Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32026D0077

Deċiżjoni (UE) 2026/77 tal-Bank Ċentrali Ewropew tad-19 ta’ Diċembru 2025 li temenda d-Deċiżjoni (UE) 2019/166 dwar il-Bord tal-Infrastruttura tas-Suq (BĊE/2019/3) (BĊE/2025/43)

ECB/2025/43

ĠU L, 2026/77, 9.1.2026, ELI: http://data.europa.eu/eli/dec/2026/77/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2026/77/oj

European flag

Il-Ġurnal Uffiċjali
ta'l-Unjoni Ewropea

MT

Is-serje L

2026/77

9.1.2026

DEĊIŻJONI (UE) 2026/77 TAL-BANK ĊENTRALI EWROPEW

tad-19 ta’ Diċembru 2025

li temenda d-Deċiżjoni (UE) 2019/166 dwar il-Bord tal-Infrastruttura tas-Suq (BĊE/2019/3) (BĊE/2025/43)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, u b’mod partikolari l-Artikolu 12.3 tiegħu,

Wara li kkunsidra l-Linja Gwida BĊE/2012/13 tal-Bank Ċentrali Ewropew tat-18 ta’ Lulju 2012 dwar it-TARGET2-Securities (1),

Filwaqt li:

(1)

Fid-dawl tal-esperjenza miksuba mill-aħħar emenda tad-Deċiżjoni (UE) 2019/166 tal-Bank Ċentrali Ewropew (BĊE/2019/3) (2), huwa meqjus xieraq li jiġu aġġornati r-Regoli ta’ Proċedura tal-Bord tal-Infrastruttura tas-Suq (MIB).

(2)

Emendi minuri huma wkoll kkunsidrati meħtieġa biex jiġi aġġornat il-Kodiċi ta’ Kondotta għall-membri tal-MIB f’konformità mal-iżviluppi reċenti. Barra minn hekk, huma meħtieġa aġġornamenti biex jirriflettu l-attivazzjoni tas-Sistema ta’ Ġestjoni tal-Kollateral tal-Eurosistema (ECMS). Il-kompetenzi tal-MIB jinkludu s-suġġetti kollha relatati mal-ECMS iżda ma jestendux għall-qafas kollaterali jew kwalunkwe att legali relatat, bħal-Linja Gwida (UE) 2024/3129 tal-Bank Ċentrali Ewropew (BĊÈ/2024/22) (3).

(3)

Għalhekk, id-Deċiżjoni (UE) 2019/166 (BĊE/2019/3) għandha tiġi emendata kif meħtieġ,

ADOTTA DIN ID-DEĊIŻJONI:

Artikolu 1

Emendi

L-Annessi I, II, III u IV tad-Deċiżjoni (UE) 2019/166 (BĊE/2019/3) huma emendati skont l-Anness għal din id-Deċiżjoni.

Artikolu 2

Dħul fis-seħħ

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Frankfurt am Main, id-19 ta’ Diċembru 2025.

Il-President tal-BĊE

Christine LAGARDE

(1)   ĠU L 215, 11.8.2012, p. 19, ELI: http://data.europa.eu/eli/guideline/2012/473/oj .

(2)  Deċiżjoni (UE) 2019/166 tal-Bank Ċentrali Ewropew tal-25 ta’ Jannar 2019 dwar il-Bord tal-Infrastruttura tas-Suq u li tħassar id-Deċiżjoni BĊE/2012/6 dwar it-twaqqif tal-Bord għall-Programm TARGET2-Securities (BĊE/2019/3) (ĠU L 32, 4.2.2019, p. 14, ELI: http://data.europa.eu/eli/dec/2019/166/oj ).

(3)  3 Linja Gwida (UE) 2024/3129 tal-Bank Ċentrali Ewropew tat-13 ta’ Awwissu 2024 dwar il-ġestjoni ta’ kollateral f’operazzjonijiet ta’ kreditu tal-Eurosistema (BĊE/2024/22) (ĠU L, 2024/3129, 20.12.2024, ELI: http://data.europa.eu/eli/guideline/2024/3129/oj ).

ANNESS

L-Annessi I, II, III u IV tad-Deċiżjoni (UE) 2019/166 (BĊE/2019/3) huma emendati kif ġej:

(1)

Fl-Anness I, fl-introduzzjoni, l-ewwel paragrafu huwa mibdul b’dan li ġej:

“L-Eurosistema toffri infrastrutturi, pjattaformi, applikazzjonijiet tas-suq u servizzi relatati fl-oqsma tas-saldu ta’ flus kontanti, tas-saldu tat-titoli u tal-ġestjoni tal-kollateral, li jinkludu servizzi TARGET li jinkludu servizzi T2, T2S u TIPS kif ukoll l-ECMS (is-‘servizzi tal-infrastruttura tal-Eurosistema’).”;

(2)

L-Anness II huwa emendat kif gej:

(a)

fil-Kapitolu 1, fl-introduzzjoni, l-ewwel paragrafu huwa sostitwit b’dan li ġej:

“L-Eurosistema toffri infrastrutturi, pjattaformi, applikazzjonijiet tas-suq u servizzi relatati fl-oqsma tas-saldu ta’ flus kontanti, tas-saldu tat-titoli u tal-ġestjoni tal-kollateral, li jinkludu servizzi TARGET li jinkludu servizzi T2, T2S u TIPS kif ukoll l-ECMS (is-‘servizzi tal-infrastruttura tal-Eurosistema’).”;

(b)

fil-Kapitolu 1, it-Taqsima 2, it-tielet paragrafu huwa ssostitwit b’dan li ġej:

“Il-MIB huwa magħmul mill-President u membri oħra, kif ġej:

(a)

disa’ membri mill-BĊNi tal-Eurosistema (bi drittijiet tal-vot), b’tali mod li mill-inqas 85 % tal-kontribuzzjonijiet tal-BĊNi taż-żona tal-euro għall-kapital tal-BĊE (jiġifieri 85 % taċ-ċavetta tal-kapital tal-Eurosistema) huwa b’hekk rappreżentat;

(b)

membru wieħed għal kull BĊN mhux taż-żona tal-euro li jkun iffirma mill-inqas Ftehim ta’ Parteċipazzjoni fil-Munita wieħed (li tnejn minnhom, nominati mill-President tal-MIB fuq proposta mill-Gruppi ta’ Tmexxija tal-Muniti mhux tal-euro, ikollhom drittijiet tal-vot); u

(c)

żewġ membri ta’ bank mhux ċentrali (mingħajr drittijiet tatl-vot): wieħed b’esperjenza bħala uffiċjal anzjan fl-industrija tal-pagamenti, u wieħed b’esperjenza bħala uffiċjal anzjan fl-industrija tat-titoli.”;

(c)

Fil-Kapitolu 2, it-Taqsima 4, it-tieni paragrafu huwa ssostitwit b’dan li gej:

“Il-Grupp Informali tal-Eurosistema għall-Infrastruttura tas-Suq (GIE) għandu jkun magħmul minn rappreżentati nominati mill-BĊNi tal-Eurosistema li mhumiex rappreżentati fl-MIB. Il-GIE għandu jkollu aċċess awtomatiku għad-dokumentazzjoni kollha tal-MIB, inklużi l-aġendi u l-minuti tal-MIB, fl-istess ħin bħall-membri tal-MIB. Il-GIE jista’ jipprovdi kummenti bil-miktub matul il-proċeduri bil-miktub tal-MIB jew qabel il-laqgħat tal-MIB sabiex il-fehmiet tagħhom ikunu jistgħu jitqiesu kif xieraq mill-MIB. Il-membri tal-GIE jistgħu wkoll jagħmlu talba lill-President biex jipparteċipaw fl-MIB jekk ikollhom interess partikolari f’suġġett. Il-President se jkun responsabbli biex jinforma lil tali BĊNi tal-Eurosistema jekk jitqies li jista’ jkollhom xi interess partikolari u jista’ wkoll iressaq kwalunkwe punt imqajjem minn tali BĊN tal-Eurosistema quddiem l-MIB.”;

(3)

