This document is an excerpt from the EUR-Lex website
Document 32021R0407
Commission Delegated Regulation (EU) 2021/407 of 3 November 2020 amending Regulation (EU) No 528/2012 of the European Parliament and of the Council to include citric acid as an active substance in Annex I thereto (Text with EEA relevance)
Regolament Delegat tal-Kummissjoni (UE) 2021/407 tat-3 ta’ Novembru 2020 li jemenda r-Regolament (UE) Nru 528/2012 tal-Parlament Ewropew u tal-Kunsill biex l-aċidu ċitriku jkun inkluż bħala sustanza attiva fl-Anness I tiegħu (Test b’rilevanza għaż-ŻEE)
Regolament Delegat tal-Kummissjoni (UE) 2021/407 tat-3 ta’ Novembru 2020 li jemenda r-Regolament (UE) Nru 528/2012 tal-Parlament Ewropew u tal-Kunsill biex l-aċidu ċitriku jkun inkluż bħala sustanza attiva fl-Anness I tiegħu (Test b’rilevanza għaż-ŻEE)
C/2020/7402
ĠU L 81, 9.3.2021, p. 15–17
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
9.3.2021 |
MT |
Il-Ġurnal Uffiċjali tal-Unjoni Ewropea |
L 81/15 |
REGOLAMENT DELEGAT TAL-KUMMISSJONI (UE) 2021/407
tat-3 ta’ Novembru 2020
li jemenda r-Regolament (UE) Nru 528/2012 tal-Parlament Ewropew u tal-Kunsill biex l-aċidu ċitriku jkun inkluż bħala sustanza attiva fl-Anness I tiegħu
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari l-Artikolu 28(1) tiegħu,
Billi:
|
(1) |
L-aċidu ċitriku ġie vvalutat bħala sustanza attiva eżistenti fil-programm ta’ rieżami stabbilit fl-Artikolu 89(1) tar-Regolament (UE) Nru 528/2012 stabbilit mir-Regolament ta’ Delega tal-Kummissjoni (UE) Nru 1062/2014 (2). |
|
(2) |
Fis-16 ta’ Frar 2016, il-Kumitat dwar il-Prodotti Bijoċidali adotta l-opinjoni tal-Aġenżija Ewropea għas-Sustanzi Kimiċi (“l-Aġenzija”) f’konformità mal-Artikolu 7(2) tar-Regolament ta’ Delega (UE) Nru 1062/2014 (3), wara li tqiesu l-konklużjonijiet tal-awtorità kompetenti tal-evalwazzjoni. Dik l-opinjoni kkonkludiet li l-prodotti bijoċidali tal-prodotti tat-tip 2 li fihom l-aċidu ċitriku jistgħu jkunu mistennija li jissodisfaw ir-rekwiżiti tal-Artikolu 5 tad-Direttiva 98/8/KE tal-Parlament Ewropew u tal-Kunsill (4), liema rekwiżiti kienu applikabbli għall-eżami tal-applikazzjoni għall-approvazzjoni tal-aċidu ċitriku f’konformità mal-Artikolu 90(2) tar-Regolament (UE) Nru 528/2012. |
|
(3) |
Għaldaqstant, l-aċidu ċitriku ġie approvat bħala sustanza attiva għall-użu fil-prodotti bijoċidali għall-prodotti tat-tip 2, permezz tar-Regolament ta’ Implimentazzjoni tal-Kummissjoni (UE) 2016/1938 (5). |
|
(4) |
L-opinjoni tal-Aġenzija kkonkludiet ukoll li l-aċidu ċitriku ma jagħtix lok għal tħassib u għalhekk huwa eliġibbli għall-inklużjoni fl-Anness I tar-Regolament (UE) Nru 528/2012. |
|
(5) |
Filwaqt li titqies l-opinjoni tal-Aġenzija, jixraq li l-aċidu ċitriku jiġi inkluż fl-Anness I tar-Regolament (UE) Nru 528/2012. Billi l-aċidu ċitriku ġie vvalutat abbażi ta’ dossier tas-sustanza attiva li jissodisfa r-rekwiżiti stabbiliti fl-Artikolu 11(1) tad-Direttiva 98/8/KE, jenħtieġ li l-aċidu ċitriku jiġi inkluż fil-kategorija 6 tal-Anness I ta’ dak ir-Regolament, |
ADOTTAT DAN IR-REGOLAMENT:
Artikolu 1
L-Anness I tar-Regolament (UE) Nru 528/2012 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta’ Novembru 2020.
Għall-Kummissjoni
Il-President
Ursula VON DER LEYEN
(1) ĠU L 167, 27.6.2012, p. 1.
(2) Ir-Regolament ta’ Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).
(3) Biocidal Products Committee Opinion on the application for approval of the active substance: Citric acid, Product type: 2, ECHA/BPC/088/2016, adottata fis-16 ta’ Frar 2016.
(4) Id-Direttiva 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tqegħid fis-suq tal-prodotti bijoċidali (ĠU L 123, 24.4.1998, p. 1).
(5) Ir-Regolament ta’ Implimentazzjoni tal-Kummissjoni (UE) 2016/1938 tal-4 ta’ Novembru 2016 li japprova l-aċidu ċitriku bħala sustanza attiva eżistenti għall-użu fil-prodotti bijoċidali għall-prodotti tat-tip 2 (ĠU L 299, 5.11.2016, p. 54).
ANNESS
Fl-Anness I tar-Regolament (UE) Nru 528/2012, fil-Kategorija 6 tal-Lista tas-sustanzi attivi msemmija fl-Artikolu 25(a), tiżdied l-entrata li ġejja:
|
Numru KE |
Isem/Grupp |
Restrizzjoni |
Kumment |
|
“201-069-1 |
Aċidu ċitriku |
Grad minimu ta’ purità tas-sustanza attiva (*1): 995 g/kg |
Nru tal-CAS 77-92-9 |
(*1) Il-purità indikata f’din il-kolonna kienet il-grad minimu ta’ purità tas-sustanza attiva evalwata. Is-sustanza attiva fil-prodott imqiegħed fis-suq jista’ jkollha l-istess purità jew purità differenti jekk ikun intwera li teknikament din tkun ekwivalenti għas-sustanza attiva evalwata.”.