kummissjoni l-ewwel għandha tikseb evidenza tal-eżistenza u t-tħaddim korrett ta’, fost l-oħrajn, il-proċeduri għall-għoti tal-għotjiet, sistema ta’ kontroll interna, sistema adegwata ta’ kontabilità fi ħdan l-entità li lilha tafda l-implimentazzjoni, u verifika esterna indipendenti. |

32 | 3.3. Il-prinċipju tas-sussidjarjetà Il-prinċipju tas-sussidjaretà japplika sakemm il-proposta ma taqax taħt il-kompetenza esklużiva tal-Komunità. Fil-każ tal-proċess propost għal EMRP, l-azzjonijiet purament nazzjonali jew intergovernattivi mmirati lejn il-koordinament tal-R&D pubbliku dwar il-metroloġija ma espandewx f’dawn l-aħħar snin u ma għandhomx iżidu riżorsi finanzjarji jew jintegraw l-EMRP fil-Programm Kwadru u fil-qafas aktar wiesa’ tal-ERA. Għalhekk, l-Istati Membri mhumiex probabbli li jkunu kapaċi jindirizzaw dawn il-problemi billi jaġixxu waħedhom. Id-dritt li l-Komunità topera f’dan il-qasam huwa stipulat f’diversi Artikoli tat-Trattat li jipprovdu koordinazzjoni u kooperazzjoni fir-riċerka bejn l-Istati Membri u l-Komunità. L-Artikolu 165 jistipula li “il-Komunità u l-Istati Membri għandhom jikkordinaw l-attivitajiet tagħhom fir-riċerka u l-iżvilupp teknoloġiku sabiex jiżguraw li kull politika nazzjonali u dik tal-Komunità ikunu koerenti ma’ xulxin”. Dan jippermetti wkoll lill-Kummissjoni, f’kollaborazzjoni mill-qrib mal-Istati Membri, sabiex "tieħu kull inizjattiva utli" biex tippromwovi koordinazzjoni bħal din. Għal bosta snin, il-Komunità għamlet użu mid-diversi dispożizzjonijiet tat-Trattat sabiex tinkoraġġixxi koordinazzjoni u kooperazzjoni akbar bejn il-programmi ta’ riċerka nazzjonali. Fl-2000, il-Kunsill Ewropew ta’ Liżbona kkonkluda li l-attivitajiet tar-riċerka fil-livell nazzjonali u f’dak tal-Unjoni jridu jkunu integrati u kkoordinati aħjar sabiex isiru kemm jista’ jkun effiċjenti u innovattivi. Fl-2006, il-Parlament Ewropew għamel enfasi fuq il-koordinament aħjar tal-programmi ta’ riċerka nazzjonali u Ewropej. Fil-programm Speċifiku Kooperazzjoni tal-FP7, tħabbret inizjattiva tal-Artikolu 169 biex jiġi implimentat programm Ewropew konġunt ta’ riċerka dwar il-metroloġija permezz tan-netwerks eżistenti ta’ Laboratorji Nazzjonali dwar il-Metroloġija. |

3.4. Il-prinċipju tal-proporzjonalità Il-proposta tikkonforma mal-prinċipju tal-proporzjonalità għar-raġuni(jiet) li ġejjin. |

331 | L-Artikolu 169 jistieden lill-Komunità sabiex "bi ftehim mal-Istati Membri involuti, tipprovdi dwar parteċipazzjoni tagħha fi programmi ta’ riċerka u żvilupp mnedija minn diversi Stati Membri, inkluż il-parteċipazzjoni fl-istutturi maħluqa għall-eżekuzzjoni ta’ dawn il-programmi.” F’dan l-isfond, l-Istati Membri qegħdin fuq quddiem nett u għandhom ambitu kbir għad-deċiżjonijiet nazzjonali. Abbażi tal-analiżi tal-Valutazzjoni tal-Impatt, il-porzjon stmat ta’ finanzjament potenzjali "Ewropew" għall-proġett li jista’ realistikament jinħeles minn kontroll nazzjonali dirett huwa madwar EUR 200 miljun fuq 6-7 snin, flimkien ma’ baġit ta’ riżerva ta’ EUR 100 miljun. Bil-Kontribuzzjoni Komunitarja proposta ta’ EUR 200 miljun, l-EMRP jinbidel drastikament minn investiment RTD frammentat u purament nazzjonali fir-riċerka dwar il-metroloġija għal investiment strutturat u bbilanċjat fuq livell nazzjonali u tal-UE. |

3.5. Għażla tal-istrumenti |

342 | L-istrument propost huwa kodeċiżjoni mill-Parlament Ewropew u l-Kunsill, li hija l-mezz biex jiġi implimentat l-Artikolu 169. |

4. IMPLIKAZZJONIJIET GħALL-BAġIT |

401 | L-implikazzjonijiet baġitarji ta’ din il-proposta orizzontali huma diġà msemmija fil-bażi legali tal-FP7[2] kif ukoll fil-Programm Speċifiku "Kooperazzjoni" tal-FP7[3]. Il-ftehim li għandu jiġi konkluż bejn il-Kummissjoni u l-istruttura ddedikata għall-implimentazzjoni għandu jassigura li l-interessi finanzjarji tal-Komunità jiġu mħarsa. |

5. TAGħRIF ADDIZZJONALI |

510 | 5.1. Simulazzjoni, fażi pilota u perjodu tranżizzjonali L-azzjoni ERA-NET Plus isservi bħala simulazzjoni jew fażi pilota għall-proposta dwar l-EMRP. Sabiex iżżomm il-momentum u tkompli t-tħejjija tal-EMRP, il-Kummissjoni identifikat din l-azzjoni tal-ERA-NET Plus fil-Programm ta’ Ħidma dwar il-Kooperazzjoni bħala miżura intermedja lejn il-proposta futura tal-'Artikolu 169'. Ġew allokati EUR 21 miljun għall-iMERA Plus fil-Programm ta’ Ħidma Kooperazzjoni. Is-suċċess tas-Sejħa tal-ERA-NET Plus wera b’mod ċar il-kapaċità li jingħaqdu r-riżorsi nazzjonali minn 20 pajjiż, jiġu organizzati u mwettqa Sejħa u proċess tal-għażla konġunti, li wassal biex jiġu kommessi EUR 64 miljun għal 21 proġett ta’ kollaborazzjoni lejn l-aħħar tal-2007. Ir-riżultati se jservu lill-Ewropa kollha kemm hi u dan il-każ ta’ prova indirizza l-kwistjonijiet kollha importanti tal-implimentazzjoni bħal pereżempju kwistjonijiet dwar id-drittijiet tal-proprjetà intellettwali (IPR). Mhuwiex meħtieġ perjodu tranżizzjonali ieħor għall-EMRP. 5.2. Simplifikazzjoni |

511 | Il-proposta tipprovdi għas-simplifikazzjoni tal-proċeduri amministrattivi għall-awtoritajiet pubbliċi (UE jew nazzjonali) u għal partijiet privati. |

513 | L-UE se tieħu ħsieb direttament l-istruttura ddedikata għall-implimentazzjoni tal-EMRP li se tkun responsabbli biex talloka, timmonitorja u tirrapporta dwar l-użu tal-kontribuzzjoni Komunitarja. |

5.3. Klawżola ta’ valutazzjoni/reviżjoni/għeluq |

531 | Il-proposta tinkludi klawżola ta’ valutazzjoni. |

560 | 5.4. Iż-Żona Ekonomika Ewropea L-att propost jirrigwarda kwistjoni ta’ relevanza għaż-ŻEE u għalhekk għandu jestendi għaż-Żona Ekonomika Ewropea. |

2008/0230 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

dwar il-parteċipazzjoni mill-Komunità fi programm Ewropew ta’ riċerka u żvilupp dwar il-metroloġija mwettaq minn diversi Stati Membri (Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikoli 169 u 172, it-tieni paragrafu, tiegħu,

Wara li kkunsidraw il-proposta mill-Kummissjoni[4],

Wara li kkunsidraw l-opinjoni tal-Kumitat Ekonomiku u Soċjali Ewropew[5],

Waqt li jaġixxu skont il-proċedura stipulata fl-Artikolu 251 tat-Trattat[6],

Billi:

(1) Id-Deċiżjoni Nru 1982/2006/KE tal-Parlament Ewropew u tal-Kunsill tat-18 ta’ Diċembru 2006 dwar is-Seba' Programm Kwadru tal-Komunità Ewropea għall-attivitajiet ta' riċerka, ta' żvilupp teknoloġiku u ta' dimostrazzjoni (2007-2013) (minn hawn ’il quddiem "is-Seba’ Programm Kwadru")[7] tipprovdi għall-parteċipazzjoni tal-Komunità fil-programmi ta’ riċerka u żvilupp imwettqa minn diversi Stati Membri, inkluża l-parteċipazzjoni fl-istrutturi maħluqa għat-twettiq ta’ dawk il-programmi, fit-tifsira tal-Artikolu 169 tat-Trattat.

(2) Is-Seba’ Programm Kwadru ddefinixxa serje ta’ kriterji għall-identifikazzjoni ta’ oqsma għal inizjattivi bħal dawn skont l-Artikolu 169: ir-rilevanza għall-miri tal-Komunità, id-definizzjoni ċara tal-mira li għandha tiġi segwita u r-rilevanza tagħha għall-miri tal-Programm Kwadru, il-preżenza ta’ bażi diġà eżistenti (programmi ta’ riċerka nazzjonali eżistenti jew previsti), valur miżjud Ewropew, massa kritika fir-rigward tad-daqs u n-numru ta’ programmi involuti u x-xebh tal-attivitajiet li jkopru, u l-effiċjenza tal-Artikolu 169 bħala l-aktar mezz adatt sabiex jintlaħqu l-miri.

(3) Id-Deċiżjoni tal-Kunsill Nru 971/2006/KE tad-19 ta’ Diċembru 2006 dwar il-Programm Speċifiku Kooperazzjoni li jimplimenta s-Seba’ Programm Kwadru tal-Komunità Ewropea għal attivitajiet ta' riċerka, żvilupp teknoloġiku u dimostrazzjoni (2007-2013)[8] (minn hawn ’il quddiem il-"Programm Speċifiku "Kooperazzjoni"") tinkoraġġixxi approċċ li jħaddan diversi temi ta’ suġġetti ta’ riċerka rilevanti għal tema waħda jew aktar tas-Seba’ Programm Kwadru, u f’dan il-kuntest identifikat inizjattiva skont l-Artikolu 169 fil-kamp tal-metroloġija bħala wieħed mill-oqsma adatti għall-parteċipazzjoni mill-Komunità fi programmi ta’ riċerka nazzjonali implimentati b’mod konġunt fuq il-bażi tal-Artikolu 169 tat-Trattat.

(4) Il-metroloġija hija qasam xjentifiku li jħaddan diversi dixxiplini li huwa komponent vitali ta’ soċjetà moderna bbażata fuq l-għerf. Standards ta’ kejl affidabbli u komparabbli, metodi validati xierqa ta’ kejl u ttestjar isostnu l-proċessi tal-avvanz xjentifiku u l-innovazzjoni teknoloġika u għalhekk għandhom impatt sinifikanti fuq l-ekonomija u l-kwalità tal-ħajja fl-Ewropa.

(5) Fil-preżent, numru ta’ programmi jew attivitajiet ta’ riċerka u żvilupp imwettqa mill-Istati Membri b’mod individwali fuq livell nazzjonali biex isostnu l-R&D fil-metroloġija mhumiex ikkoordinati b’mod suffiċjenti fil-livell Ewropew u ma jippermettux li tinġabar il-massa kritika neċessarja li hija mitluba f’oqsma strateġiċi tar-riċerka u żvilupp.

(6) Xewqana li jkollhom approċċ koerenti fuq livell Ewropew fil-kamp tal-metroloġija u li jaġixxu b’mod effettiv, diversi Stati Membri ħadu l-inizjattiva li jwaqqfu programm konġunt ta’ riċerka u żvilupp bit-titlu "Programm Ewropew ta’ Riċerka dwar il-Metroloġija" (minn hawn ’il quddiem l-"EMRP") sabiex jirrispondu għat-talba dejjem tiżdied fl-Ewropa għal metroloġija progressiva, b’mod partikolari f’oqsma teknoloġiċi emerġenti, bħala għodda għall-innovazzjoni, ir-riċerka xjentifika u appoġġ għall-politika.

(7) Fil-programm ta’ ħidma tagħha għall-2007-2008 tal-11 ta’ Ġunju 2007 għall-implimentazzjoni tal-Programm Speċifiku "Kooperazzjoni"[9], il-Kummissjoni pprovdiet appoġġ finanzjarju għall-ERA-NET Plus fil-kamp tal-metroloġija sabiex tiffaċilita t-tranżizzjoni bejn il-proġett tal-ERA-NET "iMERA" u l-programm konġunt ta’ riċerka u żvilupp fil-qasam tal-metroloġija li għandu jiġi implimentat fuq il-bażi tal-Artikolu 169 tat-Trattat tal-KE.

(8) L-EMRP jfittex li jsostni l-iżvilupp u l-innovazzjoni xjentifika billi jipprovdi l-qafas legali u organizzattiv neċessarju għal kooperazzjoni Ewropea fuq skala kbira bejn l-Istati Membri dwar riċerka metroloġika fi kwalunkwe qasam teknoloġiku jew industrijali. L-Awstrija, il-Belġju, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, l-Ungerija, l-Italja, l-Olanda, il-Polonja, il-Portugall, ir-Rumanija, is-Slovakkja, is-Slovenja, Spanja, l-Iżvezja u r-Renju Unit kif ukoll in-Norveġja, l-Iżvizzera u t-Turkija (minn hawn ’il quddiem "l-Istati parteċipanti") qablu li jikkoordinaw u jimplimentaw attivitajiet konġunti mmirati sabiex jikkontribwixxu għall-EMRP. Il-valur globali tal-parteċipazzjoni tagħhom huwa stmat għal mill-anqas EUR 200 miljun flimkien ma’ kapaċità ta’ finanzjament ta’ riżerva ta’ EUR 100 miljun għall-perjodu propost ta’ seba’ snin.

