13.2.2018   

MT

Il-Ġurnal Uffiċjali tal-Unjoni Ewropea

L 39/5

(1)

Id-Direttiva tal-Kunsill 91/676/KEE tistipula regoli dwar il-protezzjoni tal-ilma kontra t-tniġġis ikkawżat min-nitrati minn sorsi agrikoli. Jekk l-ammont ta' demel li Stat Membru jkun beħsiebu japplika għal kull ettaru fis-sena jkun differenti minn dak speċifikat fl-ewwel sentenza tat-tieni subparagrafu tal-paragrafu 2 tal-Anness III tad-Direttiva msemmija, dak l-ammont ta' demel għandu jiġi stabbilit b'mod li ma jippreġudikax il-kisba tal-għanijiet speċifikati fl-Artikolu 1 tad-Direttiva 91/676/KEE, u għandu jkun iġġustifikat abbażi ta' kriterji oġġettivi, bħal staġuni twal tat-tkabbir jew għelejjel b'rata għolja ta' assorbiment tan-nitroġenu.

(2)

Fit-22 ta' Ottubru 2007, il-Kummissjoni adottat id-Deċiżjoni 2007/697/KE (2) li tagħti deroga mitluba mill-Irlanda skont id-Direttiva 91/676/KEE biex tippermetti l-applikazzjoni ta' demel tal-bhejjem sa limitu ta' 250 kg ta' nitroġenu għal kull ettaru fis-sena, skont ċerti kundizzjonijiet, f'azjendi agrikoli b'tal-anqas 80 % ta' bwar, fil-kuntest tal-Programm ta' Azzjoni Irlandiż kif implimentat fir-Regolamenti tal-Komunitajiet Ewropej (Metodi ta' Biedja Għaqlija għall-Ħarsien tal-Ilmijiet) tal-2006 (Strument Statutorju Nru 378 tal-2006).

(3)

Fl-24 ta' Frar 2011, il-Kummissjoni adottat id-Deċiżjoni 2011/127/UE (3), li temenda d-Deċiżjoni 2007/697/KE u li testendi d-deroga sal-31 ta' Diċembru 2013, fil-kuntest tal-Programm ta' Azzjoni Irlandiż kif implimentat fir-Regolamenti tal-Komunitajiet Ewropej (Metodi ta' Biedja Għaqlija għall-Ħarsien tal-Ilmijiet) tal-2010 (Strument Statutorju Nru 610 tal-2010).

(4)

Fis-27 ta' Frar 2014, il-Kummissjoni adottat id-Deċiżjoni 2014/112/UE (4) li tagħti deroga mitluba mill-Irlanda skont id-Direttiva 91/676/KEE biex tippermetti l-applikazzjoni ta' demel tal-bhejjem sa limitu ta' 250 kg ta' nitroġenu għal kull ettaru fis-sena, skont ċerti kundizzjonijiet, f'azjendi b'tal-anqas 80 % ta' bwar, fil-kuntest tal-Programm ta' Azzjoni Irlandiż kif implimentat fir-Regolamenti tal-Komunitajiet Ewropej (Metodi ta' Biedja Għaqlija għall-Ħarsien tal-Ilmijiet) tal-2014 (Strument Statutorju Nru 31 tal-2014). Id-Deċiżjoni 2014/112/UE skadiet fil-31 ta' Diċembru 2017.

(5)

Id-deroga mogħtija bid-Deċiżjoni 2014/112/UE kienet tikkonċerna 6 802 azjenda agrikola fl-2016, li jikkorrispondu għal madwar 5,4 % tal-għadd totali ta' azjendi b'annimali li jirgħu, 20,2 % tal-għadd totali ta' unitajiet ta' bhejjem u 9,3 % tat-total nett ta' żoni agrikoli fl-Irlanda.

(6)

Fis-7 ta' Marzu 2017, l-Irlanda ressqet talba lill-Kummissjoni għal estensjoni tad-deroga skont it-tielet subparagrafu tal-paragrafu 2 tal-Anness III tad-Direttiva 91/676/KEE.

(7)

F'konformità mal-Artikolu 3(5) tad-Direttiva 91/676/KEE, l-Irlanda timplimenta programm ta' azzjoni fit-territorju kollu tagħha.

(8)

Id-dejta pprovduta mill-Irlanda fil-kuntest tal-obbligu ta' rappurtar kif rikjest mill-Artikolu 10 tad-Direttiva 91/676/KEE turi li, għall-perjodu 2012-2015, l-ilmijiet huma ġeneralment ta' kwalità tajba. L-istazzjonijiet ta' monitoraġġ kollha għall-ilma tal-pjan fl-Irlanda kellhom konċentrazzjonijiet medji tan-nitrati taħt il-50 mg/l, u 87 % minn dawk l-istazzjonijiet ta' monitoraġġ kellhom konċentrazzjonijiet medji tan-nitrati taħt il-25 mg/l. L-istazzjonijiet ta' monitoraġġ kollha għall-ilma tal-wiċċ fl-Irlanda kellhom konċentrazzjonijiet medji tan-nitrati taħt l-40 mg/l, u 99,5 % minn dawk l-istazzjonijiet ta' monitoraġġ kellhom konċentrazzjonijiet medji tan-nitrati taħt il-25 mg/l.

(9)

F'dawn l-aħħar snin l-għadd ta' bhejjem fl-Irlanda żdied. L-għadd ta' bhejjem tal-ifrat, ħnieżer u nagħaġ żdied rispettivament b'3,8 %, 3,7 % u 5,1 % mill-perjodu 2008-2011 sal-perjodu 2012-2015; dawn iż-żidiet ireġġgħu lura t-tnaqqis li ġie osservat fil-perjodu ta' rappurtar preċedenti. Il-piż medju ta' nitroġenu mid-demel tal-bhejjem fil-perjodu 2012-2015 kien ta' 104 kg/ha, simili għal dak tal-perjodu 2008-2011. Il-piż medju ta' fosforu mid-demel tal-bhejjem fil-perjodu 2012-2015 kien ta' 15 kg/ha, simili għal dak tal-perjodu 2008-2011 ukoll. L-użu medju tal-fertilizzant kimiku N naqas b'5 % fil-perjodu 2012-2015 meta mqabbel mal-perjodu 2008-2011. L-użu medju tal-fertilizzant kimiku P naqas b'32,7 % fil-perjodu 2012-2015 meta mqabbel mal-perjodu 2008-2011. Madankollu, l-użu medju tal-fertilizzant kimiku P fil-perjodu 2012-2015 kien għadu 9,5 % inqas meta mqabbel mal-użu medju tal-istess fertilizzant fil-perjodu 2004-2008 (5).

(10)

Fl-Irlanda, 92 % tal-art agrikola hija ddedikata għall-bwar. B'mod ġenerali, fl-azjendi tal-bwar, 50 % tal-art hija maħduma b'mod estensiv u għaldaqstant għandha densità tal-għelejjel u użu ta' fertilizzanti relattivament baxxi, 21 % tinħadem skont il-programmi agroambjentali, u 9,3 % biss tinħadem b'mod intensiv. 8 % tintuża bħala raba' maħdum. L-użu medju ta' fertilizzant kimiku fil-bwar huwa ta' 80 kg/ha ta' nitroġenu u 8 kg/ha ta' fosforu (5).

(11)

Il-klima Irlandiża, li hija kkaratterizzata minn kwantità annwali ta' xita mqassma b'mod indaqs matul is-sena u varjazzjoni relattivament żgħira fit-temperatura annwali, tiffavorixxi staġun twil ta' tkabbir tal-bwar li jvarja minn 330 jum fis-sena fil-parti tal-Lbiċ sa madwar 250 jum fis-sena fil-parti tal-Grigal (6).

(12)

Wara li eżaminat it-talba mill-Irlanda skont it-tielet subparagrafu tal-paragrafu 2 tal-Anness III tad-Direttiva 91/676/KEE, u fid-dawl tal-Programm ta' Azzjoni Irlandiż u tal-esperjenza miksuba mid-deroga prevista fid-Deċiżjonijiet 2007/697/KE u 2014/112/UE, il-Kummissjoni tqis li l-ammont ta' demel propost mill-Irlanda, li jikkorrispondi għal 250 kg ta' nitroġenu għal kull ettaru fis-sena, mhux se jkun ta' ħsara għall-kisba tal-għanijiet tad-Direttiva 91/676/KEE, sakemm ikunu ssodisfati ċerti kundizzjonijiet individwali stretti li għandhom japplikaw għall-bdiewa koperti mill-awtorizzazzjoni.

(13)

It-tagħrif ta' sostenn ippreżentat mill-Irlanda juri li l-ammont propost ta' 250 kg ta' nitroġenu għal kull ettaru fis-sena għal azjendi b'tal-anqas 80 % ta' bwar huwa ġġustifikat abbażi ta' kriterji oġġettivi, bħal staġuni twal ta' tkabbir jew il-produttività għolja ta' ħaxix b'assorbiment għoli tan-nitroġenu.

(14)

Id-Deċiżjoni 2014/112/UE se tiskadi fil-31 ta' Diċembru 2017. Sabiex jiġi żgurat li l-bdiewa kkonċernati jkunu jistgħu jibqgħu jibbenefikaw mid-deroga, jixraq li din id-Direttiva tiġi adottata.

