This document is an excerpt from the EUR-Lex website
Document 32024R2189
Commission Implementing Regulation (EU) 2024/2189 of 3 September 2024 granting a Union authorisation for the single biocidal product ClearKlens wipes based on IPA in accordance with Regulation (EU) No 528/2012 of the European Parliament and of the Council
Regolament ta’ Implimentazzjoni tal-Kummissjoni (UE) 2024/2189 tat-3 ta’ Settembru 2024 li jagħti awtorizzazzjoni tal-Unjoni lill-prodott bijoċidali uniku ClearKlens wipes based on IPA f’konformità mar-Regolament (UE) Nru 528/2012 tal-Parlament Ewropew u tal-Kunsill
Regolament ta’ Implimentazzjoni tal-Kummissjoni (UE) 2024/2189 tat-3 ta’ Settembru 2024 li jagħti awtorizzazzjoni tal-Unjoni lill-prodott bijoċidali uniku ClearKlens wipes based on IPA f’konformità mar-Regolament (UE) Nru 528/2012 tal-Parlament Ewropew u tal-Kunsill
C/2024/5993
ĠU L, 2024/2189, 4.9.2024, ELI: http://data.europa.eu/eli/reg_impl/2024/2189/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version:
30/10/2025
|
Il-Ġurnal Uffiċjali |
MT Is-serje L |
|
2024/2189 |
4.9.2024 |
REGOLAMENT TA’ IMPLIMENTAZZJONI TAL-KUMMISSJONI (UE) 2024/2189
tat-3 ta’ Settembru 2024
li jagħti awtorizzazzjoni tal-Unjoni lill-prodott bijoċidali uniku “ClearKlens wipes based on IPA” f’konformità mar-Regolament (UE) Nru 528/2012 tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari l-Artikolu 44(5), l-ewwel subparagrafu tiegħu,
Billi:
|
(1) |
Fl-10 ta’ Marzu 2020, Diversey Europe Operations B.V. ressqet applikazzjoni lill-Aġenzija Ewropea għas-Sustanzi Kimiċi (“l-Aġenzija”) f’konformità mal-Artikolu 43(1) tar-Regolament (UE) Nru 528/2012 għall-awtorizzazzjoni tal-Unjoni ta’ prodotti bijoċidali uniku bl-isem ta’ “ClearKlens wipes based on IPA” tat-tip ta’ prodott 2, kif deskritt fl-Anness V ta’ dak ir-Regolament, u pprovdiet konferma bil-miktub li l-awtorità kompetenti tan-Netherlands qablet li tevalwa l-applikazzjoni. L-applikazzjoni ġiet irreġistrata bin-numru tal-każ BC-XF057810-33 fir-Reġistru tal-Prodotti Bijoċidali. |
|
(2) |
“ClearKlens wipes based on IPA” fih il-propan-2-ol bħala s-sustanza attiva inkluża fil-lista tal-Unjoni ta’ sustanzi attivi approvati msemmija fl-Artikolu 9(2) tar-Regolament (UE) Nru 528/2012 għat-tip ta’ prodott 2. |
|
(3) |
Fis-17 ta’ Lulju 2023, f’konformità mal-Artikolu 44(1) tar-Regolament (UE) Nru 528/2012, l-awtorità kompetenti tal-evalwazzjoni ressqet rapport ta’ valutazzjoni u l-konklużjonijiet tal-evalwazzjoni tagħha lill-Aġenzija. |
|
(4) |
Fl-14 ta’ Diċembru 2023, l-Aġenzija ressqet l-opinjoni tagħha (2), l-abbozz tas-sommarju tal-karatteristiċi tal-prodott bijoċidali (“SPC”) ta’ “ClearKlens wipes based on IPA” u r-rapport finali tal-valutazzjoni dwar il-prodott bijoċidali uniku lill-Kummissjoni, f’konformità mal-Artikolu 44(3) tar-Regolament (UE) Nru 528/2012. |
|
(5) |
L-opinjoni kkonkludiet li l-“ClearKlens wipes based on IPA” huwa prodott bijoċidali uniku skont it-tifsira tal-Artikolu 3(1)(r) tar-Regolament (UE) Nru 528/2012 li huwa eliġibbli għall-awtorizzazzjoni tal-Unjoni f’konformità mal-Artikolu 42(1) ta’ dak ir-Regolament u li, soġġett għall-konformità mal-abbozz tal-SPC, jissodisfa l-kundizzjonijiet stabbiliti fl-Artikolu 19(1) ta’ dak ir-Regolament. |
|
(6) |
Fit-3 ta’ Jannar 2024, l-Aġenzija bagħtet l-abbozz tal-SPC lill-Kummissjoni fil-lingwi uffiċjali kollha tal-Unjoni f’konformità mal-Artikolu 44(4) tar-Regolament (UE) Nru 528/2012. |
|
(7) |
Il-Kummissjoni taqbel mal-opinjoni tal-Aġenzija u għalhekk hija tal-fehma li jixraq li tagħti l-awtorizzazzjoni tal-Unjoni għall-“ClearKlens wipes based on IPA”. |
|
(8) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Prodotti Bijoċidali, |
ADOTTAT DAN IR-REGOLAMENT:
Artikolu 1
Qed tingħata l-awtorizzazzjoni tal-Unjoni bin-numru tal-awtorizzazzjoni EU-0032009-0000 lil Diversey Europe Operations B.V għat-tqegħid fis-suq u għall-użu tal-prodott bijoċidali uniku “ClearKlens wipes based on IPA”, f’konformità mas-sommarju tal-karatteristiċi tal-prodotti bijoċidali stabbiliti fl-Anness.
L-awtorizzazzjoni tal-Unjoni hija valida mill-24 ta’ Settembru 2024 sal-31 ta’ Awwissu 2034.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta’ Settembru 2024.
Għall-Kummissjoni
Il-President
Ursula VON DER LEYEN
(1) ĠU L 167, 27.6.2012, p. 1, ELI: http://data.europa.eu/eli/reg/2012/528/oj?locale=mt.
(2) L-opinjoni tal-ECHA tat-22 ta’ Novembru 2023 dwar l-awtorizzazzjoni tal-Unjoni għall-prodott bijoċidali uniku “ClearKlens wipes based on IPA” (ECHA/BPC/402/2023), https://echa.europa.eu/opinions-on-union-authorisation.
ELI: http://data.europa.eu/eli/reg_impl/2024/2189/oj
ISSN 1977-074X (electronic edition)