Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32021D1789

    Deċiżjoni ta’ Implimentazzjoni tal-Kummissjoni (UE) 2021/1789 tat-8 ta’ Ottubru 2021 li temenda d-Deċiżjoni ta’ Implimentazzjoni (UE) 2019/450 fir-rigward tal-pubblikazzjoni tar-referenzi ta’ Dokumenti Ewropej ta’ Valutazzjoni għal pajpijiet flessibbli bil-friefet b’attrezzaturi fit-truf u ċerti prodotti għall-bini oħra (Test b’rilevanza għaż-ŻEE)

    C/2021/7244

    ĠU L 359, 11.10.2021, p. 117–119 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec_impl/2021/1789/oj

    11.10.2021   

    MT

    Il-Ġurnal Uffiċjali tal-Unjoni Ewropea

    L 359/117

    DEĊIŻJONI TA’ IMPLIMENTAZZJONI TAL-KUMMISSJONI (UE) 2021/1789

    tat-8 ta’ Ottubru 2021

    li temenda d-Deċiżjoni ta’ Implimentazzjoni (UE) 2019/450 fir-rigward tal-pubblikazzjoni tar-referenzi ta’ Dokumenti Ewropej ta’ Valutazzjoni għal pajpijiet flessibbli bil-friefet b’attrezzaturi fit-truf u ċerti prodotti għall-bini oħra

    (Test b’rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 305/2011 tal-Parlament Ewropew u tal-Kunsill tad-9 ta’ Marzu 2011 li jistabbilixxi kundizzjonijiet armonizzati għall-kummerċjalizzazzjoni tal-prodotti għall-bini u li jħassar id-Direttiva tal-Kunsill 89/106/KEE (1), u b’mod partikolari l-Artikolu 22 tiegħu,

    Billi:

    (1)

    F’konformità mar-Regolament (UE) Nru 305/2011, il-Korpi tal-Valutazzjoni Teknika għandhom jużaw il-metodi u l-kriterji pprovduti fid-Dokumenti Ewropej ta’ Valutazzjoni, li r-referenzi tagħhom ġew ippubblikati f’Il-Ġurnal Uffiċjali tal-Unjoni Ewropea, għall-valutazzjoni tal-prestazzjoni tal-prodotti għall-bini koperti minn dawk id-dokumenti b’rabta mal-karatteristiki essenzjali tagħhom.

    (2)

    F’konformità mal-Artikolu 19 tar-Regolament (UE) Nru 305/2011, wara diversi talbiet mill-manifatturi għal Valutazzjonijiet Tekniċi Ewropej, l-organizzazzjoni tal-Korpi tal-Valutazzjoni Teknika fasslet u adottat 14-il Dokument Ewropew ta’ Valutazzjoni.

    (3)

    Id-Dokumenti Ewropej ta’ Valutazzjoni li ġew imfassla u adottati mill-Korpi tal-Valutazzjoni Teknika huma relatati mal-prodotti għall-bini li ġejjin:

    —

    pajpijiet flessibbli bil-friefet b’attrezzaturi fit-truf;

    —

    injam b’segment laminat b’sezzjoni trasversali rettangolari magħmul minn zkuk maqtugħin b’mod radjali;

    —

    injam mastizz b’ġonot strutturali mrikkbin f’xulxin li jiflaħ għat-tensjoni u li jista’ jiġi pproċessat ma’ injam laminat inkullat u injam mastizz inkullat;

    —

    injam laminat inkullat b’ġonta mrikkba trasversali sħiħa;

    —

    twavel tal-iżolazzjoni akustika/strippi magħmula minn sistemi ta’ kontrabejt niexef li jifilħu għat-tagħbija li huma magħmula minn kartun ikkorrugat mimli bir-ramel kwarzuż;

    —

    kompost għall-bitum u taħlitiet bituminużi magħmula minn trab tal-gomma mfarrka;

    —

    makrofibri ta’ polimeri rinfurzati bil-fibri tal-bażalt għall-użu fil-konkos;

    —

    valvoli tal-ibbilanċjar bil-flanġ;

    —

    kanali tal-ankraġġ;

    —

    sistemi għall-konnessjonijiet tar-rebars installati wara bit-tkaħħil;

    —

    elementi tal-irbit mekkaniku għall-użu fil-konkos;

    —

    elementi tal-irbit bl-espansjoni kkontrollati bit-torque għall-użu f’konkos b’ċiklu tal-ħajja varjabbli sa 50 sena;

    —

    elementi tal-irbit installati wara fil-konkos taħt tagħbija ċiklika b’reħja;

    —

    kits/sistemi ta’ armat tax-xater permanenti li ma jiflaħx għat-tagħbija bbażati fuq blokok vojta jew pannelli ta’ materjali iżolanti u xi kultant konkos.

    (4)

    Id-Dokumenti Ewropej ta’ Valutazzjoni mfassla u adottati mill-organizzazzjoni tal-Korpi tal-Valutazzjoni Teknika jissodisfaw it-talbiet li għandhom jiġu ssodisfati fir-rigward tar-rekwiżiti bażiċi għax-xogħlijiet tal-bini stabbiliti fl-Anness I tar-Regolament (UE) Nru 305/2011. Għalhekk jixraq li r-referenzi ta’ dawk id-Dokumenti Ewropej ta’ Valutazzjoni jiġu ppubblikati f’Il-Ġurnal Uffiċjali tal-Unjoni Ewropea.

    (5)

    Il-lista tar-referenzi tad-Dokumenti Ewropej ta’ Valutazzjoni ġiet ippubblikata bid-Deċiżjoni ta’ Implimentazzjoni tal-Kummissjoni (UE) 2019/450 (2). Għal raġunijiet ta’ ċarezza, jenħtieġ li r-referenzi tad-Dokumenti Ewropej ta’ Valutazzjoni l-ġodda jiżdiedu ma’ dik il-lista.

    (6)

    Għalhekk, jenħtieġ li d-Deċiżjoni ta’ Implimentazzjoni (UE) 2019/450 tiġi emendata skont dan.

    (7)

    Sabiex jiġi ffaċilitat l-użu tad-Dokumenti Ewropej ta’ Valutazzjoni minn kmieni kemm jista’ jkun, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha.

    ADOTTAT DIN ID-DEĊIŻJONI:

    Artikolu 1

    L-Anness tad-Deċiżjoni ta’ Implimentazzjoni (UE) 2019/450 huwa emendat f’konformità mal-Anness ta’ din id-Deċiżjoni.

    Artikolu 2

    Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.

    Magħmul fi Brussell, it-8 ta’ Ottubru 2021.

    Għall-Kummissjoni

    Il-President

    Ursula VON DER LEYEN

    (1)  ĠU L 88, 4.4.2011, p. 5.

    (2)  Id-Deċiżjoni ta’ Implimentazzjoni tal-Kummissjoni (UE) 2019/450 tad-19 ta’ Marzu 2019 dwar il-pubblikazzjoni tad-Dokumenti Ewropej ta’ Valutazzjoni (EADs) għall-prodotti tal-bini abbozzati b’appoġġ tar-Regolament (UE) Nru 305/2011 tal-Parlament Ewropew u tal-Kunsill (ĠU L 77, 20.3.2019, p. 78).

    ANNESS

    Fl-Anness, ir-ringieli li ġejjin jiddaħħlu f’ordni sekwenzjali skont l-ordni tan-numri ta’ referenza:

    “100012-00-1106

    Pajpijiet flessibbli bil-friefet b’attrezzaturi fit-truf

    130348-00-0304

    Injam b’segment laminat b’sezzjoni trasversali rettangolari magħmul minn zkuk maqtugħin b’mod radjali

    130484-00-0304

    Injam mastizz b’ġonot strutturali mrikkbin f’xulxin li jiflaħ għat-tensjoni u li jista’ jiġi pproċessat ma’ injam laminat inkullat u injam mastizz inkullat

    130661-00-0304

    Injam laminat inkullat b’ġonta mrikkba trasversali sħiħa

    210134-00-1202

    Twavel tal-iżolazzjoni akustika/strippi magħmula minn sistemi ta’ kontrabejt niexef li jifilħu għat-tagħbija li huma magħmula minn kartun ikkorrugat mimli bir-ramel kwarzuż

    230145-00-0105

    Kompost għall-bitum u taħlitiet bituminużi magħmula minn trab tal-gomma mfarrka

    260067-00-0301

    Makrofibri ta’ polimeri rinfurzati bil-fibri tal-bażalt għall-użu fil-konkos

    280004-00-0702

    Valvoli tal-ibbilanċjar bil-flanġ

    330008-03-0601

    Kanali tal-ankraġġ

    (tissostitwixxi l-ispeċifikazzjoni teknika ‘EAD 330008-02-0601’)

    330087-01-0601

    Sistemi għall-konnessjonijiet tar-rebars installati wara bit-tkaħħil

    (tissostitwixxi l-ispeċifikazzjoni teknika ‘EAD 330087-00-0601’)

    330232-01-0601

    Elementi tal-irbit mekkaniku għall-użu fil-konkos

    (tissostitwixxi l-ispeċifikazzjoni teknika ‘EAD 330232-00-0601’)

    330232-01-0601 -v01

    Elementi tal-irbit bl-espansjoni kkontrollati bit-torque għall-użu f’konkos b’ċiklu tal-ħajja varjabbli sa 50 sena

    330250-00-0601

    Elementi tal-irbit installati wara fil-konkos taħt tagħbija ċiklika b’reħja

    340309-00-0305

    Kits/sistemi ta’ armat tax-xater permanenti li ma jiflaħx għat-tagħbija bbażati fuq blokok vojta jew pannelli ta’ materjali iżolanti u xi kultant konkos

    (tissostitwixxi l-ispeċifikazzjoni teknika ‘ETAG 009’)”
    Top