This document is an excerpt from the EUR-Lex website
Document 32025D2417
Council Decision (EU) 2025/2417 of 27 October 2025 on the position to be taken on behalf of the European Union within the Specialised Committee on Road Transport established by the Trade and Cooperation Agreement between the European Union and the European Atomic Energy Community, of the one part, and the United Kingdom of Great Britain and Northern Ireland, of the other part, on the national electronic registers of road transport undertakings and the modalities of the exchange of information contained in those registers
Deċiżjoni tal-Kunsill (UE) 2025/2417 tas-27 ta’ Ottubru 2025 dwar il-pożizzjoni li għandha tittieħed f’isem l-Unjoni Ewropea fi ħdan il-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, dwar ir-reġistri elettroniċi nazzjonali tal-impriżi tat-trasport bit-triq u l-modalitajiet tal-iskambju ta’ informazzjoni li tinsab f’dawk ir-reġistri
Deċiżjoni tal-Kunsill (UE) 2025/2417 tas-27 ta’ Ottubru 2025 dwar il-pożizzjoni li għandha tittieħed f’isem l-Unjoni Ewropea fi ħdan il-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, dwar ir-reġistri elettroniċi nazzjonali tal-impriżi tat-trasport bit-triq u l-modalitajiet tal-iskambju ta’ informazzjoni li tinsab f’dawk ir-reġistri
ST/13197/2025/INIT
ĠU L, 2025/2417, 1.12.2025, ELI: http://data.europa.eu/eli/dec/2025/2417/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Is-serje L |
|
2025/2417 |
1.12.2025 |
DEĊIŻJONI TAL-KUNSILL (UE) 2025/2417
tas-27 ta’ Ottubru 2025
dwar il-pożizzjoni li għandha tittieħed f’isem l-Unjoni Ewropea fi ħdan il-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, dwar ir-reġistri elettroniċi nazzjonali tal-impriżi tat-trasport bit-triq u l-modalitajiet tal-iskambju ta’ informazzjoni li tinsab f’dawk ir-reġistri
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 91, flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Il-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (il-“Ftehim dwar il-Kummerċ u l-Kooperazzjoni”), ġie konkluż mill-Unjoni bid-Deċiżjoni tal-Kunsill (UE) 2021/689 (1) u daħal fis-seħħ fl-1 ta’ Mejju 2021. |
|
(2) |
Skont l-Artikoli 13(2) u 14(5) tat-Taqsima 1, il-Parti A tal-Anness 31 tal-Ftehim dwar il-Kummerċ u l-Kooperazzjoni, il-Kumitat Speċjalizzat għat-Trasport bit-Triq, stabbilit skont l-Artikolu 8(1), il-punt (o), ta’ dak il-Ftehim (il-“Kumitat Speċjalizzat għat-Trasport bit-Triq”), għandu s-setgħa li jadotta deċiżjonijiet rigward id-data li għandha tkun inkluża fir-reġistri elettroniċi nazzjonali tal-impriżi tat-trasport bit-triq, kif ukoll il-modalitajiet tal-iskambju ta’ informazzjoni li tinsab f’dawk ir-reġistri. |
|
(3) |
L-Artikolu 6 tat Taqsima 1, il-Parti A tal-Anness 31 tal-Ftehim dwar il-Kummerċ u l-Kooperazzjoni jistabbilixxi kundizzjonijiet dettaljati relatati mar-rekwiżit ta’ reputazzjoni tajba għal operatur tat-trasport tal-merkanzija bit-triq. B’mod partikolari, il-paragrafi 2 u 3 ta’ dak l-Artikolu jistabbilixxu l-kundizzjonijiet li fihom il-ksur elenkat fil-punt (b) tal-paragrafu 1 ta’ dak l-Artikolu mġarrab minn operatur jista’ jwassal għal proċedura amministrattiva mill-awtoritajiet kompetenti fil-Parti tal-istabbiliment, u jista’ jwassal għat-telf ta’ reputazzjoni tajba. L-Appendiċi 31-A-1-1 tal-Anness 31 jistabbilixxi wkoll lista tal-aktar seba’ ksur serju. Meta operatur ikun ġarrab penali għal wieħed minn dawn il-każijiet ta’ ksur, l-awtorità kompetenti fil-Parti tal-istabbiliment għandha twettaq u tlesti proċedura amministrattiva. Il-Kumitat Speċjalizzat għat-Trasport bit-Triq għandu jadotta deċiżjoni separata, mehmuża mad-Deċiżjoni tal-Kunsill (UE) 2025/2416 (2), dwar lista tal-kategoriji, it-tipi u l-gradi ta’ serjetà ta’ ksur serju li jista’ jwassal għat-telf ta’ reputazzjoni tajba. |
|
(4) |
L-Artikoli 13 u 14 tat-Taqsima 1, il-Parti A tal-Anness 31 tal-Ftehim dwar il-Kummerċ u l-Kooperazzjoni jipprovdu li kull Parti għandha tistabbilixxi reġistri elettroniċi nazzjonali tal-impriżi tat-trasport bit-triq li jkunu ġew awtorizzati jinvolvu ruħhom fil-professjoni ta’ operatur tat-trasport tal-merkanzija bit-triq, kif ukoll twettaq kontrolli individwali fuq l-impriżi u tiskambja informazzjoni dwar ksur serju mwettaq mill-operaturi fil-Parti l-oħra. Id-data li għandha tkun inkluża fir-reġistru elettroniku nazzjonali, kif ukoll il-modalitajiet tal-iskambju ta’ informazzjoni, għandhom jiġu stabbiliti b’Deċiżjoni tal-Kumitat Speċjalizzat għat-Trasport bit-Triq. |
|
(5) |
L-Unjoni stabbiliet ir-Reġistri Ewropej tal-Impriżi tat-Trasport bit-Triq (ERRU) biex tiffaċilita l-iskambji ta’ informazzjoni bejn l-Istati Membri tal-Unjoni f’konformità mar-Regolament ta’ Implimentazzjoni tal-Kummissjoni (UE) 2016/480 (3). Minħabba li l-Unjoni u r-Renju Unit qablu mal-istess prinċipji bażiċi ta’ aċċess għall-professjoni ta’ operatur tat-trasport tal-merkanzija bit-triq kif ukoll ma’ lista komuni ta’ ksur serju li jista’ jwassal għat-telf ta’ reputazzjoni tajba, huwa xieraq u effiċjenti biex jintlaħqu l-objettivi tal-Ftehim dwar il-Kummerċ u l-Kooperazzjoni li tiġi prevista l-konnessjoni teknika tar-Renju Unit mal-ERRU. |
|
(6) |
Jixraq li tiġi stabbilita l-pożizzjoni li għandha tittieħed f’isem l-Unjoni fi ħdan il-Kumitat Speċjalizzat għat-Trasport bit-Triq, peress li l-att previst se jkun vinkolanti għall-Unjoni. |
|
(7) |
Deċiżjoni separata tal-Kumitat Speċjalizzat għat-Trasport bit-Triq, mehmuża mad-Deċiżjoni tal-Kunsill (UE) 2025/2418 (4), se tistabbilixxi l-modalitajiet finanzjarji tal-kontribuzzjoni tar-Renju Unit għall-kostijiet tal-ERRU. |
|
(8) |
Sabiex iż-żewġ Partijiet jitħallew jiżviluppaw l-infrastruttura tal-informazzjoni u tat-teknoloġija tagħhom li tippermetti l-implimentazzjoni tad-Deċiżjoni tal-Kumitat Speċjalizzat għat-Trasport bit-Triq, huwa xieraq li tiġi stabbilita data ta’ applikazzjoni ta’ dik id-Deċiżjoni. Għalhekk, id-Deċiżjoni ta’ dak il-Kumitat jenħtieġ li tapplika mill-1 ta’ Jannar 2026. |
|
(9) |
Għalhekk, il-pożizzjoni tal-Unjoni fi ħdan il-Kumitat Speċjalizzat għat-Trasport bit-Triq jenħtieġ li tkun ibbażata fuq l-abbozz ta’ Deċiżjoni ta’ dak il-Kumitat mehmuż ma’ din id-Deċiżjoni, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata f’iseml-Unjoni fi ħdan il-Kumitat Speċjalizzat għat-Trasport bit-Triq, stabbilit mill-Artikolu 8(1), il-punt (o), tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (il-“Kumitat Speċjalizzat għat-Trasport bit-Triq”), dwar ir-reġistri elettroniċi nazzjonali tal-impriżi tat-trasport bit-triq u l-modalitajiet tal-iskambju tal-informazzjoni li tinsab f’dawk ir-reġistri, hija stabbilita fl-abbozz ta’ Deċiżjoni tal-Kumitat Speċjalizzat għat-Trasport bit-Triq mehmuż ma’ din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, is-27 ta’ Ottubru 2025.
Għall-Kunsill
Il-President
J. JENSEN
(1) Id-Deċiżjoni tal-Kunsill (UE) 2021/689 tad-29 ta’ April 2021 dwar il-konklużjoni, f’isem l-Unjoni, tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, u tal-Ftehim bejn l-Unjoni Ewropea u r-Renju Unit tal-Gran Brittanja u l-Irlanda ta’ Fuq dwar il-proċeduri ta’ sigurtà għall-iskambju u għall-protezzjoni ta’ informazzjoni klassifikata (ĠU L 149, 30.4.2021, p. 2, ELI: http://data.europa.eu/eli/dec/2021/689/oj).
(2) Id-Deċiżjoni tal-Kunsill (UE) 2025/2416 tas-27 ta’ Ottubru 2025 dwar il-pożizzjoni li għandha tittieħed f’isem l-Unjoni Ewropea fi ħdan il-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, dwar lista tal-kategoriji, it-tipi u l-gradi ta’ serjetà ta’ ksur serju li jista’ jwassal għat-telf ta’ reputazzjoni tajba għal operatur tat-trasport tal-merkanzija bit-triq (ĠU L, 2025/2416, 1.12.2025, ELI: http://data.europa.eu/eli/dec/2025/2416/oj).
(3) Ir-Regolament ta’ Implimentazzjoni tal-Kummissjoni (UE) 2016/480 tal-1 ta’ April 2016 li jistabbilixxi regoli komuni li jikkonċernaw l-interkonnessjoni tar-reġistri elettroniċi nazzjonali tal-impriżi tat-trasport bit-triq u li jħassar ir-Regolament (UE) Nru 1213/2010, (ĠU L 87 2.4.2016, p. 4, ELI: http://data.europa.eu/eli/reg_impl/2016/480/oj).
(4) Id-Deċiżjoni tal-Kunsill (UE) 2025/2418 tas-27 ta’ Ottubru 2025 dwar il-pożizzjoni li għandha tittieħed f’isem l-Unjoni Ewropea fi ħdan il-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, dwar l-ammont u l-modalitajiet tal-kontribuzzjoni finanzjarja tar-Renju Unit għal ċerti sistemi ta’ informazzjoni dwar it-trasport bit-triq ġestiti mill-Unjoni u l-emendar tad-Deċiżjoni Nru 1/2022 tal-Kumitat Speċjalizzat għat-Trasport bit-Triq (ĠU L, 2025/2418, 1.12.2025, ELI: http://data.europa.eu/eli/dec/2025/2418/oj).
ABBOZZ
DEĊIŻJONI NRU …/2025 TAL-KUMITAT SPEĊJALIZZAT GĦAT-TRASPORT BIT-TRIQ STABBILIT MILL-FTEHIM DWAR IL-KUMMERĊ U L-KOOPERAZZJONI BEJN L-UNJONI EWROPEA U L-KOMUNITÀ EWROPEA TAL-ENERĠIJA ATOMIKA, MINN NAĦA WAĦDA, U R-RENJU UNIT TAL-GRAN BRITTANJA U L-IRLANDA TA’ FUQ, MIN-NAĦA L-OĦRA
ta’ …
dwar ir-reġistri elettroniċi nazzjonali tal-impriżi tat-trasport bit-triq u l-modalitajiet tal-iskambju tal-informazzjoni li tinsab f’dawk ir-reġistri
IL-KUMITAT SPEĊJALIZZAT GĦAT-TRASPORT BIT-TRIQ,
Wara li kkunsidra l-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (1) (il-“Ftehim dwar il-Kummerċ u l-Kooperazzjoni”), u b’mod partikolari l-Artikolu 468(5) u l-Artikoli 13(2) u 14(5) tat-Taqsima 1 tal-Parti A tal-Anness 31 tiegħu,
Billi:
|
(1) |
L-Artikolu 463(1) tal-Ftehim dwar il-Kummerċ u l-Kooperazzjoni jipprevedi li l-operaturi tat-trasport tal-merkanzija bit-triq li jwettqu vjaġġi msemmija fl-Artikolu 462 ta’ dak il-Ftehim jeħtieġ li jkollhom liċenzja valida f’konformità mal-Artikolu 463(2) ta’ dak il-Ftehim. L-Anness 31, il-Parti A, it-Taqsima 1, l-Artikolu 3, il-punt (b) ta’ dak il-Ftehim jipprevedi li operatur tat-trasport tal-merkanzija bit-triq irid ikun ta’ reputazzjoni tajba, f’konformità mal-Artikolu 6 tat-Taqsima 1 tal-Parti A tal-Anness 31 ta’ dak il-Ftehim. |
|
(2) |
L-Artikolu 6 tat-Taqsima 1 tal-Parti A tal-Anness 31 tal-Ftehim dwar il-Kummerċ u l-Kooperazzjoni jistabbilixxi kundizzjonijiet dettaljati relatati mar-rekwiżit ta’ reputazzjoni tajba għal operatur tat-trasport tal-merkanzija bit-triq. B’mod partikolari, il-paragrafi 2 u 3 jistabbilixxu l-kundizzjonijiet li skonthom il-ksur magħmul minn operatur jista’ jwassal għal proċedura amministrattiva mill-awtoritajiet kompetenti fil-Parti tal-istabbiliment, u jista’ jwassal għat-telf ta’ reputazzjoni tajba. L-Appendiċi 31-A-1-1 jistabbilixxi wkoll lista tal-aktar seba’ ksur serju li jrid iwassal għal proċedura amministrattiva mill-awtorità kompetenti fil-Parti tal-istabbiliment. Id-Deċiżjoni Nru …/2025 tal-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni (2) lestiet il-lista ta’ ksur serju li jista’ jwassal għat-telf ta’ reputazzjoni tajba. |
|
(3) |
L-Anness 31, il-Parti A, it-Taqsima 1, l-Artikoli 13 u 14 tal-Ftehim dwar il-Kummerċ u l-Kooperazzjoni jipprevedu wkoll li l-Partijiet għandhom jistabbilixxu reġistri elettroniċi nazzjonali tal-impriżi tat-trasport bit-triq li jkunu ġew awtorizzati jinvolvu ruħhom fil-professjoni ta’ operatur tat-trasport tal-merkanzija bit-triq, kif ukoll iwettqu kontrolli individwali fuq l-impriżi u jiskambjaw informazzjoni dwar ksur serju mwettaq mill-operaturi fil-Parti l-oħra. Id-data li għandha tkun inkluża fir-reġistru elettroniku nazzjonali, kif ukoll il-modalitajiet għall-iskambju ta’ informazzjoni, għandhom jiġu stabbiliti b’deċiżjoni tal-Kumitat Speċjalizzat għat-Trasport bit-Triq. |
|
(4) |
L-Unjoni stabbiliet ir-Reġistri Ewropej tal-Impriżi tat-Trasport bit-Triq (ERRU, European Registers of Road Transport Undertakings) biex tiffaċilita l-iskambji ta’ informazzjoni bejn l-Istati Membri tal-Unjoni f’konformità mar-Regolament ta’ Implimentazzjoni tal-Kummissjoni (UE) 2016/480 (3). Minħabba li l-Unjoni u r-Renju Unit qablu mal-istess prinċipji bażiċi ta’ aċċess għall-professjoni ta’ operatur tat-trasport tal-merkanzija bit-triq kif ukoll ma’ lista komuni ta’ ksur, huwa xieraq u effiċjenti biex jintlaħqu l-objettivi tal-Ftehim dwar il-Kummerċ u l-Kooperazzjoni li tiġi prevista l-konnessjoni teknika tar-Renju Unit mal-ERRU. |
|
(5) |
Ir-Renju Unit ikkontribwixxa għall-kostijiet tal-iżvilupp tal-ERRU bħala Stat Membru tal-Unjoni. Ir-Renju Unit jenħtieġ li jikkontribwixxi annwalment għall-kostijiet operazzjonali u tal-manutenzjoni tal-ERRU. |
|
(6) |
Sabiex iż-żewġ Partijiet ikunu jistgħu jiżviluppaw l-infrastruttura tal-informazzjoni u t-teknoloġija tagħhom li tippermetti l-implimentazzjoni ta’ din id-Deċiżjoni, huwa xieraq li tiġi stabbilita data ta’ applikazzjoni ta’ din id-Deċiżjoni. Għaldaqstant, jenħtieġ li din id-Deċiżjoni tapplika mill-1 ta’ Jannar 2026, |
ADOTTA DIN ID-DEĊIŻJONI:
Artikolu 1
Objettiv
Din id-Deċiżjoni tistabbilixxi d-data minima li għandha tkun inkluża fir-reġistru elettroniku nazzjonali tal-impriżi tat-trasport bit-triq u l-kundizzjonijiet għall-iskambju ta’ informazzjoni ta’ din id-data bejn il-Partijiet.
Artikolu 2
Data li tinsab fir-reġistri elettroniċi nazzjonali tal-impriżi tat-trasport bit-triq u l-kundizzjonijiet tal-aċċess għal din id-data
1. Ir-reġistri elettroniċi nazzjonali msemmija fl-Anness 31, il-Parti A, it-Taqsima 1, l-Artikolu 13(1) tal-Ftehim dwar il-Kummerċ u l-Kooperazzjoni għandu jkun fihom mill-anqas id-data li ġejja:
|
(a) |
l-isem u l-forma legali tal-impriża tat-trasport bit-triq; |
|
(b) |
l-indirizz tal-istabbiliment tagħha; |
|
(c) |
l-ismijiet tal-maniġers tat-trasport iddeżinjati bħala li jissodisfaw ir-rekwiżiti stabbiliti fl-Anness 31, il-Parti A, it-Taqsima 1, l-Artikolu 3 tal-Ftehim dwar il-Kummerċ u l-Kooperazzjoni relatati ma’ reputazzjoni tajba u kompetenza professjonali jew, kif xieraq, l-isem ta’ rappreżentant legali; |
|
(d) |
it-tip ta’ awtorizzazzjoni, l-għadd ta’ vetturi li tkopri u, fejn xieraq, in-numru tas-serje tal-liċenzja msemmija fl-Artikolu 463(1) tal-Ftehim dwar il-Kummerċ u l-Kooperazzjoni u tal-kopji veri ċċertifikati; |
|
(e) |
l-għadd, il-kategorija u t-tip ta’ ksur serju, kif imsemmi fl-Anness 31, il-Parti A, it-Taqsima 1, l-Artikolu 6(2) tal-FKK, li rriżulta f’kundanna jew piena matul l-aħħar sentejn; |
|
(f) |
l-isem ta’ kwalunkwe persuna ddikjarata inkompetenti biex tmexxi l-attivitajiet ta’ trasport ta’ impriża, sakemm ma tkunx ġiet stabbilita mill-ġdid ir-reputazzjoni tajba ta’ dik il-persuna skont l-Anness 31, il-Parti A, it-Taqsima 1, l-Artikolu 6(4) tal-Ftehim dwar il-Kummerċ u l-Kooperazzjoni, u l-miżuri ta’ riabilitazzjoni applikabbli; |
|
(g) |
in-numri ta’ reġistrazzjoni tal-vetturi għad-dispożizzjoni tal-impriżi skont l-Anness 31, il-Parti A, it-Taqsima 1, l-Artikolu 5(f) tal-Ftehim dwar il-Kummerċ u l-Kooperazzjoni; u |
|
(h) |
il-medda tal-klassifikazzjoni tar-riskju tal-impriża skont il-liġi u/jew il-proċeduri applikabbli f’kull Parti. |
2. Id-data msemmija fil-punti (a) sa (d) tal-paragrafu 1 għandha tkun aċċessibbli għall-pubbliku, f’konformità mad-dispożizzjonijiet rilevanti tal-liġi dwar il-protezzjoni tad-data personali applikabbli f’kull Parti.
L-awtoritajiet kompetenti f’kull Parti jistgħu jagħżlu li jżommu d-data msemmija fil-punti (e) sa (h) tal-paragrafu 1 f’reġistri separati. F’każijiet bħal dawn, id-data imsemmija fil-punti (e) u (f) tal-paragrafu 1 għandha ssir disponibbli fuq talba jew għandha tkun direttament aċċessibbli għall-awtoritajiet kompetenti kollha tal-Partit ikkonċernat. L-informazzjoni mitluba għandha tkun ipprovduta fi żmien 5 ijiem ta’ xogħol minn meta tasal it-talba.
Id-data msemmija fil-punti (g) u (h) tal-paragrafu 1 għandha ssir disponibbli għall-awtoritajiet kompetenti matul il-kontrolli f’ġenb it-triq.
Id-data msemmija fil-punti (e) sa (h) tal-paragrafu 1 għandha tkun aċċessibbli biss għall-awtoritajiet għajr l-awtoritajiet kompetenti meta dawk l-awtoritajiet ikunu debitament ingħataw is-setgħat relatati mas-superviżjoni u mal-impożizzjoni ta’ pieni fis-settur tat-trasport bit-triq u l-uffiċjali tagħhom ikunu ħadu ġurament ta’ segretezza jew ikunu b’xi mod ieħor taħt obbligu formali ta’ segretezza.
3. Data li tikkonċerna impriża li l-awtorizzazzjoni tagħha kienet sospiża jew irtirata għandha tibqa’ fir-reġistru elettroniku nazzjonali għal sentejn mill-iskadenza tas-sospensjoni jew l-irtirar tal-liċenza, u mbagħad għandha titneħħa minnufih.
Data li tikkonċerna kwalunkwe persuna ddikjarata inkompetenti għall-professjoni ta’ operatur tat-trasport tal-merkanzija bit-triq għandha tibqa’ fir-reġistru elettroniku nazzjonali sakemm ir-reputazzjoni tajba ta’ dik il-persuna ma tkunx ġiet stabbilita mill-ġdid skont l-Anness 31, il-Parti A, it-Taqsima 1, l-Artikolu 6(4) tal-Ftehim dwar il-Kummerċ u l-Kooperazzjoni. Meta tittieħed tali miżura ta’ riabilitazzjoni jew kwalunkwe miżura li jkollha effett ekwivalenti, id-data għandha titneħħa immedjatament.
Id-data li hemm referenza għaliha fl-ewwel u fit-tieni subparagrafi għandha tispeċifika r-raġunijiet għas-sospensjoni jew l-irtirar tal-awtorizzazzjonijiet jew id-dikjarazzjoni ta’ inkompetenza, skont il-każ, u t-tul ta’ żmien korrispondenti.
4. Il-Partijiet għandhom jieħdu l-miżuri kollha meħtieġa biex jiżguraw li d-data kollha li tinsab fir-reġistru elettroniku nazzjonali tinżamm aġġornata u tkun akkurata.
Artikolu 3
Rekwiżiti minimi għad-data li trid tiddaħħal fir-reġistru elettroniku nazzjonali tal-impriżi tat-trasport bit-triq
1. Ir-rekwiżiti minimi għad-data li għandha tiddaħħal fir-reġistri elettroniċi nazzjonali stabbiliti mill-awtoritajiet kompetenti f’kull Parti f’konformità mal-Artikolu 13 tat-Taqsima 1 tal-Parti A tal-Anness 31 tal-Ftehim dwar il-Kummerċ u l-Kooperazzjoni għandhom ikunu kif stabbilit fl-Anness tad-Deċiżjoni tal-Kummissjoni 2009/992/UE (4) u fl-Artikolu 1 tad-Deċiżjoni ta’ Implimentazzjoni tal-Kummissjoni (UE) 2024/2164 (5), kif adattat mill-paragrafi li ġejjin.
2. Għall-finijiet ta’ din id-Deċiżjoni, japplikaw l-adattamenti li ġejjin għall-Anness tad-Deċiżjoni 2009/992/UE:
|
(a) |
Ir-referenza għal “Stat Membru” hija sostitwita b’“Pajjiż” (6). |
|
(b) |
Ir-referenzi għal “liċenzja Komunitarja”, kull fejn iseħħu, huma sostitwiti b’“liċenzja msemmija fl-Artikolu 463(1) tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra”. |
|
(c) |
Fil-każ tar-Renju Unit, l-oqsma li ġejjin ma humiex meħtieġa: “Għadd ta’ persuni impjegati”, u “Klassifikazzjoni tar-riskju”. |
|
(d) |
“L-Artikolu 16(2), il-punt (c), tar-Regolament (KE) Nru 1071/2009” huwa sostitwit b’ “il-punt (c) tal-Artikolu 1(1) tad-Deċiżjoni Nru …/2025 tal-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (*).
|
3. Għall-finijiet ta’ din id-Deċiżjoni, l-oġġett tad-data“Pajjiż tar-Reġistrazzjoni tal-Vettura” msemmi fl-Artikolu 1 tad-Deċiżjoni ta’ Implimentazzjoni tal-Kummissjoni (UE) 2024/2164 għandu, fil-każ tar-Renju Unit, jiġi stabbilit awtomatikament għal “Renju Unit”.
Artikolu 4
Modalitajiet tal-iskambju tal-informazzjoni msemmija fl-Artikolu 14(3) u (4) tat-Taqsima 1 tal-Parti A tal-Anness 31 tal-Ftehim dwar il-Kummerċ u l-Kooperazzjoni
1. Ir-Renju Unit u l-Istati Membri tal-Unjoni għandhom jużaw ir-Reġistri Ewropej tal-Impriżi tat-Trasport bit-Triq (ERRU), stabbiliti bir-Regolament (UE) 2016/480 għall-iskambju ta’ informazzjoni msemmi fil-paragrafi 3 u 4 tal-Artikolu 14 tat-Taqsima 1 tal-Parti A tal-Anness 31 tal-Ftehim dwar il-Kummerċ u l-Kooperazzjoni.
