Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52008AP0244

    Netwerk ta' punti ta' kuntatt kontra l-korruzzjoni * Riżoluzzjoni leġiżlattiva tal-Parlament Ewropew tal- 5 ta' Ġunju 2008 dwar l-inizjattiva tar-Repubblika Federali tal-Ġermanja bil-ħsieb tal-adozzjoni ta' Deċiżjoni tal-Kunsill dwar netwerk ta' punti ta' kuntatt kontra l-korruzzjoni (11231/2007 — C6-0240/2007 — 2007/0809(CNS))

    ĠU C 285E, 26.11.2009, p. 72–74 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    26.11.2009   

    MT

    Il-Ġurnal Uffiċjali tal-Unjoni Ewropea

    CE 285/72

    Il-Ħamis, 5 ta’ Ġunju 2008
    Netwerk ta’ punti ta’ kuntatt kontra l-korruzzjoni *

    P6_TA(2008)0244

    Riżoluzzjoni leġiżlattiva tal-Parlament Ewropew tal-5 ta’ Ġunju 2008 dwar l-inizjattiva tar-Repubblika Federali tal-Ġermanja bil-ħsieb tal-adozzjoni ta’ Deċiżjoni tal-Kunsill dwar netwerk ta’ punti ta’ kuntatt kontra l-korruzzjoni (11231/2007 — C6-0240/2007 — 2007/0809(CNS))

    2009/C 285 E/15

    (Proċedura ta’ konsultazzjoni)

    Il-Parlament Ewropew,

    wara li kkunsidra l-inizjattiva tar-Repubblika Federali tal-Ġermanja (11231/2007),

    wara li kkunsidra l-Artikolu 34(2)(c) tat-Trattat tal-UE,

    wara li kkunsidra l-Artikolu 39(1)(a) tat-Trattat tal-UE, skond liema artikolu ġie kkonsultat mill-Kunsill (C6-0240/2007),

    wara li kkunsidra l-Artikoli 93 u 51 tar-Regoli ta’ Proċedura,

    wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern (A6-0174/2008),

    1.

    Japprova l-inizjattiva tar-Repubblika Federali tal-Ġermanja kif emendata;

    2.

    Jistieden lill-Kunsill biex jemenda t-test kif xieraq;

    3.

    Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

    4.

    Jistieden lill-Kunsill sabiex jerġa’ jikkonsultah jekk ikollu l-ħsieb li jemenda l-inizjattiva tar-Repubblika Federali tal-Ġermanja b’mod sustanzjali;

    5.

    Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-gvern tar-Repubblika Federali tal-Ġermanja.

    TEST PROPOST MIR-REPUBBLIKA FEDERALI TAL-ĠERMANJA

    EMENDI TAL-PARLAMENT

    Emenda 1

    Artikolu 1

    Sabiex il-kooperazzjoni bejn l-awtoritajiet u l-aġenziji għall-prevenzjoni u l-ġlieda kontra l-korruzzjoni fl-Ewropa tittejjeb, għandu jiġi stabbilit netwerk ta’ punti ta’ kuntatt tal-Istati Membri tal-Unjoni Ewropea (minn issa ‘l quddiem imsejjaħ in-‘netwerk’). Il-Kummissjoni Ewropea, l-Europol u l-Eurojust għandhom ikunu assoċjati b’mod sħiħ mal-attivitajiet tan-Netwerk.

    Sabiex il-kooperazzjoni bejn l-awtoritajiet u l-aġenziji għall-prevenzjoni u l-ġlieda kontra l-korruzzjoni fl-Ewropa tittejjeb, għandu jiġi stabbilit netwerk ta’ punti ta’ kuntatt tal-Istati Membri (minn issa ‘l quddiem imsejjaħ in-‘netwerk’). Il-Kummissjoni, u b’mod partikolari l-OLAF , l-Europol u l-Eurojust għandhom ikunu assoċjati b’mod sħiħ mal-attivitajiet tan-Netwerk.

    Emenda 2

    Artikolu 2

    In-netwerk għandu jikkonsisti f’awtoritajiet u aġenziji tal-Istati Membri tal-Unjoni Ewropea bil-kompitu tal-prevenzjoni jew il-ġlieda kontra l-korruzzjoni. Il-membri għandhom jinħatru mill-Istati Membri. Kull Stat Membru għandu jaħtar mill-inqas organizzazzjoni waħda, iżda mhux aktar minn tliet organizzazzjonijiet. Il-Kummissjoni Ewropea għandha taħtar ir-rappreżentanti tagħha. Fi ħdan il-kompetenzi rispettivi tagħhom, l-Europol u l-Eurojust jistgħu jieħdu sehem fl-attivitajiet tan-Netwerk.

    In-netwerk għandu jikkonsisti f’awtoritajiet u aġenziji tal-Istati Membri bil-kompitu tal-prevenzjoni jew il-ġlieda kontra l-korruzzjoni. Il-membri għandhom jinħatru mill-Istati Membri. Kull Stat Membru għandu jaħtar mill-inqas organizzazzjoni waħda, iżda mhux aktar minn tliet organizzazzjonijiet. Il-Kummissjoni, bil-parteċipazzjoni ta’ l-OLAF għandha taħtar ir-rappreżentanti tagħha. Fi ħdan il-kompetenzi rispettivi tagħhom, l-OLAF , l-Europol u l-Eurojust għandhom jieħdu sehem fl-attivitajiet tan-netwerk.

    Emenda 3

    Artikolu 3, paragrafu 1, punt 1 a (ġdid)

     

    (1a)

    		għandu kull sena jgħaddi lill-Kummissjoni u lill-Parlament Ewropew rapport dwar is-sejbiet tiegħu skond l-punt (1), kif ukoll, fejn xieraq, proposti konkreti dwar il-prevenzjoni u l-ġlieda kontra l-korruzzjoni;

    Emenda 4

    Artikolu 3, paragrafu 2

    2.   Il-membri tan-netwerk għandhom, biex iwettqu l-kompiti tagħhom , jiltaqgħu kemm ikun meħtieġ, iżda tal-inqas darba fis-sena.

    2.   Il-membri tan-netwerk għandhom, biex iwettqu l-kompiti tagħhom, jiltaqgħu tal-inqas darba fis-sena.

    Emenda 5

    Artikolu 5, paragrafu 1

    1.   In-netwerk għandu jorganizza lilu nnifsu, filwaqt li jibni fuq il-kollaborazzjoni informali eżistenti bejn l-EPAC.

    1.   In-netwerk għandu jorganizza lilu nnifsu b’mod li jkun immexxi mill-Presidenza tal-Kunsill rilevanti, u jibni fuq il-kollaborazzjoni informali eżistenti bejn l-EPAC.

    Emenda 6

    Artikolu 5, paragrafu 2

    2.   L- Istati Membri u l- Kummissjoni Ewropea għandhom iħallsu l-ispejjeż kollha tal-membri jew tar-rappreżentanti maħturaminnhom . L-istess regola għandha tapplika għall-Europol u għall-Eurojust.

    2.   Il-Kummissjoni għandha tħallas l-ispejjeż kollha tar-rappreżentanti tagħha kif ukoll l-ispejjeż tal-membri maħtura mill-Istati Membri . L-istess regola għandha tapplika għall-Europol u għall-Eurojust.
    Top