This document is an excerpt from the EUR-Lex website
Document 32018D1669
Commission Implementing Decision (EU) 2018/1669 of 6 November 2018 repealing Decision 2006/80/EC granting certain Member States the derogation provided for in Article 3(2) of Council Directive 92/102/EEC on the identification and registration of animals (notified under document C(2018) 7239)
Deċiżjoni ta' Implimentazzjoni tal-Kummissjoni (UE) 2018/1669 tas-6 ta' Novembru 2018 li tħassar id-Deċiżjoni 2006/80/KE li tagħti ċerti Stati Membri d-deroga prevista fl-Artikolu 3(2) tad-Direttiva tal-Kunsill 92/102/KEE dwar l-identifikazzjoni u r-reġistrazzjoni tal-annimali (notifikata bid-dokument C(2018) 7239)
Deċiżjoni ta' Implimentazzjoni tal-Kummissjoni (UE) 2018/1669 tas-6 ta' Novembru 2018 li tħassar id-Deċiżjoni 2006/80/KE li tagħti ċerti Stati Membri d-deroga prevista fl-Artikolu 3(2) tad-Direttiva tal-Kunsill 92/102/KEE dwar l-identifikazzjoni u r-reġistrazzjoni tal-annimali (notifikata bid-dokument C(2018) 7239)
C/2018/7239
ĠU L 278, 8.11.2018, p. 28–28
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 07/11/2018
|
8.11.2018 |
MT |
Il-Ġurnal Uffiċjali tal-Unjoni Ewropea |
L 278/28 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/1669
tas-6 ta' Novembru 2018
li tħassar id-Deċiżjoni 2006/80/KE li tagħti ċerti Stati Membri d-deroga prevista fl-Artikolu 3(2) tad-Direttiva tal-Kunsill 92/102/KEE dwar l-identifikazzjoni u r-reġistrazzjoni tal-annimali
(notifikata bid-dokument C(2018) 7239)
(It-testi biċ-Ċek, bil-Franċiż, bit-Taljan, bil-Portugiż, bis-Slovakk u bis-Sloven biss huma awtentiċi)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2008/71/KE tal-15 ta' Lulju 2008 dwar l-identifikazzjoni u r-reġistrazzjoni tal-ħnieżer (1), u b'mod partikolari l-Artikolu 3(2) tagħha,
Billi:
|
(1) |
Id-Direttiva 2008/71/KE tistabbilixxi r-rekwiżiti minimi għall-identifikazzjoni u r-reġistrazzjoni tal-ħnieżer. |
|
(2) |
Skont l-Artikolu 3(1) tad-Direttiva 2008/71/KE, l-Istati Membri jeħtieġu jiżguraw li l-awtorità kompetenti jkollha lista aġġornata tal-azjendi kollha li jżommu l-annimali koperti b'dik id-Direttiva u li jinsabu fit-territorju tagħhom. |
|
(3) |
L-Artikolu 3(2) tad-Direttiva 2008/71/KE jagħti l-possibilità li l-Istati Membri jiġu awtorizzati li jeskludu mil-lista tal-azjendi meħtieġa mill-Artikolu 3(1) ta' dik id-Direttiva, il-persuni fiżiċi li jrabbu ħanżir wieħed għall-użu jew għall-konsum personali tagħhom, sakemm dak l-annimal ikun soġġett għall-kontrolli stabbiliti f'dik id-Direttiva qabel kwalunkwe moviment. |
|
(4) |
Id-Deċiżjoni tal-Kummissjoni 2006/80/KE (2) tawtorizza lir-Repubblika Ċeka, lil Franza, lill-Italja, lill-Portugal, lis-Slovenja u lis-Slovakkja biex japplikaw id-deroga issa prevista fl-Artikolu 3(2) tad-Direttiva 2008/71/KE fir-rigward tal-azjendi b'ħanżir wieħed. Ir-Repubblika Ċeka, Franza, l-Italja, il-Portugal, is-Slovenja u s-Slovakkja kkonfermaw li ma għadhomx japplikaw id-deroga prevista fl-Artikolu 3(2) tad-Direttiva 2008/71/KE fir-rigward tal-azjendi b'ħanżir wieħed. |
|
(5) |
Għaldaqstant, jenħtieġ li d-Deċiżjoni 2006/80/KE titħassar. |
|
(6) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Id-Deċiżjoni 2006/80/KE titħassar.
Artikolu 2
Din id-Deċiżjoni hija indirizzata lir-Repubblika Ċeka, lir-Repubblika Franċiża, lir-Repubblika Taljana, lir-Repubblika Portugiża, lir-Repubblika tas-Slovenja u lir-Repubblika Slovakka.
Magħmul fi Brussell, is-6 ta' Novembru 2018.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 213, 8.8.2008, p. 31.
(2) Id-Deċiżjoni tal-Kummissjoni 2006/80/KE tal-1 ta' Frar 2006 li tagħti ċerti Stati Membri d-deroga prevista fl-Artikolu 3(2) tad-Direttiva tal-Kunsill 92/102/KEE dwar l-identifikazzjoni u r-reġistrazzjoni tal-annimali (ĠU L 36, 8.2.2006, p. 50).