L-Anness III huwa emendat kif gej:

(a)

fl-introduzzjoni, l-ewwel żewġ paragrafi huma ssostitwiti b’dan li ġej:

“Il-Bord tal-Infrastruttura tas-Suq (MIB) huwa kompost minn membri maħtura mill-Kunsill Governattiv (il-‘Kunsill Governattiv’) tal-Bank Ċentrali Ewropew (BĊE). Il-membri għandhom jaġixxu biss fl-aħjar interess tal-Eurosistema u l-membri tal-BĊNi mhux taż-żona tal-euro għandhom jaġixxu fl-aħjar interess tal-infrastrutturi tas-suq, il-pjattaformi, l-applikazzjonijiet u s-servizzi relatati tal-Eurosistema fl-oqsma tas-saldu ta’ flus kontanti, is-saldu tat-titoli u l-ġestjoni tal-kollateral, li jinkludu s-servizzi tat-TARGET li jinkludu s-servizzi T2, T2S u TIPS kif ukoll l-ECMS (is-‘servizzi tal-infrastruttura tal-Eurosistema’) li għalihom ikunu ffirmaw minn tal-anqas Ftehim ta’ Parteċipazzjoni tal-Valuta. Il-membri għandhom jallokaw biżżejjed żmien għall-involviment attiv tagħhom fil-ħidma tal-MIB.

L-MIB huwa l-korp ta’ governanza li jappoġġja lill-Kunsill Governattiv fl-iżgurar li s-servizzi tal-infrastruttura tal-Eurosistema jinżammu u jiġu żviluppati ulterjorment, kif ukoll li l-proġetti li jirrigwardaw is-servizzi tal-infrastruttura tal-Eurosistema (il-‘proġetti tal-infrastruttura tal-Eurosistema’ jew ‘proġetti’) jiġu ġestiti, f’konformità mal-għanijiet tat-Trattat tas-Sistema Ewropea ta’ Banek Ċentrali (SEBĊ), mal-bżonnijiet tan-negozju, l-avvanzi teknoloġiċi, il-qafas legali applikabbli għal servizzi u proġetti tal-infrastruttura tal-Eurosistema, kif ukoll ir-rekwiżiti regolatorji u superviżorji, b’rispett sħiħ tal-mandati tal-Kumitat SEBĊ stabbiliti taħt l-Artikolu 9 tar-Regoli ta’ Proċedura tal-BĊE. L-MIB jirrapporta lill-korpi tal-BĊE li jieħdu d-deċiżjonijiet.”;

(b)

fl-introduzzjoni, ir-raba’ u l-ħames paragrafi huma ssostitwiti b’dan li ġej:

“L-obbligu tas-segretezza professjonali ddikjarat fl-Artikolu 37.1 tal-Istatut tas-Sistema Ewropea tal-Banek Ċentrali u tal-Bank Ċentrali Ewropew (minn hawn’il quddiem l-‘Istatut tas-SEBĊ’) japplika kemm għall-persunal tal-BĊE kif ukoll għal persunal ta’ bank ċentrali nazzjonali (BĊN) li jwettaq kompiti tas-SEBĊ, u jkopri, fost affarijiet oħra, informazzjoni kunfidenzjali li tirrigwarda s-sigrieti tan-negozju jew kwalunkwe informazzjoni oħra li għandha valur kummerċjali. Obbligu ekwivalenti japplika għall-membri tal-MIB li mhumiex minn bank ċentrali meta jwettqu kompiti bħala membri tal-MIB. Il-membri li mhumiex minn bank ċentrali jridu jikkonformaw ukoll ma’ kwalunkwe regola ta’ kondotta addizzjonali li tista’ tiġi prevista fit-termini u l-kundizzjonijiet tal-ħatra tagħhom.

