1.   Id-drittijiet ta’ aċċess u l-funzjonalitajiet tal-bażi tad-data FuelEU għandhom jikkorrispondu għar-responsabbiltajiet rispettivi tal-atturi involuti fl-implimentazzjoni tar-Regolament (UE) 2023/1805. THETIS-MRV għandu jkollha t-tipi ta’ utenti bid-drittijiet ta’ aċċess korrispondenti:

2.   Id-drittijiet ta’ aċċess imsemmija fil-paragrafu 1 għandhom ikunu ristretti għal qari biss. Il-funzjonalitajiet ta’ ġestjoni msemmija fil-paragrafu 1 għandhom jinkludu l-ħolqien u l-modifika tad-data.

1.   Il-bażi tad-data FuelEU għandha tinkorpora funzjonalità għall-ġestjoni tal-pjanijiet ta’ monitoraġġ, inklużi s-sottomissjonijiet u l-modifiki tagħhom.

2.   Il-bażi tad-data FuelEU għandha tinkorpora kalkolatur tal-bilanċ tal-konformità biex il-kumpanija tkun tista’ timmonitorja u timmaniġġja l-bilanċ tal-konformità tagħha u tuża l-mekkaniżmi ta’ flessibbiltà previsti fl-Artikoli 20 u 21 tar-Regolament (UE) 2023/1805 kif meħtieġ.

3.   Għall-fini tal-kalkolu jew tar-reġistrazzjoni tal-bilanċ tal-konformità speċifiku għall-bastiment imsemmi fl-Artikolu 16(4), il-punt (b) tar-Regolament (UE) 2023/1805, il-bażi tad-data FuelEU għandha tqiegħed għad-dispożizzjoni mudell elettroniku.

4.   Il-bażi tad-data FuelEU għandha tippermetti lill-kumpanija u lill-verifikatur jinteraġixxu ma’ xulxin sabiex jitolbu, jivvalutaw, japprovaw u jirreġistraw kwalunkwe waħda minn dawn li ġejjin:

5.   Il-bażi tad-data FuelEU għandha tinkorpora funzjonalità ta’ akkomunament li tippermetti lill-kumpaniji u lill-verifikaturi jinteraġixxu ma’ xulxin sabiex jiġbru flimkien il-bilanċ ta’ konformità ta’ bastimenti differenti u jirreġistraw u jivverifikaw il-kompożizzjoni tal-akkomunament u l-allokazzjoni tal-bilanċ ta’ konformità tal-akkomunament għal kull bastiment, kif previst fl-Artikolu 21 tar-Regolament (UE) 2023/1805.

6.   Għandha tiġi implimentata sistema ta’ notifika biex tinforma lill-kumpanija meta l-bilanċ ta’ konformità vverifikat tal-bastiment tagħha jkun ġie rreġistrat fil-bażi tad-data FuelEU.

7.   Wara l-konklużjoni tal-verifika tal-bilanċ tal-konformità mill-verifikatur, il-verifikaturi għandhom iqiegħdu l-informazzjoni dwar il-bilanċ tal-konformità għad-dispożizzjoni ta’ utenti oħra msemmija fl-Artikolu 3 ta’ dan ir-Regolament permezz tal-bażi tad-data FuelEU.

8.   Il-bażi tad-data FuelEU għandha tippermetti lill-Istat amministrattiv jirreġistra u jinnotifika lill-kumpanija l-ammont ta’ penali FuelEU applikabbli għall-bastimenti tiegħu, skont l-Artikolu 23 tar-Regolament (UE) 2023/1805. Il-bażi tad-data FuelEU għandha tippermetti r-reġistrazzjoni tal-prova tal-pagamenti tal-penali FuelEU mill-entitajiet li għamlu dak il-pagament. Kwalunkwe penali maħruġa u azzjoni ta’ infurzar meħuda mill-istat amministrattiv għandhom jiġu rreġistrati awtomatikament fil-bażi tad-data FuelEU.

1.   Il-bażi tad-data FuelEU għandha tippermetti lill-verifikatur jew lill-Istat amministrattiv kif xieraq, joħroġ id-dokument tal-konformità FuelEU għall-bastiment ikkonċernat, kif previst fl-Artikolu 22 tar-Regolament (UE) 2023/1805. Għall-finijiet tal-ħruġ tad-dokument tal-konformità FuelEU, il-verifikatur għandu jipprovdi d-data meħtieġa bl-użu ta’ mudell elettroniku disponibbli fil-bażi tad-data FuelEU.

