EUR-Lex Access to European Union law
This document is an excerpt from the EUR-Lex website
Document 32020D1232
Commission Implementing Decision (EU) 2020/1232 of 27 August 2020 on the approval of the efficient generator function used in 12 Volt motor-generators for use in passenger cars and light commercial vehicles, including certain hybrid electric vehicles and vehicles capable of running on alternative fuels, as an innovative technology pursuant to Regulation (EU) 2019/631 of the European Parliament and of the Council (Text with EEA relevance)
Deċiżjoni ta’ Implimentazzjoni tal-Kummissjoni (UE) 2020/1232 tas-27 ta’ Awwissu 2020 dwar l-approvazzjoni tal-funzjoni ta’ ġeneratur effiċjenti użat fil-muturi ġeneraturi ta’ 12-il V għall-użu f’karozzi tal-passiġġieri u vetturi kummerċjali ħfief, inklużi ċerti vetturi elettriċi ibridi u vetturi li kapaċi jaħdmu bi fjuwils alternattivi, bħala teknoloġija innovattiva f’konformità mar-Regolament (UE) 2019/631 tal-Parlament Ewropew u tal-Kunsill (Test b’rilevanza għaż-ŻEE)
Deċiżjoni ta’ Implimentazzjoni tal-Kummissjoni (UE) 2020/1232 tas-27 ta’ Awwissu 2020 dwar l-approvazzjoni tal-funzjoni ta’ ġeneratur effiċjenti użat fil-muturi ġeneraturi ta’ 12-il V għall-użu f’karozzi tal-passiġġieri u vetturi kummerċjali ħfief, inklużi ċerti vetturi elettriċi ibridi u vetturi li kapaċi jaħdmu bi fjuwils alternattivi, bħala teknoloġija innovattiva f’konformità mar-Regolament (UE) 2019/631 tal-Parlament Ewropew u tal-Kunsill (Test b’rilevanza għaż-ŻEE)
C/2020/5695
ĠU L 280, 28.8.2020, p. 18–27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
28.8.2020 |
MT |
Il-Ġurnal Uffiċjali tal-Unjoni Ewropea |
L 280/18 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2020/1232
tas-27 ta’ Awwissu 2020
dwar l-approvazzjoni tal-funzjoni ta’ ġeneratur effiċjenti użat fil-muturi ġeneraturi ta’ 12-il V għall-użu f’karozzi tal-passiġġieri u vetturi kummerċjali ħfief, inklużi ċerti vetturi elettriċi ibridi u vetturi li kapaċi jaħdmu bi fjuwils alternattivi, bħala teknoloġija innovattiva f’konformità mar-Regolament (UE) 2019/631 tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/631 tal-Parlament Ewropew u tal-Kunsill tas-17 ta’ April 2019 li jistabbilixxi standards ta’ rendiment fir-rigward tal-emissjonijiet ta’ CO2 tal-karozzi ġodda tal-passiġġieri u tal-vetturi kummerċjali ħfief ġodda, u li jħassar ir-Regolamenti (KE) Nru 443/2009 u (UE) Nru 510/2011 (1), u b’mod partikolari l-Artikolu 11(4) tiegħu,
Billi:
|
(1) |
Fis-27 ta’ Novembru 2019, il-manifatturi Bayerische Motoren Werke AG, Daimler AG, FCA Italy S.p.A, Ford-Werke GmbH, Honda Motor Europe Ltd, Hyundai Motor Europe Technical Center GmbH, Jaguar Land Rover Ltd., Opel Automobile GmbH-PSA, Automobiles Citroën, Automobiles Peugeot, PSA Automobiles SA, Renault, Volkswagen AG, Volkswagen AG Nutzfahrzeuge u l-fornituri SEG Automotive Germany GmbH u Valeo Electrification Systems, b’mod konġunt għamlu talba (“it-talba”), kif previst fl-Artikolu 12a tar-Regolament ta’ Implimentazzjoni tal-Kummissjoni (UE) Nru 725/2011 (2), għal emenda tad-Deċiżjoni ta’ Implimentazzjoni tal-Kummissjoni (UE) 2017/785 (3) sabiex tiġi estiża l-validità tagħha biex jiġu koperti l-kundizzjonijiet imsemmija fil-Proċedura ta’ Ttestjar Armonizzata fuq Livell Dinji għall-Vetturi Ħfief (WLTP) kif stipulata fir-Regolament tal-Kummissjoni (UE) 2017/1151 (4) u biex jiġu inklużi fil-kamp ta’ applikazzjoni tagħha l-użu tat-teknoloġija innovattiva f’ċerti karozzi elettriċi ibridi tal-passiġġieri bl-Iċċarġjar fuq il-Vettura (NOVC-HEV) kif ukoll f’ċerti NOVC-HEVs u karozzi tal-passiġġieri li jaħdmu b’magni ta’ kombustjoni interna li kapaċi jitħaddmu fuq ċerti fjuwils alternattivi. |
|
(2) |
Fis-27 ta’ Novembru 2019, il-manifatturi Daimler AG, FCA Italy S.p.A, Hyundai Motor Europe Technical Center GmbH, Jaguar Land Rover Ltd., Opel Automobile GmbH-PSA, Automobiles Citroën, Automobiles Peugeot, PSA Automobiles SA, Renault, Volkswagen AG, Volkswagen AG Nutzfahrzeuge u l-fornituri SEG Automotive Germany GmbH, Mitsubishi Electric Corporation u Valeo Electrification Systems ippreżentaw applikazzjoni konġunta (“l-applikazzjoni”) għall-approvazzjoni, skont l-Artikolu 11 tar-Regolament (UE) 2019/631, bħala teknoloġija innovattiva, tal-funzjoni ta’ ġeneratur effiċjenti ta’ muturi ġeneraturi ta’ 12-il Volt għall-użu f’vetturi kummerċjali ħfief imħaddma minn magni b’kombustjoni interna li kapaċi jaħdmu bil-petrol, bid-diżil jew b’ċerti fjuwils alternattivi kif ukoll f’ċerti NOVC-HEVs tal-kategorija N1 li kapaċi jaħdmu b’dawk il-fjuwils. |
|
(3) |
It-talba u l-applikazzjoni ġew ivvalutati skont l-Artikolu 11 tar-Regolament (UE) 2019/631, ir-Regolament ta’ Implimentazzjoni (UE) Nru 725/2011 u (UE) ir-Regolamenti ta’ Implimentazzjoni tal-Kummissjoni (UE) Nru 427/2014 (5) u l-Linji Gwida Tekniċi għat-tħejjija tal-applikazzjonijiet għall-approvazzjoni ta’ teknoloġiji innovattivi skont ir-Regolament (KE) Nru 443/2009 tal-Parlament Ewropew u tal-Kunsill (6) (il-verżjoni ta’ Lulju 2018) (7). |
|
(4) |
Meta wieħed iqis li t-talba u l-applikazzjoni jirreferu għall-istess teknoloġija innovattiva u li l-istess kundizzjonijiet japplikaw għall-użu tagħha fil-kategoriji ta’ vetturi kkonċernati, huwa xieraq li kemm it-talba kif ukoll l-applikazzjoni jiġu indirizzati f’deċiżjoni waħda. |
|
(5) |
Mutur ġeneratur ta’ 12-il V jista’ jopera jew bħala mutur elettriku li jikkonverti l-enerġija elettrika f’enerġija mekkanika, jew bħala ġeneratur li jikkonverti l-enerġija mekkanika f’enerġija elettrika, jiġifieri b’mod simili għal alternatur standard. It-teknoloġija soġġetta għat-talba u għall-applikazzjoni tikkonċerna funzjoni ta’ ġeneratur effiċjenti tal-mutur ġeneratur ta’ 12-il V. |
|
(6) |
Il-funzjoni ta’ ġeneratur effiċjenti ta’ mutur ġeneratur ta’ 12-il Volt diġà ġiet approvata bid-Deċiżjoni ta’ Implimentazzjoni (UE) 2017/785 u d-Deċiżjoni ta’ Implimentazzjoni tal-Kummissjoni (UE) 2020/728 (8) bħala teknoloġija innovattiva għall-użu f’karozzi tal-passiġġieri li jaħdmu b’magni b’kombustjoni interna u vetturi kummerċjali ħfief kif ukoll f’ċerti NOVC-HEVs tal-istess kategoriji ta’ vetturi. It-teknoloġija innovattiva ġiet approvata wkoll għall-użu fil-karozzi tal-passiġġieri u f’vetturi kummerċjali ħfief li kapaċi jaħdmu b’ċerti fjuwils alternattivi. Skont dawk id-Deċiżjonijiet ta’ Implimentazzjoni, it-teknoloġija innovattiva hija kapaċi tnaqqas l-emissjonijiet ta’ CO2 b’mod kopert biss parzjalment mill-kejl li jsir bħala parti mit-test tal-emissjonijiet skont l-NEDC. |
|
(7) |
Madankollu, it-talba u l-applikazzjoni jirreferu għad-WLTP, u jintwera li anke l-kejl imwettaq bħala parti mit-test tal-emissjonijiet skont id-WLTP ikopri biss parzjalment l-iffrankar ta’ CO2 li jirriżulta mit-teknoloġija użata f’muturi ġeneraturi ta’ 12-il V effiċjenti. |
|
(8) |
Abbażi tal-esperjenza miksuba mill-valutazzjoni tal-applikazzjonijiet approvati mid-Deċiżjonijiet ta’ Implimentazzjoni (UE) 2017/785 u (UE) 2020/728, u filwaqt li titqies l-informazzjoni pprovduta mat-talba u l-applikazzjoni preżenti, intwera b’mod sodisfaċenti u konklużiv li l-funzjoni ta’ ġeneratur effiċjenti ta’ mutur ġeneratur ta’ 12-il V tissodisfa l-kriterji msemmija fl-Artikolu 11(2) tar-Regolament (UE) 2019/631 u l-kriterji ta’ eliġibbiltà speċifikati fl-Artikolu 9(1)(b) tar-Regolamenti ta’ Implimentazzjoni (UE) Nru 725/2011 u (UE) Nru 427/2014. |
|
(9) |
It-talba u l-applikazzjoni jikkonċernaw l-użu tal-funzjoni ta’ ġeneratur effiċjenti ta’ mutur ġeneratur ta’ 12-il Volt f’karozzi tal-passiġġieri u f’vetturi kummerċjali ħfief rispettivament, li jaħdmu b’magni ta’ kombustjoni interna li kapaċi jaħdmu bil-petrol, diżil, gass likwifikat miż-żejt (LPG), gass naturali kkompressat (CNG) jew E85, jew f’NOVC-HEVs tal-kategorija M1 jew N1 li kapaċi jaħdmu b’dawk il-fjuwils u li għalihom jistgħu jintużaw valuri mkejla mhux ikkoreġuti dwar il-konsum tal-fjuwil u s-CO2, skont il-paragrafu 1.1.4 tal-Appendiċi 2 tal-Anness 8 tal-Anness XXI tar-Regolament (UE) 2017/1151. |
|
(10) |
Kemm it-talba kif ukoll l-applikazzjoni jirreferu għall-metodoloġija biex jiġi ddeterminat l-iffrankar ta’ CO2 mill-użu ta’ muturi ġeneraturi ta’ 12-il Volt stipulati fl-Anness tad-Deċiżjoni ta’ Implimentazzjoni (UE) 2017/785, ħlief il-proposti għal modifika tal-veloċità medja minn dik tal-NEDC (33,58 km/h) għal dik tad-WLTP (46,6 km/h) u li tiġi introdotta proċedura ta’ prova. |
|
(11) |
Peress li jenħtieġ jitqiesu l-kundizzjonijiet tad-WLTP, huwa xieraq li l-veloċità medja tiġi stabbilita għal 46,6 km/h. |
|
(12) |
Rigward iż-żieda ta’ proċedura ta’ prova mal-metodoloġija tal-ittestjar għall-mutur ġeneratur, la l-applikazzjoni u lanqas it-talba ma jistabbilixxu bi preċiżjoni biżżejjed id-dettalji ta’ kif jenħtieġ li titwettaq tali proċedura ta’ prova u lanqas kif jenħtieġ li jitqies l-effett tal-prova. Barra minn hekk, diġà huwa integrali għall-metodoloġija tal-ittestjar stabbilita fid-Deċiżjoni ta’ Implimentazzjoni (UE) 2017/785 li tali effetti jistgħu jitqiesu, fejn meħtieġ, bir-rekwiżit li l-effiċjenza tal-funzjoni ta’ ġeneratur tal-mutur ġeneratur trid titkejjel mill-inqas ħames darbiet. Billi l-effiċjenza tal-funzjoni ta’ ġeneratur tal-mutur ġeneratur tiġi ddeterminata abbażi tal-medja tar-riżultati tal-kejl, kwalunkwe effett ta’ prova, pożittiv jew negattiv, jista’ għalhekk jitqies b’mod adegwat fid-determinazzjoni tal-effiċjenza finali, fejn meħtieġ billi jiżdied l-għadd ta’ drabi li jsir il-kejl. F’dan l-isfond, mhuwiex xieraq li l-metodoloġija tal-ittestjar tiġi kkomplementata bi proċedura ta’ prova speċifika addizzjonali bħal dik proposta fl-applikazzjoni u fit-talba. |
|
(13) |
Sabiex jitqies l-użu ta’ fjuwils alternattivi, fit-talba u fl-applikazzjoni huwa propost li fil-metodoloġija tal-ittestjar jiġu inklużi fatturi addizzjonali għall-konsum tal-enerġija effettiva, u l-koeffiċjenti ta’ konverżjoni tal-konsum tal-fjuwil kif ukoll koeffiċjenti addizzjonali tal-massa żejda li jikkorrispondu għal dawk il-fjuwils. |
|
(14) |
Fir-rigward tal-fatturi proposti għall-konsum tal-enerġija effettiva u l-koeffiċjenti tal-konverżjoni tal-konsum tal-fjuwil, huwa xieraq li dawn jiġu inklużi fil-metodoloġija tal-ittestjar, filwaqt li jitqies li dawn jittieħdu mil-Linji Gwida Tekniċi. Fir-rigward tal-koeffiċjenti tal-massa żejda proposti, ma ġiet ipprovduta l-ebda ġustifikazzjoni ċara għall-użu tal-valuri proposti, u fin-nuqqas ta’ dawn il-ġustifikazzjonijiet, huwa xieraq li jiġu ddeterminati l-koeffiċjenti tal-massa żejda li jużaw il-valuri ta’ referenza li huma diġà inklużi fil-Linji Gwida Tekniċi. |
|
(15) |
Meta titqies id-disponibbiltà limitata tal-E85 fis-suq tal-Unjoni kollha kemm hi, mhuwiex xieraq li għall-finijiet tal-metodoloġija tal-ittestjar issir distinzjoni ta’ dan il-fjuwil bħala differenti mill-petrol. Bħala tali, il-valuri li jirreferu għall-konsum tal-enerġija effettiva, il-konverżjoni tal-konsum tal-fjuwil u l-koeffiċjent tal-massa żejda li jridu jintużaw għall-E85 għandhom ikunu dawk użati għall-petrol. |
|
(16) |
Kemm fit-talba kif ukoll fl-applikazzjoni huma qed jiġu proposti rati ta’ effiċjenza minima ġodda għall-funzjoni ta’ ġeneratur tal-mutur ġeneratur 12-il Volt. Madankollu, jitqies xieraq li jinżammu r-rati ta’ effiċjenza minima stabbiliti fid-Deċiżjoni ta’ Implimentazzjoni (UE) 2020/728 peress li ma ġiet ipprovduta l-ebda evidenza li l-muturi ġeneraturi b’rata ta’ effiċjenza aktar baxxa jissodisfaw ir-rekwiżit tal-penetrazzjoni tas-suq stabbilit fl-Artikolu 2(2)(a) tar-Regolamenti ta’ Implimentazzjoni (UE) Nru 725/2011 u (UE) Nru 427/2014. |
|
(17) |