(9) Sabiex iżidu l-impatt tal-EMRP, l-Istati parteċipanti qablu ma’ parteċipazzjoni Komunitarja fl-EMRP. Il-Komunità għandha tipparteċipa fih billi tipprovdi kontribuzzjoni finanzjarja li tikkorrispondi għal dik tal-Istati parteċipanti sa massimu ta’ EUR 200 miljun għall-perjodu tal-EMRP. Minħabba li l-EMRP jilħaq il-miri speċifiċi tas-Seba’ Programm Kwadru u li l-azzjonijiet fil-kamp tal-metroloġija huma ta’ natura orizzontali u mhux marbuta direttament mal-għaxar temi, l-EMRP għandu jiġi appoġġat tul it-temi kollha rilevanti.

(10) Jistgħu jkunu disponibbli aktar opzjonijiet ta’ finanzjament, fost l-oħrajn mill-Bank Ewropew tal-Investiment (BEI), b’mod partikolari permezz tal-Faċilità Finanzjarja tal-Qsim tar-Riskju li ġiet żviluppata b’mod konġunt mal-BEI u l-Kummissjoni skont l-Anness III tal-Programm Speċifiku "Kooperazzjoni".

(11) L-appoġġ finanzjarju mill-Komunità għandu jiġi pprovdut suġġett għad-definizzjoni ta’ pjan ta’ finanzjament ibbażat fuq impenji formali mill-awtoritajiet nazzjonali kompetenti biex jimplimentaw flimkien il-programmi u l-attivitajiet ta’ riċerka u żvilupp imwettqa fuq livell nazzjonali u sabiex jikkontribwixxu għall-finanzjament tal-eżekuzzjoni konġunta tal-EMRP.

(12) L-implimentazzjoni konġunta tal-programmi nazzjonali ta’ riċerka teħtieġ l-istabbiliment jew l-eżistenza ta’ struttura ddedikata għall-implimentazzjoni, kif ipprovdut fil-Programm Speċifiku "Kooperazzjoni". L-Istati parteċipanti qablu dwar struttura ta’ implimentazzjoni ddedikata bħal din biex jimplimentaw l-EMRP. L-istruttura ddedikata għall-implimentazjoni għandha tirċievi l-kontribuzzjoni Komunitarja u għandha tassigura t-twettiq effiċjenti tal-EMRP.

(13) Il-kontribuzzjoni Komunitarja għandha tkun suġġetta għall-wegħdiet ta’ riżorsi mill-Istati parteċipanti u l-ħlas effettiv tal-kontribuzzjonijiet finanzjarji tagħhom.

(14) Filwaqt li ċ-Ċentru Konġunt għar-Riċerka huwa dipartiment tal-Kummissjoni, l-istituti tiegħu għandhom kapaċitajiet ta’ riċerka li huma rilevanti għall-EMRP u li għalhekk għandhom jiġu attivati fl-implimentazzjoni tiegħu. Għalhekk, huwa xieraq li l-irwol taċ-Ċentru Konġunt għar-Riċerka jiġi ddefinit f’termini tal-eliġibilità tiegħu għall-parteċipazzjoni u għall-finanzjament u tal-involviment tiegħu fit-tmexxija tal-EMRP.

(15) Il-ħlas tal-kontribuzzjoni Komunitarja huwa suġġett għall-konklużjoni ta’ ftehim ġenerali bejn il-Kummissjoni f’isem il-Komunità Ewropea u l-istruttura ddedikata għall-implimentazzjoni, li jinkludi l-arranġamenti dettaljati għall-użu tal-kontribuzzjoni Komunitarja. Dan il-ftehim ġenerali għandu jinkludi d-dispożizzjonijiet neċessarji sabiex ikun żgurat li l-interessi finanzjarji tal-Komunità jiġu mħarsa.

(16) L-imgħax iġġenerat mill-kontribuzzjoni Komunitarja għandu jitqies bħala dħul assenjat, skont l-Artikolu 18(2) tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej[10] (minn hawn ’il quddiem "ir-Regolament Finanzjarju"). Il-kontribuzzjoni Komunitarja massima indikata f’din id-deċiżjoni tista’ tiżdied kif meħtieġ mill-Kummissjoni.

(17) Il-Komunità għandu jkollha d-dritt li tnaqqas, tirtira jew twaqqaf il-kontribuzzjoni finanzjarja tagħha jekk l-EMRP jiġi implimentat inadegwatament, parzjalment jew tard, jew jekk l-Istati parteċipanti ma jikkontribwux jew jikkontribwixxu parzjalment jew tard għall-finanzjament tal-EMRP, skont it-termini stipulati fi ftehim ġenerali li għandu jiġi konkluż bejn il-Komunità u l-istruttura ddedikata għall-implimentazzjoni.

(18) Sabiex l-EMRP jiġi implimentat b’mod effiċjenti, l-appoġġ finanzjarju għandu jingħata lil parteċipanti fil-proġetti tal-EMRP magħżula fil-livell ċentrali taħt ir-responsabbiltà tal-istruttura ddedikata għall-implimentazzjoni wara sejħiet għall-proposti. Tali appoġġ finanzjarju u l-ħlas tiegħu għandhom ikunu trasparenti u effiċjenti.

(19) L-evalwazzjoni tal-proposti għandha ssir b’mod ċentrali minn esperti indipendenti taħt ir-responsabilità tal-istruttura ddedikata għall-implimentazzjoni. Din l-istruttura għandha tapprova klassifikazzjoni li għandha tkun vinkolanti fir-rigward tal-allokazzjoni ta’ finanzjament mill-kontribuzzjoni Komunitarja u mill-baġits nazzjonali allokati għal proġetti tal-EMRP.

(20) Skont ir-Regolament Finanzjarju u r-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolament Finanzjarju li jgħodd għall-baġit ġenerali tal-Komunitajiet Ewropej[11] (minn hawn ’il quddiem ir-"Regoli Implimentattivi"), il-kontribuzzjoni Komunitarja għandha tiġi mmaniġġata fil-qafas ta’ ġestjoni ċentralizzata indiretta skont id-dispożizzjonijiet tal-Artikoli 54(2)(c) u 56 tar-Regolament Finanzjarju, u l-Artikoli 35, 38(2) u 41 tar-Regoli Implimentattivi.

(21) Kwalunkwe Stat Membru u kwalunkwe pajjiż assoċjat mas-Seba’ Programm Kwadru għandu jkollu d-dritt li jissieħeb fl-EMRP.

(22) B’mod konformi mal-miri tas-Seba’ Programm Kwadru, għandha tkun possibbli l-parteċipazzjoni ta’ kwalunkwe pajjiż ieħor fl-EMRP bil-kundizzjoni li tali parteċipazzjoni tkun prevista mill-ftehim internazzjonali rilevanti u bil-kundizzjoni li kemm il-Kummissjoni, f’isem il-Komunità, kif ukoll l-Istati Membri parteċipanti jaqblu magħha. Skont is-Seba’ Programm Kwadru, il-Komunità għandu jkollha d-dritt li tiftiehem kundizzjonijiet marbuta mal-kontribuzzjoni finanzjarja tagħha għall-EMRP rigward il-parteċipazzjoni fih ta’ pajjiżi oħra bħal dawn skont ir-regoli u l-kundizzjonijiet stipulati f’din id-deċiżjoni.

(23) Għandhom jittieħdu miżuri adegwati sabiex jiġu evitati irregolaritajiet u frodi u għandhom jittieħdu l-passi neċessarji biex jiġu rkuprati l-fondi mitlufa, imħallsa bi żball jew użati ħażin skont ir-Regolament tal-Kunsill (KE, Euratom) Nru 2988/95 tat-18 ta’ Diċembru 1995 dwar il-protezzjoni tal-interessi finanzjarji tal-Komunità Ewropea[12], ir-Regolament (KE, Euratom) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolaritajiet oħra[13] u r-Regolament (KE) Nru 1073/1999 tal-Parlament Ewropew u tal-Kunsill tal-25 ta’ Mejju 1999 dwar l-investigazzjonijiet immexxija mill-Uffiċċju Ewropew ta’ Kontra l-Frodi (OLAF)[14].

(24) Huwa essenzjali li l-attivitajiet ta’ riċerka mwettqa taħt l-EMRP jikkonformaw mal-prinċipji etiċi bażiċi, fosthom dawk riflessi fl-Artikolu 6 tat-Trattat dwar l-Unjoni Ewropea u fil-Karta tad-Drittijiet Fundamentali tal-Unjoni Ewropea, u jsegwu l-prinċipji tal-integrazzjoni tas-sessi u l-ugwaljanza bejn is-sessi.

(25) Il-Kummissjoni għandha tagħmel evalwazzjoni proviżorja, li tivvaluta l-kwalità u l-effiċjenza tal-implimentazzjoni tal-EMRP u l-progress lejn il-miri stabbiliti, kif ukoll evalwazzjoni finali.

(26) L-istruttura ddedikata għall-implimentazzjoni għandha tinkoraġġixxi lill-parteċipanti fil-proġetti magħżula tal-EMRP sabiex jikkomunikaw u jxerrdu r-riżultati tagħhom u jagħmlu din l-informazzjoni pubblikament disponibbli,

ADOTTAW DIN ID-DEĊIŻJONI:

Artikolu 1 Kontribuzzjoni Komunitarja

1. Il-Komunità għandha tipprovdi kontribuzzjoni finanzjarja għall-"Programm Ewropew ta’ Riċerka dwar il-Metroloġija" (minn hawn ’il quddiem "EMRP") imwettaq b’mod konġunt mill-Awstrija, il-Belġju, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, l-Ungerija, l-Italja, l-Olanda, il-Polonja, il-Portugall, ir-Rumanija, is-Slovakkja, is-Slovenja, Spanja, l-Iżvezja u r-Renju Unit, kif ukoll in-Norveġja, l-Iżvizzera u t-Turkija (minn hawn ’il quddiem imsejħa l-"Istati parteċipanti").

2. Il-Komunità għandha tipprovdi kontribuzzjoni finanzjarja daqs dik tal-Istati parteċipanti iżda li ma taqbiżx EUR 200 miljun imħallsa mill-approprjazzjonijiet tal-baġit ġenerali tal-Komunitajiet Ewropej, għall-perjodu tas-Seba’ Programm Kwadru, skont il-prinċipji stipulati fl-Anness I u l-Anness II ta’ din id-deċiżjoni.

3. Il-kontribuzzjoni Komunitarja għandha titħallas b’mod konġunt mill-approprjazzjonijiet tal-baġit allokati għat-temi kollha rilevanti tal-Programm Speċifiku "Kooperazzjoni" li jimplimenta s-Seba’ Programm Kwadru skont id-Deċiżjoni 2006/974/KE.

Artikolu 2Kundizzjonijiet tal-kontribuzzjoni Komunitarja

Il-kontribuzzjoni Komunitarja għandha tkun marbuta mal-kundizzjoni li:

1. l-Istati parteċipanti juru li l-EMRP kif deskritt fl-Anness I ta’ din id-deċiżjoni ġie stabbilit b’mod effiċjenti;

2. tiġi stabbilita b’mod formali l-istruttura ddedikata għall-implimentazzjoni b’personalità ġuridika li għandha tkun responsabbli għall-implimentazzjoni tal-EMRP u biex tirċievi, talloka u timmonitorja l-kontribuzzjoni Komunitarja fil-qafas ta’ ġestjoni ċentralizzata indiretta skont l-Artikoli 54(2)(c) u 56 tar-Regolament Finanzjarju u l-Artikoli 35, 38(2) u 41 tar-Regoli Implimentattivi;

3. jiġi stabbilit mudell adegwat u effiċjenti ta’ tmexxija għall-EMRP f’konformità mal-Anness II ta’ din id-deċiżjoni;

4. jitwettqu b’mod effiċjenti l-attivitajiet taħt l-EMRP deskritti fl-Anness I ta’ din id-deċiżjoni mill-istruttura ddedikata għall-implimentazzjoni, li jinvolvi t-tnedija ta’ sejħiet għall-proposti;

5. kull Stat parteċipanti jimpenja ruħu li jikkontribwixxi l-parti tiegħu tal-finanzjament tal-EMRP, u biex iżid din il-kontribuzzjoni b’kapaċità ta’ finanzjament ta’ riżerva ta’ 50% sabiex ilaħħaq ma’ rata ta’ suċċess għolja tal-parteċipanti tiegħu fil-proġetti tal-EMRP, u l-ħlas effettiv tal-kontribuzzjoni finanzjarja lill-benefiċjarji;

6. jiġu osservati r-regoli Komunitarji dwar l-għajnuna mill-Istat, u b’mod partikolari l-Qafas Komunitarju għall-Għajnuna Statali għar-Riċerka, Żvilupp u Innovazzjoni[15];

7. jiġi assigurat livell għoli ta’ eċċellenza xjentifika u osservanza tal-prinċipji etiċi skont il-prinċipji ġenerali tas-Seba’ Programm Kwadru, u tal-integrazzjoni tas-sessi u l-ugwaljanza bejn is-sessi, u tal-iżvilupp sostenibbli;

8. jiġu fformulati dispożizzjonijiet li jirregolaw id-drittijiet tal-proprjetà intellettwali li jirriżultaw mill-attivitajiet imwettqa taħt l-EMRP u l-implimentazzjoni u l-koordinament tal-programmi u l-attivitajiet ta’ riċerka u żvilupp imwettqa fil-livell nazzjonali mill-Istati parteċipanti b’tali mod li huma jfittxu li jippromwovu l-ħolqien ta’ dan it-tip ta’ għerf u jappoġġaw użu wiesa’ u tixrid tal-għerf li jinħoloq. L-approċċ meħud għandu jsegwi l-mudell stabbilit mir-Regolament (KE) Nru 1906/2006 tal-Parlament Ewropew u tal-Kunsill tat-18 ta’ Diċembru 2006 li jistabbilixxi r-regoli għall-parteċipazzjoni ta’ impriżi, ċentri tar-riċerka u universitajiet f’azzjonijiet taħt is-Seba’ Programm Kwadru u għad-disseminazzjoni tar-riżultati tar-riċerka (2007-2013)[16] (minn hawn ’il quddiem “ir-Regoli għall-Parteċipazzjoni fis-Seba’ Programm Kwadru”).

Artikolu 3Attivitajiet tal-EMRP

1. L-attività prinċipali tal-EMRP għandha tikkonsisti fil-finanzjament ta’ proġetti EMRP transnazzjonali b’diversi msieħba li jindirizzaw attivitajiet ta’ riċerka, żvilupp teknoloġiku, taħriġ u disseminazzjoni (minn hawn ’il quddiem imsejħa "proġetti EMRP"). Minħabba l-kapaċitajiet ikkonċentrati fil-metroloġija, il-parti prinċipali tal-proġetti EMRP għandha titwettaq mill-Istituti Nazzjonali tal-Metroloġija u l-Istituti Denominati mill-Istati parteċipanti.

4. Sabiex iżid u jiddiversifika l-kapaċitajiet fil-metroloġija, l-EMRP għandu jiffinanzja wkoll diversi skemi ta’ għotjiet għar-riċerkaturi sabiex jikkumplimentaw l-proġetti EMRP.

5. Il-proġetti EMRP għandhom jintgħażlu u l-għotjiet għar-riċerkaturi għandhom jingħataw wara sejħiet għall-proposti li jirrispettaw il-prinċipji tat-trattament ugwali, tat-trasparenza, tal-evalwazzjoni indipendenti, tal-kofinanzjament, tal-finanzjament li ma jwassalx għal profitt kif ukoll tan-nuqqas ta’ retroattività kif stabbiliti fl-Anness I ta’ din id-deċiżjoni.

6. Il-kriterji prinċipali tal-evalwazzjoni għandhom ikunu mutatis mutandis dawk tal-Artikolu 15(1) (a) u (b) tar-Regoli għall-Parteċipazzjoni fis-Seba’ Programm Kwadru għall-proġetti EMRP u l-iskemi ta’ għotjiet għar-riċerkaturi, rispettivament. Is-sejħa għall-proposti għandha tikkonkretizza l-kriterji bażiċi ta’ valutazzjoni. Jistgħu jiddaħħlu kriterji addizzjonali bil-kundizzjoni li dawn jiġu ppubblikati fis-sejħa għall-proposti, ma jkunux diskriminatorji u ma jipprevalux fuq il-kriterji bażiċi ta’ valutazzjoni.

7. Aktar dettalji dwar l-implimentazzjoni tal-attivitajiet tal-EMRP huma pprovduti fl-Anness I ta’ din id-deċiżjoni.

Artikolu 4Rwol taċ-Ċentru Konġunt għar-Riċerka

2. Iċ-Ċentru Konġunt għar-Riċerka tal-Kummissjoni Ewropea se jkun eliġibbli għal parteċipazzjoni fi u għal finanzjament mill-EMRP taħt kundizzjonijiet komparabbli ma’ dawk tal-Istituti Nazzjonali tal-Metroloġija tal-Istati parteċipanti.

8. Ir-riżorsi personali taċ-Ċentru Konġunt għar-Riċerka, li mhumiex koperti mill-finanzjament mill-EMRP, ma għandhomx jgħoddu bħala kontribuzzjoni Komunitarja fl-ambitu tal-Artikolu 1.

9. L-istitut responsabbli għall-metroloġija taċ-Ċentru Konġunt għar-Riċerka, bħala dipartiment tal-Kummissjoni li jaġixxi f’isem il-Komunità, għandu jkollu d-dritt li jipparteċipa fl-implimentazzjoni tal-EMRP fi ħdan l-istruttura ddedikata għall-implimentazzjoni, bħala osservatur mingħajr dritt tal-vot.

Artikolu 5Ftehimiet bejn il-Komunità u l-istruttura ddedikata għall-implimentazzjoni

L-arranġamenti dettaljati għall-ġestjoni u kontroll tal-fondi u l-protezzjoni tal-interessi finanzjarji tal-Komunità għandhom jiġu stabbiliti fi ftehim ġenerali u fi ftehimiet finanzjarji annwali li għandhom jiġu konklużi bejn il-Kummissjoni, f’isem il-Komunità, u l-istruttura ddedikata għall-implimentazzjoni.

Il-ftehim ġenerali għandu jinkludi b’mod partikolari d-dispożizzjonijiet li ġejjin:

9. definizzjoni tal-kompiti assenjati;

10. il-kundizzjonijiet u l-arranġamenti dettaljati għat-twettiq tal-kompiti, fosthom dispożizzjonijiet xierqa biex jiġu ddefiniti r-responsabilitajiet u jkunu organizzati l-kontrolli li għandhom jitwettqu;

11. ir-regoli dwar ir-rappurtar lill-Kummissjoni fuq kif qegħdin jitwettqu l-kompiti;

12. il-kundizzjonijiet li fihom jintemm it-twettiq tal-kompiti;

13. l-arranġamenti dettaljati għall-iskrutinju mill-Kummissjoni;

14. il-kundizzjonijiet li jirregolaw l-użu ta’ kontijiet bankarji separati, it-trattament tal-imgħaxijiet prodotti;

15. id-dispożizzjonijiet li jiggarantixxu l-viżibilità tal-azzjoni Komunitarja f’relazzjoni mal-attivitajiet l-oħra tal-istruttura ddedikata għall-implimentazzjoni;

16. impenn li ma jitwettaq l-ebda att li jista’ jwassal għal kunflitt tal-interessi fit-tifsira tal-Artikolu 52(2) tar-Regolament Finanzjarju;

17. id-dispożizzjonijiet li jirregolaw id-drittijiet tal-proprjetà intellettwali li jirriżultaw mill-attivitajiet imwettqa taħt l-EMRP imsemmija fl-Artikolu 2.

Artikolu 6 Imgħaxijiet mill-kontribuzzjoni Komunitarja

Skont l-Artikolu 18(2) tar-Regolament Finanzjarju, l-imgħax iġġenerat mill-kontribuzzjoni Komunitarja allokata għall-EMRP għandu jitqies bħala dħul assenjat. Il-kontribuzzjoni massima Komunitarja indikata fl-Artikolu 1 tista’ għalhekk tiżdied mill-Kummissjoni.

Artikolu 7Tnaqqis tal-kontribuzzjoni Komunitarja bħala sanzjoni għal implimentazzjoni difettuża

Jekk l-EMRP ma jiġix implimentat jew jiġi implimentat inadegwatament, parzjalment jew tard, il-Komunità tista’ tnaqqas, tirtira jew twaqqaf il-kontribuzzjoni finanzjarja tagħha b’mod proporzjonali mal-implimentazzjoni attwali tal-EMRP.

Jekk l-Istati parteċipanti ma jikkontribwux jew jikkontribwixxu biss parzjalment jew tard għall-finanzjament tal-EMRP, il-Komunità tista’ tnaqqas il-kontribuzzjoni finanzjarja tagħha b’mod proporzjonali mal-ammont attwali ta’ finanzjament pubbliku allokat mill-Istati parteċipanti bil-kundizzjonijiet stipulati fil-ftehim ġenerali li għandu jiġi konkluż bejn il-Kummissjoni u l-istruttura ddedikata għall-implimentazzjoni.

Artikolu 8 Protezzjoni tal-interessi finanzjarji tal-Komunità mill-Istati parteċipanti

Fl-implimentazzjoni tal-EMRP, l-Istati parteċipanti għandhom jieħdu l-miżuri leġiżlattivi, regolatorji, amministrattivi jew oħrajn meħtieġa sabiex jitħarsu l-interessi finanzjarji tal-Komunità. B’mod partikolari, l-Istati parteċipanti għandhom jieħdu l-miżuri neċessarji sabiex jiżguraw l-irkupru sħiħ ta’ kwalunkwe ammont dovut lill-Komunità skont l-Artikolu 54(2)(c) tar-Regolament Finanzjarju u l-Artikolu 38(2) tar-Regoli Implimentattivi.

Artikolu 9Kontroll mill-Qorti tal-Awdituri

Il-Kummissjoni u l-Qorti tal-Awdituri ikollhom id-dritt, permezz tal-uffiċjali jew l-aġenti tagħhom, li jwettqu l-kontrolli u l-ispezzjonijiet kollha meħtieġa biex jiżguraw ġestjoni tajba tal-fondi tal-Komunità u jipproteġu l-interessi finanzjarji tal-Komunità kontra kwalunkwe frodi jew irregolarità. Għal dan il-għan, l-Istati parteċipanti u/jew l-istruttura ddedikata għall-implimentazzjoni għandhom, aktar tard, ipoġġu d-dokumenti kollha rilevanti għad-dispożizzjoni tal-Kummissjoni u tal-Qorti tal-Awdituri.

Artikolu 10 Informazzjoni reċiproka

Il-Kummissjoni għandha tikkomunika l-informazzjoni kollha rilevanti lill-Parlament Ewropew, lill-Kunsill u lill-Qorti tal-Awdituri. L-Istati parteċipanti huma mistiedna jissottomettu lill-Kummissjoni, permezz tal-istruttura ddedikata għall-implimentazzjoni, kwalunkwe informazzjoni addizzjonali meħtieġa mill-Parlament Ewropew, il-Kunsill u l-Qorti tal-Awdituri dwar il-ġestjoni finanzjarja tal-istruttura ddedikata għall-implimentazzjoni, li tkun konsistenti mar-rekwiżiti ġenerali tar-rappurtaġġ stipulati fl-Artikolu 13(1).

Artikolu 11Parteċipazzjoni ta’ aktar Stati Membri u pajjiżi assoċjati

Kwalunkwe Stat Membru u pajjiż assoċjat mas-Seba’ Programm Kwadru għandu jkun intitolat li jissieħeb fl-EMRP skont il-kriterji stipulati fl-Artikolu 2(e) u (f) u għandu jiġi ttrattat bħala Stat parteċipant.

Artikolu 12 Parteċipazzjoni ta’ pajjiżi terzi oħra

L-Istati parteċipanti u l-Kummissjoni jistgħu jaqblu mal-parteċipazzjoni ta’ kwalunkwe pajjiż ieħor soġġetta għall-kriterji stipulati fl-Artikolu 2(e) u sakemm parteċipazzjoni bħal din tkun prevista mill-ftehim internazzjonali rilevanti. Huma għandhom jiddefinixxu l-kundizzjonijiet skont liema l-entitajiet legali stabbiliti u l-individwi residenti f’tali pajjiż ikunu eliġibbli għal finanzjament tal-EMRP.

Artikolu 13Rappurtaġġ u evalwazzjoni annwali

Ir-rapport annwali dwar is-Seba’ Programm Kwadru ppreżentat lill-Parlament Ewropew u lill-Kunsill skont l-Artikolu 173 tat-Trattat għandu jinkludi rapport tal-attivitajiet tal-EMRP.

Il-Kummissjoni għandha twettaq valutazzjoni proviżorja tal-EMRP tliet snin wara l-bidu tal-EMRP. Din l-evalwazzjoni għandha tkopri l-progress lejn il-miri stabbiliti fl-Anness I, kif ukoll rakkomandazzjonijiet tal-EMRP dwar l-aktar modi adegwati sabiex tkompli tittejjeb l-integrazzjoni u l-kwalità u l-effiċjenza tal-implimentazzjoni, inkluża l-integrazzjoni xjentifika, amministrattiva u finanzjarja u jekk il-livell tal-kontribuzzjonijiet finanzjarji tal-Istati parteċipanti huwiex adatt, fid-dawl tad-domanda potenzjali mid-diversi komunitajiet ta’ riċerka nazzjonali tagħhom.

Il-Kummissjoni għandha tikkomunika l-konklużjonijiet tagħhom, flimkien mal-osservazzjonijiet tagħha u, fejn ikun xieraq, proposti biex tiġi emendata din id-deċiżjoni, lill-Parlament Ewropew u lill-Kunsill.

Fit-tmiem ta’ din il-parteċipazzjoni Komunitarja fl-EMRP iżda mhux aktar tard mill-2017, il-Kummissjoni għandha twettaq valutazzjoni finali tal-EMRP. Ir-riżultati tal-evalwazzjoni finali għandhom jiġu ppreżentati lill-Parlament Ewropew u lill-Kunsill.

Artikolu 14Dħul fis-seħħ

Din id-deċiżjoni għandha tidħol fis-seħħ fit-tielet jum wara l-pubblikazzjoni tagħha f’ Il-Ġurnal Uffiċjali tal-Unjoni Ewropea .

Artikolu 15

Din id-deċiżjoni hija indirizzata lill-Istati Membri.

Magħmul fi Brussell

Għall-Parlament Ewropew Għall-Kunsill

Il-President Il-President

ANNESS I Deskrizzjoni tal-Miri u l-Attivitajiet tal-Programm Ewropew ta’ Riċerka dwar il-Metroloġija (EMRP)

I. GĦANIJIET

Fl-ekonomija globali tallum, il-metroloġija tagħmel kontribut sinifikanti għall-iżvilupp teknoloġiku u ekonomiku ta’ bosta nazzjonijiet fid-dinja. Ir-riċerka dwar il-metroloġija hija meħtieġa sabiex issolvi problemi tas-soċjetà, u eżempji jaffettwaw oqsma bħall-ispazju, inkluża n-navigazzjoni bis-satellita, is-sigurtà, il-kura tas-saħħa, l-industrija tas-semikondutturi u t-tibdil fil-klima. Ir-riċerka dwar il-metroloġija hija ġid pubbliku ta' natura b'saħħitha u hija attività prinċipali ta’ sostenn għar-regolazzjoni u l-istandardizzazzjoni mill-gvern. Il-metroloġija mhijiex f’għajnejn il-pubbliku, imma hija essenzjali biex ikunu ffaċilitati l-kummerċ u l-komunikazzjonijiet moderni. L-aċċess għas-swieq jista’ jkun imxekkel min-nuqqas ta’ piżijiet u miżuri uniformi u preċiżi. Il-qawwiet ekonomiċi prinċipali kollha fid-dinja għarfu li l-R&D teknoloġika fil-metroloġija hija fundamentali għat-tkabbir ekonomiku fit-tul ta’ pajjiż avvanzat.

Ir-riċerka dwar il-metroloġija tradizzjonalment kienet prijorità għolja f’bosta pajjiżi. Madankollu l-pajjiżi Ewropej qegħdin iħaddmu l-programmi ta’ riċerka nazzjonali tagħhom dwar il-metroloġija f’iżolament sħiħ u l-Istati Membri tal-UE ma kinux kapaċi joħolqu waħedhom Programm Ewropew ta’ Riċerka dwar il-Metroloġija (EMRP) wieħed u tassew integrat. L-Istituti Nazzjonali tal-Metroloġija (NMI), appoġġati minn Istituti Denominati (DI) huma responsabbli għall-implimentazzjoni tal-programmi ta’ riċerka nazzjonali dwar il-metroloġija fuq il-bażi ta’ finanzjament istituzzjonali minn aġenziji jew ministeri tal-gvern ċentrali. Il-komunità Ewropea tar-riċerka dwar il-metroloġija hija komunità speċjalizzata li hija marbuta biss b’mod laxk mal-organizzazzjonijiet tar-riċerka jew l-akkademja. Hija fil-biċċa l-kbira frammentata billi tinkludi ftit ċentri ta’ eċċellenza globali li jistgħu jibbenefikaw minn kompetizzjoni wiesgħa fuq skala internazzjonali. Teżisti b’mod ċar duplikazzjoni tar-riċerka.

