Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 42018X0630

    Ir-Regolament Nru 132 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta' tagħmir Modifikat għall-Monitoraġġ tal-Emissjonijiet (“Retrofit Emission Control” — REC) għall-vetturi heavy duty, għal tratturi agrikoli u tal-forestrija u għal makkinarju mobbli mhux tat-triq mgħammra b'magni li jaqbdu bil-kompressjoni [2018/630]

    ĠU L 109, 27.4.2018, p. 100–154 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg/2018/630/oj

    27.4.2018   

    MT

    Il-Ġurnal Uffiċjali tal-Unjoni Ewropea

    L 109/100

    It-testi oriġinali tan-NU/KEE biss għandhom effett ġuridiku skont id-dritt internazzjonali pubbliku. L-istatus u d-data tad-dħul fis-seħħ ta' dan ir-Regolament jenħtieġ li jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:

    http://www.unece.org/trans/main/wp29/wp29wgs/wp29gen/wp29fdocstts.html

    Ir-Regolament Nru 132 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta' tagħmir Modifikat għall-Monitoraġġ tal-Emissjonijiet (“Retrofit Emission Control” — REC) għall-vetturi heavy duty, għal tratturi agrikoli u tal-forestrija u għal makkinarju mobbli mhux tat-triq mgħammra b'magni li jaqbdu bil-kompressjoni [2018/630]

    Jinkorpora t-test validu kollu sa:

    Is-serje 01 tal-emendi tar-Regolament: Data tad-dħul fis-seħħ: It-22 ta' Jannar 2015

    WERREJ

    REGOLAMENT

    1.

    		 Skop

    2.

    		 Kamp ta' applikazzjoni

    3.

    		 Definizzjonijiet

    4.

    		 Applikazzjoni għall-approvazzjoni

    5.

    		 Marki u tikketti

    6.

    		 Approvazzjoni

    7.

    		 Rekwiżiti ġenerali

    8.

    		 Rekwiżiti tar-rendiment

    9.

    		 Rekwiżiti tad-durabilità

    10.

    		 Firxa tal-applikazzjoni

    11.

    		 Modifiki fl-emissjonijiet bażi tal-magna

    12.

    		 L-għażla tal-magni tal-ittestjar u tal-kombinazzjoni ta' REC

    13.

    		 Speċifikazzjonijiet li jikkonċernaw il-kejl tal-emissjonijiet

    14.

    		 Il-familja ta' REC għat-tnaqqis tal-partikuli

    15.

    		 Il-familja ta' REC għat-tnaqqis tal-NOx

    16.

    		 Il-familja ta' REC għat-tnaqqis tal-PM u tal-NOx

    17.

    		 Il-konsum tal-fjuwil u ta' fjuwil speċifiku

    18.

    		 L-imġiba operattiva u l-periklu għas-sikurezza

    19.

    		 Emissjonijiet tal-Ħsejjes

    20.

    		 Installazzjoni ta' REC

    21.

    		 Il-modifika u l-estensjoni tal-approvazzjoni ta' REC

    22.

    		 Konformità tal-produzzjoni

    23.

    		 Penali għan-nuqqas ta' konformità tal-produzzjoni

    24.

    		 Produzzjoni mwaqqfa b'mod definittiv

    25.

    		 L-ismijiet u l-indirizzi tas-Servizzi Tekniċi li jwettqu t-testijiet ta' approvazzjoni u tal-Awtoritajiet tal-Approvazzjoni tat-Tip

    26.

    		 Dispożizzjonijiet tranżitorji

    ANNESSI

    1.

    		 Dokument ta' informazzjoni

    2.

    		 Komunikazzjoni

    3.

    		 Addendum għall-komunikazzjoni dwar tip ta' tagħmir modifikat għall-monitoraġġ tal-emissjonijiet (“retrofit emission control” - REC) skont ir-Regolament Nru 132

    4.

    		 Arranġament tal-marka tal-Approvazzjoni tat-Tip ta' Sistema REC

    5.

    		 Test ta' tnaqqis ta' partikuli ta' REC (Klassi I jew II REC)

    6.

    		 Test ta' tnaqqis ta' NOx ta' REC (Klassi III REC)

    7.

    		 Testijiet ta' tnaqqis ta' PM u NOx ta' REC (Klassi IV REC)

    8.

    		 Sekwenzi tal-ittestjar

    9.

    		 Tabelli tal-ekwivalenza tal-valur limitu

    10.

    		 Rekwiżiti tas-sistema dijanjostika ta' kontroll ta' NOx ta' NOx jew REC għat-tnaqqis ta' partikuli u NOx li jirrikjedu reaġent

    11.

    		 Struzzjonijiet dwar l-Installazzjoni u t-Tħaddim

    12.

    		 Rekwiżiti speċifiċi dwar l-approvazzjoni ta' REC fir-rigward tal-limiti tal-emissjonijiet stabbiliti fis-serje 06 tal-emendi tar-Regolament Nru 49

    1.   SKOP

    Dan ir-Regolament jipprovdi metodu armonizzat għall-klassifikazzjoni, l-evalwazzjoni u l-approvazzjoni ta' sistemi Modifikati ta' Kontroll tal-Emissjonijiet (REC) għall-materja partikolata (PM), għall-ossidi tan-nitroġenu (NOx), jew kemm għall-PM kif ukoll għall-NOx, u għad-determinazzjoni tal-livelli ta' emissjonijiet minn magni ta' tqabbid bil-kompressjoni (magni CI) li jintużaw f'applikazzjonijiet li jaqgħu fil-kamp ta' applikazzjoni indikat fil-paragrafu 2.

    Ir-Regolament jipprovdi qafas għall-approvazzjoni ta' REC għal applikazzjonijiet differenti b'livelli ta' prestazzjoni ambjentali korrispondenti u għall-identifikazzjoni fl-Approvazzjoni tat-Tip ta' dawk il-livelli.

    2.   KAMP TA' APPLIKAZZJONI

    Dan ir-Regolament japplika għat-tagħmir Modifikat ta' Kontroll tal-Emissjonijiet (“Retrofit Emission Control” - REC) li jrid jiġi installat:

    2.1.

    Fuq vetturi tal-kategoriji M2, M3 u N (1) u l-magni CI tagħhom, minbarra dawk il-vetturi approvati skont ir-Regolament Nru 83;

    2.2.

    Fuq magni CI li għandhom potenza netta ogħla minn 18 kW iżda mhux aktar minn 560 kW installati f'makkinarju mobbli mhux intiż għat-triq, (1) imħaddma b'veloċità varjabbli;

    2.3.

    Fuq magni CI li għandhom potenza netta ogħla minn 18 kW iżda mhux aktar minn 560 kW installati f'makkinarju mobbli mhux intiż għat-triq, (1) imħaddma b'veloċità kostanti;

    2.4.

    Fuq magni CI li għandhom potenza netta ogħla minn 18 kW iżda mhux aktar minn 560 kW installati f'vetturi tal-kategorija T. (1)

    3.   DEFINIZZJONIJIET

    Għall-finijiet ta' dan ir-Regolament,

    3.1.

    “Riġenerazzjoni attiva” tfisser kwalunkwe miżura addizzjonali maħsuba sabiex tibda r-riġenerazzjoni fuq REC b'riġenerazzjoni kontinwa jew perjodika.

    3.2.

    “Fatturi ta' aġġustament” tfisser fattur addittiv ta' aġġustament 'il fuq u fattur addittiv ta' aġġustament 'l isfel jew fatturi multiplikattivi li jridu jiġu kkunsidrati matul riġenerazzjoni perjodika.

    3.3.

    “Firxa tal-applikazzjoni” tfisser il-firxa ta' magni li għalihom jista' jiġi applikat tagħmir Modifikat ta' Kontroll tal-Emissjonijiet (REC) approvat f'konformità ma' dan ir-Regolament.

    3.4.

    “Tagħmir Modifikat ta' Kontroll tal-Emissjonijiet (REC) tal-Klassi I” tfisser tagħmir modifikat ta' kontroll tal-emissjonijiet li huwa maħsub biex jikkontrolla l-emissjonijiet tal-materja partikolata biss u li ma jżidx l-emissjonijiet diretti ta' NO2.

    3.5.

    “Tagħmir modifikat ta' kontroll tal-emissjonijiet (REC) tal-Klassi IIA jew IIB” tfisser tagħmir REC li huwa maħsub biex jikkontrolla l-emissjonijiet tal-materja partikolata biss u li ma jżidx l-emissjonijiet diretti ta' NO2 mill-egżost b'aktar mill-perċentwal speċifikat fil-paragrafu 8.4.2 abbażi tal-livell ta' emissjonijiet bażi ta' NO2 mill-magna.

    3.6.

    “Tagħmir Modifikat ta' Kontroll tal-Emissjonijiet (REC) tal-Klassi III” tfisser tagħmir modifikat ta' kontroll tal-emissjonijiet li huwa maħsub biex jikkontrolla l-emissjonijiet ta' NOx biss.

    3.7.

    “Tagħmir Modifikat ta' Kontroll tal-Emissjonijiet (REC) tal-Klassi IV” tfisser tagħmir modifikat ta' kontroll tal-emissjonijiet li huwa maħsub biex jikkontrolla kemm l-emissjonijiet ta' materja partikolata kif ukoll l-emissjonijiet ta' NOx.

    3.8.

    “Riġenerazzjoni kontinwa” tfisser il-proċess ta' riġenerazzjoni ta' sistema ta' posttrattament tal-egżost li ssir jew b'mod permanenti jew għall-inqas darba għal kull ċiklu tat-test applikabbli.

    3.9.

    “Sistema DeNOx” tfisser sistema ta' posttrattament tal-egżost iddisinjata biex tnaqqas l-emissjonijiet ta' ossidi tan-nitroġenu (NOx) (pereżempju, katalisti passivi u attivi tal-NOx f'taħlita fqira, assorbituri tal-NOx u sistemi selettivi ta' tnaqqis katalitiku (SCR)).

    3.10.

    “Sistema ta' monitoraġġ tal-kontroll tal-emissjonijiet” tfisser is-sistema li timmonitorja t-tħaddim tal-miżuri għall-kontroll tal-emissjonijiet implimentati fil-magna u/jew fis-sistema REC f'konformità mar-rekwiżiti tal-paragrafu 18 ta' dan ir-Regolament.

    3.11.

    “Emissjoni bażi tal-magna” tfisser l-emissjonijiet ta' magna jew sistema ta' magna partikolari mingħajr ebda tagħmir modifikat ta' kontroll tal-emissjonijiet. Għall-magni mingħajr posttrattament, l-emissjonijiet bażi tal-magna huma ugwali għall-emissjonijiet mhux ipproċessati li joħorġu mill-magna. Għall-magni b'posttrattament, l-emissjonijiet bażi tal-magna huma ugwali għall-emissjonijiet mill-egżost 'l isfel mis-sistema ta' posttrattament.

    3.12.

    “Familja tal-magna” tfisser ir-raggruppament mill-manifattur tas-sistemi ta' magni li, permezz tad-disinn tagħhom kif definit fil-paragrafu 7 tar-Regolament Nru 49 jew fil-paragrafu 7 tar-Regolament Nru 96, kif xieraq, għandhom karatteristiċi simili ta' emissjonijiet tal-egżost; il-membri kollha tal-familja għandhom jikkonformaw mal-valuri tal-limitu applikabbli għall-emissjonijiet.

    3.13.

    “Sistema tal-magna” tfisser il-magna, is-sistema ta' kontroll tal-emissjonijiet u l-interfaċċa tal-komunikazzjoni (ħardwer u messaġġi) bejn l-Unità/Unitajiet ta' Kontroll Elettroniku (ECU) tas-sistema tal-magna u kwalunkwe sistema tal-motopropulsjoni jew unità ta' kontroll oħra tal-vettura.

    3.14.

    “ESC” tfisser ċiklu tat-test li jikkonsisti fi 13-il modalità ta' statiċità li jridu jiġu applikati f'konformità mas-serje rilevanti ta' emendi tar-Regolament Nru 49.

    3.15.

    “ETC” tfisser ċiklu tat-test li jikkonsisti f'1 800 modalità tranżitorja sekonda b'sekonda definiti fis-serje rilevanti ta' emendi tar-Regolament Nru 49 u li jridu jiġu applikati f'konformità magħhom.

    3.16.

    “Inkwinanti gassużi” tfisser monossidu tal-karbonju, idrokarburi (jekk nassumu proporzjon ta' CH1,85 għad-diżil), ossidi tan-nitroġenu (NOx, espressi bħala ekwivalenti għal NO2) u diossidu tan-nitroġenu (NO2).

    3.17.

    “Kundizzjoni tat-tagħbija” tfisser it-tagħbija tal-materja partikolata li tinħażen fi kwalunkwe mument f'sistema ta' tnaqqis tal-partikuli (bħal filtru) espressa bħala proporzjon tat-tagħbija massima tal-materja partikolata li tista' tinħażen fis-sistema taħt kundizzjonijiet tas-sewqan speċifiċi mingħajr ma jingħata bidu għal miżuri ta' riġenerazzjoni esterna.

    3.18.

    “Manifattur” tfisser il-persuna jew il-korp li huma responsabbli lejn l-Awtorità tal-Approvazzjoni tat-Tip għall-aspetti kollha tal-approvazzjoni tat-tip u li jistgħu juru li għandhom il-karatteristiċi meħtieġa u l-mezzi neċessarji sabiex jiksbu valutazzjoni tal-kwalità u konformità tal-produzzjoni. Mhuwiex essenzjali li l-persuna jew il-korp ikunu involuti direttament fl-istadji kollha tal-kostruzzjoni tal-vettura, tas-sistema, tal-komponent jew tal-unità teknika separata li huma s-suġġett tal-proċess ta' approvazzjoni.

    3.19.

    “Installatur” tfisser persuna jew korp li huma responsabbli għall-installazzjoni sikura u korretta tal-REC approvat.

    3.20.

    “Sistema Dijanjostika għall-Kontroll tal-NOx (NCD)” tfisser sistema tal-REC li għandha l-kapaċità li:

    (a)

    Issib Ħsara fil-Kontroll tal-NOx;

    (b)

    Tidentifika l-ħsarat probabbli fil-kontroll tal-NOx permezz ta' informazzjoni maħżuna fil-memorja tal-kompjuter u/jew tikkomunika dik l-informazzjoni off-board.

    3.21.

    “REC għat-tnaqqis tal-NOx” tfisser REC li għandu effiċjenza massiva ta' tnaqqis tal-emissjonijiet tal-NOx li tikkwalifikah bħala li huwa ċċertifikat sabiex jissodisfa l-klassi tal-klassifikazzjoni kif definita f'dan ir-Regolament.

    3.22.

    “Familja ta' REC għat-tnaqqis tal-NOx” tfisser familja ta' sistemi ta' tnaqqis tal-NOx li huma teknikament identiċi fir-rigward tal-funzjonament tagħhom f'konformità mal-paragrafu 15 ta' dan ir-Regolament.

    3.23.

    “NRSC” tfisser ċiklu tat-test li jikkonsisti f'modalitajiet ta' statiċità definiti fis-serje rilevanti ta' emendi tar-Regolament Nru 96 u li jridu jiġu applikati f'konformità magħhom.

    3.24.

    “NRTC” tfisser ċiklu tat-test li jikkonsisti f'1 173 modalità tranżitorja sekonda b'sekonda definiti fis-serje rilevanti ta' emendi tar-Regolament Nru 96 u li jridu jiġu applikati f'konformità magħhom.

    3.25.

    “Sistema ta' twissija tal-operatur abbord” tfisser tagħmir li jidentifika t-tħaddim jew it-tneħħija skorretti tal-REC.

    3.26.

    “Magna ġenitur” tfisser magna magħżula minn familja ta' magni b'tali mod li l-karatteristiċi tal-emissjonijiet tagħha jkunu rappreżentattivi għal dik il-familja ta' magni.

    3.27.

    “Materja partikolata (PM)” tfisser il-massa ta' kwalunkwe materjal miġbur fuq mezz ta' filtru speċifikat li huwa definit fis-serje rilevanti ta' emendi tar-Regolamenti Nru 49 jew Nru 96.

    3.28.

    “REC għat-tnaqqis tal-partikuli” tfisser REC li għandu effiċjenza ta' tnaqqis tal-emissjonijiet tal-massa tal-partikuli jew tan-numru ta' partikuli li tikkwalifikah sabiex jiġi ċċertifikat li jissodisfa l-klassi tal-klassifikazzjoni kif definita f'dan ir-Regolament. Is-sistema u l-istrateġija ta' riġenerazzjoni huma parti mill-REC għat-tnaqqis tal-partikuli.

    3.29.

    “Familja ta' REC għat-tnaqqis tal-partikuli” tfisser familja ta' sistemi ta' tnaqqis tal-partikuli li huma teknikament identiċi fir-rigward tal-funzjonament tagħhom f'konformità mal-paragrafu 14 ta' dan ir-Regolament.

    3.30.

    “Riġenerazzjoni perjodika” tfisser il-proċess ta' riġenerazzjoni ta' tagħmir għall-kontroll tal-emissjonijiet li jseħħ perjodikament f'inqas minn 100 siegħa tat-tħaddim normali tal-magna. Waqt iċ-ċikli fejn isseħħ ir-riġenerazzjoni, l-istandards tal-emissjonijiet jistgħu jinqabżu.

    3.31.

    “Numru ta' partikuli” tfisser in-numru ta' partikuli li huwa definit fis-serje rilevanti ta' emendi tar-Regolament Nru 49.

    3.32.

    “Reaġent” tfisser kwalunkwe mezz li jinħażen abbord il-vettura f'tank u li jiġi pprovdut lis-sistema ta' posttrattament tal-egżost (jekk meħtieġ) fuq talba tas-sistema ta' kontroll tal-emissjonijiet.

    3.33.

    “Effiċjenza tat-tnaqqis” tfisser il-proporzjon bejn l-emissjonijiet 'l isfel mis-sistema ta' REC (EREC) u l-emissjonijiet bażi tal-magna (EBase), it-tnejn imkejla f'konformità mal-proċeduri definiti f'dan ir-Regolament u kkalkolati kif definit fil-paragrafu 8.3.4 ta' dan ir-Regolament.

    3.34.

    “Livell ta' tnaqqis” tfisser effiċjenza tat-tnaqqis f'perċentwali li għandha tintlaħaq mit-tagħmir modifikat ta' kontroll tal-emissjonijiet (REC) sabiex jiġi ċċertifikat li jissodisfa l-livell ta' tnaqqis speċifikat fil-paragrafu 8.3 ta' dan ir-Regolament.

    3.35.

    “Tagħmir Modifikat ta' Kontroll tal-Emissjonijiet (REC)” tfisser kwalunkwe sistema ta' tnaqqis tal-partikuli, sistema ta' tnaqqis tal-NOx jew taħlita tat-tnejn li tintuża għall-finijiet ta' modifika retroattiva. Dan jinkludi kwalunkwe sensuri u softwer essenzjali għat-tħaddim tat-tagħmir. Dawk is-sistemi li jimmodifikaw biss il-kontrolli tas-sistemi tal-magni eżistenti mhumiex meqjusa bħala REC.

    3.36.

    “Għodda għall-iskennjar” tfisser apparat tal-ittestjar estern li jintuża għall-komunikazzjoni off-board mas-sistema NCD.

    3.36.1.

    “Għodda ġenerika għall-iskennjar” tfisser għodda għall-iskennjar li hija disponibbli għall-pubbliku u li għandha tkun kapaċi taqra messaġġi ta' ħsara.

    3.36.2.

    “Għodda proprjetarja għall-iskennjar” tfisser għodda għall-iskennjar li tintuża biss mill-manifattur ta' REC u mill-kummerċjant awtorizzat tagħha u li għandha tkun kapaċi taqra messaġġi ta' ħsara u tippermetti l-istartjar ta' magna wara attivazzjoni tas-sistema ta' inċitament għall-operatur.

    3.37.

    “WHSC” tfisser ċiklu tat-test li jikkonsisti fi 13-il modalità ta' statiċità definiti fis-serje rilevanti ta' emendi tar-Regolament Nru 49 u li jridu jiġu applikati f'konformità magħhom.

    3.38.

    “WHTC” tfisser ċiklu tat-test li jikkonsisti f'1 800 modalità tranżitorja sekonda b'sekonda definiti fi-serje rilevanti ta' emendi tar-Regolament Nru 49 u li jridu jiġu applikati f'konformità magħhom.

    4.   APPLIKAZZJONI GĦALL-APPROVAZZJONI

    4.1.   L-applikazzjoni għall-approvazzjoni tat-tip ta' REC għandha tiġi sottomessa mill-manifattur jew mir-rappreżentant debitament akkreditat tiegħu.

    4.2.   Kull REC għandu jkun akkumpanjat bl-informazzjoni li ġejja:

    (a)

    L-isem jew it-trademark tal-manifattur;

    (b)

    L-għamla u n-numru ta' identifikazzjoni tal-parti tal-REC kif ġew irreġistrati fid-dokument ta' informazzjoni maħruġ f'konformità mal-mudell stabbilit fl-Anness 1;

    (c)

    Il-firxa tal-applikazzjoni (kif definita fil-paragrafu 10 ta' dan ir-Regolament), inkluża s-sena tal-manifattura, li għaliha jiġi approvat l-REC, inkluża, fejn tkun applikabbli, marka li tidentifika jekk l-REC huwiex addattat sabiex jiġi mmuntat f'vettura li tkun mgħammra b'sistema dijanjostika abbord (OBD);

    (d)

    Il-manwal tal-istruzzjonijiet għall-installazzjoni tal-modifika retroattiva;

    (e)

    Il-manwal tas-servizz tal-utent aħħari, inklużi struzzjonijiet dwar il-manutenzjoni.

    4.3.   L-applikant għandu jipprovdi d-Dokument ta' Informazzjoni f'konformità mal-Anness 1 ta' dan ir-Regolament. L-applikant għandu jipprovdi wkoll kampjun(i) tal-REC li jridu jiġu ttestjati u li għandhom jinżammu mis-Servizz Tekniku għal mill-inqas ħames snin wara d-data tal-approvazzjoni tat-tip.

    5.   MARKI U TIKKETTI

    5.1.   L-REC kollha għandhom jiġu mmarkati bit-trademark jew bl-isem kummerċjali tal-manifattur tal-modifika retroattiva li hija indikata fl-Anness 1 ta' dan ir-Regolament, kif ukoll bin-numru ta' identifikazzjoni tal-part kif irreġistrat fid-dokument ta' informazzjoni maħruġ f'konformità mal-mudell stabbilit fl-Anness 1 ta' dan ir-Regolament.

    5.2.   L-REC kollha għandhom jiġu identifikati permezz ta' tikketta, fejn għandha titpoġġa l-marka tal-approvazzjoni li tinkludi l-klassi, kif stabbilit fl-Anness 4. Din it-tikketta għandha titwaħħal b'mod permanenti mal-REC u għandha tkun tista' tinqara b'mod ċar wara l-installazzjoni tal-REC.

    5.2.1.   Sabiex jiżgura l-viżibilità ta' din it-tikketta f'sistema installata, il-manifattur jista' jipprovdi tikketta duplikata sabiex titwaħħal mill-installatur tal-REC. Din it-tikketta għandha tinkludi b'mod ċar il-kelma “duplikata”.

    5.2.2.   It-tikketti għandhom iservu għall-ħajja utli tat-tagħmir. It-tikketti għandhom jinqraw faċilment u l-ittri u ċ-ċifri li jidhru fuqhom għandhom ikunu ta' tip li ma jitħassarx. Barra minn hekk, it-tikketti għandhom jitwaħħlu b'tali mod li jibqgħu mwaħħlin għall-ħajja utli tat-tagħmir u ma jkunux jistgħu jitneħħew mingħajr ma jitqattgħu jew mingħajr ma titħassar il-kitba li jkun hemm fuqhom.

    5.3.   Il-marka tal-approvazzjoni għandha tikkonsisti fi:

    (a)

    Ċirku madwar l-ittra “E” segwit bin-numru li jiddistingwi l-pajjiż li ta l-approvazzjoni; (2)

    (b)

    In-numru ta' dan ir-Regolament, segwit bl-ittra “R”, sing u n-numru tal-approvazzjoni fuq in-naħa tal-lemin taċ-ċirku kif definit fl-Anness 4 ta' dan ir-Regolament. In-numru tal-approvazzjoni jidher fil-formola tal-komunikazzjoni għal dan it-tip (ara l-paragrafu 6.2 ta' dan ir-Regolament u l-Anness 2 ta' dan ir-Regolament) ippreċedut minn żewġ ċifri li jindikaw l-aħħar serje ta' emendi ta' dan ir-Regolament;

    (c)

    Il-Klassi tal-REC.

    5.4.   Il-kampjuni ta' REC għall-ittestjar tal-approvazzjoni għandhom jiġu identifikati b'mod ċar b'mill-inqas l-isem tal-applikant u r-referenza tal-applikazzjoni.

    6.   APPROVAZZJONI

    6.1.   L-approvazzjoni tat-tip għandha tingħata jekk l-REC jissodisfa r-rekwiżiti ta' dan ir-Regolament.

    6.2.   Għandu jiġi assenjat numru tal-approvazzjoni għal kull REC approvat. L-ewwel żewġ ċifri tiegħu (fil-preżent 01 skont din is-serje ta' emendi) għandhom jindikaw is-serje ta' emendi li jinkorporaw l-aktar emendi tekniċi ewlenin riċenti li saru fir-Regolament sa dak iż-żmien meta nħarġet l-approvazzjoni. L-istess numru ta' approvazzjoni tat-tip ma għandux jiġi assenjat għal REC ieħor.

    6.3.   L-avviż tal-approvazzjoni, tar-rifjut jew tal-estensjoni tal-approvazzjoni ta' REC skont dan ir-Regolament għandu jiġi kkomunikat lill-Partijiet Kontraenti għall-Ftehim li jkunu qegħdin japplikaw dan ir-Regolament, permezz ta' formola ta' Komunikazzjoni li tkun konformi mal-mudell fl-Anness 2 ta' dan ir-Regolament.

    7.   REKWIŻITI ĠENERALI

    7.1.   REC approvat f'konformità ma' dan ir-Regolament għandu jiġi ddisinjat, jinbena u jkun jista' jiġi mmuntat b'tali mod li jippermetti li l-applikazzjoni tkun konformi mar-regoli stabbiliti f'dan ir-Regolament matul il-ħajja normali tal-REC f'kundizzjonijiet normali tal-użu.

    7.2.   REC approvat f'konformità ma' dan ir-Regolament għandu jkun durabbli. Dan ifisser li għandu jiġi ddisinjat, jinbena u jkun jista' jiġi mmuntat b'tali mod li tkun tista' tinkiseb reżistenza raġonevoli għal fenomeni bħall-korrużjoni, l-ossidazzjoni, il-vibrazzjoni u l-istress mekkaniku li għalihom ikun espost f'kundizzjonijiet normali tal-użu. Ir-rekwiżiti speċifiċi tad-durabilità jinsabu fil-paragrafu 9 ta' dan ir-Regolament.