Jenħtieġ li l-manifatturi jkollhom il-possibbiltà li japplikaw għand awtorità tal-approvazzjoni tat-tip għaċ-ċertifikazzjoni tal-iffrankar ta’ CO2 mill-użu tat-teknoloġija innovattiva meta jiġu ssodisfati l-kundizzjonijiet stabbiliti f’din id-Deċiżjoni. Jenħtieġ li, għal dak il-għan, il-manifatturi jiżguraw li l-applikazzjoni għaċ-ċertifikazzjoni tkun akkumpanjata minn rapport ta’ verifika minn korp indipendenti u ċċertifikat li jikkonferma li t-teknoloġija innovattiva tikkonforma mal-kundizzjonijiet stabbiliti f’din id-Deċiżjoni u li l-iffrankar ġie ddeterminat skont il-metodoloġija tal-ittestjar stabbilita f’din id-Deċiżjoni. |
|
(18) |
Sabiex tiġi ffaċilitata introduzzjoni usa’ tat-teknoloġija innovattiva f’vetturi ġodda, il-manifattur jenħtieġ li jkollu wkoll il-possibbiltà li jissottometti applikazzjoni waħda għaċ-ċertifikazzjoni tal-iffrankar ta’ CO 2 mill-funzjonijiet ta’ ġeneratur effiċjenti użati f’diversi tipi ta’ ġeneraturi b’mutur ta’ 12-il Volt. Madankollu, huwa xieraq li jiġi żgurat li, meta tintuża dik il-possibbiltà, jiġi applikat mekkaniżmu li jinċentiva biss l-introduzzjoni ta’ dawk il-muturi ġeneraturi li joffru l-ogħla effiċjenza. |
|
(19) |
Hija r-responsabbiltà tal-awtorità tal-approvazzjoni tat-tip li tivverifika bir-reqqa li l-kundizzjonijiet għaċ-ċertifikazzjoni tal-iffrankar ta’ CO2 mill-użu ta’ teknoloġija innovattiva kif speċifikat f’din id-Deċiżjoni jkunu ġew issodisfati. Jekk tinħareġ iċ-ċertifikazzjoni, jenħtieġ li l-awtorità responsabbli tal-approvazzjoni tat-tip tiżgura li l-elementi kollha kkunsidrati għaċ-ċertifikazzjoni jiġu rreġistrati f’rapport tat-test u li dan jinżamm flimkien mar-rapport ta’ verifika u li din l-informazzjoni tkun disponibbli għall-Kummissjoni fuq talba. |
|
(20) |
Għall-finijiet tad-determinazzjoni tal-kodiċi tal-ekoinnovazzjoni ġenerali li jrid jintuża fid-dokumenti tal-approvazzjoni tat-tip rilevanti skont l-Annessi I, VIII u IX tad-Direttiva 2007/46/KE tal-Parlament Ewropew u tal-Kunsill (9), hemm bżonn li jiġi attribwit kodiċi individwali għat-teknoloġija innovattiva, |
ADOTTAT DIN ID-DEĊIŻJONI:
Artikolu 1
Teknoloġija innovattiva
Il-funzjoni ta’ ġeneratur effiċjenti ta’ mutur ġeneratur ta’ 12-il Volt hija approvata bħala teknoloġija innovattiva skont it-tifsira tal-Artikolu 11 tar-Regolament (UE) 2019/631, filwaqt li jitqies li din hija koperta biss b’mod parzjali mill-proċedura ta’ ttestjar standard stabbilita fir-Regolament (UE) 2017/1151, u sakemm it-teknoloġija tkun konformi ma’ li ġej:
|
(a) |
Tkun immuntata f’karozzi tal-passiġġieri u vetturi kummerċjali ħfief imħaddma minn magni b’kombustjoni interna li kapaċi jaħdmu bil-petrol, bid-diżil, bil-gass likwifikat miż-żejt (LPG), bil-gass naturali kkompressat (CNG) jew E85, jew f’vetturi elettriċi ibridi (NOVC-HEV) tal-kategorija M1 jew N1 li jikkonformaw mal-paragrafu 1.1.4 tal-Appendiċi 2 tas-Subanness 8 tal-Anness XXI tar-Regolament (UE) 2017/1151 u li huma kapaċi jaħdmu b’dawk il-fjuwils; |
|
(b) |
l-effiċjenza tal-funzjoni ta’ ġeneratur, iddeterminata skont il-metodoloġija stabbilita fl-Anness, hija mill-inqas:
|
Artikolu 2
Applikazzjoni għaċ-ċertifikazzjoni tal-iffrankar ta’ CO2
1. Manifattur jista’ japplika għand awtorità tal-approvazzjoni tat-tip għaċ-ċertifikazzjoni tal-iffrankar ta’ CO2 mill-użu tat-teknoloġija approvata skont l-Artikolu 1 (“it-teknoloġija innovattiva”) f’mutur ġeneratur ta’ 12-il Volt wieħed jew aktar b’referenza għal din id-Deċiżjoni.
2. Il-manifattur għandu jiżgura li l-applikazzjoni għaċ-ċertifikazzjoni tkun akkumpanjata minn rapport ta’ verifika minn korp indipendenti u ċċertifikat li jikkonferma li l-kundizzjonijiet stabbiliti fl-Artikolu 1 ġew issodisfati.
3. Fejn l-iffrankar ikun ġie ċċertifikat skont l-Artikolu 3, il-manifattur għandu jiżgura li l-iffrankar iċċertifikat ta’ CO2 u l-kodiċi tal-ekoinnovazzjoni msemmi fl-Artikolu 4(1) jiġu rreġistrati fiċ-ċertifikat tal-konformità tal-vetturi kkonċernati.
Artikolu 3
Ċertifikazzjoni tal-iffrankar ta’ CO2
1. L-awtorità tal-approvazzjoni tat-tip għandha tiżgura li l-iffrankar ta’ CO2miksub mill-użu tat-teknoloġija innovattiva jkun ġie ddeterminat bl-użu tal-metodoloġija stabbilita fl-Anness.
2. Meta manifattur japplika għaċ-ċertifikazzjoni tal-iffrankar ta’ CO2 mill-użu tat-teknoloġija innovattiva f’aktar minn tip wieħed ta’ mutur ġeneratur ta’ 12-il Volt fir-rigward ta’ verżjoni waħda ta’ vettura, l-awtorità tal-approvazzjoni tat-tip għandha tiddetermina liema tip ta’ muturi ġeneraturi ta’ 12-il Volts ittestjati joffri l-inqas iffrankar ta’ CO2. Dak il-valur għandu jintuża għall-finijiet tal-paragrafu 4.
3. Meta t-teknoloġija innovattiva tiġi installata f’vettura bifjuwil jew tal-fjuwil flessibbli, l-awtorità tal-approvazzjoni għandha tirreġistra l-iffrankar ta’ CO2 kif ġej:
|
(a) |
għal vetturi bifjuwil li jużaw il-petrol u fjuwils gassużi, il-valur ta’ ffrankar ta’ CO2 fir-rigward tal-fjuwils LPG jew CNG; |
|
(b) |
Għall-vetturi ta’ fjuwil flessibbli li jużaw il-petrol u l-E85, il-valur tal-iffrankar ta’ CO2 fir-rigward tal-petrol. |
4. L-awtorità tal-approvazzjoni tat-tip għandha tirreġistra l-iffrankar ta’ CO2 iċċertifikat li jkun ġie ddeterminat skont il-paragrafi 1 u 2, u l-kodiċi tal-ekoinnovazzjoni msemmi fl-Artikolu 4(1) fid-dokumentazzjoni tal-approvazzjoni tat-tip rilevanti.
5. L-awtorità tal-approvazzjoni tat-tip għandha tirreġistra l-elementi kollha kkunsidrati għaċ-ċertifikazzjoni f’rapport tat-test u dan iżżommu flimkien mar-rapport ta’ verifika msemmi fl-Artikolu 2(2), u għandha tagħmel dik l-informazzjoni disponibbli lill-Kummissjoni fuq talba.
6. L-awtorità tal-approvazzjoni tat-tip għandha tiċċertifika l-iffrankar ta’ CO2 biss jekk issib li t-teknoloġija innovattiva tikkonforma mal-kundizzjonijiet stabbiliti fl-Artikolu 1, u jekk l-iffrankar ta’ CO2 iddeterminat skont il-punt 3.5 tal-Anness ikun ta’ 0,5 g ta’ CO2/km jew ogħla, kif speċifikat fl-Artikolu 9(1)(b) tar-Regolament ta’ Implimentazzjoni (UE) Nru 725/2011 fil-każ ta’ karozzi tal-passiġġieri, jew fl-Artikolu 9(1)(b) tar-Regolament ta’ Implimentazzjoni (UE) Nru 427/2014 fil-każ ta’ vetturi kummerċjali ħfief.
Artikolu 4
Kodiċi tal-ekoinnovazzjoni
1. It-teknoloġija innovattiva approvata b’din id-Deċiżjoni tingħata l-kodiċi tal-ekoinnovazzjoni 33.
2. L-iffrankar ta’ CO2 irreġistrat skont ir-referenza għal dan il-kodiċi tal-ekoinnovazzjoni jista’ jitqies għall-kalkolu tal-emissjonijiet speċifiċi medji tal-manifatturi mis-sena kalendarja 2021 ’il quddiem.
Artikolu 5
Dħul fis-seħħ
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-27 ta’ Awwissu 2020.
Għall-Kummissjoni
Il-President
Ursula VON DER LEYEN
(1) ĠU L 111, 25.4.2019, p. 13.
(2) Ir-Regolament ta’ Implimentazzjoni tal-Kummissjoni (UE) Nru 725/2011 tal-25 ta’ Lulju 2011 li jistabbilixxi proċedura għall-approvazzjoni u ċ-ċertifikazzjoni ta’ teknoloġiji innovattivi għat-tnaqqis tal-emissjonijiet ta’ CO2 minn karozzi tal-passiġġieri, skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 194, 26.7.2011, p. 19).
(3) Id-Deċiżjoni ta’ Implimentazzjoni tal-Kummissjoni (UE) 2017/785 tal-5 ta’ Mejju 2017 dwar l-approvazzjoni ta’ muturi ġeneraturi 12 V effiċjenti għall-użu fil-karozzi tal-passiġġieri li jaħdmu b’magni ta’ kombustjoni konvenzjonali bħala teknoloġija innovattiva għat-tnaqqis tal-emissjonijiet ta’ CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 118, 6.5.2017, p. 20).
(4) Ir-Regolament tal-Kummissjoni (UE) 2017/1151 tal-1 ta’ Ġunju 2017 li jissupplimenta r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta’ vetturi bil-mutur fir-rigward tal-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi, li jemenda d-Direttiva 2007/46/KE tal-Parlament Ewropew u tal-Kunsill, ir-Regolament tal-Kummissjoni (KE) Nru 692/2008 u r-Regolament tal-Kummissjoni (UE) Nru 1230/2012 u li jħassar ir-Regolament tal-Kummissjoni (KE) Nru 692/2008 (ĠU L 175, 7.7.2017, p. 1).
(5) Ir-Regolament ta’ Implimentazzjoni tal-Kummissjoni (UE) Nru 427/2014 tal-25 ta’ April 2014 li jistabbilixxi proċedura għall-approvazzjoni u ċ-ċertifikazzjoni ta’ teknoloġiji innovattivi għat-tnaqqis tal-emissjonijiet ta’ CO2 minn vetturi kummerċjali ħfief skont ir-Regolament (UE) Nru 510/2011 tal-Parlament Ewropew u tal-Kunsill (ĠU L 125, 26.4.2014, p. 57).
