1.   Il-membri għandhom ikunu individwi maħtura fil-kapaċità personali tagħhom u organizzazzjonijiet b’għarfien u esperjenza fid-dimensjoni umana tal-Ajru Uniku Ewropew.

2.   Il-membri maħtura fil-kapaċità personali tagħhom jaġixxu b’mod indipendenti u fl-interess pubbliku.

3.   L-organizzazzjonijiet għandhom jinnominaw ir-rappreżentanti tagħhom u għandhom ikunu responsabbli biex jiżguraw li r-rappreżentanti tagħhom jipprovdu livell għoli ta’ għarfien espert.

4.   Il-membri li ma jkunux għadhom jistgħu jikkontribwixxu b’mod effettiv għad-deliberazzjonijiet tal-grupp ta’ esperti, li, fl-opinjoni tad-Direttorat Ġenerali għall-Mobilità u t-Trasport tal-Kummissjoni (DĠ MOVE) ma jikkonformawx mal-kundizzjonijiet stabbiliti fl-Artikolu 339 tat-Trattat dwar il-Funzjonament tal-Unjoni Ewropea, jew li jirriżenjaw, ma għandhomx jibqgħu jiġu mistiedna jipparteċipaw fil-laqgħat tal-grupp u jistgħu jiġu ssostitwiti għall-bqija tal-mandat tagħhom.

1.   L-għażla tal-membri tal-grupp għandha ssir permezz ta’ sejħa pubblika għall-applikazzjonijiet li għandha tiġi ppubblikata fir-Reġistru tal-gruppi ta’ esperti tal-Kummissjoni u ta’ entitajiet simili oħrajn (“ir-Reġistru tal-gruppi ta’ esperti”). Barra minn hekk, is-sejħa għall-applikazzjonijiet tista’ tiġi ppubblikata permezz ta’ mezzi oħra, inkluż fuq siti web apposta. Is-sejħa għall-applikazzjonijiet għandha turi b’mod ċar il-kriterji tal-għażla, li jinkludu l-livell ta’ għarfien espert neċessarju u l-interessi li għandhom ikunu rappreżentati rigward il-ħidma li trid titwettaq. L-iskadenza minima għall-applikazzjonijiet għandha tkun ta’ erba’ ġimgħat.

2.   L-individwi li japplikaw biex jinħatru bħala membri tal-grupp fil-kapaċità personali tagħhom għandhom jiżvelaw kull ċirkostanza li tista’ tagħti lok għal kunflitt ta’ interessi. B’mod partikolari, il-Kummissjoni teżiġi li bħala parti mill-applikazzjoni tagħhom dawk l-individwi jippreżentaw formola tad-dikjarazzjoni tal-interessi (“DOI”) ibbażata fuq il-formola standard tad-dikjarazzjoni tal-interessi tal-gruppi ta’ esperti (7), flimkien ma’ curriculum vitae (CV) aġġornat. Sabiex kandidat ikun eliġibbli biex jinħatar fil-kapaċità personali tiegħu, dan jintalab jissottometti formola DOI mimlija kif suppost. Il-valutazzjoni tal-kunflitt ta’ interessi għandha ssir b’konformità mar-regoli orizzontali tal-Kummissjoni għall-gruppi ta’ esperti (“ir-regoli orizzontali”) (8).

3.   Ir-reġistrazzjoni fir-Reġistru ta’ Trasparenza hija meħtieġa biex jinħatru l-organizzazzjonijiet.

4.   Il-membri tal-grupp għandhom jinħatru mid-Direttur Ġenerali tad-DĠ MOVE minn fost applikanti b’kompetenzi fl-oqsma msemmija fl-Artikolu 2 u li jkunu wieġbu għas-sejħa pubblika għall-applikazzjonijiet.

5.   Il-Membri għandhom jinħatru għal ħames snin. Dawn għandhom jibqgħu fil-kariga sa tmiem il-mandat tagħhom jew sakemm jiġu sostitwiti. Il-mandat tagħhom jista’ jiġġedded.

6.   Id-DĠ MOVE jista’ jistabbilixxi lista ta’ riżerva ta’ kandidati xierqa li tkun tista’ tintuża biex jinħatru sostituti tal-membri. Id-DĠ MOVE għandu jitlob il-kunsens tal-applikanti qabel ma jinkludihom fil-lista ta’ riżerva.

1.   Il-grupp għandu jaġixxi fuq talba tal-president tiegħu, bil-qbil tad-DĠ MOVE, u f’konformità mar-regoli orizzontali u r-regoli ta’ proċedura tal-grupp (9).

2.   Fil-prinċipju, il-laqgħat tal-grupp għandhom isiru f’bini tal-Kummissjoni jew virtwalment, skont iċ-ċirkostanzi.

3.   L-uffiċjali tad-DĠ MOVE għandhom jattendu l-laqgħat u jiżguraw servizzi ta’ appoġġ u servizzi segretarjali (10). Jistgħu jattendu wkoll uffiċjali minn dipartimenti oħra tal-Kummissjoni li jkollhom interess fil-proċedimenti.

4.   Bi qbil mad-DĠ MOVE, b’maġġoranza sempliċi tal-membri tiegħu, il-grupp jista’ jiddeċiedi li d-deliberazzjonijiet għandhom ikunu pubbliċi.

5.   Il-minuti tad-diskussjoni ta’ kull punt fuq l-aġenda u tal-opinjonijiet mogħtija mill-grupp għandhom ikunu siewja u sħaħ. Il-minuti għandhom jitħejjew mis-servizzi segretarjali taħt ir-responsabbilità tal-President.

6.   Fejn possibbli, il-grupp għandu jadotta l-opinjonijiet, ir-rakkomandazzjonijiet jew ir-rapporti tiegħu b’kunsens. F’każ ta’ votazzjoni, ir-riżultat tal-votazzjoni għandu jiġi deċiż b’maġġoranza sempliċi tal-membri. Il-membri li jkunu vvutaw kontra jew li jkunu astjenew għandu jkollhom id-dritt li jippreżentaw fil-qosor ir-raġunijiet li wasslu għall-pożizzjoni tagħhom, f’anness bil-miktub mal-opinjonijiet, mar-rakkomandazzjonijiet jew mar-rapporti.

1.   Id-DĠ MOVE jista’ jistabbilixxi sottogruppi biex jeżaminaw kwistjonijiet speċifiċi abbażi ta’ termini ta’ referenza ddefiniti mid-DĠ MOVE. Is-sottogruppi għandhom jiffunzjonaw f’konformità mar-regoli orizzontali u għandhom jirrapportaw lura lill-grupp. Dawn għandhom jiġu xolti malli l-mandat tagħhom jiġi mwettaq.

2.   Il-membri tas-sottogruppi li ma jkunux membri tal-grupp għandhom jintagħżlu permezz ta’ sejħa pubblika għall-applikazzjonijiet, b’konformità mal-Artikolu 5 u mar-regoli orizzontali.

1.   Individwi, organizzazzjonijiet u korpi pubbliċi li mhumiex awtoritajiet tal-Istati Membri, jistgħu jingħataw status ta’ osservaturi, b’konformità mar-regoli orizzontali, bi stedina diretta mid-DĠ MOVE.

2.   L-organizzazzjonijiet u l-entitajiet pubbliċi li jinħatru bħala osservaturi għandhom jinnominaw lir-rappreżentanti tagħhom.

3.   L-osservaturi u r-rappreżentanti tal-osservaturi jistgħu jkunu awtorizzati mill-President biex jieħdu sehem fid-diskussjonijiet tal-grupp u tas-sottogruppi tiegħu u biex jipprovdu għarfien espert. Madankollu, ma għandhomx ikollhom id-dritt tal-vot u ma għandhomx jipparteċipaw fit-tfassil ta’ rakkomandazzjonijiet jew pariri tal-grupp u tas-sottogruppi tiegħu.

1.   Il-grupp u s-sottogruppi tiegħu għandhom jiġu rreġistrati fir-Reġistru tal-gruppi ta’ esperti tal-Kummissjoni u entitajiet oħra simili (“ir-Reġistru tal-gruppi ta’ esperti”).

2.   Rigward il-kompożizzjoni tal-grupp u tas-sottogruppi, għandha tiġi ppubblikata d-data li ġejja fir-Reġistru tal-gruppi ta’ esperti:

3.   Id-dokumenti rilevanti kollha, inklużi l-aġendi, il-minuti u s-sottomissjonijiet tal-parteċipanti, għandhom ikunu disponibbli fuq ir-Reġistru tal-gruppi ta’ esperti. B’mod partikolari, l-aġenda u dokumenti oħra ta’ sfond rilevanti għandhom jiġu ppubblikati fi żmien xieraq qabel il-laqgħa, segwiti mill-pubblikazzjoni fil-ħin tal-minuti. L-eċċezzjonijiet għall-pubblikazzjoni għandhom ikunu possibbli biss meta l-iżvelar ta’ xi dokument ikun idgħajjef il-protezzjoni ta’ interess pubbliku jew privat kif iddefinit fl-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill (13).

1.   Dawk li jieħdu sehem fl-attivitajiet tal-grupp u tas-sottogruppi ma għandhomx jirċievu remunerazzjoni.

2.   Il-Kummissjoni għandha tirrimborża l-ispejjeż tal-ivvjaġġar u, fejn xieraq, tas-sussistenza mġarrba mill-parteċipanti fil-laqgħat tal-grupp f’konformità mad-Deċiżjoni tal-Kummissjoni C(2007) 5858 (14) u bi qbil minn qabel mid-DĠ MOVE. Ir-rimborż għandu jsir f’konformità mad-dispożizzjonijiet fis-seħħ fil-Kummissjoni u fil-limiti tal-approprjazzjonijiet disponibbli allokati lid-dipartimenti tal-Kummissjoni skont il-proċedura annwali għall-allokazzjoni tar-riżorsi.