Huwa xieraq, u konsistenti mal-prattiċi ta’ amministrazzjoni tajba, illi l-Kundizzjonijiet tal-Impieg applikabbli għall-President tal-MIB, u d-dispożizzjonijiet applikabbli għall-Membri tal-MIB li huma membri tal-istaff ta’ BĊN, għandhom jipprovdu għal rimedju legali għal ksur ta’ dan il-Kodiċi ta’ Kondotta (‘il-Kodiċi’). Obbligu ekwivalenti japplika għall-membri tal-MIB li mhumiex minn bank ċentrali.”;

(c)

Fit-Taqsima 1, il-punt (b) huwa ssostitwit b’dan li ġej:

“(b)

‘Viċi President’ tfisser il-persuna li tappoġġja lill-President Chairperson li jinħatar minn fost il-membri tal-MIB mill-Kunsill Governattiv. Il-Viċi President jappoġġja lill-President u jippresjedi l-laqgħat tal-MIB, fl-assenza temporanja tal-President, f’konformità mal-aġenda predeterminata għal-laqgħa tal-MIB inkwistjoni.”;

(4)

L-Anness IV huwa ssostitwit b’dan li ġej:

“ANNESS IV

PROĊEDURI U REKWIŻITI GĦALL-GĦAŻLA, IL-ĦATRA U S-SOSTITUZZJONI TAL-MEMBRI TAL-BORD TAL-INFRASTRUTTURA TAS-SUQ

1.   Ħatra tal-Membri

1.1.

 Il-Bank Ċentrali Ewropew (il-‘BĊE’) għandu jippubblika sejħa għal espressjoni ta’ interess sabiex jinħatru membri tal-Bord tal-Infrastruttura tas-Suq (l-‘MIB’) li mhumiex minn bank ċentrali u għall-ħolqien ta’ lista ta’ riżerva. Is-sejħa għal espressjoni ta’ interess għandha titwettaq skont l-Artikolu 2(5) tad-Deċiżjoni (UE) 2016/245 tal-Bank Ċentrali Ewropew (BĊE/2016/2) (*1). Il-proċedura għandha tkun konsistenti mal-prinċipji ġenerali tal-akkwist pubbliku.

1.2.

 Is-sejħa għal espressjoni ta’ interess għandha tistabbilixxi, fost affarijiet oħra: (a) ir-rwol tal-MIB; (b) ir-rwol tal-membri tal-MIB li mhumiex minn bank ċentrali; (c) il-kriterji tal-għażla; (d) aspetti finanzjarji rilevanti; u (e) il-proċedura tal-applikazzjoni, inkluż skadenza għar-riċevuta tal-applikazzjonijiet.

1.3.

 Is-sejħa għal espressjoni ta’ interess għandha tiġi ppubblikata f’Il-Ġurnal Uffiċjali tal-Unjoni Ewropea u fuq is-sit web tal-BĊE fl-istess ħin. F’każ ta’ diskrepanzi, il-verżjoni ppubblikata f’Il-Ġurnal Uffiċjali tal-Unjoni Ewropea għandha tieħu l-preċedenza fuq verżjonijiet oħra.

1.4.

 L-iskadenza għall-kandidati biex jissottomettu applikazzjoni għandha tkun tal-anqas 35 jum kalendarju wara l-pubblikazzjoni tal-avviż ta’ kompetizzjoni f’Il-Ġurnal Ufficjali tal-Unjoni Ewropea.

2.   Il-proċedura tal-għażla

2.1.

 Il-Bord Eżekuttiv għandu jevalwa lill-kandidati skont il-kriterji tal-għażla stabbiliti fit-Taqsima 3 ta’ dan l-Anness.

2.2.

 Il-President tal-MIB, rappreżentanti mill-banek ċentrali nazzjonali tal-Eurosistema, u staff tal-BĊE jistgħu jappoġġjaw lill-Bord Eżekuttiv fil-mili tal-formoli għall-evalwazzjoni tal-kandidati, li jinkludu sommarju tal-merti u n-nuqqasijiet tal-kandidat fil-kuntest tal-kriterji tal-għażla għall-mandat u rakkomandazzjoni għall-ħatra skont l-adattabbiltà tal-kandidat.

2.3.

 Il-Kunsill Governattiv għandu jaħtar il-membri tal-MIB li mhumiex minn bank ċentrali abbażi ta’ proposta tal-Bord Eżekuttiv.

2.4.

