(1)

Ir-Regolament ta’ Implimentazzjoni tal-Kummissjoni (UE) 2019/627 (2) jistabbilixxi arranġamenti prattiċi uniformi għat-twettiq ta’ kontrolli uffiċjali u azzjonijiet fir-rigward tal-produzzjoni ta’ prodotti li joriġinaw mill-annimali maħsuba għall-konsum mill-bniedem f’konformità mar-Regolament (UE) 2017/625, inkluż għall-ispezzjoni post-mortem.

(2)

L-Artikolu 19 tar-Regolament ta’ Implimentazzjoni (UE) 2019/627 jipprevedi proċeduri ta’ spezzjoni post-mortem għall-annimali bovini għajr dawk ta’ taħt it-8 xhur u għall-annimali bovini għajr dawk ta’ taħt l-għoxrin xahar jekk jitrabbew mingħajr aċċess għall-mergħat matul ħajjithom kollha fi Stat Membru jew f’żoni tiegħu uffiċjalment ħielsa mit-tuberkulożi f’konformità mar-Regolament ta’ Implimentazzjoni tal-Kummissjoni (UE) 2021/620 (3). B’mod partikolari, l-Artikolu 19(1), il-punt (f), tar-Regolament ta’ Implimentazzjoni (UE) 2019/627 jipprevedi li dawn l-annimali jridu jgħaddu minn spezzjoni viżwali tal-kanal gastrointestinali, tal-meżenterju, tan-noduli limfatiċi gastriċi u meżenteriċi (Lnn. gastrici, mesenterici, craniales u caudales) u minn palpazzjoni tan-noduli limfatiċi gastriċi u meżenteriċi.

(3)

Skont opinjoni xjentifika dwar il-perikli għas-saħħa pubblika li għandhom jiġu koperti mill-ispezzjoni tal-laħam (l-annimali bovini) tal-Awtorità Ewropea dwar is-Sigurtà fl-Ikel (EFSA, European Food Safety Authority) (4), il-palpazzjonijiet jistgħu joħolqu riskju għas-saħħa pubblika minħabba l-possibbiltà ta’ kontaminazzjoni kroċjata b’patoġeni trażmessi mill-ikel potenzjalment preżenti fuq il-karkassi jew il-ġewwieni. Madankollu, bl-opinjoni tagħha l-EFSA tirrakkomanda li jinżammu għadd ta’ palpazzjonijiet u inċiżjonijiet fis-sistema respiratorja tal-annimali biex tiġi mmonitorjata l-preżenza tat-tuberkulożi. Peress li n-noduli limfatiċi gastriċi u meżenteriċi ma jinsabux fis-sistema respiratorja u sabiex jiġu ssimplifikati l-arranġamenti prattiċi tal-ispezzjoni post-mortem, jenħtieġ li jitneħħa l-obbligu li titwettaq palpazzjoni tan-noduli limfatiċi gastriċi u meżenteriċi tal-annimali bovini matul l-ispezzjoni post-mortem ta’ rutina. L-Artikolu 19, il-paragrafu 1, il-punt (f), jenħtieġ li jiġi emendat kif xieraq.

(4)

L-opinjoni xjentifika tal-EFSA dwar il-perikli għas-saħħa pubblika li għandhom jiġu koperti mill-ispezzjoni tal-laħam tan-nagħaġ u tal-mogħoż (5) tippermetti li ssir distinzjoni bejn l-arranġamenti prattiċi għall-ispezzjoni post-mortem tan-nagħaġ u tal-mogħoż skont l-età ta’ dawn l-annimali. L-Artikoli 20(1) u 21(1) tar-Regolament ta’ Implimentazzjoni (UE) 2019/627 jistabbilixxu proċeduri ta’ spezzjoni post-mortem għan-nagħaġ u għall-mogħoż domestiċi żgħar u għal nagħaġ u mogħoż domestiċi oħra rispettivament. Dawn il-proċeduri jvarjaw skont jekk in-nagħaġ għandhomx aktar jew inqas minn tnax-il xahar jew jekk ħarġulhomx snien inċiżivi permanenti jew le, u jekk il-mogħoż għandhomx aktar jew inqas minn 6 xhur. Id-data mir-riżultati tal-ispezzjonijiet post-mortem fil-biċċeriji turi li l-perikli li nstabu matul l-ispezzjoni post-mortem għas-saħħa pubblika u għas-saħħa tal-annimali huma simili fil-mogħoż li għandhom inqas minn 6 xhur u fil-mogħoż ta’ bejn is-6 u t-12-il xahar. Barra minn hekk, fil-biċċerija, il-materjal speċifikat riskjuż (SRM, specified risk material) irid jitneħħa mill-karkassi tan-nagħaġ u tal-mogħoż minn meta jkollhom 12-il xahar f’konformità mal-Anness V tar-Regolament (KE) Nru 999/2001 tal-Parlament Ewropew u tal-Kunsill (6). Sabiex tiġi ssimplifikata l-leġiżlazzjoni, u peress li ma jkun hemm l-ebda impatt negattiv fuq is-sikurezza tal-ikel, jenħtieġ li l-età ta’ 12-il xahar użata bħala bażi biex jiġi ddeterminat jekk in-nagħaġ jenħtieġx li jkunu soġġetti għall-proċeduri ta’ spezzjoni post-mortem previsti fl-Artikolu 20 jew għal dawk previsti fl-Artikolu 21 tar-Regolament ta’ Implimentazzjoni (UE) 2019/627 tintuża wkoll biex jiġi ddeterminat liema proċeduri ta’ spezzjoni post-mortem japplikaw għall-mogħoż. L-Artikoli 20 u 21 jenħtieġ li jiġu emendati kif xieraq.

(5)

Barra minn hekk, l-Artikolu 21(2) tar-Regolament ta’ Implimentazzjoni (UE) 2019/627 jipprevedi proċeduri ta’ spezzjoni post-mortem għal nagħaġ u mogħoż domestiċi oħra għajr nagħaġ u mogħoż żgħar skont l-indikazzjonijiet ta’ riskju possibbli għas-saħħa tal-bniedem, għas-saħħa tal-annimali jew għall-benesseri tal-annimali matul l-ispezzjoni ta’ rutina inizjali. L-Artikolu 21(2), il-punt (b), jipprevedi l-inċiżjoni tal-esofagu biex tiġi vverifikata l-preżenza ta’ ċerti parassiti li huma ta’ sinifikat negliġibbli għas-saħħa pubblika u tal-annimali. L-inċiżjoni tal-esofagu tista’ toħloq riskju għoli ta’ kontaminazzjoni kroċjata b’patoġeni potenzjalment preżenti. Għal dawn ir-raġunijiet, jenħtieġ li jitneħħa l-obbligu li titwettaq inċiżjoni tal-esofagu. L-Artikolu 21(2), il-punt (b), jenħtieġ li jiġi emendat kif xieraq.

(6)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fl-Artikolu 19, il-paragrafu 1, il-punt (f) huwa sostitwit b’dan li ġej:

(2)

L-Artikolu 20 huwa emendat kif ġej:

(3)

L-Artikolu 21 huwa emendat kif ġej: