(1)

Id-Deċiżjoni ta’ Implimentazzjoni tal-Kummissjoni (UE) 2015/690 (2) awtorizzat l-introduzzjoni fis-suq ta’ ikel u għalf li fihom il-qoton ġenetikament modifikat GHB614 × LLCotton25, li jikkonsistu minnu, jew li huma prodotti minnu. Il-kamp ta’ applikazzjoni ta’ dik l-awtorizzazzjoni kien ikopri wkoll l-introduzzjoni fis-suq ta’ prodotti għajr l-ikel u l-għalf li fihom il-qoton ġenetikament modifikat GHB614 × LLCotton25, jew li jikkonsistu minnu, għall-istess użi bħal kwalunkwe qoton ieħor bl-eċċezzjoni tal-kultivazzjoni.

(2)

Fit-22 ta’ Marzu 2024, BASF SE, ibbażata fil-Ġermanja, f’isem BASF Agricultural Solutions Seed US LLC, ibbażata fl-Istati Uniti, (“l-applikant”) issottomettiet applikazzjoni lill-Kummissjoni għat-tiġdid ta’ dik l-awtorizzazzjoni.

(3)

Fis-7 ta’ Awwissu 2025, l-Awtorità Ewropea dwar is-Sigurtà fl-Ikel (“l-Awtorità”) ħarġet opinjoni xjentifika favorevoli dwar il-qoton ġenetikament modifikat GHB614 × LLCotton25 (3) f’konformità mal-Artikoli 6 u 18 tar-Regolament (KE) Nru 1829/2003. Hija kkonkludiet li l-applikazzjoni għat-tiġdid ma kienx fiha evidenza ta’ xi periklu, esponiment modifikat jew inċertezza xjentifika ġdida li kieku jibdlu l-konklużjonijiet tal-valutazzjoni tar-riskju oriġinali dwar il-qoton ġenetikament modifikat GHB614 × LLCotton25, adottata mill-Awtorità fl-2014 (4).

(4)

Fl-opinjoni xjentifika tagħha, l-Awtorità qieset il-mistoqsijiet u t-tħassib kollu mressqa mill-Istati Membri fil-kuntest tal-konsultazzjoni mal-awtoritajiet kompetenti nazzjonali, kif previst fl-Artikolu 6(4) u fl-Artikolu 18(4) tar-Regolament (KE) Nru 1829/2003.

(5)

L-Awtorità kkonkludiet ukoll li l-pjan ta’ monitoraġġ għall-effetti ambjentali, li jikkonsisti minn pjan ta’ sorveljanza ġenerali, kif issottometta l-applikant, jaqbel mal-użi maħsuba tal-prodotti li fihom il-qoton ġenetikament modifikat GHB614 × LLCotton25, jew li jikkonsistu minnu.

(6)

Permezz tal-ittra tagħha tal-24 ta’ April 2025, BASF Belgian Coordination Center Comm V, ibbażata fil-Belġju, infurmat lill-Kummissjoni li BASF Agricultural Solutions Seed US LLC biddlet isimha għal BASF Agricultural Solutions US LLC mit-30 ta’ Settembru 2024.

(7)

Fid-dawl tal-konklużjonijiet tal-Awtorità, jenħtieġ li tiġġedded l-awtorizzazzjoni għall-introduzzjoni fis-suq tal-ikel u l-għalf li fihom il-qoton ġenetikament modifikat GHB614 × LLCotton25, li jikkonsistu minnu, jew li huma prodotti minnu, u ta’ prodotti li fihom il-qoton ġenetikament modifikat GHB614 × LLCotton25, jew li jikkonsistu minnu, għal użi għajr għall-ikel u għall-għalf, bl-eċċezzjoni tal-kultivazzjoni.

(8)

Ġie assenjat identifikatur uniku lill-qoton ġenetikament modifikat GHB614 × LLCotton25, f’konformità mar-Regolament tal-Kummissjoni (KE) Nru 65/2004 (5), fil-kuntest tal-awtorizzazzjoni oriġinali bid-Deċiżjoni ta’ Implimentazzjoni (UE) 2015/690. Dak l-identifikatur uniku jenħtieġ li jibqa’ jintuża.

(9)

Fir-rigward tal-prodotti koperti minn din id-Deċiżjoni, ma jidher li hu meħtieġ l-ebda rekwiżit speċifiku tat-tikkettar, għajr dawk previsti fl-Artikolu 13(1) u fl-Artikolu 25(2), il-punti (a) u (b), tar-Regolament (KE) Nru 1829/2003, u fl-Artikolu 4(6) tar-Regolament (KE) Nru 1830/2003 tal-Parlament Ewropew u tal-Kunsill (6). Madankollu, sabiex jiġi żgurat li l-użu ta’ prodotti li fihom il-qoton ġenetikament modifikat GHB614 × LLCotton25 jew li jikkonsistu minnu jinżamm fil-limiti tal-awtorizzazzjoni mogħtija b’din id-Deċiżjoni, jenħtieġ li t-tikkettar ta’ dawn il-prodotti, bl-eċċezzjoni tal-ikel u l-ingredjenti tal-ikel, ikollhom indikazzjoni ċara li ma humiex maħsuba għall-kultivazzjoni.

(10)

Jenħtieġ li d-detentur tal-awtorizzazzjoni jissottometti rapporti annwali dwar l-implimentazzjoni u dwar ir-riżultati tal-attivitajiet stabbiliti fil-pjan ta’ monitoraġġ għall-effetti ambjentali. Jenħtieġ li dawk ir-riżultati jiġu ppreżentati f’konformità mar-rekwiżiti stabbiliti fid-Deċiżjoni tal-Kummissjoni 2009/770/KE (7).

(11)

L-opinjoni tal-Awtorità ma tiġġustifikax l-impożizzjoni ta’ kundizzjonijiet jew ta’ restrizzjonijiet speċifiċi għall-introduzzjoni fis-suq, għall-użu u għall-immaniġġar, u lanqas ta’ rekwiżiti ta’ monitoraġġ ta’ wara l-introduzzjoni fis-suq rigward il-konsum tal-ikel u l-għalf li fihom il-qoton ġenetikament modifikat GHB614 × LLCotton25, li jikkonsistu minnu, jew li huma prodotti minnu, jew għall-ħarsien ta’ ekosistemi partikolari jew tal-ambjent u/jew ta’ żoni ġeografiċi, kif previst fl-Artikolu 6(5), il-punt (e), u fl-Artikolu 18(5), il-punt (e), tar-Regolament (KE) Nru 1829/2003.

(12)

Jenħtieġ li l-informazzjoni rilevanti kollha dwar l-awtorizzazzjoni tal-prodotti koperti minn din id-Deċiżjoni tiddaħħal fir-reġistru Komunitarju tal-ikel u tal-għalf ġenetikament modifikat imsemmi fl-Artikolu 28(1) tar-Regolament (KE) Nru 1829/2003.

(13)

Din id-Deċiżjoni trid tiġi nnotifikata permezz taċ-Ċentru ta’ Skambju ta’ Informazzjoni dwar il-Bijosikurezza lill-Partijiet tal-Protokoll ta’ Cartagena dwar il-Bijosigurtà lill-Konvenzjoni dwar id-Diversità Bioloġika, skont l-Artikolu 9(1) u l-Artikolu 15(2), il-punt (c), tar-Regolament (KE) Nru 1946/2003 tal-Parlament Ewropew u tal-Kunsill (8).

(14)

Il-Kumitat Permanenti dwar il-Pjanti, l-Annimali, l-Ikel u l-Għalf ma tax opinjoni fil-limitu ta’ żmien stipulat mill-President tiegħu. Dan l-att ta’ implimentazzjoni tqies li huwa meħtieġ u l-President ressqu lill-kumitat ta’ appell għal deliberazzjoni ulterjuri. Il-kumitat ta’ appell ma tax opinjoni,

(a)

l-ikel u l-ingredjenti tal-ikel li fihom il-qoton ġenetikament modifikat BCS-GHØØ2-5 × ACS-GHØØ1-3, li jikkonsistu minnu, jew li huma prodotti minnu;

(b)

l-għalf li fih il-qoton ġenetikament modifikat BCS-GHØØ2-5 × ACS-GHØØ1-3, li jikkonsisti minnu, jew li hu prodott minnu;

(c)

il-prodotti li fihom il-qoton ġenetikament modifikat BCS-GHØØ2-5 × ACS-GHØØ1-3, jew li jikkonsistu minnu, għal użi għajr dawk previsti fil-punti (a) u (b), bl-eċċezzjoni tal-kultivazzjoni.