52006PC0377

[pic] | KUMMISSJONI TAL-KOMUNITAJIET EWROPEJ |

Brussel 11.7.2006

KUMM(2006) 377 finali

2006/0123 (ACC)

Proposta għal

DEĊIŻJONI TAL-KUNSILL

dwar il-konklużjoni ta’ Protokoll li jemenda l-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Kroazja, fuq in-naħa l-oħra, dwar kwoti tariffarji fuq iz-zokkor u l-prodotti taz-zokkor li joriġinaw mill-Kroazja jew mill-Komunità

(preżentata mill-Kummissjoni)

MEMORANDUM TA’ SPJEGAZZJONI

Il-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Kroazja, fuq in-naħa l-oħra, (minn hawn ’il quddiem imsejjaħ “l-FSA”) kien iffirmat fil-Lussemburgu nhar id-29 ta’ Ottubru 2001 u daħal fis-seħħ nhar l-1 ta' Frar 2005. Minn Jannar 2002, kien applikat Ftehim Interim dwar il-kummerċ u kwistjonijiet relatati mal-kummerċ.

Nhar it-28 ta’ Frar 2005, il-Kunsill awtorizza lill-Kummissjoni sabiex tidħol f’negozjati mar-Repubblika tal-Kroazja sabiex jiġu emendati l-arranġamenti preferenzjali fir-rigward ta' l-importazzjonijiet taz-zokkor li joriġinaw mir-Repubblika tal-Kroazja lejn l-Komunità taħt l-FSA, sabiex l-aċċess attwali bla ħlas ta’ dazju jiġi ssostitwit għal kwantitajiet bla limitu bi kwota tariffarja annwali bla ħlas ta' dazju.

Fl-14 ta’ Marzu 2006, il-Kummissjoni kkonkludiet negozjati mal-Kroazja dwar kwota tariffarja bla ħlas ta’ dazju għaz-zokkor. Dan l-arranġament il-ġdid li japplika minn Jannar 2007 se jippermetti lill-Kroazja biex tesporta z-zokkor lejn il-KE skond kwota tariffarja u se jissostitwixxi l-arranġamenti attwali skond il-Ftehim ta’ Stabbilizzazzjoni u Assoċjazzjoni.

L-arranġament il-ġdid jistipola kwota tariffarja bla ħlas ta’ dazju għall-importazzjonijiet tal-KE taz-zokkor mill-Kroazja ta' livell ta' 180 000 tunnellata u jinkorpora konċessjoni reċiproka lill-Komunità bl-għoti ta' aċċess preferenzjali lis-suq Kroat għal 80 000 tunnellata ta’ zokkor b’dazju mnaqqas u taħt xi kundizzjonijiet.

Konsegwentement, il-Kunsill huwa mitlub japprova l-emendi addattati fl-FSA f’forma ta’ Protokoll li jemenda l-FSA.

2006/0123 (ACC)

Proposta għal

DEĊIŻJONI TAL-KUNSILL

dwar il-konklużjoni ta’ Protokoll li jemenda l-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Kroazja, fuq in-naħa l-oħra, dwar kwoti tariffarji fuq iz-zokkor u l-prodotti taz-zokkor li joriġinaw mill-Kroazja jew mill-Komunità

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 133, flimkien ma' l-ewwel sentenza ta' l-ewwel subparagrafu ta' l-Artikolu 300(2) tiegħu,

Wara li kkunsidra l-proposta mill-Kummissjoni,

Billi:

(1) Fit-28 ta' Frar 2005, il-Kunsill awtorizza lill-Kummissjoni biex tidħol f’negozjati mar-Repubblika tal-Kroazja biex temenda l-arranġamenti preferenzjali fir-rigward ta’ l-importazzjonijiet taz-zokkor li joriġinaw mill-Kroazja fil-Komunità skond il-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom fuq naħa waħda, u r-Repubblika tal-Kroazja fuq in-naħa l-oħra[1] (minn hawn ‘il quddiem imsejjaħ ‘l-FSA’), approvat mid-Deċiżjoni tal-Kunsill u tal-Kummissjoni 2005/40/KE, Euratom[2].

