EUR-Lex Access to European Union law
This document is an excerpt from the EUR-Lex website
Document 32021R0724
Commission Implementing Regulation (EU) 2021/724 of 3 March 2021 laying down rules for the application of Regulation (EU) 2019/787 of the European Parliament and of the Council as regards the communications to be made by Member States to the Commission with regard to the bodies appointed to supervise ageing processes for spirit drinks and the competent authorities responsible for ensuring compliance with that Regulation
Regolament ta’ Implimentazzjoni tal-Kummissjoni (UE) 2021/724 tat-3 ta’ Marzu 2021 li jistabbilixxi r-regoli għall-applikazzjoni tar-Regolament (UE) 2019/787 tal-Parlament Ewropew u tal-Kunsill fir-rigward tal-komunikazzjonijiet li jridu jsiru mill-Istati Membri lill-Kummissjoni fir-rigward tal-korpi maħtura biex jissorveljaw il-proċessi ta’ invekkjament għax-xorb spirituż u l-awtoritajiet kompetenti responsabbli biex jiżguraw il-konformità ma’ dak ir-Regolament
Regolament ta’ Implimentazzjoni tal-Kummissjoni (UE) 2021/724 tat-3 ta’ Marzu 2021 li jistabbilixxi r-regoli għall-applikazzjoni tar-Regolament (UE) 2019/787 tal-Parlament Ewropew u tal-Kunsill fir-rigward tal-komunikazzjonijiet li jridu jsiru mill-Istati Membri lill-Kummissjoni fir-rigward tal-korpi maħtura biex jissorveljaw il-proċessi ta’ invekkjament għax-xorb spirituż u l-awtoritajiet kompetenti responsabbli biex jiżguraw il-konformità ma’ dak ir-Regolament
C/2021/1344
ĠU L 155, 5.5.2021, p. 3–7
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
5.5.2021 |
MT |
Il-Ġurnal Uffiċjali tal-Unjoni Ewropea |
L 155/3 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/724
tat-3 ta’ Marzu 2021
li jistabbilixxi r-regoli għall-applikazzjoni tar-Regolament (UE) 2019/787 tal-Parlament Ewropew u tal-Kunsill fir-rigward tal-komunikazzjonijiet li jridu jsiru mill-Istati Membri lill-Kummissjoni fir-rigward tal-korpi maħtura biex jissorveljaw il-proċessi ta’ invekkjament għax-xorb spirituż u l-awtoritajiet kompetenti responsabbli biex jiżguraw il-konformità ma’ dak ir-Regolament
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/787 tal-Parlament Ewropew u tal-Kunsill tas-17 ta’ April 2019 dwar id-definizzjoni, id-deskrizzjoni, il-preżentazzjoni u t-tikkettar ta’ xorb spirituż, l-użu tal-ismijiet ta’ xorb spirituż fil-preżentazzjoni u t-tikkettar ta’ oġġetti tal-ikel oħra, il-protezzjoni ta’ indikazzjonijiet ġeografiċi ta’ xorb spirituż, l-użu ta’ alkoħol etiliku u distillati ta’ oriġini agrikola f’xorb alkoħoliku, u li jħassar ir-Regolament (KE) Nru 110/2008 (1), u b’mod partikolari l-punt (a) tal-ewwel sottoparagrafu tal-Artikolu 20 u l-Artikolu 44(2) tiegħu,
Billi:
|
(1) |
L-Artikolu 13(6) tar-Regolament (UE) 2019/787 jeħtieġ li l-operazzjonijiet biex jiġi invekkjat ix-xorb spirituż isiru taħt is-superviżjoni tad-dħul ta’ Stat Membru jew superviżjoni li tipprovdi garanziji ekwivalenti. |
|
(2) |
Għal dan il-għan, l-Istati Membri għandhom jaħtru l-korpi responsabbli għas-superviżjoni ta’ tali proċessi ta’ invekkjament u jinfurmaw lill-Kummissjoni b’dan sabiex tkun tista’ tistabbilixxi reġistru pubbliku li jelenka dawk il-korpi maħtura. |
|
(3) |
L-Artikolu 43(1) tar-Regolament (UE) 2019/787 jistipula li l-Istati Membri huma responsabbli għall-kontrolli tax-xorb spirituż. Huma jridu jieħdu l-miżuri neċessarji sabiex jiżguraw il-konformità ma’ dak ir-Regolament u għandhom jinnominaw l-awtoritajiet kompetenti responsabbli li jiżguraw li jkun hemm konformità ma’ dak ir-Regolament. |
|
(4) |
Bil-ħsieb li jiġu żgurati komunikazzjonijiet effiċjenti bejn il-Kummissjoni u l-korpi responsabbli għas-superviżjoni tal-proċessi ta’ invekkjament u l-awtoritajiet kompetenti responsabbli għall-iżgurar tal-konformità mar-Regolament (UE) 2019/787, huwa xieraq li l-Istati Membri jintalbu jinnotifikaw id-dettalji ta’ kuntatt tal-korpi rispettivi tagħhom responsabbli għas-superviżjoni tal-proċessi ta’ invekkjament u l-awtoritajiet kompetenti responsabbli għall-iżgurar tal-konformità ma’ dak ir-Regolament lill-Kummissjoni. |
|
(5) |
Sabiex jiġi żgurat li l-komunikazzjonijiet mill-Istati Membri lill-Kummissjoni jsiru b’mod sempliċi u effiċjenti, huwa xieraq li jkun meħtieġ li, meta Stat Membru jaħtar aktar minn korp wieħed li jissorvelja l-proċessi ta’ invekkjament għax-xorb spirituż jew aktar minn awtorità kompetenti waħda responsabbli għall-iżgurar tal-konformità mar-Regolament (UE) 2019/787, dak l-Istat Membru jaħtar korp ta’ kollegament bħala punt ta’ kuntatt uniku għall-Kummissjoni. L-Istati Membri jeħtiġilhom għalhekk jinnotifikaw ukoll id-dettalji ta’ kuntatt tal-korpi ta’ kollegament tagħhom lill-Kummissjoni. |
|
(6) |
Sabiex tiġi żgurata komunikazzjoni effiċjenti ta’ informazzjoni bejn l-Istati Membri u l-Kummissjoni, jeħtieġ li jiġu stabbiliti wkoll regoli dwar il-forma u l-iskadenzi għal tali komunikazzjonijiet. |
|
(7) |
Dan ir-Regolament jeħtieġ li japplika mill-25 ta’ Mejju 2021, skont l-Artikolu 51(3) tar-Regolament (UE) 2019/787. |
|
(8) |
Il-miżuri stipulati f’dan ir-Regolament huma skont l-opinjoni tal-Kumitat għax-Xorb Spirituż, |
ADOTTAT DAN IR-REGOLAMENT:
Artikolu 1
Informazzjoni li għandha tiġi notifikata lill-Kummissjoni
1. L-Istati Membri għandhom jinnotifikaw lill-Kummissjoni bl-informazzjoni li ġejja dwar il-korpi maħtura biex jissorveljaw il-proċessi ta’ invekkjament tax-xorb spirituż skont l-Artikolu 13(6) tar-Regolament (UE) 2019/787:
|
(a) |
l-isem, l-indirizz, in-numru tat-telefown, l-indirizz tal-posta elettronika tal-korp maħtur biex jissorvelja l-proċessi ta’ invekkjament għax-xorb spirituż; |
|
(b) |
fejn diversi korpi jinħatru biex jissorveljaw il-proċessi ta’ invekkjament tax-xorb spirituż, ir-responsabbiltà speċifika ta’ kull wieħed minnhom; |
|
(c) |
l-isem, l-indirizz, in-numru tat-telefon, l-indirizz tal-posta elettronika tal-korp ta’ kollegament maħtur skont l-ewwel paragrafu tal-Artikolu 2. |
2. L-Istati Membri għandhom jinnotifikaw lill-Kummissjoni bl-informazzjoni li ġejja dwar l-awtoritajiet kompetenti responsabbli biex jiżguraw il-konformità mar-Regolament (UE) 2019/787 skont l-Artikolu 43(1) ta’ dak ir-Regolament:
|
(a) |
l-isem, l-indirizz, in-numru tat-telefown, l-indirizz tal-posta elettronika tal-awtorità kompetenti; |
|
(b) |
meta jinħatru diversi awtoritajiet kompetenti, ir-responsabbiltà speċifika ta’ kull waħda minnhom; |
|
(c) |
l-isem, l-indirizz, in-numru tat-telefon, l-indirizz tal-posta elettronika tal-korp ta’ kollegament maħtur skont it-tieni paragrafu tal-Artikolu 2. |
Artikolu 2
Ħatra ta’ korpi ta’ kollegament
Fejn Stat Membru jaħtar aktar minn korp wieħed biex jissorvelja l-proċessi ta’ invekkjament għax-xorb spirituż, huwa għandu jaħtar korp ta’ kollegament għal tali korpi li jissorveljaw il-proċessi ta’ invekkjament.
Meta Stat Membru jaħtar aktar minn awtorità kompetenti waħda responsabbli għall-iżgurar tal-konformità mar-Regolament (UE) 2019/787, huwa għandu jaħtar korp ta’ kollegament għal tali awtoritajiet kompetenti.
Iż-żewġ korpi ta’ kollegament għandhom ikunu responsabbli biex jikkomunikaw l-informazzjoni lill-Kummissjoni.
Artikolu 3
Skadenza u modalitajiet għan-notifiki tal-korpi maħtura għas-superviżjoni tal-proċessi ta’ invekkjament tax-xorb spirituż u tal-awtoritajiet kompetenti responsabbli għall-iżgurar tal-konformità mar-Regolament (UE) 2019/787
1. L-Istati Membri għandhom jinnotifikaw lill-Kummissjoni bl-informazzjoni stabbilita fl-Artikolu 1 sal-25 ta’ Awwissu 2021.
2. L-Istati Membri għandhom jinnotifikaw lill-Kummissjoni bi kwalunkwe bidla fl-informazzjoni notifikata msemmija fil-paragrafu 1 fi żmien tliet (3) xhur mid-data li fiha seħħet il-bidla.
3. In-notifiki għandhom isiru bl-użu tal-formoli stabbiliti fl-Anness I għal informazzjoni dwar il-korpi maħtura biex jissorveljaw il-proċessi ta’ invekjament tax-xorb spirituż u fl-Anness II għal informazzjoni dwar l-awtoritajiet kompetenti responsabbli għall-iżgurar tal-konformità mar-Regolament (UE) 2019/787.
Artikolu 4
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-25 ta’ Mejju 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta’ Marzu 2021.
Għall-Kummissjoni
Il-President
Ursula VON DER LEYEN
ANNESS I
Il-formola għan-notifika msemmija fl-Artikolu 1(1)
L-Istat Membru:
Id-data tan-notifika:
Jekk jogħġbok imla l-Parti A jekk jinħatar korp wieħed biex jissorvelja l-proċessi ta’ invekkjament ta’ xorb spirituż jew il-Parti B jekk jinħatru diversi korpi biex jissorveljaw dawk il-proċessi. Fil-każ tal-aħħar, jekk jogħġbok imla wkoll il-Parti C.
PARTI A
KORP MAĦTUR BIEX JISSORVELJA L-PROĊEDURI TA’ INVEKKJAMENT GĦAX-XORB SPIRITUŻ
Isem:
Indirizz:
Numru tat-telefown:
Indirizz elettroniku:
PARTI B
LISTA TA’ KORPI MAĦTURA BIEX JISSORVELJAW IL-PROĊEDURI TA’ INVEKKJAMENT GĦAX-XORB SPIRITUŻ
Għal kull korp, jekk jogħġbok indika l-informazzjoni li ġejja:
Isem:
Indirizz:
Numru tat-telefown:
Indirizz elettroniku:
Responsabbiltà speċifika:
PARTI C
KORP TA’ KOLLEGAMENT
Isem:
Indirizz:
Numru tat-telefown:
Indirizz elettroniku:
ANNESS II
Il-formola għan-notifika msemmija fl-Artikolu 1(2)
L-Istat Membru:
Id-data tan-notifika:
Jekk jogħġbok imla l-Parti A jekk tinħatar awtorità kompetenti waħda biex tiżgura l-konformità mar-Regolament (UE) 2019/787 jew il-Parti B jekk jinħatru diversi awtoritajiet kompetenti. Fil-każ tal-aħħar, jekk jogħġbok imla wkoll il-Parti C.
PARTI A
L-AWTORITÀ KOMPETENTI RESPONSABBLI BIEX TIŻGURA L-KONFORMITÀ MAR-REGOLAMENT (UE) 2019/787
Isem:
Indirizz:
Numru tat-telefown:
Indirizz elettroniku:
PARTI B
LISTA TAL-AWTORITAJIET KOMPETENTI RESPONSABBLI BIEX JIŻGURAW IL-KONFORMITÀ MAR-REGOLAMENT (UE) 2019/787
Għal kull awtorità kompetenti, jekk jogħġbok indika l-informazzjoni li ġejja:
Isem:
Indirizz:
Numru tat-telefown:
Indirizz elettroniku:
Responsabbiltà speċifika:
PARTI C
KORP TA’ KOLLEGAMENT
Isem:
Indirizz:
Numru tat-telefown:
Indirizz elettroniku: