32025R1953

This document is an excerpt from the EUR-Lex website

EUROPA
EUR-Lex home
Regolament implimentattiv - UE - 2025/1953 - EN - EUR-Lex

Help

Search tips

Need more search options? Use the Advanced search

Document 32025R1953

Help

Regolament ta’ Implimentazzjoni tal-Kummissjoni (UE) 2025/1953 tad-29 ta’ Settembru 2025 li jemenda l-Annessi VII, VIII, XI u XIII tar-Regolament ta’ Implimentazzjoni (UE) 2019/2072 fir-rigward ta’ miżuri kontra d-dħul u l-preżenza fit-territorju tal-Unjoni ta’ Anoplophora glabripennis (Motschulsky) u Anoplophora chinensis (Forster)

C/2025/6513

ĠU L, 2025/1953, 3.12.2025, ELI: http://data.europa.eu/eli/reg_impl/2025/1953/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2025/1953/oj

HTML

PDF - authentic OJ

e-signature

How to verify the authenticity of the Official Journal

Il-Ġurnal Uffiċjali
ta'l-Unjoni Ewropea

Is-serje L

2025/1953

3.12.2025

REGOLAMENT TA’ IMPLIMENTAZZJONI TAL-KUMMISSJONI (UE) 2025/1953

tad-29 ta’ Settembru 2025

li jemenda l-Annessi VII, VIII, XI u XIII tar-Regolament ta’ Implimentazzjoni (UE) 2019/2072 fir-rigward ta’ miżuri kontra d-dħul u l-preżenza fit-territorju tal-Unjoni ta’ Anoplophora glabripennis (Motschulsky) u Anoplophora chinensis (Forster)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (1), u b’mod partikolari l-Artikolu 41(3), l-ewwel subparagrafu, u l-Artikoli 72(2) u 79(2) tiegħu,

Billi:

(1)

Ir-Regolament (UE) 2016/2031 u r-Regolament ta’ Implimentazzjoni tal-Kummissjoni (UE) 2019/2072 (2) issostitwew id-dispożizzjonijiet tad-Direttiva tal-Kunsill 2000/29/KE (3) dwar il-miżuri protettivi kontra organiżmi ta’ ħsara għall-pjanti. Huma aġġornaw u elaboraw aktar ir-regoli rispettivi dwar il-miżuri protettivi kontra l-pesti tal-pjanti.

(2)

B’mod aktar speċifiku, l-Anness VII tar-Regolament ta’ Implimentazzjoni (UE) 2019/2072 jistabbilixxi lista ta’ pjanti, prodotti mill-pjanti u oġġetti oħra, li joriġinaw minn pajjiżi terzi, u r-rekwiżiti speċjali korrispondenti biex dawn jiddaħħlu fit-territorju tal-Unjoni. L-Anness VIII ta’ dak ir-Regolament jistabbilixxi lista ta’ pjanti, prodotti mill-pjanti u oġġetti oħra, li joriġinaw mit-territorju tal-Unjoni u r-rekwiżiti speċjali korrispondenti tagħhom għall-moviment fit-territorju tal-Unjoni. L-Anness XI ta’ dak ir-Regolament jistabbilixxi lista ta’ pjanti, prodotti mill-pjanti u oġġetti oħra soġġetti għal ċertifikati fitosanitarji u dawk li ma għandhomx bżonn dawn iċ-ċertifikati biex jiddaħħlu fit-territorju tal-Unjoni. L-Anness XIII ta’ dak ir-Regolament jelenka l-pjanti, il-prodotti mill-pjanti u oġġetti oħra li jeħtieġu passaport tal-pjanti għall-moviment tagħhom fit-territorju tal-Unjoni.

(3)

Ir-Regolament ta’ Implimentazzjoni tal-Kummissjoni (UE) 2022/2095 (4) jistabbilixxi miżuri għall-prevenzjoni tal-introduzzjoni, tal-istabbiliment u tat-tixrid fit-territorju tal-Unjoni tal-Anoplophora chinensis (Forster). Dan jinkludi rekwiżiti li jikkonċernaw l-introduzzjoni u l-moviment fl-Unjoni ta’ ċerti pjanti u prodotti mill-pjanti.

(4)

Id-Deċiżjoni ta’ Implimentazzjoni tal-Kummissjoni (UE) 2015/893 (5) tistabbilixxi miżuri għall-prevenzjoni tal-introduzzjoni u tat-tixrid fl-Unjoni tal-Anoplophora glabripennis (Motschulsky). Din tħassret bir-Regolament ta’ Implimentazzjoni tal-Kummissjoni (UE) 2025/1952 (6) li jistabbilixxi miżuri li jikkonċernaw l-eradikazzjoni tal-Anoplophora glabripennis (Motschulsky) mit-territorju tal-Unjoni.

(5)	L-applikazzjoni tal-biċċa l-kbira tal-miżuri stabbiliti skont ir-Regolament ta’ Implimentazzjoni (UE) 2022/2095 u d-Deċiżjoni ta’ Implimentazzjoni (UE) 2015/893 uriet li hija effettiva fit-tnaqqis tar-riskju ta’ dawk il-pesti għal livell aċċettabbli.

(6)

Jixraq, għal raġunijiet ta’ konsistenza u ċertezza legali, li dawk il-miżuri jiġu inklużi, fejn meħtieġ, f’forma aġġornata, fl-Annessi VII, VIII, XI u XIII tar-Regolament ta’ Implimentazzjoni (UE) 2019/2072 bħala rekwiżiti dwar l-introduzzjoni u l-moviment fl-Unjoni, ta’ pjanti, prodotti mill-pjanti u oġġetti oħra li jistgħu jospitaw l-Anoplophora glabripennis (Motschulsky) jew l-Anoplophora chinensis (Forster).

(7)

F’din il-perspettiva, jenħtieġ li jiżdiedu entrati ġodda, b’rabta mal-Anoplophora glabripennis (Motschulsky) u l-Anoplophora chinensis (Forster), mal-Anness VII tar-Regolament ta’ Implimentazzjoni (UE) 2019/2072 dwar il-pjanti għat-tħawwil u l-injam fil-forma ta’ laqx, partikoli, ċana, skart u fdalijiet tal-injam ta’ ċerti speċijiet, injam ta’ ċerti speċijiet għajr dik il-forma, u materjal tal-injam għall-imballaġġ ta’ ċerti speċijiet.

(8)	Abbażi tas-sejbiet tal-Anoplophora chinensis fl-Unjoni, l-ambitu tal-pjanti ospitanti ta’ dak il-pest jenħtieġ li jiġi estiż biex ikopri mhux biss l-Aesculus hippocastanum, iżda l-ispeċijiet kollha tal-Aesculus.

(9)	Madankollu, abbażi tal-esperjenza fl-Unjoni, l-ambitu tal-pjanti ospitanti tal-Anoplophora glabripennis jenħtieġ li jitnaqqas għall-ispeċijiet li dwarhom ikunu nstabu s-sejbiet jew is-sintomi ta’ dak il-pest.

(10)

Sabiex jiġi żgurat approċċ proporzjonat għar-riskju fitosanitarju rispettiv u biex tiġi ggarantita ċ-ċarezza legali, jenħtieġ li r-rekwiżiti speċjali tal-Anness VII tar-Regolament ta’ Implimentazzjoni (UE) 2019/2072 relatati mal-pjanti, mal-prodotti mill-pjanti u ma’ oġġetti oħra li jistgħu jospitaw l-Anoplophora glabripennis ikunu applikabbli biss għal dawk il-pajjiżi terzi, fejn dak il-pest ikun magħruf li huwa preżenti. Dawk il-pajjiżi jenħtieġ li jiġu elenkati fl-Anness VII.

(11)

L-Artikolu 10(1) tar-Regolament ta’ Implimentazzjoni (UE) 2022/2095, kif ukoll l-Anness II, 2.A.(1)(c) tad-Deċiżjoni ta’ Implimentazzjoni (UE) 2015/893 jirrikjedu li qabel il-moviment tal-pjanti speċifikati fl-Unjoni, il-pjanti jkunu tkabbru f’sit fejn, inter alia, isir kampjunar distruttiv immirat fuq kull lott ta’ pjanti speċifikati. Skont dawn id-dispożizzjonijiet, dak il-kampjunar distruttiv immirat għandu jitwettaq f’livelli speċifiċi stabbiliti f’dawk l-atti legali.

(12)

L-esperjenza wriet matul l-applikazzjoni tar-Regolament ta’ Implimentazzjoni (UE) 2022/2095, u matul l-applikazzjoni tad-Deċiżjoni ta’ Implimentazzjoni (UE) 2015/893, li l-livelli stabbiliti ta’ kampjunar distruttiv ta’ pjanti speċifikati huma għoljin b’mod sproporzjonat, minħabba li jwasslu għall-eradikazzjoni ta’ għadd kbir bla bżonn ta’ pjanti, mingħajr ma jżidu b’mod korrispondenti l-livell ta’ fiduċja tal-kampjunar.

(13)

Għal dik ir-raġuni, jenħtieġ li dawk ir-rekwiżiti dwar il-kampjunar distruttiv jitneħħew, peress li huwa biżżejjed li jkun meħtieġ li l-iskema ta’ kampjunar rispettiva użata għall-ispezzjoni tkun tista’ tidentifika b’livell ta’ fiduċja ta’ mill-inqas 99 %, livell ta’ preżenza ta’ pjanti infestati ta’ 1 %.

(14)	Il-kodiċijiet NM elenkati fl-Anness VII u fl-Anness XI tar-Regolament ta’ Implimentazzjoni (UE) 2019/2072 jenħtieġ li jiġu emendati biex jirriflettu l-aktar emenda reċenti tar-Regolament tal-Kunsill (KEE) Nru 2658/87 (7).

(15)

Barra minn hekk, jenħtieġ li jiżdiedu entrati oħra fl-Anness VIII tar-Regolament ta’ Implimentazzjoni (UE) 2019/2072 dwar il-pjanti, l-injam u l-materjal tal-injam għall-imballaġġ ta’ ċerti speċijiet, li jkunu baqgħu għal ftit żmien f’żona demarkata għat-trażżin, stabbilita skont l-Artikolu 5 tar-Regolament ta’ Implimentazzjoni (UE) 2025/1952 u l-Artikolu 5 tar-Regolament ta’ Implimentazzjoni (UE) 2022/2095. Dan huwa meħtieġ biex jiġi żgurat li l-moviment ta’ dawk il-komoditajiet minn żoni fejn dak il-pest huwa stabbilit lejn il-bqija tal-Unjoni ma jippreżentax riskju fitosanitarju inaċċettabbli.

(16)

Fl-Anness XI tar-Regolament ta’ Implimentazzjoni (UE) 2019/2072, il-Parti A, fil-punt 3, ir-referenza għal “Alnus L., Carpinus L., Cercidiphyllum Siebold & Zucc., Corylus L., Fagus L., Koelreuteria Laxm., Platanus L., Tilia spp.” jenħtieġ li tiġi eskluża, minħabba li ntwera li dawn l-ispeċijiet mhumiex il-pjanti ospitanti favoriti tal-Anoplophora glabripennis (Motschulsky) u għalhekk joħolqu riskju fitosanitarju aktar baxx.

(17)

Ċerti tipi ta’ injam jenħtieġ li jiżdiedu wkoll mal-lista li tinsab fl-Anness XIII tar-Regolament ta’ Implimentazzjoni (UE) 2019/2072, minħabba li huwa meħtieġ passaport tal-pjanti għall-moviment tagħhom fl-Unjoni, u b’hekk tiġi attestata l-konformità mar-rekwiżiti speċjali rispettivi stabbiliti fl-Anness VIII ta’ dak ir-Regolament.

(18)	Għalhekk, jenħtieġ li r-Regolament ta’ Implimentazzjoni (UE) 2019/2072 jiġi emendat kif xieraq.

(19)	Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Emenda tar-Regolament ta’ Implimentazzjoni (UE) 2019/2072

L-Annessi VII, VIII, XI u XIII tar-Regolament ta’ Implimentazzjoni (UE) 2019/2072 huma emendati f’konformità mal-Anness ta’ dan ir-Regolament.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Settembru 2025.

Għall-Kummissjoni

Il-President

Ursula VON DER LEYEN

(1) ĠU L 317, 23.11.2016, p. 4, ELI: http://data.europa.eu/eli/reg/2016/2031/oj.

(2) Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1, ELI: http://data.europa.eu/eli/reg_impl/2019/2072/oj).

(3) Id-Direttiva tal-Kunsill 2000/29/KE tat-8 ta’ Mejju 2000 dwar il-miżuri protettivi kontra l-introduzzjoni ġewwa l-Komunità ta’ organiżmi ta’ ħsara għall-pjanti jew prodotti tal-pjanti u kontra t-tixrid tagħhom ġewwa l-Komunità (ĠU L 169, 10.7.2000, p. 1, ELI: http://data.europa.eu/eli/dir/2000/29/oj).

(4) Ir-Regolament ta’ Implimentazzjoni tal-Kummissjoni (UE) 2022/2095 tat-28 ta’ Ottubru 2022 li jistabbilixxi miżuri għall-prevenzjoni tal-introduzzjoni, l-istabbiliment u t-tixrid fit-territorju tal-Unjoni ta’ Anoplophora chinensis (Forster) u li jħassar id-Deċiżjoni 2012/138/UE (ĠU L 281, 31.10.2022, p. 53, ELI: http://data.europa.eu/eli/reg_impl/2022/2095/oj).

(5) Id-Deċiżjoni ta’ Implimentazzjoni tal-Kummissjoni (UE) 2015/893 tad-9 ta’ Ġunju 2015 dwar miżuri biex l-Anoplophora glabripennis (Motschulsky) ma jiddaħħalx fl-Unjoni u ma jinxteridx fi ħdanha (ĠU L 146, 11.6.2015, p. 16, ELI: http://data.europa.eu/eli/dec_impl/2015/893/oj).

(6) Ir-Regolament ta’ Implimentazzjoni tal-Kummissjoni (UE) 2025/1952 tad-29 ta’ Settembru 2025 dwar miżuri għall-prevenzjoni tal-istabbiliment u t-tixrid fit-territorju tal-Unjoni tal-Anoplophora glabripennis (Motschulsky) u għall-qerda u t-trażżin ta’ dak il-pest f’ċerti żoni demarkati u li jħassar id-Deċiżjoni ta’ Implimentazzjoni (UE) 2015/893 (ĠU L, 2025/1952, 3.12.2025, ELI: http://data.europa.eu/eli/reg_impl/2025/1952/oj).

(7) Ir-Regolament tal-Kunsill (KEE) Nru 2658/87, tat-23 ta’ Lulju, 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1, ELI: http://data.europa.eu/eli/reg/1987/2658/oj).

ANNESS

L-Anness VII tar-Regolament ta’ Implimentazzjoni (UE) 2019/2072 huwa emendat kif ġej:

(a)

il-punti 32.8 u 32.9 li ġejjin jiddaħħlu wara l-punt 32.7:

“32.8

Pjanti għat-tħawwil, li għandhom dijametru taz-zokk ta’ 1 cm jew aktar fl-eħxen punt tagħhom, ta’ Acer spp., Aesculus spp., Betula spp., Fraxinus spp., Populus spp., Salix spp. u Ulmus spp.

ex 0602 10 90

ex 0602 20 20

ex 0602 20 80

ex 0602 90 41

ex 0602 90 45

ex 0602 90 46

ex 0602 90 48

ex 0602 90 50

ex 0602 90 70

ex 0602 90 99

Iċ-Ċina, il-Ġappun, il-Korea ta’ Fuq, il-Libanu, il-Korea t’Isfel, l-Iżvizzera, l-Istati Uniti

Dikjarazzjoni uffiċjali li l-pjanti:

(a)

joriġinaw minn żona stabbilita bħala ħielsa mill-Anoplophora glabripennis (Motschulsky), mill-organizzazzjoni nazzjonali għall-protezzjoni tal-pjanti fil-pajjiż tal-oriġini, f’konformità mal-Istandard Internazzjonali għall-Miżuri Fitosanitarji ISPM 4 (*1). Iż-żona ħielsa mill-pesti għandha tissemma fiċ-ċertifikat fitosanitarju taħt ir-rubrika “Post tal-oriġini”, dment li dan l-istatus ta’ ħelsien ikun ġie kkomunikat minn qabel u bil-miktub lill-Kummissjoni mill-organizzazzjoni nazzjonali għall-protezzjoni tal-pjanti tal-pajjiż tal-oriġini; jew

(b)

ikunu tkabbru għal perjodu ta’ mill-inqas sentejn qabel l-esportazzjoni, jew fil-każ ta’ pjanti li għandhom inqas minn sentejn, li jkunu tkabbru tul ħajjithom kollha f’post tal-produzzjoni:

(i)	stabbilit bħala ħieles mill-Anoplophora glabripennis (Motschulsky) f’konformità mal-ISPM 10 (*2);

(ii)	soġġett għal mill-inqas żewġ spezzjonijiet uffiċjali għal kull sinjal ta’ Anoplophora glabripennis (Motschulsky), li jitwettqu fi żminijiet xierqa, u ma jkun instab l-ebda sinjal tal-pest;

(iii)

fejn il-pjanti jkunu tkabbru f’sit:

—	b’iżolament fiżiku kontra l-introduzzjoni tal-Anoplophora glabripennis (Motschulsky), jew

—	bl-applikazzjoni ta’ trattamenti preventivi xierqa u mdawwar b’żona ta’ lqugħ b’wisa’ ta’ mill-inqas 1 km, fejn jitwettqu stħarriġiet uffiċjali għall-preżenza jew għas-sinjali tal-Anoplophora glabripennis (Motschulsky) kull sena fi żminijiet xierqa; u

(iv)	fejn immedjatament qabel l-esportazzjoni, il-kunsinni kollha tal-pjanti jkunu soġġetti għal spezzjoni uffiċjali għall-preżenza tal-Anoplophora glabripennis (Motschulsky), b’mod partikolari fl-fergħat u fiz-zkuk, inkluż kampjunar distruttiv immirat; jew

(c)	tkabbru minn pjanti salvaġġi li jissodisfaw ir-rekwiżiti tal-punt (b), tlaqqmu bi brokki u l-pjanti mlaqqma ġew spezzjonati f’konformità mal-punt (b)(iv).

Id-daqs tal-kampjun għall-ispezzjoni msemmija fil-punt (b)(iv), għandu jkun tali li jippermetti mill-inqas id-detezzjoni ta’ livell ta’ 1 % ta’ infestazzjoni b’livell ta’ fiduċja ta’ 99 %.

32.9

ex 0602 10 90

ex 0602 20 20

ex 0602 20 30

ex 0602 20 80

ex 0602 40 00

ex 0602 90 41

ex 0602 90 45

ex 0602 90 46

ex 0602 90 47

ex 0602 90 48

ex 0602 90 50

ex 0602 90 70

ex 0602 90 91

ex 0602 90 99

Il-pajjiżi terzi kollha

Dikjarazzjoni uffiċjali li l-pjanti:

(a)

joriġinaw minn pajjiż rikonoxxut bħala ħieles mill-Anoplophora chinensis (Forster) f’konformità mal-Istandard Internazzjonali għall-Miżuri Fitosanitarji ISPM4, dment li l-organizzazzjoni nazzjonali għall-protezzjoni tal-pjanti tal-pajjiż terz ikkonċernat tkun ikkomunikat dan l-istatus ta’ ħelsien minn qabel u bil-miktub lill-Kummissjoni; jew

(b)

joriġinaw minn żona stabbilita bħala ħielsa mill-Anoplophora chinensis (Forster), mill-organizzazzjoni nazzjonali għall-protezzjoni tal-pjanti fil-pajjiż tal-oriġini, f’konformità mal-Istandard Internazzjonali għall-Miżuri Fitosanitarji ISPM 4 (*1). Iż-żona ħielsa mill-pesti għandha tissemma fiċ-ċertifikat fitosanitarju taħt ir-rubrika “Post tal-oriġini”, dment li dan l-istatus ta’ ħelsien ikun ġie kkomunikat minn qabel u bil-miktub lill-Kummissjoni mill-organizzazzjoni nazzjonali għall-protezzjoni tal-pjanti tal-pajjiż tal-oriġini kkonċernat; jew

(c)

ikunu tkabbru għal perjodu ta’ mill-inqas sentejn qabel l-esportazzjoni, jew fil-każ ta’ pjanti li għandhom inqas minn sentejn, li jkunu tkabbru tul ħajjithom kollha f’post tal-produzzjoni:

(i)	stabbilit bħala ħieles mill-Anoplophora chinensis (Forster) f’konformità mal-ISPM 10;

(ii)	soġġett għal mill-inqas żewġ spezzjonijiet uffiċjali għal kull sinjal ta’ Anoplophora chinensis (Forster), li jitwettqu fi żminijiet xierqa, u ma jkun nstab l-ebda sinjal tal-pest;

(iii)

fejn il-pjanti jkunu tkabbru f’sit:

—	b’iżolament fiżiku kontra l-introduzzjoni tal-Anoplophora chinensis (Forster), jew

—	bl-applikazzjoni ta’ trattamenti preventivi xierqa u mdawwar b’żona ta’ lqugħ b’wisa’ ta’ mill-inqas 1 km, fejn jitwettqu stħarriġiet uffiċjali għall-preżenza jew għas-sinjali tal-Anoplophora chinensis (Forster) kull sena fi żminijiet xierqa; u

(iv)	fejn immedjatament qabel l-esportazzjoni, il-kunsinni tal-pjanti jkunu ġew soġġetti għal spezzjoni uffiċjali għall-preżenza tal-Anoplophora chinensis (Forster), b’mod partikolari fl-għeruq u fiz-zkuk, inkluż kampjunar distruttiv immirat; jew

(d)	tkabbru minn pjanti salvaġġi li jissodisfaw ir-rekwiżiti tal-punt (c), tlaqqmu bi brokki u l-pjanti mlaqqma ġew spezzjonati f’konformità mal-punt (c)(iv).

Id-daqs tal-kampjun għall-ispezzjoni msemmija fil-punt (c)(iv), għandu jkun tali li jippermetti mill-inqas id-detezzjoni ta’ livell ta’ 1 % ta’ infestazzjoni b’livell ta’ fiduċja ta’ 99 %.

(b)

jiżdiedu l-punti 114 u 115 li ġejjin:

“114.

Injam ta’ Acer spp., Aesculus spp., Betula spp., Fraxinus spp., Populus spp., Salix spp., u Ulmus spp., għajr fil-forma ta’:

—	laqx, partikoli, ċana, serratura, skart u fdalijiet tal-injam, miksub kollu jew parzjalment minn dawn il-pjanti;

—

materjal tal-injam għall-imballaġġ, fil-forma ta’ kaxex għall-ġarr, kaxex, ċestuni, btieti u kontenituri simili, pallets, pallets bil-kaxxa u twavel oħra għat-tagħbija, għenuq tal-pallets, dunnage, kemm jekk effettivament jintużaw fit-trasport ta’ oġġetti ta’ kull tip u kemm jekk le, minbarra d-dunnage li jirfed il-kunsinni tal-injam, li jkun mibni mill-istess tip u kwalità ta’ injam bħall-injam fil-kunsinni, u li jissodisfa l-istess rekwiżiti fitosanitarji tal-Unjoni bħall-injam fil-kunsinna, iżda inkluż dak li ma jkunx żamm is-superfiċje tonda naturali tiegħu

ex 4401 12 00

ex 4403 12 00

4403 95 10

4403 95 90

4403 96 00

4403 97 00

ex 4403 99 00

ex 4404 20 00

ex 4406 12 00

ex 4406 92 00

4407 93 10

4407 93 91

4407 93 99

4407 95 10

4407 95 91

4407 95 99

4407 96 10

4407 96 91

4407 96 99

4407 97 10

4407 97 91

4407 97 99

ex 4407 99 27

ex 4407 99 40

ex 4407 99 90

ex 4409 29 91

ex 4409 29 99

ex 4416 00 00

ex 9406 10 00

Iċ-Ċina, il-Ġappun, il-Libanu, il-Korea ta’ Fuq, il-Korea t’Isfel, l-Iżvizzera, l-Istati Uniti

Dikjarazzjoni uffiċjali li l-injam:

(a)

joriġina minn żona stabbilita bħala ħielsa mill-Anoplophora glabripennis (Motschulsky), mill-organizzazzjoni nazzjonali għall-protezzjoni tal-pjanti fil-pajjiż tal-oriġini, f’konformità mal-Istandard Internazzjonali għall-Miżuri Fitosanitarji ISPM 4(*). Iż-żona ħielsa mill-pesti għandha tissemma fiċ-ċertifikat fitosanitarju taħt ir-rubrika “Post tal-oriġini”, dment li dan l-istatus ta’ ħelsien ikun ġie kkomunikat minn qabel u bil-miktub lill-Kummissjoni mill-organizzazzjoni nazzjonali għall-protezzjoni tal-pjanti tal-pajjiż tal-oriġini; jew

(b)

tneħħietlu l-qoxra u sarlu trattament xieraq bis-sħana biex tinkiseb temperatura minima ta’ 56 °C għal mill-inqas 30 minuta kontinwi tul il-profil kollu tal-injam (inkluż fil-qalba tiegħu), li għandu jiġi indikat fiċ-ċertifikat fitosanitarju, u l-marka “HT” titqiegħed fuq l-injam jew fuq kull materjal tat-tgeżwir f’konformità mal-użu attwali.

115.

Injam fil-forma ta’ laqx, partikoli, ċana, skart u fdalijiet tal-injam miksub kollu jew parzjalment minn Acer spp., Aesculus spp., Betula spp., Fraxinus spp., Populus spp., Salix spp. u Ulmus spp.

ex 4401 22 90

ex 4401 49 90

ex 4401 49 10

Iċ-Ċina, il-Ġappun, il-Libanu, il-Korea ta’ Fuq, il-Korea t’Isfel, l-Iżvizzera, l-Istati Uniti

Dikjarazzjoni uffiċjali li l-injam:

(a)

(b)	tneħħietlu l-qoxra u sarlu trattament xieraq bis-sħana biex tinkiseb temperatura minima ta’ 56 °C għal mill-inqas 30 minuta kontinwi tul il-profil kollu tal-injam (inkluż fil-qalba tiegħu), u dan irid jiġi indikat fiċ-ċertifikat fitosanitarju; jew

(c)	ġie pproċessat f’biċċiet bi ħxuna u wisa’ ta’ mhux aktar minn 2,5 cm.”

L-Anness VIII tar-Regolament ta’ Implimentazzjoni (UE) 2019/2072 huwa emendat kif ġej:

(a)

il-punti 17.2 u 17.3 li ġejjin jiddaħħlu wara l-punt 17.1:

“17.2

Pjanti għat-tħawwil li għandhom dijametru taz-zokk ta’ 1 cm jew aktar fl-eħxen punt tagħhom, ta’ Acer spp., Aesculus spp., Betula spp., Fraxinus spp., Populus spp., Salix spp., u Ulmus spp., li joriġinaw minn żona demarkata stabbilita skont l-Artikolu 5 tar-Regolament ta’ Implimentazzjoni (UE) 2025/1952 jew introdotti f’post tal-produzzjoni f’żona bħal din

Stqarrija uffiċjali li l-pjanti tkabbru għal mill-inqas sentejn qabel il-moviment, jew fil-każ ta’ pjanti li għandhom inqas minn sentejn, matul ħajjithom, f’post tal-produzzjoni li jissodisfa r-rekwiżiti kollha li ġejjin:

(a)	ikun ġie soġġett għal mill-inqas żewġ spezzjonijiet uffiċjali kull sena għal kwalunkwe sinjal tal-Anoplophora glabripennis (Motschulsky) imwettqa fi żminijiet xierqa, u ma jkun instab l-ebda sinjal bħal dan, inkluż fejn xieraq kampjunar distruttiv immirat fuq iz-zkuk u l-fergħat tal-pjanti, u

(b)

fejn il-pjanti jkunu tkabbru f’sit:

(i)	b’iżolament fiżiku kontra l-introduzzjoni tal-Anoplophora glabripennis (Motschulsky); jew

(ii)	fejn ikunu saru stħarriġiet uffiċjali għall-preżenza jew għas-sinjali tal-Anoplophora glabripennis (Motschulsky) kull sena f’wisa’ ta’ mill-inqas 1 km madwar is-sit fi żminijiet xierqa, u ma jkunu nstabu l-ebda Anoplophora glabripennis (Motschulsky) jew sinjali tiegħu u fejn:

(iii)

—	ikunu ġew applikati trattamenti preventivi; jew

—	twettaq kampjunar distruttiv immirat fuq kull lott qabel il-moviment, inkluż kampjunar distruttiv immirat tal-fergħat u taz-zkuk tal-pjanti.

Id-daqs tal-kampjun għall-ispezzjoni skont il-punt (a) kien tali li jippermetti mill-inqas id-detezzjoni ta’ livell ta’ 1 % ta’ infestazzjoni b’livell ta’ fiduċja ta’ 99 %;

Pjanti salvaġġi li jissodisfaw ir-rekwiżiti tal-punti (a) u (b) jistgħu jitlaqqmu bi brokki, li ma jkunux tkabbru skont dawn il-kundizzjonijiet, iżda li ma jkollhomx dijametru akbar minn 1 cm fl-eħxen punt tagħhom.

17.3

Pjanti għat-tħawwil, li għandhom dijametru taz-zokk ta’ 1 cm jew aktar fl-eħxen punt tagħhom, ta’ Acer spp., Aesculus spp., Alnus spp., Betula spp., Carpinus spp., Citrus spp., Cornus spp., Corylus spp., Cotoneaster spp., Crataegus spp., Fagus spp., Lagerstroemia spp., Malus spp., Melia spp., Ostrya spp., Photinia spp., Platanus spp., Populus spp., Prunus laurocerasus, Pyrus spp., Rosa spp., Salix spp., Ulmus spp. u Vaccinium corymbosum, li joriġinaw minn żona demarkata stabbilita skont l-Artikolu 5 tar-Regolament ta’ Implimentazzjoni tal-Kummissjoni (UE) 2022/2095 (*3) jew introdotti f’post tal-produzzjoni f’żona bħal din

(a)	ikun ġie soġġett għal mill-inqas żewġ spezzjonijiet uffiċjali kull sena għal kwalunkwe sinjal tal-Anoplophora chinensis (Forster) imwettqa fi żminijiet xierqa, u ma jkun instab l-ebda sinjal bħal dan, inkluż fejn xieraq kampjunar distruttiv immirat fuq l-għeruq u z-zkuk tal-pjanti, u

(b)

fejn il-pjanti jkunu tkabbru f’sit:

(i)	b’iżolament fiżiku kontra l-introduzzjoni tal-Anoplophora chinensis (Forster); jew

(ii)	fejn ikunu saru stħarriġiet uffiċjali għall-preżenza jew għas-sinjali tal-Anoplophora chinensis (Forster) kull sena f’wisa’ ta’ mill-inqas 1 km madwar is-sit fi żminijiet xierqa, u ma jkunu nstabu l-ebda Anoplophora chinensis (Forster) jew sinjali tiegħu; u

(iii)

—	fejn ikunu ġew applikati trattamenti preventivi; jew

—	fejn ikun twettaq kampjunar distruttiv immirat fuq kull lott qabel il-moviment, inkluż kampjunar distruttiv immirat tal-għeruq u taz-zkuk tal-pjanti.

