This document is an excerpt from the EUR-Lex website
Document 32023D0733
Commission Implementing Decision (EU) 2023/733 of 3 April 2023 designating Union testing facilities for radio equipment and toys in accordance with Regulation (EU) 2019/1020 of the European Parliament and of the Council
Deċiżjoni ta’ Implimentazzjoni tal-Kummissjoni (UE) 2023/733 tat-3 ta’ April 2023 li tiddeżinja faċilitajiet tal-ittestjar tal-Unjoni għat-tagħmir tar-radju u għall-ġugarelli f’konformità mar-Regolament (UE) 2019/1020 tal-Parlament Ewropew u tal-Kunsill
Deċiżjoni ta’ Implimentazzjoni tal-Kummissjoni (UE) 2023/733 tat-3 ta’ April 2023 li tiddeżinja faċilitajiet tal-ittestjar tal-Unjoni għat-tagħmir tar-radju u għall-ġugarelli f’konformità mar-Regolament (UE) 2019/1020 tal-Parlament Ewropew u tal-Kunsill
C/2023/2198
ĠU L 95, 4.4.2023, p. 42–43
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
4.4.2023 |
MT |
Il-Ġurnal Uffiċjali tal-Unjoni Ewropea |
L 95/42 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2023/733
tat-3 ta’ April 2023
li tiddeżinja faċilitajiet tal-ittestjar tal-Unjoni għat-tagħmir tar-radju u għall-ġugarelli f’konformità mar-Regolament (UE) 2019/1020 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/1020 tal-Parlament Ewropew u tal-Kunsill tal-20 ta’ Ġunju 2019 dwar is-sorveljanza tas-suq u l-konformità tal-prodotti u li jemenda d-Direttiva 2004/42/KE u r-Regolamenti (KE) Nru 765/2008 u (UE) Nru 305/2011 (1), u b’mod partikolari l-Artikolu 21(2) tiegħu,
Billi:
|
(1) |
Ir-Regolament ta’ Implimentazzjoni tal-Kummissjoni (UE) 2022/1267 (2) jipprevedi li l-faċilitajiet tal-ittestjar pubbliku tal-Istati Membri għandhom jiġu ddeżinjati bħala faċilitajiet tal-ittestjar tal-Unjoni wara sejħa għal espressjonijiet ta’ interess. |
|
(2) |
Il-Kummissjoni nediet is-sejħa għal espressjonijiet ta’ interess għat-tagħmir tar-radju u għall-ġugarelli 325/G/GRO/IMA/22/2711/12562. Saret evalwazzjoni tal-applikazzjonijiet riċevuti skont ir-regoli applikabbli u skont il-kriterji stabbiliti fis-sejħa għal espressjonijiet ta’ interess. |
|
(3) |
Abbażi tar-riżultati tal-evalwazzjoni, l-Awtorità Regolatorja tal-Komunikazzjoni tar-Repubblika tal-Litwanja jenħtieġ li tiġi ddeżinjata bħala faċilità tal-ittestjar tal-Unjoni għat-tagħmir tar-radju u s-Service Commun des Laboratoires jenħtieġ li jiġi ddeżinjat bħala faċilità tal-ittestjar tal-Unjoni għall-ġugarelli, |
ADOTTAT DIN ID-DEĊIŻJONI:
Artikolu 1
Faċilità tal-ittestjar tal-Unjoni għat-tagħmir tar-radju
L-Awtorità Regolatorja tal-Komunikazzjoni tar-Repubblika tal-Litwanja (Mortos str. 14, LT-03219 Vilnius, il-Litwanja) hija b’dan iddeżinjata bħala faċilità tal-ittestjar tal-Unjoni għat-tagħmir tar-radju.
Artikolu 2
Faċilità tal-ittestjar tal-Unjoni għall-ġugarelli
Is-Service Commun des Laboratoires (369 rue Jules Guesde, 59651 Villeneuve d’Ascq, Franza) huwa b’dan iddeżinjat bħala faċilità tal-ittestjar tal-Unjoni għall-ġugarelli.
Artikolu 3
Rieżami tad-deżinjazzjoni
Id-deżinjazzjoni bħala faċilità tal-ittestjar tal-Unjoni msemmija fl-Artikoli 1 u 2 ta’ din id-Deċiżjoni għandha tiġi rieżaminata f’konformità mal-Artikolu 2 tar-Regolament ta’ Implimentazzjoni (UE) 2022/1267 sal-24 ta’ April 2028, u kull ħames snin minn hemm ’il quddiem.
Artikolu 4
Dħul fis-seħħ
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, it-3 ta’ April 2023.
Għall-Kummissjoni
Il-President
Ursula VON DER LEYEN
(1) ĠU L 169, 25.6.2019, p. 1.
(2) Ir-Regolament ta’ Implimentazzjoni tal-Kummissjoni (UE) 2022/1267 tal-20 ta’ Lulju 2022 li jispeċifika l-proċeduri għad-deżinjazzjoni tal-faċilitajiet tal-ittestjar tal-Unjoni għall-finijiet tas-sorveljanza tas-suq u tal-verifika tal-konformità tal-prodotti skont ir-Regolament (UE) 2019/1020 tal-Parlament Ewropew u tal-Kunsill (ĠU L 192, 21.7.2022, p. 21).