This document is an excerpt from the EUR-Lex website
Document 32023D0106
Commission Implementing Decision (EU) 2023/106 of 11 January 2023 fixing the indicative allocations of Union aid to Member States for school fruit and vegetables and for school milk for the period from 1 August 2023 to 31 July 2029
Deċiżjoni ta’ Implimentazzjoni tal-Kummissjoni (UE) 2023/106 tal-11 ta’ Jannar 2023 li tistabbilixxi l-allokazzjonijiet indikattivi tal-għajnuna tal-Unjoni lill-Istati Membri għall-frott u l-ħxejjex għall-iskejjel u għall-ħalib għall-iskejjel għall-perjodu mill-1 ta’ Awwissu 2023 sal-31 ta’ Lulju 2029
Deċiżjoni ta’ Implimentazzjoni tal-Kummissjoni (UE) 2023/106 tal-11 ta’ Jannar 2023 li tistabbilixxi l-allokazzjonijiet indikattivi tal-għajnuna tal-Unjoni lill-Istati Membri għall-frott u l-ħxejjex għall-iskejjel u għall-ħalib għall-iskejjel għall-perjodu mill-1 ta’ Awwissu 2023 sal-31 ta’ Lulju 2029
C/2023/15
ĠU L 12, 13.1.2023, p. 84–86
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
13.1.2023 |
MT |
Il-Ġurnal Uffiċjali tal-Unjoni Ewropea |
L 12/84 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2023/106
tal-11 ta’ Jannar 2023
li tistabbilixxi l-allokazzjonijiet indikattivi tal-għajnuna tal-Unjoni lill-Istati Membri għall-frott u l-ħxejjex għall-iskejjel u għall-ħalib għall-iskejjel għall-perjodu mill-1 ta’ Awwissu 2023 sal-31 ta’ Lulju 2029
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (UE) Nru 1370/2013 tas-16 ta’ Diċembru 2013 li jiddetermina miżuri dwar l-iffissar ta’ ċerti għajnuniet u rifużjonijiet relatati mal-organizzazzjoni komuni tas-swieq tal-prodotti agrikoli (1), u b’mod partikolari l-Artikolu 5(4), it-tielet subparagrafu tiegħu,
Billi:
(1) |
L-Artikolu 23a tar-Regolament (UE) Nru 1308/2013 tal-Parlament Ewropew u tal-Kunsill (2) jistabbilixxi l-ammont kumplessiv tal-għajnuna tal-Unjoni għal kull sena skolastika taħt l-iskema għall-iskejjel għall-Unjoni kollha kemm hi u kriterji oġġettivi għall-allokazzjoni ta’ dak l-ammont kumplessiv fost l-Istati Membri. |
(2) |
L-Anness I tar-Regolament (UE) Nru 1370/2013 jistabbilixxi l-allokazzjonijiet indikattivi annwali tal-għajnuna tal-Unjoni għal kull Stat Membru, għall-frott u l-ħxejjex għall-iskejjel u għall-ħalib għall-iskejjel għall-perjodu mill-1 ta’ Awwissu 2017 sal-31 ta’ Lulju 2023. Wara dak il-perjodu tranżitorju ta’ 6 snin, mill-1 ta’ Awwissu 2023, il-Kummissjoni għandha tiffissa l-allokazzjonijiet indikattivi tal-għajnuna tal-Unjoni lil kull Stat Membru abbażi tal-kriterji msemmija fl-Artikolu 23a(2), l-ewwel subparagrafu, tar-Regolament (UE) Nru 1308/2013. Meta jiġu stabbiliti l-allokazzjonijiet indikattivi, għandu jitqies l-ammont minimu ta’ għajnuna tal-Unjoni li l-Istati Membri huma intitolati għalih, biex l-Istati Membri b’daqs demografiku limitat ikunu jistgħu jimplimentaw skema kosteffettiva. |
(3) |
