This document is an excerpt from the EUR-Lex website
Document 32023R2793
Council Implementing Regulation (EU) 2023/2793 of 11 December 2023 implementing Regulation (EU) 2023/1529 concerning restrictive measures in view of Iran’s military support of Russia’s war of aggression against Ukraine
Regolament ta’ Implimentazzjoni tal-Kunsill (UE) 2023/2793 tal-11 ta’ Diċembru 2023 li jimplimenta r-Regolament (UE) 2023/1529 dwar miżuri restrittivi fid-dawl tal-appoġġ militari tal-Iran għall-gwerra ta’ aggressjoni tar-Russja kontra l-Ukrajna
Regolament ta’ Implimentazzjoni tal-Kunsill (UE) 2023/2793 tal-11 ta’ Diċembru 2023 li jimplimenta r-Regolament (UE) 2023/1529 dwar miżuri restrittivi fid-dawl tal-appoġġ militari tal-Iran għall-gwerra ta’ aggressjoni tar-Russja kontra l-Ukrajna
ST/15789/2023/INIT
ĠU L, 2023/2793, 11.12.2023, ELI: http://data.europa.eu/eli/reg_impl/2023/2793/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Serje L |
|
2023/2793 |
11.12.2023 |
REGOLAMENT TA’ IMPLIMENTAZZJONI TAL-KUNSILL (UE) 2023/2793
tal-11 ta’ Diċembru 2023
li jimplimenta r-Regolament (UE) 2023/1529 dwar miżuri restrittivi fid-dawl tal-appoġġ militari tal-Iran għall-gwerra ta’ aggressjoni tar-Russja kontra l-Ukrajna
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra Regolament tal-Kunsill (UE) 2023/1529 tal-20 ta’ Lulju 2023 dwar miżuri restrittivi fid-dawl tal-appoġġ militari tal-Iran għall-gwerra ta’ aggressjoni tar-Russja kontra l-Ukrajna (1), u b’mod partikolari l-Artikolu 7(1) tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fl-20 ta’ Lulju 2023, il-Kunsill adotta r-Regolament (UE) 2023/1529. |
|
(2) |
Fil-konklużjonijiet tiegħu tal-20 u l-21 ta’ Ottubru 2022, tal-15 ta’ Diċembru 2022, tat-23 ta’ Marzu 2023, tad-29 u t-30 ta’ Ġunju 2023, u tas-26 u s-27 ta’ Ottubru 2023, il-Kunsill Ewropew ikkundanna bil-qawwa l-appoġġ militari għall-gwerra ta’ aggressjoni tar-Russja pprovdut mill-awtoritajiet Iranjani, li jrid jieqaf. |
|
(3) |
Fil-konklużjonijiet tiegħu tat-12 ta’ Diċembru 2022, il-Kunsill ikkundanna bil-qawwa u kkunsidra inaċċettabbli kwalunkwe tip ta’ appoġġ militari mill-Iran, inkluż il-konsenji ta’ vetturi tal-ajru mingħajr ekwipaġġ (UAVs), għall-gwerra ta’ aggressjoni illegali, mhux provokata u mhux ġustifikata tar-Russja kontra l-Ukrajna, li tikser b’mod serju d-dritt internazzjonali u l-prinċipji tal-Karta tan-Nazzjonijiet Uniti. L-armi pprovduti mill-Iran qed jintużaw b’mod indiskriminat mir-Russja kontra l-popolazzjoni ċivili u l-infrastruttura tal-Ukrajna, u qed jikkawżaw qerda orribbli u tbatija umana. |
|
(4) |
Ir-Russja qed tuża UAVs prodotti mill-Iran b’appoġġ għall-gwerra ta’ aggressjoni tagħha, li tikser is-sovranità, l-indipendenza u l-integrità territorjali tal-Ukrajna, inkluż kontra ċ-ċivili u l-infrastruttura ċivili. Il-programm Iranjan sponsorjat mill-Istat għall-iżvilupp u l-produzzjoni ta’ UAVs għalhekk jikkontribwixxi għall-ksur tal-Karta tan-Nazzjonijiet Uniti u tal-prinċipji fundamentali tad-dritt internazzjonali. Il-programm huwa mmexxi mill-Ministeru tad-Difiża u l-Loġistika tal-Forzi Armati tal-Iran u l-Korp tal-Gwardjani tar-Rivoluzzjoni Iżlamika, li t-tnejn huma sanzjonati mill-Unjoni, u jinkludi l-akkwist, l-iżvilupp, il-produzzjoni u t-trasferiment tal-UAVs, b’mod partikolari lejn ir-Russja. Huwa bbażat fuq kumpaniji tal-Istat kif ukoll privati u jibbenefika minn kapaċitajiet domestiċi ta’ riċerka. |
|
(5) |
F’dak il-kuntest, jenħtieġ li sitt persuni u ħames entitajiet jiġu inklużi fil-lista ta’ persuni fiżiċi u ġuridiċi, entitajiet u korpi soġġetti għall-miżuri restrittivi stabbiliti fl-Anness III għar-Regolament (UE) 2023/1529. |
|
(6) |
It-titolu tar-Regolament (UE) 2023/1529 f’ċerti verżjonijiet lingwistiċi jenħtieġ li jiġi emendat sabiex jikkorrispondi għat-titolu tad-Deċiżjoni tal-Kunsill (PESK) 2023/1532 (2). |
|
(7) |
Għalhekk jenħtieġ li r-Regolament (UE) 2023/1529 jiġi emendat skont dan, |
ADOTTA DAN IR-REGOLAMENT:
Artikolu 1
Ir-Regolament (UE) 2023/1529 huwa emendat kif ġej:
|
(1) |
it-titolu huwa sostitwit b’dan li ġej: “(ma jikkonċernax il-lingwa Maltija)” |
|
(2) |
L-Anness III huwa emendat f’konformità mal-Anness għal dan ir-Regolament. |
Artikolu 2
Dan ir-Regolament għandu jidħol fis-seħħ fid-data tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta’ Diċembru 2023.
Għall-Kunsill
Il-President
J. BORRELL FONTELLES
(1) ĠU L 186, 25.7.2023, p. 1.
(2) Id-Deċiżjoni tal-Kunsill (PESK) 2023/1532 tal-20 ta’ Lulju 2023 dwar miżuri restrittivi fid-dawl tal-appoġġ militari tal-Iran għall-gwerra ta’ aggressjoni tar-Russja kontra l-Ukrajna (ĠU L 186, 25.7.2023, p. 20).
ANNESS
Fl-Anness III għar-Regolament (UE) 2023/1529, is-subintestatura u l-entrati li ġejjin jinżdiedu taħt l-intestatura “Lista ta’ persuni fiżiċi u ġuridiċi, entitajiet u korpi msemmija fl-Artikolu 3”:
|
“A. |
Persuni fiżiċi
|
|
B. |
Persuni ġuridiċi, entitajiet u korpi
|
ELI: http://data.europa.eu/eli/reg_impl/2023/2793/oj
ISSN 1977-074X (electronic edition)