2. Ir-Renju Unit għandu jwettaq l-interkonnessjoni tar-reġistru elettroniku nazzjonali tiegħu mal-ERRU f’konformità mal-proċeduri u r-rekwiżiti tekniċi stabbiliti fir-Regolament (UE) 2016/480 kif adattat mill-Artikolu 5 ta’ din id-Deċiżjoni.
3. Kull Parti għandha tiżgura li l-ipproċessar ta’ data personali fil-kuntest ta’ din id-Deċiżjoni jitwettaq biss għall-fini tal-verifika tal-konformità mat-Titolu I tal-Intestatura Tlieta tal-Ftehim dwar il-Kummerċ u l-Kooperazzjoni u mal-Anness 31 tal-Ftehim dwar il-Kummerċ u l-Kooperazzjoni.
4. Ir-Renju Unit u kull Stat Membru tal-Unjoni għandhom jaħtru punt ta’ kuntatt tal-ERRU responsabbli għall-iskambju ta’ informazzjoni tal-Parti l-oħra fir-rigward tal-applikazzjoni ta’ din id-Deċiżjoni.
Artikolu 5
Adattamenti għall-ispeċifikazzjonijiet tekniċi tal-ERRU
Għall-finijiet ta’ din id-Deċiżjoni, japplikaw l-adattamenti li ġejjin għar-Regolament (UE) 2016/480:
|
1. |
Ir-referenzi għal “Stat Membru”, kull fejn iseħħu, għandhom jinftiehmu bħala referenzi għal “Pajjiż” (7) u r-referenzi għal “Stati Membri”, kull fejn iseħħu, għandhom jinftiehmu bħala referenzi għal “Pajjiżi (8)”. |
|
2. |
Referenzi għal “dan ir-Regolament”, kull fejn iseħħu, “Annessi I sa VII ta’ dan ir-Regolament” u “Anness VIII ta’ dan ir-Regolament” għandhom jinftiehmu bħala referenzi għal “Deċiżjoni Nru …/2025 tal-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (*).
|
|
3. |
Ir-referenzi għal “liċenzja Komunitarja”, kull fejn iseħħu, għandhom jinftiehmu bħala referenzi għal “liċenzja msemmija fl-Artikolu 463(1) tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra”. |
|
4. |
Fl-Artikoli 1 sa 3 “l-Artikolu 16 tar-Regolament (KE) Nru 1071/2009” u “l-Artikolu 16(5) tar-Regolament (KE) Nru 1071/2009”, huma sostitwiti b’“id-Deċiżjoni Nru …/2025 tal-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (*).
|
|
5. |
Fl-Artikolu 2, “l-Artikolu 2 tar-Regolament (KE) Nru 1071/2009” hija sostitwita b’“l-Anness 31, il-Parti A, it-Taqsima 1, l-Artikolu 2 tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra”. |
|
6. |
Fl-Artikolu 2, il-punt (e), “l-Artikolu 8(8) tar-Regolament (KE) Nru 1071/2009” hija sostitwita b’“l-Artikolu 465(1) tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra”. |
|
7. |
L-Artikoli 6 u 7 ma għandhomx ikunu applikabbli għall-finijiet ta’ din id-Deċiżjoni. |
|
8. |
Fil-punt 1.3 tal-Anness II,
|
|
9. |
Fl-Appendiċi tal-Anness III,
|
|
10. |
Fl-Anness VIII, it-Taqsima 1, “l-Artikolu 11(4) tar-Regolament (KE) Nru 1071/2009” hija sostitwita b’“l-Anness 31, il-Parti A, it-Taqsima 1, l-Artikolu 12(2) tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra”. |
|
11. |
Fl-Anness VIII, it-Taqsima 2.1, “id-Direttiva 2006/22/KE jew fir-Regolament (KE) Nru 1071/2009” hija sostitwita b’“l-Appendiċi 31-A-1-1 tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra u l-Anness tad-Deċiżjoni Nru …/2025 tal-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (*).
|
Artikolu 6
Ammont u modalitajiet tal-kontribuzzjoni finanzjarja tar-Renju Unit
Ir-Renju Unit għandu jikkontribwixxi annwalment għall-kostijiet operazzjonali u tal-manutenzjoni tas-Sistema ta’ Informazzjoni tas-Suq Intern (ERRU, Internal Market Information System) fil-qafas stabbilit fid-Deċiżjoni Nru …/2025 tal-Kumitat Speċjalizzat għat-Trasport bit-Triq (9).
