This document is an excerpt from the EUR-Lex website
Document 32023D0728
Council Decision (CFSP) 2023/728 of 31 March 2023 concerning restrictive measures in view of Russia’s actions destabilising the situation in Ukraine
Deċiżjoni tal-Kunsill (PESK) 2023/728 tal-31 ta’ Marzu 2023 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna
Deċiżjoni tal-Kunsill (PESK) 2023/728 tal-31 ta’ Marzu 2023 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna
ST/7747/2023/INIT
ĠU L 94, 3.4.2023, p. 65–65
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
3.4.2023 |
MT |
Il-Ġurnal Uffiċjali tal-Unjoni Ewropea |
L 94/65 |
DEĊIŻJONI TAL-KUNSILL (PESK) 2023/728
tal-31 ta’ Marzu 2023
dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Fil-31 ta’ Lulju 2014, il-Kunsill adotta d-Deċiżjoni 2014/512/PESK (1) dwar miżuri restrittivi fid-dawl tal-azzjonijiet tar-Russja fl-Ukrajna. |
(2) |
Fil-25 ta’ Frar 2023, il-Kunsill adotta d-Deċiżjoni (PESK) 2023/434 (2), li emendat id-Deċiżjoni 2014/512/PESK u introduċiet aktar miżuri restrittivi biex jiġu sospiżi l-attivitajiet tax-xandir fl-Unjoni, jew diretti lejn l-Unjoni, ta’ ċerti strumenti tal-media. Dawk l-istrumenti tal-media huma stabbiliti fil-punt (3) tal-Anness għad-Deċiżjoni (PESK) 2023/434. Skont l-Artikolu 1, il-punt (11), tad-Deċiżjoni (PESK) 2023/434, l-applikabbiltà ta’ tali miżuri fir-rigward ta’ wieħed jew diversi minn dawk l-istrumenti tal-media hija soġġetta għal deċiżjoni ulterjuri mill-Kunsill. |
(3) |
Wara li eżamina l-każijiet rispettivi, il-Kunsill ikkonkluda li l-miżuri restrittivi msemmija fl-Artikolu 4g tad-Deċiżjoni 2014/512/PESK jenħtieġ li japplikaw mill-10 ta’ April 2023 fir-rigward tal-entitajiet imsemmija fil-punt (3) tal-Anness għad-Deċiżjoni (PESK) 2023/434, |
ADOTTA DIN ID-DEĊIŻJONI:
Artikolu 1
Il-miżuri msemmija fl-Artikolu 4g tad-Deċiżjoni 2014/512/PESK għandhom japplikaw mill-10 ta’ April 2023 fir-rigward tal-entitajiet imsemmija fil-punt (3) tal-Anness għad-Deċiżjoni (PESK) 2023/434.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, il-31 ta’ Marzu 2023.
Għall-Kunsill
Il-President
J. ROSWALL
(1) Id-Deċiżjoni tal-Kunsill 2014/512/PESK tal-31 ta’ Lulju 2014 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna (ĠU L 229, 31.7.2014, p. 13).
(2) Id-Deċiżjoni tal-Kunsill (PESK) 2023/434 tal-25 ta’ Frar 2023 li temenda d-Deċiżjoni 2014/512/PESK dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna (ĠU L 59 I, 25.2.2023, p. 593).