EUR-Lex Access to European Union law
This document is an excerpt from the EUR-Lex website
Document 32023R0186
Commission Implementing Regulation (EU) 2023/186 of 27 January 2023 amending Implementing Regulation (EU) 2021/2325 as regards the recognition of certain control authorities and control bodies for the purpose of importing organic products into the Union
Regolament ta’ Implimentazzjoni tal-Kummissjoni (UE) 2023/186 tas-27 ta’ Jannar 2023 li jemenda r-Regolament ta’ Implimentazzjoni (UE) 2021/2325 fir-rigward tar-rikonoxximent ta’ ċerti awtoritajiet ta’ kontroll u korpi ta’ kontroll għall-fini tal-importazzjoni ta’ prodotti organiċi fl-Unjoni
Regolament ta’ Implimentazzjoni tal-Kummissjoni (UE) 2023/186 tas-27 ta’ Jannar 2023 li jemenda r-Regolament ta’ Implimentazzjoni (UE) 2021/2325 fir-rigward tar-rikonoxximent ta’ ċerti awtoritajiet ta’ kontroll u korpi ta’ kontroll għall-fini tal-importazzjoni ta’ prodotti organiċi fl-Unjoni
C/2023/627
ĠU L 26, 30.1.2023, p. 17–19
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
30.1.2023 |
MT |
Il-Ġurnal Uffiċjali tal-Unjoni Ewropea |
L 26/17 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/186
tas-27 ta’ Jannar 2023
li jemenda r-Regolament ta’ Implimentazzjoni (UE) 2021/2325 fir-rigward tar-rikonoxximent ta’ ċerti awtoritajiet ta’ kontroll u korpi ta’ kontroll għall-fini tal-importazzjoni ta’ prodotti organiċi fl-Unjoni
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/848 tal-Parlament Ewropew u tal-Kunsill tat-30 ta’ Mejju 2018 dwar il-produzzjoni organika u t-tikkettar ta’ prodotti organiċi u li jħassar ir-Regolament tal-Kunsill (KE) Nru 834/2007 (1), u b’mod partikolari l-Artikolu 57(2) tiegħu,
Billi:
(1) |
L-Anness II tar-Regolament ta’ Implimentazzjoni tal-Kummissjoni (UE) 2021/2325 (2) jistabbilixxi l-lista tal-awtoritajiet ta’ kontroll u tal-korpi ta’ kontroll rikonoxxuti għall-fini ta’ ekwivalenza, u li huma kompetenti biex iwettqu l-kontrolli u joħorġu ċ-ċertifikati f’pajjiżi terzi. Fid-dawl ta’ informazzjoni u talbiet ġodda li rċeviet il-Kummissjoni mill-adozzjoni tar-Regolament ta’ Implimentazzjoni (UE) 2021/2325, jenħtieġ li jsiru ċerti bidliet f’dik il-lista. |
(2) |
Il-Kummissjoni rċeviet u eżaminat talba mingħand “Certificadora Mexicana de productos y procesos ecológicos S.C.” biex tirtira r-rikonoxximent tagħha għall-kategorija tal-prodotti A għar-Repubblika Dominicana, il-Gwatemala u El Salvador minħabba nuqqas ta’ operaturi. |
(3) |
Il-Kummissjoni rċeviet u eżaminat talba mingħand “EKO-CONTROL SK s.r.o.” biex tirtira r-rikonoxximent tagħha għall-pajjiżi terzi kollha li għalihom hija rikonoxxuta. |
(4) |
Fir-rapport annwali tagħha u wara talbiet sussegwenti, “LETIS S.A.” naqset milli tipprovdi informazzjoni aġġornata dwar ir-rapport ta’ valutazzjoni maħruġ mill-korp ta’ akkreditazzjoni tagħha skont l-Artikolu 33(3) tar-Regolament tal-Kunsill (KE) Nru 834/2007 (3) dwar prodotti tal-akkwakultura u algi mhux ipproċessati li għalihom hija rikonoxxuta. |
(5) |
Barra minn hekk, “LETIS S.A.” ma kkomunikatx lill-Kummissjoni l-informazzjoni kollha relatata mad-dossier tekniku tagħha. |
(6) |
“LETIS S.A.” naqset ukoll milli tieħu miżuri korrettivi adegwati b’reazzjoni għal każijiet ta’ nuqqas ta’ konformità mar-regoli tal-produzzjoni organika osservati mill-Kummissjoni u l-ksur tagħhom. In-nuqqas ta’ konformità u l-ksur osservati jinkludu: (i) l-eżistenza ta’ diversi notifiki tal-OFIS li jinvolvu dak il-korp ta’ kontroll; u (ii) investigazzjonijiet ta’ segwitu inadegwati minn “LETIS S.A.” ta’ dawk in-notifiki tal-OFIS. |
(7) |
Fl-aħħar nett, wara l-awditu ta’ “LETIS S.A.” mwettaq mill-Kummissjoni fl-2021, “LETIS S.A” naqset milli turi li implimentat miżuri ta’ kontroll effettivi u msaħħa u li ħadet l-azzjonijiet korrettivi meħtieġa biex tirrimedja n-nuqqasijiet identifikati mill-Kummissjoni. Dan joħloq riskju għall-konsumatur li jiġi żgwidat dwar in-natura vera tal-prodotti ċċertifikati minn “LETIS S.A.”. |
(8) |
Għal kull waħda mill-erba’ raġunijiet stabbiliti fil-premessi (4)-(7) hawn fuq, u f’konformità mal-Artikolu 4(1), il-punt (d)(ii), (iii), (v) u (vii) tar-Regolament Delegat tal-Kummissjoni (UE) 2021/1342 (4), jenħtieġ li “LETIS S.A.” tiġi rtirata mil-lista tal-awtoritajiet ta’ kontroll u tal-korpi ta’ kontroll stabbiliti fl-Anness II tar-Regolament ta’ Implimentazzjoni (UE) 2021/2325. |
(9) |
Għaldaqstant, jenħtieġ li r-Regolament ta’ Implimentazzjoni (UE) 2021/2325 jiġi emendat skont dan. |
(10) |
Il-miżuri previsti f’dan ir-Regolament huma skont l-opinjoni tal-Kumitat għall-Produzzjoni Organika, |
ADOTTAT DAN IR-REGOLAMENT:
Artikolu 1
L-Anness II tar-Regolament (UE) 2021/2325 huwa emendat skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ Jannar 2023.
Għall-Kummissjoni
Il-President
Ursula VON DER LEYEN
(1) ĠU L 150, 14.6.2018, p. 1.
(2) Ir-Regolament ta’ Implimentazzjoni tal-Kummissjoni (UE) 2021/2325 tas-16 ta’ Diċembru 2021 li jistabbilixxi, skont ir-Regolament (UE) 2018/848 tal-Parlament Ewropew u tal-Kunsill, il-lista ta’ pajjiżi terzi u l-lista ta’ awtoritajiet ta’ kontroll u korpi ta’ kontroll li ġew rikonoxxuti skont l-Artikolu 33(2) u (3) tar-Regolament tal-Kunsill (KE) Nru 834/2007 għall-fini tal-importazzjoni ta’ prodotti organiċi fl-Unjoni (ĠU L 465, 29.12.2021, p. 8).
(3) Ir-Regolament tal-Kunsill (KE) Nru 834/2007 tat-28 ta' Ġunju 2007 dwar il-produzzjoni organika u t-tikkettar ta' prodotti organiċi u li jħassar ir-Regolament (KEE) Nru 2092/91 (ĠU L 189, 20.7.2007, p. 1).
(4) Ir-Regolament Delegat tal-Kummissjoni (UE) 2021/1342 tas-27 ta’ Mejju 2021 li jissupplimenta r-Regolament (UE) 2018/848 tal-Parlament Ewropew u tal-Kunsill b’regoli dwar l-informazzjoni li għandha tintbagħat mill-pajjiżi terzi u mill-awtoritajiet ta’ kontroll u mill-korpi ta’ kontroll għall-finijiet tas-superviżjoni tar-rikonoxximent tagħhom skont l-Artikolu 33(2) u (3) tar-Regolament tal-Kunsill (KE) Nru 834/2007 għall-prodotti organiċi importati u l-miżuri li għandhom jittieħdu fl-eżerċizzju ta’ dik is-superviżjoni (ĠU L 292, 16.8.2021, p. 20).
ANNESS
L-Anness II tar-Regolament (UE) 2021/2325 huwa emendat kif ġej:
(1) |
fl-entrata għal “Certificadora Mexicana de productos y procesos ecológicos S.C.”, il-punt 3 huwa sostitwit b’dan li ġej:
|
(2) |
l-entrata għal “EKO-CONTROL SK s.r.o.” titħassar; |
(3) |
l-entrata għal “LETIS S.A.” titħassar. |