This document is an excerpt from the EUR-Lex website
Document 32021D1746
Council Decision (EU) 2021/1746 of 28 September 2021 amending Decision 1999/70/EC concerning the external auditors of the national central banks, as regards the external auditors of the Banco de España
Deċiżjoni tal-Kunsill (UE) 2021/1746 tat-28 ta’ Settembru 2021 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Banco de España
Deċiżjoni tal-Kunsill (UE) 2021/1746 tat-28 ta’ Settembru 2021 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Banco de España
ST/11421/2021/INIT
ĠU L 350, 4.10.2021, pp. 3–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
4.10.2021 |
MT |
Il-Ġurnal Uffiċjali tal-Unjoni Ewropea |
L 350/3 |
DEĊIŻJONI TAL-KUNSILL (UE) 2021/1746
tat-28 ta’ Settembru 2021
li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Banco de España
IL-KUNSILL TAL-UNJONI EWROPEA,
Wara li kkunsidra l-Protokoll Nru 4 dwar l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, u b’mod partikolari l-Artikolu 27.1 tiegħu,
Wara li kkunsidra r-Rakkomandazzjoni tal-Bank Ċentrali Ewropew tas-16 ta’ Lulju 2021 tal-Kunsill tal-Unjoni Ewropea dwar l-awdituri esterni tal-Banco de España (BĊE/2021/29) (1)
Billi:
|
(1) |
Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Istati Membri li l-munita tagħhom hija l-euro għandhom jiġu awditjati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill tal-Unjoni Ewropea. |
|
(2) |
Fl-2018, il-Banco de España għażel lill-assoċjazzjoni temporanja ta’ impriżi Mazars Auditores, S.L.P. - Mazars, S.A. bħala l-awdituri esterni tiegħu għas-snin finanzjarji 2018 sa 2020, bl-għażla li l-mandat jiġi estiż għas-snin finanzjarji 2021 u 2022. |
|
(3) |
Il-mandat tal-awdituri esterni attwali tal-Banco de España, l-assoċjazzjoni temporanja ta’ impriżi Mazars Auditores, S.L.P. - Mazars, S.A., intemm wara l-awditu għas-sena finanzjarja 2020 skont id-Deċiżjoni tal-Kunsill (UE) 2018/1518 (2). |
|
(4) |
Il-Banco de España beħsiebu jestendi l-mandat tal-assoċjazzjoni temporanja ta’ impriżi Masars Auditores, S.L.P. - Mazars, S.A. għas-snin finanzjarji 2021 u 2022. Din l-estensjoni hi possibbli skont l-arranġementi kuntrattwali bejn il-Banco de España u l-assoċjazzjoni temporanja ta’ impriżi Mazars Auditores, S.L.P. - Masars, S.A. |
|
(5) |
Il-Kunsill Governattiv tal-BĊE rrakkomanda li l-assoċjazzjoni temporanja ta’ impriżi Mazars Auditores, S.L.P. - Mazars S.A. jinħatru bħala l-awdituri esterni tal-Banca de España għas-snin finanzjarji 2021 u 2022. |
|
(6) |
Wara r-rakkomandazzjoni tal-Kunsill Governattiv tal-BĊE, jenħtieġ li d-Deċiżjoni tal-Kunsill 1999/70/KE (3) tiġi emendata skont dan, |
ADOTTA DIN ID-DEĊIŻJONI:
Artikolu 1
Fl-Artikolu 1 tad-Deċiżjoni 1999/70/KE, il-paragrafu 3 huwa sostitwit b’dan li ġej:
“3. L-assoċjazzjoni temporanja ta’ impriżi Mazars Auditores, S.L.P. - Mazars S.A. huma b’dan approvati bħala l-awdituri esterni tal-Banca de España għas-snin finanzjarji 2021 u 2022.”.
Artikolu 2
Din id-Deċiżjoni għandha ssir effettiva fid-data tan-notifika tagħha.
Artikolu 3
Din id-Deċiżjoni hija indirizzata lill-Bank Ċentrali Ewropew.
Magħmul fi Brussell, it-28 ta’ Settembru 2021.
Għall-Kunsill
Il-President
S. KUSTEC
(1) ĠU C 299, 27.7.2021, p. 2.
(2) Id-Deċiżjoni tal-Kunsill (UE) 2018/1518 tad-9 ta’ Ottubru 2018 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Banco de España (ĠU L 256, 12.10.2018, p. 63).
(3) Id-Deċiżjoni tal-Kunsill 1999/70/KE tal-25 ta’ Jannar 1999 dwar l-awdituri esterni tal-banek ċentrali nazzjonali (ĠU L 22, 29.1.1999, p. 69).