    7.3.   Il-manifattur ta' REC għandu jipprovdi d-dokumenti tal-installazzjoni li jiżguraw li l-REC, meta jiġi installat fil-vettura jew fil-makkinarju, jitħaddem, flimkien mal-parts tal-makkinarju meħtieġa, b'mod li jkun konformi mar-rekwiżiti tal-paragrafi 7, 8 u 9 ta' dan ir-Regolament. Din id-dokumentazzjoni għandha tinkludi r-rekwiżiti tekniċi dettaljati u d-dispożizzjonijiet tal-REC (softwer, ħardwer u komunikazzjoni) meħtieġa għall-installazzjoni korretta tal-REC fil-makkinarju.

    7.4.   Mhuwiex permess tagħmir li jevita jew inaqqas l-effiċjenza tal-REC.

    7.5.   REC approvat f'konformità ma' dan ir-Regolament għandu jkun mgħammar b'sistema ta' twissija tal-operatur abbord li tibgħat sinjali lis-sewwieq dwar il-preżenza ta' ħsara li taffettwa l-effiċjenza tal-REC.

    7.5.1.   REC għat-tnaqqis tal-partikuli għandu jkun mgħammar b'tagħmir ta' monitoraġġ li jidentifika t-tħaddim skorrett jew it-tneħħija tal-REC u li jiskatta allarm li jinstema' u/jew viżwali għall-operatur. Għal REC għat-tnaqqis tal-partikuli abbażi ta' reaġent, it-tagħmir ta' monitoraġġ jista' jinterrompi l-input ta' kwalunkwe reaġent jew addittiv, jekk ikun meħtieġ. Is-sistema ta' twissija tista' tkun ibbażata, pereżempju, fuq il-kejl kontinwu tal-kontropressjoni tal-egżost tal-magna.

    7.5.2.   Ir-rekwiżiti speċifiċi applikabbli għal REC għat-tnaqqis tal-NOx huma pprovduti fil-paragrafu 7.7 ta' hawn taħt u fl-Anness 10 ta' dan ir-Regolament.

    7.5.2.1.   L-istrateġija ta' kontroll tal-NOx tal-REC għandha tkun operattiva fil-kundizzjonijiet ambjentali kollha li jappartjenu regolarment fit-territorju tal-Partijiet Kontraenti, speċjalment f'temperaturi ambjentali baxxi.

    7.5.3.   REC għat-tnaqqis ikkombinat ta' PM u NOx (REC tal-klassi IV) għandu jissodisfa d-dispożizzjonijiet tal-paragrafi 7.5.1, 7.5.2 u 7.5.2.1 ta' dan ir-Regolament.

    7.5.4.   Il-filtru ta' REC għat-tnaqqis tal-partikuli jew ta' REC għat-tnaqqis ikkombinat ta' PM u NOx għandu jiġi ddisinjat u mibni b'mod li jkun jista' jiġi installat biss f'direzzjoni waħda. Ir-riversjar tal-filtru, b'mod intenzjonali jew mhux intenzjonali, għandu jkun fiżikament impossibbli.

    7.6.   Ir-rekwiżiti speċifiċi għal REC li jirrikjedi reaġent jew addittiv.

    7.6.1.   Kull tank tal-ħażna separat li jiġi installat fuq vettura jew makkinarju għandu jinkludi mezzi sabiex jittieħed kampjun ta' kwalunkwe fluwidu ġewwa t-tank. Il-punt tal-kampjunar għandu jkun faċilment aċċessibbli mingħajr l-użu tal-ebda għodda speċjalizzata jew tagħmir speċjalizzat.

    7.6.2.   Is-sewwieq jew l-operatur tal-makkinarju għandu jiġi infurmat dwar il-livell ta' reaġent jew addittiv fit-tank tal-ħażna fuq il-vettura jew il-makkinarju permezz ta' indikazzjoni elettronika jew mekkanika speċifika f'konformità mal-Anness 10 ta' dan ir-Regolament. L-indikatur tal-livell tar-reaġent u l-indikatur tat-twissija għandhom jitqiegħdu fil-qrib tal-indikatur tal-livell tal-fjuwil.

    7.6.3.   Il-karatteristiċi tar-reaġent, inkluż it-tip ta' reaġent, l-informazzjoni dwar il-konċentrazzjoni meta r-reaġent ikun f'soluzzjoni, il-kundizzjonijiet tat-temperatura waqt it-tħaddim u r-referenza għall-istandards internazzjonali fir-rigward tal-kompożizzjoni u l-kwalità għandhom jiġu speċifikati mill-manifattur tal-REC fl-Anness 1 ta' dan ir-Regolament.

    7.6.4.   Għandha tiġi pprovduta informazzjoni dettaljata bil-miktub li tiddeskrivi l-karatteristiċi funzjonali tat-tħaddim tas-sistema ta' twissija tal-operatur definita fil-paragrafu 4 tal-Anness 10 għal dan ir-Regolament u tas-sistema ta' inċitament tal-operatur definita fil-paragrafu 5 tal-Anness 10 ta' dan ir-Regolament lill-Awtorità tal-Approvazzjoni tat-Tip fil-mument li tingħata l-approvazzjoni tat-tip.

    7.6.5.   Il-protezzjoni tar-reaġent mill-iffriżar

    7.6.5.1.   Huwa permess li jintużaw tank tar-reaġent u sistema ta' dożaġġ imsaħħna jew mhux imsaħħna. Sistema msaħħna għandha tissodisfa r-rekwiżiti tal-paragrafu 7.6.5.2.2 ta' dan ir-Regolament. Sistema mhux imsaħħna għandha tissodisfa r-rekwiżiti tal-paragrafu 6 tal-Anness 10 ta' dan ir-Regolament. L-użu ta' tank tar-reaġent u sistema ta' dożaġġ mhux imsaħħna għandu jiġi indikat fl-istruzzjonijiet bil-miktub lis-sewwieq jew lill-operatur tal-vettura jew tal-makkinarju.

    7.6.5.2.   Tank tar-reaġent u sistema ta' dożaġġ

    7.6.5.2.1.   Jekk ir-reaġent ikun iffriża, ir-reaġent għandu jkun disponibbli sabiex jintuża f'ħin massimu ta' 70 minuta wara l-istartjar tal-vettura jew tal-makkinarju f'temperatura ambjentali ta' 266 K (– 7 °C).

    7.6.5.2.2.   Il-kriterji tad-disinn għal sistema msaħħna

    7.6.5.2.2.1.   It-tank tar-reaġent u s-sistema ta' dożaġġ għandhom jiġu mgħaddsa f'temperatura ta' 255 K (– 18 °C) għal 72 siegħa jew sakemm ir-reaġent isir solidu, skont liema jseħħ l-ewwel.

    7.6.5.2.2.2.   Wara l-perjodu ta' tgħaddis imsemmi fil-paragrafu 7.6.5.2.2.1 ta' hawn fuq, il-vettura/makkinarju/magna għandhom jiġu startjati u jitħaddmu f'temperatura ambjentali ta' 266 K (– 7 °C) jew inqas kif ġej: tħaddim għal bejn 10 minuti u 20 minuta mingħajr ma jkunu ingranati, segwit minn tħaddim sa 50 minuta b'tagħbija kklassifikata ta' mhux aktar minn 40 fil-mija.

    7.6.5.2.2.3.   Fil-konklużjoni tal-proċedura tat-test deskritta fil-paragrafu 7.6.5.2.2.2 ta' hawn fuq, is-sistema ta' dożaġġ tar-reaġent għandha tkun funzjonali għalkollox.

    7.6.5.2.3.   L-evalwazzjoni tal-kriterji tad-disinn tista' ssir f'kompartiment imkessaħ taċ-ċellola tat-test billi jintużaw vettura sħiħa jew makkinarju sħiħ jew inkella parts li jirrappreżentaw dawk li jkunu installati fuq vettura jew makkinarju jew abbażi ta' testijiet fuq il-post.

    7.7.   Ir-rekwiżiti dwar il-miżuri ta' kontroll tal-NOx għal REC li jirrikjedi reaġent

    7.7.1.   Il-manifattur ta' REC għandu jipprovdi informazzjoni li tiddeskrivi b'mod sħiħ il-karatteristiċi operattivi funzjonali tal-miżuri ta' kontroll tal-NOx billi juża d-dokumenti stabbiliti fl-Anness 1.

    7.7.2.   L-REC għandu jkun mgħammar b'sistema Dijanjostika għall-Kontroll tal-NOx (NCD) li kapaċi tidentifika l-ħsarat fil-kontroll tal-NOx. L-NCD għandha tiġi ddisinjata, tinbena u tiġi installata b'tali mod li tkun tista' tissodisfa r-rekwiżiti tal-paragrafu 7 ta' dan ir-Regolament matul il-ħajja normali tal-REC f'kundizzjonijiet normali tal-użu.

    7.7.2.1.   Is-sistema NCD għandha tkun operattiva:

    (a)

    F'temperaturi ambjentali ta' bejn 266 K u 308 K (– 7 °C u 35 °C);

    (b)

    Fl-altitudnijiet kollha taħt l-1 600 m;

    (c)

    F'temperaturi tal-fluwidu berried tal-magna ogħla minn 343 K (70 °C).

    Dan il-paragrafu ma japplikax fil-każ ta' monitoraġġ għal-livell ta' reaġent fit-tank tal-ħażna meta l-monitoraġġ għandu jsir fil-kundizzjonijiet kollha fejn il-kejl huwa teknikament fattibbli (pereżempju, fil-kundizzjonijiet kollha meta reaġent tal-likwidu ma jkunx iffriżat).

    7.7.3.   Is-sistema NCD għandha tissodisfa r-rekwiżiti fl-Anness 10.

    7.8.   Ir-rekwiżiti tal-manutenzjoni

    7.8.1.   Il-manifattur ta' REC għandu jforni struzzjonijiet bil-miktub dwar is-sistema ta' REC u t-tħaddim korrett tagħha, li jridu jiġu pprovduti lis-sewwieqa kollha jew lill-operaturi ta' vetturi jew makkinarji.

    Dawn l-istruzzjonijiet għandhom jiddikjaraw li, jekk is-sistema ta' REC ma tkunx qed tiffunzjona b'mod korrett, is-sewwieq jew l-operatur jiġi informat bi problema mis-sistema ta' twissija tal-operatur u li l-attivazzjoni tas-sistema ta' inċitament tal-operatur bħala konsegwenza tal-fatt li tkun ġiet injorata din it-twissija twassal sabiex il-vettura jew il-makkinarju ma jkunux jistgħu jerġgħu jistartjaw.

    7.8.2.   L-istruzzjonijiet għandhom jindikaw ir-rekwiżiti għall-użu u l-manutenzjoni xierqa tal-REC sabiex jinżamm ir-rendiment tal-emissjonijiet tiegħu, inkluż l-użu xieraq ta' reaġenti konsumabbli.

    7.8.3.   L-istruzzjonijiet għandhom ikunu miktubin b'mod ċar u mhux tekniku, billi jintuża l-istess lingwaġġ li jintuża fil-manwal tal-operatur fuq il-vettura jew il-makkinarju.

    7.8.4.   L-istruzzjonijiet għandhom jispeċifikaw jekk ir-reaġenti konsumabbli għandhomx jimtlew mill-ġdid mis-sewwieq jew mill-operatur bejn intervalli ta' manutenzjoni normali. L-istruzzjonijiet għandhom jispeċifikaw ukoll il-kwalità meħtieġa tar-reaġent. Huma għandhom jindikaw kif is-sewwieq jew l-operatur jenħtieġ jerġa' jimla t-tank tar-reaġent. L-informazzjoni għandha tindika wkoll rata probabbli ta' konsum tar-reaġent u kemm ta' spiss għandu jimtela mill-ġdid.

    7.8.5.   L-istruzzjonijiet għandhom jispeċifikaw li l-użu u l-mili mill-ġdid ta' reaġent meħtieġ bl-ispeċifikazzjonijiet korretti huma essenzjali sabiex il-vettura jew il-makkinarju jkunu konformi mar-rekwiżiti għall-ħruġ tal-approvazzjoni tal-REC għal dik il-vettura jew dak il-makkinarju.

    7.8.6.   L-istruzzjonijiet għandhom jiddikjaraw li jista' jkun reat kriminali li jintużaw vettura jew makkinarju li ma jikkonsmaw l-ebda reaġent jekk ir-reaġent ikun meħtieġ għat-tnaqqis tal-emissjonijiet.

    7.8.7.   L-istruzzjonijiet għandhom jispjegaw kif jaħdmu s-sistemi ta' inċitament u ta' twissija tal-operatur. Barra minn hekk, għandhom jiġu spjegati l-konsegwenzi, f'termini ta' rendiment u lloggjar tal-ħsarat, ta' meta tiġi injorata s-sistema ta' twissija, ta' meta ma jerġax jimtela r-reaġent jew ta' meta ma tissolviex il-problema.

    7.9.   L-approvazzjoni għandha tkun kundizzjonali fuq is-subparagrafi li ġejjin.

    7.9.1.   Il-manifattur li jipprovdi struzzjonijiet bil-miktub dwar il-manutenzjoni, li jridu jingħataw mill-installatur lis-sewwieq jew lill-operatur.

    7.9.2.   Il-manifattur li jipprovdi dokumenti tal-installazzjoni għall-REC.

    7.9.3.   Il-manifattur li jipprovdi struzzjonijiet għal sistema ta' twissija tal-operatur, sistema ta' inċitament u protezzjoni tar-reaġent mill-iffriżar (fejn applikabbli), li jridu jingħataw mill-installatur lill-workshop jew lis-sewwieq jew lill-operatur, kif xieraq.

    7.9.4.   Il-manifattur li jipprovdi dikjarazzjoni bil-miktub lill-installatur, li trid tingħata lis-sewwieq jew lill-operatur, dwar il-kundizzjonijiet tat-tħaddim normali (il-firxa tat-temperatura, il-kundizzjonijiet ambjentali, …) li fihom l-REC jaħdem b'mod korrett.

    8.   REKWIŻITI TAR-RENDIMENT

    8.1.   L-REC approvat skont dan ir-Regolament għandu jissodisfa l-kriterji kollha li ġejjin:

    (a)

    Il-valuri ta' limitu tal-emissjonijiet kif speċifikati fil-paragrafu 8.2;

    (b)

    Il-livelli ta' tnaqqis kif speċifikati fil-paragrafu 8.3;

    (c)

    Ir-rekwiżiti tal-emissjonijiet ta' NO2 kif speċifikati fil-paragrafu 8.4;

    (d)

    Ir-rekwiżiti tal-emissjonijiet sekondarji kif speċifikati fil-paragrafu 8.6.

    8.2.   Valuri ta' limitu

    Is-sistema tal-magna mmodifikata ma għandhiex taqbeż il-limiti tal-emissjonijiet għall-inkwinanti rilevanti (NOx jew PM jew it-tnejn, kif xieraq, għall-Klassi tal-REC) ta' stadju tal-emissjonijiet aktar strett kif speċifikat fir-Regolament Nru 49 jew fir-Regolament Nru 96, kif xieraq, u mkejjel bl-użu tal-proċedura/i tal-ittestjar assoċjati mal-valuri ta' limitu li jridu jinkisbu. Is-sistema tal-magna mmodifikata għandha tissodisfa mill-inqas il-limiti tal-emissjonijiet għall-istadju li għalih kienet approvata l-magna bażi għal kull wieħed mill-inkwinanti kkontrollati l-oħrajn rilevanti għal dak l-istadju.

    8.2.1.   Ir-rekwiżiti għal kull klassi ta' REC f'termini tal-issodisfar tal-limiti tal-istadju tal-emissjonijiet aktar strett li jmiss huma murija fit-tabelli fl-Anness 9 ta' dan ir-Regolament.

    8.2.2.   Fil-każ ta' magna li ma jkollhiex it-tip tagħha approvat f'konformità mar-rekwiżiti tar-Regolament Nru 49 jew tar-Regolament Nru 96, l-emissjonijiet ta' kull wieħed mill-inkwinanti rregolati (CO, HC, NOx u PM) fil-kundizzjoni inizjali ma għandhomx jaqbżu l-valuri ta' limitu għall-istadju tal-emissjonijiet immedjatament taħt dak li għalih tintalab iċ-ċertifikazzjoni tal-REC.

    8.3.   Il-livelli tat-tnaqqis u l-effiċjenza tat-tnaqqis

    8.3.1.   Il-livell tat-tnaqqis ta' sistema ta' REC huwa kkaratterizzat mill-effiċjenza tat-tnaqqis tagħha kif speċifikat fit-Tabella 1:

    Tabella 1

    Livelli ta' tnaqqis

     

    Effiċjenza minima tat-tnaqqis (%)

    Massa ta' PM

    NOX

    Livell ta' tnaqqis 01

    90

    60

    8.3.2.   L-effiċjenza tat-tnaqqis għandha tiġi stabbilita permezz ta' tqabbil tal-emissjonijiet imkejla fuq id-WHTC ponderat għal REC li jrid jiġi applikat għal magni heavy duty jew fuq l-NRTC ponderat għal REC li jrid jiġi applikat għal makkinarju mobbli mhux intiż biex jintuża fit-triq jew għal magni ta' tratturi agrikoli u tal-forestrija. L-effiċjenza tat-tnaqqis għandha tiġi kkalkolata kif definit fil-punt 8.3.4 ta' dan ir-Regolament.

    8.3.3.   Għall-fini ta' dan ir-Regolament, l-effiċjenza tat-tnaqqis għal NOx għandha tkun applikabbli għal sistemi li huma intiżi biex inaqqsu l-NOx u l-livell ta' tnaqqis tal-PM għandu jkun applikabbli għal sistemi intiżi biex inaqqsu l-PM. Għal REC tal-Klassi IV, għandhom jiġu ssodisfati l-livelli ta' tnaqqis kemm għall-NOx kif ukoll għall-PM murija fit-tabella 1 ta' dan ir-Regolament.

    8.3.4.   L-effiċjenza tat-tnaqqis għandha tiġi kkalkolata mill-emissjonijiet imkejla tal-inkwinant rilevanti 'l isfel mill-REC (EREC) u mill-emissjonijiet tas-sistema tal-magna mkejla qabel jitwaħħal l-REC (EBażi) għal dak l-inkwinant, it-tnejn li huma mkejla f'konformità mal-proċeduri definiti f'dan ir-Regolament:

    effiċjenza tat-tnaqqis (fil-mija) = (1 – (EREC/EBażi)) × 100.

    8.4.   Rekwiżiti tal-emissjonijiet ta' NO2

    8.4.1.   Għal REC tal-Klassi I, ma għandu jkun hemm l-ebda żieda fl-emissjonijiet ta' NO2 'il fuq mill-emissjonijiet bażi ta' NO2, imkejla kif definit fl-Anness 5 ta' dan ir-Regolament.

    8.4.2.   Għal REC tal-Klassi IIA, iż-żieda inkrimentali tal-NO2 ma għandhiex tkun aktar minn 20 punt perċentwali akbar mil-livell irreġistrat meta ma jiġi mmuntat l-ebda REC (bażi). Bħala eżempju, jekk l-NO2 fil-bażi jkun 10 fil-mija tal-NOx, l-emissjoni massima ta' NO2 permessa mal-REC tkun 30 fil-mija tal-NOx imkejjel kif definit fl-Anness 5 ta' dan ir-Regolament. Għal REC tal-Klassi IIB, iż-żieda inkrimentali tal-NO2 għandha tkun ta' mhux aktar minn 30 punt perċentwali.

    8.4.3.   Għal REC tal-Klassi III, ma għandu jkun hemm ebda żieda fl-emissjonijiet ta' NO2 imkejla fi g/kWh u kif definit fl-Anness 6 ta' dan ir-Regolament.

    8.4.4.   Għal REC tal-Klassi IV, ma għandu jkun hemm ebda żieda fl-emissjonijiet ta' NO2 imkejla fi g/kWh u kif definit fl-Anness 7 ta' dan ir-Regolament.

    8.5.   Rekwiżiti tal-emissjonijiet tan-numru ta' partikuli

    8.5.1.   L-REC tal-Klassi I, tal-Klassi IIA jew IIB u tal-Klassi IV approvati għal Livell 01 ta' Tnaqqis tal-PM għandhom jipprovdu effiċjenza tat-tnaqqis għal numru ta' partikuli ta' mill-inqas 97 fil-mija mill-emissjonijiet bażi tal-magna tal-ittestjar kif definiti fil-paragrafu 12 meta mkejla bl-użu tal-proċedura/i tal-ittestjar stabbilita/i f'dan ir-Regolament.

    8.5.2.   Huwa permess kampjunar dirett mill-gass tal-egżost mhux ittrattat qabel id-dilwizzjoni. Imbagħad, il-proporzjonijiet tad-dilwizzjoni tad-dilwituri tan-numru ta' partikuli (PND1 u PND2 tas-sistema ta' trasferiment tal-partikuli, kif definiti fir-Regolament Nru 49) għandhom jiġu adattati għall-firxa tal-kejl tal-kalkolatur tan-numru ta' partikuli (PNC).

    8.5.3.   L-effiċjenza tat-tnaqqis tan-numru ta' partikuli tiġi ddeterminata bħala d-differenza ta' 1 nieqsa l-penetrazzjoni, li hija l-proporzjon bejn l-emissjonijiet tan-numru ta' partikuli 'l isfel mis-sistema ta' REC u l-emissjonijiet tan-numru ta' partikuli tas-sistema tal-magna qabel jitwaħħal l-REC. L-effiċjenza tat-tnaqqis tan-numru ta' partikuli hija indikata bħala perċentwal. L-effiċjenza tat-tnaqqis tan-numru ta' partikuli għandha tiġi ddeterminata għaċ-ċiklu tat-test xieraq kif definit fil-paragrafu 8.3.2.

    effiċjenza tat-tnaqqis (fil-mija) = (1 – (EREC/EBażi)) × 100.

    8.5.4.   Jekk jintużaw żewġ sistemi ta' kejl tan-numru ta' partikuli b'mod parallel għall-kejl tal-effiċjenza tat-tnaqqis tan-numru ta' partikuli, huma għandhom jagħtu l-kejl f'firxa ta' 5 fil-mija minn xulxin meta jitkejlu simultanjament mill-istess punt tal-kampjunar.

    8.6.   Rekwiżiti tal-emissjonijiet sekondarji

    8.6.1.   Il-manifattur tas-sistema ta' REC għandu jipprovdi evidenza dokumentarja li turi li l-materjali u l-proċessi li jintużaw fl-REC ma jippreżentaw ebda periklu addizzjonali għas-saħħa u għall-ambjent.

    8.6.2.   Għal REC tal-Klassi III u tal-Klassi IV, l-emissjonijiet ta' ammonijaka ma għandhomx jaqbżu valur medju ta' 25 ppm meta jitkejlu bl-użu tal-proċeduri definiti fl-Appendiċi 7 tal-Anness 4 tas-serje 06 tal-emendi tar-Regolament Nru 49.

    8.6.3.   L-REC ma għandux iżid l-emissjonijiet sekondarji għal konċentrazzjonijiet magħrufa li huma perikolużi għas-saħħa.

    8.6.4.   L-applikant għal approvazzjoni għandu jipprovdi valutazzjoni tar-rendiment tal-REC fir-rigward tal-emissjonijiet sekondarji. Il-valutazzjoni għandha tindirizza l-emissjonijiet sekondarji probabbli kollha mill-REC wara li tqis il-prinċipju tat-tħaddim tiegħu, id-disinn tiegħu, il-metodu ta' kostruzzjoni tiegħu u l-materjali applikati.

    8.6.4.1.   B'mod partikolari, il-valutazzjoni għandha:

    (a)

    Fil-każijiet fejn l-REC ikun fih ram jew komposti tar-ram, tindirizza l-formazzjoni possibbli ta' diossini;

    (b)

    Fil-każijiet fejn l-REC jagħmel użu minn katalizzatur li jinġarr bil-fjuwil, tikkunsidra l-impatt fuq il-produzzjoni ta' emissjonijiet sekondarji ta':

    (i)

    In-nuqqas ta' dak il-katalizzatur u

    (ii)

    Il-preżenza tiegħu f'konċentrazzjoni sad-doppju ta' dik intiża jew irrakkomandata.

    8.6.4.2.   Il-valutazzjoni għandha ssemmi kull wieħed mill-ispeċijiet ta' emissjonijiet sekondarji kkunsidrati.

    8.6.4.3.   Il-valutazzjoni tista' tkun ibbażata fuq analiżi u ġudizzju tal-inġenerija tajbin, fuq ir-riżultati tat-testijiet jew tas-simulazzjonijiet, fuq ir-riżultati tal-analiżi jew tat-testijiet ta' sistemi jew teknoloġiji simili jew fuq kwalunkwe kombinazzjoni ta' dawn l-elementi.

    8.6.4.4.   Għall-finijiet ta' dan ir-Regolament, l-emissjonijiet sekondarji prodotti f'konċentrazzjonijiet mhux ogħla b'mod sinifikanti mill-konċentrazzjonijiet prodotti minn sistemi ta' magni b'tagħmir oriġinali għandhom jitqiesu bħala li mhumiex perikolużi għas-saħħa.

    8.6.5.   L-applikant jista' jintalab iwettaq testijiet għal emissjonijiet sekondarji bħala prerekwiżit għall-approvazzjoni fil-każijiet fejn il-valutazzjoni tar-rendiment tal-REC fir-rigward tal-emissjonijiet sekondarji tipproduċi aspettattiva raġonevoli li r-rekwiżiti tal-paragrafu 8.6.3 ta' hawn fuq ma jiġux issodisfati.

    9.   REKWIŻITI TAD-DURABILITÀ

    9.1.   L-applikant għandu jiddikjara li s-sistema ta' REC, meta tintuża u tinżamm skont l-istruzzjonijiet tal-manifattur, tikkonforma mad-dispożizzjonijiet applikabbli waqt it-tħaddim normali matul il-ħajja utli ta':

    (a)

    Għall-vetturi tal-kategoriji M2 u M3 u N, kilometraġġ ta' 200 000 km jew ħajja operattiva ta' 6 snin, skont liema sseħħ l-ewwel;

    (b)

    Għall-applikazzjonijiet l-oħrajn kollha, 4 000 siegħa operattiva jew ħajja operattiva ta' 6 snin, skont liema sseħħ l-ewwel.

    9.2.   L-applikant għandu jwettaq test tad-durabilità ta' 1 000 siegħa fuq kombinazzjoni ta' REC u magna. Dan it-test għandu jkun jew test fuq il-post f'applikazzjoni tipika ta' vettura jew makkinarju maqbula bejn l-Awtorità tal-Approvazzjoni tat-Tip u l-applikant jew inkella test fuq bank tat-test ta' magna. Fil-każ ta' ttestjar fuq bank tat-test ta' magna, iċ-ċiklu tal-maturazzjoni, it-tagħbija u l-veloċità għandhom jinkludu kundizzjonijiet li japprossimaw għal 10 fil-mija ta' tħaddim ta' magna li mhijiex ingranata, 10 fil-mija ta' tħaddim tranżitorju, 75 fil-mija ta' tħaddim b'tagħbija kbira u b'veloċità għolja u 5 fil-mija ta' tħaddim b'tagħbija medja u b'veloċità baxxa.

    Il-magna għall-prova tad-durabilità tista' tkun differenti mill-magna tal-ittestjar li tintuża għal testijiet li jsiru sabiex jiġi stabbilit il-livell ta' tnaqqis tal-REC, iżda għandha tkun magna li taqa' fi ħdan il-firxa tal-applikazzjoni ddikjarata tal-REC partikolari.

    9.3.   Il-kontenut tat-test huwa kif ġej:

    (a)

    1 000 siegħa ta' akkumulazzjoni ta' servizz tal-REC b'reġistrazzjoni tad-data operattiva rilevanti kollha tal-magna kkonċernata, inklużi t-tip u l-konsum tal-fjuwil u taż-żejt lubrikanti u, meta jkun meħtieġ reaġent jew addittiv xieraq mit-tagħmir ta' REC, illoggjar kontinwu u sekonda b'sekonda tad-data tat-temperatura tal-egżost qabel l-REC u t-telf tal-pressjoni fuq l-REC. Fil-każ ta' test fuq il-post, l-REC għandu jiġi ssiġillat mis-Servizz Tekniku u l-illoggjar tad-data għandu jsir mill-manifattur tal-REC jew mill-operatur tal-vettura jew tal-makkinarju li fuqhom jitwettaq it-test tar-reżistenza;

    (b)

    Barra minn hekk, fil-każ ta' REC li jitħaddem b'addittivi jew li jagħmel użu minn reaġent, għandha ssir ukoll verifika tar-rata ta' dożaġġ korretta fil-bidu tat-test fuq il-post, wara 500 siegħa ta' tħaddim u wara 1 000 siegħa ta' tħaddim.

    9.4.   Wara li titlesta l-prova tad-durabilità, is-sistema ta' REC li tintuża sabiex tintwera d-durabilità għandha tintuża għal kwalunkwe ttestjar tal-evalwazzjoni ulterjuri bil-magna tal-ittestjar oriġinali.

    F'każ li l-magna tal-ittestjar oriġinali ma tkunx għadha funzjonali, tista' tintuża magna tal-istess tip bil-ftehim minn qabel tal-Awtorità tal-Approvazzjoni tat-Tip.

    9.5.   Is-sistema ta' REC għandha tissodisfa r-rekwiżiti tal-paragrafu 8 meta tiġi ttestjata f'konformità mal-paragrafu 9.4 wara li titlesta l-akkumulazzjoni tas-servizz.

    10.   FIRXA TAL-APPLIKAZZJONI

    10.1.   Il-firxa tal-applikazzjoni tiddeskrivi l-firxa ta' magni jew sistemi ta' magni li għalihom tista' tiġi applikata l-familja ta' REC. L-applikant għandu jipprovdi informazzjoni dettaljata dwar il-firxa tal-applikazzjoni lill-Awtorità tal-Approvazzjoni tat-Tip kif speċifikat fl-Anness 3 ta' dan ir-Regolament.

    10.2.   Il-firxa tal-applikazzjoni hija limitata għall-familja tal-magna li għaliha tappartjeni l-magna tat-test definita fil-paragrafu 12.

    10.3.   Il-firxa tal-applikazzjoni tista' tiġi estiża għal:

    (a)

    Magni oħrajn prodotti mill-istess manifattur tal-magni; u

    (b)

    Magni ta' manifatturi ta' magni oħrajn.

    Jekk l-applikant ikun jista' juri li l-karatteristiċi tal-kriterji li ġejjin tal-magni kkonċernati huma l-istess bħal dawk fil-magna tat-test:

    (a)

    Spostament taċ-ċilindru individwali fi ħdan ± 20 fil-mija tal-magna tat-test;

    (b)

    Metodu ta' aspirazzjoni (magna li tiċċarġja bit-turbo jew li taspira b'mod naturali);

    (c)

    B'EGR jew mingħajrha;

    (d)

    Jekk hijiex magna b'veloċità kostanti jew b'veloċità varjabbli; (3)

    (e)

    Stadju tal-emissjonijiet bażi tal-magna; u

    (f)

    B'sistema ta' posttrattament jew mingħajrha.

    10.4.   Il-firxa tal-applikazzjoni ma għandhiex tiġi estiża għall-magni bi stadju tal-emissjonijiet bażi inqas strett mill-istadju tal-emissjonijiet bażi tal-magna tat-test.

    10.5.   Jekk l-applikant ikun jista' jipprova li REC ittestjat għal vetturi tal-Kategoriji M2, M3 u N u l-magni CI tagħhom huwa maħsub ukoll sabiex jintuża bl-istess mod strutturali fuq magni CI għall-użu f'makkinarju mobbli mhux intiż għat-triq jew f'vetturi tal-Kategorija T, u l-magna tat-test f'konformità mal-paragrafu 12 ta' hawn taħt tkun rappreżentattiva għal applikazzjonijiet bħal dawn u tkun tissodisfa wkoll il-kriterji tal-familja tal-paragrafi 14, 15 jew 16 ta' hawn taħt, kif xieraq, il-firxa tal-applikazzjoni tista' tiġi estiża għall-magni CI għall-użu f'makkinarju mobbli mhux intiż għat-triq u f'vetturi tal-kategorija T.

    Mhuwiex permess li l-firxa ta' REC li jkun ġie approvat sabiex jintuża ma' magni CI f'makkinarju mobbli mhux intiż għat-triq jew f'vetturi tal-kategorija T tiġi estiża sabiex tali REC ikun ikopri l-applikazzjonijiet intiżi għat-triq bil-mod deskritt f'dan il-paragrafu.

    11.   MODIFIKI FL-EMISSJONIJIET BAŻI TAL-MAGNA

    11.1.   Kwalunkwe modifika tal-parametri tat-tħaddim tal-magna li tista' taffettwa l-emissjonijiet bażi tal-magna trid tinżamm fil-limiti speċifikati mill-manifattur tal-magna oriġinali (pereżempju l-kontropressjoni massima tal-gass tal-egżost permessibbli jew il-limiti stabbiliti għall-impatt ta' tagħmir estern fuq is-sistemi elettriċi jew tal-immaniġġjar tad-data).

    11.2.   F'każijiet fejn ikunu meħtieġa miżuri addizzjonali fir-rigward tal-komponenti rilevanti għall-emissjonijiet jew tal-komponenti tas-sistemi, bħal modifiki għall-kontroll tar-riċirkolazzjoni tal-gass tal-egżost (EGR) sabiex jiġi żgurat il-funzjonament tajjeb tal-magna u tas-sistemi tal-posttrattament tal-egżost flimkien mal-REC, l-applikant għandu jipprovdi deskrizzjoni dettaljata tal-modifika tad-disinn flimkien ma' spjegazzjoni ta' kif il-modifika se tbiddel it-tħaddim u l-prestazzjoni tal-istrateġija ta' kontroll tal-emissjonijiet. Sabiex isostni t-talbiet tiegħu, l-applikant għandu jissottometti data tat-test addizzjonali, ġustifikazzjoni u analiżi tal-inġinerija jew kwalunkwe informazzjoni oħra meqjusa bħala neċessarja mill-Awtorità tal-Approvazzjoni tat-Tip jew mis-Servizz Tekniku sabiex jiġu indirizzati d-differenzi bejn id-disinji oriġinali u dawk immodifikati.

    11.3.   Is-sistema ta' kontroll tal-emissjonijiet tal-manifattur tal-magna oriġinali ma għandhiex tiġi mmodifikata, ħlief għal:

    (a)

    Il-modifiki permessi bil-permess bil-miktub tal-manifattur tal-magna oriġinali; jew

    (b)

    Fil-każ ta' REC tal-Klassi I, tal-Klassi IIA jew tal-Klassi IIB, is-sostituzzjoni ta' katalizzatur tal-ossidazzjoni tad-diżil eżistenti diment li:

    (i)

    Jiġu ssodisfati r-rekwiżiti tal-paragrafu 8.4; u

    (ii)

    Is-sistema tal-magna mmodifikata tissodisfa mill-inqas il-limiti għall-istadju li għalih kienet approvata l-magna bażi għal kull wieħed mill-inkwinanti kkontrollati l-oħrajn rilevanti għal dak l-istadju;

    (c)

    L-installazzjoni ta' sondi għall-kejl tat-temperatura u/jew tal-pressjoni fid-daħla tas-sistema ta' REC għat-tnaqqis tal-NOx, inkluża l-unità tad-dożaġġ.

    11.4.   Soġġett għall-issodisfar tar-rekwiżiti tal-paragrafu 11.1 ta' dan ir-Regolament, huma permessi modifiki 'l isfel minn sistema ta' posttrattament oriġinali.

    11.5.   Il-prestazzjoni ta' kwalunkwe Sistema Dijanjostika Abbord (OBD) u sistema ta' kontroll tal-NOx tas-sistema tal-magna oriġinali ma għandhiex tiġi kompromessa mill-REC.

    12.   L-GĦAŻLA TAL-MAGNI TAL-ITTESTJAR U TAL-KOMBINAZZJONI TA' REC

    12.1.   Il-magni tal-ittestjar għandhom joriġinaw minn familja ta' magna li tikkorrispondi għall-firxa tal-applikazzjoni sussegwenti tal-REC. Ir-rendiment tal-emissjonijiet tal-magna tal-ittestjar għandu jitkejjel u għandu jissodisfa l-limiti għall-istadju tal-emissjonijiet bażi applikabbli.

    12.2.   Il-magna tal-ittestjar u l-kombinazzjoni ta' REC għall-firxa tal-applikazzjoni magħżula għandhom jissodisfaw il-kriterji li ġejjin:

    (a)

    Il-magna għandu jkollha output tal-potenza nominali ta' bejn 100 fil-mija u 60 fil-mija tal-potenza massima tal-magna referenzjarja fil-familja partikolari meta tiġi vvalutata f'konformità mal-proċeduri tar-Regolament Nru 49 jew tar-Regolament Nru 96, kif xieraq;

    (b)

    Meta jiġi kkombinat mal-magna tal-ittestjar magħżula, l-REC għandu jkollu l-ogħla veloċità spazjali fi ħdan il-firxa tal-applikazzjoni tal-familja ta' REC;

    (c)

    L-REC għandu jkollu l-konċentrazzjoni volumetrika minima ta' materjali attivi b'mod katalitiku speċifikata mill-manifattur għall-familja ta' REC.

    Meta r-rekwiżiti tas-subparagrafi (b) u (c) ta' hawn fuq ikunu inkompatibbli b'mod reċiproku, ir-rekwiżiti tas-subparagrafu (b) għandhom jieħdu prijorità.

    12.3.   Għall-REC intiż sabiex jintuża fuq magni bit-tip approvat f'konformità mar-Regolament Nru 96, l-ittestjar fuq magna tal-ittestjar waħda għal kull kategorija ta' potenza li għaliha huwa intiż l-REC huwa obbligatorju.

    12.4.   Il-magna tal-ittestjar magħżula għandha tikkonforma, kemm fil-kundizzjoni tal-produzzjoni tas-serje kif ukoll fil-kundizzjoni mmodifikata, mal-limiti tal-emissjonijiet tal-inkwinanti kollha assoċjati mal-istadju jew mal-istandard li għalih oriġinarjament kellha t-tip tagħha approvat. Meta l-vetturi jew il-makkinarji jkunu mgħammra b'sistemi dijanjostiċi abbord, dawk is-sistemi ma għandhomx jiġu affettwati fir-rigward tal-funzjoni tal-monitoraġġ tagħhom wara li tkun ġiet installata s-sistema ta' modifika retroattiva. Il-karatteristiċi tal-unità ta' kontroll elettroniku tal-magna (fir-rigward ta', pereżempju, il-ħin tal-injezzjoni, il-kejl tal-fluss tal-massa tal-arja jew l-istrateġiji ta' tnaqqis tal-emissjonijiet mill-egżost) ma għandhomx jinbidlu mill-modifika retroattiva. Kwalunkwe modifika tal-magna tal-ittestjar li tbiddel l-imġiba oriġinali tal-emissjonijiet (pereżempju alternazzjoni tal-ħin tal-injezzjoni) mhijiex permessa.

    13.   SPEĊIFIKAZZJONIJIET LI JIKKONĊERNAW IL-KEJL TAL-EMISSJONIJIET

    13.1.   Il-komponenti ta' gassijiet u partikuli emessi mill-magna jew mis-sistema tal-magna flimkien mal-REC sottomessi għall-ittestjar għandhom jitkejlu permezz tal-metodi deskritti fl-annessi applikabbli tar-Regolament Nru 49 u tar-Regolament Nru 96.

    13.2.   Jekk jintuża detettur kimiluminixxenti msaħħan (CLD) għad-determinazzjoni tal-NO2 f'konformità mal-paragrafu 8.4 ta' dan ir-Regolament, għandhom jintużaw żewġ kompartimenti tal-kejl paralleli sabiex jiddeterminaw l-NOx u l-NO simultanjament. Huma permessi żewġ CLDs b'mod parallel, diment li t-tnejn jikkonformaw mar-rekwiżiti tar-Regolament Nru 49 jew tar-Regolament Nru 96, kif xieraq, u diment li l-effiċjenzi assoluti tal-konvertitur jintwerew li huma f'firxa ta' 3 fil-mija minn xulxin.

    14.   IL-FAMILJA TA' REC GĦAT-TNAQQIS TAL-PARTIKULI

    14.1.   L-approvazzjoni ta' REC għat-tnaqqis tal-partikuli se tkompli tkun valida għal sistema simili b'mod nominali f'konfigurazzjoni jew applikazzjoni differenti, diment li ma tiddevjax mis-sistema ttestjata fir-rigward tal-aspetti li ġejjin:

    (a)

    It-tip ta' żamma tal-element attiv (pereżempju, iffissar mekkaniku jew adeżiv), u l-funzjonament;

    (b)

    Il-prinċipju ta' tħaddim tal-element attiv (pereżempju, materjal metalliku jew ċeramiku, filtrazzjoni tal-barrieri jew separazzjoni ajrudinamika);

    (c)

    Id-disinn u l-karatteristiċi tal-filtru jew ta' materjal attiv ieħor (pereżempju, kemm jekk jikkonsisti f'folji jew pjanċi, jew inkella huwiex immaljat jew imwaħħal, iċ-ċellola, il-materjal, jew id-densità mhux minsuġa, il-porożità u d-dijametru tal-pori tal-mezzi ta' filtri tal-barrieri, in-numru ta' kontenituri, xfafar jew blalen fis-separaturi ajrudinamiċi, il-ħruxija tas-superfiċje ta' komponenti kritiċi u d-dijametri ta' wajers, blalen jew fibri);

    (d)

    Il-konċentrazzjoni volumetrika minima ta' materjali attivi b'mod katalitiku tas-sistema ta' tnaqqis tal-partikuli, inklużi l-katalizzaturi upstream (jekk ikunu mmuntati) (grammi/m3);

    (e)

    Il-konċentrazzjoni volumetrika massima ta' materjali attivi b'mod katalitiku tas-sistema ta' tnaqqis tal-partikuli, inklużi l-katalizzaturi upstream (jekk ikunu mmuntati) (grammi/m3);

    (f)

    Il-karatteristiċi tad-disinn tal-inkapsulament jew tal-imballaġġ (pereżempju, il-ħażna jew iż-żamma tat-trasportatur tal-elementi attivi);

    (g)

    Il-volum ta' kull komponent attiv (pereżempju DOC, sottostrat tal-filtru) li għandu jkun fi ħdan ± 40 fil-mija tal-volum tat-tagħmir ittestjat;

    (h)

    It-tip ta' riġenerazzjoni (perjodika jew kontinwa);

    (i)

    Il-prinċipju tar-riġenerazzjoni (pereżempju, katalitika, termali jew elettrotermali) u l-istrateġija tar-riġenerazzjoni (pereżempju, passiva, attiva, sfurzata);

    (j)

    Il-metodu u l-istrateġija ta' kontroll għall-introduzzjoni ta' addittivi jew reaġenti (jekk jintużaw);

    (k)

    It-tip ta' addittiv jew reaġent (jekk jintuża);

    (l)

    Il-kundizzjonijiet tal-installazzjoni (differenza fl-introduzzjoni b'massimu ta' + 0,5 m bejn l-iżbokk tat-turboċarġer (turbina) u l-bokka tal-REC għat-tnaqqis tal-partikuli);

    (m)

    It-tip ta' kwalunkwe materjal attiv b'mod katalitiku;

    (n)

    B'katalizzatur tal-ossidazzjoni upstream jew mingħajru;

    (o)

    Meta t-tagħmir ittestjat ikun ġie ttestjat flimkien ma' tagħmir ieħor ta' kontroll tat-tniġġis:

    (i)

    Iż-żamma tal-istess arranġament tat-tagħmir għall-REC taħt kunsiderazzjoni; u

    (ii)

    It-tagħmir l-ieħor ta' kontroll tat-tniġġis huwa simili fid-disinn u fil-prinċipju tat-tħaddim għal dak użat waqt l-ittestjar.

    14.2.   Meta jiġi ttestjat l-REC ta' tnaqqis tal-partikuli fuq il-bank tat-test tal-magna, l-REC għandu jiġi mmuntat b'tali mod li jkun hemm distanza ta' mill-inqas 2 metri għall-bokka tal-REC mill-iżbokk tat-turboċarġer (turbina) jew mill-pjan tal-iżbokk tal-manifold tal-egżost fejn ma jkun immuntat ebda turboċarġer. Jekk l-applikant ikun jista' juri li se tintuża distanza iqsar mid-distanza minima speċifikata hawnhekk fl-applikazzjonijiet sussegwenti kollha tal-REC, it-tul tal-pajp użat fiċ-ċellola tat-test jista' jitnaqqas b'mod korrispondenti. L-insulazzjoni jew mezzi simili taż-żamma tat-temperatura tal-egżost huma permessibbli biss jekk huma jintużaw ukoll fl-installazzjoni sussegwenti tal-REC fuq il-vettura jew il-makkinarju.

    15.   IL-FAMILJA TA' REC GĦAT-TNAQQIS TAL-NOx

    15.1.   L-approvazzjoni ta' REC għat-tnaqqis tal-NOx se tkompli tkun valida għal sistema simili b'mod nominali (li tapplika l-istess teknoloġija ta' tnaqqis tal-NOx) f'konfigurazzjoni jew applikazzjoni differenti, diment li ma tiddevjax mis-sistema ttestjata fir-rigward tal-aspetti li ġejjin:

    (a)

    Id-dimensjonijiet kritiċi tal-elementi attivi tal-apparat (bħad-daqs tal-valvi jew tal-kanali, jew il-volum ta' element katalitiku, u inkluż kwalunkwe apparat għat-taħlit tar-reaġent) għandhom ikunu l-istess bħal dawk fuq it-tagħmir ittestjat, jew ma għandhomx ikunu differenti minn dawk id-dimensjonijiet fit-tagħmir ittestjat b'ammont akbar li jista' jiġi ġustifikat bħala insinifikanti mit-testijiet rilevanti jew minn analiżi inġineristika robusta. Il-volum attiv, pereżempju, ta' element katalitiku għandu jkun fi ħdan ± 40 fil-mija tal-volum attiv tat-tagħmir ittestjat;

    (b)

    Kwalunkwe metodu ta' kontroll tat-temperatura applikat (pereżempju, tisħin katalitiku, termali jew elettrotermali);

    (c)

    Meta t-tagħmir ittestjat ikun ġie ttestjat flimkien ma' apparat ieħor ta' kontroll tat-tniġġis:

    (i)

    Iż-żamma tal-istess arranġament tat-tagħmir għall-REC taħt kunsiderazzjoni; u

    (ii)

    It-tagħmir l-ieħor ta' kontroll tat-tniġġis huwa simili fid-disinn u fil-prinċipju tat-tħaddim għal dak użat waqt l-ittestjar;

    (d)

    Il-materjal tas-sottostrat tal-katalizzatur u d-disinn mekkaniku tas-sottostrat (pereżempju monolitu miksi jew monolitu estruż, folji jew pjanċi) u l-forma, l-erja trażversali u d-densità tal-kanali tal-gass tal-egżost ifformati fih;

    (e)

    L-istess materjal attiv b'mod katalitiku, washcoat, tagħbija u distribuzzjoni tal-katalizzatur fuq is-sottostrat bħas-sistema bit-tip approvat, fi ħdan tolleranzi ta' produzzjoni raġonevoli;

    (f)

    Tip ta' reaġent jew addittiv (jekk jintuża);

    (g)

    Kwalunkwe strateġija ta' kontroll applikata, inklużi l-aspetti tal-implimentazzjoni ta' dik l-istrateġija, bħall-perjodi ta' dewmien, ir-rati ta' dożaġġ għar-reaġenti, il-pożizzjonament u l-karatteristiċi tas-sensuri u l-kostanti tal-ħin u l-karatteristiċi tal-fluss assoċjati mal-valvi. Jekk jintużaw reaġenti u/jew strateġiji differenti għal kundizzjonijiet klimatiċi differenti, għandha tiġi ttestjata l-istrateġija bl-aktar dożaġġ totali baxx matul it-test;

    (h)

    Il-kundizzjonijiet u l-post tal-introduzzjoni tar-reaġent. Din il-kundizzjoni titqies bħala li ġiet issodisfata jekk il-punt tal-introduzzjoni jkun mill-inqas fl-istess distanza mill-bokka tal-katalizzatur bħat-tagħmir ittestjat u l-mezzi tal-introduzzjoni tar-reaġent (pereżempju, assistita bl-arja jew le), u kwalunkwe tagħmir tat-taħlit, ikunu l-istess ukoll.

    15.2.   Meta l-REC ta' tnaqqis tal-NOx jiġi ttestjat f'ċellola tat-test tal-magna, l-REC għandu jiġi mmuntat b'tali mod li jkun hemm distanza ta' mill-inqas 2 metri mill-iżbokk tat-turboċarġer (turbina), jew mill-flanġ tal-ħruġ tal-manifold tal-egżost fil-każ ta' magna mhux mgħammra b'turboċarġer, għall-bokka tal-REC. Jekk l-applikant ikun jista' juri li se tintuża distanza iqsar mid-distanza minima speċifikata hawnhekk fl-applikazzjonijiet sussegwenti kollha tal-REC, it-tul tal-pajp użat fiċ-ċellola tat-test jista' jitnaqqas b'mod korrispondenti. L-insulazzjoni jew mezzi simili taż-żamma tat-temperatura tal-egżost huma permessibbli biss jekk jintużaw ukoll fl-installazzjoni sussegwenti tal-REC fuq il-vettura jew il-makkinarju.

    16.   IL-FAMILJA TA' REC GĦAT-TNAQQIS TAL-PM U TAL-NOx

    L-approvazzjoni ta' tagħmir ta' REC ta' tnaqqis tal-PM u tal-NOx se tkompli tkun valida għal sistema simili b'mod nominali f'konfigurazzjoni jew applikazzjoni differenti, diment li ma tiddevjax mis-sistema ttestjata fir-rigward tal-aspetti li ġejjin:

    (a)

    L-elementi ta' tnaqqis tal-PM tal-REC huma f'konformità mar-rekwiżiti tal-paragrafu 14 ta' dan ir-Regolament;

    (b)

    L-elementi ta' tnaqqis tal-NOx tal-REC huma f'konformità mar-rekwiżiti tal-paragrafu 15 ta' dan ir-Regolament;

    (c)

    Il-post fejn jinsabu l-elementi tal-REC ta' tnaqqis tal-PM u tal-NOx relattivi għal xulxin huwa l-istess bħar-relazzjoni bejn dawn l-elementi fit-tagħmir ittestjat (pereżempju, l-REC ta' tnaqqis tal-PM 'il fuq mill-REC ta' tnaqqis tal-NOx).

    It-tagħmir fejn it-tnaqqis tal-PM u tal-NOx isir fuq l-istess sottostrat ma għandux jitqies bħala li jappartjeni għall-istess familja bħat-tagħmir fejn iż-żewġ attivitajiet jitwettqu fuq sottostrati separati.

    17.   KONSUM TAL-FJUWIL U TA' FJUWIL SPEĊIFIKU

    17.1.   L-ittestjar tal-REC għandu jitwettaq bi fjuwil kummerċjalment disponibbli li jkun rappreżentattiv ta' dak ġeneralment użat għat-tip ta' vettura jew makkinarju li magħhom jiġi mmuntat l-REC.

    17.2.   Il-manifattur tal-REC jista', bħala alternattiva għall-użu ta' fjuwil tas-suq, japplika mal-Awtorità tal-Approvazzjoni tat-Tip għal permess sabiex iwettaq it-testijiet fuq l-REC bl-użu ta' fjuwil ta' referenza. Il-fjuwil ta' referenza li jrid jintuża f'dan il-każ se jkun il-fjuwil xieraq speċifikat fir-Regolament Nru 49 jew fir-Regolament Nru 96.

    17.3.   Il-konsum tal-fjuwil speċifiku tal-magna mgħammra bl-REC matul iċ-ċikli tat-test applikabbli (il-paragrafi 2.3 u 3.3 tal-Anness 5 ta' dan ir-Regolament, il-paragrafi 2.3 u 3.3 tal-Anness 6 ta' dan ir-Regolament) għandu jkun mhux aktar minn 4 fil-mija ogħla fil-kundizzjoni mmodifikata mill-konsum speċifiku medju fil-kundizzjoni mhux immodifikata.

    18.   L-IMĠIBA OPERATTIVA U L-PERIKLU GĦAS-SIKUREZZA

    18.1.   L-REC għandu jkun iddisinjat b'tali mod li jkun jista' jintuża fl-applikazzjonijiet intiżi tiegħu, meta jiġi mmuntat f'konformità mal-istruzzjonijiet ipprovduti, mingħajr ma jesponi lill-operaturi jew lill-persuni li jkunu fil-qrib għal kwalunkwe periklu għas-sikurezza direttament jew bħala riżultat ta' modifiki fil-vettura jew fil-makkinarju jew tal-karatteristiċi operattivi tiegħu.

    18.2.   L-REC għandu jkun iddisinjat b'tali mod li jkun jista' jintuża fl-applikazzjonijiet intiżi tiegħu, meta jiġi mmuntat f'konformità mal-istruzzjonijiet ipprovduti, mingħajr indeboliment tal-imġiba operattiva tal-vettura jew tal-makkinarju sakemm:

    (a)

    L-indeboliment ma jikkawżax periklu għas-sikurezza;

    (b)

    L-indeboliment ma jżidx il-konsum tal-fjuwil lil hinn mil-livell stabbilit fil-paragrafu 17 ta' dan ir-Regolament;

    (c)

    In-natura u l-firxa tal-indeboliment ma jkunux iddikjarati b'mod ċar fl-istruzzjonijiet u l-informazzjoni li se jiġu mgħoddija lil min jagħmel il-modifika retroattiva, lill-operatur u lis-sid.