Artikolu 7
Sospensjoni tal-konnessjoni tar-Renju Unit mal-ERRU
L-Unjoni tista’ tissospendi l-aċċess tar-Renju Unit għall-ERRU jekk ir-Renju Unit ma jibqax jissodisfa l-kundizzjonijiet stabbiliti fl-Artikoli 4 sa 6 ta’ din id-Deċiżjoni.
Artikolu 8
Dħul fis-seħħ u applikazzjoni
Din id-Deċiżjoni għandha tidħol fis-seħħ fil-jum ta’ wara l-adozzjoni tagħha.
Din għandha tapplika mill-1 ta’ Jannar 2026.
Magħmul fi …, …
Għall-Kumitat Speċjalizzat
għat-Trasport bit-Triq
Il-Kopresidenti
(1) ĠU UE L 149, 30.04.2021, p. 10, ELI: http://data.europa.eu/eli/agree_internation/2021/689(1)/oj.
(2) Id-Deċiżjoni Nru …/2025 tal-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, ta’ …dwar lista tal-kategoriji, it-tipi u l-gradi ta’ serjetà ta’ ksur serju li jista’ jwassal għat-telf ta’ reputazzjoni tajba għal operatur tat-trasport tal-merkanzija bit-triq (ĠU UE L, …, ELI: …).
(3) Ir-Regolament ta’ Implimentazzjoni tal-Kummissjoni (UE) 2016/480 tal-1 ta’ April 2016 li jistabbilixxi regoli komuni li jikkonċernaw l-interkonnessjoni tar-reġistri elettroniċi nazzjonali tal-impriżi tat-trasport bit-triq u li jħassar ir-Regolament (UE) Nru 1213/2010, (ĠU UE L 87, 2.4.2016, p. 4, ELI: http://data.europa.eu/eli/reg_impl/2016/480/oj).
(4) Id-Deċiżjoni tal-Kummissjoni tas-17 ta’ Diċembru 2009 dwar ir-rekwiżiti minimi għad-data li trid tiddaħħal fir-reġistru elettroniku nazzjonali tal-impriżi tat-trasport bit-triq (notifikata bid-dokument numru C(2009) 9959), (ĠU UE L 339, 22.12.2009, p. 36, ELI: http://data.europa.eu/eli/dec/2009/992/oj).
(5) Id-Deċiżjoni ta’ Implimentazzjoni tal-Kummissjoni (UE) 2024/2164 tal-11 ta’ Lulju 2024 dwar ir-rekwiżiti minimi li jikkonċernaw id-data li għandha tiddaħħal fir-reġistri elettroniċi nazzjonali tal-impriżi tat-trasport bit-triq (notifikata bid-dokument C(2024) 4665) (ĠU UE L, 2024/2164, 20.8.2024, ELI: http://data.europa.eu/eli/dec_impl/2024/2164/oj).
(6) Pajjiż jirreferi għal Stat Membru tal-Unjoni Ewropea għall-Unjoni Ewropea, u r-Renju Unit tal-Gran Brittanja u l-Irlanda ta’ Fuq għar-Renju Unit tal-Gran Brittanja u l-Irlanda ta’ Fuq.
(7) Pajjiż tirreferi għal Stat Membru tal-Unjoni Ewropea jew għar-Renju Unit tal-Gran Brittanja u l-Irlanda ta’ Fuq.
(8) Pajjiżi tirreferi kemm għall-Istati Membri tal-Unjoni Ewropea kif ukoll għar-Renju Unit tal-Gran Brittanja u l-Irlanda ta’ Fuq.
(9) Id-Deċiżjoni Nru …/2025 tal-Kumitat Speċjalizzat għat-Trasport bit-Triq stabbilit mill-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, ta’ … dwar l-ammont u l-modalitajiet tal-kontribuzzjoni finanzjarja tar-Renju Unit għal ċerti sistemi ta’ informazzjoni dwar it-trasport bit-triq ġestiti mill-Unjoni u l-emendar tad-Deċiżjoni Nru 1/2022 tal-Kumitat Speċjalizzat għat-Trasport bit-Triq (ĠU UE L, …, ELI: …).
ELI: http://data.europa.eu/eli/dec/2025/2417/oj
ISSN 1977-074X (electronic edition)