52005PC0563

[pic] | KUMMISSJONI TAL-KOMUNITAJIET EWROPEJ |

Brussel 09.11.2005

KUMM(2005) 563 finali

2005/0226 (CNS)

Proposta għal

REGOLAMENT TAL-KUNSILL (KE)

li jemenda r-Regolament (KE) Nru 533/2004

(preżentata mill-Kummissjoni)

MEMORANDUM TA’ SPJEGAZZJONI

Din il-proposta biex jinbidel l-isem tas-sħubija tal-Kroazja minn "Sħubija Ewropea' għal 'Sħubija ta' l-Adeżjoni' saret sabiex jiġi allineat l-isem tas-Sħubija tal-Kroazja ma' l-isem tas-Sħubija tat-Turkija, minħaba li t-tnejn li huma, huma pajjiżi kandidati li bdew in-negozjati ta’ l-adeżjoni. Sabiex l-istrument tas-Sħubiji jkun jiftiehem aħjar, huwa adatt li jkun hemm l-istess isem għas-Sħubiji għaż-żewġ pajjiżi li issa huma fl-istess stadju tal-proċess tagħhom tad-dħul. Dan huwa skond kif tqiegħed il-kliem fid-Dokument ta’ Strateġija ta’ l-2005 dwar it-tkabbir.

Ir-Regolament fih il-propost għall-bdil fir-regolament relevanti. Il-Kummissjoni għalhekk tistieden lill-Kunsill li jadotta r-regolament propost li hu mehmuż.

2005/0226 (CNS)

Proposta għal

REGOLAMENT TAL-KUNSILL (KE)

li jemenda r-Regolament (KE) Nru 533/2004

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 181a (2) tiegħu,

Wara li kkunsidraw il-proposta tal-Kummissjoni[1],

Wara li kkunsidra l-opinjoni tal-Parlament Ewropew[2],

Billi:

(1) Ir-Regolament tal-Kunsill (KE) Nru 533/2004 tat-22 ta’ Marzu 2004[3] jipprovdi li s-sħubiji Ewropej ikunu stabbiliti fil-qafas tal-proċess ta' stabilità u assoċjazzjoni għall-pajjiżi kollha tal-Balkani tal-Lvant.

(2) Il-Kunsill Ewropea iddeċieda li fil-laqgħa tiegħu fi Brussell fis-17 u t-18 ta' Ġunju 2004 li l-Kroazja tkun pajjiż kandidat għas-sħubija fl-Unjoni Ewropea. Fit-3 ta’ Ottubru 2005, in-negozjati dwar l-adeżjoni bdew mal-Kroazja.

(3) Hu għalhekk xieraq li jiġi pprovdut li minflok Sħubija Ewropea, l-Unjoni Ewropea ghandha timplimenta fir-relazzjonijiet tagħha mal-Kroazja Sħubija ta’ l-Adeżjoni u temenda r-Regolament (KE) Nru 533/2004 skond dan.

ADOTTA DAN IR-REGOLAMENT:

Artikolu 1

Ir-Regolament (KE) Nru 533/2004 huwa hawnhekk emendat kif ġej:

1) Fit-titolu, il-kelma “ Ewropea ” titħassar.

2) Fl-Artikolu 1, il-kelma “ Kroazja ” titħassar.

3) L-Artikolu 1a li ġej jiddaħħal:

“ Artikolu 1a

Bħala parti mill-proċess ta’ stabilità u assoċjazzjoni, għandu jkun stabbilit għall-Kroazja Sħubija ta' Assoċjazzjoni. Is-Sħubija ta' Assoċjazzjoni għandha tipprovdi qafas li jkopri l-prijoritajiet kollha li jirriżultaw mill-analiżi tas-sitwazzjoni fil-Kroazja, li fuq preparazzjonijiet għall-adeżjoni għandhom jikkonċentraw fid-dawl tal-kriterji ta’ Kopenħagen definiti mill-Kunsill Ewropew u l-progress li sar fl-implimentar tal-proċess ta' stabilità u assoċjazzjoni, inkluż il-Ftehim ta' Stabilità u Assoċjazzjoni[4], u b'mod partikolari l-kooperazzjoni reġjonali. ”

4) Fl-Artikolu 2, il-kelma “ Ewropea ” titħassar.

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu fil- Ġurnal Uffiċjali ta' l-Unjoni Ewropea .

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Kunsill

Il-President

[1] ĠU C , , p. .

[2] ĠU C , , p. .

[3] ĠU L 86, 24.3.2004, p. 1.

[4] ĠU L26, 28.1.2005, p. 3.