    18.3.   Sabiex jiġi żgurat li r-rekwiżiti tal-paragrafu 20 u tal-Anness 11 ta' dan ir-Regolament fir-rigward tal-installazzjoni u l-għoti tal-informazzjoni jiġu rrispettati kif suppost, il-manifattur tal-REC għandu jagħmel valutazzjoni tal-perikli għas-sikurezza li jistgħu jirriżultaw mill-installazzjoni tal-REC fuq il-vettura jew il-makkinarju. Meta jwettaq din il-valutazzjoni, huwa għandu jieħu bħala l-bażi tal-livell ta' sikurezza pprovdut mill-vettura jew mill-makkinarju meta ġew introdotti fis-suq għall-ewwel darba.

    19.   EMISSJONIJIET TAL-ĦSEJJES

    L-applikant għandu jipprovdi evidenza li turi li l-modifika retroattiva ta' REC f'konformità mal-istruzzjonijiet dwar l-immuntar ipprovduti mhijiex se twassal għal żieda fl-emissjonijiet tal-ħsejjes tal-vettura. L-evidenza li l-REC huwa intiż biss sabiex jiġi mmuntat flimkien mas-sistema ta' silenzjatur tal-produzzjoni standard tat-tagħmir oriġinali tal-manifattur fuq vettura intiża għat-triq (4) se titqies bħala li tissodisfa dan ir-rekwiżit.

    20.   L-INSTALLAZZJONI TA' REC

    20.1.   Il-manifattur ta' REC għandu jipprovdi linji gwida bil-miktub dwar l-installazzjoni u struzzjonijiet dwar it-tħaddim u l-manutenzjoni f'konformità mar-rekwiżiti tal-Anness 11 ta' dan ir-Regolament.

    20.2.   B'mod partikolari, tinġibed l-attenzjoni tal-manifattur ta' REC għar-rekwiżit fl-Anness 11 ta' dan ir-Regolament li l-linji gwida u l-istruzzjonijiet:

    (a)

    Jinkitbu bil-lingwa tal-pajjiż fejn jinbiegħ l-REC jew li fih mistenni jintuża l-REC, u għandhom jinkitbu b'lingwaġġ ċar li jkun addattat għall-qarrejja intiżi tagħhom;

    (b)

    Ifakkru lill-installatur dwar ir-responsabbiltajiet legali potenzjali tiegħu;

    (c)

    Jindikaw lill-utent finali kwalunkwe rekwiżiti għall-manutenzjoni xierqa tal-REC, inkluż, fejn ikun rilevanti, l-użu ta' reaġenti jew addittivi konsumabbli;

    (d)

    Jindikaw kwalunkwe rekwiżiti jew limitazzjonijiet dwar l-użu tal-vettura jew tal-makkinarju li huma meħtieġa sabiex jiġu żgurati s-sikurezza u l-funzjonament korrett tal-REC;

    (e)

    Jispeċifikaw jekk kwalunkwe reaġenti għandhomx jimtlew mill-ġdid mill-operatur tal-vettura jew tal-makkinarju bejn intervalli ta' manutenzjoni normali u jindikaw rata probabbli ta' konsum tar-reaġent;

    (f)

    Jispeċifikaw it-tip u l-kwalità ta' kwalunkwe reaġenti jew addittivi konsumabbli użati;

    (g)

    Ifakkru lis-sid u lill-operatur tal-vettura jew tal-makkinarju li, meta l-immuntar tal-REC ikun kundizzjoni għat-tħaddim tiegħu f'pajjiż jew żona partikolari, jew meta l-immuntar tal-REC jintitola lis-sid tal-vettura jew tal-makkinarju għal inċentivi jew privileġġi, in-nuqqas ta' żamma tal-REC f'kundizzjoni tajba ta' tħaddim (inkluż in-nuqqas li tiġi żgurata provvista xierqa ta' kwalunkwe reaġent jew addittiv), jista' jwassal għal ksur ta' kuntratt jew jikkostitwixxi reat kriminali.

    20.3.   Il-manifattur ta' REC għandu juri lill-Awtorità tal-Approvazzjoni tat-Tip l-eżistenza ta' proċeduri adegwati sabiex jintgħażlu, jitħarrġu u jiġu mmonitorjati l-installaturi tal-REC awtorizzati.

    21.   IL-MODIFIKA U L-ESTENSJONI TAL-APPROVAZZJONI TA' REC

    21.1.   Kull modifika rilevanti tal-REC fil-kuntest ta' dan ir-Regolament għandha tiġi nnotifikata lill-Awtorità tal-Approvazzjoni tat-Tip, li tat l-approvazzjoni tat-tip tal-REC. L-Awtorità tal-Approvazzjoni tat-Tip imbagħad tivvaluta jekk l-REC għadux konformi jew le mar-rekwiżiti għall-inklużjoni fil-familja ta' REC xierqa.

    L-Awtorità tal-Approvazzjoni tat-Tip tista' titlob li jitħejja rapport ieħor tat-test mis-Servizz Tekniku responsabbli mit-twettiq tat-testijiet sabiex jgħinha fil-valutazzjoni tagħha.

    21.2.   Meta l-Awtorità tal-Approvazzjoni tat-Tip tapprova l-modifika, għandha tiġi inkluża referenza għan-notifika formali ta' dik l-approvazzjoni fil-manwal tal-installazzjoni għall-REC.

    21.3.   Il-konferma jew iċ-ċaħda tal-approvazzjoni, li tispeċifika l-bidla, għandha tiġi kkomunikata permezz tal-proċedura speċifikata fil-paragrafu 6 ta' hawn fuq lill-Partijiet Kontraenti għall-Ftehim tal-1958 li japplikaw dan ir-Regolament.

    21.4.   L-Awtorità tal-Approvazzjoni tat-Tip li toħroġ l-estensjoni tal-approvazzjoni għandha tassenja numru tas-serje għal estensjoni bħal din u għandha tinforma lill-Partijiet Kontraenti l-oħrajn għall-Ftehim tal-1958 li japplikaw dan ir-Regolament permezz tal-formula ta' komunikazzjoni speċifikata fl-Anness 2 ta' dan ir-Regolament.

    22.   IL-KONFORMITÀ TAL-PRODUZZJONI

    22.1.   Il-konformità tal-proċeduri tal-produzzjoni għandha tikkonforma ma' daw k stabbiliti fl-Appendiċi 2 tal-Ftehim tal-1958 (E/ECE/324-E/ECE/TRANS/505/Rev.2).

    22.2.   Il-miżuri meħuda sabiex jiggarantixxu l-konformità tal-produzzjoni għandhom jissodisfaw ir-rekwiżiti tal-paragrafu 2 tal-Appendiċi 2 għall-Ftehim tal-1958.

    22.3.   Rekwiżiti speċjali

    (a)

    Il-kontrolli skont il-paragrafu 2.2 tal-Appendiċi 2 għall-Ftehim tal-1958 jinkludu l-kontrolli fuq il-konformità mal-kriterji tal-paragrafi 7 u 8 ta' dan ir-Regolament.

    (b)

    Għall-applikazzjoni tal-paragrafu 2.4.4 tal-Appendiċi 2 għall-Ftehim tal-1958, jistgħu jitwettqu t-testijiet deskritti fil-paragrafi 8.2, 8.3 u 8.4 ta' dan ir-Regolament.

    22.4.   Qabel ikunu jistgħu jingħataw l-approvazzjonijiet tat-tip, il-manifatturi għandhom jissottomettu d-data li ġejja dwar il-konformità tal-produzzjoni għall-fini tal-valutazzjoni inizjali:

    (a)

    Formola tal-applikazzjoni mimlija u ffirmata, skont mudell li jrid jiġi pprovdut mill-Awtorità tal-Approvazzjoni tat-Tip;

    (b)

    Deskrizzjoni tal-informazzjoni mitluba, skont il-formola tal-applikazzjoni;

    (c)

    Kopja taċ-ċertifikat ISO 9001:2000, jew kwalunkwe sistema ta' kwalità ekwivalenti, b'kamp ta' applikazzjoni rilevanti.

    22.5.   Abbażi ta' din l-informazzjoni, il-manifatturi li għandhom sistema ta' kwalità ċċertifikata jistgħu jiddaħħlu għall-proċedura tal-approvazzjoni tat-tip, fejn jirċievu Dikjarazzjoni ta' Valutazzjoni Inizjali abbażi tal-evalwazzjoni tad-dokumenti.

    22.6.   F'każ li l-manifattur ma jkollu ebda sistema ta' kwalità ċċertifikata, titwettaq valutazzjoni tal-kumpanija abbażi tal-ISO 9001:2000, inklużi aspetti tal-Konformità tal-Produzzjoni.

    22.7.   Għandhom jiġu deskritti u vverifikati mill-inqas l-aspetti li ġejjin tal-ISO 9001:2000:

    (a)

    Sistema ta' ġestjoni tal-kwalità;

    (b)

    Ir-responsabbiltajiet tal-bord;

    (c)

    Il-ġestjoni tar-riżorsi;

    (d)

    Ir-realizzazzjoni tal-prodott;

    (e)

    Kejl, analiżi u titjib.

    22.8.   Sabiex tiġi kkonfermata l-eżistenza ta' miżuri u proċeduri adegwati għal kontroll effettiv fuq il-Konformità tal-Produzzjoni, il-manifattur jirċievi Dikjarazzjoni tal-Konformità, bit-tariffa taċ-ċertifikat ippubblikata.

    22.9.   Id-dikjarazzjoni għandha validità ddikjarata.

    22.10.   Qabel l-iskadenza tal-validità taż-żewġ dikjarazzjonijiet, l-Awtorità tal-Approvazzjoni tat-Tip se twettaq verifika tal-Konformità tal-Produzzjoni permezz ta' kontroll tal-proċess fil-manifattur, sabiex tivverifika l-effettività tal-kontrolli tal-Konformità tal-Produzzjoni applikati.

    22.11.   Meta tipprattika s-sorveljanza tagħha fuq il-Konformità tal-Produzzjoni, l-Awtorità tal-Approvazzjoni tat-Tip għandha tqis is-sorveljanza mwettqa mill-awtoritajiet ikkwalifikati ta' Partijiet Kontraenti oħrajn għall-Ftehim tal-1958.

    23.   PENALI GĦAL NUQQAS TA' KONFORMITÀ TAL-PRODUZZJONI

    23.1.   L-approvazzjoni tat-tip mogħtija fir-rigward ta' tip ta' REC skont dan ir-Regolament tista' tiġi rtirata jekk ir-rekwiżiti stipulati fil-paragrafi 21 u 22 ta' hawn fuq ma jiġux irrispettati.

    23.2.   Jekk Parti Kontraenti għall-Ftehim li tapplika dan ir-Regolament tirtira approvazzjoni li kienet tat qabel, hija għandha tinnotifika b'dan minnufih lill-Partijiet Kontraenti l-oħrajn li japplikaw dan ir-Regolament, permezz tal-Komunikazzjoni speċifikata fl-Anness 2 ta' dan ir-Regolament.

    24.   PRODUZZJONI MWAQQFA B'MOD DEFINITTIV

    Jekk id-detentur tal-approvazzjoni jwaqqaf kompletament il-manifattura ta' tip ta' tagħmir Modifikat ta' Kontroll tal-Emissjonijiet approvat f'konformità ma' dan ir-Regolament, huwa għandu jinforma b'dan lill-Awtorità tal-Approvazzjoni tat-Tip li tkun tat l-approvazzjoni tat-tip. Malli tirċievi l-komunikazzjoni rilevanti, dik l-Awtorità għandha tinforma b'dan lill-Partijiet Kontraenti l-oħrajn għall-Ftehim tal-1958 li japplikaw dan ir-Regolament permezz tal-formola ta' komunikazzjoni speċifikata fl-Anness 2 ta' dan ir-Regolament.

    25.   ISMIJIET U INDIRIZZI TAS-SERVIZZI TEKNIĊI LI JWETTQU TESTIJIET TAL-APPROVAZZJONI U TAL-AWTORITAJIET TAL-APPROVAZZJONI TAT-TIP

    Il-Partijiet Kontraenti għall-Ftehim li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip li jagħtu l-approvazzjoni tat-tip u li lilhom għandhom jintbagħtu l-formoli li jiċċertifikaw l-approvazzjoni tat-tip jew l-estensjoni jew iċ-ċaħda jew l-irtirar tal-approvazzjoni tat-tip maħruġa f'pajjiżi oħrajn.

    26.   DISPOŻIZZJONIJIET TRANŻITORJI

    26.1.   Mid-data uffiċjali tad-dħul fis-seħħ tas-serje 01 ta' emendi, l-ebda Parti Kontraenti li tapplika dan ir-Regolament ma għandha tirrifjuta li tagħti jew tirrifjuta li taċċetta Approvazzjoni tat-Tip skont dan ir-Regolament kif emendat mis-serje 01 ta' emendi.

    26.2.   Mid-data uffiċjali tad-dħul fis-seħħ tas-serje 01 ta' emendi, il-Partijiet Kontraenti li japplikaw is-serje 01 ta' emendi ta' dan ir-Regolament jistgħu jirrifjutaw l-approvazzjoni tat-tip tal-REC li ma jissodisfawx ir-rekwiżiti tas-serje 01 ta' emendi ta' dan ir-Regolament.

    26.3.   Il-Partijiet Kontraenti li japplikaw dan ir-Regolament jistgħu jkomplu jagħtu l-approvazzjonijiet għal dawk l-REC li jikkonformaw ma' kwalunkwe livell preċedenti ta' dan ir-Regolament, diment li l-REC ikunu intiżi sabiex jintużaw fil-Partijiet Kontraenti li japplikaw ir-rekwiżiti rilevanti fil-leġiżlazzjoni nazzjonali tagħhom.

    (1)  Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.3, para. 2. - www.unece.org/trans/main/wp29/wp29wgs/wp29gen/wp29resolutions.html.

    (2)  In-numri li jiddistingwu l-Partijiet Kontraenti għall-Ftehim tal-1958 huma riprodotti fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev. 3 - www.unece.org/trans/main/wp29/wp29wgs/wp29gen/wp29resolutions.html

    (3)  Għaldaqstant, magna approvata għar-Regolament Nru 49 titqies bħala magna b'veloċità varjabbli.

    (4)  Għaldaqstant, il-vetturi intiżi għat-triq huma vetturi tal-kategoriji M2, M3 u N kif definiti fir-Riżoluzzjoni Konsolidata dwar il-Kostruzzjoni tal-Vetturi (R.E.3), (dokument ECE/TRANS/WP.29/78/Rev.3, para. 2 - www.unece.org/trans/main/wp29/wp29wgs/wp29gen/wp29resolutions.html), minbarra dawk il-vetturi approvati skont ir-Regolament Nru 83.

    ANNESS 1

    DOKUMENT TA' INFORMAZZJONI

    Dokument ta' informazzjoni Nru … tar-Regolament Nru 132 li jirrigwarda l-approvazzjoni tat-tip ta' tagħmir Modifikat ta' Kontroll tal-Emissjonijiet (REC) għal vetturi heavy duty, tratturi agrikoli u tal-forestrija u makkinarju mobbli mhux intiż għat-triq mgħammra b'magni ta' tqabbid bil-kompressjoni.

    Għandha tiġi mehmuża lista tal-komponenti ewlenin li tiddeskrivi l-firxa tal-validità tal-approvazzjoni tat-tip. Kwalunkwe tpinġijiet u listi ta' parts għandhom jiġu pprovduti fi skala xierqa u b'biżżejjed dettall f'daqs A4 jew f'folder ta' format A4. F'każ li jkun hemm xi ritratti, dawn għandhom ikunu ddettaljati biżżejjed.

    Fuq talba tal-Awtorità tal-Approvazzjoni tat-Tip, tista' tkun meħtieġa aktar informazzjoni għall-membri tal-familja ta' REC sabiex juru konformità mal-paragrafi 14, 15 jew 16 ta' dan ir-Regolament, kif xieraq.

    Jekk is-sistema, il-komponenti jew l-unitajiet tekniċi separati jkollhom kontrolli elettroniċi, għandha tingħata l-informazzjoni dwar il-prestazzjoni tagħhom.

    1.   ĠENERALI

    1.1.   Għamla (l-isem kummerċjali tal-manifattur): …

    1.2.   Isem u indirizz tal-manifattur: …

    …

    1.3.   It-tip ta' REC: …

    1.4.   Il-post u l-metodu tat-twaħħil tal-marka tal-approvazzjoni: …

    …

    1.5.   L-indirizz(i) tal-impjant(i) fejn isir l-assemblaġġ: …

    …

    2.   DESKRIZZJONI TAT-TAGĦMIR

    2.1.   Il-klassi ta' REC: …

    2.2.   L-għamla/għamliet (l-isem kummerċjali) u l-identifikazzjoni tat-tip ta' manifattur tal-REC: …

    …

    2.2.1.   L-identifikazzjoni tan-numru/i tal-part tal-REC: …

    …

    2.3.   It-tip jew it-tipi ta' magna li għalihom huwa intiż l-REC (il-firxa tal-applikazzjoni): …

    …

    2.4.   In-numru/i u/jew il-karattru/i li jikkaratterizzaw ir-rendiment tal-emissjoni(jiet) bażi tal-magna: (1) …

    2.5.   In-numru/i u/jew il-karattru/i li jikkaratterizzaw ir-rendiment miksub tal-emissjoni(jiet) tal-magna: (1) …

    2.6.   Il-livell ta' tnaqqis tal-REC kif definit fil-paragrafu 8.3 ta' dan ir-Regolament: …

    …

    2.7.   L-REC huwa intiż sabiex ikun kompatibbli mar-rekwiżiti tal-OBD: Iva/Le (2)

    2.8.   Deskrizzjoni u tpinġijiet li juru l-pożizzjoni tat-tagħmir ta' REC b'mod relattiv għall-manifold(s) tal-egżost tal-magna: …

    …

    2.9.   Il-kontropressjoni massima tal-egżost permessibbli tal-REC: … kPa

    3.   IL-KARATTERISTIĊI TAL-REC GĦAT-TNAQQIS TAL-PARTIKULI U TAL-FAMILJA TA' REC GĦAT-TNAQQIS TAL-PARTIKULI

    3.1.   Id-dimensjonijiet, il-forma u l-volum attiv tas-sistema ta' tnaqqis tal-materja partikolata: …

    3.2.   Id-distanza massima għall-bokka tal-REC mill-iżbokk tat-turboċarġer (turbina) jew mill-pjan tal-iżbokk tal-manifold tal-egżost fejn ma jiġi mmuntat ebda turboċarġer: …

    3.3.   Deskrizzjoni, tpinġijiet u listi ta' parts tal-REC ta' tnaqqis tal-Materja Partikolata (PM)

    Id-deskrizzjoni għandha tinkludi lista tal-komponenti ewlenin (li tiddikjara n-numri tal-parts) li jiġu assemblati ma' REC għal kull applikazzjoni. Barra minn hekk, id-deskrizzjoni għandha tipprovdi l-informazzjoni kollha meħtieġa sabiex ikunu jistgħu jittieħdu deċiżjonijiet relatati mal-familja ta' REC f'konformità mal-paragrafu 14 ta' dan ir-Regolament.

    3.3.1.   It-tip ta' żamma tal-element attiv (pereżempju, iffissar mekkaniku jew adeżiv): …

    3.3.2.   Il-prinċipju ta' ħidma tal-element attiv ta' tnaqqis tal-PM (pereżempju, materjal metalliku jew ċeramiku, inklużi t-tip ta' materjal, il-filtrazzjoni tal-barrieri jew is-separazzjoni ajrudinamika): …

    3.3.3.   Id-disinn u l-karatteristiċi tal-filtru jew ta' materjal attiv ieħor kif definit fil-paragrafu 14.1(c) ta' dan ir-Regolament: …

    …

    3.3.3.1.   It-tip(i) ta' materjal(i) attiv(i) b'mod katalitiku (jekk ikun hemm): …

    3.3.3.2.   Id-disinn fiżiku tas-sottostrat: …

    3.3.3.3.   Id-densità ċellulari, il-porożità, id-daqs medju tal-pori u d-distribuzzjoni tad-daqs tal-pori: …

    …

    3.3.4.   Il-post (upstream/downstream), il-funzjoni u l-prinċipju ta' ħidma (pereżempju ossidazzjoni) ta' kwalunkwe katalizzatur(i) supplimentari: …

    3.3.4.1.   It-tip(i) ta' materjal(i) attiv(i) b'mod katalitiku: …

    3.3.4.2.   Id-disinn fiżiku tas-sottostrat: …

    3.3.4.3.   Id-densità ċellulari: …

    3.3.5.   Il-konċentrazzjoni volumetrika minima ta' materjali attivi b'mod katalitiku ta' kull element tas-sistema ta' tnaqqis tal-partikuli, inklużi katalizzaturi supplimentari (jekk ikunu mmuntati) (grammi/m3): …

    3.3.6.   Il-konċentrazzjoni volumetrika massima ta' materjali attivi b'mod katalitiku ta' kull element tas-sistema ta' tnaqqis tal-partikuli, inklużi katalizzaturi supplimentari (jekk ikunu mmuntati) (grammi/m3): …

    3.3.7.   Il-karatteristiċi tad-disinn tal-inkapsulament jew tal-imballaġġ: …

    3.3.8.   Il-volum ta' kull komponent attiv: …

    3.4.   Il-metodu jew is-sistema ta' riġenerazzjoni (deskrizzjoni u/jew tpinġija komprensiva): …

    …

    3.4.1.   It-tip ta' riġenerazzjoni (pereżempju perjodika jew kontinwa): …

    …

    3.4.2.   Il-prinċipju, il-frekwenza u l-istrateġija tar-riġenerazzjoni: …

    …

    3.4.3.   Il-metodu u l-istrateġija ta' kontroll għall-introduzzjoni ta' addittivi jew reaġenti (jekk jintużaw): …

    …

    3.4.4.   It-tip u l-konċentrazzjoni ta' reaġent(i) jew addittiv(i): …

    …

    3.4.5.   Il-frekwenza tal-mili mill-ġdid ta' reaġent jew addittiv: …

    3.5.   Deskrizzjoni tal-monitoraġġ tas-sistema ta' tnaqqis tal-PM (f'konformità mal-paragrafu 7 ta' dan ir-Regolament): …

    …

    3.6.   Deskrizzjoni ta' kwalunkwe modifika fil-magna oriġinali jew fis-sistema ta' kontroll tal-emissjonijiet kif definit fil-paragrafu 11 ta' dan ir-Regolament: …

    …

    3.7.   Temperatura operattiva normali: … (K) u l-firxa tal-pressjoni: … (kPa)

    3.8.   L-użu ta' insulazzjoni: Iva/Le (2)

    3.8.1.   Id-disinn u l-karatteristiċi tal-insulazzjoni: …

    4.   IL-KARATTERISTIĊI TAL-REC TA' TNAQQIS TAL-NOx U TAL-FAMILJA TA' REC TA' TNAQQIS TAL-NOx

    4.1.   Id-dimensjonijiet, il-forma u l-volum attiv tas-sistema ta' tnaqqis tal-NOx: …

    …

    4.2.   Id-distanza massima għall-bokka tal-REC mill-iżbokk tat-turboċarġer (turbina) jew mill-pjan tal-iżbokk tal-manifold tal-egżost fejn ma jitwaħħal ebda turboċarġer: …

    …

    4.3.   Deskrizzjoni, tpinġijiet u listi ta' parts tal-REC ta' tnaqqis tal-NOx

    Id-deskrizzjoni għandha tinkludi lista tal-komponenti ewlenin (li tiddikjara n-numri tal-parts) li jiġu assemblati ma' REC għal kull applikazzjoni. Barra minn hekk, id-deskrizzjoni għandha tipprovdi l-informazzjoni kollha meħtieġa sabiex ikunu jistgħu jittieħdu deċiżjonijiet relatati mal-familja ta' REC f'konformità mal-paragrafu 15 ta' dan ir-Regolament.

    4.3.1.   It-tip ta' żamma tal-element attiv (pereżempju, iffissar mekkaniku jew adeżiv): …

    4.3.2.   Il-prinċipju ta' tħaddim tal-element attiv ta' tnaqqis tal-NOx (pereżempju Riduzzjoni Katalitika Selettiva, Ħażna u Tnaqqis tal-NOx): …

    …

    4.3.3.   Id-disinn u l-karatteristiċi tas-sottostrat u tal-materjal attiv kif definiti fil-paragrafu 15.1(d) u (e) ta' dan ir-Regolament: …

    4.3.3.1.   It-tip(i) ta' materjal(i) attiv(i) b'mod katalitiku: …

    4.3.3.2.   Id-disinn fiżiku tas-sottostrat: …

    4.3.3.3.   Id-densità ċellulari: …

    4.3.4.   Il-post (upstream/downstream), il-funzjoni u l-prinċipju ta' ħidma (pereżempju ossidazzjoni) ta' kwalunkwe katalizzatur(i) supplimentari: …

    4.3.4.1.   It-tip(i) ta' materjal(i) attiv(i) b'mod katalitiku: …

    4.3.4.2.   Id-disinn fiżiku tas-sottostrat: …

    4.3.4.3.   Id-densità ċellulari: …

    4.3.5.   Il-konċentrazzjoni volumetrika minima ta' materjali attivi b'mod katalitiku ta' kull element tas-sistema ta' tnaqqis tal-NOx, inklużi katalizzaturi supplimentari (jekk ikunu mmuntati) (grammi/m3): …

    4.3.6.   Il-konċentrazzjoni volumetrika massima ta' materjali attivi b'mod katalitiku ta' kull element tas-sistema ta' tnaqqis tal-NOx, inklużi katalizzaturi supplimentari (jekk ikunu mmuntati) (grammi/m3): …

    4.3.7.   Il-karatteristiċi tad-disinn tal-inkapsulament jew tal-imballaġġ: …

    4.3.8.   Il-volum ta' kull komponent attiv: …

    4.4.   Il-metodu jew is-sistema ta' riġenerazzjoni (jekk applikabbli) (deskrizzjoni u/jew tpinġija komprensiva): …

    4.5.   Il-metodu u l-istrateġija ta' kontroll għall-introduzzjoni ta' addittiv(i) jew reaġent(i) (jekk jintużaw): …

    …

    4.5.1.   It-tip u l-konċentrazzjoni ta' addittiv(i) jew reaġent(i): …

    …

    4.5.2.   Il-firxa tat-temperatura operattiva normali tar-reaġent (K): …

    4.5.3.   Il-frekwenza tal-mili mill-ġdid ta' reaġent jew addittiv: …

    4.5.4.   Strateġija ta' kontroll (pereżempju l-perjodi ta' dewmien, ir-rati ta' dożaġġ tar-reaġent, il-pożizzjonament u l-karatteristiċi tas-sensuri, il-karatteristiċi tal-fluss u l-post tal-introduzzjoni tar-reaġent): …

    4.6.   Sistema msaħħna: Iva/Le (2)

    4.6.1.   Il-metodu ta' kontroll tat-temperatura (katalitiku, termali jew elettrotermali): …

    4.7.   Deskrizzjoni tas-sistema dijanjostika ta' kontroll tal-NOx (f'konformità mal-Anness 10): …

    4.8.   Deskrizzjoni ta' kwalunkwe modifika fil-magna oriġinali jew fis-sistema ta' kontroll tal-emissjonijiet kif definit fil-paragrafu 11 ta' dan ir-Regolament: …

    …

    4.9.   Temperatura operattiva normali: … (K) u l-firxa tal-pressjoni: … (kPa)

    4.10.   L-użu ta' insulazzjoni: Iva/Le (2)

    4.10.1.   Id-disinn u l-karatteristiċi tal-insulazzjoni: …

    5.   IL-KARATTERISTIĊI TAL-REC TA' TNAQQIS TAL-NOx U TAL-PM U TAL-FAMILJA TA' REC TA' TNAQQIS TAL-NOx U TAL-PM

    5.1.   Id-dimensjonijiet, il-forma/forom u l-volum(i) attiv(i) tas-sistema ta' tnaqqis tal-NOx u tal-PM: …

    5.2.   Id-distanza massima għall-bokka tal-REC mill-iżbokk tat-turboċarġer (turbina) jew mill-pjan tal-iżbokk tal-manifold tal-egżost fejn ma jitwaħħal l-ebda turboċarġer: …

    5.3.   Deskrizzjoni, tpinġijiet u listi ta' parts tal-REC ta' tnaqqis tal-NOx u tal-Materja Partikolata (PM)

    Id-deskrizzjoni għandha tinkludi lista tal-komponenti ewlenin (li tiddikjara n-numri tal-parts) li jiġu assemblati ma' REC għal kull applikazzjoni. Barra minn hekk, id-deskrizzjoni għandha tipprovdi l-informazzjoni kollha meħtieġa sabiex ikunu jistgħu jittieħdu deċiżjonijiet relatati mal-familja ta' REC f'konformità mal-paragrafu 16 ta' dan ir-Regolament.