(6) Ir-Regolament (KE) Nru 443/2009 tal-Parlament Ewropew u tal-Kunsill tat-23 ta' April 2009 li jistabbilixxi standards ta' rendiment għall-emissjonijiet minn karozzi ġodda tal-passiġġieri bħala parti mill-approċċ integrat tal-Komunità biex jitnaqqsu l-emissjonijiet ta' C02 minn vetturi ħfief (ĠU L 140, 5.6.2009, p. 1).
(7) https://circabc.europa.eu/sd/a/a19b42c8-8e87-4b24-a78b-9b70760f82a9/July%202018%20Technical%20Guidelines.pdf
(8) Id-Deċiżjoni ta’ Implimentazzjoni tal-Kummissjoni (UE) 2020/728 tad-29 ta’ Mejju 2020 dwar l-approvazzjoni tal-funzjoni ta’ ġeneratur effiċjenti użata fil-muturi ġeneraturi ta’ 12-il V għall-użu f’ċerti karozzi tal-passiġġieri u vetturi kummerċjali ħfief bħala teknoloġija innovattiva f’konformità mar-Regolament (UE) 2019/631 tal-Parlament Ewropew u tal-Kunsill (ĠU L 170, 2.6.2020, p. 21)
(9) Id-Direttiva 2007/46/KE tal-Parlament Ewropew u tal-Kunsill tal-5 ta’ Settembru 2007 li tistabbilixxi kwadru għall-approvazzjoni ta’ vetturi bil-mutur u l-karrijiet tagħhom, u ta’ sistemi, komponenti u unitajiet tekniċi separati maħsuba għal tali vetturi (Direttiva Kwadru) (ĠU L 263, 9.10.2007, p. 1).
ANNESS
Metodoloġija biex jiġi ddeterminat l-iffrankar ta’ CO2 tat-teknoloġija użata f’mutur ġeneratur effiċjenti ta’ 12-il V għal magna ta’ kombustjoni konvenzjonali u ċerti karozzi tal-passiġġieri ibridi elettriċi u vetturi kummerċjali ħfief
1. INTRODUZZJONI
Dan l-Anness jistabbilixxi l-metodoloġija biex jiġi ddeterminat l-iffrankar tal-emissjonijiet ta’ CO2 (diossidu tal-karbonju) mill-użu tal-funzjoni ta’ ġeneratur effiċjenti ta’ mutur ġeneratur ta’ 12-il V (“mutur ġeneratur 12-il V”) f’vettura M1 jew N1 kif speċifikat fl-Artikolu 1
2. DETERMINAZZJONI TAL-EFFIĊJENZA TAL-MUTUR ĠENERATUR TA’ 12-il V
L-effiċjenza tal-mutur ġeneratur ta’ 12-il V għandha tiġi ddeterminata skont l-ISO 8854:2012, bil-preċiżjonijiet li ġejjin.
Il-manifattur għandu jipprovdi evidenza lill-awtorità tal-approvazzjoni tat-tip li l-firxiet tal-frekwenza tal-mutur ġeneratur ta’ 12-il V huma l-istess bħal dawk stabbiliti fit-Tabella 1, jew ekwivalenti għalihom.
L-effiċjenza tal-mutur ġeneratur ta’ 12-il V għandha tiġi ddeterminata abbażi tal-kejl f’kull wieħed mill-punti ta’ tħaddim elenkati fit-Table 1.
L-intensità attwali tal-mutur ġeneratur ta’ 12-il V f’kull punt ta’ tħaddim għandha tkun nofs il-kurrent nominali attribwit. Għal kull punt ta’ tħaddim, il-voltaġġ u l-kurrent tal-output tal-mutur ġeneratur ta’ 12-il V għandhom jinżammu kostanti matul il-kejl, b’voltaġġ ta’ 14,3-il V.
Tabella 1
|
Il-punt ta' tħaddim i |
Il-ħin ta' żamma [s] |
Il-frekwenza tar-rotazzjoni ni [min–1] |
Frekwenza tal-punti ta’ tħaddim hi |
|
1 |
1 200 |
1 800 |
0,25 |
|
2 |
1 200 |
3 000 |
0,40 |
|
3 |
600 |
6 000 |
0,25 |
|
4 |
300 |
10 000 |
0,10 |
L-effiċjenza tal-mutur ġeneratur ta’ 12-il V f’kull punt tat-tħaddim i (
) [%] għandha tiġi kkalkolata skont il-Formula 1.
Formola 1
fejn, għal kull punt ta’ tħaddim i,
|
Ui |
hija l-voltaġġ [V]; |
|
Ii |
hija l-intensità tal-kurrent [A]; |
|
Μi |
hija t-torque [Nm]; |
|
ni |
hija l-frekwenza rotazzjonali [min-1]. |
Għal kull punt ta’ tħaddim, il-kejl għandu jitwettaq mill-inqas ħames darbiet wara xulxin u l-effiċjenza għandha tiġi kkalkolata għal kull wieħed minn dak il-kejl (
) b’j ikun l-indiċi li jirreferi għal sett wieħed ta’ kejl.
Għal kull punt ta’ tħaddim, il-medja ta’ dawk l-effiċjenzi (
) għandha tiġi kkalkolata.
L-effiċjenza tal-mutur ġeneratur ta’ 12-il V (ηMG) [%] għandha tiġi kkalkolata skont il-Formula 2.
Formola 2
meta,
|
|
hija l-effiċjenza medja tal-mutur ġeneratur ta’ 12-il V iddeterminata għall-punt ta’ tħaddim i [%] |
|
hi |
hija l-frekwenza tal-punt ta’ tħaddim i, kif stabbilita fit-Tabella 1. |
3. IL-KALKOLU TAL-IFFRANKAR TA’ CO2 U L-INĊERTEZZA TIEGĦU
3.1. Potenza mekkanika ffrankata
Id-differenza (ΔPm) [W] bejn il-potenza mekkanika ffrankata bl-użu tal-mutur ġeneratur ta’ 12-il V f’kundizzjonijiet tal-ħajja reali (ΔPmRW) u l-potenza mekkanika ffrankata bl-użu tal-mutur ta’ 12-il V f’kundizzjonijiet tal-approvazzjoni tat-tip (ΔPmTA) għandha tiġi kkalkolata b’konformità mal-Formula 3.
Formola 3
meta,
ΔPmRW għandha tiġi kkalkolata skont il-Formula 4 u ΔPmTA skont il-Formula 5.
Formola 4
Formola 5
fil-każ ta’,
|
ηMG |
hi l-effiċjenza tal-mutur ġeneratur ta’ 12-il V kif stabbilit fil-punt 2 [%] |
|
PRW |
huwa r-rekwiżit tal-potenza taħt kundizzjonijiet “tal-ħajja reali”, li huwa 750 W |
|
PTA |
huwa r-rekwiżit tal-potenza taħt kundizzjonijiet ta’ “approvazzjoni tat-tip”, li huwa 350 W |
|
ηB |
hija l-effiċjenza tal-alternatur tax-xenarju bażi, li hija 67 % |
3.2. Il-kalkolu tal-iffrankar ta’ CO2
L-iffrankar ta’ CO2 tal-mutur ġeneratur ta’ 12-il V (
) [gCO2/km] għandu jinħadem skont il-Formula 6.
Formola 6
fil-każ ta’,
|
ΔPm |
hija d-differenza bejn il-potenza mekkanika ffrankata taħt kundizzjonijiet tal-ħajja reali u l-potenza mekkanika ffrankata taħt kundizzjonijiet tal-approvazzjoni tat-tip, kif stabbilit fil-punt 3.1. |
|
v |
hija l-veloċità medja tas-sewqan tad-WLTP, li hija 46,6 km/h |
|
VPe |
huwa l-konsum tal-potenza effettiva kif speċifikat fit-Table 2 [l/kWh] |
|
CF |
huwa l-fattur ta’ konverżjoni kif stabbilit fit-Tabella 3 [gCO2/l] |
Tabella 2
|
It-tip ta' magna |
Konsum tal-potenza effettiva (VPe) [l/kWh] |
|
Imħaddma bil-petrol jew bl-E85 għajr dawk turbocharged |
0,264 |
|
Imħaddma b’petrol turbocharged jew E85 |
0,280 |
|
Imħaddma bid-diżil |
0,220 |
|
Imħaddma bl-LPG |
0,342 |
|
Imħaddma bl-LPG turbocharged |
0,363 |
|
|
Konsum tal-potenza effettiva (VPe) [m3/kWh] |
|
CNG (G20) ħlief dawk turbocharged |
0,259 |
|
CNG turbocharged (G20) |
0,275 |
Tabella 3
|
Tip ta' fjuwil |
Fattur ta’ konverżjoni (CF) [gCO2/l] |
|
Petrol/E85; |
2 330 |
|
Diżil |
2 640 |
|
LPG |
1 629 |
|
|
Fattur ta’ konverżjoni (CF) [gCO2/m3] |
|
CNG (G20) |
1 795 |
3.3. Kalkolu tal-inċertezza tal-iffrankar ta’ CO2
L-inċertezza tal-iffrankar ta’ CO2 ikkalkolata skont il-punt 3.2 għandha tiġi kkwantifikata.
L-ewwel nett, id-devjazzjoni standard tal-effiċjenza tal-mutur ġeneratur ta’ 12-il V f’kull punt tat-tħaddim (
) [%] għandha tiġi kkalkolata skont Formula 7.
Formola 7
fejn,
|
m |
huwa n-numru ta’ kejl j li jsir biex tiġi ddeterminata l-effiċjenza tal-mutur ġeneratur ta’ 12-il V f’kull punt ta’ tħaddim i, kif imsemmi fil-punt 2 |
|
|
hija l-effiċjenza tal-mutur ġeneratur ta’ 12-il V ikkalkolata għal kejl individwali j fil-punt ta’ tħaddim i kif imsemmi fil-punt 2 [%] |
|
|
hija l-effiċjenza medja tal-mutur ġeneratur ta’ 12-il V ikkalkolata għal punt ta’ tħaddim i, kif stabbilit fil-punt 2 [%] |
Imbagħad, id-devjazzjoni standard tal-effiċjenza tal-mutur ġeneratur ta’ 12-il V (
) [%] għandha tiġi kkalkolata skont il-Formula 8.
Formola 8
fejn,
|
|
hija kif iddeterminata bil-Formula 7 [%] |
|
hi |
hija l-frekwenza tal-punt ta’ tħaddim i, kif stabbilita fit-Tabella 1. |
Fl-aħħar nett, l-inċertezza tal-iffrankar ta’ CO2 (
) [gCO2/km] tal-mutur ġeneratur ta’ 12-il V għandha tiġi kkalkolata skont il-Formula 9 u ma għandhiex taqbeż it-30 % tal-iffrankar ta’ CO2:
Formola 9
fejn,
|
PRW |
huwa r-rekwiżit tal-potenza taħt kundizzjonijiet “tal-ħajja reali”, li huwa 750 W |
|
PTA |
huwa r-rekwiżit tal-potenza taħt kundizzjonijiet ta’ approvazzjoni tat-tip, li huwa 350 W |
|
ηMG |
hi l-effiċjenza tal-mutur ġeneratur ta’ 12-il V, kif stabbilit fil-punt 2 [%] |
|
VPe |
huwa l-konsum tal-potenza effettiva kif speċifikat fit-Table 2 [l/kWh] |
|
CF |
huwa l-fattur ta’ konverżjoni tal-fjuwil kif speċifikat fit-Tabella 3 [gCO2/l] |
|
v |
hija l-veloċità medja tas-sewqan tad-WLTP, li hija 46,6 km/h |
|
|
hija d-devjazzjoni standard tal-effiċjenza tal-mutur ġeneratur ta’ 12-il V kif stabbilita skont il-Formula 8 [%] |
|
ηMG |
l-effiċjenza tal-mutur ġeneratur ta’ 12-il V, kif stabbilit fil-punt 2 [%] |
3.4. Tqarrib
L-iffrankar ta’ CO2 (
) ikkalkolat skont il-punt 3.2 u l-inċertezza tal-iffrankar ta’ CO2 (
) ikkalkolata skont il-punt 3.3 għandhom jiġu aġġustati għal massimu ta’ żewġ punti deċimali.
Kull valur użat fil-kalkolu tal-iffrankar ta’ CO2 jista’ jiġi applikat mingħajr aġġustament jew irid jiġi aġġustat ’il fuq u jiġi espress sal-għadd minimu ta’ punti deċimali, li jippermetti li l-impatt totali massimu (jiġifieri l-impatt ikkombinat tal-valuri aġġustati kollha) fuq l-iffrankar ikun inqas minn 0,25 gCO2/km..
3.5. Verifika mal-limitu minimu tal-iffrankar ta’ CO2
L-awtorità tal-approvazzjoni tat-tip għandha tiżgura għal kull verżjoni tal-vettura mgħammra bil-mutur ġeneratur ta’ 12-il V li jiġi ssodisfat il-kriterju tal-limitu minimu kif speċifikat fl-Artikolu 9(1)(b) tar-Regolamenti ta’ Implimentazzjoni (UE) Nru 725/2011 u (UE) Nru 427/2014.
Meta jiġi vverifikat jekk il-kriterju tal-limitu minimu huwiex sodisfatt, l-awtorità tal-approvazzjoni tat-tip għandha tqis, skont il-Formula 10, l-iffrankar ta’ CO2 stabbilit fil-punt 3.2, l-inċertezza stabbilita fil-punt 3.3 u, fejn applikabbli, korrezzjoni ta’ CO2, fil-każ ta’ differenza pożittiva fil-massa (Δm) bejn il-mutur ġeneratur ta’ 12-il V flimkien mal-konvertitur 48V/12-il V/ u l-alternatur tax-xenarju bażi.
Għall-fini tal-korrezzjoni tal-massa pożittiva, il-massa tal-alternatur tax-xenarju bażi għandha tiġi ssettjata għal 7 kg.
Il-manifattur għandu jipprovdi lill-awtorità tal-approvazzjoni tat-tip informazzjoni dwar il-massa tal-mutur ġeneratur ta’ 12-il V flimkien mal-konvertitur 48V/12-il V DC/DC kif iċċertifikat mill-fornitur.
Formula 10
fejn,
|
MT |
hija 0,5 g CO2 /km kif speċifikat fl-Artikolu 9(1)(b) tar-Regolament ta’ Implimentazzjoni (UE) Nru 725/2011 u (UE) Nru 427/2014 |
|
|
huwa l-iffrankar ta’ CO2 kif stabbilit fil-punt 3.2 [gCO2/km] |
|
|
l-inċertezza tal-iffrankar ta’ CO2 kif stabbilit fil-punt 3.3 [gCO2/km] |
|
|
Korrezzjoni ta’ CO2 fil-każ ta’ differenza pożittiva fil-massa (Δm) [kg] bejn il-mutur ġeneratur ta’ 12-il V u l-alternatur tax-xenarju bażi, ikkalkolata skont it-Tabella 4 [gCO2/km] |
Tabella 4
|
Tip ta' fjuwil |
korrezzjoni ta’ CO2 (
|
|
Petrol/E85 |
0,0277 • Δm |
|
Diżil |
0,0383 • Δm |
|
LPG |
0,0251 • Δm |
|
CNG |
0,0209 • Δm |
4. ĊERTIFIKAZZJONI TAL-IFFRANKAR TA’ CO2
L-iffrankar ta’ CO2 li għandu jiġi ċċertifikat mill-awtorità tal-approvazzjoni tat-tip skont l-Artikolu 11 tar-Regolamenti ta’ Implimentazzjoni (UE) Nru 725/2011 jew (UE) Nru 427/2014 (
) [gCO2/km] huwa dak ikkalkolat skont il-Formula 11. L-iffrankar ta’ CO2 għandu jiġi rreġistrat fiċ-ċertifikat tal-approvazzjoni tat-tip għal kull verżjoni tal-vettura mgħammra bil-mutur ġeneratur ta’ 12-il V.
Formola 11
fejn,
|
|
huwa l-iffrankar ta’ CO2 kif stabbilit skont il-Formula 6 taħt il-punt 3.2 [gCO2/km] |
|
|
hija l-inċertezza ta’’ ffrankar ta’ CO2 tal-mutur ġeneratur ta’ 12-il V ikkalkulat skont il-Formula 9 taħt il-punti 3.3 [gCO2/km] |