Id-dritt Komunitarju li jopera f’dan il-qasam jidher f’diversi artikoli tat-Trattat li jipprovdu koordinazzjoni u kooperazzjoni fir-riċerka bejn l-Istati Membri u l-Komunità. L-Artikolu 165 jistipula li “il-Komunità u l-Istati Membri għandhom jikkordinaw l-attivitajiet tagħhom fir-riċerka u l-iżvilupp teknoloġiku sabiex jiżguraw li kull politika nazzjonali u dik tal-Komunità ikunu koerenti ma’ xulxin”. Naturalment, l-Artikolu 169 jistieden lill-Komunità biex taħseb għall-pateċipazzjoni fil-programmi ta’ riċerka u żvilupp li fihom jieħdu sehem diversi Stati Membri. L-azzjoni tal-Komunità tidher iġġustifikata ħafna, għaliex l-Istati Membri weħidhom x’aktarx li ma jkunux kapaċi jindirizzaw dawn il-problemi.

L-EMRP se jintegra l-programmi nazzjonali ta’ tnejn u għoxrin Stat parteċipanti fi programm wieħed konġunt ta’ riċerka u jsostni, b’mod partikolari, il-miri tas-Sistemi Nazzjonali Ewropej tal-Kejl. L-EMRP se jaċċellera l-iżvilupp, il-validazzjoni u l-isfruttament ta’ metodi, standards, proċessi, strumenti, materjali ta’ referenza u għerf ġdid dwar it-tkejjil immirati sabiex jagħtu spinta lill-iżviluppi innovattivi fl-industrija u l-kummerċ, itejbu l-kwalità tad-dejta għax-xjenza, l-industrija u t-tiswir tal-politika u jsostnu l-iżvilupp u l-implimentazzjoni tad-direttivi u r-regolamenti.

L-EMRP ser jilħaq dawn il-miri kif ġej:

a) Ġmigħ tal-eċċellenza fir-riċerka dwar il-metroloġija - bil-ħolqien ta’ proġetti kompetittivi konġunti ta’ riċerka (minn hawn ’il quddiem imsejħa "proġetti EMRP") li jorganizzaw il-kapaċità ta’ massa kritika suffiċjenti min-netwerks tan-NMI u tad-DI mill-Istati parteċipanti biex jindirizzaw l-isfidi metroloġiċi prinċipali ffaċċjati fuq livell Ewropew;

b) Ftuħ tas-sistema għall-aħjar xjenza - billi tiżdied il-parteċipazzjoni mill-komunità aktar wiesgħa tar-riċerkaturi Ewropej permezz ta’ għotjiet għar-riċerkaturi;

c) Żvilupp tal-kapaċità - billi tiżdied il-kapaċità tal-komunità tar-riċerkaturi Ewropej dwar il-metroloġija permezz ta’ għotjiet għall-mobilità tar-riċerkaturi mmirati lejn dawk il-Pajjiżi Membri tal-EURAMET b’kapaċità ta’ riċerka metroloġika limitata.

L-EMRP għandu jikkumplimenta programmi u attivitajiet nazzjonali li għaddejjin immirati sabiex jindirizzaw prijoritajiet purament nazzjonali.

L-inizjattiva tal-EMRP hija mmirata sabiex tallinja u tintegra attivitajiet nazzjonali rilevanti ta’ riċerka dwar il-metroloġija sabiex jiġi stabbilit programm konġunt wieħed ta’ riċerka li jinkludi l-integrazzjoni xjentifika, amministrattiva u finanzjarja, li jagħmel kontribut importanti għaż-Żona Ewropea tar-Riċerka u jsostni l-kunċetti fl-aġenda ta’ Liżbona tal-Ewropa bħala "l-iżjed ekonomija kompetittiva u dinamika msejsa fuq l-għerf". L-integrazzjoni xjentifika tinkiseb permezz tad-definizzjoni u l-implimentazzjoni komuni ta’ attivitajiet taħt l-EMRP. L-integrazzjoni amministrattiva tinkiseb bl-użu tal-EURAMET e.V. bħala l-istruttura ddedikata għall-implimentazzjoni suġġetta għall-arranġamenti dettaljati kontenuti fl-Anness II.

L-integrazzjoni finanzjarja timplika li l-Istati parteċipanti effettivament jintrabtu li jikkontribwixxu għall-finanzjament tal-EMRP billi jipprovdu finanzjament nazzjonali lill-parteċipanti kollha eliġibbli fil-proġetti magħżula tal-EMRP mill-baġits nazzjonali allokati għall-EMRP, jekk ikun meħtieġ jużaw il-kapaċità tal-finanzjament ta’ riżerva li jammonta għal 50% ta’ dawn il-baġits, u billi jipprovdu kontribuzzjoni “fi flus” għal fond komuni biex jiffinanzja l-eċċellenza tar-riċerkaturi u l-għotjiet għall-mobilità, minbarra li jiffinanzjaw l-ispejjeż operattivi kollha tal-EMRP. Element ieħor tal-integrazzjoni finanzjarja se jkun l-approċċ unifikat lejn l-ispejjeż eliġibbli, ispirat mir-regoli tas-Seba’ Programm Kwadru.

II. ATTIVITAJIET

L-attività prinċipali tal-EMRP se tkun tikkonsisti minn erba’ tipi ta’ attivitajiet konġunti ta’ riċerka u żvilupp teknoloġiku:

A. L-attività prinċipali se tkun tikkonsisti fi proġetti EMRP transnazzjonali b’diversi msieħba li jindirizzaw attivitajiet ta’ riċerka, żvilupp teknoloġiku, taħriġ u disseminazzjoni. Minħabba l-kapaċitajiet ikkonċentrati fil-metroloġija, il-parti ċentrali tal-proġetti EMRP għandha titwettaq minn NMI u DI mill-Istati parteċipanti.

B. Sabiex jiżdiedu u jiġu ddiversifikati l-kapaċitajiet fil-metroloġija, għandhom jiġu stabbiliti tliet skemi ta’ għotjiet:

B1. Sabiex jiżdied in-numru tal-organizzazzjonijiet b’kapaċitajiet marbuta mill-qrib mal-metroloġija, għandhom ikunu disponibbli għotjiet għall-eċċellenza tar-riċerkaturi għal organizzazzjonijiet u/jew individwi mill-komunità aktar wiesgħa ta’ riċerkaturi fl-Istati Membri u l-pajjiżi assoċjati mas-Seba’ Programm Kwadru. Kull organizzazzjoni u/jew individwu magħżula għandhom ikunu assoċjati ma’ proġett EMRP.

B2. Sabiex jiġu żviluppati l-kapaċitajiet tal-individwi fil-metroloġija permezz tal-mobilità, għandhom ikunu disponibbli għotjiet għall-mobilità tar-riċerkaturi għal (i) riċerkaturi minn NMI u DI tal-Istati parteċipanti, (2) riċerkaturi li jibbenefikaw, jew individwalment jew permezz tal-organizzazzjoni tagħhom, minn għotja għall-eċċellenza tar-riċerkaturi u (3) riċerkaturi minn Pajjiżi Membri tal-EURAMET li ma jkunux qegħdin jipparteċipaw fl-EMRP, li attwalment ma jkollhom l-ebda kapaċità ta’ riċerka dwar il-metroloġija jew kapaċità limitata. Dawn l-għotjiet għall-mobilità tar-riċerkaturi għandhom jippermettu lir-riċerkaturi jibqgħu f’NMI jew DI li jkun qiegħed jipparteċipa fi proġett EMRP jew f’organizzazzjoni li tibbenefika minn għotja għall-eċċellenza tar-riċerkaturi.

B3. Sabiex tiġi assigurata s-sostenibbilità fil-kooperazzjoni bejn in-NMI u d-DI tal-Istati parteċipanti u sabiex titħejja l-ġenerazzjoni li jmiss ta’ riċerkaturi bl-esperjenza dwar il-metroloġija, għandu jkun hemm disponibbli għotjiet għall-mobilità ta’ riċerkaturi fil-fażi bikrija għal riċerkaturi fil-fażi bikrija min-NMI u d-DI tal-Istati parteċipanti sabiex jippermettulhom li jibqgħu f’NMI jew f’DI, f’organizzazzjoni li tibbenefika minn għotja għall-eċċellenza fir-riċerka jew f’organizzazzjoni oħra li tkun qiegħda tipparteċipa fi proġett ta’ riċerka EMRP bi spejjeż tagħha stess.

Dawn l-attivitajiet għandhom jittejbu, fejn ikun xieraq, permezz ta’ kollaborazzjoni ma’ organizzazzjonijiet oħra rilevanti u interessati, fl-Ewropa jew lil hinn, li jipparteċipaw fuq bażi ta’ awtofinanzjament.

Barra minn hekk, attivitajiet aktar wiesgħa ta’ netwerking għandhom jiġu sostnuti sa livell limitat sabiex jippromwovu l-EMRP u jkabbru l-impatt tiegħu. Dawn l-attivitajiet għandhom jinkludu, jekk ikun meħtieġ, iż-żamma u aġġornament tal-oqsma ta’ riċerka identifikati fl-EMRP permezz ta’ attivitajiet bħal workshops, kuntatti ma’ partijiet interessati oħra xierqa fl-Ewropa u lil hinn.

III. IMPLIMENTAZZJONI TAL-ATTIVITAJIET

L-għażla tal-proġetti EMRP u l-għoti tal-għotjiet għall-eċċellenza tar-riċerkaturi u għall-mobilità tar-riċerkaturi għandhom ikunu suġġetti għal sejħiet perjodiċi għall-proposti. Bħala kalendarju indikattiv, huwa previst li jitnedew sejħiet għall-proposti f’intervalli ta’ 12 sa 18-il xahar fuq perjodu massimu ta’ seba’ snin. L-għoti tal-għotjiet għall-mobilità tar-riċerkaturi fil-fażi bikrija għandu jkun suġġett għal sejħa permanenti.

A. Proġetti EMRP

a) Sejħa għal suġġetti potenzjali ta’ riċerka tal-proġetti EMRP (Stadju 1):

Kull sejħa għall-proposti ta’ proġetti EMRP għandha tkun preċeduta mill-identifikazzjoni tas-suġġetti ta’ dik is-sejħa billi jiġu segwiti l-passi ta’ hawn isfel. L-ewwel nett, il-Kumitat tal-EMRP (Ara Anness II), f’konsultazzjoni mal-Kummissjoni, għandu jidentifika l-partijiet tal-EMRP li għandhom ikunu s-suġġett tas-sejħa għall-proposti. It-tieni, il-komunità tar-riċerkaturi – kwalunkwe individwu jew organizzazzjoni interessata – se jiġu mistiedna biex jissuġġerixxu suġġetti potenzjali ta’ riċerka għal dik is-sejħa. It-tielet, il-Kumitat tal-EMRP għandu jaqbel fuq l-aħjar suġġetti potenzjali ta’ riċerka li jkun irċieva. Il-Kumitat tal-EMRP jista’ jemenda, jaqsam jew jgħaqqad is-suġġetti riċevuti jew jintroduċi oħrajn ġodda sabiex jottimizza s-sejħa għall-proposti fl-Istadju 2. Il-Kumitat tal-EMRP għandu jassigura li s-suġġetti finali tar-riċerka ma jkunux jistgħu jiġu intraċċati lura għall-proponenti inizjali ta’ dawn l-ideat u għaldaqstant ikunu anonimi.

b) Sejħa għall-proposti għal proġetti EMRP (Stadju 2):

Ladarba jkunu ntgħażlu s-suġġetti tar-riċerka, EURAMET e.V. għandha tippubblika s-sejħa għall-proposti u tistieden timijiet tar-riċerka minn NMI u DI tal-Istati parteċipanti sabiex jibnu konsorzji u jissottomettu proposti għall-proġetti.

Is-sejħa għall-proposti għandha tibqa’ miftuħa għal mill-anqas xahrejn.

EURAMET e.V. għandha tevalwa kull proposta li tirċievi bil-għajnuna ta’ mill-anqas tliet esperti indipendenti maħtura minnha fuq il-bażi tal-kriterji stabbiliti fir-Regoli għall-Parteċipazzjoni fis-Seba’ Programm Kwadru. L-esperti għandhom jistabbilixxu lista ta’ klassifikazzjoni li għandha tkun vinkolanti għall-allokazzjoni tal-finanzjament Komunitarju u tal-finanzjament nazzjonali.

Il-kriterji bażiċi segwenti ta’ valutazzjoni għandhom japplikaw għall-proġetti EMRP:

- l-eċċellenza xjentifika u/jew teknoloġika;

- ir-rilevanza għall-għanijiet tal-EMRP;

- l-impatt potenzjali permezz tal-iżvilupp, tixrid u użu tar-riżultati tal-proġett;

- il-kwalità u l-effiċjenza tal-implimentazzjoni u l-ġestjoni.

Is-sejħa għall-proposti għandha tikkonkretizza l-kriterji bażiċi ta’ valutazzjoni. Jistgħu jiddaħħlu kriterji addizzjonali bil-kundizzjoni li dawn jiġu ppubblikati fis-sejħa għall-proposti, ma jkunux diskriminatorji u ma jipprevalux fuq il-kriterji bażiċi ta’ valutazzjoni.

Kwalunkwe konsorzju li jissottometti proposta għal proġett EMRP jista’ jinkludi kwalunkwe entità oħra Ewropea jew mhux Ewropea li ma tkunx eliġibbli għal finanzjament bil-kundizzjoni li din l-entità tkun tista’ realistikament tassigura li għandha r-riżorsi meħtieġa għall-parteċipazzjoni tagħha.

