18.1.2018   

MT

Il-Ġurnal Uffiċjali tal-Unjoni Ewropea

L 13/21

(1)

L-Anness II tar-Regolament (KE) Nru 1333/2008 jistabbilixxi lista tal-Unjoni ta' addittivi tal-ikel approvati għall-użu fl-ikel u l-kundizzjonijiet tal-użu tagħhom.

(2)

Din il-lista tista' tiġi aġġornata skont il-proċedura komuni msemmija fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill (2), fuq inizjattiva tal-Kummissjoni jew wara li ssir applikazzjoni.

(3)

Fit-28 ta' Awwissu 2015 ġiet sottomessa applikazzjoni għall-awtorizzazzjoni għall-użu tal-aċidu fosforiku, tal-fosfati, tad-difosfati, tat-trifosfati u tal-polifosfati (“fosfati”) bħala stabbilizzatur u umidifikant fl-sfiefed vertikali tal-laħam iffriżat li jaqgħu fil-kategorija tal-ikel 08.2 “Preparati tal-ikel hekk kif iddefinit bir-Regolament (KE) Nru 853/2004” fil-Parti E tal-Anness II tar-Regolament (KE) Nru 1333/2008. Imbagħad, l-applikazzjoni saret disponibbli għall-Istati Membri skont l-Artikolu 4 tar-Regolament (KE) Nru 1331/2008.

(4)

L-użu tal-fosfati huwa meħtieġ għall-estrazzjoni u għad-dekompożizzjoni parzjali tal-proteini tal-laħam biex jiffurmaw rita ta' proteini fuq is-sfiefed vertikali tal-laħam biex jgħaqqdu l-biċċiet tal-laħam flimkien biex jiżguraw iffriżar u xiwi omoġenju. Barra minn dan, il-fosfati jiżguraw li l-laħam jibqa' mmerraq waqt li jkun qed jinħall u li s-sfiefed vertikali tal-laħam jibqgħu stabbli. Din in-neċessità teknoloġika ġiet rikonoxxuta għal-laħam iffriżat li jdur fuq sfiefed vertikali magħmul mil-laħam tan-ngħaġ, mil-laħam tal-ħrief, mill-vitella jew miċ-ċanga bi tħawwir likwidu jew minn laħam tat-tjur ittrattat bi tħawwir likwidu jew mingħajru li jintuża waħdu jew f'taħlita kif ukoll imfettet jew ikkapuljat u magħmul biex jiġi mixwi minn operatur tan-negozju tal-ikel. L-istrixxi tal-laħam mixwija perfettament imbagħad jiġu kkunsmati mill-konsumatur finali.

(5)

Skont l-Artikolu 3(2) tar-Regolament (KE) Nru 1331/2008, il-Kummissjoni għandha titlob l-opinjoni tal-Awtorità Ewropea dwar is-Sigurtà fl-Ikel (l-Awtorità) sabiex taġġorna l-lista tal-Unjoni ta' addittivi tal-ikel stabbilita fl-Anness II tar-Regolament (KE) Nru 1333/2008, ħlief meta l-aġġornament inkwistjoni ma jkunx mistenni li jkollu effett fuq saħħet il-bniedem.

(6)

Is-sikurezza tal-fosfati ġiet evalwata mill-Kumitat Xjentifiku dwar l-Ikel li stabbilixxa l-Konsum Massimu Tollerat ta' Kuljum ta' 70 mg għal kull kilogramm ta' piż tal-ġisem espress bħala fosfru (3). Il-fosfati huma awtorizzati bħala addittivi tal-ikel f'varjetà wiesgħa ta' ikel inklużi l-prodotti tal-ikel u ċerti preparati tal-laħam. Għalhekk mhuwiex mistenni li l-estensjoni tal-użu tas-sfiefed vertikali tal-laħam iffriżat se jkollha effett sinifikanti fuq l-esponiment kumplessiv għall-fosfati. Sabiex jiġi limitat esponiment ulterjuri għall-fosfati miżjuda, l-estensjoni tal-użu jenħtieġ li tiġi ristretta biss għall-isfiefed vertikali tal-laħam iffriżat li għalihom ġiet identifikata n-neċessità teknoloġika.

(7)

Minħabba li l-użu estiż ta' dawn l-addittivi jikkostitwixxi aġġornament tal-lista tal-Unjoni li x'aktarx ma jkollux effett fuq is-saħħa tal-bniedem, u ma hemmx għalfejn tintalab l-opinjoni tal-Awtorità.

(8)

L-Anness II tar-Regolament (KE) Nru 1333/2008 għalhekk jenħtieġ li jiġi emendat skont dan.

(9)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,