This document is an excerpt from the EUR-Lex website
Document 32018R0995
Commission Implementing Regulation (EU) 2018/995 of 12 July 2018 amending Implementing Regulation (EU) 2016/2080 as regards the periods for the submission of tenders
Regolament ta' Implimentazzjoni tal-Kummissjoni (UE) 2018/995 tat-12 ta' Lulju 2018 li jemenda r-Regolament ta' Implimentazzjoni (UE) 2016/2080 fir-rigward tal-perjodi għat-tressiq tal-offerti
Regolament ta' Implimentazzjoni tal-Kummissjoni (UE) 2018/995 tat-12 ta' Lulju 2018 li jemenda r-Regolament ta' Implimentazzjoni (UE) 2016/2080 fir-rigward tal-perjodi għat-tressiq tal-offerti
C/2018/4733
ĠU L 178, 16.7.2018, p. 4–5
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
16.7.2018 |
MT |
Il-Ġurnal Uffiċjali tal-Unjoni Ewropea |
L 178/4 |
REGOLAMENT TA' IMPLIMENTAZZJONI TAL-KUMMISSJONI (UE) 2018/995
tat-12 ta' Lulju 2018
li jemenda r-Regolament ta' Implimentazzjoni (UE) 2016/2080 fir-rigward tal-perjodi għat-tressiq tal-offerti
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1),
Wara li kkunsidrat ir-Regolament ta' Implimentazzjoni tal-Kummissjoni (UE) 2016/1240 tat-18 ta' Mejju 2016 li jistabbilixxi regoli għall-applikazzjoni tar-Regolament (UE) Nru 1308/2013 tal-Parlament Ewropew u tal-Kunsill fir-rigward ta' intervent pubbliku u ta' għajnuna għall-ħżin privat (2), u b'mod partikolari l-Artikolu 28 tiegħu,
Billi:
|
(1) |
Ir-Regolament ta' Implimentazzjoni tal-Kummissjoni (UE) 2016/2080 (3) fetaħ il-bejgħ tat-trab tal-ħalib xkumat permezz ta' proċedura ta' sejħa għall-offerti. Dan kien jipprevedi żewġ sejħiet parzjali għall-offerti kull xahar, ħlief għal Awwissu u Diċembru. |
|
(2) |
Ir-Regolament ta' Implimentazzjoni tal-Kummissjoni (UE) 2017/472 (4) emenda r-Regolament ta' Implimentazzjoni (UE) 2016/2080 billi naqqas l-għadd ta' perjodi li matulhom jistgħu jitressqu l-offerti għal wieħed kull xahar u neħħa d-dispożizzjoni għal tali perjodu fix-xahar ta' Awwissu. |
|
(3) |
L-esperjenza miksuba bis-sejħiet parzjali għall-offerti implimentati fl-2018 uriet interess dejjem ikbar għall-offerti skont il-kundizzjonijiet attwali tas-suq. Għalhekk jixraq li jerġa' jkun hemm in-numru oriġinali ta' perjodi li matulhom l-offerti jistgħu jitressqu u li jiġi previst perjodu tali fix-xahar ta' Awwissu. |
|
(4) |
Billi l-perjodu fix-xahar ta' Awwissu jintemm fir-raba' nhar ta' Tlieta ta' dak ix-xahar, sabiex jiġi evitat li jkun hemm żewġ offerti f'ġimagħtejn konsekuttivi, jixraq li jkun hemm perjodu wieħed biss f'Settembru. |
|
(5) |
Għaldaqstant, jenħtieġ li r-Regolament ta' Implimentazzjoni (UE) 2016/2080 jiġi emendat skont dan. |
|
(6) |
Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-Artikolu 2(2) tar-Regolament ta' Implimentazzjoni (UE) 2016/2080 huwa sostitwit b'dan li ġej:
“2. Il-perjodi li fihom jistgħu jitressqu l-offerti bi tweġiba għat-tieni sejħa parzjali u għas-sejħiet parzjali sussegwenti għandhom jibdew fl-ewwel jum tax-xogħol wara tmiem il-perjodu preċedenti. Dawn għandhom jintemmu fil-11.00 (ħin ta' Brussell) fl-ewwel u t-tielet nhar ta' Tlieta tax-xahar. Madankollu, f'Awwissu l-ħin għandu jkun il-11.00 (ħin ta' Brussell) fir-raba' nhar ta' Tlieta, u f'Settembru għandu jkun il-11.00 (ħin ta' Brussell) fit-tielet nhar ta' Tlieta, u f'Diċembru għandu jkun il-11.00 (ħin ta' Brussell) fit-tieni nhar ta' Tlieta. Jekk nhar ta' Tlieta jkun festa pubblika l-limitu taż-żmien għandu jkun il-11.00 (ħin ta' Brussell) tal-ġurnata tax-xogħol ta' qabel.”
Artikolu 2
Dan ir-Regolament għandu jidħol fis-seħħ fit-18 ta' Lulju 2018.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Lulju 2018.
Għall-Kummissjoni,
F'isem il-President,
Phil HOGAN
Membru tal-Kummissjoni
(1) ĠU L 347, 20.12.2013, p. 671.
(2) ĠU L 206, 30.7.2016, p. 71.
(3) Ir-Regolament ta' Implimentazzjoni tal-Kummissjoni (UE) 2016/2080 tal-25 ta' Novembru 2016 dwar il-ftuħ tal-bejgħ tat-trab tal-ħalib xkumat permezz ta' proċedura ta' sejħa għall-offerti (ĠU L 321, 29.11.2016, p. 45).
(4) Ir- Regolament ta' Implimentazzjoni tal-Kummissjoni (UE) 2017/472 tal-15 ta' Marzu 2017 li jemenda r-Regolament ta' Implimentazzjoni (UE) 2016/2080 fir-rigward tal-perjodi għat-tressiq tal-offerti (ĠU L 73, 18.3.2017, p. 5).