(1)

Fid-dawl taċ-ċirkostanzi ekonomiċi u finanzjarji eċċezzjonali assoċjati mat-tixrid tal-marda tal-coronavirus 2019 (COVID-19), fit-18 ta’ Marzu 2020, il-Kunsill Governattiv iddeċieda li jniedi programm temporanju ġdid ta’ xiri ta’ emerġenza fil-każ ta’ pandemija (PEPP) li jinkludi l-kategoriji kollha ta’ assi eliġibbli taħt il-programm ta’ xiri ta’ assi tal-BĊE, li jikkonsisti fil-programm ta’ xiri ta’ assi tas-settur pubbliku tas-swieq sekondarji, it-tielet programm ta’ xiri ta’ bonds koperti, il-programm ta’ xiri ta’ titoli ggarantiti b’assi, u l-programm ta’ xiri mis-settur korporattiv (CSPP).

(2)

Is-CSPP ġie stabbilit bid-Deċiżjoni (UE) 2016/948 tal-Bank Ċentrali Ewropew (BĊE/2016/16) (1). Fih għadd ta’ salvagwardji biex jiġi żgurat li x-xiri u ż-żamma ta’ bonds korporattivi jkunu proporzjonati mal-għanijiet tiegħu. Dawn is-salvagwardji għandhom jiżguraw ukoll li riskji finanzjarji relatati jitqiesu fid-disinn tas-CSPP, u għaldaqstant ukoll f’dak tal-PEPP, u għandhom jirriflettu perspettivi tal-ġestjoni tar-riskju.

(3)

Għaldaqstant, fis-6 ta’ Awwissu 2024 l-Kunsill Governattiv iddeċieda li jemenda r-regola applikabbli għal tranżazzjonijiet ta’ self ta’ titoli ta’ bonds korporattivi miżmuma mill-Eurosistema taħt is-CSPP u l-PEPP biex jiġu riflessi kunsiderazzjonijiet ta’ ġestjoni tar-riskju.

(4)

Għaldaqstant, id-Deċiżjoni (UE) 2020/440 tal-Bank Ċentrali Ewropew (BĊE/2020/17) (2) għandha tiġi emendata kif meħtieġ,