Konsorzju li jissottometti proposta għal proġett EMRP jista’ jinkludi diġà f’dan l-istadju fil-proposta tiegħu, proposta għal għotja għall-eċċellenza tar-riċerkaturi bil-kundizzjoni li din iżżid valur xjentifiku neċessarju għall-proġett. F’dan il-każ, l-evalwazzjoni tal-proposta għall-għotja għall-eċċellenza tar-riċerkaturi għandha tkun parti mill-evalwazzjoni globali tal-proġett. L-għażla tal-proġett għall-finanzjament għandha awtomatikament tfisser il-ħruġ ta’ tali għotja.

Il-Kunsill għar-Riċerka ta’ EURAMET e.V. għandu jagħti l-opinjoni indipendenti tiegħu dwar ir-riżultati globali tal-evalwazzjoni ta’ sejħa għall-proposti għal proġetti EMRP (Stadji 1 u 2), iżda mhux fuq proġetti EMRP individwali. Din l-opinjoni għandha tiġi kkunsidrata kif dovut minn EURAMET e.V. fis-sejħiet suċċessivi għall-proposti.

B. Sejħa għall-proposti għal għotjiet għall-eċċellenza tar-riċerkaturi u għotjiet għall-mobilità tar-riċerkaturi (Stadju 3)

Il-pubblikazzjoni tal-lista tal-proposti magħżula ta’ proġetti EMRP għandha tkun akkumpanjata minn sejħa lill-komunità aktar wiesgħa tar-riċerkaturi sabiex jissieħbu fi proġetti EMRP permezz tal-għotjiet għall-eċċellenza tar-riċerkaturi u/jew l-għotjiet għall-mobilità tar-riċerkaturi.

Kull konsorzju għal proġett EMRP se jkun mistieden (sakemm ma jkunx diġà daħħal proposta dwar għotjiet għar-riċerkaturi u għall-eċċellenza meta ssottometta proposta għal proġett EMRP kif deskritt fis-seba’ paragrafu tas-sezzjoni preċedenti A.b)) sabiex iniedi, fi żmien tliet xhur mid-dħul fis-seħħ tal-kuntratt tal-proġett EMRP, sejħa għall-proposti biex jiġu identifikati benefiċjarji potenzjali u jkunu proposti lill-EURAMET e.V. sabiex jingħataw għotja għall-eċċellenza tar-riċerkaturi jew għall-mobilità tar-riċerkaturi. It-tqassim indikattiv tal-finanzjament tal-EMRP jiġi kkalkulat sabiex bħala medja kull proġett EMRP jista’ jkun assoċjat ma’ tal-anqas għotja waħda għall-eċċellenza tar-riċerkaturi u/jew għall-mobilità tar-riċerkaturi. Madankollu, dan mhuwiex obbligu vinkolanti u dawn it-tip ta’ għotjiet jistgħu jiġu implimentati bl-aktar mod flessibbli.

Il-konsorzju għall-proġett EMRP għandu jippubblika s-sejħa għall-proposti f’mill-anqas ġurnal internazzjonali wieħed u fi tliet gazzetti nazzjonali differenti fi tliet Stati parteċipanti differenti. Huwa għandu jkun responsabbli wkoll biex jirreklama s-sejħa b’mod estensiv billi juża appoġġ speċifiku għall-informazzjoni, b’mod partikolari siti fuq l-Internet dwar is-Seba’ Programm Kwadru, l-istampa u l-fuljetti speċjalizzati u permezz tal-punti nazzjonali ta’ kuntatt stabbiliti mill-Istati Membri u l-pajjiżi assoċjati mas-Seba’ Programm Kwadru. Barra minn hekk, il-pubblikazzjoni u r-reklamar tas-sejħa għall-proposti għandha tkun konformi ma’ kull struzzjoni u nota ta’ gwida stabbiliti mill-EURAMET e.V. Il-konsorzju għandu jgħarraf lill-EURAMET e.V. bis-sejħa u lkontenut tagħha tal-anqas 30 jum qabel id-data prevista tal-pubblikazzjoni tagħha. EURAMET e.V. għandha teżamina l-konformità tas-sejħa mar-regoli, l-istruzzjonijiet u n-noti ta’ gwida rilevanti.

Is-sejħa għall-proposti għandha tibqa’ miftuħa għal mill-anqas ħames ġimgħat.

Il-konsorzju għall-proġett EMRP għandu jevalwa l-proposti riċevuti bil-għajnuna ta’ mill-anqas żewġ esperti indipendenti maħtura minnu fuq il-bażi tar-Regoli għall-Parteċipazzjoni fs-Seba’ Programm Kwadru.

Il-kriterji bażiċi segwenti ta’ valutazzjoni għandhom japplikaw għall-evalwazzjoni tal-proposti:

– l-eċċellenza xjentifika u/jew teknoloġika;

– ir-rilevanza għall-għanijiet tal-proġett EMRP;

– il-kwalità u l-kapaċità ta’ implimentazzjoni tal-applikant u l-potenzjal tiegħu/tagħha għal aktar progress;

– il-kwalità tal-attività proposta fit-taħriġ xjentifiku u/jew it-trasferiment tal-għerf.

Is-sejħa għall-proposti għandha tikkonkretizza l-kriterji bażiċi ta’ valutazzjoni. Jistgħu jiddaħħlu kriterji addizzjonali bil-kundizzjoni li dawn jiġu ppubblikati fis-sejħa għall-proposti, ma jkunux diskriminatorji u ma jipprevalux fuq il-kriterji bażiċi ta’ valutazzjoni.

Il-konsorzju għall-proġett EMRP għandu jipproponi lil EURAMET e.V. sabiex tagħti l-għotja lil benefiċjarju u jirrapporta lilha dwar kif saret is-sejħa għall-proposti, inklużi l-mod tal-pubblikazzjoni u l-ismijiet u l-affiljazzjoni tal-esperti involuti fl-evalwazzjoni. Fi żmien 45 ġurnata minn meta tirċievi din il-proposta, EURAMET e.V. għandha jew toħroġ l-għotja jew tirrifjutaha jekk l-għażla ma tkunx konformi mar-regoli, l-istruzzjonijiet u n-noti ta’ gwida rilevanti.

EURAMET e.V. għandha tistieden lill-pajjiżi Ewropej li ma għandhom ebda kapaċità jew kapaċitajiet limitati biss fir-riċerka dwar il-metroloġija sabiex iħeġġu lill-istituti tar-riċerka jew l-universitajiet tagħhom biex japplikaw għal għotjiet għall-mobilità tar-riċerkaturi bħala mezz sabiex jiżviluppaw il-kapaċitajiet tagħhom fir-riċerka dwar il-metroloġija.

C. Għotjiet għall-mobilità tar-riċerkaturi fil-fażi bikrija

EURAMET e.V. għandha tniedi sejħa għall-offerti miftuħa b’mod permanenti għal għotjiet għall-mobilità tar-riċerkaturi fil-fażi bikrija u tippubblikaha f’mill-anqas ġurnal internazzjonali wieħed u fi tliet gazzetti nazzjonali differenti fi tliet Stati parteċipanti differenti. Hija għandha tkun responsabbli wkoll biex tirreklama s-sejħa għall-proposti billi tuża appoġġ speċifiku għall-informazzjoni, speċjalment siti fuq l-Internet dwar is-Seba’ Programm Kwadru, l-istampa u fuljetti speċjalizzati u permezz tal-punti nazzjonali ta’ kuntatt stabbiliti mill-Istati Membri u l-pajjiżi assoċjati mas-Seba’ Programm Kwadru.

Il-proposti għandhom jiġu sottomessi mir-riċerkatur u mill-organizzazzjonijiet li jibagħtu u li jirċievu (NMI, DI jew organizzazzjoni oħra li tipparteċipa fi proġett EMRP). It-tqassim indikattiv tal-finanzjament huwa kkalkulat sabiex bħala medja kull proġett EMRP ikun jista’ jiġi assoċjat ma’ tal-anqas għotja waħda għall-mobilità tar-riċerkaturi fil-fażi bikrija. Madankollu, dan mhuwiex obbligu vinkolanti u dawn it-tip ta’ għotjiet jistgħu jiġu implimentati bl-aktar mod flessibbli.

EURAMET e.V. għandha tevalwa l-proposti li tirċievi.

Għandhom japplikaw il-kriterji bażiċi segwenti ta’ valutazzjoni:

– l-eċċellenza xjentifika u/jew teknoloġika;

– ir-rilevanza għall-għanijiet tal-proġett EMRP;

– il-kwalità u l-kapaċità ta’ implimentazzjoni tal-applikant u l-potenzjal tiegħu/tagħha għal aktar progress;

– il-kwalità tal-attività proposta fit-taħriġ xjentifiku u/jew it-trasferiment tal-għerf.

Is-sejħa għall-proposti għandha tikkonkretizza l-kriterji bażiċi ta’ valutazzjoni. Jistgħu jiddaħħlu kriterji addizzjonali bil-kundizzjoni li dawn jiġu ppubblikati fis-sejħa għall-proposti, ma jkunux diskriminatorji u ma jipprevalux fuq il-kriterji bażiċi ta’ valutazzjoni.

EURAMET e.V. għandha timmira għal żewġ dati ta’ għeluq fis-sena meta toħroġ dawn l-għotjiet bi proċedura ssimplifikata bbażata fuq l-opinjoni ta’ mill-anqas espert indipendenti wieħed għal kull proposta.

D. Tabella ta’ Rikapitulazzjoni

Tipi ta’ finanzjament | Organizzazzjonijiet Eliġibbli | Pajjiżi Eliġibbli | Kriterji ta’ Valutazzjoni |

A. Proġett EMRP (konsorzju) | NMI u DI | L-Istati li qegħdin jipparteċipaw fl-EMRP | Artikolu 15(1)(a) tar-Regoli għall-Parteċipazzjoni fis-Seba’ Programm Kwadru |

B1. Għotjiet għall-eċċellenza tar-riċerkaturi | Kwalunkwe organizzazzjoni ħlief NMI jew DI | L-Istati Membri u l-pajjiżi assoċjati mas-Seba’ Programm Kwadru | Artikolu 15(1)(b) tar-Regoli għall-Parteċipazzjoni fis-Seba’ Programm Kwadru |

B2. Għotjiet għall-mobilità tar-riċerkaturi | Minn: (1) NMI u DI jew (2) organizzazzjoni li tibbenefika minn għotja għall-eċċellenza tar-riċerkaturi (3) riċerkaturi minn Pajjiżi Membri tal-EURAMET li ma jipparteċipawx fl-EMRP u li bħalissa għandhom ftit jew xejn kapaċità ta’ riċerka dwar il-metroloġija Għal: (1) NMI u DI jew (2) organizzazzjoni li tibbenefika minn għotja għall-eċċellenza tar-riċerkaturi | L-Istati Membri u l-pajjiżi assoċjati mas-Seba’ Programm Kwadru | Artikolu 15(1)(b) tar-Regoli għall-Parteċipazzjoni fis-Seba’ Programm Kwadru |

B3. Għotjiet għall-mobilità tar-riċerkaturi fil-fażi bikrija | Minn: NMI u DI Għal: (1) NMI u DI jew (2) organizzazzjonijiet oħra li qegħdin jipparteċipaw fil-proġett EMRP (konsorzju) | L-Istati li qegħdin jipparteċipaw fl-EMRP | Artikolu 15(1)(b) tar-Regoli għall-Parteċipazzjoni fis-Seba’ Programm Kwadru |

IV. MEKKANIŻMI TA’ FINANZJAMENT

A. Finanzjament fil-Livell tal-Programm

L-EMRP għandu jkun iffinanzjat mill-Istati parteċipanti u mill-Komunità.

L-Istati parteċipanti għandhom jiddefinixxu pjan ta’ finanzjament multiannwali biex jipparteċipaw fl-EMRP u jikkontribwixxu għall-finanzjament tal-attivitajiet tiegħu. Il-kontribuzzjoni nazzjonali tista’ tiġi minn programmi eżistenti jew ġodda, sakemm ikunu konformi man-natura essenzjali tal-metroloġija ta’ livell għoli ffinanzjata b’mod pubbliku. Kull Stat parteċipanti għandu, minbarra r-rekwiżit prinċipali tal-finanzjament (baġit allokat għall-EMRP), jidentifika kapaċità ta’ finanzjament ta’ riżerva ugwali għal 50% ta’ dak ir-rekwiżit sabiex jassigura l-flessibbiltà fl-operat tal-EMRP matul il-ħajja tiegħu kollha u r-rispett tal-lista ta’ klassifikazzjoni. Il-finanzjament tal-EMRP għandu jinvolvi b’mod partikolari l-impenn ta’ kontribuzzjoni għall-finanzjament tal-parteċipanti fil-proġetti EMRP magħżula mill-baġits nazzjonali allokati għall-EMRP, u tiġi pprovduta kontribuzzjoni “fi flus” għal fond komuni biex jiġu ffinanzjati l-għotjiet għar-riċerkaturi, minbarra li jiġu ffinanzjati b’mod sħiħ l-ispejjeż operattivi tal-EMRP.

Il-kontribuzzjoni Komunitarja totali għall-EMRP hija kkalkulata daqs il-kontribuzzjoni finanzjarja attwali mill-Istati parteċipanti (esklużi spejjeż operattivi li jaqbżu EUR 16-il miljun u l-kapaċità ta’ fondi ta’ riżerva), b’limitu massimu ta’ EUR 200 miljun. Billi l-ispejjeż operattivi huma inklużi fil-kalkulazzjoni tal-kontribuzzjoni korrispondenti, dawn iridu jiġu ġġustifikati mill-EURAMET e.V.

L-ebda kontribuzzjoni Komunitarja ma għandha tintuża biex tkopri l-ispejjeż operattivi tal-EURAMET e.V.

B. Tqassim Indikattiv tal-Finanzjament

Total Komplessiv: EUR 400 miljun (+ EUR 100 miljun kapaċità ta’ finanzjament ta’ riżerva)

Tip ta’ Attività | Komunità EUR 200 miljun | Stati parteċipanti EUR 200 miljun | Total EUR 400 miljun |

% | EUR miljuni | % | EUR miljuni | % | EUR miljuni |

Proposti għal Proġetti EMRP - Modulu (Parti A) | 82 % | 164 | 90 % | 180 | 86 % | 344 |

Proposti ta’ Għotjiet għar-Riċerkaturi Modulu (Parti B) finanzjament sa 100 % B1. Għotjiet għall-eċċellenza tar-riċerkaturi B.2 Għotjiet għall-mobilità tar-riċerkaturi B.3 Għotjiet għall-mobilità tar-riċerkaturi fil-fażi bikrija | 18 % | 36 | 2% | 4 | 10 % 7.5 % 1.5 % 1.0 % | 40 30 6 4 |

Spejjeż Operattivi (Parti C)[17] | - | - | 8 % | 16 | 4 % | 16 |

Total | 100 % | 200 | 100% | 200 | 100 % | 400 |

C. Finanzjament ta’ Proġetti EMRP u Għotjiet għar-Riċerkaturi

L-allokazzjoni tal-fondi mill-baġits allokati għall-EMRP u mill-kontribuzzjoni tal-Komunità għall-proġetti EMRP għandha ssegwi l-ordni tal-lista ta’ klassifikazzjoni approvata tal-evalwazzjoni. Il-kontribuzzjoni finanzjarja għall-parteċipanti f’dawn il-proġetti EMRP hija kkalkulata skont l-ispejjeż eliġibbli kif definit fir-Regoli għall-Parteċipazzjoni fis-Seba’ Programm Kwadru. Jekk il-baġit allokat għall-EMRP jispiċċa minħabba r-rata għolja ta’ suċċess ta’ NMI u DI minn Stat parteċipanti partikolari, dan l-Istat parteċipanti għandu juża l-kapaċità ta’ finanzjament ta’ riżerva ta’ 50% tal-baġit allokat tiegħu għall-EMRP allokat bħal aktar proposti magħżula billi jsegwi l-lista ta’ klassifikazzjoni.

Il-kontribuzzjoni Komunitarja għall-proġetti EMRP għandha tiġi stabbilita għal kull sejħa għall-proposti bħala perċentwali tal-ispejjeż eliġibbli anqas minn 50%. Din għandha tiġi ttrasferita direttament mill-EURAMET e.V. għall-parteċipanti tal-proġetti EMRP.

Il-kontribuzzjonijiet nazzjonali għall-proġetti tal-EMRP għandhom jiġu pprovduti billi jintużaw il-mekkaniżmi nazzjonali rispettivi ta’ finanzjament.

Il-kontribuzzjonijiet fi flus mill-Komunità u nazzjonali li jintużaw biex jiffinanzjaw l-għotjiet għall-eċċellenza tar-riċerkaturi, l-għotjiet għall-mobilità tar-riċerkaturi u l-għotjiet għall-mobilità tar-riċerkaturi fil-fażi bikrija għandhom jiġu ttrasferiti lill-EURAMET e.V. u minnha lill-benefiċjarji tal-għotjiet.

Il-legalità u r-regolarità tat-tranżazzjonijiet sottostanti, u b’mod partikolari l-eżistenza tal-kontribuzzjoni nazzjonali, il-ħlas attwali tagħha, l-użu xieraq tal-finanzjament mill-Komunità u l-eliġibilità tal-ispejjeż mitluba għandhom jiġu assigurati taħt ir-responsabilità tal-EURAMET e.V., u jiġu stabbiliti b’verifika finanzjarja indipendenti tal-proġetti EMRP skont prinċipji li jaqblu ma’ dawk tas-Seba’ Programm Kwadru.

L-għotjiet għall-eċċellenza tar-riċerkaturi, l-għotjiet għall-mobilità tar-riċerkaturi u l-għotjiet għall-mobilità tar-riċerkaturi fil-fażi bikrija għandhom ikunu għotjiet fissi mogħtija skont skali definiti minn qabel; l-infiq dettaljat sottostanti ma għandux ikun suġġett għal verifika. Il-kategoriji ta’ spejjeż koperti minn kwalunkwe għotja bħal din ma għandhomx ikunu eliġibbli bħala spejjeż ta’ proġett EMRP. Huwa biss il-ħlas attwali sħiħ tal-ammont definit lill-benefiċjarju finali li għandu jiġi sostnut b’evidenza formali. Il-ħlasijiet fi flus mhumiex ikkunsidrati bħala ppruvati sewwa u mhumiex eliġibbli. EURAMET e.V. se jkollha l-għażla li titlob fondi korrispondenti minn riċevituri li huma entitajiet legali aktar milli individwi.

V. ARRANĠAMENTI DWAR L-IPR

EURAMET e.V. għandha tadotta politika dwar il-proprjetà intellettwali tal-EMRP skont l-Artikolu 2(h) tad-deċiżjoni.

ANNESS IITmexxija u Implimentazzjoni tal-Programm Ewropew ta’ Riċerka dwar il-Metroloġija (EMRP)

I. INTRODUZZJONI

L-istruttura ddedikata għall-implimentazzjoni tal-EMRP għandha tkun EURAMET e.V., stabbilita fl-2007 taħt il-liġi Ġermaniża bħala assoċjazzjoni mhux bi skop ta’ qligħ. Hija l-assoċjazzjoni reġjonali Ewropea dwar il-metroloġija. Is-sħubija fl-EURAMET e.V. hi miftuħa għall-Istituti Nazzjonali tal-Metroloġija (NMI), bħala Membri, u għall-Istituti Denominati (DI), bħala Assoċjati, mill-Istati Membri tal-Unjoni Ewropea u tal-Assoċjazzjoni Ewropea tal-Kummerċ Ħieles, u minn Stati Ewropej oħra. L-Istitut għall-Materjali u l-Miżuri ta’ Referenza tal-Kummissjoni Ewropea jista’ jkun ukoll Assoċjat. Fil-preżent, hemm Membri minn tnejn u tletin pajjiż. Tnejn u għoxrin minn dawn il-pajjiżi huma fl-istess ħin Stati parteċipanti tal-EMRP.

II. TMEXXIJA TAL-EMRP FI ĦDAN L-EURAMET E.V.

L-korpi u l-istrutturi interni li ġejjin tal-EURAMET e.V. għandhom jassumu rwoli fl-implimentazzjoni tal-EMRP:

(1) Il- President tal-EMR P u d-deputat tiegħu/tagħha huma eletti mill-Kumitat tal-EMRP. Il-President tal-EMRP huwa awtomatikament wieħed miż-żewġ Viċi Presidenti tal-EURAMET e.V. Huwa/hija jirrappreżentaw legalment lill-EURAMET e.V. fil-kwistjonijiet tal-EMRP.

(2) Il- Kumitat tal-EMRP huwa ffurmat minn Membri tal-EURAMET (jiġifieri NMI) li l-pajjiżi tagħhom huma Stati parteċipanti. Il-Kumitat tal-EMRP huwa l-organu li jieħu d-deċiżjonijiet tal-EMRP u huwa responsabbli għall-kwistjonijiet kollha li jirrigwardaw l-EMRP, fosthom id-deċiżjonijiet dwar id-definizzjoni u l-aġġornament tal-programm, dwar l-ippjanar tas-sejħiet għall-proposti, dwar il-profil tal-baġit, dwar l-eliġibilità u l-kriterji tal-għażla, dwar il-grupp tal-evalwaturi, dwar l-approvazzjoni tal-lista ta’ klassifikazzjoni tal-proġetti EMRP li għandhom jiġu ffinanzjati, dwar il-monitoraġġ tal-progress tal-proġetti EMRP iffinanzjati u dwar is-superviżjoni tal-ħidma adegwata u organizzata tas-Segretarjat fir-rigward tal-EMRP. Il-Kumitat tal-EMRP jeleġġi Chairperson tal-EMRP (li huwa/hija awtomatikament "Viċi Chairperson (EMRP)" tal-EURAMET) u deputat.

(3) Il-Kunsill għar-Riċerka huwa ffurmat minn kontinġent ibbilanċjat ta’ esperti ta’ livell għoli ġejjin mill-industrija, ir-riċerka u l-qasam akkademiku u minn organizzazzjonijiet internazzjonali tal-partijiet interessati. Dan jipprovdi pariri strateġiċi indipendenti dwar il-materji tal-EMRP u jirrapporta jew jikkummenta lill-Kumitat tal-EMRP meta jkun meħtieġ u meta jintalab, iżda bħala minimu huwa jagħti opinjoni dwar kull sejħa għall-proposti u ċiklu tal-għażla.

(4) Is- Segretarjat huwa kompost minn persuni impjegati minn jew issekondati lil EURAMET e.V. L-istruttura u l-kompiti tiegħu huma rregolati mir-regoli ta’ proċedura tal-EURAMET e.V. Parti mis-Segretarjat responsabbli għall-implimentazzjoni tal-EMRP hija ospitata mil-Laboratorju Fiżiku Nazzjonali, il-Membru mill-UE tal-EURAMET e.V. (minn hawn ’il quddiem “il-Membru ospitanti").

(5) Il- Maniġer tal-Programm EMRP għandu jkun maniġer anzjan u bħala soluzzjoni proviżorja huwa/hija jistgħu jiġu ssekondati mill-Membru ospitanti. Il-Maniġer tal-Programm EMRP għandu jaġixxi biss taħt l-awtorità diretta ta’ EURAMET e.V. fuq kwalunkwe kwistjoni li tirrigwarda l-EMRP u jirrapporta lill-korpi tiegħu. EURAMET e.V. għandha tistabbilixxi proċeduri effettivi li jiżguraw li ma jkun hemm ebda kunflitti tal-interessi bejn il-Maniġer tal-Programm EMRP u xi applikanti, parteċipanti jew benefiċjarji.

III. RESPONSABILITAJIET ESKLUŻIVI TA’ EURAMET E.V. U SOTTOKUNTRATTAR TA’ KOMPITI AMMINISTRATTIVI U LOĠISTIĊI LILL-MEMBRU OSPITANTI FL-IMPLIMENTAZZJONI TAL-EMRP

EURAMET e.V. għandha tkun esklużivament responsabbli għall-implimentazzjoni tal-EMRP. Hija għandha tamministra l-kontribuzzjoni Komunitarja għall-EMRP. Barra minn hekk hija għandha tassumi wkoll responsabbiltajiet b’mod partikolari sabiex:

– taġġorna l-EMRP;

– tiddefinixxi s-sejħiet għall-proposti;

– tippubblika s-sejħiet għall-proposti;

– tirċievi l-proposti għall-istadju 1 u 2 u proposti għal għotjiet għall-mobilità tar-riċerkaturi fil-fażi bikrija;

– tagħżel l-esperti indipendenti għall-evalwazzjoni;

– tirċievi l-valutazzjonijiet individwali tal-esperti indipendenti u tippresjedi l-bordijiet tal-evalwazzjoni;

– tieħu d-deċiżjonijiet finali tal-għażla;

– tibda negozjati dwar kuntratti u tikkonkludi l-kuntratti mal-konsorzji magħżula għall-proġett EMRP u benefiċjarji oħra;

– tirċievi u twieġeb għall-ilmenti kollha dwar is-sejħiet;

– tirċievi, talloka u tissorvelja l-użu tal-kontribuzzjoni Komunitarja;

– tagħmel il-ħlasijiet lill-parteċipanti fil-proġetti ffinanzjati tal-ERMP u lir-reċipjenti tal-għotjiet;

– tirrispondi għar-rekwiżiti tar-rappurtar fil-konfront tal-Kummissjoni[18].

Filwaqt li r-responsabbiltajiet u t-teħid tad-deċiżjonijiet ta’ hawn fuq dwar l-EMRP jibqgħu esklużivament f’idejn l-EURAMET e.V., ċerti kompiti amministrattivi u loġistiċi fl-implimentazzjoni tal-EMRP jistgħu jiġu sottokuntrattati, bl-ispejjeż, lill-Membru ospitanti.

Dan is-sostenn amministrattiv u loġistiku għandu jikkonsisti minn dan li ġej:

– provvediment ta’ amministrazzjoni u loġistika biex jiġu implimentati l-proċeduri tas-sejħiet għall-proposti, fosthom il-provvediment ta’ help line ddedikata;

– provvediment ta’ appoġġ għat-tfassil lil EURAMET e.V. għall-iżvilupp ta’ linji gwida u dokumentazzjoni oħra;

– provvediment tal-kapaċità ddedikata fuq l-internet;

– provvediment ta’ għajnuna għall-preparazzjoni tal-kuntratti, il-monitoraġġ tal-proġett u l-insegwiment tal-proġetti EMRP u l-għotjiet għar-riċerkaturi;

– appoġġ lill-Kumitat tal-EMRP u lill-President tal-EMRP kif meħtieġ.

Bi qbil mal-Kummissjoni, jistgħu jiġu sottokuntrattati kompiti addizzjonali lill-Membru ospitanti waqt li EURAMET e.V. tiżviluppa l-kapaċità tas-Segretarjat permanenti tagħha.

DIKJARAZZJONI FINANZJARJA LEĠIŻLATTIVA

1. ISEM TAL-PROPOSTA:

Proposta għal deċiżjoni tal-Parlament Ewropew u tal-Kunsill dwar il-parteċipazzjoni mill-Komunità fi Programm Ewropew ta’ Riċerka dwar il-Metroloġija (EMRP) mwettaq minn diversi Stati Membri.

2. QAFAS ABM / ABB

Qasam/Oqsma ta’ Politika kkonċernati u Attività/Attivitajiet Assoċjat:Riċerka u Żvilupp Teknoloġiku: Seba’ Programm Kwadru.Artikolu 169 tat-Trattat li jistabbilixxi l-Komunità Ewropea.

3. LINJI TAL-BAĠIT

3.1. Linji tal-baġit (linji operattivi u linji relatati ta’ assistenza teknika u amministrattiva (eż – linji B.A.) fosthom l-intestaturi:

Għall-2009, il-Kontribuzzjoni mid-DĠ RTD pro rata hija kif ġej:

Denominazzjoni | Linja | 2009 (%) | 2009 (€) |

RTD | Kooperazzjoni – Saħħa | 08 02 01 | 34,0% | 5.774.864 |

RTD | Kooperazzjoni - Ikel, Agrikoltura u Bijoteknoloġija | 08 03 01 | 10,2% | 1.727.778 |

RTD | Kooperazzjoni - Nanoxjenzi, Nanoteknoloġiji, Materjali u Teknoloġiji ġodda tal-Produzzjoni | 08 04 01 | 21,0% | 3.571.514 |

RTD | Kooperazzjoni - Energy RTD | 08 05 01 | 7,1% | 1.200.885 |

RTD | Kooperazzjoni - Ambjent (inkluża l-Bidla fil-Klima) | 08 06 01 | 10,7% | 1.822.448 |

RTD | Kooperazzjoni- Trasport (inkluża l-Aeronawtika) RTD | 08 07 01 | 17,1% | 2.902.512 |

Subtotal RTD | 100,0% | 17.000.000 |

INFSO | Kooperazzjoni – ICT | 09 04 01 | 0,0% | 0 |

Subtotal INFSO | 0,0% | 0 |

TREN | Kooperazzjoni - Energy TREN | 06 06 01 | 0,0% | 0 |

TREN | Kooperazzjoni- Trasport (inkluża l-Aeronawtika) TREN | 06 06 02 | 0,0% | 0 |

Subtotal TREN | 0,0% | 0 |

ENTR | Kooperazzjoni – Spazju | 02 04 01 01 | 0,0% | 0 |

ENTR | Kooperazzjoni – Sigurtà | 02 04 01 02 | 0,0% | 0 |

Subtotal ENTR | 0,0% | 0 |

TOTALI | 100% | 17.000.000 |

Mill-2010, il-Kontribuzzjoni pro rata mid-Direttorati Ġenerali kollha għar-Riċerka se tkun kif ġej [19]:

Denominazzjoni | Linja | 2010-2013 (%) |

RTD | Kooperazzjoni – Saħħa | 08 02 01 | 27,99% |

RTD | Kooperazzjoni - Ikel, Agrikoltura u Bijoteknoloġija | 08 03 01 | 11,78% |

RTD | Kooperazzjoni - Nanoxjenzi, Nanoteknoloġiji, Materjali u Teknoloġiji ġodda tal-Produzzjoni | 08 04 01 | 19,85% |

RTD | Kooperazzjoni - Energy RTD | 08 05 01 | 5,69% |

RTD | Kooperazzjoni - Ambjent (inkluża l-Bidla fil-Klima) | 08 06 01 | 10,90% |

RTD | Kooperazzjoni- Trasport (inkluża l-Aeronawtika) RTD | 08 07 01 | 11,14% |

Subtotal RTD | 87,35% |

INFSO | Kooperazzjoni – ICT | 09 04 01 | 5,60% |

Subtotal INFSO | 5,60% |

TREN | Kooperazzjoni - Energy TREN | 06 06 01 |

TREN | Kooperazzjoni- Trasport (inkluża l-Aeronawtika) TREN | 06 06 02 |

Subtotal TREN |

ENTR | Kooperazzjoni – Spazju | 02 04 01 01 | 3,57% |

ENTR | Kooperazzjoni – Sigurtà | 02 04 01 02 | 3,48% |

Subtotal ENTR | 7,05% |

TOTALI | 100,00% |

Linja | 2010-2013 (%) | 2010 (€) | 2011 (€) | 2012 (€) | 2013 (€) | Totali (€) 2010-2013 |

RTD | 08 02 01 | 27,99% | 13.960.465 | 9.883.706 | 13.087.936 | 13.087.936 | 50.020.042 |

RTD | 08 03 01 | 11,78% | 5.877.508 | 4.161.148 | 5.510.164 | 5.510.164 | 21.058.984 |

RTD | 08 04 01 | 19,85% | 9.899.379 | 7.008.545 | 9.280.668 | 9.280.668 | 35.469.260 |

RTD | 08 05 01 | 5,69% | 2.838.079 | 2.009.298 | 2.660.699 | 2.660.699 | 10.168.774 |

RTD | 08 06 01 | 10,90% | 5.435.692 | 3.848.352 | 5.095.961 | 5.095.961 | 19.475.967 |

RTD | 08 07 01 | 11,14% | 5.557.738 | 3.934.758 | 5.210.379 | 5.210.379 | 19.913.254 |

TOTAL | 87,35% | 43.568.860 | 30.845.807 | 40.845.807 | 40.845.807 | 156.106.280 |

TREN | 06 06 02 |

TOTAL |

ENTR | 02 04 01 01 | 3,57% | 1.673.498 | 1.568.904 | 1.568.904 | 1.568.904 | 6.380.210 |

ENTR | 02 04 01 02 | 3,48% | 1.632.642 | 1.530.602 | 1.530.602 | 1.530.602 | 6.224.448 |

TOTAL (inkl. EFTA) | 48.000.000 | 45.000.000 | 45.000.000 | 45.000.000 | 183.000.000 |

3.2. Tul tal-azzjoni u tal-impatt finanzjarju:

Il-kontribuzzjoni Komunitarja għall-Programm Konġunt tal-EMRP hija mistennija li tiġi stabbilita permezz ta’ kodeċiżjoni mill-Kunsill u l-Parlament f’Mejju 2009 għal perjodu inizjali sal-31 ta’ Diċembru 2016. L-impatt finanzjarju tagħha fuq il-baġit tal-UE għandu jieqaf wara l-2017.

3.3. Karatteristiċi baġitarji:

Mill-2010 hija ssuġġerita linja ġdida ta’ impenji ta’ Ħafna Linji

Linja tal-baġit | Tip ta’ nefqa | Ġdida | Kontribuzzjoni mill-EFTA | Kontribuzzjonijiet mill-pajjiżi applikanti | Intestatura fil-prospettiva finanzjarja |

Ara fuq | Mhux komp | Diff[20] | IVA | IVA | IVA | Nru [1A] |

4. SOMMARJU TAR-RIŻORSI

4.1. Riżorsi finanzjarji

Il-figuri kollha f’din id-dikjarazzjoni huma indikattivi u ppreżentati f’valuri kostanti.

4.1.1. Sommarju tal-approprjazzjonijiet għall-impenji (CA) u tal-approprjazzjonijiet għall-ħlasijiet (PA)

EUR miljuni (sa 3 ċifri wara l-punt deċimali)

Tip ta’ Nefqa | Sezzjonnru. | Sena 2009 | 2010 | 2011 | 2012 | 2013 u wara | Total |

Nefqa operattiva |

Approprjazzjonijiet għall-Impenji (CA) | 8.1. | a | 17 | 48 | 45 | 45 | 45 | 200 |

Approprjazzjonijiet għall-Ħlasijiet (PA) | b | 0 | 6 | 21.5 | 36.5 | 136 | 200 |

Infiq amministrattiv fi ħdan l-ammont ta’ referenza[21] |

Assistenza teknika u amministrattiva (NDA) | 8.2.4. | c | 0 | 0 | 0 | 0 | 0 | 0 |

AMMONT TOTALI TA’ REFERENZA |

Approprjazzjonijiet għall-Impenji | a+c | 17 | 48 | 45 | 45 | 45 | 200 |

Approprazzjonijiet għall-Ħlasijiet | b+c | 0 | 6 | 21.5 | 36.5 | 136 | 200 |

Infiq amministrattiv mhux inkluż fl-ammont ta’ referenza[22] |

Riżorsi umani u nefqa assoċjata (NDA) | 8.2.5. | d | 0,117 | 0,176 | 0,176 | 0,176 | 0,704 | 1,349 |

Spejjeż amministrattivi, apparti mir-riżorsi umani u l-ispejjeż assoċjati, mhux inklużi fl-ammont ta’ referenza (NDA) | 8.2.6. | e | 0,007 | 0,014 | 0,014 | 0,044 | 0,106 | 0,185 |

Spiża finanzjarja indikattiva totali tal-intervent |

CA TOTALI fosthom l-ispiża tar-Riżorsi Umani | a+c+d+e | 17,124 | 48,190 | 45,190 | 45,220 | 45,810 | 201,534 |

PA TOTALI fosthom l-ispiża tar-Riżorsi Umani | b+c+d+e | 0,124 | 6,190 | 21,690 | 36,720 | 136,810 | 201,534 |

Dettalji tal-kofinanzjament

(i) Livell tal-programm

Tkun provduta kontribuzzjoni sa EUR 200 miljun, soġġetta għal investiment ta’ għall-anqas eur 200 miljun min-naħa tal-Istati parteċipanti għall-perjodu 2009-2016 permezz tal-programmi nazzjonai tagħhom. L-ispejjeż operattivi tal-istruttura dedikata ta’ implimentazzjoni (DIS) għandhom livell massimu ta’ EUR 6 miljun (4 % tal-ispiża totali) u jkunu pprovduti bħala kontribuzzjoni f'kontanti min-naħa ta' membri ta' EURAMET e.V. li jieħdu sehem fl-EMRP. (ii) Livell tal-proġett

L-allokazzjoni tal-fondi mill-baġits nazzjonali allokati u mill-kontribuzzjoni Komunitarja għall-proġetti magħżula tal-EMRP għandha ssegwi l-ordni tal-lista ta’ klassifikazzjoni.

Fl-aħħarnett, il-membri tal-EURAMET e.V. li jipparteċipaw fl-EMRP għandhom jikkofinanzjaw dawn il-proġetti, skont il-ftehim li għandu jiġi konkluż bejn id-DIS u l-programmi nazzjonali tal-Istati parteċipanti.

EUR miljuni (sa 3 ċifri wara l-punt deċimali)

Organu ta’ kofinanzjament | Sena 2009 | 2010 | 2011 | 2012 | 2013 u wara | Total |

Stati Membri parteċipanti | f | 17 | 48 | 45 | 45 | 45 | 200 |

Kontribuzzjoni Komunitarja | a+c | 17 | 48 | 45 | 45 | 45 | 200 |

Nefqa amministrattiva | d+e | 0,124 | 0,190 | 0,190 | 0,220 | 0,810 | 1,534 |

CA totali inkluż il-kofinanzjament | a+c+d+e+f | 34,124 | 96,190 | 90,190 | 90,220 | 90,810 | 401,534 |

4.1.2. Kompatibilità mal-Programmazzjoni Finanzjarja

( Il-proposta hija kompatibbli mal-ipprogrammar finanzjarju eżistenti.

( Il-proposta se tinvolvi ipprogrammar mill-ġdid tal-intestatura rilevanti fil-prospettiva finanzjarja.

( Il-proposta tista’ teħtieġ l-applikazzjoni tad-dispożizzjonijiet tal-Ftehim Interistituzzjonali[23] (jiġifieri strument ta’ flessibilità jew reviżjoni tal-prospettiva finanzjarja).

4.1.3. Impatt finanzjarju fuq id-Dħul

( Il-proposta ma għandha l-ebda implikazzjoni finanzjarja fuq id-dħul

( Il-proposta għandha impatt finanzjarju – l-effett fuq id-dħul huwa kif ġej:

EUR miljuni (sa punt deċimali wieħed)

Qabel l-azzjoni [Sena n-1] | Qagħda wara l-azzjoni |

Għaddu totali ta’ riżorsi umani |

5. KARATTERISTIĊI U MIRI

5.1. Iridu jintlaħqu fuq perjodu qasir jew fit-tul

Il-kontribuzzjoni Komunitarja hija meħtieġa għall-istabbiliment u t-tħaddim tal-EMRP, sabiex tippermetti l-kofinanzjament tal-attivitajiet mal-Istati parteċipanti. B’mod partikolari din se tintuża biex tikkofinanzja l-parteċipanti fil-proġetti magħżula tal-EMRP wara s-sejħiet għall-proposti.

5.2. Valur miżjud tal-involviment Komunitarju u koerenza tal-proposta ma’ strumenti finanzjarji oħra u sinerġija possibbli

Ir-riċerka dwar il-metroloġija hija ġid pubbliku ta' natura b'saħħitha u hija attività prinċipali ta’ sostenn għar-regolazzjoni u l-istandardizzazzjoni mill-gvern. Il-pajjiżi Ewropej qegħdin joperaw il-programmi nazzjonali tagħhom ta’ riċerka dwar il-metroloġija (NMRP) f’iżolament sħiħ u l-Istati Membri ma kinux kapaċi joħolqu waħidhom EMRP wieħed u tassew integrat.

5.3. Miri, riżultati mistennija u indikaturi relatati tal-proposta fil-kuntest tal-Qafas ABM

L-EMRP se jintegra l-programmi nazzjonali ta’ tnejn u għoxrin Stat parteċipanti fi programm wieħed konġunt ta’ riċerka u jsostni, b’mod partikolari, il-miri tas-Sistemi Nazzjonali Ewropej tal-Kejl. L-EMRP se jaċċellera l-iżvilupp, il-validazzjoni u l-isfruttament ta’ metodi ġodda ta’ kejl u jsostni l-iżvilupp u l-implimentazzjoni tad-direttivi u r-regolamenti.

5.4. Metodu ta’ Implimentazzjoni (indikattiv)

( Ġestjoni ċentralizzata

( direttament mill-Kummissjoni

( indirettament b’delegazzjoni lil: Aġenziji eżekuttivi

( korpi stabbiliti mill-Komunitajiet kif imsemmi fl-art.

( 185 tar-Regolament Finanzjarju

( korpi mis-settur pubbliku nazzjonali jew internazzjonali/korpi regolati bid-dritt privat b’missjoni ta’ servizz pubbliku u ggarantiti mill-Istati Membri, l-Iżlanda, l-Iżrael, in-Norveġja, l-Iżvizzera u t-Turkija.

6. MONITORAĠĠ U EVALWAZZJONI

6.1. Sistema ta’ monitoraġġ

Ladarba jkun stabbilit, l-EMRP se jiġi mmonitorjat permezz ta’ rapporti annwali li għandhom jiġu pprovduti mid-DIS.

6.2. Evalwazzjoni

6.2.1. Evalwazzjoni ex-ante

L-inizjattiva proposta ġiet indirizzata f’Valutazzjoni tal-Impatt li bħala parti minnha kienet tinkludi evalwazzjoni ex-ante (kif mehmuża mal-faxxiklu).

6.2.2. Miżuri meħuda wara evalwazzjoni intermedja/ex-post (tagħlim miksub minn esperjenzi simili fl-imgħoddi)

Il-mudell propost ta’ tmexxija ġie stabbilit fuq il-bażi tal-esperjenza miksuba mill-ewwel inizjattiva skont l-Artikolu 169 imwettqa matul is-Sitt Programm Kwadru, jiġifieri l-EDCTP.

6.2.3. Termini u frekwenza tal-evalwazzjonijiet futuri

Se ssir evalwazzjoni proviżorja u finali tal-EMRP mill-Kummissjoni u se tkopri l-kwalità u l-effiċjenza tal-implimentazzjoni, fosthom l-integrazzjoni xjentifika, amministrattiva u finanzjarja tal-EMRP u l-progress lejn il-miri stabbiliti fl-Anness I ta’ din il-Proposta.

7. Miżuri kontra l-frodi

L-Artikolu 7 tad-Deċiżjoni li tistabbilixxi l-EMRP jiddikjara li fl-implimentazzjoni tal-Programm Konġunt, l-Istati parteċipanti għandhom jieħdu l-miżuri leġiżlattivi regolatorji u amministrattivi jew miżuri oħra neċessarji sabiex iħarsu l-interessi finanzjarji tal-Komunità. B’mod partikolari, l-Istati parteċipanti għandhom jipprovdu garanziji adegwati rigward l-irkupru sħiħ mid-DIS ta’ kwalunkwe ammonti dovuti lill-Komunità.

L-Artikolu 8 tad-Deċiżjoni li tistabbilixxi l-EMRP tiddikjara li l-Kummissjoni u l-Qorti tal-Awdituri jistgħu, permezz tal-uffiċjali jew l-aġenti tagħhom, iwettqu l-kontrolli u l-ispezzjonijiet kollha meħtieġa biex jiżguraw ġestjoni korretta tal-fondi tal-Komunità u jipproteġu l-interessi finanzjarji tal-Komunità kontra kwalunkwe frodi jew irregolarità. Għal dan il-għan, l-Istati parteċipanti u/jew id-DIS għandhom, aktar tard, jagħmlu d-dokumenti rilevanti kollha disponibbli għall-Kummissjoni u għall-Qorti tal-Awdituri.

Aktar miżuri kontra l-frodi se jiġu implimentati bħala parti mill-ftehim dettaljat bejn il-Kummissjoni u d-DIS.

8. DETTALJI TAR-RIŻORSI

8.1. Miri tal-proposta f’termini tal-ispiża finanzjarja tagħhom

Approprjazzjonijiet għall-impenji f’EUR miljuni (sa 3 ċifri wara l-punt deċimali)

Sena 2007 | Sena 2008 | Sena 2009 | Sena 2010 | Sena 2011 | Sena 2012 |

Uffiċjali jew impjegati temporanji[27] (XX 01 01) | A*/AD |

B*, C*/AST |

Persunal iffinanzjat[28] bl-art. XX 01 02 |

Persunal ieħor[29] iffinanzjat bl-art. XX 01 04/05 |

TOTAL |

8.2.2. Deskrizzjoni tal-kompiti li joħorġu mill-azzjoni

8.2.3. Sorsi ta’ riżorsi umani (statutorji)

( Karigi attwalment allokati għall-ġestjoni tal-programm li għandhom jiġu ssostitwiti jew estiżi

( Karigi allokati minn qabel fi ħdan l-eżerċizzju tal-APS/PDB għas-sena n

( Karigi li għandhom jintalbu fil-proċedura li jmiss tal-APS/PDB

( Karigi li għandhom jiġu skjerati mill-ġdid billi jintużaw riżorsi eżistenti fi ħdan is-servizz amministrattiv (skjerament mill-ġdid intern)

( Karigi meħtieġa għas-sena n għalkemm mhux previsti fl-eżerċizzju APS/PDB tas-sena inkwistjoni

8.2.4. Infiq Amministrattiv ieħor inkluż fl-ammont ta’ referenza (XX 01 04/05 – Nefqa fuq il-ġestjoni amministrattiva)

EUR miljuni (sa 3 ċifri wara l-punt deċimali)

Sena 2009 | Sena 2010 | Sena 2011 | Sena 2012 | Sena 2013 u wara | TOTAL |

Assistenza teknika u amministrattiva oħra |

- intra muros |

- extra muros |

Assistenza teknika u amministrattiva totali | 0 | 0 | 0 | 0 | 0 | 0 |

Ġie ffissat ammont massimu totali ta’ EUR 16-il miljun (4% tal-ispiża totali) għall-ispejjeż operattivi tad-DIS u se jkun kopert esklużivament mill-Istati parteċipanti.

Kalkolu – Spejjeż stmati tal-istruttura ddedikata għall-implimentazzjoni |

L-istima tal-ispejjeż hija bbażata fuq l-estimi pprovduti minn EURAMET e.V. wara l-esperjenzi f’iMERA, ERA-NET u iMERA Plus. L-ispiża totali tinkludi għall-perjodu 2010-2016: - Il-ġestjoni tal-EMRP: il-maniġer tal-programm u l-appoġġ segretarjali/uffiċċju - L-ispiża fuq id-Disseminazzjoni u l-Komunikazzjoni: avvenimenti, materjal, xandir u stampa, websajt - Appoġġ, manutenzjoni u liċenzji tal-IT - L-ivvjaġġar - L-evalwazzjoni tal-proposta b’esperti indipendenti: Miżati u vvjaġġar tal-esperti |

8.2.5. Spiża finanzjarja tar-riżorsi umani u spejjeż assoċjati mhux inklużi fl-ammont ta’ referenza

L-informazzjoni relatata mar-riżorsi umani u mal-infiq amministrttiv mhux inkluż fl-ammont ta’ referenza jeħtieġ li titqies bħala riallokazzjoni interna fi ħdan l-approprjazzjonijiet amministrattivi tal-FP7.

EUR miljuni (sa 3 ċifri wara l-punt deċimali)

Tip ta’ riżorsi umani | Sena 2009 | Sena 2010 | Sena 2011 | Sena 2012 | Sena 2013 u wara |

Uffiċjali u impjegati temporanji Linja tal-baġit XXXXXX | 0,117 | 0,176 | 0,176 | 0,176 | 0.704 |

Persunal iffinanzjat bl-Art XXXXX (awżiljarji, END, impjegati b’kuntratt, eċċ.) (speċifika l-linja tal-baġit) |

Spiża totali tar-Riżorsi Umani u l-ispejjeż assoċati (MHUX fl-ammont ta’ referenza) | 0,117 | 0,176 | 0,176 | 0,176 | 0.704 |

Kalkolu – Uffiċjali u Aġenti Temporanji |

Spiża medja ta’ EUR 117,000 għal kull post FTE. Fis-sena 2009, huwa kkunsidrat 1 FTE għall-fażi tan-negozjar tal-kuntratti. Mill-2010 sal-2016, huwa kkunsidrat 1.5 FTE. Kalkolu – Persunal iffinanzjat taħt l-art. XX 01 02 … |

Kalkolu – Persunal iffinanzjat bl-art. XX 01 02 |

Huma previsti 1,5 FTE/sena għas-segwitu ta’ din l-inizjattiva mis-servizzi tal-Kummissjoni mill-2010 ’il quddiem. FTE wieħed (1) huwa meħtieġ għall-fażi tan-negozjar tal-kuntratti, li mistennija tibda fit-tieni nofs tal-2009. Il-kompiti prinċipali se jkunu:

Parteċipazzjoni fil-laqgħat tal-kumitat tal-EMRP u fil-laqgħat tal-Kunsill għar-Riċerka tal-EMRP bħala membru, +/- 3-4 darbiet laqgħat ta’ jumejn/sena (Direttur/livell ta’ HoU)

Osservatur fl-evalwazzjonijiet tal-proposti tal-EMRP, 2-3 ijiem fis-sena (livell ta’ Uffiċjal tal-Proġett)

Parteċipazzjoni f’workshops u avvenimenti ta’ disseminazzjoni, 2-3 ijiem fis-sena (livell ta’ Uffiċjal tal-Proġett)

Negozjar u Tħejjija tal-ftehim mad-DIS (livell ta’ Uffiċjal tal-Proġett + livell ta’ Assistent)

Monitoraġġ tal-implimentazzjoni fuq il-bażi tar-rapporti annwali, u koordinament tal-evalwazzjonijiet ta’ nofs it-terminu u finali (livell ta’ Uffiċjal tal-Proġett)

Verifika finanzjarja u legali tal-implimentazzjoni tal-EMRP (livell ta’ Uffiċjal Finanzjarju)

8.2.6. Infiq amministrattiv ieħor mhux inkluż fl-ammont ta’ referenza EUR miljuni (sa 3 ċifri wara l-punt deċimali) |

Sena 2009 | Sena 2010 | Sena 2011 | Sena 2012 | Sena 2013 u wara | TOTAL |

08 01 02 11 01 – Missjonijiet | 0,007 | 0,014 | 0,014 | 0,014 | 0,056 | 0,105 |

08 01 02 11 02 – Laqgħat u Konferenzi |

08 01 02 11 03 – Kumitati[31] |

08 01 02 11 04 – Studji u konsultazzjonijiet |

08 01 02 11 05 – Sistemi tal-Informazzjoni |

2 Total ta’ Nfiq Amministrattiv Ieħor (08 01 02 11) | 0,007 | 0,014 | 0,014 | 0,014 | 0,056 | 0,105 |

3 Infiq ieħor ta’ natura amministrattiva Esperti indipendenti għall-evalwazzjoni ta’ nofs it-terminu u finali. | 0,030 | 0,050 | 0,080 |

Infiq Amministrattiv totali, apparti mir-riżorsi umani u l-ispejjeż assoċjati (MHUX inkluż fl-ammont ta’ referenza) | 0,007 | 0,014 | 0,014 | 0,044 | 0,106 | 0,185 |

L-informazzjoni relatata mar-riżorsi umani u mal-infiq amministrttiv mhux inkluż fl-ammont ta’ referenza jeħtieġ li titqies bħala riallokazzjoni interna fi ħdan l-approprjazzjonijiet amministrattivi tal-FP7.

Kalkolu - Infiq amministrattiv ieħor mhux inkluż fl-ammont ta’ referenza |

Missjonijiet: L-ispejjeż huma bbażati fuq spiża medja għall-ivvjaġġar ta’ EUR 700 għal kull missjoni flimkien ma’ EUR 149,63 ta’ konċessjoni kuljum; it-tul medju ta’ missjoni huwa 1,5 ġranet; l-għadd u n-natura tal-missjonijiet: 4 missjonijiet fis-sena għal 2 uffiċjali biex jattendu laqgħat tal-EMRP, 3 missjonijiet fis-sena għal uffiċjal wieħed (1) biex jattendi workshops u avvenimenti oħra, 4 missjonijiet fis-sena għal uffiċjal wieħed biex jattendi laqgħa tal-kumitat tal-EMRP (jekk issir xi mkien ieħor mhux fi Brussell). Għall-2009, nofs l-ispejjeż annwali huma preżunti. Assistenza esterna: Stima tal-ispejjeż għall-appoġġ estern għall-evalwazzjoni proviżorja u finali bi 3 esperti esterni. L-evalwazzjoni ta’ nofs it-terminu hija stmata għal EUR 30.000 u l-evalwazzjoni finali għal EUR 50.000 (inklużi l-ispejjeż tal-esperti, l-konċessjonijiet ta’ kuljum, u l-ivvjaġġar). |

[1] EURAMET e.V. hija l-istruttura ta’ implimentazzjoni ddedikata tal-EMRP. Ġiet stabbilita fl-2007 taħt il-liġi Ġermaniża bħala assoċjazzjoni mhux bi profitt u hija l-organizzazzjoni reġjonali Ewropea dwar il-metroloġija.

[2] Id-Deċiżjoni Nru 1982/2006/KE, ĠU L 412, 30.12.2006, p. 1.

[3] Id-Deċiżjoni Nru 971/2006/KE, ĠU L 400, 30.12.2006, p. 86.

[4] ĠU C , , p. .

[5] ĠU C , , p. .

[6] ĠU C , , p. .

[7] ĠU L 412, 30.12.2006, p. 1.

[8] ĠU L 400, 30.12.2006, p. 86.

[9] C(2007)2460 tal-11 ta’ Ġunju 2007.

[10] ĠU L 248, 16.09.2002, p. 1.

[11] ĠU L 357, 31.12.2002, p. 1.

[12] ĠU L 312, 23.12.1995, p. 1.

[13] ĠU L 292, 15.11.1996, p 2.

[14] ĠU L 136, 31.05.1999, p. 1.

[15] ĠU C 323, 30.12.2006, p. 1.

[16] ĠU L 391, 30.12.2006, p.1.

[17] B’differenza miċ-ċifri l-oħrajn, dan l-ammont huwa limitu massimu vinkolanti fil-kalkolu tal-fondi korrispondenti tal-Istati parteċipanti.

[18] Il-monitoraġġ tal-kontribuzzjoni Komunitarja jimplika l-attivitajiet kollha ta’ natura ta’ kontroll u verifika, ex-ante u/jew ex-post, meqjusa neċessarji sabiex il-kompiti eżekuttivi ddelegati mill-Kummissjoni jitwettqu b’mod sodisfaċenti. Dawn l-attivitajiet għandhom ifittxu li jiksbu assigurazzjoni raġonevoli dwar il-legalità u r-regolarità tat-tranżazzjonijiet sottostanti, u dwar l-eliġibilità tal-ispejjeż mitluba.

[19] Huwa ssuġġerit li tinħoloq linja tal-baġit waħda għal din l-inizjattiva mill-2010

[20] Approprjazzjoni differenzjata

[21] Dawn huma n-nefqiet ta’ sostenn għall-ispejjeż operattivi tad-DIS tal-EMRP. Dan l-ammont mhux ser jiġi kkunsidrat taħt il-limitu massimu tan-nefqiet amministrattivi tas-Seba’ Programm Kwadru (EUR 16-il miljun).

[22] L-ammont ta’ referenza huwa l-kontribuzzjoni Komunitarja għall-EMRP.

[23] Ara l-punti 19 u 24 tal-Ftehim Interistituzzjonali.

[24] Jekk ikun meħtieġ għandhom jiżdiedu kolonni addizzjonali, jiġifieri jekk l-azzjoni ddum aktar minn 6 snin

[25] Kif deskritta taħt Sezzjoni 5.3

[26] Mhemm ebda uffiċjal tal-Kummissjoni li ser jaħdem għall-EMRP fid-DIS.

[27] L-ispiża tiegħu MHIJIEX koperta mill-ammont ta’ referenza.

[28] L-ispiża tiegħu MHIJIEX koperta mill-ammont ta’ referenza.

[29] L-ispiża tiegħu hija koperta mill-ammont ta’ referenza.

[30] Għandha ssir referenza għad-dikjarazzjoni finanzjarja leġiżlattiva speċifika għall-Aġenzija/i Eżekuttiva/i kkonċernata/i.

[31] Speċifika t-tip ta’ kumitat u l-grupp li għalih jappartjeni.