    5.3.1.   It-tip ta' żamma tal-element(i) attiv(i) (pereżempju, iffissar mekkaniku jew adeżiv): …

    5.3.2.   Il-prinċipji ta' tħaddim tal-element attiv ta' tnaqqis tal-NOx (pereżempju Riduzzjoni Katalitika Selettiva, Ħażna u Tnaqqis tal-NOx) u tal-element attiv ta' tnaqqis tal-PM (pereżempju materjal metalliku jew ċeramiku u t-tip ta' materjal, il-filtrazzjoni tal-barrieri jew is-separazzjoni ajrudinamika): …

    …

    5.3.3.   Id-disinn u l-karatteristiċi tas-sottostrat(i) u tal-materjal(i) attiv(i) kif definiti fil-paragrafu 14.1. (c) u 15.1. (d) u (e) ta' dan ir-Regolament: …

    …

    5.3.3.1.   It-tip(i) ta' materjal(i) attiv(i) b'mod katalitiku: …

    5.3.3.2.   Id-disinn fiżiku tas-sottostrat(i): …

    5.3.3.3.   Il-prinċipju ta' tħaddim tal-element attiv ta' tnaqqis tal-PM (pereżempju, materjal metalliku jew ċeramiku, inklużi t-tip ta' materjal, il-filtrazzjoni tal-barrieri jew is-separazzjoni ajrudinamika) …

    5.3.3.4.   Id-densità ċellulari, il-porożità, id-daqs medju tal-pori u d-distribuzzjoni tad-daqs tal-pori tal-element attiv ta' tnaqqis tal-PM: …

    …

    5.3.4.   Il-post (upstream/downstream), il-funzjoni u l-prinċipju ta' ħidma (pereżempju ossidazzjoni) ta' kwalunkwe katalizzatur(i) supplimentari: …

    5.3.4.1.   It-tip(i) ta' materjal(i) attiv(i) b'mod katalitiku: …

    5.3.4.2.   Id-disinn fiżiku tas-sottostrat: …

    5.3.4.3.   Id-densità ċellulari: …

    5.3.5.   Il-konċentrazzjoni volumetrika minima ta' materjali attivi b'mod katalitiku ta' kull element tas-sistema ta' tnaqqis tal-NOx u tal-PM, inklużi katalizzaturi supplimentari (jekk ikunu mmuntati) (grammi/m3): …

    …

    5.3.6.   Il-konċentrazzjoni volumetrika massima ta' materjali attivi b'mod katalitiku ta' kull element tas-sistema ta' tnaqqis tal-NOx u tal-PM, inklużi katalizzaturi supplimentari (jekk ikunu mmuntati) (grammi/m3): …

    …

    5.3.7.   Il-karatteristiċi tad-disinn tal-inkapsulament jew tal-imballaġġ: …

    5.3.8.   Il-volum ta' kull komponent attiv: …

    5.4.   Il-metodu/i jew is-sistema/i ta' riġenerazzjoni (jekk applikabbli) (deskrizzjoni u/jew tpinġija komprensiva): …

    5.4.1.   It-tip ta' riġenerazzjoni tas-sistema ta' tnaqqis tal-PM (pereżempju perjodika jew kontinwa): …

    5.4.2.   Il-prinċipju u l-istrateġija ta' riġenerazzjoni tas-sistema ta' tnaqqis tal-PM: …

    …

    5.5.   Il-metodu u l-istrateġija ta' kontroll għall-introduzzjoni ta' addittivi jew reaġenti (jekk jintużaw): …

    …

    5.5.1.   It-tip u l-konċentrazzjoni ta' reaġent(i) jew addittiv(i) (jekk jintużaw): …

    …

    5.5.2.   Il-frekwenza tal-mili mill-ġdid ta' reaġent(i) jew addittiv(i): …

    5.5.3.   Il-firxa tat-temperatura operattiva normali tar-reaġent(i) ta' tnaqqis tal-NOx: … (K)

    5.5.4.   Strateġija ta' kontroll (pereżempju l-perjodi ta' dewmien, ir-rati ta' dożaġġ tar-reaġent, il-pożizzjonament u l-karatteristiċi tas-sensuri, il-karatteristiċi tal-fluss u l-post tal-introduzzjoni tar-reaġent): …

    5.6.   Sistema msaħħna: Iva/Le (2)

    5.6.1.   Il-metodu ta' kontroll tat-temperatura (katalitiku, termali jew elettrotermali): …

    5.7.   Deskrizzjoni tal-monitoraġġ tas-sistema ta' tnaqqis tal-PM (f'konformità mal-paragrafu 7.5.1 ta' dan ir-Regolament): …

    5.8.   Deskrizzjoni tas-sistema dijanjostika ta' kontroll tal-NOx (f'konformità mal-Anness 10): …

    5.9.   Deskrizzjoni ta' kwalunkwe modifika fil-magna oriġinali jew fis-sistema ta' kontroll tal-emissjonijiet kif definit fil-paragrafu 11 ta' dan ir-Regolament: …

    …

    5.10.   Temperatura operattiva normali: … (K) u l-firxa tal-pressjoni: … (kPa)

    5.11.   L-użu ta' insulazzjoni: Iva/Le (2)

    5.11.1.   Id-disinn u l-karatteristiċi tal-insulazzjoni: …

    (1)  Kif definit fil-paragrafu 8.2 ta' dan ir-Regolament.

    (2)  Aqta' barra dak li ma japplikax.

    ANNESS 2

    Image Test ta 'immaġni Image Test ta 'immaġni

    ANNESS 3

    Addendum għall-komunikazzjoni dwar tip ta' tagħmir modifikat ta' kontroll tal-emissjonijiet (REC) skont ir-Regolament Nru 132

    (Nru tal-approvazzjoni tat-tip … Nru tal-estensjoni …)

    1.   Magni li fuqhom ġie ttestjat it-tagħmir modifikat ta' kontroll tal-emissjonijiet:

    Nru tal-Magna

    1

    2

    n

    Għamla

     

     

     

    Tip

     

     

     

    Magna

     

     

     

    Potenza

     

     

     

    Kategorija

     

     

     

    2.   Riżultati tat-test:

    …

    …

    …

    …

    …

    …

    …

    3.   It-tip(i) ta' magna/i li għaliha/għalihom huwa kkwalifikat it-tagħmir REC (il-firxa tal-applikazzjoni):

    Numru

     

     

     

    Il-manifattur tal-magna jew tal-vettura

     

     

     

    Is-sena tal-mudell minn/sa

     

     

     

    It-tip ta' magna

     

     

     

    Kapaċità/ċilindrata (cm3)

     

     

     

    Kapaċità VH (cm3)

     

     

     

    Potenza netta tal-magna (kW b'min– 1)

     

     

     

    L-emissjonijiet bażi tal-magna

     

     

     

    Silenzjatur mibdul

     

     

     

    L-identifikazzjoni tat-tip tal-REC

     

     

     

    It-Tip ta' REC u l-Livell ta' Tnaqqis

     

     

     

    ANNESS 4

    ARRANĠAMENT TAL-MARKA TAL-APPROVAZZJONI TAT-TIP TA' REC

    MUDELL A

    (Ara l-paragrafu 5 ta' dan ir-Regolament)

    Image Test ta 'immaġni

    Il-marka tal-approvazzjoni tat-tip tal-eżempju msemmi hawn fuq imwaħħla ma' REC turi li t-tip ikkonċernat kien approvat fin-Netherlands (E 4), skont ir-Regolament Nru 132 taħt l-approvazzjoni tat-tip Nru 011234. L-ewwel żewġ ċifri tan-numru tal-approvazzjoni tat-tip jindikaw li l-approvazzjoni ngħatat f'konformità mar-rekwiżiti tar-Regolament Nru 132 fil-forma emendata minn din is-serje. Il-marka tal-approvazzjoni għandha turi wkoll il-Klassi tal-REC (I, IIA, IIB, III jew IV).

    ANNESS 5

    TEST TA' TNAQQIS TA' PARTIKULI TA' REC (KLASSI I JEW II TAL-REC)

    L-ittestjar ta' REC ta' tnaqqis tal-partikuli jsir fis-serje ta' stadji li ġejjin, inkluża valutazzjoni tal-emissjonijiet ta' inkwinanti sekondarji u d-determinazzjoni tal-emissjonijiet tal-NO2:

    1.   IT-TWETTIQ TA' PROVA TAL-AKKUMULAZZJONI TAS-SERVIZZ

    Il-prova tal-akkumulazzjoni tas-servizz għandha ssir f'konformità mar-rekwiżiti tal-paragrafu 9 ta' dan ir-Regolament.

    2.   L-ISTABBILIMENT TAL-EMISSJONIJIET BAŻI TAL-MAGNA U L-KONSUM TA' FJUWIL SPEĊIFIKU MINGĦAJR REC IMMUNTAT

    2.1.   L-emissjonijiet bażi tal-magna jiġu stabbiliti permezz tat-twettiq ta' test tal-emissjonijiet fuq is-sistema tal-magna mingħajr l-REC f'konformità mar-rekwiżiti tar-Regolament Nru 49 jew tar-Regolament Nru 96, kif xieraq għall-applikazzjoni u l-livell tal-approvazzjoni tat-tip tal-magna bażi.

    2.2.   Sabiex tkun tista' tiġi ddeterminata l-effiċjenza tat-tnaqqis, l-emissjonijiet jiġu stabbiliti b'mod addizzjonali permezz tat-twettiq ta' test tal-emissjonijiet f'konformità mar-rekwiżiti tal-paragrafu 8.3 ta' dan ir-Regolament.

    2.3.   Il-konsum tal-fjuwil speċifiku (g/kWh) għandu jiġi stabbilit permezz tat-twettiq tat-test tal-emissjonijiet imsemmi fil-paragrafu 2.2 ta' dan l-Anness.

    3.   ID-DETERMINAZZJONI TAL-EMISSJONIJIET, TAL-KONSUM TAL-FJUWIL U TAL-EFFIĊJENZA TAT-TNAQQIS BL-REC IMMUNTAT WARA PROVA TAL-AKKUMULAZZJONI TAS-SERVIZZ

    3.1.   L-emissjonijiet jiġu ddeterminati permezz tat-twettiq ta' test tal-emissjonijiet f'konformità mar-rekwiżiti tar-Regolament Nru 49 jew tar-Regolament Nru 96, kif xieraq għall-applikazzjoni intiża u l-livell ta' emissjoni intiż tal-REC kandidat b'REC immuntat f'konformità mar-rekwiżiti ta' dan ir-Regolament.

    3.2.   Sabiex tkun tista' tiġi ddeterminata l-effiċjenza tat-tnaqqis, l-emissjonijiet jiġu stabbiliti b'mod addizzjonali permezz tat-twettiq ta' test tal-emissjonijiet bl-REC immuntat f'konformità mar-rekwiżiti tal-paragrafu 8.3 ta' dan ir-Regolament.

    3.3.   Il-konsum tal-fjuwil speċifiku (g/kWh) għandu jiġi stabbilit permezz tat-twettiq tat-test tal-emissjonijiet imsemmi fil-paragrafu 3.2 ta' dan l-Anness.

    4.   ID-DETERMINAZZJONI TAL-ISTRATEĠIJA TAR-RIĠENERAZZJONI U TAL-KARATTERISTIĊI TAR-RIĠENERAZZJONI TA' REC TA' TNAQQIS TAL-PARTIKULI

    4.1.   L-istrateġija tar-riġenerazzjoni (perjodikament jew kontinwament) u l-karatteristiċi tar-riġenerazzjoni ta' REC ta' tnaqqis tal-partikuli jiġu stabbiliti bl-użu tal-proċedura li ġejja.

    4.2.   Sabiex tiġi vvalutata l-prestazzjoni tar-riġenerazzjoni ta' REC ta' tnaqqis tal-partikuli, għandu jitwettaq mill-inqas 25 ċiklu tat-test. Iċ-ċiklu tat-test użat għandu jkun ċiklu addattat għall-istandard jew l-istadju tal-emissjonijiet li s-sistema ta' REC hija intiża li tippermetti lill-vettura jew lill-makkinarju jissodisfaw.

    L-emissjonijiet ta' gassijiet u l-massa tal-partikuli, kif ukoll in-numru ta' partikuli, meta xieraq, għandhom jitkejlu mill-inqas matul kull ħames ċiklu tat-test. Jitwettaq test separat tas-sistema ta' tnaqqis tal-partikuli għal kull familja jew firxa ta' applikazzjoni definita fil-proċedura tal-approvazzjoni tat-tip għall-magna li magħha hija intiża li tintuża s-sistema ta' REC. Dan ifisser li jseħħ test wieħed tas-sistema għal kull qasam ta' applikazzjoni.

    4.3.   REC ta' tnaqqis tal-partikuli jitqies bħala li ġie pprovat li għandu proċess ta' riġenerazzjoni li jopera b'mod kontinwu jekk varjabbli ta' valutazzjoni xierqa jkun jista' jitqies bħala kostanti fuq mill-inqas 25 ċiklu tat-test applikabbli. Għaldaqstant, l-emissjoni medja ta' partikolati u l-kontropressjoni medja tal-gass tal-egżost jitqiesu bħala varjabbli ta' valutazzjoni xierqa.

    Jekk applikant juri x-xewqa li juża varjabbli ta' valutazzjoni wieħed jew aktar differenti, għandu jippreżenta każ tekniku robust lill-Awtorità tal-Approvazzjoni tat-Tip b'sostenn għat-talba tiegħu sabiex jagħmel dan.

    Meta sistema b'riġenerazzjoni kontinwa kif definita hawn fuq ikun fiha wkoll dispożizzjoni għal riġenerazzjoni attiva, allura għandhom jiġu applikati l-kriterji tal-valutazzjoni definiti fil-paragrafu 4.6 ta' dan l-Anness.

    L-emissjoni tal-massa tal-PM u l-kontropressjoni tal-gass tal-egżost jitqiesu bħala kostanti skont it-tifsira ta' dan ir-Regolament meta jkun hemm koeffiċjent tal-varjanza ta' inqas minn 25 fil-mija fuq 25 ċiklu tat-test. Il-kontropressjoni tal-gass tal-egżost titkejjel kontinwament għall-finijiet ta' din il-valutazzjoni u l-emissjonijiet ta' partikolati jitkejlu mill-inqas matul kull ħames ċiklu tat-test.

    Il-koeffiċjent tal-varjanza (CoV) jiġi kkalkolat kif ġej:

    Formula

    Bi:

    Formula

    u:

    Valur medju = (x 1 + x 2 + … + x n)/n

    Fejn:

    n

    =

    in-numru ta' valuri mkejla

    x

    =

    il-valur waħdieni rispettiv imkejjel

    4.4.   Test tal-karatteristika tar-riġenerazzjoni ta' REC ta' tnaqqis tal-partikuli

    Dan l-ittestjar jitwettaq billi s-sistema tiġi mgħobbija b'materja partikolata sakemm tintlaħaq kontropressjoni kostanti tal-gass tal-egżost jew fuq perjodu ta' żmien massimu ta' 100 siegħa jekk ma jkun inkiseb l-ebda valur kostanti għall-kontropressjoni qabel dak iż-żmien. Il-kontropressjoni tal-gass tal-egżost titqies bħala kostanti jekk, meta titkejjel wara perjodu ta' mill-inqas 50 siegħa, il-kontropressjoni tal-gass tal-egżost ma tvarjax b'aktar jew b'inqas minn 4 mbar f'perjodu ta' 30 min. Il-punti tat-test taċ-ċiklu użat għat-tagħbija tas-sistema għandhom jintgħażlu b'tali mod li ma tinqabiżx temperatura massima tal-gass tal-egżost ta' 180 °C fil-bokka tas-sistema ta' tnaqqis tal-partikuli. It-tagħbija tas-sistema b'materja partikolata preferibbilment titwettaq billi l-magna tal-ittestjar titħaddem f'veloċità kostanti ta' bejn 50 fil-mija u 75 fil-mija tal-veloċità nominali tagħha.

    Wara li l-REC ikun ġie mgħobbi b'materja partikolata sakemm il-kontropressjoni tkun kostanti, jew wara massimu ta' 100 siegħa ta' tħaddim sabiex tiġi mgħobbija s-sistema kif definit hawn fuq, ir-riġenerazzjoni tiġi attivata. Din tista' tiġi attivata, pereżempju, billi l-magna titħaddem f'modalità ta' tagħbija ogħla sabiex b'hekk tiżdied it-temperatura tal-egżost. Wara li titlesta r-riġenerazzjoni, għandu jittieħed kejl tal-gass tal-egżost matul mill-inqas tliet iterazzjonijiet taċ-ċiklu tat-test xieraq (Jiġifieri, tliet ċikli ESC, ċikli ETC, ċikli WHSC, ċikli WHTC, ċikli NRSC jew ċikli NRTC.) Il-valuri mkejla tal-inkwinanti tal-gass tal-egżost ma għandhomx jiddevjaw mill-valuri mkejla tal-inkwinanti tal-gass tal-egżost qabel il-proċedura tat-tagħbija tal-REC b'aktar minn 15 fil-mija għall-emissjonijiet gassużi jew b'aktar minn 20 fil-mija għall-massa tal-partikuli jew għan-numru ta' partikuli.

    Il-manifattur għandu jikkonferma bil-miktub li t-temperaturi massimi li jiġu rreġistrati matul il-proċess ta' riġenerazzjoni ma jagħmlux ħsara u ma jnaqqsux b'mod sinifikanti l-ħajja effettiva tal-REC.

    Bħala alternattiva għall-użu tal-proċedura ta' tagħbija deskritta hawn fuq, il-manifattur jista' jipprovdi REC ta' tnaqqis tal-partikuli li diġà jkun mgħobbi sal-limitu għat-test tar-riġenerazzjoni.

    4.5.   Il-kriterji tal-valutazzjoni għal REC ta' tnaqqis tal-partikuli b'riġenerazzjoni kontinwa

    It-test tas-sistema ta' REC, tal-REC ta' tnaqqis tal-partikuli jitqies bħala sodisfaċenti jekk jiġu ssodisfati l-emissjonijiet ta' partikolati mkejla kif definit fil-paragrafu 8 ta' dan ir-Regolament.

    4.5.1.   Inkwinanti rregolati

    L-emissjonijiet tal-inkwinanti rregolati jiġu ddeterminati permezz ta' kejl meħud immedjatament wara li jsiru t-testijiet sabiex jiġu stabbiliti l-karatteristiċi tar-riġenerazzjoni.

    L-emissjonijiet tal-inkwinanti rregolati (CO, HC, PM u NOx) fil-kundizzjoni inizjali u fil-kundizzjoni mmodifikata għandhom ikunu fi ħdan il-valuri ta' limitu għall-istadju jew l-istandard tal-emissjonijiet li għalihom il-magna oriġinarjament kellha t-tip tagħha approvat. Il-proporzjon ta' NO2 għal NOx għall-kundizzjoni inizjali u għall-kundizzjoni mmodifikata għandu jiġi rreġistrat u muri fir-rapport tat-test.

    Id-determinazzjoni tal-emissjonijiet tal-massa ta' NO2 u NOx għandha ssir permezz ta' kejl simultanju f'konformità mal-paragrafu 13.2 ta' dan ir-Regolament.

    4.6.   Il-kriterji tal-valutazzjoni għal REC ta' tnaqqis tal-partikuli b'riġenerazzjoni perjodika

    Din id-dispożizzjoni tapplika biss għal REC li juża riġenerazzjoni attiva.

    L-emissjonijiet għandhom jitkejlu matul mill-inqas tliet ċikli tat-test xierqa bi startjar sħun (Jiġifieri, tliet ċikli ESC, ċikli ETC, ċikli WHSC, ċikli WHTC, ċikli NRSC jew ċikli NRTC bi startjar sħun.) Wieħed miċ-ċikli li minnhom jittieħed il-kejl għandu jinkludi avveniment ta' riġenerazzjoni fuq sistema ta' REC stabbilizzata. Iż-żewġ ċikli l-oħrajn li minnhom jittieħed il-kejl għandhom ikunu ċikli li fihom ma sseħħ ebda riġenerazzjoni. Jekk ir-riġenerazzjoni tieħu aktar minn ċiklu tat-test wieħed, għandhom jitħaddmu ċikli tat-test konsekuttivi sakemm ir-riġenerazzjoni tkun kompluta.

    Il-manifattur tal-REC għandu jiddikjara l-kundizzjonijiet li fihom normalment iseħħ il-proċess tar-riġenerazzjoni (it-tagħbija tal-partikuli, it-temperatura, il-kontropressjoni tal-egżost jew parametri rilevanti oħrajn). Il-manifattur għandu jipprovdi wkoll il-frekwenza tal-avveniment ta' riġenerazzjoni f'termini tal-frazzjoni tat-testijiet li matulhom isseħħ ir-riġenerazzjoni. Il-proċedura eżatta li tintuża sabiex tiddetermina din il-frazzjoni għandha tiġi miftiehma mal-manifattur mill-Awtorità tal-Approvazzjoni tat-Tip abbażi ta' ġudizzju inġineristiku tajjeb. (Din il-frazzjoni tal-frekwenza hija l-fattur F fil-proċedura għall-kalkolu tal-emissjonijiet ta' partikolati nominali stabbilita hawn taħt.)

    Għal test ta' riġenerazzjoni, il-manifattur għandu jipprovdi sistema ta' REC ta' tnaqqis tal-partikuli li tkun ġiet mgħobbija b'materja partikolata. Bħala alternattiva, il-manifattur jista' jħaddem ċikli tat-test konsekuttivi kif stabbilit fil-paragrafu 4.4 ta' dan l-Anness sakemm jiġi mgħobbi l-REC ta' tnaqqis tal-partikuli. Il-kejl tal-emissjonijiet mhuwiex meħtieġ fuq ċikli li jitħaddmu għall-finijiet tat-tagħbija tal-REC b'materja partikolata.

    L-emissjonijiet medji bejn il-fażijiet ta' riġenerazzjoni għandhom jiġu ddeterminati mill-medja aritmetika ta' bosta testijiet approssimattivament ekwidistanti f'termini tan-numru ta' ċikli tat-test mhux imkejla bejniethom. Bħala minimu, fil-kalkolu tal-medja aritmetika għandu jiġi inkluż mill-inqas ċiklu tat-test wieħed li jkun mill-aktar qrib possibbli qabel test ta' riġenerazzjoni u ċiklu tat-test wieħed immedjatament wara test ta' riġenerazzjoni.

    Matul it-test ta' riġenerazzjoni, għandha tiġi rreġistrata d-data kollha meħtieġa sabiex tiġi individwata r-riġenerazzjoni (l-emissjonijiet ta' CO jew NOx, it-temperatura qabel u wara l-REC, il-kontropressjoni tal-egżost u kwalunkwe parametru rilevanti ieħor). Il-limiti tal-emissjonijiet applikabbli jistgħu jinqabżu matul il-proċess tar-riġenerazzjoni. Il-proċedura tat-test hija murija b'mod skematiku fl-Illustrazzjoni ta' hawn taħt.

    Skema tar-riġenerazzjoni perjodika

    Image Test ta 'immaġni

    It-test tas-sistema ta' REC ta' tnaqqis tal-partikuli b'riġenerazzjoni perjodika jitqies li jkun għadda jekk l-emissjonijiet ta' partikolati nominali kkalkolati bl-użu tal-proċedura stabbilita hawn taħt ikunu fil-limitu stabbilit għal-livell ta' tnaqqis li għalih l-applikant jixtieq li l-REC jiġi approvat.

    4.6.1.   Inkwinanti rregolati

    L-emissjonijiet tal-inkwinanti rregolati (CO, HC, PM u NOx) ma għandhomx jaqbżu l-valuri ta' limitu għall-istandard li għalih il-magna oriġinarjament kellha t-tip tagħha approvat, kemm fil-kundizzjoni inizjali kif ukoll fil-kundizzjoni mmodifikata. Il-proporzjon ta' NO2/NOx għall-kundizzjoni inizjali u għall-kundizzjoni mmodifikata għandu jiġi rreġistrat u muri fir-rapport tat-test.

    Id-determinazzjoni tal-emissjonijiet tal-massa ta' NO2 u NOx għandha ssir permezz ta' kejl simultanju f'konformità mal-paragrafu 4.7.2 ta' dan l-Anness u mal-paragrafu 13 ta' dan ir-Regolament.

    4.6.1.1.   Emissjonijiet ta' partikolati ponderati

    L-emissjonijiet ta' partikolati tal-massa ta' PM (g/kWh) għas-sistemi b'riġenerazzjoni perjodika jiġu ddeterminati kif ġej.

    PM massa = PM massar × F + (1 – F) × PM massawor

    Fejn:

    F

    =

    il-frekwenza tal-avveniment ta' riġenerazzjoni f'termini ta' frazzjoni tat-testijiet li matulha sseħħ ir-riġenerazzjoni [-]

    PM massawor

    =

    l-emissjoni speċifika medja minn test li fih ma sseħħx ir-riġenerazzjoni [g/kWh]

    PM massar

    =

    l-emissjoni speċifika medja minn test li fih isseħħ ir-riġenerazzjoni [g/kWh]

    Il-manifattur jista' jagħżel, abbażi ta' analiżi inġineristika tajba, li jikkalkula fattur ta' aġġustament tar-riġenerazzjoni kr addittiv jew multiplikattiv, li jesprimi r-rata medja ta' emissjoni, kif ġej:

     

    k r = PM massa/PM massawor (fattur tal-aġġustament multiplikattiv)

    jew

     

    k Ur = PM massa – PM massawor (fattur tal-aġġustament 'il fuq)

    jew

     

    k Dr = PM massa – PM massa r (fattur tal-aġġustament 'l isfel)

    Jekk jintużaw aktar minn żewġ kejlijiet bejn il-fażijiet tar-riġenerazzjoni sabiex jiġu ddeterminati l-emissjonijiet, dawn il-kejlijiet ulterjuri għandhom jittieħdu f'intervalli ugwali u għandha tittieħed medja aritmetika.

