This document is an excerpt from the EUR-Lex website
Document 32023R1104
Commission Implementing Regulation (EU) 2023/1104 of 6 June 2023 amending Regulation (EC) No 1238/95 as regards the fees payable to the Community Plant Variety Office
Regolament ta’ Implimentazzjoni tal-Kummissjoni (UE) 2023/1104 tas-6 ta’ Ġunju 2023 li jemenda r-Regolament (KE) Nru 1238/95 fir-rigward tal-piżijiet pagabbli lill-Uffiċċju Komunitarju tal-Varjetajiet tal-Pjanti
Regolament ta’ Implimentazzjoni tal-Kummissjoni (UE) 2023/1104 tas-6 ta’ Ġunju 2023 li jemenda r-Regolament (KE) Nru 1238/95 fir-rigward tal-piżijiet pagabbli lill-Uffiċċju Komunitarju tal-Varjetajiet tal-Pjanti
C/2023/3546
ĠU L 147, 7.6.2023, p. 65–67
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
7.6.2023 |
MT |
Il-Ġurnal Uffiċjali tal-Unjoni Ewropea |
L 147/65 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/1104
tas-6 ta’ Ġunju 2023
li jemenda r-Regolament (KE) Nru 1238/95 fir-rigward tal-piżijiet pagabbli lill-Uffiċċju Komunitarju tal-Varjetajiet tal-Pjanti
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 2100/94 tas-27 ta’ Lulju 1994 dwar drittijiet ta’ varjetajiet ta’ pjanti fil-Komunità (1), u b’mod partikolari l-Artikolu 113 tiegħu,
Wara li kkonsultat il-Kunsill Amministrattiv tal-Uffiċċju Komunitarju tal-Varjetajiet tal-Pjanti,
Billi:
|
(1) |
L-Artikolu 9(1) tar-Regolament tal-Kummissjoni (KE) Nru 1238/95 (2) jistabbilixxi l-livell tal-piż pagabbli lill-Uffiċċju Komunitarju tal-Varjetajiet tal-Pjanti (“l-Uffiċċju), għal kull sena tad-durata ta’ dritt ta’ varjetajiet ta’ pjanti fil-Komunità kif previst fl-Artikolu 113(2), il-punt (d), tar-Regolament (KE) Nru 2100/94. |
|
(2) |
Sabiex jiġi rifless il-potenzjal għall-inflazzjoni fil-linji baġitarji kollha u biex tkompli tiżdied ir-riżerva libera għal-livell minimu biex jiġi żgurat l-operat tal-uffiċċju, il-piż annwali mħallas minn detentur ta’ dritt ta’ varjetajiet ta’ pjanti fil-Komunità jenħtieġ li jiżdied għal EUR 380. |
|
(3) |
Il-kumplessità tal-kawżi tal-appell qed tiżdied u l-piż attwali ta’ appell stabbilit fl-Artikolu 11 tar-Regolament (KE) Nru 1238/95 ma jkoprix il-kostijiet reali. Għalhekk, dan il-piż ta’ appell jenħtieġ li jiżdied għal EUR 2 100. |
|
(4) |
L-esperjenza wriet li hemm bżonn li jiġu koperti l-kostijiet amministrattivi li jikkonċernaw id-dikjarazzjoni tad-dritt ta’ varjetajiet ta’ pjanti fil-Komunità null u bla effett, kif imsemmi fl-Artikolu 20 tar-Regolament (KE) Nru 2100/94, u l-piż amministrattiv li jikkonċerna oġġezzjoni bil-miktub għall-għoti ta’ dritt ta’ varjetajiet ta’ pjanti fil-Komunità, kif imsemmi fl-Artikolu 59 ta’ dak ir-Regolament. |
|
(5) |
L-Anness I tar-Regolament (KE) Nru 1238/95 jistabbilixxi l-livell tal-piżijiet għall-organizzazzjoni u t-twettiq tal-eżami tekniku ta’ varjetà li hija s-suġġett ta’ applikazzjoni għal dritt ta’ varjetajiet ta’ pjanti fil-Komunità, li jridu jitħallsu lill-Uffiċċju. |
|
(6) |
Abbażi ta’ stħarriġ dwar il-kostijiet tal-Uffiċċji tal-Eżami mwettqa mill-Uffiċċju, il-piżijiet imposti mill-Uffiċċju jenħtieġ li jiġu aġġornati, filwaqt li titqies ir-rata tal-inflazzjoni.. Iż-żrieragħ tal-lift jenħtieġ li jiġu inklużi fil-grupp ta’ speċijiet agrikoli oħrajn u l-frawli fil-grupp ta’ speċijiet oħra tal-frott peress li l-livell tal-piżijiet f’dawk il-gruppi huwa aktar xieraq għal dawk l-ispeċijiet. Għaldaqstant, il-piżijiet stabbiliti fl-Anness I tar-Regolament (KE) Nru 1238/95 jenħtieġ li jiġu modifikati għall-gruppi ta’ kostijiet kollha kkonċernati. |
