This document is an excerpt from the EUR-Lex website
Document 32024L1262
Commission Delegated Directive (EU) 2024/1262 of 13 March 2024 amending Directive 2010/63/EU of the European Parliament and of the Council as regards the requirements for establishments and for the care and accommodation of animals, and as regards the methods of killing animals
Direttiva Delegata tal-Kummissjoni (UE) 2024/1262 tat-13 ta’ Marzu 2024 li temenda d-Direttiva 2010/63/UE tal-Parlament Ewropew u tal-Kunsill fir-rigward tar-rekwiżiti għall-istabbilimenti u għall-kura u ż-żamma tal-annimali, u fir-rigward tal-metodi tal-qtil tal-annimali
Direttiva Delegata tal-Kummissjoni (UE) 2024/1262 tat-13 ta’ Marzu 2024 li temenda d-Direttiva 2010/63/UE tal-Parlament Ewropew u tal-Kunsill fir-rigward tar-rekwiżiti għall-istabbilimenti u għall-kura u ż-żamma tal-annimali, u fir-rigward tal-metodi tal-qtil tal-annimali
C/2024/1556
ĠU L, 2024/1262, 15.5.2024, ELI: http://data.europa.eu/eli/dir_del/2024/1262/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Il-Ġurnal Uffiċjali |
MT Is-serje L |
2024/1262 |
15.5.2024 |
DIRETTIVA DELEGATA TAL-KUMMISSJONI (UE) 2024/1262
tat-13 ta’ Marzu 2024
li temenda d-Direttiva 2010/63/UE tal-Parlament Ewropew u tal-Kunsill fir-rigward tar-rekwiżiti għall-istabbilimenti u għall-kura u ż-żamma tal-annimali, u fir-rigward tal-metodi tal-qtil tal-annimali
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2010/63/UE tal-Parlament Ewropew u tal-Kunsill tat-22 ta’ Settembru 2010 dwar il-protezzjoni tal-annimali li jintużaw għal skopijiet xjentifiċi (1), u b’mod partikolari l-Artikolu 50 tagħha,
Billi:
(1) |
L-Artikolu 33 tad-Direttiva 2010/63/UE jirrikjedi li l-annimali li jintużaw għal skopijiet xjentifiċi jkunu pprovduti b’post fejn joqogħdu, ambjent u kura li huma adatti għal saħħithom u t-trattament xieraq tagħhom. L-Anness III tad-Direttiva 2010/63/UE jistabbilixxi r-rekwiżiti għall-istabbilimenti u għall-kura u ż-żamma ta’ dawk l-annimali. |
(2) |
L-Artikolu 6 tad-Direttiva 2010/63/UE jirrikjedi li l-annimali jinqatlu b’uġigħ, tbatija u skonfort minimi, permezz tal-metodi xierqa ta’ qtil speċifiċi għall-ispeċi previsti fl-Anness IV ta’ dik id-Direttiva. |
(3) |
Meta kienet qed tiġi adottata d-Direttiva, ma kienx hemm biżżejjed evidenza xjentifika disponibbli dwar ir-rekwiżiti xierqa ta’ akkomodazzjoni u kura għal ċerti speċijiet, inklużi ċ-ċefalopodi, il-ħut taż-żebra u l-għasafar passeriformi, u dwar il-metodi xierqa ta’ qtil għaċ-ċefalopodi. Għalhekk, fl-Anness III tad-Direttiva 2010/63/UE ma ġie inkluż l-ebda rekwiżit speċifiku għall-ispeċi għal dawk l-ispeċijiet jew għall-qtil taċ-ċefalopodi fl-Anness IV ta’ dik id-Direttiva. |
(4) |
Mill-2010 ’l hawn, inkiseb għarfien xjentifiku ġdid dwar ir-rekwiżiti tal-benessri taċ-ċefalopodi, tal-ħut żebra u tal-għasafar passeriformi miżmuma fil-magħluq, kif ukoll għall-qtil taċ-ċefalopodi b’mod li jikkawża b’uġigħ, tbatija u skonfort minimi, u għalhekk jenħtieġ li l-Annessi III u IV tad-Direttiva 2010/63/UE jiġu adattati skont dan. |
(5) |
Uħud mir-rekwiżiti l-ġodda identifikati għall-ħut żebra u ċ-ċefalopodi li ma kinux inklużi fl-Anness III tad-Direttiva 2010/63/UE jenħtieġ li jiġu introdotti għall-ispeċijiet akkwatiċi kollha jew għall-annimali kollha. |
(6) |
L-informazzjoni ppreżentata skont l-Artikolu 54(3) tad-Direttiva 2010/63/UE turi li bosta Stati Membri jqisu x-xokk ipotermiku bħala metodu xieraq ta’ qtil għall-ħut żebra abbażi tal-evidenza xjentifika attwali. Sabiex jiġi evitat piż amministrattiv bla bżonn li jirriżulta minn eżenzjonijiet regolari mogħtija skont l-Artikolu 6(4)(a) tad-Direttiva 2010/63/UE, jenħtieġ li dan il-metodu jkun permess għall-qtil tal-ħut żebra. |
(7) |
Mill-adozzjoni tad-Direttiva 2010/63/UE, ħarġet evidenza xjentifika ġdida dwar l-inadegwatezza tal-użu ta’ gassijiet inerti (argon u nitroġenu) biex jinqatlu r-rodituri, u għalhekk jenħtieġ li l-użu tagħhom ma jibqax permess għall-qtil tar-rodituri. |
(8) |
Għalhekk, jenħtieġ li d-Direttiva 2010/63/UE tiġi emendata skont dan, |
ADOTTAT DIN ID-DIRETTIVA:
Artikolu 1
L-Annessi III u IV għad-Direttiva 2010/63/UE huma emendati skont l-Anness ta’ din id-Direttiva.
Artikolu 2
1. L-Istati Membri għandhom jadottaw u jippubblikaw, sa mhux aktar tard mill-4 ta’ Diċembru 2025, il-liġijiet, ir-regolamenti u d-dispożizzjonijiet amminstrattivi neċessarji sabiex jikkonformaw ma’ din id-Direttiva. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.
Għandhom japplikaw dawk id-dispożizzjonijiet mill-4 ta’ Diċembru 2026.
Meta l-Istati Membri jadottaw dawk id-dispożizzjonijiet, fihom għandu jkun hemm referenza għal din id-Direttiva jew għandhom ikunu akkumpanjati minn dik ir-referenza meta ssir il-pubblikazzjoni uffiċjali tagħhom. Huma l-Istati Membri li għandhom jiddeċiedu kif issir dik ir-referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tad-dritt nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, it-13 ta’ Marzu 2024.
Għall-Kummissjoni
Il-President
Ursula VON DER LEYEN
(1) ĠU L 276, 20.10.2010, p. 33, ELI: http://data.europa.eu/eli/dir/2010/63/oj.
ANNESS
L-Annessi III u IV tad-Direttiva 2010/63/UE huma emendati kif ġej:
(1) |
l-Anness III huwa emendat kif ġej:
|
(2) |
L-Anness IV huwa emendat kif ġej:
|
(*1) Id-daqsijiet tal-gruppi akbar minn 10 ma għandhomx ikunu permessi mingħajr skeda ta’ monitoraġġ definita bi frekwenza suffiċjenti biex tkun identifikata u mitigata l-aggressjoni.”;
(*2) jew taħt il-limitu ta’ detezzjoni. 0,1 mg/L jindika l-ammont totali ta’ ammonja, NH3/NH4 +. Dan jikkorrispondi għal 0,002 mg/L of NH3 fi 28 °C u pH 7,5.
(*3) Tul tal-mantell dorsali.
(*4) Grupp sa 40 individwu.
(*5) Użu ta’ tankijiet b’forma ċilindrika għandu jkun preferut. Il-valuri minimi għandhom jiżdiedu b’ 5 % jekk jintużaw tankijiet mhux ċilindriċi.
(*6) Meta għadhom żgħar, fl-istadju paralarvali, il-klamari u l-qarnit għandhom jinżammu f’tankijiet ċilindriċi, b’massimu ta’ 20 faqas għal kull litru u għandhom jiġu adottati metodi biex tiġi limitata l-interazzjoni viżiva.”.;
ELI: http://data.europa.eu/eli/dir_del/2024/1262/oj
ISSN 1977-074X (electronic edition)