F’konformità mal-Artikolu 23(8) tar-Regolament (UE) Nru 1308/2013 u l-Artikolu 2(3) tar-Regolament Delegat tal-Kummissjoni (UE) 2017/40 (3), l-Istati Membri għandhom ifasslu l-istrateġiji tagħhom li jkopru l-perjodu ta’ 6 snin mill-1 ta’ Awwissu 2023 sal-31 ta’ Lulju 2029 u jinnotifikawhom lill-Kummissjoni sat-30 ta’ April 2023. Sabiex l-Istati Membri jkunu jistgħu jippjanaw b’mod effiċjenti l-implimentazzjoni tal-iskema matul il-perjodu kopert mill-istrateġiji tagħhom, l-allokazzjonijiet indikattivi tal-għajnuna tal-Unjoni jenħtieġ li jkopru l-istess perjodu ta’ żmien. Dawn l-allokazzjonijiet indikattivi huma mingħajr preġudizzju għad-deċiżjonijiet futuri relatati mal-Qafas Finanzjarju Pluriennali tal-Unjoni għall-perjodu ta’ wara l-2027. |
(4) |
Il-miżuri previsti f’din id-Deċiżjoni huma f’konformità mal-opinjoni tal-Kumitat għall-Organizzazzjoni Komuni tas-Swieq Agrikoli, |
ADOTTAT DIN ID-DEĊIŻJONI:
Artikolu 1
L-allokazzjonijiet indikattivi tal-għajnuna tal-Unjoni għall-frott u l-ħxejjex għall-iskejjel u għall-ħalib għall-iskejjel għal kull Stat Membru għal kull sena skolastika matul il-perjodu mill-1 ta’ Awwissu 2023 sal-31 ta’ Lulju 2029 huma stabbiliti fl-Anness.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, il-11 ta’ Jannar 2023.
Għall-Kummissjoni
Janusz WOJCIECHOWSKI
Membru tal-Kummissjoni
(1) ĠU L 346, 20.12.2013, p. 12.
(2) Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).
(3) Ir-Regolament Delegat tal-Kummissjoni (UE) 2017/40 tat-3 ta’ Novembru 2016 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill f’dak li għandu x’jaqsam mal-għajnuna tal-Unjoni għall-provvista ta’ frott u ħxejjex, banana u ħalib fl-istabbilimenti edukattivi u li jemenda r-Regolament Delegat tal-Kummissjoni (UE) Nru 907/2014 (ĠU L 5, 10.1.2017, p. 11).
ANNESS
ALLOKAZZJONIJIET INDIKATTIVI TAL-GĦAJNUNA TAL-UNJONI GĦAL KULL SENA SKOLASTIKA MATUL IL-PERJODU MILL-1 TA’ AWWISSU 2023 SAL-31 TA’ LULJU 2029 IMSEMMIJA FL-ARTIKOLU 1
Stat Membru |
Allokazzjonijiet indikattivi għall-frott u l-ħxejjex għall-iskejjel f’EUR |
Allokazzjonijiet indikattivi għall-ħalib għall-iskejjel f’EUR |
Il-Belġju |
3 648 727 |
1 600 475 |
Il-Bulgarija |
2 110 411 |
1 800 090 |
Iċ-Ċekja |
3 349 886 |
3 048 057 |
Id-Danimarka |
1 671 583 |
1 632 431 |
Il-Ġermanja |
20 373 277 |
8 910 720 |
L-Estonja |
396 340 |
754 955 |
L-Irlanda |
1 889 775 |
826 537 |
Il-Greċja |
3 149 503 |
1 464 086 |
Spanja |
13 407 407 |
6 023 462 |
Franza |
22 720 501 |
9 979 209 |
Il-Kroazja |
1 278 964 |
610 533 |
L-Italja |
15 293 816 |
6 910 347 |
Ċipru |
290 000 |
252 652 |
Il-Latvja |
649 309 |
868 581 |
Il-Litwanja |
891 870 |
1 236 781 |
Il-Lussemburgu |
290 000 |
193 000 |
L-Ungerija |
2 894 429 |
2 970 122 |
Malta |
290 000 |
193 000 |
In-Netherlands |
4 977 290 |
2 176 932 |
L-Awstrija |
2 320 736 |
1 015 027 |
Il-Polonja |
12 138 186 |
12 791 591 |
Il-Portugall |
2 804 412 |
1 301 261 |
Ir-Rumanija |
6 178 236 |
11 303 390 |
Is-Slovenja |
665 306 |
305 638 |
Is-Slovakkja |
1 851 325 |
1 659 402 |
Il-Finlandja |
1 672 943 |
2 731 455 |
L-Iżvezja |
3 404 234 |
7 635 935 |
Total |
130 608 466 |
90 195 669 |