This document is an excerpt from the EUR-Lex website
Document 32022R2189
Commission Implementing Regulation (EU) 2022/2189 of 9 November 2022 amending Implementing Regulation (EU) 2021/1784 imposing a definitive anti-dumping duty on imports of aluminium flat-rolled products originating in the People’s Republic of China
Regolament ta’ Implimentazzjoni tal-Kummissjoni (UE) 2022/2189 tad-9 ta’ Novembru 2022 li jemenda r-Regolament ta’ Implimentazzjoni (UE) 2021/1784 li jimponi dazju anti-dumping definittiv fuq l-importazzjonijiet ta’ prodotti tal-aluminju llaminati ċatti li joriġinaw mir-Repubblika tal-Poplu taċ-Ċina
Regolament ta’ Implimentazzjoni tal-Kummissjoni (UE) 2022/2189 tad-9 ta’ Novembru 2022 li jemenda r-Regolament ta’ Implimentazzjoni (UE) 2021/1784 li jimponi dazju anti-dumping definittiv fuq l-importazzjonijiet ta’ prodotti tal-aluminju llaminati ċatti li joriġinaw mir-Repubblika tal-Poplu taċ-Ċina
C/2022/7904
ĠU L 289, 10.11.2022, p. 1–2
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
10.11.2022 |
MT |
Il-Ġurnal Uffiċjali tal-Unjoni Ewropea |
L 289/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/2189
tad-9 ta’ Novembru 2022
li jemenda r-Regolament ta’ Implimentazzjoni (UE) 2021/1784 li jimponi dazju anti-dumping definittiv fuq l-importazzjonijiet ta’ prodotti tal-aluminju llaminati ċatti li joriġinaw mir-Repubblika tal-Poplu taċ-Ċina
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Unjoni Ewropea (1), u b’mod partikolari l-Artikolu 14(1) tiegħu,
Billi:
|
(1) |
L-importazzjonijiet ta’ prodotti tal-aluminju llaminati ċatti li joriġinaw mir-Repubblika tal-Poplu taċ-Ċina huma soġġetti għal dazji anti-dumping definittivi impost mir-Regolament ta’ Implimentazzjoni tal-Kummissjoni (UE) 2021/1784 (2). |
|
(2) |
Alnan Aluminium Inc., kodiċi addizzjonali TARIC (3) C616, kumpanija soġġetta għal rata ta’ dazju anti-dumping individwali ta’ 19,0 %, infurmat lill-Kummissjoni fit-13 ta’ Ġunju 2022 li kienet bidlet l-isem Ingliż tagħha għal ALG Aluminium Inc. |
|
(3) |
Il-kumpanija talbet lill-Kummissjoni biex tikkonferma li l-bidla fid-denominazzjoni Ingliża tagħha ma taffettwax id-dritt tal-kumpanija li tibbenefika mir-rata tad-dazju anti-dumping individwali applikata lilha skont id-denominazzjoni Ingliża preċedenti tagħha. |
|
(4) |
Il-Kummissjoni eżaminat l-informazzjoni fornuta u kkonkludiet li l-bidla fl-isem ġiet irreġistrata kif suppost mal-awtoritajiet rilevanti, u ma wasslitx għal xi relazzjoni ġdida ma’ gruppi oħrajn ta’ kumpaniji li ma kinux investigati mill-Kummissjoni. |
|
(5) |
Għaldaqstant, din il-bidla fl-isem ma taffettwax is-sejbiet tar-Regolament ta’ Implimentazzjoni (UE) 2021/1784 u b’mod partikolari r-rata tad-dazju anti-dumping applikabbli għaliha. |
|
(6) |
Il-bidla fl-isem jenħtieġ li tidħol fis-seħħ mid-data li fiha l-kumpanija biddlet isimha, jiġifieri s-7 ta’ Ġunju 2022. Il-Kummissjoni talbet lill-applikant jikkonferma jekk din id-data kinitx xierqa. |
|
(7) |
Minħabba l-kunsiderazzjonijiet fil-premessi ta’ hawn fuq, il-Kummissjoni qieset li kien xieraq li r-Regolament ta’ Implimentazzjoni (UE) 2021/1784 jiġi emendat biex jirrifletti l-bidla fl-isem tal-kumpanija li qabel kienet attribwita għall-kodiċi addizzjonali TARIC C616. |
|
(8) |
Il-miżuri previsti f’dan ir-Regolament huma skont l-opinjoni tal-Kumitat stabbilit bl-Artikolu 15(1) tar-Regolament (UE) 2016/1036, |
ADOTTAT DAN IR-REGOLAMENT:
Artikolu 1
1. L-Anness tar-Regolament ta’ Implimentazzjoni (UE) 2021/1784 huwa emendat kif ġej:
|
“Alnan Aluminium Inc. |
C616” |
huwa sostitwit bi
|
“ALG Aluminium Inc. |
C616” |
2. Il-kodiċi addizzjonali TARIC C616 li qabel kien attribwit lil Alnan Aluminium Inc. għandu japplika għal ALG Aluminium Inc., mis-7 ta’ Ġunju 2022. Kull dazju definittiv imħallas fuq importazzjonijiet ta’ prodotti manifatturati minn ALG Aluminium Inc. li jaqbżu d-dazju anti-dumping stabbilit fl-Artikolu 1 tar-Regolament ta’ Implimentazzjoni (UE) 2021/1784 fir-rigward ta’ Alnan Aluminium Inc. għandu jitħallas lura jew jinħafer skont il-leġiżlazzjoni doganali applikabbli.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Novembru 2022.
Għall-Kummissjoni
Il-President
Ursula VON DER LEYEN
(1) ĠU L 176, 30.6.2016, p. 21.
(2) Ir-Regolament ta’ Implimentazzjoni tal-Kummissjoni (UE) 2021/1784 tat-8 ta’ Ottubru 2021 li jimponi dazju anti-dumping definittiv fuq l-importazzjonijiet ta’ prodotti tal-aluminju llaminati ċatti li joriġinaw mir-Repubblika tal-Poplu taċ-Ċina (ĠU L 359, 11.10.2021, p. 6).
(3) It-Tariffa Integrata tal-Unjoni Ewropea.