Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022R1374

    Regolament ta’ Implimentazzjoni tal-Kummissjoni (UE) 2022/1374 tal-5 ta’ Awwissu 2022 dwar it-tiġdid tal-awtorizzazzjoni tad-diformat tal-potassju bħala addittiv tal-għalf għall-qżieqeż miftuma, għall-ħnieżer tas-simna u għall-majjali nisa, u li jħassar ir-Regolament ta’ Implimentazzjoni (UE) Nru 333/2012 (Test b’rilevanza għaż-ŻEE)

    C/2022/5581

    ĠU L 206, 8.8.2022, p. 35–37 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2022/1374/oj

    8.8.2022   

    MT

    Il-Ġurnal Uffiċjali tal-Unjoni Ewropea

    L 206/35

    REGOLAMENT TA’ IMPLIMENTAZZJONI TAL-KUMMISSJONI (UE) 2022/1374

    tal-5 ta’ Awwissu 2022

    dwar it-tiġdid tal-awtorizzazzjoni tad-diformat tal-potassju bħala addittiv tal-għalf għall-qżieqeż miftuma, għall-ħnieżer tas-simna u għall-majjali nisa, u li jħassar ir-Regolament ta’ Implimentazzjoni (UE) Nru 333/2012

    (Test b’rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

    Billi:

    (1)

    Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti u għat-tiġdid ta’ tali awtorizzazzjoni.

    (2)

    Id-diformat tal-potassju kien ġie awtorizzat għal 10 snin bħala addittiv tal-għalf għall-ispeċijiet kollha tal-annimali bir-Regolament ta’ Implimentazzjoni tal-Kummissjoni (UE) Nru 333/2012 (2).

    (3)

    Tressqet applikazzjoni f’konformità mal-Artikolu 14(1) tar-Regolament (KE) Nru 1831/2003 għat-tiġdid tal-awtorizzazzjoni tad-diformat tal-potassju bħala addittiv tal-għalf għall-ispeċijiet kollha tal-annimali, bit-talba li l-addittiv jiġi kklassifikat fil-kategorija tal-addittivi “addittivi teknoloġiċi”. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 14(2) ta’ dak ir-Regolament. Sussegwentament, l-applikant irtira l-applikazzjoni għall-ispeċijiet kollha tal-annimali għajr il-qżieqeż miftuma, il-ħnieżer tas-simna u l-majjali nisa.

    (4)

    Fl-opinjoni tagħha tas-27 ta’ Jannar 2022 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li l-applikant kien ipprovda l-evidenza li l-addittiv jikkonforma mal-kundizzjonijiet tal-awtorizzazzjoni. Barra minn hekk, l-Awtorità kkonkludiet li d-diformat tal-potassju ma għandux effetti negattivi fuq is-saħħa tal-annimali, fuq is-sikurezza tal-konsumaturi jew fuq l-ambjent. U kkonkludiet ukoll li l-addittiv huwa irritant tal-għajnejn, iżda ma setgħetx tasal għal konklużjoni dwar il-possibbiltà li l-addittiv ikun irritant tal-ġilda jew sensitizzatur respiratorju jew sensitizzatur tal-ġilda. Għalhekk, il-Kummissjoni hija tal-fehma li jenħtieġ li jittieħdu miżuri protettivi xierqa sabiex jiġu evitati effetti negattivi fuq is-saħħa tal-bniedem, b’mod partikolari fir-rigward tal-utenti tal-addittiv. L-Awtorità vverifikat ukoll ir-rapport dwar il-metodi ta’ analiżi tal-addittiv tal-għalf fl-għalf, li ġie ppreżentat mil-Laboratorju ta’ Referenza stabbilit bir-Regolament (KE) Nru 1831/2003.

    (5)

    Il-valutazzjoni tad-diformat tal-potassju turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-awtorizzazzjoni ta’ dak l-addittiv tiġġedded.

    (6)

    B’riżultat tat-tiġdid tal-awtorizzazzjoni tad-diformat tal-potassju bħala addittiv tal-għalf, jenħtieġ li jitħassar ir-Regolament ta’ Implimentazzjoni (UE) Nru 333/2012.

    (7)

    Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

    ADOTTAT DAN IR-REGOLAMENT:

    Artikolu 1

    L-awtorizzazzjoni tal-addittiv speċifikat fl-Anness tal-kategorija ta’ addittivi “addittivi teknoloġiċi” u tal-grupp funzjonali “preżervattivi”, hija mġedda soġġett għall-kundizzjonijiet stabbiliti f’dak l-Anness.

    Artikolu 2

    Ir-Regolament ta’ Implimentazzjoni (UE) Nru 333/2012 jitħassar.

    Artikolu 3

    FSMiżuri tranżizzjonali

    1.   Is-sustanza speċifikata fl-Anness u l-premixxeli li jkun fihom din is-sustanza, li jkunu ġew prodotti u ttikkettati qabel it-28 ta’ Frar 2023 f’konformità mar-regoli applikabbli qabel it-28 ta’ Awwissu 2022 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti.

    2.   L-għalf kompost u l-materjali tal-għalf li fihom is-sustanza kif speċifikati fl-Anness, li jiġu prodotti u ttikkettati qabel it-28 ta’ Awwissu 2023 f’konformità mar-regoli applikabbli qabel it-28 ta’ Awwissu 2022 jistgħu jibqgħu jitqiegħdu fis-suq u jintużaw sakemm jispiċċaw l-istokkijiet eżistenti jekk ikunu maħsuba għall-annimali li jipproduċu l-ikel.

    3.   L-għalf kompost u l-materjali tal-għalf li fihom is-sustanza kif speċifikati fl-Anness, li jiġu prodotti u ttikkettati qabel it-28 ta’ Awwissu 2024 f’konformità mar-regoli applikabbli qabel it-28 ta’ Awwissu 2022 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti jekk ikunu maħsuba għall-annimali li ma jipproduċux l-ikel.

    Artikolu 4

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, il-5 ta’ Awwissu 2022.

    Għall-Kummissjoni

    Il-President

    Ursula VON DER LEYEN

    (1)   ĠU L 268, 18.10.2003, p. 29.

    (2)  Ir-Regolament ta’ Implimentazzjoni tal-Kummissjoni (UE) Nru 333/2012 tad-19 ta’ April 2012 li jikkonċerna l-awtorizzazzjoni ta’ tħejjija ta’ diformat tal-potassju bħala addittiv fl-ikel għall-ispeċi kollha tal-annimali u li jemenda r-Regolament (KE) Nru 492/2006 (ĠU L 108, 20.4.2012, p. 3).

    (3)  EFSA Journal 2022;20(3):7167.

    ANNESS

    Numru ta’ identifikazzjoni tal-addittiv

    Addittiv

    Kompożizzjoni, formula kimika, deskrizzjoni, metodu analitiku

    Speċi jew kategorija tal-annimal

    Età massima

    Kontenut minimu

    Kontenut massimu

    Dispożizzjonijiet oħrajn

    Tmiem il-perjodu tal-awtorizzazzjoni

    mg tas-sustanza attiva għal kull kg ta’ għalf sħiħ b’kontenut ta’ ndewwa ta’ 12 %

    Kategorija: addittivi teknoloġiċi. Grupp funzjonali: preżervattivi.

    1a237a

    Diformat tal-potassju

    Kompożizzjoni tal-addittiv

    Diformat tal-potassju: 50 ± 5 %

    Forma likwida (50:50 dilwit fl-ilma)

    Karatterizzazzjoni tas-sustanza attiva

    Diformat tal-potassju

    C2H3O4K

    Numru CAS: 20642-05-1 Isem kimiku

    Numru EINECS: 243-934-6 Isem kimiku

    Prodott permezz ta’ sinteżi kimika

    Metodu analitiku  (1)

    Għad-determinazzjoni tad-diformat tal-potassju (bħala aċidu formiku totali) fl-addittiv tal-għalf, fil-premixxeli u fl-għalf:

    —

    Kromatografija jonika b’detezzjoni tal-konduttività (IC-CD) - EN 17294;

    Għad-determinazzjoni tal-potassju fl-addittiv tal-għalf:

    —

    Spettrometrija tal-assorbiment atomiku (AAS) — EN ISO 6869; jew

    —

    Spettrometrija tal-emissjoni atomika bi plażma akkoppjata induttivament (ICP-AES) - EN15510.

    Ħnieżer nisa

     

    -

    12 000

    1.

    Fl-istruzzjonijiet għall-użu tal-addittiv u tal-premixxeli, għandhom jiġu indikati l-kundizzjonijiet tal-ħżin.

    2.

    Permess biss fil-ħut nej, u fi prodotti sekondarji tal-ħut għall-użu bħala għalf b’kontenut massimu ta’ 9 000  mg ta’ diformat tal-potassju bħala sustanza attiva għal kull kg ta’ ħut nej.

    3.

    Il-kontenut massimu ta’ diformat tal-potassju għandu jkun 6 000  mg/kg ta’ għalf komplet b’kontenut ta’ ndewwa ta’ 12 % għall-qżieqeż miftuma u għall-ħnieżer tas-simna, u 12 000  mg/kg ta’ għalf komplet b’kontenut ta’ ndewwa ta’ 12 % għall-majjali nisa, kemm jekk jintuża waħdu bħala preżervattiv, kif ukoll jekk jintuża flimkien ma’ sorsi oħra ta’ diformat tal-potassju.

    4.

    It-taħlit ta’ sorsi differenti tal-aċidu formiku ma għandux jaqbeż il-livelli massimi permessi ta’ 10 000  mg/kg fl-għalf komplet għall-qżieqeż miftuma, għall-ħnieżer għat-tismin u għall-majjali nisa.

    5.

    Fl-istruzzjonijiet għall-użu tal-addittiv, tal-premixxeli u tal-għalf relatat għall-annimali li jipproduċu l-ikel, indika dan li ġej:

    “L-użu simultanju ta’ aċidi organiċi differenti jew tal-imlieħ tagħhom huwa kontraindikat meta jintuża wieħed jew aktar minnhom fil-kontenut massimu permess jew qrib tiegħu.”

    6.

    Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operattivi u miżuri organizzattivi biex jindirizzaw ir-riskji potenzjali li jirriżultaw mill-użu. Meta dawk ir-riskji ma jkunux jistgħu jiġu eliminati jew jitnaqqsu għall-minimu b’tali proċeduri u miżuri, l-addittiv u l-premixxeli għandhom jintużaw b’tagħmir protettiv personali, inkluż bil-protezzjoni tal-għajnejn, tal-ġilda, u tan-nifs.

    28.8.2032

    Qżieqeż miftuma

    u

    ħnieżer tas-simna

     

    -

    6 000

    (1)  Id-dettalji tal-metodi analitiċi jinsabu fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en

    Top