|
(7) |
Skont l-Artikolu 83 tar-Regolament (KE) Nru 2100/94 l-Uffiċċju għandu jitlob piżijiet għall-atti uffiċjali tiegħu previsti fir-Regolament. Għalhekk, jenħtieġ li jiġu stabbiliti l-piżijiet għad-dikjarazzjoni tad-dritt ta’ varjetajiet ta’ pjanti fil-Komunità null u bla effett u għal oġġezzjoni bil-miktub għall-għoti ta’ dritt ta’ varjetajiet ta’ pjanti fil-Komunità sabiex jiġu koperti l-kostijiet ta’ dawn l-attivitajiet miżjuda. |
|
(8) |
Għaldaqstant, jenħtieġ li r-Regolament (KE) Nru 1238/95 jiġi emendat skont dan. |
|
(9) |
Dan ir-Regolament jenħtieġ li japplika mill-1 ta’ Lulju 2023 sabiex jippermetti biżżejjed żmien għall-Uffiċċju u għall-partijiet ikkonċernati biex jadattaw għal dawk l-emendi. |
|
(10) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar id-Drittijiet ta’ Varjetajiet ta’ Pjanti fil-Komunità, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 1238/95 huwa emendat kif ġej:
|
(1) |
fl-Artikolu 9, il-paragrafu 1 huwa sostitwit b’dan li ġej: “1. L-Uffiċċju għandu jitlob piż ta’ EUR 380 lid-detentur ta’ dritt fuq varjetà ta’ pjanta fil-Komunità (‘id-detentur’) għal kull sena tad-durata ta’ dritt fuq varjetà ta’ pjanta fil-Komunità (‘tariffa annwali’), kif imsemmi fl-Artikolu 113(2), il-punt (d) tar-Regolament Bażiku.” |
|
(2) |
fl-Artikolu 11, il-paragrafu 1 huwa sostitwit b’dan li ġej: “1. L-appellant għandu jħallas piż ta’ Appell ta’ EUR 2 100 għall-proċessar ta’ Appell, kif previst fl-Artikolu 113(2), il-punt (c) tar-Regolament Bażiku.” |
|
(3) |
fl-Artikolu 12, il-paragrafu 1 huwa sostitwit b’dan li ġej: “1. Il-President tal-Uffiċċju għandu jistabbilixxi l-piżijiet għall-kwistjonijiet li ġejjin:
|
|
(4) |
fl-Artikolu 12, il-paragrafu 2 huwa sostitwit b’dan li ġej: “2. Il-President tal-Uffiċċju jista’ jiddeċiedi li jagħmel is-servizzi imsemmija fil-paragrafu 1(a) sa (e) dipendenti fuq pagament antiċipat.” |
|
(5) |
L-Anness I huwa sostitwit bit-test fl-Anness ta’ dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Lulju 2023.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta’ Ġunju 2023.
Għall-Kummissjoni
Il-President
Ursula VON DER LEYEN
(2) Ir-Regolament tal-Kummissjoni (KE) Nru 1238/95 tal-31 ta’ Mejju 1995 li jistabbilixxi r-regoli tal-implimentazzjoni sabiex jiġi applikat ir-Regolament tal-Kunsill (KE) Nru 2100/94 rigward il-piżijiet pagabbli lill-Uffiċċju Komunitarju tal-Varjetajiet tal-Pjanti (ĠU L 121, 1.6.1995, p. 31).
ANNESS
“ANNESS I
Il-piżijiet relatati mal-eżami tekniku kif imsemmi fl-Artikolu 8
Il-piż li jrid jitħallas għall-eżami tekniku ta’ varjetà għandu jiġi ddeterminat f’konformità mat-tabella:
|
(bl-EUR) |
||
|
|
Grupp tal-kostijiet |
Piż |
|
Grupp agrikolu |
||
|
1 |
Patata |
2 580 |
|
2 |
Ħaxix |
3 650 |
|
3 |
Speċijiet agrikoli oħrajn |
1 980 |
|
Grupp tal-frott |
||
|
4 |
Tuffieħ |
4 130 |
|
5 |
Speċijiet ta’ frott oħrajn |
4 130 |
|
Grupp ornamentali |
||
|
6 |
Pjanti ornamentali b’kollezzjoni ta’ referenza ħajja, test fis-serra |
2 390 |
|
7 |
Pjanti ornamentali b’kollezzjoni ta’ referenza ħajja, test fil-beraħ |
3 070 |
|
8 |
Pjanti ornamentali mingħajr kollezzjoni ta’ referenza ħajja, test fis-serra |
2 760 |
|
9 |
Pjanti ornamentali mingħajr kollezzjoni ta’ referenza ħajja, test fil-beraħ |
2 890 |
|
10 |
Pjanti ornamentali, kundizzjonijiet fitosanitarji speċjali |
3 550 |
|
Grupp tal-ħxejjex agrikoli |
||
|
11 |
Ħxejjex agrikoli, test fis-serra |
3 570 |
|
12 |
Ħxejjex agrikoli, test fil-beraħ |
3 280 |