(2) Il-Kummissjoni ffinalizzat in-negozjati għal Protokoll li jemenda l-FSA. Għalhekk, il-Protokoll imsemmi għandu jiġi approvat.

(3) Il-miżuri meħtieġa għall-implimentazzjoni ta’ dak il-Protokoll għandhom jiġu adottati mill-Kummissjoni skond l-istess proċedura bħal dik prevista fir-rigward ta' l-implimentazzjoni tar-Regolament tal-Kunsill (KE) Nru 318/2006 ta’ l-20 ta' Frar 2006 dwar l-organizzazzjoni komuni tas-swieq fis-settur taz-zokkor[3],

IDDEĊIEDA KIF ĠEJ:

Artikolu 1

1. Il-Protokoll li jemenda l-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Kroazja, fuq in-naħa l-oħra, dwar kwoti tariffarji fuq iz-zokkor u l-prodotti taz-zokkor li joriġinaw mill-Kroazja lejn il-Komunità (minn hawn ‘il quddiem imsejjaħ "il-Protokoll”), huwa b’dan approvat f’isem il-Komunità.

2. It-test tal-Protokoll huwa anness ma’ din id-Deċiżjoni.

Artikolu 2

Il-President tal-Kunsill permezz ta’ dan huwa awtorizzat li jaħtar lill-persuna/i li jkollha/jkollhom il-jedd li tiffirma/jiffirmaw il-Protokoll sabiex jesprimu l-kunsens tal-Komunità li tkun marbuta bih.

Artikolu 3

Il-Kummissjoni għandha tadotta r-regoli dettaljati sabiex jiġi implimentat dan il-Protokoll skond il-proċedura stipolata fl-Artikolu 39 tar-Regolament (KE) Nru 318/2006.

Magħmula fi Brussell,

Għall-Kunsill

Il-President

PROTOKOLL

li jemenda l-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Kroazja, fuq in-naħa l-oħra, dwar kwoti tariffarji fuq iz-zokkor u l-prodotti taz-zokkor li joriġinaw mill-Kroazja jew mill-Komunità

IL-KOMUNITÀ EWROPEA, minn hawn ’il quddiem imsejħa “il-Komunità”,

fuq naħa waħda, u

IR-REPUBBLIKA TAL-KROAZJA, minn hawn ‘il quddiem imsejħa “il-Kroazja”,

min-naħa l-oħra,

Billi:

(1) Il-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Kroazja, fuq in-naħa l-oħra, (minn hawn ’il quddiem imsejjaħ “l-FSA”) kien iffirmat fil-Lussemburgu nhar id-29 ta’ Ottubru 2001 u daħal fis-seħħ nhar l-1 ta' Frar 2005.

(2) Seħħew negozjati biex jibdlu l-arranġamenti preferenzjali fil-FSA fir-rigward taz-zokkor u l-prodotti taz-zokkor li joriġinaw mill-Kroazja jew mill-Komunità.

(3) L-emendi xierqa għall-FSA għandhom jiġu adottati,

FTIEHMU KIF ĠEJ:

Artikolu 1

Il-FSA huwa emendat kif ġej:

(1) L-Artikolu 27 huwa emendat kif ġej:

(a) fil-paragrafu 1, l-ewwel subparagrafu għandu jinbidel b'dan li ġej:

“Il-Komunità għandha tabolixxi l-ħlasijiet u d-dazji tad-dwana li għandhom effett ekwivalenti fuq l-importazzjonijiet ta’ prodotti agrikoli li joriġinaw mill-Kroazja, għajr dawk bit-titli Nri 0102, 0201, 0202, 1701, 1702 u 2204 tan-Nomenklatura Magħquda.”;

(b) għandu jiżdied il-paragrafu (5) li ġej:

“5. L-Anness IV(h) jistipola ċerti arranġamenti tal-kummerċ li għandhom ikunu applikati għaz-zokkor u l-prodotti taz-zokkor taħt it-titli Nri 1701 u 1702 tan-Nomenklatura Magħquda.

(2) Fl-Anness IV, it-test fl-Anness ta' din id-Deċiżjoni huwa miżjud bħala l-Anness IV(h).

(3) Fit-tabella fl-Anness I tal-Protokoll 3, jitħassru r-referenzi li ġejjin:

- "1702 50 00 – Fruktożju kimikalment pur",

- "1702 90 10 – Maltożju kimikalment pur".

Artikolu 2

Il-partijiet għandhom jiltaqgħu fit-tieni nofs ta' l-2008 biex jirrevedu l-effetti ta' dan il-Protokoll.

Artikolu 3

Dan il-Protokoll għandu jifforma parti integrali mill-FSA.

Artikolu 4

Dan il-Protokoll għandu jidħol fis-seħħ fl-1 ta' Jannar 2007.

Artikolu 5

Dan il-Protokoll qed isir f'żewġ kopji biċ-Ċek, id-Daniż, l-Olandiż, l-Ingliż, l-Estonjan, il-Finlandiż, il-Franċiż, il-Ġermaniż, il-Grieg, l-Ungeriż, it-Taljan, il-Latvjan, il-Litwan, il-Malti, il-Pollakk, il-Portugiż, is-Slovakk, is-Sloven, l-Ispanjol, l-Iżvediż, u l-Kroat, kull wieħed minn dawn it-testi huwa awtentiku bl-istess mod.

Magħmul fi Brussell,

Għall-Komunità Ewropea Għar-Repubblika tal-Kroazja

ANNESS

"L-ANNESS IV(h)

imsemmi fl-Artikolu 27(5)

1. Il-Komunità għandha tapplika l-aċċess bla ħlas ta’ dazju fuq l-importazzjonijiet lejn il-Komunità ta’ prodotti li joriġinaw mill-Kroazja bit-titli 1701 u 1702 tan-Nomenklatura Magħquda, fil-limitu ta’ kwota tariffarja annwali ta’ 180 000 tunnellata (piż nett).

2. Il-Kroazja għandha tapplika l-aċċess bi tnaqqis fil-ħlas ta’ dazju fuq l-importazzjonijiet lejn il-Kroazja ta’ prodotti li joriġinaw mill-Komunità bit-titli 1701 tan-Nomenklatura Magħquda, fil-limitu ta’ kwantità annwali ta’ 80 000 tunnellata (piż nett) li għandu japplika biss ladarba l-importazzjonijiet mill-Kroazja fil-Komunità bit-titli 1701 u 1702 tan-Nomenklatura Magħquda jilħqu t-80 000 tunnellata (piż nett). Fuq din il-kwantità, il-Kroazja se tnaqqas il-rata tal-ħlas ta’ dazju kif ġej:

- fl-1 ta' Jannar 2007, id-dazju għandu jitnaqqas għal 75 % tad-dazju bażiku,

- fl-1 ta' Jannar 2008, id-dazju għandu jitnaqqas għal 70 % tad-dazju bażiku,

- fl-1 ta' Jannar 2009 u ‘l quddiem, id-dazju għandu jitnaqqas għal 50 % tad-dazju bażiku.

3. Il-Komunità hija impenjata li ma tħallasx rifużjonijiet għall-esportazzjoni mill-baġit tal-Komunità għaz-zokkor, ix-xiropp u ċerti prodotti taz-zokkor oħra li jaqgħu taħt it-titli 1701 u 1702 tan-Nomenklatura Magħquda meta dawn jiġu esportati fl-istat naturali tagħhom lejn il-Kroazja. Il-Kroazja hija impenjata li ma tħallasx rifużjonijiet għall-esportazzjoni għall-esportazzjonijiet taz-zokkor lejn il-Komunità."

DIKJARAZZJONI FINANZJARJA |

1. | INTESTATURA TAL-BAĠIT: 05 02 05 01 – Rifużjonijiet Kapitolu 10 – Dazji Agrikoli | APPROPRJAZZJONIJIET 2006: 05 02 05 0 1 : 801 Miljun € Kapitolu 10 : 763,5 Miljun € |

2. | TITOLU: Id-Deċiżjoni tal-Kunsill dwar il-konklużjoni ta’ Protokoll li jemenda l-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Kroazja, fuq in-naħa l-oħra, dwar kwoti tariffarji fuq iz-zokkor u l-prodotti taz-zokkor li joriġinaw mill-Kroazja jew mill-Komunità |

3. | BAŻI LEGALI: L-Artikolu 133 tat-Trattat |

4. | GĦANIJIET: Li jkunu emendati l-arranġamenti preferenzjali fir-rigward ta' l-importazzjonijiet taz-zokkor li joriġina mir-Repubblika tal-Kroazja fil-Komunità skond il-FSA sabiex jissostitwixxu l-aċċess attwali mingħajr ħlas ta' dazju għal kwantitajiet bla limitu bi kwota tariffarja annwali mingħajr ħlas ta’ dazju, u biex ikun stabbilit li l-Kroazja għandha tapplika aċċess bi tnaqqis fil-ħlas ta’ dazju fuq l-importazzjonijiet ta’ prodotti li joriġinaw fil-Komunità. |

5. | IMPLIKAZZJONIJIET FINANZJARJI (1) | PERJODU TA’ 12-IL XAHAR (miljun EUR) | SENA FINANZJARJA ATTWALI 2006 (miljun EUR) | SENA FINANZJARJA LI JMISS 2007 (miljun EUR) |

5.0 | NEFQA – IDDEBITATA LILL-BAĠIT TAL-KE (RIFUŻJONIJIET/INTERVENTI) – AWTORITAJIET NAZZJONALI – OĦRAJN | – | – | – |

5.1 | DĦUL – RIŻORSI PROPRJI TAL-KE (IMPOSTI/DAZJI DOGANALI) – NAZZJONALI | – | – | – |

2008 | 2009 | 2010 | 2011 |

5.0.1 | NEFQA STMATA | – | – | – | – |

5.1.1 | DĦUL STMAT | – | – | – | – |

5.2 | METODU TA’ KALKOLU: – |

6.0 | IL-PROĠETT JISTA' JIĠI FFINANZJAT MILL-APPROPRJAZZJONIJIET IMDAĦĦLA FIL-KAPITOLU RILEVANTI TAL-BAĠIT ATTWALI? | IVA LE |

6.1 | IL-BAĠIT JISTA’ JIĠI FFINANZJAT BI TRASFERIMENT BEJN IL-KAPITOLI TAL-BAĠIT ATTWALI? | IVA LE |

6.2 | JINĦTIEĠ BAĠIT SUPPLIMENTARI? | IVA LE |

6.3 | JINĦTIEĠ LI L-APPROPRJAZZJONIJIET JIDDAĦĦLU FIL-BAĠITS LI JMISS? | IVA LE |

(1) OSSERVAZZJONIJIET: Dan l-arranġament m’għandux impatt ġdid fuq il-bilanċ tas-suq taz-zokkor ta’ l-UE u m’għandu l-ebda impatt finanzjarju fir-rigward tar-rifużjonijiet għall-esportazzjoni. Fuq in-naħa l-oħra, rigward id-dazji agrikoli, meta jitqies li l-kwantità ta' l-importazzjonijiet taz-zokkor reċenti mill-Kroazja kienet iktar baxxa mill-kwantità stabbilità fil-Ftehim ta’ Stabbilizzazzjoni u Assoċċjazzjoni, li għaliha d-dazju kien stipolat għal ‘0’, l-ebda impatt finanzjarju mhu previst fuq id-dħul tal-baġit. |

[1] ĠU L 26, 28.1.2005, p. 3.

[2] ĠU L 26, 28.1.2005, p. 1

[3] ĠU L 58, 28. 2.2006, p.1.