 Żewġ kandidati għandhom jinħatru direttament, u għandha tiġi stabbilita lista ta’ riżerva ta’ kandidati għal pożizzjonijiet vakanti futuri.

3.   Kriterji ta’ għażla

3.1.

 Il-kriterji tal-għażla huma kif ġej:

(a)

għarfien espert bħala uffiċjal għoli fl-industrija tal-pagamenti jew għarfien espert fl-industrija tat-titoli, jew bħala fornitur ta’ servizz jew bħala utent ta’ servizzi f’dan il-qasam, kif ukoll għarfien espert relatat mas-settur finanzjarju usa’ tal-Unjoni;

(b)

mill-anqas 10 snin esperjenza ta’ interazzjoni mal-parteċipanti ewlenin fis-swieq finanzjarji tal-Unjoni;

(c)

esperjenza rilevanti, preferibbilment fil-ġestjoni tal-proġetti;

(d)

il-kapaċità li jikkomunika b’mod effettiv bl-Ingliż;

(e)

il-kapaċità li jiddedika biżżejjed ħin għall-kwistjonijiet tal-MIB; u

(f)

konformità mar-rekwiżiti għal ‘direttur indipendenti’ kif speċifikat fir-Regolament (UE) 2025/1355 tal-Bank Ċentrali Ewropew (BĊE/2025/22) (*2), li jistabbilixxi rekwiżiti ta’ sorveljanza għal sistemi ta’ pagament sistemikament importanti (SIPS).

4.   Lista ta’ riżerva

4.1.

 Il-BĊE għandu jimmira li dejjem iżomm lista ta’ riżerva ta’ kandidati potenzjali biex jimla l-pożizzjonijiet ta’ membri tal-MIB li mhumiex minn bank ċentrali. Il-lista ta’ riżerva hija approvata mill-Kunsill Governattiv u għandha tinkludi kandidati li applikaw għall-aħħar sejħa għal espressjoni ta’ interess u li tqiesu bħala kandidat xieraq iżda li ma ntgħażlux bħala membru tal-MIB li mhuwiex minn bank ċentrali.

4.2.

 Il-lista ta’ riżerva għandha tibqa’ valida għal perijodu ta’ 36 xahar ladarba tiġi approvata mill-Kunsill Governattiv. Il-Kunsill Governattiv jista’ jestendi l-validità tal-lista ta’ riżerva għal perijodu ieħor ta’ 36 xahar, jekk iqis li huwa xieraq.

4.3.

 F’każ ta’ post battal fl-MIB ta’ membru li mhuwiex minn bank ċentrali, il-Bord Eżekuttiv jista’ jagħżel kandidat mil-lista ta’ riżerva skont il-klassifikazzjoni tiegħu u jipproponih lill-Kunsill Governattiv bħala membru mhux ċentrali tal-MIB għal mandat ta’ 36 xahar jew għal mandat iqsar. Il-mandat jista’ jiġġedded għal mandat ieħor ta’ mhux aktar minn 36 xahar biex il-mandat totali ma jkunx jaqbeż il-mandat massimu ta’ sitt snin permess għall-membri li mhumiex minn bank ċentrali.

4.4.

 Il-lista ta’ riżerva ma għandhiex tkun miftuħa għal applikanti ġodda.

4.5.

 Il-kandidati jistgħu jaċċessaw, jaġġornaw jew jikkoreġu d-data tagħhom iżda ma jistgħux jaġġornaw jew jikkoreġu informazzjoni rilevanti għall-issodisfar tagħhom tal-kriterji tal-għażla wara d-data tal-għeluq tas-sejħa għal espressjoni ta’ interess.

5.   Ħatra

5.1.

 Il-membri tal-MIB li mhumiex minn bank ċentrali għandhom jinħatru f’kapaċità personali. Huma ma jistgħux jiddelegaw ir-responsabbiltajiet tagħhom lil membru ieħor jew parti terza.

5.2.