2.   Wara l-ħruġ tad-dokument ta’ konformità mill-verifikatur, il-verifikaturi għandhom iqiegħdu l-bilanċ tal-konformità għad-dispożizzjoni ta’ utenti oħra msemmija fl-Artikolu 3 ta’ dan ir-Regolament permezz tal-bażi tad-data FuelEU.

1.   Għandu jiġi implimentat mekkaniżmu ta’ identifikazzjoni sigura fil-bażi tad-data FuelEU biex jiġu identifikati utenti uniċi u jiġi assenjat ID uniku lil kull utent.

2.   Il-proċess ta’ awtentikazzjoni għall-interfaċċi minn sistema għal sistema li jaċċessaw il-bażi tad-data FuelEU għandu jkun ibbażat fuq metodi ta’ awtentikazzjoni rikonoxxuti, li jiżguraw l-integrità u s-sigurtà tal-iskambji tad-data.

3.   L-utenti li jaċċessaw il-bażi tad-data FuelEU għandhom ikunu awtorizzati abbażi ta’ miżuri ta’ kontroll tal-aċċess, li jirregolaw l-aċċess tagħhom għall-informazzjoni u l-funzjonalitajiet fil-bażi tad-data kif previst fl-Artikolu 3 ta’ dan ir-Regolament.

4.   L-awtorizzazzjonijiet mogħtija lill-utenti għandhom jiġu rieżaminati perjodikament biex tiġi żgurata l-konformità mal-politiki ta’ kontroll tal-aċċess u biex jiġu adattati għal kwalunkwe bidla fir-rwoli u r-responsabbiltajiet tal-utenti.

5.   Il-bażi tad-data FuelEU għandha tiżgura n-nonripudju ta’ azzjonijiet imwettqa mill-utenti permezz tal-interfaċċi tagħha. Għal dan l-għan, il-bażi tad-data għandha tirreġistra l-utent, il-kronogramma u l-azzjoni mwettqa għal kwalunkwe modifika, li tiffaċilita l-awditjar u analiżi forensika tal-attivitajiet tal-utenti.

1.   Il-bażi tad-data FuelEU għandha titfassal biex takkomoda diversi daqsijiet tal-iskrin u viewports biex tiġi żgurata l-aħjar aċċessibbiltà għall-utenti.

2.   Fil-każ li utent jaċċessa paġna web bl-użu ta’ browser mhux kompatibbli, għandu jintwera messaġġ ta’ “nuqqas ta’ appoġġ”, li jinforma lill-utent dwar l-inkompatibbiltà tal-browser u jipprovdi gwida dwar browsers alternattivi li jappoġġaw il-kontenut.

3.   L-informazzjoni kollha li ssir disponibbli għall-pubbliku għandha tiġi pprovduta bl-Ingliż biex jiġi żgurat li tkun aċċessibbli u tinftiehem minn udjenza mifruxa.

1.   L-EMSA tista’ taġġorna l-funzjonalitajiet u l-interfaċċa tal-bażi tad-data FuelEU jekk dan ikun neċessarju, filwaqt li tqis l-esperjenza miksuba, l-avvanzi teknoloġiċi, il-ħtiġijiet tal-utenti li qed jevolvu u l-aħjar prattiki emerġenti fl-aċċessibbiltà u l-użu tal-web.

2.   L-aġġornamenti u l-korrezzjonijiet għandhom jiġu nnotifikati lill-utenti kollha qabel l-implimentazzjoni biex ikun jista’ jsir aġġustament f’waqtu ta’ kwalunkwe sistema jew proċedura ta’ appoġġ u jiġu kkomunikati b’mod ċar lill-utenti kollha permezz ta’ noti ta’ rilaxx u speċifikazzjonijiet tekniċi dettaljati. L-ispeċifikazzjonijiet għall-formati tal-iskambju tad-data għandhom jitqiegħdu għad-dispożizzjoni mhux aktar tard minn xahar (1) qabel l-implimentazzjoni.