    4.6.1.2.   Emissjonijiet gassużi ponderati

    L-emissjoni tal-komponenti gassużi Mgass (g/kWh) għas-sistemi b'riġenerazzjoni perjodika tiġi ddeterminata kif ġej.

    Mgass = Mgassr × F + (1 – F) × Mgasswor

    Fejn:

    F

    =

    il-frekwenza tal-avveniment ta' riġenerazzjoni f'termini ta' frazzjoni tat-testijiet li matula sseħħ ir-riġenerazzjoni

    Mgasswor

    =

    l-emissjoni speċifika medja minn test li fih ma sseħħx ir-riġenerazzjoni [g/kWh]

    Mgassr

    =

    l-emissjoni speċifika medja minn test li fih isseħħ ir-riġenerazzjoni [g/kWh]

    Il-manifattur jista' jagħżel, abbażi ta' analiżi inġineristika tajba, li jikkalkula fattur ta' aġġustament tar-riġenerazzjoni kr addittiv jew multiplikattiv, li jesprimi r-rata medja ta' emissjoni, kif ġej:

     

    k r = Mgass/Mgasswor (fattur tal-aġġustament multiplikattiv)

    jew

     

    k Ur = Mgass – Mgasswor (fattur tal-aġġustament 'il fuq)

    jew

     

    k Dr = Mgass – Mgassr (fattur tal-aġġustament 'l isfel)

    4.7.   Id-determinazzjoni tal-emissjonijiet ta' NO2

    L-ittestjar għandu jsir fuq il-magna tal-ittestjar magħżula permezz tal-kriterji deskritti fil-paragrafu 12 ta' dan ir-Regolament.

    4.7.1.   L-għażla tal-REC ta' tnaqqis tal-partikuli għad-determinazzjoni tal-NO2.

    L-REC użat għall-ittestjar jista' jkun differenti mill-REC użat fil-paragrafu 4.5 ta' dan l-Anness. L-REC ta' tnaqqis tal-partikuli li jrid jiġi ttestjat għandu jkun:

    (a)

    REC ta' tnaqqis tal-partikuli bl-akbar volum attiv u, jekk jintuża katalizzatur tal-ossidazzjoni tad-diżil (DOC) 'il fuq, il-konvertitur katalitiku bl-akbar superfiċje attiva u

    (b)

    L-REC ta' tnaqqis tal-partikuli li jkun fih iċ-ċarġ massimu ta' platinu biċ-ċarġ totali massimu ta' materjal attiv b'mod katalitiku fi ħdan il-familja ta' REC definita.

    L-REC ta' tnaqqis tal-partikuli magħżul għandu jitwaħħal b'tali mod li tkun tista' tinkiseb l-iqsar distanza bejn il-magna u l-REC ta' tnaqqis tal-partikuli, kif speċifikata fil-firxa tal-applikazzjoni għall-REC ta' tnaqqis tal-partikuli.

    L-REC ta' tnaqqis tal-partikuli għandu jinħatt mit-tagħbija u ma għandux jitħaddem għal aktar minn 125 siegħa.

    4.7.2.   Id-determinazzjoni tal-emissjonijiet ta' NO2

    Għandhom jitwettqu tliet ċikli tat-test WHTC jew NRTC suċċessivi, kif xieraq għall-applikazzjoni. L-emissjonijiet għandhom jiġu ddeterminati fuq it-tliet ċikli kollha u tittieħed medja tagħhom. Jekk il-firxa ta' dawn ir-riżultati tkun akbar minn ± 15 fil-mija tal-medja, mela għandu jitwettaq ċiklu tat-test addizzjonali.

    Il-kalkolu tal-emissjonijiet ta' NOx u NO2 għandu jiġi ddeterminat għall-magni CI użati f'vetturi tal-kategoriji M u N fuq iċ-ċiklu WHTC sħiħ.

    Għall-magni CI użati f'makkinarju mobbli mhux intiż għat-triq jew għall-vetturi tal-Kategorija T li jkollhom potenza netta installata ogħla minn 18 kW, iżda mhux aktar minn 560 kW, il-kalkolu tal-emissjonijiet ta' NOx u NO2 għandu jiġi ddeterminat fuq iċ-ċiklu NRTC sħiħ.

    5.   ĊIKLI TAT-TEST

    5.1.   F'każijiet fejn l-approvazzjoni tal-magna li magħha għandu jintuża l-REC tkun approvazzjoni intiża għat-triq (imwettqa f'konformità mar-Regolament Nru 49), iċ-ċiklu tat-test li jrid jintuża għall-approvazzjoni tal-REC għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 49 li għalih qed tintalab l-approvazzjoni tal-REC.

    5.2.   Meta l-magna tkun qed tintuża f'applikazzjoni intiża għat-triq u jkollha approvazzjoni maħruġa f'konformità mar-rekwiżiti tar-Regolament Nru 49, iċ-ċiklu tat-test li jrid jintuża għall-istabbiliment tal-emissjonijiet bażi tal-magna għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 49 li għalih il-magna għandha approvazzjoni.

    5.3.   Meta l-magna tkun qed tintuża f'applikazzjoni intiża għat-triq iżda ma jkollha ebda approvazzjoni maħruġa f'konformità mar-rekwiżiti tar-Regolament Nru 49, iċ-ċiklu tat-test li jrid jintuża għall-istabbiliment tal-emissjonijiet bażi tal-magna għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 49 li għalih tkun qed tintalab l-approvazzjoni tal-REC.

    5.4.   F'każijiet fejn l-approvazzjoni tal-magna li magħha għandu jintuża l-REC tkun approvazzjoni mhux intiża għat-triq (imwettqa f'konformità mar-Regolament Nru 96), iċ-ċiklu tat-test li jrid jintuża għall-approvazzjoni tal-REC għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 96 li għalih qed tintalab l-approvazzjoni tal-REC.

    5.5.   Meta l-magna tkun qed tintuża f'applikazzjoni mhux intiża għat-triq u jkollha approvazzjoni maħruġa f'konformità mar-rekwiżiti tar-Regolament Nru 96, iċ-ċiklu tat-test li jrid jintuża għall-istabbiliment tal-emissjonijiet bażi tal-magna għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 96 li għalih il-magna għandha approvazzjoni.

    5.6.   Meta l-magna tkun qed tintuża f'applikazzjoni mhux intiża għat-triq iżda ma jkollha ebda approvazzjoni maħruġa f'konformità mar-rekwiżiti tar-Regolament Nru 96, iċ-ċiklu tat-test li jrid jintuża għall-istabbiliment tal-emissjonijiet bażi tal-magna għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 96 li għalih tkun qed tintalab l-approvazzjoni tal-REC.

    5.7.   Għall-finijiet tal-istabbiliment tal-effiċjenza tal-REC u tal-emissjonijiet ta' NO2, iċ-ċiklu tat-test xieraq huwa dak definit fil-paragrafu 8.3 ta' dan ir-Regolament.

    ANNESS 6

    ITTESTJAR TA' REC TA' TNAQQIS TA' NOx (REC TAL-KLASSI III)

    L-ittestjar ta' REC ta' tnaqqis ta' Nox isir fis-serje ta' stadji li ġejjin, inkluża valutazzjoni tal-emissjonijiet ta' inkwinanti sekondarji u determinazzjoni tal-emissjonijiet ta' NO2:

    1.   IT-TWETTIQ TA' PROVA TAL-AKKUMULAZZJONI TAS-SERVIZZ.

    Il-prova tal-akkumulazzjoni tas-servizz għandha ssir f'konformità mar-rekwiżiti tal-paragrafu 9 ta' dan ir-Regolament.

    2.   L-ISTABBILIMENT TAL-EMISSJONIJIET BAŻI TAL-MAGNA U L-KONSUM TA' FJUWIL SPEĊIFIKU MINGĦAJR REC IMMUNTAT

    2.1.   L-emissjonijiet bażi tal-magna jiġu stabbiliti permezz tat-twettiq ta' test tal-emissjonijiet fuq is-sistema tal-magna mingħajr l-REC f'konformità mar-rekwiżiti tar-Regolament Nru 49 jew tar-Regolament Nru 96, kif xieraq għall-applikazzjoni u l-livell tal-approvazzjoni tat-tip tal-magna bażi.

    2.2.   Sabiex tkun tista' tiġi ddeterminata l-effiċjenza tat-tnaqqis, l-emissjonijiet jiġu stabbiliti b'mod addizzjonali permezz tat-twettiq ta' test tal-emissjonijiet f'konformità mar-rekwiżiti tal-paragrafu 8.3 ta' dan ir-Regolament.

    2.3.   Il-konsum tal-fjuwil speċifiku (g/kWh) għandu jiġi stabbilit permezz tat-twettiq tat-test tal-emissjonijiet imsemmi fil-paragrafu 2.2 ta' dan l-Anness.

    3.   ID-DETERMINAZZJONI TAL-EMISSJONIJIET, TAL-KONSUM TAL-FJUWIL SPEĊIFIKU U TAL-EFFIĊJENZA TAT-TNAQQIS BL-REC IMMUNTAT WARA PROVA TAL-AKKUMULAZZJONI TAS-SERVIZZ.

    3.1.   L-emissjonijiet jiġu ddeterminati permezz tat-twettiq ta' test tal-emissjonijiet f'konformità mar-rekwiżiti tar-Regolament Nru 49 jew tar-Regolament Nru 96, kif xieraq għall-applikazzjoni intiża u l-livell ta' emissjoni intiż tal-REC kandidat b'REC immuntat f'konformità mar-rekwiżiti ta' dan ir-Regolament.

    3.2.   Sabiex tkun tista' tiġi ddeterminata l-effiċjenza tat-tnaqqis, l-emissjonijiet jiġu stabbiliti b'mod addizzjonali permezz tat-twettiq ta' test tal-emissjonijiet bl-REC immuntat f'konformità mar-rekwiżiti tal-paragrafu 8.3 ta' dan ir-Regolament.

    3.3.   Il-konsum tal-fjuwil speċifiku (g/kWh) għandu jiġi stabbilit permezz tat-twettiq tat-test tal-emissjonijiet imsemmi fil-paragrafu 3.2 ta' dan l-Anness.

    4.   IL-KRITERJI TAL-VALUTAZZJONI GĦAL REC TA' TNAQQIS TAL-NOx

    It-test tas-sistema ta' REC, tal-REC ta' tnaqqis tal-NOx jitqies bħala sodisfaċenti jekk jiġu ssodisfati l-emissjonijiet gassużi u l-emissjonijiet ta' partikolati mkejla kif definit fil-paragrafu 8 ta' dan ir-Regolament.

    4.1.   Inkwinanti rregolati

    L-emissjonijiet tal-inkwinanti rregolati (CO, HC, PM u NOx) fil-kundizzjoni inizjali għandhom ikunu fi ħdan il-valuri ta' limitu għall-istadju jew l-istandard tal-emissjonijiet li għalihom il-magna oriġinarjament kellha t-tip tagħha approvat.

    4.2.   Il-proporzjon ta' NO2 għal NOx għall-kundizzjoni inizjali u għall-kundizzjoni mmodifikata għandu jiġi rreġistrat u muri fir-rapport tat-test.

    Id-determinazzjoni tal-emissjonijiet tal-massa ta' NO2 u NOx għandha ssir permezz ta' kejl simultanju f'konformità mal-paragrafu 13.2 ta' dan ir-Regolament.

    4.3.   Determinazzjoni tal-emissjonijiet ta' NO2

    L-ittestjar għandu jsir fuq il-magna tal-ittestjar magħżula permezz tal-kriterji deskritti fil-paragrafu 12 ta' dan ir-Regolament.

    Għandhom jitwettqu tliet ċikli tat-test WHTC jew NRTC suċċessivi, kif xieraq għall-applikazzjoni. L-emissjonijiet għandhom jiġu ddeterminati fuq it-tliet ċikli kollha u tittieħed medja tagħhom. Jekk il-firxa ta' dawn ir-riżultati tkun akbar minn ± 15 fil-mija tal-medja, mela għandu jitwettaq ċiklu tat-test addizzjonali.

    Il-kalkolu tal-emissjonijiet ta' NOx u NO2 għandu jiġi ddeterminat għall-magni CI użati f'vetturi tal-kategoriji M u N fuq iċ-ċiklu WHTC sħiħ.

    Għall-magni CI użati f'makkinarju mobbli mhux intiż għat-triq jew għall-vetturi tal-Kategorija T li jkollhom potenza netta installata ogħla minn 18 kW, iżda mhux aktar minn 560 kW, il-kalkolu tal-emissjonijiet ta' NOx u NO2 għandu jiġi ddeterminat fuq iċ-ċiklu NRTC sħiħ.

    5.   ĊIKLI TAT-TEST

    5.1.   F'każijiet fejn l-approvazzjoni tal-magna li magħha għandu jintuża l-REC tkun approvazzjoni intiża għat-triq (imwettqa f'konformità mar-Regolament Nru 49), iċ-ċiklu tat-test li jrid jintuża għall-approvazzjoni tal-REC għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 49 li għalih qed tintalab l-approvazzjoni tal-REC.

    5.2.   Meta l-magna tkun qed tintuża f'applikazzjoni intiża għat-triq u jkollha approvazzjoni maħruġa f'konformità mar-rekwiżiti tar-Regolament Nru 49, iċ-ċiklu tat-test li jrid jintuża għall-istabbiliment tal-emissjonijiet bażi tal-magna għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 49 li għalih il-magna għandha approvazzjoni.

    5.3.   Meta l-magna tkun qed tintuża f'applikazzjoni intiża għat-triq iżda ma jkollha ebda approvazzjoni maħruġa f'konformità mar-rekwiżiti tar-Regolament Nru 49, iċ-ċiklu tat-test li jrid jintuża għall-istabbiliment tal-emissjonijiet bażi tal-magna għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 49 li għalih tkun qed tintalab l-approvazzjoni tal-REC.

    5.4.   F'każijiet fejn l-approvazzjoni tal-magna li magħha għandu jintuża l-REC tkun approvazzjoni mhux intiża għat-triq (imwettqa f'konformità mar-Regolament Nru 96), iċ-ċiklu tat-test li jrid jintuża għall-approvazzjoni tal-REC għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 96 li għalih qed tintalab l-approvazzjoni tal-REC.

    5.5.   Meta l-magna tkun qed tintuża f'applikazzjoni mhux intiża għat-triq u jkollha approvazzjoni maħruġa f'konformità mar-rekwiżiti tar-Regolament Nru 96, iċ-ċiklu tat-test li jrid jintuża għall-istabbiliment tal-emissjonijiet bażi tal-magna għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 96 li għalih il-magna għandha approvazzjoni.

    5.6.   Meta l-magna tkun qed tintuża f'applikazzjoni mhux intiża għat-triq iżda ma jkollha ebda approvazzjoni maħruġa f'konformità mar-rekwiżiti tar-Regolament Nru 96, iċ-ċiklu tat-test li jrid jintuża għall-istabbiliment tal-emissjonijiet bażi tal-magna għandu jkun iċ-ċiklu tat-test assoċjat mal-istadju tal-emissjonijiet fir-Regolament Nru 96 li għalih tkun qed tintalab l-approvazzjoni tal-REC.

    5.7.   Għall-finijiet tal-istabbiliment tal-effiċjenza tal-REC u tal-emissjonijiet ta' NO2, iċ-ċiklu tat-test xieraq huwa dak definit fil-paragrafu 8.3 ta' dan ir-Regolament.

    ANNESS 7

    TESTIJIET TA' REC TA' TNAQQIS TA' PM U NOx (REC TA' KLASSI IV)

    L-ittestjar ta' REC ta' tnaqqis ta' PM u NOx isir fis-serje ta' stadji li ġejjin, inkluża valutazzjoni tal-emissjonijiet ta' inkwinanti sekondarji u determinazzjoni tal-emissjonijiet ta' NO2.

    1.   IT-TWETTIQ TA' PROVA TAL-AKKUMULAZZJONI TAS-SERVIZZ

    Il-prova tal-akkumulazzjoni tas-servizz għandha ssir f'konformità mar-rekwiżiti tal-paragrafu 9 ta' dan ir-Regolament.

    2.   L-ISTABBILIMENT TAL-EMISSJONIJIET BAŻI TAL-MAGNA U L-KONSUM TA' FJUWIL SPEĊIFIKU MINGĦAJR REC IMMUNTAT

    It-testijiet ta' REC ta' tnaqqis ta' PM u NOx għandhom jissodisfaw ir-rekwiżiti rilevanti għall-ittestjar għal kull wieħed mill-inkwinanti stabbiliti fil-paragrafu 2 tal-Anness 5 ta' dan ir-Regolament u fil-paragrafu 2 tal-Anness 6 ta' dan ir-Regolament.

    3.   ID-DETERMINAZZJONI TAL-EMISSJONIJIET, TAL-KONSUM TAL-FJUWIL SPEĊIFIKU U TAL-EFFIĊJENZA TAT-TNAQQIS BL-REC IMMUNTAT WARA PROVA TAL-AKKUMULAZZJONI TAS-SERVIZZ

    It-testijiet ta' REC ta' tnaqqis ta' PM u NOx għandhom jissodisfaw ir-rekwiżiti rilevanti għall-ittestjar għal kull wieħed mill-inkwinanti stabbiliti fil-paragrafu 3 tal-Anness 5 ta' dan ir-Regolament u fil-paragrafu 3 tal-Anness 6 ta' dan ir-Regolament.

    4.   IL-KRITERJI TAL-VALUTAZZJONI GĦAL REC TA' TNAQQIS TA' PM U NOx

    4.1.   It-testijiet ta' REC ta' tnaqqis ta' PM u NOx għandhom jissodisfaw ir-rekwiżiti rilevanti għall-ittestjar għal kull wieħed mill-inkwinanti stabbiliti fil-paragrafu 4 tal-Anness 5 ta' dan ir-Regolament u fil-paragrafu 4 tal-Anness 6 ta' dan ir-Regolament, ħlief kif indikat fil-paragrafu 4.2 ta' dan l-Anness.

    4.2.   Għal REC tal-Klassi IV b'REC ta' tnaqqis ta' partikuli installat 'il fuq mill-REC ta' tnaqqis ta' NOx, il-paragrafu 4.7.1 tal-Anness 5 ta' dan ir-Regolament ma għandux japplika.

    5.   ĊIKLI TAT-TEST

    5.1.   It-testijiet ta' REC ta' tnaqqis ta' PM u NOx għandhom jitwettqu bl-użu taċ-ċikli tat-test li jissodisfaw ir-rekwiżiti kollha tal-Anness 5 u tal-Anness 6 ta' dan ir-Regolament.

    ANNESS 8

    SEKWENZI TAL-ITTESTJAR

    1.   IS-SEKWENZA TAL-ITTESTJAR GĦAL REC TA' TNAQQIS TAL-PARTIKULI

    Image

    2.   IS-SEKWENZA TAL-ITTESTJAR GĦAL REC TA' TNAQQIS TAL-NOx

    Image

    3.   IS-SEKWENZA TAL-ITTESTJAR GĦAL REC TA' TNAQQIS TAL-PARTIKULI U TAL-NOx

    Image

    ANNESS 9

    TABELLI TAL-EKWIVALENZA TAL-VALUR TA' LIMITU

    1.

    Ir-rekwiżiti għal kull tip ta' REC f'termini tal-issodisfar tal-limiti tal-istadju tal-emissjonijiet aktar strett li jmiss, kif rikjest mill-paragrafu 8.2 ta' dan ir-Regolament, huma murija fit-tabelli ta' hawn taħt.

    2.

    It-tabelli ta' hawn taħt juru l-limiti tal-emissjonijiet fi g/kWh li jkunu jridu jiġu ssodisfati sabiex tinkiseb l-ekwivalenza għall-istandard muri minn kull bażi.

    3.

    Ir-rekwiżiti tal-effiċjenza spjegati fid-dettall fil-paragrafu 8.3 ta' dan ir-Regolament jistgħu jirrikjedu li l-emissjonijiet imkejla jkunu aktar baxxi minn dawn il-valuri ta' limitu.

    Tabella A9/1

    Matriċi tal-ekwivalenza għas-serje standard tar-Regolament Nru 49

    Limiti tal-emissjonijiet f'g/kWh

    Bażi (*)

    Komponent

    Klassi I/IIA/IIB

    Għall-istandard ta'

    Klassi III

    Għall-istandard ta'

    Klassi IV

    Għall-istandard ta'

    A

    B1

    B2

    C

    A

    B1

    B2

    A

    B1

    B2

    C

    Qabel A

    NOx

    (ESC)

    —

    —

    —

    —

    5,0

    3,5

    2,0

    5,0

    3,5

    2,0

    2,0

    (ETC)

    —

    —

    —

    —

    5,0

    3,5

    2,0

    5,0

    3,5

    2,0

    2,0

    PM

    (ESC)

    0,10 (1)

    0,02

    0,02

    0,02

    —

    —

    —

    0,10 (1)

    0,02

    0,02

    0,02

    (ETC)

    0,16 (2)

    0,03

    0,03

    0,02

    —

    —

    —

    0,16 (2)

    0,03

    0,03

    0,02


    Bażi (*)

    Komponent

    Klassi I/IIA/IIB

    Għall-istandard ta'

    Klassi III

    Għall-istandard ta'

    Klassi IV

    Għall-istandard ta'

    B1

    B2

    C

     

    B1

    B2

    C

    B1

    B2

    C

     

    A

    NOx

    (ESC)

    —

    —

    —

     

    3,5

    2,0

    2,0

    3,5

    2,0

    2,0

     

    (ETC)

    —

    —

    —

     

    3,5

    2,0

    2,0

    3,5

    2,0

    2,0

     

    PM

    (ESC)

    0,02

    0,02

    0,02

     

    —

    —

    —

    0,02

    0,02

    0,02

     

    (ETC)

    0,03

    0,03

    0,02

     

    —

    —

    —

    0,03

    0,03

    0,02

     


    Bażi (*)

    Komponent

    Klassi I/IIA/IIB

    Għall-istandard ta'

    Klassi III

    Għall-istandard ta'

    Klassi IV

    Għall-istandard ta'

    B2

    C

    D

     

    B2

    C

    D

    B2

    C

    D

     

    B1

    NOx

    (ESC)

    —

    —

    —

     

    2,0

    2,0

     

    2,0

    2,0

    —

     

    (ETC)

    —

    —

    —

     

    2,0

    2,0

     

    2,0

    2,0

    —

     

    (WHSC)

    —

    —

    —

     

    —

    —

    0,4

    —

    —

    0,4

     

    (WHTC)

    —

    —

    —

     

    —

    —

    0,46

    —

    —

    0,46

     

    PM

    (ESC)

    0,02

    0,02

    —

     

    —

    —

    —

    0,02

    0,02

    —

     

    (ETC)

    0,03

    0,02

    —

     

    —

    —

    —

    0,03

    0,02

    —

     

    (WHSC)

    —

    —

    0,01

     

    —

    —

    —

    —

    —

    0,01

     

    (WHTC)

    —

    —

    0,01

     

    —

    —

    —

    —

    —

    0,01

     


    Bażi (*1)

    Komponent

    Klassi I/IIA/IIB

    Għall-istandard ta'

    Klassi III

    Għall-istandard ta'

    Klassi IV

    Għall-istandard ta'

    C

    D

     

     

    C

    D

     

    C

    D

     

     

    B2

    NOx

    (ESC)

    —

    —

     

     

    2,0

    —

     

    2,0

    —

     

     

    (ETC)

    —

    —

     

     

    2,0

    —

     

    2,0

    —

     

     

    (WHSC)

    —

    —

     

     

    —

    0,4

     

    —

    0,4

     

     

    (WHTC)

    —

    —

     

     

    —

    0,46

     

    —

    0,46

     

     

    PM

    (ESC)

    0,02

    —

     

     

    —

    —

     

    0,02

    —

     

     

    (ETC)

    0,02

    —

     

     

    —

    —

     

    0,02

    —

     

     

    (WHSC)

    —

    0,01

     

     

    —

    —

     

    —

    0,01

     

     

    (WHTC)

    —

    0,01

     

     

    —

    —

     

    —

    0,01

     

     


    Tabella A9/2

    Matriċi ta' Ekwivalenza għar-Regolament Nru 96/Klassi I/II ta' REC

    Bażi (*2)

    Potenza Netta

    [kW]

    Komponent

    [g/kWh]

    Klassi I/II, għall-istandard ta'

    H

    I

    J

    K

    L

    M

    N

    P

    Q

    R

    E

    130 ≤ P ≤ 560

    PM

    —

    —

    —

    —

    0,025

    —

    —

    —

    0,025

    —

    F

    75 ≤ P < 130

    PM

    —

    —

    —

    —

    —

    0,025

    —

    —

    —

    0,025

    G

    37 ≤ P < 75

    PM

    —

    —

    —

    —

    —

    —

    0,025 (3)

    0,025 (4)

    —

    0,025 (3)

    D

    18 ≤ P < 37

    PM

    —

    —

    —

    0,6 (5)

    —

    —

    —

    —

    —

    —

     

    H

    130 ≤ P ≤ 560

    PM

    —

    —

    —

    —

    0,025

    —

    —

    —

    0,025

    —

    I

    75 ≤ P < 130

    PM

    —

    —

    —

    —

    —

    0,025

    —

    —

    —

    0,025

    J

    37 ≤ P < 75

    PM

    —

    —

    —

    —

    —

    —

    0,025 (3)

    0,025 (4)

    —

    0,025 (3)

    K

    19 ≤ P < 37

    PM

    —

    —

    —

    —

    —

    —

    —

    —

    —

    —

     

    L

    130 ≤ P ≤ 560

    PM

    —

    —

    —

    —

    —

    —

    —

    —

    —

    —

    M

    75 ≤ P < 130

    PM

    —

    —

    —

    —

    —

    —

    —

    —

    —

    —

    N

    56 ≤ P < 75

    PM

    —

    —

    —

    —

    —

    —

    —

    —

    —

    —

    P

    37 ≤ P < 56

    PM

    —

    —

    —

    —

    —

    —

    —

    —

    —

    —


    Tabella A9/3

    Matriċi ta' Ekwivalenza għar-Regolament Nru 96/REC tal-Klassi III

    Bażi (*3)

    Potenza Netta

    [kW]

    Komponent

    [g/kWh]

    Klassi III, għall-istandard ta'

    H

    I

    J

    K

    L

    M

    N

    P

    Q

    R

    E

    130 ≤ P ≤ 560

    NOx

    4,0 (9)

    —

    —

    —

    2,0

    —

    —

    —

    0,4

    —

    F

    75 ≤ P < 130

    NOx

    —

    4,0 (9)

    —

    —

    —

    3,3

    —

    —

    —

    0,4

    G

    37 ≤ P < 75

    NOx

    —

    —

    4,7 (9)

    —

    —

    —

    3,3 (6)

    4,7 (7)  (9)

    —

    0,4 (6)

    D

    18 ≤ P < 37

    NOx

    —

    —

    —

    7,5 (8)  (9)

    —

    —

    —

    —

    —

    —

     

    H

    130 ≤ P ≤ 560

    NOx  (8)

    —

    —

    —

    —

    2,0

    —

    —

    —

    0,4

    —

    I

    75 ≤ P < 130

    NOx  (8)

    —

    —

    —

    —

    —

    3,3

    —

    —

    —

    0,4

    J

    37 ≤ P < 75

    NOx  (8)

    —

    —

    —

    —

    —

    —

    3,3 (6)

    4,7 (7)  (9)

    —

    0,4 (6)

    K

    19 ≤ P < 37

    NOx  (8)

    —

    —

    —

    —

    —

    —

    —

    —

    —

    —

     

    L

    130 ≤ P ≤ 560

    NOx

    —

    —

    —

    —

    —

    —

    —

    —

    0,4

    —

    M

    75 ≤ P < 130

    NOx

    —

    —

    —

    —

    —

    —

    —

    —

    —

    0,4

    N

    56 ≤ P < 75

    NOx

    —

    —

    —

    —

    —

    —

    —

    —

    —

    0,4

    P

    37 ≤ P < 56

    NOx

    —

    —

    —

    —

    —

    —

    —

    —

    —

    —


    Tabella A9/4

    Matriċi ta' Ekwivalenza għar-Regolament Nru 96/REC tal-Klassi IV

    Bażi (*4)

    Potenza Netta

    [kW]

    Komponent

    [g/kWh]

    Klassi IV, għall-istandard ta'

    H

    I

    J

    K

    L

    M

    N

    P

    Q

    R

    E

    130 ≤ P ≤ 560

    PM

    —

    —

    —

    —

    0,025

    —

    —

    —

    0,025

    —

    NOx

    4,0 (13)

    —

    —

    —

    2,0

    —

    —

    —

    0,4

    —

    F

    75 ≤ P < 130

    PM

    —

    —

    —

    —

    —

    0,025

    —

    —

    —

    0,025

    NOx

    —

    4,0 (13)

    —

    —

    —

    3,3

    —

    —

    —

    0,4

    G

    37 ≤ P < 75

    PM

    —

    —

    —

    —

    —

    —

    0,025 (10)

    0,025 (11)

    —

    0,025 (10)

    NOx

    —

    —

    4,7 (13)

    —

    —

    —

    3,3 (10)

    4,7 (11)  (13)

    —

    0,4 (10)

    D

    18 ≤ P < 37

    PM

    —

    —

    —

    0,6 (12)

    —

    —

    —

    —

    —

    —

    NOx

    —

    —

    —

    7,5 (12)  (13)

    —

    —

    —

    —

    —

    —

     

    H

    130 ≤ P ≤ 560

    PM

    —

    —

    —

    —

    0,025

    —

    —

    —

    0,025

    —

    NOx  (12)

    —

    —

    —

    —

    2,0

    —

    —

    —

    0,4

    —

    I

    75 ≤ P < 130

    PM

    —

    —

    —

    —

    —

    0,025

    —

    —

    —

    0,025

    NOx  (12)

    —

    —

    —

    —

    —

    3,3

    —

    —

    —

    0,4

    J

    37 ≤ P < 75

    PM

    —

    —

    —

    —

    —

    —

    0,025 (10)

    0,025 (11)

    —

    0,025 (10)

    NOx  (12)

    —

    —

    —

    —

    —

    —

    3,3 (10)

    4,7 (11)  (13)

    —

    0,4 (10)

    K

    19 ≤ P < 37

    PM

    —

    —

    —

    —

    —

    —

    —

    —

    —

    —

    NOx  (12)

    —

    —

    —

    —

    —

    —

    —

    —

    —

    —

     

    L

    130 ≤ P ≤ 560

    PM

    —

    —

    —

    —

    —

    —

    —

    —

    —

    —

    NOx

    —

    —

    —

    —

    —

    —

    —

    —

    0,4

    —

    M

    75 ≤ P < 130

    PM

    —

    —

    —

    —

    —

    —

    —

    —

    —

    —

    NOx

    —

    —

    —

    —

    —

    —

    —

    —

    —

    0,4

    N

    56 ≤ P < 75

    PM

    —

    —

    —

    —

    —

    —

    —

    —

    —

    —

    NOx

    —

    —

    —

    —

    —

    —

    —

    —

    —

    0,4

    P

    37 ≤ P < 56

    PM

    —

    —

    —

    —

    —

    —

    —

    —

    —

    —

    NOx

    —

    —

    —

    —

    —

    —

    —

    —

    —

    —

    (1)  0,13 g/kWh għall-magni li għandhom ċilindrata ta' inqas minn 0,75 dm3 għal kull ċilindru u veloċità ta' potenza nominali ta' aktar minn 3 000 min– 1

    (2)  0,21 g/kWh għall-magni li għandhom ċilindrata ta' inqas minn 0,75 dm3 għal kull ċilindru u veloċità ta' potenza nominali ta' aktar minn 3 000 min– 1

    (*1)  Fejn A, B1, B2 u C jikkorrispondu għall-valuri ta' limitu fit-tabelli 1 u 2 tas-serje 05 ta' emendi tar-Regolament Nru 49 u D tikkorrispondi għall-valuri ta' limitu fis-serje 06 ta' emendi tar-Regolament Nru 49.

    (3)  Għal magni 56 ≤ P < 75 biss

    (4)  Għal magni 37 ≤ P < 56 biss

    (5)  Għal magni 19 ≤ P < 37 biss, Il-magni 18 ≤ P < 19 għandhom jiġu ttrattati li ma għandhom ebda stadju ulterjuri

    (*2)  Fejn il-bażi tikkorrispondi għal dik fir-Regolament Nru 96, Reviżjoni 2.

    (6)  Għal magni 56 ≤ P < 75 biss

    (7)  Għal magni 37 ≤ P < 56 biss

    (8)  Għal magni 19 ≤ P < 37 biss, Il-magni 18 ≤ P < 19 għandhom jiġu ttrattati li ma għandhom ebda stadju ulterjuri

    (9)  Total tal-idrokarburi u tal-ossidi tan-nitroġenu

    (*3)  Fejn il-bażi tikkorrispondi għal dik fir-Regolament Nru 96, Reviżjoni 2.

    (10)  Għal magni 56 ≤ P < 75 biss

    (11)  Għal magni 37 ≤ P < 56 biss

    (12)  Għal magni 19 ≤ P < 37 biss. Il-magni 18 ≤ P < 19 għandhom jiġu ttrattati li ma għandhom ebda stadju ulterjuri.

    (13)  Total tal-idrokarburi u tal-ossidi tan-nitroġenu

    (*4)  Fejn il-bażi tikkorrispondi għal dik fir-Regolament Nru 96, Reviżjoni 2.

    ANNESS 10

    Rekwiżiti tas-sistema dijanjostika ta' kontroll ta' NOx għal REC ta' tnaqqis tal-NOx jew ta' tnaqqis tal-NOx u tal-partikuli li jirrikjedu reaġent

    1.   INTRODUZZJONI

    Dan l-Anness jistabbilixxi r-rekwiżiti tas-sistema dijanjostika ta' kontroll ta' NOx (NCD) għal REC ta' tnaqqis tal-NOx jew ta' tnaqqis tal-NOx u tal-partikuli li jiddependu fuq l-użu ta' reaġent sabiex jitnaqqsu l-emissjonijiet ta' NOx.

    2.   REKWIŻITI DIJANJOSTIĊI

    2.1.   Is-sistema tal-NCD għandha tkun kapaċi tidentifika l-ħsarat relatati mal-REC ikkunsidrati minn dan l-Anness permezz ta' messaġġi ta' ħsara maħżuna fil-memorja tal-kompjuter tal-REC u tikkomunika dik l-informazzjoni off-board fuq talba.

    2.2.   Is-sistema tal-NCD għandha tirreġistra messaġġ ta' ħsara għal kull ħsara distinta.

    2.3.   Is-sistema tal-NCD għandha tikkonkludi jekk hemmx xi ħsara preżenti.

    2.3.1.   Il-ħsara għandha tiġi identifikata fi żmien 60 minuta mit-tħaddim, ħlief għall-każijiet stipulati fil-paragrafi 2.3.1.1 u 2.3.2 ta' dan l-Anness.

    2.3.1.1.   F'każijiet fejn ikunu meħtieġa aktar minn 60 minuta ta' tħaddim sabiex il-moniters jidentifikaw bi preċiżjoni u jikkonfermaw ħsara, l-Awtorità tal-Approvazzjoni tat-Tip tista' tippermetti li jkun hemm perjodu itwal għall-monitoraġġ, diment li l-manifattur tal-REC jiġġustifika l-ħtieġa għall-perjodu itwal (pereżempju, permezz ta' raġunament tekniku, riżultati ta' esperimenti, esperjenza interna).

    2.3.2.   Il-ħsara għandha tiġi identifikata fi żmien 10 minuti tmit-tħaddim għall-monitoraġġ tal-livell ta' reaġent u għall-identifikazzjoni tad-dożaġġ għal sistema ta' REC mhux imsaħħna.

    2.4.   Il-messaġġi ta' ħsarat ma għandhomx jitħassru mis-sistema ta' NCD innifisha mill-memorja tal-kompjuter ta' REC sakemm tkun ġiet irrimedjata l-ħsara relatata ma' dak il-messaġġ, ħlief għall-każ stipulat fil-paragrafu 6.1.4 ta' dan l-Anness.

    2.5.   Kwalunkwe kodiċi tal-kompjuter riprogrammabbli jew parametru operazzjonali tas-sistema ta' NCD għandu jkun reżistenti għat-tbagħbis u jagħti livell ta' protezzjoni li jkun mill-inqas tajjeb daqs dak tad-dispożizzjonijiet f'ISO 15031-7 (SAE J 2186) jew SAE J1939-73

    3.   FAMILJA TA' NCD

    3.1.   Il-manifattur tal-REC huwa responsabbli għad-determinazzjoni tal-kompożizzjoni ta' familja ta' NCD. Ir-raggruppament tal-magni fi ħdan familja ta' NCD għandu jkun ibbażat fuq ġudizzju inġineristiku tajjeb u jkun soġġett għal approvazzjoni mill-Awtorità tal-Approvazzjoni tat-Tip.

    Il-magni li ma jappartjenux għall-istess familja ta' magni, inklużi magni minn manifatturi tal-magni differenti, xorta jistgħu jkunu jappartjenu għall-istess familja ta' NCD.

    3.2.   Il-parametri li jiddefinixxu familja ta' NCD

    3.2.1.   Familja ta' NCD tista' tkun ikkaratterizzata minn parametri ta' disinn bażiku li għandhom ikunu komuni għas-sistemi tal-NCD fi ħdan il-familja.

    3.2.2.   Sabiex is-sistemi tal-NCD jitqiesu li jappartjenu għall-istess familja ta' NCD, il-lista li ġejja ta' parametri bażiċi għandha tkun simili:

    (a)

    Is-sistemi ta' kontroll tal-emissjonijiet ta' NOx;

    (b)

    Il-metodi ta' monitoraġġ tal-NCD;

    (c)

    Il-kriterji għall-monitoraġġ tal-NCD;

    (d)

    Il-parametri tal-monitoraġġ (eż. frekwenza).

    3.2.3.   Dawn is-similaritajiet għandhom jintwerew mill-manifattur tal-REC permezz ta' dimostrazzjoni ta' inġinerija rilevanti jew proċeduri xierqa oħrajn u jkunu soġġetti għall-approvazzjoni tal-Awtorità tal-Approvazzjoni tat-Tip.

    Il-manifattur jista' jitlob l-approvazzjoni mill-Awtorità tal-Approvazzjoni tat-Tip ta' differenzi żgħar fil-metodi ta' monitoraġġ/dijanjożi tas-sistema tal-NCD minħabba varjazzjoni fil-konfigurazzjoni tal-magna.

    4.   SISTEMA TA' TWISSIJA TAL-OPERATUR

    4.1.   L-REC għandu jinkludi sistema ta' twissija tal-operatur li tuża allarmi viżwali u li jinstemgħu li jinformaw lis-sewwieq jew lill-operatur meta jkunu nstabu livell baxx ta' reaġent, kwalità skorretta tar-reaġent, interruzzjoni tad-dożaġġ jew ħsara skont il-paragrafu 10 ta' dan l-Anness f'konformità mal-paragrafu 2.3 ta' dan l-Anness u li jwasslu għal attivazzjoni tas-sistema ta' inċitament tal-operatur deskritta fil-paragrafu 5 ta' dan l-Anness, jekk ma jiġux rettifikati fi żmien debitu.

    4.1.1.   Is-sistema ta' twissija tal-operatur ma għandhiex tiġi diżattivata jew injorata faċilment.

    4.2.   Is-sistema ta' twissija tal-operatur tista' tikkonsisti f'lampa waħda jew aktar, jew turi messaġġi qosra, inklużi messaġġi li jindikaw b'mod ċar:

    (a)

    Il-ħin li jifdal qabel l-attivazzjoni tal-inċitament;

    (b)

    L-ammont ta' inċitament, pereżempju, l-ammont ta' ħin għall-istartjar mill-ġdid;

    (c)

    Il-kundizzjonijiet li fihom tista' tiġi approvata d-diżattivazzjoni tal-vettura jew tal-makkinarju.

    4.3.   Mal-identifikazzjoni tal-ħsara f'konformità mal-paragrafu 2.3 ta' dan l-Anness, għandha tiġi attivata twissija viżwali f'konformità mal-paragrafu 4.2 ta' dan l-Anness.

    4.4.   Għandha tiġi attivata twissija li tinstema', minbarra t-twissija viżwali, 10 sigħat wara l-identifikazzjoni tal-ħsara.

    4.5.   Bejn 10 sigħat u 19-il siegħa wara l-identifikazzjoni tal-ħsara, it-twissijiet viżwali u li jinstemgħu għandhom jeskalaw fl-intensità tagħhom.

    4.6.   19-il siegħa wara l-identifikazzjoni tal-ħsara, is-sewwieq jew l-operatur għandu jiġi informat li, wara siegħa ta' tħaddim addizzjonali mingħajr ma tkun ġiet irrimedjata l-ħsara, il-magna ma tistartjax wara li tintefa.

    4.6.1.   Din it-twissija għandha tintwera b'mod ċar permezz ta':

    (a)

    Attivazzjoni tat-tieni lampa, li t-tifsira tagħha hija deskritta fil-manwal tal-REC; jew

    (b)

    Turija ta' messaġġ, pereżempju, “il-magna ma tistartjax wara li tintefa”.

    4.7.   Is-sistema ta' twissija tal-operatur għandha tiġi diżattivata meta ma jibqgħux jeżistu l-kundizzjonijiet għall-attivazzjoni tagħha. Is-sistema ta' twissija tal-operatur ma għandhiex tiġi diżattivata b'mod awtomatiku mingħajr ma tkun ġiet irrimedjata r-raġuni għall-attivazzjoni tagħha.

    4.8.   Bħala parti mill-applikazzjoni għall-approvazzjoni tat-tip, il-manifattur tal-REC għandu juri t-tħaddim tas-sistema ta' twissija tal-operatur, kif speċifikat fil-paragrafu 11 ta' dan l-Anness.

    5.   SISTEMA TA' INĊITAMENT TAL-OPERATUR

    5.1.   L-REC għandu jinkorpora sistema ta' inċitament tal-operatur li għandha tiġi attivata jekk il-ħsarat tas-sistema ta' REC ma jkunux ġew rettifikati fi żmien debitu.

    5.2.   Is-sistema ta' inċitament tal-operatur għandha tiġi attivata 20 siegħa wara l-identifikazzjoni tal-ħsara, sakemm ma jiġix irrimarkat mod ieħor fil-paragrafi 6.2 u 7.3 ta' dan l-Anness.

    5.3.   Il-kurrent dirett lejn l-istarter tal-magna (pereżempju, terminal 30 f'konformità ma' DIN 72552) għandu jiġi interrott, kif ġej:

    5.3.1.

    Għandu jiġi installat swiċċ ta' interruzzjoni bejn il-batterija u l-istarter tal-magna, li t-tħaddim tiegħu għandu jiġi kkontrollat mis-sistema ta' NCD.

    5.3.2.

    Il-konnetturi tal-iswiċċ ta' interruzzjoni għandhom ikunu magħmulin minn tagħmir tas-sikurezza ta' distakkament, bħal bolt ta' sikurezza, valv ta' distakkament jew tagħmir simili.

    5.4.   Wara li tintefa l-magna, ma għandux ikun possibbli li din terġa' tistartja għal 5 sigħat.

    5.5.   Bħala parti mill-applikazzjoni għall-approvazzjoni tat-tip, il-manifattur tal-REC għandu juri t-tħaddim tas-sistema ta' inċitament tal-operatur, kif speċifikat fil-paragrafu 11 ta' dan l-Anness.

    5.6.   Mal-approvazzjoni minn qabel tal-Awtorità tal-Approvazzjoni tat-Tip, l-REC jista' jiġi mgħammar b'tagħmir li jiddiżattiva s-sistema ta' inċitament tal-operatur matul emerġenza ddikjarata minn gvern nazzjonali jew reġjonali, is-servizzi ta' emerġenza tagħhom jew is-servizzi armati tagħhom.

    6.   REKWIŻITI SPEĊIFIĊI TAS-SISTEMA TA' INĊITAMENT U TA' TWISSIJA TAL-OPERATUR

    6.1.   Jekk ħsara ma tkunx ġiet irrimedjata wara l-istartjar mill-ġdid tal-magna f'konformità mal-paragrafu 5.4 ta' dan l-Anness, japplikaw id-dispożizzjonijiet li ġejjin:

    6.1.1.

    Is-sistema ta' twissija tal-operatur għandha tiġi attivata f'konformità mal-paragrafi 4.3 sa 4.7 ta' dan l-Anness.

    6.1.2.

    Is-sistema ta' inċitament tal-operatur għandha tiġi attivata f'konformità mal-paragrafi 5.2 u 5.3 ta' dan l-Anness, 20 siegħa wara l-identifikazzjoni tal-ħsara msemmija fil-paragrafu 6.1.1 ta' dan l-Anness.

    6.1.3.

    Wara li tintefa l-magna, ma għandux ikun possibbli li din terġa' tistartja għal 48 siegħa.

    6.1.4.

    Il-messaġġi tal-ħsarat li ma jitħassrux li jidentifikaw ir-raġuni tal-ħsarat tas-sistema ta' REC għandhom jinħażnu mis-sistema ta' NCD għal mill-inqas 400 jum.

    6.1.4.1.

    Il-messaġġi tal-ħsarat għandhom ikunu aċċessibbli permezz ta' għodda ġenerika għall-iskennjar, kif definita fil-paragrafu 3.36.1 ta' dan ir-Regolament.

    6.1.5.

    Jekk il-ħsara tkun ġiet irrimedjata wara li tkun intfiet il-magna, is-sistema ta' NCD tista' tippermetti li l-magna terġa' tiġi startjata qabel il-perjodu ta' 48 siegħa fuq talba ta' għodda proprjetarja għall-iskennjar, kif definita fil-paragrafu 3.36.2 ta' dan ir-Regolament, bl-użu ta' kodiċi ta' awtorizzazzjoni pprovdut mill-manifattur tal-REC jew minn negozjant awtorizzat, fuq talba.

    6.1.5.1.

    Il-manifattur tal-REC għandu jiżgura li jkun hemm disponibbli fis-suq għodod adegwati għas-servizz jew għan-negozjanti.

    6.1.5.2.

    Id-dispożizzjoni fil-paragrafu 6.1.5 ta' dan l-Anness ma għandhiex tintuża aktar minn darba.

    6.1.5.3.

    Id-dispożizzjonijiet tal-paragrafu 6.1.4 ta' dan l-Anness japplikaw.

    6.2.   Sistema ta' REC mhux imsaħħna

    6.2.1.   Is-sistema ta' twissija tal-operatur deskritta fil-paragrafu 4.3 ta' dan l-Anness għandha tiġi attivata jekk ma jseħħ l-ebda dożaġġ tar-reaġent f'temperatura ambjentali ta' ≤ 266 K (– 7 °C) f'konformità mal-paragrafu 2.3.2 ta' dan l-Anness.

    6.2.2.   Is-sistema ta' inċitament tal-operatur deskritta fil-paragrafi 5.3 sa 5.6 ta' dan l-Anness għandha tiġi attivata jekk ma jseħħ l-ebda dożaġġ tar-reaġent fi ħdan massimu ta' 70 minuta wara li tiġi startjata l-magna f'temperatura ambjentali ≤ 266 K (– 7 °C).

    7.   ID-DISPONIBBILTÀ TAR-REAĠENT

    7.1.   Indikatur tal-livell tar-reaġent

    Il-livell minimu ta' rendiment aċċettabbli għall-indikatur tar-reaġent huwa li għandu jindika, b'mod kontinwu, il-livell tar-reaġent waqt li s-sistema ta' twissija tal-operatur imsemmija fil-paragrafu 4 ta' dan l-Anness tkun attivata. L-indikatur tar-reaġent jista' jkun fil-forma ta' skrin analogu jew diġitali u jista' juri l-livell bħala proporzjon tal-kapaċità sħiħa tat-tank, l-ammont ta' reaġent li jkun fadal jew stima tas-sigħat operattivi li jkun fadal.

    7.2.   Attivazzjoni tas-sistema ta' twissija tal-operatur

    7.2.1.   Is-sistema ta' twissija tal-operatur għandha tiġi attivata f'konformità mal-paragrafu 4.3 ta' dan l-Anness meta l-livell tar-reaġent jinżel taħt

    (a)

    10 fil-mija tal-kapaċità tat-tank tar-reaġent jew perċentwal ogħla skont l-għażla tal-manifattur tal-REC; jew

    (b)

    Livell li jikkorrispondi għal 12-il siegħa ta' użu tal-vettura jew tal-makkinarju f'kundizzjonijiet medji ta' tħaddim.

    7.2.2.   It-twissija pprovduta għandha tkun ċara biżżejjed, flimkien mal-indikatur tar-reaġent, sabiex is-sewwieq jew l-operatur jifhem li l-livell tar-reaġent huwa baxx. Meta s-sistema ta' twissija tinkludi sistema b'wiri ta' messaġġi, it-twissija viżwali għandha turi messaġġ li jindika li l-livell tar-reaġent huwa baxx. (Pereżempju, “livell ta' urea baxx”, “livell ta' AdBlue baxx”, jew “reaġent baxx”).

    7.2.3.   Il-paragrafi 4.4 sa 4.6 ta' dan l-Anness ma japplikawx.

    7.2.4.   Is-sistema ta' twissija tal-operatur għandha teskala fl-intensità tagħha meta l-livell tar-reaġent jinżel taħt:

    (a)

    2,5 fil-mija tal-kapaċità tat-tank tar-reaġent jew perċentwal ogħla skont l-għażla tal-manifattur tal-REC; jew

    (b)

    Livell li jikkorrispondi għal 3 sigħat ta' użu tal-vettura jew tal-makkinarju f'kundizzjonijiet medji ta' tħaddim.

    Din it-twissija għandha tintwera b'mod ċar permezz ta':

    (a)

    Attivazzjoni tat-tieni lampa, li t-tifsira tagħha hija deskritta fil-manwal tal-REC; jew

    (b)

    Turija ta' messaġġ, pereżempju “imla l-urea”, “imla l-AdBlue”, jew “imla r-reaġent”.

    7.2.5.   Ma għandux ikun possibbli li s-sistema ta' twissija tal-operatur tintefa qabel ma r-reaġent ikun reġa' mtela sa livell li ma jkunx jeħtieġ l-attivazzjoni tagħha.

    7.3.   Attivazzjoni tas-sistema ta' inċitament tal-operatur

    7.3.1.   Is-sistema ta' inċitament tal-operatur deskritta fil-paragrafi 5.3 sa 5.6 ta' dan l-Anness għandha tiġi attivata jekk it-tank tar-reaġent ikun vojt, jew fi kwalunkwe livell taħt it-2,5 fil-mija tal-kapaċità sħiħa b'mod nominali tiegħu fid-diskrezzjoni tal-manifattur tal-REC.

    7.3.2.   Ma għandux ikun possibbli li s-sistema ta' inċitament tal-operatur tintefa qabel ma r-reaġent ikun reġa' mtela sa livell li ma jkunx jeħtieġ l-attivazzjoni rispettiva tagħha.

    8.   MONITORAĠĠ TAL-KWALITÀ TAR-REAĠENT

    8.1.   L-REC għandu jinkludi mezz li jiddetermina l-preżenza ta' reaġent skorrett fit-tank, pereżempju sensur tal-NOx, sensur tal-kwalità tar-reaġent, jew l-ekwivalenti.

    8.2.   Il-manifattur għandu jispeċifika konċentrazzjoni minima aċċettabbli tar-reaġent, CDmin, li tirriżulta f'emissjonijiet ta' NOx mill-egżost ta' mhux aktar minn

    (a)

    0,9 g/kWh għas-sistemi ta' magni mmodifikati li jkunu konformi mal-limitu tal-emissjonijiet ta' NOx għall-istadju Q u R tar-Regolament Nru 96; jew

    (b)

    Il-limitu tal-emissjonijiet ta' NOx + 1,5 g/kWh għas-sistemi l-oħrajn kollha.

    8.2.1.   Il-valur korrett ta' CDmin għandu jintwera waqt l-approvazzjoni tat-tip kif ġej u għandu jiġi rreġistrat fil-pakkett ta' dokumentazzjoni kif speċifikat fl-Anness 1.

    8.2.1.1.   It-test għandu jsir billi titwettaq il-parti sħuna taċ-ċiklu WHTC jew NRTC, skont liema japplika, bl-użu ta' reaġent bil-konċentrazzjoni CDmin.

    8.2.1.2.   Jista' jitwettaq ċiklu ta' prekundizzjonament WHTC jew NRTC definit mill-manifattur tal-REC, li jippermetti li sistema ta' kontroll tal-NOx b'ċirkwit magħluq twettaq adattament għall-kwalità tar-reaġent bil-konċentrazzjoni CDmin.

    8.2.1.3.   L-emissjoni ta' NOx li tirriżulta minn dan it-test għandha tkun aktar baxxa mil-livell limitu ta' NOx speċifikat fil-paragrafu 8.2 ta' dan l-Anness.

    8.2.2.   Għall-fini tal-paragrafu 8.1 ta' dan l-Anness, kwalunkwe konċentrazzjoni tar-reaġent aktar baxxa minn CDmin għandha tiġi identifikata u meqjusa bħala reaġent skorrett.

    8.3.   Għandu jiġi attribwit kalkolatur speċifiku (“il-kalkolatur tal-kwalità tar-reaġent”) għall-kwalità tar-reaġent. Il-kalkolatur tal-kwalità tar-reaġent għandu jgħodd in-numru ta' sigħat operattivi b'reaġent skorrett.

    8.3.1.   B'għażla tiegħu, il-manifattur jista' jiġbor il-ħsarat fil-kwalità tar-reaġent flimkien mal-ħsarat elenkati fil-paragrafi 9 u 10 ta' dan l-Anness f'kalkolatur wieħed.

    8.4.   Attivazzjoni tas-sistema ta' twissija tal-operatur

    8.4.1.   Is-sistema ta' twissija tal-operatur għandha tiġi attivata f'konformità mal-paragrafu 4 ta' dan l-Anness.

    8.4.2.   Meta s-sistema ta' twissija tal-operatur tkun tinkludi sistema ta' wiri ta' messaġġi, hija għandha turi messaġġ li jindika r-raġuni tat-twissija, jekk ikun teknikament fattibbli (pereżempju “identifikata urea skorretta”, “AdBlue skorrett identifikat”, jew “reaġent skorrett identifikat”).

    8.5.   Attivazzjoni tas-sistema ta' inċitament tal-operatur

    8.5.1.   Is-sistema ta' inċitament tal-operatur għandha tiġi attivata f'konformità mal-paragrafu 5 ta' dan l-Anness.

    9.   ATTIVITÀ TA' DOŻAĠĠ TAR-REAĠENT

    9.1.   Il-magna għandha tinkludi mezz li jiddetermina l-interruzzjoni tad-dożaġġ.

    9.2.   Għandu jiġi attribwit kalkolatur speċifiku għall-attività tad-dożaġġ (il-“kalkolatur tal-attività ta' dożaġġ”). Il-kalkolatur għandu jgħodd in-numru ta' sigħat operattivi li jseħħu b'interruzzjoni tal-attività ta' dożaġġ tar-reaġent. Dan mhuwiex meħtieġ meta tali interruzzjoni tintalab minħabba li l-kundizzjonijiet tat-tħaddim tal-vettura jew tal-makkinarju jkunu tali li r-rendiment tal-emissjonijiet tagħhom ma jkun jirrikjedi l-ebda dożaġġ tar-reaġent.

    9.2.1.   B'għażla tiegħu, il-manifattur tal-REC jista' jiġbor il-ħsarat fid-dożaġġ tar-reaġent flimkien mal-ħsarat elenkati fil-paragrafi 8 u 10 ta' dan l-Anness f'kalkolatur wieħed.

    9.3.   Attivazzjoni tas-sistema ta' twissija tal-operatur

    9.3.1.   Is-sistema ta' twissija tal-operatur għandha tiġi attivata f'konformità mal-paragrafu 4 ta' dan l-Anness.

    9.3.2.   Meta s-sistema ta' twissija tinkludi sistema ta' wiri ta' messaġġi, din għandha turi messaġġ li jindika r-raġuni tat-twissija (pereżempju, “ħsara fid-dożaġġ tal-urea”, “ħsara fid-dożaġġ ta' AdBlue”, jew “ħsara fid-dożaġġ tar-reaġent”).

    9.4.   Attivazzjoni tas-sistema ta' inċitament tal-operatur

    9.4.1.   Is-sistema ta' inċitament tal-operatur għandha tiġi attivata f'konformità mal-paragrafu 5 ta' dan l-Anness.

    10.   IL-MONITORAĠĠ TAL-ĦSARAT LI JISTGĦU JIĠU ATTRIBWITI GĦAL TBAGĦBIS

    10.1.   Minbarra l-livell ta' reaġent fit-tank tar-reaġent, il-kwalità tar-reaġent u l-interruzzjoni tad-dożaġġ, il-ħsarat li ġejjin għandhom jiġu ssorveljati minħabba li jistgħu jkunu attribwiti għal tbagħbis:

    (a)

    Skonnettjar tal-valv tad-dożaġġ tar-reaġent;

    (b)

    Skonnettjar tal-pompa tar-reaġent;

    (c)

    Ħsarat jew skonnettjar tas-sistema ta' NCD, kif deskritti fil-paragrafu 10.1.1 ta' dan l-Anness.

    10.1.1.   Is-sistema ta' NCD għandha tiġi mmonitorjata għal ħsarat elettriċi u għat-tneħħija jew id-diżattivazzjoni ta' kwalunkwe sensur li jżommha milli tagħmel dijanjożi ta' kwalunkwe ħsara oħra msemmija fil-paragrafi 7 sa 9 ta' dan l-Anness.

    Lista mhux eżawrjenti ta' sensuri li jaffettwaw il-kapaċità dijanjostika huma dawk li jkejlu direttament il-konċentrazzjoni ta' NOx, is-sensuri tal-kwalità tal-urea, is-sensuri tal-ambjent u s-sensuri li jintużaw għall-monitoraġġ tal-attività ta' dożaġġ tar-reaġent, tal-livell tar-reaġent jew tal-konsum tar-reaġent.

    10.2.   Għandu jiġi attribwit kalkolatur speċifiku għal kull waħda mill-ħsarat fil-monitoraġġ ikkunsidrati fil-paragrafu 10.1 ta' dan l-Anness. Il-kalkolaturi tas-sistema ta' NCD għandhom jgħoddu n-numru ta' sigħat operattivi meta l-kapaċità dijanjostika tas-sistema ta' NCD ma tkunx disponibbli. Huwa permess li bosta ħsarat jinġabru flimkien f'kalkolatur wieħed.

    10.2.1.   B'għażla tiegħu, il-manifattur jista' jiġbor il-ħsarat fis-sistema ta' NCD flimkien mal-ħsarat elenkati fil-paragrafi 8 u 9 ta' dan l-Anness f'kalkolatur wieħed.

    10.3.   Bħala alternattiva għar-rekwiżiti fil-paragrafu 10.1 ta' dan l-Anness, il-manifattur jista' juża sensur ta' NOx li jinsab fil-gass tal-egżost. F'dan il-każ:

    (a)

    Il-valur tal-NOx ma għandux jaqbeż il-livell limitu inferjuri bejn:

    (i)

    Id-doppju tal-limitu ta' NOx applikabbli tal-approvazzjoni tat-tip ta' REC; jew

    (ii)

    Żieda ta' mhux aktar minn 1 g/kWh 'il fuq mil-limitu ta' NOx applikabbli tal-approvazzjoni tat-tip ta' REC;

    (b)

    Tista' tintuża ħsara waħda “livelli għoljin ta' NOx - il-kawża ewlenija mhux magħrufa”.

    10.4.   Attivazzjoni tas-sistema ta' twissija tal-operatur

    10.4.1.   Is-sistema ta' twissija tal-operatur għandha tiġi attivata f'konformità mal-paragrafu 4 ta' dan l-Anness.

    10.4.2.   Meta s-sistema ta' twissija tinkludi sistema ta' wiri ta' messaġġi, hija għandha turi messaġġ li jindika r-raġuni tat-twissija (pereżempju, “valv ta' dożaġġ tar-reaġent skonnettjat” jew “ħsara kritika relatata mal-emissjonijiet”).

    10.5.   Attivazzjoni tas-sistema ta' inċitament tal-operatur

    10.5.1.   Is-sistema ta' inċitament tal-operatur għandha tiġi attivata f'konformità mal-paragrafu 5 ta' dan l-Anness.

    11.   REKWIŻITI TAD-DIMOSTRAZZJONI

    11.1.   Il-konformità mar-rekwiżiti ta' dan l-Anness għandha tintwera waqt l-approvazzjoni tat-tip permezz tat-twettiq ta':

    (a)

    Dimostrazzjoni tal-attivazzjoni tas-sistema ta' twissija tal-operatur;

    (b)

    Dimostrazzjoni tal-attivazzjoni tas-sistema ta' inċitament tal-operatur.

    11.2.   Dimostrazzjoni tal-attivazzjoni tas-sistema ta' twissija tal-operatur.

    11.2.1.   Il-konformità tal-attivazzjoni tas-sistema ta' twissija għandha tintwera billi jsiru żewġ testijiet: nuqqas ta' reaġent, u kategorija waħda ta' ħsarat meqjusa fil-paragrafi 8 sa 10 ta' dan l-Anness.

    11.2.2.   Sabiex tintwera l-attivazzjoni tas-sistema ta' twissija f'każ ta' kwalità ħażina tar-reaġent, reaġent għandu jintgħażel b'dilwizzjoni tal-ingredjent attiv li jkun mill-inqas dilwit daqs dak ikkomunikat mill-manifattur (CDmin) skont ir-rekwiżiti tal-paragrafu 8.2 ta' dan l-Anness

    11.2.3.   Sabiex tintwera l-attivazzjoni tas-sistema ta' twissija tal-operatur, l-għażla għandha ssir abbażi ta' lista ta' ħsarat potenzjali pprovduta mill-manifattur tal-REC lill-Awtorità tal-Approvazzjoni tat-Tip u miftiehma mill-Awtorità tal-Approvazzjoni tat-Tip.

    11.2.4.   Għall-fini ta' din id-dimostrazzjoni, għandu jsir test separat għal kull waħda mill-ħsarat ikkunsidrati fil-paragrafu 11.2.1 ta' dan l-Anness.

    11.2.5.   Waqt li jkun qed isir test, ma għandu jkun hemm ebda ħsara preżenti għajr għal dik indirizzata mit-test.

    11.2.6.   Qabel jibda test, għandhom jitħassru l-messaġġi kollha ta' ħsara.

    11.2.7.   Jekk manifattur jitlob hekk u l-Awtorità ta' Approvazzjoni tat-Tip taqbel, il-ħsarat soġġetti għall-ittestjar jistgħu jkunu simulati.

    11.2.8.   Il-proċedura tat-test tad-dimostrazzjoni għal ħsarat għajr għal nuqqas ta' reaġent

    11.2.8.1.   Ladarba l-ħsara tkun ġiet installata jew simulata, is-sistema ta' NCD għandha tirrispondi għall-introduzzjoni ta' ħsara fi ħdan tliet ċikli WHTC sħan jew NRTC sħan konsekuttivi, kif applikabbli.

    11.2.8.2.   Kull ċiklu tat-test individwali fit-test tad-dimostrazzjoni jista' jiġi sseparat minn tifi tal-magna.

    11.2.9.   Il-proċedura tat-test tad-dimostrazzjoni f'każ ta' nuqqas ta' reaġent

    11.2.9.1.   Is-sistema ta' REC għandha titħaddem fuq wieħed jew aktar miċ-ċikli WHTC sħan jew NRTC sħan, kif applikabbli, fid-diskrezzjoni tal-manifattur tal-REC.

    11.2.9.2.   Id-dimostrazzjoni għandha tibda b'livell tar-reaġent fit-tank li għandu jkun hemm qbil dwaru bejn il-manifattur tal-REC u l-Awtorità tal-Approvazzjoni tat-Tip, iżda li għandu jirrappreżenta mhux inqas minn 10 fil-mija tal-kapaċità nominali tat-tank.

    11.2.10.   Id-dimostrazzjoni tal-attivazzjoni tas-sistema ta' twissija titqies bħala li tkun ġiet ikkompletata jekk, fl-aħħar ta' kull test ta' dimostrazzjoni mwettaq skont il-paragrafi 11.2.8 u 11.2.9 ta' dan l-Anness, is-sistema ta' twissija tkun ġiet attivata kif suppost f'konformità mal-paragrafu 4 ta' dan l-Anness.

    11.2.11.   Il-manifattur għandu jingħata permess sabiex jagħmel simulazzjoni, bi qbil mal-Awtorità tal-Approvazzjoni tat-Tip, tal-kisba ta' ċertu numru ta' sigħat operattivi.

    11.3.   Dimostrazzjoni tal-attivazzjoni tas-sistema ta' inċitament tal-operatur

    11.3.1.   Id-dimostrazzjoni tas-sistema ta' inċitament tal-operatur għandha ssir permezz ta' testijiet imwettqa fuq bank tat-test tal-magna.

    11.3.2.   Jekk ikun irid il-manifattur tal-REC, u soġġett għall-qbil tal-Awtorità tal-Approvazzjoni tat-Tip, it-testijiet tad-dimostrazzjoni jistgħu jsiru fuq vettura kompluta jew makkinarju komplut billi l-vettura jew il-makkinarju jiġu mmuntati fuq bank tat-test addattat jew billi jitħaddmu fuq korsa tat-testijiet f'kundizzjonijiet ikkontrollati.

    11.3.3.   Il-konformità tal-attivazzjoni tas-sistema ta' inċitament għandha tintwera billi jsiru żewġ testijiet: nuqqas ta' reaġent, u kategorija waħda ta' ħsarat meqjusa fil-paragrafi 8 sa 10 ta' dan l-Anness.

    11.3.4.   Għall-fini ta' din id-dimostrazzjoni, għandhom jintużaw il-ħsarat magħżula għall-attivazzjoni tas-sistema ta' twissija.

    11.3.5.   Id-dimostrazzjoni tibda meta s-sistema ta' twissija tkun ġiet attivata bħala riżultat tas-sejba ta' ħsara magħżula mill-Awtorità tal-Approvazzjoni tat-Tip.

    11.3.6.   Meta s-sistema tkun qed tiġi vverifikata għar-reazzjoni tagħha fil-każ ta' nuqqas ta' reaġent fit-tank, il-magna għandha titħaddem sakemm it-tank tar-reaġent ikun vojt, jew sakemm jintlaħaq il-livell ta' 2,5 fil-mija tal-kapaċità sħiħa nominali tat-tank jew sakemm jintlaħaq il-valur iddikjarat mill-manifattur f'konformità mal-paragrafu 7.3.1 ta' dan l-Anness.

    11.3.6.1.   Il-manifattur jista', bil-qbil tal-Awtorità tal-Approvazzjoni tat-Tip, jagħmel simulazzjoni ta' tħaddim kontinwu permezz ta' estrazzjoni tar-reaġent mit-tank, jew waqt li l-magna tkun qed taħdem jew inkella meta tkun wieqfa.

    11.3.7.   Meta s-sistema tiġi vverifikata għar-reazzjoni tagħha fil-każ ta' ħsara għajr għal nuqqas ta' reaġent fit-tank, il-magna għandha titħaddem għan-numru rilevanti ta' sigħat indikati fil-paragrafu 5.2 ta' dan l-Anness.

    11.3.8.   Il-manifattur għandu jingħata permess sabiex jagħmel simulazzjoni, bi qbil mal-Awtorità tal-Approvazzjoni tat-Tip, tal-kisba ta' ċertu numru ta' sigħat operattivi.

    11.3.9.   Id-dimostrazzjoni tal-attivazzjoni tas-sistema ta' inċitament titqies bħala li tkun ġiet ikkompletata jekk, fl-aħħar ta' kull test ta' dimostrazzjoni mwettaq skont il-paragrafi 11.3.4 u 11.3.5 ta' dan l-Anness, is-sistema ta' inċitament tkun ġiet attivata kif suppost f'konformità mal-paragrafu 5 ta' dan l-Anness.

    ANNESS 11

    STRUZZJONIJIET DWAR L-INSTALLAZZJONI U T-TĦADDIM

    1.   Il-manifattur tal-REC għandu jipprovdi informazzjoni bil-miktub u struzzjonijiet dwar l-installazzjoni sabiex jintużaw mill-persuni responsabbli mill-modifiki retroattivi, kif ukoll struzzjonijiet dwar il-manutenzjoni u t-tħaddim sabiex jintużaw mis-sidien u mill-operaturi. Dawn l-istruzzjonijiet għandhom:

    (a)

    Jindirizzaw il-perikli għas-sikurezza identifikati matul il-valutazzjoni mwettqa f'konformità mal-paragrafu 18.3 ta' dan ir-Regolament sabiex b'hekk, kemm jista' jkun possibbli, l-immuntar tal-REC f'konformità mal-istruzzjonijiet jelimina dawk il-perikli u:

    (i)

    Iżomm il-livell ta' sikurezza pprovdut mill-vettura jew mill-makkinarju meta dawn jitpoġġew fis-suq għall-ewwel darba;

    (ii)

    Iżomm il-vettura jew il-makkinarju fi stat ta' konformità mar-rekwiżiti legali kollha relatati mas-saħħa u s-sikurezza;

    (b)

    Jelenkaw u jiddeskrivu b'mod espliċitu kwalunkwe periklu għas-sikurezza identifikat li ma jiġix eliminat kompletament billi jiġu segwiti l-istruzzjonijiet dwar l-immuntar u li se jkollhom jiġu indirizzati permezz tal-applikazzjoni ta' ħiliet xierqa u ġudizzju inġineristiku tajjeb min-naħa tal-persuna responsabbli mill-modifika retroattiva.

    (c)

    Jindirizzaw b'mod ċar kull wieħed mill-punti fil-paragrafi 3 u 4 ta' dan l-Anness.

    2.   IR-REKWIŻITI TAT-TĦEJJIJA U TAD-DIMOSTRAZZJONI

    2.1.   L-istruzzjonijiet u l-linji gwida għandhom jinkitbu bil-lingwa tal-pajjiż fejn jinbiegħ l-REC jew li fih mistenni jintuża l-REC, u għandhom jinkitbu b'lingwaġġ ċar li jkun addattat għall-qarrejja intiżi tagħhom.

    2.2.   Il-manifattur tal-REC għandu jkun jista' juri lill-Awtorità tal-Approvazzjoni tat-Tip fejn huwa indirizzat kull wieħed mill-punti rilevanti f'dan l-Anness, iżda jista' jindirizza dawn il-punti bi kwalunkwe mod li jissodisfa r-rekwiżit għaċ-ċarezza. Ma hemm ebda ħtieġa li l-kliem jew it-tqassim ta' dan l-Anness jiġi riprodott.

    2.3.   Ma għandux jintuża lingwaġġ tekniku jew legali fid-dokumenti intiżi għal qarrejja, bħall-utenti finali, li x'aktarx ma jkunux familjari miegħu. Meta l-użu ta' tali lingwaġġ jitqies bħala essenzjali f'dokumenti bħal dawn, huwa għandu jkun akkumpanjat bi spjegazzjoni ċara tal-intenzjoni tiegħu.

    2.4.   Il-manifattur tal-REC huwa mħeġġeġ jikkunsidra, fl-interessi taċ-ċarezza, l-użu ta' idjomi lokali u użijiet fejn lingwa tintuża f'aktar minn pajjiż jew reġjun wieħed, kif ukoll l-użu ta' termini speċifiċi għall-industrija fejn REC ikun intiż sabiex jintuża fuq vetturi jew makkinarji speċifiċi għal dik l-industrija.

    3.   STRUZZJONIJIET GĦALL-PERSUNA RESPONSABBLI MILL-MODIFIKA RETROATTIVA

    3.1.   L-istruzzjonijiet għall-persuna responsabbli mill-modifika retroattiva għandhom jinkludu:

    (a)

    Struzzjonijiet speċifiċi relatati ma' kwalunkwe applikazzjoni speċifika ta' vettura jew makkinarju li għaliha jkun intiż l-REC;

    (b)

    Struzzjonijiet u linji gwida ġenerali, meta jkunu xierqa, li jippermettu li l-REC jitwaħħal kif suppost ma' kwalunkwe vettura jew makkinarju fil-firxa li għaliha jiġi approvat;

    (c)

    Indikazzjoni ċara tal-firxa ta' applikazzjonijiet li għalihom jiġi approvat l-REC u tal-firxa ta' applikazzjonijiet ta' vetturi jew makkinarji li għalihom jista' jintuża b'mod sikur, jekk din tkun differenti;

    (d)

    Indikazzjoni tal-livell tal-ħiliet u l-edukazzjoni meħtieġa sabiex titwettaq l-operazzjoni tal-immuntar;

    (e)

    Livell ta' dettall mill-inqas suffiċjenti sabiex persuna bil-ħiliet u l-edukazzjoni xierqa tkun tista' twettaq ix-xogħol.

    3.2.   L-istruzzjonijiet għandhom jiddikjaraw li l-modifika retroattiva b'REC għandha titwettaq f'konformità mal-istruzzjonijiet tal-installazzjoni pprovduti mill-manifattur tal-REC u li għandhom jiġu kkunsidrati wkoll kwalunkwe struzzjonijiet addizzjonali pprovduti mill-manifattur tal-vettura jew tal-makkinarju, minn awtoritajiet pubbliċi jew minn partijiet kompetenti oħrajn.

    3.3.   L-istruzzjonijiet għandhom jiddikjaraw li l-vettura jew il-makkinarju li trid issirilhom modifika retroattiva għandhom jinżammu f'kundizzjoni tajba u li d-difetti li jistgħu jimpedixxu l-kisba tal-livell ta' tnaqqis tal-emissjonijiet li għalih jiġi approvat l-REC, jew li jistgħu jaffettwaw b'mod avvers ir-reżistenza tiegħu, għandhom jiġu rettifikati kif meħtieġ qabel issir il-modifika retroattiva.

    3.4.   L-istruzzjonijiet għandhom jiddikjaraw li għandha tingħata l-attenzjoni kollha meħtieġa sabiex jiġi żgurat li s-sikurezza fl-użu tal-vettura jew tal-makkinarju ma tiġix imfixkla mill-immuntar tal-REC u li tibqa' konformi mar-Regolamenti u l-liġijiet lokali. B'mod partikolari, l-istruzzjonijiet għandhom:

    (a)

    Jiġbdu l-attenzjoni għal kwalunkwe periklu għas-sikurezza addizzjonali għall-operaturi jew għall-persuni li jkunu fil-qrib, bħal temperaturi għoljin tas-superfiċje jew vultaġġi tal-elettriku, li huma assoċjati mal-REC, kif ukoll jipproponu miżuri għat-tnaqqis tar-riskji assoċjati magħhom;

    (b)

    Iwissu kontra l-installazzjoni tal-REC, jew ta' kwalunkwe sistema assoċjata miegħu, b'tali mod li jinterferixxu mal-kamp viżiv tal-operatur ta' vettura jew makkinarju, jew mal-viżibilità ta' kwalunkwe gejġijiet jew indikaturi, jew inkella mal-aċċess għal kwalunkwe kontrolli;

    (c)

    Iwissu li l-firxa tar-responsabbiltà tal-persuna jew tal-kumpanija li timmunta l-REC għal kwalunkwe aċċident jew ħsara sussegwenti se tkun tiddependi fuq il-liġijiet u d-drawwiet lokali u tista' testendi lil hinn mir-responsabbiltà għal ħsarat tal-REC jew li jkunu attribwibbli direttament għalih.

    3.5.   L-istruzzjonijiet għandhom jiġbdu l-attenzjoni għall-fatt li kwalunkwe modifika li ssir f'kompartiment tal-magna jew f'panew tal-aċċess għaliha tista' żżid il-ħoss li joħroġ mill-vettura jew mill-makkinarju, liema żidiet fil-ħoss jistgħu jkunu pprojbiti mil-liġijiet lokali, kif ukoll li ż-żidiet fil-ħoss jista' jkollhom implikazzjonijiet għas-saħħa u s-sikurezza tal-operaturi u tal-persuni li jkunu fil-qrib.

    4.   STRUZZJONIJIET GĦAS-SID U GĦALL-OPERATUR

    4.1.   L-istruzzjonijiet għas-sid u għall-operatur għandhom jinkludu kemm struzzjonijiet speċifiċi relatati ma' kwalunkwe applikazzjoni ta' vettura jew makkinarju li għaliha huwa intiż l-REC u, fejn xieraq, struzzjonijiet ġenerali relatati mal-użu tiegħu ma' kwalunkwe vettura jew makkinarju fil-firxa li għaliha jiġi approvat.

    4.2.   L-istruzzjonijiet għandhom jindikaw kwalunkwe rekwiżit jew limitazzjoni dwar l-użu tal-vettura jew tal-makkinarju li huma meħtieġa sabiex jiġi żgurat il-funzjonament korrett tal-REC.

    4.3.   L-istruzzjonijiet għandhom jispeċifikaw jekk kwalunkwe reaġent jew addittiv għandhomx jimtlew mill-ġdid mill-operatur tal-vettura jew tal-makkinarju bejn intervalli ta' manutenzjoni normali u jindikaw rata probabbli ta' konsum tar-reaġent.

    4.4.   L-istruzzjonijiet għandhom jispeċifikaw it-tip u l-kwalità ta' kwalunkwe reaġent jew addittiv konsumabbli użati.

    4.5.   L-istruzzjonijiet għandhom ifakkru lis-sid u lill-operatur tal-vettura jew tal-makkinarju li, meta l-immuntar tal-REC ikun kundizzjoni għat-tħaddim tiegħu f'pajjiż jew żona partikolari, jew meta l-immuntar tal-REC jintitola lis-sid tal-vettura jew tal-makkinarju għal inċentivi jew privileġġi, in-nuqqas ta' żamma tal-REC f'kundizzjoni tajba ta' tħaddim (inkluż in-nuqqas li tiġi żgurata provvista xierqa ta' kwalunkwe reaġent jew addittiv), jista' jikkostitwixxi ksur ta' kuntratt jew ikun reat kriminali.

    ANNESS 12

    Rekwiżiti speċifiċi dwar l-approvazzjoni ta' REC fir-rigward tal-limiti tal-emissjonijiet stabbiliti fis-serje 06 tal-emendi tar-Regolament Nru 49

    1.   INTRODUZZJONI

    Dan l-Anness jistabbilixxi r-rekwiżiti speċifiċi għall-approvazzjoni ta' REC immuntat ma' magna jew sistema ta' magna, għall-fini tal-issodisfar tal-limiti tal-emissjonijiet stabbiliti fis-serje 06 tal-emendi tar-Regolament Nru 49.

    2.   REKWIŻITI SPEĊIFIĊI

    2.1.   Is-sistema tal-magna mmodifikata għandha tissodisfa r-rekwiżiti speċifiċi li ġejjin

    2.1.1.

    Il-limiti tal-emissjonijiet ta' PM u NOx stabbiliti fit-Tabella 1, il-paragrafu 5.3 tas-serje 06 tal-emendi tar-Regolament Nru 49.

    2.1.2.

    Ir-rekwiżiti għall-verifika tad-durabilità tas-sistemi tal-magni, kif stipulati fl-Anness 7 tas-serje 06 tal-emendi tar-Regolament Nru 49.

    2.1.3.

    Ir-rekwiżiti tas-sistema dijanjostika abbord (OBD) stabbiliti fl-Annessi 9 A u 9B tas-serje 06 tal-emendi tar-Regolament Nru 49.

    2.1.4.

    Ir-rekwiżiti speċifiċi għal-limitazzjoni tal-emissjonijiet off-cycle u tal-emissjonijiet fl-użu, kif stipulati fl-Anness 10 tas-serje 06 tal-emendi tar-Regolament Nru 49.

    2.1.5.

    Ir-rekwiżiti sabiex jiġi żgurat it-tħaddim korrett tal-miżuri ta' kontroll tal-NOx, kif stipulati fl-Anness 11 tas-serje 06 tal-emendi tar-Regolament Nru 49.

    2.1.6.

    Minkejja l-paragrafu 8.6.2 ta' dan ir-Regolament, għal REC tal-Klassi III u tal-Klassi IV, l-emissjonijiet ta' ammonijaka ma għandhomx jaqbżu valur medju ta' 10 ppm meta jitkejlu bl-użu tal-proċeduri definiti fl-Appendiċi 7 tal-Anness 4 tas-serje 06 tal-emendi tar-Regolament Nru 49.
    Top