 Il-Kunsill Governattiv għandu jaħtar membri tal-MIB li mhumiex minn bank ċentrali bħala membri mingħajr vot tal-MIB għal massimu ta’ 36 xahar, li jiġġeddu għal mandat ieħor ta’ mhux aktar minn 36 xahar sabiex il-mandat totali ma jkunx jaqbeż il-mandat massimu ta’ sitt snin permess għall-membri li mhumiex minn bank ċentrali.

5.3.

 Il-ħatra għandha tiġi formalizzata permezz ta’ ittra tal-ħatra li tinkorpora t-termini u l-kundizzjonijiet tal-ħatra tal-membri li mhumiex minn bank ċentrali tal-MIB kif stabbilit mill-Kunsill Governattiv.

6.   Dikjarazzjonijiet

6.1.

 Il-membri tal-MIB li mhumiex minn bank ċentrali jimpenjaw ruħhom li jirrispettaw il-Kodiċi ta’ Kondotta tal-MIB, kif speċifikat fl-Anness III. Għaldaqstant, huma meħtieġa li jiffirmaw id-‘Dikjarazzjoni ta’ konformità mal-Kodiċi ta’ Kondotta’ fl-Appendiċi 1 tal-Anness III u li jimlew u jiffirmaw id-‘Dikjarazzjoni tal-interessi’ fl-Appendiċi 2 tal-Anness III.

6.2.

 Il-membri tal-MIB li mhumiex minn bank ċentrali huma meħtieġa wkoll jiffirmaw id-dikjarazzjonijiet ipprovduti mas-sejħa għal espressjoni ta’ interess.

7.   Terminazzjoni u sostituzzjoni

7.1.

 Il-Kunsill Governattiv jista’ jittermina l-mandat ta’ membru tal-MIB li mhuwiex minn bank ċentrali jekk, fil-każ ta’ membru li mhuwiex bank ċentrali, iseħħ wieħed minn dawn li ġejjin: kunflitt ta’ interess, ksur ta’ dmir, l-inabbiltà li jwettaq dmirijietu, ksur tal-Kodiċi ta’ Kondotta u/jew nuqqas serju fl-imġieba.

7.2.

 Il-mandat ta’ membru li mhuwiex minn bank ċentrali jitqies bħala terminat meta dak il-membru li mhuwiex minn bank ċentrali jirriżenja jew jiskadilu l-mandat tiegħu mingħajr ma jiġi mġedded.

7.3.

 Jekk mandat jiġi tterminat qabel it-tmiem ta’ terminu ta’ 36 xahar, għandha tapplika t-Taqsima 4.2.
.

(*1)  Id-Deċiżjoni (UE) 2016/245 tal-Bank Ċentrali Ewropew tad-9 ta’ Frar 2016 li tistabbilixxi r-regoli dwar l-akkwisti (BĊE/2016/2) (ĠU L 45, 20.2.2016, p. 15, ELI: http://data.europa.eu/eli/dec/2016/245/oj)."

(*2)  Ir-Regolament (UE) 2025/1355 tal-Bank Ċentrali Ewropew tat-2 ta’ Lulju 2025 dwar ir-rekwiżiti ta’ sorveljanza għal sistemi ta’ ħlas sistemikament importanti (BĊE/2025/22) (ĠU L, 2025/1355, 14.7.2025, ELI: http://data.europa.eu/eli/reg/2025/1355/oj)."

(*1)  Id-Deċiżjoni (UE) 2016/245 tal-Bank Ċentrali Ewropew tad-9 ta’ Frar 2016 li tistabbilixxi r-regoli dwar l-akkwisti (BĊE/2016/2) (ĠU L 45, 20.2.2016, p. 15, ELI: http://data.europa.eu/eli/dec/2016/245/oj).

(*2)  Ir-Regolament (UE) 2025/1355 tal-Bank Ċentrali Ewropew tat-2 ta’ Lulju 2025 dwar ir-rekwiżiti ta’ sorveljanza għal sistemi ta’ ħlas sistemikament importanti (BĊE/2025/22) (ĠU L, 2025/1355, 14.7.2025, ELI: http://data.europa.eu/eli/reg/2025/1355/oj).’

ELI: http://data.europa.eu/eli/dec/2026/77/oj

ISSN 1977-074X (electronic edition)

Top