Id-daqs tal-kampjun għall-ispezzjoni skont il-punt (a) kien tali li jippermetti mill-inqas id-detezzjoni ta’ livell ta’ 1 % ta’ infestazzjoni b’livell ta’ fiduċja ta’ 99 %;

(b)

jiżdiedu l-punti minn 30 sa 32 li ġejjin:

“30.

Injam ta’ Acer spp., Aesculus spp., Betula spp., Fraxinus spp., Populus spp., Salix spp. u Ulmus spp., li joriġina minn żoni demarkati stabbiliti skont l-Artikolu 5 tar-Regolament ta’ Implimentazzjoni (UE) 2025/1952 jew li ma joriġinax minnu iżda jkun ġie introdott f’dawk iż-żoni demarkati, għajr fil-forma ta’:

—	laqx, partikoli, ċana, skart u fdalijiet tal-injam, miksub kollu jew parzjalment minn dawn il-pjanti;

—

Dikjarazzjoni uffiċjali li l-injam:

(a)	tneħħietlu l-qoxra; u

(b)	għadda minn trattament xieraq bis-sħana biex tinkiseb temperatura minima ta’ 56 °C għal mill-inqas 30 minuta kontinwi tul il-profil kollu tal-injam; inkluż fil-qalba tiegħu, u indikat bil-marka “HT” imqiegħda fuq l-injam jew fuq kull materjal tat-tgeżwir f’konformità mal-użu attwali.

31.

Injam fil-forma ta’ laqx, partikoli, ċana, skart u fdalijiet tal-injam miksub kollu jew parzjalment minn Acer spp., Aesculus spp., Betula spp., Fraxinus spp., Populus spp., Salix spp. u Ulmus spp., li joriġina minn żona demarkata stabbilita skont l-Artikolu 5 tar-Regolament ta’ Implimentazzjoni (UE) 2025/1952

Dikjarazzjoni uffiċjali li l-injam:

(a)	tkun tneħħietlu l-qoxra u jkun sarlu trattament xieraq bis-sħana biex tinkiseb temperatura minima ta’ 56 °C għal mill-inqas 30 minuta kontinwi fuq il-profil kollu tal-injam (inkluż fil-qalba tiegħu); jew

(b)	ikun ġie pproċessat f’biċċiet bi ħxuna u wisa’ ta’ mhux iktar minn 2,5 cm.

32.

Materjal tal-injam għall-imballaġġ ta’ Acer spp., Aesculus spp., Betula spp., Fraxinus spp., Populus spp., Salix spp. u Ulmus spp. li joriġina minn żona demarkata stabbilita skont l-Artikolu 5 tar-Regolament ta’ Implimentazzjoni (UE) 2025/1952

Il-materjal tal-injam għall-imballaġġ:

(a)

ikun magħmul minn injam li tkun tneħħietlu qoxra, kif speċifikat fl-Anness I tal-Istandard Internazzjonali tal-FAO għall-Miżuri Fitosanitarji Nru 15 dwar ir-Regolamentazzjoni tal-materjal tal-injam għall-imballaġġ fil-kummerċ internazzjonali, u jkun ġie soġġett għal wieħed mit-trattamenti approvati kif speċifikat fl-Anness I ta’ dak l-Istandard Internazzjonali, u

(b)	ikollu marka kif speċifikata fl-Anness II ta’ dak l-Istandard Internazzjonali, li tindika li l-materjal tal-injam għall-imballaġġ ikun ġie soġġett għal trattament fitosanitarju approvat f’konformità ma’ dan l-istandard.”

Fl-Anness XI, il-Parti A, il-punt 12 tar-Regolament ta’ Implimentazzjoni (UE) 2019/2072, l-entrata “Acer L., Aesculus L., Alnus L., Betula L., Carpinus L., Cercidiphyllum Siebold & Zucc., Corylus L., Fagus L., Fraxinus L., Koelreuteria Laxm., Platanus L., Populus L., Salix L., Tilia L. u Ulmus L., …” hija sostitwita b’dan li ġej:

“Acer L., Aesculus L., Betula L., Fraxinus L., Populus L., Salix L. u Ulmus L., inkluż l-injam li ma jkunx żamm is-superfiċje tonda naturali tiegħu

Ħatab, f’forma ta’ zkuk, zkuk ħoxnin, friegħi, qatet ta’ għesieleġ jew forom simili; injam f’laqx jew partikoli; serratura u skart u fdalijiet tal-injam, kemm jekk magħqudin fi zkuk, briquettes, pellets jew forom simili u kemm jekk le:

– Ħatab, f’forma ta’ zkuk, zkuk ħoxnin, friegħi, qatet ta’ għesieleġ jew forom simili:

– – Mhux koniferu:

ex 4401 12 00

– Injam f’laqx jew partikoli:

– – Mhux koniferu:

– – – Oħrajn (għajr tal-ewkaliptu (Eucalyptus spp.)):

ex 4401 22 90

– Skart u fdalijiet tal-injam, mhux agglomerati:

– – – Qoxra u skart, fdalijiet, rifjuti u residwi tal-produzzjoni:

ex 4401 49 10

– – – Oħrajn:

ex 4401 49 90

Injam għadu aħrax, bil-qoxra jew bl-ilbieba mhux mneħħija, jew magħmul kwadru raff:

– Trattat biż-żebgħa, b’likwidi għat-tlewwin, bil-kreożit jew preservattivi oħrajn:

– Mhux koniferu:

ex 4403 12 00

Injam għadu aħrax, kemm jekk bil-qoxra jew bl-ilbieba mneħħija u kemm jekk le, jew magħmul kwadru raff:

– Għajr ittrattat biż-żebgħa, b’likwidi għat-tlewwin tal-injam, bil-kreożit jew bi preservattivi oħrajn:

– – Tal-betula (Betula spp.):

4403 95 10

4403 95 90

4403 96 00

– – Tal-luq (Populus spp.):

4403 97 00

– – Ta’ oħrajn:

ex 4403 99 00

Arbli maqsumin; puntali, pali u bsaten tal-injam, bil-ponta iżda mhux isserrati mit-tul:

– Mhux koniferu:

ex 4404 20 00

Traversi (cross-ties) tal-injam għal-linji tal-ferrovija jew tat-tramm:

– – Mhux mgħaddsa:

– – Mhux koniferu:

ex 4406 12 00

– Oħrajn (għajr mhux mgħaddsa):

– – Mhux koniferu:

ex 4406 92 00

Injam isserrat jew imlaqqax mit-tul, imfellel jew imqaxxar, inċanat jew le, xkatlat jew imminċottat fit-truf, ta’ ħxuna li taqbeż is-6 mm:

– – Tal-aġġru (Acer spp.):

4407 93 10

4407 93 91

4407 93 99

– – Tal-Fraxxnu (Fraxinus spp.):

4407 95 10

4407 95 91

4407 95 99

– – Tal-betula (Betula spp.):

4407 96 10

4407 96 91

4407 96 99

– – Tal-luq (Populus spp.):

4407 97 10

4407 97 91

4407 97 99

– – Ta’ oħrajn:

ex 4407 99 27

ex 4407 99 40

ex 4407 99 90

Folji għall-fuljetta (inklużi dawk magħmulin bit-tiflil ta’ injam laminat), għall-plywood jew għal injam simili laminat u injam ieħor, isserrat mit-tul, imfellel jew imqaxxar, inċanat, xkatlat, impalellat jew bit-truf ġonġuti, ta’ ħxuna li ma taqbiżx is-6 mm:

ex 4408 90 15

ex 4408 90 35

ex 4408 90 95

Injam (inklużi strixxi u freġji għal kisi ta’ art bil-parquet, mhux assemblati) iffurmat b’mod kontinwu (bil-mudulluni, bil-gruvijiet, irbattut, iċċanfrinat, ingastat-V, bil-gula, iffurmat, inturnjat jew simili) tul xi xifer, tarf jew wiċċ tiegħu, inċanat, xkatlat jew bit-truf ġonġuti jew le:

– – – Mhux koniferu, oħrajn:

ex 4409 29 91

ex 4409 29 99

Btieti, ċilindri, vats, tnelli u prodotti oħrajn ta’ buttar u partijiet tagħhom, tal-injam, inklużi l-injam imqawwes (staves):

ex 4416 00 00

Bini prefabbrikat tal-injam:

ex 9406 10 00

Iċ-Ċina, il-Ġappun, il-Libanu, il-Korea ta’ Fuq, il-Korea t’Isfel, l-Iżvizzera, l-Istati Uniti”

Fl-Anness XIII tar-Regolament ta’ Implimentazzjoni (UE) 2019/2072, il-punti 4.2 u 4.3 li ġejjin jiddaħħlu wara l-punt 4.1.:

“4.2.

Injam, għajr fil-forma ta’ laqx, partikoli, ċana, skart u fdalijiet tal-injam li joriġina minn żoni demarkati jew injam li żamm is-superfiċje tonda naturali tiegħu kollha jew parti minnha li ma joriġinax minn dawk iż-żoni demarkati iżda ġie introdott fihom ta’Acer spp., Aesculus spp., Betula spp., Fraxinus spp., Populus spp., Salix spp. u Ulmus spp., kif imsemmi fil-punt 30 tal-Anness VIII.

4.3.	Injam fil-forma ta’ laqx, partikoli, ċana, skart u fdalijiet tal-injam li joriġina minn żoni demarkati miksub kollu jew parzjalment minn Acer spp., Aesculus spp., Betula spp., Fraxinus spp., Populus spp., Salix spp. u Ulmus spp., kif imsemmi fil-punt 31 tal-Anness VIII.”

(*1) ISPM 4 Rekwiżiti għall-istabbiliment ta’ żoni ħielsa mill-pesti, IPPC, FAO, 1995.

(*2) ISPM 10 Rekwiżiti għat-twaqqif ta’ postijiet ta’ produzzjoni u siti ta’ produzzjoni ħielsa mill-pesti, IPPC, FAO, 1999.”

(*3) Ir-Regolament ta’ Implimentazzjoni tal-Kummissjoni (UE) 2022/2095 tat-28 ta’ Ottubru 2022 li jistabbilixxi miżuri għall-prevenzjoni tal-introduzzjoni, l-istabbiliment u t-tixrid fit-territorju tal-Unjoni ta’ Anoplophora chinensis (Forster) u li jħassar id-Deċiżjoni 2012/138/UE (ĠU L 281, 31.10.2022, p. 53, ELI: http://data.europa.eu/eli/reg_impl/2022/2095/oj).”

ELI: http://data.europa.eu/eli/reg_impl/2025/1953/oj

ISSN 1977-074X (electronic edition)

Top

Choose the experimental features you want to try