(15)

Il-miżuri previsti f'din id-Deċiżjoni huma skont l-opinjoni tal-Kumitat dwar in-Nitrati mwaqqaf skont l-Artikolu 9 tad-Direttiva 91/676/KEE,

(a)

“azjendi tal-bwar” tfisser azjendi agrikoli fejn 80 % jew aktar taż-żoni agrikoli disponibbli għall-applikazzjoni tad-demel tkun ħaxix

(b)

“bhejjem li jirgħu” tfisser bhejjem tal-ifrat (għajr għall-għoġġiela tal-vitella), nagħaġ, ċriev, mogħoż u żwiemel

(c)

“ħaxix” tfisser bwar permanenti jew bwar temporanji (“temporanji” timplika art li tkun miżrugħa bil-ħaxix għal anqas minn erba' snin)

(d)

“roqgħa” tfisser għalqa individwali jew grupp ta' għelieqi, li huma omoġenji fir-rigward tal-kultivazzjoni, it-tip ta' ħamrija u l-prattiki ta' fertilizzazzjoni

(e)

“pjan ta' fertilizzazzjoni” tfisser kalkolu minn qabel dwar l-użu ppjanat u d-disponibbiltà tan-nutrijenti

(f)

“kont tal-fertilizzazzjoni” tfisser il-bilanċ tan-nutrijenti abbażi tal-użu reali u l-assorbiment tan-nutrijenti.

(a)

il-pjan tan-newba tal-għelejjel, li għandu jispeċifika d-daqs tal-irqajja' bil-ħaxix u tal-irqajja' b'għelejjel oħra, inkluż skizz ta' mappa li tindika l-lok tal-irqajja' individwali

(b)

l-għadd ta' bhejjem fl-azjenda tal-bwar, u deskrizzjoni tal-post fejn jinżammu u tas-sistema tal-ħżin tad-demel, inkluż il-volum ta' ħżin ta' demel disponibbli

(c)

kalkolu tan-nitroġenu u tal-fosforu fid-demel prodotti fuq l-azjenda tal-bwar

(d)

l-ammont, it-tip u l-karatteristiki tad-demel imwassal barra jew lejn l-azjenda tal-bwar

(e)

ir-rekwiżiti prevedibbli għall-għelejjel tan-nitroġenu u l-fosforu għal kull roqgħa

(f)

ir-riżultati tal-analiżi tal-ħamrija b'rabta mal-istatus tan-nitroġenu u tal-fosforu fil-ħamrija, jekk ikunu disponibbli

(g)

in-natura tal-fertilizzant li jkun se jintuża

(h)

kalkolu tal-użu tan-nitroġenu u tal-fosforu mid-demel għal kull roqgħa

(i)

kalkolu tal-użu tan-nitroġenu u tal-fosforu minn fertilizzanti kimiċi u fertilizzanti oħrajn għal kull roqgħa.

(a)

mapep li juru l-perċentwal ta' azjendi tal-bwar, il-perċentwal ta' bhejjem u l-perċentwal ta' art agrikola koperta minn awtorizzazzjonijiet għal kull County (kontea), kif ukoll mapep dwar l-użu lokali tal-art, kif imsemmi fl-Artikolu 8(1)

(b)

ir-riżultati tal-monitoraġġ tal-ilma tal-pjan u tal-wiċċ, fir-rigward tal-konċentrazzjonijiet tan-nitrati, inkluż informazzjoni dwar ix-xejriet fil-kwalità tal-ilma, kemm taħt kundizzjonijiet ta' deroga u kemm mingħajr kundizzjonijiet ta' deroga, flimkien mal-impatt tad-deroga mogħtija f'din id-Deċiżjoni fuq il-kwalità tal-ilma, kif imsemmi fl-Artikolu 8(2)

(c)

ir-riżultati tal-monitoraġġ tal-ħamrija fir-rigward tal-konċentrazzjonijiet tan-nitroġenu u tal-fosforu fl-ilma tal-ħamrija u fir-rigward tan-nitroġenu minerali fil-profil tal-ħamrija, kemm taħt kundizzjonijiet ta' deroga u kemm mingħajr kundizzjonijiet ta' deroga, kif imsemmi fl-Artikolu 8(2);

(d)

sommarju u valutazzjoni tad-dejta miksuba mill-monitoraġġ imsaħħaħ tal-ilma, kif imsemmi fl-Artikolu 8(3)

(e)

ir-riżultati tal-istħarriġ dwar l-użu lokali tal-art, in-newba tal-għelejjel u l-prattiki agrikoli, kif imsemmi fl-Artikolu 8(4)

(f)

ir-riżultati tal-kalkoli abbażi ta' mudelli ta' kemm hu kbir it-telf tan-nitroġenu u tal-fosforu, kif imsemmi fl-Artikolu 8(5)

(g)

valutazzjoni tal-implimentazzjoni tal-kundizzjonijiet għall-awtorizzazzjoni abbażi tar-riżultati tal-kontrolli amministrattivi u l-ispezzjonijiet fuq il-post, kif imsemmi fl-Artikolu 9(1) u (2)

(h)

analiżi komparattiva tal-kontrolli tal-azjendi tal-bwar fl-Irlanda koperti minn awtorizzazzjonijiet, kif ukoll dawk mhux koperti minn awtorizzazzjonijiet. L-analiżi għandha tinkludi dejta dwar l-ispezzjonijiet annwali, il-verifiki amministrattivi, l-ispezzjonijiet agrikoli fil-kuntest tal-arranġamenti ta' kundizzjonalità, u statistika dwar in-nuqqas ta' konformità.